Padma Purana — Svarga Khanda — Chapter 35
PdP 3 35.1
नारद उवाच- अथान्यत्तत्र वै लिंगं कपर्दीश्वरमुत्तमम् । स्नात्वा तत्र विधानेन तर्पयित्वा पितॄन्नृप
nārada uvāca- athānyattatra vai liṃgaṃ kapardīśvaramuttamam | snātvā tatra vidhānena tarpayitvā pitṝnnṛpa
Nārada said: Now there is yet another liṅga there, the excellent Kapardīśvara. Having bathed there according to the rule and offered libation to the ancestors, O king,
AI translation rendered from the Sanskrit, not a published edition
PdP 3 35.2
मुच्यते सर्वपापेभ्यो मुक्तिं भुक्तिं च विंदति । पिशाचमोचनं नाम तीर्थमन्यत्ततः स्थितम्
mucyate sarvapāpebhyo muktiṃ bhuktiṃ ca viṃdati | piśācamocanaṃ nāma tīrthamanyattataḥ sthitam
one is released from all sins and obtains both liberation and enjoyment. Another sacred place, named Piśācamocana, is situated beyond that.
AI translation rendered from the Sanskrit, not a published edition
PdP 3 35.3
तत्राश्चर्यमयो देवो मुक्तिदः सर्वदोषहः । कश्चिद्दैत्यो जगामेदं शार्दूलो घोररूपधृक्
tatrāścaryamayo devo muktidaḥ sarvadoṣahaḥ | kaściddaityo jagāmedaṃ śārdūlo ghorarūpadhṛk
There the god, full of wonder, is a giver of liberation and destroyer of all faults. A certain demon, bearing the fearsome form of a tiger, came to this place
AI translation rendered from the Sanskrit, not a published edition
PdP 3 35.4
मृगीमेकां भक्षयितुं कपर्दीश्वरमुत्तमम् । तत्र सा भीतहृदया कृत्वा कृत्वा प्रदक्षिणम्
mṛgīmekāṃ bhakṣayituṃ kapardīśvaramuttamam | tatra sā bhītahṛdayā kṛtvā kṛtvā pradakṣiṇam
in order to devour a doe — (who had come) to the excellent Kapardīśvara. There she, her heart terrified, making circumambulation again and again,
AI translation rendered from the Sanskrit, not a published edition
PdP 3 35.5
धावमाना सुसंभ्रांता व्याघ्रस्य वशमागता । तां विदार्य नखैस्तीक्ष्णैः शार्दूलः स महाबलः
dhāvamānā susaṃbhrāṃtā vyāghrasya vaśamāgatā | tāṃ vidārya nakhaistīkṣṇaiḥ śārdūlaḥ sa mahābalaḥ
running about, greatly bewildered, came into the tiger's power. That mighty tiger, having torn her open with his sharp claws,
AI translation rendered from the Sanskrit, not a published edition
PdP 3 35.6
जगाम चान्यं विजनं देशं दृष्ट्वा मुनीश्वरान् । मृतमात्रा च सा बाला कपर्दीशाग्रतो मृगी
jagāma cānyaṃ vijanaṃ deśaṃ dṛṣṭvā munīśvarān | mṛtamātrā ca sā bālā kapardīśāgrato mṛgī
went off to another, uninhabited region, having seen the great sages. And that young doe, the moment she died, before Kapardīśa —
AI translation rendered from the Sanskrit, not a published edition
PdP 3 35.7
अदृश्यत महाज्वाला व्योम्नि सूर्यसमप्रभा । त्रिनेत्रा नीलकंठा च शशांकांकित मूर्द्धजा
adṛśyata mahājvālā vyomni sūryasamaprabhā | trinetrā nīlakaṃṭhā ca śaśāṃkāṃkita mūrddhajā
a great flame was seen in the sky, with radiance equal to the sun's, three-eyed and blue-throated, its hair marked with the crescent moon,
AI translation rendered from the Sanskrit, not a published edition
PdP 3 35.8
वृषाधिरूढा पुरुषैस्तादृशैरेव संवृता । पुष्पवृष्टिं विमुंचंति खेचरास्तत्समंततः
vṛṣādhirūḍhā puruṣaistādṛśaireva saṃvṛtā | puṣpavṛṣṭiṃ vimuṃcaṃti khecarāstatsamaṃtataḥ
mounted on a bull, surrounded by men just like that; the sky-travellers released a rain of flowers all around it.
AI translation rendered from the Sanskrit, not a published edition
PdP 3 35.9
गणेश्वरी स्वयं भूत्वा न दृष्टा तत्क्षणात्ततः । दृष्ट्वा तदाश्चर्यवरं प्रशशंसुः सुरादयः
gaṇeśvarī svayaṃ bhūtvā na dṛṣṭā tatkṣaṇāttataḥ | dṛṣṭvā tadāścaryavaraṃ praśaśaṃsuḥ surādayaḥ
Having herself become a leader of Śiva's hosts, she was no longer seen from that moment on. Seeing that supreme marvel, the gods and others gave praise.
AI translation rendered from the Sanskrit, not a published edition
PdP 3 35.10
तन्महेशस्य वै लिंगं कपर्दीश्वरमुत्तमम् । स्मृत्वैवाशेषपापौघात्क्षिप्रमस्य विमुंचति
tanmaheśasya vai liṃgaṃ kapardīśvaramuttamam | smṛtvaivāśeṣapāpaughātkṣipramasya vimuṃcati
That liṅga of Maheśa, the excellent Kapardīśvara — merely by remembering it, one is quickly released from one's whole flood of sin.
AI translation rendered from the Sanskrit, not a published edition
PdP 3 35.11
कामक्रोधादयो दोषा वाराणसी निवासिनाम् । विघ्नाः सर्वे विनश्यंति कपर्दीश्वरपूजनात्
kāmakrodhādayo doṣā vārāṇasī nivāsinām | vighnāḥ sarve vinaśyaṃti kapardīśvarapūjanāt
The faults beginning with desire and anger, of those who dwell in Vārāṇasī, and all obstacles are destroyed by the worship of Kapardīśvara.
AI translation rendered from the Sanskrit, not a published edition
PdP 3 35.12
तस्मात्सदैव द्रष्टव्यं कपर्दीश्वरमुत्तमम् । पूजितव्यं प्रयत्नेन स्तोतव्यं वैदिकैस्तवैः
tasmātsadaiva draṣṭavyaṃ kapardīśvaramuttamam | pūjitavyaṃ prayatnena stotavyaṃ vaidikaistavaiḥ
Therefore the excellent Kapardīśvara should always be looked upon, should be worshipped with effort, should be praised with Vedic hymns.
AI translation rendered from the Sanskrit, not a published edition
PdP 3 35.13
ध्यायतां चात्र नियतं योगिनां शांतचेतसाम् । जायते योगसिद्धिः स्यात्षण्मासेन न संशयः
dhyāyatāṃ cātra niyataṃ yogināṃ śāṃtacetasām | jāyate yogasiddhiḥ syātṣaṇmāsena na saṃśayaḥ
And for yogins of calm mind who meditate here regularly, the attainment of yoga arises — it comes about within six months, there is no doubt.
AI translation rendered from the Sanskrit, not a published edition
PdP 3 35.14
ब्रह्महत्यादयः पापा विनश्यंत्यस्य पूजनात् । पिशाचमोचने कुंडे स्नातः स्यात्प्रशमो यतः
brahmahatyādayaḥ pāpā vinaśyaṃtyasya pūjanāt | piśācamocane kuṃḍe snātaḥ syātpraśamo yataḥ
Sins such as the killing of a brahmin are destroyed by the worship of him; and one who has bathed in the pool at Piśācamocana would have appeasement (of them) thereby.
AI translation rendered from the Sanskrit, not a published edition
PdP 3 35.15
तस्मिन्क्षेत्रे पुरा विप्रस्तपस्वी संशितव्रतः । शंकुकर्ण इति ख्यातः पूजयामास शंकरम्
tasminkṣetre purā viprastapasvī saṃśitavrataḥ | śaṃkukarṇa iti khyātaḥ pūjayāmāsa śaṃkaram
In that sacred field, long ago, an ascetic brahmin of firm vows, known as Śaṅkukarṇa, worshipped Śaṅkara.
AI translation rendered from the Sanskrit, not a published edition
PdP 3 35.16
जजाप रुद्रमनिशं प्रणवं ब्रह्मरूपिणम् । पुष्पधूपादिभिस्तोत्रैः नमस्कारैः प्रदक्षिणैः
jajāpa rudramaniśaṃ praṇavaṃ brahmarūpiṇam | puṣpadhūpādibhistotraiḥ namaskāraiḥ pradakṣiṇaiḥ
He muttered without cease (the name of) Rudra, the Praṇava, having the form of Brahman, with flowers, incense and the rest, with hymns, with prostrations, with circumambulations.
AI translation rendered from the Sanskrit, not a published edition
PdP 3 35.17
उपासीतात्र योगात्मा कृत्वा दीक्षां तु नैष्ठिकीम् । कदाचिदागतं प्रेतं पश्यति स्म क्षुधान्वितम्
upāsītātra yogātmā kṛtvā dīkṣāṃ tu naiṣṭhikīm | kadācidāgataṃ pretaṃ paśyati sma kṣudhānvitam
There, with his self absorbed in yoga, he worshipped (Śiva), having taken the vow of lifelong observance. Once he saw a departed spirit (preta) that had come, afflicted with hunger.
AI translation rendered from the Sanskrit, not a published edition
PdP 3 35.18
अस्थिचर्म पिनद्धांगं निश्वसंतं मुहुर्मुहुः । तं दृष्ट्वा स मुनिश्रेष्ठः कृपया परया युतः
asthicarma pinaddhāṃgaṃ niśvasaṃtaṃ muhurmuhuḥ | taṃ dṛṣṭvā sa muniśreṣṭhaḥ kṛpayā parayā yutaḥ
Its limbs were bound up with (nothing but) bone and skin, and it gasped again and again. Seeing it, that best of sages, filled with the highest compassion,
AI translation rendered from the Sanskrit, not a published edition
PdP 3 35.19
प्रोवाच को भवान्कस्माद्देशाद्देशमिमं श्रितः । तस्मै पिशाचः क्षुधया पीड्यमानोऽब्रवीद्वचः
provāca ko bhavānkasmāddeśāddeśamimaṃ śritaḥ | tasmai piśācaḥ kṣudhayā pīḍyamāno'bravīdvacaḥ
said: "Who are you? From what country have you come to this country?" To him the ghoul, tormented by hunger, spoke these words:
AI translation rendered from the Sanskrit, not a published edition
PdP 3 35.20
पूर्वजन्मन्यहं विप्रो धनधान्यसमन्वितः । पुत्रपौत्रादिभिर्युक्तः कुटुंबभरणोत्सुकः
pūrvajanmanyahaṃ vipro dhanadhānyasamanvitaḥ | putrapautrādibhiryuktaḥ kuṭuṃbabharaṇotsukaḥ
"In a former birth I was a brahmin, possessed of wealth and grain, endowed with sons and grandsons and the rest, eager to support my family.
AI translation rendered from the Sanskrit, not a published edition
PdP 3 35.21
न पूजिता महादेवा गावोऽप्यतिथयस्तथा । न कदाचित्कृतं पुण्यमल्पं वानल्पमेव च
na pūjitā mahādevā gāvo'pyatithayastathā | na kadācitkṛtaṃ puṇyamalpaṃ vānalpameva ca
The great gods were not worshipped (by me), nor cows, nor guests likewise; never was any merit performed, whether small or not small.
AI translation rendered from the Sanskrit, not a published edition
PdP 3 35.22
एकदा भगवान्देवो वृषभेश्वरवाहनः । विश्वेश्वरो वाराणस्यां दृष्टः स्पृष्टो नमस्कृतः
ekadā bhagavāndevo vṛṣabheśvaravāhanaḥ | viśveśvaro vārāṇasyāṃ dṛṣṭaḥ spṛṣṭo namaskṛtaḥ
Once the Lord, the god whose mount is the bull-lord, Viśveśvara, was seen, touched and bowed to (by me) in Vārāṇasī.
AI translation rendered from the Sanskrit, not a published edition
PdP 3 35.23
तदाचिरेण कालेन पंचत्वमहमागतः । न दृष्टं तन्महाघोरं यमस्य सदनं मुने
tadācireṇa kālena paṃcatvamahamāgataḥ | na dṛṣṭaṃ tanmahāghoraṃ yamasya sadanaṃ mune
Then before long I came to death; (yet) I did not see that most terrible abode of Yama, O sage.
AI translation rendered from the Sanskrit, not a published edition
PdP 3 35.24
पिपासयाधुनाक्रांतो न जानामि हिताहितम् । यदि कंचित्समुद्धर्तुमुपायं पश्यसि प्रभो
pipāsayādhunākrāṃto na jānāmi hitāhitam | yadi kaṃcitsamuddhartumupāyaṃ paśyasi prabho
Now, overcome by thirst, I do not know what is good or not good (for me). If, O lord, you see any means of rescuing (me),
AI translation rendered from the Sanskrit, not a published edition
PdP 3 35.25
कुरुष्व तं नमस्तुभ्यं त्वामहं शरणं गतः । इत्युक्तः शंकुकर्णोऽथ पिशाचमिदमब्रवीत्
kuruṣva taṃ namastubhyaṃ tvāmahaṃ śaraṇaṃ gataḥ | ityuktaḥ śaṃkukarṇo'tha piśācamidamabravīt
do it. Homage to you; I have gone to you for refuge." So addressed, Śaṅkukarṇa then said this to the ghoul:
AI translation rendered from the Sanskrit, not a published edition
PdP 3 35.26
तादृशो नहि लोकेस्मिन्विद्यते पुण्यकृत्तमः । यत्त्वया भगवान्पूर्वं दृष्टो विश्वेश्वरः शिवः
tādṛśo nahi lokesminvidyate puṇyakṛttamaḥ | yattvayā bhagavānpūrvaṃ dṛṣṭo viśveśvaraḥ śivaḥ
"There is no one in this world so supremely meritorious (as you), since by you the Lord Viśveśvara Śiva was formerly seen,
AI translation rendered from the Sanskrit, not a published edition
PdP 3 35.27
संस्पृष्टो वंदितो भूयः कोऽन्यस्त्वत्सदृशो भुवि । तेन कर्मविपाकेन देशमेतं समागतः
saṃspṛṣṭo vaṃdito bhūyaḥ ko'nyastvatsadṛśo bhuvi | tena karmavipākena deśametaṃ samāgataḥ
touched, and moreover saluted. Who else on earth is like you? By the ripening of that karma you have come to this country.
AI translation rendered from the Sanskrit, not a published edition
PdP 3 35.28
स्नानं कुरुष्व शीघ्रं त्वमस्मिन्कुंडे समाहितः । येनेमां कुत्सितां योनिं क्षिप्रमेव प्रहास्यसि
snānaṃ kuruṣva śīghraṃ tvamasminkuṃḍe samāhitaḥ | yenemāṃ kutsitāṃ yoniṃ kṣiprameva prahāsyasi
Bathe quickly, with concentrated mind, in this pool, by which you will very soon abandon this contemptible birth-state."
AI translation rendered from the Sanskrit, not a published edition
PdP 3 35.29
स एवमुक्तो मुनिना पिशाचो दयालुना देववरं त्रिनेत्रम् । स्मृत्वा कपर्दीश्वरमीशितारं चक्रे समाधाय मनोवगाहम्
sa evamukto muninā piśāco dayālunā devavaraṃ trinetram | smṛtvā kapardīśvaramīśitāraṃ cakre samādhāya manovagāham
Thus addressed by the compassionate sage, the ghoul, remembering the best of gods, the three-eyed Kapardīśvara, the ruler, composed his mind and made his plunge (into the water).
AI translation rendered from the Sanskrit, not a published edition
PdP 3 35.30
तदावगाढो मुनिसन्निधाने ममार दिव्याभरणोपपन्नः । अदृश्यतार्कप्रतिमो विमाने शशांकचिह्नीकृतचारुमौलि
tadāvagāḍho munisannidhāne mamāra divyābharaṇopapannaḥ | adṛśyatārkapratimo vimāne śaśāṃkacihnīkṛtacārumauli
Then, having plunged in, he died in the sage's presence, and (at once) appeared endowed with divine ornaments, like the sun, in a celestial car, his lovely crown marked with the crescent moon.
AI translation rendered from the Sanskrit, not a published edition
PdP 3 35.31
विभाति रुद्रैः सहितो दिविष्ठैः समाभृतो योगिरिभरप्रमेयैः । स वालखिल्यादिभिरेष देवो यथोदये भानुरशेषदेवः
vibhāti rudraiḥ sahito diviṣṭhaiḥ samābhṛto yogiribharaprameyaiḥ | sa vālakhilyādibhireṣa devo yathodaye bhānuraśeṣadevaḥ
He shines, together with the Rudras who dwell in heaven, attended by yogis immeasurable as great mountains; this god (shines) with the Vālakhilyas and the rest, as the sun at its rising with all the gods.
AI translation rendered from the Sanskrit, not a published edition — the model flagged this verse as uncertain
PdP 3 35.32
स्तुवंति सिद्धादि विदेवसंघा नृत्यंति दिव्याप्सरसोऽभिरामाः । मुंचंति वृष्टिं कुसुमांबुमिश्रां गंधर्वविद्याधरकिन्नराद्याः
stuvaṃti siddhādi videvasaṃghā nṛtyaṃti divyāpsaraso'bhirāmāḥ | muṃcaṃti vṛṣṭiṃ kusumāṃbumiśrāṃ gaṃdharvavidyādharakinnarādyāḥ
The hosts of Siddhas and the like and of the demigods praise (him); the lovely divine Apsarases dance; the Gandharvas, Vidyādharas, Kinnaras and others release a rain mixed with flowers and water.
AI translation rendered from the Sanskrit, not a published edition
PdP 3 35.33
संस्तूयमानोऽथ मुनींद्रसंघैरवाप्य बोधं भगवत्प्रसादात् । समाविशन्मंडलमेतदग्र्यं त्रयीमयं यत्र विभाति रुद्रः
saṃstūyamāno'tha munīṃdrasaṃghairavāpya bodhaṃ bhagavatprasādāt | samāviśanmaṃḍalametadagryaṃ trayīmayaṃ yatra vibhāti rudraḥ
Then, being praised by the hosts of the chief sages, having obtained awakening by the Lord's grace, he entered that foremost sphere, made of the triple Veda, where Rudra shines.
AI translation rendered from the Sanskrit, not a published edition
PdP 3 35.34
दृष्ट्वा विमुक्तं स पिशाचभूतं मुनिः प्रहृष्टो मनसा महेशम् । विचिंत्य रुद्रं कविमेकमग्निं प्रणम्य तुष्टाव कपर्दिनं तम्
dṛṣṭvā vimuktaṃ sa piśācabhūtaṃ muniḥ prahṛṣṭo manasā maheśam | viciṃtya rudraṃ kavimekamagniṃ praṇamya tuṣṭāva kapardinaṃ tam
Seeing the one who had been a ghoul thus liberated, the sage, delighted in mind, and having meditated on the Great Lord, on Rudra, the one seer, the fire, bowed and praised that Kapardin.
AI translation rendered from the Sanskrit, not a published edition
PdP 3 35.35
शंकुकर्ण उवाच-। कपर्दिनं त्वां परतः परस्ताद्गोप्तारमेकं पुरुषं पुराणम् । व्रजामि योगेश्वरमीप्सितारमादित्यमग्निं कपिलाधिरूढम्
śaṃkukarṇa uvāca-| kapardinaṃ tvāṃ parataḥ parastādgoptāramekaṃ puruṣaṃ purāṇam | vrajāmi yogeśvaramīpsitāramādityamagniṃ kapilādhirūḍham
Śaṅkukarṇa said: To you, Kapardin, who are beyond the beyond, the one protector, the ancient Puruṣa, I go — to the lord of yoga, the granter of what is desired, the sun, the fire, mounted on the tawny (bull).
AI translation rendered from the Sanskrit, not a published edition
PdP 3 35.36
त्वां ब्रह्मसारं हृदि संनिविष्टं हिरण्मयं योगिनमादिमं तम् । व्रजामि रुद्रं शरणं दिविष्ठं महामुनिं ब्रह्ममयं पवित्रम्
tvāṃ brahmasāraṃ hṛdi saṃniviṣṭaṃ hiraṇmayaṃ yoginamādimaṃ tam | vrajāmi rudraṃ śaraṇaṃ diviṣṭhaṃ mahāmuniṃ brahmamayaṃ pavitram
To you, the essence of Brahman, seated within the heart, golden, that primordial yogin — I go for refuge to Rudra, who dwells in heaven, the great sage, made of Brahman, the pure one.
AI translation rendered from the Sanskrit, not a published edition
PdP 3 35.37
सहस्रपादाक्षिशिरोभियुक्तं सहस्ररूपं तमसः परस्तात् । तं ब्रह्मपारं प्रणमामि शंभुं हिरण्यगर्भाधिपतिं त्रिनेत्रम्
sahasrapādākṣiśirobhiyuktaṃ sahasrarūpaṃ tamasaḥ parastāt | taṃ brahmapāraṃ praṇamāmi śaṃbhuṃ hiraṇyagarbhādhipatiṃ trinetram
(You who are) joined with a thousand feet, eyes and heads, of a thousand forms, beyond the darkness — to that Śambhu, the further shore of Brahman, the lord of Hiraṇyagarbha, the three-eyed, I bow.
AI translation rendered from the Sanskrit, not a published edition
PdP 3 35.38
यत्र प्रसूतिर्जगतो विनाशो येनावृतं सर्वमिदं शिवेन । तं ब्रह्मपारं भगवंतमीशं प्रणम्य नित्यं शरणं प्रपद्ये
yatra prasūtirjagato vināśo yenāvṛtaṃ sarvamidaṃ śivena | taṃ brahmapāraṃ bhagavaṃtamīśaṃ praṇamya nityaṃ śaraṇaṃ prapadye
In whom is the bringing forth of the world and its destruction, by whom, Śiva, all this is enveloped — having bowed to that lord, the blessed one, the further shore of Brahman, I go to (him as my) refuge always.
AI translation rendered from the Sanskrit, not a published edition
PdP 3 35.39
अलिंगमालोकविहीनरूपं स्वयंप्रभुं चित्पतिमेकरूपम् । तं ब्रह्मपारं परमेश्वरं त्वां नमस्करिष्ये न यतोऽन्यदस्ति
aliṃgamālokavihīnarūpaṃ svayaṃprabhuṃ citpatimekarūpam | taṃ brahmapāraṃ parameśvaraṃ tvāṃ namaskariṣye na yato'nyadasti
(You who are) without mark, of a form devoid of (any) appearance, self-luminous, lord of consciousness, of a single form — to you, the further shore of Brahman, the supreme lord, I will make obeisance, than whom there is nothing else.
AI translation rendered from the Sanskrit, not a published edition
PdP 3 35.40
यं योगिनस्त्यक्तसबीजयोगा लब्ध्वा समाधिं परमात्मभूताः । पश्यंति देवं प्रणतोऽस्मि नित्यं तं ब्रह्मपारं परमस्वरूपम्
yaṃ yoginastyaktasabījayogā labdhvā samādhiṃ paramātmabhūtāḥ | paśyaṃti devaṃ praṇato'smi nityaṃ taṃ brahmapāraṃ paramasvarūpam
The god whom yogins, having abandoned yoga-with-seed and attained samādhi, having become the supreme Self, behold — to him, the further shore of Brahman, whose form is supreme, I am bowed down always.
AI translation rendered from the Sanskrit, not a published edition
PdP 3 35.41
न यत्र नामादिविशेष कॢप्तिर्न संदृशे तिष्ठति यत्स्वरूपम् । तं ब्रह्मपारं प्रणतोऽस्मि नित्यं स्वयंभुवं त्वां शरणं प्रपद्ये
na yatra nāmādiviśeṣa kḷptirna saṃdṛśe tiṣṭhati yatsvarūpam | taṃ brahmapāraṃ praṇato'smi nityaṃ svayaṃbhuvaṃ tvāṃ śaraṇaṃ prapadye
In whom there is no fashioning of distinctions such as name and the rest, whose own form does not stand within sight — to that further shore of Brahman I am bowed down always; to you, the self-existent, I go for refuge.
AI translation rendered from the Sanskrit, not a published edition
PdP 3 35.42
यद्वेदवादाभिरता विदेहं सब्रह्मविज्ञानमभेदमेकम् । पश्यंत्यनेकं भवतः स्वरूपं तं ब्रह्मपारं प्रणतोऽस्मि नित्यम्
yadvedavādābhiratā videhaṃ sabrahmavijñānamabhedamekam | paśyaṃtyanekaṃ bhavataḥ svarūpaṃ taṃ brahmapāraṃ praṇato'smi nityam
That bodiless one, together with the knowledge of Brahman, undivided and one, which those devoted to the utterances of the Veda behold as manifold — your own form: to that further shore of Brahman I am bowed down always.
AI translation rendered from the Sanskrit, not a published edition — the model flagged this verse as uncertain
PdP 3 35.43
यतः प्रधानं पुरुषः पुराणो बिभर्ति तेजः प्रणमंति देवाः । नमामि तं ज्योतिषि सन्निविष्टं कालं बृहंतं भवतः स्वरूपम्
yataḥ pradhānaṃ puruṣaḥ purāṇo bibharti tejaḥ praṇamaṃti devāḥ | namāmi taṃ jyotiṣi sanniviṣṭaṃ kālaṃ bṛhaṃtaṃ bhavataḥ svarūpam
From whom the primal matter (pradhāna) and the ancient Puruṣa bear (their) radiance, (and) to whom the gods bow down — I salute him who is seated within the light, the vast Time, your own form.
AI translation rendered from the Sanskrit, not a published edition
PdP 3 35.44
व्रजामि नित्यं शरणं गुहेशं स्थाणुं प्रपद्ये गिरिशं पुराणम् । शिवं प्रपद्ये हरिमिंदुमौलिं पिनाकिनं त्वां शरणं व्रजामि
vrajāmi nityaṃ śaraṇaṃ guheśaṃ sthāṇuṃ prapadye giriśaṃ purāṇam | śivaṃ prapadye harimiṃdumauliṃ pinākinaṃ tvāṃ śaraṇaṃ vrajāmi
I go always for refuge to the lord of the cave; I resort to Sthāṇu, to the ancient Giriśa; I resort to Śiva, to Hari, to him crested with the moon; to you, the bearer of the Pināka, I go for refuge.
AI translation rendered from the Sanskrit, not a published edition
PdP 3 35.45
स्तुत्वैवं शंकुकर्णोऽपि भगवंतं कपर्दिनम् । पपात दंडवद्भूमौ प्रोच्चरन्प्रणवं परम्
stutvaivaṃ śaṃkukarṇo'pi bhagavaṃtaṃ kapardinam | papāta daṃḍavadbhūmau proccaranpraṇavaṃ param
Having praised the blessed matted-haired one thus, Śaṅkukarṇa too fell to the ground like a staff, uttering aloud the supreme praṇava (Om).
AI translation rendered from the Sanskrit, not a published edition
PdP 3 35.46
तत्क्षणात्परमं लिंगं प्रादुर्भूतं शिवात्मकम् । ज्ञानमानंदमत्यंतं कोटिज्वालाग्निसन्निभम्
tatkṣaṇātparamaṃ liṃgaṃ prādurbhūtaṃ śivātmakam | jñānamānaṃdamatyaṃtaṃ koṭijvālāgnisannibham
That very instant a supreme liṅga appeared, having the nature of Śiva, (which was) knowledge and bliss, utterly boundless, resembling a crore of blazing fires.
AI translation rendered from the Sanskrit, not a published edition
PdP 3 35.47
शंकुकर्णोऽथ मुक्तात्मा तदात्मा सर्वगोऽमलः । निलिल्ये विमले लिंगे तदद्भुतमिवाभवत्
śaṃkukarṇo'tha muktātmā tadātmā sarvago'malaḥ | nililye vimale liṃge tadadbhutamivābhavat
Then Śaṅkukarṇa, his self liberated, having become that (Śiva's) self, all-pervading and spotless, dissolved into the stainless liṅga; that was like a marvel.
AI translation rendered from the Sanskrit, not a published edition
PdP 3 35.48
एतद्रहस्यमाख्यातं माहात्म्यं ते कपर्द्दिनः । न कश्चिद्वेत्ति तमसा विद्वानप्यत्र मुह्यति
etadrahasyamākhyātaṃ māhātmyaṃ te kaparddinaḥ | na kaścidvetti tamasā vidvānapyatra muhyati
This secret has been told (to you), the greatness of the matted-haired one. No one knows it, because of darkness; even a learned man is bewildered here.
AI translation rendered from the Sanskrit, not a published edition
PdP 3 35.49
य इमां शृणुयान्नित्यं कथां पापप्रणाशिनीम् । त्यक्तपापविशुद्धात्मा रुद्रसामीप्यमाप्नुयात्
ya imāṃ śṛṇuyānnityaṃ kathāṃ pāpapraṇāśinīm | tyaktapāpaviśuddhātmā rudrasāmīpyamāpnuyāt
Whoever constantly listens to this story that destroys sin, with sins abandoned and self purified, would attain nearness to Rudra.
AI translation rendered from the Sanskrit, not a published edition
PdP 3 35.50
पठेच्च सततं शुद्धो ब्रह्मपारं महास्तवम् । प्रातर्मध्याह्नसमये स योगं प्राप्नुयात्परम्
paṭhecca satataṃ śuddho brahmapāraṃ mahāstavam | prātarmadhyāhnasamaye sa yogaṃ prāpnuyātparam
And (if) a pure man should recite continually the great hymn 'The Further Shore of Brahman' at morning and at midday, he would attain the supreme union.
AI translation rendered from the Sanskrit, not a published edition