Padma Purana — Brahma Khanda — Chapter 12
PdP 4 12.1
शौनक उवाच- केन पुण्येन भो सूत चान्येन गतपातकः । नरो याति हरेः स्थानं तद्वदस्वानुकंपया
śaunaka uvāca- kena puṇyena bho sūta cānyena gatapātakaḥ | naro yāti hareḥ sthānaṃ tadvadasvānukaṃpayā
Śaunaka said: By what other merit, O Sūta, does a man, his sins gone, go to the abode of Hari? Tell that out of compassion.
AI translation rendered from the Sanskrit, not a published edition
PdP 4 12.2
सूत उवाच- ब्राह्मणस्य धनैः प्राणान्प्राणैर्वापि द्विजोत्तम । रक्षां करोति यो मर्त्यो विष्णुलोकं स गच्छति
sūta uvāca- brāhmaṇasya dhanaiḥ prāṇānprāṇairvāpi dvijottama | rakṣāṃ karoti yo martyo viṣṇulokaṃ sa gacchati
Sūta said: O best of the twice-born, that mortal who protects the life of a brahmin with his wealth, or even with his own life, goes to the world of Viṣṇu.
AI translation rendered from the Sanskrit, not a published edition
PdP 4 12.3
पुरा राजा दीननाथो द्वापरे संज्ञके युगे । आसीदपुत्रो बलवान्वैष्णवः स तु याजकः
purā rājā dīnanātho dvāpare saṃjñake yuge | āsīdaputro balavānvaiṣṇavaḥ sa tu yājakaḥ
Formerly, in the age called Dvāpara, there was a king Dīnanātha, sonless, powerful, a Vaiṣṇava, and a performer of sacrifices.
AI translation rendered from the Sanskrit, not a published edition
PdP 4 12.4
एकदा गालवं राजा पप्रच्छ विनयान्वितः । केन पुण्येन जायेत पुत्रो वै करुणार्णव
ekadā gālavaṃ rājā papraccha vinayānvitaḥ | kena puṇyena jāyeta putro vai karuṇārṇava
Once the king, full of humility, asked Gālava: "By what merit may a son be born, O ocean of compassion?
AI translation rendered from the Sanskrit, not a published edition
PdP 4 12.5
वदस्व मुनिशार्दूल करिष्यामि तवाज्ञया । येषां नृणां नास्ति सुतो जीवनं हि निरर्थकम्
vadasva muniśārdūla kariṣyāmi tavājñayā | yeṣāṃ nṛṇāṃ nāsti suto jīvanaṃ hi nirarthakam
Tell (me), O tiger among sages; I will do it at your command. For those men who have no son, life is indeed purposeless."
AI translation rendered from the Sanskrit, not a published edition
PdP 4 12.6
गालव उवाच- राजन्शृणुष्वावहितो यत्पृष्टोऽस्मि तवाग्रतः । कथयामि समासेन पुत्रस्योद्भवकारणम्
gālava uvāca- rājanśṛṇuṣvāvahito yatpṛṣṭo'smi tavāgrataḥ | kathayāmi samāsena putrasyodbhavakāraṇam
Gālava said: King, listen attentively to what I have been asked in your presence; I shall tell you in brief the means of a son's coming to be.
AI translation rendered from the Sanskrit, not a published edition
PdP 4 12.7
क्रतुं च नरमेधाख्यं कुरुष्व राजसत्तम । तदा ते संततिः स्याद्वै सर्वलक्षणसंयुता
kratuṃ ca naramedhākhyaṃ kuruṣva rājasattama | tadā te saṃtatiḥ syādvai sarvalakṣaṇasaṃyutā
Perform the sacrifice called naramedha (human sacrifice), best of kings; then indeed you will have offspring endowed with every auspicious mark.
AI translation rendered from the Sanskrit, not a published edition
PdP 4 12.8
राजोवाच- नरमेधं महायज्ञं यज्ञानां प्रवरं द्विज । कीदृशं नरमानीय करिष्यामि गुरो वद
rājovāca- naramedhaṃ mahāyajñaṃ yajñānāṃ pravaraṃ dvija | kīdṛśaṃ naramānīya kariṣyāmi guro vada
The king said: The naramedha, the great sacrifice, the foremost of sacrifices, O twice-born one — what sort of man shall I bring and (so) perform it? Tell me, teacher.
AI translation rendered from the Sanskrit, not a published edition
PdP 4 12.9
गालव उवाच- सुंदरांगः सुवदनः समस्तशास्त्रविद्भवेत् । सत्कुले यदि जातः स तदा यज्ञाय कल्पते
gālava uvāca- suṃdarāṃgaḥ suvadanaḥ samastaśāstravidbhavet | satkule yadi jātaḥ sa tadā yajñāya kalpate
Gālava said: He should be of handsome limbs, of fair face, and knowing all the śāstras; if he is born in a good family, then he is fit for the sacrifice.
AI translation rendered from the Sanskrit, not a published edition
PdP 4 12.10
अंगहीनः कृष्णवर्णो मूर्खो योग्यो भवेन्नहि । इत्युक्ते गालवे विप्र स राजा मनुजेश्वरः
aṃgahīnaḥ kṛṣṇavarṇo mūrkho yogyo bhavennahi | ityukte gālave vipra sa rājā manujeśvaraḥ
One lacking a limb, of black complexion, or a fool would not be suitable. When Gālava had spoken thus, O brahmin, that king, the lord of men,
AI translation rendered from the Sanskrit, not a published edition
PdP 4 12.11
प्रेषयामास दूतांश्च कथयित्वा मुनेर्वचः । द्रविणं बहु दत्वा च गालवप्रमुखान्द्विजान्
preṣayāmāsa dūtāṃśca kathayitvā munervacaḥ | draviṇaṃ bahu datvā ca gālavapramukhāndvijān
sent out messengers, having told them the sage's words; and having given much wealth, (he engaged) the brahmins headed by Gālava,
AI translation rendered from the Sanskrit, not a published edition
PdP 4 12.12
यज्ञार्थे वरयामास समस्तशास्त्रपारगान् । ततो राजाज्ञया दूताः देशं देशं मुदा गताः
yajñārthe varayāmāsa samastaśāstrapāragān | tato rājājñayā dūtāḥ deśaṃ deśaṃ mudā gatāḥ
he chose for the sacrifice those who had mastered all the śāstras. Then, by the king's command, the messengers went gladly from country to country,
AI translation rendered from the Sanskrit, not a published edition
PdP 4 12.13
ग्रामे ग्रामे द्विजश्रेष्ठ पत्तनेऽपि समाहिताः । कुत्रापि न प्राप्तवंतो गता जनपदं ततः
grāme grāme dvijaśreṣṭha pattane'pi samāhitāḥ | kutrāpi na prāptavaṃto gatā janapadaṃ tataḥ
and diligently to every village, O best of the twice-born, and to the towns as well; nowhere did they find (such a man), and then they went to a settled district,
AI translation rendered from the Sanskrit, not a published edition
PdP 4 12.14
नाम्ना दशपुरं विप्र प्रकीर्णं गुणिभिर्द्विजैः । यत्र नारीः सुकेशीश्च मृगशावक चक्षुषः
nāmnā daśapuraṃ vipra prakīrṇaṃ guṇibhirdvijaiḥ | yatra nārīḥ sukeśīśca mṛgaśāvaka cakṣuṣaḥ
named Daśapura, O brahmin, thronged with virtuous brahmins, where the women are fair-haired and have the eyes of a fawn,
AI translation rendered from the Sanskrit, not a published edition
PdP 4 12.15
दृष्ट्वा मुह्यंति पुरुषाश्चंद्रमुख्यश्च ता यतः । तस्मिन्पुरे मनोरम्ये कृष्णदेव इति द्विजः
dṛṣṭvā muhyaṃti puruṣāścaṃdramukhyaśca tā yataḥ | tasminpure manoramye kṛṣṇadeva iti dvijaḥ
on seeing whom men are bewildered, since they are moon-faced. In that delightful city (there lived) a brahmin named Kṛṣṇadeva,
AI translation rendered from the Sanskrit, not a published edition
PdP 4 12.16
आसीत्पुत्रैस्त्रिभिः सार्द्धं भार्यया च सुशीलया । वैष्णवः प्रियवादी च विष्णुपूजारतः सदा
āsītputraistribhiḥ sārddhaṃ bhāryayā ca suśīlayā | vaiṣṇavaḥ priyavādī ca viṣṇupūjārataḥ sadā
together with three sons and a well-behaved wife; he was a Vaiṣṇava, kindly of speech, and always devoted to the worship of Viṣṇu,
AI translation rendered from the Sanskrit, not a published edition
PdP 4 12.17
साग्निकः पितृभक्तश्च वैष्णवानां प्रियंकरः । प्रार्थनां चक्रुरथ ते राज्ञो दूता द्विजोत्तमम्
sāgnikaḥ pitṛbhaktaśca vaiṣṇavānāṃ priyaṃkaraḥ | prārthanāṃ cakruratha te rājño dūtā dvijottamam
maintaining the sacred fires, devoted to the ancestors, and a doer of kindness to Vaiṣṇavas. Then those messengers of the king made their request to that best of the twice-born:
AI translation rendered from the Sanskrit, not a published edition
PdP 4 12.18
पुत्रं देहीति देहीति वद ब्राह्मणसत्तम । नास्ति राज्ञो द्विजश्रेष्ठ पुत्रः संतापनाशनः
putraṃ dehīti dehīti vada brāhmaṇasattama | nāsti rājño dvijaśreṣṭha putraḥ saṃtāpanāśanaḥ
"Say 'I give the son, I give him,' O best of brahmins. The king, O foremost of the twice-born, has no son to destroy his grief.
AI translation rendered from the Sanskrit, not a published edition
PdP 4 12.19
तदर्थं नरमेधाख्ये यज्ञेभव स दीक्षितः । नेष्यामस्तव पुत्रं वै बलिं दातुं महाक्रतौ
tadarthaṃ naramedhākhye yajñebhava sa dīkṣitaḥ | neṣyāmastava putraṃ vai baliṃ dātuṃ mahākratau
For that purpose he has been consecrated for the sacrifice called naramedha. We shall lead away your son to be offered as the victim in the great rite.
AI translation rendered from the Sanskrit, not a published edition
PdP 4 12.20
सुवर्णानां चतुर्लक्षं ब्रह्मन्नय समाहितः । सुखेन यदि दातव्यो नो पुत्रः पुत्रलालसात्
suvarṇānāṃ caturlakṣaṃ brahmannaya samāhitaḥ | sukhena yadi dātavyo no putraḥ putralālasāt
Take four hundred thousand gold pieces, brahmin, with composure. If out of longing for a son the boy is not to be given up willingly,
AI translation rendered from the Sanskrit, not a published edition
PdP 4 12.21
तदा बलेन नेष्यामो राजाज्ञाकारिणो वयम् । दूतानां वचनं श्रुत्वा ब्राह्मणौ शोकविह्वलौ
tadā balena neṣyāmo rājājñākāriṇo vayam | dūtānāṃ vacanaṃ śrutvā brāhmaṇau śokavihvalau
then we shall take him by force, for we are the executors of the king's command." Hearing the words of the messengers, the two brahmins (husband and wife), overwhelmed with grief,
AI translation rendered from the Sanskrit, not a published edition
PdP 4 12.22
अभूतां विगतप्राणाविव संशयमानसौ । किं धनेन सुवर्णेन जीवनेनापि सद्मना । प्रोवाचेदं वचः सोऽपि ब्राह्मणो राजपूरुषान्
abhūtāṃ vigataprāṇāviva saṃśayamānasau | kiṃ dhanena suvarṇena jīvanenāpi sadmanā | provācedaṃ vacaḥ so'pi brāhmaṇo rājapūruṣān
became like ones whose life-breath had departed, their minds in doubt: "What use is wealth, or gold, or even life, or a home?" And that brahmin spoke these words to the king's men:
AI translation rendered from the Sanskrit, not a published edition
PdP 4 12.23
ब्राह्मण उवाच- यदि दूताः समानेतुं पुत्रं शोकतमोपहम् । आगता निश्चितं यूयं शृणुध्वं वचनं मम
brāhmaṇa uvāca- yadi dūtāḥ samānetuṃ putraṃ śokatamopaham | āgatā niścitaṃ yūyaṃ śṛṇudhvaṃ vacanaṃ mama
The brahmin said: If you messengers have surely come to fetch away a son, who dispels the darkness of sorrow, then hear my word.
AI translation rendered from the Sanskrit, not a published edition
PdP 4 12.24
स्थित्वा पृथिव्यां को भ्रष्टां राजाज्ञां कर्तुमिच्छति । पुत्रं हित्वा किंतु यूयं वृद्धं मां नयत द्विजम्
sthitvā pṛthivyāṃ ko bhraṣṭāṃ rājājñāṃ kartumicchati | putraṃ hitvā kiṃtu yūyaṃ vṛddhaṃ māṃ nayata dvijam
Living on this earth, who wishes to make the king's command fail? But, leaving aside my son, take me, an old brahmin, instead.
AI translation rendered from the Sanskrit, not a published edition
PdP 4 12.25
इति तस्य वचः श्रुत्वा दूताः क्रोधसमन्विताः । बलात्कारेण तद्गेहे सुवर्णानि च तत्यजुः
iti tasya vacaḥ śrutvā dūtāḥ krodhasamanvitāḥ | balātkāreṇa tadgehe suvarṇāni ca tatyajuḥ
Hearing that speech of his, the messengers, filled with anger, forcibly dumped the gold pieces in his house,
AI translation rendered from the Sanskrit, not a published edition
PdP 4 12.26
यदा नेतुं मनश्चक्रुस्तत्पुत्रं किल ते क्रुधा । बद्धांजलिपुटोभूत्वा रुदन्प्रोवोच स द्विजः
yadā netuṃ manaścakrustatputraṃ kila te krudhā | baddhāṃjalipuṭobhūtvā rudanprovoca sa dvijaḥ
When in anger they set their minds on taking away his son, that brahmin, with his palms joined, spoke, weeping:
AI translation rendered from the Sanskrit, not a published edition
PdP 4 12.27
पुत्राणां ज्येष्ठपुत्रं मे हित्वान्यं पुत्रमुत्तमम् । नयतेति वचो वक्तुं वक्त्रेनायाति हे जनाः
putrāṇāṃ jyeṣṭhaputraṃ me hitvānyaṃ putramuttamam | nayateti vaco vaktuṃ vaktrenāyāti he janāḥ
"To say the words, 'Of my sons, leaving out the eldest, take away another son, an excellent one' — my mouth will not come to it, O people!"
AI translation rendered from the Sanskrit, not a published edition — the model flagged this verse as uncertain
PdP 4 12.28
द्विजस्य वचनं श्रुत्वा ब्राह्मणीं रुदतीं सतीम् । प्रोचुर्दूताः कनीयांसं पुत्रं देहीति सत्तम
dvijasya vacanaṃ śrutvā brāhmaṇīṃ rudatīṃ satīm | procurdūtāḥ kanīyāṃsaṃ putraṃ dehīti sattama
Hearing the brahmin's speech, the messengers said to the chaste brahmin woman, who was weeping, "Hand over the younger son," O most excellent one.
AI translation rendered from the Sanskrit, not a published edition
PdP 4 12.29
तेषामिति वचः श्रुत्वा ब्राह्मणी भूमितस्तदा । पपात वात्यया सार्द्धं रंभेव भृशदुःखिनी
teṣāmiti vacaḥ śrutvā brāhmaṇī bhūmitastadā | papāta vātyayā sārddhaṃ raṃbheva bhṛśaduḥkhinī
Hearing this speech of theirs, the brahmin woman then fell to the ground, like a plantain tree struck by a gale, utterly stricken with grief.
AI translation rendered from the Sanskrit, not a published edition
PdP 4 12.30
मुद्गरं सा समादाय मौलौ चाताडयद्बलात् । कनिष्ठं मत्सुतं दूता नापि दास्यामि सर्वथा
mudgaraṃ sā samādāya maulau cātāḍayadbalāt | kaniṣṭhaṃ matsutaṃ dūtā nāpi dāsyāmi sarvathā
Taking up a mallet, she struck herself forcefully on the head: "Messengers, I will not give up my youngest son on any account!"
AI translation rendered from the Sanskrit, not a published edition
PdP 4 12.31
एतस्मिन्समये विप्र विप्रस्य मध्यमः सुतः । प्रोवाच विनयाविष्टः प्रणम्य पितरौ रुदन्
etasminsamaye vipra viprasya madhyamaḥ sutaḥ | provāca vinayāviṣṭaḥ praṇamya pitarau rudan
At this moment, O brahmin, the brahmin's middle son, filled with humility, bowing to his parents, spoke weeping:
AI translation rendered from the Sanskrit, not a published edition
PdP 4 12.32
माता यदि विषं दद्यात्पित्रा विक्रीयते सुतः । राजा हरति सर्वस्वं कस्तत्र पालको भवेत्
mātā yadi viṣaṃ dadyātpitrā vikrīyate sutaḥ | rājā harati sarvasvaṃ kastatra pālako bhavet
"If a mother should give poison, if a son is sold by his father, if the king carries off all one's property — who then could be a protector?"
AI translation rendered from the Sanskrit, not a published edition
PdP 4 12.33
इत्युक्त्वा तत्सुतो मूर्ध्ना प्रणम्य पितरौ सह । दूतैर्जगाम त्वरितै राज्ञोऽस्य दीक्षितस्य च
ityuktvā tatsuto mūrdhnā praṇamya pitarau saha | dūtairjagāma tvaritai rājño'sya dīkṣitasya ca
Having said this, that son of his bowed with his head to both his parents together and went with the hurrying messengers to this king, the consecrated one.
AI translation rendered from the Sanskrit, not a published edition
PdP 4 12.34
अथ तौ ब्राह्मणौ पुत्रविच्छेदक्लिष्टमानसौ । रुदित्वा च रुदित्वा च अंधभावं प्रजग्मतुः
atha tau brāhmaṇau putravicchedakliṣṭamānasau | ruditvā ca ruditvā ca aṃdhabhāvaṃ prajagmatuḥ
Then those two brahmins, their minds tormented by the severance from their son, weeping and weeping, came to the condition of blindness.
AI translation rendered from the Sanskrit, not a published edition
PdP 4 12.35
अथ ते पथ्यगच्छंत विश्वामित्रमुनेः किल । आश्रमं शिष्ययुक्तं च सेवितं मृगशावकैः
atha te pathyagacchaṃta viśvāmitramuneḥ kila | āśramaṃ śiṣyayuktaṃ ca sevitaṃ mṛgaśāvakaiḥ
Then they went along the road to the hermitage of the sage Viśvāmitra, filled with disciples and frequented by fawns.
AI translation rendered from the Sanskrit, not a published edition
PdP 4 12.36
स मुनी राजपुरुषान्दृष्ट्वा पप्रच्छ सादरम् । के यूयं हो कुत्र गता यथाका वृत्तिरुच्यताम्
sa munī rājapuruṣāndṛṣṭvā papraccha sādaram | ke yūyaṃ ho kutra gatā yathākā vṛttirucyatām
That sage, seeing the king's men, asked them courteously: "Who are you, sirs, where are you going? Let your business be told."
AI translation rendered from the Sanskrit, not a published edition
PdP 4 12.37
राजदूता ऊचुः- शृणुष्वावहितो विप्र राज्ञः पुत्रो न जायते । तदर्थं नरमेधाख्ये यज्ञे राजा सुदीक्षितः
rājadūtā ūcuḥ- śṛṇuṣvāvahito vipra rājñaḥ putro na jāyate | tadarthaṃ naramedhākhye yajñe rājā sudīkṣitaḥ
The king's messengers said: Listen attentively, brahmin: no son is born to the king; for that purpose the king has been duly consecrated in the sacrifice called naramedha (human sacrifice).
AI translation rendered from the Sanskrit, not a published edition
PdP 4 12.38
नयामस्तत्र बल्यर्थमिमं ब्राह्मणपुत्रकम् । इति तेषां वचः श्रुत्वा स विप्रः सदयोऽभवत्
nayāmastatra balyarthamimaṃ brāhmaṇaputrakam | iti teṣāṃ vacaḥ śrutvā sa vipraḥ sadayo'bhavat
"We are taking this brahmin's little son there for the offering." Hearing this speech of theirs, that brahmin was filled with pity.
AI translation rendered from the Sanskrit, not a published edition
PdP 4 12.39
प्राणा ममापि गच्छंतु सुखी भवतु बालकः । बालकार्थे द्विजार्थे च स्वाम्यर्थे ये जना इह
prāṇā mamāpi gacchaṃtu sukhī bhavatu bālakaḥ | bālakārthe dvijārthe ca svāmyarthe ye janā iha
"Let my own breath depart instead; let the boy be happy. Those people here who, for the sake of a child, for the sake of a brahmin, and for the sake of their master,
AI translation rendered from the Sanskrit, not a published edition
PdP 4 12.40
त्यजन्ति तृणवत्प्राणांस्तेषां लोकाः सनातनाः । विमृश्येति मुनिः स्वांते स प्रोवाच द्विजर्षभः
tyajanti tṛṇavatprāṇāṃsteṣāṃ lokāḥ sanātanāḥ | vimṛśyeti muniḥ svāṃte sa provāca dvijarṣabhaḥ
give up their lives as though they were a blade of grass — theirs are the everlasting worlds." Having reflected thus within himself, that bull among brahmins, the sage, spoke:
AI translation rendered from the Sanskrit, not a published edition
PdP 4 12.41
यज्ञे बलिं समादातुमिमं ब्राह्मणबालकम् । हित्वा मां नयथाथाशु ह्ययं बालक उत्तमः
yajñe baliṃ samādātumimaṃ brāhmaṇabālakam | hitvā māṃ nayathāthāśu hyayaṃ bālaka uttamaḥ
"To take as the offering in the sacrifice — leave aside this brahmin boy and take me quickly instead, for this boy is excellent.
AI translation rendered from the Sanskrit, not a published edition
PdP 4 12.42
संसारे जन्मसंप्राप्य न लब्धं सुखमत्र च । अनेन बालकेनापि मरिष्यति कथं त्वयम्
saṃsāre janmasaṃprāpya na labdhaṃ sukhamatra ca | anena bālakenāpi mariṣyati kathaṃ tvayam
Having obtained birth in the round of existence, he has not yet found any happiness here; how then shall he die, this boy?"
AI translation rendered from the Sanskrit, not a published edition — the model flagged this verse as uncertain
PdP 4 12.43
आगतेऽस्मिन्गृहाद्दूताः पितरावस्य दुःखितौ । हतभाग्यौ गतो नूनं यमस्येव गृहं प्रति
āgate'smingṛhāddūtāḥ pitarāvasya duḥkhitau | hatabhāgyau gato nūnaṃ yamasyeva gṛhaṃ prati
"O messengers, when he left home his parents were grief-stricken, their fortune destroyed; surely he has gone as if to the house of Yama."
AI translation rendered from the Sanskrit, not a published edition
PdP 4 12.44
एवं तस्य वचः श्रुत्वा दूताः प्रोचुरथ द्विजम् । भूपालस्य विनाज्ञां वै दीननाथस्य भूसुर
evaṃ tasya vacaḥ śrutvā dūtāḥ procuratha dvijam | bhūpālasya vinājñāṃ vai dīnanāthasya bhūsura
Hearing this speech of his, the messengers then said to the brahmin: "Without the command of the king, the protector of the wretched, O god upon earth,
AI translation rendered from the Sanskrit, not a published edition
PdP 4 12.45
नेतुं त्वां पलितं प्राज्ञ नेष्यामो हि कथं वयम् । एवमुक्त्वा च ते दूता जग्मू राज्ञः पुरीं तदा
netuṃ tvāṃ palitaṃ prājña neṣyāmo hi kathaṃ vayam | evamuktvā ca te dūtā jagmū rājñaḥ purīṃ tadā
how indeed are we to take you, grey-haired one, O wise man? We will not take you." And having spoken thus, those messengers then went to the king's city.
AI translation rendered from the Sanskrit, not a published edition
PdP 4 12.46
स मुनिर्दूतसंघैश्च गतवान्यज्ञमंदिरम् । राजानं कथयामासुर्दूता विप्रस्य चेष्टितम्
sa munirdūtasaṃghaiśca gatavānyajñamaṃdiram | rājānaṃ kathayāmāsurdūtā viprasya ceṣṭitam
That sage went with the troops of messengers to the sacrificial hall; and the messengers told the king what the brahmin had done.
AI translation rendered from the Sanskrit, not a published edition
PdP 4 12.47
तच्छ्रुत्वाशंकितमनाः प्रोवाचेदं वचः स तम् । मुने यद्यपि मे यज्ञे कृते पुत्रो भविष्यति
tacchrutvāśaṃkitamanāḥ provācedaṃ vacaḥ sa tam | mune yadyapi me yajñe kṛte putro bhaviṣyati
Hearing that, with a doubting mind he spoke this word to him: "Sage, if a son will be born to me when the sacrifice has been performed,
AI translation rendered from the Sanskrit, not a published edition
PdP 4 12.48
बलिं विनापि भो ब्रह्मन्तदा विप्रसुतं नय
baliṃ vināpi bho brahmantadā viprasutaṃ naya
then, O brahmin, take the brahmin's son even without force."
AI translation rendered from the Sanskrit, not a published edition
PdP 4 12.49
मुनिरुवाच- यज्ञे त्वया कृते राजन्महापुत्रो भविष्यति । अत्र ते संशयो मा भूदमोघमपि दर्शनम्
muniruvāca- yajñe tvayā kṛte rājanmahāputro bhaviṣyati | atra te saṃśayo mā bhūdamoghamapi darśanam
The sage said: When the sacrifice has been performed by you, O king, a great son will be born. Let there be no doubt in you about this; even (my) seeing (it) is not in vain.
AI translation rendered from the Sanskrit, not a published edition
PdP 4 12.50
इति तस्य वचः श्रुत्वा राजात्यंतसहर्षकः । चक्रे पूर्णाहुतिं यज्ञे समस्तैर्मुनिभिः सह
iti tasya vacaḥ śrutvā rājātyaṃtasaharṣakaḥ | cakre pūrṇāhutiṃ yajñe samastairmunibhiḥ saha
Hearing that word of his, the king, exceedingly joyful, made the final oblation in the sacrifice together with all the sages.
AI translation rendered from the Sanskrit, not a published edition
PdP 4 12.51
अथातः स मुनिः श्रेष्ठो ब्राह्मणस्य सुतं च तम् । गृह्य दशपुरं नाम नगरं गतवांस्तदा
athātaḥ sa muniḥ śreṣṭho brāhmaṇasya sutaṃ ca tam | gṛhya daśapuraṃ nāma nagaraṃ gatavāṃstadā
Then thereupon that best of sages, taking that son of the brahmin, went to the city named Daśapura.
AI translation rendered from the Sanskrit, not a published edition
PdP 4 12.52
भवनं तस्य गत्वा च उक्तवान्वचनं मुनिः । गृहे त्वं तिष्ठसे विप्र तिष्ठामि मृतवन्मुने
bhavanaṃ tasya gatvā ca uktavānvacanaṃ muniḥ | gṛhe tvaṃ tiṣṭhase vipra tiṣṭhāmi mṛtavanmune
And having gone to his house the sage spoke a word: "Are you staying at home, brahmin?" "I am staying as if dead, O sage.
AI translation rendered from the Sanskrit, not a published edition
PdP 4 12.53
राजा बलेन मे पुत्रं नीतवान्किं करोम्यहम् । पुत्रे गते च भो विप्र दंपत्योरावयोः पुनः
rājā balena me putraṃ nītavānkiṃ karomyaham | putre gate ca bho vipra daṃpatyorāvayoḥ punaḥ
The king has carried off my son by force; what am I to do? And with the son gone, O brahmin, for us two, husband and wife, again
AI translation rendered from the Sanskrit, not a published edition
PdP 4 12.54
गतानि चांधभावं वै क्रंदनैर्लोचनान्यपि । अथासौ मुनिशार्दूलः पुत्रं पश्य नयेति च
gatāni cāṃdhabhāvaṃ vai kraṃdanairlocanānyapi | athāsau muniśārdūlaḥ putraṃ paśya nayeti ca
our eyes too have gone into a state of blindness from weeping." Then that tiger among sages said, "Look at your son and take him,"
AI translation rendered from the Sanskrit, not a published edition
PdP 4 12.55
उक्तवांस्तौ यदा विप्र ब्राह्मणौ जातहर्षकौ । पुत्रायाकारणं कृत्वा गतावेतौ बहिः क्षणात्
uktavāṃstau yadā vipra brāhmaṇau jātaharṣakau | putrāyākāraṇaṃ kṛtvā gatāvetau bahiḥ kṣaṇāt
and when he had spoken, O brahmin, those two brahmins, filled with joy, calling out for their son, at once went outside.
AI translation rendered from the Sanskrit, not a published edition
PdP 4 12.56
मुनेर्वचनसिद्धित्वात्तत्क्षणं लोचनं तयोः । आलोकं तु गतं तूर्णं पुत्रस्य दर्शनादपि
munervacanasiddhitvāttatkṣaṇaṃ locanaṃ tayoḥ | ālokaṃ tu gataṃ tūrṇaṃ putrasya darśanādapi
Because the sage's word came true, in that very instant the eyes of those two swiftly regained sight, and also from the seeing of their son.
AI translation rendered from the Sanskrit, not a published edition
PdP 4 12.57
पुत्रस्य मुखपद्मं तौ लोचनैरलिसंनिभैः । पीत्वा मुनिं चिरंतं च नमस्कृत्य पुनः पुनः
putrasya mukhapadmaṃ tau locanairalisaṃnibhaiḥ | pītvā muniṃ ciraṃtaṃ ca namaskṛtya punaḥ punaḥ
Those two, having drunk long with their bee-like eyes the lotus-face of their son, and having bowed to the sage again and again,
AI translation rendered from the Sanskrit, not a published edition
PdP 4 12.58
प्रोचतुर्वचनं विप्रा ब्राह्मणौ प्रियवादिनौ । अहो मुने जीवदानमावयोः सुकृतं किल
procaturvacanaṃ viprā brāhmaṇau priyavādinau | aho mune jīvadānamāvayoḥ sukṛtaṃ kila
the two brahmins, speaking kindly, uttered this word, O brahmins: "Ah, sage, this is truly the gift of life to us, a good deed indeed!"
AI translation rendered from the Sanskrit, not a published edition
PdP 4 12.59
तयोरेव वचः श्रुत्वा स मुनिः करुणार्णवः । दत्वाशिषं च तौ विप्र जगाम निजमाश्रमम्
tayoreva vacaḥ śrutvā sa muniḥ karuṇārṇavaḥ | datvāśiṣaṃ ca tau vipra jagāma nijamāśramam
Hearing that very word of theirs, that sage, an ocean of compassion, gave them his blessing, O brahmin, and went to his own hermitage.
AI translation rendered from the Sanskrit, not a published edition
PdP 4 12.60
मुनिः करगतं चैव कृत्वा विष्णोः परं पदम् । तपस्तेपे महाभागो दैवतैरपि दुर्ल्लभम्
muniḥ karagataṃ caiva kṛtvā viṣṇoḥ paraṃ padam | tapastepe mahābhāgo daivatairapi durllabham
And the sage, greatly blessed, having made Viṣṇu's supreme abode as though (already) in his hand, performed austerity hard to attain even for the gods.
AI translation rendered from the Sanskrit, not a published edition
PdP 4 12.61
किंचित्काले गते विप्र तस्य राज्ञोऽभवत्सुतः । सुंदरो राजयोग्यश्च इंदुःक्षीरनिधाविव । पुत्रोत्सवे सोऽपि विप्र राजा दत्वा धनानि वै
kiṃcitkāle gate vipra tasya rājño'bhavatsutaḥ | suṃdaro rājayogyaśca iṃduḥkṣīranidhāviva | putrotsave so'pi vipra rājā datvā dhanāni vai
When some time had passed, O brahmin, a son was born to that king, handsome and fit for kingship, like the moon in the ocean of milk. At the festival of the son's birth that king too, O brahmin, gave away riches,
AI translation rendered from the Sanskrit, not a published edition
PdP 4 12.62
बुभुजे देववद्भूम्यां विशोको जातकौतुकः । विप्रान्पालयते यस्तु प्राणान्दत्वा धनान्यपि
bubhuje devavadbhūmyāṃ viśoko jātakautukaḥ | viprānpālayate yastu prāṇāndatvā dhanānyapi
and enjoyed (himself) on earth like a god, free of sorrow, filled with delight. And he who protects brahmins, giving even his life-breaths and his wealth,
AI translation rendered from the Sanskrit, not a published edition
PdP 4 12.63
स याति विष्णुभवनं पुनरावृत्तिदुर्ल्लभम् । पठंति येऽत्र भक्त्या च शृण्वंति विप्रतः कथाम्
sa yāti viṣṇubhavanaṃ punarāvṛttidurllabham | paṭhaṃti ye'tra bhaktyā ca śṛṇvaṃti viprataḥ kathām
he goes to the abode of Viṣṇu, from which return is hard (i.e. whence there is no return). And those who here recite with devotion, and hear from a brahmin the story,
AI translation rendered from the Sanskrit, not a published edition
PdP 4 12.64
आख्यानं श्लोकमेकं वा गच्छंति विष्णुमंदिरम्
ākhyānaṃ ślokamekaṃ vā gacchaṃti viṣṇumaṃdiram
the narrative, or even a single verse, they go to the house of Viṣṇu.
AI translation rendered from the Sanskrit, not a published edition