Padma Purana — Svarga Khanda — Chapter 48
PdP 3 48.1
युधिष्ठिर उवाच- कथा सर्वात्वियं प्रोक्ताप्रयागस्य महामुने । एवं मे सर्वमाख्याहि यथा च मम तारयेत्
yudhiṣṭhira uvāca- kathā sarvātviyaṃ proktāprayāgasya mahāmune | evaṃ me sarvamākhyāhi yathā ca mama tārayet
Yudhiṣṭhira said: This whole account of Prayāga has been told, great sage; now tell me everything just as it may carry me across.
AI translation rendered from the Sanskrit, not a published edition — the model flagged this verse as uncertain
PdP 3 48.2
मार्कंडेय उवाच- शृणु राजन्प्रवक्ष्यामि प्रोक्तं सर्वमिदं जगत् । ब्रह्माविष्णुस्तथेशानो देवता प्रभुरव्ययः
mārkaṃḍeya uvāca- śṛṇu rājanpravakṣyāmi proktaṃ sarvamidaṃ jagat | brahmāviṣṇustatheśāno devatā prabhuravyayaḥ
Mārkaṇḍeya said: Listen, king, I shall declare; all this world has been declared (to be) Brahmā, Viṣṇu, and likewise Īśāna—the deity, the lord, the imperishable.
AI translation rendered from the Sanskrit, not a published edition — the model flagged this verse as uncertain
PdP 3 48.3
ब्रह्मा सृजति भूतानि स्थावरं जंगमं च यत् । तान्येतानि परो लोके विष्णुः पालयति प्रजाः
brahmā sṛjati bhūtāni sthāvaraṃ jaṃgamaṃ ca yat | tānyetāni paro loke viṣṇuḥ pālayati prajāḥ
Brahmā creates the beings, whatever is stationary and moving; and in the world the supreme Viṣṇu protects those very creatures.
AI translation rendered from the Sanskrit, not a published edition
PdP 3 48.4
कल्पांते तत्समग्रं हि रुद्रः संहरते जगत् । न ददाति च नाध्येति न कदाचिद्विनश्यति
kalpāṃte tatsamagraṃ hi rudraḥ saṃharate jagat | na dadāti ca nādhyeti na kadācidvinaśyati
For at the end of the aeon Rudra gathers in that whole world; he neither gives nor studies (?), and he never perishes.
AI translation rendered from the Sanskrit, not a published edition — the model flagged this verse as uncertain
PdP 3 48.5
ईश्वरः सर्वभूतानां यः पश्यति स पश्यति । उत्तरेण प्रतिष्ठानादिदानीं ब्रह्म तिष्ठति
īśvaraḥ sarvabhūtānāṃ yaḥ paśyati sa paśyati | uttareṇa pratiṣṭhānādidānīṃ brahma tiṣṭhati
He who sees the Lord of all beings truly sees. To the north of Pratiṣṭhāna, Brahmā now abides.
AI translation rendered from the Sanskrit, not a published edition
PdP 3 48.6
महेश्वरो वटे भूत्वा तिष्ठते परमेश्वरः । ततो देवाः सगंधर्वाः सिद्धाश्च परमर्षयः
maheśvaro vaṭe bhūtvā tiṣṭhate parameśvaraḥ | tato devāḥ sagaṃdharvāḥ siddhāśca paramarṣayaḥ
Maheśvara, the supreme Lord, stands there having become the banyan tree; and there the gods with the gandharvas, the siddhas and the highest seers—
AI translation rendered from the Sanskrit, not a published edition
PdP 3 48.7
रक्षंति परमं नित्यं पापकर्मपरायणान् । ये तु चान्ये च तिष्ठंति न यांति परमां गतिम्
rakṣaṃti paramaṃ nityaṃ pāpakarmaparāyaṇān | ye tu cānye ca tiṣṭhaṃti na yāṃti paramāṃ gatim
—constantly guard the supreme (place) against those bent on evil deeds; but the others who remain (there) do not go to the highest goal.
AI translation rendered from the Sanskrit, not a published edition — the model flagged this verse as uncertain
PdP 3 48.8
युधिष्ठिर उवाच- अप्याह मे यथातत्त्वं यथैषां तिष्ठते श्रुतम् । केन वा कारणेनैव तिष्ठंति लोकसंमताः
yudhiṣṭhira uvāca- apyāha me yathātattvaṃ yathaiṣāṃ tiṣṭhate śrutam | kena vā kāraṇenaiva tiṣṭhaṃti lokasaṃmatāḥ
Yudhiṣṭhira said: Please tell me according to the truth, as it has been heard, how it stands with them; and for what reason these, honoured by the world, abide (there).
AI translation rendered from the Sanskrit, not a published edition — the model flagged this verse as uncertain
PdP 3 48.9
मार्कंडेय उवाच- प्रयागे निवसंत्येते ब्रह्मविष्णुमहेश्वराः । कारणं तु प्रवक्ष्यामि शृणु तत्त्वं युधिष्ठिर
mārkaṃḍeya uvāca- prayāge nivasaṃtyete brahmaviṣṇumaheśvarāḥ | kāraṇaṃ tu pravakṣyāmi śṛṇu tattvaṃ yudhiṣṭhira
Mārkaṇḍeya said: These—Brahmā, Viṣṇu and Maheśvara—dwell at Prayāga. I shall declare the reason; hear the truth, Yudhiṣṭhira.
AI translation rendered from the Sanskrit, not a published edition
PdP 3 48.10
पंचयोजनविस्तीर्णं प्रयागस्य तु मंडलम् । तिष्ठंति रक्षणार्थाय पापकर्मनिवारणाः
paṃcayojanavistīrṇaṃ prayāgasya tu maṃḍalam | tiṣṭhaṃti rakṣaṇārthāya pāpakarmanivāraṇāḥ
The circuit of Prayāga extends five yojanas; (the gods) stand there for its protection, warding off sinful deeds.
AI translation rendered from the Sanskrit, not a published edition
PdP 3 48.11
तस्मिंस्तु स्वल्पकं पापं नरके पातयिष्यति । एवं ब्रह्मा च विष्णुश्च प्रयागे समहेश्वरः
tasmiṃstu svalpakaṃ pāpaṃ narake pātayiṣyati | evaṃ brahmā ca viṣṇuśca prayāge samaheśvaraḥ
But (whoever commits) even a small sin there, (Śiva?) will cast him into hell. Thus Brahmā and Viṣṇu, together with Maheśvara, (dwell) at Prayāga.
AI translation rendered from the Sanskrit, not a published edition — the model flagged this verse as uncertain
PdP 3 48.12
सप्तद्वीपाः समुद्राश्च पर्वताश्च महीतले । तिष्ठंति ध्रियमाणाश्च यावदाभूतसंप्लवम्
saptadvīpāḥ samudrāśca parvatāśca mahītale | tiṣṭhaṃti dhriyamāṇāśca yāvadābhūtasaṃplavam
The seven continents, the oceans, and the mountains on the earth's surface stand upheld until the dissolution of beings.
AI translation rendered from the Sanskrit, not a published edition
PdP 3 48.13
ये चान्ये बहवः सर्वे तिष्ठंति च युधिष्ठिर । पृथिवीस्थानमारभ्य निर्मितं दैवतैस्त्रिभिः
ye cānye bahavaḥ sarve tiṣṭhaṃti ca yudhiṣṭhira | pṛthivīsthānamārabhya nirmitaṃ daivataistribhiḥ
And all the many others that stand (there), Yudhiṣṭhira — beginning from the earth's foundation, it was fashioned by the three deities.
AI translation rendered from the Sanskrit, not a published edition — the model flagged this verse as uncertain
PdP 3 48.14
प्रजापतेरिदं क्षेत्रं प्रयागमिति विश्रुतम् । एतत्पुण्यं पवित्रं च प्रयागं तु युधिष्ठिर
prajāpateridaṃ kṣetraṃ prayāgamiti viśrutam | etatpuṇyaṃ pavitraṃ ca prayāgaṃ tu yudhiṣṭhira
This is the field of Prajāpati, famed as Prayāga; and this Prayāga is meritorious and purifying, Yudhiṣṭhira.
AI translation rendered from the Sanskrit, not a published edition
PdP 3 48.15
स्वराज्यं कुरु राजेंद्र भ्रातृभिः सहितो भव
svarājyaṃ kuru rājeṃdra bhrātṛbhiḥ sahito bhava
Rule your own kingdom, lord of kings; be united with your brothers.
AI translation rendered from the Sanskrit, not a published edition