Padma Purana — Svarga Khanda — Chapter 57
PdP 3 57.1
व्यास उवाच- अथातः संप्रवक्ष्यामि दानधर्म्ममनुत्तमम् । ब्रह्मणाभिहितं पूर्वमृषीणां ब्रह्मवादिनाम्
vyāsa uvāca- athātaḥ saṃpravakṣyāmi dānadharmmamanuttamam | brahmaṇābhihitaṃ pūrvamṛṣīṇāṃ brahmavādinām
Vyāsa said: Now, next, I shall fully declare the supreme law of giving, which was formerly proclaimed by Brahmā to the seers who expound the Veda.
AI translation rendered from the Sanskrit, not a published edition
PdP 3 57.2
अर्थानामुचितं पात्रे श्रद्धया प्रतिपादनम् । दानमित्यभिनिर्दिष्टं भुक्तिमुक्तिफलप्रदम्
arthānāmucitaṃ pātre śraddhayā pratipādanam | dānamityabhinirdiṣṭaṃ bhuktimuktiphalapradam
The fitting bestowal of goods upon a (worthy) recipient with faith — that is designated "giving," which yields the fruits of enjoyment and liberation.
AI translation rendered from the Sanskrit, not a published edition
PdP 3 57.3
यो ददाति विशिष्टेभ्यः श्रद्धया परया युतः । तद्वै दत्तमहं मन्ये शेषं कस्यापि रक्षति
yo dadāti viśiṣṭebhyaḥ śraddhayā parayā yutaḥ | tadvai dattamahaṃ manye śeṣaṃ kasyāpi rakṣati
What a man gives to distinguished persons, endowed with the highest faith — that alone I consider truly given; the remainder he is (merely) guarding for someone else.
AI translation rendered from the Sanskrit, not a published edition
PdP 3 57.4
नित्यं नैमित्तिकं काम्यं त्रिविधं दानमुच्यते । चतुर्थं विमलं प्रोक्तं सर्वदानोत्तमोत्तमम्
nityaṃ naimittikaṃ kāmyaṃ trividhaṃ dānamucyate | caturthaṃ vimalaṃ proktaṃ sarvadānottamottamam
Giving is said to be of three kinds: regular, occasional, and desire-prompted. A fourth is declared to be the pure (kind), the very best of all gifts.
AI translation rendered from the Sanskrit, not a published edition
PdP 3 57.5
अहन्यहनि यत्किंचिद्दीयते नुपकारिणे । अनुद्दिश्यफलं तस्माद्ब्राह्मणाय तु नित्यकम्
ahanyahani yatkiṃciddīyate nupakāriṇe | anuddiśyaphalaṃ tasmādbrāhmaṇāya tu nityakam
Whatever little is given day after day to one who does no service in return, without aiming at a reward, to a brahmin — that is the regular (gift).
AI translation rendered from the Sanskrit, not a published edition
PdP 3 57.6
यत्तु पापोपशांत्यर्थं दीयते विदुषां करे । नैमित्तिकं तदुद्दिष्टं दानं सद्भिरनुत्तमम्
yattu pāpopaśāṃtyarthaṃ dīyate viduṣāṃ kare | naimittikaṃ taduddiṣṭaṃ dānaṃ sadbhiranuttamam
But what is given into the hand of the learned in order to allay sin — that is declared by the good to be the occasional gift, the highest (of its kind).
AI translation rendered from the Sanskrit, not a published edition
PdP 3 57.7
अपत्यविजयैश्वर्य सुखार्थं यत्प्रदीयते । दानं तत्काम्यमाख्यातमृषिभिर्धर्मचिंतकैः
apatyavijayaiśvarya sukhārthaṃ yatpradīyate | dānaṃ tatkāmyamākhyātamṛṣibhirdharmaciṃtakaiḥ
What is bestowed for the sake of offspring, victory, lordship, and pleasure — that gift the seers who ponder dharma have called desire-prompted.
AI translation rendered from the Sanskrit, not a published edition
PdP 3 57.8
यदीश्वरस्य प्रीत्यर्थं ब्रह्मवित्सु प्रदीयते । चेतसा धर्मयुक्तेन दानं तद्विमलं शिवम्
yadīśvarasya prītyarthaṃ brahmavitsu pradīyate | cetasā dharmayuktena dānaṃ tadvimalaṃ śivam
What is bestowed upon the knowers of brahman for the sake of pleasing the Lord, with a mind joined to dharma — that gift is the pure and auspicious one.
AI translation rendered from the Sanskrit, not a published edition
PdP 3 57.9
दानधर्मं निषेवेत पात्रमासाद्य शक्तितः । उपास्यते तु तत्पात्रं यत्तारयति सर्वतः
dānadharmaṃ niṣeveta pātramāsādya śaktitaḥ | upāsyate tu tatpātraṃ yattārayati sarvataḥ
One should practise the duty of giving according to one's ability, having found a (worthy) recipient; and that recipient is to be honoured who carries (the giver) across in every way.
AI translation rendered from the Sanskrit, not a published edition
PdP 3 57.10
कुटुंबभुक्तिवसनाद्देयं यदतिरिच्यते । अन्यथा दीयते यद्वै न तद्दानं फलप्रदम्
kuṭuṃbabhuktivasanāddeyaṃ yadatiricyate | anyathā dīyate yadvai na taddānaṃ phalapradam
What exceeds the food and clothing of the family should be given; a gift that is given otherwise does not bear fruit.
AI translation rendered from the Sanskrit, not a published edition
PdP 3 57.11
श्रोत्रियाय कुलीनाय विनीताय तपस्विने । व्रतस्थाय दरिद्राय प्रदेयं भक्तिपूर्वकम्
śrotriyāya kulīnāya vinītāya tapasvine | vratasthāya daridrāya pradeyaṃ bhaktipūrvakam
To one learned in the Veda, of good family, well-disciplined, an ascetic, one keeping a vow, one who is poor — (a gift) should be given with devotion.
AI translation rendered from the Sanskrit, not a published edition
PdP 3 57.12
यस्तु दद्यान्महीं भक्त्या ब्राह्मणायाहिताग्नये । स याति परमं स्थानं यत्र गत्वा न शोचति
yastu dadyānmahīṃ bhaktyā brāhmaṇāyāhitāgnaye | sa yāti paramaṃ sthānaṃ yatra gatvā na śocati
He who with devotion gives land to a brahmin who maintains the sacred fires goes to the highest abode, where, having gone, he does not grieve.
AI translation rendered from the Sanskrit, not a published edition
PdP 3 57.13
इक्षुभिः संयुतां भूमिं यवगोधूमशालिनीम् । ददाति वेदविदुषे यः स भूयो न जायते
ikṣubhiḥ saṃyutāṃ bhūmiṃ yavagodhūmaśālinīm | dadāti vedaviduṣe yaḥ sa bhūyo na jāyate
He who gives to one learned in the Veda a piece of land planted with sugarcane, rich in barley and wheat, is not born again.
AI translation rendered from the Sanskrit, not a published edition
PdP 3 57.14
गोचर्ममात्रामपि वा यो भूमिं संप्रयच्छति । ब्राह्मणाय दरिद्राय सर्वपापैः प्रमुच्यते
gocarmamātrāmapi vā yo bhūmiṃ saṃprayacchati | brāhmaṇāya daridrāya sarvapāpaiḥ pramucyate
Or he who bestows on a poor brahmin even so much land as a cow's hide (would cover) is freed from all sins.
AI translation rendered from the Sanskrit, not a published edition
PdP 3 57.15
भूमिदानात्परं दानं विद्यते नेह किंचन । अन्नदानं तेन तुल्यं विद्यादानं ततोधिकम्
bhūmidānātparaṃ dānaṃ vidyate neha kiṃcana | annadānaṃ tena tulyaṃ vidyādānaṃ tatodhikam
There is no gift here at all higher than the gift of land; the gift of food is equal to it, and the gift of knowledge is greater than that.
AI translation rendered from the Sanskrit, not a published edition
PdP 3 57.16
यो ब्राह्मणाय शांताय शुचये धर्मशीलिने । ददाति विद्यां विधिना ब्रह्मलोके महीयते
yo brāhmaṇāya śāṃtāya śucaye dharmaśīline | dadāti vidyāṃ vidhinā brahmaloke mahīyate
He who, according to the rule, gives knowledge to a brahmin who is calm, pure, and of righteous conduct, is honoured in the world of Brahmā.
AI translation rendered from the Sanskrit, not a published edition
PdP 3 57.17
दद्यादहरहः स्वर्णं श्रद्धया ब्रह्मचारिणे । सर्वपापविनिर्मुक्तो ब्रह्मणः स्थानमाप्नुयात्
dadyādaharahaḥ svarṇaṃ śraddhayā brahmacāriṇe | sarvapāpavinirmukto brahmaṇaḥ sthānamāpnuyāt
Should one give gold day after day with faith to a student of the Veda, freed from all sins he would attain the abode of Brahmā.
AI translation rendered from the Sanskrit, not a published edition
PdP 3 57.18
गृहस्थायान्नदानेन फलमाप्नोति मानवः । अन्नमेवास्य दातव्यं दत्वाप्नोति परां गतिम्
gṛhasthāyānnadānena phalamāpnoti mānavaḥ | annamevāsya dātavyaṃ datvāpnoti parāṃ gatim
By giving food to a householder a man obtains the (same) reward; food alone is to be given to him, and having given it one attains the highest goal.
AI translation rendered from the Sanskrit, not a published edition
PdP 3 57.19
वैशाख्यां पूर्णमास्यां तु ब्राह्मणान्सप्त पंच वा । उपोष्य विधिना शांतः शुचिः प्रयतमानसः
vaiśākhyāṃ pūrṇamāsyāṃ tu brāhmaṇānsapta paṃca vā | upoṣya vidhinā śāṃtaḥ śuciḥ prayatamānasaḥ
But on the full-moon day of Vaiśākha, having fasted according to the rule, calm, pure, with a disciplined mind, (having honoured) seven or five brahmins—
AI translation rendered from the Sanskrit, not a published edition
PdP 3 57.20
पूजयित्वा तिलैः कृष्णैर्मधुना च विशेषतः । प्रीयतां धर्मराजेति यदा मनसि वर्त्तते
pūjayitvā tilaiḥ kṛṣṇairmadhunā ca viśeṣataḥ | prīyatāṃ dharmarājeti yadā manasi varttate
—having worshipped (them) with black sesame seeds and especially with honey, when in his mind it stands: "May the King of Dharma be pleased"—
AI translation rendered from the Sanskrit, not a published edition
PdP 3 57.21
यावज्जीवं तु यत्पापं तत्क्षणादेव नश्यति । कृष्णाजिने तिलान्कृत्वा हिरण्यं मधुसर्पिषी
yāvajjīvaṃ tu yatpāpaṃ tatkṣaṇādeva naśyati | kṛṣṇājine tilānkṛtvā hiraṇyaṃ madhusarpiṣī
whatever sin (he has committed) as long as he has lived perishes that very instant. Placing on a black antelope skin sesame seeds, gold, honey and ghee—
AI translation rendered from the Sanskrit, not a published edition
PdP 3 57.22
ददाति यस्तु विप्राय सर्वं तरति दुष्कृतम् । घृतान्नमुदकुंभं च वैशाख्यां तु विशेषतः
dadāti yastu viprāya sarvaṃ tarati duṣkṛtam | ghṛtānnamudakuṃbhaṃ ca vaiśākhyāṃ tu viśeṣataḥ
—he who gives all this to a brahmin crosses beyond his misdeeds. And (giving) food with ghee and a pot of water, especially on the full moon of Vaiśākha,
AI translation rendered from the Sanskrit, not a published edition
PdP 3 57.23
निर्द्दिश्य धर्मराजाय विप्रेभ्यो मुच्यते भयात् । सुवर्णतिलयुक्तैस्तु ब्राह्मणान्सप्त पंच वा
nirddiśya dharmarājāya viprebhyo mucyate bhayāt | suvarṇatilayuktaistu brāhmaṇānsapta paṃca vā
assigning it to the King of Dharma, (giving it) to brahmins, he is freed from fear. And (honouring) seven or five brahmins with (gifts) joined with gold and sesame,
AI translation rendered from the Sanskrit, not a published edition
PdP 3 57.24
तर्पयेदुदपात्रैस्तु ब्रह्महत्यां व्यपोहति । माघमासे तमिस्रे तु द्वादश्यां समुपोषितः
tarpayedudapātraistu brahmahatyāṃ vyapohati | māghamāse tamisre tu dvādaśyāṃ samupoṣitaḥ
he should gratify (them) with water-vessels: (thereby) he dispels (even) the killing of a brahmin. And in the month of Māgha, in the dark (fortnight), having fasted on the twelfth,
AI translation rendered from the Sanskrit, not a published edition
PdP 3 57.25
शुक्लांबरधरः कृष्णैस्तिलैर्हुत्वा हुताशनम् । प्रदद्याद्ब्राह्मणेभ्यस्तु तिलानेव समाहितः
śuklāṃbaradharaḥ kṛṣṇaistilairhutvā hutāśanam | pradadyādbrāhmaṇebhyastu tilāneva samāhitaḥ
wearing white garments, having offered black sesame seeds into the fire, he should, with concentrated mind, give sesame seeds too to brahmins.
AI translation rendered from the Sanskrit, not a published edition
PdP 3 57.26
जन्मप्रभृति यत्पापं सर्वं तरति वै द्विजः । अमावास्यामनुप्राप्य ब्राह्मणाय तपस्विने
janmaprabhṛti yatpāpaṃ sarvaṃ tarati vai dvijaḥ | amāvāsyāmanuprāpya brāhmaṇāya tapasvine
The twice-born man indeed crosses beyond all the sin (committed) from his birth onward. Having reached the new-moon day, (giving) to an ascetic brahmin
AI translation rendered from the Sanskrit, not a published edition
PdP 3 57.27
यत्किंचिद्देवदेवेशं दद्याच्चोद्दिश्य केशवम् । प्रीयतामीश्वरो विष्णुर्हृषीकेशः सनातनः
yatkiṃciddevadeveśaṃ dadyāccoddiśya keśavam | prīyatāmīśvaro viṣṇurhṛṣīkeśaḥ sanātanaḥ
whatever (he can), and should he give it designating it to Keśava, the Lord of the gods, (saying) "May the Lord Viṣṇu, Hṛṣīkeśa, the eternal one, be pleased"—
AI translation rendered from the Sanskrit, not a published edition
PdP 3 57.28
सप्तजन्मकृतं पापं तत्क्षणादेव नश्यति । यस्तु कृष्णचतुर्दश्यां स्नात्वा देवं पिनाकिनम्
saptajanmakṛtaṃ pāpaṃ tatkṣaṇādeva naśyati | yastu kṛṣṇacaturdaśyāṃ snātvā devaṃ pinākinam
the sin committed in seven births perishes that very instant. And he who, on the fourteenth of the dark fortnight, having bathed, (worships) the god who bears the Pināka bow
AI translation rendered from the Sanskrit, not a published edition
PdP 3 57.29
आराधयेद्द्विजमुखेन तस्यास्ति पुनर्भवः । कृष्णाष्टम्यां विशेषेण धार्मिकाय द्विजातये
ārādhayeddvijamukhena tasyāsti punarbhavaḥ | kṛṣṇāṣṭamyāṃ viśeṣeṇa dhārmikāya dvijātaye
—should he worship (him) through the mouth of a brahmin, he has (no) rebirth. Especially on the eighth of the dark fortnight, to a righteous twice-born man,
AI translation rendered from the Sanskrit, not a published edition
PdP 3 57.30
स्नात्वाभ्यर्च्य यथान्यायं पादप्रक्षालनादिभिः । प्रीयतां मे महादेवो दद्याद्द्रव्यं स्वकीयकम्
snātvābhyarcya yathānyāyaṃ pādaprakṣālanādibhiḥ | prīyatāṃ me mahādevo dadyāddravyaṃ svakīyakam
having bathed and honoured (him) duly with the washing of his feet and so forth, one should give one's own property, (saying) "May Mahādeva be pleased with me."
AI translation rendered from the Sanskrit, not a published edition
PdP 3 57.31
सर्वपापविनिर्मुक्तः प्राप्नोति परमां गतिम् । द्विजैः कृष्णचतुर्दश्यां कृष्णाष्टम्यां विशेषतः
sarvapāpavinirmuktaḥ prāpnoti paramāṃ gatim | dvijaiḥ kṛṣṇacaturdaśyāṃ kṛṣṇāṣṭamyāṃ viśeṣataḥ
Freed from all sins, he attains the highest goal. By the twice-born, on the fourteenth of the dark fortnight, and especially on the eighth of the dark fortnight,
AI translation rendered from the Sanskrit, not a published edition
PdP 3 57.32
अमावास्यां तथा भक्तैः पूजनीयस्त्रिविक्रमः । एकादश्यां निराहारो द्वादश्यां पुरुषोत्तमम्
amāvāsyāṃ tathā bhaktaiḥ pūjanīyastrivikramaḥ | ekādaśyāṃ nirāhāro dvādaśyāṃ puruṣottamam
and likewise on the new-moon day, Trivikrama is to be worshipped by the devout. On the eleventh, fasting, (and) on the twelfth, (worshipping) the Supreme Person
AI translation rendered from the Sanskrit, not a published edition
PdP 3 57.33
अर्चयेद्ब्राह्मणमुखे स गच्छेत्परमं पदम् । एषा तिथिर्वैष्णवी स्याद्द्वादशी शुक्लपक्षतः
arcayedbrāhmaṇamukhe sa gacchetparamaṃ padam | eṣā tithirvaiṣṇavī syāddvādaśī śuklapakṣataḥ
(If) one worships (him) in the mouth of a brahmin, he goes to the highest state. This is the tithi sacred to Viṣṇu, the twelfth of the bright fortnight.
AI translation rendered from the Sanskrit, not a published edition
PdP 3 57.34
तस्यामाराधयेद्देवं प्रयत्नेन जनार्दनम् । यत्किंचिद्देवमीशानमुद्दिश्य ब्राह्मणे शुचौ
tasyāmārādhayeddevaṃ prayatnena janārdanam | yatkiṃciddevamīśānamuddiśya brāhmaṇe śucau
On that (day) one should diligently propitiate the god Janārdana. Whatever (is given), designating the god, the Lord, to a pure brahmin—
AI translation rendered from the Sanskrit, not a published edition
PdP 3 57.35
दीयते विष्णुमेवापि तदनंतफलं स्मृतम् । यो हि यां देवतामिच्छेत्समाराधयितुं नरः
dīyate viṣṇumevāpi tadanaṃtaphalaṃ smṛtam | yo hi yāṃ devatāmicchetsamārādhayituṃ naraḥ
—is given to Viṣṇu himself; that is held to bear endless fruit. For whatever deity a man wishes to propitiate,
AI translation rendered from the Sanskrit, not a published edition
PdP 3 57.36
ब्राह्मणान्पूजयेद्यत्नात्स तस्यास्तोषयेत्ततः । द्विजानां वपुरास्थाय नित्यं तिष्ठंति देवताः
brāhmaṇānpūjayedyatnātsa tasyāstoṣayettataḥ | dvijānāṃ vapurāsthāya nityaṃ tiṣṭhaṃti devatāḥ
he should diligently honour brahmins; thereby he gratifies that (deity). For the deities constantly abide, having taken on the bodies of the twice-born.
AI translation rendered from the Sanskrit, not a published edition
PdP 3 57.37
पूज्यंते ब्राह्मणा लाभे प्रतिमादिषु तैः क्वचित् । प्रतिमादिषु यत्नेन तस्मात्फलमभीप्सता
pūjyaṃte brāhmaṇā lābhe pratimādiṣu taiḥ kvacit | pratimādiṣu yatnena tasmātphalamabhīpsatā
Brahmins are honoured when available; by them (the gods are honoured) sometimes in images and the like. Therefore, by one desiring fruit, with effort in images and the like—
AI translation rendered from the Sanskrit, not a published edition — the model flagged this verse as uncertain
PdP 3 57.38
द्विजेषु देवता नित्यं पूजनीया विशेषतः । विभूतिकामः सततं पूजयेद्धि पुरंदरम्
dvijeṣu devatā nityaṃ pūjanīyā viśeṣataḥ | vibhūtikāmaḥ satataṃ pūjayeddhi puraṃdaram
—the deities are always to be worshipped, and especially in the twice-born. One who desires prosperity should constantly worship Purandara (Indra);
AI translation rendered from the Sanskrit, not a published edition
PdP 3 57.39
ब्रह्मवर्चसकामस्तु ब्रह्माणं ज्ञानकामुकः । आरोग्यकामोथ रविं धनकामो हुताशनम्
brahmavarcasakāmastu brahmāṇaṃ jñānakāmukaḥ | ārogyakāmotha raviṃ dhanakāmo hutāśanam
but one desiring the splendour of Brahman (should worship) Brahmā; one desiring knowledge, (likewise); one desiring health, the sun; one desiring wealth, the fire-eater (Agni);
AI translation rendered from the Sanskrit, not a published edition
PdP 3 57.40
कर्म्मणां सिद्धिकामस्तु पूजयेद्वै विनायकम् । भोगकामस्तु शशिनं बलकामः समीरणम्
karmmaṇāṃ siddhikāmastu pūjayedvai vināyakam | bhogakāmastu śaśinaṃ balakāmaḥ samīraṇam
but one desiring the success of his undertakings should worship Vināyaka; one desiring enjoyments, the moon; one desiring strength, the wind;
AI translation rendered from the Sanskrit, not a published edition
PdP 3 57.41
मुमुक्षुः सर्वसंसारात्प्रयत्नेनार्चयेद्धरिम् । यस्तु योगं तथा मोक्षमन्विच्छेऽज्ज्ञानमैश्वरम्
mumukṣuḥ sarvasaṃsārātprayatnenārcayeddharim | yastu yogaṃ tathā mokṣamanvicche'jjñānamaiśvaram
one seeking release from all transmigration should diligently worship Hari; but he who seeks yoga and liberation and the knowledge that is lordly—
AI translation rendered from the Sanskrit, not a published edition
PdP 3 57.42
अर्चयेत विरूपाक्षं प्रयत्नेन सुरेश्वरम् । ये वांच्छंति महाभोगान्ज्ञानानि च महेश्वरम्
arcayeta virūpākṣaṃ prayatnena sureśvaram | ye vāṃcchaṃti mahābhogānjñānāni ca maheśvaram
—should diligently worship Virūpākṣa, the lord of the gods. Those who wish for great enjoyments and (various) knowledges (worship) Maheśvara;
AI translation rendered from the Sanskrit, not a published edition
PdP 3 57.43
ते पूजयंति भूतेशं केशवं चापि भोगिनः । वारिदस्तृप्तिमाप्नोति जलदानं ततोधिकम्
te pūjayaṃti bhūteśaṃ keśavaṃ cāpi bhoginaḥ | vāridastṛptimāpnoti jaladānaṃ tatodhikam
they worship the lord of beings, and the pleasure-seekers also Keśava. The giver of water obtains satisfaction; the giving of water is (worth) more than that.
AI translation rendered from the Sanskrit, not a published edition — the model flagged this verse as uncertain
PdP 3 57.44
तैलप्रदः प्रजामिष्टां दीपदश्चक्षुरुत्तमम् । भूमिदः सर्वमाप्नोति दीर्घमायुर्हिरण्यदः
tailapradaḥ prajāmiṣṭāṃ dīpadaścakṣuruttamam | bhūmidaḥ sarvamāpnoti dīrghamāyurhiraṇyadaḥ
The giver of oil (obtains) desired offspring; the giver of a lamp, excellent eyesight; the giver of land obtains everything; the giver of gold, long life;
AI translation rendered from the Sanskrit, not a published edition
PdP 3 57.45
गृहदाताग्र्यवेश्मानि रूप्यदो रूपमुत्तमम् । वासोदश्चंद्रसालोक्यमश्वदो यानमुत्तमम्
gṛhadātāgryaveśmāni rūpyado rūpamuttamam | vāsodaścaṃdrasālokyamaśvado yānamuttamam
the giver of a house, foremost dwellings; the giver of silver, excellent beauty; the giver of clothing, the same world as the moon; the giver of a horse, an excellent vehicle;
AI translation rendered from the Sanskrit, not a published edition
PdP 3 57.46
अन्नदाता श्रियं स्वेष्टां गोदो ब्राह्मणविष्टपम् । यानशय्याप्रदो भार्य्यामैश्वर्यमभयप्रदः
annadātā śriyaṃ sveṣṭāṃ godo brāhmaṇaviṣṭapam | yānaśayyāprado bhāryyāmaiśvaryamabhayapradaḥ
the giver of food, the prosperity he himself desires; the giver of a cow, the brahmins' heaven; the giver of a vehicle and a bed, a wife; the giver of safety, lordship;
AI translation rendered from the Sanskrit, not a published edition
PdP 3 57.47
धान्यदः शाश्वतं सौख्यं ब्रह्मदो ब्रह्मशाश्वतम् । धान्यान्यपि यथाशक्ति विप्रेषु प्रतिपादयेत्
dhānyadaḥ śāśvataṃ saukhyaṃ brahmado brahmaśāśvatam | dhānyānyapi yathāśakti vipreṣu pratipādayet
the giver of grain, everlasting happiness; the giver of brahman (sacred knowledge), the eternal brahman. Grain too one should bestow, according to one's ability, upon brahmins;
AI translation rendered from the Sanskrit, not a published edition
PdP 3 57.48
वेदविद्याविशिष्टेषु प्रेत्य स्वर्गं समश्नुते । गवां चान्नप्रदानेन सर्वपापैः प्रमुच्यते
vedavidyāviśiṣṭeṣu pretya svargaṃ samaśnute | gavāṃ cānnapradānena sarvapāpaiḥ pramucyate
(giving) to those distinguished in Vedic learning, after death he attains heaven. And by the gift of fodder to cows one is released from all sins.
AI translation rendered from the Sanskrit, not a published edition
PdP 3 57.49
इंधनानां प्रदानेन दीप्ताग्निर्जायते नरः । फलमूलानि पानानि शाकानि विविधानि च
iṃdhanānāṃ pradānena dīptāgnirjāyate naraḥ | phalamūlāni pānāni śākāni vividhāni ca
By the gift of firewood a man becomes one with blazing (digestive) fire. Fruits, roots, drinks, and vegetables of many kinds
AI translation rendered from the Sanskrit, not a published edition
PdP 3 57.50
प्रदद्याद्ब्राह्मणेभ्यस्तु मुदायुक्तः सदा भवेत् । औषधं स्नेहमाहारं रोगिणो रोगशांतये
pradadyādbrāhmaṇebhyastu mudāyuktaḥ sadā bhavet | auṣadhaṃ snehamāhāraṃ rogiṇo rogaśāṃtaye
he should give to brahmins; he will always be filled with joy. (Giving) medicine, oil, and food to a sick man for the allaying of his disease,
AI translation rendered from the Sanskrit, not a published edition
PdP 3 57.51
ददानो रोगरहितः सुखी दीर्घायुरेव च । असिपत्रवनं मार्गं क्षुरधारासमन्वितम्
dadāno rogarahitaḥ sukhī dīrghāyureva ca | asipatravanaṃ mārgaṃ kṣuradhārāsamanvitam
the giver is free from disease, happy, and long-lived indeed. The road that is the sword-leaf forest, set with razor-edges,
AI translation rendered from the Sanskrit, not a published edition
PdP 3 57.52
तीक्ष्णतापं च तरति छत्रोपानत्प्रदो नरः । यद्यदिष्टतमं लोके यच्चास्यापेक्षितं गृहे
tīkṣṇatāpaṃ ca tarati chatropānatprado naraḥ | yadyadiṣṭatamaṃ loke yaccāsyāpekṣitaṃ gṛhe
and the fierce heat—the man who gives an umbrella and sandals crosses these. Whatever is most cherished in the world, and whatever he needs in his house,
AI translation rendered from the Sanskrit, not a published edition
PdP 3 57.53
तत्तद्गुणवते देयं तदेवाक्षयमिच्छता । अयने विषुवे चैव ग्रहणे चंद्रसूर्ययोः
tattadguṇavate deyaṃ tadevākṣayamicchatā | ayane viṣuve caiva grahaṇe caṃdrasūryayoḥ
(All) that should be given to one who possesses the corresponding merit, by one who desires that very (gift) to be imperishable — at a solstice, at an equinox, and at an eclipse of the moon or the sun,
AI translation rendered from the Sanskrit, not a published edition
PdP 3 57.54
संक्रांत्यादिषु कालेषु दत्तं भवति चाक्षयम् । प्रयागादिषु तीर्थेषु पुण्येष्वायतनेषु च
saṃkrāṃtyādiṣu kāleṣu dattaṃ bhavati cākṣayam | prayāgādiṣu tīrtheṣu puṇyeṣvāyataneṣu ca
and at times such as the sun's passage (into a new sign), what is given becomes imperishable; and at holy places such as Prayāga and at sacred sanctuaries,
AI translation rendered from the Sanskrit, not a published edition
PdP 3 57.55
दत्वा चाक्षयमाप्नोति नदीप्रस्रवणेषु च । दानधर्मात्परो धर्मो भूतानां नेह विद्यते
datvā cākṣayamāpnoti nadīprasravaṇeṣu ca | dānadharmātparo dharmo bhūtānāṃ neha vidyate
and at the sources of rivers, having given, one obtains the imperishable. For living beings there is no dharma here higher than the dharma of giving.
AI translation rendered from the Sanskrit, not a published edition
PdP 3 57.56
तस्माद्विप्राय दातव्यं श्रोत्रियाय द्विजातिभिः । स्वर्गाय भूतिकामेन तथा पापोपशांतये
tasmādviprāya dātavyaṃ śrotriyāya dvijātibhiḥ | svargāya bhūtikāmena tathā pāpopaśāṃtaye
Therefore the twice-born should give to a brahmin who is learned in the Veda — for the sake of heaven, by one who desires prosperity, and likewise for the quieting of sin.
AI translation rendered from the Sanskrit, not a published edition
PdP 3 57.57
मुमुक्षुणा तु दातव्यं ब्राह्मणेभ्यस्तथान्वहम् । दीयमानं तु यो मोहाद्गोविप्राग्निसुरेषु च
mumukṣuṇā tu dātavyaṃ brāhmaṇebhyastathānvaham | dīyamānaṃ tu yo mohādgoviprāgnisureṣu ca
But one who seeks liberation should give to brahmins daily. And he who, out of delusion, (hinders) what is being given to cows, brahmins, the fire and the gods —
AI translation rendered from the Sanskrit, not a published edition
PdP 3 57.58
निवारयत्यधर्मात्मा तिर्यग्योनिं व्रजेत सः । यस्तु द्रव्यार्जनं कृत्वा नार्चयेद्ब्राह्मणान्सुरान्
nivārayatyadharmātmā tiryagyoniṃ vrajeta saḥ | yastu dravyārjanaṃ kṛtvā nārcayedbrāhmaṇānsurān
— he, of unrighteous nature, prevents it: he would go to the womb of an animal. But he who, having acquired wealth, does not honour brahmins and the gods —
AI translation rendered from the Sanskrit, not a published edition
PdP 3 57.59
सर्वस्वमपहृत्यैनं राजा राष्ट्रात्प्रवासयेत् । यस्तु दुर्भिक्षवेलायामन्नाद्यं न प्रयच्छति
sarvasvamapahṛtyainaṃ rājā rāṣṭrātpravāsayet | yastu durbhikṣavelāyāmannādyaṃ na prayacchati
the king should confiscate all his property and banish him from the realm. And he who in a time of famine does not give food,
AI translation rendered from the Sanskrit, not a published edition
PdP 3 57.60
म्रियमाणेषु विप्रेषु ब्राह्मणः स तु गर्हितः । न तस्मात्प्रतिगृह्णीयुः न वसेयुश्च तेन हि
mriyamāṇeṣu vipreṣu brāhmaṇaḥ sa tu garhitaḥ | na tasmātpratigṛhṇīyuḥ na vaseyuśca tena hi
while brahmins are dying — that brahmin is to be condemned. They should not accept (anything) from him, nor should they dwell with him.
AI translation rendered from the Sanskrit, not a published edition
PdP 3 57.61
आज्ञायित्वा स्वकाद्राष्ट्राद्राजा तं विप्रवासयेत् । पश्चात्सद्भ्यो ददातीह स्वद्रव्यं धर्मसाधनम्
ājñāyitvā svakādrāṣṭrādrājā taṃ vipravāsayet | paścātsadbhyo dadātīha svadravyaṃ dharmasādhanam
Having found out (about him), the king should banish him from his own realm. Afterwards he gives here to the good his own wealth, which is the means of dharma.
AI translation rendered from the Sanskrit, not a published edition
PdP 3 57.62
सपूर्वाभ्यधिकः पापी नरके पच्यते नरः । स्वाध्यायवंतो ये विप्रा विद्यावंतो जितेंद्रियाः
sapūrvābhyadhikaḥ pāpī narake pacyate naraḥ | svādhyāyavaṃto ye viprā vidyāvaṃto jiteṃdriyāḥ
Sinful together with those mentioned before, and worse (than them), the man is cooked in hell. Those brahmins who keep up their Vedic recitation, who possess knowledge and have subdued their senses,
AI translation rendered from the Sanskrit, not a published edition — the model flagged this verse as uncertain
PdP 3 57.63
सत्यसंयमसंयुक्तास्तेभ्यो दद्याद्द्विजोत्तमाः । प्रभुक्तमपि विद्वांसं धार्मिकं भोजयेद्द्विजम्
satyasaṃyamasaṃyuktāstebhyo dadyāddvijottamāḥ | prabhuktamapi vidvāṃsaṃ dhārmikaṃ bhojayeddvijam
who are endowed with truth and restraint — to them the best of the twice-born should give. Even a learned, righteous brahmin who has already eaten one should feed,
AI translation rendered from the Sanskrit, not a published edition
PdP 3 57.64
न च मूर्खमवृत्तस्थं दशरात्रमुपोषितम् । सन्निकृष्टमतिक्रम्य श्रोत्रियं यः प्रयच्छति
na ca mūrkhamavṛttasthaṃ daśarātramupoṣitam | sannikṛṣṭamatikramya śrotriyaṃ yaḥ prayacchati
but not a fool who does not abide by (right) conduct, even if he has fasted for ten nights. He who passes over one close at hand and gives to a (distant) Veda-learned man,
AI translation rendered from the Sanskrit, not a published edition
PdP 3 57.65
स तेन कर्मणा पापी दहत्यासप्तमं कुलम् । यदि स्यादधिको विप्रः शीलविद्यादिभिः स्वयम्
sa tena karmaṇā pāpī dahatyāsaptamaṃ kulam | yadi syādadhiko vipraḥ śīlavidyādibhiḥ svayam
he, sinful by that act, burns his family down to the seventh (generation). If a brahmin be himself superior in character, learning and the like,
AI translation rendered from the Sanskrit, not a published edition
PdP 3 57.66
तस्मै यत्नेन दातव्यमतिक्रम्य च सन्निधिम् । योर्चितं प्रतिगृह्णीयाद्दद्यादर्चितमेव च
tasmai yatnena dātavyamatikramya ca sannidhim | yorcitaṃ pratigṛhṇīyāddadyādarcitameva ca
then it should be given to him with effort, even passing over the one who is near. He who accepts what is given with honour, and who gives it honoured —
AI translation rendered from the Sanskrit, not a published edition
PdP 3 57.67
तावुभौ गच्छतः स्वर्गं नरकं तु विपर्यये । न वार्यपि प्रयच्छेत नास्तिके हैतुकेपि च
tāvubhau gacchataḥ svargaṃ narakaṃ tu viparyaye | na vāryapi prayaccheta nāstike haitukepi ca
both these two go to heaven; but in the opposite case, to hell. One should not offer even water to an unbeliever, nor to a mere reasoner,
AI translation rendered from the Sanskrit, not a published edition
PdP 3 57.68
न पाखंडेषु सर्वेषु नावेदविदिधर्मवित् । रूप्यं चैव हिरण्यं च गामश्वं पृथिवीं तिलान्
na pākhaṃḍeṣu sarveṣu nāvedavididharmavit | rūpyaṃ caiva hiraṇyaṃ ca gāmaśvaṃ pṛthivīṃ tilān
nor among any of the heretics; nor should one who knows dharma (give) to one who does not know the Veda. Silver, gold, a cow, a horse, land, sesame —
AI translation rendered from the Sanskrit, not a published edition
PdP 3 57.69
अविद्वान्प्रतिगृह्णीयाद्भस्मी भवति काष्ठवत् । द्विजातिभ्यो धनं लिप्सेत्प्रशस्तेभ्यो द्विजोतमः
avidvānpratigṛhṇīyādbhasmī bhavati kāṣṭhavat | dvijātibhyo dhanaṃ lipsetpraśastebhyo dvijotamaḥ
an unlearned man who accepts (these) becomes ashes, like a piece of wood. The best of the twice-born may seek wealth from twice-born who are of good repute,
AI translation rendered from the Sanskrit, not a published edition
PdP 3 57.70
अपि राजन्यवैश्याभ्यां न तु शूद्रात्कथंचन । वृत्तिसंकोचमन्विच्छेन्नेहेत धनविस्तरम्
api rājanyavaiśyābhyāṃ na tu śūdrātkathaṃcana | vṛttisaṃkocamanvicchenneheta dhanavistaram
and also from a kṣatriya and a vaiśya, but from a śūdra never at all. He should seek to narrow his means of living; he should not strive for an increase of wealth.
AI translation rendered from the Sanskrit, not a published edition
PdP 3 57.71
धनलोभे प्रसक्तस्तु ब्राह्मण्यादेव हीयते । वेदानधीत्य सकलान्यज्ञांश्चावाप्य सर्वशः
dhanalobhe prasaktastu brāhmaṇyādeva hīyate | vedānadhītya sakalānyajñāṃścāvāpya sarvaśaḥ
But one who is addicted to greed for wealth falls away from his very brahminhood. Even having studied all the Vedas and performed sacrifices in every way,
AI translation rendered from the Sanskrit, not a published edition
PdP 3 57.72
न तां गतिमवाप्नोति संतोषाद्यामवाप्नुयात् । प्रतिग्रहरुचिर्न स्याच्छूद्रान्न तु समाहरेत्
na tāṃ gatimavāpnoti saṃtoṣādyāmavāpnuyāt | pratigraharucirna syācchūdrānna tu samāharet
he does not reach that state which he would reach through contentment. He should not be fond of receiving gifts, and he should not collect (anything) from a śūdra.
AI translation rendered from the Sanskrit, not a published edition
PdP 3 57.73
स्थित्यर्थादधिकं गृह्णन्ब्राह्मणो यात्यधोगतिम् । यस्तु याति न संतोषं न स स्वर्गस्य भाजनम्
sthityarthādadhikaṃ gṛhṇanbrāhmaṇo yātyadhogatim | yastu yāti na saṃtoṣaṃ na sa svargasya bhājanam
A brahmin who takes more than is needed for his subsistence goes to a downward course; and he who does not arrive at contentment is no vessel for heaven.
AI translation rendered from the Sanskrit, not a published edition
PdP 3 57.74
उद्वेजयति भूतानि यथा चौरस्तथैव सः । गुरुं भृत्यांश्चोज्जिहीर्षुस्तर्पयन्देवतातिथीन्
udvejayati bhūtāni yathā caurastathaiva saḥ | guruṃ bhṛtyāṃścojjihīrṣustarpayandevatātithīn
He alarms living beings just as a thief does. Wishing to support his teacher and his dependents, and satisfying the gods and guests,
AI translation rendered from the Sanskrit, not a published edition
PdP 3 57.75
सर्वतः प्रतिगृह्णीयान्न तु तृप्येत्स्वयं ततः । एवं गृहस्थो युक्तात्मा देवतातिथिपूजकः
sarvataḥ pratigṛhṇīyānna tu tṛpyetsvayaṃ tataḥ | evaṃ gṛhastho yuktātmā devatātithipūjakaḥ
he may accept (gifts) from every side, but should not himself take his fill from that. Thus the householder, with disciplined self, honouring the gods and guests,
AI translation rendered from the Sanskrit, not a published edition
PdP 3 57.76
वर्तमानः संयतात्मा याति तत्परमं पदम् । पुत्रेषु भार्यां निक्षिप्य गत्वारण्यं तु तत्त्ववित्
vartamānaḥ saṃyatātmā yāti tatparamaṃ padam | putreṣu bhāryāṃ nikṣipya gatvāraṇyaṃ tu tattvavit
conducting himself so, with restrained self, goes to that highest state. But the knower of truth, having entrusted his wife to his sons and gone to the forest,
AI translation rendered from the Sanskrit, not a published edition
PdP 3 57.77
एकाकी विचरेन्नित्यमुदासीनः समाहितः । एष वः कथितो धर्म्मो गृहस्थानां द्विजोत्तमाः । ज्ञात्वा तु तिष्ठेन्नियतं तथानुष्ठापयेद्द्विजान्
ekākī vicarennityamudāsīnaḥ samāhitaḥ | eṣa vaḥ kathito dharmmo gṛhasthānāṃ dvijottamāḥ | jñātvā tu tiṣṭhenniyataṃ tathānuṣṭhāpayeddvijān
should wander alone always, detached and collected. This dharma of householders has been told to you, O best of the twice-born; and having learnt it one should abide by it under restraint, and likewise have the twice-born practise it.
AI translation rendered from the Sanskrit, not a published edition
PdP 3 57.78
इति देवमनादिमेकमीशं गृहधर्मेण समर्चयेदजस्रम् । समतीत्य स सर्वभूतयोनिं प्रकृतिं याति परं न याति जन्म
iti devamanādimekamīśaṃ gṛhadharmeṇa samarcayedajasram | samatītya sa sarvabhūtayoniṃ prakṛtiṃ yāti paraṃ na yāti janma
Thus one should ceaselessly worship the one beginningless God, the Lord, by the dharma of the household; having wholly passed beyond prakṛti, the womb of all beings, he goes to the Supreme and does not come to birth (again).
AI translation rendered from the Sanskrit, not a published edition