Padma Purana — Svarga Khanda — Chapter 36
PdP 3 36.1
नारद उवाच- वाराणस्यां महाराज मध्यमेशं परात्परम् । तस्मिन्स्थाने महादेवो देव्या सह महेश्वरः
nārada uvāca- vārāṇasyāṃ mahārāja madhyameśaṃ parātparam | tasminsthāne mahādevo devyā saha maheśvaraḥ
Nārada said: In Vārāṇasī, great king, (there is) Madhyameśa, higher than the highest; in that place the great god Maheśvara, together with the Goddess,
AI translation rendered from the Sanskrit, not a published edition
PdP 3 36.2
रमते भगवान्नित्यं रुद्रैश्च परिवारितः । तत्र पूर्वं हृषीकेशो विश्वात्मा देवकीसुतः
ramate bhagavānnityaṃ rudraiśca parivāritaḥ | tatra pūrvaṃ hṛṣīkeśo viśvātmā devakīsutaḥ
the Lord ever takes his delight, surrounded by the Rudras. There formerly Hṛṣīkeśa, the Self of all, the son of Devakī,
AI translation rendered from the Sanskrit, not a published edition
PdP 3 36.3
उवास वत्सरं कृष्णः सदा पाशुपतैर्युतः । भस्मोद्धूलितसर्वांगो रुद्राध्ययनतत्परः
uvāsa vatsaraṃ kṛṣṇaḥ sadā pāśupatairyutaḥ | bhasmoddhūlitasarvāṃgo rudrādhyayanatatparaḥ
Kṛṣṇa dwelt for a year, always accompanied by Pāśupatas, all his limbs dusted with ashes, intent upon the recitation of the Rudra (hymn),
AI translation rendered from the Sanskrit, not a published edition
PdP 3 36.4
आराधयन्हरिः शंभुं कृत्वा पाशुपतंव्रतम् । तस्य ते बहवः शिष्याः ब्रह्मचर्यपरायणाः
ārādhayanhariḥ śaṃbhuṃ kṛtvā pāśupataṃvratam | tasya te bahavaḥ śiṣyāḥ brahmacaryaparāyaṇāḥ
Hari worshipping Śambhu, having undertaken the Pāśupata vow. Those many disciples of his, devoted to chastity,
AI translation rendered from the Sanskrit, not a published edition
PdP 3 36.5
लब्ध्वा तद्वदनाज्ज्ञानं दृष्टवंतो महेश्वरम् । तस्य देवो महादेवः प्रत्यक्षं नीललोहितः
labdhvā tadvadanājjñānaṃ dṛṣṭavaṃto maheśvaram | tasya devo mahādevaḥ pratyakṣaṃ nīlalohitaḥ
having received knowledge from his mouth, beheld Maheśvara. To him the god Mahādeva, the blue-and-red one, visibly (present),
AI translation rendered from the Sanskrit, not a published edition
PdP 3 36.6
ददौ कृष्णस्य भगवान्वरदो वरमुत्तमम् । येऽर्चयंति च गोविंदं मद्भक्ता विधिपूर्वकम्
dadau kṛṣṇasya bhagavānvarado varamuttamam | ye'rcayaṃti ca goviṃdaṃ madbhaktā vidhipūrvakam
the Lord, the giver of boons, gave to Kṛṣṇa the highest boon: "Those devotees of mine who worship Govinda according to the rule —"
AI translation rendered from the Sanskrit, not a published edition
PdP 3 36.7
तेषां तदैश्वरं ज्ञानमुत्पत्स्यति जगन्मयम् । नमस्योऽर्चयितव्यश्च ध्यातव्यो मत्परैर्जनैः
teṣāṃ tadaiśvaraṃ jñānamutpatsyati jaganmayam | namasyo'rcayitavyaśca dhyātavyo matparairjanaiḥ
For them there will arise that lordly knowledge which comprises the whole world; and (I) am to be bowed to, to be worshipped, and to be meditated on by people devoted to me.
AI translation rendered from the Sanskrit, not a published edition
PdP 3 36.8
भविष्यंति न संदेहो मत्प्रसादाद्द्विजातयः । येऽत्र द्रक्ष्यंति देवेशं स्नात्वा देवं पिनाकिनम्
bhaviṣyaṃti na saṃdeho matprasādāddvijātayaḥ | ye'tra drakṣyaṃti deveśaṃ snātvā devaṃ pinākinam
By my grace they will become twice-born — there is no doubt. Those who here, having bathed, will behold the lord of gods, the god bearing the Pināka —
AI translation rendered from the Sanskrit, not a published edition
PdP 3 36.9
ब्रह्महत्यादिकं पापं तेषामाशु विनश्यति । प्राणांस्त्यक्ष्यंति ये र्मत्याः पापकर्मरता अपि
brahmahatyādikaṃ pāpaṃ teṣāmāśu vinaśyati | prāṇāṃstyakṣyaṃti ye rmatyāḥ pāpakarmaratā api
their sin, beginning with the killing of a brahmin, is swiftly destroyed. Even those mortals given to evil deeds who give up their breath (here) —
AI translation rendered from the Sanskrit, not a published edition
PdP 3 36.10
ते यांति तत्परं स्थानं नात्र कार्या विचारणा । धन्यास्तु खलु ते विज्ञा मंदाकिन्यां कृतोदकाः
te yāṃti tatparaṃ sthānaṃ nātra kāryā vicāraṇā | dhanyāstu khalu te vijñā maṃdākinyāṃ kṛtodakāḥ
they go to that highest abode; no doubt should be entertained about this. Truly blessed and wise are those who have made water-offerings in the Mandākinī,
AI translation rendered from the Sanskrit, not a published edition
PdP 3 36.11
अर्चयित्वा महादेवं मध्यमेश्वरमीश्वरम् । ज्ञानं दानं तपः श्राद्धं पिंडनिर्वपणं त्विह
arcayitvā mahādevaṃ madhyameśvaramīśvaram | jñānaṃ dānaṃ tapaḥ śrāddhaṃ piṃḍanirvapaṇaṃ tviha
having worshipped Mahādeva, the lord Madhyameśvara. Knowledge, giving, austerity, the śrāddha, and the offering of piṇḍas here —
AI translation rendered from the Sanskrit, not a published edition
PdP 3 36.12
एकैकशः कृतं कर्म पुनात्यासप्तमं कुलम् । सन्निहत्यामुपस्पृश्य राहुग्रस्ते दिवाकरे
ekaikaśaḥ kṛtaṃ karma punātyāsaptamaṃ kulam | sannihatyāmupaspṛśya rāhugraste divākare
each act, done singly, purifies the family up to the seventh (generation). Having touched (the water) at Sannihatī when the sun is seized by Rāhu,
AI translation rendered from the Sanskrit, not a published edition
PdP 3 36.13
यत्फलं लभते मर्त्त्यस्तस्माद्दशगुणं त्विह । एवमुक्तं महाराज माहात्म्यं मध्यमेश्वरे । यः शृणोति परं भक्त्या स याति परमं पदम्
yatphalaṃ labhate marttyastasmāddaśaguṇaṃ tviha | evamuktaṃ mahārāja māhātmyaṃ madhyameśvare | yaḥ śṛṇoti paraṃ bhaktyā sa yāti paramaṃ padam
whatever fruit a mortal obtains, ten times that (is obtained) here. Thus, great king, has the greatness of Madhyameśvara been told; whoever hears it with supreme devotion goes to the highest state.
AI translation rendered from the Sanskrit, not a published edition