Padma Purana — Patala Khanda — Chapter 110
PdP 5 110.1
श्रीराम उवाच- अयमग्निशिखो नाम वह्निः शिवगणश्च वै । स कथं तादृशो भूतस्तन्मे वद नमस्तव
śrīrāma uvāca- ayamagniśikho nāma vahniḥ śivagaṇaśca vai | sa kathaṃ tādṛśo bhūtastanme vada namastava
Śrī Rāma said: This fire named Agniśikha, who is indeed a Śiva-attendant—how did he come to be such? Tell me that; salutation to you.
AI translation rendered from the Sanskrit, not a published edition
PdP 5 110.2
शंभुरुवाच- अयमासीत्पुरा कश्चित्क्षत्त्रियः क्रोधनः सदा । नष्टभार्यो नष्टसेनो नष्टराष्ट्रोतिदुःखितः
śaṃbhuruvāca- ayamāsītpurā kaścitkṣattriyaḥ krodhanaḥ sadā | naṣṭabhāryo naṣṭaseno naṣṭarāṣṭrotiduḥkhitaḥ
Śaṃbhu said: He was formerly a certain kṣatriya, always given to anger; his wife lost, his army lost, his kingdom lost, he was exceedingly wretched.
AI translation rendered from the Sanskrit, not a published edition
PdP 5 110.3
लब्ध्वा लुलाय द्वितयं कृषिं चक्रे सहात्मजैः । ऋणेन महता युक्तः पुनश्चातीव दुःखितः
labdhvā lulāya dvitayaṃ kṛṣiṃ cakre sahātmajaiḥ | ṛṇena mahatā yuktaḥ punaścātīva duḥkhitaḥ
Having got a pair of buffaloes, he did farming along with his sons; burdened with a great debt, he was again exceedingly wretched.
AI translation rendered from the Sanskrit, not a published edition
PdP 5 110.4
पुनश्च दुःखितो राजा सर्पेण सुतनाशनात् । तथाभूतो महीपालस्तत्याज कृषिमप्युत
punaśca duḥkhito rājā sarpeṇa sutanāśanāt | tathābhūto mahīpālastatyāja kṛṣimapyuta
And again the king was grieved, at the loss of a son by a snake; being in that state, the ruler of the earth gave up even farming.
AI translation rendered from the Sanskrit, not a published edition
PdP 5 110.5
परित्यज्य सुतौ चापि त्यक्ताहारो रुरोद ह । सुतावथ समागम्य प्राहतुः पितरं त्विदम्
parityajya sutau cāpi tyaktāhāro ruroda ha | sutāvatha samāgamya prāhatuḥ pitaraṃ tvidam
Forsaking his two (remaining) sons as well, and giving up food, he wept; then the two sons came and said this to their father:
AI translation rendered from the Sanskrit, not a published edition
PdP 5 110.6
किमर्थं रुद्यते तात नष्टो नायाति रोदनात् । शरीरशोषणायाथ शोकस्तेऽद्य भविष्यति
kimarthaṃ rudyate tāta naṣṭo nāyāti rodanāt | śarīraśoṣaṇāyātha śokaste'dya bhaviṣyati
"Why do you weep, father? The lost one does not come back through weeping. Your grief will now serve only to wither your body.
AI translation rendered from the Sanskrit, not a published edition
PdP 5 110.7
शोकेन चक्षुषी नष्टे कंठो नष्टस्तथा तव । अनुष्ठानं तथा नष्टं किमर्थं परितप्यसे
śokena cakṣuṣī naṣṭe kaṃṭho naṣṭastathā tava | anuṣṭhānaṃ tathā naṣṭaṃ kimarthaṃ paritapyase
"By grief your two eyes are ruined, your throat likewise ruined, and your religious observance too is ruined; why do you torment yourself?
AI translation rendered from the Sanskrit, not a published edition
PdP 5 110.8
एको नष्टो न चायाति रक्ष पंचस्थितानसून् । बहूनां रक्षणं पुण्यमाश्रितानां विशेषतः
eko naṣṭo na cāyāti rakṣa paṃcasthitānasūn | bahūnāṃ rakṣaṇaṃ puṇyamāśritānāṃ viśeṣataḥ
"One is lost and does not return; protect the five lives that remain. To protect many is meritorious, especially those who depend (on you).
AI translation rendered from the Sanskrit, not a published edition
PdP 5 110.9
अन्याश्रितममुं शत्रुं कथं शोचितुमर्हसि । पितोवाच- पुत्रः शत्रुः कथं पुत्रौ युवां शत्रू तथा च मे
anyāśritamamuṃ śatruṃ kathaṃ śocitumarhasi | pitovāca- putraḥ śatruḥ kathaṃ putrau yuvāṃ śatrū tathā ca me
"How can you fitly mourn for him, an enemy who has taken refuge with another?" The father said: "How is a son an enemy? And how are you two, my sons, my enemies?"
AI translation rendered from the Sanskrit, not a published edition
PdP 5 110.10
अत्यंतसुखिनं पुत्रं कथं शत्रुमभाषतम् । सुतावूचतुः जायमानो हरेद्भार्यां वर्द्धमानो हरेद्धनम्
atyaṃtasukhinaṃ putraṃ kathaṃ śatrumabhāṣatam | sutāvūcatuḥ jāyamāno haredbhāryāṃ varddhamāno hareddhanam
“How did you two call a son, who is the source of the utmost happiness, an enemy?” The two sons said: “Being born, he carries off the wife; growing up, he carries off the wealth;
AI translation rendered from the Sanskrit, not a published edition
PdP 5 110.11
म्रियमाणस्तथा प्राणाञ्छत्रुत्वं किमतः परम् । यत्सुखं च त्वया प्रोक्तं स्पर्शनालिंगनादिभिः
mriyamāṇastathā prāṇāñchatrutvaṃ kimataḥ param | yatsukhaṃ ca tvayā proktaṃ sparśanāliṃganādibhiḥ
and when dying he carries off (one's) very life-breaths — what enmity is greater than this? And as for that pleasure you spoke of, (arising) from touching, embracing and the rest,
AI translation rendered from the Sanskrit, not a published edition
PdP 5 110.12
दुःखोदर्कमिदं राजन्सर्वमेतद्वदामि ते । प्रसूतिकाले पुत्रस्य भार्यानाशविचारणा
duḥkhodarkamidaṃ rājansarvametadvadāmi te | prasūtikāle putrasya bhāryānāśavicāraṇā
this has sorrow as its outcome, O king; all this we tell you: at the time of delivery of a son there is the anxiety over the loss of the wife;
AI translation rendered from the Sanskrit, not a published edition
PdP 5 110.13
जीवितायामथोपत्न्यामात्मनः सुखनाशनम् । योन्यशुद्धौ तु जातायां संयोगो नोपपद्यते
jīvitāyāmathopatnyāmātmanaḥ sukhanāśanam | yonyaśuddhau tu jātāyāṃ saṃyogo nopapadyate
and if the wife lives, there is the destruction of one's own pleasure; and while the womb is impure after the birth, union does not take place.
AI translation rendered from the Sanskrit, not a published edition
PdP 5 110.14
आलिंगनपरे गाढं स्तन्येनांगं परिप्लुते । तथापि यदि संयोगः शिशुरोदनताः स्त्रियाः
āliṃganapare gāḍhaṃ stanyenāṃgaṃ pariplute | tathāpi yadi saṃyogaḥ śiśurodanatāḥ striyāḥ
When (the wife) is intent on embracing (the child), her body thoroughly drenched with breast-milk — even then, if there is union, the woman's (attention is on) the infant's crying;
AI translation rendered from the Sanskrit, not a published edition — the model flagged this verse as uncertain
PdP 5 110.15
दृढं शिशुगतं चित्तं ततो वैरस्यमेव च । अथ चेत्पतितो डिंभो मध्ये मैथुनमुद्गतिः
dṛḍhaṃ śiśugataṃ cittaṃ tato vairasyameva ca | atha cetpatito ḍiṃbho madhye maithunamudgatiḥ
her mind is firmly fixed on the infant, and from that comes nothing but distaste. And if the baby wets (the bed) in the middle, the coupling breaks off.
AI translation rendered from the Sanskrit, not a published edition — the model flagged this verse as uncertain
PdP 5 110.16
रतिमध्ये तु विच्छेदे दुःखं किंचिदसन्निभम् । सर्वकाले परिमिते कदाचिद्रतिसंभवः
ratimadhye tu vicchede duḥkhaṃ kiṃcidasannibham | sarvakāle parimite kadācidratisaṃbhavaḥ
But when there is an interruption in the midst of love-making, there is a pain hardly comparable to anything. At all times (opportunity) is limited; only occasionally does love-making come about.
AI translation rendered from the Sanskrit, not a published edition — the model flagged this verse as uncertain
PdP 5 110.17
तत्काले भोजनं नास्ति स्वापो नास्ति च भार्यया । शिशूनां रक्षणे दुःखं व्याधितर्षग्रहादिभिः
tatkāle bhojanaṃ nāsti svāpo nāsti ca bhāryayā | śiśūnāṃ rakṣaṇe duḥkhaṃ vyādhitarṣagrahādibhiḥ
At that time there is no eating, and no sleeping with the wife; there is pain in protecting the infants from disease, thirst, seizures and the like.
AI translation rendered from the Sanskrit, not a published edition
PdP 5 110.18
तन्मतं यत्सुखं चित्रं यथांकारोहणं पितुः । आलिंगनकृतं तात चुंबनादिकृतं तथा
tanmataṃ yatsukhaṃ citraṃ yathāṃkārohaṇaṃ pituḥ | āliṃganakṛtaṃ tāta cuṃbanādikṛtaṃ tathā
That supposed pleasure, wonderful (as it seems) — such as the (child's) climbing onto the father's lap, that which is made by embracing, dear one, and that made by kissing and the rest,
AI translation rendered from the Sanskrit, not a published edition
PdP 5 110.19
अत्यन्तमधुरोक्त्यादि यत्सुखानि नरेश्वर । रतिमध्ये विरामस्य कलां नार्हंति षोडशीम्
atyantamadhuroktyādi yatsukhāni nareśvara | ratimadhye virāmasya kalāṃ nārhaṃti ṣoḍaśīm
and extremely sweet speech and so on — whatever pleasures (these are), O lord of men, they do not amount to a sixteenth part of the climax in the midst of love-making.
AI translation rendered from the Sanskrit, not a published edition
PdP 5 110.20
अन्यान्यपि च दुःखानि संति पुत्रे सहस्रशः । अनेन त्वं किं क्रियसे इहामुत्र विरोधिना
anyānyapi ca duḥkhāni saṃti putre sahasraśaḥ | anena tvaṃ kiṃ kriyase ihāmutra virodhinā
And there are other pains too, by the thousand, in a son. What are you doing with this one, who is an obstacle both here and hereafter?
AI translation rendered from the Sanskrit, not a published edition
PdP 5 110.21
त्यज शोकमिदं तस्मादावां पुत्रौ स्थिताविह । श्रीराजोवाच-। त्यजामि शोकं दुर्वारं सर्वकार्यविरोधिनम्
tyaja śokamidaṃ tasmādāvāṃ putrau sthitāviha | śrīrājovāca-| tyajāmi śokaṃ durvāraṃ sarvakāryavirodhinam
Therefore give up this grief; the two of us stand here as your sons.” The king said: “I give up this grief that is hard to ward off and obstructs every undertaking.
AI translation rendered from the Sanskrit, not a published edition
PdP 5 110.22
आत्मनश्च हितं कार्यमिहामुत्र सुतौ मम । पुरोधसं तु गच्छामि मम पूर्वं महागुरुम्
ātmanaśca hitaṃ kāryamihāmutra sutau mama | purodhasaṃ tu gacchāmi mama pūrvaṃ mahāgurum
And what is beneficial for myself, here and hereafter, must be done, my sons. So I shall go to the household priest, my former great teacher,
AI translation rendered from the Sanskrit, not a published edition
PdP 5 110.23
वसिष्ठं मुनिवर्यं च स दास्यति गतिं मम । एवमुक्त्वा गतो विप्रं वाराणस्यां स्थितं गुरुम्
vasiṣṭhaṃ munivaryaṃ ca sa dāsyati gatiṃ mama | evamuktvā gato vipraṃ vārāṇasyāṃ sthitaṃ gurum
Vasiṣṭha, the best of sages; he will grant me a (good) destiny.” Having spoken thus, he went to that brahmin, his teacher, who was staying in Vārāṇasī.
AI translation rendered from the Sanskrit, not a published edition
PdP 5 110.24
दंडवत्प्रणनामाथ मुनिना परिपूजितः । आलिंगितशिरो घ्रातो दत्तासनपरिग्रहः
daṃḍavatpraṇanāmātha muninā paripūjitaḥ | āliṃgitaśiro ghrāto dattāsanaparigrahaḥ
Then he bowed down like a staff, and was fully honoured by the sage: his head was embraced and kissed, and he received the seat offered him.
AI translation rendered from the Sanskrit, not a published edition
PdP 5 110.25
उक्तश्चागमनं किं ते किं कार्य्यं करवाणि वै । राजोवाच- गतिं प्रयच्छ मे विप्र संसारतरणाय हि
uktaścāgamanaṃ kiṃ te kiṃ kāryyaṃ karavāṇi vai | rājovāca- gatiṃ prayaccha me vipra saṃsārataraṇāya hi
And he was asked: “Why have you come? What task shall I perform (for you)?” The king said: “Grant me a (good) destiny, O brahmin, for crossing over the round of rebirth.
AI translation rendered from the Sanskrit, not a published edition
PdP 5 110.26
खिन्नोहं कर्मणा शश्वद्भवंतं शरणं गतः । वसिष्ठ उवाच- गतिं पश्य महालिंगं विश्वेश्वरमिति स्थितम्
khinnohaṃ karmaṇā śaśvadbhavaṃtaṃ śaraṇaṃ gataḥ | vasiṣṭha uvāca- gatiṃ paśya mahāliṃgaṃ viśveśvaramiti sthitam
I am worn out by (ritual) action, continually; I have come to you for refuge.” Vasiṣṭha said: “Behold your destiny — the great liṅga that stands (here) as Viśveśvara.
AI translation rendered from the Sanskrit, not a published edition
PdP 5 110.27
एनं पूजय राजेंद्र देवदेवं पिनाकिनम् । यमाराध्य पुरा शक्तिररुंधत्याः सुतो मुनिः
enaṃ pūjaya rājeṃdra devadevaṃ pinākinam | yamārādhya purā śaktiraruṃdhatyāḥ suto muniḥ
Worship him, O best of kings, the god of gods, the bearer of the Pināka. By propitiating him formerly, the sage Śakti, Arundhatī's son,
AI translation rendered from the Sanskrit, not a published edition
PdP 5 110.28
रक्षसा भक्षितश्चापि यमलोकं गतो न सः । किंचित्कालं गतः स्वर्गं ब्रह्मलोकमगादतः
rakṣasā bhakṣitaścāpi yamalokaṃ gato na saḥ | kiṃcitkālaṃ gataḥ svargaṃ brahmalokamagādataḥ
though he was devoured by a rākṣasa, did not go to the world of Yama. For some time he went to heaven, and then he reached the world of Brahmā.
AI translation rendered from the Sanskrit, not a published edition
PdP 5 110.29
ब्रह्मलोकाद्विष्णुलोके क्रीडन्नास्ते सुतो मम । अमुं पश्य महाराज लुब्धकं वनचारिणम्
brahmalokādviṣṇuloke krīḍannāste suto mama | amuṃ paśya mahārāja lubdhakaṃ vanacāriṇam
From Brahmā's world my son now dwells sporting in Viṣṇu's world. Look at this man, great king, a hunter who roams the forest,
AI translation rendered from the Sanskrit, not a published edition
PdP 5 110.30
पूजयंतं हि विश्वेशं पत्रमात्रै स्वसंभृतैः । शमीवृक्षस्य संभूतैस्तथा पूगप्रसूनकैः
pūjayaṃtaṃ hi viśveśaṃ patramātrai svasaṃbhṛtaiḥ | śamīvṛkṣasya saṃbhūtaistathā pūgaprasūnakaiḥ
(See him) worshipping the Lord of the universe with mere leaves gathered by himself, (leaves) got from the śamī tree, and likewise with areca blossoms,
AI translation rendered from the Sanskrit, not a published edition
PdP 5 110.31
कदंबकुसुमैरर्ककुसुमैर्यूथिकाभवैः । एतैरन्यैर्महेशानं पूजयंतं विलोकय
kadaṃbakusumairarkakusumairyūthikābhavaiḥ | etairanyairmaheśānaṃ pūjayaṃtaṃ vilokaya
with kadamba flowers, with arka flowers, with those born of the yūthikā (jasmine) — behold (him) worshipping the Great Lord with these and with others.
AI translation rendered from the Sanskrit, not a published edition
PdP 5 110.32
इतोर्द्धयाममात्रेण मरिष्यति तदद्भुतम् । अंतकाले समायाते लुब्धकोपि शिवाय वै
itorddhayāmamātreṇa mariṣyati tadadbhutam | aṃtakāle samāyāte lubdhakopi śivāya vai
Within just half a yāma from now he will die — that is the marvel; and when the moment of death has come, the hunter too, indeed, for Śiva('s sake) —
AI translation rendered from the Sanskrit, not a published edition
PdP 5 110.33
उपहारप्रदानाय दृष्टवान्पार्श्वतो घटम् । तं चूतफलसंपूर्णं शुनोच्छिष्टं विगर्हितम्
upahārapradānāya dṛṣṭavānpārśvato ghaṭam | taṃ cūtaphalasaṃpūrṇaṃ śunocchiṣṭaṃ vigarhitam
— looking for something to present as an offering, he saw a pot at his side, filled with mango fruits, (but) defiled as leftovers of a dog, and so reprehensible.
AI translation rendered from the Sanskrit, not a published edition
PdP 5 110.34
संकल्पितोपहारस्य ह्यभावाल्लुब्धकस्तथा । इदं जगौ शुभं वाक्यं लोकानां भक्तिसूचकम्
saṃkalpitopahārasya hyabhāvāllubdhakastathā | idaṃ jagau śubhaṃ vākyaṃ lokānāṃ bhaktisūcakam
Then, from the absence of the offering he had resolved upon, the hunter uttered this auspicious speech, which points out (the nature of) devotion for (all) the worlds:
AI translation rendered from the Sanskrit, not a published edition
PdP 5 110.35
पुष्पाभावे हरिर्नेत्रं फलाभावेंगुलं रविः । लिंगविस्रंसनेकं च जमदग्नि ऋषिस्तथा
puṣpābhāve harirnetraṃ phalābhāveṃgulaṃ raviḥ | liṃgavisraṃsanekaṃ ca jamadagni ṛṣistathā
"In the absence of a flower, Hari (gave) his eye; in the absence of fruit, the Sun (gave) a finger; and when the liṅga slipped down, the sage Jamadagni (did) one (such deed);
AI translation rendered from the Sanskrit, not a published edition — the model flagged this verse as uncertain
PdP 5 110.36
लिंगपीठविभेदे च गात्रं निर्भिद्य दत्तवान् । अन्यैर्माहैश्वरैरन्यत्साहसं परमं कृतम्
liṃgapīṭhavibhede ca gātraṃ nirbhidya dattavān | anyairmāhaiśvarairanyatsāhasaṃ paramaṃ kṛtam
and when the liṅga split from its pedestal, (one) gave (of) his own body, cutting it open; and by other devotees of the Great Lord another supreme act of daring was done.
AI translation rendered from the Sanskrit, not a published edition — the model flagged this verse as uncertain
PdP 5 110.37
ममापि तत्तथा कार्य्यमन्यथा दोषभागहम् । एतस्मिन्नंतरे कश्चिदुन्मत्तः शिवमभ्यगात्
mamāpi tattathā kāryyamanyathā doṣabhāgaham | etasminnaṃtare kaścidunmattaḥ śivamabhyagāt
By me too that must be done in that same way; otherwise I shall have a share in fault." In this interval some madman came up to Śiva.
AI translation rendered from the Sanskrit, not a published edition
PdP 5 110.38
अथ लुब्धकृतां पूजामाहृत्याभक्षयत्क्षणात् । वमनं च तथा चक्रे शिवपीठेथ लुब्धकः
atha lubdhakṛtāṃ pūjāmāhṛtyābhakṣayatkṣaṇāt | vamanaṃ ca tathā cakre śivapīṭhetha lubdhakaḥ
Then, snatching away the worship offered by the hunter, in an instant he ate it up, and likewise vomited on Śiva's pedestal; then the hunter
AI translation rendered from the Sanskrit, not a published edition
PdP 5 110.39
शिवापकारिणं चैनं हन्मि नो वेत्यचिंतयत् । अथ स्वात्मवधायैव यत्नमास्थाय शंकरः
śivāpakāriṇaṃ cainaṃ hanmi no vetyaciṃtayat | atha svātmavadhāyaiva yatnamāsthāya śaṃkaraḥ
thought: "Shall I kill this man who has done injury to Śiva, or not?" Then Śaṅkara (the hunter), setting his effort upon the destruction of his own body (thought):
AI translation rendered from the Sanskrit, not a published edition — the model flagged this verse as uncertain
PdP 5 110.40
उन्मत्तेन यथोद्भुक्ता शिवपूजा मया कृता । लिंगप्रावरणे ह्येषा तदहं मम देहिनः
unmattena yathodbhuktā śivapūjā mayā kṛtā | liṃgaprāvaraṇe hyeṣā tadahaṃ mama dehinaḥ
"Since the worship of Śiva performed by me has been thus consumed by the madman, this (matter) rests on the covering of the liṅga; therefore I, of this body of mine —
AI translation rendered from the Sanskrit, not a published edition — the model flagged this verse as uncertain
PdP 5 110.41
प्रावृतिस्त्वगियं त्वद्य निर्म्मोक्तव्या मया द्रुतम् । पूजाविमोचनायैतत्फलहानेर्गलं त्यजेत्
prāvṛtistvagiyaṃ tvadya nirmmoktavyā mayā drutam | pūjāvimocanāyaitatphalahānergalaṃ tyajet
— this skin, my covering, must today be quickly stripped off by me; let him give up this bar of the loss of fruit, for the sake of releasing the worship."
AI translation rendered from the Sanskrit, not a published edition — the model flagged this verse as uncertain
PdP 5 110.42
इत्थं संकल्प्य स तथा तीक्ष्णस्वधितिनाद्भुतम् । चक्रे त्वचं दक्षपादं त्वचं च्छित्वा कटेरधः
itthaṃ saṃkalpya sa tathā tīkṣṇasvadhitinādbhutam | cakre tvacaṃ dakṣapādaṃ tvacaṃ cchitvā kaṭeradhaḥ
Having resolved thus, he did that marvellous thing with a sharp axe: he flayed the skin of the right leg, cutting the skin below the hip.
AI translation rendered from the Sanskrit, not a published edition
PdP 5 110.43
वामपादं तथा चक्रे कटिपर्यंतमाशुच । हृष्टश्चावेपितश्चैव तत ऊर्ध्वमथाच्छिनत्
vāmapādaṃ tathā cakre kaṭiparyaṃtamāśuca | hṛṣṭaścāvepitaścaiva tata ūrdhvamathācchinat
He did the left leg likewise, up to the hip, quickly; delighted and trembling, he then cut upward from there.
AI translation rendered from the Sanskrit, not a published edition
PdP 5 110.44
करांसोदरहृत्कंठत्वचं निर्भिद्य लुब्धकः । मस्तकस्य त्वचं चापि निर्बिभेद प्रहृष्टवान्
karāṃsodarahṛtkaṃṭhatvacaṃ nirbhidya lubdhakaḥ | mastakasya tvacaṃ cāpi nirbibheda prahṛṣṭavān
Slitting off the skin of hands, shoulders, belly, chest and throat, the hunter also slit the skin of his head, greatly delighted.
AI translation rendered from the Sanskrit, not a published edition
PdP 5 110.45
तयोरंतरतस्तस्माद्गात्रं निर्भिद्य वर्तुलम् । छित्त्वांगुलि समादाय देवायार्पितवांस्त्वचम्
tayoraṃtaratastasmādgātraṃ nirbhidya vartulam | chittvāṃguli samādāya devāyārpitavāṃstvacam
Then from between those two he pierced through the flesh, round (in shape), and cutting with his finger and taking it up, he offered the skin to the god.
AI translation rendered from the Sanskrit, not a published edition — the model flagged this verse as uncertain
PdP 5 110.46
आरादेव तथा दिव्यरूपः स्वक्षश्चतुर्भुजः । नानाभूषणसंयुक्तः स्थितो वियति शाङ्करः
ārādeva tathā divyarūpaḥ svakṣaścaturbhujaḥ | nānābhūṣaṇasaṃyuktaḥ sthito viyati śāṅkaraḥ
Then, quite near at hand, Śaṅkara's (form), of divine shape, fair-eyed, four-armed, adorned with various ornaments, stood in the sky.
AI translation rendered from the Sanskrit, not a published edition
PdP 5 110.47
अथ शैवाः समायाता दूताः शतसहस्रशः । विचित्रमुकुटाकाराः सर्वाभरणभूषिताः
atha śaivāḥ samāyātā dūtāḥ śatasahasraśaḥ | vicitramukuṭākārāḥ sarvābharaṇabhūṣitāḥ
Then Śaiva messengers came, in hundreds of thousands, with wonderfully shaped crowns, decorated with every ornament,
AI translation rendered from the Sanskrit, not a published edition
PdP 5 110.48
त्रिशूलपाणयः सर्वे शुद्धस्फटिकसंनिभाः । चतुर्भुजाः सुरूपाश्च विमानवरसंस्थिताः
triśūlapāṇayaḥ sarve śuddhasphaṭikasaṃnibhāḥ | caturbhujāḥ surūpāśca vimānavarasaṃsthitāḥ
all with tridents in hand, resembling pure crystal, four-armed and handsome, seated in excellent aerial cars,
AI translation rendered from the Sanskrit, not a published edition
PdP 5 110.49
सर्वे सूर्यसमाः शांता रंभावत्प्रियया युताः । सूनुपत्नीबलोत्साह विलासस्त्रीशतान्विताः
sarve sūryasamāḥ śāṃtā raṃbhāvatpriyayā yutāḥ | sūnupatnībalotsāha vilāsastrīśatānvitāḥ
all equal to the sun, tranquil, accompanied by a beloved like Rambhā, attended by hundreds of playful women — the strength and joy of sons and wives.
AI translation rendered from the Sanskrit, not a published edition — the model flagged this verse as uncertain
PdP 5 110.50
तेजसा सूर्यसदृशाः पुष्पवृष्टिमवाकिरन् । तैराहूतो लुब्धकश्च नागच्छदवदच्च तान्
tejasā sūryasadṛśāḥ puṣpavṛṣṭimavākiran | tairāhūto lubdhakaśca nāgacchadavadacca tān
Like the sun in blazing splendour, they scattered down a rain of flowers. Summoned by them, the hunter did not come, and said to them:
AI translation rendered from the Sanskrit, not a published edition
PdP 5 110.51
भार्याबंधुजनोपेतो गच्छेहमथवा न वा । शैवास्तद्वचनं श्रुत्वा वाक्यमेतदथोचिरे
bhāryābaṃdhujanopeto gacchehamathavā na vā | śaivāstadvacanaṃ śrutvā vākyametadathocire
"Together with my wife and my kinsfolk I will go — otherwise not." The Śaivas, hearing that speech of his, then spoke this word:
AI translation rendered from the Sanskrit, not a published edition
PdP 5 110.52
येन पुण्यं कृतं पापं तेन भोग्यं हि तत्फलम् । लुब्धक उवाच- अशौचानां च सर्वेषां धर्माणामेककर्तृकम्
yena puṇyaṃ kṛtaṃ pāpaṃ tena bhogyaṃ hi tatphalam | lubdhaka uvāca- aśaucānāṃ ca sarveṣāṃ dharmāṇāmekakartṛkam
"By whom merit or sin has been done, by him alone is that fruit to be enjoyed." The hunter said: "For all impurities, and for (all) duties, the doer is one only,
AI translation rendered from the Sanskrit, not a published edition — the model flagged this verse as uncertain
PdP 5 110.53
माहेश्वराणां धर्माणां फलं च द्विबहुष्वपि । एतस्मिन्नंतरे प्राप्तो वीरभद्रः शतार्भकः
māheśvarāṇāṃ dharmāṇāṃ phalaṃ ca dvibahuṣvapi | etasminnaṃtare prāpto vīrabhadraḥ śatārbhakaḥ
but of the duties belonging to Maheśvara the fruit extends even to two or to many." In the meantime Vīrabhadra arrived, with a hundred children,
AI translation rendered from the Sanskrit, not a published edition
PdP 5 110.54
नानाकोटिगणोपेतो एहि लुब्धकबंधुयुक् । सर्वं त्वयोक्तं च तथा सभार्यो ज्ञातिबंधुयुक्
nānākoṭigaṇopeto ehi lubdhakabaṃdhuyuk | sarvaṃ tvayoktaṃ ca tathā sabhāryo jñātibaṃdhuyuk
attended by many crores of hosts: "Come, hunter, along with your kin; all that you said is so — so then, with your wife, with your relatives and kin,
AI translation rendered from the Sanskrit, not a published edition
PdP 5 110.55
आरुह्येदं विमानं च शिवं गच्छ शिवं तु वः । अथ तद्वचनात्प्राप्तः शिवलोकं विमानगः
āruhyedaṃ vimānaṃ ca śivaṃ gaccha śivaṃ tu vaḥ | atha tadvacanātprāptaḥ śivalokaṃ vimānagaḥ
mount this celestial car and go to Śiva; may there be welfare for you." Then, at that word of his, riding the celestial car he reached the world of Śiva.
AI translation rendered from the Sanskrit, not a published edition
PdP 5 110.56
वसिष्ठ उवाच- दृष्टवानसि सर्वं त्वमीशपूजां समाचर । विमुक्तपापबंधस्त्वं शिवलोकं गमिष्यसि
vasiṣṭha uvāca- dṛṣṭavānasi sarvaṃ tvamīśapūjāṃ samācara | vimuktapāpabaṃdhastvaṃ śivalokaṃ gamiṣyasi
Vasiṣṭha said: You have seen it all; now carry out the worship of the Lord. Released from the bondage of sin, you will go to the world of Śiva.
AI translation rendered from the Sanskrit, not a published edition
PdP 5 110.57
यदि राज्यं त्वया प्रार्थ्यं मार्जयेशां गणं नृप । गोमयोदकलेपं च नित्यमेव समाचर
yadi rājyaṃ tvayā prārthyaṃ mārjayeśāṃ gaṇaṃ nṛpa | gomayodakalepaṃ ca nityameva samācara
If kingship is what you seek, O king, sweep the Lord's (temple) and its precinct, and daily perform the smearing with cow-dung and water.
AI translation rendered from the Sanskrit, not a published edition — the model flagged this verse as uncertain
PdP 5 110.58
एतावता भूमिराज्यं ध्रुवं तव भविष्यति । यावदायुश्च ते राज्यमंते शिवपदं भवेत्
etāvatā bhūmirājyaṃ dhruvaṃ tava bhaviṣyati | yāvadāyuśca te rājyamaṃte śivapadaṃ bhavet
By just this much, sovereignty over the earth will certainly be yours; kingship for as long as your life lasts, and at the end the state of Śiva.
AI translation rendered from the Sanskrit, not a published edition
PdP 5 110.59
नैतस्मिंस्तु भवेद्राज्यसंसिद्धिरनुमृत्युतः । अतो देहांतरं प्राप्य शिवसेवाप्रभावतः
naitasmiṃstu bhavedrājyasaṃsiddhiranumṛtyutaḥ | ato dehāṃtaraṃ prāpya śivasevāprabhāvataḥ
But in this (present body) the full attainment of kingship will not come about, since it follows upon death; therefore, obtaining another body, by the power of service to Śiva
AI translation rendered from the Sanskrit, not a published edition — the model flagged this verse as uncertain
PdP 5 110.60
भविष्यति च ते राज्यं शिवभक्तिः स्थिरा तथा । शंभुरुवाच- अथ कृत्वा तथा पूजां मृतः स्वर्गं गतस्ततः
bhaviṣyati ca te rājyaṃ śivabhaktiḥ sthirā tathā | śaṃbhuruvāca- atha kṛtvā tathā pūjāṃ mṛtaḥ svargaṃ gatastataḥ
kingship will be yours, and likewise steady devotion to Śiva. Śambhu said: Then, having performed the worship in that way, he died and thereupon went to heaven.
AI translation rendered from the Sanskrit, not a published edition
PdP 5 110.61
राजजन्मपुनः प्राप्य राज्यं चक्रे शिवेरतः । कदाचिदथ देवस्य गृहमभ्यगमन्नृपः
rājajanmapunaḥ prāpya rājyaṃ cakre śiverataḥ | kadācidatha devasya gṛhamabhyagamannṛpaḥ
Obtaining birth as a king once more, devoted to Śiva he exercised kingship. Then once the king went to the house of the god,
AI translation rendered from the Sanskrit, not a published edition
PdP 5 110.62
नानादीपसमोपेतं मणिभिर्नागराडिव । भटानामथ संमर्द एको दीपो पतन्नृपे
nānādīpasamopetaṃ maṇibhirnāgarāḍiva | bhaṭānāmatha saṃmarda eko dīpo patannṛpe
furnished with many lamps, like the king of the Nāgas with his jewels; then, in the jostling of the guards, one lamp fell upon the king.
AI translation rendered from the Sanskrit, not a published edition
PdP 5 110.63
तदासौ कुपितो राजा दीपमादाय सत्वरम् । देवालयपुरे रम्ये न्यक्षिपत्कोपसंयुतः
tadāsau kupito rājā dīpamādāya satvaram | devālayapure ramye nyakṣipatkopasaṃyutaḥ
Thereupon that king, enraged, quickly seized the lamp and, filled with anger, flung it into the lovely temple-town.
AI translation rendered from the Sanskrit, not a published edition
PdP 5 110.64
दग्धं देवगृहं तेन एनश्च समपद्यत । अथ तेन पुनस्तत्र दग्धं वेश्मगृहादिकम्
dagdhaṃ devagṛhaṃ tena enaśca samapadyata | atha tena punastatra dagdhaṃ veśmagṛhādikam
By him the god's house was burnt, and sin accrued (to him); then again there, by him, the burnt dwellings, houses and the rest
AI translation rendered from the Sanskrit, not a published edition
PdP 5 110.65
निर्मापयामास नृपो महेशानमथायजत् । अथ मृत्युदिने प्राप्ते राजाराधितशंकरः
nirmāpayāmāsa nṛpo maheśānamathāyajat | atha mṛtyudine prāpte rājārādhitaśaṃkaraḥ
the king had (re)built, and then he worshipped Maheśāna. Then, when the day of his death had come, the king who had propitiated Śaṃkara,
AI translation rendered from the Sanskrit, not a published edition
PdP 5 110.66
भस्मस्नायी भस्मशायी जपन्रुद्रं ममार ह । शिवलोकं गतः सोयं वीरभद्रेण भाषितः
bhasmasnāyī bhasmaśāyī japanrudraṃ mamāra ha | śivalokaṃ gataḥ soyaṃ vīrabhadreṇa bhāṣitaḥ
bathing in ash, lying on ash, murmuring the Rudra (hymn), died. He went to the world of Śiva, and was addressed by Vīrabhadra:
AI translation rendered from the Sanskrit, not a published edition
PdP 5 110.67
भव त्वं गणशार्दूलो ममवै परिचारकः । शाङ्करान्मम निर्देशादानयस्व ममांतिकम्
bhava tvaṃ gaṇaśārdūlo mamavai paricārakaḥ | śāṅkarānmama nirdeśādānayasva mamāṃtikam
"Be a tiger among the hosts, my own attendant; at my direction bring the Śaivas into my presence.
AI translation rendered from the Sanskrit, not a published edition
PdP 5 110.68
शिरोहीनो भवांश्चापि ज्वालावक्त्रो भविष्यति । सतूवाच महात्मानं वीरभद्रं गणेश्वरम्
śirohīno bhavāṃścāpi jvālāvaktro bhaviṣyati | satūvāca mahātmānaṃ vīrabhadraṃ gaṇeśvaram
And you shall be headless, with flame for your mouth." But he said to the great-souled Vīrabhadra, lord of hosts:
AI translation rendered from the Sanskrit, not a published edition
PdP 5 110.69
चक्षुः श्रोत्रं तथा जिह्वा नासिकास्यं शिरोगणः । एतैर्विना व्यवहृतिः कथं मे संभविष्यति
cakṣuḥ śrotraṃ tathā jihvā nāsikāsyaṃ śirogaṇaḥ | etairvinā vyavahṛtiḥ kathaṃ me saṃbhaviṣyati
"Eye, ear, and tongue, nose, mouth — the whole set (of organs) of the head: without these, how will functioning be possible for me?
AI translation rendered from the Sanskrit, not a published edition
PdP 5 110.70
अभावे शिरसः किं वा मया पापं कृतं विभो । वीरभद्र उवाच- त्वयैव स्वीकृता पूर्वं देवी परमसुंदरी
abhāve śirasaḥ kiṃ vā mayā pāpaṃ kṛtaṃ vibho | vīrabhadra uvāca- tvayaiva svīkṛtā pūrvaṃ devī paramasuṃdarī
"And in the absence of a head — or what sin have I committed, O mighty one?" Vīrabhadra said: "By you yourself was the goddess, supremely beautiful, formerly taken (in marriage)..."
AI translation rendered from the Sanskrit, not a published edition — the model flagged this verse as uncertain
PdP 5 110.71
महेशभवनं नित्यं चार्तुवर्णकरंगकैः । स्वस्तिकं सर्वतोभद्रं नंद्यावर्तादिकं शुभम्
maheśabhavanaṃ nityaṃ cārtuvarṇakaraṃgakaiḥ | svastikaṃ sarvatobhadraṃ naṃdyāvartādikaṃ śubham
(She would daily adorn) the house of Maheśa with four-coloured powder-designs: the svastika, the sarvatobhadra, the nandyāvarta and other auspicious (figures),
AI translation rendered from the Sanskrit, not a published edition — the model flagged this verse as uncertain
PdP 5 110.72
पद्ममुत्पलमांदोल पादो व्यजन चामरे । त्रिशूलं शंखचक्रे च गदाधनुरथैव च
padmamutpalamāṃdola pādo vyajana cāmare | triśūlaṃ śaṃkhacakre ca gadādhanurathaiva ca
a lotus, a blue lotus, a swing, a footstool, a fan and a chowrie, a trident, a conch and a discus, and a mace and a bow as well,
AI translation rendered from the Sanskrit, not a published edition — the model flagged this verse as uncertain
PdP 5 110.73
त्रिशूलं डमरुंखड्गं वृषं भृंगिरिटिं शिवम् । तथाष्टपत्रं कमलमन्यद्यंत्रादिकं तथा
triśūlaṃ ḍamaruṃkhaḍgaṃ vṛṣaṃ bhṛṃgiriṭiṃ śivam | tathāṣṭapatraṃ kamalamanyadyaṃtrādikaṃ tathā
a trident, a ḍamaru drum, a sword, a bull, Bhṛṅgiriṭi, Śiva, and likewise an eight-petalled lotus and other diagrams and the like —
AI translation rendered from the Sanskrit, not a published edition
PdP 5 110.74
कल्पयंती प्रतिदिनं सेवते वृषभध्वजम् । कदाचिदथ सा वेश्या देवसद्मन्युपस्थिता
kalpayaṃtī pratidinaṃ sevate vṛṣabhadhvajam | kadācidatha sā veśyā devasadmanyupasthitā
fashioning (these) every day, she serves the Bull-bannered one. Then once that courtesan was present in the god's house.
AI translation rendered from the Sanskrit, not a published edition
PdP 5 110.75
राज्ञः कारांकिकः कश्चिद्देववेश्म समाविशत् । अथ तां दृष्टवांस्तत्र स इदं वाक्यमुक्तवान्
rājñaḥ kārāṃkikaḥ kaściddevaveśma samāviśat | atha tāṃ dṛṣṭavāṃstatra sa idaṃ vākyamuktavān
A certain kārāṅkika of the king entered the god's dwelling. Then, having seen her there, he spoke these words.
AI translation rendered from the Sanskrit, not a published edition — the model flagged this verse as uncertain
PdP 5 110.76
काराङ्किक उवाच- एकांतसंस्थिता वेश्या युवाहं स्थविरश्च न । स्थविरं व्याधितं षंढमशक्तं धनवर्जितम्
kārāṅkika uvāca- ekāṃtasaṃsthitā veśyā yuvāhaṃ sthaviraśca na | sthaviraṃ vyādhitaṃ ṣaṃḍhamaśaktaṃ dhanavarjitam
The kārāṅkika said: "Courtesan, you are standing in a solitary place, and I am young and not old. An old man, a diseased man, an impotent man, an incapable man, a man without wealth,
AI translation rendered from the Sanskrit, not a published edition
PdP 5 110.77
अदीर्घमेहनं दीनं पुरुषं योषिदुत्सृजेत् । अश्मश्रुलं मलच्छन्नं जडं दुर्गंधिदूषितम्
adīrghamehanaṃ dīnaṃ puruṣaṃ yoṣidutsṛjet | aśmaśrulaṃ malacchannaṃ jaḍaṃ durgaṃdhidūṣitam
a man with a short member, a wretched man — a woman should cast off; one beardless, covered with filth, dull-witted, foul with bad smell,
AI translation rendered from the Sanskrit, not a published edition
PdP 5 110.78
स्वल्पमव्यसनं नारी दूरतः परिवर्ज्जयेत् । तस्मान्मे दीयतां वेश्ये मैथुनं जीवयाशु माम्
svalpamavyasanaṃ nārī dūrataḥ parivarjjayet | tasmānme dīyatāṃ veśye maithunaṃ jīvayāśu mām
of little (means) and without spirit — a woman should shun from afar. Therefore let intercourse be given me, O courtesan; revive me quickly!"
AI translation rendered from the Sanskrit, not a published edition — the model flagged this verse as uncertain
PdP 5 110.79
वेश्योवाच- नियतः सर्वजातीनामिहामुत्र सुखप्रदः । पातिव्रत्यं परो धर्म्मः स्त्रीणामिति हि शुश्रुम
veśyovāca- niyataḥ sarvajātīnāmihāmutra sukhapradaḥ | pātivratyaṃ paro dharmmaḥ strīṇāmiti hi śuśruma
The courtesan said: "It is fixed, and grants happiness here and hereafter to all castes: fidelity to one's husband is the highest duty of women — thus indeed have we heard.
AI translation rendered from the Sanskrit, not a published edition — the model flagged this verse as uncertain
PdP 5 110.80
यदधीना यदा वेश्या तदा नान्येन संगता । पतिव्रतेति विख्याता तस्मात्तं परिपालयेत्
yadadhīnā yadā veśyā tadā nānyena saṃgatā | pativrateti vikhyātā tasmāttaṃ paripālayet
When a courtesan is subject to someone, then, not consorting with another, she is renowned as a devoted wife; therefore she should keep to him."
AI translation rendered from the Sanskrit, not a published edition
PdP 5 110.81
कारांकिक उवाच- यदि चैवं मृतिः शीघ्रं भविष्यति न संशयः । अथ राजांतिकं गत्वा राजानमिदमुक्तवान्
kārāṃkika uvāca- yadi caivaṃ mṛtiḥ śīghraṃ bhaviṣyati na saṃśayaḥ | atha rājāṃtikaṃ gatvā rājānamidamuktavān
The kārāṅkika said: "If it is so, then death will come quickly, no doubt." Then, going into the king's presence, he said this to the king:
AI translation rendered from the Sanskrit, not a published edition
PdP 5 110.82
वेश्या वेश्यैव नो भार्या नेति वक्तुं च नोचितम् । इत्थं राजानमुक्त्वाथ मंडं चैवारनालजम्
veśyā veśyaiva no bhāryā neti vaktuṃ ca nocitam | itthaṃ rājānamuktvātha maṃḍaṃ caivāranālajam
"A courtesan is a courtesan only, not a wife, and it is not fitting to say 'no'." Having thus spoken to the king, (he took) some gruel-scum made of sour rice-water,
AI translation rendered from the Sanskrit, not a published edition — the model flagged this verse as uncertain
PdP 5 110.83
किंचिदादाय तस्यास्तु मंदिरं गतवानयम् । निद्रावसरमालोक्य प्रसृज्यच करं ततः
kiṃcidādāya tasyāstu maṃdiraṃ gatavānayam | nidrāvasaramālokya prasṛjyaca karaṃ tataḥ
and taking a little of it he went to her house; and watching for the time of (her) sleep, then stretching out his hand,
AI translation rendered from the Sanskrit, not a published edition
PdP 5 110.84
वस्त्रस्य विवरे तत्र मंडं चिक्षेप दुष्टधीः । एवं कृत्वा ततो गत्वा राजानमिदमुक्तवान्
vastrasya vivare tatra maṃḍaṃ cikṣepa duṣṭadhīḥ | evaṃ kṛtvā tato gatvā rājānamidamuktavān
the evil-minded one threw the gruel there into an opening of her garment. Having done this, he then went and said this to the king:
AI translation rendered from the Sanskrit, not a published edition
PdP 5 110.85
राजन्निर्गत्य गत्वाथ वेश्याग्र्यां तव योषितः । उत्थापयित्वा वेश्यां तां सर्वांगं द्रष्टुमर्हसि
rājannirgatya gatvātha veśyāgryāṃ tava yoṣitaḥ | utthāpayitvā veśyāṃ tāṃ sarvāṃgaṃ draṣṭumarhasi
"O king, having gone out and gone to the chief courtesan among your women, you should rouse that courtesan and look at her whole body,
AI translation rendered from the Sanskrit, not a published edition
PdP 5 110.86
उन्मुक्तबंधमथवा वसनं पश्य यत्नतः । वेश्यावेश्माथगतवान्राजा कारांकिकं वचः
unmuktabaṃdhamathavā vasanaṃ paśya yatnataḥ | veśyāveśmāthagatavānrājā kārāṃkikaṃ vacaḥ
or else look carefully at her garment with its fastening undone." Then the king went to the courtesan's house, (bearing in mind) the kārāṅkika's words.
AI translation rendered from the Sanskrit, not a published edition — the model flagged this verse as uncertain
PdP 5 110.87
इदमाह सनिद्रेयं पश्येमां यामि पश्यसि । स तूवाच नृपं तत्र न मे युक्तमिदं नृप
idamāha sanidreyaṃ paśyemāṃ yāmi paśyasi | sa tūvāca nṛpaṃ tatra na me yuktamidaṃ nṛpa
He said this: "She is asleep; look at her — I am going, you look." But he said to the king there: "This is not proper for me, O king.
AI translation rendered from the Sanskrit, not a published edition — the model flagged this verse as uncertain
PdP 5 110.88
तन्मातरं वा पितरं दर्शनाय नियोजय । तद्दृष्टौ सर्वमेवेदं व्यक्तमाशु भविष्यति
tanmātaraṃ vā pitaraṃ darśanāya niyojaya | taddṛṣṭau sarvamevedaṃ vyaktamāśu bhaviṣyati
Appoint her mother or her father for the inspection; when they see, all this will at once become manifest."
AI translation rendered from the Sanskrit, not a published edition
PdP 5 110.89
आनीता ह्यथ राज्ञा तु माता वीक्षितुमुद्यता । वचनात्तु नृपस्यैव वस्त्रं शोधयतीव सा
ānītā hyatha rājñā tu mātā vīkṣitumudyatā | vacanāttu nṛpasyaiva vastraṃ śodhayatīva sā
Then indeed the mother was brought by the king and set to inspect; and at the king's own word she began, as it were, to clean the garment.
AI translation rendered from the Sanskrit, not a published edition
PdP 5 110.90
तत्रस्थितं मंडमथ विज्ञायांबा ह्यमर्दयत् । मर्दनाद्वसनं क्लिन्नं किं तदित्याह पार्थिवः
tatrasthitaṃ maṃḍamatha vijñāyāṃbā hyamardayat | mardanādvasanaṃ klinnaṃ kiṃ tadityāha pārthivaḥ
Then, noticing the starchy stain that was there, the mother rubbed it; from the rubbing the garment (grew) wet, and the king said, "What is that?"
AI translation rendered from the Sanskrit, not a published edition — the model flagged this verse as uncertain
PdP 5 110.91
न किंचिद्देव नो किंचिदिति वेश्याप्रसूरपि । बहुवाक्येन राजाथ वसनं वीक्ष्य शंकया
na kiṃciddeva no kiṃciditi veśyāprasūrapi | bahuvākyena rājātha vasanaṃ vīkṣya śaṃkayā
"It is nothing, your majesty, nothing at all" — so said the courtesan's mother too; then the king, (after) much talk, examined the garment with suspicion.
AI translation rendered from the Sanskrit, not a published edition
PdP 5 110.92
शुक्रक्लिन्नमिदं वासः प्राहैतत्पश्यतामिति । अथ दृष्ट्वा समीपस्थास्तथेत्यूचुर्वचो नृपम्
śukraklinnamidaṃ vāsaḥ prāhaitatpaśyatāmiti | atha dṛṣṭvā samīpasthāstathetyūcurvaco nṛpam
"This cloth is wet with semen — look at this!" he said. Then those standing nearby, having looked, spoke the word "So it is" to the king.
AI translation rendered from the Sanskrit, not a published edition
PdP 5 110.93
राजाथ स्वगृहं गत्वा दंडाध्यक्षमभाषत । इदानीमेव वेश्यायाः शिरश्छिंध्यविचारयन्
rājātha svagṛhaṃ gatvā daṃḍādhyakṣamabhāṣata | idānīmeva veśyāyāḥ śiraśchiṃdhyavicārayan
Then the king, having gone to his own house, said to the superintendent of punishment: "This very moment cut off the courtesan's head, without deliberating."
AI translation rendered from the Sanskrit, not a published edition
PdP 5 110.94
दर्शनीयं शिरस्तस्या घटिकाभ्यंतरे मम । दंडकश्च नृपोक्त्यास्यास्तथा कृत्वा ह्यदर्शयत्
darśanīyaṃ śirastasyā ghaṭikābhyaṃtare mama | daṃḍakaśca nṛpoktyāsyāstathā kṛtvā hyadarśayat
"Her head is to be shown to me within an hour." And the executioner, at the king's word, having done so with her, showed it.
AI translation rendered from the Sanskrit, not a published edition
PdP 5 110.95
वीरभद्र उवाच- एवं कृतं त्वया पूर्वं प्राप्तं च फलमद्य ते । ज्वालयैव हि वक्ता त्वं श्रोता द्रष्टा च जिघ्रसि
vīrabhadra uvāca- evaṃ kṛtaṃ tvayā pūrvaṃ prāptaṃ ca phalamadya te | jvālayaiva hi vaktā tvaṃ śrotā draṣṭā ca jighrasi
Vīrabhadra said: Such was done by you formerly, and today you have got its fruit. By the flame alone you speak, hear, see, and smell,
AI translation rendered from the Sanskrit, not a published edition
PdP 5 110.96
रसं जानासि मतिमानतिक्रोधी भविष्यसि । शंभुरुवाच- एवं ज्वालामुखो जातो राजा माहेश्वरोऽक्षमी
rasaṃ jānāsi matimānatikrodhī bhaviṣyasi | śaṃbhuruvāca- evaṃ jvālāmukho jāto rājā māheśvaro'kṣamī
(by it) you know taste; (though) intelligent, you will be exceedingly wrathful. Śambhu said: Thus the king, a devotee of Maheśvara, became flame-mouthed, unforbearing.
AI translation rendered from the Sanskrit, not a published edition
PdP 5 110.97
तस्मात्तु क्षमिणा भाव्यं परत्रेह सुखेप्सुना । य इदं शृणुयान्नित्यं पुण्याख्यानमनुत्तमम्
tasmāttu kṣamiṇā bhāvyaṃ paratreha sukhepsunā | ya idaṃ śṛṇuyānnityaṃ puṇyākhyānamanuttamam
Therefore one who desires happiness here and in the hereafter should be forbearing. He who constantly listens to this most excellent holy narrative
AI translation rendered from the Sanskrit, not a published edition
PdP 5 110.98
विमुक्तपापबंधश्च शिवलोके भविष्यति
vimuktapāpabaṃdhaśca śivaloke bhaviṣyati
will be freed from the bondage of sin and will dwell in Śiva's world.
AI translation rendered from the Sanskrit, not a published edition
PdP 5 110.110
नाम दशोत्तरशततमोऽध्यायः
nāma daśottaraśatatamo'dhyāyaḥ
(Thus) the chapter named the one hundred and tenth.
AI translation rendered from the Sanskrit, not a published edition