Padma Purana — Svarga Khanda — Chapter 3

PdP 3 3.1

ऋषय ऊचुः-। नदीनां पर्वतानां च नामधेयानि सर्वशः । तथा जनपदानां च ये चान्ये भूमिमाश्रिताः

ṛṣaya ūcuḥ-| nadīnāṃ parvatānāṃ ca nāmadheyāni sarvaśaḥ | tathā janapadānāṃ ca ye cānye bhūmimāśritāḥ

The seers said: The names of the rivers and of the mountains, all of them, and likewise of the settled lands, and the others that rest upon the earth —

AI translation rendered from the Sanskrit, not a published edition

PdP 3 3.2

प्रमाणं च प्रमाणज्ञ पृथिव्याः किल सर्वतः । निखिलेन समाचक्ष्व काननानि च सत्तम

pramāṇaṃ ca pramāṇajña pṛthivyāḥ kila sarvataḥ | nikhilena samācakṣva kānanāni ca sattama

and the measure of the earth on all sides, O knower of measures — declare it all completely, and the forests too, O best of beings.

AI translation rendered from the Sanskrit, not a published edition

PdP 3 3.3

सूत उवाच-। पंचेमानि महाप्राज्ञ महाभूतानि संग्रहात् । जगतीस्थानि सर्वाणि समान्याहुर्मनीषिणः

sūta uvāca-| paṃcemāni mahāprājña mahābhūtāni saṃgrahāt | jagatīsthāni sarvāṇi samānyāhurmanīṣiṇaḥ

Sūta said: These five, O greatly wise one, are the great elements, taken together; the thoughtful say that all things standing on the earth are of the same (nature as these).

AI translation rendered from the Sanskrit, not a published edition — the model flagged this verse as uncertain

PdP 3 3.4

भूमिरापस्तथा वायुरग्निराकाशमेव च । गुणोत्तराणि सर्वाणि तेषां भूमिः प्रधानतः

bhūmirāpastathā vāyuragnirākāśameva ca | guṇottarāṇi sarvāṇi teṣāṃ bhūmiḥ pradhānataḥ

Earth, water, wind, fire, and space as well: all of these are (successively) greater in qualities; among them earth is the foremost.

AI translation rendered from the Sanskrit, not a published edition — the model flagged this verse as uncertain

PdP 3 3.5

शब्दस्पर्शश्च रूपं च रसो गंधश्च पंचमः । भूमेरेतेगुणाः प्रोक्ता ऋषिभिस्तत्त्ववेदिभिः

śabdasparśaśca rūpaṃ ca raso gaṃdhaśca paṃcamaḥ | bhūmereteguṇāḥ proktā ṛṣibhistattvavedibhiḥ

Sound and touch, and form, and taste, and smell as the fifth: these are declared to be the qualities of earth by the seers who know reality.

AI translation rendered from the Sanskrit, not a published edition

PdP 3 3.6

चत्वारोप्सुगुणा विप्रा गंधस्तत्र न विद्यते । शब्दः स्पर्शश्च रूपं च तेजसोथ गुणास्त्रयः

catvāropsuguṇā viprā gaṃdhastatra na vidyate | śabdaḥ sparśaśca rūpaṃ ca tejasotha guṇāstrayaḥ

Four are the qualities in water, O brahmins; smell is not found there. Sound, touch, and form — thus three are the qualities of fire.

AI translation rendered from the Sanskrit, not a published edition

PdP 3 3.7

शब्दः स्पर्शश्च वायोस्तु आकाशे शब्द एव च । एते पंच गुणा विप्रा महाभूतेषु पंचसु

śabdaḥ sparśaśca vāyostu ākāśe śabda eva ca | ete paṃca guṇā viprā mahābhūteṣu paṃcasu

But for wind, sound and touch; and in space, sound alone. These five qualities, O brahmins, are in the five great elements.

AI translation rendered from the Sanskrit, not a published edition

PdP 3 3.8

वर्तंते सर्वलोकेषु येषु भूताः प्रतिष्ठिताः । अन्योन्यं नातिवर्तंते साम्यं भवति वै तदा

vartaṃte sarvalokeṣu yeṣu bhūtāḥ pratiṣṭhitāḥ | anyonyaṃ nātivartaṃte sāmyaṃ bhavati vai tadā

They operate in all the worlds in which the beings are established. They do not overstep one another, and then there is equilibrium.

AI translation rendered from the Sanskrit, not a published edition

PdP 3 3.9

यदा तु विषमीभावमाविशंति परस्परम् । तदा देहैर्देहवंतो व्यतिरोहंति नान्यथा

yadā tu viṣamībhāvamāviśaṃti parasparam | tadā dehairdehavaṃto vyatirohaṃti nānyathā

But when they enter into a state of imbalance with one another, then those who have bodies pass beyond by means of their bodies, not otherwise.

AI translation rendered from the Sanskrit, not a published edition — the model flagged this verse as uncertain

PdP 3 3.10

आनुपूर्व्या विनश्यंति जायंते चानुपूर्वशः । सर्वाण्यपरिमेयाणि तदेषां रूपमैश्वरम्

ānupūrvyā vinaśyaṃti jāyaṃte cānupūrvaśaḥ | sarvāṇyaparimeyāṇi tadeṣāṃ rūpamaiśvaram

In due order (they) perish, and in due order (they) are born; all (of them) are immeasurable — that is their lordly form.

AI translation rendered from the Sanskrit, not a published edition

PdP 3 3.11

यत्रयत्र हि दृश्यंते धावंति पांचभौतिकाः । तेषां मनुष्यास्तर्केण प्रमाणानि प्रचक्षते

yatrayatra hi dṛśyaṃte dhāvaṃti pāṃcabhautikāḥ | teṣāṃ manuṣyāstarkeṇa pramāṇāni pracakṣate

For wherever the beings composed of the five elements are seen running about, men declare, by reasoning, the measures of them.

AI translation rendered from the Sanskrit, not a published edition — the model flagged this verse as uncertain

PdP 3 3.12

अचिंत्याः खलु ये भावास्तान्न तर्केण साधयेत् । सुदर्शनं प्रवक्ष्यामि द्वीपं तु मुनिपुंगवाः

aciṃtyāḥ khalu ye bhāvāstānna tarkeṇa sādhayet | sudarśanaṃ pravakṣyāmi dvīpaṃ tu munipuṃgavāḥ

Those states of being that are truly unthinkable, one should not establish by reasoning. I shall now describe the continent Sudarśana, O foremost of sages.

AI translation rendered from the Sanskrit, not a published edition

PdP 3 3.13

परिमंडलो महाभागा द्वीपोऽसौ चक्रसंस्थितः । नदीजलपरिच्छिन्नः पर्वतैश्चाब्धिसन्निभैः

parimaṃḍalo mahābhāgā dvīpo'sau cakrasaṃsthitaḥ | nadījalaparicchinnaḥ parvataiścābdhisannibhaiḥ

That continent, O greatly fortunate ones, is circular, set like a wheel, divided up by river-waters and by mountains resembling the ocean.

AI translation rendered from the Sanskrit, not a published edition

PdP 3 3.14

पुरैश्च विविधाकारै रम्यैर्जनपदैस्तथा । वृक्षैः पुष्पफलोपेतैः संपन्नो धनधान्यवान्

puraiśca vividhākārai ramyairjanapadaistathā | vṛkṣaiḥ puṣpaphalopetaiḥ saṃpanno dhanadhānyavān

And it is furnished with cities of various shapes and with delightful settled regions, with trees bearing flowers and fruit, and it is rich in wealth and grain.

AI translation rendered from the Sanskrit, not a published edition

PdP 3 3.15

लवणेन समुद्रेण समंतात्परिवारितः । यथा हि पुरुषः पश्येदादर्शे मुखमात्मनः

lavaṇena samudreṇa samaṃtātparivāritaḥ | yathā hi puruṣaḥ paśyedādarśe mukhamātmanaḥ

It is surrounded on every side by the salt ocean. Just as a man might see his own face in a mirror,

AI translation rendered from the Sanskrit, not a published edition

PdP 3 3.16

एवं सुदर्शनो द्वीपो दृश्यते चक्रमंडलः । द्विरंशे पिप्पलस्तस्य द्विरंशे च शशो महान्

evaṃ sudarśano dvīpo dṛśyate cakramaṃḍalaḥ | dviraṃśe pippalastasya dviraṃśe ca śaśo mahān

so is the continent Sudarśana seen, a wheel-shaped disc; in two portions of it (there is) the fig tree, and in two portions the great hare.

AI translation rendered from the Sanskrit, not a published edition — the model flagged this verse as uncertain

PdP 3 3.17

सर्वौषधिं समादाय सर्वतः परिवारितः । आपस्ततोन्या विज्ञेयाः शेषः संक्षेप उच्यते

sarvauṣadhiṃ samādāya sarvataḥ parivāritaḥ | āpastatonyā vijñeyāḥ śeṣaḥ saṃkṣepa ucyate

Taking up (i.e. bearing) all the herbs, it is encircled on all sides; the waters other than that are to be understood (as such); the rest is told in summary.

AI translation rendered from the Sanskrit, not a published edition — the model flagged this verse as uncertain

PdP 3 3.18

ऋषय ऊचुः-। उक्तो यस्य च संक्षेपो बुद्धिमन्विधिवत्त्वया । तत्त्वज्ञश्चासि सर्वस्य विस्तरं सूत नो वद

ṛṣaya ūcuḥ-| ukto yasya ca saṃkṣepo buddhimanvidhivattvayā | tattvajñaścāsi sarvasya vistaraṃ sūta no vada

The sages said: You have stated the summary of it properly, O wise one; and you are a knower of the truth of everything — tell us the full account, O Sūta.

AI translation rendered from the Sanskrit, not a published edition

PdP 3 3.19

यावान्भूम्यवकाशोयं दृश्यते शशलक्षणे । तस्य प्रमाणं प्रब्रूहि ततो वक्ष्यसि पिप्पलम्

yāvānbhūmyavakāśoyaṃ dṛśyate śaśalakṣaṇe | tasya pramāṇaṃ prabrūhi tato vakṣyasi pippalam

However great this expanse of ground is that is seen in the hare-mark, tell (us) the measure of that; then you shall speak of the fig tree.

AI translation rendered from the Sanskrit, not a published edition

PdP 3 3.20

एवं तैः किल पृष्टः स सूतो वाक्यमथाब्रवीत् । सूत उवाच-। प्रागायता महाप्राज्ञाः षडेते रत्नपर्वताः

evaṃ taiḥ kila pṛṣṭaḥ sa sūto vākyamathābravīt | sūta uvāca-| prāgāyatā mahāprājñāḥ ṣaḍete ratnaparvatāḥ

Thus questioned by them, the Sūta then spoke these words. The Sūta said: These six jewel-mountains, O greatly wise ones, extend eastward,

AI translation rendered from the Sanskrit, not a published edition

PdP 3 3.21

अवगाढा ह्युभयतः समुद्रौ पूर्वपश्चिमौ । हिमवान्हिमकूटश्च निषधश्च नगोत्तमः

avagāḍhā hyubhayataḥ samudrau pūrvapaścimau | himavānhimakūṭaśca niṣadhaśca nagottamaḥ

and they are sunk on both sides into the eastern and western oceans: Himavān, and Himakūṭa, and Niṣadha, best of mountains,

AI translation rendered from the Sanskrit, not a published edition

PdP 3 3.22

नीलश्च वैडूर्यमयः श्वेतश्च शशिसन्निभः । सर्वधातुपिनद्धश्च शृंगवान्नामपर्वतः

nīlaśca vaiḍūryamayaḥ śvetaśca śaśisannibhaḥ | sarvadhātupinaddhaśca śṛṃgavānnāmaparvataḥ

and Nīla made of beryl, and Śveta resembling the moon, and the mountain named Śṛṅgavān, studded with every kind of mineral.

AI translation rendered from the Sanskrit, not a published edition

PdP 3 3.23

एते वै पर्वता विप्राः सिद्धचारणसेविताः । तेषामंतरविष्कुंभौ योजनानि सहस्रशः

ete vai parvatā viprāḥ siddhacāraṇasevitāḥ | teṣāmaṃtaraviṣkuṃbhau yojanāni sahasraśaḥ

These indeed are the mountains, O brahmins, frequented by Siddhas and Cāraṇas; the intervals and the breadths between them are thousands of yojanas.

AI translation rendered from the Sanskrit, not a published edition

PdP 3 3.24

तत्र पुण्या जनपदास्तानि वर्षाणि सत्तमाः । वसंति तेषां सत्त्वानि नानाजातीनि सर्वशः

tatra puṇyā janapadāstāni varṣāṇi sattamāḥ | vasaṃti teṣāṃ sattvāni nānājātīni sarvaśaḥ

There are the holy inhabited regions; those are the varṣas (continental divisions), O best of beings; creatures of many kinds dwell in them everywhere.

AI translation rendered from the Sanskrit, not a published edition

PdP 3 3.25

इदं तु भारतं वर्षं ततो हैमवतं परम् । हेमकूटात्परं चैव हरिवर्षं प्रचक्षते

idaṃ tu bhārataṃ varṣaṃ tato haimavataṃ param | hemakūṭātparaṃ caiva harivarṣaṃ pracakṣate

But this is the Bhārata varṣa; beyond it is Haimavata; and beyond Hemakūṭa they declare (there is) Harivarṣa.

AI translation rendered from the Sanskrit, not a published edition

PdP 3 3.26

दक्षिणेन तु नीलस्य निषधस्योत्तरेण च । प्रागायतो महाभागा माल्यवान्नाम पर्वतः

dakṣiṇena tu nīlasya niṣadhasyottareṇa ca | prāgāyato mahābhāgā mālyavānnāma parvataḥ

To the south of Nīla and to the north of Niṣadha, O greatly fortunate ones, extends eastward the mountain named Mālyavān.

AI translation rendered from the Sanskrit, not a published edition

PdP 3 3.27

ततः परं माल्यवतः पर्वतो गंधमादनः । परिमंडलस्तयोर्मध्ये मेरुः कनकपर्वतः

tataḥ paraṃ mālyavataḥ parvato gaṃdhamādanaḥ | parimaṃḍalastayormadhye meruḥ kanakaparvataḥ

Beyond Mālyavān is the mountain Gandhamādana, circular; between those two is Meru, the golden mountain,

AI translation rendered from the Sanskrit, not a published edition

PdP 3 3.28

आदित्यतरुणाभासो विधूम इव पावकः । योजनानां सहस्राणि चतुरशीतिरुच्छ्रितः

ādityataruṇābhāso vidhūma iva pāvakaḥ | yojanānāṃ sahasrāṇi caturaśītirucchritaḥ

having the sheen of the young sun, like a smokeless fire, raised up eighty-four thousand yojanas,

AI translation rendered from the Sanskrit, not a published edition

PdP 3 3.29

अधस्ताच्चतुरशीतिर्योजनानां द्विजोत्तमाः । ऊर्ध्वमधश्च तिर्यक्च लोकानावृत्य तिष्ठति

adhastāccaturaśītiryojanānāṃ dvijottamāḥ | ūrdhvamadhaśca tiryakca lokānāvṛtya tiṣṭhati

and eighty-four (thousand) yojanas below, O best of the twice-born; it stands covering the worlds above, below, and across.

AI translation rendered from the Sanskrit, not a published edition

PdP 3 3.30

तस्य पार्श्वेष्वमी द्वीपाश्चत्वारः संस्थिता द्विजाः । भद्राश्वः केतुमालश्च जंबूद्वीपश्च सत्तमाः

tasya pārśveṣvamī dvīpāścatvāraḥ saṃsthitā dvijāḥ | bhadrāśvaḥ ketumālaśca jaṃbūdvīpaśca sattamāḥ

On its sides these four continents are established, O twice-born: Bhadrāśva and Ketumāla and Jambūdvīpa, O best of men,

AI translation rendered from the Sanskrit, not a published edition

PdP 3 3.31

उत्तराश्चैव कुरुवः कृतपुण्य प्रतिश्रयाः । विहंगसुमुखो यस्तु सुपार्श्वस्यात्मजः किल

uttarāścaiva kuruvaḥ kṛtapuṇya pratiśrayāḥ | vihaṃgasumukho yastu supārśvasyātmajaḥ kila

and the northern Kurus, the resort of those who have performed merit. And the bird Sumukha, who was indeed the son of Supārśva,

AI translation rendered from the Sanskrit, not a published edition

PdP 3 3.32

स वै विचिंतयामास सौवर्णान्प्रेक्ष्य वायसान् । मेरुरुत्तममध्यानामधमानां च पक्षिणाम्

sa vai viciṃtayāmāsa sauvarṇānprekṣya vāyasān | meruruttamamadhyānāmadhamānāṃ ca pakṣiṇām

he indeed reflected, on seeing the golden crows: "Meru, toward the highest, the middling and the lowest of birds

AI translation rendered from the Sanskrit, not a published edition

PdP 3 3.33

अविशेषकरो यस्मात्तस्मादेनं त्यजाम्यहम् । तमादित्योनुपर्येति सततं ज्योतिषां वरः

aviśeṣakaro yasmāttasmādenaṃ tyajāmyaham | tamādityonuparyeti satataṃ jyotiṣāṃ varaḥ

makes no distinction; therefore I abandon it." The sun, the best of luminaries, constantly circles above it,

AI translation rendered from the Sanskrit, not a published edition

PdP 3 3.34

चंद्रमाश्च सनक्षत्रो वायुश्चैव प्रदक्षिणः । स पर्वतो महाप्राज्ञा दिव्यपुष्पसमन्वितः

caṃdramāśca sanakṣatro vāyuścaiva pradakṣiṇaḥ | sa parvato mahāprājñā divyapuṣpasamanvitaḥ

and the moon together with the lunar mansions, and the wind, keeping it on the right. That mountain, O greatly wise ones, is furnished with divine flowers,

AI translation rendered from the Sanskrit, not a published edition

PdP 3 3.35

भवनैरावृतैः सर्वैः र्जांबूनदमयैः शुभैः । तत्र देवगणा विप्रा गंधर्वासुरराक्षसाः

bhavanairāvṛtaiḥ sarvaiḥ rjāṃbūnadamayaiḥ śubhaiḥ | tatra devagaṇā viprā gaṃdharvāsurarākṣasāḥ

encircled with mansions, all of them lovely and made of jāmbūnada gold. There, O brahmins, the hosts of gods, gandharvas, asuras and rākṣasas,

AI translation rendered from the Sanskrit, not a published edition

PdP 3 3.36

अप्सरोगणसंयुक्ताः शैले क्रीडंति सर्वदा । तत्र ब्रह्मा च रुद्रश्च शक्रश्चापि सुरेश्वरः

apsarogaṇasaṃyuktāḥ śaile krīḍaṃti sarvadā | tatra brahmā ca rudraśca śakraścāpi sureśvaraḥ

together with troops of apsarases, sport on the mountain at all times. There Brahmā and Rudra, and Śakra too, the lord of the gods,

AI translation rendered from the Sanskrit, not a published edition

PdP 3 3.37

समेत्य विविधैर्यज्ञैर्यजंतेऽनेक दक्षिणैः । तुंबुरुर्नारदश्चैव विश्वावसुर्हाहा हूहूः

sametya vividhairyajñairyajaṃte'neka dakṣiṇaiḥ | tuṃbururnāradaścaiva viśvāvasurhāhā hūhūḥ

assembling, perform sacrifices of many kinds with manifold gifts. And Tumburu and Nārada, Viśvāvasu, Hāhā and Hūhū,

AI translation rendered from the Sanskrit, not a published edition

PdP 3 3.38

अभिगम्यामरश्रेष्ठं स्तुवंति विविधैः स्तवैः । सप्तर्षयो महात्मानः कश्यपश्च प्रजापतिः

abhigamyāmaraśreṣṭhaṃ stuvaṃti vividhaiḥ stavaiḥ | saptarṣayo mahātmānaḥ kaśyapaśca prajāpatiḥ

approaching the foremost of the immortals, praise (him) with various hymns. The seven great-souled sages, and Kaśyapa the Prajāpati,

AI translation rendered from the Sanskrit, not a published edition

PdP 3 3.39

तत्र गच्छंति भद्रं वः सदा पर्वणि पर्वणि । तस्यैव मूर्द्धन्युशना काव्यो दैत्यैर्महीयते

tatra gacchaṃti bhadraṃ vaḥ sadā parvaṇi parvaṇi | tasyaiva mūrddhanyuśanā kāvyo daityairmahīyate

go there—blessings upon you—regularly at each parvan day. On its very summit Uśanas Kāvya is honoured by the daityas.

AI translation rendered from the Sanskrit, not a published edition

PdP 3 3.40

तस्य हैमानि रत्नानि तस्यैते रत्नपर्वताः । तस्मात्कुबेरो भगवांश्चतुर्थं भागमश्नुते

tasya haimāni ratnāni tasyaite ratnaparvatāḥ | tasmātkubero bhagavāṃścaturthaṃ bhāgamaśnute

Its jewels are of gold; these jewel-mountains are its own. From it the lord Kubera enjoys a fourth part;

AI translation rendered from the Sanskrit, not a published edition

PdP 3 3.41

ततः कलांशं वित्तस्य मनुष्येभ्यः प्रयच्छति । पर्वतस्यांतरे दिव्यं सर्वर्तुकुसुमैश्चितम्

tataḥ kalāṃśaṃ vittasya manuṣyebhyaḥ prayacchati | parvatasyāṃtare divyaṃ sarvartukusumaiścitam

from that he bestows a fractional share of the wealth upon men. Within the mountain there is a divine (grove), dappled with the blossoms of every season,

AI translation rendered from the Sanskrit, not a published edition

PdP 3 3.42

कर्णिकारवनं रम्यं शिलाजालसमुच्छ्रितम् । तत्र साक्षात्पशुपतिर्दिव्यभूतैः समावृतः

karṇikāravanaṃ ramyaṃ śilājālasamucchritam | tatra sākṣātpaśupatirdivyabhūtaiḥ samāvṛtaḥ

a delightful karṇikāra wood, raised up on masses of rock. There Paśupati himself, surrounded by divine beings,

AI translation rendered from the Sanskrit, not a published edition

PdP 3 3.43

उमासहायोभगवान्रमते भूतभावनः । कर्णिकारमयीं मालां बिभ्रदापादलंबिनीम्

umāsahāyobhagavānramate bhūtabhāvanaḥ | karṇikāramayīṃ mālāṃ bibhradāpādalaṃbinīm

the lord who brings beings into being, with Umā as his companion, takes his pleasure, wearing a garland made of karṇikāra flowers hanging down to his feet,

AI translation rendered from the Sanskrit, not a published edition

PdP 3 3.44

त्रिभिर्नेत्रैः कृतोद्द्योतस्त्रिभिः सूर्यैरिवोदितैः । तमुग्रतपसः सिद्धाः सुव्रताः सत्यवादिनः

tribhirnetraiḥ kṛtoddyotastribhiḥ sūryairivoditaiḥ | tamugratapasaḥ siddhāḥ suvratāḥ satyavādinaḥ

made brilliant by his three eyes, like three suns risen up. Him the siddhas of fierce austerity, firm in their vows, speakers of truth,

AI translation rendered from the Sanskrit, not a published edition

PdP 3 3.45

पश्यंति नहि दुर्वृत्तैः शक्यो द्रष्टुं महेश्वरः । तस्य शैलस्य शिखरात्क्षीरधारा द्विजोत्तमाः

paśyaṃti nahi durvṛttaiḥ śakyo draṣṭuṃ maheśvaraḥ | tasya śailasya śikharātkṣīradhārā dvijottamāḥ

behold; for Maheśvara cannot be seen by those of evil conduct. From the peak of that mountain, O best of the twice-born, a stream of milk,

AI translation rendered from the Sanskrit, not a published edition

PdP 3 3.46

विश्वरूपात्परमिता भीमनिर्घातनिस्वना । पुण्यापुण्यतमैर्जुष्टा गंगा भागीरथी शुभा

viśvarūpātparamitā bhīmanirghātanisvanā | puṇyāpuṇyatamairjuṣṭā gaṃgā bhāgīrathī śubhā

measureless, (issuing) from the one of universal form, with a fearful crashing roar, resorted to by the most meritorious and the unmeritorious—the auspicious Gaṅgā Bhāgīrathī,

AI translation rendered from the Sanskrit, not a published edition — the model flagged this verse as uncertain

PdP 3 3.47

प्लवंती च प्रवेगेन ह्रदे चंद्रमसः शुभे । तया ह्युत्पादितः पुण्यः स ह्रदः सागरोपमः

plavaṃtī ca pravegena hrade caṃdramasaḥ śubhe | tayā hyutpāditaḥ puṇyaḥ sa hradaḥ sāgaropamaḥ

and, flowing with great speed into the beautiful lake of the moon—by her was produced that holy lake, like an ocean.

AI translation rendered from the Sanskrit, not a published edition

PdP 3 3.48

तां धारयामास तदा दुर्द्धरां पर्वतैरपि । शतं वर्षसहस्राणि शिरसैव पिनाकधृक्

tāṃ dhārayāmāsa tadā durddharāṃ parvatairapi | śataṃ varṣasahasrāṇi śirasaiva pinākadhṛk

Then the bearer of the Pināka held her upon his head alone for a hundred thousand years—her whom even the mountains could not hold.

AI translation rendered from the Sanskrit, not a published edition

PdP 3 3.49

मेरोस्तु पश्चिमे पार्श्वे केतुमालो द्विजोत्तमाः । जंबूखंडे तु तत्रैव महाजनपदो द्विजाः

merostu paścime pārśve ketumālo dvijottamāḥ | jaṃbūkhaṃḍe tu tatraiva mahājanapado dvijāḥ

But on the western side of Meru is Ketumāla, O best of the twice-born; and there in the Jambū tract is a great populated country, O brahmins.

AI translation rendered from the Sanskrit, not a published edition

PdP 3 3.50

आयुर्दशसहस्राणि वर्षाणां तत्र सत्तमाः । सुवर्णवर्णाश्च नरा स्त्रियश्चाप्सरसां समाः

āyurdaśasahasrāṇi varṣāṇāṃ tatra sattamāḥ | suvarṇavarṇāśca narā striyaścāpsarasāṃ samāḥ

There the lifespan is ten thousand years, O best of men; the men are gold-coloured, and the women are equal to apsarases.

AI translation rendered from the Sanskrit, not a published edition

PdP 3 3.51

अनामया वीतशोका नित्यं मुदितमानसाः । जायंते मानवास्तत्र निस्तप्तकनकप्रभाः

anāmayā vītaśokā nityaṃ muditamānasāḥ | jāyaṃte mānavāstatra nistaptakanakaprabhāḥ

Free of disease, rid of sorrow, with minds always glad, the men born there have the radiance of thoroughly refined gold.

AI translation rendered from the Sanskrit, not a published edition

PdP 3 3.52

गंधमादनशृंगेषु कुबेरः सह राक्षसैः । संवृतोप्सरसां संघैर्मोदते गुह्यकाधिपः

gaṃdhamādanaśṛṃgeṣu kuberaḥ saha rākṣasaiḥ | saṃvṛtopsarasāṃ saṃghairmodate guhyakādhipaḥ

On the peaks of Gandhamādana, Kubera, lord of the Guhyakas, together with the Rākṣasas, surrounded by hosts of apsarases, takes his pleasure.

AI translation rendered from the Sanskrit, not a published edition

PdP 3 3.53

गंधमादनपार्श्वे तु परे विगतपातकाः । एकादशसहस्राणि वर्षाणां परमायुषः

gaṃdhamādanapārśve tu pare vigatapātakāḥ | ekādaśasahasrāṇi varṣāṇāṃ paramāyuṣaḥ

But on the flank of Gandhamādana, others are free of sin, having a maximum lifespan of eleven thousand years.

AI translation rendered from the Sanskrit, not a published edition

PdP 3 3.54

तत्र कृष्णा नरा विप्रास्तेजोयुक्ता महाबलाः । स्त्रियश्चोत्पलपत्राभाः सर्वाः सुप्रियदर्शनाः

tatra kṛṣṇā narā viprāstejoyuktā mahābalāḥ | striyaścotpalapatrābhāḥ sarvāḥ supriyadarśanāḥ

There, O brahmins, the men are dark, endowed with brilliance and of great strength, and the women all have the lustre of blue-lotus petals and are lovely to behold.

AI translation rendered from the Sanskrit, not a published edition

PdP 3 3.55

नीलोत्पलधरं श्वेतं श्वेताद्धैरण्यकं वरम् । वर्षमैरावतं विप्रा नानाजनपदावृतम्

nīlotpaladharaṃ śvetaṃ śvetāddhairaṇyakaṃ varam | varṣamairāvataṃ viprā nānājanapadāvṛtam

(Then) Śveta, which bears blue lotuses; beyond Śveta the excellent Hairaṇyaka; (and) the region Airāvata, O brahmins, encompassed by various inhabited lands.

AI translation rendered from the Sanskrit, not a published edition — the model flagged this verse as uncertain

PdP 3 3.56

धनुखंडेः महाभागा द्वे वर्षे दक्षिणोत्तरे । इलावृत्तं मध्यगं तु पंचवर्षाणि चैव हि

dhanukhaṃḍeḥ mahābhāgā dve varṣe dakṣiṇottare | ilāvṛttaṃ madhyagaṃ tu paṃcavarṣāṇi caiva hi

O greatly fortunate ones, the two regions, southern and northern, are bow-shaped segments; and Ilāvṛta lies in the middle — thus five regions in all.

AI translation rendered from the Sanskrit, not a published edition — the model flagged this verse as uncertain

PdP 3 3.57

उत्तरोत्तरमेतेभ्यो वर्षमुद्रिच्यते गुणैः । आयुः प्रमाणमारोग्यं धर्मतः कामतोऽर्थतः

uttarottarametebhyo varṣamudricyate guṇaiḥ | āyuḥ pramāṇamārogyaṃ dharmataḥ kāmato'rthataḥ

Of these, each successive region to the north excels in qualities: in extent of life, in health, in dharma, in pleasure, and in wealth.

AI translation rendered from the Sanskrit, not a published edition

PdP 3 3.58

समन्वितानि भूतानि तेषु सर्वेषु सत्तमाः । एवमेषा महाभागाः पर्वतैः पृथिवी चिता

samanvitāni bhūtāni teṣu sarveṣu sattamāḥ | evameṣā mahābhāgāḥ parvataiḥ pṛthivī citā

In all of those, O best of men, the beings are endowed (with these). Thus, O greatly fortunate ones, this earth is heaped up with mountains.

AI translation rendered from the Sanskrit, not a published edition

PdP 3 3.59

हेमकूटस्तु सुमहान्कैलासो नाम पर्वतः । तत्र वैश्रवणो देवो गुह्यकैः सह मोदते

hemakūṭastu sumahānkailāso nāma parvataḥ | tatra vaiśravaṇo devo guhyakaiḥ saha modate

And Hemakūṭa is the very great mountain called Kailāsa; there the god Vaiśravaṇa takes his pleasure together with the Guhyakas.

AI translation rendered from the Sanskrit, not a published edition

PdP 3 3.60

अस्त्युत्तरेण कैलासं मैनाकं पर्वतं प्रति । हिरण्यशृंगः सुमहान्दिव्यो मणिमयो गिरिः

astyuttareṇa kailāsaṃ mainākaṃ parvataṃ prati | hiraṇyaśṛṃgaḥ sumahāndivyo maṇimayo giriḥ

North of Kailāsa, toward the Maināka mountain, there is Hiraṇyaśṛṅga, a very great, divine mountain made of jewels.

AI translation rendered from the Sanskrit, not a published edition

PdP 3 3.61

तस्य पार्श्वे महद्दिव्यं शुभ्रं कांचनवालुकम् । रम्यं विष्णुसरो नाम यत्र राजा भगीरथः

tasya pārśve mahaddivyaṃ śubhraṃ kāṃcanavālukam | ramyaṃ viṣṇusaro nāma yatra rājā bhagīrathaḥ

At its side is a great, divine, gleaming (lake) with golden sands, delightful, named Viṣṇusaras, where King Bhagīratha,

AI translation rendered from the Sanskrit, not a published edition

PdP 3 3.62

दृष्ट्वा भागीरथीं गंगामुवास बहुलाः समाः । यूपा मणिमयास्तत्र क्षेत्राश्चापि हिरण्मयाः

dṛṣṭvā bhāgīrathīṃ gaṃgāmuvāsa bahulāḥ samāḥ | yūpā maṇimayāstatra kṣetrāścāpi hiraṇmayāḥ

having seen the Gaṅgā Bhāgīrathī, dwelt for many years. There the sacrificial posts are of jewels and the (sacrificial) grounds too are of gold.

AI translation rendered from the Sanskrit, not a published edition

PdP 3 3.63

तत्रेष्ट्वा तु गतः सिद्धिं सहस्राक्षो महायशाः । स्रष्टा भूतिपतिर्यत्र सर्वलोकैः सनातनः

tatreṣṭvā tu gataḥ siddhiṃ sahasrākṣo mahāyaśāḥ | sraṣṭā bhūtipatiryatra sarvalokaiḥ sanātanaḥ

And having sacrificed there, the thousand-eyed one of great fame attained success — where the creator, the lord of beings, the eternal one, with all the worlds,

AI translation rendered from the Sanskrit, not a published edition

PdP 3 3.64

उपास्यते तिग्मतेजा यत्र भूतः समंततः । नरनारायणौ ब्रह्मा मनुः स्थाणुश्च पंचमः

upāsyate tigmatejā yatra bhūtaḥ samaṃtataḥ | naranārāyaṇau brahmā manuḥ sthāṇuśca paṃcamaḥ

of fierce brilliance, is worshipped, where every being (is) all around: Nara and Nārāyaṇa, Brahmā, Manu, and Sthāṇu as the fifth.

AI translation rendered from the Sanskrit, not a published edition — the model flagged this verse as uncertain

PdP 3 3.65

तत्र दिव्या त्रिपथगा प्रथमं तु प्रतिष्ठिता । ब्रह्मलोकादपाक्रांता सप्तधा प्रतिपद्यते

tatra divyā tripathagā prathamaṃ tu pratiṣṭhitā | brahmalokādapākrāṃtā saptadhā pratipadyate

There the divine (river) that goes by three paths is first established; having departed from the world of Brahmā, it proceeds in seven ways:

AI translation rendered from the Sanskrit, not a published edition

PdP 3 3.66

वटोदका सा नलिनी पार्वती च सरस्वती । जंबूनदी च सीता च गंगा सिंधुश्च सप्तमी

vaṭodakā sā nalinī pārvatī ca sarasvatī | jaṃbūnadī ca sītā ca gaṃgā siṃdhuśca saptamī

Vaṭodakā, Nalinī, Pārvatī and Sarasvatī, Jambūnadī and Sītā, and Gaṅgā, and Sindhu as the seventh.

AI translation rendered from the Sanskrit, not a published edition

PdP 3 3.67

अचिंत्या दिव्यसंज्ञा सा प्रभावैश्च समन्विता । उपास्यते यत्र सत्रं सहस्रयुगपर्यये

aciṃtyā divyasaṃjñā sā prabhāvaiśca samanvitā | upāsyate yatra satraṃ sahasrayugaparyaye

Unthinkable, bearing a divine name, and endowed with powers, she is worshipped where the sacrifice (occurs) at the turning of a thousand yugas.

AI translation rendered from the Sanskrit, not a published edition — the model flagged this verse as uncertain

PdP 3 3.68

दृश्यादृश्या च भवति तत्रतत्र सरस्वती । एता दिव्याः सप्तगंगास्त्रिषुलोकेषु विश्रुताः

dṛśyādṛśyā ca bhavati tatratatra sarasvatī | etā divyāḥ saptagaṃgāstriṣulokeṣu viśrutāḥ

And here and there the Sarasvatī becomes visible and invisible. These divine seven Gaṅgās are renowned in the three worlds.

AI translation rendered from the Sanskrit, not a published edition

PdP 3 3.69

रक्षांसि वै हिमवती हेमकूटे च गुह्यकाः । सर्पा नागाश्च निषधे गोकर्णं च तपोवनम्

rakṣāṃsi vai himavatī hemakūṭe ca guhyakāḥ | sarpā nāgāśca niṣadhe gokarṇaṃ ca tapovanam

The Rākṣasas (dwell) on Himavat, and the Guhyakas on Hemakūṭa; the serpents and Nāgas on Niṣadha, and Gokarṇa is a grove of penance.

AI translation rendered from the Sanskrit, not a published edition

PdP 3 3.70

देवासुराणां सर्वेषां श्वेतः पर्वतमुच्यते । गंधर्वा निषधे नित्यं नीले ब्रह्मर्षयस्तथा

devāsurāṇāṃ sarveṣāṃ śvetaḥ parvatamucyate | gaṃdharvā niṣadhe nityaṃ nīle brahmarṣayastathā

Śveta is said to be the mountain of all the gods and asuras; the gandharvas are always on Niṣadha, and likewise the brahman-seers on Nīla.

AI translation rendered from the Sanskrit, not a published edition

PdP 3 3.71

शृंगवांस्तु महाभागा देवानां प्रतिसंचरः । इत्येतानि महाभागाः सप्तवर्षाणि भागशः

śṛṃgavāṃstu mahābhāgā devānāṃ pratisaṃcaraḥ | ityetāni mahābhāgāḥ saptavarṣāṇi bhāgaśaḥ

But Śṛṅgavān, O greatly fortunate ones, is the resort of the gods. These, O greatly fortunate ones, are the seven regions, each in its own portion.

AI translation rendered from the Sanskrit, not a published edition

PdP 3 3.72

भूतान्युपनिविष्टानि गतिमंति ध्रुवाणि च । तेषामृद्धिर्बहुविधा दृश्यते देवमानुषा

bhūtānyupaniviṣṭāni gatimaṃti dhruvāṇi ca | teṣāmṛddhirbahuvidhā dṛśyate devamānuṣā

Creatures are settled (there), both the moving and the fixed; their prosperity, divine and human, is seen to be of many kinds.

AI translation rendered from the Sanskrit, not a published edition

PdP 3 3.73

अशक्यं परिसंख्यातुं श्रद्धे या तु विभूषिता । यां तु पृच्छथ मां विप्रा दिव्यमेनां शशाकृतिम्

aśakyaṃ parisaṃkhyātuṃ śraddhe yā tu vibhūṣitā | yāṃ tu pṛcchatha māṃ viprā divyamenāṃ śaśākṛtim

It is impossible to count fully... which is adorned in faith(?); but as for that which you ask me about, O brahmins, this divine (land) shaped like a hare —

AI translation rendered from the Sanskrit, not a published edition — the model flagged this verse as uncertain

PdP 3 3.74

पार्श्वे शशस्य द्वे वर्षे उक्ते ये दक्षिणोत्तरे । कर्णे तु नागद्वीपश्च काश्यपद्वीप एव च

pārśve śaśasya dve varṣe ukte ye dakṣiṇottare | karṇe tu nāgadvīpaśca kāśyapadvīpa eva ca

On the (two) flanks of the hare are said to be the two regions, the southern and the northern; but on the ear are Nāgadvīpa and Kāśyapadvīpa.

AI translation rendered from the Sanskrit, not a published edition

PdP 3 3.75

कर्णद्वीपशिलो विप्राः श्रीमान्मलयपर्वतः । एतद्द्वितीयं द्वीपस्य दृश्यते शशिसंस्थितम्

karṇadvīpaśilo viprāḥ śrīmānmalayaparvataḥ | etaddvitīyaṃ dvīpasya dṛśyate śaśisaṃsthitam

The rock of Karṇadvīpa, O brahmins, is the glorious Malaya mountain; this is seen as the second (part) of the continent set within the hare(-shape).

AI translation rendered from the Sanskrit, not a published edition — the model flagged this verse as uncertain