Padma Purana — Svarga Khanda — Chapter 43
PdP 3 43.1
युधिष्ठिर उवाच- यथा प्रयागस्य मुने माहात्म्यं कथितं त्वया । तथातथा प्रमुच्येऽहं सर्वपापैर्न संशयः
yudhiṣṭhira uvāca- yathā prayāgasya mune māhātmyaṃ kathitaṃ tvayā | tathātathā pramucye'haṃ sarvapāpairna saṃśayaḥ
Yudhiṣṭhira said: As the greatness of Prayāga has been told by you, O sage, so and so am I released from all sins — there is no doubt.
AI translation rendered from the Sanskrit, not a published edition
PdP 3 43.2
भगवन्केन विधिना गंतव्यं धर्मनिश्चयैः । प्रयागे यो विधिः प्रोक्तः तन्मे ब्रूहि महामुने
bhagavankena vidhinā gaṃtavyaṃ dharmaniścayaiḥ | prayāge yo vidhiḥ proktaḥ tanme brūhi mahāmune
Lord, by what rule is (Prayāga) to be gone to by those resolved upon dharma? Tell me that rule which is declared for Prayāga, O great sage.
AI translation rendered from the Sanskrit, not a published edition
PdP 3 43.3
मार्कंडेय उवाच- कथयिष्यामि ते वत्स तीर्थयात्राविधिक्रमम् । यो गच्छेतकुरुश्रेष्ठ प्रयागं देवसंयुतम्
mārkaṃḍeya uvāca- kathayiṣyāmi te vatsa tīrthayātrāvidhikramam | yo gacchetakuruśreṣṭha prayāgaṃ devasaṃyutam
Mārkaṇḍeya said: I shall tell you, child, the order of the rules for pilgrimage. He who would go, O best of the Kurus, to Prayāga, which is attended by the gods —
AI translation rendered from the Sanskrit, not a published edition
PdP 3 43.4
बलीवर्दसमारूढः शृणु तस्यापि यत्फलम् । वसते नरके घोरे गवां क्रोधे सुदारुणे
balīvardasamārūḍhaḥ śṛṇu tasyāpi yatphalam | vasate narake ghore gavāṃ krodhe sudāruṇe
(if he goes) mounted upon an ox, hear what the fruit of that too is: he dwells in a dreadful hell, in the terrible wrath of the cows.
AI translation rendered from the Sanskrit, not a published edition — the model flagged this verse as uncertain
PdP 3 43.5
सलिलं च न गृह्णंति पितरस्तस्य देहिनः । यस्तु पुत्रांस्तथा बालान्स्नापयेत्पाययेत्तथा
salilaṃ ca na gṛhṇaṃti pitarastasya dehinaḥ | yastu putrāṃstathā bālānsnāpayetpāyayettathā
And the ancestors of that embodied one do not accept his water-offering. But he who should bathe his sons and the children, and give them to drink,
AI translation rendered from the Sanskrit, not a published edition
PdP 3 43.6
यथात्मनस्तथा सर्वान्दानं विप्रेषु दापयेत् । ऐश्वर्यलोभान्मोहाद्वा गच्छेद्यानेन यो नरः
yathātmanastathā sarvāndānaṃ vipreṣu dāpayet | aiśvaryalobhānmohādvā gacchedyānena yo naraḥ
(and) as for himself so for all — he should have gifts given to the brahmins. But the man who should go by a vehicle out of greed for lordliness or out of delusion —
AI translation rendered from the Sanskrit, not a published edition
PdP 3 43.7
निष्फलं तस्य तत्तीर्थं तस्माद्यानं परित्यजेत् । गंगायमुनयोर्मध्ये यस्तु कन्यां प्रयच्छति
niṣphalaṃ tasya tattīrthaṃ tasmādyānaṃ parityajet | gaṃgāyamunayormadhye yastu kanyāṃ prayacchati
that tīrtha is fruitless for him; therefore let him abandon the vehicle. He who between the Ganges and the Yamunā bestows a maiden (in marriage)
AI translation rendered from the Sanskrit, not a published edition
PdP 3 43.8
आर्षेण तु विधानेन यथाविभवसंभवम् । न पश्यति यमं घोरं नरकं तेन कर्मणा
ārṣeṇa tu vidhānena yathāvibhavasaṃbhavam | na paśyati yamaṃ ghoraṃ narakaṃ tena karmaṇā
by the ārṣa rite, in accordance with what his means allow — he does not, by that deed, see Yama (or) the dreadful hell.
AI translation rendered from the Sanskrit, not a published edition
PdP 3 43.9
उत्तरान्स कुरून्गत्वा मोदते कालमक्षयम् । पुत्रांस्तु दाराँल्लभते धार्मिकान्नयसंयुतान्
uttarānsa kurūngatvā modate kālamakṣayam | putrāṃstu dārā~llabhate dhārmikānnayasaṃyutān
Having gone to the Northern Kurus, he rejoices for an unending time; and he obtains sons and wives who are righteous and endowed with right conduct.
AI translation rendered from the Sanskrit, not a published edition
PdP 3 43.10
तत्र दानं प्रदातव्यं यथाविभवसंभवम् । तेन तीर्थफलैनैव वर्द्धते नात्र संशयः
tatra dānaṃ pradātavyaṃ yathāvibhavasaṃbhavam | tena tīrthaphalainaiva varddhate nātra saṃśayaḥ
There a gift should be given in accordance with one's means; by that the fruit of the sacred ford itself increases — there is no doubt of this.
AI translation rendered from the Sanskrit, not a published edition
PdP 3 43.11
स्वर्गे तिष्ठति राजेंद्र यावदाभूतसंप्लवम् । वटमूलं समाश्रित्य यस्तु प्राणान्परित्यजेत्
svarge tiṣṭhati rājeṃdra yāvadābhūtasaṃplavam | vaṭamūlaṃ samāśritya yastu prāṇānparityajet
He abides in heaven, O lord of kings, until the dissolution of created beings. And he who, taking refuge at the root of the banyan, gives up his life —
AI translation rendered from the Sanskrit, not a published edition
PdP 3 43.12
सर्वलोकानतिक्रम्य रुद्रलोकं च गच्छति । तत्र ते द्वादशादित्यास्तपंते रुद्रमाश्रिताः
sarvalokānatikramya rudralokaṃ ca gacchati | tatra te dvādaśādityāstapaṃte rudramāśritāḥ
— passing beyond all the worlds, he goes to the world of Rudra. There those twelve Ādityas, resorting to Rudra, blaze forth;
AI translation rendered from the Sanskrit, not a published edition
PdP 3 43.13
निर्दहंति जगत्सर्वं वटमूलं न दह्यते । नष्टचंद्रार्कपवनं यदा चैकार्णवं जगत्
nirdahaṃti jagatsarvaṃ vaṭamūlaṃ na dahyate | naṣṭacaṃdrārkapavanaṃ yadā caikārṇavaṃ jagat
they burn up the whole world, (but) the root of the banyan is not burned. When moon, sun and wind have perished and the world is one single ocean,
AI translation rendered from the Sanskrit, not a published edition
PdP 3 43.14
स्वपित्यत्रैव वै विष्णुर्जायमानः पुनः पुनः । देवदानवगंधर्व ऋषयः सिद्धचारणाः
svapityatraiva vai viṣṇurjāyamānaḥ punaḥ punaḥ | devadānavagaṃdharva ṛṣayaḥ siddhacāraṇāḥ
here indeed Viṣṇu sleeps, being born again and again. Gods, dānavas, gandharvas, seers, siddhas and cāraṇas
AI translation rendered from the Sanskrit, not a published edition
PdP 3 43.15
सदा सेवंति तत्तीर्थं गंगायमुनसंगमे । तत्र गच्छंति राजेंद्र प्रयागे संयुतं च यत्
sadā sevaṃti tattīrthaṃ gaṃgāyamunasaṃgame | tatra gacchaṃti rājeṃdra prayāge saṃyutaṃ ca yat
always attend upon that sacred ford at the confluence of the Gaṅgā and the Yamunā. There they go, O lord of kings, to Prayāga and to whatever is joined with it.
AI translation rendered from the Sanskrit, not a published edition — the model flagged this verse as uncertain
PdP 3 43.16
तत्र ब्रह्मादयो देवा दिशश्चैव दिगीश्वराः । लोकपालाश्च साध्याश्च पितरो लोकसंमताः
tatra brahmādayo devā diśaścaiva digīśvarāḥ | lokapālāśca sādhyāśca pitaro lokasaṃmatāḥ
There (are) the gods beginning with Brahmā, and the directions and the lords of the directions, and the guardians of the worlds, and the Sādhyas, and the fathers honoured by the world,
AI translation rendered from the Sanskrit, not a published edition
PdP 3 43.17
सनत्कुमारप्रमुखास्तथैव परमर्षयः । अंगिरप्रमुखाश्चैव तथा ब्रह्मर्षयः परे
sanatkumārapramukhāstathaiva paramarṣayaḥ | aṃgirapramukhāścaiva tathā brahmarṣayaḥ pare
and those headed by Sanatkumāra, and likewise the supreme seers, and those headed by Aṅgiras, and also the other brahmin-seers,
AI translation rendered from the Sanskrit, not a published edition
PdP 3 43.18
तथा नागाश्च सिद्धाश्च सुपर्णाः खेचराश्च ये । सरितः सागराः शैला नागा विद्याधरास्तथा
tathā nāgāśca siddhāśca suparṇāḥ khecarāśca ye | saritaḥ sāgarāḥ śailā nāgā vidyādharāstathā
and likewise the nāgas and the siddhas, the suparṇas and those that move in the sky, the rivers, the oceans, the mountains, the serpents and the vidyādharas,
AI translation rendered from the Sanskrit, not a published edition
PdP 3 43.19
हरिश्च भगवानास्ते प्रजापतिपुरस्कृतः । गंगायमुनयोर्मध्ये पृथिव्या जघनं स्मृतम्
hariśca bhagavānāste prajāpatipuraskṛtaḥ | gaṃgāyamunayormadhye pṛthivyā jaghanaṃ smṛtam
and Lord Hari dwells (there), with Prajāpati set before him. The region between the Gaṅgā and the Yamunā is held to be the loins of the earth.
AI translation rendered from the Sanskrit, not a published edition
PdP 3 43.20
प्रयागं राजशार्दूल त्रिषुलोकेषु विश्रुतम् । ततः पुण्यतमं नास्ति त्रिषुलोकेषु भारत
prayāgaṃ rājaśārdūla triṣulokeṣu viśrutam | tataḥ puṇyatamaṃ nāsti triṣulokeṣu bhārata
Prayāga, O tiger among kings, is renowned in the three worlds; there is nothing more holy than that in the three worlds, O Bhārata.
AI translation rendered from the Sanskrit, not a published edition
PdP 3 43.21
श्रवणात्तस्य तीर्थस्य नामसंकीर्तनादपि । मृत्तिका लंभनाद्वापि नरः पापात्प्रमुच्यते
śravaṇāttasya tīrthasya nāmasaṃkīrtanādapi | mṛttikā laṃbhanādvāpi naraḥ pāpātpramucyate
By hearing of that sacred ford, and even by uttering its name, or by obtaining (a little of) its earth, a man is released from sin.
AI translation rendered from the Sanskrit, not a published edition
PdP 3 43.22
तत्राभिषेकं यः कुर्य्यात्संगमे संशितव्रतः । तुल्यं फलमवाप्नोति राजसूयाश्वमेधयोः
tatrābhiṣekaṃ yaḥ kuryyātsaṃgame saṃśitavrataḥ | tulyaṃ phalamavāpnoti rājasūyāśvamedhayoḥ
He who, of strict vows, performs his ablution there at the confluence, obtains a fruit equal to that of the Rājasūya and the Aśvamedha.
AI translation rendered from the Sanskrit, not a published edition
PdP 3 43.23
न वेदवचनात्तात न लोकवचनादपि । मतिरुत्क्रमणीया ते प्रयागगमनं प्रति
na vedavacanāttāta na lokavacanādapi | matirutkramaṇīyā te prayāgagamanaṃ prati
Neither on the word of the Veda, my son, nor even on the word of men should your mind be turned aside from going to Prayāga.
AI translation rendered from the Sanskrit, not a published edition
PdP 3 43.24
दशतीर्थसहस्राणि षष्टिकोट्यस्तथापराः । येषां सान्निध्यमत्रैव कीर्तनात्कुरुनंदन
daśatīrthasahasrāṇi ṣaṣṭikoṭyastathāparāḥ | yeṣāṃ sānnidhyamatraiva kīrtanātkurunaṃdana
Ten thousand sacred fords, and sixty crores more besides, whose presence is right here at the mere mention (of it), O delight of the Kurus.
AI translation rendered from the Sanskrit, not a published edition
PdP 3 43.25
या गतिर्योगयुक्तस्य सदुत्थस्य मनीषिणः । सा गतिस्त्यजतः प्राणान्गंगायमुनसंगमे
yā gatiryogayuktasya sadutthasya manīṣiṇaḥ | sā gatistyajataḥ prāṇāngaṃgāyamunasaṃgame
Whatever goal belongs to a thoughtful man joined to yoga and established in goodness, that same goal belongs to one who gives up his life at the confluence of the Gaṅgā and the Yamunā.
AI translation rendered from the Sanskrit, not a published edition — the model flagged this verse as uncertain
PdP 3 43.26
तेन जीवंति लोकेऽस्मिन्यत्र यत्र युधिष्ठिर । ये प्रयागं न संप्राप्तास्त्रिषु लोकेषु विश्रुतम्
tena jīvaṃti loke'sminyatra yatra yudhiṣṭhira | ye prayāgaṃ na saṃprāptāstriṣu lokeṣu viśrutam
By that they live in this world, wherever they may be, O Yudhiṣṭhira — those who have not reached Prayāga, renowned in the three worlds.
AI translation rendered from the Sanskrit, not a published edition — the model flagged this verse as uncertain
PdP 3 43.27
एवं दृष्ट्वा तु तत्तीर्थं प्रयागं परमं पदम् । मुच्यते सर्वपापेभ्यः शशांक इव राहुणा
evaṃ dṛṣṭvā tu tattīrthaṃ prayāgaṃ paramaṃ padam | mucyate sarvapāpebhyaḥ śaśāṃka iva rāhuṇā
Thus, having seen that sacred ford, Prayāga, the supreme abode, one is freed from all sins, as the moon (is freed) from Rāhu.
AI translation rendered from the Sanskrit, not a published edition
PdP 3 43.28
कंबलाश्वतरौ नागौ यमुना दक्षिणे तटे । तत्र स्नात्वा च पीत्वा च मुच्यते सर्वपातकैः
kaṃbalāśvatarau nāgau yamunā dakṣiṇe taṭe | tatra snātvā ca pītvā ca mucyate sarvapātakaiḥ
The nāgas Kambala and Aśvatara (dwell) on the southern bank of the Yamunā; bathing and drinking there, one is freed from all sins.
AI translation rendered from the Sanskrit, not a published edition
PdP 3 43.29
तत्र गत्वा तु तत्स्थानं महादेवस्य धीमतः । नरस्तारयते सर्वान्दशातीतान्दशापरान्
tatra gatvā tu tatsthānaṃ mahādevasya dhīmataḥ | narastārayate sarvāndaśātītāndaśāparān
Having gone there to that place of the wise Mahādeva, a man delivers all (his kin), the ten past and the ten to come.
AI translation rendered from the Sanskrit, not a published edition
PdP 3 43.30
कृत्वाभिषेकं तु नरः सोऽश्वमेधफलं लभेत् । स्वर्गलोकमवाप्नोति यावदाभूतसंप्लवम्
kṛtvābhiṣekaṃ tu naraḥ so'śvamedhaphalaṃ labhet | svargalokamavāpnoti yāvadābhūtasaṃplavam
Having performed the ablution, a man would obtain the fruit of a horse sacrifice; he attains the world of heaven until the dissolution of beings.
AI translation rendered from the Sanskrit, not a published edition
PdP 3 43.31
पूर्वपार्श्वे तु गंगायां त्रिषु लोकेषु भारत । कूपं चैव तु सामुद्रं प्रतिष्ठानं तु विश्रुतम्
pūrvapārśve tu gaṃgāyāṃ triṣu lokeṣu bhārata | kūpaṃ caiva tu sāmudraṃ pratiṣṭhānaṃ tu viśrutam
On the eastern side, on the Ganges, O Bhārata, in the three worlds (there is) the well called Sāmudra, and Pratiṣṭhāna, which is renowned.
AI translation rendered from the Sanskrit, not a published edition
PdP 3 43.32
ब्रह्मचारी जितक्रोधस्त्रिरात्रं यदि तिष्ठति । सर्वपापविशुद्धात्मा सोऽश्वमेधफलं लभेत्
brahmacārī jitakrodhastrirātraṃ yadi tiṣṭhati | sarvapāpaviśuddhātmā so'śvamedhaphalaṃ labhet
If a chaste man who has conquered anger stays (there) for three nights, his self purified of all sin, he obtains the fruit of a horse sacrifice.
AI translation rendered from the Sanskrit, not a published edition
PdP 3 43.33
उत्तरेण प्रतिष्ठानाद्भागीरथ्यास्तु पूर्वतः । हंसप्रपतनं नाम तीर्थं त्रैलोक्यविश्रुतम्
uttareṇa pratiṣṭhānādbhāgīrathyāstu pūrvataḥ | haṃsaprapatanaṃ nāma tīrthaṃ trailokyaviśrutam
North of Pratiṣṭhāna and east of the Bhāgīrathī is the ford named Haṃsaprapatana, renowned in the three worlds.
AI translation rendered from the Sanskrit, not a published edition
PdP 3 43.34
अश्वमेधफलं तस्मिन्स्नातमात्रस्य भारत । यावच्चन्द्रश्च सूर्यश्च तावत्स्वर्गे महीयते
aśvamedhaphalaṃ tasminsnātamātrasya bhārata | yāvaccandraśca sūryaśca tāvatsvarge mahīyate
There, for one who has merely bathed, (there is) the fruit of a horse sacrifice, O Bhārata; as long as the moon and the sun (endure), so long is he honoured in heaven.
AI translation rendered from the Sanskrit, not a published edition
PdP 3 43.35
उर्वशीपुलिने रम्ये विपुले हंसपांडुरे । सलिलैस्तर्प्पयेद्यस्तु पितॄंस्तत्र विमत्सरः
urvaśīpuline ramye vipule haṃsapāṃḍure | salilaistarppayedyastu pitṝṃstatra vimatsaraḥ
On the lovely sandbank of Urvaśī, broad and pale as a goose, whoever, free of envy, should satisfy the ancestors there with water —
AI translation rendered from the Sanskrit, not a published edition
PdP 3 43.36
षष्टिवर्षसहस्राणि षष्टिवर्षशतानि च । सेवते पितृभिः सार्द्धं स्वर्गलोकं नराधिप
ṣaṣṭivarṣasahasrāṇi ṣaṣṭivarṣaśatāni ca | sevate pitṛbhiḥ sārddhaṃ svargalokaṃ narādhipa
for sixty thousand years and six thousand years he enjoys the world of heaven together with the ancestors, O lord of men.
AI translation rendered from the Sanskrit, not a published edition
PdP 3 43.37
पूज्यते सततं तत्र ऋषिगंधर्वकिन्नरैः । ततः स्वर्गपरिभ्रष्टः क्षीणकर्म्मा दिवश्च्युतः
pūjyate satataṃ tatra ṛṣigaṃdharvakinnaraiḥ | tataḥ svargaparibhraṣṭaḥ kṣīṇakarmmā divaścyutaḥ
There he is constantly honoured by seers, gandharvas and kinnaras; then, fallen from heaven, his merit exhausted, dropped from the sky —
AI translation rendered from the Sanskrit, not a published edition
PdP 3 43.38
उर्वशीसदृशीनां तु कन्यानां लभते शतम् । गवां शतसहस्राणां भोक्ता भवति भूमिप
urvaśīsadṛśīnāṃ tu kanyānāṃ labhate śatam | gavāṃ śatasahasrāṇāṃ bhoktā bhavati bhūmipa
he obtains a hundred maidens like Urvaśī, and becomes the enjoyer of a hundred thousand cows, O ruler of the earth.
AI translation rendered from the Sanskrit, not a published edition
PdP 3 43.39
कांचीनूपुरशब्देन सुप्तोऽसौ प्रतिबुध्यते । भुक्त्वा तु विपुलान्भोगांस्तत्तीर्थं लभते पुनः
kāṃcīnūpuraśabdena supto'sau pratibudhyate | bhuktvā tu vipulānbhogāṃstattīrthaṃ labhate punaḥ
He, asleep, is awakened by the sound of girdles and anklets; and having enjoyed abundant pleasures, he attains that ford again.
AI translation rendered from the Sanskrit, not a published edition
PdP 3 43.40
कुशासनधरो नित्यं नियतः संयतेंद्रियः । एककालं तु भुंजानो मासं भोगपतिर्भवेत्
kuśāsanadharo nityaṃ niyataḥ saṃyateṃdriyaḥ | ekakālaṃ tu bhuṃjāno māsaṃ bhogapatirbhavet
Bearing a kuśa seat always, restrained, with senses controlled, eating at one time (of day) for a month, he would become a lord of enjoyments.
AI translation rendered from the Sanskrit, not a published edition
PdP 3 43.41
सुवर्णालंकृतानां तु नारीणां लभते शतम् । पृथिव्यामासमुद्रायां महाभोगपतिर्भवेत्
suvarṇālaṃkṛtānāṃ tu nārīṇāṃ labhate śatam | pṛthivyāmāsamudrāyāṃ mahābhogapatirbhavet
He obtains a hundred women adorned with gold, and becomes lord of great enjoyments on the earth up to the ocean.
AI translation rendered from the Sanskrit, not a published edition
PdP 3 43.42
दशग्रामसहस्राणां भोक्ता भवति भूमिपः । धनधान्यसमायुक्तो दाता भवति नित्यशः
daśagrāmasahasrāṇāṃ bhoktā bhavati bhūmipaḥ | dhanadhānyasamāyukto dātā bhavati nityaśaḥ
The king becomes the enjoyer of ten thousand villages; endowed with wealth and grain, he becomes a constant giver.
AI translation rendered from the Sanskrit, not a published edition
PdP 3 43.43
स भुक्त्वा विपुलान्भोगांस्तत्तीर्थं स्मरते पुनः । अथ तस्मिन्वटे रम्ये ब्रह्मचारी जितेंद्रियः
sa bhuktvā vipulānbhogāṃstattīrthaṃ smarate punaḥ | atha tasminvaṭe ramye brahmacārī jiteṃdriyaḥ
Having enjoyed abundant pleasures, he remembers that ford again. Then at that lovely banyan tree, chaste and with senses conquered,
AI translation rendered from the Sanskrit, not a published edition
PdP 3 43.44
उपोष्य योगयुक्तश्च ब्रह्मज्ञानमवाप्नुयात् । कोटितीर्थं समासाद्य यस्तु प्राणान्परित्यजेत्
upoṣya yogayuktaśca brahmajñānamavāpnuyāt | koṭitīrthaṃ samāsādya yastu prāṇānparityajet
having fasted and being joined to yoga, he would attain the knowledge of brahman. And whoever, having reached the Koṭi ford, gives up his life-breaths,
AI translation rendered from the Sanskrit, not a published edition
PdP 3 43.45
कोटिवर्षसहस्राणि स्वर्गलोके महीयते । ततः स्वर्गात्परिभ्रष्टः क्षीणकर्म्मा दिवश्च्युतः
koṭivarṣasahasrāṇi svargaloke mahīyate | tataḥ svargātparibhraṣṭaḥ kṣīṇakarmmā divaścyutaḥ
is honoured in the world of heaven for ten million thousand years; then, fallen from heaven, his merit exhausted, dropped from the sky,
AI translation rendered from the Sanskrit, not a published edition
PdP 3 43.46
सुवर्णमणिमुक्ताढ्ये कुले भवति रूपवान् । ततो भोगवतीं गत्वा वासुकेरुत्तरेण तु
suvarṇamaṇimuktāḍhye kule bhavati rūpavān | tato bhogavatīṃ gatvā vāsukeruttareṇa tu
he is born handsome in a family rich in gold, gems and pearls. Then, having gone to Bhogavatī, to the north of Vāsuki,
AI translation rendered from the Sanskrit, not a published edition
PdP 3 43.47
दशाश्वमेधकं तत्र तीर्थं तत्रापरं भवेत् । कृत्वाभिषेकं तु नरः सोऽश्वमेधफलं लभेत्
daśāśvamedhakaṃ tatra tīrthaṃ tatrāparaṃ bhavet | kṛtvābhiṣekaṃ tu naraḥ so'śvamedhaphalaṃ labhet
there is the Daśāśvamedhaka ford there, and there would be another there; having performed the ablution, a man obtains the fruit of a horse sacrifice.
AI translation rendered from the Sanskrit, not a published edition — the model flagged this verse as uncertain
PdP 3 43.48
धनाढ्यो रूपवान्दक्षो दाता भवति धार्मिकः । चतुर्वेदेषु यत्पुण्यं सत्यवादिषु यत्फलम्
dhanāḍhyo rūpavāndakṣo dātā bhavati dhārmikaḥ | caturvedeṣu yatpuṇyaṃ satyavādiṣu yatphalam
He becomes rich, handsome, capable, a giver, and righteous. Whatever merit is in the four Vedas, whatever fruit is among truth-speakers,
AI translation rendered from the Sanskrit, not a published edition
PdP 3 43.49
अहिंसायां तु यो धर्म्मो गमनादेव तद्भवेत् । कुरुक्षेत्रसमा गंगा यत्रतत्रावगाह्यते
ahiṃsāyāṃ tu yo dharmmo gamanādeva tadbhavet | kurukṣetrasamā gaṃgā yatratatrāvagāhyate
But whatever merit lies in non-injury, that comes about from merely going (to the Gaṅgā); the Gaṅgā is the equal of Kurukṣetra wherever one bathes in her.
AI translation rendered from the Sanskrit, not a published edition
PdP 3 43.50
कुरुक्षेत्राद्दशगुणा यत्र सिंध्वा समागता । यत्र गंगा महाभागा बहुतीर्थतपोधना
kurukṣetrāddaśaguṇā yatra siṃdhvā samāgatā | yatra gaṃgā mahābhāgā bahutīrthatapodhanā
Ten times (the merit) of Kurukṣetra where she has come together with the Sindhu; where the greatly blessed Gaṅgā (flows), whose wealth is many tīrthas and austerities—
AI translation rendered from the Sanskrit, not a published edition — the model flagged this verse as uncertain
PdP 3 43.51
सिद्धक्षेत्रं हि तज्ज्ञेयं नात्र कार्या विचारणा । क्षितौ तारयते मर्त्यान्नागांस्तारयतेऽप्यधः
siddhakṣetraṃ hi tajjñeyaṃ nātra kāryā vicāraṇā | kṣitau tārayate martyānnāgāṃstārayate'pyadhaḥ
that indeed is to be known as a field of perfection; no questioning is to be made about this. On earth she ferries mortals across, and below she ferries the nāgas across;
AI translation rendered from the Sanskrit, not a published edition
PdP 3 43.52
दिवि तारयते देवांस्तेन सा त्रिपथा स्मृता । यावदस्थीनि गंगायां तिष्ठंति तस्य देहिनः
divi tārayate devāṃstena sā tripathā smṛtā | yāvadasthīni gaṃgāyāṃ tiṣṭhaṃti tasya dehinaḥ
in heaven she ferries the gods across—therefore she is called the three-pathed one. As long as the bones of that embodied being remain in the Gaṅgā,
AI translation rendered from the Sanskrit, not a published edition
PdP 3 43.53
तावद्वर्षसहस्राणि स्वर्गलोके महीयते । तीर्थानां तु परं तीर्थं नदीनामुत्तमा नदी
tāvadvarṣasahasrāṇi svargaloke mahīyate | tīrthānāṃ tu paraṃ tīrthaṃ nadīnāmuttamā nadī
for that many thousands of years is he honoured in the world of heaven. Of tīrthas the highest tīrtha, of rivers the best river,
AI translation rendered from the Sanskrit, not a published edition
PdP 3 43.54
मोक्षदा सर्वभूतानां महापातकिनामपि । सर्वत्र सुलभा गंगा त्रिषु स्थानेषु दुर्लभा
mokṣadā sarvabhūtānāṃ mahāpātakināmapi | sarvatra sulabhā gaṃgā triṣu sthāneṣu durlabhā
giver of liberation to all beings, even to great sinners: the Gaṅgā is easy to reach everywhere, (but) hard to reach in three places.
AI translation rendered from the Sanskrit, not a published edition
PdP 3 43.55
गंगाद्वारे प्रयागे च गंगासागरसंगमे । तत्र स्नात्वा दिवं यांति ये मृतास्तेऽपुनर्भवाः
gaṃgādvāre prayāge ca gaṃgāsāgarasaṃgame | tatra snātvā divaṃ yāṃti ye mṛtāste'punarbhavāḥ
At Gaṅgādvāra, at Prayāga, and at the meeting of the Gaṅgā and the ocean—having bathed there they go to heaven; those who die (there) are not born again.
AI translation rendered from the Sanskrit, not a published edition
PdP 3 43.56
सर्वेषां चैव भूतानां पापोपहतचेतसाम् । गतिमन्वेषमाणानां नास्ति गंगासमा गतिः
sarveṣāṃ caiva bhūtānāṃ pāpopahatacetasām | gatimanveṣamāṇānāṃ nāsti gaṃgāsamā gatiḥ
And for all beings whose minds are afflicted by sin, who are searching for a way out, there is no recourse equal to the Gaṅgā.
AI translation rendered from the Sanskrit, not a published edition
PdP 3 43.57
पवित्राणां पवित्रं या मंगलानां च मंगलम् । महेश्वरशिरोभ्रष्टा सर्वपापहरा शुभा
pavitrāṇāṃ pavitraṃ yā maṃgalānāṃ ca maṃgalam | maheśvaraśirobhraṣṭā sarvapāpaharā śubhā
She who is the purity of pure things and the auspiciousness of auspicious things, fallen from the head of Maheśvara, remover of all sin, the lovely one.
AI translation rendered from the Sanskrit, not a published edition