Padma Purana — Brahma Khanda — Chapter 22
PdP 4 22.1
शौनकउवाच। माहात्म्यं ब्रूहि सर्वज्ञ शृण्वतां पापनाशनम् । सर्वप्राणिहितार्थाय तुलस्या अनुकंपया
śaunakauvāca| māhātmyaṃ brūhi sarvajña śṛṇvatāṃ pāpanāśanam | sarvaprāṇihitārthāya tulasyā anukaṃpayā
Śaunaka said: Tell (us), O all-knowing one, the greatness of Tulasī, which destroys the sins of those who hear it, for the welfare of all living beings, out of compassion.
AI translation rendered from the Sanskrit, not a published edition
PdP 4 22.2
सूत उवाच। तुलस्याः परिसरे यस्य काननं तिष्ठति द्विज । गृहस्य तीर्थरूपत्वान्नायांति यमकिंकराः
sūta uvāca| tulasyāḥ parisare yasya kānanaṃ tiṣṭhati dvija | gṛhasya tīrtharūpatvānnāyāṃti yamakiṃkarāḥ
Sūta said: In whose vicinity, O brahmin, a grove of tulasī stands, Yama's servants do not come (there), because that house has the form of a holy place.
AI translation rendered from the Sanskrit, not a published edition
PdP 4 22.3
तुलस्याः काननं विप्र सर्वपापहरं शुभम् । रोपयंति नराः श्रेष्ठास्ते न पश्यंति भास्करिम्
tulasyāḥ kānanaṃ vipra sarvapāpaharaṃ śubham | ropayaṃti narāḥ śreṣṭhāste na paśyaṃti bhāskarim
A grove of tulasī, O brahmin, is auspicious and removes all sins; those best of men who plant (it) do not see the son of the Sun (Yama).
AI translation rendered from the Sanskrit, not a published edition
PdP 4 22.4
रोपणं पालनं सेवां दर्शनं स्पर्शनं तु यः । कुर्य्यात्तस्य प्रणष्टं स्यात्सर्वपापं द्विजोत्तम
ropaṇaṃ pālanaṃ sevāṃ darśanaṃ sparśanaṃ tu yaḥ | kuryyāttasya praṇaṣṭaṃ syātsarvapāpaṃ dvijottama
(He) who would perform the planting, the tending, the service, the seeing, or the touching (of tulasī) — for him, O best of the twice-born, all sin is destroyed.
AI translation rendered from the Sanskrit, not a published edition
PdP 4 22.5
कोमलैस्तुलसीपत्रैरर्चयंति हरिं तु ये । कालस्य सदनं विप्र ते न यांति महाशयाः
komalaistulasīpatrairarcayaṃti hariṃ tu ye | kālasya sadanaṃ vipra te na yāṃti mahāśayāḥ
Those great-souled ones who worship Hari with tender tulasī leaves — they do not go, O brahmin, to the house of Death.
AI translation rendered from the Sanskrit, not a published edition
PdP 4 22.6
गंगाद्याः सरितः श्रेष्ठा विष्णु ब्रह्म महेश्वराः । देवैस्तीर्थैः पुष्कराद्यैस्तिष्ठंति तुलसीदले
gaṃgādyāḥ saritaḥ śreṣṭhā viṣṇu brahma maheśvarāḥ | devaistīrthaiḥ puṣkarādyaistiṣṭhaṃti tulasīdale
The best of rivers, the Gaṅgā and the rest, Viṣṇu, Brahmā and Maheśvara, together with the gods and the holy fords beginning with Puṣkara, abide in a tulasī leaf.
AI translation rendered from the Sanskrit, not a published edition
PdP 4 22.7
यो युक्तस्तुलसीपत्रैः पापी प्राणान्विमुञ्चति । विष्णोर्निकेतनं याति सत्यमेतन्मयोदितम्
yo yuktastulasīpatraiḥ pāpī prāṇānvimuñcati | viṣṇorniketanaṃ yāti satyametanmayoditam
A sinner who, joined with tulasī leaves, releases his breaths goes to the dwelling of Viṣṇu — this that I have said is true.
AI translation rendered from the Sanskrit, not a published edition
PdP 4 22.8
तुलसीमृत्तिकालिप्तो युक्तः पापशतैरपि । विमुंचति नरः प्राणान्स याति हरिमन्दिरम्
tulasīmṛttikālipto yuktaḥ pāpaśatairapi | vimuṃcati naraḥ prāṇānsa yāti harimandiram
A man smeared with tulasī earth, even if joined with a hundred sins, when he gives up his breaths goes to the house of Hari.
AI translation rendered from the Sanskrit, not a published edition
PdP 4 22.9
यो नरो धारयेद्विप्र तुलसीकाष्ठचंदनम् । तस्याङ्गं न स्पृशेत्पापं स याति परमं पदम्
yo naro dhārayedvipra tulasīkāṣṭhacaṃdanam | tasyāṅgaṃ na spṛśetpāpaṃ sa yāti paramaṃ padam
The man who would wear, O brahmin, sandal(-paste) (marks) made with tulasī wood — sin does not touch his body, and he goes to the highest state.
AI translation rendered from the Sanskrit, not a published edition
PdP 4 22.10
तुलसीकाष्ठमालां तु कण्ठस्थां वहते तु यः । अप्यशौचोप्यनाचारो भक्त्या याति हरेर्गृहम्
tulasīkāṣṭhamālāṃ tu kaṇṭhasthāṃ vahate tu yaḥ | apyaśaucopyanācāro bhaktyā yāti harergṛham
But he who wears on his neck a garland of tulasī wood, even if impure, even if of bad conduct, goes by devotion to the house of Hari.
AI translation rendered from the Sanskrit, not a published edition
PdP 4 22.11
धात्रीफलकृतामाला तुलसीकाष्ठसंभवा । दृश्यते यस्य देहे तु स वै भागवतो नरः
dhātrīphalakṛtāmālā tulasīkāṣṭhasaṃbhavā | dṛśyate yasya dehe tu sa vai bhāgavato naraḥ
He on whose body is seen a garland made of āmalaka fruits (or) arising from tulasī wood — that man is indeed a devotee of the Lord.
AI translation rendered from the Sanskrit, not a published edition
PdP 4 22.12
तुलसीदलजां मालां कण्ठस्थां वहते तु यः । विष्णूच्छिष्टां विशेषेण स नमस्यो दिवौकसाम्
tulasīdalajāṃ mālāṃ kaṇṭhasthāṃ vahate tu yaḥ | viṣṇūcchiṣṭāṃ viśeṣeṇa sa namasyo divaukasām
But he who wears on his neck a garland made of tulasī leaves — especially one left over from (an offering to) Viṣṇu — he is to be bowed to by the dwellers in heaven.
AI translation rendered from the Sanskrit, not a published edition
PdP 4 22.13
यः पुनस्तुलसीमालां कण्ठे कृत्वा जनार्दनम् । पूजयेत्पुण्यमाप्नोति प्रतिपुष्पं गवायुतम्
yaḥ punastulasīmālāṃ kaṇṭhe kṛtvā janārdanam | pūjayetpuṇyamāpnoti pratipuṣpaṃ gavāyutam
And he who, having put a tulasī garland on his neck, worships Janārdana, obtains merit (equal to) ten thousand cows for each flower.
AI translation rendered from the Sanskrit, not a published edition
PdP 4 22.14
धारयन्ति न ये मालां हैतुकाः पापबुद्धयः । नरकान्न निवर्तंते दग्धाः कोपाग्निना हरेः
dhārayanti na ye mālāṃ haitukāḥ pāpabuddhayaḥ | narakānna nivartaṃte dagdhāḥ kopāgninā hareḥ
Those cavillers of sinful mind who do not wear the garland do not return from the hells, burnt by the fire of Hari's wrath.
AI translation rendered from the Sanskrit, not a published edition
PdP 4 22.15
न जह्यात्तुलसीमालां धात्रीमालां विशेषतः । महापातकसंहर्त्रीं धर्मकामार्थदायिनीम्
na jahyāttulasīmālāṃ dhātrīmālāṃ viśeṣataḥ | mahāpātakasaṃhartrīṃ dharmakāmārthadāyinīm
One should not abandon the tulasī garland, and especially the āmalaka garland, which destroys the great sins and grants dharma, pleasure and wealth.
AI translation rendered from the Sanskrit, not a published edition
PdP 4 22.16
स्पृशेच्च यानि लोमानि धात्रीमाला कलौ नृणाम् । तावद्वर्षसहस्राणि वसते केशवालये
spṛśecca yāni lomāni dhātrīmālā kalau nṛṇām | tāvadvarṣasahasrāṇi vasate keśavālaye
And however many hairs of men the āmalaka garland touches in the Kali (age), for that many thousands of years he dwells in the abode of Keśava.
AI translation rendered from the Sanskrit, not a published edition
PdP 4 22.17
निवेद्य केशवे मालां तुलसीकाष्ठसंभवाम् । वहते यो नरो भक्त्या तस्य वै नास्ति पातकम्
nivedya keśave mālāṃ tulasīkāṣṭhasaṃbhavām | vahate yo naro bhaktyā tasya vai nāsti pātakam
The man who, having offered to Keśava a garland arisen from tulasī wood, wears it with devotion — for him there is indeed no sin.
AI translation rendered from the Sanskrit, not a published edition
PdP 4 22.18
तुलसीकाष्ठमालां तु प्रेतराजस्य दूतकाः । दृष्ट्वा नश्यन्ति दूरेण वातोद्धूतं यथा दलम्
tulasīkāṣṭhamālāṃ tu pretarājasya dūtakāḥ | dṛṣṭvā naśyanti dūreṇa vātoddhūtaṃ yathā dalam
But the messengers of the king of the dead, on seeing a garland of tulasī wood, vanish far away, like a leaf blown by the wind.
AI translation rendered from the Sanskrit, not a published edition
PdP 4 22.19
तुलस्या विपिने धात्र्याश्छायासु यो नरोत्तमः । पिण्डं ददाति पितरो मुक्तिं यान्ति द्विजोत्तम
tulasyā vipine dhātryāśchāyāsu yo narottamaḥ | piṇḍaṃ dadāti pitaro muktiṃ yānti dvijottama
That best of men who offers the funeral ball in a tulasī grove (or) in the shade of the āmalaka — his fathers attain liberation, O best of the twice-born.
AI translation rendered from the Sanskrit, not a published edition
PdP 4 22.20
पाणौ मूर्ध्नि गले चैव कर्णयोश्च मुखे द्विज । धात्रीफलं यस्तु धत्ते स विज्ञेयो हरिः स्वयम्
pāṇau mūrdhni gale caiva karṇayośca mukhe dvija | dhātrīphalaṃ yastu dhatte sa vijñeyo hariḥ svayam
He who wears an āmalaka fruit on his hand, on his head, at his throat, at his two ears and in his mouth, O brahmin — he is to be known as Hari himself.
AI translation rendered from the Sanskrit, not a published edition
PdP 4 22.21
धात्रीपत्रैः फलैर्विप्र श्रीहरिं चार्चयेद्द्विज । कोटिजन्मार्जितं पापं पूजया नश्यति सकृत्
dhātrīpatraiḥ phalairvipra śrīhariṃ cārcayeddvija | koṭijanmārjitaṃ pāpaṃ pūjayā naśyati sakṛt
With āmalaka leaves and fruits, O brahmin, one should worship Śrī Hari, O twice-born; sin accumulated over ten million births perishes by a single worship.
AI translation rendered from the Sanskrit, not a published edition
PdP 4 22.22
यज्ञादेवाश्च मुनयस्तीर्थानि कार्तिके द्विज । धात्रीवृक्षं समाश्रित्य तिष्ठन्ति कार्तिके सदा
yajñādevāśca munayastīrthāni kārtike dvija | dhātrīvṛkṣaṃ samāśritya tiṣṭhanti kārtike sadā
Sacrifices, gods, sages and holy fords, O brahmin, in Kārttika, taking refuge at the āmalaka tree, dwell there always in Kārttika.
AI translation rendered from the Sanskrit, not a published edition
PdP 4 22.23
धात्रीपत्रं कार्तिके च द्वादश्यां तुलसीदलम् । चिनोति यो नरो गच्छेन्निरयं यातनामयम्
dhātrīpatraṃ kārtike ca dvādaśyāṃ tulasīdalam | cinoti yo naro gacchennirayaṃ yātanāmayam
The man who plucks an āmalaka leaf in Kārttika, or a tulasī leaf on the twelfth, would go to a hell full of torments.
AI translation rendered from the Sanskrit, not a published edition
PdP 4 22.24
धात्रीछायासु यो विप्र चान्नं भुनक्ति कार्तिके । अन्नसंसर्गजं पापमावर्षं तस्य नश्यति
dhātrīchāyāsu yo vipra cānnaṃ bhunakti kārtike | annasaṃsargajaṃ pāpamāvarṣaṃ tasya naśyati
O brahmin, whoever eats food in the shade of the dhātrī (āmalakī) tree in Kārtika — for him the sin arising from contact with (impure) food is destroyed for a year.
AI translation rendered from the Sanskrit, not a published edition
PdP 4 22.25
तुलसीवनमध्ये च धात्रीमूले च कार्तिके । कुर्याद्धर्यर्चनं विप्र वैकुण्ठं याति स ध्रुवम्
tulasīvanamadhye ca dhātrīmūle ca kārtike | kuryāddharyarcanaṃ vipra vaikuṇṭhaṃ yāti sa dhruvam
If in Kārtika one performs the worship of Hari in the midst of a tulasī grove or at the root of a dhātrī tree, O brahmin, he goes to Vaikuṇṭha for certain.
AI translation rendered from the Sanskrit, not a published edition
PdP 4 22.26
तुलसीमूलदेशेऽपि स्थितं वारि द्विजोत्तम । गृह्णाति मस्तके भक्त्या पापी याति हरेर्गृहम्
tulasīmūladeśe'pi sthitaṃ vāri dvijottama | gṛhṇāti mastake bhaktyā pāpī yāti harergṛham
Even the water that stands at the place of the tulasī's root, O best of the twice-born — (if) a sinner takes it upon his head with devotion, he goes to Hari's house.
AI translation rendered from the Sanskrit, not a published edition
PdP 4 22.27
तुलसीपत्रगलितं यस्तोयं शिरसावहेत् । सर्वतीर्थेषु स स्नातश्चांते याति हरेर्गृहम्
tulasīpatragalitaṃ yastoyaṃ śirasāvahet | sarvatīrtheṣu sa snātaścāṃte yāti harergṛham
Whoever should bear upon his head the water dripped from a tulasī leaf, he has bathed in all the sacred fords, and at the end he goes to Hari's house.
AI translation rendered from the Sanskrit, not a published edition
PdP 4 22.28
पुरा कश्चिद्द्विजश्रेष्ठो द्वापरेऽभून्महामुने । स्नात्वैकदा तुलस्यै स वनं दत्वा गृहं गतः
purā kaściddvijaśreṣṭho dvāpare'bhūnmahāmune | snātvaikadā tulasyai sa vanaṃ datvā gṛhaṃ gataḥ
Long ago, in the Dvāpara age, there was a certain foremost of the twice-born, O great sage; once, having bathed, he gave (planted) a grove for tulasī and went home.
AI translation rendered from the Sanskrit, not a published edition
PdP 4 22.29
आदित्यो वर्चसा नाम्ना मार्त्तंड इव पुण्यतः । तृषार्तो भक्षकः कश्चिदागतो बहुकल्मषः
ādityo varcasā nāmnā mārttaṃḍa iva puṇyataḥ | tṛṣārto bhakṣakaḥ kaścidāgato bahukalmaṣaḥ
In splendour a sun, by name and by merit like Mārtaṇḍa — (then) a certain eater came, tormented by thirst, laden with much sin.
AI translation rendered from the Sanskrit, not a published edition — the model flagged this verse as uncertain
PdP 4 22.30
तुलस्यामूलतस्तोयं पीत्वा चासौ हतांहसः । त्वरयाप्यागतो व्याधो नाम्ना यश्चासिमर्द्दनः
tulasyāmūlatastoyaṃ pītvā cāsau hatāṃhasaḥ | tvarayāpyāgato vyādho nāmnā yaścāsimarddanaḥ
And he, having drunk the water at the root of the tulasī, had his sin destroyed; and in haste there also came a hunter, one named Asimardana.
AI translation rendered from the Sanskrit, not a published edition
PdP 4 22.31
उवाच भुक्तं चान्नं च भुक्त्वा भग्नं गतः किमु । कृत्वा मे पाकभांडस्थं चागतो हिंसकस्य ते
uvāca bhuktaṃ cānnaṃ ca bhuktvā bhagnaṃ gataḥ kimu | kṛtvā me pākabhāṃḍasthaṃ cāgato hiṃsakasya te
He said: "The food has been eaten — having eaten, why did you go off having broken (it)? Why have you come, having made what was in my cooking-pot (your own), to you a killer(?)"
AI translation rendered from the Sanskrit, not a published edition — the model flagged this verse as uncertain
PdP 4 22.32
विव्याध तं गतप्राणं नेतुं वै शमनाज्ञया । आगताः किंकराः क्रुद्धाः पाशमुद्गरपाणयः
vivyādha taṃ gataprāṇaṃ netuṃ vai śamanājñayā | āgatāḥ kiṃkarāḥ kruddhāḥ pāśamudgarapāṇayaḥ
He pierced him; and to carry off the one whose life had departed, by Yama's command there came the servants, enraged, with nooses and mallets in their hands.
AI translation rendered from the Sanskrit, not a published edition
PdP 4 22.33
बद्ध्वा नेतुं मनश्चक्रुरागता विष्णुकिंकराः । तदा छित्त्वा चर्मपाशं स्यंदने तं मनोहरे
baddhvā netuṃ manaścakrurāgatā viṣṇukiṃkarāḥ | tadā chittvā carmapāśaṃ syaṃdane taṃ manohare
Having bound him, they resolved to lead him away; (then) the servants of Viṣṇu came, and cutting the leather noose (they set) him on a delightful chariot,
AI translation rendered from the Sanskrit, not a published edition
PdP 4 22.34
तूर्णमारोहयामासुः पप्रच्छुर्विनयान्विताः । तेऽपि पुण्येन भोः संतः केन वै नीयतेऽप्यसौ
tūrṇamārohayāmāsuḥ papracchurvinayānvitāḥ | te'pi puṇyena bhoḥ saṃtaḥ kena vai nīyate'pyasau
and quickly made him mount. (Yama's men) asked, filled with courtesy: "Sirs, by what merit is this man being taken away?"
AI translation rendered from the Sanskrit, not a published edition
PdP 4 22.35
ऊचुस्तेऽसौ पुरा राजा पुण्यं बहुतरं कृतम् । अकरोद्धरणं कांचित्सुंदरीं चांगनामयम्
ūcuste'sau purā rājā puṇyaṃ bahutaraṃ kṛtam | akaroddharaṇaṃ kāṃcitsuṃdarīṃ cāṃganāmayam
They said: "This man was formerly a king; much merit was done (by him). (But) he carried off a certain beautiful woman.
AI translation rendered from the Sanskrit, not a published edition
PdP 4 22.36
अनेन चांहसा राजा गतो वै शमनक्षयम् । तत्रक्लेशं तु युष्माभिर्दत्तं वै शमनाज्ञया
anena cāṃhasā rājā gato vai śamanakṣayam | tatrakleśaṃ tu yuṣmābhirdattaṃ vai śamanājñayā
And by that sin the king went to Yama's abode; and there torment was inflicted by you by Yama's command.
AI translation rendered from the Sanskrit, not a published edition
PdP 4 22.37
ताम्रमय्यास्त्रियासार्द्धं क्रीडां सुप्त्वा चकार सः । तप्तायां लोहशय्यायां वैक्लव्यं कर्मणा नृप
tāmramayyāstriyāsārddhaṃ krīḍāṃ suptvā cakāra saḥ | taptāyāṃ lohaśayyāyāṃ vaiklavyaṃ karmaṇā nṛpa
He lay down and made love with a woman made of copper; on a red-hot iron bed (he suffered) misery through his own deed, O king,
AI translation rendered from the Sanskrit, not a published edition
PdP 4 22.38
तप्तायोभीषणं तप्तं लोहस्तंभं यमाज्ञया । ततः स्थितः समालिंग्य भुक्त्वा दुःखं चिरं नृपः
taptāyobhīṣaṇaṃ taptaṃ lohastaṃbhaṃ yamājñayā | tataḥ sthitaḥ samāliṃgya bhuktvā duḥkhaṃ ciraṃ nṛpaḥ
and a terrible pillar of iron, heated red-hot by Yama's command — clinging to it the king stood there and long endured pain;
AI translation rendered from the Sanskrit, not a published edition
PdP 4 22.39
सिक्तः क्षारांबुधाराभिरन्यैर्वै शमनालये । ततो नरकशेषे च पापयोनौ मुहुर्मुहुः
siktaḥ kṣārāṃbudhārābhiranyairvai śamanālaye | tato narakaśeṣe ca pāpayonau muhurmuhuḥ
he was drenched in Yama's dwelling with torrents of caustic water and with others (of the like); then, for the remainder of his hell, in sinful wombs again and again
AI translation rendered from the Sanskrit, not a published edition
PdP 4 22.40
जन्मासाद्य चिरं दुःखमनुभूतं स्वकर्मणा । तुलसीमूलकं वारि पीत्वा याति हरेर्गृहम्
janmāsādya ciraṃ duḥkhamanubhūtaṃ svakarmaṇā | tulasīmūlakaṃ vāri pītvā yāti harergṛham
he obtained birth, and long misery was undergone through his own deeds. (Now,) having drunk the water at the tulasī's root, he goes to Hari's house."
AI translation rendered from the Sanskrit, not a published edition
PdP 4 22.41
इदानीं तद्वचः श्रुत्वा गतादूता यथागताः । तेन सार्द्धं विष्णुदूता गता वैकुंठमंदिरम्
idānīṃ tadvacaḥ śrutvā gatādūtā yathāgatāḥ | tena sārddhaṃ viṣṇudūtā gatā vaikuṃṭhamaṃdiram
Now, having heard that speech, the messengers went off as they had come; and the messengers of Viṣṇu went with him to the palace of Vaikuṇṭha.
AI translation rendered from the Sanskrit, not a published edition
PdP 4 22.42
माहात्म्यं कथितं ब्रह्मन्तुलस्याः पापनाशनम् । कुर्वंति सेवां ये भक्त्या न जाने किं भवेन्मुने
māhātmyaṃ kathitaṃ brahmantulasyāḥ pāpanāśanam | kurvaṃti sevāṃ ye bhaktyā na jāne kiṃ bhavenmune
The greatness of tulasī, which destroys sin, has been told, O brahmin. Those who render her service with devotion — I do not know what (great reward) may come to be, O sage.
AI translation rendered from the Sanskrit, not a published edition