Padma Purana — Svarga Khanda — Chapter 53
PdP 3 53.1
व्यास उवाच- एवं दंडादिभिर्युक्तः शौचाचारसमन्वितः । आहूतोध्यापनं कुर्याद्वीक्ष्यमाणो गुरोर्मुखम्
vyāsa uvāca- evaṃ daṃḍādibhiryuktaḥ śaucācārasamanvitaḥ | āhūtodhyāpanaṃ kuryādvīkṣyamāṇo gurormukham
Vyāsa said: Thus equipped with staff and the rest, and endowed with cleanliness and good conduct, when called he should undertake study, looking at the teacher's face.
AI translation rendered from the Sanskrit, not a published edition
PdP 3 53.2
नित्यमुद्यतपाणिः स्यात्साध्वाचारः सुसंयतः । आस्यतामिति चोक्तः सन्नासीताभिमुखं गुरोः
nityamudyatapāṇiḥ syātsādhvācāraḥ susaṃyataḥ | āsyatāmiti coktaḥ sannāsītābhimukhaṃ guroḥ
He should always have his hands ready (raised in respect), of good conduct, well restrained; and when told "Be seated," he should sit facing the teacher.
AI translation rendered from the Sanskrit, not a published edition
PdP 3 53.3
प्रतिश्रवणसंभाषे शयानो न समाचरेत् । आसीनो न च भुंजानो न तिष्ठेन्न पराङ्मुखः
pratiśravaṇasaṃbhāṣe śayāno na samācaret | āsīno na ca bhuṃjāno na tiṣṭhenna parāṅmukhaḥ
When answering a call or conversing, he should not do so lying down, nor while seated, nor while eating, nor standing, nor with his face turned away.
AI translation rendered from the Sanskrit, not a published edition
PdP 3 53.4
नीचैः शय्यासनं चास्य सर्वदा गुरुसन्निधौ । गुरोस्तु चक्षुर्विषयेन यथेष्टासनो भवेत्
nīcaiḥ śayyāsanaṃ cāsya sarvadā gurusannidhau | gurostu cakṣurviṣayena yatheṣṭāsano bhavet
His bed and seat should always be lower (than the guru's) in the guru's presence; but out of range of the guru's eye he may sit as he pleases.
AI translation rendered from the Sanskrit, not a published edition
PdP 3 53.5
नोदाहरेदस्य नाम परोक्षमपि केवलम् । न चैवास्यानुकुर्वीत गतिभाषणचेष्टितम्
nodāharedasya nāma parokṣamapi kevalam | na caivāsyānukurvīta gatibhāṣaṇaceṣṭitam
He should not utter his (the guru's) name by itself, even out of his hearing, nor should he imitate his gait, speech, or gestures.
AI translation rendered from the Sanskrit, not a published edition
PdP 3 53.6
गुरोर्यत्र परीवादो निंदा वापि प्रवर्तते । कर्णौ तत्र पिधातव्यौ गंतव्यं वा ततोऽन्यतः
guroryatra parīvādo niṃdā vāpi pravartate | karṇau tatra pidhātavyau gaṃtavyaṃ vā tato'nyataḥ
Where abuse or censure of the guru is going on, there he should cover his ears, or go away from that place.
AI translation rendered from the Sanskrit, not a published edition
PdP 3 53.7
दूरस्थो नार्चयेदेनं न क्रुद्धो नांतिके स्त्रियः । न चैवास्योत्तरं ब्रूयात्स्थितो नासीत सन्निधौ
dūrastho nārcayedenaṃ na kruddho nāṃtike striyaḥ | na caivāsyottaraṃ brūyātsthito nāsīta sannidhau
He should not salute him while standing at a distance, nor when angry, nor when a woman is near; nor should he answer him back, nor, while standing (himself), sit down in his presence.
AI translation rendered from the Sanskrit, not a published edition — the model flagged this verse as uncertain
PdP 3 53.8
उदकुंभं कुशान्पुष्पं समिधोऽस्याहरेत्सदा । मार्जनं लेपनं नित्यमंगानां वै समाचरेत्
udakuṃbhaṃ kuśānpuṣpaṃ samidho'syāharetsadā | mārjanaṃ lepanaṃ nityamaṃgānāṃ vai samācaret
He should always fetch for him the water pot, kuśa grass, flowers, and firewood; and he should regularly perform the cleaning and anointing of his limbs.
AI translation rendered from the Sanskrit, not a published edition
PdP 3 53.9
नास्य निर्माल्यशयनं पादुकोपानहावपि । आक्रामेदासनं चास्य च्छायादीन्वा कदाचन
nāsya nirmālyaśayanaṃ pādukopānahāvapi | ākrāmedāsanaṃ cāsya cchāyādīnvā kadācana
He should never tread upon his used garlands, his bed, his sandals or shoes, nor his seat, nor his shadow and the like.
AI translation rendered from the Sanskrit, not a published edition
PdP 3 53.10
साधयेद्दंतकाष्ठादींल्लब्धं चास्मै निवेदयेत् । अनापृच्छ्य न गंतव्यं भवेत्प्रियहिते रतः
sādhayeddaṃtakāṣṭhādīṃllabdhaṃ cāsmai nivedayet | anāpṛcchya na gaṃtavyaṃ bhavetpriyahite rataḥ
He should prepare tooth-sticks and the rest, and offer to him whatever he has obtained; he should not go anywhere without asking, and should be devoted to what is dear and beneficial (to him).
AI translation rendered from the Sanskrit, not a published edition
PdP 3 53.11
न पादौ सारयेदस्य सन्निधाने कदाचन । जृंभितं हसितं चैव कंठप्रावरणं तथा
na pādau sārayedasya sannidhāne kadācana | jṛṃbhitaṃ hasitaṃ caiva kaṃṭhaprāvaraṇaṃ tathā
He should never stretch out his feet in his presence; likewise yawning, laughing, and covering the throat—
AI translation rendered from the Sanskrit, not a published edition
PdP 3 53.12
वर्जयेत्सन्निधौ नित्यमंगस्फोटनमेव च । यथाकालमधीयीत यावन्न विमना गुरुः
varjayetsannidhau nityamaṃgasphoṭanameva ca | yathākālamadhīyīta yāvanna vimanā guruḥ
—and also the cracking of his limbs, he should avoid always in his presence; he should study at the proper time, so long as the guru is not unwilling.
AI translation rendered from the Sanskrit, not a published edition
PdP 3 53.13
आसीनोऽधो गुरोः पार्श्वे सेवां च सुसमाहितः । आसने शयने याने नैव तिष्ठेत्कदाचन
āsīno'dho guroḥ pārśve sevāṃ ca susamāhitaḥ | āsane śayane yāne naiva tiṣṭhetkadācana
Seated below, at the guru's side, and (attending on him) well concentrated in service, he should never remain upon a seat, a bed, or a vehicle (when the guru is there).
AI translation rendered from the Sanskrit, not a published edition — the model flagged this verse as uncertain
PdP 3 53.14
धावंतमनुधावेत गच्छंतमनुगच्छति । गोश्वोष्ट्रयानप्रासादे तथाधोविष्टरेषु च
dhāvaṃtamanudhāveta gacchaṃtamanugacchati | gośvoṣṭrayānaprāsāde tathādhoviṣṭareṣu ca
He should run after him when he runs, and follows him when he goes; on a cart drawn by oxen, horses, or camels, on a terrace, and likewise on low mats,
AI translation rendered from the Sanskrit, not a published edition
PdP 3 53.15
आसीत गुरुणा सार्द्धं शिलाफलक नौषु च । जितेंद्रियः स्यात्सततं वश्यात्माक्रोधनः शुचिः
āsīta guruṇā sārddhaṃ śilāphalaka nauṣu ca | jiteṃdriyaḥ syātsatataṃ vaśyātmākrodhanaḥ śuciḥ
he may sit together with the guru, and on a stone slab, a plank, and on boats. He should always be one who has conquered his senses, self-controlled, free from anger, and pure.
AI translation rendered from the Sanskrit, not a published edition
PdP 3 53.16
प्रयुंजीत सदा वाचं मधुरां हितकारिणीम् । गंधमाल्यं रसं कल्पं शुक्तिं प्राणिविहिंसनम्
prayuṃjīta sadā vācaṃ madhurāṃ hitakāriṇīm | gaṃdhamālyaṃ rasaṃ kalpaṃ śuktiṃ prāṇivihiṃsanam
He should always employ speech that is sweet and beneficial. Perfume, garlands, savoury drink, cosmetic preparation, sour (fermented) things, injury to living beings,
AI translation rendered from the Sanskrit, not a published edition — the model flagged this verse as uncertain
PdP 3 53.17
अभ्यंजनांजनोन्मर्द्दच्छत्रधारणमेव च । कामं लोभं भयं निद्रां गीतवादित्रनर्तनम्
abhyaṃjanāṃjanonmarddacchatradhāraṇameva ca | kāmaṃ lobhaṃ bhayaṃ nidrāṃ gītavāditranartanam
anointing with oil, applying eye-salve, massage, and the carrying of a parasol; desire, greed, fear, sleep, singing, instrumental music, dancing,
AI translation rendered from the Sanskrit, not a published edition
PdP 3 53.18
आतर्जनं परीवादं स्त्रीप्रेक्षालंभनं तथा । परोपघातं पैशुन्यं प्रयत्नेन विवर्जयेत्
ātarjanaṃ parīvādaṃ strīprekṣālaṃbhanaṃ tathā | paropaghātaṃ paiśunyaṃ prayatnena vivarjayet
threatening, abuse, and likewise the gazing at and touching of women, harming others, and slander—these he should avoid with effort.
AI translation rendered from the Sanskrit, not a published edition
PdP 3 53.19
उदकुंभं सुमनसो गोशकृन्मृत्तिका कुशान् । आहरेद्यावदन्नानि भैक्ष्यं चाहरहश्चरेत्
udakuṃbhaṃ sumanaso gośakṛnmṛttikā kuśān | āharedyāvadannāni bhaikṣyaṃ cāharahaścaret
He should fetch the water pot, flowers, cow dung, earth, and kuśa grass, as much as (is needed for) the food; and he should go out for alms day by day.
AI translation rendered from the Sanskrit, not a published edition — the model flagged this verse as uncertain
PdP 3 53.20
घृतं च लवणं सर्वं वर्ज्यं पर्युषितं च यत् । अनृत्यदर्शी सततं भवेद्गीतादि निस्पृहः
ghṛtaṃ ca lavaṇaṃ sarvaṃ varjyaṃ paryuṣitaṃ ca yat | anṛtyadarśī satataṃ bhavedgītādi nispṛhaḥ
And ghee, and all salt, and whatever is stale, is to be avoided; he should never look at dancing, and should be without craving for song and the like.
AI translation rendered from the Sanskrit, not a published edition
PdP 3 53.21
नादित्यं वै समीहेत नाचरेद्दंतधावनम् । एकांतमशुचिस्त्रीभिः शूद्राद्यैरभिभाषणम्
nādityaṃ vai samīheta nācareddaṃtadhāvanam | ekāṃtamaśucistrībhiḥ śūdrādyairabhibhāṣaṇam
He should not gaze at the sun, nor perform the cleaning of his teeth; (he should avoid) solitude with unclean women, and conversation with śūdras and the like.
AI translation rendered from the Sanskrit, not a published edition — the model flagged this verse as uncertain
PdP 3 53.22
गुरूच्छिष्टं भेषजान्नं प्रयुंजीत न कामतः । मलापकर्षणं स्नानं नाचरेद्धि कदाचन
gurūcchiṣṭaṃ bheṣajānnaṃ prayuṃjīta na kāmataḥ | malāpakarṣaṇaṃ snānaṃ nācareddhi kadācana
He should not, out of appetite, consume the guru's leftovers or food that is medicine; and he should never take a bath merely for the removal of dirt.
AI translation rendered from the Sanskrit, not a published edition — the model flagged this verse as uncertain
PdP 3 53.23
न कुर्यान्मानसं विप्रो गुरोस्त्यागे कथंचन । मोहाद्वा यदि वा लोभात्त्यक्त्वा तु पतितो भवेत्
na kuryānmānasaṃ vipro gurostyāge kathaṃcana | mohādvā yadi vā lobhāttyaktvā tu patito bhavet
A brahmin should in no way form even the mental (intention) of abandoning his teacher; and if, out of delusion or out of greed, he abandons (him), he becomes fallen.
AI translation rendered from the Sanskrit, not a published edition
PdP 3 53.24
लौकिकं वैदिकं वापि तथाध्यात्मिकमेव वा । आददीत यतो ज्ञानं तं न द्रुह्येत्कदाचन
laukikaṃ vaidikaṃ vāpi tathādhyātmikameva vā | ādadīta yato jñānaṃ taṃ na druhyetkadācana
Whether worldly, or Vedic, or indeed pertaining to the self — from whomever he receives knowledge, him he should never injure.
AI translation rendered from the Sanskrit, not a published edition
PdP 3 53.25
गुरोरप्यवलिप्तस्य कार्याकार्यमजानतः । उत्पथप्रतिपन्नस्य न मनुस्त्यागमब्रवीत्
gurorapyavaliptasya kāryākāryamajānataḥ | utpathapratipannasya na manustyāgamabravīt
Even of a teacher who is arrogant, who does not know what should and should not be done, who has taken to a wrong path, Manu did not declare abandonment.
AI translation rendered from the Sanskrit, not a published edition
PdP 3 53.26
गुरोर्गुरौ सन्निहिते गुरुवद्वृत्तिमाचरेत् । नत्वाभिसृष्टो गुरुणा स्वान्गुरूनभिवादयेत्
gurorgurau sannihite guruvadvṛttimācaret | natvābhisṛṣṭo guruṇā svāngurūnabhivādayet
When his teacher's teacher is present, he should behave (toward him) as toward his teacher; but, unless dismissed by his teacher, he should not greet his own elders.
AI translation rendered from the Sanskrit, not a published edition — the model flagged this verse as uncertain
PdP 3 53.27
विद्यागुरुष्वेतदेवं नित्यावृत्तिषु योगिषु । प्रतिषेधत्सु चाधर्माद्धितं चोपदिशत्सु च
vidyāguruṣvetadevaṃ nityāvṛttiṣu yogiṣu | pratiṣedhatsu cādharmāddhitaṃ copadiśatsu ca
Just this (conduct is to be observed) toward teachers of learning, toward yogins of constant practice, and toward those who restrain (one) from unrighteousness and those who instruct (one) in what is beneficial.
AI translation rendered from the Sanskrit, not a published edition
PdP 3 53.28
श्रेयः स्वगुरुवद्वृत्तिं नित्यमेव समाचरेत् । गुरुपुत्रेषु दारेषु गुरोश्चैव स्वबंधुषु
śreyaḥ svaguruvadvṛttiṃ nityameva samācaret | guruputreṣu dāreṣu guroścaiva svabaṃdhuṣu
It is better that he always behave as (he does) toward his own teacher toward the teacher's sons, toward (his) wives, and toward the teacher's own kinsmen.
AI translation rendered from the Sanskrit, not a published edition
PdP 3 53.29
बालः संमानयेन्मान्याञ्छिष्टो वा यदि कर्म्मणि । अध्यापयन्गुरोः सूनुं गुरुवन्मानमर्हति
bālaḥ saṃmānayenmānyāñchiṣṭo vā yadi karmmaṇi | adhyāpayanguroḥ sūnuṃ guruvanmānamarhati
A boy should honour those worthy of honour, or (so should) one who is instructed, if (engaged) in a rite; a teacher's son who teaches deserves honour like the teacher.
AI translation rendered from the Sanskrit, not a published edition — the model flagged this verse as uncertain
PdP 3 53.30
उत्सादनं च गात्राणां स्नापनोच्छिष्टभोजनः । न कुर्याद्गुरुपुत्रस्य पादयोः शौचमेव च
utsādanaṃ ca gātrāṇāṃ snāpanocchiṣṭabhojanaḥ | na kuryādguruputrasya pādayoḥ śaucameva ca
He should not perform, for the teacher's son, the rubbing of the limbs, the bathing (of him), the eating of his leavings, nor the cleansing of his feet.
AI translation rendered from the Sanskrit, not a published edition
PdP 3 53.31
गुरुवत्प्रतिपूज्याश्च सवर्णा गुरुयोषितः । असवर्णाश्च संपूज्याः प्रत्युत्थानाभिवादनैः
guruvatpratipūjyāśca savarṇā guruyoṣitaḥ | asavarṇāśca saṃpūjyāḥ pratyutthānābhivādanaiḥ
The teacher's wives who are of the same class are to be honoured like the teacher; those not of the same class are to be honoured by rising up (before them) and by salutation.
AI translation rendered from the Sanskrit, not a published edition
PdP 3 53.32
अभ्यंजनं स्नापनं च गात्रोत्सादनमेव च । गुरुपत्न्या न कार्याणि केशानां च प्रसाधनम्
abhyaṃjanaṃ snāpanaṃ ca gātrotsādanameva ca | gurupatnyā na kāryāṇi keśānāṃ ca prasādhanam
Anointing, bathing (her), and the rubbing of her limbs, and the dressing of her hair, are not to be done for the teacher's wife.
AI translation rendered from the Sanskrit, not a published edition
PdP 3 53.33
गुरुपत्नी तु युवती नाभिवाद्या तु पादयोः । कुर्वीत वंदनं भूम्यामसावहमिति ब्रुवन्
gurupatnī tu yuvatī nābhivādyā tu pādayoḥ | kurvīta vaṃdanaṃ bhūmyāmasāvahamiti bruvan
But a teacher's wife who is young is not to be saluted at the feet; he should make his salutation on the ground, saying "It is I, so-and-so."
AI translation rendered from the Sanskrit, not a published edition
PdP 3 53.34
विप्रोष्य पादग्रहणपूर्वकं चाभिवादनम् । गुरुदारेषु कुर्वीत सतां धर्म्ममनुस्मरन्
viproṣya pādagrahaṇapūrvakaṃ cābhivādanam | gurudāreṣu kurvīta satāṃ dharmmamanusmaran
After being away (from home), he should make salutation preceded by clasping the feet toward the teacher's wives, remembering the law of the good.
AI translation rendered from the Sanskrit, not a published edition
PdP 3 53.35
मातृष्वसा मातुलानी श्वश्रूश्चाथ पितृष्वसा । संपूज्या गुरुपत्नीवत्समास्ता गुरुभार्यया
mātṛṣvasā mātulānī śvaśrūścātha pitṛṣvasā | saṃpūjyā gurupatnīvatsamāstā gurubhāryayā
The mother's sister, the maternal uncle's wife, the mother-in-law, and also the father's sister are to be honoured like the teacher's wife: they are equal to the teacher's wife.
AI translation rendered from the Sanskrit, not a published edition
PdP 3 53.36
भ्रातृभार्याश्च संग्राह्या सवर्णा हन्यहन्यपि । विप्रोष्य तूपसंग्राह्या ज्ञातिसंबंधियोषितः
bhrātṛbhāryāśca saṃgrāhyā savarṇā hanyahanyapi | viproṣya tūpasaṃgrāhyā jñātisaṃbaṃdhiyoṣitaḥ
And brothers' wives of the same class are to be clasped (at the feet) day after day; but the women of one's kin and relations are to be clasped (at the feet) after returning from a journey.
AI translation rendered from the Sanskrit, not a published edition
PdP 3 53.37
पितुर्भगिन्या मातुश्च जायस्यां च स्वसर्यपि । मातृवद्वृत्तिमातिष्ठेन्माता ताभ्यो गरीयसी
piturbhaginyā mātuśca jāyasyāṃ ca svasaryapi | mātṛvadvṛttimātiṣṭhenmātā tābhyo garīyasī
Toward the father's sister and the mother's (sister), and toward the wife('s sister?) and toward one's own sister, he should maintain conduct as toward a mother; (yet) the mother is weightier than they.
AI translation rendered from the Sanskrit, not a published edition — the model flagged this verse as uncertain
PdP 3 53.38
एवमाचारसंपन्नमात्मवंतमदांभिकम् । वेदमध्यापयेद्धर्म्मं पुराणांगानि नित्यशः
evamācārasaṃpannamātmavaṃtamadāṃbhikam | vedamadhyāpayeddharmmaṃ purāṇāṃgāni nityaśaḥ
One thus endowed with (good) conduct, self-possessed, free from pretence, he should regularly teach the Veda, the law, the Purāṇas and the ancillary sciences.
AI translation rendered from the Sanskrit, not a published edition
PdP 3 53.39
संवत्सरोषिते शिष्ये गुरुर्ज्ञानमनिर्दिशन् । हरते दुष्कृतं तस्य शिष्यस्य वसतो गुरुः
saṃvatsaroṣite śiṣye gururjñānamanirdiśan | harate duṣkṛtaṃ tasya śiṣyasya vasato guruḥ
When a pupil has dwelt (with him) a year, a teacher who does not impart knowledge — that teacher takes upon himself the misdeed of the pupil who is dwelling (there).
AI translation rendered from the Sanskrit, not a published edition
PdP 3 53.40
आचार्यपुत्रः शुश्रूषुर्ज्ञानदो धार्मिकः शुचिः । शक्तोन्नदोंबुदः साधुरध्याप्यादश धर्मतः
ācāryaputraḥ śuśrūṣurjñānado dhārmikaḥ śuciḥ | śaktonnadoṃbudaḥ sādhuradhyāpyādaśa dharmataḥ
The teacher's son, one who is obedient, a giver of knowledge, a righteous man, a pure man, a capable man, a giver of food, a giver of water, a good man — (these) ten are, according to the law, to be taught.
AI translation rendered from the Sanskrit, not a published edition — the model flagged this verse as uncertain
PdP 3 53.41
कृतकंठस्तथाऽद्रोहः मेधावी गुरुकृन्नरः । आप्तः प्रियोऽथ विधिवत्षडध्याप्या द्विजातयः
kṛtakaṃṭhastathā'drohaḥ medhāvī gurukṛnnaraḥ | āptaḥ priyo'tha vidhivatṣaḍadhyāpyā dvijātayaḥ
One who has committed (the text) to memory, likewise one free of malice, an intelligent man, a man who serves his teacher, a trusted man, and a dear one — (these) six twice-born are to be taught according to rule.
AI translation rendered from the Sanskrit, not a published edition — the model flagged this verse as uncertain
PdP 3 53.42
एतेषु ब्राह्मणे दानमन्यत्र तु यथोचितम् । आचम्य संयतो नित्यमधीयीत उदङ्मुखः
eteṣu brāhmaṇe dānamanyatra tu yathocitam | ācamya saṃyato nityamadhīyīta udaṅmukhaḥ
Among these, the gift (is) to a brahmin; in other cases, as is fitting. Having sipped water, restrained, facing north, he should study regularly.
AI translation rendered from the Sanskrit, not a published edition — the model flagged this verse as uncertain
PdP 3 53.43
उपसंगृह्य तत्पादौ वीक्ष्यमाणो गुरोर्मुखम् । अधीष्व भो इति ब्रूयाद्विरामोऽस्त्विति चाऽरमेत्
upasaṃgṛhya tatpādau vīkṣyamāṇo gurormukham | adhīṣva bho iti brūyādvirāmo'stviti cā'ramet
Having clasped his (the teacher's) feet, gazing at the teacher's face, he should say, "Recite, sir," and he should stop (when the teacher says), "Let there be a pause."
AI translation rendered from the Sanskrit, not a published edition
PdP 3 53.44
प्राक्कूलान्पर्युपासीत पवित्रैश्चैव पावकः । प्राणायामैस्त्रिभिः पूतस्ततोंकारमर्हति
prākkūlānparyupāsīta pavitraiścaiva pāvakaḥ | prāṇāyāmaistribhiḥ pūtastatoṃkāramarhati
He should sit down upon (kuśa grasses) whose tips point east, and, purified by purifiers (pavitra grasses), cleansed by three breath-restraints, he is then fit for the syllable Om.
AI translation rendered from the Sanskrit, not a published edition
PdP 3 53.45
ब्राह्मणः प्रणवं कुर्यादंतेऽपि विधिवद्द्विजाः । कुर्यादध्यापनं नित्यं सब्रह्मांजलिपूर्वतः
brāhmaṇaḥ praṇavaṃ kuryādaṃte'pi vidhivaddvijāḥ | kuryādadhyāpanaṃ nityaṃ sabrahmāṃjalipūrvataḥ
A brahmin should make the praṇava (Om) at the beginning and also at the end according to rule, O twice-born; he should always do the teaching preceded by the joining of the palms with brahman (i.e., with the Om-salutation).
AI translation rendered from the Sanskrit, not a published edition — the model flagged this verse as uncertain
PdP 3 53.46
सर्वेषामेव भूतानां वेदश्चक्षुः सनातनः । अधीयीताप्ययं नित्यं ब्राह्मण्याद्धीयतेऽन्यथा
sarveṣāmeva bhūtānāṃ vedaścakṣuḥ sanātanaḥ | adhīyītāpyayaṃ nityaṃ brāhmaṇyāddhīyate'nyathā
The Veda is the eternal eye of all beings whatsoever; therefore one should study it always—otherwise one falls away from brahminhood.
AI translation rendered from the Sanskrit, not a published edition
PdP 3 53.47
अधीयीत ऋचो नित्यं क्षीराहुत्या सदेवताः । प्रीणाति तर्पयन्कालं कामैर्हूताः सदैवताः
adhīyīta ṛco nityaṃ kṣīrāhutyā sadevatāḥ | prīṇāti tarpayankālaṃ kāmairhūtāḥ sadaivatāḥ
One should recite the Ṛg verses regularly; (thereby) with an oblation of milk he gratifies (them) together with their deities—satisfying them in due time, he pleases them, (as if) invoked with offerings of the objects of desire together with their divinities.
AI translation rendered from the Sanskrit, not a published edition — the model flagged this verse as uncertain
PdP 3 53.48
यजूंष्यधीते नियतं दध्ना प्रीणाति देवताः । सामान्यधीते प्रीणाति घृताहुतिभिरन्वहम्
yajūṃṣyadhīte niyataṃ dadhnā prīṇāti devatāḥ | sāmānyadhīte prīṇāti ghṛtāhutibhiranvaham
He who studies the Yajus texts regularly gratifies the gods with curds; he who studies the Sāman gratifies (them) day by day with oblations of ghee.
AI translation rendered from the Sanskrit, not a published edition
PdP 3 53.49
अथर्वांगिरसो नित्यं मध्वा प्रीणाति देवताः । धर्मांगानि पुराणानि मांसैस्तर्पयतेसुरान्
atharvāṃgiraso nityaṃ madhvā prīṇāti devatāḥ | dharmāṃgāni purāṇāni māṃsaistarpayatesurān
He who studies the Atharva-Aṅgirasa texts regularly gratifies the gods with honey; (he who studies) the Purāṇas, which are limbs of dharma, satisfies the gods with meat.
AI translation rendered from the Sanskrit, not a published edition
PdP 3 53.50
प्रातश्च सायं प्रयतो नैत्यकं विधिमाश्रितः । गायत्रीं समधीयीत गत्वारण्यं समाहितः
prātaśca sāyaṃ prayato naityakaṃ vidhimāśritaḥ | gāyatrīṃ samadhīyīta gatvāraṇyaṃ samāhitaḥ
Morning and evening, self-restrained, keeping to the daily rule, he should recite the Gāyatrī, having gone into the forest, concentrated.
AI translation rendered from the Sanskrit, not a published edition
PdP 3 53.51
सहस्रपरमां देवीं शतमध्यां दशावराम् । गायत्रीं वै जपेन्नित्यं जपयज्ञः प्रकीर्तितः
sahasraparamāṃ devīṃ śatamadhyāṃ daśāvarām | gāyatrīṃ vai japennityaṃ japayajñaḥ prakīrtitaḥ
One should always mutter the Gāyatrī, the goddess, at most a thousand (times), a hundred at middling, ten at the least; this is declared to be the sacrifice of muttering.
AI translation rendered from the Sanskrit, not a published edition
PdP 3 53.52
गायत्रीं चैव वेदांश्च तुलया तोलयत्प्रभुः । एकतश्चतुरोवेदा गायत्रीं च तथैकतः
gāyatrīṃ caiva vedāṃśca tulayā tolayatprabhuḥ | ekataścaturovedā gāyatrīṃ ca tathaikataḥ
The Lord weighed the Gāyatrī and the Vedas on a balance: on one side the four Vedas, and on the other side the Gāyatrī (and it outweighed them).
AI translation rendered from the Sanskrit, not a published edition
PdP 3 53.53
ॐकारमादितः कृत्वा व्याहृतीस्तदनंतरम् । ततोऽधीयीत सावित्रीमेकाग्रः श्रद्धयान्वितः
oṃkāramāditaḥ kṛtvā vyāhṛtīstadanaṃtaram | tato'dhīyīta sāvitrīmekāgraḥ śraddhayānvitaḥ
Having put Om first, and the vyāhṛtis immediately after that, then one-pointed and filled with faith he should recite the Sāvitrī.
AI translation rendered from the Sanskrit, not a published edition
PdP 3 53.54
पुराकल्पे समुत्पन्ना भूर्भुवः स्वः सनातनाः । महाव्याहृतयस्तिस्रः सर्वाशुभनिबर्हणाः
purākalpe samutpannā bhūrbhuvaḥ svaḥ sanātanāḥ | mahāvyāhṛtayastisraḥ sarvāśubhanibarhaṇāḥ
Arisen in the former age, eternal, are Bhūḥ, Bhuvaḥ, Svaḥ, the three great vyāhṛtis, destroyers of all that is inauspicious.
AI translation rendered from the Sanskrit, not a published edition
PdP 3 53.55
प्रधानं पुरुषः कालो विष्णुब्रह्ममहेश्वराः । सत्वंरजस्तमस्तिस्रः क्रमाद्व्याहृतयः स्मृताः
pradhānaṃ puruṣaḥ kālo viṣṇubrahmamaheśvarāḥ | satvaṃrajastamastisraḥ kramādvyāhṛtayaḥ smṛtāḥ
Pradhāna, Puruṣa, Time; Viṣṇu, Brahmā, Maheśvara; sattva, rajas, tamas—these three are remembered, in order, as the vyāhṛtis.
AI translation rendered from the Sanskrit, not a published edition
PdP 3 53.56
ॐकारस्तत्परं ब्रह्म सावित्री स्यात्तदुत्तरम् । एष मंत्रो महायोगः सारात्सार उदाहृतः
oṃkārastatparaṃ brahma sāvitrī syāttaduttaram | eṣa maṃtro mahāyogaḥ sārātsāra udāhṛtaḥ
Om is that supreme brahman; the Sāvitrī comes after it. This mantra is the great yoga, declared to be the essence of the essence.
AI translation rendered from the Sanskrit, not a published edition
PdP 3 53.57
योऽधीतेऽहन्यहन्येतां गायत्रीं वेदमातरम् । विज्ञायार्थं ब्रह्मचारी स याति परमां गतिम्
yo'dhīte'hanyahanyetāṃ gāyatrīṃ vedamātaram | vijñāyārthaṃ brahmacārī sa yāti paramāṃ gatim
The chaste student who day after day recites this Gāyatrī, the mother of the Vedas, having understood its meaning, goes to the highest goal.
AI translation rendered from the Sanskrit, not a published edition
PdP 3 53.58
गायत्री वेदजननी गायत्री लोकपावनी । गायत्र्या न परं जप्यमेतद्विज्ञायमुच्यते
gāyatrī vedajananī gāyatrī lokapāvanī | gāyatryā na paraṃ japyametadvijñāyamucyate
The Gāyatrī is the mother of the Veda, the Gāyatrī is the purifier of the world; there is no muttered prayer higher than the Gāyatrī—this is said with (full) knowledge.
AI translation rendered from the Sanskrit, not a published edition
PdP 3 53.59
श्रावणस्य तु मासस्य पौर्णमास्यां द्विजोत्तमाः । आषाढ्यां प्रोष्ठपद्यां वा वेदोपाकरणं स्मृतम्
śrāvaṇasya tu māsasya paurṇamāsyāṃ dvijottamāḥ | āṣāḍhyāṃ proṣṭhapadyāṃ vā vedopākaraṇaṃ smṛtam
On the full-moon day of the month Śrāvaṇa, O best of the twice-born, or on the Āṣāḍha or the Proṣṭhapada full moon, the commencement of Veda-study is prescribed.
AI translation rendered from the Sanskrit, not a published edition
PdP 3 53.60
यत्सूर्ययाम्यगमनं मासान्विप्रोर्द्धपंचमान् । अधीयीत शुचौ देशे ब्रह्मचारी समाहितः
yatsūryayāmyagamanaṃ māsānviprorddhapaṃcamān | adhīyīta śucau deśe brahmacārī samāhitaḥ
For four and a half months, during which the sun goes southward, the chaste student, concentrated, should study in a clean place.
AI translation rendered from the Sanskrit, not a published edition — the model flagged this verse as uncertain
PdP 3 53.61
पुष्ये तुच्छंदसां कुर्याद्बहिरुत्सर्जनं द्विजः । मासि शुक्लस्य वा प्राप्ते पूर्वाह्णे प्रथमेऽहनि
puṣye tucchaṃdasāṃ kuryādbahirutsarjanaṃ dvijaḥ | māsi śuklasya vā prāpte pūrvāhṇe prathame'hani
Under (the constellation) Puṣya the twice-born should perform the concluding rite (utsarjana) of the Vedic hymns outside (the village), or when the bright fortnight of the month has come, in the forenoon of its first day.
AI translation rendered from the Sanskrit, not a published edition — the model flagged this verse as uncertain
PdP 3 53.62
छदांसि च द्विजोऽभ्यस्येच्छुक्लपक्षे तु वै द्विजः । वेदांगानि पुराणानि कृष्णपक्षेषु मानवः
chadāṃsi ca dvijo'bhyasyecchuklapakṣe tu vai dvijaḥ | vedāṃgāni purāṇāni kṛṣṇapakṣeṣu mānavaḥ
And the twice-born should practise the Vedic hymns in the bright fortnight; a man should practise the Vedāṅgas and the Purāṇas in the dark fortnights.
AI translation rendered from the Sanskrit, not a published edition
PdP 3 53.63
इमान्नित्यमनध्यायानधीयानो विवर्जयेत् । अध्यापनं च कुर्वाणोऽभ्यस्यन्नपि प्रयत्नतः
imānnityamanadhyāyānadhīyāno vivarjayet | adhyāpanaṃ ca kurvāṇo'bhyasyannapi prayatnataḥ
One who is studying should always avoid these occasions of non-recitation; likewise one who is teaching, and one who is diligently practising (recitation).
AI translation rendered from the Sanskrit, not a published edition
PdP 3 53.64
कर्णश्रवेऽनिले रात्रौ दिवापांसुसमूहने । विद्युत्स्तनितवर्षेषु महोल्कानां च संप्लवे
karṇaśrave'nile rātrau divāpāṃsusamūhane | vidyutstanitavarṣeṣu maholkānāṃ ca saṃplave
When the wind is audible to the ear at night, when by day there is a swirling of dust, during lightning, thunder and rains, and at the falling of great meteors—
AI translation rendered from the Sanskrit, not a published edition
PdP 3 53.65
अकालिकमनध्यायमेतेष्वाह प्रजापतिः । एतानभ्युदिनान्विद्याद्यदा प्रादुष्कृताग्निषु
akālikamanadhyāyameteṣvāha prajāpatiḥ | etānabhyudinānvidyādyadā prāduṣkṛtāgniṣu
in these Prajāpati has declared an untimely (occasional) suspension of study. One should know these as (occurring) on such days, when fires have been kindled forth;
AI translation rendered from the Sanskrit, not a published edition — the model flagged this verse as uncertain
PdP 3 53.66
तदा विद्यादनध्यायमनृतौ चाभ्रदर्शने । निर्घाते भूमिचलने ज्योतिषां चोपसर्जने
tadā vidyādanadhyāyamanṛtau cābhradarśane | nirghāte bhūmicalane jyotiṣāṃ copasarjane
then he should know it a non-study time; also at the sight of clouds out of season, at a thunderclap, at an earthquake, and at the obscuring of the heavenly lights.
AI translation rendered from the Sanskrit, not a published edition
PdP 3 53.67
एतानकालिकान्विद्यादनध्यायानृतावपि । प्रादुष्कृतेष्वग्निषु च विद्युत्स्तनितनिस्वने
etānakālikānvidyādanadhyāyānṛtāvapi | prāduṣkṛteṣvagniṣu ca vidyutstanitanisvane
One should know these as untimely non-study occasions even in the proper season; also when fires have been kindled forth, and at the sound of lightning and thunder.
AI translation rendered from the Sanskrit, not a published edition
PdP 3 53.68
सज्योतिः स्यादनध्यायः शेषे रात्रौ यथा दिवा । नित्यानध्याय एव स्याद्ग्रामेषु नगरेषु च
sajyotiḥ syādanadhyāyaḥ śeṣe rātrau yathā divā | nityānadhyāya eva syādgrāmeṣu nagareṣu ca
While the light (of the flash) lasts there should be no study; for the remainder of the night as by day. And there is a permanent suspension of study in villages and in towns,
AI translation rendered from the Sanskrit, not a published edition — the model flagged this verse as uncertain
PdP 3 53.69
धर्मनैपुण्यकामानां पूतिगंधे च नित्यशः । अंतः शवगतेग्रामे वृषलस्य च सन्निधौ
dharmanaipuṇyakāmānāṃ pūtigaṃdhe ca nityaśaḥ | aṃtaḥ śavagategrāme vṛṣalasya ca sannidhau
for those who desire proficiency in dharma; and always where there is a foul smell; within a village where a corpse lies, and in the vicinity of a low-born man.
AI translation rendered from the Sanskrit, not a published edition
PdP 3 53.70
अनध्यायोरुद्यमाने समये जलदस्य च । उदके चार्धरात्रे च विण्मूत्रं च विसर्जयन्
anadhyāyorudyamāne samaye jaladasya ca | udake cārdharātre ca viṇmūtraṃ ca visarjayan
There is no study when a raincloud rises up, and at the season of the rain-giver; and in water, and at midnight, and while voiding excrement and urine.
AI translation rendered from the Sanskrit, not a published edition — the model flagged this verse as uncertain
PdP 3 53.71
उच्छिष्टः श्राद्धभुक्चैव मनसापि न चिंतयेत् । प्रतिगृह्य द्विजो विद्वानेकोद्दिष्टस्य वेतनम्
ucchiṣṭaḥ śrāddhabhukcaiva manasāpi na ciṃtayet | pratigṛhya dvijo vidvānekoddiṣṭasya vetanam
One who has food-remnants (in his mouth) and one who has eaten śrāddha food should not think of (the Veda) even in his mind; nor a learned brahmin who has accepted the fee for an ekoddiṣṭa rite.
AI translation rendered from the Sanskrit, not a published edition
PdP 3 53.72
त्र्यहं न कारयेद्ब्रह्म राज्ञो राहोश्च सूतके । यावदेकान्ननिष्ठा स्यात्स्नेहालोपश्च तिष्ठति
tryahaṃ na kārayedbrahma rājño rāhośca sūtake | yāvadekānnaniṣṭhā syātsnehālopaśca tiṣṭhati
For three days he should not have the Veda recited: at the birth-impurity of a king, and at Rāhu's (eclipse); as long as the one-food observance lasts and the smearing with oil remains.
AI translation rendered from the Sanskrit, not a published edition — the model flagged this verse as uncertain
PdP 3 53.73
विप्रस्य विदुषो देहे तावद्ब्रह्म न कीर्तयेत् । शयानः प्रौढपादश्च कृत्वा चैवावसक्थिकाम्
viprasya viduṣo dehe tāvadbrahma na kīrtayet | śayānaḥ prauḍhapādaśca kṛtvā caivāvasakthikām
So long as the body of a learned brahmin (lies in the village), he should not utter the Veda; nor lying down, nor with the feet raised, nor sitting with the garment bound about the knees.
AI translation rendered from the Sanskrit, not a published edition
PdP 3 53.74
नाधीयीतामिषं जग्ध्वा शूद्रश्राद्धान्नमेव च । नीहारे बाणशब्दे च संध्ययोरुभयोरपि
nādhīyītāmiṣaṃ jagdhvā śūdraśrāddhānnameva ca | nīhāre bāṇaśabde ca saṃdhyayorubhayorapi
He should not recite after eating meat, nor śrāddha food of a śūdra; nor in fog, nor at the sound of arrows, nor at either of the two twilights.
AI translation rendered from the Sanskrit, not a published edition
PdP 3 53.75
अमावास्या चतुर्दश्योः पौर्णमास्यष्टमीषु च । उपाकर्मणि चोत्सर्गे त्रिरात्रं क्षपणं स्मृतम्
amāvāsyā caturdaśyoḥ paurṇamāsyaṣṭamīṣu ca | upākarmaṇi cotsarge trirātraṃ kṣapaṇaṃ smṛtam
On the new-moon, fourteenth, full-moon and eighth days, and at the commencement and the concluding of study, a three-night abstention is prescribed.
AI translation rendered from the Sanskrit, not a published edition
PdP 3 53.76
अष्टकासु अहोरात्रमृत्वंतासु च रात्रिषु । मार्गशीर्षे तथा पौषे माघमासे तथैव च
aṣṭakāsu ahorātramṛtvaṃtāsu ca rātriṣu | mārgaśīrṣe tathā pauṣe māghamāse tathaiva ca
On the aṣṭakā days, a day and a night; and on the nights at the ends of the seasons; in Mārgaśīrṣa, in Pauṣa, and likewise in the month of Māgha.
AI translation rendered from the Sanskrit, not a published edition
PdP 3 53.77
तिस्रोऽष्टकाः समाख्याता कृष्णपक्षेषु सूरिभिः । श्लेष्मातकस्य च्छायायां शाल्मलेर्मधुकस्य च
tisro'ṣṭakāḥ samākhyātā kṛṣṇapakṣeṣu sūribhiḥ | śleṣmātakasya cchāyāyāṃ śālmalermadhukasya ca
Three aṣṭakās are declared by the wise (to fall) in the dark fortnights. In the shade of the śleṣmātaka, of the śālmali and of the madhuka,
AI translation rendered from the Sanskrit, not a published edition
PdP 3 53.78
कदाचिदपि नाध्येयं कोविदारकपित्थयोः । समानविद्ये च मृते तथा सब्रह्मचारिणि
kadācidapi nādhyeyaṃ kovidārakapitthayoḥ | samānavidye ca mṛte tathā sabrahmacāriṇi
and of the kovidāra and the kapittha, one should never study; also when one of equal learning has died, and likewise a fellow student;
AI translation rendered from the Sanskrit, not a published edition
PdP 3 53.79
आचार्ये संस्थिते चापि त्रिरात्रं क्षपणं स्मृतम् । छिद्राण्येतानि विप्राणामनध्यायाः प्रकीर्तिताः
ācārye saṃsthite cāpi trirātraṃ kṣapaṇaṃ smṛtam | chidrāṇyetāni viprāṇāmanadhyāyāḥ prakīrtitāḥ
and when the teacher has passed away, a three-night abstention is prescribed. These are proclaimed the vulnerable points of brahmins, the times of non-study.
AI translation rendered from the Sanskrit, not a published edition
PdP 3 53.80
हिंसंति राक्षसास्तेषु तस्मादेतान्विवर्जयेत् । नैत्यकेनास्त्यनध्यायः संध्योपासनमेव च
hiṃsaṃti rākṣasāsteṣu tasmādetānvivarjayet | naityakenāstyanadhyāyaḥ saṃdhyopāsanameva ca
Rākṣasas injure (those who study) at these times; therefore one should avoid them. With the daily obligatory rites there is no suspension of study, nor with the worship at the twilights,
AI translation rendered from the Sanskrit, not a published edition
PdP 3 53.81
उपाकर्म्मणि होमांते होममध्ये तथैव च । एकामृचमथैकं वा यजुः सामानि वा पुनः
upākarmmaṇi homāṃte homamadhye tathaiva ca | ekāmṛcamathaikaṃ vā yajuḥ sāmāni vā punaḥ
nor at the commencement of study, nor at the end of the oblation, nor likewise in the middle of the oblation: (there one may recite) a single ṛc, or one yajus, or sāman verses.
AI translation rendered from the Sanskrit, not a published edition — the model flagged this verse as uncertain
PdP 3 53.82
नाष्टकाद्यास्वधीयीत मारुते चाभिधावति । अनध्यायस्तु नांगेषु नेतिहासपुराणयोः
nāṣṭakādyāsvadhīyīta mārute cābhidhāvati | anadhyāyastu nāṃgeṣu netihāsapurāṇayoḥ
He should not study on the aṣṭakās and the rest, nor when the wind rushes on; but there is no suspension of study for the ancillary sciences, nor for epic and purāṇa.
AI translation rendered from the Sanskrit, not a published edition
PdP 3 53.83
न धर्मशास्त्रेष्वन्येषु सर्वाण्येतानि वर्जयेत् । एष धर्मः समासेन कीर्तितो ब्रह्मचारिणः
na dharmaśāstreṣvanyeṣu sarvāṇyetāni varjayet | eṣa dharmaḥ samāsena kīrtito brahmacāriṇaḥ
Nor in the dharma-treatises nor in the others; (but at such times) he should avoid all of these. This is, in brief, the duty declared for the student of the Veda.
AI translation rendered from the Sanskrit, not a published edition — the model flagged this verse as uncertain
PdP 3 53.84
ब्रह्मणाऽभिहितः पूर्वमृषीणां भावितात्मनाम् । योऽन्यत्र कुरुते यत्नमनधीत्य श्रुतिं द्विजः
brahmaṇā'bhihitaḥ pūrvamṛṣīṇāṃ bhāvitātmanām | yo'nyatra kurute yatnamanadhītya śrutiṃ dvijaḥ
(It was) declared of old by Brahmā to the sages of purified nature. The twice-born who, without having studied the Veda, makes his effort elsewhere—
AI translation rendered from the Sanskrit, not a published edition
PdP 3 53.85
स संमूढो न संभाष्यो वेदबाह्यो द्विजातिभिः । न वेदपाठमात्रेण संतुष्टो वै भवेद्द्विजः
sa saṃmūḍho na saṃbhāṣyo vedabāhyo dvijātibhiḥ | na vedapāṭhamātreṇa saṃtuṣṭo vai bhaveddvijaḥ
—he is utterly deluded, not to be spoken with by the twice-born, outside the Veda. And a twice-born should not be content with mere recitation of the Veda.
AI translation rendered from the Sanskrit, not a published edition
PdP 3 53.86
पाठमात्रावसानस्तु पंके गौरिव सीदति । योऽधीत्य विधिवद्वेदं वेदार्थं न विचारयेत्
pāṭhamātrāvasānastu paṃke gauriva sīdati | yo'dhītya vidhivadvedaṃ vedārthaṃ na vicārayet
He who stops at mere recitation sinks like a cow in mud. He who, having studied the Veda according to rule, does not reflect on the meaning of the Veda—
AI translation rendered from the Sanskrit, not a published edition
PdP 3 53.87
स संमूढः शूद्रकल्पः पात्रतां न प्रपद्यते । यदित्वात्यंतिकं वासं कर्तुमिच्छति वै गुरौ
sa saṃmūḍhaḥ śūdrakalpaḥ pātratāṃ na prapadyate | yaditvātyaṃtikaṃ vāsaṃ kartumicchati vai gurau
—he is deluded, like a śūdra, and does not attain worthiness (to receive gifts). But if he wishes to make his dwelling with the teacher permanent,
AI translation rendered from the Sanskrit, not a published edition
PdP 3 53.88
युक्तः परिचरेदेनमाशरीरविमोक्षणम् । गत्वा वनं च विधिवज्जुहुयाज्जातवेदसम्
yuktaḥ paricaredenamāśarīravimokṣaṇam | gatvā vanaṃ ca vidhivajjuhuyājjātavedasam
let him, disciplined, attend upon him until the release from the body; and having gone to the forest, let him offer oblations to Fire (Jātavedas) according to rule.
AI translation rendered from the Sanskrit, not a published edition
PdP 3 53.89
अधीयीत तथा नित्यं ब्रह्मनिष्ठः समाहितः । सावित्रीं शतरुद्रीयं वेदांतांश्च विशेषतः । अभ्यसेत्सततं युक्तो भिक्षाशनपरायणः
adhīyīta tathā nityaṃ brahmaniṣṭhaḥ samāhitaḥ | sāvitrīṃ śatarudrīyaṃ vedāṃtāṃśca viśeṣataḥ | abhyasetsatataṃ yukto bhikṣāśanaparāyaṇaḥ
And he should study constantly, fixed on brahman and concentrated; the Sāvitrī, the Śatarudrīya, and especially the Vedāntas he should recite continually, disciplined, devoted to eating alms-food.
AI translation rendered from the Sanskrit, not a published edition
PdP 3 53.90
एतद्विधानं परमं पुराणं वेदागमे सम्यगिहोदितं वः । पुरा महर्षिप्रवराभिपृष्टः स्वायंभुवो यन्मनुराह देवः
etadvidhānaṃ paramaṃ purāṇaṃ vedāgame samyagihoditaṃ vaḥ | purā maharṣipravarābhipṛṣṭaḥ svāyaṃbhuvo yanmanurāha devaḥ
This supreme ancient ordinance has been fully declared to you here in the Veda and Āgama—what the god Manu Svāyaṃbhuva said of old, when questioned by the foremost of the great sages.
AI translation rendered from the Sanskrit, not a published edition