Padma Purana — Patala Khanda — Chapter 16

PdP 5 16.1

सुमतिरुवाच। एवं तया क्रीडमानः सर्वत्र धरणीतले । नाबुध्यत गतानब्दाञ्छतसंख्या परीमितान्

sumatiruvāca| evaṃ tayā krīḍamānaḥ sarvatra dharaṇītale | nābudhyata gatānabdāñchatasaṃkhyā parīmitān

Sumati said: Thus playing with her everywhere on the surface of the earth, he did not notice the years that had gone by, counted in hundreds.

AI translation rendered from the Sanskrit, not a published edition

PdP 5 16.2

ततो ज्ञात्वाथव तद्विप्रः स्वकालपरिवर्तिनीम् । मनोरथैश्च संपूर्णां स्वस्यप्रियतमां वराम्

tato jñātvāthava tadvipraḥ svakālaparivartinīm | manorathaiśca saṃpūrṇāṃ svasyapriyatamāṃ varām

Then that brahmin, having come to know (it) — (knowing) her who changed with his own (passage of) time, and (knowing) his own dearest, excellent (wife) as fulfilled in her desires —

AI translation rendered from the Sanskrit, not a published edition — the model flagged this verse as uncertain

PdP 5 16.3

न्यवर्तताश्रमं श्रेष्ठं पयोष्णीतीरसंस्थितम् । निर्वैरजं तु जनतासंकुलं मृगसेवितम्

nyavartatāśramaṃ śreṣṭhaṃ payoṣṇītīrasaṃsthitam | nirvairajaṃ tu janatāsaṃkulaṃ mṛgasevitam

He returned to the excellent hermitage situated on the bank of the Payoṣṇī, free of enmity, thronged with people and frequented by deer.

AI translation rendered from the Sanskrit, not a published edition — the model flagged this verse as uncertain

PdP 5 16.4

तत्रावसत्स सुतपाः शिष्यैर्वेदसमन्वितैः । सेवितांघ्रियुगो नित्यं तताप परमं तपः

tatrāvasatsa sutapāḥ śiṣyairvedasamanvitaiḥ | sevitāṃghriyugo nityaṃ tatāpa paramaṃ tapaḥ

There that (sage) of good austerities dwelt with disciples versed in the Vedas; his two feet constantly attended upon, he practised supreme austerity.

AI translation rendered from the Sanskrit, not a published edition

PdP 5 16.5

कदाचिदथ शर्यातिर्यष्टुमैच्छत देवताः । तदा च्यवनमानेतुं प्रेषयामास सेवकान्

kadācidatha śaryātiryaṣṭumaicchata devatāḥ | tadā cyavanamānetuṃ preṣayāmāsa sevakān

Then once Śaryāti wished to sacrifice to the gods; at that time he sent servants to bring Cyavana.

AI translation rendered from the Sanskrit, not a published edition

PdP 5 16.6

तैराहूतो द्विजवरस्तत्रागच्छन्महातपाः । सुकन्यया धर्मपत्न्या स्वाचार परिनिष्ठया

tairāhūto dvijavarastatrāgacchanmahātapāḥ | sukanyayā dharmapatnyā svācāra pariniṣṭhayā

Summoned by them, the best of the twice-born, of great austerity, came there together with Sukanyā, his lawful wife, firmly established in her own proper conduct.

AI translation rendered from the Sanskrit, not a published edition

PdP 5 16.7

आगतं तं मुनिवरं पत्न्या पुत्र्या महायशाः । ददर्श दुहितुः पार्श्वे पुरुषं सूर्यवर्चसम्

āgataṃ taṃ munivaraṃ patnyā putryā mahāyaśāḥ | dadarśa duhituḥ pārśve puruṣaṃ sūryavarcasam

That greatly renowned (king), together with his wife and daughter, saw the best of sages who had come; at his daughter's side (he saw) a man with the splendour of the sun.

AI translation rendered from the Sanskrit, not a published edition

PdP 5 16.8

राजा दुहितरं प्राह कृतपादाभिवंदनाम् । आशिषो न प्रयुंजानो नातिप्रीतमना इव

rājā duhitaraṃ prāha kṛtapādābhivaṃdanām | āśiṣo na prayuṃjāno nātiprītamanā iva

The king spoke to his daughter, who had made obeisance at his feet, not pronouncing blessings, as one whose mind was not much pleased.

AI translation rendered from the Sanskrit, not a published edition

PdP 5 16.9

चिकीर्षितं ते किमिदं पतिस्त्वया । प्रलंभितो लोकनमस्कृतो मुनिः । त्वया जराग्रस्तमसंमतं पतिं । विहाय जारं भजसेऽमुमध्वगम्

cikīrṣitaṃ te kimidaṃ patistvayā | pralaṃbhito lokanamaskṛto muniḥ | tvayā jarāgrastamasaṃmataṃ patiṃ | vihāya jāraṃ bhajase'mumadhvagam

"What is this you have set about doing? Your husband, the sage honoured by the world, has been deceived by you. Abandoning a husband gripped by old age and not esteemed, do you resort to this wayfarer as a paramour?"

AI translation rendered from the Sanskrit, not a published edition

PdP 5 16.10

कथं मतिस्तेऽवगतान्यथासतां कुलप्रसूतेः कुलदूषणं त्विदम् । बिभर्षि जारं यदपत्रपाकुलं पितुः स्वभर्तुश्च नयस्यधस्तमाम्

kathaṃ matiste'vagatānyathāsatāṃ kulaprasūteḥ kuladūṣaṇaṃ tvidam | bibharṣi jāraṃ yadapatrapākulaṃ pituḥ svabhartuśca nayasyadhastamām

"How has your mind gone astray, (you) born of a family of good people? This is a defilement of the family, that you maintain a paramour—a thing full of shamelessness—and bring your father and your own husband to the lowest (state)."

AI translation rendered from the Sanskrit, not a published edition

PdP 5 16.11

एवं ब्रुवाणं पितरं स्मयमाना शुचिस्मिता । उवाच तात जामाता तवैष भृगुनंदनः

evaṃ bruvāṇaṃ pitaraṃ smayamānā śucismitā | uvāca tāta jāmātā tavaiṣa bhṛgunaṃdanaḥ

To her father, who was speaking thus, she, smiling with a pure smile, said: "Father, this is your son-in-law, the delight of the Bhṛgus."

AI translation rendered from the Sanskrit, not a published edition

PdP 5 16.12

शशंस पित्रे तत्सर्वं वयोरूपाभिलंभनम् । विस्मितः परमप्रीतस्तनयां परिषस्वजे

śaśaṃsa pitre tatsarvaṃ vayorūpābhilaṃbhanam | vismitaḥ paramaprītastanayāṃ pariṣasvaje

She recounted to her father all that—the obtaining of youth and beauty. Amazed and supremely pleased, he embraced his daughter.

AI translation rendered from the Sanskrit, not a published edition

PdP 5 16.13

सोमेनायाजयद्वीरं ग्रहं सोमस्य चाग्रहीत् । असोमपोरप्यश्विनोश्च्यवनः स्वेन तेजसा

somenāyājayadvīraṃ grahaṃ somasya cāgrahīt | asomaporapyaśvinoścyavanaḥ svena tejasā

(Cyavana) had the hero sacrifice with soma, and he took a soma-draught for the two Aśvins as well, though they were not soma-drinkers, by his own power.

AI translation rendered from the Sanskrit, not a published edition

PdP 5 16.14

ग्रहं तु ग्राहयामास तपोबलसमन्वितः । वज्रं गृहीत्वा शक्रस्तु हंतुं ब्राह्मणसत्तमम्

grahaṃ tu grāhayāmāsa tapobalasamanvitaḥ | vajraṃ gṛhītvā śakrastu haṃtuṃ brāhmaṇasattamam

Endowed with the strength of austerity, he caused the (soma-)cup to be taken; but Śakra, seizing his thunderbolt, (came) to slay the best of brāhmaṇas—

AI translation rendered from the Sanskrit, not a published edition

PdP 5 16.15

अपंक्तिपावनौ देवौ कुर्वाणं पंक्तिगोचरौ । शक्रं वज्रधरं दृष्ट्वा मुनिः स्वहननोद्यतम्

apaṃktipāvanau devau kurvāṇaṃ paṃktigocarau | śakraṃ vajradharaṃ dṛṣṭvā muniḥ svahananodyatam

—(the sage) who was making the two gods, unfit for the (sacrificial) row, into ones within the row. Seeing Śakra bearing the thunderbolt, intent on killing him, the sage—

AI translation rendered from the Sanskrit, not a published edition

PdP 5 16.16

हुंकारमकरोद्धीमान्स्तंभयामास तद्भुजम् । इंद्रः स्तब्धभुजस्तत्र दृष्टः सर्वैश्च मानवैः

huṃkāramakaroddhīmānstaṃbhayāmāsa tadbhujam | iṃdraḥ stabdhabhujastatra dṛṣṭaḥ sarvaiśca mānavaiḥ

—the wise one uttered a "huṃ" and made his arm rigid; Indra, with his arm paralysed, was seen there by all men.

AI translation rendered from the Sanskrit, not a published edition

PdP 5 16.17

कोपेन श्वसमानोऽहिर्यथा मंत्रनियंत्रितः । तुष्टाव स मुनिं शक्रः स्तब्धबाहुस्तपोनिधिम्

kopena śvasamāno'hiryathā maṃtraniyaṃtritaḥ | tuṣṭāva sa muniṃ śakraḥ stabdhabāhustaponidhim

Hissing with anger like a snake restrained by a spell, Śakra, his arm rigid, praised that sage, the treasury of austerity,

AI translation rendered from the Sanskrit, not a published edition

PdP 5 16.18

अश्विभ्यां भागदानं च कुर्वंतं निर्भयांतरम् । कथयामास भोः स्वामिन्दीयतामश्विनोर्बलि

aśvibhyāṃ bhāgadānaṃ ca kurvaṃtaṃ nirbhayāṃtaram | kathayāmāsa bhoḥ svāmindīyatāmaśvinorbali

and to him who was fearlessly at heart making the gift of a share to the two Aśvins he said: "Sir, lord, let the oblation be given to the Aśvins.

AI translation rendered from the Sanskrit, not a published edition

PdP 5 16.19

मया न वार्यते तात क्षमस्वाघं महत्कृतम् । इत्युक्तः स मुनिः कोपं जहौ तूर्णं कृपानिधिः

mayā na vāryate tāta kṣamasvāghaṃ mahatkṛtam | ityuktaḥ sa muniḥ kopaṃ jahau tūrṇaṃ kṛpānidhiḥ

"It is not forbidden by me, dear one; forgive the great offence committed." Thus addressed, that sage, a treasury of compassion, at once abandoned his anger.

AI translation rendered from the Sanskrit, not a published edition

PdP 5 16.20

इंद्रो मुक्तभुजोऽप्यासीत्तदानीं पुरुषर्षभ । एतद्वीक्ष्य जनाः सर्वे कौतुकाविष्टमानसाः

iṃdro muktabhujo'pyāsīttadānīṃ puruṣarṣabha | etadvīkṣya janāḥ sarve kautukāviṣṭamānasāḥ

And then Indra became free-armed, O bull among men. Seeing this, all the people, their minds filled with wonder,

AI translation rendered from the Sanskrit, not a published edition

PdP 5 16.21

शशंसुर्ब्राह्मणबलं ते तु देवादिदुर्ल्लभम् । ततो राजा बहुधनं ब्राह्मणेभ्योऽददन्महान्

śaśaṃsurbrāhmaṇabalaṃ te tu devādidurllabham | tato rājā bahudhanaṃ brāhmaṇebhyo'dadanmahān

proclaimed the power of brāhmaṇas, hard for the gods and others to attain. Then the great king gave much wealth to the brāhmaṇas,

AI translation rendered from the Sanskrit, not a published edition

PdP 5 16.22

चक्रे चावभृथस्नानं यागांते शत्रुतापनः । त्वया पृष्टं यदाचक्ष्व च्यवनस्य महोदयम्

cakre cāvabhṛthasnānaṃ yāgāṃte śatrutāpanaḥ | tvayā pṛṣṭaṃ yadācakṣva cyavanasya mahodayam

and at the end of the sacrifice the scorcher of foes performed the concluding (avabhṛtha) bath. What you asked has been declared: the great prosperity of Cyavana.

AI translation rendered from the Sanskrit, not a published edition — the model flagged this verse as uncertain

PdP 5 16.23

स मया कथितः सर्वस्तपोयोगसमन्वितः । नमस्कृत्वा तपोमूर्तिमिमं प्राप्य जयाशिषः

sa mayā kathitaḥ sarvastapoyogasamanvitaḥ | namaskṛtvā tapomūrtimimaṃ prāpya jayāśiṣaḥ

All that, joined with austerity and yoga, has been told by you (to me?) — no: "All that has been related by me, (Cyavana) endowed with austerity and yoga. Having bowed to this embodiment of austerity and obtained his blessings of victory,

AI translation rendered from the Sanskrit, not a published edition — the model flagged this verse as uncertain

PdP 5 16.24

प्रेषय त्वं सपत्नीकं रामयज्ञे मनोरमे । शेष उवाच। एवं तु कुर्वतोर्वार्तां हयः प्रापाश्रमं प्रति

preṣaya tvaṃ sapatnīkaṃ rāmayajñe manorame | śeṣa uvāca| evaṃ tu kurvatorvārtāṃ hayaḥ prāpāśramaṃ prati

send him, together with his wife, to Rāma's delightful sacrifice. Śeṣa said: While the two were thus conversing, a horse came toward the hermitage,

AI translation rendered from the Sanskrit, not a published edition

PdP 5 16.25

विदधद्वायुवेगेन पृथ्वीं खुरविलक्षिताम् । दूर्वांकुरान्मुखाग्रेण चरंस्तत्र महाश्रमे

vidadhadvāyuvegena pṛthvīṃ khuravilakṣitām | dūrvāṃkurānmukhāgreṇa caraṃstatra mahāśrame

making the earth marked with hoof-prints by the speed of the wind, grazing there in that great hermitage on the young dūrvā shoots with the tip of its mouth.

AI translation rendered from the Sanskrit, not a published edition

PdP 5 16.26

मुनयो यावदादाय दर्भान्स्नातुं गता नदीम् । शत्रुघ्नः शत्रुसेनायास्तापनः शूरसंमतः

munayo yāvadādāya darbhānsnātuṃ gatā nadīm | śatrughnaḥ śatrusenāyāstāpanaḥ śūrasaṃmataḥ

While the sages, having taken darbha grass, had gone to the river to bathe, Śatrughna, the scorcher of the enemy's army, esteemed among heroes,

AI translation rendered from the Sanskrit, not a published edition

PdP 5 16.27

तावत्प्राप मुनेर्वासं च्यवनस्यातिशोभितम् । गत्वा तदाश्रमे वीरो ददर्श च्यवनं मुनिम्

tāvatprāpa munervāsaṃ cyavanasyātiśobhitam | gatvā tadāśrame vīro dadarśa cyavanaṃ munim

meanwhile reached the exceedingly splendid dwelling of the sage Cyavana; and going into that hermitage the hero saw the sage Cyavana,

AI translation rendered from the Sanskrit, not a published edition

PdP 5 16.28

सुकन्यायाः समीपस्थं तपोमूर्तिमिवस्थितम् । ववंदे चरणौ तस्य स्वाभिधां समुदाहरन्

sukanyāyāḥ samīpasthaṃ tapomūrtimivasthitam | vavaṃde caraṇau tasya svābhidhāṃ samudāharan

standing near Sukanyā like austerity embodied. He saluted his feet, announcing his own name:

AI translation rendered from the Sanskrit, not a published edition

PdP 5 16.29

शत्रुघ्नोहं रघुपतेर्भ्राता वाहस्य पालकः

śatrughnohaṃ raghupaterbhrātā vāhasya pālakaḥ

"I am Śatrughna, brother of the lord of the Raghus, the guardian of the horse.

AI translation rendered from the Sanskrit, not a published edition

PdP 5 16.30

नमस्करोमि युष्मभ्यं महापापोपशांतये । इति वाक्यं समाकर्ण्य जगाद मुनिसत्तमः

namaskaromi yuṣmabhyaṃ mahāpāpopaśāṃtaye | iti vākyaṃ samākarṇya jagāda munisattamaḥ

I bow to you all, for the quelling of great sin." Hearing this speech, the best of sages said:

AI translation rendered from the Sanskrit, not a published edition

PdP 5 16.31

शत्रुघ्न तव कल्याणं भूयान्नरवरर्षभ । यज्ञं पालयमानस्य कीर्तिस्ते विपुला भवेत्

śatrughna tava kalyāṇaṃ bhūyānnaravararṣabha | yajñaṃ pālayamānasya kīrtiste vipulā bhavet

"Śatrughna, may there be welfare for you, O bull among the best of men; as you guard the sacrifice, may your fame become abundant.

AI translation rendered from the Sanskrit, not a published edition

PdP 5 16.32

चित्रं पश्यत भो विप्रा रामोऽपि मखकारकः । यन्नामस्मरणादीनि कुर्वंति पापनाशनम्

citraṃ paśyata bho viprā rāmo'pi makhakārakaḥ | yannāmasmaraṇādīni kurvaṃti pāpanāśanam

See the wonder, O brahmins: Rāma too is a performer of sacrifice — he whose name, when remembered and so forth, destroys sin!

AI translation rendered from the Sanskrit, not a published edition

PdP 5 16.33

महापातकसंयुक्ताः परदाररता नराः । यन्नामस्मरणोद्युक्ता मुक्ता यांति परां गतिम्

mahāpātakasaṃyuktāḥ paradāraratā narāḥ | yannāmasmaraṇodyuktā muktā yāṃti parāṃ gatim

Men joined to the great sins, addicted to others' wives, if intent on remembering his name, are liberated and go to the highest goal.

AI translation rendered from the Sanskrit, not a published edition

PdP 5 16.34

पादपद्मसमुत्थेन रेणुना ग्रावमूर्तिभृत् । तत्क्षणाद्गौतमार्धांगी जाता मोहनरूपधृक्

pādapadmasamutthena reṇunā grāvamūrtibhṛt | tatkṣaṇādgautamārdhāṃgī jātā mohanarūpadhṛk

By the dust raised from his lotus feet, she who bore the form of a stone became in that instant Gautama's wife again, bearing an enchanting form.

AI translation rendered from the Sanskrit, not a published edition

PdP 5 16.35

मामकीयस्य रूपस्य ध्यानेन प्रेमनिर्भरा । सर्वपातकराशिं सा दग्ध्वा प्राप्ता सुरूपताम्

māmakīyasya rūpasya dhyānena premanirbharā | sarvapātakarāśiṃ sā dagdhvā prāptā surūpatām

Filled with love through meditation on my own form, she, having burnt up the whole heap of her sins, attained beauty of form.

AI translation rendered from the Sanskrit, not a published edition

PdP 5 16.36

दैत्या यस्य मनोहारिरूपं प्रधनमण्डले । पश्यंतः प्रापुरेतस्य रूपं विकृतिवर्जितम्

daityā yasya manohārirūpaṃ pradhanamaṇḍale | paśyaṃtaḥ prāpuretasya rūpaṃ vikṛtivarjitam

The demons who in the field of battle gazed upon his heart-stealing form attained his form, free of alteration.

AI translation rendered from the Sanskrit, not a published edition

PdP 5 16.37

योगिनो ध्याननिष्ठा ये यं ध्यात्वा योगमास्थिताः । संसारभयनिर्मुक्ताः प्रयाताः परमं पदम्

yogino dhyānaniṣṭhā ye yaṃ dhyātvā yogamāsthitāḥ | saṃsārabhayanirmuktāḥ prayātāḥ paramaṃ padam

Those yogins fixed in meditation who, having meditated on him, abided in yoga, released from the fear of transmigration, went to the highest station.

AI translation rendered from the Sanskrit, not a published edition

PdP 5 16.38

धन्योऽहमद्य रामस्य मुखं द्रक्ष्यामि शोभनम् । पयोजदलनेत्रांतं सुनसं सुभ्रुसून्नतम्

dhanyo'hamadya rāmasya mukhaṃ drakṣyāmi śobhanam | payojadalanetrāṃtaṃ sunasaṃ subhrusūnnatam

I am blessed, for today I shall see Rāma's beautiful face, with eyes edged like lotus petals, fine-nosed, with lovely brows and a fine high (forehead).

AI translation rendered from the Sanskrit, not a published edition

PdP 5 16.39

सा जिह्वा रघुनाथस्य नामकीर्तनमादरात् । करोति विपरीता या फणिनो रसना समा

sā jihvā raghunāthasya nāmakīrtanamādarāt | karoti viparītā yā phaṇino rasanā samā

That tongue which reverently performs the singing of Raghunātha's name (is a true tongue); the tongue that does otherwise is like a snake's.

AI translation rendered from the Sanskrit, not a published edition

PdP 5 16.40

अद्य प्राप्तं तपःपुण्यमद्य पूर्णा मनोरथाः । यद्द्रक्ष्ये रामचंद्रस्य मुखं ब्रह्मादिदुर्ल्लभम्

adya prāptaṃ tapaḥpuṇyamadya pūrṇā manorathāḥ | yaddrakṣye rāmacaṃdrasya mukhaṃ brahmādidurllabham

Today the merit of my austerity has borne fruit, today my wishes are fulfilled, in that I shall see the face of Rāmacandra, hard to obtain even for Brahmā and the rest.

AI translation rendered from the Sanskrit, not a published edition

PdP 5 16.41

तत्पादरेणुना स्वांगं पवित्रं विदधाम्यहम् । विचित्रतरवार्ताभिः पावये रसनां स्वकाम्

tatpādareṇunā svāṃgaṃ pavitraṃ vidadhāmyaham | vicitrataravārtābhiḥ pāvaye rasanāṃ svakām

With the dust of his feet I shall make my own body pure; with talk of his most wondrous (deeds) I shall purify my own tongue.

AI translation rendered from the Sanskrit, not a published edition

PdP 5 16.42

इत्यादि रामचरणस्मरणप्रबुद्ध- प्रेमव्रजप्रसृतगद्गदवागुदश्रुः । श्रीरामचंद्र रघुपुंगवधर्ममूर्ते भक्तानुकंपकसमुद्धर संसृतेर्माम्

ityādi rāmacaraṇasmaraṇaprabuddha- premavrajaprasṛtagadgadavāgudaśruḥ | śrīrāmacaṃdra raghupuṃgavadharmamūrte bhaktānukaṃpakasamuddhara saṃsṛtermām

So speaking — with a voice faltering, poured out in a stream of love awakened by the remembrance of Rāma's feet, and with tears rising: "O Śrīrāmacandra, bull of the Raghus, embodiment of dharma, compassionate to your devotees, lift me out of transmigration!"

AI translation rendered from the Sanskrit, not a published edition

PdP 5 16.43

जल्पन्नश्रुकलापूर्णो मुनीनां पुरतस्तदा । नाज्ञासीत्तत्र पारक्यं निजं ध्यानेन संस्थितः

jalpannaśrukalāpūrṇo munīnāṃ puratastadā | nājñāsīttatra pārakyaṃ nijaṃ dhyānena saṃsthitaḥ

Speaking thus, filled with streams of tears, before the sages, he did not then know what was another's and what his own there, being fixed in meditation.

AI translation rendered from the Sanskrit, not a published edition

PdP 5 16.44

शत्रुघ्नस्तं मुनिं प्राह स्वामिन्नो मखसत्तमः । क्रियतां भवता पादरजसा सुपवित्रितः

śatrughnastaṃ muniṃ prāha svāminno makhasattamaḥ | kriyatāṃ bhavatā pādarajasā supavitritaḥ

Śatrughna said to that sage: "Lord, let our supreme sacrifice be made thoroughly purified by you with the dust of your feet."

AI translation rendered from the Sanskrit, not a published edition

PdP 5 16.45

महद्भाग्यं रघुपतेर्यद्युष्मन्मानसांतरे । तिष्ठत्यसौ महाबाहुः सर्वलोकसुपूजितः

mahadbhāgyaṃ raghupateryadyuṣmanmānasāṃtare | tiṣṭhatyasau mahābāhuḥ sarvalokasupūjitaḥ

"It is great good fortune of the Lord of the Raghus that within your mind that mighty-armed one, well worshipped by all the worlds, abides."

AI translation rendered from the Sanskrit, not a published edition

PdP 5 16.46

इत्युक्तः सपरीवारः सर्वाग्निपरिसंवृतः । जगाम च्यवनस्तत्र प्रमोदह्रदसंप्लुतः

ityuktaḥ saparīvāraḥ sarvāgniparisaṃvṛtaḥ | jagāma cyavanastatra pramodahradasaṃplutaḥ

Thus addressed, Cyavana, together with his retinue and surrounded by all his (sacrificial) fires, went there, plunged in a lake of delight.

AI translation rendered from the Sanskrit, not a published edition

PdP 5 16.47

हनूमांस्तं पदायांतं रामभक्तमवेक्ष्य ह । शत्रुघ्नं निजगादासौ वचो विनयसंयुतः

hanūmāṃstaṃ padāyāṃtaṃ rāmabhaktamavekṣya ha | śatrughnaṃ nijagādāsau vaco vinayasaṃyutaḥ

Hanūmān, seeing that devotee of Rāma coming on foot, spoke to Śatrughna words joined with humility.

AI translation rendered from the Sanskrit, not a published edition

PdP 5 16.48

स्वामिन्कथयसि त्वं चेन्महापुरुषसुंदरम् । रामभक्तं मुनिवरं नयामि स्वपुरीमहम्

svāminkathayasi tvaṃ cenmahāpuruṣasuṃdaram | rāmabhaktaṃ munivaraṃ nayāmi svapurīmaham

"Lord, if you tell me to, I will carry this handsome great person, the devotee of Rāma, the best of sages, to my own city."

AI translation rendered from the Sanskrit, not a published edition — the model flagged this verse as uncertain

PdP 5 16.49

इति श्रुत्वा महद्वाक्यं कपिवीरस्य शत्रुहा । आदिदेश हनूमंतं गच्छ प्रापयतं मुनिम्

iti śrutvā mahadvākyaṃ kapivīrasya śatruhā | ādideśa hanūmaṃtaṃ gaccha prāpayataṃ munim

Hearing this great speech of the monkey hero, the slayer of foes commanded Hanūmān: "Go, convey the sage."

AI translation rendered from the Sanskrit, not a published edition

PdP 5 16.50

हनूमांस्तं मुनिं स्वीये पृष्ठ आरोप्य वेगवान् । सकुटुंबं निनायाशु वायुः ख इव सर्वगः

hanūmāṃstaṃ muniṃ svīye pṛṣṭha āropya vegavān | sakuṭuṃbaṃ nināyāśu vāyuḥ kha iva sarvagaḥ

Hanūmān, swift, having mounted that sage on his own back, quickly carried him with his family, like the wind that goes everywhere in the sky.

AI translation rendered from the Sanskrit, not a published edition

PdP 5 16.51

आगतं तं मुनिं दृष्ट्वा रामो मतिमतां वरः । अर्घ्यपाद्यादिकं चक्रे प्रीतः प्रणयविह्वलः

āgataṃ taṃ muniṃ dṛṣṭvā rāmo matimatāṃ varaḥ | arghyapādyādikaṃ cakre prītaḥ praṇayavihvalaḥ

Seeing the sage arrived, Rāma, best of the wise, pleased and overcome with affection, performed the offering of water for guest and feet, and the rest.

AI translation rendered from the Sanskrit, not a published edition

PdP 5 16.52

धन्योऽस्मि मुनिवर्यस्य दर्शनेन तवाधुना । पवित्रितो मखो मह्यं सर्वसंभारसंभृतः

dhanyo'smi munivaryasya darśanena tavādhunā | pavitrito makho mahyaṃ sarvasaṃbhārasaṃbhṛtaḥ

"I am blessed now by the sight of you, best of sages; my sacrifice, furnished with all its equipment, is made pure."

AI translation rendered from the Sanskrit, not a published edition

PdP 5 16.53

इति वाक्यं समाकर्ण्य च्यवनो मुनिसत्तमः । उवाच प्रेमनिर्भिन्न पुलकांगोऽतिनिर्वृतः

iti vākyaṃ samākarṇya cyavano munisattamaḥ | uvāca premanirbhinna pulakāṃgo'tinirvṛtaḥ

Hearing this speech, Cyavana, the best of sages, spoke, his limbs bristling, split open with love, utterly content.

AI translation rendered from the Sanskrit, not a published edition

PdP 5 16.54

स्वामिन्ब्रह्मण्यदेवस्य तव वाडवपूजनम् । युक्तमेव महाराज धर्ममार्गं प्ररक्षितुः

svāminbrahmaṇyadevasya tava vāḍavapūjanam | yuktameva mahārāja dharmamārgaṃ prarakṣituḥ

"Lord, for you, a god devoted to brahmins, this honouring of brahmins is entirely fitting, great king, since you protect the path of dharma."

AI translation rendered from the Sanskrit, not a published edition