Padma Purana — Svarga Khanda — Chapter 30
PdP 3 30.1
नारद उवाच-। अत्र ते वर्णयिष्यामि इतिहासं पुरातनम् । पुरा कृतयुगे राजन्निषधे नगरे वरे
nārada uvāca-| atra te varṇayiṣyāmi itihāsaṃ purātanam | purā kṛtayuge rājanniṣadhe nagare vare
Nārada said: On this I shall relate to you an ancient tale. Long ago, in the Kṛta age, O king, in the excellent city of Niṣadha —
AI translation rendered from the Sanskrit, not a published edition
PdP 3 30.2
आसीद्वैश्यः कुबेराभो नामतो हेमकुंडलः । कुलीनः सत्क्रियो देवद्विजपावकपूजकः
āsīdvaiśyaḥ kuberābho nāmato hemakuṃḍalaḥ | kulīnaḥ satkriyo devadvijapāvakapūjakaḥ
— there was a Vaiśya, splendid as Kubera, Hemakuṇḍala by name, well-born, of good conduct, a worshipper of the gods, the twice-born, and the fire.
AI translation rendered from the Sanskrit, not a published edition
PdP 3 30.3
कृषिवाणिज्यकर्त्तासौ विविधक्रयविक्रयी । गोघोटकमहिष्यादि पशुपोषणतत्परः
kṛṣivāṇijyakarttāsau vividhakrayavikrayī | goghoṭakamahiṣyādi paśupoṣaṇatatparaḥ
He was a doer of farming and trade, buying and selling various goods, and devoted to the raising of livestock — cows, horses, buffaloes and the rest.
AI translation rendered from the Sanskrit, not a published edition
PdP 3 30.4
पयो दधीनि तक्राणि गोमयानि तृणानि च । काष्ठानि फलमूलानि लवणाद्रा र्!दिपिप्पली
payo dadhīni takrāṇi gomayāni tṛṇāni ca | kāṣṭhāni phalamūlāni lavaṇādrā r!dipippalī
Milk, curds, buttermilk, cow-dung and grass, timber, fruits and roots, salt, ginger, long pepper and the like,
AI translation rendered from the Sanskrit, not a published edition
PdP 3 30.5
धान्यानि शाकतैलानि वस्त्राणि विविधानि च । धातूनिक्षुविकारांश्च विक्रीणीते स सर्वदा
dhānyāni śākatailāni vastrāṇi vividhāni ca | dhātūnikṣuvikārāṃśca vikrīṇīte sa sarvadā
grains, vegetables and oils, and garments of many kinds, and metals and products of sugarcane — these he sells at all times.
AI translation rendered from the Sanskrit, not a published edition
PdP 3 30.6
इत्थं नानाविधैर्वैश्य उपायैरपरैस्तथा । उपार्जयामास सदा अष्टौ हाटककोटयः
itthaṃ nānāvidhairvaiśya upāyairaparaistathā | upārjayāmāsa sadā aṣṭau hāṭakakoṭayaḥ
Thus by these and by other various means the Vaiśya continually earned eight crores of gold.
AI translation rendered from the Sanskrit, not a published edition
PdP 3 30.7
एवं महाधनः सोथ हाकर्णपलितोभवत् । पश्चाद्विचार्य संसारक्षणिकत्वं स्वचेतसि
evaṃ mahādhanaḥ sotha hākarṇapalitobhavat | paścādvicārya saṃsārakṣaṇikatvaṃ svacetasi
Thus greatly wealthy, he then became grey at the ears; afterwards, having reflected in his own mind on the momentariness of worldly existence,
AI translation rendered from the Sanskrit, not a published edition
PdP 3 30.8
तद्धनस्य षडंशेन धर्मकार्यं चकार सः । विष्णोरायतनं चक्रे गृहं चक्रे शिवस्य च
taddhanasya ṣaḍaṃśena dharmakāryaṃ cakāra saḥ | viṣṇorāyatanaṃ cakre gṛhaṃ cakre śivasya ca
with a sixth part of that wealth he performed works of dharma: he made a temple of Viṣṇu, and he made a house for Śiva.
AI translation rendered from the Sanskrit, not a published edition
PdP 3 30.9
तडागं खानयामास विपुलं सागरोपमम् । वाप्यश्च पुष्करिण्यश्च बहुधा तेन कारिताः
taḍāgaṃ khānayāmāsa vipulaṃ sāgaropamam | vāpyaśca puṣkariṇyaśca bahudhā tena kāritāḥ
He had a broad tank dug, like an ocean; and step-wells and lotus-ponds were made by him in many places.
AI translation rendered from the Sanskrit, not a published edition
PdP 3 30.10
वटाश्वत्थाम्रकंकोल जंबू निंबादि काननम् । स्वसत्वेन तदा चक्रे तथा पुष्पवनं शुभम्
vaṭāśvatthāmrakaṃkola jaṃbū niṃbādi kānanam | svasatvena tadā cakre tathā puṣpavanaṃ śubham
A grove of banyan, aśvattha, mango, kaṃkola, rose-apple, nimba and other trees he then made at his own expense, and likewise a fine flower-garden.
AI translation rendered from the Sanskrit, not a published edition
PdP 3 30.11
उदयास्तमनं यावदन्नपानं चकार सः । पुराद्बहिश्चतुर्दिक्षु प्रपां चक्रेऽतिशोभनाम्
udayāstamanaṃ yāvadannapānaṃ cakāra saḥ | purādbahiścaturdikṣu prapāṃ cakre'tiśobhanām
From sunrise to sunset he provided food and drink; outside the city, in the four directions, he made a very fine water-booth.
AI translation rendered from the Sanskrit, not a published edition
PdP 3 30.12
पुराणेषु प्रसिद्धानि यानि दानानि भूपते । ददौ तानि सधर्म्मात्मा नित्यं दानपरस्तदा
purāṇeṣu prasiddhāni yāni dānāni bhūpate | dadau tāni sadharmmātmā nityaṃ dānaparastadā
Those gifts which are celebrated in the Purāṇas, O king, those that man of righteous nature gave, being then constantly intent on giving.
AI translation rendered from the Sanskrit, not a published edition
PdP 3 30.13
यावज्जीवकृते पापे प्रायाश्चित्तमथाकरोत् । देवपूजापरो नित्यं नित्यं चातिथिपूजकः
yāvajjīvakṛte pāpe prāyāścittamathākarot | devapūjāparo nityaṃ nityaṃ cātithipūjakaḥ
Then he performed expiation for the sin committed throughout his life; he was constantly devoted to the worship of the gods and constantly a worshipper of guests.
AI translation rendered from the Sanskrit, not a published edition
PdP 3 30.14
तस्येत्थं वर्त्तमानस्य संजातौ द्वौ सुतौ नृप । तौ सुप्रसिद्ध नामानौ श्रीकुंडल विकुंडलौ
tasyetthaṃ varttamānasya saṃjātau dvau sutau nṛpa | tau suprasiddha nāmānau śrīkuṃḍala vikuṃḍalau
While he was living thus, two sons were born to him, O king, two of very well-known names, Śrīkuṇḍala and Vikuṇḍala.
AI translation rendered from the Sanskrit, not a published edition
PdP 3 30.15
तयोर्मूर्ध्नि गृहं त्यक्त्वा जगाम तपसे वनम् । तत्राराध्य परं देवं गोविंदं वरदं प्रभुम्
tayormūrdhni gṛhaṃ tyaktvā jagāma tapase vanam | tatrārādhya paraṃ devaṃ goviṃdaṃ varadaṃ prabhum
Placing the household upon their heads, he went to the forest for austerity; there, having propitiated the supreme god Govinda, the boon-giving lord,
AI translation rendered from the Sanskrit, not a published edition
PdP 3 30.16
तपःक्लिष्ट शरीरोऽसौ वासुदेवमनाः सदा । प्राप्तः स वैष्णवं लोकं यत्र गत्वा न शोचति
tapaḥkliṣṭa śarīro'sau vāsudevamanāḥ sadā | prāptaḥ sa vaiṣṇavaṃ lokaṃ yatra gatvā na śocati
his body worn by austerity, his mind always on Vāsudeva, he attained the Vaiṣṇava world, going where one does not grieve.
AI translation rendered from the Sanskrit, not a published edition
PdP 3 30.17
अथ तस्य सुतौ राजन्महामान समन्वितौ । तरुणौ रूपसंपन्नौ धनगर्वेण गर्वितौ
atha tasya sutau rājanmahāmāna samanvitau | taruṇau rūpasaṃpannau dhanagarveṇa garvitau
Now his two sons, O king, were filled with great pride, young, endowed with beauty, puffed up with the arrogance of wealth,
AI translation rendered from the Sanskrit, not a published edition
PdP 3 30.18
दुःशीलौ व्यसनासक्तौ धर्मकर्माद्यदर्शकौ । न वाक्यं चागतौ मातुर्वृद्धानां वचनं तथा
duḥśīlau vyasanāsaktau dharmakarmādyadarśakau | na vākyaṃ cāgatau māturvṛddhānāṃ vacanaṃ tathā
of bad character, addicted to vices, showing no dharma or (proper) works; nor did they heed their mother's word, nor likewise the speech of elders.
AI translation rendered from the Sanskrit, not a published edition
PdP 3 30.19
कुमार्गगौ दुरात्मानौ पितृमित्रनिषेधकौ । अधर्मनिरतौ दुष्टौ परदाराभिगामिनौ
kumārgagau durātmānau pitṛmitraniṣedhakau | adharmaniratau duṣṭau paradārābhigāminau
Going by evil paths, wicked-souled, rejecting their father's friends, given over to unrighteousness, malicious, resorting to others' wives,
AI translation rendered from the Sanskrit, not a published edition
PdP 3 30.20
गीतवादित्रनिरतौ वीणावेणुविनोदिनौ । वारस्त्रीशतसंयुक्तौ गायंतौ चेरतुस्तदा
gītavāditraniratau vīṇāveṇuvinodinau | vārastrīśatasaṃyuktau gāyaṃtau ceratustadā
delighting in song and instrumental music, amusing themselves with lute and flute, in company with a hundred courtesans, they roamed about singing at that time.
AI translation rendered from the Sanskrit, not a published edition
PdP 3 30.21
चाटुकारजनैर्युक्तौ बिंबोष्ठीषु विशारदौ । सुवेषौ चारुवसनौ चारुचंदनरूषितौ
cāṭukārajanairyuktau biṃboṣṭhīṣu viśāradau | suveṣau cāruvasanau cārucaṃdanarūṣitau
Accompanied by flatterers, expert among women with bimba-red lips, well-dressed, in lovely garments, smeared with fine sandal paste,
AI translation rendered from the Sanskrit, not a published edition
PdP 3 30.22
तथा सुगंधिमालाढ्यौ कस्तूरीलक्ष्मलक्षितौ । नानालंकारशोभाढ्यौ मौक्तिकाहारहारिणौ
tathā sugaṃdhimālāḍhyau kastūrīlakṣmalakṣitau | nānālaṃkāraśobhāḍhyau mauktikāhārahāriṇau
likewise rich with fragrant garlands, marked with the sign of musk, resplendent with various ornaments, wearing charming necklaces of pearls,
AI translation rendered from the Sanskrit, not a published edition
PdP 3 30.23
गजवाजिरथौघेन क्रीडंतौ तावितस्तदा । मधुपानसमायुक्तौ परस्त्रीरतिमोहितौ
gajavājirathaughena krīḍaṃtau tāvitastadā | madhupānasamāyuktau parastrīratimohitau
With their throng of elephants, horses and chariots the two sported here and there at that time, given to the drinking of liquor, infatuated with pleasure in others' wives.
AI translation rendered from the Sanskrit, not a published edition
PdP 3 30.24
नाशयंतौ पितृद्रव्यं सहस्रं ददतुः शतम् । तस्थतुः स्वगृहे रम्ये नित्यं भोगपरायणौ
nāśayaṃtau pitṛdravyaṃ sahasraṃ dadatuḥ śatam | tasthatuḥ svagṛhe ramye nityaṃ bhogaparāyaṇau
Squandering their father's wealth, they gave away a thousand and a hundred; they dwelt in their pleasant house, always intent on enjoyment.
AI translation rendered from the Sanskrit, not a published edition
PdP 3 30.25
इत्थं तु तद्धनं ताभ्यां विनियुक्तमसद्व्ययैः । वारस्त्री विट शैलूष मल्ल चारण बंदिषु
itthaṃ tu taddhanaṃ tābhyāṃ viniyuktamasadvyayaiḥ | vārastrī viṭa śailūṣa malla cāraṇa baṃdiṣu
Thus that wealth was spent by the two on unworthy expenditures — on courtesans, rakes, actors, wrestlers, bards and panegyrists.
AI translation rendered from the Sanskrit, not a published edition
PdP 3 30.26
अपात्रे तद्धनं दत्तं क्षिप्तं बीजमिवोषरे । न सत्पात्रे च तद्दत्तं न ब्राह्मणमुखे हुतम्
apātre taddhanaṃ dattaṃ kṣiptaṃ bījamivoṣare | na satpātre ca taddattaṃ na brāhmaṇamukhe hutam
That wealth was given to an unfit recipient, like seed cast on saline ground; it was not given to a worthy recipient, nor offered into the mouth of a brahmin.
AI translation rendered from the Sanskrit, not a published edition
PdP 3 30.27
नार्चितो भूतभृद्विष्णुः सर्वपापप्रणाशनः । उभयोरेव तद्द्रव्यमचिरेण क्षयं ययौ
nārcito bhūtabhṛdviṣṇuḥ sarvapāpapraṇāśanaḥ | ubhayoreva taddravyamacireṇa kṣayaṃ yayau
Viṣṇu, the sustainer of beings, the destroyer of all sins, was not worshipped; and the wealth of them both came to ruin in no long time.
AI translation rendered from the Sanskrit, not a published edition
PdP 3 30.28
ततस्तौ दुःखमापन्नौ कार्पण्यं परमं गतौ । शोचमानौ तु मुह्यंतौ क्षुत्पीडादुःखपीडितौ
tatastau duḥkhamāpannau kārpaṇyaṃ paramaṃ gatau | śocamānau tu muhyaṃtau kṣutpīḍāduḥkhapīḍitau
Then the two fell into misery and reached utter wretchedness, grieving and bewildered, tormented by the pain of hunger.
AI translation rendered from the Sanskrit, not a published edition
PdP 3 30.29
तयोस्तु तिष्ठतोर्गेहे नास्ति यद्भुज्यते तदा । स्वजनैर्बांधवैस्सर्वैः सेवकैरुपजीविभिः
tayostu tiṣṭhatorgehe nāsti yadbhujyate tadā | svajanairbāṃdhavaissarvaiḥ sevakairupajīvibhiḥ
While the two stayed at home there was then nothing to be eaten; by all their own people, their kinsmen, their servants and their dependents,
AI translation rendered from the Sanskrit, not a published edition
PdP 3 30.30
द्रव्याभावे परित्यक्तौ चिंत्यमानौ ततः पुरे । पश्चाच्चौर्य्यं समारब्धं ताभ्यां च नगरे नृप
dravyābhāve parityaktau ciṃtyamānau tataḥ pure | paścāccauryyaṃ samārabdhaṃ tābhyāṃ ca nagare nṛpa
they were abandoned for lack of money, and were talked about thereafter in the city; and afterwards the two took up thieving in the town, O king.
AI translation rendered from the Sanskrit, not a published edition
PdP 3 30.31
राजतो लोकतो भीतौ स्वपुरान्निःसृतौ तदा । चक्रतुर्वनवासं तौ सर्वेषामुपपीडितौ
rājato lokato bhītau svapurānniḥsṛtau tadā | cakraturvanavāsaṃ tau sarveṣāmupapīḍitau
Afraid of the king and of the people, they then went out from their own city; oppressed by everyone, the two took up dwelling in the forest.
AI translation rendered from the Sanskrit, not a published edition
PdP 3 30.32
जघ्नतुः सततं मूढौ शितैर्बाणैर्विषार्पितैः । नानापक्षिवराहांश्च हरिणान्रोहितांस्तथा
jaghnatuḥ satataṃ mūḍhau śitairbāṇairviṣārpitaiḥ | nānāpakṣivarāhāṃśca hariṇānrohitāṃstathā
The two fools constantly killed, with sharp poison-smeared arrows, various birds and boars, and deer and red deer,
AI translation rendered from the Sanskrit, not a published edition
PdP 3 30.33
शशकाञ्छल्लकान्गोधान्श्वापदांश्चेतरान्बहून् । महाबलौ भिल्लसंगावाखेटकभुजौ सदा
śaśakāñchallakāngodhānśvāpadāṃścetarānbahūn | mahābalau bhillasaṃgāvākheṭakabhujau sadā
hares, porcupines, monitor lizards, and many other beasts of prey — the two mighty men, associating with Bhillas, always living by the hunt.
AI translation rendered from the Sanskrit, not a published edition
PdP 3 30.34
एवं मांसमयाहारौ पापाहारौ परंतप । कदाचिद्भूधरं प्राप्तो ह्येकोऽन्यश्च वनं गतः
evaṃ māṃsamayāhārau pāpāhārau paraṃtapa | kadācidbhūdharaṃ prāpto hyeko'nyaśca vanaṃ gataḥ
Thus the two lived on food of flesh, on sinful food, O scorcher of foes. Once one of them came to a hill and the other went into the forest.
AI translation rendered from the Sanskrit, not a published edition
PdP 3 30.35
शार्दूलेन हतो ज्येष्ठः कनिष्ठः सर्पदंशितः । एकस्मिन्दिवसे राजन्पापिष्ठौ निधनं गतौ
śārdūlena hato jyeṣṭhaḥ kaniṣṭhaḥ sarpadaṃśitaḥ | ekasmindivase rājanpāpiṣṭhau nidhanaṃ gatau
The elder was killed by a tiger, the younger was bitten by a snake; on one and the same day, O king, the two utter sinners met their death.
AI translation rendered from the Sanskrit, not a published edition
PdP 3 30.36
यमदूतैस्ततोबद्ध्वा पापैर्नीतौ यमालयम् । गत्वाभिजगदुःसर्वे ते दूताः पापिनावुभौ
yamadūtaistatobaddhvā pāpairnītau yamālayam | gatvābhijagaduḥsarve te dūtāḥ pāpināvubhau
Then, bound by Yama's messengers, the sinners were led to Yama's abode; and going there all those messengers announced: "These two are sinners."
AI translation rendered from the Sanskrit, not a published edition
PdP 3 30.37
धर्मराज नरावेतावानीतौ तव शासनात् । आज्ञां देहि स्वभृत्येषु प्रसीद करवाम किम्
dharmarāja narāvetāvānītau tava śāsanāt | ājñāṃ dehi svabhṛtyeṣu prasīda karavāma kim
"O Dharmarāja, these two men have been brought by your command. Give your order to your servants; be gracious — what shall we do?"
AI translation rendered from the Sanskrit, not a published edition
PdP 3 30.38
आलोच्य चित्रगुप्तेन तदा दूताञ्जगौ यमः । एकस्तु नीयतां वीर निरयं तीव्रवेदनम्
ālocya citraguptena tadā dūtāñjagau yamaḥ | ekastu nīyatāṃ vīra nirayaṃ tīvravedanam
Having consulted with Citragupta, Yama then said to the messengers: "Let one be taken, O brave one, to a hell of fierce torment;
AI translation rendered from the Sanskrit, not a published edition
PdP 3 30.39
अपरः स्थाप्यतां स्वर्गेयत्र भोगा ह्यनुत्तमाः । कृतांताज्ञां ततः श्रुत्वा दूतैश्च क्षिप्रकारिभिः
aparaḥ sthāpyatāṃ svargeyatra bhogā hyanuttamāḥ | kṛtāṃtājñāṃ tataḥ śrutvā dūtaiśca kṣiprakāribhiḥ
let the other be placed in heaven, where the enjoyments are unsurpassed." Then, having heard the order of the Ender, by the swift-acting messengers
AI translation rendered from the Sanskrit, not a published edition
PdP 3 30.40
निक्षिप्तो रौरवे घोरे यो ज्येष्ठो हि नराधिप । तेषां दूतवरः कश्चिदुवाच मधुरं वचः
nikṣipto raurave ghore yo jyeṣṭho hi narādhipa | teṣāṃ dūtavaraḥ kaściduvāca madhuraṃ vacaḥ
the elder was cast into the terrible Raurava (hell), O lord of men. Some one of those messengers, the best of them, spoke sweet words:
AI translation rendered from the Sanskrit, not a published edition
PdP 3 30.41
विकुंडल मया सार्द्धमेहि स्वर्गं ददामि ते । भुंक्ष्व भोगान्सुदिव्यांस्त्वमर्जितान्स्वेन कर्मणा
vikuṃḍala mayā sārddhamehi svargaṃ dadāmi te | bhuṃkṣva bhogānsudivyāṃstvamarjitānsvena karmaṇā
"Vikuṇḍala, come with me; I give you heaven. Enjoy the most divine pleasures earned by your own deed."
AI translation rendered from the Sanskrit, not a published edition