Padma Purana — Svarga Khanda — Chapter 40
PdP 3 40.1
सूत उवाच- एवमुक्तानि तीर्थानि विष्णुदेहानि सुव्रताः । एषामन्यतमा संगान्मुक्तो भवति मानवः
sūta uvāca- evamuktāni tīrthāni viṣṇudehāni suvratāḥ | eṣāmanyatamā saṃgānmukto bhavati mānavaḥ
Sūta said: Thus have the fords, the bodies of Viṣṇu, been declared, O you of good vows; by contact with any one of these a man becomes liberated.
AI translation rendered from the Sanskrit, not a published edition
PdP 3 40.2
तीर्थानुश्रवणं धन्यं धन्यं तीर्थनिषेवणम् । पापराशिनिपाताय नान्योपायः कलौयुगे
tīrthānuśravaṇaṃ dhanyaṃ dhanyaṃ tīrthaniṣevaṇam | pāparāśinipātāya nānyopāyaḥ kalauyuge
Blessed is the hearing about the fords, blessed is the frequenting of the fords; for the felling of the heap of sins there is no other means in the Kali age.
AI translation rendered from the Sanskrit, not a published edition
PdP 3 40.3
वासं कुर्यामहं तीर्थे तीर्थस्पर्शमहं तथा । एवं योऽनुदिनं ब्रूते स याति परमं महत्
vāsaṃ kuryāmahaṃ tīrthe tīrthasparśamahaṃ tathā | evaṃ yo'nudinaṃ brūte sa yāti paramaṃ mahat
"May I dwell at a ford, and may I touch a ford" — he who says this day after day goes to the supreme and great (state).
AI translation rendered from the Sanskrit, not a published edition
PdP 3 40.4
पापानि तस्य नश्यंति तीर्थालापनमात्रतः । तीर्थानि खलु धन्यानि धन्यसेव्यानि सुव्रताः
pāpāni tasya naśyaṃti tīrthālāpanamātrataḥ | tīrthāni khalu dhanyāni dhanyasevyāni suvratāḥ
His sins perish by the mere speaking of the fords; the fords are indeed blessed and to be resorted to by the blessed, O you of good vows.
AI translation rendered from the Sanskrit, not a published edition
PdP 3 40.5
तीर्थानां सेवनादेव सेवितो भवति प्रभुः । नारायणो जगत्कर्ता नास्ति तीर्थात्परं पदम्
tīrthānāṃ sevanādeva sevito bhavati prabhuḥ | nārāyaṇo jagatkartā nāsti tīrthātparaṃ padam
By the mere serving of the fords, the Lord Nārāyaṇa, maker of the world, is served; there is no state higher than a ford.
AI translation rendered from the Sanskrit, not a published edition
PdP 3 40.6
ब्राह्मणस्तुलसी चैव अश्वत्थस्तीर्थसंचयः । विष्णुश्च परमेशानः सेव्य एव सदा नृभिः
brāhmaṇastulasī caiva aśvatthastīrthasaṃcayaḥ | viṣṇuśca parameśānaḥ sevya eva sadā nṛbhiḥ
A brahmin, the tulasī, the aśvattha, the collection of fords, and Viṣṇu the supreme lord — these are always to be served by men.
AI translation rendered from the Sanskrit, not a published edition
PdP 3 40.7
ब्राह्मणानां विशेषेण सेवनं मुनिपुंगवाः । सर्वतीर्थावगाहादेरधिकं विदुरग्रजाः
brāhmaṇānāṃ viśeṣeṇa sevanaṃ munipuṃgavāḥ | sarvatīrthāvagāhāderadhikaṃ viduragrajāḥ
The serving of brahmins especially, O bulls among sages, the twice-born elders know to be greater than bathing in all the fords and the rest.
AI translation rendered from the Sanskrit, not a published edition
PdP 3 40.8
तस्माद्द्विजपदं साक्षात्सर्वतीर्थमयं शुभम् । भजेतानुदिनं विद्वांस्तत्र तीर्थाधिकं भवेत्
tasmāddvijapadaṃ sākṣātsarvatīrthamayaṃ śubham | bhajetānudinaṃ vidvāṃstatra tīrthādhikaṃ bhavet
Therefore let the wise man daily worship the foot of the twice-born, auspicious and visibly consisting of all the fords; therein he will gain more than at a ford.
AI translation rendered from the Sanskrit, not a published edition
PdP 3 40.9
अश्वत्थस्य तुलस्याश्च गवां कुर्यात्प्रदक्षिणम् । सर्वतीर्थफलंप्राप्य विष्णुलोके महीयते
aśvatthasya tulasyāśca gavāṃ kuryātpradakṣiṇam | sarvatīrthaphalaṃprāpya viṣṇuloke mahīyate
One should make circumambulation of the aśvattha, the tulasī, and of cows; obtaining the fruit of all the fords, he is honoured in Viṣṇu's world.
AI translation rendered from the Sanskrit, not a published edition
PdP 3 40.10
तस्माद्दुष्कृतकर्माणि नाशयेत्तीर्थसेवनात् । अन्यथा नरकं याति कर्म्मभोगाद्धि शाम्यति
tasmādduṣkṛtakarmāṇi nāśayettīrthasevanāt | anyathā narakaṃ yāti karmmabhogāddhi śāmyati
Therefore one should destroy evil deeds by resorting to the fords; otherwise one goes to hell, for (such karma) is quieted only by undergoing its fruit.
AI translation rendered from the Sanskrit, not a published edition
PdP 3 40.11
पापिनां नरके वासः सुकृती स्वर्गमश्नुते । तस्मात्पुण्यं निषेवेत तीर्थं खलु विचक्षणः
pāpināṃ narake vāsaḥ sukṛtī svargamaśnute | tasmātpuṇyaṃ niṣeveta tīrthaṃ khalu vicakṣaṇaḥ
For sinners there is dwelling in hell; the doer of good enjoys heaven. Therefore let the discerning man surely resort to the meritorious ford.
AI translation rendered from the Sanskrit, not a published edition
PdP 3 40.12
ऋषय ऊचुः- श्रुतानि किल तीर्थानि समाहात्म्यानि सुव्रत । इदानीं श्रोतुमिच्छामः प्रयागस्य विशेषकम्
ṛṣaya ūcuḥ- śrutāni kila tīrthāni samāhātmyāni suvrata | idānīṃ śrotumicchāmaḥ prayāgasya viśeṣakam
The seers said: We have indeed heard the fords together with their greatness, O you of good vows; now we wish to hear the particular (account) of Prayāga.
AI translation rendered from the Sanskrit, not a published edition
PdP 3 40.13
प्रयागं तु पुरा प्रोक्तं संक्षेपात्सूत यत्त्वया । विशेषाच्छ्रोतुमिच्छामः सूत नः कथ्यतामिति
prayāgaṃ tu purā proktaṃ saṃkṣepātsūta yattvayā | viśeṣācchrotumicchāmaḥ sūta naḥ kathyatāmiti
Prayāga was spoken of before by you in brief, O Sūta; we wish to hear of it in detail — let it be told to us, O Sūta.
AI translation rendered from the Sanskrit, not a published edition
PdP 3 40.14
सूत उवाच- साधु पृष्टं महाभागाः प्रयागं प्रति सुव्रताः । हंताहं तत्प्रवक्ष्यामि प्रयागस्योपवर्णनम्
sūta uvāca- sādhu pṛṣṭaṃ mahābhāgāḥ prayāgaṃ prati suvratāḥ | haṃtāhaṃ tatpravakṣyāmi prayāgasyopavarṇanam
Sūta said: Well asked, O greatly fortunate ones of good vows, concerning Prayāga. Well then, I shall declare that description of Prayāga.
AI translation rendered from the Sanskrit, not a published edition
PdP 3 40.15
मार्कंडेयेन कथितं यत्पुरा पांडुसूनवे । भारते तु यदा वृत्ते प्राप्तराज्ये पृथासुते
mārkaṃḍeyena kathitaṃ yatpurā pāṃḍusūnave | bhārate tu yadā vṛtte prāptarājye pṛthāsute
(This is) what Mārkaṇḍeya told long ago to the son of Pāṇḍu, when the Bhārata (war) was over and the son of Pṛthā had obtained the kingdom.
AI translation rendered from the Sanskrit, not a published edition
PdP 3 40.16
एतस्मिन्नंतरे राजा कुंतीपुत्रो युधिष्ठिरः । भ्रातृशोकेन संतप्तः चिंतयंस्तु पुनः पुनः
etasminnaṃtare rājā kuṃtīputro yudhiṣṭhiraḥ | bhrātṛśokena saṃtaptaḥ ciṃtayaṃstu punaḥ punaḥ
At that juncture King Yudhiṣṭhira, son of Kuntī, burning with grief for his brothers, kept brooding again and again:
AI translation rendered from the Sanskrit, not a published edition
PdP 3 40.17
आसीद्दुर्योधनो राजा एकादशचमूपतिः । अस्मान्संतप्य बहुशः सर्वे ते निधनं गताः
āsīdduryodhano rājā ekādaśacamūpatiḥ | asmānsaṃtapya bahuśaḥ sarve te nidhanaṃ gatāḥ
"There was King Duryodhana, lord of eleven armies; having tormented us in many ways, they have all met their destruction.
AI translation rendered from the Sanskrit, not a published edition
PdP 3 40.18
वासुदेवं समाश्रित्य पंचशेषास्तु पांडवाः । कथं द्रोणं च भीष्मं च कर्णं चैव महाबलम्
vāsudevaṃ samāśritya paṃcaśeṣāstu pāṃḍavāḥ | kathaṃ droṇaṃ ca bhīṣmaṃ ca karṇaṃ caiva mahābalam
"The Pāṇḍavas, five surviving, relying on Vāsudeva—how (did they slay) Droṇa and Bhīṣma and Karṇa of great might,
AI translation rendered from the Sanskrit, not a published edition
PdP 3 40.19
दुर्योधनं च राजानं भ्रातृपुत्रसमन्वितम् । राजानो निहताः सर्वे ये चान्ये शूरमानिनः
duryodhanaṃ ca rājānaṃ bhrātṛputrasamanvitam | rājāno nihatāḥ sarve ye cānye śūramāninaḥ
"and King Duryodhana together with his brothers and sons? All the kings were slain, and the others too who thought themselves heroes.
AI translation rendered from the Sanskrit, not a published edition
PdP 3 40.20
विना राज्येन कर्तव्यं किं भोगैर्जीवितेनवा । धिक्कष्टमिति संचिंत्य राजा विह्वलतां गतः
vinā rājyena kartavyaṃ kiṃ bhogairjīvitenavā | dhikkaṣṭamiti saṃciṃtya rājā vihvalatāṃ gataḥ
"Apart from a kingdom, what is to be done—what use are enjoyments or life?" Thinking "Alas, this is misery!" the king fell into a state of collapse.
AI translation rendered from the Sanskrit, not a published edition
PdP 3 40.21
निश्चेष्टोऽथ निरुत्साहः किं चित्तिष्ठत्यधोमुखः । लब्धसंज्ञो यदा राजा चिंतयानः पुनः पुनः
niśceṣṭo'tha nirutsāhaḥ kiṃ cittiṣṭhatyadhomukhaḥ | labdhasaṃjño yadā rājā ciṃtayānaḥ punaḥ punaḥ
Then, motionless and without spirit, he sat somehow with his face bowed down. When the king regained consciousness, brooding again and again (he said):
AI translation rendered from the Sanskrit, not a published edition
PdP 3 40.22
कं चरे विधिना योगं नियमं तीर्थमेव वा । येनाहं शीघ्रमामुच्ये महापातककिल्बिषात्
kaṃ care vidhinā yogaṃ niyamaṃ tīrthameva vā | yenāhaṃ śīghramāmucye mahāpātakakilbiṣāt
"What yoga should I practise according to rule, or what observance, or what holy place, by which I may quickly be freed from the taint of great sins—
AI translation rendered from the Sanskrit, not a published edition
PdP 3 40.23
यत्र स्नात्वा नरो याति विष्णुलोकमनुत्तमम् । कथं पृच्छामि वै कृष्णं येनेदं कारितं महत्
yatra snātvā naro yāti viṣṇulokamanuttamam | kathaṃ pṛcchāmi vai kṛṣṇaṃ yenedaṃ kāritaṃ mahat
"where, having bathed, a man goes to the unsurpassed world of Viṣṇu? How can I ask Kṛṣṇa, by whom this great (deed) was brought about?
AI translation rendered from the Sanskrit, not a published edition
PdP 3 40.24
धृतराष्ट्रं कथं पृच्छे यस्य पुत्रशतं हतम् । व्यासं कथमहं पृच्छे यस्य गोत्रक्षयः कृतः
dhṛtarāṣṭraṃ kathaṃ pṛcche yasya putraśataṃ hatam | vyāsaṃ kathamahaṃ pṛcche yasya gotrakṣayaḥ kṛtaḥ
"How can I ask Dhṛtarāṣṭra, whose hundred sons were killed? How can I ask Vyāsa, by whom the destruction of the lineage was accomplished?"
AI translation rendered from the Sanskrit, not a published edition
PdP 3 40.25
एवं वैक्लव्यमापन्नो धर्मपुत्रो युधिष्ठिरः । रुदंतः पांडवाः सर्वे भ्रातृशोकपरिप्लुताः
evaṃ vaiklavyamāpanno dharmaputro yudhiṣṭhiraḥ | rudaṃtaḥ pāṃḍavāḥ sarve bhrātṛśokapariplutāḥ
Thus Yudhiṣṭhira, the son of Dharma, was overcome with dejection; and all the Pāṇḍavas were weeping, drowned in grief for their brother(s).
AI translation rendered from the Sanskrit, not a published edition
PdP 3 40.26
ये च तत्र महात्मानः समेताः पांडवाश्रिताः । कुंती च द्रौपदी चैव ये च तत्र समागताः
ye ca tatra mahātmānaḥ sametāḥ pāṃḍavāśritāḥ | kuṃtī ca draupadī caiva ye ca tatra samāgatāḥ
And those great-souled ones who were assembled there, dependants of the Pāṇḍavas, and Kuntī and Draupadī, and those who had come together there—
AI translation rendered from the Sanskrit, not a published edition
PdP 3 40.27
भूमौ निपतिताः सर्वे रोदमानाः समंततः । वाराणस्यां तु मार्कंडस्तेन ज्ञातो युधिष्ठरः
bhūmau nipatitāḥ sarve rodamānāḥ samaṃtataḥ | vārāṇasyāṃ tu mārkaṃḍastena jñāto yudhiṣṭharaḥ
all fell to the ground, weeping on every side. But in Vārāṇasī Mārkaṇḍa came to know of Yudhiṣṭhira by that (means),
AI translation rendered from the Sanskrit, not a published edition
PdP 3 40.28
यथाविक्लवमापन्नो रोदमानः सुदुःखितः । अचिरेणैव कालेन मार्कंडस्तु महातपाः
yathāviklavamāpanno rodamānaḥ suduḥkhitaḥ | acireṇaiva kālena mārkaṃḍastu mahātapāḥ
how he had fallen into distress, weeping and deeply grieved. And in no long time Mārkaṇḍa of great austerity,
AI translation rendered from the Sanskrit, not a published edition
PdP 3 40.29
हस्तिनापुर संप्राप्तो राजद्वारे स तिष्ठति । द्वारपालोऽपि तं दृष्ट्वा राज्ञः कथितवान्द्रुतम्
hastināpura saṃprāpto rājadvāre sa tiṣṭhati | dvārapālo'pi taṃ dṛṣṭvā rājñaḥ kathitavāndrutam
having reached Hastināpura, stood at the king's gate. And the gatekeeper, seeing him, quickly reported to the king:
AI translation rendered from the Sanskrit, not a published edition
PdP 3 40.30
त्वां द्रष्टुकामो मार्कंडो द्वारे तिष्ठत्यसौ मुनिः । त्वरितो धर्मपुत्रस्तु द्वारमेत्याह तत्परः
tvāṃ draṣṭukāmo mārkaṃḍo dvāre tiṣṭhatyasau muniḥ | tvarito dharmaputrastu dvārametyāha tatparaḥ
"That sage Mārkaṇḍa, wishing to see you, is standing at the gate." And the son of Dharma, in haste, intent on that, came to the gate and said:
AI translation rendered from the Sanskrit, not a published edition
PdP 3 40.31
युधिष्ठिर उवाच- स्वागतं ते महाप्राज्ञ स्वागतं ते महामुने । अद्य मे सफलं जन्म अद्य मे पावितं कुलम्
yudhiṣṭhira uvāca- svāgataṃ te mahāprājña svāgataṃ te mahāmune | adya me saphalaṃ janma adya me pāvitaṃ kulam
Yudhiṣṭhira said: Welcome to you, greatly wise one; welcome to you, great sage. Today my birth has borne fruit; today my family has been purified;
AI translation rendered from the Sanskrit, not a published edition
PdP 3 40.32
अद्य मे पितरस्तृप्तास्त्वयि दृष्टे महामुने । सिंहासन उपस्थाप्य पादशौचार्चनादिभिः
adya me pitarastṛptāstvayi dṛṣṭe mahāmune | siṃhāsana upasthāpya pādaśaucārcanādibhiḥ
today my forefathers are satisfied, now that you have been seen, great sage. Having seated (him) on a lion-throne, with the washing of his feet, worship, and the rest,
AI translation rendered from the Sanskrit, not a published edition
PdP 3 40.33
युधिष्ठिरो महात्मा वै पूजयामास तं मुनिम् । ततस्तमूचे मार्कण्डः पूजितोऽहं त्वया विभो
yudhiṣṭhiro mahātmā vai pūjayāmāsa taṃ munim | tatastamūce mārkaṇḍaḥ pūjito'haṃ tvayā vibho
the great-souled Yudhiṣṭhira honoured that sage. Then Mārkaṇḍa said to him: "I have been honoured by you, O lord.
AI translation rendered from the Sanskrit, not a published edition
PdP 3 40.34
आख्याहि त्वरितो राजन्किमर्थं त्वरितं त्वया । केन वा विक्लवीभूतः कथयस्व ममाग्रतः
ākhyāhi tvarito rājankimarthaṃ tvaritaṃ tvayā | kena vā viklavībhūtaḥ kathayasva mamāgrataḥ
"Tell me quickly, O king, for what purpose you have hastened, or by what you have been made distraught—speak before me."
AI translation rendered from the Sanskrit, not a published edition
PdP 3 40.35
युधिष्ठिर उवाच- अस्माकं चैव यद्वृत्तं राज्यस्यार्थे महामुने । एतत्सर्वं विदित्वा तु भगवानिह चागतः
yudhiṣṭhira uvāca- asmākaṃ caiva yadvṛttaṃ rājyasyārthe mahāmune | etatsarvaṃ viditvā tu bhagavāniha cāgataḥ
Yudhiṣṭhira said: What has befallen us for the sake of the kingdom, great sage — knowing all this, the Lord (i.e. you, revered one) has come here.
AI translation rendered from the Sanskrit, not a published edition
PdP 3 40.36
मार्कंडेय उवाच- शृणु राजन्महाबाहो यत्र धर्मो व्यवस्थितः । नैव दृष्टं रणे पापं युध्यमानस्य धीमतः
mārkaṃḍeya uvāca- śṛṇu rājanmahābāho yatra dharmo vyavasthitaḥ | naiva dṛṣṭaṃ raṇe pāpaṃ yudhyamānasya dhīmataḥ
Mārkaṇḍeya said: Listen, O king of mighty arms: where righteousness stands firm, no sin is seen in battle for a wise man who fights.
AI translation rendered from the Sanskrit, not a published edition
PdP 3 40.37
किं पुना राजधर्मेण क्षत्रियस्य विशेषतः । तदेवं हृदये कृत्वा तस्मात्पापं न चिंतयेत्
kiṃ punā rājadharmeṇa kṣatriyasya viśeṣataḥ | tadevaṃ hṛdaye kṛtvā tasmātpāpaṃ na ciṃtayet
How much more (is this so) by the law of kings, especially for a kṣatriya? So, keeping this in the heart, one should not brood on sin because of that.
AI translation rendered from the Sanskrit, not a published edition
PdP 3 40.38
ततो युधिष्ठिरो राजा प्रणम्य शिरसा मुनिम् । पृच्छामि त्वां मुनिश्रेष्ठ सदा त्रैकाल्यदर्शनम् । कथयस्व समासेन मुच्येऽहं येन किल्बिषात्
tato yudhiṣṭhiro rājā praṇamya śirasā munim | pṛcchāmi tvāṃ muniśreṣṭha sadā traikālyadarśanam | kathayasva samāsena mucye'haṃ yena kilbiṣāt
Then king Yudhiṣṭhira, bowing his head to the sage (said): I ask you, best of sages, who ever see the three times — tell (it) in brief, that by which I may be freed from guilt.
AI translation rendered from the Sanskrit, not a published edition
PdP 3 40.39
मार्कंडेय उवाच- शृणु राजन्महाभाग यन्मां पृच्छसि भारत । एवं सांख्यं च योगं च तीर्थं चैव युधिष्ठिर
mārkaṃḍeya uvāca- śṛṇu rājanmahābhāga yanmāṃ pṛcchasi bhārata | evaṃ sāṃkhyaṃ ca yogaṃ ca tīrthaṃ caiva yudhiṣṭhira
Mārkaṇḍeya said: Listen, O greatly fortunate king, to what you ask of me, Bhārata — thus (I shall tell of) Sāṃkhya and Yoga and the sacred fords, Yudhiṣṭhira.
AI translation rendered from the Sanskrit, not a published edition
PdP 3 40.40
किं पुनर्ब्राह्मणैः पुण्यैः कीर्तितं वै पुरा विभो । प्रयागगमनं श्रेष्ठं नराणां पुण्यकर्मणाम्
kiṃ punarbrāhmaṇaiḥ puṇyaiḥ kīrtitaṃ vai purā vibho | prayāgagamanaṃ śreṣṭhaṃ narāṇāṃ puṇyakarmaṇām
How much more (that) which was proclaimed of old by the meritorious brahmins, O mighty one: that going to Prayāga is best for men of meritorious deeds.
AI translation rendered from the Sanskrit, not a published edition — the model flagged this verse as uncertain