Padma Purana — Svarga Khanda — Chapter 26
PdP 3 26.1
नारदउवाच-। ततो गच्छेत राजेंद्र कुरुक्षेत्रमभिष्टुतम् । पापेभ्यो विप्रमुच्यंते तद्गताः सर्वजंतवः
nāradauvāca-| tato gaccheta rājeṃdra kurukṣetramabhiṣṭutam | pāpebhyo vipramucyaṃte tadgatāḥ sarvajaṃtavaḥ
Nārada said: Then, O lord of kings, one should go to the much-praised Kurukṣetra; all creatures who go there are wholly released from their sins.
AI translation rendered from the Sanskrit, not a published edition
PdP 3 26.2
कुरुक्षेत्रं गमिष्यामि कुरुक्षेत्रे वसाम्यहम् । य एवं सततं ब्रूयात्सर्वपापैः प्रमुच्यते
kurukṣetraṃ gamiṣyāmi kurukṣetre vasāmyaham | ya evaṃ satataṃ brūyātsarvapāpaiḥ pramucyate
"I shall go to Kurukṣetra, I dwell in Kurukṣetra"—whoever says this constantly is released from all sins.
AI translation rendered from the Sanskrit, not a published edition
PdP 3 26.3
तत्र मासं वसेद्धीरः सरस्वत्यां नराधिप । यत्र ब्रह्मादयो देवा यत्र ब्रह्मर्षिचारणाः
tatra māsaṃ vaseddhīraḥ sarasvatyāṃ narādhipa | yatra brahmādayo devā yatra brahmarṣicāraṇāḥ
There, O ruler of men, the steadfast man should dwell for a month on the Sarasvatī, where Brahmā and the other gods are, where the brahmin sages and the Cāraṇas are.
AI translation rendered from the Sanskrit, not a published edition
PdP 3 26.4
गंधर्वाप्सरसो यक्षाः पन्नगाश्च महीपते । ब्रह्मक्षेत्रं महापुण्यमभिगच्छंति भारत
gaṃdharvāpsaraso yakṣāḥ pannagāśca mahīpate | brahmakṣetraṃ mahāpuṇyamabhigacchaṃti bhārata
Gandharvas, apsarases, yakṣas and serpents, O lord of the earth, resort to that greatly meritorious field of Brahmā, O Bhārata.
AI translation rendered from the Sanskrit, not a published edition
PdP 3 26.5
मनसाप्यभिकामस्य कुरुक्षेत्रे युधिष्ठिर । पापानि विप्रणश्यंति ब्रह्मलोकं च गच्छति
manasāpyabhikāmasya kurukṣetre yudhiṣṭhira | pāpāni vipraṇaśyaṃti brahmalokaṃ ca gacchati
Even of one who longs for Kurukṣetra merely in his mind, O Yudhiṣṭhira, the sins perish utterly, and he goes to the world of Brahmā.
AI translation rendered from the Sanskrit, not a published edition
PdP 3 26.6
गत्वा हि श्रद्धया युक्तः कुरुक्षेत्रं कुरूद्वह । वाजपेयाश्वमेध्याभ्यां फलं प्राप्नोति मानवः
gatvā hi śraddhayā yuktaḥ kurukṣetraṃ kurūdvaha | vājapeyāśvamedhyābhyāṃ phalaṃ prāpnoti mānavaḥ
For having gone to Kurukṣetra endowed with faith, O foremost of the Kurus, a man obtains the fruit of the Vājapeya and the Aśvamedha.
AI translation rendered from the Sanskrit, not a published edition
PdP 3 26.7
ततो मत्तर्णकं राजन्द्वारपालं महाबलम् । यं वै समभिवाद्यैव गोसहस्रफलं लभेत्
tato mattarṇakaṃ rājandvārapālaṃ mahābalam | yaṃ vai samabhivādyaiva gosahasraphalaṃ labhet
Then (one should go) to the mighty gatekeeper Mattarṇaka, O king, whom merely by saluting one would gain the fruit of a thousand cows.
AI translation rendered from the Sanskrit, not a published edition
PdP 3 26.8
ततो गच्छेत धर्मज्ञ विष्णोः स्थानमनुत्तमम् । सततं नाम राजेंद्र यत्र सन्निहितो हरिः
tato gaccheta dharmajña viṣṇoḥ sthānamanuttamam | satataṃ nāma rājeṃdra yatra sannihito hariḥ
Then, O knower of dharma, one should go to the unsurpassed abode of Viṣṇu named Satata, O lord of kings, where Hari is present.
AI translation rendered from the Sanskrit, not a published edition
PdP 3 26.9
तत्र स्नात्वा च दृष्ट्वा च त्रिलोकप्रभवं हरिम् । अश्वमेधमवाप्नोति विष्णुलोकं च गच्छति
tatra snātvā ca dṛṣṭvā ca trilokaprabhavaṃ harim | aśvamedhamavāpnoti viṣṇulokaṃ ca gacchati
Having bathed there and beheld Hari, the source of the three worlds, one gains (the fruit of) the Aśvamedha and goes to Viṣṇu's world.
AI translation rendered from the Sanskrit, not a published edition
PdP 3 26.10
ततः पारिप्लवं गच्छेत्तीर्थं त्रैलोक्यविश्रुतम् । अग्निष्टोमातिरात्राभ्यां फलं प्राप्नोति मानवः
tataḥ pāriplavaṃ gacchettīrthaṃ trailokyaviśrutam | agniṣṭomātirātrābhyāṃ phalaṃ prāpnoti mānavaḥ
Then one should go to Pāriplava, a sacred ford renowned in the three worlds; a man obtains there the fruit of the Agniṣṭoma and the Atirātra.
AI translation rendered from the Sanskrit, not a published edition
PdP 3 26.11
पृथिव्यां तीर्थमासाद्य गोसहस्रफलं लभेत् । ततः शाल्विकिनीं गत्वा तीर्थसेवी नराधिप
pṛthivyāṃ tīrthamāsādya gosahasraphalaṃ labhet | tataḥ śālvikinīṃ gatvā tīrthasevī narādhipa
Reaching the ford Pṛthivī one would gain the fruit of a thousand cows. Then, O ruler of men, the frequenter of sacred fords, having gone to Śālvikinī—
AI translation rendered from the Sanskrit, not a published edition
PdP 3 26.12
दशाश्वमेधिके स्नात्वा तदेव लभते फलम् । सर्पनीविं समासाद्य नागानां तीर्थमुत्तमम्
daśāśvamedhike snātvā tadeva labhate phalam | sarpanīviṃ samāsādya nāgānāṃ tīrthamuttamam
—having bathed at Daśāśvamedhika, he obtains that same fruit. Reaching Sarpanīvi, the highest ford of the nāgas,
AI translation rendered from the Sanskrit, not a published edition
PdP 3 26.13
अग्निष्टोममवाप्नोति नागलोकं च गच्छति । ततो गच्छेत धर्मज्ञ द्वारपालमतर्णकम्
agniṣṭomamavāpnoti nāgalokaṃ ca gacchati | tato gaccheta dharmajña dvārapālamatarṇakam
he obtains (the fruit of) the Agniṣṭoma and goes to the world of the nāgas. Then, O knower of dharma, one should go to the gatekeeper Atarṇaka.
AI translation rendered from the Sanskrit, not a published edition
PdP 3 26.14
तत्रोष्य रजनीमेकां गोसहस्रफलं लभेत् । ततःपंचनदंगत्वानियतोनियताशनः
tatroṣya rajanīmekāṃ gosahasraphalaṃ labhet | tataḥpaṃcanadaṃgatvāniyatoniyatāśanaḥ
Having stayed there a single night one would gain the fruit of a thousand cows. Then, having gone to Pañcanada, restrained and of restrained diet,
AI translation rendered from the Sanskrit, not a published edition
PdP 3 26.15
कोटितीर्थमुपस्पृश्य हयमेधफलं लभेत् । अश्विनीतीर्थमागम्य रूपवानभिजायते
koṭitīrthamupaspṛśya hayamedhaphalaṃ labhet | aśvinītīrthamāgamya rūpavānabhijāyate
having touched the water of Koṭitīrtha he would gain the fruit of a horse sacrifice; and coming to the Aśvinī ford he is born handsome.
AI translation rendered from the Sanskrit, not a published edition
PdP 3 26.16
ततो गच्छेत धर्मज्ञ वाराहं तीर्थमुत्तमम् । विष्णुर्वाराहरूपेण पुरा यत्र स्थितोऽभवत्
tato gaccheta dharmajña vārāhaṃ tīrthamuttamam | viṣṇurvārāharūpeṇa purā yatra sthito'bhavat
Then, O knower of dharma, one should go to the excellent ford Vārāha, where Viṣṇu of old stood in the form of a boar.
AI translation rendered from the Sanskrit, not a published edition
PdP 3 26.17
तत्र स्थित्वा नरव्याघ्र अग्निष्टोमफलं लभेत् । ततो जयिन्यां राजेंद्र सोमतीर्थं समाविशेत्
tatra sthitvā naravyāghra agniṣṭomaphalaṃ labhet | tato jayinyāṃ rājeṃdra somatīrthaṃ samāviśet
Having stayed there, O tiger among men, one would gain the fruit of the Agniṣṭoma. Then, O lord of kings, at Jayinī one should enter Somatīrtha.
AI translation rendered from the Sanskrit, not a published edition
PdP 3 26.18
स्नात्वा फलमवाप्नोति राजसूयस्य मानवः । एकहंसे नरः स्नात्वा गोसहस्रफलं लभेत्
snātvā phalamavāpnoti rājasūyasya mānavaḥ | ekahaṃse naraḥ snātvā gosahasraphalaṃ labhet
Having bathed (there) a man obtains the fruit of the Rājasūya. Bathing at Ekahaṃsa a man would gain the fruit of a thousand cows.
AI translation rendered from the Sanskrit, not a published edition
PdP 3 26.19
कृतशौचं समासाद्य तीर्थसेवी कुरूद्वह । पुंडरीकमवाप्नोति कृतशौचो भवेच्च सः
kṛtaśaucaṃ samāsādya tīrthasevī kurūdvaha | puṃḍarīkamavāpnoti kṛtaśauco bhavecca saḥ
Reaching Kṛtaśauca, O foremost of the Kurus, the frequenter of sacred fords obtains (the fruit of) the Puṇḍarīka sacrifice, and he becomes one whose purification is accomplished.
AI translation rendered from the Sanskrit, not a published edition
PdP 3 26.20
ततो मुंजावटं नाम महादेवस्य धीमतः । तत्रोष्य रजनीमेकां गाणपत्यमवाप्नुयात्
tato muṃjāvaṭaṃ nāma mahādevasya dhīmataḥ | tatroṣya rajanīmekāṃ gāṇapatyamavāpnuyāt
Then (there is the place) named Muñjāvaṭa, of wise Mahādeva; having stayed there a single night one would attain the rank of leader of Śiva's hosts.
AI translation rendered from the Sanskrit, not a published edition
PdP 3 26.21
तत्रैव च महाराज जयां लोकपरिश्रुताम् । स्नात्वाभिगम्य राजेंद्र सर्वकाममवाप्नुयात्
tatraiva ca mahārāja jayāṃ lokapariśrutām | snātvābhigamya rājeṃdra sarvakāmamavāpnuyāt
And in that very place, great king, (there is) Jayā, renowned throughout the world; having bathed and approached (her), O lord of kings, one would obtain every desire.
AI translation rendered from the Sanskrit, not a published edition
PdP 3 26.22
कुरुक्षेत्रस्य तद्द्वारं विश्रुतं भरतर्षभ । प्रदक्षिणमुपावृत्य तीर्थसेवी समावृतः
kurukṣetrasya taddvāraṃ viśrutaṃ bharatarṣabha | pradakṣiṇamupāvṛtya tīrthasevī samāvṛtaḥ
That famed gate of Kurukṣetra, O bull of the Bharatas — the frequenter of holy places, self-controlled, having circled it keeping it on the right,
AI translation rendered from the Sanskrit, not a published edition
PdP 3 26.23
संस्मृते पुष्कराणां तु स्नात्वार्च्य पितृदेवताः । जामदग्न्येन रामेण आहूते वै महात्मना
saṃsmṛte puṣkarāṇāṃ tu snātvārcya pitṛdevatāḥ | jāmadagnyena rāmeṇa āhūte vai mahātmanā
and having bathed at the Puṣkaras when they are called to mind, and having honoured the fathers and the gods — (the place) summoned by the great-souled Rāma, son of Jamadagni —
AI translation rendered from the Sanskrit, not a published edition — the model flagged this verse as uncertain
PdP 3 26.24
कृतकृत्यो भवेद्राजन्नश्वमेधं च विंदति । ततो रामह्रदं गच्छेत्तीर्थसेवी नराधिप
kṛtakṛtyo bhavedrājannaśvamedhaṃ ca viṃdati | tato rāmahradaṃ gacchettīrthasevī narādhipa
one becomes one who has accomplished his purpose, O king, and gains (the fruit of) a horse sacrifice. Then, O ruler of men, the frequenter of holy places should go to Rāma's lake.
AI translation rendered from the Sanskrit, not a published edition
PdP 3 26.25
यत्र रामेण राजेंद्र तरसा दीप्ततेजसा । क्षत्रमुत्सार्य वीर्येण ह्रदाः पंच निषेविताः । पूरयित्वा नरव्याघ्र रुधिरेणेति नः श्रुतम्
yatra rāmeṇa rājeṃdra tarasā dīptatejasā | kṣatramutsārya vīryeṇa hradāḥ paṃca niṣevitāḥ | pūrayitvā naravyāghra rudhireṇeti naḥ śrutam
There, O lord of kings, by Rāma of blazing energy, with force and valour, the warrior class was swept away, and five lakes were resorted to, having filled (them) with blood, O tiger among men — so we have heard.
AI translation rendered from the Sanskrit, not a published edition
PdP 3 26.26
पितरस्तर्पिताः सर्वे तथैव प्रपितामहाः । ततस्ते पितरः प्रीताः राममूचुर्महीपते
pitarastarpitāḥ sarve tathaiva prapitāmahāḥ | tataste pitaraḥ prītāḥ rāmamūcurmahīpate
All the fathers were satisfied, and likewise the great-grandfathers; then those fathers, pleased, spoke to Rāma, O lord of the earth:
AI translation rendered from the Sanskrit, not a published edition
PdP 3 26.27
रामराम महाभाग प्रीताः स्म तव भार्गव । अनया पितृभक्त्या च विक्रमेण च तेऽनघ
rāmarāma mahābhāga prītāḥ sma tava bhārgava | anayā pitṛbhaktyā ca vikrameṇa ca te'nagha
"Rāma, Rāma, greatly fortunate one, we are pleased with you, O Bhārgava, by this devotion to the fathers and by your valour, O sinless one.
AI translation rendered from the Sanskrit, not a published edition
PdP 3 26.28
वरं वृणीष्व भद्रं ते किमिच्छसि महामते । एवमुक्तः स राजेंद्र रामः प्रवदतां वरः
varaṃ vṛṇīṣva bhadraṃ te kimicchasi mahāmate | evamuktaḥ sa rājeṃdra rāmaḥ pravadatāṃ varaḥ
Choose a boon; blessings on you — what do you wish, O great-minded one?" Thus addressed, O lord of kings, Rāma, best of speakers,
AI translation rendered from the Sanskrit, not a published edition
PdP 3 26.29
अब्रवीत्प्रांजलिर्वाक्यं पितॄन्स गगने स्थितान् । भवंतो यदि मे प्रीता यद्यनुग्राह्यता मयि
abravītprāṃjalirvākyaṃ pitṝnsa gagane sthitān | bhavaṃto yadi me prītā yadyanugrāhyatā mayi
with joined palms spoke these words to the fathers standing in the sky: "If you are pleased with me, if there is favour to be shown to me,
AI translation rendered from the Sanskrit, not a published edition
PdP 3 26.30
पितृप्रसादादिच्छेयं तपसाप्यायनं पुनः । यच्च रोषाभिभूतेन क्षत्रमुत्सादितं मया
pitṛprasādādiccheyaṃ tapasāpyāyanaṃ punaḥ | yacca roṣābhibhūtena kṣatramutsāditaṃ mayā
I would wish, by the fathers' grace, for a renewed increase in austerity; and as for the warrior class that was destroyed by me, overcome by rage,
AI translation rendered from the Sanskrit, not a published edition
PdP 3 26.31
ततश्च पापान्मुच्येयं युष्माकं तेजसा ह्यहम् । ह्रदाश्च तीर्थभूता मे भवेयुर्भुवि विश्रुताः
tataśca pāpānmucyeyaṃ yuṣmākaṃ tejasā hyaham | hradāśca tīrthabhūtā me bhaveyurbhuvi viśrutāḥ
from that sin may I be freed by your power; and may these lakes of mine become holy places, renowned on earth."
AI translation rendered from the Sanskrit, not a published edition
PdP 3 26.32
एतच्छ्रुत्वा शुभं वाक्यं रामस्य पितरस्तदा । प्रत्यूचुः परमप्रीता रामं तोषसमन्विताः
etacchrutvā śubhaṃ vākyaṃ rāmasya pitarastadā | pratyūcuḥ paramaprītā rāmaṃ toṣasamanvitāḥ
Having heard this auspicious speech of Rāma, the fathers then, exceedingly pleased and filled with satisfaction, replied to Rāma:
AI translation rendered from the Sanskrit, not a published edition
PdP 3 26.33
तपस्ते वर्द्धतां भूयः पितृभक्त्या विशेषतः । यच्च रोषाभिभूतेन क्षत्रमुत्सादितं त्वया
tapaste varddhatāṃ bhūyaḥ pitṛbhaktyā viśeṣataḥ | yacca roṣābhibhūtena kṣatramutsāditaṃ tvayā
"May your austerity increase further, especially through your devotion to the fathers; and as for the warrior class that was destroyed by you, overcome by rage —
AI translation rendered from the Sanskrit, not a published edition
PdP 3 26.34
ततश्च पापान्मुक्तस्त्वं निहतास्ते स्वकर्म्मणा । ह्रदाश्च तव तीर्थत्वं गमिष्यंति न संशयः
tataśca pāpānmuktastvaṃ nihatāste svakarmmaṇā | hradāśca tava tīrthatvaṃ gamiṣyaṃti na saṃśayaḥ
from that sin you are freed: they were slain by their own deeds. And your lakes will attain the status of holy places, there is no doubt.
AI translation rendered from the Sanskrit, not a published edition
PdP 3 26.35
ह्रदेष्वेतेषु यः स्नात्वा पितॄन्संतर्पयिष्यति । पितरस्तस्य वै प्रीता दास्यंति भुवि दुर्ल्लभम्
hradeṣveteṣu yaḥ snātvā pitṝnsaṃtarpayiṣyati | pitarastasya vai prītā dāsyaṃti bhuvi durllabham
Whoever bathes in these lakes and satisfies the fathers — his fathers, being pleased, will grant what is hard to obtain on earth:
AI translation rendered from the Sanskrit, not a published edition
PdP 3 26.36
ईप्सितं मनसः कामं स्वर्गलोकं सशाश्वतम् । एवं दत्त्वा वरं राजन्रामस्य पितरस्तदा । आमंत्र्य भार्गवं प्रीतास्तत्रैवांतर्दधुस्ततः
īpsitaṃ manasaḥ kāmaṃ svargalokaṃ saśāśvatam | evaṃ dattvā varaṃ rājanrāmasya pitarastadā | āmaṃtrya bhārgavaṃ prītāstatraivāṃtardadhustataḥ
the desire wished for by the mind, and the eternal world of heaven." Having thus given the boon to Rāma, O king, the fathers then, pleased, took leave of the Bhārgava and vanished there.
AI translation rendered from the Sanskrit, not a published edition
PdP 3 26.37
एवं रामह्रदाः पुण्या भार्गवस्य महात्मनः । स्नात्वा ह्रदेषु रामस्य ब्रह्मचारी शुभव्रतः
evaṃ rāmahradāḥ puṇyā bhārgavasya mahātmanaḥ | snātvā hradeṣu rāmasya brahmacārī śubhavrataḥ
Thus the lakes of Rāma, of the great-souled Bhārgava, are holy. Having bathed in Rāma's lakes, chaste and of auspicious vows,
AI translation rendered from the Sanskrit, not a published edition
PdP 3 26.38
राममभ्यर्च्य राजेंद्र लभेद्बहुसुवर्णकम् । वंशमूलं समासाद्य तीर्थसेवी कुरूद्वह
rāmamabhyarcya rājeṃdra labhedbahusuvarṇakam | vaṃśamūlaṃ samāsādya tīrthasevī kurūdvaha
and having worshipped Rāma, O lord of kings, one would obtain much gold. Having reached Vaṃśamūla, O frequenter of holy places, scion of the Kurus,
AI translation rendered from the Sanskrit, not a published edition
PdP 3 26.39
स्ववंशमुद्धरेद्राजन्स्नात्वा वै वंशमूलके । कायशोधनमासाद्य तीर्थं भरतसत्तम
svavaṃśamuddharedrājansnātvā vai vaṃśamūlake | kāyaśodhanamāsādya tīrthaṃ bharatasattama
one would raise up one's own lineage, O king, by bathing at Vaṃśamūlaka. Having reached the holy place Kāyaśodhana, O best of the Bharatas,
AI translation rendered from the Sanskrit, not a published edition
PdP 3 26.40
शरीरशुद्धिमाप्नोति स्नातस्तस्मिन्न संशयः । शुद्धदेहस्तु संयाति शुभाँल्लोकाननुत्तमान्
śarīraśuddhimāpnoti snātastasminna saṃśayaḥ | śuddhadehastu saṃyāti śubhā~llokānanuttamān
one who has bathed there obtains purification of the body, without doubt; and with purified body he goes to auspicious, unsurpassed worlds.
AI translation rendered from the Sanskrit, not a published edition
PdP 3 26.41
ततो गच्छेत राजेंद्र तीर्थं त्रैलोक्यदुर्लभम् । लोका यत्रोद्धृताः पूर्वं विष्णुना प्रभविष्णुना
tato gaccheta rājeṃdra tīrthaṃ trailokyadurlabham | lokā yatroddhṛtāḥ pūrvaṃ viṣṇunā prabhaviṣṇunā
Then, best of kings, one should go to a sacred ford hard to obtain in the three worlds, where formerly the worlds were lifted up by Viṣṇu, the mighty Viṣṇu.
AI translation rendered from the Sanskrit, not a published edition
PdP 3 26.42
लोकोद्धारं समासाद्य तीर्थं त्रैलोक्यविश्रुतम् । स्नात्वा तीर्थवरे राजन्लोकानुद्धरते स्वकान्
lokoddhāraṃ samāsādya tīrthaṃ trailokyaviśrutam | snātvā tīrthavare rājanlokānuddharate svakān
Having reached Lokoddhāra, the ford renowned in the three worlds, and having bathed in that best of fords, O king, one lifts up one's own people.
AI translation rendered from the Sanskrit, not a published edition
PdP 3 26.43
श्रीतीर्थं च समासाद्य विंदते श्रियमुत्तमाम् । कपिलातीर्थमासाद्य ब्रह्मचारी समाहितः
śrītīrthaṃ ca samāsādya viṃdate śriyamuttamām | kapilātīrthamāsādya brahmacārī samāhitaḥ
And having reached Śrītīrtha one obtains the highest prosperity; having reached Kapilātīrtha, chaste and composed—
AI translation rendered from the Sanskrit, not a published edition
PdP 3 26.44
तत्र स्नात्वार्चयित्वा च देवानिह पितॄंस्तथा । कपिलानां सहस्रस्य फलं विंदति मानवः
tatra snātvārcayitvā ca devāniha pitṝṃstathā | kapilānāṃ sahasrasya phalaṃ viṃdati mānavaḥ
having bathed there and worshipped the gods here and likewise the fathers, a man obtains the fruit of (giving) a thousand tawny cows.
AI translation rendered from the Sanskrit, not a published edition
PdP 3 26.45
सूर्यतीर्थं समासाद्य स्नात्वा नियतमानसः । अर्चयित्वा पितॄन्देवानुपवासपरायणः
sūryatīrthaṃ samāsādya snātvā niyatamānasaḥ | arcayitvā pitṝndevānupavāsaparāyaṇaḥ
Having reached Sūryatīrtha and bathed with restrained mind, having worshipped the fathers and the gods, devoted to fasting,
AI translation rendered from the Sanskrit, not a published edition
PdP 3 26.46
अग्निष्टोममवाप्नोति सूर्यलोकं च गच्छति । गवांभवनमासाद्य तीर्थसेवी यथाक्रमम्
agniṣṭomamavāpnoti sūryalokaṃ ca gacchati | gavāṃbhavanamāsādya tīrthasevī yathākramam
he gains (the fruit of) the Agniṣṭoma sacrifice and goes to the world of the sun. Having reached Gavāṃbhavana, the frequenter of fords, in due order—
AI translation rendered from the Sanskrit, not a published edition
PdP 3 26.47
तत्राभिषेकं कुर्वाणो गोसहस्रफलं लभेत् । गंगातीर्थं समासाद्य तीर्थसेवी नराधिप
tatrābhiṣekaṃ kurvāṇo gosahasraphalaṃ labhet | gaṃgātīrthaṃ samāsādya tīrthasevī narādhipa
performing the ablution there he would obtain the fruit of a thousand cows. Having reached Gaṅgātīrtha, O lord of men, the frequenter of fords—
AI translation rendered from the Sanskrit, not a published edition
PdP 3 26.48
केव्यास्तीर्थे नरः स्नात्वा लभते वीर्यमुत्तमम् (केव्या पाठभेदाः – कन्या, कोट्या, कोत्या, कोन्या)। ततो गच्छेत राजेंद्र द्वारपालं लवर्णकम्
kevyāstīrthe naraḥ snātvā labhate vīryamuttamam (kevyā pāṭhabhedāḥ – kanyā, koṭyā, kotyā, konyā)| tato gaccheta rājeṃdra dvārapālaṃ lavarṇakam
a man, bathing at Kevyā's ford, obtains the highest virility. (For kevyā there are variant readings: kanyā, koṭyā, kotyā, konyā.) Then, best of kings, one should go to the gatekeeper Lavarṇaka.
AI translation rendered from the Sanskrit, not a published edition — the model flagged this verse as uncertain
PdP 3 26.49
तस्य तीर्थे सरस्वत्यां यथेंद्रस्य महात्मनः । तत्र स्नात्वा नरो राजन्नग्निष्टोमफलं लभेत्
tasya tīrthe sarasvatyāṃ yatheṃdrasya mahātmanaḥ | tatra snātvā naro rājannagniṣṭomaphalaṃ labhet
At his ford on the Sarasvatī, as at that of the great-souled Indra—bathing there, O king, a man would obtain the fruit of the Agniṣṭoma.
AI translation rendered from the Sanskrit, not a published edition — the model flagged this verse as uncertain
PdP 3 26.50
ततो गच्छेत धर्मज्ञ ब्रह्मावर्तं नराधिप । ब्रह्मावर्ते नरः स्नात्वा ब्रह्मलोकमवाप्नुयात्
tato gaccheta dharmajña brahmāvartaṃ narādhipa | brahmāvarte naraḥ snātvā brahmalokamavāpnuyāt
Then, knower of dharma, lord of men, one should go to Brahmāvarta; a man who bathes at Brahmāvarta would attain the world of Brahmā.
AI translation rendered from the Sanskrit, not a published edition
PdP 3 26.51
ततो गच्छेत धर्मज्ञ सुतीर्थकमनुत्तमम् । यत्र सन्निहिता नित्यं पितरो दैवतैः सह
tato gaccheta dharmajña sutīrthakamanuttamam | yatra sannihitā nityaṃ pitaro daivataiḥ saha
Then, knower of dharma, one should go to the unsurpassed Sutīrthaka, where the fathers, together with the gods, are always present.
AI translation rendered from the Sanskrit, not a published edition
PdP 3 26.52
तत्राभिषेकं कुर्वीत पितृदेवार्चने रतः । अश्वमेधमवाप्नोति पितृलोकं च गच्छति
tatrābhiṣekaṃ kurvīta pitṛdevārcane rataḥ | aśvamedhamavāpnoti pitṛlokaṃ ca gacchati
There one should perform the ablution, intent on the worship of the fathers and the gods; he obtains (the fruit of) the horse sacrifice and goes to the world of the fathers.
AI translation rendered from the Sanskrit, not a published edition
PdP 3 26.53
ततोऽन्यतीर्थं धर्मज्ञ समासाद्य यथाक्रमम् । काशीश्वरस्य तीर्थेषु स्नात्वा भरतसत्तम
tato'nyatīrthaṃ dharmajña samāsādya yathākramam | kāśīśvarasya tīrtheṣu snātvā bharatasattama
Then, knower of dharma, having reached another ford in due order—having bathed in the fords of Kāśīśvara, O best of the Bharatas—
AI translation rendered from the Sanskrit, not a published edition
PdP 3 26.54
सर्वव्याधिविनिर्मुक्तो ब्रह्मलोके महीयते । मातृतीर्थं च तत्रैव यत्र स्नातस्य पार्थिव
sarvavyādhivinirmukto brahmaloke mahīyate | mātṛtīrthaṃ ca tatraiva yatra snātasya pārthiva
freed from all diseases, he is honoured in the world of Brahmā. And in that very place is Mātṛtīrtha, where for one who has bathed, O king,
AI translation rendered from the Sanskrit, not a published edition
PdP 3 26.55
प्रजा विवर्द्धते राजन्स्वर्गतिं समवाप्नुयात् । ततः शीतवनं गच्छेन्नियतो नियताशनः
prajā vivarddhate rājansvargatiṃ samavāpnuyāt | tataḥ śītavanaṃ gacchenniyato niyatāśanaḥ
offspring increases, O king, and he would attain the way to heaven. Then one should go to Śītavana, restrained and restrained in eating.
AI translation rendered from the Sanskrit, not a published edition
PdP 3 26.56
तीर्थं तत्र महाराज महदन्यत्र दुर्लभम् । पुनाति दर्शनादेव दंडेनैकं नराधिप
tīrthaṃ tatra mahārāja mahadanyatra durlabham | punāti darśanādeva daṃḍenaikaṃ narādhipa
There, great king, is a great ford, hard to find elsewhere; by the mere sight (of it) it purifies, O lord of men, with a single staff (?).
AI translation rendered from the Sanskrit, not a published edition — the model flagged this verse as uncertain
PdP 3 26.57
केशानावप्य वै तस्मिन्पूतो भवति भारत । तत्र तीर्थवरं चान्यत्स्नात लोकार्तिहं स्मृतम्
keśānāvapya vai tasminpūto bhavati bhārata | tatra tīrthavaraṃ cānyatsnāta lokārtihaṃ smṛtam
Having shaved off one's hair there, one becomes purified, O Bhārata. And there is another excellent ford, remembered as removing the affliction of the world for one who has bathed.
AI translation rendered from the Sanskrit, not a published edition — the model flagged this verse as uncertain
PdP 3 26.58
तत्र विप्रा नरव्याघ्र विद्वांसस्तत्र तत्पराः । गतिं गच्छंति परमां स्नात्वा भरतसत्तम
tatra viprā naravyāghra vidvāṃsastatra tatparāḥ | gatiṃ gacchaṃti paramāṃ snātvā bharatasattama
There, tiger among men, learned brahmins devoted to that (practice) attain the highest goal by bathing, O best of the Bharatas.
AI translation rendered from the Sanskrit, not a published edition
PdP 3 26.59
स्वर्णलोमापनयने तीर्थे भरतसत्तम । प्राणायामैर्निर्हरंति स्वलोमानि द्विजोत्तमाः
svarṇalomāpanayane tīrthe bharatasattama | prāṇāyāmairnirharaṃti svalomāni dvijottamāḥ
At the ford Svarṇalomāpanayana, O best of the Bharatas, the best of the twice-born remove their own body-hairs by breath-control.
AI translation rendered from the Sanskrit, not a published edition
PdP 3 26.60
पूतात्मानश्च राजेन्द्र प्रयांति परमां गतिम् । दशाश्वमेधिके चैव तस्मिंस्तीर्थे महीपते
pūtātmānaśca rājendra prayāṃti paramāṃ gatim | daśāśvamedhike caiva tasmiṃstīrthe mahīpate
And, best of kings, with purified selves they go to the highest goal. And at that ford Daśāśvamedhika, O lord of the earth,
AI translation rendered from the Sanskrit, not a published edition
PdP 3 26.61
तत्र स्नात्वा नरव्याघ्र गच्छंति परमां गतिम् । ततो गच्छेत राजेंद्र मानुषं लोकविश्रुतम्
tatra snātvā naravyāghra gacchaṃti paramāṃ gatim | tato gaccheta rājeṃdra mānuṣaṃ lokaviśrutam
Having bathed there, O tiger among men, (people) go to the highest state. Then, O lord of kings, one should go to (the tīrtha called) Mānuṣa, famed in the world.
AI translation rendered from the Sanskrit, not a published edition
PdP 3 26.62
तत्र कृष्णामृगा राजन्व्याधेन शरपीडिताः । विगाह्य तस्मिन्सरसि मानुषत्वमुपागताः
tatra kṛṣṇāmṛgā rājanvyādhena śarapīḍitāḥ | vigāhya tasminsarasi mānuṣatvamupāgatāḥ
There, O king, black antelopes, wounded by a hunter's arrows, plunged into that lake and attained human form.
AI translation rendered from the Sanskrit, not a published edition
PdP 3 26.63
तस्मिंस्तीर्थे नरः स्नात्वा ब्रह्मचारी समाहितः । सर्वपापविशुद्धात्मा स्वर्गलोके महीयते
tasmiṃstīrthe naraḥ snātvā brahmacārī samāhitaḥ | sarvapāpaviśuddhātmā svargaloke mahīyate
A man who bathes in that tīrtha, chaste and concentrated, his self cleansed of all sins, is honoured in the world of heaven.
AI translation rendered from the Sanskrit, not a published edition
PdP 3 26.64
मानुषस्य तु पूर्वेण क्रोशमात्रं महीपते । आपगा नाम विख्याता नदी सिद्धनिषेविता
mānuṣasya tu pūrveṇa krośamātraṃ mahīpate | āpagā nāma vikhyātā nadī siddhaniṣevitā
But to the east of Mānuṣa, just a krośa away, O lord of the earth, is the river renowned by the name Āpagā, frequented by the Siddhas.
AI translation rendered from the Sanskrit, not a published edition
PdP 3 26.65
श्यामाक भोजनं तत्र यः प्रयच्छति मानवः । देवान्पितॄन्समुद्दिश्य तस्य धर्मफलं महत्
śyāmāka bhojanaṃ tatra yaḥ prayacchati mānavaḥ | devānpitṝnsamuddiśya tasya dharmaphalaṃ mahat
The man who there offers a meal of śyāmāka grain, dedicating it to the gods and the ancestors — great is his reward of merit.
AI translation rendered from the Sanskrit, not a published edition
PdP 3 26.66
एकस्मिन्भोजिते विप्रे कोटिर्भवति भोजिता । तत्र स्नात्वार्चयित्वा च दैवतानि पितॄंस्तथा
ekasminbhojite vipre koṭirbhavati bhojitā | tatra snātvārcayitvā ca daivatāni pitṝṃstathā
When a single brahmin is fed (there), it becomes as if ten million were fed. Having bathed there and worshipped the deities and likewise the ancestors,
AI translation rendered from the Sanskrit, not a published edition
PdP 3 26.67
उषित्वा रजनीमेकामग्निष्टोमफलं लभेत् । ततो गच्छेत धर्म्मज्ञ ब्रह्मणः स्थानमुत्तमम्
uṣitvā rajanīmekāmagniṣṭomaphalaṃ labhet | tato gaccheta dharmmajña brahmaṇaḥ sthānamuttamam
and having stayed a single night, one would obtain the fruit of the Agniṣṭoma. Then, O knower of dharma, one should go to the supreme abode of Brahmā,
AI translation rendered from the Sanskrit, not a published edition
PdP 3 26.68
ब्रह्मानुस्वरमित्येवं प्रकाशं भुवि भारत । तत्र सप्तर्षिकुंडेषु स्नातस्य भरतर्षभ
brahmānusvaramityevaṃ prakāśaṃ bhuvi bhārata | tatra saptarṣikuṃḍeṣu snātasya bharatarṣabha
known on earth thus as "Brahmānusvara," O Bhārata. For one who bathes there in the pools of the Seven Sages, O bull of the Bharatas,
AI translation rendered from the Sanskrit, not a published edition
PdP 3 26.69
केदारे चैव राजेंद्र कपिलस्य महात्मनः । ब्रह्माणमभिगम्याथ शुचिः प्रयतमानसः
kedāre caiva rājeṃdra kapilasya mahātmanaḥ | brahmāṇamabhigamyātha śuciḥ prayatamānasaḥ
and in the Kedāra of the great-souled Kapila, O lord of kings, and then approaches Brahmā, pure and with a restrained mind,
AI translation rendered from the Sanskrit, not a published edition
PdP 3 26.70
सर्वपापविशुद्धात्मा ब्रह्मलोकं प्रपद्यते । कपिष्ठलस्य केदारं समासाद्य सुदुर्लभम्
sarvapāpaviśuddhātmā brahmalokaṃ prapadyate | kapiṣṭhalasya kedāraṃ samāsādya sudurlabham
his self cleansed of all sins, he attains the world of Brahmā. Having reached the very hard-to-attain Kedāra of Kapiṣṭhala,
AI translation rendered from the Sanskrit, not a published edition
PdP 3 26.71
अंतर्धानमवाप्नोति तपसा दग्धकिल्बिषः । ततो गच्छेत राजेंद्र सर्वकं लोकविश्रुतम्
aṃtardhānamavāpnoti tapasā dagdhakilbiṣaḥ | tato gaccheta rājeṃdra sarvakaṃ lokaviśrutam
he obtains the power of invisibility, his taint burnt away by austerity. Then, O lord of kings, one should go to Sarvaka, famed in the world.
AI translation rendered from the Sanskrit, not a published edition
PdP 3 26.72
कृष्णपक्षे चतुर्दश्यामभिगम्य वृषध्वजं । लभते सर्वकामान्हि स्वर्गलोकं च गच्छति । तिस्रःकोट्यश्च तीर्थानां प्रवरं कुरुनंदन
kṛṣṇapakṣe caturdaśyāmabhigamya vṛṣadhvajaṃ | labhate sarvakāmānhi svargalokaṃ ca gacchati | tisraḥkoṭyaśca tīrthānāṃ pravaraṃ kurunaṃdana
Approaching the Bull-bannered One (Śiva) on the fourteenth of the dark fortnight, he obtains all his desires and goes to the world of heaven. And (there is) the foremost of the three crores of tīrthas, O delight of the Kurus,
AI translation rendered from the Sanskrit, not a published edition
PdP 3 26.73
रुद्रकोटी तथा कूपे ह्रदेषु च समंतकः । इलास्पदं च तत्रैव तीर्थं भरतसत्तम
rudrakoṭī tathā kūpe hradeṣu ca samaṃtakaḥ | ilāspadaṃ ca tatraiva tīrthaṃ bharatasattama
Rudrakoṭī, and likewise Samantaka at the well and at the pools; and there too is the tīrtha Ilāspada, O best of the Bharatas.
AI translation rendered from the Sanskrit, not a published edition — the model flagged this verse as uncertain
PdP 3 26.74
तत्र स्नात्वार्चयित्वा च दैवतानि पितॄनपि । न दुर्गतिमवाप्नोति वाजपेयं च विंदति
tatra snātvārcayitvā ca daivatāni pitṝnapi | na durgatimavāpnoti vājapeyaṃ ca viṃdati
Having bathed there and worshipped the deities and the ancestors too, one does not go to an evil destiny, and one gains (the fruit of) the Vājapeya.
AI translation rendered from the Sanskrit, not a published edition
PdP 3 26.75
किंदाने च नरः स्नात्वा किंजपे च महीपते । अप्रमेयमवाप्नोति दानं यज्ञं तथैव च । कलश्यां वार्य्युपस्पृश्य श्रद्दधानो जितेंद्रियः
kiṃdāne ca naraḥ snātvā kiṃjape ca mahīpate | aprameyamavāpnoti dānaṃ yajñaṃ tathaiva ca | kalaśyāṃ vāryyupaspṛśya śraddadhāno jiteṃdriyaḥ
And a man having bathed at Kiṃdāna and at Kiṃjapa, O lord of the earth, obtains immeasurable (fruit of) gift-giving and of sacrifice likewise. Touching the water at Kalaśī, full of faith, with senses subdued,
AI translation rendered from the Sanskrit, not a published edition
PdP 3 26.76
अग्निष्टोमस्य यज्ञस्य फलं प्राप्नोति मानवः । सरकस्य तु पूर्वेण नारदस्य महात्मनः
agniṣṭomasya yajñasya phalaṃ prāpnoti mānavaḥ | sarakasya tu pūrveṇa nāradasya mahātmanaḥ
a man obtains the fruit of the Agniṣṭoma sacrifice. But to the east of Saraka (lies the tīrtha) of the great-souled Nārada,
AI translation rendered from the Sanskrit, not a published edition
PdP 3 26.77
कुरुश्रेष्ठ शुभं तीर्थं रामजन्मेति विश्रुतम् । तत्र तीर्थे नरः स्नात्वा प्राणांश्चोत्सृज्य भारत
kuruśreṣṭha śubhaṃ tīrthaṃ rāmajanmeti viśrutam | tatra tīrthe naraḥ snātvā prāṇāṃścotsṛjya bhārata
an auspicious tīrtha, O best of the Kurus, renowned as Rāmajanma. A man who bathes at that tīrtha and gives up his life-breaths there, O Bhārata,
AI translation rendered from the Sanskrit, not a published edition
PdP 3 26.78
नारदेनाभ्यनुज्ञातो लोकानाप्नोति दुर्ल्लभान् । शुक्लपक्षे दशम्यां तु पुंडरीकं समाविशेत्
nāradenābhyanujñāto lokānāpnoti durllabhān | śuklapakṣe daśamyāṃ tu puṃḍarīkaṃ samāviśet
permitted by Nārada, obtains worlds hard to attain. And on the tenth of the bright fortnight one should enter Puṇḍarīka.
AI translation rendered from the Sanskrit, not a published edition
PdP 3 26.79
तत्र स्नात्वा नरो राजन्पुंडरीकफलं लभेत् । ततस्त्रिविष्टपं गच्छेत्त्रिषु लोकेषु विश्रुतम्
tatra snātvā naro rājanpuṃḍarīkaphalaṃ labhet | tatastriviṣṭapaṃ gacchettriṣu lokeṣu viśrutam
Having bathed there, O king, a man would obtain the fruit of the Puṇḍarīka (sacrifice). Then one should go to Triviṣṭapa, famed in the three worlds.
AI translation rendered from the Sanskrit, not a published edition
PdP 3 26.80
तत्र वैतरणी पुण्या नदी पापप्रमोचनी । तत्र स्नात्वार्चयित्वा च शूलपाणिं वृषध्वजम्
tatra vaitaraṇī puṇyā nadī pāpapramocanī | tatra snātvārcayitvā ca śūlapāṇiṃ vṛṣadhvajam
There is the holy river Vaitaraṇī, which releases from sins. Having bathed there and worshipped the trident-bearer, the bull-bannered one,
AI translation rendered from the Sanskrit, not a published edition
PdP 3 26.81
सर्वपापविशुद्धात्मा गच्छेत परमां गतिम् । ततो गच्छेत राजेंद्र फलकीवनमुत्तमम्
sarvapāpaviśuddhātmā gaccheta paramāṃ gatim | tato gaccheta rājeṃdra phalakīvanamuttamam
With his self purified of all sins, he would go to the highest goal. Then, O lord of kings, he should go to the excellent Phalakīvana.
AI translation rendered from the Sanskrit, not a published edition
PdP 3 26.82
तत्र देवाः सदा राजन्फलकीवनमाश्रिताः । तपश्चरंति विपुलं बहुवर्षसहस्रकम्
tatra devāḥ sadā rājanphalakīvanamāśritāḥ | tapaścaraṃti vipulaṃ bahuvarṣasahasrakam
There, O king, the gods, always resorting to Phalakīvana, perform vast austerity for many thousands of years.
AI translation rendered from the Sanskrit, not a published edition
PdP 3 26.83
दृषत्पाने नरः स्नात्वा तर्पयित्वा च देवताः । अग्निष्टोमातिरात्राभ्यां फलं विंदति मानवः
dṛṣatpāne naraḥ snātvā tarpayitvā ca devatāḥ | agniṣṭomātirātrābhyāṃ phalaṃ viṃdati mānavaḥ
Having bathed at Dṛṣatpāna and having satisfied the deities (with libations), a man obtains the fruit of the Agniṣṭoma and the Atirātra (sacrifices).
AI translation rendered from the Sanskrit, not a published edition
PdP 3 26.84
तीर्थे च सर्वदेवानां स्नात्वा भरतसत्तम । गोसहस्रस्य राजेंद्र फलमाप्नोति मानवः
tīrthe ca sarvadevānāṃ snātvā bharatasattama | gosahasrasya rājeṃdra phalamāpnoti mānavaḥ
And having bathed at the tīrtha of all the gods, O best of the Bharatas, a man obtains, O lord of kings, the fruit of (giving) a thousand cows.
AI translation rendered from the Sanskrit, not a published edition
PdP 3 26.85
पाणिख्याते नरः स्नात्वा तर्पयित्वा च देवताः । अवाप्नुते राजसूयमृषिलोकं च गच्छति
pāṇikhyāte naraḥ snātvā tarpayitvā ca devatāḥ | avāpnute rājasūyamṛṣilokaṃ ca gacchati
Having bathed at Pāṇikhyāta and having satisfied the deities, a man obtains (the fruit of) the Rājasūya and goes to the world of the seers.
AI translation rendered from the Sanskrit, not a published edition
PdP 3 26.86
ततो गच्छेत धर्मज्ञ मिश्रकं लोकविश्रुतम् । तत्र तीर्थानि राजेंद्र मिश्रितानि महात्मना
tato gaccheta dharmajña miśrakaṃ lokaviśrutam | tatra tīrthāni rājeṃdra miśritāni mahātmanā
Then, O knower of dharma, he should go to Miśraka, renowned in the world; there, O lord of kings, the tīrthas were mingled by the great-souled one—
AI translation rendered from the Sanskrit, not a published edition
PdP 3 26.87
व्यासेन नृपशार्दूल द्विजार्थमिति नः श्रुतम् । सर्वतीर्थेषु स स्नाति मिश्रके स्नाति यो नरः
vyāsena nṛpaśārdūla dvijārthamiti naḥ śrutam | sarvatīrtheṣu sa snāti miśrake snāti yo naraḥ
—by Vyāsa, O tiger among kings, for the sake of the twice-born: so we have heard. The man who bathes at Miśraka bathes in all the tīrthas.
AI translation rendered from the Sanskrit, not a published edition
PdP 3 26.88
ततो व्यासवनं गच्छेन्नियतो नियताशनः । मनोजवे नरः स्नात्वा गोसहस्रफलं लभेत्
tato vyāsavanaṃ gacchenniyato niyatāśanaḥ | manojave naraḥ snātvā gosahasraphalaṃ labhet
Then he should go to Vyāsavana, restrained and restrained in eating. Having bathed at Manojava, a man would obtain the fruit of a thousand cows.
AI translation rendered from the Sanskrit, not a published edition
PdP 3 26.89
गत्वा मधुवनीं चापि देव्याः स्थानं नरः शुचिः । तत्र स्नात्वार्चयेद्देवान्पितॄंश्च नियतः शुचिः
gatvā madhuvanīṃ cāpi devyāḥ sthānaṃ naraḥ śuciḥ | tatra snātvārcayeddevānpitṝṃśca niyataḥ śuciḥ
And having gone, pure, to Madhuvanī, the abode of the Goddess, a man should bathe there and, restrained and pure, worship the gods and the fathers.
AI translation rendered from the Sanskrit, not a published edition
PdP 3 26.90
सदेव्या समनुज्ञातो गोसहस्रफलं लभेत् । कौशिक्याः संगमे यस्तु दृषद्वत्याश्च भारत
sadevyā samanujñāto gosahasraphalaṃ labhet | kauśikyāḥ saṃgame yastu dṛṣadvatyāśca bhārata
Being granted leave by the Goddess, he would obtain the fruit of a thousand cows. And he who (bathes), O Bhārata, at the confluence of the Kauśikī and the Dṛṣadvatī—
AI translation rendered from the Sanskrit, not a published edition
PdP 3 26.91
स्नातो वै नियताहारः सर्वपापैः प्रमुच्यते । ततो व्यासस्थली नाम यत्र व्यासेन धीमता
snāto vai niyatāhāraḥ sarvapāpaiḥ pramucyate | tato vyāsasthalī nāma yatra vyāsena dhīmatā
—having bathed, with restrained food, is released from all sins. Then (there is the place) called Vyāsasthalī, where by the wise Vyāsa,
AI translation rendered from the Sanskrit, not a published edition
PdP 3 26.92
पुत्रशोकाभितप्तेन देहत्यागाय निश्चयः । कृतो देवैश्च राजेंद्र पुनरुत्थापितस्तथा
putraśokābhitaptena dehatyāgāya niścayaḥ | kṛto devaiśca rājeṃdra punarutthāpitastathā
tormented by grief for his son, the resolve was made to abandon his body; and he was raised up again by the gods, O lord of kings.
AI translation rendered from the Sanskrit, not a published edition
PdP 3 26.93
अभिगम्य स्थलद्यं तस्य गोसहस्रफलं लभेत् । ऋणांतं कूपमासाद्य तिलप्रस्थं प्रदाय च
abhigamya sthaladyaṃ tasya gosahasraphalaṃ labhet | ṛṇāṃtaṃ kūpamāsādya tilaprasthaṃ pradāya ca
Approaching his (Vyāsa's) place, one would obtain the fruit of a thousand cows. And reaching the well Ṛṇānta and giving a prastha of sesame,
AI translation rendered from the Sanskrit, not a published edition
PdP 3 26.94
गच्छेत परमां सिद्धिमृणैर्मुक्तो नरेश्वर । वेदीतीर्थे नरः स्नात्वा गोसहस्रफलं लभेत्
gaccheta paramāṃ siddhimṛṇairmukto nareśvara | vedītīrthe naraḥ snātvā gosahasraphalaṃ labhet
he would attain the highest perfection, freed from his debts, O lord of men. Having bathed at Vedītīrtha, a man would obtain the fruit of a thousand cows.
AI translation rendered from the Sanskrit, not a published edition
PdP 3 26.95
अहश्च सुदिनश्चैव द्वे तीर्थे नृप दुर्लभे । तयोः स्नात्वा नरः श्रेष्ठ सूर्यलोकमवाप्नुयात्
ahaśca sudinaścaiva dve tīrthe nṛpa durlabhe | tayoḥ snātvā naraḥ śreṣṭha sūryalokamavāpnuyāt
Ahas and Sudina—two tīrthas, O king, hard to reach; having bathed in those two, O best of men, a man would attain the world of the Sun.
AI translation rendered from the Sanskrit, not a published edition
PdP 3 26.96
मृगधूमं ततो गच्छेत्त्रिषु लोकेषु विश्रुतम् । तत्र रुद्रपदे स्नात्वा समभ्यर्च्य च मानवः
mṛgadhūmaṃ tato gacchettriṣu lokeṣu viśrutam | tatra rudrapade snātvā samabhyarcya ca mānavaḥ
Then he should go to Mṛgadhūma, renowned in the three worlds. There, having bathed at Rudrapada and worshipped
AI translation rendered from the Sanskrit, not a published edition
PdP 3 26.97
शूलपाणिं महात्मानमश्वमेधफलं लभेत् । कोटितीर्थे नरः स्नात्वा गोसहस्रफलं लभेत्
śūlapāṇiṃ mahātmānamaśvamedhaphalaṃ labhet | koṭitīrthe naraḥ snātvā gosahasraphalaṃ labhet
the great-souled Bearer of the Trident, a man would obtain the fruit of a horse sacrifice. Having bathed at Koṭitīrtha, a man would obtain the fruit of a thousand cows.
AI translation rendered from the Sanskrit, not a published edition
PdP 3 26.98
अथ वामनकं गत्वा त्रिषु लोकेषु विश्रुतम् । तत्र विष्णुपदे स्नात्वा समभ्यर्च्य च वामनम्
atha vāmanakaṃ gatvā triṣu lokeṣu viśrutam | tatra viṣṇupade snātvā samabhyarcya ca vāmanam
Then, having gone to Vāmanaka, renowned in the three worlds, having bathed there at Viṣṇupada and worshipped Vāmana,
AI translation rendered from the Sanskrit, not a published edition
PdP 3 26.99
सर्वपापविशुद्धात्मा विष्णुलोकमवाप्नुयात् । कुलंपुने नरः स्नात्वा पुनाति स्वकुलं नरः
sarvapāpaviśuddhātmā viṣṇulokamavāpnuyāt | kulaṃpune naraḥ snātvā punāti svakulaṃ naraḥ
with his self purified of all sins he would attain the world of Viṣṇu. Bathing at Kulaṃpuna, a man purifies his own family.
AI translation rendered from the Sanskrit, not a published edition
PdP 3 26.100
पवनस्य ह्रदं गत्वा मरुतां तीर्थमुत्तमम् । तत्र स्नात्वा नरव्याघ्र वायुलोके महीयते
pavanasya hradaṃ gatvā marutāṃ tīrthamuttamam | tatra snātvā naravyāghra vāyuloke mahīyate
Having gone to the lake of Pavana, the excellent tīrtha of the Maruts, and having bathed there, O tiger among men, one is honoured in the world of Vāyu.
AI translation rendered from the Sanskrit, not a published edition
PdP 3 26.101
अमराणां ह्रदे स्नात्वा समभ्यर्च्यामराधिपम् । अमराणां प्रभावेण स्वर्गलोके महीयते
amarāṇāṃ hrade snātvā samabhyarcyāmarādhipam | amarāṇāṃ prabhāveṇa svargaloke mahīyate
Having bathed in the pool of the immortals and duly worshipped the lord of the immortals, by the power of the immortals one is honored in the world of heaven.
AI translation rendered from the Sanskrit, not a published edition
PdP 3 26.102
शालिहोत्रस्य राजेंद्र शालिसूर्ये यथाविधि । स्नात्वा नरवरश्रेष्ठ गोसहस्रफलं लभेत्
śālihotrasya rājeṃdra śālisūrye yathāvidhi | snātvā naravaraśreṣṭha gosahasraphalaṃ labhet
Having bathed according to the rule at Śālisūrya, (the tīrtha) of Śālihotra, O best of kings, O foremost of the best of men, one obtains the fruit of (giving) a thousand cows.
AI translation rendered from the Sanskrit, not a published edition
PdP 3 26.103
श्रीकुंजं च सरस्वत्यां तीर्थं भरतसत्तम । तत्र स्नात्वा नरो राजन्नग्निष्टोमफलं लभेत्
śrīkuṃjaṃ ca sarasvatyāṃ tīrthaṃ bharatasattama | tatra snātvā naro rājannagniṣṭomaphalaṃ labhet
And (there is) the tīrtha Śrīkuñja on the Sarasvatī, O best of the Bharatas; having bathed there, O king, a man obtains the fruit of the Agniṣṭoma.
AI translation rendered from the Sanskrit, not a published edition
PdP 3 26.104
ततो नैमिषिकुंजं च समासाद्य सुदुर्लभम् । ऋषयः किल राजेंद्र नैमिषेयास्तपोधनाः
tato naimiṣikuṃjaṃ ca samāsādya sudurlabham | ṛṣayaḥ kila rājeṃdra naimiṣeyāstapodhanāḥ
Then, having reached the very hard-to-attain Naimiṣikuñja — for indeed, O best of kings, the seers of Naimiṣa, rich in austerity,
AI translation rendered from the Sanskrit, not a published edition
PdP 3 26.105
तीर्थयात्रां पुरस्कृत्य कुरुक्षेत्रे गताः पुरा । ततः कुंजः सरस्वत्यां कृतो भरतसत्तम
tīrthayātrāṃ puraskṛtya kurukṣetre gatāḥ purā | tataḥ kuṃjaḥ sarasvatyāṃ kṛto bharatasattama
setting a pilgrimage to the tīrthas foremost, went long ago to Kurukṣetra; thereupon a grove (kuñja) was made on the Sarasvatī, O best of the Bharatas,
AI translation rendered from the Sanskrit, not a published edition
PdP 3 26.106
ऋषीणामवकाशः स्याद्यथा तुष्टिकरो महान् । तस्मिन्कुंजे नरः स्नात्वा गोसहस्रफलं लभेत्
ṛṣīṇāmavakāśaḥ syādyathā tuṣṭikaro mahān | tasminkuṃje naraḥ snātvā gosahasraphalaṃ labhet
so that there would be a great, satisfaction-giving space for the seers. Having bathed in that grove, a man obtains the fruit of (giving) a thousand cows.
AI translation rendered from the Sanskrit, not a published edition