Padma Purana — Patala Khanda — Chapter 19

PdP 5 19.1

ब्राह्मण उवाच। इति श्रुत्वा तु तद्वाक्यं भिल्लानामहमद्भुतम् । अत्याश्चर्यमिदं मत्वा प्रहृष्टोऽभवमित्युत

brāhmaṇa uvāca| iti śrutvā tu tadvākyaṃ bhillānāmahamadbhutam | atyāścaryamidaṃ matvā prahṛṣṭo'bhavamityuta

The brahmin said: Hearing that wondrous speech of the Bhillas, and thinking this exceedingly marvellous, I became greatly delighted.

AI translation rendered from the Sanskrit, not a published edition

PdP 5 19.2

गंगासागरसंयोगे स्नात्वा पुण्यकलेवरः । शृंगमारुरुहे तत्र मणिमाणिक्यचित्रितम्

gaṃgāsāgarasaṃyoge snātvā puṇyakalevaraḥ | śṛṃgamāruruhe tatra maṇimāṇikyacitritam

Having bathed at the meeting of the Ganges and the ocean, my body made holy, I climbed the peak there, variegated with gems and rubies.

AI translation rendered from the Sanskrit, not a published edition

PdP 5 19.3

तत्रापश्यं महाराज देवं देवादिवंदितम् । नमस्कृत्वा कृतार्थोऽहं जातोन्नप्राशनेन च

tatrāpaśyaṃ mahārāja devaṃ devādivaṃditam | namaskṛtvā kṛtārtho'haṃ jātonnaprāśanena ca

There, great king, I saw the god who is praised by the gods and others; and having bowed, I became one whose aim was accomplished, by the eating of the food as well.

AI translation rendered from the Sanskrit, not a published edition

PdP 5 19.4

चतुर्भुजत्वं संप्राप्तः शंखचक्रादिचिह्नितम् । पुरुषोत्तमदर्शनेन न पुनर्गर्भमाविशम्

caturbhujatvaṃ saṃprāptaḥ śaṃkhacakrādicihnitam | puruṣottamadarśanena na punargarbhamāviśam

I attained four-armedness, marked with conch, discus and the rest; by the sight of Puruṣottama I did not enter a womb again.

AI translation rendered from the Sanskrit, not a published edition

PdP 5 19.5

राजंस्त्वमपि तत्राशु गच्छ नीलाभिधं गिरिम् । कृतार्थं कुरु चात्मानं गर्भदुःखविवर्जितम्

rājaṃstvamapi tatrāśu gaccha nīlābhidhaṃ girim | kṛtārthaṃ kuru cātmānaṃ garbhaduḥkhavivarjitam

O king, you too go quickly there, to the mountain named Nīla, and make yourself one whose aim is accomplished, freed from the pain of the womb.

AI translation rendered from the Sanskrit, not a published edition

PdP 5 19.6

इत्याकर्ण्य वचस्तस्य वाडवाग्र्यस्य धीमतः । पप्रच्छ हृष्टगात्रस्तु तीर्थयात्राविधिं मुनिम्

ityākarṇya vacastasya vāḍavāgryasya dhīmataḥ | papraccha hṛṣṭagātrastu tīrthayātrāvidhiṃ munim

Having heard that speech of that foremost, wise brahmin, with his body thrilled he asked the sage about the rule for pilgrimage to the holy place.

AI translation rendered from the Sanskrit, not a published edition

PdP 5 19.7

राजोवाच। साधु विप्राग्र्य हे साधो त्वया प्रोक्तं ममानघ । पुरुषोत्तममाहात्म्यं शृण्वतां पापनाशनम्

rājovāca| sādhu viprāgrya he sādho tvayā proktaṃ mamānagha | puruṣottamamāhātmyaṃ śṛṇvatāṃ pāpanāśanam

The king said: Well spoken, foremost of brahmins, O good one, O sinless one — the greatness of Puruṣottama has been told me by you, which destroys the sins of those who hear it.

AI translation rendered from the Sanskrit, not a published edition

PdP 5 19.8

ब्रूहि तत्तीर्थयात्रायां विधिं श्रुतिसमन्वितम् । विधिना केन संपूर्ण फलप्राप्तिर्नृणां भवेत्

brūhi tattīrthayātrāyāṃ vidhiṃ śrutisamanvitam | vidhinā kena saṃpūrṇa phalaprāptirnṛṇāṃ bhavet

Tell (me) the rule, in accord with scripture, for the pilgrimage to that holy place; by what rule does the attainment of the full fruit come to men?

AI translation rendered from the Sanskrit, not a published edition

PdP 5 19.9

ब्राह्मण उवाच। शृणु राजन्प्रवक्ष्यामि तीर्थयात्राविधिं शुभम् । येन संप्राप्यते देवः सुरासुरनमस्कृतः

brāhmaṇa uvāca| śṛṇu rājanpravakṣyāmi tīrthayātrāvidhiṃ śubham | yena saṃprāpyate devaḥ surāsuranamaskṛtaḥ

The brahmin said: Listen, O king, I shall declare the auspicious rule of pilgrimage, by which the god who is saluted by gods and demons is attained.

AI translation rendered from the Sanskrit, not a published edition

PdP 5 19.10

वलीपलितदेहो वा यौवनेनान्वितोऽपि वा । ज्ञात्वा मृत्युमनिस्तीर्यं हरिं शरणमाव्रजेत्

valīpalitadeho vā yauvanenānvito'pi vā | jñātvā mṛtyumanistīryaṃ hariṃ śaraṇamāvrajet

Whether one's body is wrinkled and grey-haired, or whether one is endowed with youth, knowing death to be inescapable one should go to Hari for refuge.

AI translation rendered from the Sanskrit, not a published edition

PdP 5 19.11

तत्कीर्तने तच्छ्रवणे वंदने तस्य पूजने । मतिरेव प्रकर्तव्या नान्यत्र वनितादिषु

tatkīrtane tacchravaṇe vaṃdane tasya pūjane | matireva prakartavyā nānyatra vanitādiṣu

In praising him, in hearing of him, in bowing to him, in worshipping him — the mind is to be applied to that alone, and not elsewhere, to women and the like.

AI translation rendered from the Sanskrit, not a published edition

PdP 5 19.12

सर्वं नश्वरमालोक्य क्षणस्थायि सुदुःखदम् । जन्ममृत्युजरातीतं भक्तिवल्लभमच्युतम्

sarvaṃ naśvaramālokya kṣaṇasthāyi suduḥkhadam | janmamṛtyujarātītaṃ bhaktivallabhamacyutam

Seeing that everything is perishable, lasting a moment, and very painful, (one should resort to) Acyuta, who is beyond birth, death and old age, and dear to devotion.

AI translation rendered from the Sanskrit, not a published edition

PdP 5 19.13

क्रोधात्कामाद्भयाद्द्वेषाल्लोभाद्दंभान्नरः पुनः । यथाकथंचिद्विभजन्न स दुःखं समश्नुते

krodhātkāmādbhayāddveṣāllobhāddaṃbhānnaraḥ punaḥ | yathākathaṃcidvibhajanna sa duḥkhaṃ samaśnute

A man who in some way or other worships (him) — out of anger, out of desire, out of fear, out of hatred, out of greed, out of pride — he does not meet with sorrow.

AI translation rendered from the Sanskrit, not a published edition — the model flagged this verse as uncertain

PdP 5 19.14

स हरिर्जायते साधुसंगमात्पापवर्जितात् । येषां कृपातः पुरुषा भवंत्यसुखवर्जिताः

sa harirjāyate sādhusaṃgamātpāpavarjitāt | yeṣāṃ kṛpātaḥ puruṣā bhavaṃtyasukhavarjitāḥ

That Hari arises from the company of the good, which is free of sin — by whose grace men come to be free of unhappiness.

AI translation rendered from the Sanskrit, not a published edition

PdP 5 19.15

ते साधवः शांतरागाः कामलोभविवर्जिताः । ब्रुवंति यन्महाराज तत्संसारनिवर्तकम्

te sādhavaḥ śāṃtarāgāḥ kāmalobhavivarjitāḥ | bruvaṃti yanmahārāja tatsaṃsāranivartakam

Those good men, whose passions are stilled, free of desire and greed — whatever they say, great king, that turns one back from the round of rebirth.

AI translation rendered from the Sanskrit, not a published edition

PdP 5 19.16

तीर्थेषु लभ्यते साधू रामचंद्र परायणः । यद्दर्शनं नृणां पापराशिदाहाशुशुक्षणिः

tīrtheṣu labhyate sādhū rāmacaṃdra parāyaṇaḥ | yaddarśanaṃ nṛṇāṃ pāparāśidāhāśuśukṣaṇiḥ

At holy places a good man is found who is devoted (to the Lord), O Rāmacandra, the sight of whom is a fire that burns up men's mass of sins.

AI translation rendered from the Sanskrit, not a published edition

PdP 5 19.17

तस्मात्तीर्थेषु गंतव्यं नरैः संसारभीरुभिः । पुण्योदकेषु सततं साधुश्रेणिविराजिषु

tasmāttīrtheṣu gaṃtavyaṃ naraiḥ saṃsārabhīrubhiḥ | puṇyodakeṣu satataṃ sādhuśreṇivirājiṣu

Therefore men who fear saṃsāra should go to the sacred fords, ever (resorting) to those with holy waters, radiant with throngs of good men.

AI translation rendered from the Sanskrit, not a published edition

PdP 5 19.18

तानि तीर्थानि विधिना दृष्टानि प्रहरंत्यघम् । तं विधिं नृपशार्दूल कुरुष्व श्रुतिगोचरम्

tāni tīrthāni vidhinā dṛṣṭāni praharaṃtyagham | taṃ vidhiṃ nṛpaśārdūla kuruṣva śrutigocaram

Those sacred fords, when visited according to the rule, strike away sin. That rule, O tiger among kings, make (it) come within your hearing.

AI translation rendered from the Sanskrit, not a published edition

PdP 5 19.19

विरागं जनयेत्पूर्वं कलत्रादि कुटुंबके । असत्यभूतं तज्ज्ञात्वा हरिं तु मनसा स्मरेत्

virāgaṃ janayetpūrvaṃ kalatrādi kuṭuṃbake | asatyabhūtaṃ tajjñātvā hariṃ tu manasā smaret

First he should produce detachment toward wife and the rest, toward his family; knowing that (family) to be unreal, he should remember Hari with his mind.

AI translation rendered from the Sanskrit, not a published edition

PdP 5 19.20

क्रोशमात्रं ततो गत्वा रामरामेति च ब्रुवन् । तत्र तीर्थादिषु स्नात्वा क्षौरं कुर्याद्विधानवित्

krośamātraṃ tato gatvā rāmarāmeti ca bruvan | tatra tīrthādiṣu snātvā kṣauraṃ kuryādvidhānavit

Then, having gone just a krośa saying "Rāma, Rāma," and having bathed there in the fords and such, one who knows the ordinance should have his head shaved.

AI translation rendered from the Sanskrit, not a published edition

PdP 5 19.21

मनुष्याणां च पापानि तीर्थानि प्रति गच्छताम् । केशानाश्रित्य तिष्ठंति तस्माद्वपनमाचरेत्

manuṣyāṇāṃ ca pāpāni tīrthāni prati gacchatām | keśānāśritya tiṣṭhaṃti tasmādvapanamācaret

And the sins of men who go toward the sacred fords remain clinging to their hair; therefore one should perform the shaving.

AI translation rendered from the Sanskrit, not a published edition

PdP 5 19.22

ततो दंडं तु निर्ग्रन्थिं कमंडलुमथाजिनम् । बिभृयाल्लोभनिर्मुक्तस्तीर्थवेषधरो नरः

tato daṃḍaṃ tu nirgranthiṃ kamaṃḍalumathājinam | bibhṛyāllobhanirmuktastīrthaveṣadharo naraḥ

Then a man, free of greed and wearing the garb of a pilgrim, should carry a knotless staff, a water-pot, and a hide.

AI translation rendered from the Sanskrit, not a published edition

PdP 5 19.23

विधिना गच्छतां नॄणां फलावाप्तिर्विशेषतः । तस्मात्सर्वप्रयत्नेन तीर्थयात्राविधिं चरेत्

vidhinā gacchatāṃ nṝṇāṃ phalāvāptirviśeṣataḥ | tasmātsarvaprayatnena tīrthayātrāvidhiṃ caret

For men who go according to the rule the obtaining of the fruit is especially (great); therefore with all effort one should carry out the ordinance of pilgrimage.

AI translation rendered from the Sanskrit, not a published edition

PdP 5 19.24

यस्य हस्तौ च पादौ च मनश्चैव सुसंहितम् । विद्या तपश्च कीर्तिश्च स तीर्थफलमश्नुते

yasya hastau ca pādau ca manaścaiva susaṃhitam | vidyā tapaśca kīrtiśca sa tīrthaphalamaśnute

He whose two hands and two feet and mind too are well restrained, (and who has) learning, austerity and good repute — he enjoys the fruit of the sacred ford.

AI translation rendered from the Sanskrit, not a published edition

PdP 5 19.25

हरेकृष्ण हरेकृष्ण भक्तवत्सल गोपते । शरण्य भगवन्विष्णो मां पाहि बहुसंसृतेः

harekṛṣṇa harekṛṣṇa bhaktavatsala gopate | śaraṇya bhagavanviṣṇo māṃ pāhi bahusaṃsṛteḥ

"Hare Kṛṣṇa, Hare Kṛṣṇa, you who are fond of your devotees, lord of the cows, giver of refuge, Lord Viṣṇu, protect me from the much-wandering round of rebirth!"

AI translation rendered from the Sanskrit, not a published edition

PdP 5 19.26

इति ब्रुवन्रसनया मनसा च हरिं स्मरन् । पादचारी गतिं कुर्यात्तीर्थं प्रति महोदयः

iti bruvanrasanayā manasā ca hariṃ smaran | pādacārī gatiṃ kuryāttīrthaṃ prati mahodayaḥ

Saying thus with his tongue and remembering Hari with his mind, the man of great fortune should make his journey toward the sacred ford going on foot.

AI translation rendered from the Sanskrit, not a published edition

PdP 5 19.27

यानेन गच्छन्पुरुषः समभागफलं लभेत् । उपानद्भ्यां चतुर्थांशं गोयाने गोवधादिकम्

yānena gacchanpuruṣaḥ samabhāgaphalaṃ labhet | upānadbhyāṃ caturthāṃśaṃ goyāne govadhādikam

A man going by vehicle obtains an equal share of the fruit; by sandals, a fourth part; in an ox-cart, (there accrues) the (guilt) of cow-slaughter and the like.

AI translation rendered from the Sanskrit, not a published edition — the model flagged this verse as uncertain

PdP 5 19.28

व्यवहर्ता तृतीयांशं सेवयाष्टमभागभाक् । अनिच्छया व्रजंस्तत्र तीर्थमर्धफलं लभेत्

vyavahartā tṛtīyāṃśaṃ sevayāṣṭamabhāgabhāk | anicchayā vrajaṃstatra tīrthamardhaphalaṃ labhet

One who trades (on the way gets) a third part; by (taking) service he receives an eighth part; one going there unwillingly obtains half the fruit of the ford.

AI translation rendered from the Sanskrit, not a published edition — the model flagged this verse as uncertain

PdP 5 19.29

यथायथं प्रकर्तव्या तीर्थानामभियात्रिका । पापक्षयो भवत्येव विधिदृष्ट्या विशेषतः

yathāyathaṃ prakartavyā tīrthānāmabhiyātrikā | pāpakṣayo bhavatyeva vidhidṛṣṭyā viśeṣataḥ

The pilgrimage to the sacred fords is to be performed as is proper; destruction of sin certainly occurs, especially by seeing (them) according to the rule.

AI translation rendered from the Sanskrit, not a published edition

PdP 5 19.30

तत्र साधून्नमस्कुर्यात्पादवंदनसेवनैः । तद्द्वारा हरिभक्तिर्हि प्राप्यते पुरुषोत्तमे

tatra sādhūnnamaskuryātpādavaṃdanasevanaiḥ | taddvārā haribhaktirhi prāpyate puruṣottame

There he should salute the good men with reverencing of their feet and with services; for through them devotion to Hari is obtained in (the abode of) Puruṣottama.

AI translation rendered from the Sanskrit, not a published edition

PdP 5 19.31

इति तीर्थविधिः प्रोक्तः समासेन न विस्तरात् । एवं विधिं समाश्रित्य गच्छ त्वं पुरुषोत्तमम्

iti tīrthavidhiḥ proktaḥ samāsena na vistarāt | evaṃ vidhiṃ samāśritya gaccha tvaṃ puruṣottamam

Thus the ordinance of the sacred fords has been declared in brief, not at length. Having resorted to this rule, go you to Puruṣottama.

AI translation rendered from the Sanskrit, not a published edition

PdP 5 19.32

तुभ्यं तुष्टो महाराज दास्यते भक्तिमच्युतः । यथा संसारनिर्वाहः क्षणादेव भविष्यति

tubhyaṃ tuṣṭo mahārāja dāsyate bhaktimacyutaḥ | yathā saṃsāranirvāhaḥ kṣaṇādeva bhaviṣyati

Pleased with you, great king, Acyuta will grant devotion, so that release from saṃsāra will come about in but an instant.

AI translation rendered from the Sanskrit, not a published edition

PdP 5 19.33

तीर्थयात्राविधिं श्रुत्वा सर्वपातकनाशनम् । मुच्यते सर्वपापेभ्य उग्रेभ्यः पुरुषर्षभ

tīrthayātrāvidhiṃ śrutvā sarvapātakanāśanam | mucyate sarvapāpebhya ugrebhyaḥ puruṣarṣabha

By hearing the ordinance of pilgrimage, which destroys all offences, one is freed from all sins, even terrible ones, O bull among men.

AI translation rendered from the Sanskrit, not a published edition

PdP 5 19.34

सुमतिरुवाच । इति वाक्यं समाकर्ण्य ववंदे चरणौ महान् । तत्तीर्थदर्शनौत्सुक्य विह्वलीकृतमानसः

sumatiruvāca | iti vākyaṃ samākarṇya vavaṃde caraṇau mahān | tattīrthadarśanautsukya vihvalīkṛtamānasaḥ

Sumati said: Having heard this speech, the great one reverenced his feet, his mind overwhelmed by eagerness to see those sacred fords.

AI translation rendered from the Sanskrit, not a published edition

PdP 5 19.35

आदिदेश निजामात्यं मंत्रवित्तममुत्तमम् । तीर्थयात्रेच्छया सर्वान्सह नेतुं मनो दधत्

ādideśa nijāmātyaṃ maṃtravittamamuttamam | tīrthayātrecchayā sarvānsaha netuṃ mano dadhat

He instructed his own minister, the best of those versed in counsel, resolving in his mind to take all (his people) along with him out of the desire for pilgrimage.

AI translation rendered from the Sanskrit, not a published edition

PdP 5 19.36

मंत्रिन्पौरजनान्सर्वानादिश त्वं ममाज्ञया । पुरुषोत्तमपादाब्जदर्शनप्रीतिहेतवे

maṃtrinpaurajanānsarvānādiśa tvaṃ mamājñayā | puruṣottamapādābjadarśanaprītihetave

"Minister, do you by my command instruct all the townsfolk, for the sake of the joy of beholding the lotus feet of Puruṣottama.

AI translation rendered from the Sanskrit, not a published edition

PdP 5 19.37

ये मदीये पुरे लोका ये च मद्वाक्यकारकाः । सर्वे निर्यांतु मत्पुर्या मया सह नरोत्तमाः

ye madīye pure lokā ye ca madvākyakārakāḥ | sarve niryāṃtu matpuryā mayā saha narottamāḥ

"Whatever people are in my city, and whoever act upon my word — let all those best of men go forth from my city along with me."

AI translation rendered from the Sanskrit, not a published edition

PdP 5 19.38

ये तु मद्वाक्यमुल्लंघ्य स्थास्यंति पुरुषा गृहे । ते दंड्या यमदंडेन पापिनोऽधर्महेतवः

ye tu madvākyamullaṃghya sthāsyaṃti puruṣā gṛhe | te daṃḍyā yamadaṃḍena pāpino'dharmahetavaḥ

"But those men who, transgressing my word, will remain at home — they are to be punished with Yama's rod, sinners, causes of unrighteousness."

AI translation rendered from the Sanskrit, not a published edition

PdP 5 19.39

किं तेन सुतवृंदेन बांधवैः किं सुदुर्नयैः । यैर्नदृष्टः स्वचक्षुर्भ्यां पुण्यदः पुरुषोत्तमः

kiṃ tena sutavṛṃdena bāṃdhavaiḥ kiṃ sudurnayaiḥ | yairnadṛṣṭaḥ svacakṣurbhyāṃ puṇyadaḥ puruṣottamaḥ

"What use is that crowd of sons, what use are kinsmen of very evil conduct, by whom the Supreme Person, the giver of merit, has not been seen with their own eyes?"

AI translation rendered from the Sanskrit, not a published edition

PdP 5 19.40

सूकरीयूथवत्तेषां प्रसूतिर्विट्प्रभक्षिका । येषां पुत्राश्च पौत्रा वा हरिं न शरणं गताः

sūkarīyūthavatteṣāṃ prasūtirviṭprabhakṣikā | yeṣāṃ putrāśca pautrā vā hariṃ na śaraṇaṃ gatāḥ

"Their begetting is like that of a herd of sows that feed on dung — those whose sons and grandsons have not gone to Hari for refuge."

AI translation rendered from the Sanskrit, not a published edition

PdP 5 19.41

यो देवो नाममात्रेण सर्वान्पावयितुं क्षमः । तं नमस्कुरुत क्षिप्रं मदीयाः प्रकृतिव्रजाः

yo devo nāmamātreṇa sarvānpāvayituṃ kṣamaḥ | taṃ namaskuruta kṣipraṃ madīyāḥ prakṛtivrajāḥ

"That god who is able to purify all merely by his name — bow quickly to him, you throngs of my subjects."

AI translation rendered from the Sanskrit, not a published edition

PdP 5 19.42

इति वाक्यं मनोहारि भगवद्गुणगुंफितम् । प्रजहर्ष महामात्य उत्तमः सत्यनामधृक्

iti vākyaṃ manohāri bhagavadguṇaguṃphitam | prajaharṣa mahāmātya uttamaḥ satyanāmadhṛk

At this speech, heart-captivating, strung together with the Lord's qualities, the great minister — excellent, bearing the name Satya — rejoiced.

AI translation rendered from the Sanskrit, not a published edition

PdP 5 19.43

हस्तिनं वरमारोप्य पटहेन व्यघोषयत् । यदादिष्टं नृपेणेह तीर्थयात्रां समिच्छता

hastinaṃ varamāropya paṭahena vyaghoṣayat | yadādiṣṭaṃ nṛpeṇeha tīrthayātrāṃ samicchatā

Having mounted an excellent elephant, he proclaimed with a drum what had been commanded here by the king, who desired the pilgrimage to the holy place.

AI translation rendered from the Sanskrit, not a published edition

PdP 5 19.44

गच्छंतु त्वरिता लोका राज्ञा सह महागिरिम् । दृश्यतां पापसंहारी पुरुषोत्तमनामधृक्

gacchaṃtu tvaritā lokā rājñā saha mahāgirim | dṛśyatāṃ pāpasaṃhārī puruṣottamanāmadhṛk

"Let the people go quickly with the king to the great mountain; let him who destroys sin, who bears the name Puruṣottama, be seen."

AI translation rendered from the Sanskrit, not a published edition

PdP 5 19.45

क्रियतां सर्वसंसारसागरो गोष्पदं पुनः । भूष्यतां शंखचक्रादिचिह्नैः स्वस्व तनुर्नरैः

kriyatāṃ sarvasaṃsārasāgaro goṣpadaṃ punaḥ | bhūṣyatāṃ śaṃkhacakrādicihnaiḥ svasva tanurnaraiḥ

"Let the whole ocean of transmigration be made a mere cow's hoofprint; let each man's own body be adorned with the marks of conch, discus, and the rest."

AI translation rendered from the Sanskrit, not a published edition

PdP 5 19.46

इत्यादिघोषयामास राज्ञादिष्टं यदद्भुतम् । सचिवो रघुनाथांघ्रि ध्याननिर्वारितश्रमः

ityādighoṣayāmāsa rājñādiṣṭaṃ yadadbhutam | sacivo raghunāthāṃghri dhyānanirvāritaśramaḥ

Thus and so the minister proclaimed what wondrous thing had been commanded by the king — he whose weariness was warded off by meditation on the feet of Raghunātha.

AI translation rendered from the Sanskrit, not a published edition

PdP 5 19.47

तच्छ्रुत्वा ताः प्रजाः सर्वा आनंदरससंप्लुताः । मनो दधुः स्वनिस्तारे पुरुषोत्तमदर्शनात्

tacchrutvā tāḥ prajāḥ sarvā ānaṃdarasasaṃplutāḥ | mano dadhuḥ svanistāre puruṣottamadarśanāt

Hearing that, all those subjects, flooded with the savour of joy, set their minds on their own deliverance through the sight of Puruṣottama.

AI translation rendered from the Sanskrit, not a published edition

PdP 5 19.48

निर्ययुर्ब्राह्मणास्तत्र शिष्यैः सह सुवेषिणः । आशिषं वरदानाढ्यां ददतो भूमिपं प्रति

niryayurbrāhmaṇāstatra śiṣyaiḥ saha suveṣiṇaḥ | āśiṣaṃ varadānāḍhyāṃ dadato bhūmipaṃ prati

The brahmins went forth there together with their pupils, well attired, giving to the king a blessing rich in the bestowal of boons.

AI translation rendered from the Sanskrit, not a published edition

PdP 5 19.49

क्षत्त्रिया धन्विनो वीरा वैश्या वस्तुक्रयाञ्चिताः । शूद्राः संसारनिस्तारहर्षित स्वीयविग्रहाः

kṣattriyā dhanvino vīrā vaiśyā vastukrayāñcitāḥ | śūdrāḥ saṃsāranistāraharṣita svīyavigrahāḥ

Kṣatriyas, bowmen, heroes; vaiśyas engaged in the buying of goods; śūdras, their own bodies gladdened at the crossing over of transmigration;

AI translation rendered from the Sanskrit, not a published edition

PdP 5 19.50

रजकाश्चर्मकाः क्षौद्राः किराता भित्तिकारकाः । सूचीवृत्त्या च जीवंतस्तांबूलक्रयकारकाः

rajakāścarmakāḥ kṣaudrāḥ kirātā bhittikārakāḥ | sūcīvṛttyā ca jīvaṃtastāṃbūlakrayakārakāḥ

washermen, leather-workers, honey-gatherers, Kirātas, wall-builders, and those living by the trade of the needle, and dealers in betel;

AI translation rendered from the Sanskrit, not a published edition

PdP 5 19.51

तालवाद्यधरा ये च ये च रंगोपजीविनः । तैलविक्रयिणश्चैव वस्त्रविक्रयिणस्तथा

tālavādyadharā ye ca ye ca raṃgopajīvinaḥ | tailavikrayiṇaścaiva vastravikrayiṇastathā

and those who carry cymbal-instruments, and those who live by the stage, and sellers of oil, and likewise sellers of cloth;

AI translation rendered from the Sanskrit, not a published edition

PdP 5 19.52

सूता वदंतः पौराणीं वार्तां हर्षसमन्विताः । मागधा बंदिनस्तत्र निर्गता भूमिपाज्ञया

sūtā vadaṃtaḥ paurāṇīṃ vārtāṃ harṣasamanvitāḥ | māgadhā baṃdinastatra nirgatā bhūmipājñayā

bards reciting ancient tales, filled with delight; Māgadhas and panegyrists there went forth by the king's command.

AI translation rendered from the Sanskrit, not a published edition

PdP 5 19.53

भिषग्वृत्त्या च जीवंतस्तथा पाशककोविदाः । पाकस्वादुरसाभिज्ञा हास्यवाक्यानुरंजकाः

bhiṣagvṛttyā ca jīvaṃtastathā pāśakakovidāḥ | pākasvādurasābhijñā hāsyavākyānuraṃjakāḥ

And those who live by the physician's trade, and likewise those skilled at dice, connoisseurs of the flavours and tastes of cooking, those who please with witty speech,

AI translation rendered from the Sanskrit, not a published edition

PdP 5 19.54

ऐंद्रजालिकविद्याध्रास्तथा वार्तासुकोविदाः । प्रशंसंतो महाराजं निर्ययुः पुरमध्यतः

aiṃdrajālikavidyādhrāstathā vārtāsukovidāḥ | praśaṃsaṃto mahārājaṃ niryayuḥ puramadhyataḥ

masters of conjuring arts and likewise those well skilled in news, praising the great king, went forth from the midst of the city.

AI translation rendered from the Sanskrit, not a published edition

PdP 5 19.55

राजापि तत्र निर्वर्त्य प्रातःसंध्यादिकाः क्रियाः । ब्राह्मणं तापसश्रेष्ठमानिनाय सुनिर्मलम्

rājāpi tatra nirvartya prātaḥsaṃdhyādikāḥ kriyāḥ | brāhmaṇaṃ tāpasaśreṣṭhamānināya sunirmalam

The king too, having completed there the morning twilight rites and the rest, brought in a brahmin, the best of ascetics, exceedingly pure.

AI translation rendered from the Sanskrit, not a published edition

PdP 5 19.56

तदाज्ञया महाराजो निर्जगाम पुराद्बहिः । लोकैरनुगतो राजा बभौ चंद्र इवोडुभिः

tadājñayā mahārājo nirjagāma purādbahiḥ | lokairanugato rājā babhau caṃdra ivoḍubhiḥ

By his command the great king went out from the city; followed by the people, the king shone like the moon among the stars.

AI translation rendered from the Sanskrit, not a published edition

PdP 5 19.57

क्रोशमात्रं स गत्वाथ क्षौरं कृत्वा विधानतः । दंडं कमंडलुं बिभ्रन्मृगचर्म तथा शुभम्

krośamātraṃ sa gatvātha kṣauraṃ kṛtvā vidhānataḥ | daṃḍaṃ kamaṃḍaluṃ bibhranmṛgacarma tathā śubham

Then, having gone just a krośa, he had his head shaved according to the prescribed rite, and bearing a staff, a water-pot, and likewise an auspicious deerskin,

AI translation rendered from the Sanskrit, not a published edition

PdP 5 19.58

शुभवेषेण संयुक्तो हरिध्यानपरायणः । कामक्रोधादिरहितं मनो बिभ्रन्महायशाः

śubhaveṣeṇa saṃyukto haridhyānaparāyaṇaḥ | kāmakrodhādirahitaṃ mano bibhranmahāyaśāḥ

clad in auspicious garb, wholly devoted to meditation on Hari, that man of great fame bore a mind free of desire, anger and the rest.

AI translation rendered from the Sanskrit, not a published edition

PdP 5 19.59

तदा दुंदुभयो भेर्य आनकाः पणवास्तथा । शंखवीणादिकाश्चैवाध्मातास्तद्वादकैर्मुहुः

tadā duṃdubhayo bherya ānakāḥ paṇavāstathā | śaṃkhavīṇādikāścaivādhmātāstadvādakairmuhuḥ

Then kettledrums, war-drums, ānaka drums and paṇava drums, and conches, lutes and the rest, were sounded again and again by their players.

AI translation rendered from the Sanskrit, not a published edition

PdP 5 19.60

जय देवेश दुःखघ्न पुरुषोत्तमसंज्ञित । दर्शयस्व तनुं मह्यं वदंतो निर्ययुर्जनाः

jaya deveśa duḥkhaghna puruṣottamasaṃjñita | darśayasva tanuṃ mahyaṃ vadaṃto niryayurjanāḥ

"Victory to you, lord of the gods, destroyer of sorrow, you who are called the Supreme Person; show your body to me!" — thus speaking, the people went forth.

AI translation rendered from the Sanskrit, not a published edition