Padma Purana — Patala Khanda — Chapter 20
PdP 5 20.1
सुमतिरुवाच। अथ प्रयाते भूपाले सर्वलोकसमन्विते । महाभागैर्वैष्णवैश्च गायकैः कृष्णकीर्तनम्
sumatiruvāca| atha prayāte bhūpāle sarvalokasamanvite | mahābhāgairvaiṣṇavaiśca gāyakaiḥ kṛṣṇakīrtanam
Sumati said: Then, when the king had set out accompanied by all the people, the singing of Kṛṣṇa's praises (was performed) by the greatly blessed Vaiṣṇavas and by the singers.
AI translation rendered from the Sanskrit, not a published edition
PdP 5 20.2
शुश्रावासौ महाराजो मार्गे गोविंदकीर्तनम् । जय माधव भक्तानां शरण्य पुरुषोत्तम
śuśrāvāsau mahārājo mārge goviṃdakīrtanam | jaya mādhava bhaktānāṃ śaraṇya puruṣottama
That great king heard on the road the singing of Govinda's praises: "Victory to you, Mādhava, refuge of the devotees, Supreme Person!"
AI translation rendered from the Sanskrit, not a published edition
PdP 5 20.3
मार्गे तीर्थान्यनेकानि कुर्वन्पश्यन्महोदयम् । तापसब्राह्मणात्तेषां महिमानमथा शृणोत्
mārge tīrthānyanekāni kurvanpaśyanmahodayam | tāpasabrāhmaṇātteṣāṃ mahimānamathā śṛṇot
Along the road, performing (rites at) many sacred fords and seeing (their) great splendour, he then heard their greatness from an ascetic brāhmaṇa.
AI translation rendered from the Sanskrit, not a published edition
PdP 5 20.4
विचित्रविष्णुवार्ताभिर्विनोदितमना नृपः । मार्गेमार्गे महाविष्णुं गापयामास गायकान्
vicitraviṣṇuvārtābhirvinoditamanā nṛpaḥ | mārgemārge mahāviṣṇuṃ gāpayāmāsa gāyakān
The king, his mind delighted by the wondrous tales of Viṣṇu, had the singers sing of the great Viṣṇu on road after road.
AI translation rendered from the Sanskrit, not a published edition
PdP 5 20.5
दीनांधकृपणानां च पंगूनां वासनोचितम् । दानं ददौ महाराजो बुद्धिमान्विजितेंद्रियः
dīnāṃdhakṛpaṇānāṃ ca paṃgūnāṃ vāsanocitam | dānaṃ dadau mahārājo buddhimānvijiteṃdriyaḥ
And to the wretched, the blind, the destitute and the lame the great king, wise and with senses subdued, gave gifts suited to their desire.
AI translation rendered from the Sanskrit, not a published edition
PdP 5 20.6
अनेकतीर्थविरजमात्मानं भव्यतां गतम् । कुर्वन्ययौ स्वीयलोकैर्हरिध्यानपरायणः
anekatīrthavirajamātmānaṃ bhavyatāṃ gatam | kurvanyayau svīyalokairharidhyānaparāyaṇaḥ
Making himself cleansed of dust by many sacred fords and brought to auspiciousness, he went on with his own people, wholly devoted to meditation on Hari.
AI translation rendered from the Sanskrit, not a published edition
PdP 5 20.7
नृपो गच्छन्ददर्शाग्रे नदीं पापप्रणाशिनीम् । चक्रांकितग्रावयुतां मुनिमानस निर्मलाम्
nṛpo gacchandadarśāgre nadīṃ pāpapraṇāśinīm | cakrāṃkitagrāvayutāṃ munimānasa nirmalām
As he went, the king saw before him a river that destroys sins, filled with stones marked with the discus, spotless as the mind of a sage,
AI translation rendered from the Sanskrit, not a published edition
PdP 5 20.8
अनेकमुनिवृंदानां बहुश्रेणिविराजिताम् । सारसादिपतत्रीणां कूजितैरुपशोभिताम्
anekamunivṛṃdānāṃ bahuśreṇivirājitām | sārasādipatatrīṇāṃ kūjitairupaśobhitām
resplendent with the many rows of numerous throngs of sages, and made lovely by the calls of birds such as cranes.
AI translation rendered from the Sanskrit, not a published edition
PdP 5 20.9
दृष्ट्वा पप्रच्छ विप्राग्र्यं तापसं धर्मकोविदम् । अनेकतीर्थमाहात्म्य विशेषज्ञानजृंभितम्
dṛṣṭvā papraccha viprāgryaṃ tāpasaṃ dharmakovidam | anekatīrthamāhātmya viśeṣajñānajṛṃbhitam
Having seen (it), he asked a foremost brāhmaṇa, an ascetic well versed in dharma, expansive with the special knowledge of the greatness of many sacred fords:
AI translation rendered from the Sanskrit, not a published edition
PdP 5 20.10
स्वामिन्केयं नदी पुण्या मुनिवृन्दनिषेविता । करोति मम चित्तस्य प्रमोदभरनिर्भरम्
svāminkeyaṃ nadī puṇyā munivṛndaniṣevitā | karoti mama cittasya pramodabharanirbharam
"Lord, which is this holy river, frequented by throngs of sages? It fills my heart utterly with a flood of delight."
AI translation rendered from the Sanskrit, not a published edition
PdP 5 20.11
इति श्रुत्वा वचस्तस्य राजराजस्य धीमतः । वक्तुं प्रचक्रमे विद्वांस्तीर्थमाहात्म्यमुत्तमम्
iti śrutvā vacastasya rājarājasya dhīmataḥ | vaktuṃ pracakrame vidvāṃstīrthamāhātmyamuttamam
Having heard this speech of that wise king of kings, the learned man began to tell the excellent greatness of the sacred ford.
AI translation rendered from the Sanskrit, not a published edition
PdP 5 20.12
ब्राह्मण उवाच। गंडकीयं नदी राजन्सुरासुरनिषेविता । पुण्योदकपरीवाह हतपातकसंचया
brāhmaṇa uvāca| gaṃḍakīyaṃ nadī rājansurāsuraniṣevitā | puṇyodakaparīvāha hatapātakasaṃcayā
The brāhmaṇa said: This river, O king, is the Gaṇḍakī, frequented by gods and demons; with the flood of its holy water it destroys the accumulation of sins.
AI translation rendered from the Sanskrit, not a published edition
PdP 5 20.13
दर्शनान्मानसं पापं स्पर्शनात्कर्मजं दहेत् । वाचिकं स्वीय तोयस्य पानतः पापसंचयम्
darśanānmānasaṃ pāpaṃ sparśanātkarmajaṃ dahet | vācikaṃ svīya toyasya pānataḥ pāpasaṃcayam
By its sight it would burn away sin of the mind, by its touch sin born of action, and by the drinking of its water sin of speech and the whole accumulation of sin.
AI translation rendered from the Sanskrit, not a published edition
PdP 5 20.14
पुरा दृष्ट्वा प्रजानाथः प्रजाः सर्वा विपावनीः । स्वगंडविप्रुषोनेक पापघ्नीं सृष्टवानिमाम्
purā dṛṣṭvā prajānāthaḥ prajāḥ sarvā vipāvanīḥ | svagaṃḍavipruṣoneka pāpaghnīṃ sṛṣṭavānimām
Long ago the Lord of creatures, seeing all creatures, created this (river), purifying and destroying many sins, from a drop from his own cheek.
AI translation rendered from the Sanskrit, not a published edition — the model flagged this verse as uncertain
PdP 5 20.15
एनां नदीं ये पुण्योदां स्पृशंति सुतरंगिणीम् । ते गर्भभाजो नैव स्युरपि पापकृतो नराः
enāṃ nadīṃ ye puṇyodāṃ spṛśaṃti sutaraṃgiṇīm | te garbhabhājo naiva syurapi pāpakṛto narāḥ
Those men who touch this river of holy water, with its lovely waves — even if they have done evil, they will never come to be in a womb (again).
AI translation rendered from the Sanskrit, not a published edition
PdP 5 20.16
अस्यां भवा ये चाश्मानश्चक्रचिह्नैरलंकृताः । ते साक्षाद्भगवंतो हि स्वस्वरूपधराः पराः
asyāṃ bhavā ye cāśmānaścakracihnairalaṃkṛtāḥ | te sākṣādbhagavaṃto hi svasvarūpadharāḥ parāḥ
And those stones that arise in it, adorned with the mark of the discus — they are indeed the Blessed Lords themselves, supreme, bearing their own forms.
AI translation rendered from the Sanskrit, not a published edition
PdP 5 20.17
शिलां संपूजयेद्यस्तु नित्यं चक्रयुतां नरः । न जातु स जनन्या वै जठरं समुपाविशेत्
śilāṃ saṃpūjayedyastu nityaṃ cakrayutāṃ naraḥ | na jātu sa jananyā vai jaṭharaṃ samupāviśet
But the man who constantly worships a stone bearing the discus mark shall never again enter a mother's womb.
AI translation rendered from the Sanskrit, not a published edition
PdP 5 20.18
पूजयेद्यो नरो धीमाञ्छालग्रामशिलां वराम् । तेनाचारवता भाव्यं दंभलोभवियोगिना
pūjayedyo naro dhīmāñchālagrāmaśilāṃ varām | tenācāravatā bhāvyaṃ daṃbhalobhaviyoginā
The wise man who would worship the excellent śālagrāma stone must be one of good conduct, free from hypocrisy and greed.
AI translation rendered from the Sanskrit, not a published edition
PdP 5 20.19
परदार परद्रव्यविमुखेन नरेण हि । पूजनीयः प्रयत्नेन शालग्रामः सचक्रकः
paradāra paradravyavimukhena nareṇa hi | pūjanīyaḥ prayatnena śālagrāmaḥ sacakrakaḥ
Indeed, the śālagrāma with its discus must be worshipped diligently by a man who has turned away from others' wives and others' property.
AI translation rendered from the Sanskrit, not a published edition
PdP 5 20.20
द्वारवत्यां भवं चक्रं शिला वै गंडकीभवा । पुंसां क्षणाद्धरत्येव पापं जन्मशतार्जितम्
dvāravatyāṃ bhavaṃ cakraṃ śilā vai gaṃḍakībhavā | puṃsāṃ kṣaṇāddharatyeva pāpaṃ janmaśatārjitam
The discus (mark) arising in Dvāravatī and the stone arising in the Gaṇḍakī remove in an instant the sin men have accumulated in a hundred births.
AI translation rendered from the Sanskrit, not a published edition
PdP 5 20.21
अपि पापसहस्राणां कर्ता तावन्नरो भवेत् । शालग्रामशिलातोयं पीत्वा पूतो भवेत्क्षणात्
api pāpasahasrāṇāṃ kartā tāvannaro bhavet | śālagrāmaśilātoyaṃ pītvā pūto bhavetkṣaṇāt
Even were a man the doer of thousands of sins, having drunk the water of the śālagrāma stone he becomes pure in an instant.
AI translation rendered from the Sanskrit, not a published edition
PdP 5 20.22
ब्राह्मणः क्षत्रियो वैश्यः शूद्रो वेदपथि स्थितः । शालग्रामं पूजयित्वा गृहस्थो मोक्षमाप्नुयात्
brāhmaṇaḥ kṣatriyo vaiśyaḥ śūdro vedapathi sthitaḥ | śālagrāmaṃ pūjayitvā gṛhastho mokṣamāpnuyāt
A brahmin, a kṣatriya, a vaiśya, or a śūdra who stands on the path of the Veda—a householder, having worshipped the śālagrāma, would attain liberation.
AI translation rendered from the Sanskrit, not a published edition
PdP 5 20.23
न जातु चित्स्त्रिया कार्यं शालग्रामस्य पूजनम् । भर्तृहीनाथ सुभगा स्वर्गलोकहितैषिणी
na jātu citstriyā kāryaṃ śālagrāmasya pūjanam | bhartṛhīnātha subhagā svargalokahitaiṣiṇī
Never at all is the worship of the śālagrāma to be performed by a woman—neither by one without a husband nor by a fortunate (married) one who seeks the good of the heavenly world.
AI translation rendered from the Sanskrit, not a published edition
PdP 5 20.24
मोहात्स्पृष्ट्वापि महिला जन्मशीलगुणान्विता । हित्वा पुण्यसमूहं सा सत्वरं नरकं व्रजेत्
mohātspṛṣṭvāpi mahilā janmaśīlaguṇānvitā | hitvā puṇyasamūhaṃ sā satvaraṃ narakaṃ vrajet
Even a woman endowed with (good) birth, character and virtues, if out of delusion she touches (it), forfeits her whole store of merit and swiftly goes to hell.
AI translation rendered from the Sanskrit, not a published edition
PdP 5 20.25
स्त्रीपाणिमुक्तपुष्पाणि शालग्रामशिलोपरि । पवेरधिकपातानि वदंति ब्राह्मणोत्तमाः
strīpāṇimuktapuṣpāṇi śālagrāmaśilopari | paveradhikapātāni vadaṃti brāhmaṇottamāḥ
The best of brahmins say that flowers dropped by a woman's hand upon the śālagrāma stone are falls (of things) worse than ... (?).
AI translation rendered from the Sanskrit, not a published edition — the model flagged this verse as uncertain
PdP 5 20.26
चंदनं विषसंकाशं कुसुमं वज्रसंनिभम् । नैवेद्यं कालकूटाभं भवेद्भगवतः कृतम्
caṃdanaṃ viṣasaṃkāśaṃ kusumaṃ vajrasaṃnibham | naivedyaṃ kālakūṭābhaṃ bhavedbhagavataḥ kṛtam
The sandal paste becomes like poison, the flower like a thunderbolt, the food-offering like the kālakūṭa venom, when done (thus) for the Lord.
AI translation rendered from the Sanskrit, not a published edition
PdP 5 20.27
तस्मात्सर्वात्मना त्याज्यं स्त्रिया स्पर्शः शिलोपरि । कुर्वती याति नरकं यावदिंद्राश्चतुर्दश
tasmātsarvātmanā tyājyaṃ striyā sparśaḥ śilopari | kurvatī yāti narakaṃ yāvadiṃdrāścaturdaśa
Therefore a woman's touch upon the stone is to be avoided with one's whole being; she who does it goes to hell for as long as fourteen Indras (reign).
AI translation rendered from the Sanskrit, not a published edition
PdP 5 20.28
अपि पापसमाचारो ब्रह्महत्यायुतोऽपि वा । शालग्रामशिलातोयं पीत्वा याति परां गतिम्
api pāpasamācāro brahmahatyāyuto'pi vā | śālagrāmaśilātoyaṃ pītvā yāti parāṃ gatim
Even one whose conduct is sinful, or one guilty of brahmin-murder, having drunk the water of the śālagrāma stone goes to the supreme state.
AI translation rendered from the Sanskrit, not a published edition
PdP 5 20.29
तुलसीचंदनं वारि शंखो घंटाथ चक्रकम् । शिला ताम्रस्य पात्रं तु विष्णोर्नामपदामृतम्
tulasīcaṃdanaṃ vāri śaṃkho ghaṃṭātha cakrakam | śilā tāmrasya pātraṃ tu viṣṇornāmapadāmṛtam
Tulasī, sandal, water, the conch, the bell, the discus (stone), the stone, a copper vessel, and the name of Viṣṇu—(these constitute) the nectar of (his) feet.
AI translation rendered from the Sanskrit, not a published edition — the model flagged this verse as uncertain
PdP 5 20.30
पदामृतं तु नवभिः पापराशिप्रदाहकम् । वदंति मुनयः शांताः सर्वशास्त्रार्थकोविदाः
padāmṛtaṃ tu navabhiḥ pāparāśipradāhakam | vadaṃti munayaḥ śāṃtāḥ sarvaśāstrārthakovidāḥ
The tranquil sages, expert in the meaning of all the scriptures, declare that the foot-nectar, (made) with these nine, burns up the whole heap of sin.
AI translation rendered from the Sanskrit, not a published edition
PdP 5 20.31
सर्वतीर्थपरिस्नानात्सर्वक्रतुसमर्चनात् । पुण्यं भवति यद्राजन्बिंदौ बिंदौ तदद्भुतम्
sarvatīrthaparisnānātsarvakratusamarcanāt | puṇyaṃ bhavati yadrājanbiṃdau biṃdau tadadbhutam
Whatever merit arises from bathing at all sacred fords and from performing all sacrifices—that, O king, is wonderfully present in drop after drop (of it).
AI translation rendered from the Sanskrit, not a published edition
PdP 5 20.32
शालग्रामशिला यत्र पूज्यते पुरुषोत्तमैः । तत्र योजनमात्रं तु तीर्थकोटिसमन्वितम्
śālagrāmaśilā yatra pūjyate puruṣottamaiḥ | tatra yojanamātraṃ tu tīrthakoṭisamanvitam
Where the śālagrāma stone is worshipped by the best of men, there a whole yojana is endowed with ten million sacred fords.
AI translation rendered from the Sanskrit, not a published edition
PdP 5 20.33
शालग्रामाः समाः पूज्याः समेषु द्वितयं नहि । विषमा एव संपूज्या विषमेषु त्रयं नहि
śālagrāmāḥ samāḥ pūjyāḥ sameṣu dvitayaṃ nahi | viṣamā eva saṃpūjyā viṣameṣu trayaṃ nahi
Śālagrāmas are to be worshipped in even numbers, but not two among the even ones; or else only odd numbers are to be worshipped, but not three among the odd ones.
AI translation rendered from the Sanskrit, not a published edition
PdP 5 20.34
द्वारावती भवं चक्रं तथा वै गंडकीभवम् । उभयोः संगमो यत्र तत्र गंगा समुद्रगा
dvārāvatī bhavaṃ cakraṃ tathā vai gaṃḍakībhavam | ubhayoḥ saṃgamo yatra tatra gaṃgā samudragā
The discus (stone) arising in Dvāravatī and likewise that arising in the Gaṇḍakī—where the two are joined together, there is the Gaṅgā flowing to the sea.
AI translation rendered from the Sanskrit, not a published edition
PdP 5 20.35
रूक्षाः कुर्वंति पुरुषा नायुः श्रीबलवर्जितान् । तस्मात्स्निग्धा मनोहारि रूपिण्यो ददति श्रियम्
rūkṣāḥ kurvaṃti puruṣā nāyuḥ śrībalavarjitān | tasmātsnigdhā manohāri rūpiṇyo dadati śriyam
Rough (stones) render men bereft of long life, prosperity and strength; therefore smooth ones, of pleasing form, bestow prosperity.
AI translation rendered from the Sanskrit, not a published edition
PdP 5 20.36
आयुष्कामो नरो यस्तु धनकामो हि यः पुमान् । पूजयन्सर्वमाप्नोति पारलौकिकमैहिकम्
āyuṣkāmo naro yastu dhanakāmo hi yaḥ pumān | pūjayansarvamāpnoti pāralaukikamaihikam
The man who desires long life, and the man who desires wealth—by worshipping, he obtains everything, both of the next world and of this.
AI translation rendered from the Sanskrit, not a published edition
PdP 5 20.37
प्राणांतकाले पुंसस्तु भवेद्भाग्यवतो नृप । वाचि नाम हरेः पुण्यं शिला हृदि तदंतिके
prāṇāṃtakāle puṃsastu bhavedbhāgyavato nṛpa | vāci nāma hareḥ puṇyaṃ śilā hṛdi tadaṃtike
But at the hour when the breath departs, O king, for a fortunate man it comes about that the holy name of Hari is on his tongue, and the (śālagrāma) stone is at his breast, close by him.
AI translation rendered from the Sanskrit, not a published edition
PdP 5 20.38
गच्छत्सु प्राणमार्गेषु यस्य विश्रंभतोऽपि चेत् । शालग्रामशिला स्फूर्तिस्तस्य मुक्तिर्न संशयः
gacchatsu prāṇamārgeṣu yasya viśraṃbhato'pi cet | śālagrāmaśilā sphūrtistasya muktirna saṃśayaḥ
When the channels of the breath are (already) going out, if the śālagrāma stone flashes upon anyone, even by mere chance, his liberation is beyond doubt.
AI translation rendered from the Sanskrit, not a published edition — the model flagged this verse as uncertain
PdP 5 20.39
पुरा भगवता प्रोक्तमंबरीषाय धीमते । ब्राह्मणा न्यासिनः स्निग्धाः शालग्रामशिलास्तथा
purā bhagavatā proktamaṃbarīṣāya dhīmate | brāhmaṇā nyāsinaḥ snigdhāḥ śālagrāmaśilāstathā
Formerly it was declared by the Lord to the wise Ambarīṣa: brahmins, renunciants, the gentle-hearted, and likewise śālagrāma stones —
AI translation rendered from the Sanskrit, not a published edition
PdP 5 20.40
स्वरूपत्रितयं मह्यमेतद्धि क्षितिमंडले । पापिनां पापनिर्हारं कर्तुं धृतमुदं च ता
svarūpatritayaṃ mahyametaddhi kṣitimaṃḍale | pāpināṃ pāpanirhāraṃ kartuṃ dhṛtamudaṃ ca tā
this is my threefold own-form here in the sphere of the earth; and they have been assumed with joy, in order to remove the sin of sinners.
AI translation rendered from the Sanskrit, not a published edition — the model flagged this verse as uncertain
PdP 5 20.41
निंदंति पापिनो ये वा शालग्रामशिलां सकृत् । कुंभीपाके पचंत्याशु यावदाभूतसंप्लवम्
niṃdaṃti pāpino ye vā śālagrāmaśilāṃ sakṛt | kuṃbhīpāke pacaṃtyāśu yāvadābhūtasaṃplavam
But those sinners who revile the śālagrāma stone even once are cooked at once in Kumbhīpāka (hell) until the dissolution of created beings.
AI translation rendered from the Sanskrit, not a published edition
PdP 5 20.42
पूजां समुद्यतं कर्तुं यो वारयति मूढधीः । तस्य मातापिताबंधुवर्गा नरकभागिनः
pūjāṃ samudyataṃ kartuṃ yo vārayati mūḍhadhīḥ | tasya mātāpitābaṃdhuvargā narakabhāginaḥ
Whoever, dull-witted, hinders one who has set out to perform the worship — his mother, father and circle of kinsmen get a share of hell.
AI translation rendered from the Sanskrit, not a published edition
PdP 5 20.43
यो वा कथयति प्रेष्ठं शालग्रामार्चनं कुरु । सकृतार्थो नयत्याशु वैकुंठं स्वस्य पूर्वजान्
yo vā kathayati preṣṭhaṃ śālagrāmārcanaṃ kuru | sakṛtārtho nayatyāśu vaikuṃṭhaṃ svasya pūrvajān
But whoever says to one dear to him, 'Perform the worship of the śālagrāma' — his purpose accomplished by that one (word), he quickly leads his own ancestors to Vaikuṇṭha.
AI translation rendered from the Sanskrit, not a published edition — the model flagged this verse as uncertain
PdP 5 20.44
अत्रैवोदाहरंतीममितिहासं पुरातनम् । मुनयो वीतरागाश्च कामक्रोधविवर्जिताः
atraivodāharaṃtīmamitihāsaṃ purātanam | munayo vītarāgāśca kāmakrodhavivarjitāḥ
On just this point the sages, free of passion and rid of desire and anger, relate this ancient tale.
AI translation rendered from the Sanskrit, not a published edition
PdP 5 20.45
पुरा कीकटसंज्ञे वै देशे धर्मविवर्जिते । आसीत्पुल्कसजातीयो नरः शबरसंज्ञितः
purā kīkaṭasaṃjñe vai deśe dharmavivarjite | āsītpulkasajātīyo naraḥ śabarasaṃjñitaḥ
Long ago, in the land called Kīkaṭa, devoid of dharma, there was a man of the Pulkasa caste named Śabara.
AI translation rendered from the Sanskrit, not a published edition
PdP 5 20.46
नित्यं जंतुवधोद्युक्तः शरासनधरो मुहुः । तीर्थं प्रति यियासूनां बलाद्धरति जीवितम्
nityaṃ jaṃtuvadhodyuktaḥ śarāsanadharo muhuḥ | tīrthaṃ prati yiyāsūnāṃ balāddharati jīvitam
Constantly bent on the killing of creatures, ever bearing bow and arrows, he took by force the lives of those who wished to go to a sacred ford.
AI translation rendered from the Sanskrit, not a published edition
PdP 5 20.47
अनेकप्राणिहत्याकृत्परस्वे निरतः सदा । सदा रागादिसंयुक्तः कामक्रोधादिसंयुतः
anekaprāṇihatyākṛtparasve nirataḥ sadā | sadā rāgādisaṃyuktaḥ kāmakrodhādisaṃyutaḥ
A doer of the slaughter of many living beings, always intent on others' property, always joined with passion and the rest, joined with desire, anger and the rest,
AI translation rendered from the Sanskrit, not a published edition
PdP 5 20.48
विचरत्यनिशं भीमे वने प्राणिवधंकरः । विषसंसक्तबाणाग्र रूढचापगुणोद्धुरः
vicaratyaniśaṃ bhīme vane prāṇivadhaṃkaraḥ | viṣasaṃsaktabāṇāgra rūḍhacāpaguṇoddhuraḥ
he roams day and night in the fearsome forest, a killer of living beings, with the tips of his arrows smeared with poison, formidable with his bowstring drawn taut.
AI translation rendered from the Sanskrit, not a published edition
PdP 5 20.49
सैकदा पर्यटन्व्याधः प्राणिमात्रभयंकरः । कालं प्राप्तं न जानाति समीपेऽप्युग्रमानसः
saikadā paryaṭanvyādhaḥ prāṇimātrabhayaṃkaraḥ | kālaṃ prāptaṃ na jānāti samīpe'pyugramānasaḥ
Once, as the hunter wandered about, terrifying to every living creature, he did not know that his time had come, though it was near, so fierce was his mind.
AI translation rendered from the Sanskrit, not a published edition
PdP 5 20.50
यमदूतास्तु संप्राप्ताः पाशमुद्गरपाणयः । ताम्रकेशा दीर्घनखा लंबदंष्ट्रा भयानकाः
yamadūtāstu saṃprāptāḥ pāśamudgarapāṇayaḥ | tāmrakeśā dīrghanakhā laṃbadaṃṣṭrā bhayānakāḥ
Then the messengers of Yama arrived, with nooses and cudgels in their hands, copper-coloured of hair, long-nailed, with hanging fangs, terrifying,
AI translation rendered from the Sanskrit, not a published edition
PdP 5 20.51
श्यामा लोहस्यनिगडान्बिभ्रतो मोहकारकाः । बध्नंतु पापिनं ह्येनं प्राणिमात्रभयंकरम्
śyāmā lohasyanigaḍānbibhrato mohakārakāḥ | badhnaṃtu pāpinaṃ hyenaṃ prāṇimātrabhayaṃkaram
dark, carrying iron shackles, causing bewilderment: "Let (us) bind this sinner here, the terror of every living creature!"
AI translation rendered from the Sanskrit, not a published edition
PdP 5 20.52
कदाचिन्मनसा नायं प्राणिमात्रोपकारकः । परदार परद्रव्य परद्रोहपरायणः
kadācinmanasā nāyaṃ prāṇimātropakārakaḥ | paradāra paradravya paradrohaparāyaṇaḥ
"Never has he done a kindness, even in thought, to any living creature; he is given over to others' wives, others' goods, and the injury of others."
AI translation rendered from the Sanskrit, not a published edition
PdP 5 20.53
एतस्य जिह्वां महतीमहं निष्कासयाम्यतः । एको वदति चैतस्य चक्षुरुत्पाटयाम्यहम्
etasya jihvāṃ mahatīmahaṃ niṣkāsayāmyataḥ | eko vadati caitasya cakṣurutpāṭayāmyaham
"Therefore I will pull out this man's great tongue." And one says, "I will tear out his eye."
AI translation rendered from the Sanskrit, not a published edition
PdP 5 20.54
एको वदति चैतस्य करौ कृंतामि पापिनः । अन्यो वदत्यहं कर्णौ कर्तयामि दुरात्मनः
eko vadati caitasya karau kṛṃtāmi pāpinaḥ | anyo vadatyahaṃ karṇau kartayāmi durātmanaḥ
And one says, "I will cut off the two hands of this sinner"; another says, "I will shear off the two ears of this evil-souled one."
AI translation rendered from the Sanskrit, not a published edition
PdP 5 20.55
एवं वदंतः सुभृशं दन्तैर्दन्तनिपीडकाः । आगत्य तं दुरात्मानं सायुधास्तस्थुरुन्मदाः
evaṃ vadaṃtaḥ subhṛśaṃ dantairdantanipīḍakāḥ | āgatya taṃ durātmānaṃ sāyudhāstasthurunmadāḥ
Speaking thus and grinding their teeth hard with their teeth, they came and stood, armed and frenzied, around that evil-souled man.
AI translation rendered from the Sanskrit, not a published edition
PdP 5 20.56
एको दूतस्तदा सर्परूपं धृत्वादशत्पदे । स दष्टमात्रः सहसा गतासुः पर्यजायत
eko dūtastadā sarparūpaṃ dhṛtvādaśatpade | sa daṣṭamātraḥ sahasā gatāsuḥ paryajāyata
Then one messenger, taking the form of a snake, bit him on the foot; and the moment he was bitten he suddenly became a corpse.
AI translation rendered from the Sanskrit, not a published edition
PdP 5 20.57
तदा तं लोहपाशेन बद्ध्वा ते यमकिंकराः । कशाभिस्ताडयामासुर्मुद्गरैः प्राहरन्क्रुधा
tadā taṃ lohapāśena baddhvā te yamakiṃkarāḥ | kaśābhistāḍayāmāsurmudgaraiḥ prāharankrudhā
Then those servants of Yama, having bound him with an iron noose, beat him with whips and struck him with mallets in anger.
AI translation rendered from the Sanskrit, not a published edition
PdP 5 20.58
अहो दुष्ट दुरात्मंस्त्वं कदाचिन्नाचरः शुभम् । मनसापि यतस्त्वां वै क्षेप्स्यामो रौरवेषु च
aho duṣṭa durātmaṃstvaṃ kadācinnācaraḥ śubham | manasāpi yatastvāṃ vai kṣepsyāmo rauraveṣu ca
"Ah, you wicked, evil-souled one! You never once did anything good, not even in thought — therefore we shall indeed hurl you into the Raurava hells."
AI translation rendered from the Sanskrit, not a published edition
PdP 5 20.59
त्वङ्मांसं वायसा रौद्रा भक्षयिष्यंति वै क्रुधा । आजन्मतस्तु भवता न कृतं हरिसेवनम्
tvaṅmāṃsaṃ vāyasā raudrā bhakṣayiṣyaṃti vai krudhā | ājanmatastu bhavatā na kṛtaṃ harisevanam
"Fearsome crows will devour your skin and flesh in fury; from birth onward no service of Hari was done by you."
AI translation rendered from the Sanskrit, not a published edition
PdP 5 20.60
त्वया कलत्रपुत्राद्या द्रोहं कृत्वा सुपोषिताः । न कदाचित्स्मृतो देवः पापहारी जनार्दनः
tvayā kalatraputrādyā drohaṃ kṛtvā supoṣitāḥ | na kadācitsmṛto devaḥ pāpahārī janārdanaḥ
"By you wife, sons and the rest were well nourished by committing injury (to others); never was the god Janārdana, remover of sin, remembered."
AI translation rendered from the Sanskrit, not a published edition
PdP 5 20.61
तस्मात्त्वां लोहशंकौ वा कुंभीपाके च रौरवे । धर्मराजाज्ञया सर्वे नेष्यामो बहुताडनैः
tasmāttvāṃ lohaśaṃkau vā kuṃbhīpāke ca raurave | dharmarājājñayā sarve neṣyāmo bahutāḍanaiḥ
"Therefore, by the order of the King of Dharma, we shall all lead you, with many beatings, to the iron spike, or to Kumbhīpāka and Raurava."
AI translation rendered from the Sanskrit, not a published edition
PdP 5 20.62
एवमुक्त्वा यदानेतुं समैच्छन्यमकिंकराः । तावत्प्राप्तो महाविष्णुचरणाब्जपरायणः
evamuktvā yadānetuṃ samaicchanyamakiṃkarāḥ | tāvatprāpto mahāviṣṇucaraṇābjaparāyaṇaḥ
Having spoken thus, when the servants of Yama wished to lead (him away), just then there arrived one wholly devoted to the lotus feet of the great Viṣṇu.
AI translation rendered from the Sanskrit, not a published edition
PdP 5 20.63
यमदूतास्तदा दृष्टा वैष्णवेन महात्मना । पाशमुद्गरदंडादिदुष्टायुधधरा गणाः
yamadūtāstadā dṛṣṭā vaiṣṇavena mahātmanā | pāśamudgaradaṃḍādiduṣṭāyudhadharā gaṇāḥ
Then the messengers of Yama were seen by that great-souled Vaiṣṇava — troops bearing cruel weapons: nooses, mallets, staves and the rest.
AI translation rendered from the Sanskrit, not a published edition
PdP 5 20.64
पुल्कसं लोहनिगडैर्बद्ध्वा यातुं समुद्यताः । बन्ध बन्ध ग्रसच्छिन्धि भिन्धि भिन्धीति वादिनः
pulkasaṃ lohanigaḍairbaddhvā yātuṃ samudyatāḥ | bandha bandha grasacchindhi bhindhi bhindhīti vādinaḥ
Having bound the Pulkasa with iron fetters they were set to go, crying "Bind him, bind him! Swallow, cut, split, split!"
AI translation rendered from the Sanskrit, not a published edition
PdP 5 20.65
तदा कृपालुस्तं प्रेक्ष्य पद्मनाभपरायणः । अत्यंतकृपयायुक्तं चेतस्तत्र तदाकरोत्
tadā kṛpālustaṃ prekṣya padmanābhaparāyaṇaḥ | atyaṃtakṛpayāyuktaṃ cetastatra tadākarot
Then that compassionate one, devoted to the Lotus-naveled (Viṣṇu), seeing him, set his mind there, filled with extreme pity.
AI translation rendered from the Sanskrit, not a published edition
PdP 5 20.66
असौ महादुष्ट पीडां मा यातु मम सन्निधौ । मोचयाम्यहमद्यैव यमदूतेभ्य एव च
asau mahāduṣṭa pīḍāṃ mā yātu mama sannidhau | mocayāmyahamadyaiva yamadūtebhya eva ca
"Let this man, however greatly wicked, not undergo torment in my presence; this very day I shall free (him) from the messengers of Yama."
AI translation rendered from the Sanskrit, not a published edition
PdP 5 20.67
इति कृत्वा मतिं तस्मिन्कृपायुक्तो मुनीश्वरः । शालग्रामशिलां हस्ते गृहीत्वास्य गतोंऽतिके
iti kṛtvā matiṃ tasminkṛpāyukto munīśvaraḥ | śālagrāmaśilāṃ haste gṛhītvāsya gatoṃ'tike
Having so made up his mind about him, the lord of sages, filled with compassion, took the śālagrāma stone in his hand and went near him.
AI translation rendered from the Sanskrit, not a published edition
PdP 5 20.68
तस्य पादोदकं पुण्यं तुलसीदलमिश्रितम् । मुखे विनिक्षिपन्कर्णे रामनाम जजाप ह
tasya pādodakaṃ puṇyaṃ tulasīdalamiśritam | mukhe vinikṣipankarṇe rāmanāma jajāpa ha
Placing in his mouth the holy water from its (the stone's) feet, mixed with tulasī leaves, he murmured the name of Rāma into his ear.
AI translation rendered from the Sanskrit, not a published edition
PdP 5 20.69
तुलसीं मस्तके तस्य धारयामास वैष्णवः । शिलां हृदि महाविष्णोर्धृत्वा प्राह स वैष्णवः
tulasīṃ mastake tasya dhārayāmāsa vaiṣṇavaḥ | śilāṃ hṛdi mahāviṣṇordhṛtvā prāha sa vaiṣṇavaḥ
The Vaiṣṇava set tulasī upon his head, and holding the stone of the great Viṣṇu on his chest, that Vaiṣṇava spoke.
AI translation rendered from the Sanskrit, not a published edition
PdP 5 20.70
गच्छंतु यमदूता वै यातनासु परायणाः । शालग्रामशिलास्पर्शो दहतात्पातकं महत्
gacchaṃtu yamadūtā vai yātanāsu parāyaṇāḥ | śālagrāmaśilāsparśo dahatātpātakaṃ mahat
"Let the messengers of Yama, intent upon torments, depart; may the touch of the śālagrāma stone burn away (his) great sin."
AI translation rendered from the Sanskrit, not a published edition
PdP 5 20.71
इत्युक्तवति तस्मिन्वै गणा विष्णोर्महाद्भुताः । आययुस्तस्य सविधे शिलास्पर्शाद्गतांहसः
ityuktavati tasminvai gaṇā viṣṇormahādbhutāḥ | āyayustasya savidhe śilāsparśādgatāṃhasaḥ
When he had spoken thus, the exceedingly marvellous attendants of Viṣṇu came to his side, his sins gone through the touch of the stone.
AI translation rendered from the Sanskrit, not a published edition
PdP 5 20.72
पीतवस्त्राः शंखचक्रगदापद्मविराजिताः । आगत्य मोचयामासुर्लोहपाशाद्दुरासदात्
pītavastrāḥ śaṃkhacakragadāpadmavirājitāḥ | āgatya mocayāmāsurlohapāśāddurāsadāt
Clad in yellow garments, resplendent with conch, discus, mace and lotus, they came and freed (him) from the iron noose hard to withstand.
AI translation rendered from the Sanskrit, not a published edition
PdP 5 20.73
मोचयित्वा महापापकारकं पुल्कसं नरम् । ऊचुः किमर्थं बद्धोऽयं वैष्णवः पूज्यदेहभृत्
mocayitvā mahāpāpakārakaṃ pulkasaṃ naram | ūcuḥ kimarthaṃ baddho'yaṃ vaiṣṇavaḥ pūjyadehabhṛt
Having freed the Pulkasa man, doer of great sin, they said: "Why has this Vaiṣṇava, bearing a body worthy of worship, been bound?"
AI translation rendered from the Sanskrit, not a published edition
PdP 5 20.74
कस्याज्ञाकारका यूयं यदधर्मप्रकारकाः । मुंचंतु वैष्णवं त्वेनं किमर्थं विधृतो ह्ययम्
kasyājñākārakā yūyaṃ yadadharmaprakārakāḥ | muṃcaṃtu vaiṣṇavaṃ tvenaṃ kimarthaṃ vidhṛto hyayam
"Whose command do you carry out, that you commit unrighteousness? Let them release this Vaiṣṇava — why indeed has he been held fast?"
AI translation rendered from the Sanskrit, not a published edition
PdP 5 20.75
इति वाक्यं समाकर्ण्य जगदुर्यमकिंकराः । धर्मराजाज्ञया प्राप्ता नेतुं पापिनमुद्यताः
iti vākyaṃ samākarṇya jagaduryamakiṃkarāḥ | dharmarājājñayā prāptā netuṃ pāpinamudyatāḥ
Hearing this speech the servants of Yama said: "We came by the order of the King of Dharma, set to lead away a sinner."
AI translation rendered from the Sanskrit, not a published edition
PdP 5 20.76
नासौ कदाचिन्मनसा प्राणिमात्रोपकारकः । प्राणिहत्या महापापकारी दुष्टशरीरभृत्
nāsau kadācinmanasā prāṇimātropakārakaḥ | prāṇihatyā mahāpāpakārī duṣṭaśarīrabhṛt
"He never, even in thought, did good to a single living being; he is a doer of the great sin of killing creatures, bearing a wicked body."
AI translation rendered from the Sanskrit, not a published edition
PdP 5 20.77
नॄन्बहूंस्तीर्थयात्रायां गच्छतोऽसौ व्यलुंठयत् । परदाररतो नित्यं सर्वपापाधिकारकः
nṝnbahūṃstīrthayātrāyāṃ gacchato'sau vyaluṃṭhayat | paradārarato nityaṃ sarvapāpādhikārakaḥ
He robbed many men as they were going on pilgrimage; constantly given to other men's wives, he was a doer of every sin.
AI translation rendered from the Sanskrit, not a published edition
PdP 5 20.78
तस्मान्नेतुं वयं प्राप्ताः पापिनं पुल्कसं नरम् । भवद्भिर्मोचितः कस्मादकस्मादागतैर्भटैः
tasmānnetuṃ vayaṃ prāptāḥ pāpinaṃ pulkasaṃ naram | bhavadbhirmocitaḥ kasmādakasmādāgatairbhaṭaiḥ
Therefore we have come to lead away this sinful man, a Pulkasa. Why has he been released by you, by soldiers who have arrived out of nowhere?
AI translation rendered from the Sanskrit, not a published edition
PdP 5 20.79
विष्णुदूता ऊचुः। ब्रह्महत्यादिकं पापं प्राणिकोटिवधोद्भवम् । शालग्रामशिलास्पर्शः सर्वं दहति तत्क्षणात्
viṣṇudūtā ūcuḥ| brahmahatyādikaṃ pāpaṃ prāṇikoṭivadhodbhavam | śālagrāmaśilāsparśaḥ sarvaṃ dahati tatkṣaṇāt
The messengers of Viṣṇu said: Sin such as the killing of a brahmin, arising from the slaughter of ten million living beings — the touch of a Śālagrāma stone burns it all up that very instant.
AI translation rendered from the Sanskrit, not a published edition
PdP 5 20.80
रामेति नाम यच्छ्रोत्रे विश्रंभादागतं यदि । करोति पापसंदाहं तूलं वह्निकणो यथा
rāmeti nāma yacchrotre viśraṃbhādāgataṃ yadi | karoti pāpasaṃdāhaṃ tūlaṃ vahnikaṇo yathā
If the name "Rāma" comes to the ear, even casually, it effects the burning up of sin, as a spark of fire (burns) cotton.
AI translation rendered from the Sanskrit, not a published edition
PdP 5 20.81
तुलसी मस्तके यस्य शिला हृदि मनोहरा । मुखे कर्णेऽथवा राम नाम मुक्तस्तदैव सः
tulasī mastake yasya śilā hṛdi manoharā | mukhe karṇe'thavā rāma nāma muktastadaiva saḥ
He on whose head there is tulasī, on whose breast the lovely stone, and in whose mouth or ear the name "Rāma" — he is liberated that very moment.
AI translation rendered from the Sanskrit, not a published edition
PdP 5 20.82
तस्मादनेन तुलसी मस्तके विधृता पुरा । श्रावितं रामनामाशु शिला हृदि सुधारिता
tasmādanena tulasī mastake vidhṛtā purā | śrāvitaṃ rāmanāmāśu śilā hṛdi sudhāritā
Therefore, by this man tulasī was borne on the head before, the name of Rāma was at once made to be heard, and the stone was well held upon his breast.
AI translation rendered from the Sanskrit, not a published edition
PdP 5 20.83
तस्मात्पापसमूहोऽस्य दग्धः पुण्यकलेवरः । यास्यते परमं स्थानं पापिनां यत्सुदुर्ल्लभम्
tasmātpāpasamūho'sya dagdhaḥ puṇyakalevaraḥ | yāsyate paramaṃ sthānaṃ pāpināṃ yatsudurllabham
Therefore his mass of sin has been burnt; his body is (now) of merit. He will go to the highest abode, which is very hard for sinners to attain.
AI translation rendered from the Sanskrit, not a published edition
PdP 5 20.84
वर्षायुतं तत्र भुक्त्वा भोगान्सर्वमनोहरान् । भारते जन्म संप्राप्य समाराध्य जगद्गुरुम्
varṣāyutaṃ tatra bhuktvā bhogānsarvamanoharān | bhārate janma saṃprāpya samārādhya jagadgurum
Having there enjoyed for ten thousand years pleasures altogether delightful, and having obtained birth in Bhārata and duly worshipped the Teacher of the world,
AI translation rendered from the Sanskrit, not a published edition
PdP 5 20.85
प्राप्स्यते परमं स्थानं सुरासुरसुदुर्ल्लभम् । न ज्ञातो महिमा सम्यक्छिलायाः परमेष्ठिनः
prāpsyate paramaṃ sthānaṃ surāsurasudurllabham | na jñāto mahimā samyakchilāyāḥ parameṣṭhinaḥ
he will attain the highest abode, very hard for gods and demons to reach. The greatness of the stone of the Supreme One is not rightly known.
AI translation rendered from the Sanskrit, not a published edition
PdP 5 20.86
दृष्टा स्पृष्टार्चिता वापि सर्वपापहरा क्षणात् । इत्युक्त्वा विरताः सर्वे महाविष्णोर्गणा मुदा
dṛṣṭā spṛṣṭārcitā vāpi sarvapāpaharā kṣaṇāt | ityuktvā viratāḥ sarve mahāviṣṇorgaṇā mudā
Seen, touched, or worshipped, it takes away all sin in an instant. Having spoken thus, all the hosts of the great Viṣṇu fell silent in joy.
AI translation rendered from the Sanskrit, not a published edition
PdP 5 20.87
याम्यास्ते किंकरा राज्ञे कथयामासुरद्भुतम् । वैष्णवो हर्षमापेदे रघुनाथपरायणः
yāmyāste kiṃkarā rājñe kathayāmāsuradbhutam | vaiṣṇavo harṣamāpede raghunāthaparāyaṇaḥ
Those servants of Yama reported the marvel to the king; the Vaiṣṇava, devoted to the Lord of the Raghus, was filled with delight.
AI translation rendered from the Sanskrit, not a published edition
PdP 5 20.88
मुक्तोऽसौ यमपाशाच्च गमिष्यति परं पदम् । तदाजगाम विमलं किंकिणीजालमंडितम्
mukto'sau yamapāśācca gamiṣyati paraṃ padam | tadājagāma vimalaṃ kiṃkiṇījālamaṃḍitam
"He is freed from Yama's noose and will go to the highest state." Then there came a spotless (chariot) adorned with a net of little bells,
AI translation rendered from the Sanskrit, not a published edition
PdP 5 20.89
विमानं देवलोकात्तु मनोहारि महाद्भुतम् । तत्रारुह्य गतः स्वर्गं महापुण्यैर्निषेवितम्
vimānaṃ devalokāttu manohāri mahādbhutam | tatrāruhya gataḥ svargaṃ mahāpuṇyairniṣevitam
a heavenly car from the world of the gods, delightful and greatly wondrous. Mounting it he went to heaven, frequented by those of great merit.
AI translation rendered from the Sanskrit, not a published edition
PdP 5 20.90
भोगान्भुक्त्वा स विपुलानाजगाम महीतलम् । काश्यां जन्म समासाद्य शुचिवाडवसत्कुले
bhogānbhuktvā sa vipulānājagāma mahītalam | kāśyāṃ janma samāsādya śucivāḍavasatkule
Having enjoyed abundant pleasures, he came (back) to the surface of the earth; obtaining birth in Kāśī in a good family of pure brahmins,
AI translation rendered from the Sanskrit, not a published edition
PdP 5 20.91
आराध्य जगतामीशं गतवान्परमं पदम् । स पापी साधुसंगत्या शालग्रामशिलां स्पृशन्
ārādhya jagatāmīśaṃ gatavānparamaṃ padam | sa pāpī sādhusaṃgatyā śālagrāmaśilāṃ spṛśan
having worshipped the Lord of the worlds, he went to the highest state. That sinner, through the company of the good, by touching a Śālagrāma stone,
AI translation rendered from the Sanskrit, not a published edition
PdP 5 20.92
महापीडाविनिर्मुक्तो गतवान्परमं पदम् । मया तेऽभिहितं राजन्गंडकीचरितं महत्
mahāpīḍāvinirmukto gatavānparamaṃ padam | mayā te'bhihitaṃ rājangaṃḍakīcaritaṃ mahat
freed from great torment, went to the highest state. I have told you, O king, the great account of the Gaṇḍakī.
AI translation rendered from the Sanskrit, not a published edition
PdP 5 20.93
श्रुत्वा विमुच्यते पापैर्भुक्तिं मुक्तिं च विंदति
śrutvā vimucyate pāpairbhuktiṃ muktiṃ ca viṃdati
Having heard it, one is released from sins and obtains both enjoyment and liberation.
AI translation rendered from the Sanskrit, not a published edition