Padma Purana — Svarga Khanda — Chapter 58
PdP 3 58.1
व्यास उवाच- एवं गृहाश्रमे स्थित्वा द्वितीयं भागमायुषः । वानप्रस्थाश्रमं गच्छेत्सदारः साग्निरेव च
vyāsa uvāca- evaṃ gṛhāśrame sthitvā dvitīyaṃ bhāgamāyuṣaḥ | vānaprasthāśramaṃ gacchetsadāraḥ sāgnireva ca
Vyāsa said: Having thus abided in the householder's stage for the second portion of his life, he should go to the forest-dweller's stage, together with his wife and with his (sacrificial) fires.
AI translation rendered from the Sanskrit, not a published edition
PdP 3 58.2
निक्षिप्य भार्यां पुत्रेषु गच्छेद्वनमथापि वा । दृष्ट्वापत्यस्य वापत्यं जर्जरीकृतविग्रहः
nikṣipya bhāryāṃ putreṣu gacchedvanamathāpi vā | dṛṣṭvāpatyasya vāpatyaṃ jarjarīkṛtavigrahaḥ
Or else, having placed his wife in his sons' charge, he may go to the forest — when he has seen his offspring's offspring and his body has become worn out.
AI translation rendered from the Sanskrit, not a published edition
PdP 3 58.3
शुक्लपक्षस्य पूर्वाह्णे प्रशस्ते चोत्तरायणे । गत्वारण्यं नियमवांस्तपः कुर्यात्समाहितः
śuklapakṣasya pūrvāhṇe praśaste cottarāyaṇe | gatvāraṇyaṃ niyamavāṃstapaḥ kuryātsamāhitaḥ
In the forenoon of the bright fortnight, and in the praised northern course (of the sun), having gone to the forest and holding to his observances, he should practise austerity, collected.
AI translation rendered from the Sanskrit, not a published edition
PdP 3 58.4
फलमूलानि पूतानि नित्यमाहारमाहरेत् । यदाहारो भवेत्तेन पूजयेत्पितृदेवताः
phalamūlāni pūtāni nityamāhāramāharet | yadāhāro bhavettena pūjayetpitṛdevatāḥ
He should always gather as his food pure fruits and roots; and with whatever is his food, with that he should honour the ancestors and the gods.
AI translation rendered from the Sanskrit, not a published edition
PdP 3 58.5
पूजयेदतिथिं नित्यं स्नात्वा चाभ्यर्चयेत्सुरान् । गृहादादाय चाश्नीयादष्टौ ग्रासान्समाहितः
pūjayedatithiṃ nityaṃ snātvā cābhyarcayetsurān | gṛhādādāya cāśnīyādaṣṭau grāsānsamāhitaḥ
He should always honour a guest, and having bathed should worship the gods; and taking from his dwelling he should eat eight mouthfuls, collected.
AI translation rendered from the Sanskrit, not a published edition
PdP 3 58.6
जटाश्च बिभृयान्नित्यं नखरोमाणि नोत्सृजेत् । स्वाध्यायं सर्वथा कुर्यान्नियच्छेद्वाचमन्यतः
jaṭāśca bibhṛyānnityaṃ nakharomāṇi notsṛjet | svādhyāyaṃ sarvathā kuryānniyacchedvācamanyataḥ
And he should always wear matted hair, and not cut off nails and body-hair; he should by all means do his private recitation, and restrain his speech from other things.
AI translation rendered from the Sanskrit, not a published edition
PdP 3 58.7
अग्निहोत्रं च जुहुयात्पंचयज्ञान्समाचरेत् । उत्पन्नैर्विविधैर्मेध्यैः शाकमूलफलेन वा
agnihotraṃ ca juhuyātpaṃcayajñānsamācaret | utpannairvividhairmedhyaiḥ śākamūlaphalena vā
And he should offer the Agnihotra and perform the five sacrifices, with the various pure things that grow (of themselves), or with a vegetable, a root, or a fruit.
AI translation rendered from the Sanskrit, not a published edition
PdP 3 58.8
चीरवासा भवेन्नित्यं स्नायात्त्रिषवणं शुचिः । सर्वभूतानुकंपश्च प्रतिग्रहविवर्जितः
cīravāsā bhavennityaṃ snāyāttriṣavaṇaṃ śuciḥ | sarvabhūtānukaṃpaśca pratigrahavivarjitaḥ
He should always be clad in bark-strips, and bathe pure at the three junctures of the day; and be compassionate to all beings, avoiding the acceptance of gifts.
AI translation rendered from the Sanskrit, not a published edition
PdP 3 58.9
दर्शेन पौर्णमासेन यजेत नियतं द्विजः । ऋत्विष्ट्याग्रयणे चैव चातुर्मास्यानि कारयेत्
darśena paurṇamāsena yajeta niyataṃ dvijaḥ | ṛtviṣṭyāgrayaṇe caiva cāturmāsyāni kārayet
The twice-born should sacrifice, under restraint, with the new-moon and full-moon rites; and he should have performed the seasonal offering, the first-fruits offering, and the four-monthly rites,
AI translation rendered from the Sanskrit, not a published edition
PdP 3 58.10
उत्तरायणं च क्रमशो दक्षिणायनमेव च । वासंतशारदैर्मेद्ध्यैरुत्पन्नैः स्वयमाहृतैः
uttarāyaṇaṃ ca kramaśo dakṣiṇāyanameva ca | vāsaṃtaśāradairmeddhyairutpannaiḥ svayamāhṛtaiḥ
and in due order (the rites of) the northern course and the southern course, with the pure spring and autumn (produce) that has grown (of itself) and been gathered by himself.
AI translation rendered from the Sanskrit, not a published edition
PdP 3 58.11
पुरोडाशांश्चरूंश्चैव विधिवन्निर्वपेत्पृथक् । देवताभ्यः पितृभ्यश्च दत्त्वा मेध्यतरं हविः
puroḍāśāṃścarūṃścaiva vidhivannirvapetpṛthak | devatābhyaḥ pitṛbhyaśca dattvā medhyataraṃ haviḥ
He should set out the sacrificial cakes and the boiled oblations separately, according to rule; and having given the purer oblation to the gods and to the ancestors,
AI translation rendered from the Sanskrit, not a published edition
PdP 3 58.12
शेषं समुपभुंजीत लवणं च स्वयंकृतम् । वर्ज्जयेन्मद्यमांसानि भौमानि कवकानि च
śeṣaṃ samupabhuṃjīta lavaṇaṃ ca svayaṃkṛtam | varjjayenmadyamāṃsāni bhaumāni kavakāni ca
he should consume the remainder, together with salt he has made himself. He should avoid liquor and meats, and things of the ground, and mushrooms,
AI translation rendered from the Sanskrit, not a published edition
PdP 3 58.13
भूस्तृणं शष्पकं चैव श्लेष्मातक फलानि च । न फालकृष्टमश्नीयादुत्सृष्टमपि केनचित्
bhūstṛṇaṃ śaṣpakaṃ caiva śleṣmātaka phalāni ca | na phālakṛṣṭamaśnīyādutsṛṣṭamapi kenacit
and bhūstṛṇa grass, young grass, and the fruits of the śleṣmātaka; nor should he eat what is grown by the plough, even if it has been discarded by someone.
AI translation rendered from the Sanskrit, not a published edition
PdP 3 58.14
न ग्रामजातान्यार्तोपि पुष्पाणि च फलानि च । श्रावणेनैव विधिना वह्निं परिचरेत्सदा
na grāmajātānyārtopi puṣpāṇi ca phalāni ca | śrāvaṇenaiva vidhinā vahniṃ paricaretsadā
Nor, even in distress, flowers and fruits grown in a village. He should always tend the fire by the śrāvaṇa rule.
AI translation rendered from the Sanskrit, not a published edition — the model flagged this verse as uncertain
PdP 3 58.15
न द्रुह्येत्सर्वभूतानि निर्द्वंद्वो निर्भयो भवेत् । न नक्तं किंचिदश्नीयाद्रात्रौ ध्यानपरो भवेत्
na druhyetsarvabhūtāni nirdvaṃdvo nirbhayo bhavet | na naktaṃ kiṃcidaśnīyādrātrau dhyānaparo bhavet
He should not injure any beings; he should be free from opposites and free from fear. He should eat nothing at night; at night he should be devoted to meditation.
AI translation rendered from the Sanskrit, not a published edition
PdP 3 58.16
जितेंद्रियो जितक्रोधस्तत्त्वज्ञानविचिंतकः । ब्रह्मचारी भवेन्नित्यं न पत्नीमपि संश्रयेत्
jiteṃdriyo jitakrodhastattvajñānaviciṃtakaḥ | brahmacārī bhavennityaṃ na patnīmapi saṃśrayet
With senses subdued and anger subdued, reflecting on the knowledge of the truth, he should always be a celibate; he should not resort even to his own wife.
AI translation rendered from the Sanskrit, not a published edition
PdP 3 58.17
यस्तु पत्न्या वनं गत्वा मैथुनं कामतश्चरेत् । तद्व्रतं तस्य लुप्येत प्रायश्चित्तीयते द्विजः
yastu patnyā vanaṃ gatvā maithunaṃ kāmataścaret | tadvrataṃ tasya lupyeta prāyaścittīyate dvijaḥ
But he who, having gone to the forest with his wife, engages in intercourse out of desire—that vow of his is broken, and the twice-born must undergo expiation.
AI translation rendered from the Sanskrit, not a published edition
PdP 3 58.18
तत्र यो जायते गर्भो न स स्पृश्यो द्विजातिभिः । न हि वेदेधिकारोस्य तद्वंशेप्येवमेव हि
tatra yo jāyate garbho na sa spṛśyo dvijātibhiḥ | na hi vededhikārosya tadvaṃśepyevameva hi
The child that is begotten there is not to be touched by the twice-born; indeed he has no right to the Veda, and so it is likewise in his lineage.
AI translation rendered from the Sanskrit, not a published edition
PdP 3 58.19
भूमौ शयीत सततं सावित्रीजप्यतत्परः । शरण्यः सर्वभूतानां सद्विभागपरः सदा
bhūmau śayīta satataṃ sāvitrījapyatatparaḥ | śaraṇyaḥ sarvabhūtānāṃ sadvibhāgaparaḥ sadā
He should always lie on the ground, intent on muttering the Sāvitrī; a refuge for all beings, ever devoted to sharing out (his food) rightly.
AI translation rendered from the Sanskrit, not a published edition
PdP 3 58.20
परिवादं मृषावादं निद्रालस्ये च वर्जयेत् । एकाग्निरनिकेतः स्यात्प्रोक्षितां भूमिमाश्रयेत्
parivādaṃ mṛṣāvādaṃ nidrālasye ca varjayet | ekāgniraniketaḥ syātprokṣitāṃ bhūmimāśrayet
He should avoid slander, false speech, sleep, and sloth; he should keep a single fire, be without a dwelling, and resort to ground that has been sprinkled (with water).
AI translation rendered from the Sanskrit, not a published edition
PdP 3 58.21
मृगैः सह चरेद्दांतस्तैः सहैव च संवसेत् । शिलायां शर्करायां वा शयीत सुसमाहितः
mṛgaiḥ saha careddāṃtastaiḥ sahaiva ca saṃvaset | śilāyāṃ śarkarāyāṃ vā śayīta susamāhitaḥ
Self-controlled, he should roam together with the deer and dwell together with them; on a rock or on gravel he should lie down, well composed.
AI translation rendered from the Sanskrit, not a published edition
PdP 3 58.22
सद्यः प्रक्षालको वा स्यान्माससंचयिकोपि वा । षण्मासनिचयो वापि समानिचय एव वा
sadyaḥ prakṣālako vā syānmāsasaṃcayikopi vā | ṣaṇmāsanicayo vāpi samānicaya eva vā
He may be one who washes (his food) at once, or one who stores up for a month, or one whose store is for six months, or indeed one whose store is for a year.
AI translation rendered from the Sanskrit, not a published edition
PdP 3 58.23
नक्तं चान्नं समश्नीयाद्दिवा चाहृत्य शक्तितः । चतुर्थकालको वा स्यात्किं वाप्यष्टमकालिकः
naktaṃ cānnaṃ samaśnīyāddivā cāhṛtya śaktitaḥ | caturthakālako vā syātkiṃ vāpyaṣṭamakālikaḥ
He may eat food at night, or having gathered it by day according to his ability; or he may eat at every fourth mealtime, or even at every eighth.
AI translation rendered from the Sanskrit, not a published edition
PdP 3 58.24
चांद्रायणविधानैर्वा शुक्लेकृष्णे च वर्जयेत् । पक्षेपक्षे समश्नीयाद्यवागूं क्वथितां सकृत्
cāṃdrāyaṇavidhānairvā śuklekṛṣṇe ca varjayet | pakṣepakṣe samaśnīyādyavāgūṃ kvathitāṃ sakṛt
Or (he may live) by the rules of the cāndrāyaṇa, and abstain in the bright and the dark fortnight; in each fortnight he should eat boiled gruel once.
AI translation rendered from the Sanskrit, not a published edition — the model flagged this verse as uncertain
PdP 3 58.25
पुष्पमूलफलैर्वापि केवलैर्वर्तयेत्सदा । स्वाभाविकैः स्वयंशीर्णैर्वैखानसमते स्थितः
puṣpamūlaphalairvāpi kevalairvartayetsadā | svābhāvikaiḥ svayaṃśīrṇairvaikhānasamate sthitaḥ
Or he may subsist always on flowers, roots, and fruits alone—natural ones, fallen of themselves—remaining in the doctrine of the Vaikhānasas.
AI translation rendered from the Sanskrit, not a published edition
PdP 3 58.26
भूमौ वा परिवर्तेत तिष्ठेद्वा प्रपदैर्दिनम् । स्थानासनाभ्यां विहरेन्न क्वचिद्धैर्य्यमुत्सृजेत्
bhūmau vā parivarteta tiṣṭhedvā prapadairdinam | sthānāsanābhyāṃ viharenna kvaciddhairyyamutsṛjet
Or he may roll about on the ground, or stand on the tips of his toes for a day; he should move between standing and sitting, and never abandon his firmness.
AI translation rendered from the Sanskrit, not a published edition
PdP 3 58.27
ग्रीष्मे पंचतपाश्च स्याद्वर्षास्वभ्रावकाशिकः । आर्द्रवासाश्च हेमंते क्रमशो वर्द्धयेत्तपः
grīṣme paṃcatapāśca syādvarṣāsvabhrāvakāśikaḥ | ārdravāsāśca hemaṃte kramaśo varddhayettapaḥ
In the hot season he should be one of the five fires, in the rains one who stays out under the open sky, and in winter one who wears wet clothing; he should increase his austerity step by step.
AI translation rendered from the Sanskrit, not a published edition
PdP 3 58.28
उपस्पृशेत्त्रिषवणं पितृदेवांश्च तर्पयेत् । एकपादेन तिष्ठेत मरीचिं वा पिबेत्सदा
upaspṛśettriṣavaṇaṃ pitṛdevāṃśca tarpayet | ekapādena tiṣṭheta marīciṃ vā pibetsadā
He should bathe at the three (daily) times and offer libations to the ancestors and the gods; he should stand on one foot, or constantly drink in the sun's rays.
AI translation rendered from the Sanskrit, not a published edition
PdP 3 58.29
पंचाग्निधूमगो वा स्यादूष्मगः सोमपोपि वा । पयः पिबेच्छुक्लपक्षे कृष्णपक्षे तु गोमयम्
paṃcāgnidhūmago vā syādūṣmagaḥ somapopi vā | payaḥ pibecchuklapakṣe kṛṣṇapakṣe tu gomayam
Or he may be one who resorts to the smoke of the five fires, or one who resorts to heat, or a drinker of soma; in the bright fortnight he may drink milk, but in the dark fortnight cow-dung (water).
AI translation rendered from the Sanskrit, not a published edition
PdP 3 58.30
शीर्णपर्णाशनो वा स्यात्कृच्छ्रैर्वा वर्तयेत्सदा । योगाभ्यासरतश्च स्याद्रुद्राध्यायी भवेत्सदा
śīrṇaparṇāśano vā syātkṛcchrairvā vartayetsadā | yogābhyāsarataśca syādrudrādhyāyī bhavetsadā
Or he may be an eater of fallen leaves, or he may always subsist on the difficult penances; and he should be devoted to the practice of yoga and always a reciter of the Rudra (hymns).
AI translation rendered from the Sanskrit, not a published edition
PdP 3 58.31
अथर्वशिरसोध्येता वेदांताभ्यासतत्परः । यमान्सेवेत सततं नियमांश्चाप्यतंद्रितः
atharvaśirasodhyetā vedāṃtābhyāsatatparaḥ | yamānseveta satataṃ niyamāṃścāpyataṃdritaḥ
He should be a student of the Atharvaśiras, intent on the practice of the Vedānta; he should constantly and unwearyingly observe the restraints (yama) and the observances (niyama).
AI translation rendered from the Sanskrit, not a published edition
PdP 3 58.32
अथ चाग्नीन्समारोप्य स्वात्मनि ध्यानतत्परः
atha cāgnīnsamāropya svātmani dhyānatatparaḥ
And then, having deposited the (sacred) fires within his own self, intent on meditation—
AI translation rendered from the Sanskrit, not a published edition
PdP 3 58.33
अनग्निरनिकेतो वा मुनिर्मोक्षपरो भवेत् । तापसेष्वेव विप्रेषु यात्रिकं भैक्षमाहरेत्
anagniraniketo vā munirmokṣaparo bhavet | tāpaseṣveva vipreṣu yātrikaṃ bhaikṣamāharet
—without fire and without a dwelling, he should become a sage set on liberation; he should fetch alms sufficient for his journey (of life) from ascetic brahmins only.
AI translation rendered from the Sanskrit, not a published edition
PdP 3 58.34
गृहमेधिषु चान्येषु द्विजेषु वनचारिषु । ग्रामादाहृत्य चाश्नीयादष्टौ ग्रासान्वने वसन्
gṛhamedhiṣu cānyeṣu dvijeṣu vanacāriṣu | grāmādāhṛtya cāśnīyādaṣṭau grāsānvane vasan
And from other twice-born householders and from forest-dwellers, he should bring (alms) from the village and eat eight mouthfuls, while living in the forest.
AI translation rendered from the Sanskrit, not a published edition
PdP 3 58.35
प्रतिगृह्य पुटेनैव पाणिना शकलेन वा । विविधाश्चोपनिषद आत्मसंसिद्धये जपेत्
pratigṛhya puṭenaiva pāṇinā śakalena vā | vividhāścopaniṣada ātmasaṃsiddhaye japet
Having received (the alms) in the hollow of his hand only, or in a potsherd, let him recite the various Upaniṣads for the perfecting of the self.
AI translation rendered from the Sanskrit, not a published edition
PdP 3 58.36
विद्याविशेषान्सावित्रीं रुद्राध्यायं तथैव च । महाप्रस्थानिकं वासौ कुर्य्यादनशनं तथा । अग्निप्रवेशमन्यद्वा ब्रह्मार्पणविधौ स्थितः
vidyāviśeṣānsāvitrīṃ rudrādhyāyaṃ tathaiva ca | mahāprasthānikaṃ vāsau kuryyādanaśanaṃ tathā | agnipraveśamanyadvā brahmārpaṇavidhau sthitaḥ
(Let him recite) the special sacred formulas, the Sāvitrī, and likewise the Rudra chapter; or he may undertake the Great Departure, or fasting to death, or entry into fire, or something else, established in the rite of consigning (himself) to Brahman.
AI translation rendered from the Sanskrit, not a published edition