Padma Purana — Svarga Khanda — Chapter 33
PdP 3 33.1
युधिष्ठिर उवाच- वाराणस्याश्च माहात्म्यं संक्षेपात्कथितं त्वया । विस्तरेण मुने ब्रूहि तदा प्रीणाति मे मनः
yudhiṣṭhira uvāca- vārāṇasyāśca māhātmyaṃ saṃkṣepātkathitaṃ tvayā | vistareṇa mune brūhi tadā prīṇāti me manaḥ
Yudhiṣṭhira said: The greatness of Vārāṇasī has been told by you in brief. Tell it at length, O sage; then my mind is gratified.
AI translation rendered from the Sanskrit, not a published edition
PdP 3 33.2
नारद उवाच-। अत्रेतिहासं वक्ष्यामि वाराणस्या गुणाश्रयम् । यस्य श्रवणमात्रेण मुच्यते ब्रह्महत्यया
nārada uvāca-| atretihāsaṃ vakṣyāmi vārāṇasyā guṇāśrayam | yasya śravaṇamātreṇa mucyate brahmahatyayā
Nārada said: On this I shall relate a story, the repository of Vārāṇasī's virtues, by the mere hearing of which one is freed from (the sin of) brahmin-murder.
AI translation rendered from the Sanskrit, not a published edition
PdP 3 33.3
मेरुशृंगे पुरा देवमीशानं त्रिपुरद्विषम् । देवासनगता देवी महादेवमपृच्छत
meruśṛṃge purā devamīśānaṃ tripuradviṣam | devāsanagatā devī mahādevamapṛcchata
Formerly, on the peak of Meru, the Goddess, seated on the divine seat, asked the god Īśāna, the foe of Tripura, Mahādeva:
AI translation rendered from the Sanskrit, not a published edition
PdP 3 33.4
देव्युवाच-। देवदेव महादेव भक्तानामार्तिनाशन । कथं त्वां पुरुषो देवमचिरादेव पश्यति
devyuvāca-| devadeva mahādeva bhaktānāmārtināśana | kathaṃ tvāṃ puruṣo devamacirādeva paśyati
The Goddess said: O god of gods, Mahādeva, destroyer of the distress of the devoted, how does a man see you, the god, very soon?
AI translation rendered from the Sanskrit, not a published edition
PdP 3 33.5
सांख्ययोगस्तथा ध्यानं कर्मयोगोऽथ वैदिकः । आयासबहुला लोके यानि चान्यानि शंकर
sāṃkhyayogastathā dhyānaṃ karmayogo'tha vaidikaḥ | āyāsabahulā loke yāni cānyāni śaṃkara
Sāṃkhya, yoga, and meditation, and then the Vedic path of action — these, and whatever others there are in the world, O Śaṃkara, are full of toil;
AI translation rendered from the Sanskrit, not a published edition
PdP 3 33.6
येन विश्रांतचित्तानां योगिनां कर्मिणामपि । दृश्यो हि भगवान्सूक्ष्मः सर्वेषामथ देहिनाम्
yena viśrāṃtacittānāṃ yogināṃ karmiṇāmapi | dṛśyo hi bhagavānsūkṣmaḥ sarveṣāmatha dehinām
— (tell me that) by which the subtle Lord is to be seen by yogins whose minds are at rest, and by those engaged in ritual action too, and indeed by all embodied beings.
AI translation rendered from the Sanskrit, not a published edition — the model flagged this verse as uncertain
PdP 3 33.7
एतद्गुह्यतमं ज्ञानं गूढं शक्रादिसेवितम् । हिताय सर्वभूतानां ब्रूहि कामाग्निनाशनम्
etadguhyatamaṃ jñānaṃ gūḍhaṃ śakrādisevitam | hitāya sarvabhūtānāṃ brūhi kāmāgnināśanam
"This most secret knowledge, hidden, resorted to by Indra and the other (gods) — for the welfare of all beings, tell (it to me), the destroyer of the fire of desire."
AI translation rendered from the Sanskrit, not a published edition
PdP 3 33.8
ईश्वर उवाच-। अवाच्यमत्र विज्ञानं ज्ञानमज्ञैर्बहिष्कृतम् । वक्ष्ये तव यथातत्त्वं यदुक्तं परमर्षिभिः
īśvara uvāca-| avācyamatra vijñānaṃ jñānamajñairbahiṣkṛtam | vakṣye tava yathātattvaṃ yaduktaṃ paramarṣibhiḥ
Īśvara said: The deeper knowledge here is not to be spoken of; (this) knowledge is kept outside the reach of the ignorant. I shall declare it to you as it truly is, as it has been told by the supreme sages.
AI translation rendered from the Sanskrit, not a published edition
PdP 3 33.9
परं गुह्यतमं क्षेत्रं मम वाराणसी पुरी । सर्वेषामेव भूतानां संसारार्णवतारिणी
paraṃ guhyatamaṃ kṣetraṃ mama vārāṇasī purī | sarveṣāmeva bhūtānāṃ saṃsārārṇavatāriṇī
The supreme, most secret sacred field of mine is the city of Vārāṇasī, which carries all beings across the ocean of transmigration.
AI translation rendered from the Sanskrit, not a published edition
PdP 3 33.10
तत्र भक्त्या महादेवि मदीयं व्रतमास्थिताः । निवसंति महात्मानः परं नियममास्थिताः
tatra bhaktyā mahādevi madīyaṃ vratamāsthitāḥ | nivasaṃti mahātmānaḥ paraṃ niyamamāsthitāḥ
There, great Goddess, great souls, having with devotion undertaken the observance that is mine, dwell, holding to the highest restraint.
AI translation rendered from the Sanskrit, not a published edition
PdP 3 33.11
उत्तमं सर्वतीर्थानां स्थानानामुत्तमं च यत् । ज्ञानानामुत्तमं ज्ञानमविमुक्तं परं मम
uttamaṃ sarvatīrthānāṃ sthānānāmuttamaṃ ca yat | jñānānāmuttamaṃ jñānamavimuktaṃ paraṃ mama
That which is the best of all tīrthas and the best of (all) places, and the best knowledge among knowledges — that is my supreme Avimukta.
AI translation rendered from the Sanskrit, not a published edition
PdP 3 33.12
स्थानांतर पवित्राणि तीर्थान्यायतनानि च । श्मशानसंस्थितान्येव दिव्यभूमिगतानि च
sthānāṃtara pavitrāṇi tīrthānyāyatanāni ca | śmaśānasaṃsthitānyeva divyabhūmigatāni ca
Elsewhere the tīrthas and shrines are (merely) pure — those set in cremation grounds and those situated in divine regions.
AI translation rendered from the Sanskrit, not a published edition — the model flagged this verse as uncertain
PdP 3 33.13
भूर्लोके नैव संलग्नमंतरिक्षे ममालयम् । अमुक्तास्तत्र पश्यंति मुक्ताः पश्यंति चेतसा
bhūrloke naiva saṃlagnamaṃtarikṣe mamālayam | amuktāstatra paśyaṃti muktāḥ paśyaṃti cetasā
My abode is attached neither to the earth-world nor to the mid-region; the unliberated see it there (i.e. as a place), (but) the liberated see it with the mind.
AI translation rendered from the Sanskrit, not a published edition
PdP 3 33.14
श्मशानमेतद्विख्यातमविमुक्तमिति श्रुतम् । कालो भूत्वा जगदिदं संहराम्यत्र सुंदरि
śmaśānametadvikhyātamavimuktamiti śrutam | kālo bhūtvā jagadidaṃ saṃharāmyatra suṃdari
This cremation ground is renowned, and is heard of as "Avimukta"; becoming Time, I gather in this world here, O beautiful one.
AI translation rendered from the Sanskrit, not a published edition
PdP 3 33.15
देवीदं सर्वगुह्यानां स्थानं प्रियतरं मम । मद्भक्तास्तत्र गच्छंति मामेव प्रविशंति च
devīdaṃ sarvaguhyānāṃ sthānaṃ priyataraṃ mama | madbhaktāstatra gacchaṃti māmeva praviśaṃti ca
Goddess, this place is dearer to me than all secret (places); my devotees go there, and they enter into me alone.
AI translation rendered from the Sanskrit, not a published edition
PdP 3 33.16
दत्तं जप्तं हुतं चेष्टं तपस्तप्तं कृतं च यत् । ध्यानमध्ययनं ज्ञानं सर्वं तत्राक्षयं भवेत्
dattaṃ japtaṃ hutaṃ ceṣṭaṃ tapastaptaṃ kṛtaṃ ca yat | dhyānamadhyayanaṃ jñānaṃ sarvaṃ tatrākṣayaṃ bhavet
What is given, muttered, offered in fire, sacrificed, what austerity is practised and what act done, meditation, recitation, knowledge — all that becomes imperishable there.
AI translation rendered from the Sanskrit, not a published edition
PdP 3 33.17
जन्मांतरसहस्रेषु यत्पापं पूर्वसंचितम् । अविमुक्तं प्रविष्टस्य तत्सर्वं व्रजति क्षयम्
janmāṃtarasahasreṣu yatpāpaṃ pūrvasaṃcitam | avimuktaṃ praviṣṭasya tatsarvaṃ vrajati kṣayam
Whatever sin was heaped up before, in thousands of other births, all that goes to destruction for one who has entered Avimukta.
AI translation rendered from the Sanskrit, not a published edition
PdP 3 33.18
ब्राह्मणाः क्षत्रिया वैश्याः शूद्राश्च वर्णसंकराः । स्त्रियो म्लेच्छाश्च ये चान्ये संकीर्णाः पापयोनयः
brāhmaṇāḥ kṣatriyā vaiśyāḥ śūdrāśca varṇasaṃkarāḥ | striyo mlecchāśca ye cānye saṃkīrṇāḥ pāpayonayaḥ
Brahmins, kṣatriyas, vaiśyas and śūdras, and those of mixed class, women, mlecchas, and whatever others are of mingled descent and of sinful birth,
AI translation rendered from the Sanskrit, not a published edition
PdP 3 33.19
कीटाः पिपीलिकाश्चैव ये चान्ये मृगपक्षिणः । कालेन निधनं प्राप्ता अविमुक्ते वरानने
kīṭāḥ pipīlikāścaiva ye cānye mṛgapakṣiṇaḥ | kālena nidhanaṃ prāptā avimukte varānane
worms and ants, and whatever other beasts and birds — (all) who by (the working of) time have met their death in Avimukta, O fair-faced one,
AI translation rendered from the Sanskrit, not a published edition
PdP 3 33.20
चंद्रार्द्धमौलयस्त्र्यक्षा महावृषभवाहनाः । शिवे मम पुरे देवि जायंते तत्र मानवाः
caṃdrārddhamaulayastryakṣā mahāvṛṣabhavāhanāḥ | śive mama pure devi jāyaṃte tatra mānavāḥ
those men are born there in my auspicious city, O Goddess, with the half-moon as their crest, three-eyed, riding the great bull.
AI translation rendered from the Sanskrit, not a published edition
PdP 3 33.21
नाविमुक्ते मृतः कश्चिन्नरकं याति किल्बिषी । ईश्वरानुगृहीता हि सर्वे यांति परां गतिम्
nāvimukte mṛtaḥ kaścinnarakaṃ yāti kilbiṣī | īśvarānugṛhītā hi sarve yāṃti parāṃ gatim
No sinner who has died in Avimukta goes to hell; for all of them, favoured by the Lord, go to the supreme goal.
AI translation rendered from the Sanskrit, not a published edition
PdP 3 33.22
मोक्षं सुदुर्ल्लभं मत्वा संसारं चातिभीषणम् । अश्मना चरणौ भंक्त्वा वाराणस्यां वसेन्नरः
mokṣaṃ sudurllabhaṃ matvā saṃsāraṃ cātibhīṣaṇam | aśmanā caraṇau bhaṃktvā vārāṇasyāṃ vasennaraḥ
Considering liberation very hard to obtain and transmigration exceedingly terrifying, a man should break his feet with a stone and dwell in Vārāṇasī.
AI translation rendered from the Sanskrit, not a published edition
PdP 3 33.23
दुर्ल्लभा तपसा चापि मृतस्य परमेश्वरि । यत्र तत्र विपन्नस्य गतिः संसारमोक्षणी
durllabhā tapasā cāpi mṛtasya parameśvari | yatra tatra vipannasya gatiḥ saṃsāramokṣaṇī
O supreme Goddess, the goal that releases from transmigration is hard to obtain even by austerity for one who has died — for one who has perished in this place or that;
AI translation rendered from the Sanskrit, not a published edition — the model flagged this verse as uncertain
PdP 3 33.24
प्रसादाज्जायते सम्यक्मम शैलेंद्रनंदिनि । अप्रवृद्धा न पश्यंति मम मायाविमोहिताः
prasādājjāyate samyakmama śaileṃdranaṃdini | apravṛddhā na paśyaṃti mama māyāvimohitāḥ
(but) it arises fully through (my) grace, O daughter of the lord of mountains. The immature, deluded by my māyā, do not see (this).
AI translation rendered from the Sanskrit, not a published edition
PdP 3 33.25
विण्मूत्ररेतसां मध्ये ते वसंति पुनः पुनः । हन्यमानोऽपि यो विद्वान्वसेद्विघ्नशतैरपि
viṇmūtraretasāṃ madhye te vasaṃti punaḥ punaḥ | hanyamāno'pi yo vidvānvasedvighnaśatairapi
They dwell again and again amid faeces, urine and semen. But the wise man who, even while being struck, would dwell (there) despite hundreds of obstacles —
AI translation rendered from the Sanskrit, not a published edition
PdP 3 33.26
स याति परमं स्थानं यत्र गत्वा न शोचति । जन्ममृत्युजरामुक्तं परं यांति शिवालयम्
sa yāti paramaṃ sthānaṃ yatra gatvā na śocati | janmamṛtyujarāmuktaṃ paraṃ yāṃti śivālayam
he goes to the supreme place, having gone where one does not grieve; (such ones) go to the supreme abode of Śiva, free from birth, death and old age.
AI translation rendered from the Sanskrit, not a published edition
PdP 3 33.27
अपुनर्मरणानां हि सा गतिर्मोक्षकांक्षिणाम् । यां प्राप्य कृतकृत्यः स्यादिति मन्यंति पंडिताः
apunarmaraṇānāṃ hi sā gatirmokṣakāṃkṣiṇām | yāṃ prāpya kṛtakṛtyaḥ syāditi manyaṃti paṃḍitāḥ
For that is the goal of those who are not to die again, of those who long for liberation — attaining which one becomes one whose task is accomplished: so the learned hold.
AI translation rendered from the Sanskrit, not a published edition
PdP 3 33.28
न दानैर्न तपोभिश्च न यज्ञैर्नापि विद्यया । प्राप्यते गतिरुत्कृष्टा याविमुक्ते तु लभ्यते
na dānairna tapobhiśca na yajñairnāpi vidyayā | prāpyate gatirutkṛṣṭā yāvimukte tu labhyate
Not by gifts, nor by austerities, nor by sacrifices, nor even by knowledge is that highest goal obtained which is gained in Avimukta.
AI translation rendered from the Sanskrit, not a published edition
PdP 3 33.29
नानावर्णा विवर्णाश्च चांडालाद्या जुगुप्सिताः । किल्बिषैः पूर्णदेहाश्च विशिष्टैः पातकैस्तथा
nānāvarṇā vivarṇāśca cāṃḍālādyā jugupsitāḥ | kilbiṣaiḥ pūrṇadehāśca viśiṣṭaiḥ pātakaistathā
(People) of various castes and of no caste, Caṇḍālas and the like, the loathsome, and those whose bodies are full of sins and likewise of the specified great sins —
AI translation rendered from the Sanskrit, not a published edition
PdP 3 33.30
भेषजं परमं तेषामविमुक्तं विदुर्बुधाः । अविमुक्तं परं ज्ञानमविमुक्तं परं पदम्
bheṣajaṃ paramaṃ teṣāmavimuktaṃ vidurbudhāḥ | avimuktaṃ paraṃ jñānamavimuktaṃ paraṃ padam
the wise know Avimukta to be the supreme medicine for them. Avimukta is the highest knowledge; Avimukta is the highest station.
AI translation rendered from the Sanskrit, not a published edition
PdP 3 33.31
अविमुक्तं परं तत्त्वमविमुक्तं परं शिवम् । कृत्वा वै नैष्ठिकीं दीक्षामविमुक्ते वसंति ये
avimuktaṃ paraṃ tattvamavimuktaṃ paraṃ śivam | kṛtvā vai naiṣṭhikīṃ dīkṣāmavimukte vasaṃti ye
Avimukta is the highest reality; Avimukta is the highest good (Śiva). Those who, having taken the final (naiṣṭhika) initiation, dwell in Avimukta —
AI translation rendered from the Sanskrit, not a published edition
PdP 3 33.32
तेषां तत्परमं ज्ञानं ददाम्यंते परं पदम् । प्रयागं नैमिषारण्यं श्रीशैलोऽथ महाबलम्
teṣāṃ tatparamaṃ jñānaṃ dadāmyaṃte paraṃ padam | prayāgaṃ naimiṣāraṇyaṃ śrīśailo'tha mahābalam
to them I give that highest knowledge and, at the end, the supreme station. Prayāga, the Naimiṣa forest, Śrīśaila, and Mahābala,
AI translation rendered from the Sanskrit, not a published edition
PdP 3 33.33
केदारं भद्रकर्णं तु गया पुष्करमेव च । कुरुक्षेत्रं भद्रकोटिर्नर्मदाम्रातकेश्वरी
kedāraṃ bhadrakarṇaṃ tu gayā puṣkarameva ca | kurukṣetraṃ bhadrakoṭirnarmadāmrātakeśvarī
Kedāra and Bhadrakarṇa, Gayā and Puṣkara too, Kurukṣetra, Bhadrakoṭi, the Narmadā, Āmrātakeśvarī,
AI translation rendered from the Sanskrit, not a published edition
PdP 3 33.34
शालग्रामं च कुब्जाम्रं कोकामुखमनुत्तमम् । प्रभासं विजयेशानं गोकर्णं भद्रकर्णकम्
śālagrāmaṃ ca kubjāmraṃ kokāmukhamanuttamam | prabhāsaṃ vijayeśānaṃ gokarṇaṃ bhadrakarṇakam
Śālagrāma and Kubjāmra, the unsurpassed Kokāmukha, Prabhāsa, Vijayeśāna, Gokarṇa, Bhadrakarṇaka —
AI translation rendered from the Sanskrit, not a published edition
PdP 3 33.35
एतानि पुण्यस्थानानि त्रैलोक्ये विश्रुतानि ह । न यास्यंति परं तत्त्वं वाराणस्यां यथा मृताः
etāni puṇyasthānāni trailokye viśrutāni ha | na yāsyaṃti paraṃ tattvaṃ vārāṇasyāṃ yathā mṛtāḥ
these holy places, renowned indeed throughout the three worlds — (those who die there) will not reach the highest reality as do those who die in Vārāṇasī.
AI translation rendered from the Sanskrit, not a published edition
PdP 3 33.36
वाराणस्यां विशेषेण गंगा त्रिपथगामिनी । प्रविष्टा नाशयेत्पापं जन्मांतरशतैः कृतम्
vārāṇasyāṃ viśeṣeṇa gaṃgā tripathagāminī | praviṣṭā nāśayetpāpaṃ janmāṃtaraśataiḥ kṛtam
In Vārāṇasī especially, the Gaṅgā that flows by three paths, once entered, would destroy sin committed through hundreds of other births.
AI translation rendered from the Sanskrit, not a published edition
PdP 3 33.37
अन्यत्र सुलभा गंगा श्राद्धं दानं तपो जपः । व्रतानि सर्वमेवैतद्वाराणस्यां सुदुर्ल्लभम्
anyatra sulabhā gaṃgā śrāddhaṃ dānaṃ tapo japaḥ | vratāni sarvamevaitadvārāṇasyāṃ sudurllabham
Elsewhere the Gaṅgā is easily had, and the ancestral rite, giving, austerity, muttered prayer, and vows — all this is very hard to obtain in Vārāṇasī.
AI translation rendered from the Sanskrit, not a published edition
PdP 3 33.38
जपेच्च जुहुयान्नित्यं ददात्यर्चयतेऽमरान् । वायुभक्षश्च सततं वाराणस्यां स्थितो नरः
japecca juhuyānnityaṃ dadātyarcayate'marān | vāyubhakṣaśca satataṃ vārāṇasyāṃ sthito naraḥ
The man who abides in Vārāṇasī constantly mutters prayers, makes oblations daily, gives, worships the immortals, and feeds on air.
AI translation rendered from the Sanskrit, not a published edition
PdP 3 33.39
यदि पापो यदि शठो यदि वा धार्मिको नरः । वाराणसीं समासाद्य पुनाति सकलं कुलम्
yadi pāpo yadi śaṭho yadi vā dhārmiko naraḥ | vārāṇasīṃ samāsādya punāti sakalaṃ kulam
Whether the man be sinful, or a cheat, or righteous, on reaching Vārāṇasī he purifies his whole family.
AI translation rendered from the Sanskrit, not a published edition
PdP 3 33.40
वाराणस्यां येऽर्चयंति महादेवं स्तुवंति वै । सर्वपापविनिर्मुक्तास्ते विज्ञेया गणेश्वराः
vārāṇasyāṃ ye'rcayaṃti mahādevaṃ stuvaṃti vai | sarvapāpavinirmuktāste vijñeyā gaṇeśvarāḥ
Those who in Vārāṇasī worship Mahādeva and praise him are freed from all sins; they are to be known as lords of the (Śiva's) hosts.
AI translation rendered from the Sanskrit, not a published edition
PdP 3 33.41
अन्यत्र योगज्ञानाभ्यां संन्यासादथवान्यतः । प्राप्यते तत्परं स्थानं सहस्रेणैव जन्मनाम्
anyatra yogajñānābhyāṃ saṃnyāsādathavānyataḥ | prāpyate tatparaṃ sthānaṃ sahasreṇaiva janmanām
Elsewhere, by yoga and knowledge, or by renunciation, or by other means, that highest station is attained only after a thousand births.
AI translation rendered from the Sanskrit, not a published edition
PdP 3 33.42
ये भक्ता देवदेवेशि वाराणस्यां वसंति वै । ते विंदंति परं मोक्षमेकेनैव तु जन्मना
ye bhaktā devadeveśi vārāṇasyāṃ vasaṃti vai | te viṃdaṃti paraṃ mokṣamekenaiva tu janmanā
O Mistress of the god of gods, those devotees who dwell in Vārāṇasī find the highest liberation in a single birth.
AI translation rendered from the Sanskrit, not a published edition
PdP 3 33.43
यत्र योगस्तथा ज्ञानं मुक्तिरेकेन जन्मना । अविमुक्तं तदासाद्य नान्यदिच्छेत्तपोवनम्
yatra yogastathā jñānaṃ muktirekena janmanā | avimuktaṃ tadāsādya nānyadicchettapovanam
Where there is yoga and likewise knowledge, and liberation in a single birth — having reached that Avimukta, one should not desire any other grove of austerity.
AI translation rendered from the Sanskrit, not a published edition
PdP 3 33.44
यतो मयाऽविमुक्तं तदविमुक्तं ततः स्मृतम् । तदेव गुह्यं गुह्यानामेतद्विज्ञानमुच्यते
yato mayā'vimuktaṃ tadavimuktaṃ tataḥ smṛtam | tadeva guhyaṃ guhyānāmetadvijñānamucyate
Since it was not abandoned by me, it is therefore called Avimukta. That very thing is the secret of secrets; this is called the higher knowledge.
AI translation rendered from the Sanskrit, not a published edition
PdP 3 33.45
ज्ञानाज्ञानाभिनिष्ठानां परमानंदमिच्छताम् । यागतिर्विदिता सुभ्रूः साविमुक्ते मृतस्य तु
jñānājñānābhiniṣṭhānāṃ paramānaṃdamicchatām | yāgatirviditā subhrūḥ sāvimukte mṛtasya tu
O fair-browed one, that goal which is known (as belonging) to those established in knowledge or in ignorance, who desire the highest bliss — that is (the goal) of one who dies in Avimukta.
AI translation rendered from the Sanskrit, not a published edition
PdP 3 33.46
यानि चैवाविमुक्तस्य देहे दृष्टानि कृत्स्नशः । पुरी वाराणसी तेभ्यः स्थानेभ्योऽप्यधिका शुभा
yāni caivāvimuktasya dehe dṛṣṭāni kṛtsnaśaḥ | purī vārāṇasī tebhyaḥ sthānebhyo'pyadhikā śubhā
And whatever (places) are seen in their entirety in the body of Avimukta — the city Vārāṇasī is auspicious, greater even than those places.
AI translation rendered from the Sanskrit, not a published edition
PdP 3 33.47
यत्र साक्षान्महादेवो देहांते स्वयमीश्वरः । व्याचष्टे तारकं ब्रह्म तत्रैव ह्यविमुक्तये
yatra sākṣānmahādevo dehāṃte svayamīśvaraḥ | vyācaṣṭe tārakaṃ brahma tatraiva hyavimuktaye
Where the Great God, the Lord himself, in person at the end of the body expounds the saving (tāraka) brahman — there indeed, for the sake of non-abandonment (avimukti).
AI translation rendered from the Sanskrit, not a published edition — the model flagged this verse as uncertain
PdP 3 33.48
यत्तत्परतरं तत्त्वमविमुक्तमिति श्रुतम् । एकेन जन्मना देवि वाराणस्यां तदाप्नुयात्
yattatparataraṃ tattvamavimuktamiti śrutam | ekena janmanā devi vārāṇasyāṃ tadāpnuyāt
That supreme reality which is heard of as 'Avimukta' — in Vārāṇasī, O goddess, one may attain it in a single birth.
AI translation rendered from the Sanskrit, not a published edition
PdP 3 33.49
भ्रूमध्ये नाभिमध्ये च हृदये चैव मूर्धनि । यथाविमुक्तमादित्ये वाराणस्यां व्यवस्थितम्
bhrūmadhye nābhimadhye ca hṛdaye caiva mūrdhani | yathāvimuktamāditye vārāṇasyāṃ vyavasthitam
In the middle of the brows, in the middle of the navel, in the heart, and in the head — just as Avimukta (is established) in the sun, so it is established in Vārāṇasī.
AI translation rendered from the Sanskrit, not a published edition — the model flagged this verse as uncertain
PdP 3 33.50
वरणायास्तथा चास्या मध्ये वाराणसीपुरी । तत्रैव संस्थितं तत्त्वं नित्यमेवंविमुक्तकम्
varaṇāyāstathā cāsyā madhye vārāṇasīpurī | tatraiva saṃsthitaṃ tattvaṃ nityamevaṃvimuktakam
And in the middle of the Varaṇā and of this (Asī) is the city of Vārāṇasī; there alone that reality, ever thus unabandoned (avimukta), abides.
AI translation rendered from the Sanskrit, not a published edition — the model flagged this verse as uncertain
PdP 3 33.51
वाराणस्याः परं स्थानं न भूतं न भविष्यति । यत्र नारायणो देवो महादेवो दिवीश्वरः
vārāṇasyāḥ paraṃ sthānaṃ na bhūtaṃ na bhaviṣyati | yatra nārāyaṇo devo mahādevo divīśvaraḥ
There has not been, nor will there be, a place higher than Vārāṇasī, where (dwell) the god Nārāyaṇa and Mahādeva, the lord in heaven.
AI translation rendered from the Sanskrit, not a published edition
PdP 3 33.52
तत्र देवाः सगंधर्वाः सयक्षोरगराक्षसाः । उपासते यं सततं देवदेवः पितामहः
tatra devāḥ sagaṃdharvāḥ sayakṣoragarākṣasāḥ | upāsate yaṃ satataṃ devadevaḥ pitāmahaḥ
There the gods with the gandharvas, with the yakṣas, serpents and rākṣasas, and the god of gods, the Grandfather, constantly worship him.
AI translation rendered from the Sanskrit, not a published edition
PdP 3 33.53
महापातकिनो देवि ये तेभ्यः पापकृत्तमाः । वाराणसीं समासाद्य ते यांति परमां गतिम्
mahāpātakino devi ye tebhyaḥ pāpakṛttamāḥ | vārāṇasīṃ samāsādya te yāṃti paramāṃ gatim
Those who commit the great sins, O goddess, and those who are worse sinners than they — having reached Vārāṇasī, they go to the highest goal.
AI translation rendered from the Sanskrit, not a published edition
PdP 3 33.54
तस्मान्मुमुक्षुर्नियतो वसेद्वै मरणांतकम् । वाराणस्यां महादेवाज्ज्ञानं लब्ध्वा विमुच्यते
tasmānmumukṣurniyato vasedvai maraṇāṃtakam | vārāṇasyāṃ mahādevājjñānaṃ labdhvā vimucyate
Therefore one who desires liberation should dwell (there), self-controlled, until death; in Vārāṇasī, having obtained knowledge from Mahādeva, he is liberated.
AI translation rendered from the Sanskrit, not a published edition
PdP 3 33.55
किंतु विघ्ना भविष्यंति पापोपहतचेतसः । ततो नैवाचरेत्पापं कायेन मनसा गिरा
kiṃtu vighnā bhaviṣyaṃti pāpopahatacetasaḥ | tato naivācaretpāpaṃ kāyena manasā girā
But obstacles will arise for one whose mind is stricken by sin; therefore one should not commit sin with body, mind, or speech.
AI translation rendered from the Sanskrit, not a published edition
PdP 3 33.56
एतद्रहस्यं देवानां पुराणानां च सुव्रते । अविमुक्ताश्रयं ज्ञानं न कश्चिद्वेत्ति तत्त्वतः
etadrahasyaṃ devānāṃ purāṇānāṃ ca suvrate | avimuktāśrayaṃ jñānaṃ na kaścidvetti tattvataḥ
This is the secret of the gods and of the ancient (texts), O you of good vows; the knowledge that rests on Avimukta no one knows as it truly is.
AI translation rendered from the Sanskrit, not a published edition
PdP 3 33.57
नारद उवाच-। देवतानामृषीणां च शृण्वतां परमेष्ठिनाम् । देवदेवेन कथितं सर्वपापविनाशनम्
nārada uvāca-| devatānāmṛṣīṇāṃ ca śṛṇvatāṃ parameṣṭhinām | devadevena kathitaṃ sarvapāpavināśanam
Nārada said: While the gods and the seers and the highest ones listened, it was told by the god of gods — (this) destroyer of all sins.
AI translation rendered from the Sanskrit, not a published edition
PdP 3 33.58
यथानारायणः श्रेष्ठो देवानां पुरुषोत्तमः । यथेश्वराणां गिरिशः स्थानानामेतदुत्तमम्
yathānārāyaṇaḥ śreṣṭho devānāṃ puruṣottamaḥ | yatheśvarāṇāṃ giriśaḥ sthānānāmetaduttamam
As Nārāyaṇa, the Supreme Person, is the best of the gods, and as Giriśa (is best) among lords, so this is the highest of places.
AI translation rendered from the Sanskrit, not a published edition
PdP 3 33.59
यैः समाराधितो रुद्रः पूर्वस्मिन्नेकजन्मनि । ते विदंति परं क्षेत्रमविमुक्तं शिवालयम्
yaiḥ samārādhito rudraḥ pūrvasminnekajanmani | te vidaṃti paraṃ kṣetramavimuktaṃ śivālayam
Those by whom Rudra was propitiated in one former birth — they know the supreme field, Avimukta, the abode of Śiva.
AI translation rendered from the Sanskrit, not a published edition
PdP 3 33.60
कलिकल्मषसंभूता येषामुपहृता मतिः । न तेषां वेदितुं शक्यं स्थानं तत्परमेष्ठिनः
kalikalmaṣasaṃbhūtā yeṣāmupahṛtā matiḥ | na teṣāṃ vedituṃ śakyaṃ sthānaṃ tatparameṣṭhinaḥ
Those whose understanding has been carried off, born of the taint of the Kali age — by them that place of the Supreme One cannot be known.
AI translation rendered from the Sanskrit, not a published edition
PdP 3 33.61
ये स्मरंति सदा कालं वदंति च पुरीमिमाम् । तेषां विनश्यति क्षिप्रमिहामुत्र च पातकम्
ye smaraṃti sadā kālaṃ vadaṃti ca purīmimām | teṣāṃ vinaśyati kṣipramihāmutra ca pātakam
Those who always remember Kāla and speak of this city — for them sin here and hereafter is quickly destroyed.
AI translation rendered from the Sanskrit, not a published edition
PdP 3 33.62
यानि चेह प्रकुर्वंति पातकानि कृतालयाः । नाशयेत्तानि सर्वाणि देवः कालतनुः शिवः
yāni ceha prakurvaṃti pātakāni kṛtālayāḥ | nāśayettāni sarvāṇi devaḥ kālatanuḥ śivaḥ
And whatever sins those who have made their dwelling (there) commit here, the god Śiva, whose body is Time, destroys them all.
AI translation rendered from the Sanskrit, not a published edition
PdP 3 33.63
आगच्छेत्तदिदं स्थानं सेवितं मोक्षकांक्षिभिः । मृतानां च पुनर्जन्म न भूयो भवसागरे
āgacchettadidaṃ sthānaṃ sevitaṃ mokṣakāṃkṣibhiḥ | mṛtānāṃ ca punarjanma na bhūyo bhavasāgare
One should come to this place, resorted to by those who desire liberation; and for those who die (here) there is no rebirth again in the ocean of existence.
AI translation rendered from the Sanskrit, not a published edition
PdP 3 33.64
तस्मात्सर्वप्रयत्नेन वाराणस्यां वसेन्नरः । योगी वाप्यथवायोगी पापी वा पुण्यकृत्तमः
tasmātsarvaprayatnena vārāṇasyāṃ vasennaraḥ | yogī vāpyathavāyogī pāpī vā puṇyakṛttamaḥ
Therefore with every effort a man should dwell in Vārāṇasī — whether a yogin or not a yogin, a sinner or one who does great merit.
AI translation rendered from the Sanskrit, not a published edition
PdP 3 33.65
न लोकवचनात्पित्रोर्न चैव गुरुवादतः । मतिर्न क्रमणीया स्यादविमुक्तगतिं प्रति
na lokavacanātpitrorna caiva guruvādataḥ | matirna kramaṇīyā syādavimuktagatiṃ prati
Not by the talk of people, nor by that of one's parents, nor by the word of a teacher should the mind be turned away from the goal of Avimukta.
AI translation rendered from the Sanskrit, not a published edition — the model flagged this verse as uncertain