Padma Purana — Svarga Khanda — Chapter 55
PdP 3 55.1
व्यास उवाच- न हिंस्यात्सर्वभूतानि नानृतं वावदेत्क्वचित् । नाहितं नाप्रिंयं वाच्यं न स्तेनः स्यात्कदाचन
vyāsa uvāca- na hiṃsyātsarvabhūtāni nānṛtaṃ vāvadetkvacit | nāhitaṃ nāpriṃyaṃ vācyaṃ na stenaḥ syātkadācana
Vyāsa said: One should not injure any beings, nor ever speak untruth; nothing harmful, nothing unkind should be said; one should never be a thief.
AI translation rendered from the Sanskrit, not a published edition
PdP 3 55.2
तृणं वा यदि वा शाकं मृदं वा जलमेव च । परस्यापहरञ्जंतुर्नरकं प्रतिपद्यते
tṛṇaṃ vā yadi vā śākaṃ mṛdaṃ vā jalameva ca | parasyāpaharañjaṃturnarakaṃ pratipadyate
Whether it be a blade of grass, or a vegetable, or a lump of earth, or even water — a creature who steals it from another goes to hell.
AI translation rendered from the Sanskrit, not a published edition
PdP 3 55.3
न राज्ञः प्रतिगृह्णीयान्न शूद्रात्पतितादपि । न चान्यस्मादशक्तश्चेन्निंदितान्वर्जयेद्बुधः
na rājñaḥ pratigṛhṇīyānna śūdrātpatitādapi | na cānyasmādaśaktaścenniṃditānvarjayedbudhaḥ
He should not accept gifts from a king, nor from a śūdra, nor from a fallen man; and if he is not able (to refuse) from another, the wise man should at least avoid the contemptible.
AI translation rendered from the Sanskrit, not a published edition — the model flagged this verse as uncertain
PdP 3 55.4
नित्यं याचनको न स्यात्पुनस्तं नैव याचयेत् । प्राणानपहरत्येवं याचकस्तस्य दुर्मतेः
nityaṃ yācanako na syātpunastaṃ naiva yācayet | prāṇānapaharatyevaṃ yācakastasya durmateḥ
One should not be a constant beggar, nor should one make him beg again; for the beggar thus takes away the life-breaths of that ill-minded man.
AI translation rendered from the Sanskrit, not a published edition — the model flagged this verse as uncertain
PdP 3 55.5
न देवद्रव्यहारी स्याद्विशेषेण द्विजोत्तमः । ब्रह्मस्वं वा नापहरेदापत्स्वपि कदाचन
na devadravyahārī syādviśeṣeṇa dvijottamaḥ | brahmasvaṃ vā nāpaharedāpatsvapi kadācana
One should not be a taker of property belonging to the gods, especially the best of the twice-born; nor should one ever appropriate a brahmin's property, even in times of distress.
AI translation rendered from the Sanskrit, not a published edition
PdP 3 55.6
न विषं विषमित्याहुर्ब्रह्मस्वं विषमुच्यते । देवस्वं चापि यत्नेन सदा परिहरेत्ततः
na viṣaṃ viṣamityāhurbrahmasvaṃ viṣamucyate | devasvaṃ cāpi yatnena sadā pariharettataḥ
They say that poison is not (the real) poison: a brahmin's property is called poison; and one should therefore always avoid, with effort, property belonging to the gods as well.
AI translation rendered from the Sanskrit, not a published edition
PdP 3 55.7
पुष्पं शाकोदकं काष्ठं तथा मूलं फलं तृणम् । अदत्तानि च न स्तेयं मनुः प्राह प्रजापतिः
puṣpaṃ śākodakaṃ kāṣṭhaṃ tathā mūlaṃ phalaṃ tṛṇam | adattāni ca na steyaṃ manuḥ prāha prajāpatiḥ
A flower, a vegetable, water, wood, likewise a root, a fruit, grass — even these, when not given, are not to be stolen: so said Manu, the lord of creatures.
AI translation rendered from the Sanskrit, not a published edition
PdP 3 55.8
गृहीतव्यानि पुष्पाणि देवार्चनविधौ द्विजः । नैकस्मादेव नियतमननुज्ञाय केवलम्
gṛhītavyāni puṣpāṇi devārcanavidhau dvijaḥ | naikasmādeva niyatamananujñāya kevalam
Flowers may be taken by a twice-born for the rite of worshipping the gods; (but) not from one (plant) only, as a rule, and not merely without permission.
AI translation rendered from the Sanskrit, not a published edition — the model flagged this verse as uncertain
PdP 3 55.9
तृणं काष्ठं फलं पुष्पं प्रकाशं वै हरेद्बुधः । धर्मार्थं केवलं प्राहुरन्यथा पतितो भवेत्
tṛṇaṃ kāṣṭhaṃ phalaṃ puṣpaṃ prakāśaṃ vai haredbudhaḥ | dharmārthaṃ kevalaṃ prāhuranyathā patito bhavet
The wise man should take grass, wood, fruit, flower openly; (and) solely for the sake of dharma, they say — otherwise he becomes fallen.
AI translation rendered from the Sanskrit, not a published edition
PdP 3 55.10
तिलमुद्गयवादीनां मुष्टिर्ग्राह्या पथिस्थितैः । क्षुधितैर्नान्यथा विप्रा धर्मादिभिरिति स्थितिः
tilamudgayavādīnāṃ muṣṭirgrāhyā pathisthitaiḥ | kṣudhitairnānyathā viprā dharmādibhiriti sthitiḥ
A handful of sesame, mung beans, barley and the like may be taken by those (travelling) on the road when hungry; not otherwise, O brahmins — such is the rule laid down by the authorities on dharma and the rest.
AI translation rendered from the Sanskrit, not a published edition — the model flagged this verse as uncertain
PdP 3 55.11
न धर्मस्यापदेशेन पापं कृत्वा व्रतं चरेत् । व्रतेन पापं व्यागुह्य कुर्वन्स्त्रीशूद्र दंभनम्
na dharmasyāpadeśena pāpaṃ kṛtvā vrataṃ caret | vratena pāpaṃ vyāguhya kurvanstrīśūdra daṃbhanam
One should not, on the pretext of dharma, commit a sin and then perform a vow, concealing the sin by the vow, practising a deceit upon women and śūdras.
AI translation rendered from the Sanskrit, not a published edition
PdP 3 55.12
प्रेत्येह चेदृशो विप्रो गर्ह्यते ब्रह्मवादिभिः । छद्मनाचरितं यच्च व्रतं रक्षांसि गच्छति
pretyeha cedṛśo vipro garhyate brahmavādibhiḥ | chadmanācaritaṃ yacca vrataṃ rakṣāṃsi gacchati
Such a brahmin is censured by the expounders of the Veda both here and after death; and a vow practised with fraud goes to the rākṣasas.
AI translation rendered from the Sanskrit, not a published edition
PdP 3 55.13
अलिंगी लिंगिवेषेण यो वृत्तिमुपतिष्ठति । सलिगिंनो हरेदेनस्तिर्यग्योनौ च जायते
aliṃgī liṃgiveṣeṇa yo vṛttimupatiṣṭhati | saligiṃno haredenastiryagyonau ca jāyate
He who, without being entitled to the insignia, takes up a livelihood in the garb of one who bears them, takes upon himself the sin of those who rightly bear the insignia, and is born in an animal womb.
AI translation rendered from the Sanskrit, not a published edition — the model flagged this verse as uncertain
PdP 3 55.14
याचनं योनिसंबंधं सहवासं च भाषणम् । कुर्वाणः पतते नित्यं तस्माद्यत्नेन वर्जयेत्
yācanaṃ yonisaṃbaṃdhaṃ sahavāsaṃ ca bhāṣaṇam | kurvāṇaḥ patate nityaṃ tasmādyatnena varjayet
One who practises begging, marriage-alliance, living together and conversation (with such persons) falls constantly; therefore one should carefully avoid it.
AI translation rendered from the Sanskrit, not a published edition
PdP 3 55.15
देवद्रोहं न कुर्वीत गुरुद्रोहं तथैव च । देवद्रोहाद्गुरुद्रोहः कोटिकोटिगुणाधिकः
devadrohaṃ na kurvīta gurudrohaṃ tathaiva ca | devadrohādgurudrohaḥ koṭikoṭiguṇādhikaḥ
One should not commit treachery against the gods, nor likewise against one's teacher; treachery against the teacher is ten million times ten million times worse than treachery against the gods.
AI translation rendered from the Sanskrit, not a published edition
PdP 3 55.16
जनापवादो नास्तिक्यं तस्मात्कोटिगुणाधिकम् । गोभिश्च दैवतैर्विप्रैः कृष्या राजोपसेवया
janāpavādo nāstikyaṃ tasmātkoṭiguṇādhikam | gobhiśca daivatairvipraiḥ kṛṣyā rājopasevayā
Slandering people and unbelief are ten million times worse than that. And through cows, through deities, through brahmins, through agriculture, through serving a king —
AI translation rendered from the Sanskrit, not a published edition — the model flagged this verse as uncertain
PdP 3 55.17
कुलान्यकुलतां यांति यानि हीनानि धर्म्मतः । कुविचारैः क्रियालोपैर्वेदानध्ययनेन च
kulānyakulatāṃ yāṃti yāni hīnāni dharmmataḥ | kuvicāraiḥ kriyālopairvedānadhyayanena ca
— families lose their standing as families, those which are deficient in dharma: by bad deliberations, by lapses in rites, and by not studying the Vedas.
AI translation rendered from the Sanskrit, not a published edition
PdP 3 55.18
कुलान्यकुलतां यांति ब्राह्मणाऽतिक्रमेण च । अनृतात्पारदार्याच्च तथाऽभक्ष्यस्य भक्षणात्
kulānyakulatāṃ yāṃti brāhmaṇā'tikrameṇa ca | anṛtātpāradāryācca tathā'bhakṣyasya bhakṣaṇāt
Families lose their standing as families also by transgressing against brahmins, by falsehood, by adultery with others' wives, and likewise by eating what should not be eaten.
AI translation rendered from the Sanskrit, not a published edition
PdP 3 55.19
अगोत्रधर्म्माचरणात्क्षिप्रं नश्यति वै कुलम् । अश्रोत्रियेषु दानाच्चा वृषलेषु तथैव च
agotradharmmācaraṇātkṣipraṃ naśyati vai kulam | aśrotriyeṣu dānāccā vṛṣaleṣu tathaiva ca
By not practising the duties of one's lineage a family swiftly perishes; also by giving to those who are not learned in the Veda, and likewise (by giving) to low men,
AI translation rendered from the Sanskrit, not a published edition
PdP 3 55.20
विहिताचारहीनेषु क्षिप्रं नश्यति वै कुलम् । अधार्मिकैर्वृते ग्रामे न व्याधिबहुले वसेत्
vihitācārahīneṣu kṣipraṃ naśyati vai kulam | adhārmikairvṛte grāme na vyādhibahule vaset
and to those lacking the prescribed conduct, a family swiftly perishes. One should not dwell in a village occupied by unrighteous men, nor in one full of disease.
AI translation rendered from the Sanskrit, not a published edition
PdP 3 55.21
शूद्रराज्ये च न वसेन्न पाखंडजनैर्वृते । हिमवद्विंध्ययोर्मध्यं पूर्वपश्चिमयोः शुभम्
śūdrarājye ca na vasenna pākhaṃḍajanairvṛte | himavadviṃdhyayormadhyaṃ pūrvapaścimayoḥ śubham
And one should not dwell in a kingdom (ruled) by a śūdra, nor in one occupied by heretical people. The region between the Himālaya and the Vindhya, between east and west, is auspicious.
AI translation rendered from the Sanskrit, not a published edition
PdP 3 55.22
मुक्त्वा समुद्रयोर्देशं नान्यत्र निवसेद्द्विजः । कृष्णो वा यत्र चरति मृगो नित्यं स्वभावतः
muktvā samudrayordeśaṃ nānyatra nivaseddvijaḥ | kṛṣṇo vā yatra carati mṛgo nityaṃ svabhāvataḥ
Apart from the land (lying) between the two seas, a twice-born should not dwell elsewhere — or where the black antelope regularly ranges by its own nature,
AI translation rendered from the Sanskrit, not a published edition
PdP 3 55.23
पुण्या वा विश्रुता नद्यस्तत्र वा निवसेद्द्विजः । अर्धक्रोशं नदीकूलं वर्जयित्वा द्विजोत्तमः
puṇyā vā viśrutā nadyastatra vā nivaseddvijaḥ | ardhakrośaṃ nadīkūlaṃ varjayitvā dvijottamaḥ
or where there are holy, renowned rivers: there a twice-born may dwell; but the best of the twice-born should avoid a river-bank for half a krośa.
AI translation rendered from the Sanskrit, not a published edition
PdP 3 55.24
नान्यत्र निवसेत्पुण्यं नांत्यजग्रामसन्निधौ । न संवसेच्च पतितैर्न चांडालैर्न पुल्कसैः
nānyatra nivasetpuṇyaṃ nāṃtyajagrāmasannidhau | na saṃvasecca patitairna cāṃḍālairna pulkasaiḥ
He should not dwell in another (place, even) a holy one, nor in the vicinity of a village of the lowest-born; and he should not live together with outcastes, nor with caṇḍālas, nor with pulkasas,
AI translation rendered from the Sanskrit, not a published edition — the model flagged this verse as uncertain
PdP 3 55.25
न मूर्खैर्नावलिप्तैश्च नान्यैर्जायावसायिभिः । एकशय्यासने पंक्तिर्भांडे पक्वान्नमिश्रणम्
na mūrkhairnāvaliptaiśca nānyairjāyāvasāyibhiḥ | ekaśayyāsane paṃktirbhāṃḍe pakvānnamiśraṇam
nor with fools, nor with the arrogant, nor with other men of the lowest class: one bed or seat, one row (at meals), one vessel, the mixing of cooked food,
AI translation rendered from the Sanskrit, not a published edition — the model flagged this verse as uncertain
PdP 3 55.26
यजनाध्यापने योनिस्तथैव सहभोजनम् । सहाध्यायस्तु दशमः सहयाजनमेव च
yajanādhyāpane yonistathaiva sahabhojanam | sahādhyāyastu daśamaḥ sahayājanameva ca
officiating (for them) and teaching (them), marriage-connection, and likewise eating together; joint recitation is the tenth, and likewise joint performance of sacrifice —
AI translation rendered from the Sanskrit, not a published edition
PdP 3 55.27
एकादश समुद्दिष्टा दोषाः सांकर्यसंस्थिताः । समीपे चाप्यवस्थानात्पापं संक्रमते नृणाम्
ekādaśa samuddiṣṭā doṣāḥ sāṃkaryasaṃsthitāḥ | samīpe cāpyavasthānātpāpaṃ saṃkramate nṛṇām
eleven faults have been enumerated that consist in mixing (with such persons); and even from staying nearby, sin passes over to men.
AI translation rendered from the Sanskrit, not a published edition
PdP 3 55.28
तस्मात्सर्वप्रयत्नेन सांकर्य्यं परिवर्जयेत् । एकपंक्त्युपविष्टा ये न स्पृशंति परस्परम्
tasmātsarvaprayatnena sāṃkaryyaṃ parivarjayet | ekapaṃktyupaviṣṭā ye na spṛśaṃti parasparam
Therefore with every effort one should avoid mixing. Those who, seated in a single row, do not touch one another,
AI translation rendered from the Sanskrit, not a published edition
PdP 3 55.29
भस्मना कृतमर्य्यादा न तेषां संकरो भवेत् । अग्निना भस्मना चैव सलिलेन विलेखतः
bhasmanā kṛtamaryyādā na teṣāṃ saṃkaro bhavet | agninā bhasmanā caiva salilena vilekhataḥ
and for whom a boundary has been made with ash — for them there is no mixing. By fire, by ash, by water, by scratching a line,
AI translation rendered from the Sanskrit, not a published edition
PdP 3 55.30
द्वारेण स्तंभमार्गेण षड्भिः पंक्तिर्विभिद्यते । न कुर्याच्छुष्कवैराणि विवादं न च पैशुनम्
dvāreṇa staṃbhamārgeṇa ṣaḍbhiḥ paṃktirvibhidyate | na kuryācchuṣkavairāṇi vivādaṃ na ca paiśunam
by a door, by the line of a pillar — by these six the row is divided. One should not engage in pointless hostilities, nor in quarrelling, nor in slander.
AI translation rendered from the Sanskrit, not a published edition
PdP 3 55.31
परक्षेत्रे गां चरंतीं न चाचक्षीत कर्हिचित् । न संवसेत्सूचकेन न कं वै मर्मणि स्पृशेत्
parakṣetre gāṃ caraṃtīṃ na cācakṣīta karhicit | na saṃvasetsūcakena na kaṃ vai marmaṇi spṛśet
And one should never denounce a cow grazing in another's field. One should not live with an informer, nor should one touch anyone on a vital spot.
AI translation rendered from the Sanskrit, not a published edition
PdP 3 55.32
न सूर्यपरिवेषं वा नेंद्रचापं पराह्निकम् । परस्मै कथयेद्विद्वान्शशिनं वाथ कांचनम्
na sūryapariveṣaṃ vā neṃdracāpaṃ parāhnikam | parasmai kathayedvidvānśaśinaṃ vātha kāṃcanam
A learned man should not point out to another a halo round the sun, nor a rainbow in the afternoon, nor the moon, nor gold.
AI translation rendered from the Sanskrit, not a published edition — the model flagged this verse as uncertain
PdP 3 55.33
न कुर्याद्बहुभिः सार्द्धं विरोधं बंधुभिस्तथा । आत्मनः प्रतिकूलानि परेषां न समाचरेत्
na kuryādbahubhiḥ sārddhaṃ virodhaṃ baṃdhubhistathā | ātmanaḥ pratikūlāni pareṣāṃ na samācaret
One should not enter into conflict with many people, nor with kinsmen; one should not do to others what is disagreeable to oneself.
AI translation rendered from the Sanskrit, not a published edition
PdP 3 55.34
तिथिं पक्षस्य न ब्रूयान्नक्षत्राणि न निर्दिशेत् । नोदक्यामभिभाषेत नाशुचिं वा द्विजोत्तमः
tithiṃ pakṣasya na brūyānnakṣatrāṇi na nirdiśet | nodakyāmabhibhāṣeta nāśuciṃ vā dvijottamaḥ
The best of twice-born ones should not announce the lunar day of the fortnight, nor point out the stars; he should not speak to a menstruating woman, nor to one who is impure.
AI translation rendered from the Sanskrit, not a published edition
PdP 3 55.35
न देवगुरुविप्राणां दीयमानं तु वारयेत् । न चात्मानं प्रशंसेद्वा परनिंदां च वर्जयेत्
na devaguruviprāṇāṃ dīyamānaṃ tu vārayet | na cātmānaṃ praśaṃsedvā paraniṃdāṃ ca varjayet
He should not obstruct what is being given to gods, teachers, or brahmins; nor should he praise himself, and he should avoid disparaging others.
AI translation rendered from the Sanskrit, not a published edition
PdP 3 55.36
वेदनिंदां देवनिंदां प्रयत्नेन विवर्जयेत् । यस्तु देवानृषींश्चैव वेदान्वा निंदते द्विजः
vedaniṃdāṃ devaniṃdāṃ prayatnena vivarjayet | yastu devānṛṣīṃścaiva vedānvā niṃdate dvijaḥ
He should carefully avoid reviling the Veda and reviling the gods. That twice-born who reviles the gods, the seers, or the Vedas—
AI translation rendered from the Sanskrit, not a published edition
PdP 3 55.37
न तस्य निष्कृतिर्दृष्टा शास्त्रेष्विह मुनीश्वराः । निंदयेद्वा गुरुं देवं वेदं वासोपबृंहणम्
na tasya niṣkṛtirdṛṣṭā śāstreṣviha munīśvarāḥ | niṃdayedvā guruṃ devaṃ vedaṃ vāsopabṛṃhaṇam
for him no expiation is seen in the scriptures here, O lords of sages. Or (if) one should revile the teacher, a god, or the Veda, that which nourishes (all)—
AI translation rendered from the Sanskrit, not a published edition — the model flagged this verse as uncertain
PdP 3 55.38
कल्पकोटिशतं साग्रं रौरवे पच्यते नरः । तूष्णीमासीत निंदायां न ब्रूयात्किंचिदुत्तरम्
kalpakoṭiśataṃ sāgraṃ raurave pacyate naraḥ | tūṣṇīmāsīta niṃdāyāṃ na brūyātkiṃciduttaram
the man is cooked in the Raurava hell for a full hundred crores of kalpas. When reviling occurs, one should remain silent and should not utter any reply.
AI translation rendered from the Sanskrit, not a published edition
PdP 3 55.39
कर्णौ पिधाय गंतव्यं न चैनमवलोकयेत् । वर्ज्जयेद्वै रहस्यानि परेषां गर्हणं बुधः
karṇau pidhāya gaṃtavyaṃ na cainamavalokayet | varjjayedvai rahasyāni pareṣāṃ garhaṇaṃ budhaḥ
Covering the ears, one should go away, and should not look at that man. The wise man should avoid (prying into) the secrets of others and censuring them.
AI translation rendered from the Sanskrit, not a published edition
PdP 3 55.40
विवादं स्वजनैः सार्द्धं नकुर्य्याद्वै कदाचन । न पापं पापिनां ब्रूयादपापं वा द्विजोत्तमः
vivādaṃ svajanaiḥ sārddhaṃ nakuryyādvai kadācana | na pāpaṃ pāpināṃ brūyādapāpaṃ vā dvijottamaḥ
He should never at any time enter into a quarrel with his own people. The best of the twice-born should not speak of the sin of sinners, nor of their sinlessness.
AI translation rendered from the Sanskrit, not a published edition
PdP 3 55.41
सत्येन तुल्यो दोषः स्यादसत्याद्दोषवान्भवेत् । नृणां मिथ्याभिशस्तानां पतंत्यश्रूणि रोदनात्
satyena tulyo doṣaḥ syādasatyāddoṣavānbhavet | nṛṇāṃ mithyābhiśastānāṃ pataṃtyaśrūṇi rodanāt
With truth the fault would be equal; from untruth he becomes guilty. The tears of men who are falsely accused fall from their weeping,
AI translation rendered from the Sanskrit, not a published edition — the model flagged this verse as uncertain
PdP 3 55.42
तानि पुत्रान्पशून्घ्नंति तेषां मिथ्याभिशंसिनाम् । ब्रह्महत्या सुरापाने स्तेये गुर्वंगनागमे
tāni putrānpaśūnghnaṃti teṣāṃ mithyābhiśaṃsinām | brahmahatyā surāpāne steye gurvaṃganāgame
and those (tears) destroy the sons and cattle of those who falsely accuse them. For slaying a brahmin, for drinking liquor, for theft, for going in to the teacher's wife,
AI translation rendered from the Sanskrit, not a published edition
PdP 3 55.43
दृष्टं वै शोधनं वृद्धैर्नास्ति मिथ्याभिशंसने । नेक्षेतोद्यंतमादित्यं शशिनं वाऽनिमित्ततः
dṛṣṭaṃ vai śodhanaṃ vṛddhairnāsti mithyābhiśaṃsane | nekṣetodyaṃtamādityaṃ śaśinaṃ vā'nimittataḥ
a purification has indeed been seen by the elders, but there is none for false accusation. One should not gaze at the rising sun, or at the moon, without cause;
AI translation rendered from the Sanskrit, not a published edition
PdP 3 55.44
नास्तं यांतं न वारिस्थं नोपस्पृष्टं न मध्यगम् । तिरोहितं समीक्षेत नादर्शाद्यनुगामिनम्
nāstaṃ yāṃtaṃ na vāristhaṃ nopaspṛṣṭaṃ na madhyagam | tirohitaṃ samīkṣeta nādarśādyanugāminam
nor at (the sun) setting, nor when it stands in water (as a reflection), nor when eclipsed, nor when it is at mid-heaven; one should not look at it when obscured, nor at its reflection in a mirror or the like.
AI translation rendered from the Sanskrit, not a published edition — the model flagged this verse as uncertain
PdP 3 55.45
न नग्नां स्त्रियमीक्षेत पुरुषं वा कदाचन । न च मूत्रं पुरीषं वा न च संसृष्टमैथुनम्
na nagnāṃ striyamīkṣeta puruṣaṃ vā kadācana | na ca mūtraṃ purīṣaṃ vā na ca saṃsṛṣṭamaithunam
He should never look at a naked woman, or a naked man; nor at urine or excrement, nor at (people) joined in intercourse.
AI translation rendered from the Sanskrit, not a published edition
PdP 3 55.46
नाशुचिः सूर्यसोमादीन्ग्रहानालोकयेद्बुधः । नाभिभाषेत च परमुच्छिष्टो वावगुंठितः
nāśuciḥ sūryasomādīngrahānālokayedbudhaḥ | nābhibhāṣeta ca paramucchiṣṭo vāvaguṃṭhitaḥ
When impure, the wise man should not look at the sun, the moon and the other planets; and he should not speak to another when he has food-remnants in his mouth or when his head is muffled.
AI translation rendered from the Sanskrit, not a published edition
PdP 3 55.47
न पश्येत्प्रेतसंस्पर्शं न क्रुद्धस्य गुरोर्मुखम् । न तैलोदकयोश्छायां न पंक्तिं भोजने सति
na paśyetpretasaṃsparśaṃ na kruddhasya gurormukham | na tailodakayośchāyāṃ na paṃktiṃ bhojane sati
He should not look at the touching of a corpse, nor at the face of an angry teacher, nor at the reflection (of himself) in oil or water, nor at a row (of diners) while eating is going on.
AI translation rendered from the Sanskrit, not a published edition — the model flagged this verse as uncertain
PdP 3 55.48
न मुक्तबंधनं पश्येन्नोन्मत्तं गजमेव वा । नाश्नीयाद्भार्यया सार्द्धं नैनामीक्षेत चाश्नतीम्
na muktabaṃdhanaṃ paśyennonmattaṃ gajameva vā | nāśnīyādbhāryayā sārddhaṃ naināmīkṣeta cāśnatīm
He should not look at one whose bonds have been loosed, nor at a maddened elephant; he should not eat together with his wife, nor should he look at her while she is eating,
AI translation rendered from the Sanskrit, not a published edition
PdP 3 55.49
क्षुवतीं जृंभमाणां वा नासनस्थां यथासुखम् । नोदके चात्मनो रूपं शुभं वाशुभमेव वा
kṣuvatīṃ jṛṃbhamāṇāṃ vā nāsanasthāṃ yathāsukham | nodake cātmano rūpaṃ śubhaṃ vāśubhameva vā
nor while she is sneezing or yawning, nor while she is sitting at ease on a seat; nor (should he look at) his own form in water, whether auspicious or inauspicious.
AI translation rendered from the Sanskrit, not a published edition
PdP 3 55.50
न लंघयेच्च मतिमान्नाधितिष्ठेत्कदाचन । न शूद्राय मतिं दद्यात्कृसरं पायसं दधि
na laṃghayecca matimānnādhitiṣṭhetkadācana | na śūdrāya matiṃ dadyātkṛsaraṃ pāyasaṃ dadhi
And the intelligent man should not step over (it), nor should he ever stand upon (it). He should not give counsel to a śūdra, nor kṛsara, rice-milk, or curds,
AI translation rendered from the Sanskrit, not a published edition — the model flagged this verse as uncertain
PdP 3 55.51
नोच्छिष्टं वा मधु घृतं न च कृष्णाजिनं हविः । न चैवास्मै व्रतं ब्रूयान्न च धर्मं वदेद्बुधः
nocchiṣṭaṃ vā madhu ghṛtaṃ na ca kṛṣṇājinaṃ haviḥ | na caivāsmai vrataṃ brūyānna ca dharmaṃ vadedbudhaḥ
nor leftover food, nor honey, nor ghee, nor a black antelope skin, nor oblation-matter; and the wise man should not recite a vow to him, nor teach him the dharma.
AI translation rendered from the Sanskrit, not a published edition
PdP 3 55.52
न च क्रोधवशं गच्छेद्द्वेषं रागं च वर्जयेत् । लोभं दंभं तथा शाठ्यं ह्यसूयां ज्ञानकुत्सनम्
na ca krodhavaśaṃ gaccheddveṣaṃ rāgaṃ ca varjayet | lobhaṃ daṃbhaṃ tathā śāṭhyaṃ hyasūyāṃ jñānakutsanam
And he should not fall under the sway of anger, and should give up hatred and passion; greed, hypocrisy, and likewise deceit, envy, and the decrying of knowledge—
AI translation rendered from the Sanskrit, not a published edition
PdP 3 55.53
ईर्ष्यां मदं तथाशोकं मोहं च परिवर्जयेत् । न कुर्यात्कस्यचित्पीडां सुतं शिष्यं तु ताडयेत्
īrṣyāṃ madaṃ tathāśokaṃ mohaṃ ca parivarjayet | na kuryātkasyacitpīḍāṃ sutaṃ śiṣyaṃ tu tāḍayet
(He) should shun envy, pride, and likewise grief and delusion. He should cause pain to no one, though he may strike a son or a pupil.
AI translation rendered from the Sanskrit, not a published edition
PdP 3 55.54
न हीनानुपसेवेत न च तृष्णामतिः क्वचित् । नात्मानं चावमन्येत दैन्यं यत्नेन वर्जयेत्
na hīnānupaseveta na ca tṛṣṇāmatiḥ kvacit | nātmānaṃ cāvamanyeta dainyaṃ yatnena varjayet
He should not attend upon the base, nor let his mind be set on craving anywhere; he should not despise himself, and should avoid abjectness with effort.
AI translation rendered from the Sanskrit, not a published edition
PdP 3 55.55
न विशिष्टमसत्कुर्यान्नात्मानं वासनाद्बुधः । न नखेन लिखेद्भूमिं गां च संवेशयन्नहि
na viśiṣṭamasatkuryānnātmānaṃ vāsanādbudhaḥ | na nakhena likhedbhūmiṃ gāṃ ca saṃveśayannahi
The wise man should not dishonour a distinguished person, nor himself, out of habit; he should not scratch the ground with his nail, nor make a cow lie down.
AI translation rendered from the Sanskrit, not a published edition — the model flagged this verse as uncertain
PdP 3 55.56
न नदीषु नदीं ब्रूयात्पर्वतेषु च पर्वतान् । आवासे भोजने वापि न त्यजेत्सहयायिनम्
na nadīṣu nadīṃ brūyātparvateṣu ca parvatān | āvāse bhojane vāpi na tyajetsahayāyinam
Among rivers he should not speak of a (different) river, nor of mountains among mountains; and in lodging or in eating he should not abandon a fellow traveller.
AI translation rendered from the Sanskrit, not a published edition — the model flagged this verse as uncertain
PdP 3 55.57
नावगाहेदपो नग्नो वह्निं नातिव्रजेत्तथा । शिरोभ्यंगावशिष्टेन तैलेनांगं न लेपयेत्
nāvagāhedapo nagno vahniṃ nātivrajettathā | śirobhyaṃgāvaśiṣṭena tailenāṃgaṃ na lepayet
He should not plunge into water naked, nor should he step over a fire; nor should he smear his limbs with oil left over from anointing the head.
AI translation rendered from the Sanskrit, not a published edition
PdP 3 55.58
न सर्प शस्त्रैः क्रीडेत स्वानि खानि न संस्पृशेत् । रोमाणि च रहस्यानि नाशिष्टेन सह व्रजेत्
na sarpa śastraiḥ krīḍeta svāni khāni na saṃspṛśet | romāṇi ca rahasyāni nāśiṣṭena saha vrajet
He should not play with snakes or with weapons, nor touch his own orifices, nor his hairs, nor his private parts; he should not go about with an ill-bred person.
AI translation rendered from the Sanskrit, not a published edition — the model flagged this verse as uncertain
PdP 3 55.59
न पाणि पाद वाङ्नेत्र चापल्यं समुपाश्रयेत् । न शिश्नोदरचापल्यं न च श्रवणयोः क्वचित्
na pāṇi pāda vāṅnetra cāpalyaṃ samupāśrayet | na śiśnodaracāpalyaṃ na ca śravaṇayoḥ kvacit
He should not indulge in restlessness of hand, foot, speech, or eye, nor restlessness of the penis and belly, nor ever of the two ears.
AI translation rendered from the Sanskrit, not a published edition
PdP 3 55.60
न चांगनखवाद्यं वै कुर्यान्नांजलिना पिबेत् । नाभिहन्याज्जलं पद्भ्यां पाणिना वा कदाचन
na cāṃganakhavādyaṃ vai kuryānnāṃjalinā pibet | nābhihanyājjalaṃ padbhyāṃ pāṇinā vā kadācana
He should not make music with his nails on his limbs, nor drink from his cupped hands; and he should never strike water with his feet or with his hand.
AI translation rendered from the Sanskrit, not a published edition
PdP 3 55.61
न शातयेदिष्टिकाभिर्मूलानि च फलानि च । न म्लेच्छभाषणं शिक्षेन्नाकर्षेच्च पदासनम्
na śātayediṣṭikābhirmūlāni ca phalāni ca | na mlecchabhāṣaṇaṃ śikṣennākarṣecca padāsanam
He should not knock down roots and fruits with bricks; he should not learn the speech of barbarians, nor drag a seat with his foot.
AI translation rendered from the Sanskrit, not a published edition
PdP 3 55.62
नखभेदनमास्फोटं छेदनं वा विलेखनम् । कुर्य्याद्विमर्द्दनं धीमान्नाकस्मादेव निष्फलम्
nakhabhedanamāsphoṭaṃ chedanaṃ vā vilekhanam | kuryyādvimarddanaṃ dhīmānnākasmādeva niṣphalam
The wise man should not, without reason and to no purpose, do splitting of the nails, cracking (of joints), cutting, scratching, or rubbing.
AI translation rendered from the Sanskrit, not a published edition — the model flagged this verse as uncertain
PdP 3 55.63
नोत्संगे भक्षयेद्भक्ष्यं वृथा चेष्टां न चाचरेत् । न नृत्येदथवा गायेन्न वादित्राणि वादयेत्
notsaṃge bhakṣayedbhakṣyaṃ vṛthā ceṣṭāṃ na cācaret | na nṛtyedathavā gāyenna vāditrāṇi vādayet
He should not eat food in his lap, nor engage in purposeless movement; he should not dance or sing, nor play musical instruments.
AI translation rendered from the Sanskrit, not a published edition
PdP 3 55.64
न संहताभ्यां पाणिभ्यां कंडूयेदात्मनः शिरः । न लौकिकैस्तवैर्देवांस्तोषयेद्वाक्पतेरपि
na saṃhatābhyāṃ pāṇibhyāṃ kaṃḍūyedātmanaḥ śiraḥ | na laukikaistavairdevāṃstoṣayedvākpaterapi
He should not scratch his own head with both hands joined together; he should not gratify the gods with worldly praises, even (were he) a lord of speech.
AI translation rendered from the Sanskrit, not a published edition — the model flagged this verse as uncertain
PdP 3 55.65
नाक्षैः क्रीडेन्न धावेत नाप्सु विण्मूत्रमाचरेत् । नोच्छिष्टः संविशेन्नित्यं न नग्नः स्नानमाचरेत्
nākṣaiḥ krīḍenna dhāveta nāpsu viṇmūtramācaret | nocchiṣṭaḥ saṃviśennityaṃ na nagnaḥ snānamācaret
He should not play with dice, nor run; he should not void excrement or urine in water; he should never lie down with the remains of food (in his mouth), nor bathe naked.
AI translation rendered from the Sanskrit, not a published edition
PdP 3 55.66
न गच्छंस्तु पठेद्वापि न चैव स्वशिरः स्पृशेत् । न दंतैर्नखरोमाणि च्छिंद्यात्सुप्तं न बोधयेत्
na gacchaṃstu paṭhedvāpi na caiva svaśiraḥ spṛśet | na daṃtairnakharomāṇi cchiṃdyātsuptaṃ na bodhayet
Nor should he recite while walking, nor indeed touch his own head; he should not cut nails or hair with his teeth, nor wake one who is asleep.
AI translation rendered from the Sanskrit, not a published edition
PdP 3 55.67
नाबालातपमासेवेत्प्रेतधूमं विवर्जयेत् । नैव स्वप्याच्छून्यगेहे स्वयं नोपानहौ हरेत्
nābālātapamāsevetpretadhūmaṃ vivarjayet | naiva svapyācchūnyagehe svayaṃ nopānahau haret
He should not expose himself to the sun (except) the gentle (morning) sun; he should avoid the smoke of a corpse; he should not sleep in an empty house, nor carry his own sandals.
AI translation rendered from the Sanskrit, not a published edition — the model flagged this verse as uncertain
PdP 3 55.68
नाकारणाद्वा निष्ठीवेन्न बाहुभ्यां नदीं तरेत् । न पादक्षालनं कुर्यात्पादेनैव कदाचन
nākāraṇādvā niṣṭhīvenna bāhubhyāṃ nadīṃ taret | na pādakṣālanaṃ kuryātpādenaiva kadācana
He should not spit without cause, nor cross a river by (swimming with) his arms; he should never wash one foot with the other foot.
AI translation rendered from the Sanskrit, not a published edition
PdP 3 55.69
नाग्नौ प्रतापयेत्पादौ न कांस्ये धावयेद्बुधः । नाभिप्रसारयेद्देवं ब्राह्मणान्गामथापि वा
nāgnau pratāpayetpādau na kāṃsye dhāvayedbudhaḥ | nābhiprasārayeddevaṃ brāhmaṇāngāmathāpi vā
The wise man should not warm his feet at the fire, nor wash them in a bronze vessel; and he should not stretch out (his feet) towards a god, brahmins, or a cow.
AI translation rendered from the Sanskrit, not a published edition
PdP 3 55.70
वाय्वग्निनृपविप्रान्वा सूर्यं वा शशिनं प्रति । अशुद्धः शयनं पानं स्वाध्यायं स्नान भोजनम्
vāyvagninṛpaviprānvā sūryaṃ vā śaśinaṃ prati | aśuddhaḥ śayanaṃ pānaṃ svādhyāyaṃ snāna bhojanam
—or towards wind, fire, a king, brahmins, the sun or the moon. When impure, lying down, drinking, private recitation, bathing, eating,
AI translation rendered from the Sanskrit, not a published edition
PdP 3 55.71
बहिर्निष्क्रमणं चैव न कुर्वीत कदाचन । स्वप्नमध्ययनं स्नानमुद्वर्तं भोजनं गतिम्
bahirniṣkramaṇaṃ caiva na kurvīta kadācana | svapnamadhyayanaṃ snānamudvartaṃ bhojanaṃ gatim
and going outside he should never do. Sleep, study, bathing, rubbing (the body), eating, going about—
AI translation rendered from the Sanskrit, not a published edition — the model flagged this verse as uncertain
PdP 3 55.72
उभयोः संध्ययोर्नित्यं मध्याह्ने चैव वर्जयेत् । न स्पृशेत्पाणिनोच्छिष्टो विप्रो गो ब्राह्मणानलान्
ubhayoḥ saṃdhyayornityaṃ madhyāhne caiva varjayet | na spṛśetpāṇinocchiṣṭo vipro go brāhmaṇānalān
—these he should always avoid at both twilights and at midday. A brahmin with the remains of food (on him) should not touch cows, brahmins, or fires with his hand.
AI translation rendered from the Sanskrit, not a published edition
PdP 3 55.73
न चालनं पदा वापि न देवप्रतिमां स्पृशेत् । नाशुद्धोग्निं परिचरेन्न देवान्कीर्तयेदृषीन्
na cālanaṃ padā vāpi na devapratimāṃ spṛśet | nāśuddhogniṃ paricarenna devānkīrtayedṛṣīn
Nor should (he) move (anything) with his foot, nor should he touch an image of a god; when impure he should not tend the fire, nor should he invoke the gods or the seers.
AI translation rendered from the Sanskrit, not a published edition
PdP 3 55.74
नावगाहेदगाधांबु धावयेन्नाऽनिमित्ततः । न वामहस्तेनोद्धृत्य पिबेद्वक्त्रेण वा जलम्
nāvagāhedagādhāṃbu dhāvayennā'nimittataḥ | na vāmahastenoddhṛtya pibedvaktreṇa vā jalam
He should not plunge into unfathomable water, nor should he wash without cause; nor should he drink water taken up with the left hand or (directly) with his mouth.
AI translation rendered from the Sanskrit, not a published edition
PdP 3 55.75
नोत्तरेदनुपस्पृश्य नाप्सु रेतः समुत्सृजेत् । अमेध्यालिप्तमर्हं वा लोहितं वा विषाणि वा
nottaredanupaspṛśya nāpsu retaḥ samutsṛjet | amedhyāliptamarhaṃ vā lohitaṃ vā viṣāṇi vā
He should not come up (out of the water) without a further rinsing, nor should he discharge semen into water; nor (should he cast in) what is smeared with something impure, nor blood, nor poisons.
AI translation rendered from the Sanskrit, not a published edition — the model flagged this verse as uncertain
PdP 3 55.76
व्यतिक्रामेन्न स्रवंतीं नाप्सु मैथुनमाचरेत् । चैत्यवृक्षं न वै छिंद्यान्नाप्सु ष्ठीवनमाचरेत्
vyatikrāmenna sravaṃtīṃ nāpsu maithunamācaret | caityavṛkṣaṃ na vai chiṃdyānnāpsu ṣṭhīvanamācaret
He should not step across a flowing (stream), nor engage in intercourse in water; he should not cut down a sacred tree, nor spit into water.
AI translation rendered from the Sanskrit, not a published edition
PdP 3 55.77
नास्थिभस्मकपालानि न केशान्न च कंटकान् । तुषांगारकरीषं वा नाधितिष्ठेत्कदाचन
nāsthibhasmakapālāni na keśānna ca kaṃṭakān | tuṣāṃgārakarīṣaṃ vā nādhitiṣṭhetkadācana
He should never tread upon bones, ashes or skulls, nor upon hair, nor upon thorns, nor upon husks, charcoal or dung.
AI translation rendered from the Sanskrit, not a published edition
PdP 3 55.78
न चाग्निं लंघयेद्धीमान्नोपदध्यादधः क्वचित् । न चैनं पादतः कुर्य्याच्छूर्पेण न धमेद्बुधः
na cāgniṃ laṃghayeddhīmānnopadadhyādadhaḥ kvacit | na cainaṃ pādataḥ kuryyācchūrpeṇa na dhamedbudhaḥ
The wise man should not step over fire, nor ever place (it) below (himself); nor should he set it at his feet, nor should the prudent man blow it with a winnowing basket.
AI translation rendered from the Sanskrit, not a published edition
PdP 3 55.79
न वृक्षमवरोहेत नावेक्षेताशुचिः क्वचित् । अग्नौ न च क्षिपेदग्निं नाद्भिः प्रशमयेत्तथा
na vṛkṣamavaroheta nāvekṣetāśuciḥ kvacit | agnau na ca kṣipedagniṃ nādbhiḥ praśamayettathā
He should not climb down a tree, nor should he look on (anything) while impure; nor should he throw fire into fire, nor extinguish it with water.
AI translation rendered from the Sanskrit, not a published edition
PdP 3 55.80
सुहृन्मरणमात्रं वा स्वयं न श्रावयेत्परान् । अपण्यं कूटपण्यं वा विक्रयेन प्रयोजयेत्
suhṛnmaraṇamātraṃ vā svayaṃ na śrāvayetparān | apaṇyaṃ kūṭapaṇyaṃ vā vikrayena prayojayet
Nor should he himself make others hear even the mere (news of) a friend's death; nor should he employ in sale what is not merchandise or what is counterfeit merchandise.
AI translation rendered from the Sanskrit, not a published edition — the model flagged this verse as uncertain
PdP 3 55.81
न वह्निं मुखनिःश्वासैर्ज्वालयेन्नाशुचिर्बुधः । पुण्यस्थानोदकस्थाने सीमांतं वाहयेन्न तु
na vahniṃ mukhaniḥśvāsairjvālayennāśucirbudhaḥ | puṇyasthānodakasthāne sīmāṃtaṃ vāhayenna tu
The wise man should not kindle fire with the breath of his mouth, nor (do so) while impure; and he should not have a boundary-furrow drawn at a holy place or a watering place.
AI translation rendered from the Sanskrit, not a published edition — the model flagged this verse as uncertain
PdP 3 55.82
न भिंद्यात्पूर्वसमयमभ्युपेतं कदाचन । परस्परं पशून्व्याघ्रान्पक्षिणो न च योधयेत्
na bhiṃdyātpūrvasamayamabhyupetaṃ kadācana | parasparaṃ paśūnvyāghrānpakṣiṇo na ca yodhayet
He should never break an earlier agreement that has been accepted; and he should not set beasts, tigers or birds to fight one another.
AI translation rendered from the Sanskrit, not a published edition
PdP 3 55.83
परबाधां न कुर्वीत जलवातातपादिभिः । कारयित्वा सुकर्माणि गुरून्पश्चान्न वंचयेत्
parabādhāṃ na kurvīta jalavātātapādibhiḥ | kārayitvā sukarmāṇi gurūnpaścānna vaṃcayet
He should not cause injury to others by means of water, wind, heat and the like; and having had good works done (for him), he should not afterwards cheat his elders.
AI translation rendered from the Sanskrit, not a published edition
PdP 3 55.84
सायंप्रातर्गृहद्वारान्रक्षार्थं परिघट्टयेत् । बहिर्माल्यं सुगंधिं वा भार्यया सह भोजनम्
sāyaṃprātargṛhadvārānrakṣārthaṃ parighaṭṭayet | bahirmālyaṃ sugaṃdhiṃ vā bhāryayā saha bhojanam
Evening and morning he should shut the doors of the house for protection; (and he should avoid) a garland or perfume (obtained) outside, and eating together with his wife—
AI translation rendered from the Sanskrit, not a published edition — the model flagged this verse as uncertain
PdP 3 55.85
विगृह्य वादं कृत्वा वा प्रवेशं च विवर्जयेत् । नखादन्ब्राह्मणस्तिष्ठेन्न जल्पेद्वा हसेद्बुधः
vigṛhya vādaṃ kṛtvā vā praveśaṃ ca vivarjayet | nakhādanbrāhmaṇastiṣṭhenna jalpedvā hasedbudhaḥ
—and he should avoid quarrelling or disputing, and entering (in such a state); the brahmin should not stand biting his nails, nor should the wise man chatter or laugh (thus).
AI translation rendered from the Sanskrit, not a published edition — the model flagged this verse as uncertain
PdP 3 55.86
स्वमग्निं चैव हस्तेन स्पृशेन्नाप्सुचिरं वसेत् । न पक्षकेणोपधमेन्न शूर्पेण च पाणिना
svamagniṃ caiva hastena spṛśennāpsuciraṃ vaset | na pakṣakeṇopadhamenna śūrpeṇa ca pāṇinā
And he should touch his own fire with his hand; he should not dwell long in water. He should not blow (the fire) with a fan, nor with a winnowing basket, nor with his hand.
AI translation rendered from the Sanskrit, not a published edition — the model flagged this verse as uncertain
PdP 3 55.87
मुखेनाग्निं समिंधीत मुखादग्निरजायत । परस्त्रियं न भाषेत नायाज्यं याजयेद्बुधः
mukhenāgniṃ samiṃdhīta mukhādagnirajāyata | parastriyaṃ na bhāṣeta nāyājyaṃ yājayedbudhaḥ
He should kindle the fire with his mouth, (for) from the mouth fire was born. The wise man should not converse with another's wife, nor should he officiate for one unfit to be a sacrificer.
AI translation rendered from the Sanskrit, not a published edition
PdP 3 55.88
नैकश्चरेत्सदा विप्रः समुदायं च वर्जयेत् । न देवायतनं गच्छेत्कदाचिद्वाऽप्रदक्षिणम्
naikaścaretsadā vipraḥ samudāyaṃ ca varjayet | na devāyatanaṃ gacchetkadācidvā'pradakṣiṇam
A brahmin should never travel alone, and he should avoid a crowd; nor should he ever approach a temple of a god otherwise than keeping it on his right.
AI translation rendered from the Sanskrit, not a published edition
PdP 3 55.89
न पीडयेद्वा वस्त्राणि न देवायतने स्वपेत् । नैकोध्वानं प्रपद्येत नाधार्मिकजनै सह
na pīḍayedvā vastrāṇi na devāyatane svapet | naikodhvānaṃ prapadyeta nādhārmikajanai saha
Nor should he wring out his garments, nor sleep in a temple of a god; he should not set out on a road alone, nor together with unrighteous people,
AI translation rendered from the Sanskrit, not a published edition
PdP 3 55.90
न व्याधिदूषितैर्वापि न शूद्रैः पतितेन वा । नोपानद्वर्जितो वाथ जलादिरहितस्तथा
na vyādhidūṣitairvāpi na śūdraiḥ patitena vā | nopānadvarjito vātha jalādirahitastathā
nor with those defiled by disease, nor with śūdras or with an outcaste; nor (should he travel) without sandals, nor likewise without water and the rest.
AI translation rendered from the Sanskrit, not a published edition
PdP 3 55.91
न वर्त्मनि चितिं वाममतिक्रामेत्क्वचिद्द्विजः । न निंदेद्योगिनः सिद्धान्व्रतिनो वा यतींस्तथा
na vartmani citiṃ vāmamatikrāmetkvaciddvijaḥ | na niṃdedyoginaḥ siddhānvratino vā yatīṃstathā
A twice-born should never step across a funeral pyre on the road on his left; he should not revile yogins, siddhas, observers of vows, or ascetics.
AI translation rendered from the Sanskrit, not a published edition — the model flagged this verse as uncertain
PdP 3 55.92
देवतायतनं प्राज्ञा देवानां चैव सत्रिणाम् । नाक्रामेत्कामतश्छायां ब्राह्मणानां च गोरपि
devatāyatanaṃ prājñā devānāṃ caiva satriṇām | nākrāmetkāmataśchāyāṃ brāhmaṇānāṃ ca gorapi
The wise man should not deliberately tread upon a temple of the deity, nor the shadow of the gods, of participants in a sacrifice, of brahmins, or even of a cow.
AI translation rendered from the Sanskrit, not a published edition — the model flagged this verse as uncertain
PdP 3 55.93
स्वां तु नाक्रामयेच्छायां पतिताद्यैर्न रोगिभिः । नांगारभस्मकेशादिष्वधितिष्ठेत्कदाचन
svāṃ tu nākrāmayecchāyāṃ patitādyairna rogibhiḥ | nāṃgārabhasmakeśādiṣvadhitiṣṭhetkadācana
One should not let one's own shadow be trodden upon by the fallen and such, nor by the diseased; and one should never stand upon coals, ashes, hair and the like.
AI translation rendered from the Sanskrit, not a published edition
PdP 3 55.94
वर्जयेन्मार्जनी रेणुं स्नानवस्त्र घटोदकम् । न भक्षयेदभक्ष्याणि नापेयं च पिबेद्द्विजः
varjayenmārjanī reṇuṃ snānavastra ghaṭodakam | na bhakṣayedabhakṣyāṇi nāpeyaṃ ca pibeddvijaḥ
He should avoid the dust of the broom, the bathing-cloth, and the water of the (used) pot; a twice-born should not eat things not to be eaten, nor drink what is not to be drunk.
AI translation rendered from the Sanskrit, not a published edition