Padma Purana — Patala Khanda — Chapter 106
PdP 5 106.1
शुचिस्मितोवाच- आयुष्यवर्द्धनं भस्माशनं दृष्टं महामुने । परलोकगतिं दातुं शक्तमेतं वदस्व मे
śucismitovāca- āyuṣyavarddhanaṃ bhasmāśanaṃ dṛṣṭaṃ mahāmune | paralokagatiṃ dātuṃ śaktametaṃ vadasva me
Śucismitā said: The eating of ash has been shown to increase lifespan, great sage; tell me that it is also able to grant passage to the world beyond.
AI translation rendered from the Sanskrit, not a published edition
PdP 5 106.2
दधीच उवाच- अत्र ते कथयिष्यामि इतिहासं पुरातनम् । चित्रगुप्तयमाभ्यां च यद्विख्यातं बभूव ह
dadhīca uvāca- atra te kathayiṣyāmi itihāsaṃ purātanam | citraguptayamābhyāṃ ca yadvikhyātaṃ babhūva ha
Dadhīca said: On this I shall tell you an ancient tale, which became well known through Citragupta and Yama.
AI translation rendered from the Sanskrit, not a published edition
PdP 5 106.3
मिथिलायां पुरा कश्चिच्छुनः पर्यटते क्षुधा । पुरा जन्मशतात्पूर्वं ब्राह्मणः पापनिश्चयः
mithilāyāṃ purā kaścicchunaḥ paryaṭate kṣudhā | purā janmaśatātpūrvaṃ brāhmaṇaḥ pāpaniścayaḥ
Formerly in Mithilā a certain dog was roaming about from hunger; a hundred births before, (he had been) a brahmin bent on sin.
AI translation rendered from the Sanskrit, not a published edition
PdP 5 106.4
पूर्वेवयसि वेदाढ्यः शास्त्राढ्यश्च सुबुद्धिमान् । स स्नातुं जाह्नवीं गत्वा स्नानं कृत्वा पितॄनपि
pūrvevayasi vedāḍhyaḥ śāstrāḍhyaśca subuddhimān | sa snātuṃ jāhnavīṃ gatvā snānaṃ kṛtvā pitṝnapi
In his earlier years he was rich in the Vedas, rich in the śāstras, and of good intelligence. He went to the Jāhnavī to bathe, and having bathed, (having honoured) the ancestors as well,
AI translation rendered from the Sanskrit, not a published edition
PdP 5 106.5
देवानृषीन्समभ्यर्च्य ययौ प्रात्तलिकापुरम् । प्रतिश्रयमथो चक्रे ब्राह्मणस्य निवेशने
devānṛṣīnsamabhyarcya yayau prāttalikāpuram | pratiśrayamatho cakre brāhmaṇasya niveśane
and having worshipped gods and sages, he went to the city of Prāttalikā; then he took lodging in a brahmin's dwelling.
AI translation rendered from the Sanskrit, not a published edition
PdP 5 106.6
तत्रैका क्षत्रियसुता यौवनस्था हतप्रिया । भ्रष्टराज्या च षट्कोटि निष्कद्रव्येण संयुता
tatraikā kṣatriyasutā yauvanasthā hatapriyā | bhraṣṭarājyā ca ṣaṭkoṭi niṣkadravyeṇa saṃyutā
There was there a certain kṣatriya's daughter, in the bloom of youth, her husband slain, fallen from her kingdom, and possessed of wealth of six crore niṣkas.
AI translation rendered from the Sanskrit, not a published edition
PdP 5 106.7
भुक्त्वाथ शयितं विप्रं सर्वावयवसुंदरम् । रात्रौ चंद्रोदये शुद्धे ज्योत्स्नाहसितदिङ्मुखे
bhuktvātha śayitaṃ vipraṃ sarvāvayavasuṃdaram | rātrau caṃdrodaye śuddhe jyotsnāhasitadiṅmukhe
Then, when the brahmin, handsome in every limb, had eaten and lay asleep, at night, at the rising of the clear moon, when the quarters were whitened by moonlight,
AI translation rendered from the Sanskrit, not a published edition
PdP 5 106.8
ब्राह्मणाभ्याशमागत्य तमुदीक्ष्येदमब्रवीत् । कुतस्त्वमागतो विप्र कं वा देशं गमिष्यसि
brāhmaṇābhyāśamāgatya tamudīkṣyedamabravīt | kutastvamāgato vipra kaṃ vā deśaṃ gamiṣyasi
Coming close to the brahmin and looking at him, she said this: "From where have you come, brahmin, or to what country will you go?"
AI translation rendered from the Sanskrit, not a published edition
PdP 5 106.9
ब्राह्मण उवाच- अकालचर्या सर्वेषां शंकामुत्पादयेद्ध्रुवम् । वयःस्थयोर्मिथोवादो रहस्ये हास्यमंदिरे
brāhmaṇa uvāca- akālacaryā sarveṣāṃ śaṃkāmutpādayeddhruvam | vayaḥsthayormithovādo rahasye hāsyamaṃdire
The brahmin said: Moving about at an improper hour surely gives rise to suspicion in everyone; talk between two people of (youthful) age in private is a matter for mockery.
AI translation rendered from the Sanskrit, not a published edition — the model flagged this verse as uncertain
PdP 5 106.10
क्षत्रियोवाच- कथाप्रसंगे यात्रायां तीर्थे देशादि विप्लवे । दुर्भिक्षे ग्रामदहने रहोवादो न दूषितः
kṣatriyovāca- kathāprasaṃge yātrāyāṃ tīrthe deśādi viplave | durbhikṣe grāmadahane rahovādo na dūṣitaḥ
The kṣatriya woman said: On the occasion of (telling) a story, on a journey, at a place of pilgrimage, in the upheaval of a country and the like, in famine, when a village is burning — private conversation is not blameworthy.
AI translation rendered from the Sanskrit, not a published edition
PdP 5 106.11
प्रतिश्रयस्तु मद्गेहे भवतैव पुरा कृतः । मद्गेहवासिनी चाहं न शंका त्विह कस्यचित्
pratiśrayastu madgehe bhavataiva purā kṛtaḥ | madgehavāsinī cāhaṃ na śaṃkā tviha kasyacit
And it was you yourself who earlier took lodging in my house; and I am a dweller in my own house, so here there is no suspicion on anyone's part.
AI translation rendered from the Sanskrit, not a published edition
PdP 5 106.12
ब्राह्मण उवाच- तूष्णींभावो मया कार्यो गच्छ त्वं शीघ्रमग्रतः । इत्युक्ता ब्राह्मणेनासौ मनसेदमचिंतयत्
brāhmaṇa uvāca- tūṣṇīṃbhāvo mayā kāryo gaccha tvaṃ śīghramagrataḥ | ityuktā brāhmaṇenāsau manasedamaciṃtayat
The brahmin said: Silence must be kept by me; you go quickly on ahead. Addressed thus by the brahmin, she thought this in her mind:
AI translation rendered from the Sanskrit, not a published edition
PdP 5 106.13
अनेन संगमो मह्यं यथाभूयात्तथाविधि । रोदनं तु करिष्यामि तथा यास्यति सांत्वितुम्
anena saṃgamo mahyaṃ yathābhūyāttathāvidhi | rodanaṃ tu kariṣyāmi tathā yāsyati sāṃtvitum
"By whatever means union with him may come about for me, in that way let it be arranged. I shall weep, and then he will come to console (me).
AI translation rendered from the Sanskrit, not a published edition
PdP 5 106.14
मां च सांत्वयितुं प्राप्तो मां समुत्थापयिष्यति । अहमुत्तिष्ठमानैव दोर्लताकंठसंगिनी
māṃ ca sāṃtvayituṃ prāpto māṃ samutthāpayiṣyati | ahamuttiṣṭhamānaiva dorlatākaṃṭhasaṃginī
And having come to console me, he will lift me up; and I, just as I am being lifted, clinging to his neck with my creeper-like arms,
AI translation rendered from the Sanskrit, not a published edition
PdP 5 106.15
कुचयुग्मेन तद्गात्रं स्पर्शयंती विमूर्च्छिता । गतभानां हि मां दृष्ट्वा निषण्णः स्वयमेव सः
kucayugmena tadgātraṃ sparśayaṃtī vimūrcchitā | gatabhānāṃ hi māṃ dṛṣṭvā niṣaṇṇaḥ svayameva saḥ
making his body be touched by my pair of breasts, will swoon; and seeing me with my breathing gone, he will himself sit down.
AI translation rendered from the Sanskrit, not a published edition
PdP 5 106.16
उत्संगे मामकं देहं निधास्यति द्विजाग्रणीः । अचेतनेव वसनमपास्य रुदतीव च
utsaṃge māmakaṃ dehaṃ nidhāsyati dvijāgraṇīḥ | acetaneva vasanamapāsya rudatīva ca
That foremost of the twice-born will lay my body in his lap; and I, as though unconscious, casting off my garment and as though weeping,
AI translation rendered from the Sanskrit, not a published edition
PdP 5 106.17
सुस्निग्धं रोमरहितं पक्वाश्वत्थदलाकृति । दर्शयिष्यामि तत्स्थानं कामगेहं सुगंधि च
susnigdhaṃ romarahitaṃ pakvāśvatthadalākṛti | darśayiṣyāmi tatsthānaṃ kāmagehaṃ sugaṃdhi ca
shall show him that place — very smooth, without hair, shaped like a ripe aśvattha leaf, fragrant, the house of desire.
AI translation rendered from the Sanskrit, not a published edition
PdP 5 106.18
मयैव विलुठंत्यांगे तस्य वस्त्रमपास्यते । विलुप्यमानसं तस्य करिष्ये स्ववशं द्विजम्
mayaiva viluṭhaṃtyāṃge tasya vastramapāsyate | vilupyamānasaṃ tasya kariṣye svavaśaṃ dvijam
By my very rolling about with my limbs his garment is thrown off; with his mind thus robbed, I shall make the twice-born subject to my will.
AI translation rendered from the Sanskrit, not a published edition
PdP 5 106.19
अदृष्टौ यादृशं चित्तं दृष्टौ नैतादृशं भवेत् । दर्शने यादृशं चित्तं संलापे नैव तादृशम्
adṛṣṭau yādṛśaṃ cittaṃ dṛṣṭau naitādṛśaṃ bhavet | darśane yādṛśaṃ cittaṃ saṃlāpe naiva tādṛśam
What the mind is like when (a woman) has not been seen, it is not like that when she has been seen; what the mind is like at the sight, it is not so at conversation.
AI translation rendered from the Sanskrit, not a published edition
PdP 5 106.20
संलापे यादृशं चित्तं हास्योक्तौ नैव तादृशम् । हास्योक्तौ यादृशं चित्तं स्पर्शने नैव तादृशम्
saṃlāpe yādṛśaṃ cittaṃ hāsyoktau naiva tādṛśam | hāsyoktau yādṛśaṃ cittaṃ sparśane naiva tādṛśam
What the mind is like in conversation, it is not so at joking speech; what the mind is like at joking speech, it is not so at touch.
AI translation rendered from the Sanskrit, not a published edition
PdP 5 106.21
स्पर्शने यादृशं चित्तं योनिदृष्टौ न तादृशम् । तद्दृष्टौ यादृशं चित्तं योनिस्पर्शे न तादृशम्
sparśane yādṛśaṃ cittaṃ yonidṛṣṭau na tādṛśam | taddṛṣṭau yādṛśaṃ cittaṃ yonisparśe na tādṛśam
What the mind is like at touch, it is not so at the sight of the vulva; what the mind is like at the sight of it, it is not so at the touching of the vulva.
AI translation rendered from the Sanskrit, not a published edition
PdP 5 106.22
बाहुमूलकुचद्वंद्व स्वयोनिस्पर्शदर्शनात् । कस्य न स्खलते चेतो रेतः स्कन्नं च नो भवेत्
bāhumūlakucadvaṃdva svayonisparśadarśanāt | kasya na skhalate ceto retaḥ skannaṃ ca no bhavet
From the touch and the sight of the roots of the arms, the pair of breasts, and one's own vulva — whose mind does not slip, and whose semen would not be spilled?
AI translation rendered from the Sanskrit, not a published edition
PdP 5 106.23
दधीच उवाच- इति संचिंत्य मनसा क्षत्रिया गृहमभ्यगात् । स्वगृहद्वारमासाद्य मंदं मंदं रुरोद वै
dadhīca uvāca- iti saṃciṃtya manasā kṣatriyā gṛhamabhyagāt | svagṛhadvāramāsādya maṃdaṃ maṃdaṃ ruroda vai
Dadhīca said: Having pondered thus in her mind, the kṣatriya woman went to the house; and reaching the door of her own house, she wept very softly.
AI translation rendered from the Sanskrit, not a published edition
PdP 5 106.24
चिरं कालं च रुदितं ब्राह्मणः करुणानिधिः
ciraṃ kālaṃ ca ruditaṃ brāhmaṇaḥ karuṇānidhiḥ
And (hearing) the weeping (that went on) for a long time, the brahmin, a treasure-house of compassion (thought):
AI translation rendered from the Sanskrit, not a published edition — the model flagged this verse as uncertain
PdP 5 106.25
स्त्रीबालवृद्धातुर राजयोगिनां विषाग्नितोयाद्रि निपातनादिना । दुःखस्य चैवोद्धरणं प्रशस्यते कूपस्यदानेन समं वदंति
strībālavṛddhātura rājayogināṃ viṣāgnitoyādri nipātanādinā | duḥkhasya caivoddharaṇaṃ praśasyate kūpasyadānena samaṃ vadaṃti
For women, children, the aged, the sick, kings and yogins, the removal of suffering caused by poison, fire, water, falling from a height and the like is commended; they call it equal to the gift of a well.
AI translation rendered from the Sanskrit, not a published edition — the model flagged this verse as uncertain
PdP 5 106.26
इत्थं विचार्य विप्रोऽसौ शुचिर्भूतः प्रसन्नधीः । तस्याः समीपमगमत्तामुवाच ततो द्विजः
itthaṃ vicārya vipro'sau śucirbhūtaḥ prasannadhīḥ | tasyāḥ samīpamagamattāmuvāca tato dvijaḥ
Having reflected thus, that brahmin, become pure and of tranquil mind, went near her; then the twice-born said to her:
AI translation rendered from the Sanskrit, not a published edition
PdP 5 106.27
अलं शोकेन महता इहामुत्र विरोधिना । शरीरशोषणं ह्येतच्चित्तविध्वंसनं तथा
alaṃ śokena mahatā ihāmutra virodhinā | śarīraśoṣaṇaṃ hyetaccittavidhvaṃsanaṃ tathā
Enough of this great grief, which is harmful here and hereafter; for this is a withering of the body and likewise a shattering of the mind.
AI translation rendered from the Sanskrit, not a published edition
PdP 5 106.28
त्यज शोकमिमं बाले न चार्थः शोचितेन वै । शोकस्य कारणं किं वा येनेत्थं रुद्यते त्वया
tyaja śokamimaṃ bāle na cārthaḥ śocitena vai | śokasya kāraṇaṃ kiṃ vā yenetthaṃ rudyate tvayā
"Give up this grief, girl; there is no gain in grieving. What is the cause of the grief, on account of which you weep like this?"
AI translation rendered from the Sanskrit, not a published edition
PdP 5 106.29
दधीच उवाच- एवमुक्ता द्विजेनाथ न सा किंचिदुवाच ह । मूर्च्छितेवापतद्भूमौ तमदृष्ट्वेव वीक्षते
dadhīca uvāca- evamuktā dvijenātha na sā kiṃciduvāca ha | mūrcchitevāpatadbhūmau tamadṛṣṭveva vīkṣate
Dadhīca said: Thus addressed by the brahmin, she said nothing at all; as if fainting she fell to the ground, and looked (about) as if she did not see him.
AI translation rendered from the Sanskrit, not a published edition
PdP 5 106.30
तामथोत्थापयामास ब्राह्मणः परमार्थवित् । उत्थितोत्थापिता तेन निपपात पुनः पुनः
tāmathotthāpayāmāsa brāhmaṇaḥ paramārthavit | utthitotthāpitā tena nipapāta punaḥ punaḥ
Then the brahmin, who knew the highest truth, raised her up; risen, having been raised by him, she fell down again and again.
AI translation rendered from the Sanskrit, not a published edition
PdP 5 106.31
पतितां पतितां विप्रो निषद्योत्थाप्य तां पुनः । अंकमारोपयामास प्रममार्ज विलोचने
patitāṃ patitāṃ vipro niṣadyotthāpya tāṃ punaḥ | aṃkamāropayāmāsa pramamārja vilocane
Each time she fell, the brahmin sat down and lifted her up again, set her on his lap, and wiped her eyes.
AI translation rendered from the Sanskrit, not a published edition
PdP 5 106.32
अथ सा मूर्च्छितेवाशु वसनं परिमुच्य तम् । दर्शयंती स्तनौ गुह्यं बाहुमूले विलोचने
atha sā mūrcchitevāśu vasanaṃ parimucya tam | darśayaṃtī stanau guhyaṃ bāhumūle vilocane
Then she, as if fainting, quickly let her garment slip off, showing (him) her breasts, her private parts, her armpits, and her eyes.
AI translation rendered from the Sanskrit, not a published edition
PdP 5 106.33
आलंब्य कंठे बाहुभ्यां स्तनाभ्यामस्पृशद्द्विजम् । चंद्रातपश्च विशदो मंदमारुतसंभवः
ālaṃbya kaṃṭhe bāhubhyāṃ stanābhyāmaspṛśaddvijam | caṃdrātapaśca viśado maṃdamārutasaṃbhavaḥ
Clinging to his neck with her arms, she touched the brahmin with her breasts; and the moonlight was clear, with a gentle breeze arising.
AI translation rendered from the Sanskrit, not a published edition
PdP 5 106.34
अथ चिंतापरो विप्रो नैव कार्यमिदं मम । पितुर्वा मातुरुचितं पत्युर्वाथ गुरोस्तथा
atha ciṃtāparo vipro naiva kāryamidaṃ mama | piturvā māturucitaṃ patyurvātha gurostathā
Then the brahmin, absorbed in thought (said): "This is not at all a thing for me to do — (she is) fit for a father or a mother, or for a husband, or else for a teacher."
AI translation rendered from the Sanskrit, not a published edition — the model flagged this verse as uncertain
PdP 5 106.35
असंबुद्धस्य मे सर्वं विपरीतं विभाति वै । अथ कामः समायातो रहस्ये स्थितयोस्तयोः
asaṃbuddhasya me sarvaṃ viparītaṃ vibhāti vai | atha kāmaḥ samāyāto rahasye sthitayostayoḥ
"To me, who am not (fully) awake, everything appears reversed." Then, as the two were staying in a private place, Kāma arrived.
AI translation rendered from the Sanskrit, not a published edition
PdP 5 106.36
विव्याध निशितैर्बाणैर्द्विजं कामो दुरात्मवान् । स्मरबाणातुरो विप्रश्चिंतयामास कामुकः
vivyādha niśitairbāṇairdvijaṃ kāmo durātmavān | smarabāṇāturo vipraściṃtayāmāsa kāmukaḥ
The evil-natured Kāma pierced the brahmin with sharp arrows; and the brahmin, stricken by the arrows of Smara and full of desire, thought:
AI translation rendered from the Sanskrit, not a published edition
PdP 5 106.37
इयं सुचारु सर्वांगी कामिनीव प्रदृश्यते । नोचेद्योनिमुखे ह्यस्याः कथं रोमांचसंभवः
iyaṃ sucāru sarvāṃgī kāminīva pradṛśyate | nocedyonimukhe hyasyāḥ kathaṃ romāṃcasaṃbhavaḥ
"This woman, lovely in every limb, appears just like a woman in love; if not, how would there be this bristling of hair at the mouth of her womb?"
AI translation rendered from the Sanskrit, not a published edition
PdP 5 106.38
तदेतस्याः कुचस्पर्शात्सर्वं व्यक्तं भविष्यति । इति संचिंत्य मनसा कुचौ योनिं द्विजोऽस्पृशत्
tadetasyāḥ kucasparśātsarvaṃ vyaktaṃ bhaviṣyati | iti saṃciṃtya manasā kucau yoniṃ dvijo'spṛśat
"So from touching her breasts all this will become clear." Having thought thus in his mind, the brahmin touched her breasts and her womb.
AI translation rendered from the Sanskrit, not a published edition
PdP 5 106.39
सापि मूर्च्छितरूपेव मंदस्मितमुखाभवत् । आलिलिंग द्विजं गाढमाननं च चुचुंब ह
sāpi mūrcchitarūpeva maṃdasmitamukhābhavat | āliliṃga dvijaṃ gāḍhamānanaṃ ca cucuṃba ha
And she, though seemingly in a faint, came to have a faintly smiling face; she embraced the brahmin tightly and kissed his face.
AI translation rendered from the Sanskrit, not a published edition
PdP 5 106.40
तयोरथ समायोगो वर्षाणां शतमप्यभूत् । गते वर्षशते पश्चादेकस्मिन्दिवसे द्विजः
tayoratha samāyogo varṣāṇāṃ śatamapyabhūt | gate varṣaśate paścādekasmindivase dvijaḥ
Then their union lasted a full hundred years; and after the hundred years had passed, on a certain day the brahmin
AI translation rendered from the Sanskrit, not a published edition
PdP 5 106.41
स्नातुं ययौ नदीं प्रातः सापि विप्रप्रसंगतः । स्नानं तत्र तथा चक्रे पुराणं श्रुतवानथ
snātuṃ yayau nadīṃ prātaḥ sāpi vipraprasaṃgataḥ | snānaṃ tatra tathā cakre purāṇaṃ śrutavānatha
went at dawn to the river to bathe, and she too, out of attachment to the brahmin; there he performed his bath, and then he heard a Purāṇa —
AI translation rendered from the Sanskrit, not a published edition
PdP 5 106.42
कौर्मं समस्तपापानां नाशनं शिवभक्तिदम् । इदं च पद्यं शुश्राव पुराणज्ञेन भाषितम्
kaurmaṃ samastapāpānāṃ nāśanaṃ śivabhaktidam | idaṃ ca padyaṃ śuśrāva purāṇajñena bhāṣitam
the Kūrma (Purāṇa), destroyer of all sins, bestower of devotion to Śiva; and he heard this verse spoken by one who knew the Purāṇa:
AI translation rendered from the Sanskrit, not a published edition
PdP 5 106.43
ब्रह्महा मद्यपः स्तेनस्तथैव गुरुतल्पगः । कौर्मं पुराणं श्रुत्वैव मुच्यते पातकात्ततः
brahmahā madyapaḥ stenastathaiva gurutalpagaḥ | kaurmaṃ purāṇaṃ śrutvaiva mucyate pātakāttataḥ
"A killer of a brahmin, a drinker of liquor, a thief, and likewise one who defiles his teacher's bed — merely by hearing the Kūrma Purāṇa he is thereby freed from his sin."
AI translation rendered from the Sanskrit, not a published edition
PdP 5 106.44
श्रुत्वैतद्वचनं विप्रः पौराणिकमभाषत । मया कृतानां पापानां न च संख्यास्ति काचन
śrutvaitadvacanaṃ vipraḥ paurāṇikamabhāṣata | mayā kṛtānāṃ pāpānāṃ na ca saṃkhyāsti kācana
Hearing this speech, the brahmin said to the Purāṇa-reciter: "There is no counting at all of the sins committed by me.
AI translation rendered from the Sanskrit, not a published edition
PdP 5 106.45
अशेषपापसंदोहनाशनं तदिहोच्यताम् । पौराणिक उवाच- आराधय स्वदेवेशं शंकरं त्रिदशेश्वरम्
aśeṣapāpasaṃdohanāśanaṃ tadihocyatām | paurāṇika uvāca- ārādhaya svadeveśaṃ śaṃkaraṃ tridaśeśvaram
Let that which destroys the whole mass of sin be told here." The Purāṇa-reciter said: "Worship your own lord of gods, Śaṃkara, the ruler of the thirty (gods).
AI translation rendered from the Sanskrit, not a published edition
PdP 5 106.46
तस्य संपूजनाद्विप्र सर्वं पापं विनश्यति । पापमेव तमः प्रोक्तं ज्ञानदीपेन नश्यति
tasya saṃpūjanādvipra sarvaṃ pāpaṃ vinaśyati | pāpameva tamaḥ proktaṃ jñānadīpena naśyati
By worshipping him, brahmin, all sin is destroyed. Sin itself is declared to be darkness; it is destroyed by the lamp of knowledge.
AI translation rendered from the Sanskrit, not a published edition
PdP 5 106.47
अथवा पूजया विप्र समस्ताघविनाशनम् । ज्ञानपूजाविहीनानां नरके पतनं ध्रुवम्
athavā pūjayā vipra samastāghavināśanam | jñānapūjāvihīnānāṃ narake patanaṃ dhruvam
Or else, brahmin, by worship (comes) the destruction of all evil. For those devoid of knowledge and worship, falling into hell is certain.
AI translation rendered from the Sanskrit, not a published edition
PdP 5 106.48
दधीच उवाच- अथ द्विजो ह्यभिगतः शिवालयमनुत्तमम् । द्रोणपुष्पसहस्रेण पूजयामास शंकरम्
dadhīca uvāca- atha dvijo hyabhigataḥ śivālayamanuttamam | droṇapuṣpasahasreṇa pūjayāmāsa śaṃkaram
Dadhīca said: Then the brahmin went to a most excellent temple of Śiva and worshipped Śaṃkara with a thousand droṇa-flowers.
AI translation rendered from the Sanskrit, not a published edition
PdP 5 106.49
गृहं जगाम च ततो भोजनं कृतवानथ । विहाय क्षत्रियां विप्रो जगामेष्टां भुवं ततः
gṛhaṃ jagāma ca tato bhojanaṃ kṛtavānatha | vihāya kṣatriyāṃ vipro jagāmeṣṭāṃ bhuvaṃ tataḥ
And then he went home and took his meal; then the brahmin, leaving the kṣatriya woman, went to the land he wished for.
AI translation rendered from the Sanskrit, not a published edition — the model flagged this verse as uncertain
PdP 5 106.50
हविष्यमन्नमादाय भुक्त्यशक्तेः शिवालयम् । गत्वा दीपस्थिताज्येन भोजनं कृतवान्बहिः
haviṣyamannamādāya bhuktyaśakteḥ śivālayam | gatvā dīpasthitājyena bhojanaṃ kṛtavānbahiḥ
Taking sacrificial food, since he was unable to eat (it there), he went to a temple of Śiva and made his meal outside with the ghee that stood in the lamp.
AI translation rendered from the Sanskrit, not a published edition — the model flagged this verse as uncertain
PdP 5 106.51
अथ मृत्युवशं प्राप्तो यमलोकं जगाम वै । यम उवाच- त्वया कृतानां पापानां केषांचिन्नाशनं पुरा
atha mṛtyuvaśaṃ prāpto yamalokaṃ jagāma vai | yama uvāca- tvayā kṛtānāṃ pāpānāṃ keṣāṃcinnāśanaṃ purā
Then, falling under the power of death, he went indeed to the world of Yama. Yama said: Of the sins committed by you, some were formerly destroyed—
AI translation rendered from the Sanskrit, not a published edition
PdP 5 106.52
त्वयैकदिवसे पूजा शंकरस्य यतः कृता । तव पापसहस्रं च प्रणष्टं भवतो द्विज
tvayaikadivase pūjā śaṃkarasya yataḥ kṛtā | tava pāpasahasraṃ ca praṇaṣṭaṃ bhavato dvija
—because worship of Śaṃkara was performed by you on one day; and a thousand of your sins have perished, O brahmin.
AI translation rendered from the Sanskrit, not a published edition
PdP 5 106.53
स्थितानामपि पापानां फलं नरकपातनम् । वर्षकोटिद्वयं विप्र श्वानजन्मशतं पुनः
sthitānāmapi pāpānāṃ phalaṃ narakapātanam | varṣakoṭidvayaṃ vipra śvānajanmaśataṃ punaḥ
But of the sins that remain the fruit is a fall into hell for two crores of years, O brahmin, and then a hundred births as a dog.
AI translation rendered from the Sanskrit, not a published edition
PdP 5 106.54
शिवदीपाज्यहरणात्फलं नरकसेवनम् । नरके च स्थितिस्तस्य शतवर्षं सुभीषणम्
śivadīpājyaharaṇātphalaṃ narakasevanam | narake ca sthitistasya śatavarṣaṃ subhīṣaṇam
From stealing the ghee of Śiva's lamp the fruit is a stay in hell, and his residence in hell is for a hundred most terrible years:
AI translation rendered from the Sanskrit, not a published edition
PdP 5 106.55
कुंभीपाके च काष्ठत्वं भस्म भूत्वा पुनः पुनः । वर्षाणां दशकं त्वेवं कृमिभुक्तिः परं दश
kuṃbhīpāke ca kāṣṭhatvaṃ bhasma bhūtvā punaḥ punaḥ | varṣāṇāṃ daśakaṃ tvevaṃ kṛmibhuktiḥ paraṃ daśa
in Kumbhīpāka, becoming wood and becoming ash again and again, for ten years thus; and beyond that, ten (years) of being devoured by worms;
AI translation rendered from the Sanskrit, not a published edition
PdP 5 106.56
पुनश्च दीपवर्तित्वं वर्षाणां च तथा दश । श्लेष्मामेध्यपुरीषेषु मूत्ररेतोह्रदेषु च
punaśca dīpavartitvaṃ varṣāṇāṃ ca tathā daśa | śleṣmāmedhyapurīṣeṣu mūtraretohradeṣu ca
and again being a lamp-wick, likewise for ten years; and in phlegm, filth and excrement, and in ponds of urine and semen,
AI translation rendered from the Sanskrit, not a published edition
PdP 5 106.57
उन्मज्ज्य च निमज्ज्याथ श्लेष्मविण्मलभोजनम् । ततो नरकशेषेण श्वानजन्मशतं परम्
unmajjya ca nimajjyātha śleṣmaviṇmalabhojanam | tato narakaśeṣeṇa śvānajanmaśataṃ param
rising up and sinking down, feeding on phlegm, dung and impurity; then, with the remainder of the hell(-punishment), a hundred births as a dog besides.
AI translation rendered from the Sanskrit, not a published edition
PdP 5 106.58
यमवाक्यमिति श्रुत्वा ब्राह्मणो निपपात च । अथ तस्य प्रिया भार्या पतिचिंतापराभवत्
yamavākyamiti śrutvā brāhmaṇo nipapāta ca | atha tasya priyā bhāryā paticiṃtāparābhavat
Hearing this speech of Yama, the brahmin collapsed. Meanwhile his dear wife became absorbed in thought of her husband.
AI translation rendered from the Sanskrit, not a published edition
PdP 5 106.59
एतस्मिन्नंतरे तस्याः समीपं नारदोऽभ्यगात् । नारदस्य पपातासौ पादयोरतिदुःखिता
etasminnaṃtare tasyāḥ samīpaṃ nārado'bhyagāt | nāradasya papātāsau pādayoratiduḥkhitā
In this interval Nārada approached her; exceedingly grieved, she fell at Nārada's feet.
AI translation rendered from the Sanskrit, not a published edition
PdP 5 106.60
तामुत्थाप्य मुनिः शुद्धां गतायुषमभाषत । अयि मुग्धे विशालाक्षि भर्तारं गंतुमर्हसि
tāmutthāpya muniḥ śuddhāṃ gatāyuṣamabhāṣata | ayi mugdhe viśālākṣi bhartāraṃ gaṃtumarhasi
Raising up that pure woman whose lifetime was spent, the sage spoke: O bewildered one, O wide-eyed woman, you should go to your husband.
AI translation rendered from the Sanskrit, not a published edition
PdP 5 106.61
भर्ता ते हि विशालाक्षि मृतो बंधुविवर्जितः । न रोदितव्यं ते भद्रे ज्वलनं प्रविशस्व भोः
bhartā te hi viśālākṣi mṛto baṃdhuvivarjitaḥ | na roditavyaṃ te bhadre jvalanaṃ praviśasva bhoḥ
For your husband, O wide-eyed one, has died, bereft of kinsmen; you must not weep, good lady—enter the fire, indeed!
AI translation rendered from the Sanskrit, not a published edition
PdP 5 106.62
ब्राह्मण्युवाच- अशक्यं यदि वा शक्यं मया गंतुं मुने वद । अग्निप्रवेशकालो वै व्यतीतो न भवेद्यथा
brāhmaṇyuvāca- aśakyaṃ yadi vā śakyaṃ mayā gaṃtuṃ mune vada | agnipraveśakālo vai vyatīto na bhavedyathā
The brahmin woman said: Tell me, sage, whether it is possible or impossible for me to go, so that the time for entering the fire may not have passed.
AI translation rendered from the Sanskrit, not a published edition
PdP 5 106.63
नारद उवाच- योजनानां शतं त्वेकमितः स्थानात्पुरं हितत् । श्वो दाहः किल विप्रस्य भविता गंतुमर्हसि
nārada uvāca- yojanānāṃ śataṃ tvekamitaḥ sthānātpuraṃ hitat | śvo dāhaḥ kila viprasya bhavitā gaṃtumarhasi
Nārada said: One hundred yojanas from this place is that city; tomorrow, they say, the brahmin's cremation will take place—you should go.
AI translation rendered from the Sanskrit, not a published edition
PdP 5 106.64
अव्ययोवाच- दूरस्थितं कायनाथं गंतुमर्हामि हे मुने । तद्वचस्तु समाकर्ण्य नारदस्तामभाषत
avyayovāca- dūrasthitaṃ kāyanāthaṃ gaṃtumarhāmi he mune | tadvacastu samākarṇya nāradastāmabhāṣata
Avyayā said: Am I able to reach the lord of my body, who is so far away, O sage? Hearing that speech of hers, Nārada said to her:
AI translation rendered from the Sanskrit, not a published edition
PdP 5 106.65
विपंची नालसंस्था त्वं भव गच्छाम्यहं क्षणात् । इत्युदीर्य तदा गत्वा त्वरां चक्रे गतं च तत्
vipaṃcī nālasaṃsthā tvaṃ bhava gacchāmyahaṃ kṣaṇāt | ityudīrya tadā gatvā tvarāṃ cakre gataṃ ca tat
"Be seated in the hollow of my lute; I shall go in an instant." Having said this he then set out, made haste, and that (journey) was accomplished.
AI translation rendered from the Sanskrit, not a published edition — the model flagged this verse as uncertain
PdP 5 106.66
देशं नष्टद्विजस्थानं तामुवाचाव्ययां मुनिः । रोदनं नेह कर्तव्यं यदि तत्राग्निमेष्यसि
deśaṃ naṣṭadvijasthānaṃ tāmuvācāvyayāṃ muniḥ | rodanaṃ neha kartavyaṃ yadi tatrāgnimeṣyasi
(Reaching) the region which was the place of the dead brahmin, the sage said to Avyayā: No weeping should be done here, if you are to enter the fire there.
AI translation rendered from the Sanskrit, not a published edition
PdP 5 106.67
पापं यदि कृतं भद्रे परपूरुषसेवनम् । एतद्विशुद्धये पुत्रि प्रायश्चित्तं समाचर
pāpaṃ yadi kṛtaṃ bhadre parapūruṣasevanam | etadviśuddhaye putri prāyaścittaṃ samācara
If a sin has been committed, good lady—the service of another man—then, daughter, perform the expiation for purification from this.
AI translation rendered from the Sanskrit, not a published edition
PdP 5 106.68
तवोपपातकव्रात नाशो वह्निप्रवेशनात् । नान्यत्पश्यामि नारीणां सर्वपापोपशांतये
tavopapātakavrāta nāśo vahnipraveśanāt | nānyatpaśyāmi nārīṇāṃ sarvapāpopaśāṃtaye
The destruction of your host of lesser sins (comes) from entering the fire; I see nothing else for women, for the appeasing of all sins.
AI translation rendered from the Sanskrit, not a published edition
PdP 5 106.69
अग्निप्रवेशं मुक्त्वैकं प्रायश्चित्तं जगत्त्रये । दधीच उवाच- अथ नारदवाक्येन नोदिता सा वचोऽब्रवीत्
agnipraveśaṃ muktvaikaṃ prāyaścittaṃ jagattraye | dadhīca uvāca- atha nāradavākyena noditā sā vaco'bravīt
Apart from entering the fire, there is no single expiation in the three worlds. Dadhīca said: Then, urged on by Nārada's speech, she spoke (these) words.
AI translation rendered from the Sanskrit, not a published edition
PdP 5 106.70
अग्निप्रवेशे नारीणां किं कर्तव्यं महामुने । नारद उवाच- स्नानं मंगलसंस्कारो भूषणांजनधारणम्
agnipraveśe nārīṇāṃ kiṃ kartavyaṃ mahāmune | nārada uvāca- snānaṃ maṃgalasaṃskāro bhūṣaṇāṃjanadhāraṇam
"When women enter the fire, what is to be done, great sage?" Nārada said: Bathing, the auspicious rite, the wearing of ornaments and eye-black,
AI translation rendered from the Sanskrit, not a published edition
PdP 5 106.71
गंधपुष्पं तथा धूपं हरिद्राक्षतधारणम् । मंगलं च तथा सूत्रं पादालक्तकमेव च
gaṃdhapuṣpaṃ tathā dhūpaṃ haridrākṣatadhāraṇam | maṃgalaṃ ca tathā sūtraṃ pādālaktakameva ca
perfume and flowers, and likewise incense, the wearing of turmeric and unbroken rice grains, and also the auspicious thread, and red lac on the feet,
AI translation rendered from the Sanskrit, not a published edition
PdP 5 106.72
शक्त्या दानं प्रियोक्तिश्च प्रसन्नास्यत्वमेव च । नानामंगलवाद्यानां श्रवणं गीतकस्य च
śaktyā dānaṃ priyoktiśca prasannāsyatvameva ca | nānāmaṃgalavādyānāṃ śravaṇaṃ gītakasya ca
giving according to one's means, kind speech, and a cheerful face, and the hearing of various auspicious instruments and of song.
AI translation rendered from the Sanskrit, not a published edition
PdP 5 106.73
व्यभिचारकृते पापे तत्पापस्य प्रशांतये । अतीतं पातकं स्पृष्ट्वा प्रायश्चित्तं तदीरितम्
vyabhicārakṛte pāpe tatpāpasya praśāṃtaye | atītaṃ pātakaṃ spṛṣṭvā prāyaścittaṃ tadīritam
When the sin has been committed through adultery, for the quieting of that sin — having touched upon the past offence, that expiation has been declared.
AI translation rendered from the Sanskrit, not a published edition
PdP 5 106.74
कुर्यादथ स्वकां भूषां विप्राय प्रतिपादयेत् । भूषाभावे स्वकीयेन प्रायश्चित्तं तु कारयेत्
kuryādatha svakāṃ bhūṣāṃ viprāya pratipādayet | bhūṣābhāve svakīyena prāyaścittaṃ tu kārayet
Then she should perform (it) and present her ornament to a brahmin; in the absence of an ornament, she should have the expiation done with (something) of her own.
AI translation rendered from the Sanskrit, not a published edition
PdP 5 106.75
नान्यथा तस्य पापस्य नाशनं वेति कुत्रचित् । अव्ययोवाच- सर्वमेतत्करिष्यामि हरिद्रा मे न विद्यते
nānyathā tasya pāpasya nāśanaṃ veti kutracit | avyayovāca- sarvametatkariṣyāmi haridrā me na vidyate
Not otherwise is there anywhere destruction of that sin, so (it is said). Avyaya said: I shall do all this; I have no turmeric.
AI translation rendered from the Sanskrit, not a published edition
PdP 5 106.76
भूषणं किमुत ब्रह्मन्सर्वमेतत्प्रदीयताम् । नारद उवाच- न ह्यस्ति किंचित्सौभाग्यद्रव्यमन्यत्त्वपेक्षया
bhūṣaṇaṃ kimuta brahmansarvametatpradīyatām | nārada uvāca- na hyasti kiṃcitsaubhāgyadravyamanyattvapekṣayā
How much less an ornament, brahmin! Let all this be given (to me). Nārada said: For there is no other substance of marital good fortune comparable to it.
AI translation rendered from the Sanskrit, not a published edition — the model flagged this verse as uncertain
PdP 5 106.77
दधीच उवाच- अथ क्षणेनाभ्यगमत्कैलासं शिवमंदिरम् । गिरिजामथ दृष्ट्वासौ प्रणिपत्येदमब्रवीत्
dadhīca uvāca- atha kṣaṇenābhyagamatkailāsaṃ śivamaṃdiram | girijāmatha dṛṣṭvāsau praṇipatyedamabravīt
Dadhīca said: Then in an instant he went to Kailāsa, Śiva's dwelling; and seeing the Mountain's Daughter, he bowed down and said this:
AI translation rendered from the Sanskrit, not a published edition
PdP 5 106.78
हरिद्रा दीयतां मातर्भूषणानि च सूत्रकम् । पार्वत्युवाच- विधवायै मया किंचिद्भूषणं दीयतां कथम्
haridrā dīyatāṃ mātarbhūṣaṇāni ca sūtrakam | pārvatyuvāca- vidhavāyai mayā kiṃcidbhūṣaṇaṃ dīyatāṃ katham
"Let turmeric be given, mother, and ornaments and the thread." Pārvatī said: How should any ornament be given by me to a widow?
AI translation rendered from the Sanskrit, not a published edition
PdP 5 106.79
मया दत्ते हि तस्मिन्वै वैधव्यं नोपपद्यते । नारद उवाच- मातर्न विधवा यावद्धवांगं वर्तते स्त्रियः
mayā datte hi tasminvai vaidhavyaṃ nopapadyate | nārada uvāca- mātarna vidhavā yāvaddhavāṃgaṃ vartate striyaḥ
For when it is given by me to her, widowhood does not come about. Nārada said: Mother, a woman is not a widow so long as her husband's body exists.
AI translation rendered from the Sanskrit, not a published edition
PdP 5 106.80
आदाहात्सूतकं नास्ति तिष्ठेत्सौभाग्यमुत्तमम् । पार्वत्युवाच- न चान्यदेहो मद्भूषां हरिद्रां धर्तुमर्हति
ādāhātsūtakaṃ nāsti tiṣṭhetsaubhāgyamuttamam | pārvatyuvāca- na cānyadeho madbhūṣāṃ haridrāṃ dhartumarhati
Until the burning there is no (death-)impurity; her excellent good fortune would remain. Pārvatī said: And no other body deserves to wear my ornament and turmeric.
AI translation rendered from the Sanskrit, not a published edition
PdP 5 106.81
भूषणादौ मया दत्ते चिरंजीवितमिष्यते । दीयते हि जयंत्यैव सर्वमेतत्त्वयोदितम्
bhūṣaṇādau mayā datte ciraṃjīvitamiṣyate | dīyate hi jayaṃtyaiva sarvametattvayoditam
When ornaments and the rest are given by me, long life is intended (thereby). Indeed all this that you have named is given by Jayantī.
AI translation rendered from the Sanskrit, not a published edition — the model flagged this verse as uncertain
PdP 5 106.82
जयंतीं स जगामाथ तया दत्तमथाहरत् । स्नपंत्या अव्ययायास्तु हरिद्रां दत्तवान्मुनिः
jayaṃtīṃ sa jagāmātha tayā dattamathāharat | snapaṃtyā avyayāyāstu haridrāṃ dattavānmuniḥ
Then he went to Jayantī and carried away what was given by her; and the sage gave the turmeric to Avyayā as she was bathing.
AI translation rendered from the Sanskrit, not a published edition
PdP 5 106.83
ततः स सूक्ष्मवसनभूषणानि मुनिर्ददौ । आह चैनां तवांतेष्टिं कः करोति नियुंक्ष्व तम्
tataḥ sa sūkṣmavasanabhūṣaṇāni munirdadau | āha caināṃ tavāṃteṣṭiṃ kaḥ karoti niyuṃkṣva tam
Then the sage gave her fine garments and ornaments, and said to her: "Who is to perform your funeral rite? Appoint him."
AI translation rendered from the Sanskrit, not a published edition
PdP 5 106.84
अव्ययोवाच- त्वयैव मे समस्तानां क्रियाणां कारणं मुने । पितासि सर्वं कुर्वद्य नमस्ते मुनिसत्तम
avyayovāca- tvayaiva me samastānāṃ kriyāṇāṃ kāraṇaṃ mune | pitāsi sarvaṃ kurvadya namaste munisattama
Avyaya said: By you alone, sage, is the performing of all my rites; you are (my) father — do everything today; homage to you, best of sages.
AI translation rendered from the Sanskrit, not a published edition
PdP 5 106.85
दधीच उवाच- अथ तं ब्राह्मणं दग्ध्वा नारदस्तामुवाच ह । अव्यये गच्छ दहनं प्रविश त्वं यदीच्छसि
dadhīca uvāca- atha taṃ brāhmaṇaṃ dagdhvā nāradastāmuvāca ha | avyaye gaccha dahanaṃ praviśa tvaṃ yadīcchasi
Dadhīca said: Then, having burned that brahmin, Nārada said to her: "Avyayā, go to the fire; enter it, if you wish."
AI translation rendered from the Sanskrit, not a published edition
PdP 5 106.86
अथ सा भूषिता साध्वी त्रिःप्रदक्षिणपूर्वकम् । नारदं तु नमस्कृत्य गौरांगीमर्पयन्मनः
atha sā bhūṣitā sādhvī triḥpradakṣiṇapūrvakam | nāradaṃ tu namaskṛtya gaurāṃgīmarpayanmanaḥ
Then that virtuous woman, adorned, having first circumambulated three times and bowed to Nārada, fixed her mind on the fair-limbed (Goddess).
AI translation rendered from the Sanskrit, not a published edition
PdP 5 106.87
सुसूक्ष्मं मंगलंसूत्रं हरिद्रामक्षतांस्तथा । कुसुमानि च वासांसि कस्तूरीचंदनं तथा
susūkṣmaṃ maṃgalaṃsūtraṃ haridrāmakṣatāṃstathā | kusumāni ca vāsāṃsi kastūrīcaṃdanaṃ tathā
A very fine auspicious thread, turmeric and likewise unbroken rice grains, and flowers and garments, and musk and sandal too,
AI translation rendered from the Sanskrit, not a published edition
PdP 5 106.88
सौवर्णकंकतिकां च फलानि विविधानि च । स्वदक्षिणादिवस्त्रांतं स्पर्शयित्वा पृथक्पृथक्
sauvarṇakaṃkatikāṃ ca phalāni vividhāni ca | svadakṣiṇādivastrāṃtaṃ sparśayitvā pṛthakpṛthak
And a golden comb and various fruits — having touched (them) one by one with the hem of her own right-hand garment and the rest,
AI translation rendered from the Sanskrit, not a published edition — the model flagged this verse as uncertain
PdP 5 106.89
पार्वतीप्रीतिकामा सा पुरंध्रीभ्योऽखिलं ददौ । ज्वालामालाभिराकाशं दहंतमिव चानलम्
pārvatīprītikāmā sā puraṃdhrībhyo'khilaṃ dadau | jvālāmālābhirākāśaṃ dahaṃtamiva cānalam
she, desiring the favour of Pārvatī, gave everything to the married women — and (she looked at) the fire, as if burning up the sky with its garlands of flames.
AI translation rendered from the Sanskrit, not a published edition
PdP 5 106.90
त्रिःप्रदक्षिणमागत्य स्थित्वाग्नेः पुरतः सती । इदं प्राह तदा वाक्यं प्रांजलिः प्रहसन्मुखी
triḥpradakṣiṇamāgatya sthitvāgneḥ purataḥ satī | idaṃ prāha tadā vākyaṃ prāṃjaliḥ prahasanmukhī
Having circumambulated three times and stood before the fire, the faithful wife then spoke these words, palms joined, her face smiling.
AI translation rendered from the Sanskrit, not a published edition
PdP 5 106.91
अव्ययोवाच- इंद्रादयो दिशांपाला मातर्मेदिनि भास्कर । धर्मादयः सुराः सर्वे शृणुध्वं मम भाषितम्
avyayovāca- iṃdrādayo diśāṃpālā mātarmedini bhāskara | dharmādayaḥ surāḥ sarve śṛṇudhvaṃ mama bhāṣitam
The imperishable one said: Indra and the other guardians of the directions, Mother Earth, Sun, Dharma and the rest, all you gods — hear my speech.
AI translation rendered from the Sanskrit, not a published edition
PdP 5 106.92
पाणिपीडनमारभ्य चैतदंतमहर्निशम् । वाङ्मनःकर्मभिर्भर्ता सेवितो यदि भक्तितः
pāṇipīḍanamārabhya caitadaṃtamaharniśam | vāṅmanaḥkarmabhirbhartā sevito yadi bhaktitaḥ
If, beginning from the taking of the hand (in marriage) up to this moment, day and night, my husband has been served with devotion by speech, mind, and deeds,
AI translation rendered from the Sanskrit, not a published edition
PdP 5 106.93
व्यभिचारो यथा न स्यादवस्थात्रितये मम । तेन सत्येन मे पत्या सार्द्धं यानं प्रयच्छत
vyabhicāro yathā na syādavasthātritaye mama | tena satyena me patyā sārddhaṃ yānaṃ prayacchata
so that there was no unfaithfulness in me in the three states (waking, dreaming, sleeping) — by that truth grant me passage together with my husband.
AI translation rendered from the Sanskrit, not a published edition
PdP 5 106.94
इत्युक्त्वाथ स्वहस्ताग्रपुष्पकं द्रुतमाक्षिपत् । प्रविष्टा ज्वलनं दीप्तमथापश्यद्विमानकम्
ityuktvātha svahastāgrapuṣpakaṃ drutamākṣipat | praviṣṭā jvalanaṃ dīptamathāpaśyadvimānakam
Having said this she quickly threw the flower from her fingertips, and, having entered the blazing fire, she then saw a celestial car,
AI translation rendered from the Sanskrit, not a published edition
PdP 5 106.95
सूर्येण सममुत्कृष्टमप्सरोगीतशोभितम् । आरुरोह विमानं सा भर्त्रा साकं दिवं ययौ
sūryeṇa samamutkṛṣṭamapsarogītaśobhitam | āruroha vimānaṃ sā bhartrā sākaṃ divaṃ yayau
exalted, equal to the sun, made splendid with the song of apsarases — she mounted that car and went to heaven together with her husband.
AI translation rendered from the Sanskrit, not a published edition
PdP 5 106.96
यमः प्राहाथ संपूज्य वनितां तां पतिव्रताम् । अक्षयः स्वर्ग एवेह न च पापं तवास्ति वै
yamaḥ prāhātha saṃpūjya vanitāṃ tāṃ pativratām | akṣayaḥ svarga eveha na ca pāpaṃ tavāsti vai
Then Yama, having honoured that woman devoted to her husband, said: Here indeed is imperishable heaven, and you have no sin at all.
AI translation rendered from the Sanskrit, not a published edition
PdP 5 106.97
कोटिद्वयसमास्तत्र नरके हंत पातकम् । मृष्टमेव न संदेहः किंतु पातकमेव च
koṭidvayasamāstatra narake haṃta pātakam | mṛṣṭameva na saṃdehaḥ kiṃtu pātakameva ca
Alas, in that hell (there are) sins equal to two crores; they are indeed wiped away, no doubt — but still it is sin.
AI translation rendered from the Sanskrit, not a published edition — the model flagged this verse as uncertain
PdP 5 106.98
एकं शिवस्य दीपाज्यभक्षणेन समर्जितम् । न वापि नरके पातः श्वानजन्मशतं भवेत्
ekaṃ śivasya dīpājyabhakṣaṇena samarjitam | na vāpi narake pātaḥ śvānajanmaśataṃ bhavet
One (sin) is that incurred by eating the ghee of Śiva's lamp: there is no fall into hell for it, but there would be a hundred births as a dog.
AI translation rendered from the Sanskrit, not a published edition — the model flagged this verse as uncertain
PdP 5 106.99
अव्ययोवाच- अग्निप्रवेशशुद्धानां पुनश्च नरकः कथम् । अग्निप्रवेशात्सर्वेषां पापानां नाशनं भवेत्
avyayovāca- agnipraveśaśuddhānāṃ punaśca narakaḥ katham | agnipraveśātsarveṣāṃ pāpānāṃ nāśanaṃ bhavet
The imperishable one said: For those purified by entering the fire, how can there be hell again? By entering the fire the destruction of all sins should occur.
AI translation rendered from the Sanskrit, not a published edition
PdP 5 106.100
यम उवाच- शिवद्रव्यापहारस्य पातकं नैव नश्यति । इत्थमाहपुरा शंभुरन्येषां नाशनं भवेत्
yama uvāca- śivadravyāpahārasya pātakaṃ naiva naśyati | itthamāhapurā śaṃbhuranyeṣāṃ nāśanaṃ bhavet
Yama said: The sin of stealing Śiva's property is not destroyed at all. Thus Śambhu declared of old; of other (sins) there is destruction.
AI translation rendered from the Sanskrit, not a published edition
PdP 5 106.101
अथ स श्वानतामाप्य शताब्दं स्यात्ततः परम् । दधीचमंदिरं प्राप्तो मृत्योरास्य गतो हि सः
atha sa śvānatāmāpya śatābdaṃ syāttataḥ param | dadhīcamaṃdiraṃ prāpto mṛtyorāsya gato hi saḥ
Then he, having attained the state of a dog, remained so for a hundred years; after that he reached the house of Dadhīca, and indeed he went into the mouth of death.
AI translation rendered from the Sanskrit, not a published edition
PdP 5 106.102
तस्य भित्तिसमीपे तु भस्मास्ते ह्यभिमंत्रितम् । भस्मनि श्वा पपाताथ ममार च गतो यमम्
tasya bhittisamīpe tu bhasmāste hyabhimaṃtritam | bhasmani śvā papātātha mamāra ca gato yamam
Near his wall there lay ash that had been consecrated with mantras; the dog fell into the ash, and died, and went to Yama.
AI translation rendered from the Sanskrit, not a published edition
PdP 5 106.103
यमः संपूज्यावनतो भवान्पुण्यतमो मुनिः । मद्गेहे भवतः स्थानं न योग्यं गम्यतां बहिः
yamaḥ saṃpūjyāvanato bhavānpuṇyatamo muniḥ | madgehe bhavataḥ sthānaṃ na yogyaṃ gamyatāṃ bahiḥ
Yama, honouring (him), bowed low (and said): You are a most meritorious sage; a place in my house is not fitting for you — let (you) go outside.
AI translation rendered from the Sanskrit, not a published edition
PdP 5 106.104
अथ गत्वा बहिस्तस्थौ सारमेयो यमोदितः । संतापावस्थितं तं च नारदो दृष्टवानमुम्
atha gatvā bahistasthau sārameyo yamoditaḥ | saṃtāpāvasthitaṃ taṃ ca nārado dṛṣṭavānamum
Then, told so by Yama, the dog went and stood outside; and Nārada saw him standing there in distress.
AI translation rendered from the Sanskrit, not a published edition
PdP 5 106.105
पप्रच्छ च किमर्थं त्वमिह तिष्ठसि दीप्तिमान् । शिवभस्मस्थितमृतं शैवं जाने महामते
papraccha ca kimarthaṃ tvamiha tiṣṭhasi dīptimān | śivabhasmasthitamṛtaṃ śaivaṃ jāne mahāmate
And he asked: For what purpose do you stand here, O radiant one? I know you, great-minded one, as a Śaiva who died lying in Śiva's ash.
AI translation rendered from the Sanskrit, not a published edition
PdP 5 106.106
शैवानां पापिनां चापि साहसेन तनुत्यजाम् । यमलोको न चास्तीति शिवाज्ञा शिवनोदिता
śaivānāṃ pāpināṃ cāpi sāhasena tanutyajām | yamaloko na cāstīti śivājñā śivanoditā
"Even for Śaivas who are sinners and who give up their bodies by violent means there is no world of Yama" — such is Śiva's command, uttered by Śiva.
AI translation rendered from the Sanskrit, not a published edition
PdP 5 106.107
दधीच उवाच- इत्थमाभाष्य तं श्वानं कैलासमगमन्मुनिः । दंडवत्प्रणिपत्येशं व्यज्ञापयदथो हरम्
dadhīca uvāca- itthamābhāṣya taṃ śvānaṃ kailāsamagamanmuniḥ | daṃḍavatpraṇipatyeśaṃ vyajñāpayadatho haram
Dadhīca said: Having spoken thus to that dog, the sage went to Kailāsa, and prostrating himself like a staff before the Lord, he then informed Hara.
AI translation rendered from the Sanskrit, not a published edition
PdP 5 106.108
देव कश्चिद्यमपुराद्बहिरास्ते स कुक्कुरः । भस्मन्येव मृतस्तद्वद्भवलोकं स चार्हति
deva kaścidyamapurādbahirāste sa kukkuraḥ | bhasmanyeva mṛtastadvadbhavalokaṃ sa cārhati
"O god, there is a certain dog dwelling outside the city of Yama; he died in ash itself, and therefore he deserves the world of Bhava (Śiva)."
AI translation rendered from the Sanskrit, not a published edition
PdP 5 106.109
अथ मुख्यगणाविष्टो वीरभद्रः शिवेरितः । आनयामास तं श्वानं दिव्यरूपधरं तदा
atha mukhyagaṇāviṣṭo vīrabhadraḥ śiveritaḥ | ānayāmāsa taṃ śvānaṃ divyarūpadharaṃ tadā
Then Vīrabhadra, accompanied by the chief attendants and instructed by Śiva, had that dog brought there, now bearing a divine form.
AI translation rendered from the Sanskrit, not a published edition
PdP 5 106.110
महेशपादप्रणतं देवायाथ व्यजिज्ञपत् । आह माहेश्वरो देवं गणमेनं कुरुष्व मे
maheśapādapraṇataṃ devāyātha vyajijñapat | āha māheśvaro devaṃ gaṇamenaṃ kuruṣva me
Then he announced to the god (that the dog was) bowed at Maheśa's feet; the servant of Maheśvara said to the god: "Make this one an attendant of mine."
AI translation rendered from the Sanskrit, not a published edition — the model flagged this verse as uncertain
PdP 5 106.111
तथेति च शिवः प्राह गणः श्वानमुखोऽभवत् । दधीच उवाच-। अतुल्यं भस्ममाहात्म्यं मयोक्तं ते शुचिस्मिते
tatheti ca śivaḥ prāha gaṇaḥ śvānamukho'bhavat | dadhīca uvāca-| atulyaṃ bhasmamāhātmyaṃ mayoktaṃ te śucismite
And Śiva said, "So be it," and (the dog) became an attendant with a dog's face. Dadhīca said: "The incomparable greatness of ash has been told to you, O bright-smiling one.
AI translation rendered from the Sanskrit, not a published edition
PdP 5 106.112
इतः परं हि किं भूयः श्रोतुमिच्छसि सुव्रते
itaḥ paraṃ hi kiṃ bhūyaḥ śrotumicchasi suvrate
What more than this, then, do you wish to hear, O woman of good vows?"
AI translation rendered from the Sanskrit, not a published edition