Padma Purana — Brahma Khanda — Chapter 15

PdP 4 15.1

शौनक उवाच। कथयस्व महाभाग माहात्म्यं पापनाशनम् । एकादश्याः फलं किं वा किल्बिषं स्यादकुर्वतः

śaunaka uvāca| kathayasva mahābhāga māhātmyaṃ pāpanāśanam | ekādaśyāḥ phalaṃ kiṃ vā kilbiṣaṃ syādakurvataḥ

Śaunaka said: Tell (me), O greatly fortunate one, the sin-destroying greatness (of the eleventh day): what is the fruit of the eleventh day, and what sin befalls one who does not observe it?

AI translation rendered from the Sanskrit, not a published edition

PdP 4 15.2

सूत उवाच। एकादश्यास्तु माहात्म्यं किमहं वच्मि सांप्रतम् । श्रुत्वा चैकादशीनाम यमदूताश्च शंकिताः

sūta uvāca| ekādaśyāstu māhātmyaṃ kimahaṃ vacmi sāṃpratam | śrutvā caikādaśīnāma yamadūtāśca śaṃkitāḥ

Sūta said: What can I now say of the greatness of the eleventh day? On merely hearing the name "ekādaśī" even Yama's messengers become afraid —

AI translation rendered from the Sanskrit, not a published edition

PdP 4 15.3

भवंति नात्र संदेहो सर्वप्राणिभयंकराः । व्रतानां चैव सर्वेषां श्रेष्ठां चैकादशीं शुभाम्

bhavaṃti nātra saṃdeho sarvaprāṇibhayaṃkarāḥ | vratānāṃ caiva sarveṣāṃ śreṣṭhāṃ caikādaśīṃ śubhām

so they become, no doubt of it, they who are terrifying to all living beings. And the auspicious eleventh day, the best of all vows,

AI translation rendered from the Sanskrit, not a published edition

PdP 4 15.4

उपोष्य जागृयाद्विष्णोः कुर्य्याच्च मंडनं महत् । तुलसीदलैस्तु यो मर्त्यो हरिपूजां करोति वै

upoṣya jāgṛyādviṣṇoḥ kuryyācca maṃḍanaṃ mahat | tulasīdalaistu yo martyo haripūjāṃ karoti vai

Having fasted, one should keep the night-vigil and make a great adornment of (the shrine of) Viṣṇu. The mortal who performs the worship of Hari with tulasī leaves —

AI translation rendered from the Sanskrit, not a published edition

PdP 4 15.5

दलेनैकेन लभते कोटियज्ञफलं द्विज । अगम्यागमने चैव यत्पापं समुदाहृतम्

dalenaikena labhate koṭiyajñaphalaṃ dvija | agamyāgamane caiva yatpāpaṃ samudāhṛtam

— with a single leaf he gains the fruit of ten million sacrifices, O twice-born. And that sin which is declared (to arise) from going in to a woman one may not approach —

AI translation rendered from the Sanskrit, not a published edition

PdP 4 15.6

तत्पापं याति विलयं चैकादश्यामुपोषणात् । घृतपूर्णं प्रदीपं यो दद्याद्विष्णुदिने द्विज

tatpāpaṃ yāti vilayaṃ caikādaśyāmupoṣaṇāt | ghṛtapūrṇaṃ pradīpaṃ yo dadyādviṣṇudine dvija

— that sin goes to dissolution through fasting on the eleventh (day). He who offers a lamp filled with ghee on Viṣṇu's day, O twice-born,

AI translation rendered from the Sanskrit, not a published edition

PdP 4 15.7

अंते विष्णुपुरं याति तमो हत्वा स्वतेजसा । धन्या जनपदास्ते वै धन्यः स च महीपतिः

aṃte viṣṇupuraṃ yāti tamo hatvā svatejasā | dhanyā janapadāste vai dhanyaḥ sa ca mahīpatiḥ

goes at the end to Viṣṇu's city, destroying the darkness by his own radiance. Blessed indeed are those inhabited lands, and blessed is that king

AI translation rendered from the Sanskrit, not a published edition

PdP 4 15.8

हरेर्दिने यस्य राज्ये चैकादश्या महोत्सवः । नारायणस्य शयने पार्श्वस्य परिवर्त्तने

harerdine yasya rājye caikādaśyā mahotsavaḥ | nārāyaṇasya śayane pārśvasya parivarttane

in whose realm there is a great festival on Hari's day, the eleventh — at Nārāyaṇa's lying down (to sleep), at his turning onto his side,

AI translation rendered from the Sanskrit, not a published edition

PdP 4 15.9

विशेषेण प्रबोधिन्या निराहारा भवंति ये । मदंति कं नानयध्वंप्राणिनःपुण्यभागिनः

viśeṣeṇa prabodhinyā nirāhārā bhavaṃti ye | madaṃti kaṃ nānayadhvaṃprāṇinaḥpuṇyabhāginaḥ

and especially on the Prabodhinī (the awakening eleventh) — those who remain without food (are blessed). They rejoice... do not lead (them) away... beings who have a share of merit.

AI translation rendered from the Sanskrit, not a published edition — the model flagged this verse as uncertain

PdP 4 15.10

अहर्निशं पितृपतिः समादिशति दूतकान् । एकादशी जगन्नाथ वल्लभा पुण्यवर्धिनी

aharniśaṃ pitṛpatiḥ samādiśati dūtakān | ekādaśī jagannātha vallabhā puṇyavardhinī

Day and night the lord of the fathers (Yama) instructs his messengers: "The eleventh (day) is dear to the Lord of the world and increases merit;

AI translation rendered from the Sanskrit, not a published edition

PdP 4 15.11

विष्णुर्देहं दोहत्येव तस्यामन्नस्य भक्षणे । तेषां धिग्जीवनं संपत्धिक्सौंदर्यं च वर्तनम्

viṣṇurdehaṃ dohatyeva tasyāmannasya bhakṣaṇe | teṣāṃ dhigjīvanaṃ saṃpatdhiksauṃdaryaṃ ca vartanam

Viṣṇu indeed drains away the body when food is eaten on that (day). A curse on their life, a curse on their wealth, their beauty and their livelihood —

AI translation rendered from the Sanskrit, not a published edition — the model flagged this verse as uncertain

PdP 4 15.12

येऽन्नमश्नंति पापिष्ठाश्चैकादश्यां हि विड्भुजः । एकादश्यां द्विजश्रेष्ठ भुक्तिमाश्रित्य केवलम्

ye'nnamaśnaṃti pāpiṣṭhāścaikādaśyāṃ hi viḍbhujaḥ | ekādaśyāṃ dvijaśreṣṭha bhuktimāśritya kevalam

— those most sinful eaters of filth who eat food on the eleventh. On the eleventh, O best of the twice-born, for one who resorts merely to eating,

AI translation rendered from the Sanskrit, not a published edition

PdP 4 15.13

बहूनि विविधान्येव तिष्ठंति दुरितानि च । अमावास्यां यथा स्त्रीणां संगमे कलुषं महत्

bahūni vividhānyeva tiṣṭhaṃti duritāni ca | amāvāsyāṃ yathā strīṇāṃ saṃgame kaluṣaṃ mahat

many and manifold evils abide (in him). Just as on the new-moon day there is great defilement in intercourse with women,

AI translation rendered from the Sanskrit, not a published edition

PdP 4 15.14

एकादश्यां तथैवान्नभक्षणे वृजिनं भवेत् । रोगिणश्च तथा खंज काससोदरकुष्ठकाः

ekādaśyāṃ tathaivānnabhakṣaṇe vṛjinaṃ bhavet | rogiṇaśca tathā khaṃja kāsasodarakuṣṭhakāḥ

so too on the eleventh there is sin in the eating of food. And (such) creatures become diseased, lame, afflicted with cough, dropsy and leprosy —

AI translation rendered from the Sanskrit, not a published edition

PdP 4 15.15

भवंति प्राणिनस्ते वै तस्यामन्नस्य भक्षणे । ग्रामशूकरतां यांति दारिद्र्यं च प्रयांति वै

bhavaṃti prāṇinaste vai tasyāmannasya bhakṣaṇe | grāmaśūkaratāṃ yāṃti dāridryaṃ ca prayāṃti vai

— those beings become so through the eating of food on that (day); they go to the condition of village pigs, and they come to poverty,

AI translation rendered from the Sanskrit, not a published edition

PdP 4 15.16

राजबद्धा द्विजश्रेष्ठ तस्यामन्नस्य भक्षणे । संसारे यानि पापानि तानि विप्र हरेर्दिने

rājabaddhā dvijaśreṣṭha tasyāmannasya bhakṣaṇe | saṃsāre yāni pāpāni tāni vipra harerdine

and are imprisoned by the king, O best of the twice-born, through the eating of food on that (day). Whatever sins there are in the round of existence, those, O brahmin, on Hari's day

AI translation rendered from the Sanskrit, not a published edition

PdP 4 15.17

भुक्तिमाश्रित्य तिष्ठंति जलभक्षणमाज्ञया । कुर्वतां सर्वपापानि नरकान्निष्कृतिर्भवेत्

bhuktimāśritya tiṣṭhaṃti jalabhakṣaṇamājñayā | kurvatāṃ sarvapāpāni narakānniṣkṛtirbhavet

take refuge in (that) eating and abide (there), (whereas) the taking of water (only is enjoined) by (his) command. For those who commit all sins there can be release from hell,

AI translation rendered from the Sanskrit, not a published edition — the model flagged this verse as uncertain

PdP 4 15.18

न निष्कृतिर्भवेन्नॄणां भुंजतां च हरेर्दिने । नरा यावंति चान्नानि भुंजते च हरेर्दिने

na niṣkṛtirbhavennṝṇāṃ bhuṃjatāṃ ca harerdine | narā yāvaṃti cānnāni bhuṃjate ca harerdine

but there is no release for men who eat on Hari's day. However many foods men eat on Hari's day,

AI translation rendered from the Sanskrit, not a published edition

PdP 4 15.19

प्रत्यन्नं च ब्रह्महत्याकोटिजं वृजिनं भवेत् । पुनर्वच्मि पुनर्वच्मि श्रूयतां श्रूयतां नराः

pratyannaṃ ca brahmahatyākoṭijaṃ vṛjinaṃ bhavet | punarvacmi punarvacmi śrūyatāṃ śrūyatāṃ narāḥ

for each food there arises the sin born of ten million brahmin-murders. Again I say it, again I say it: let it be heard, let it be heard, O men!

AI translation rendered from the Sanskrit, not a published edition

PdP 4 15.20

न भोक्तव्यं न भोक्तव्यं न भोक्तव्यं हरेर्दिने । गंगादिषु च तीर्थेषु स्नात्वा यत्फलमाप्यते

na bhoktavyaṃ na bhoktavyaṃ na bhoktavyaṃ harerdine | gaṃgādiṣu ca tīrtheṣu snātvā yatphalamāpyate

It is not to be eaten, not to be eaten, not to be eaten on Hari's day! And whatever fruit is obtained by bathing in the Gaṅgā and other holy places,

AI translation rendered from the Sanskrit, not a published edition

PdP 4 15.21

चंद्रसूर्योपरागे च चैकादश्यामुपोषितः । अर्चित्वोत्पलमालाभिस्तस्यां च कमलापतिम्

caṃdrasūryoparāge ca caikādaśyāmupoṣitaḥ | arcitvotpalamālābhistasyāṃ ca kamalāpatim

and at an eclipse of the moon and the sun — (that is gained by) one who has fasted on the eleventh, having worshipped on that (day) the husband of Kamalā with garlands of blue lotuses;

AI translation rendered from the Sanskrit, not a published edition

PdP 4 15.22

विधिवत्पारणं कृत्वा न मातुर्गर्भभाजनम् । एकादश्यां हरेर्गेहे करोति मंडनं द्विज

vidhivatpāraṇaṃ kṛtvā na māturgarbhabhājanam | ekādaśyāṃ harergehe karoti maṃḍanaṃ dvija

having duly performed the breaking of the fast, he is no (longer) a vessel of a mother's womb. He who on the eleventh performs the adornment of Hari's house, O twice-born,

AI translation rendered from the Sanskrit, not a published edition

PdP 4 15.23

परमां गतिमासाद्य तिष्ठेद्विष्णुनिकेतने । एकादशीं समासाद्य निराहारा भवंति ये

paramāṃ gatimāsādya tiṣṭhedviṣṇuniketane | ekādaśīṃ samāsādya nirāhārā bhavaṃti ye

having reached the highest goal, shall dwell in Viṣṇu's abode. Those who, on the arrival of the eleventh, remain without food —

AI translation rendered from the Sanskrit, not a published edition

PdP 4 15.24

तेषां विष्णुपुरे शश्वन्निवासोऽपि न संशयः । तुलसीभक्तिसंलीनं मनो येषां विराजते

teṣāṃ viṣṇupure śaśvannivāso'pi na saṃśayaḥ | tulasībhaktisaṃlīnaṃ mano yeṣāṃ virājate

For them there is perpetual dwelling in Viṣṇu's city — no doubt of it. Those whose mind shines absorbed in devotion to Tulasī —

AI translation rendered from the Sanskrit, not a published edition

PdP 4 15.25

ते यांति परमं विष्णोः स्थानमेव न संशयः । परद्रव्येष्वभिरुचिर्येषां चैव न विद्यते

te yāṃti paramaṃ viṣṇoḥ sthānameva na saṃśayaḥ | paradravyeṣvabhiruciryeṣāṃ caiva na vidyate

they go to Viṣṇu's supreme abode itself, without doubt. And those in whom there is no liking for others' property —

AI translation rendered from the Sanskrit, not a published edition

PdP 4 15.26

संतुष्टमनसो येऽपि तेषां विष्णुपुरं ध्रुवम् । दुर्भिक्षकालमासाद्य प्राणिभ्यो ये नरोत्तमाः

saṃtuṣṭamanaso ye'pi teṣāṃ viṣṇupuraṃ dhruvam | durbhikṣakālamāsādya prāṇibhyo ye narottamāḥ

those too who are content in mind — for them Viṣṇu's city is assured. And those best of men who, when a time of famine comes, (give) to living beings —

AI translation rendered from the Sanskrit, not a published edition

PdP 4 15.27

ददत्यन्नं हरेः सद्म तेषां चैव न संशयः । गवां द्विजानां त्राणाय स्वामिनो योषितस्तथा

dadatyannaṃ hareḥ sadma teṣāṃ caiva na saṃśayaḥ | gavāṃ dvijānāṃ trāṇāya svāmino yoṣitastathā

who give food — theirs is Hari's abode, without doubt. Likewise those masters who, for the protection of cows, of brahmins, and of women,

AI translation rendered from the Sanskrit, not a published edition

PdP 4 15.28

प्राणान्मुंचंति ये मर्त्त्यास्तेषां विष्णुपुरं ध्रुवम् । प्राणिभिर्दशमीविद्धा न चोपोष्या कदाचन

prāṇānmuṃcaṃti ye marttyāsteṣāṃ viṣṇupuraṃ dhruvam | prāṇibhirdaśamīviddhā na copoṣyā kadācana

those mortals who give up their lives — for them Viṣṇu's city is assured. And an eleventh day pierced by the tenth must never be fasted upon by living beings;

AI translation rendered from the Sanskrit, not a published edition

PdP 4 15.29

परिहार्यं द्विजश्रेष्ठ दुर्जनस्यांतिकं यथा । अरुणोदयवेलायां दशमी संगता यदि

parihāryaṃ dvijaśreṣṭha durjanasyāṃtikaṃ yathā | aruṇodayavelāyāṃ daśamī saṃgatā yadi

it is to be shunned, O best of the twice-born, as (one shuns) the nearness of a wicked man. If at the time of dawn the tenth is still joined (to it),

AI translation rendered from the Sanskrit, not a published edition

PdP 4 15.30

तत्रोपोष्या द्वादशी स्यात्त्रयोदश्यां तु पारणम् । दशमीशेषसंयुक्तो यदि स्यादरुणोदयः

tatropoṣyā dvādaśī syāttrayodaśyāṃ tu pāraṇam | daśamīśeṣasaṃyukto yadi syādaruṇodayaḥ

then the twelfth should be fasted upon, and the breaking of the fast on the thirteenth. If dawn should be conjoined with a remainder of the tenth,

AI translation rendered from the Sanskrit, not a published edition

PdP 4 15.31

वैष्णवेन न कर्त्तव्यं तद्दिनैकादशीव्रतम् । चतस्रो घटिकाः प्रातररुणोदय उच्यते

vaiṣṇavena na karttavyaṃ taddinaikādaśīvratam | catasro ghaṭikāḥ prātararuṇodaya ucyate

a Vaiṣṇava should not perform the eleventh-day vow on that day. Four ghaṭikās in the early morning are called the dawn (period);

AI translation rendered from the Sanskrit, not a published edition

PdP 4 15.32

यतीनां स्नानकालोयं गंगांभः सदृशः स्मृतः । अरुणोदयकाले तु दशमी यदि दृश्यते

yatīnāṃ snānakāloyaṃ gaṃgāṃbhaḥ sadṛśaḥ smṛtaḥ | aruṇodayakāle tu daśamī yadi dṛśyate

this is the bathing time for ascetics, held to be equal to the water of the Gaṅgā. But if at the time of dawn the tenth is seen,

AI translation rendered from the Sanskrit, not a published edition

PdP 4 15.33

न तत्रैकादशी कार्या धर्मकामार्थनाशिनी । स्वल्पां च दशमीविद्धां त्यजेदेकादशीं बुधः

na tatraikādaśī kāryā dharmakāmārthanāśinī | svalpāṃ ca daśamīviddhāṃ tyajedekādaśīṃ budhaḥ

the eleventh-day (observance) should not be done then, (for it) destroys dharma, pleasure, and wealth. The wise man should abandon even a slight eleventh that is pierced by the tenth,

AI translation rendered from the Sanskrit, not a published edition

PdP 4 15.34

सुराबिंदोस्तु संपर्कात्घृतकुंभं त्यजेद्यथा । संपूर्णैकादशी यत्र द्वादश्यां पुनरेव सा

surābiṃdostu saṃparkātghṛtakuṃbhaṃ tyajedyathā | saṃpūrṇaikādaśī yatra dvādaśyāṃ punareva sā

just as one would discard a pot of ghee because of contact with a drop of liquor. Where a full eleventh (occurs) and it (occurs) again on the twelfth,

AI translation rendered from the Sanskrit, not a published edition

PdP 4 15.35

उत्तरा यतिभिः कार्या पूर्वामुपवसेद्गृही । एकादशीकला यत्र द्वादशीपरतो न चेत्

uttarā yatibhiḥ kāryā pūrvāmupavasedgṛhī | ekādaśīkalā yatra dvādaśīparato na cet

the later one is to be observed by ascetics, while the householder should fast on the earlier. Where a portion of the eleventh is not after the twelfth,

AI translation rendered from the Sanskrit, not a published edition — the model flagged this verse as uncertain

PdP 4 15.36

तत्र क्रतुशतं पुण्यं त्रयोदश्यां तु पारणम् । एकादशी विलुप्ता चेत्परतो द्वादशीयुता

tatra kratuśataṃ puṇyaṃ trayodaśyāṃ tu pāraṇam | ekādaśī viluptā cetparato dvādaśīyutā

there (is) the merit of a hundred sacrifices, and the breaking of the fast on the thirteenth. If the eleventh is cut off (obscured) and joined with the twelfth following,

AI translation rendered from the Sanskrit, not a published edition — the model flagged this verse as uncertain

PdP 4 15.37

उपोष्या द्वादशी पूर्णा यदीच्छेत्परमां गतिम् । संपूर्णैऽकादशी यत्र प्रभाते पुनरेव सा

upoṣyā dvādaśī pūrṇā yadīcchetparamāṃ gatim | saṃpūrṇai'kādaśī yatra prabhāte punareva sā

the full twelfth is to be fasted upon, if one desires the highest goal. Where the eleventh is complete and again it (continues) at dawn,

AI translation rendered from the Sanskrit, not a published edition

PdP 4 15.38

सर्वैरेवोत्तरा कार्या परतो द्वादशी यदि । एकादशीव्रते येषां मनः संलीयते नृणाम्

sarvairevottarā kāryā parato dvādaśī yadi | ekādaśīvrate yeṣāṃ manaḥ saṃlīyate nṛṇām

the later one is to be observed by all, if the twelfth follows. Those men whose mind is absorbed in the vow of the eleventh —

AI translation rendered from the Sanskrit, not a published edition

PdP 4 15.39

तेषां स्वर्गो हि वासोऽथ यांति ते सदनं हरेः । एकादश्याः परं नास्ति परलोकस्य साधनम्

teṣāṃ svargo hi vāso'tha yāṃti te sadanaṃ hareḥ | ekādaśyāḥ paraṃ nāsti paralokasya sādhanam

for them there is dwelling in heaven, and then they go to Hari's abode. There is no means of (attaining) the other world higher than the eleventh.

AI translation rendered from the Sanskrit, not a published edition

PdP 4 15.40

बहुपापसमायुक्तः करोति हरिवासरम् । सर्वपापविनिर्मुक्तः स याति हरिमंदिरम्

bahupāpasamāyuktaḥ karoti harivāsaram | sarvapāpavinirmuktaḥ sa yāti harimaṃdiram

One joined with many sins (who) observes Hari's day is freed from all sins and goes to Hari's dwelling.

AI translation rendered from the Sanskrit, not a published edition

PdP 4 15.41

पतिसहिता या योषित्करोति हरिवासरम् । सुपुत्रा स्वामिसुभगा याति प्रेत्य हरेर्गृहम्

patisahitā yā yoṣitkaroti harivāsaram | suputrā svāmisubhagā yāti pretya harergṛham

The woman who, together with her husband, observes Hari's day, blessed with good sons and with her husband, goes after death to Hari's house.

AI translation rendered from the Sanskrit, not a published edition

PdP 4 15.42

यो यच्छति हरेरग्रे प्रदीपं भक्तिभावतः । हरेर्द्दिने र्द्विजश्रेष्ठ पुण्यसंख्या न विद्यते

yo yacchati hareragre pradīpaṃ bhaktibhāvataḥ | harerddine rdvijaśreṣṭha puṇyasaṃkhyā na vidyate

For one who, out of devotion, offers a lamp before Hari on Hari's day, O best of the twice-born, there is no counting of the merit.

AI translation rendered from the Sanskrit, not a published edition

PdP 4 15.43

यांगना भर्तृसहिता कुरुते जागरं हरेः । हरेर्निकेतने तिष्ठेच्चिरं पत्या सह द्विज

yāṃganā bhartṛsahitā kurute jāgaraṃ hareḥ | harerniketane tiṣṭhecciraṃ patyā saha dvija

The woman who, together with her husband, keeps the vigil of Hari would remain long in Hari's abode with her husband, O twice-born one.

AI translation rendered from the Sanskrit, not a published edition

PdP 4 15.44

यत्किञ्चिद्धरये वस्तु भक्त्या यच्छति यो द्विज । हरेर्दिने तस्य पुण्यमक्षयं चैव सर्वदा

yatkiñciddharaye vastu bhaktyā yacchati yo dvija | harerdine tasya puṇyamakṣayaṃ caiva sarvadā

Whatever thing a man gives to Hari with devotion, O twice-born, on Hari's day — his merit is imperishable and everlasting.

AI translation rendered from the Sanskrit, not a published edition

PdP 4 15.45

पुरासीद्वल्लभो नाम्ना नगरे कांचनाह्वये । धनेन पुष्कलेनापि राजते स धनेश्वरः

purāsīdvallabho nāmnā nagare kāṃcanāhvaye | dhanena puṣkalenāpi rājate sa dhaneśvaraḥ

Formerly there was a man named Vallabha in the city called Kāñcana; with abundant wealth he too shone as a lord of riches.

AI translation rendered from the Sanskrit, not a published edition

PdP 4 15.46

तस्य प्रिया महारूपा नाम्ना हेमप्रभा द्विज । गरीयान्मुखरस्तत्र बाधते च कलेर्गुणः

tasya priyā mahārūpā nāmnā hemaprabhā dvija | garīyānmukharastatra bādhate ca kalerguṇaḥ

His wife was of great beauty, Hemaprabhā by name, O twice-born; but she was exceedingly foul-mouthed, and the quality of the Kali age afflicted (her) there.

AI translation rendered from the Sanskrit, not a published edition

PdP 4 15.47

सा सदा कलहं कुर्यात्पत्या सह तपोधन । शश्वद्गुरुजनान्कामं भर्त्सनान्नीचभाषया

sā sadā kalahaṃ kuryātpatyā saha tapodhana | śaśvadgurujanānkāmaṃ bhartsanānnīcabhāṣayā

She would always make quarrels with her husband, O ascetic, and constantly (would) at will (abuse) her elders with reviling in vile speech.

AI translation rendered from the Sanskrit, not a published edition — the model flagged this verse as uncertain

PdP 4 15.48

पाकपात्रे सदाश्नीयात्गुप्ता सैकांतिकेमला । उच्छिष्टं गुरुजनेभ्यश्च दद्याद्वै प्रतिवासरम्

pākapātre sadāśnīyātguptā saikāṃtikemalā | ucchiṣṭaṃ gurujanebhyaśca dadyādvai prativāsaram

Impure, she would always eat in secret, alone, out of the cooking pot, and she would give the leavings to her elders day after day.

AI translation rendered from the Sanskrit, not a published edition

PdP 4 15.49

जारे सदा स्थितं चित्तमहं साध्वीति सा वदेत् । स्वामिनः कलहैर्ब्रह्मन्मनोद्वेगकरा सदा

jāre sadā sthitaṃ cittamahaṃ sādhvīti sā vadet | svāminaḥ kalahairbrahmanmanodvegakarā sadā

Her mind was always fixed on a paramour, yet she would say, "I am a virtuous woman"; with quarrels, O brahmin, she constantly caused her husband distress of mind.

AI translation rendered from the Sanskrit, not a published edition

PdP 4 15.50

एकदा चागतां दृष्ट्वा चकार भर्त्सनां च ताम् । भर्त्ता तस्याः प्रहारं च सर्वपापयुतां द्विज

ekadā cāgatāṃ dṛṣṭvā cakāra bhartsanāṃ ca tām | bharttā tasyāḥ prahāraṃ ca sarvapāpayutāṃ dvija

Once, seeing her come, (her husband) rebuked her, and her husband also struck her, that woman full of every sin, O twice-born.

AI translation rendered from the Sanskrit, not a published edition

PdP 4 15.51

सैव रोषसमायुक्ता गता शून्यगृहे तु वै । सुप्ताऽज्ञाता स्थिता कस्मिन्जलान्नं न चखाद ह

saiva roṣasamāyuktā gatā śūnyagṛhe tu vai | suptā'jñātā sthitā kasminjalānnaṃ na cakhāda ha

She then, filled with rage, went into an empty house; she slept there unnoticed, remaining in a certain (place), and ate no water or food.

AI translation rendered from the Sanskrit, not a published edition

PdP 4 15.52

दैवात्तत्र दिने विष्णोः पार्श्वस्य परिवर्त्तनम् । एकादशीव्रतं विप्र सर्वपापप्रणाशनम्

daivāttatra dine viṣṇoḥ pārśvasya parivarttanam | ekādaśīvrataṃ vipra sarvapāpapraṇāśanam

By chance that day was Viṣṇu's turning upon his side, the vow of the eleventh, O brahmin, which destroys all sins.

AI translation rendered from the Sanskrit, not a published edition

PdP 4 15.53

ततः प्रभाते रजनी द्वादशी श्रवणान्विता । आगता तत्र सा नारी रोषनिर्भरमानसा

tataḥ prabhāte rajanī dvādaśī śravaṇānvitā | āgatā tatra sā nārī roṣanirbharamānasā

Then at dawn the night was the twelfth, joined with (the asterism) Śravaṇa; and that woman came there, her mind filled with rage.

AI translation rendered from the Sanskrit, not a published edition

PdP 4 15.54

निराहारौ कृतौ द्वौ च निर्मला सा बभूव ह । रात्रौ च पंचतां याता जयंतीवासरे द्विज

nirāhārau kṛtau dvau ca nirmalā sā babhūva ha | rātrau ca paṃcatāṃ yātā jayaṃtīvāsare dvija

Thus two (days) were made fasting days, and she became purified; and at night she went to her death, on Jayantī day, O twice-born.

AI translation rendered from the Sanskrit, not a published edition

PdP 4 15.55

यमाज्ञया ततो दूता आगतास्तां तथाविधाम् । नेतुं भयंकरास्ते च पाशमुद्गरपाणयः

yamājñayā tato dūtā āgatāstāṃ tathāvidhām | netuṃ bhayaṃkarāste ca pāśamudgarapāṇayaḥ

Then, by Yama's command, messengers came to lead her away in that condition — terrifying ones, with nooses and mallets in their hands.

AI translation rendered from the Sanskrit, not a published edition

PdP 4 15.56

बद्ध्वा नेतुं मनश्चक्रे कृतांतसदनं यदा । तदागता विष्णुदूताः शंखचक्रगदाधराः

baddhvā netuṃ manaścakre kṛtāṃtasadanaṃ yadā | tadāgatā viṣṇudūtāḥ śaṃkhacakragadādharāḥ

When, having bound her, they resolved to lead (her) to Death's abode, then came Viṣṇu's messengers, bearing conch, discus and mace.

AI translation rendered from the Sanskrit, not a published edition

PdP 4 15.57

छित्त्वा पाशं ततो दिव्ये स्यंदने तां गतैनसम् । ते वै चारोहयामासु निर्मलां भवनं हरेः

chittvā pāśaṃ tato divye syaṃdane tāṃ gatainasam | te vai cārohayāmāsu nirmalāṃ bhavanaṃ hareḥ

Then, cutting the noose, they made her — whose sin was gone, purified — mount a divine chariot (bound) for Hari's abode.

AI translation rendered from the Sanskrit, not a published edition

PdP 4 15.58

गता तैर्वेष्टिता साथ दुर्ल्लभं निर्जरैः शुभम् । विष्णोर्दिवसमाहात्म्यं कथितं ते द्विजर्षभ

gatā tairveṣṭitā sātha durllabhaṃ nirjaraiḥ śubham | viṣṇordivasamāhātmyaṃ kathitaṃ te dvijarṣabha

Surrounded by them she then went to the auspicious (abode) hard to obtain even for the gods. The greatness of Viṣṇu's day has been told to you, O best of the twice-born.

AI translation rendered from the Sanskrit, not a published edition

PdP 4 15.59

अनिच्छयापि यः कुर्यात्स याति हरिमंदिरम् । एकादश्यादिने मर्त्यो दीपं दातुं हरेर्गृहे

anicchayāpi yaḥ kuryātsa yāti harimaṃdiram | ekādaśyādine martyo dīpaṃ dātuṃ harergṛhe

Even one who does (it) unwillingly goes to Hari's abode. When a mortal, on the day of the eleventh, (goes) to offer a lamp in Hari's house —

AI translation rendered from the Sanskrit, not a published edition

PdP 4 15.60

गच्छेत्प्रतिपदं सोऽपि चाश्वमेधफलाधिकम् । शृण्वंति च पुराणानि पठंति च हरेर्दिने । प्रत्यक्षरं लभंते ते कपिलादानजं फलम्

gacchetpratipadaṃ so'pi cāśvamedhaphalādhikam | śṛṇvaṃti ca purāṇāni paṭhaṃti ca harerdine | pratyakṣaraṃ labhaṃte te kapilādānajaṃ phalam

— for each step he takes, he (gains) more than the fruit of a horse sacrifice. And those who listen to the Purāṇas and recite them on Hari's day obtain, for each syllable, the fruit born of the gift of a tawny cow.

AI translation rendered from the Sanskrit, not a published edition