Padma Purana — Patala Khanda — Chapter 102

PdP 5 102.1

यम उवाच- ततस्तु करुणावार्धिस्तेषां शोकेन पीडितः । भूपतिः श्रीहरेर्दूतान्विनयेनाह वाडव

yama uvāca- tatastu karuṇāvārdhisteṣāṃ śokena pīḍitaḥ | bhūpatiḥ śrīharerdūtānvinayenāha vāḍava

Yama said: Then that king, an ocean of compassion, afflicted by the grief of those (beings), spoke to Śrī Hari's messengers with humility, O brahmin.

AI translation rendered from the Sanskrit, not a published edition

PdP 5 102.2

ऐश्वर्यस्याभिजात्यस्य गुणानां सुकृतस्य च । संतः फलं हि गण्यंते यद्भीतपरिरक्षणम्

aiśvaryasyābhijātyasya guṇānāṃ sukṛtasya ca | saṃtaḥ phalaṃ hi gaṇyaṃte yadbhītaparirakṣaṇam

The good indeed reckon this to be the fruit of lordship, of noble birth, of virtues and of merit: the protection of the frightened.

AI translation rendered from the Sanskrit, not a published edition

PdP 5 102.3

यद्यस्ति सुकृतं किंचिन्मम तेनैव जंतवः । स्वर्गे गच्छंतु मुक्तौघाः स्थाने तेषां वसाम्यहम्

yadyasti sukṛtaṃ kiṃcinmama tenaiva jaṃtavaḥ | svarge gacchaṃtu muktaughāḥ sthāne teṣāṃ vasāmyaham

If there is any merit of mine, by that very (merit) let these creatures go to heaven, their multitudes released; I will dwell in their place.

AI translation rendered from the Sanskrit, not a published edition

PdP 5 102.4

एवं भूपवचः श्रुत्वा तस्य सत्यवतो हि ते । ध्यायंतः सत्यमौदार्यमब्रुवंस्ते वचो नृपम्

evaṃ bhūpavacaḥ śrutvā tasya satyavato hi te | dhyāyaṃtaḥ satyamaudāryamabruvaṃste vaco nṛpam

Hearing thus the word of the king, who was indeed truthful, they, reflecting on his truthfulness and generosity, spoke this speech to the king.

AI translation rendered from the Sanskrit, not a published edition

PdP 5 102.5

दूता ऊचु- अनेन तव कारुण्यकर्मणा वचसा नृप । बभूव वृद्धिर्धर्मस्य संचितस्य विशेषतः

dūtā ūcu- anena tava kāruṇyakarmaṇā vacasā nṛpa | babhūva vṛddhirdharmasya saṃcitasya viśeṣataḥ

The messengers said: By this compassionate deed and speech of yours, O king, there has come about an increase, especially, of the merit you have accumulated.

AI translation rendered from the Sanskrit, not a published edition

PdP 5 102.6

स्नानं दानं जपो होमस्तपो देवार्चनादिकम् । कृतं यन्माधवे मासि तदनंतफलं विदुः

snānaṃ dānaṃ japo homastapo devārcanādikam | kṛtaṃ yanmādhave māsi tadanaṃtaphalaṃ viduḥ

Bathing, giving, muttered prayer, oblation, austerity, worship of the gods and the like — whatever is done in the month of Mādhava, that they know to bear endless fruit.

AI translation rendered from the Sanskrit, not a published edition

PdP 5 102.7

स्वर्गे यज्वा च दाता च क्रीडते त्रिदशैः सह । वापीषु हेमपद्मासु कल्पवृक्षतलेऽपि च

svarge yajvā ca dātā ca krīḍate tridaśaiḥ saha | vāpīṣu hemapadmāsu kalpavṛkṣatale'pi ca

In heaven the sacrificer and the giver play together with the thirty (gods), in ponds with golden lotuses and also beneath the wish-granting trees.

AI translation rendered from the Sanskrit, not a published edition

PdP 5 102.8

गीयमानो मुदं याति गीर्वाणरमणीगणैः । जलान्नदानतो लोकं लभते वारुणं शुभम्

gīyamāno mudaṃ yāti gīrvāṇaramaṇīgaṇaiḥ | jalānnadānato lokaṃ labhate vāruṇaṃ śubham

Sung of by throngs of the celestial women, he attains delight; by the gift of water and food one gains the auspicious world of Varuṇa.

AI translation rendered from the Sanskrit, not a published edition

PdP 5 102.9

कुलानि हेलया सप्त संतारयति गोप्रदः । हयं दत्वा रवेर्लोकं याति विद्याप्रदो नरः

kulāni helayā sapta saṃtārayati gopradaḥ | hayaṃ datvā raverlokaṃ yāti vidyāprado naraḥ

The giver of a cow effortlessly carries seven lineages across; having given a horse one goes to the world of the sun — (so too) the man who gives knowledge.

AI translation rendered from the Sanskrit, not a published edition

PdP 5 102.10

ब्रह्मलोकं तथा हेमदानाद्याति सुरालये । यो ददाति तथा कन्यां विष्णुलोकं स गच्छति

brahmalokaṃ tathā hemadānādyāti surālaye | yo dadāti tathā kanyāṃ viṣṇulokaṃ sa gacchati

Likewise, by the gift of gold one goes in the abode of the gods to the world of Brahmā; and he who gives a maiden goes to the world of Viṣṇu.

AI translation rendered from the Sanskrit, not a published edition

PdP 5 102.11

माधवेमासि यः स्नात्वा दत्वा संपूज्य माधवम् । अवाप्य सकलान्कामान्प्रयाति पदमव्ययम्

mādhavemāsi yaḥ snātvā datvā saṃpūjya mādhavam | avāpya sakalānkāmānprayāti padamavyayam

He who in the month of Mādhava bathes, gives, and worships Mādhava, having obtained all his desires, goes on to the imperishable state.

AI translation rendered from the Sanskrit, not a published edition

PdP 5 102.12

एकतोऽपि तपो दान क्रतु सुत्यादिकाः क्रियाः । एकतो विधिवन्मासो माधवश्चरितो महान्

ekato'pi tapo dāna kratu sutyādikāḥ kriyāḥ | ekato vidhivanmāso mādhavaścarito mahān

On the one side, austerity, giving, sacrifice, the soma-pressing and the rest of the rites; on the other side, the great month of Mādhava observed according to rule.

AI translation rendered from the Sanskrit, not a published edition

PdP 5 102.13

तस्य माधवमासस्य दिनैकस्यापि भूपते । कृतं यत्सुकृतं तत्ते सर्वदानाधिकं पुरा

tasya mādhavamāsasya dinaikasyāpi bhūpate | kṛtaṃ yatsukṛtaṃ tatte sarvadānādhikaṃ purā

Of that month of Mādhava, O lord of the earth, the merit made even on a single day is for you greater than all gifts formerly (made).

AI translation rendered from the Sanskrit, not a published edition

PdP 5 102.14

कारुण्येन दिनैकस्य पुण्यं देहि धरापते । निरये पच्यमानेभ्यो दुःखितेभ्यो दयानिधे

kāruṇyena dinaikasya puṇyaṃ dehi dharāpate | niraye pacyamānebhyo duḥkhitebhyo dayānidhe

Out of compassion, O lord of the earth, give the merit of a single day to these suffering ones being cooked in hell, O treasury of pity.

AI translation rendered from the Sanskrit, not a published edition

PdP 5 102.15

न दयासदृशो धर्मो न दयासदृशं तपः । न दयासदृशं दानं न दयासदृशः सखा

na dayāsadṛśo dharmo na dayāsadṛśaṃ tapaḥ | na dayāsadṛśaṃ dānaṃ na dayāsadṛśaḥ sakhā

There is no dharma like pity, no austerity like pity, no gift like pity, no friend like pity.

AI translation rendered from the Sanskrit, not a published edition

PdP 5 102.16

पुण्यदः पुण्यमाप्नोति नरो लक्षगुणं सदा । कारुण्येन विशेषात्ते धर्मवृद्धिस्ततो भवेत्

puṇyadaḥ puṇyamāpnoti naro lakṣaguṇaṃ sadā | kāruṇyena viśeṣātte dharmavṛddhistato bhavet

A giver of merit always obtains merit a hundred thousand times over; through compassion especially, from that an increase of dharma comes to you.

AI translation rendered from the Sanskrit, not a published edition

PdP 5 102.17

दुःखितानां हि भूतानां दुःखोद्धर्त्ता नरो हि यः । स एव सुकृती लोके ज्ञेयो नारायणांशजः

duḥkhitānāṃ hi bhūtānāṃ duḥkhoddharttā naro hi yaḥ | sa eva sukṛtī loke jñeyo nārāyaṇāṃśajaḥ

For whatever man is a remover of the suffering of suffering creatures, he alone in this world is to be known as a doer of good, born of a portion of Nārāyaṇa.

AI translation rendered from the Sanskrit, not a published edition

PdP 5 102.18

वैशाखे मासि पूर्णायां स्नानदानादिकं त्वया । यत्तीर्थे विहितं वीर सर्वाघविनिषूदनम्

vaiśākhe māsi pūrṇāyāṃ snānadānādikaṃ tvayā | yattīrthe vihitaṃ vīra sarvāghaviniṣūdanam

O hero, whatever bathing, giving and the rest you have performed at a sacred ford on the full-moon day in the month of Vaiśākha, which destroys all sin —

AI translation rendered from the Sanskrit, not a published edition

PdP 5 102.19

तदेभ्यो देहि विधिवत्कृत्वा साक्ष्ये हरिं प्रभुम् । त्रिवाचिकं च निरयाद्येनामी स्वर्गमाप्नुयुः

tadebhyo dehi vidhivatkṛtvā sākṣye hariṃ prabhum | trivācikaṃ ca nirayādyenāmī svargamāpnuyuḥ

— give that (merit) to these (beings) according to rule, making Hari the Lord the witness, and (declare it) with the threefold utterance, by which these may go from hell to heaven.

AI translation rendered from the Sanskrit, not a published edition

PdP 5 102.20

कपोतार्थं स्वमांसानि कारुण्येन पुरा शिबिः । दत्वा दयानिधिः स्वर्गे राजते कीर्तिवारिधिः

kapotārthaṃ svamāṃsāni kāruṇyena purā śibiḥ | datvā dayānidhiḥ svarge rājate kīrtivāridhiḥ

Formerly Śibi, out of compassion, gave his own flesh for the sake of a dove, and that treasury of pity, an ocean of fame, shines in heaven.

AI translation rendered from the Sanskrit, not a published edition

PdP 5 102.21

दधीचिरपि राजर्षिर्दत्वास्थि च यमात्मनः । त्रैलोक्यकौमुदीं कीर्तिं लब्धवान्स्वर्गमक्षयम्

dadhīcirapi rājarṣirdatvāsthi ca yamātmanaḥ | trailokyakaumudīṃ kīrtiṃ labdhavānsvargamakṣayam

Dadhīci too, the royal sage, having given up even his own bones, obtained a fame that is moonlight to the three worlds, and imperishable heaven.

AI translation rendered from the Sanskrit, not a published edition

PdP 5 102.22

सहस्रजिच्च राजर्षिः प्राणानिष्टान्महायशाः । ब्राह्मणार्थे परित्यज्य गतो लोकाननुत्तमान्

sahasrajicca rājarṣiḥ prāṇāniṣṭānmahāyaśāḥ | brāhmaṇārthe parityajya gato lokānanuttamān

And the royal sage Sahasrajit, of great renown, having wholly given up his dear life-breaths for the sake of a brahmin, went to the highest worlds.

AI translation rendered from the Sanskrit, not a published edition

PdP 5 102.23

न स्वर्गे नापवर्गेऽपि तत्सुखं लभते नरः । यदार्तजंतुनिर्व्वाणदानोत्थमिति नो मतिः

na svarge nāpavarge'pi tatsukhaṃ labhate naraḥ | yadārtajaṃtunirvvāṇadānotthamiti no matiḥ

Neither in heaven nor even in liberation does a man obtain that happiness which arises from granting release to an afflicted creature — such is our view.

AI translation rendered from the Sanskrit, not a published edition

PdP 5 102.24

सर्वेषु दातृजातेषु पुरा जातोसि भूपते । कर्मणानेन संख्यासु धीर धैर्यं नियोज्य च

sarveṣu dātṛjāteṣu purā jātosi bhūpate | karmaṇānena saṃkhyāsu dhīra dhairyaṃ niyojya ca

O king, you were born formerly among all the classes of givers; by this deed, O steadfast one, having applied your steadfastness in the reckonings.

AI translation rendered from the Sanskrit, not a published edition — the model flagged this verse as uncertain

PdP 5 102.25

दृष्ट्वा तवधियं धर्म दया दानं सुनिश्चलम् । अस्माभिरपि तूत्साहः क्रियते धर्म्मवादिभिः

dṛṣṭvā tavadhiyaṃ dharma dayā dānaṃ suniścalam | asmābhirapi tūtsāhaḥ kriyate dharmmavādibhiḥ

Seeing your resolve, O Dharma, and your compassion and giving to be quite unshakable, we too, who speak of dharma, offer encouragement.

AI translation rendered from the Sanskrit, not a published edition — the model flagged this verse as uncertain

PdP 5 102.26

यदि ते रोचते राजन्न विलंबतया ततः । तदेभ्यो देहि तत्पुण्यं यातनादुःखदाहकम्

yadi te rocate rājanna vilaṃbatayā tataḥ | tadebhyo dehi tatpuṇyaṃ yātanāduḥkhadāhakam

If it pleases you, O king, then without delay give to these that merit which burns away the pain of torment.

AI translation rendered from the Sanskrit, not a published edition

PdP 5 102.27

इत्युक्तः स तदा देवं कृत्वा साक्ष्ये गदाधरम् । तेभ्यस्त्रिवाचिकं पुण्यं दयावान्विधिना ददौ

ityuktaḥ sa tadā devaṃ kṛtvā sākṣye gadādharam | tebhyastrivācikaṃ puṇyaṃ dayāvānvidhinā dadau

Addressed thus, he then, making the god who bears the mace the witness, compassionately gave to them, by the (proper) rule, the merit with the threefold utterance.

AI translation rendered from the Sanskrit, not a published edition

PdP 5 102.28

दत्ते माधवमासस्य तस्मिन्नेकदिनोद्भवे । स्वकृते जंतवो याम्ययातनापरिवर्जिताः

datte mādhavamāsasya tasminnekadinodbhave | svakṛte jaṃtavo yāmyayātanāparivarjitāḥ

When that (merit) arising from a single day of the month of Mādhava, earned by himself, was given, the creatures were freed from Yama's torments.

AI translation rendered from the Sanskrit, not a published edition

PdP 5 102.29

विमानवरमारूढाः सर्वे ते त्रिदिवं ययुः । प्रणमंतः स्तुवंतश्च पश्यंतस्तं प्रहर्षिताः

vimānavaramārūḍhāḥ sarve te tridivaṃ yayuḥ | praṇamaṃtaḥ stuvaṃtaśca paśyaṃtastaṃ praharṣitāḥ

Mounted on an excellent celestial chariot, they all went to heaven, bowing down and praising and gazing upon him, greatly delighted.

AI translation rendered from the Sanskrit, not a published edition

PdP 5 102.30

नृपेण दत्तं तदवाप्य पुण्यं वैशाखमासैकदिनाभिजातम् । सर्वे ययुस्ते नरकाद्विमुक्ता दिवं विमानाधिगता हि चित्रम्

nṛpeṇa dattaṃ tadavāpya puṇyaṃ vaiśākhamāsaikadinābhijātam | sarve yayuste narakādvimuktā divaṃ vimānādhigatā hi citram

Having obtained that merit given by the king, produced from a single day of the month of Vaiśākha, they all, released from hell, went to heaven, having attained celestial chariots — a wonder indeed.

AI translation rendered from the Sanskrit, not a published edition

PdP 5 102.31

नूनं विचित्रो भुवि भूतवर्गः संभूतभावो बहुधा विचित्रः । तथा विचित्रोऽखिलकर्मयोगस्तत्कर्मशक्तिप्रचयो विचित्रः

nūnaṃ vicitro bhuvi bhūtavargaḥ saṃbhūtabhāvo bahudhā vicitraḥ | tathā vicitro'khilakarmayogastatkarmaśaktipracayo vicitraḥ

Surely the host of beings on earth is wondrous; the state of coming into existence is wondrous in many ways; so too the whole connection of deeds is wondrous, and the accumulation of the power of those deeds is wondrous.

AI translation rendered from the Sanskrit, not a published edition

PdP 5 102.32

संस्तूयमानो मुनिदेवसंघैर्यस्तद्विशेषाधिकलब्धपुण्यः । परं पदं योगिवरैरलभ्यं ययौ जगन्नाथगणाभिवंद्यः

saṃstūyamāno munidevasaṃghairyastadviśeṣādhikalabdhapuṇyaḥ | paraṃ padaṃ yogivarairalabhyaṃ yayau jagannāthagaṇābhivaṃdyaḥ

Praised by throngs of sages and gods, he who had gained merit exceeding that (of others) through this distinction, went — himself worthy of the homage of the Lord of the world's attendants — to the supreme state unattainable even by the best of yogins.

AI translation rendered from the Sanskrit, not a published edition