Padma Purana — Svarga Khanda — Chapter 52
PdP 3 52.1
व्यास उवाच- भुक्त्वा पीत्वा च सुप्त्वा च स्नात्वा रथ्योपसर्पणे । ओष्ठावलोमकौ स्पृष्ट्वा वासो विपरिधाय च
vyāsa uvāca- bhuktvā pītvā ca suptvā ca snātvā rathyopasarpaṇe | oṣṭhāvalomakau spṛṣṭvā vāso viparidhāya ca
Vyāsa said: After eating, drinking, sleeping, bathing, and going out on the road; after touching the lips and the body-hair, and after putting on a garment;
AI translation rendered from the Sanskrit, not a published edition — the model flagged this verse as uncertain
PdP 3 52.2
रेतोमूत्रपुरीषाणामुत्सर्गेऽनृतभाषणे । ष्ठीवित्वाऽध्ययनारंभे कासश्वासागमे तथा
retomūtrapurīṣāṇāmutsarge'nṛtabhāṣaṇe | ṣṭhīvitvā'dhyayanāraṃbhe kāsaśvāsāgame tathā
at the discharge of semen, urine and faeces; at the speaking of untruth; after spitting; at the beginning of study; and likewise at the onset of coughing or panting;
AI translation rendered from the Sanskrit, not a published edition
PdP 3 52.3
चत्वरं वा श्मशानं वा समाक्रम्य द्विजोत्तमः । संध्ययोरुभयोस्तद्वदाचांतोऽप्याचमेत्पुनः
catvaraṃ vā śmaśānaṃ vā samākramya dvijottamaḥ | saṃdhyayorubhayostadvadācāṃto'pyācametpunaḥ
or when the best of the twice-born has walked over a crossroads or a cremation ground; likewise at both twilights — even if he has already sipped water, he should sip again;
AI translation rendered from the Sanskrit, not a published edition
PdP 3 52.4
चंडालम्लेच्छसंभाषे स्त्रीशूद्रोच्छिष्टभाषणे । उच्छिष्टं पुरुषं दृष्ट्वा भोज्यं चापि तथाविधम्
caṃḍālamlecchasaṃbhāṣe strīśūdrocchiṣṭabhāṣaṇe | ucchiṣṭaṃ puruṣaṃ dṛṣṭvā bhojyaṃ cāpi tathāvidham
on conversing with a Caṇḍāla or a barbarian, on speaking to a woman or a Śūdra with food-remnants in the mouth, on seeing a man with food-remnants in his mouth, or food of that kind as well —
AI translation rendered from the Sanskrit, not a published edition
PdP 3 52.5
आचामेदश्रुपाते वा लोहितस्य तथैव च । भोजने संध्ययोः स्नात्वा पीत्वा मूत्रपुरीषयोः
ācāmedaśrupāte vā lohitasya tathaiva ca | bhojane saṃdhyayoḥ snātvā pītvā mūtrapurīṣayoḥ
he should sip water; also at the falling of tears, and likewise of blood; at eating, at the two twilights, after bathing, after drinking, at (voiding) urine and faeces;
AI translation rendered from the Sanskrit, not a published edition
PdP 3 52.6
आगतो वाचमेत्सुप्त्वा सकृत्सकृदथान्यतः । अग्नेर्गवामथालंभे स्पृष्ट्वा प्रयतमेव वा
āgato vācametsuptvā sakṛtsakṛdathānyataḥ | agnergavāmathālaṃbhe spṛṣṭvā prayatameva vā
and having come (from somewhere) he should sip water; after sleeping, once each; and again elsewhere at the taking of fire or of cows, or on touching one who is purified;
AI translation rendered from the Sanskrit, not a published edition — the model flagged this verse as uncertain
PdP 3 52.7
स्त्रीणामथात्मनः स्पर्शे नीलद्यं वा परिधाय च । उपस्पर्शेज्जलं वार्तं तृणं वा भूमिमेव च
strīṇāmathātmanaḥ sparśe nīladyaṃ vā paridhāya ca | upasparśejjalaṃ vārtaṃ tṛṇaṃ vā bhūmimeva ca
and at the touch of women or of himself, and after putting on a blue (garment) and so forth, he should touch water, or grass, or the ground itself.
AI translation rendered from the Sanskrit, not a published edition — the model flagged this verse as uncertain
PdP 3 52.8
केशानां चात्मनः स्पर्शे वाससः स्खलितस्य च । अनुष्णाभिरकेशाभिरदुष्टाभिश्च धर्मतः
keśānāṃ cātmanaḥ sparśe vāsasaḥ skhalitasya ca | anuṣṇābhirakeśābhiraduṣṭābhiśca dharmataḥ
And at the touch of his own hair or of his garment, and when he has stumbled — (he should sip) with water that is not hot, free of hairs and undefiled, as prescribed.
AI translation rendered from the Sanskrit, not a published edition — the model flagged this verse as uncertain
PdP 3 52.9
शौचेऽप्सु सर्वदा चामेदासीनः प्रागुदङ्मुखः । शिरः प्रावृत्य कंठं वा मुक्तकेशशिखोऽपि वा
śauce'psu sarvadā cāmedāsīnaḥ prāgudaṅmukhaḥ | śiraḥ prāvṛtya kaṃṭhaṃ vā muktakeśaśikho'pi vā
For purification in water he should always sip, seated facing east or north; but not with the head or the neck covered, nor with hair and topknot loosened.
AI translation rendered from the Sanskrit, not a published edition — the model flagged this verse as uncertain
PdP 3 52.10
अकृत्वा पादयोः शौचं मार्गतो न शुचिर्भवेत् । सोपानत्कोपानस्थो वा नोष्णीषी चाचमेद्बुधः
akṛtvā pādayoḥ śaucaṃ mārgato na śucirbhavet | sopānatkopānastho vā noṣṇīṣī cācamedbudhaḥ
Without having washed the feet (after coming) from the road, one does not become pure; nor should a wise man sip water wearing sandals, or standing upon sandals, or wearing a turban.
AI translation rendered from the Sanskrit, not a published edition
PdP 3 52.11
न चैव वर्षधाराभिर्न तिष्ठन्नुद्धृतोदकैः । नैकहस्तार्पितजलैर्विना सूत्रेण वा पुनः
na caiva varṣadhārābhirna tiṣṭhannuddhṛtodakaiḥ | naikahastārpitajalairvinā sūtreṇa vā punaḥ
And not with streams of rain, nor standing, nor with water that has been drawn up (and set aside), nor with water offered with one hand only, nor again without the sacred thread.
AI translation rendered from the Sanskrit, not a published edition
PdP 3 52.12
न पादुकासनस्थो वा बहिर्जानुरथापि वा । न जल्पन्न हसन्प्रेक्षन्शयानस्तल्प एव च
na pādukāsanastho vā bahirjānurathāpi vā | na jalpanna hasanprekṣanśayānastalpa eva ca
Nor seated on sandals, nor with the knees uncovered (bahirjānu), nor while chattering, nor while laughing, nor while looking about, nor lying down on a bed.
AI translation rendered from the Sanskrit, not a published edition — the model flagged this verse as uncertain
PdP 3 52.13
नाविक्षिताभिः फेनाद्यैरुपेताभिरथापि वा । शूद्राशुचिकरोन्मुक्तैर्नक्षाराभिस्तथैव च
nāvikṣitābhiḥ phenādyairupetābhirathāpi vā | śūdrāśucikaronmuktairnakṣārābhistathaiva ca
Not with (waters) unexamined, nor with those covered with foam and the like, nor with those released from the hand of a śūdra or an impure person, and likewise not with saline waters.
AI translation rendered from the Sanskrit, not a published edition
PdP 3 52.14
न चैवांगुलिभिः शब्दं न कुर्यान्नान्यमानसः । न वर्णरसदुष्टाभिर्न चैव प्रदरोदकैः
na caivāṃgulibhiḥ śabdaṃ na kuryānnānyamānasaḥ | na varṇarasaduṣṭābhirna caiva pradarodakaiḥ
And he should not make a sound with the fingers, nor (sip) with his mind on something else; nor with (waters) spoiled in colour or taste, nor with water from a fissure.
AI translation rendered from the Sanskrit, not a published edition — the model flagged this verse as uncertain
PdP 3 52.15
न पाणिक्षुभिताभिर्वा न बहिर्गंध एव वा । हृद्गाभिः पूयते विप्रः कंठ्याभिः क्षत्रियः शुचिः
na pāṇikṣubhitābhirvā na bahirgaṃdha eva vā | hṛdgābhiḥ pūyate vipraḥ kaṃṭhyābhiḥ kṣatriyaḥ śuciḥ
Nor with (waters) stirred up by the hand, nor when there is a foul smell about them. A brahmin is purified by (waters) reaching the heart, a kṣatriya is pure by those reaching the throat.
AI translation rendered from the Sanskrit, not a published edition
PdP 3 52.16
प्राशिताभिस्तथा वैश्यः स्त्रीशूद्रौ स्पर्शतोंऽततः । अंगुष्ठमूलांतरतो रेखायां ब्राह्ममुच्यते
prāśitābhistathā vaiśyaḥ strīśūdrau sparśatoṃ'tataḥ | aṃguṣṭhamūlāṃtarato rekhāyāṃ brāhmamucyate
So too a vaiśya by (waters) taken into the mouth; a woman and a śūdra by mere touching, at the very end. On the line inside the base of the thumb, the brāhma (tīrtha) is declared to be.
AI translation rendered from the Sanskrit, not a published edition — the model flagged this verse as uncertain
PdP 3 52.17
अंतरांगुष्ठदेशिन्यैः पितॄणां तीर्थमुच्यते । कनिष्ठामूलतः पश्चात्प्राजापत्यं प्रचक्षते
aṃtarāṃguṣṭhadeśinyaiḥ pitṝṇāṃ tīrthamucyate | kaniṣṭhāmūlataḥ paścātprājāpatyaṃ pracakṣate
Between the thumb and the forefinger the tīrtha of the fathers is declared; behind, at the base of the little finger, they proclaim the prājāpatya (tīrtha).
AI translation rendered from the Sanskrit, not a published edition
PdP 3 52.18
अंगुल्यग्रं स्मृतं दैवं तदेवार्षं प्रकीर्तितम् । मूलेन दैवमार्षं स्यादाग्नेयं मध्यतः स्मृतम्
aṃgulyagraṃ smṛtaṃ daivaṃ tadevārṣaṃ prakīrtitam | mūlena daivamārṣaṃ syādāgneyaṃ madhyataḥ smṛtam
The fingertip is remembered as the daiva, and that same is proclaimed the ārṣa; by the base it would be the daiva-ārṣa, and the middle is remembered as āgneya.
AI translation rendered from the Sanskrit, not a published edition — the model flagged this verse as uncertain
PdP 3 52.19
तदेव सौमिकं तीर्थमेतज्ज्ञात्वा न मुह्यति । ब्राह्मेणैव तु तीर्थेन द्विजो नित्यमुपस्पृशेत्
tadeva saumikaṃ tīrthametajjñātvā na muhyati | brāhmeṇaiva tu tīrthena dvijo nityamupaspṛśet
That same is the saumika tīrtha; knowing this, one is not confused. But a twice-born should always sip water with the brāhma tīrtha alone.
AI translation rendered from the Sanskrit, not a published edition
PdP 3 52.20
होमयेद्वाथ दैवेन न तु पित्र्येण वै द्विजाः । त्रिःप्राश्नीयादपः पूर्वं ब्राह्मेण प्रयतस्ततः
homayedvātha daivena na tu pitryeṇa vai dvijāḥ | triḥprāśnīyādapaḥ pūrvaṃ brāhmeṇa prayatastataḥ
Or he may make oblation with the daiva, but never with the pitrya, O twice-born ones. First, being restrained, he should sip water three times with the brāhma; then,
AI translation rendered from the Sanskrit, not a published edition
PdP 3 52.21
संमृज्यांगुष्ठमूलेन मुखं वै समुपस्पृशेत् । अंगुष्ठानामिकाभ्यां तु स्पृशेन्नेत्रद्वयं ततः
saṃmṛjyāṃguṣṭhamūlena mukhaṃ vai samupaspṛśet | aṃguṣṭhānāmikābhyāṃ tu spṛśennetradvayaṃ tataḥ
having wiped (the lips) with the base of the thumb, he should touch the mouth; then with the thumb and the ring finger he should touch the two eyes.
AI translation rendered from the Sanskrit, not a published edition
PdP 3 52.22
तर्जन्यंगुष्ठयोगेन स्पृशेन्नासापुटद्वयम् । कनिष्ठांगुष्ठयोगेन श्रवणे समुस्पृशेत्
tarjanyaṃguṣṭhayogena spṛśennāsāpuṭadvayam | kaniṣṭhāṃguṣṭhayogena śravaṇe samuspṛśet
With the forefinger joined to the thumb he should touch the two nostrils; with the little finger joined to the thumb he should touch the two ears.
AI translation rendered from the Sanskrit, not a published edition
PdP 3 52.23
सर्वासामथयोगेन हृदयं तु तनवा । स्पृशेद्वै शिरसस्तद्वदंगुष्ठेनांसकद्वयम्
sarvāsāmathayogena hṛdayaṃ tu tanavā | spṛśedvai śirasastadvadaṃguṣṭhenāṃsakadvayam
Then with all (the fingers) together (he should touch) the heart with the flat (of the hand); and likewise he should touch the head, and with the thumb the two shoulders.
AI translation rendered from the Sanskrit, not a published edition — the model flagged this verse as uncertain
PdP 3 52.24
त्रिःप्राश्नीयाद्यदंभस्तु प्रीतास्तेनास्य देवताः । ब्रह्माविष्णुर्महेशश्च भवंतीत्यनुशुश्रुम
triḥprāśnīyādyadaṃbhastu prītāstenāsya devatāḥ | brahmāviṣṇurmaheśaśca bhavaṃtītyanuśuśruma
By whatever water he sips three times, the deities are pleased with him thereby: Brahmā, Viṣṇu and Maheśa become (pleased) — thus have we heard.
AI translation rendered from the Sanskrit, not a published edition
PdP 3 52.25
गंगा च यमुना चैव प्रीयेते परिमार्जनात् । संस्पृष्टयोर्लोचनयोः प्रीयेते शशिभास्करौ
gaṃgā ca yamunā caiva prīyete parimārjanāt | saṃspṛṣṭayorlocanayoḥ prīyete śaśibhāskarau
And Gaṅgā and Yamunā are pleased by the wiping (of the mouth); when the two eyes are touched, the moon and the sun are pleased.
AI translation rendered from the Sanskrit, not a published edition
PdP 3 52.26
नासत्यदस्रौ प्रीयेते स्पृशेन्नासापुटद्वयम् । कर्णयोः स्पृष्टयोस्तद्वत्प्रीयेते चानिलानलौ
nāsatyadasrau prīyete spṛśennāsāpuṭadvayam | karṇayoḥ spṛṣṭayostadvatprīyete cānilānalau
The Nāsatya and the Dasra are pleased — he should touch the two nostrils; likewise, when the two ears are touched, Wind and Fire are pleased.
AI translation rendered from the Sanskrit, not a published edition
PdP 3 52.27
संस्पृष्टे हृदये चास्य प्रीयंते सर्वदेवताः । मूर्ध्नि संस्पर्शनादेकः प्रीतः स पुरुषो भवेत्
saṃspṛṣṭe hṛdaye cāsya prīyaṃte sarvadevatāḥ | mūrdhni saṃsparśanādekaḥ prītaḥ sa puruṣo bhavet
And when his heart is touched, all the deities are pleased; by the touching of the head, the One Person becomes pleased.
AI translation rendered from the Sanskrit, not a published edition
PdP 3 52.28
नोच्छिष्टं कुर्वते वक्त्रे विप्रुषोंगे लगंति याः । दंतवद्दंतलग्नेषु जिह्वास्पर्शे शुचिर्भवेत्
nocchiṣṭaṃ kurvate vaktre vipruṣoṃge lagaṃti yāḥ | daṃtavaddaṃtalagneṣu jihvāsparśe śucirbhavet
The droplets which cling to a limb do not make the mouth ucchiṣṭa; as with the teeth — in the case of things stuck to the teeth, one becomes pure on touching them with the tongue.
AI translation rendered from the Sanskrit, not a published edition — the model flagged this verse as uncertain
PdP 3 52.29
स्पृशंति बिंदवः पादौ य आचामयतः परान् । भूमिपांशुसमा ज्ञेया न तैरस्पृश्यता भवेत्
spṛśaṃti biṃdavaḥ pādau ya ācāmayataḥ parān | bhūmipāṃśusamā jñeyā na tairaspṛśyatā bhavet
The drops which touch the feet of one who is causing others to sip water are to be known as equal to the dust of the ground; no untouchability arises through them.
AI translation rendered from the Sanskrit, not a published edition
PdP 3 52.30
मधुपर्के च सोमे च तांबूलस्य च भक्षणे । फलमूले चेक्षुदंडेन दोषं प्राह वै मनुः
madhuparke ca some ca tāṃbūlasya ca bhakṣaṇe | phalamūle cekṣudaṃḍena doṣaṃ prāha vai manuḥ
In the honey-mixture (madhuparka) and in soma and in the chewing of betel, and in fruit and root (eaten) with a stalk of sugarcane — Manu has declared a fault (in these).
AI translation rendered from the Sanskrit, not a published edition — the model flagged this verse as uncertain
PdP 3 52.31
प्रचरंश्चान्नपानेषु द्रव्यहस्तो भवेन्नरः । भूमौ निक्षिप्य तद्द्रव्यमाचम्याभ्युक्षयेत्तु तत्
pracaraṃścānnapāneṣu dravyahasto bhavennaraḥ | bhūmau nikṣipya taddravyamācamyābhyukṣayettu tat
A man moving about among foods and drinks may (find himself) with an object in his hand; setting that object down on the ground, he should sip water and then sprinkle it.
AI translation rendered from the Sanskrit, not a published edition
PdP 3 52.32
तैजसं वै समादाय यद्युच्छिष्टो भवेद्द्विजः । भूमौ निक्षिप्य तद्द्रव्यमाचम्याभ्युक्षयेत्तु तत्
taijasaṃ vai samādāya yadyucchiṣṭo bhaveddvijaḥ | bhūmau nikṣipya taddravyamācamyābhyukṣayettu tat
If, having taken up a metal vessel, a twice-born becomes defiled by food-remnants, he should set that object down on the ground, sip water, and then sprinkle it.
AI translation rendered from the Sanskrit, not a published edition
PdP 3 52.33
यद्यद्द्रव्यं समादाय भवेदुच्छेषणान्वितः । अनिधायैव तद्द्रव्यं भूमौ त्वशुचितामियात्
yadyaddravyaṃ samādāya bhaveduccheṣaṇānvitaḥ | anidhāyaiva taddravyaṃ bhūmau tvaśucitāmiyāt
Whatever object he takes up when he is possessed of food-remnants — if that object is not set down on the ground, it would become impure.
AI translation rendered from the Sanskrit, not a published edition
PdP 3 52.34
वस्त्रादिषु विकल्पः स्यात्तत्संस्पृश्याचमेदिह । अरण्ये निर्जने रात्रौ चौरव्याघ्राकुले पथि
vastrādiṣu vikalpaḥ syāttatsaṃspṛśyācamediha | araṇye nirjane rātrau cauravyāghrākule pathi
In the case of garments and the like there is an option: touching it, he should here sip water. In a wilderness, in a deserted place, at night, on a road infested with thieves and tigers,
AI translation rendered from the Sanskrit, not a published edition
PdP 3 52.35
कृत्वा मूत्रं पुरीषं वा द्रव्यहस्तो न दुष्यति । निधाय दक्षिणे कर्णे ब्रह्मसूत्रमुदङ्मुखः
kṛtvā mūtraṃ purīṣaṃ vā dravyahasto na duṣyati | nidhāya dakṣiṇe karṇe brahmasūtramudaṅmukhaḥ
when passing urine or excrement, one with an object in his hand is not defiled. Placing the sacred thread on his right ear, facing north,
AI translation rendered from the Sanskrit, not a published edition
PdP 3 52.36
अह्नि कुर्याच्छकृन्मूत्रं रात्रौ चेद्दक्षिणामुखः । अंतर्धाय महीं काष्टैः पत्रैर्लोष्टतृणेन वा
ahni kuryācchakṛnmūtraṃ rātrau ceddakṣiṇāmukhaḥ | aṃtardhāya mahīṃ kāṣṭaiḥ patrairloṣṭatṛṇena vā
he should pass excrement and urine by day, and at night facing south; having interposed (a covering) over the ground with pieces of wood, with leaves, with a clod or with grass,
AI translation rendered from the Sanskrit, not a published edition
PdP 3 52.37
प्रावृत्य च शिरः कुर्याद्विण्मूत्रस्य विसर्जनम् । छायाकूपनदीगोष्ठचैत्यांभः पथि भस्मसु
prāvṛtya ca śiraḥ kuryādviṇmūtrasya visarjanam | chāyākūpanadīgoṣṭhacaityāṃbhaḥ pathi bhasmasu
and having covered his head, he should perform the voiding of excrement and urine — (but) not in shade, at a well, in a river, in a cow-pen, at a caitya, in water, on a path, on ashes,
AI translation rendered from the Sanskrit, not a published edition
PdP 3 52.38
अग्नौ चैव श्मशाने च विण्मूत्रं न समाचरेत् । न गोमयेन काष्ठे वा महावृक्षेऽथ शाद्वले
agnau caiva śmaśāne ca viṇmūtraṃ na samācaret | na gomayena kāṣṭhe vā mahāvṛkṣe'tha śādvale
nor in fire, nor in a cremation ground should he pass excrement and urine; not on cow-dung, nor on wood, nor at a great tree, nor on grassy turf,
AI translation rendered from the Sanskrit, not a published edition
PdP 3 52.39
न तिष्ठन्न च निर्वासा न च पर्वतमंडले । न जीर्णदेवायतने वल्मीके न कदाचन
na tiṣṭhanna ca nirvāsā na ca parvatamaṃḍale | na jīrṇadevāyatane valmīke na kadācana
not standing, nor unclothed, nor within a mountain enclosure, nor in a dilapidated temple, nor ever on an ant-hill,
AI translation rendered from the Sanskrit, not a published edition
PdP 3 52.40
न ससत्वेषु गर्तेषु न गच्छन्न समाचरेत् । तुषांगारकपालेषु राजमार्गे तथैव च
na sasatveṣu garteṣu na gacchanna samācaret | tuṣāṃgārakapāleṣu rājamārge tathaiva ca
not in pits containing creatures, nor should he do it while walking; nor on husks, coals, or potsherds, and likewise not on the king's highway,
AI translation rendered from the Sanskrit, not a published edition
PdP 3 52.41
न क्षेत्रे न बिले वापि न तीर्थे न चतुष्पथे । नोद्यानेऽपासमीपे वा नोषरे नगराशये
na kṣetre na bile vāpi na tīrthe na catuṣpathe | nodyāne'pāsamīpe vā noṣare nagarāśaye
not in a field, nor in a hole, nor at a bathing-place, nor at a crossroads, nor in a garden, nor near water, nor on saline ground, nor in a town's reservoir,
AI translation rendered from the Sanskrit, not a published edition
PdP 3 52.42
न सोपानत्पादुको वा छत्री वा नांतरिक्षके । न चैवाभिमुखः स्त्रीणां गुरुब्राह्मणयोर्गवाम्
na sopānatpāduko vā chatrī vā nāṃtarikṣake | na caivābhimukhaḥ strīṇāṃ gurubrāhmaṇayorgavām
not wearing shoes or sandals, nor carrying an umbrella, nor in a raised (open) place; and not facing women, a teacher, brahmins, or cows,
AI translation rendered from the Sanskrit, not a published edition
PdP 3 52.43
न देवदेवालययोरपामपि कदाचन । न ज्योतींषि निरीक्षन्वानवाप्रतिमुखोथ वा
na devadevālayayorapāmapi kadācana | na jyotīṃṣi nirīkṣanvānavāpratimukhotha vā
nor ever facing gods or temples, nor facing waters; nor while gazing at the heavenly lights, nor facing them.
AI translation rendered from the Sanskrit, not a published edition — the model flagged this verse as uncertain
PdP 3 52.44
प्रत्यादित्यं प्रत्यनलं प्रतिसोमं तथैव च । आहृत्य मृत्तिकां कूलाल्लेपगंधापकर्षणीम्
pratyādityaṃ pratyanalaṃ pratisomaṃ tathaiva ca | āhṛtya mṛttikāṃ kūlāllepagaṃdhāpakarṣaṇīm
nor facing the sun, nor facing fire, nor likewise facing the moon. Having fetched from a bank clay that removes smear and smell,
AI translation rendered from the Sanskrit, not a published edition
PdP 3 52.45
कुर्यादतंद्रितः शौचं विशुद्धैरुद्धृतोदकैः । नाहरेन्मृतिकां विप्रः पांशुलां न सकर्दमाम्
kuryādataṃdritaḥ śaucaṃ viśuddhairuddhṛtodakaiḥ | nāharenmṛtikāṃ vipraḥ pāṃśulāṃ na sakardamām
he should, unwearied, perform the cleansing with pure water that has been drawn up. A brahmin should not fetch clay that is dusty, nor that mixed with mud,
AI translation rendered from the Sanskrit, not a published edition
PdP 3 52.46
न मार्गान्नोषराद्देशाच्छौचशिष्टां परस्य च । न देवायतनात्कूपाद्धाम्नो न च जलात्तथा
na mārgānnoṣarāddeśācchaucaśiṣṭāṃ parasya ca | na devāyatanātkūpāddhāmno na ca jalāttathā
nor from a road, nor from saline ground, nor what is left over from another's cleansing, nor from a temple, nor from a well, nor from a dwelling, nor likewise from water.
AI translation rendered from the Sanskrit, not a published edition
PdP 3 52.47
उपस्पृशेत्ततो नित्यं पूर्वोक्तेन विधानतः
upaspṛśettato nityaṃ pūrvoktena vidhānataḥ
Then he should always sip water (touch water) according to the rule stated before.
AI translation rendered from the Sanskrit, not a published edition