Padma Purana — Svarga Khanda — Chapter 22
PdP 3 22.1
नारद उवाच- एवं ते कथितं राजन्नर्मदातीर्थमुत्तमम् । पुरा गंधर्वकन्यानां शापजं भयमुल्बणम्
nārada uvāca- evaṃ te kathitaṃ rājannarmadātīrthamuttamam | purā gaṃdharvakanyānāṃ śāpajaṃ bhayamulbaṇam
Nārada said: Thus, O king, the excellent sacred ford of the Narmadā has been recounted to you, and the terrible fear born of a curse that once (befell) the gandharvas' daughters.
AI translation rendered from the Sanskrit, not a published edition
PdP 3 22.2
नाशितं तन्महाराज रेवाजलकणाग्निना । रेवाजलकणस्पर्शान्मुक्तो भवति मानवः
nāśitaṃ tanmahārāja revājalakaṇāgninā | revājalakaṇasparśānmukto bhavati mānavaḥ
That was destroyed, great king, by the fire of a drop of Revā's water; by the touch of a drop of Revā's water a man becomes freed.
AI translation rendered from the Sanskrit, not a published edition
PdP 3 22.3
युधिष्ठिर उवाच- भगवन्बहुकन्याभिः शापो लंभि कथं कुतः । कस्यापत्यानि तास्तासां नाम किं कीदृशं वयः
yudhiṣṭhira uvāca- bhagavanbahukanyābhiḥ śāpo laṃbhi kathaṃ kutaḥ | kasyāpatyāni tāstāsāṃ nāma kiṃ kīdṛśaṃ vayaḥ
Yudhiṣṭhira said: Lord, how and whence was a curse incurred by the many maidens? Whose offspring were they, what was the name of each of them, and what was their age like?
AI translation rendered from the Sanskrit, not a published edition
PdP 3 22.4
कथं रेवाजलस्पर्शाद्विपाकाच्छापसंभवात् । विमुक्ताः कुत्र ताः सस्नुः सर्वं मे कथय प्रभो
kathaṃ revājalasparśādvipākācchāpasaṃbhavāt | vimuktāḥ kutra tāḥ sasnuḥ sarvaṃ me kathaya prabho
How were they released from the ripening of the curse by the touch of Revā's water? Where did they bathe? Tell me all of it, lord.
AI translation rendered from the Sanskrit, not a published edition
PdP 3 22.5
नर्मदातीर्थमाहात्म्यं चमत्कारकरं भवेत् । श्रवणादपि पापानां मलनाशनमुच्यते
narmadātīrthamāhātmyaṃ camatkārakaraṃ bhavet | śravaṇādapi pāpānāṃ malanāśanamucyate
The greatness of the Narmadā's sacred ford must be astonishing; even from hearing it, it is said, the stain of sins is destroyed.
AI translation rendered from the Sanskrit, not a published edition
PdP 3 22.6
नर्मदानर्मदाशब्दो येन केनचिदुच्यते । तस्य स्याच्छाश्वती मुक्तिर्यावदाचंद्र तारकम्
narmadānarmadāśabdo yena kenaciducyate | tasya syācchāśvatī muktiryāvadācaṃdra tārakam
By whomsoever the word "Narmadā, Narmadā" is uttered, for him there is everlasting liberation, as long as moon and stars endure.
AI translation rendered from the Sanskrit, not a published edition
PdP 3 22.7
व्याहृतं भवता पूर्वं रेवामाहात्म्यमुत्तमम् । तथापि चरितं साधो यदेतत्तन्निगद्यताम्
vyāhṛtaṃ bhavatā pūrvaṃ revāmāhātmyamuttamam | tathāpi caritaṃ sādho yadetattannigadyatām
The excellent greatness of Revā has already been declared by you; nevertheless, good sir, let that story which this is be told.
AI translation rendered from the Sanskrit, not a published edition
PdP 3 22.8
अथ चोत्तमवार्ताया सेवितव्या मनीषिभिः । अतः पृच्छामि विप्रेंद्र रेवामाहात्म्यमुत्तमम् । इतिहासं वद विभो कन्यानां चरितोज्ज्वलम्
atha cottamavārtāyā sevitavyā manīṣibhiḥ | ataḥ pṛcchāmi vipreṃdra revāmāhātmyamuttamam | itihāsaṃ vada vibho kanyānāṃ caritojjvalam
And moreover an excellent account is to be attended to by the wise; therefore, best of brahmins, I ask about the excellent greatness of Revā. Tell, O mighty one, the tale that shines with the doings of those maidens.
AI translation rendered from the Sanskrit, not a published edition — the model flagged this verse as uncertain
PdP 3 22.9
नारद उवाच- श्रूयतां राजशार्दूल धर्मगर्भापरा कथा । यथारणिर्वह्निगर्भा धर्म्मस्तु ब्रह्मसूरिव
nārada uvāca- śrūyatāṃ rājaśārdūla dharmagarbhāparā kathā | yathāraṇirvahnigarbhā dharmmastu brahmasūriva
Nārada said: Let it be heard, tiger among kings, this supreme tale pregnant with dharma, as the fire-drill is pregnant with fire, and as dharma is (pregnant) like a son of Brahmā.
AI translation rendered from the Sanskrit, not a published edition — the model flagged this verse as uncertain
PdP 3 22.10
गंधर्वः शुकसंगीतिस्तस्य कन्या प्रमोहिनी । सुशीलस्य सुशीला च सुस्वरा स्वरवेदिनः
gaṃdharvaḥ śukasaṃgītistasya kanyā pramohinī | suśīlasya suśīlā ca susvarā svaravedinaḥ
There was a gandharva named Śukasaṃgīti; his daughter was Pramohinī. Suśīlā was Suśīla's, and Susvarā was Svaravedin's.
AI translation rendered from the Sanskrit, not a published edition
PdP 3 22.11
सुतारा चंद्रकांतस्य चंद्रिका सुप्रभस्य च । इमानि वरनामानि तासामप्सरसां नृप
sutārā caṃdrakāṃtasya caṃdrikā suprabhasya ca | imāni varanāmāni tāsāmapsarasāṃ nṛpa
Sutārā was Candrakānta's, and Candrikā was Suprabha's. These, O king, are the excellent names of those apsarases.
AI translation rendered from the Sanskrit, not a published edition
PdP 3 22.12
कुमार्यः पंच सर्वास्ता वयसा सुभगाः पुनः । भाषंते च मिथस्तास्तु भगिन्य इव सर्वदा
kumāryaḥ paṃca sarvāstā vayasā subhagāḥ punaḥ | bhāṣaṃte ca mithastāstu bhaginya iva sarvadā
All five of them were maidens, and moreover lovely in their youth; and they always spoke with one another as if they were sisters.
AI translation rendered from the Sanskrit, not a published edition
PdP 3 22.13
चंद्रादिव विनिष्क्रांताश्चंद्रिका इव सोज्ज्वलाः । चंद्राननाः सुकेश्यश्च चंद्रकांताइवोज्ज्वलाः
caṃdrādiva viniṣkrāṃtāścaṃdrikā iva sojjvalāḥ | caṃdrānanāḥ sukeśyaśca caṃdrakāṃtāivojjvalāḥ
As though issued forth from the moon, radiant like moonbeams, moon-faced and fair-haired, gleaming like moonstones,
AI translation rendered from the Sanskrit, not a published edition
PdP 3 22.14
देवेष्वेता विलासिन्यः कौमुद्यः कैरवेष्विव । लावण्यपिंडसंभूता दिव्यरूपा मनोहराः
deveṣvetā vilāsinyaḥ kaumudyaḥ kairaveṣviva | lāvaṇyapiṃḍasaṃbhūtā divyarūpā manoharāḥ
these were the delights among the gods, as moonlight is among the white lotuses; formed of a mass of loveliness, of divine shape, captivating,
AI translation rendered from the Sanskrit, not a published edition
PdP 3 22.15
उद्भिन्नकुचपद्मिन्यः केतक्य इव माधवे । उत्पन्नयौवनैः कांता वल्लीव नवपल्लवैः
udbhinnakucapadminyaḥ ketakya iva mādhave | utpannayauvanaiḥ kāṃtā vallīva navapallavaiḥ
lotus-women whose breasts had budded forth, like ketakī flowers in spring; charming with their risen youth, as a creeper (is) with fresh shoots,
AI translation rendered from the Sanskrit, not a published edition
PdP 3 22.16
हेमगौराश्च हेमाभा हेमाभरणभूषिताः । हेमचंपकमालिन्यो हेमच्छविसुवाससः
hemagaurāśca hemābhā hemābharaṇabhūṣitāḥ | hemacaṃpakamālinyo hemacchavisuvāsasaḥ
Gold-fair and gold-hued, adorned with golden ornaments, wearing garlands of golden campaka flowers, with fine garments of a golden sheen —
AI translation rendered from the Sanskrit, not a published edition
PdP 3 22.17
स्वरग्रामावलीहासु विविधा मूर्च्छनासु च । तालवाद्यविनोदेषु वेणुवीणाप्रवादने
svaragrāmāvalīhāsu vividhā mūrcchanāsu ca | tālavādyavinodeṣu veṇuvīṇāpravādane
in the (musical) scales, the sequences of notes and the sportive turns, and in the various modulations (mūrcchanā), in the diversions of rhythm and percussion, in the playing of flute and lute,
AI translation rendered from the Sanskrit, not a published edition — the model flagged this verse as uncertain
PdP 3 22.18
मृदंगनादसंभिन्नलास्यमध्यलयेषु च । चित्रादिषु विनोदेषु कलासु च विशारदाः
mṛdaṃganādasaṃbhinnalāsyamadhyalayeṣu ca | citrādiṣu vinodeṣu kalāsu ca viśāradāḥ
and in the middle tempos of dance broken up by the sound of the mṛdaṅga drum, and in diversions such as painting, and in the (sixty-four) arts, they were expert.
AI translation rendered from the Sanskrit, not a published edition
PdP 3 22.19
एवंभूताश्च ताः कन्या मुमुहुः क्रीडनैर्वरैः । पितृभिर्लालिताः सर्वाश्चेरुश्च धनदालये
evaṃbhūtāśca tāḥ kanyā mumuhuḥ krīḍanairvaraiḥ | pitṛbhirlālitāḥ sarvāśceruśca dhanadālaye
Being such, those maidens took delight in choice games, and all of them, pampered by their fathers, roamed about in the house of the giver of wealth (Kubera).
AI translation rendered from the Sanskrit, not a published edition
PdP 3 22.20
कौतुकादेकदा पंच मिलित्वा मासि माधवे । कन्या मंदारपुष्पाणि विचिन्वंत्यो वनाद्वनम्
kautukādekadā paṃca militvā māsi mādhave | kanyā maṃdārapuṣpāṇi vicinvaṃtyo vanādvanam
Once, out of curiosity, the five maidens joined together in the month of Mādhava (spring) and went from wood to wood gathering mandāra flowers.
AI translation rendered from the Sanskrit, not a published edition
PdP 3 22.21
गौरीं समाराधयितुं स्वरांगनाः कदाचिदच्छोदसरोवरं ययुः । हेमांबुजानि प्रवराणि ताः पुनस्तस्मादुपादाय वरोत्पलैः सह
gaurīṃ samārādhayituṃ svarāṃganāḥ kadācidacchodasarovaraṃ yayuḥ | hemāṃbujāni pravarāṇi tāḥ punastasmādupādāya varotpalaiḥ saha
Once, to worship Gaurī, those women of heaven went to the Acchoda lake; and taking from it the finest golden lotuses, together with excellent water-lilies,
AI translation rendered from the Sanskrit, not a published edition
PdP 3 22.22
वैडूर्यशुद्धस्फटिकप्रकुट्टिमे स्नात्वा तु घट्टे परिधाय चांबरम् । मौनेन च स्थंडिलपिंडिकामयीं सुवर्णमुक्ताभरणां विनिर्ममुः
vaiḍūryaśuddhasphaṭikaprakuṭṭime snātvā tu ghaṭṭe paridhāya cāṃbaram | maunena ca sthaṃḍilapiṃḍikāmayīṃ suvarṇamuktābharaṇāṃ vinirmamuḥ
having bathed at a bathing-step paved with cat's-eye gems and pure crystal, and having put on garments, in silence they fashioned a (Gaurī) made of an altar-mound of clay, adorned with gold and pearls.
AI translation rendered from the Sanskrit, not a published edition
PdP 3 22.23
समर्चितां चंदनगंधकुंकुमैरभ्यर्च्य गौरीं वरपंकजादिभिः । नानोपहारैः शुभभक्तिभाविता लास्यप्रयोगैर्ननृतुः कुमारिकाः
samarcitāṃ caṃdanagaṃdhakuṃkumairabhyarcya gaurīṃ varapaṃkajādibhiḥ | nānopahāraiḥ śubhabhaktibhāvitā lāsyaprayogairnanṛtuḥ kumārikāḥ
Having worshipped the well-honoured Gaurī with sandal, perfumes and saffron, with choice lotuses and the rest, with various offerings, filled with pure devotion, the maidens danced with dance-performances.
AI translation rendered from the Sanskrit, not a published edition
PdP 3 22.24
गांधर्वमाश्रित्य परं स्वरं ततो गेयं स्वभावध्वनिभिः समूर्छनम् । एणीदृशस्ताः प्रजगुः कलाक्षरं तारप्रवृद्धं गतिभिश्च सुस्वरम्
gāṃdharvamāśritya paraṃ svaraṃ tato geyaṃ svabhāvadhvanibhiḥ samūrchanam | eṇīdṛśastāḥ prajaguḥ kalākṣaraṃ tārapravṛddhaṃ gatibhiśca susvaram
Then, taking up the gāndharva (art of music), a high note, and a song modulated with natural tones, those doe-eyed girls sang in artful syllables, swelling into the high register, sweet-voiced with their melodic movements.
AI translation rendered from the Sanskrit, not a published edition — the model flagged this verse as uncertain
PdP 3 22.25
तस्मिन्सुभावे रसवर्षहर्षं कन्यास्वलं निर्भरचित्तवृत्तिषु । अच्छोदतीर्थे प्रवरे तदागतः स्नातुं मुनेर्वेदनिधेः सुतोग्रजः
tasminsubhāve rasavarṣaharṣaṃ kanyāsvalaṃ nirbharacittavṛttiṣu | acchodatīrthe pravare tadāgataḥ snātuṃ munervedanidheḥ sutograjaḥ
While that fine mood was there — a joy like a rain of savour among the maidens, their minds' workings wholly absorbed — at that excellent Acchoda holy place there came, to bathe, the eldest son of the sage who was a treasury of the Veda.
AI translation rendered from the Sanskrit, not a published edition — the model flagged this verse as uncertain
PdP 3 22.26
रूपेण निःसीमतरो वराननः प्रफुल्लपद्मायतलोचनो युवा । विस्तीर्णवक्षाः सुभुजोऽतिसुंदरः श्यामच्छविः कामइवापरो हि सः
rūpeṇa niḥsīmataro varānanaḥ praphullapadmāyatalocano yuvā | vistīrṇavakṣāḥ subhujo'tisuṃdaraḥ śyāmacchaviḥ kāmaivāparo hi saḥ
Boundless in beauty, with a handsome face, with long eyes like full-blown lotuses, young, broad-chested, fine-armed, exceedingly lovely, dark-hued — he was verily a second Kāma.
AI translation rendered from the Sanskrit, not a published edition
PdP 3 22.27
स ब्रह्मचारी सुशिखो हि शोभते दंडेन युक्तो धनुषेव मन्मथः । एणाजिनप्रावरणः समुद्रधृग्हेमाभमौंजीकटिमेखलः परः
sa brahmacārī suśikho hi śobhate daṃḍena yukto dhanuṣeva manmathaḥ | eṇājinaprāvaraṇaḥ samudradhṛghemābhamauṃjīkaṭimekhalaḥ paraḥ
That celibate student, with a fine topknot, shone, equipped with his staff as Manmatha with his bow; clad in an antelope skin, with a girdle of muñja grass of golden hue at his waist, sea-borne(?) — he was surpassing.
AI translation rendered from the Sanskrit, not a published edition — the model flagged this verse as uncertain
PdP 3 22.28
तं दृष्ट्वा ब्राह्मणं बालास्तास्तत्र सरसस्तटे । जहृषुः कौतुकाविष्टा अयं नो भवितातिथिः
taṃ dṛṣṭvā brāhmaṇaṃ bālāstāstatra sarasastaṭe | jahṛṣuḥ kautukāviṣṭā ayaṃ no bhavitātithiḥ
Seeing that brahmin there on the bank of the lake, those girls rejoiced, filled with eager curiosity: "He will be our guest!"
AI translation rendered from the Sanskrit, not a published edition
PdP 3 22.29
संत्यक्तगीतनृत्यास्तास्तस्यालोकनलालसाः । हरिण्यो लुब्धकेनेव विद्धाः कामेन सायकैः
saṃtyaktagītanṛtyāstāstasyālokanalālasāḥ | hariṇyo lubdhakeneva viddhāḥ kāmena sāyakaiḥ
Abandoning song and dance, they longed to gaze at him, like does pierced by a hunter — pierced, rather, by Kāma with his arrows.
AI translation rendered from the Sanskrit, not a published edition
PdP 3 22.30
पश्यपश्येति जल्पंत्यो मुग्धाः पंच ससंभ्रमम् । तस्मिन्विप्रवरे यूनि कामदेवभ्रमं ययुः
paśyapaśyeti jalpaṃtyo mugdhāḥ paṃca sasaṃbhramam | tasminvipravare yūni kāmadevabhramaṃ yayuḥ
Crying "Look, look!" the five bewildered girls, in agitation, fell into the delusion that this excellent young brahmin was the god of love.
AI translation rendered from the Sanskrit, not a published edition
PdP 3 22.31
पुनःपुनस्तमभ्यर्च्य नयनैः पंकजैरिव । पश्चाद्विचारमारब्धमप्सरोभिः परस्परम्
punaḥpunastamabhyarcya nayanaiḥ paṃkajairiva | paścādvicāramārabdhamapsarobhiḥ parasparam
Again and again honouring him with their eyes as if with lotuses, afterwards a deliberation was begun by the apsarases among themselves.
AI translation rendered from the Sanskrit, not a published edition
PdP 3 22.32
यद्ययं कामदेवो हि रतिहीनः कथं भवेत् । अथवाह्यश्विनौ देवौ तावुभौ युगचारिणौ
yadyayaṃ kāmadevo hi ratihīnaḥ kathaṃ bhavet | athavāhyaśvinau devau tāvubhau yugacāriṇau
"If he is the god of love, how could he be without Rati? Or else — those two Aśvin gods, who go as a pair?
AI translation rendered from the Sanskrit, not a published edition
PdP 3 22.33
गंधर्वः किन्नरो वाथ सिद्धो वा कामरूपधृक् । ऋषिपुत्रोऽथवा कश्चित्कश्चिद्वा मनुजोत्तमः
gaṃdharvaḥ kinnaro vātha siddho vā kāmarūpadhṛk | ṛṣiputro'thavā kaścitkaścidvā manujottamaḥ
Is he a gandharva, or a kinnara, or a siddha taking on a lovely form? Or some son of a sage, or some best of men?
AI translation rendered from the Sanskrit, not a published edition
PdP 3 22.34
अस्ति वा कश्चिदेवायं धात्रा सृष्टो हि नः कृते । यथाभाग्यवतामर्थे निधानं पूर्वकर्मभिः
asti vā kaścidevāyaṃ dhātrā sṛṣṭo hi naḥ kṛte | yathābhāgyavatāmarthe nidhānaṃ pūrvakarmabhiḥ
Or is he someone created by the Creator just for our sake? As for the fortunate a treasure (appears) by reason of former deeds,
AI translation rendered from the Sanskrit, not a published edition
PdP 3 22.35
तथास्माकं कुमारीणां गौर्यानीतो वरोत्तमः । करुणाजलकल्लोल लब्धाद्री र्कृ!तचित्तया
tathāsmākaṃ kumārīṇāṃ gauryānīto varottamaḥ | karuṇājalakallola labdhādrī rkṛ!tacittayā
so for us maidens has this best of bridegrooms been brought by Gaurī, whose heart was made... by waves of the water of compassion...
AI translation rendered from the Sanskrit, not a published edition — the model flagged this verse as uncertain
PdP 3 22.36
मया वृतस्त्वया चायं त्वया वृतस्तथानया । एवं पंचसुकन्यासु वदंतीषु नृपोत्तम
mayā vṛtastvayā cāyaṃ tvayā vṛtastathānayā | evaṃ paṃcasukanyāsu vadaṃtīṣu nṛpottama
"He was chosen by me — and by you; and he was chosen by you — and likewise by her." While the five maidens were speaking thus, O best of kings,
AI translation rendered from the Sanskrit, not a published edition
PdP 3 22.37
श्रुत्वा तद्वचनं तत्र कृतमाध्याह्निकक्रियः । चिंतयामास मेधावी किं कृत्वा सुकृतं भवेत्
śrutvā tadvacanaṃ tatra kṛtamādhyāhnikakriyaḥ | ciṃtayāmāsa medhāvī kiṃ kṛtvā sukṛtaṃ bhavet
having heard that speech of theirs there, having performed his midday rites, the wise one reflected: "By doing what would there be good?"
AI translation rendered from the Sanskrit, not a published edition
PdP 3 22.38
गाधिसंभवपराशरादयः कंडुदेवलमुखाश्च ये द्विजाः । तेऽपि योगि बलिनो विमोहिताः लीलया तदबलाभिरद्भुतम्
gādhisaṃbhavaparāśarādayaḥ kaṃḍudevalamukhāśca ye dvijāḥ | te'pi yogi balino vimohitāḥ līlayā tadabalābhiradbhutam
Those brahmins who were the son of Gādhi (Viśvāmitra), Parāśara and the rest, and Kaṇḍu, Devala and their like — even they, powerful yogins, were bewildered by those women in play: astonishing!
AI translation rendered from the Sanskrit, not a published edition
PdP 3 22.39
योषितां नयनतीक्ष्णसायकैर्भ्रूलतासुदृढचापनिर्गतैः । धन्विना मकरकेतुना हतः कस्य नो पतति वामनो मृगः
yoṣitāṃ nayanatīkṣṇasāyakairbhrūlatāsudṛḍhacāpanirgataiḥ | dhanvinā makaraketunā hataḥ kasya no patati vāmano mṛgaḥ
Who is not felled by the crocodile-bannered archer (Kāma), who strikes with the sharp arrows of women's eyes, shot from the very taut bow of their creeper-like brows — whose dwarf deer does not fall?
AI translation rendered from the Sanskrit, not a published edition — the model flagged this verse as uncertain
PdP 3 22.40
तावदेव नयधीर्विराजते तावदेव जनताभयं भवेत् । तावदेव धृतचित्तता भृशं तावदेव गणना कुलस्य च
tāvadeva nayadhīrvirājate tāvadeva janatābhayaṃ bhavet | tāvadeva dhṛtacittatā bhṛśaṃ tāvadeva gaṇanā kulasya ca
Only so long does prudence of judgement shine, only so long is there awe of the people, only so long is the mind held firm, and only so long is one's family reckoned (with honour) —
AI translation rendered from the Sanskrit, not a published edition
PdP 3 22.41
तावदेव तपसः प्रगल्भता तावदेव शमसेवनं नृणाम् । यावदेव ललनेक्षणा स वैर्माद्यते द्रुतमदैर्न पूरुषः
tāvadeva tapasaḥ pragalbhatā tāvadeva śamasevanaṃ nṛṇām | yāvadeva lalanekṣaṇā sa vairmādyate drutamadairna pūruṣaḥ
only so long is there boldness in ascetic practice, only so long men's cultivation of calm — as long as a woman's glance does not, with its swift intoxications, make a man drunk.
AI translation rendered from the Sanskrit, not a published edition — the model flagged this verse as uncertain
PdP 3 22.42
मोहयंति मदयंति रागिणं योषितः स्वललितैर्मनोहरैः । मोदयंति मदयंति मामिमा धर्मरक्षणपरं हि स्वैर्गुणैः
mohayaṃti madayaṃti rāgiṇaṃ yoṣitaḥ svalalitairmanoharaiḥ | modayaṃti madayaṃti māmimā dharmarakṣaṇaparaṃ hi svairguṇaiḥ
Women bewilder and intoxicate the passionate man by their own charming, mind-stealing ways; and these women delight and intoxicate me, who am devoted to guarding dharma, by their own qualities.
AI translation rendered from the Sanskrit, not a published edition
PdP 3 22.43
मांसरक्तमलमूत्रनिर्मिते योषितां वपुषि निर्गुणेऽशुचौ । कामिनस्तु परिकल्प्य चारुतामाविशंति सुविमूढचेतसः
māṃsaraktamalamūtranirmite yoṣitāṃ vapuṣi nirguṇe'śucau | kāminastu parikalpya cārutāmāviśaṃti suvimūḍhacetasaḥ
But lovers, imagining beauty in women's bodies — made of flesh, blood, filth and urine, without merit, impure — enter them, their minds utterly deluded.
AI translation rendered from the Sanskrit, not a published edition
PdP 3 22.44
दारुणा हि परिकीर्तितांगना साधुभिर्विमलबुद्धिभिर्बुधैः । यावदेव न समीपगा इमास्तावदेव हि गृहं व्रजाम्यहम्
dāruṇā hi parikīrtitāṃganā sādhubhirvimalabuddhibhirbudhaiḥ | yāvadeva na samīpagā imāstāvadeva hi gṛhaṃ vrajāmyaham
For woman has been declared cruel by the good, by the wise of pure understanding; so, just so long as these have not come near, for that very reason I shall go home.
AI translation rendered from the Sanskrit, not a published edition
PdP 3 22.45
समीपं तस्य यावन्न आगच्छंति वरस्त्रियः । वैष्णवेन प्रभावेण तावदंतर्दधे द्विजः
samīpaṃ tasya yāvanna āgacchaṃti varastriyaḥ | vaiṣṇavena prabhāveṇa tāvadaṃtardadhe dvijaḥ
Before the excellent women could come near him, by his Vaiṣṇava power the brahmin vanished.
AI translation rendered from the Sanskrit, not a published edition
PdP 3 22.46
तस्य योगबलाद्भूप गतस्यादर्शनं तदा । दृष्ट्वा तदद्भुतं कर्म वैष्णवब्रह्मचारिणः
tasya yogabalādbhūpa gatasyādarśanaṃ tadā | dṛṣṭvā tadadbhutaṃ karma vaiṣṇavabrahmacāriṇaḥ
O king, when by the power of yoga he had gone out of sight, then, seeing that wondrous deed of the Vaiṣṇava celibate,
AI translation rendered from the Sanskrit, not a published edition
PdP 3 22.47
वित्रस्तनयना बाला कुरंग्य इव कातराः । संक्रांतनयनाः शून्या ददृशुस्ता दिशोदश
vitrastanayanā bālā kuraṃgya iva kātarāḥ | saṃkrāṃtanayanāḥ śūnyā dadṛśustā diśodaśa
the girls, their eyes terrified, timid as does, with eyes darting about, empty (of mind), looked in the ten directions.
AI translation rendered from the Sanskrit, not a published edition
PdP 3 22.48
कन्या ऊचुः-। इंद्रजालं स्फुटं वेत्ति मायां जानाति वा पुनः । दृष्टोऽप्यदृष्टरूपोभूदित्यूचुस्ताः परस्परम्
kanyā ūcuḥ-| iṃdrajālaṃ sphuṭaṃ vetti māyāṃ jānāti vā punaḥ | dṛṣṭo'pyadṛṣṭarūpobhūdityūcustāḥ parasparam
The maidens said: "Clearly he knows conjuring, or else he understands magic; though seen, he became invisible in form" — so they said to one another.
AI translation rendered from the Sanskrit, not a published edition
PdP 3 22.49
व्याप्तं च हृदयं तासां तदैव विरहाग्निना । ज्वलद्दावानलेनेव सुस्निग्धं सर्वकाननम्
vyāptaṃ ca hṛdayaṃ tāsāṃ tadaiva virahāgninā | jvaladdāvānaleneva susnigdhaṃ sarvakānanam
And at that very moment their hearts were pervaded by the fire of separation, as a whole lush forest by a blazing wildfire.
AI translation rendered from the Sanskrit, not a published edition
PdP 3 22.50
त्यजेंद्रजालिकां विद्यां कांत दर्शय सत्वरम् । आत्मानं न हि ते युक्तं प्राग्ग्रासे मक्षिकोपमम्
tyajeṃdrajālikāṃ vidyāṃ kāṃta darśaya satvaram | ātmānaṃ na hi te yuktaṃ prāggrāse makṣikopamam
"Give up your conjuror's art, beloved, show yourself quickly; it is not right for you (to be) like a fly in the first mouthful."
AI translation rendered from the Sanskrit, not a published edition — the model flagged this verse as uncertain
PdP 3 22.51
हा कष्टं दर्शितः कस्माद्धात्रा त्वं घटितः कुतः । ज्ञातं महानुसंतापहेतुर्नः स्वं विनिर्मितः
hā kaṣṭaṃ darśitaḥ kasmāddhātrā tvaṃ ghaṭitaḥ kutaḥ | jñātaṃ mahānusaṃtāpaheturnaḥ svaṃ vinirmitaḥ
"Alas, the pain! Why were you shown (to us) by the Creator, and why were you fashioned? It is understood: you were made to be the cause of our great torment."
AI translation rendered from the Sanskrit, not a published edition
PdP 3 22.52
कच्चित्ते निर्दयं चेतः कच्चिदस्मासु नो मतिः । कच्चित्क्रूरोऽसि हे कांत कच्चिन्मुष्णासि नो मनः
kaccitte nirdayaṃ cetaḥ kaccidasmāsu no matiḥ | kaccitkrūro'si he kāṃta kaccinmuṣṇāsi no manaḥ
"Is your heart pitiless? Have you no regard for us? Are you cruel, O beloved? Are you stealing our minds?"
AI translation rendered from the Sanskrit, not a published edition
PdP 3 22.53
कच्चिन्न प्रत्ययोस्मा सु कच्चिदस्मान्परीक्षसे । कच्चिन्निर्ममता शीलः कच्चिन्मायाविशारदः
kaccinna pratyayosmā su kaccidasmānparīkṣase | kaccinnirmamatā śīlaḥ kaccinmāyāviśāradaḥ
"Have you no trust in us? Are you testing us? Is your character one of freedom from possessiveness? Are you skilled in illusion?"
AI translation rendered from the Sanskrit, not a published edition
PdP 3 22.54
कच्चिच्चित्ते प्रवेष्टुं च वेत्सि विज्ञानलाघवम् । कच्चिन्निष्क्रमणोपायं न जानासि कुतः पुनः
kacciccitte praveṣṭuṃ ca vetsi vijñānalāghavam | kaccinniṣkramaṇopāyaṃ na jānāsi kutaḥ punaḥ
"Do you know the deftness of knowledge for entering into (our) hearts? And how is it that you do not know the means of getting out again?"
AI translation rendered from the Sanskrit, not a published edition
PdP 3 22.55
कच्चिद्विनापराधं तु किमस्मासु प्रकुप्यसे । कच्चिद्दुःखं न जानासि परेषां विप्रलंभनम्
kaccidvināparādhaṃ tu kimasmāsu prakupyase | kaccidduḥkhaṃ na jānāsi pareṣāṃ vipralaṃbhanam
"Why do you rage at us without any offence (on our part)? Do you not know the pain, the deception, of others?"
AI translation rendered from the Sanskrit, not a published edition
PdP 3 22.56
त्वद्दर्शनं विना नष्टा हृदयेश्वर सांप्रतम् । न जीवामोऽथ जीवामः पुनस्त्वद्दर्शनाशया
tvaddarśanaṃ vinā naṣṭā hṛdayeśvara sāṃpratam | na jīvāmo'tha jīvāmaḥ punastvaddarśanāśayā
Without the sight of you, lord of (our) heart, we are now destroyed; we do not live — yet we live, in the hope of seeing you again.
AI translation rendered from the Sanskrit, not a published edition
PdP 3 22.57
वयं च नीयतां तत्र शीघ्रं यत्र गतो भवान् । त्वद्दर्शनहरो धाता व्यधान्मोदांकुरच्छिदाम्
vayaṃ ca nīyatāṃ tatra śīghraṃ yatra gato bhavān | tvaddarśanaharo dhātā vyadhānmodāṃkuracchidām
And let us be taken quickly to that place where you have gone; the Creator, who has robbed (us) of the sight of you, has acted as a cutter of the sprouts of (our) joy.
AI translation rendered from the Sanskrit, not a published edition
PdP 3 22.58
सर्वथा दर्शनं देहि कारुण्यं भज सर्वथा । पर्य्यंतं न प्रपश्यंति कस्य चित्सुजना जनाः
sarvathā darśanaṃ dehi kāruṇyaṃ bhaja sarvathā | paryyaṃtaṃ na prapaśyaṃti kasya citsujanā janāḥ
By all means grant (us) sight (of you); by all means show compassion. Good people do not look to the end (of the consequences) for anyone.
AI translation rendered from the Sanskrit, not a published edition — the model flagged this verse as uncertain
PdP 3 22.59
इत्थं विलप्यताः कन्याः प्रतीक्ष्य च बहुक्षणम् । पितुर्भयाद्गृहं गंतुं शीघ्रमारेभिरे ततः
itthaṃ vilapyatāḥ kanyāḥ pratīkṣya ca bahukṣaṇam | piturbhayādgṛhaṃ gaṃtuṃ śīghramārebhire tataḥ
Having lamented thus and waited for a long while, the maidens then, out of fear of (their) father, began quickly to go home.
AI translation rendered from the Sanskrit, not a published edition
PdP 3 22.60
तत्प्रेमनिगडैर्बद्धा भृशं विरहविक्लवाः । कथंचिद्धैर्यमालंब्य ताः स्वंस्वं गृहमागताः
tatpremanigaḍairbaddhā bhṛśaṃ virahaviklavāḥ | kathaṃciddhairyamālaṃbya tāḥ svaṃsvaṃ gṛhamāgatāḥ
Bound by the fetters of love for him, greatly distressed by separation, somehow taking hold of firmness, they came each to her own house.
AI translation rendered from the Sanskrit, not a published edition
PdP 3 22.61
आगत्य पतिताः सर्वा मातॄणां तु समीपतः । किमेतन्मातृभिः पृष्टाः कुतः कालात्ययोऽभवत्
āgatya patitāḥ sarvā mātṝṇāṃ tu samīpataḥ | kimetanmātṛbhiḥ pṛṣṭāḥ kutaḥ kālātyayo'bhavat
Having come, they all fell down near their mothers; they were asked by the mothers, "What is this? Why has (so much) time passed?"
AI translation rendered from the Sanskrit, not a published edition
PdP 3 22.62
क्रीडंत्यः किन्नरीभिस्तु सार्द्धं संगतकं यदा । संस्थितास्तेन न ज्ञातो दिवसोऽच्छोदसरोवरे
krīḍaṃtyaḥ kinnarībhistu sārddhaṃ saṃgatakaṃ yadā | saṃsthitāstena na jñāto divaso'cchodasarovare
"When we were playing at meeting-games together with the kinnara women, and stayed thereby, the day was not noticed at the Acchoda lake.
AI translation rendered from the Sanskrit, not a published edition
PdP 3 22.63
पथि श्रांता वयं मातः संतापस्तेन नस्तनौ । मोहेन महता वक्तुं न केनाप्युत्सहामहे
pathi śrāṃtā vayaṃ mātaḥ saṃtāpastena nastanau | mohena mahatā vaktuṃ na kenāpyutsahāmahe
We are wearied on the road, mother; from that there is a burning in our bodies. Because of a great daze we have no strength to speak with anyone."
AI translation rendered from the Sanskrit, not a published edition
PdP 3 22.64
इत्युक्त्वा लुठितास्तत्र मणिभूमौ कुमारिकाः । आकारं गोपयंत्यस्ता मुग्धा जल्पंति मातृभिः
ityuktvā luṭhitāstatra maṇibhūmau kumārikāḥ | ākāraṃ gopayaṃtyastā mugdhā jalpaṃti mātṛbhiḥ
Having said this, the girls rolled about there on the jewelled floor; concealing their condition, the bewildered ones chattered with (their) mothers.
AI translation rendered from the Sanskrit, not a published edition
PdP 3 22.65
काचिन्नर्तयति क्रीडामयूरं न मुदा तदा । न पाठयति तं कीरं पंजरेऽन्या कुतूहलात्
kācinnartayati krīḍāmayūraṃ na mudā tadā | na pāṭhayati taṃ kīraṃ paṃjare'nyā kutūhalāt
One did not then make her pet peacock dance out of joy; another did not, out of curiosity, teach that parrot in the cage to speak.
AI translation rendered from the Sanskrit, not a published edition
PdP 3 22.66
लालयेन्नकुलं नान्या नोल्लापयति सारिकाम् । अपरातीव संमुग्धा नैव खेलति सारसैः
lālayennakulaṃ nānyā nollāpayati sārikām | aparātīva saṃmugdhā naiva khelati sārasaiḥ
Another would not fondle the mongoose, nor make the mynah talk; yet another, wholly bewildered, did not play at all with the sārasa cranes.
AI translation rendered from the Sanskrit, not a published edition
PdP 3 22.67
भेजिरे न विनोदं ता रेमिरे नैव मंदिरे । ऊचिरे बांधवैर्नालं वीणावाद्यं न चक्रिरे
bhejire na vinodaṃ tā remire naiva maṃdire | ūcire bāṃdhavairnālaṃ vīṇāvādyaṃ na cakrire
They resorted to no diversion, they took no pleasure in the palace, they said to (their) kinsfolk "Enough!", they did not play the vīṇā.
AI translation rendered from the Sanskrit, not a published edition
PdP 3 22.68
कल्पद्रुमप्रसूनं यत्सर्वं तच्चानलोपमम् । मंदारकुसुमामोदि न पपुर्मधुरं मधु
kalpadrumaprasūnaṃ yatsarvaṃ taccānalopamam | maṃdārakusumāmodi na papurmadhuraṃ madhu
All that blossom of the wish-granting trees was to them like fire; they did not drink the sweet honey fragrant with mandāra flowers.
AI translation rendered from the Sanskrit, not a published edition
PdP 3 22.69
योगिन्य इव ताः कन्या नासाग्रन्यस्तलोचनाः । अलक्ष्यध्यानसंतानाः पुरुषोत्तममानसाः
yoginya iva tāḥ kanyā nāsāgranyastalocanāḥ | alakṣyadhyānasaṃtānāḥ puruṣottamamānasāḥ
Those maidens were like yoginīs, with their eyes fixed on the tip of the nose, with unnoticed streams of meditation, their minds on the Best of Men.
AI translation rendered from the Sanskrit, not a published edition
PdP 3 22.70
चंद्रकांतमणिच्छन्ने स्रवद्वारिणि कंदरे । क्षणं वातायने स्थित्वा जलयंत्रगृहेक्षणम्
caṃdrakāṃtamaṇicchanne sravadvāriṇi kaṃdare | kṣaṇaṃ vātāyane sthitvā jalayaṃtragṛhekṣaṇam
Standing a moment at the window in a cave covered with moonstone gems, with water trickling, gazing at the fountain-house,
AI translation rendered from the Sanskrit, not a published edition
PdP 3 22.71
रचयंति क्षणं शय्यां दीर्घिकां भोजिनीदलैः । वीज्यमानाः सखीभिस्ताः शीतलैर्नलिनीदलैः
racayaṃti kṣaṇaṃ śayyāṃ dīrghikāṃ bhojinīdalaiḥ | vījyamānāḥ sakhībhistāḥ śītalairnalinīdalaiḥ
for a moment they make a bed by the long pond with lotus leaves, being fanned by their friends with cool lotus leaves.
AI translation rendered from the Sanskrit, not a published edition
PdP 3 22.72
इत्थं युगसमां रात्रिमनयंस्ता वरस्त्रियः । कथंचिद्धारणं कृत्वा विह्वलाः सज्वरा इव
itthaṃ yugasamāṃ rātrimanayaṃstā varastriyaḥ | kathaṃciddhāraṇaṃ kṛtvā vihvalāḥ sajvarā iva
Thus those excellent women passed the night, which was like an age, somehow holding out, agitated as if with fever.
AI translation rendered from the Sanskrit, not a published edition
PdP 3 22.73
प्रातर्व्योममणिं दृष्ट्वा मन्यमानाः स्वजीवितम् । विज्ञाप्य मातरं स्वांस्वां गौरीं पूजयितुं गताः
prātarvyomamaṇiṃ dṛṣṭvā manyamānāḥ svajīvitam | vijñāpya mātaraṃ svāṃsvāṃ gaurīṃ pūjayituṃ gatāḥ
In the morning, seeing the sun (jewel of the sky), reckoning their own life (regained), and informing each her own mother, they went to worship Gaurī.
AI translation rendered from the Sanskrit, not a published edition
PdP 3 22.74
स्नात्वा तेन विधानेन पुष्पैर्धूपैस्तथा पुनः । विधाय पूजनं देव्या गायंत्यस्तत्र ताः स्थिताः
snātvā tena vidhānena puṣpairdhūpaistathā punaḥ | vidhāya pūjanaṃ devyā gāyaṃtyastatra tāḥ sthitāḥ
Having bathed, and again having performed the worship of the goddess by that prescribed rite with flowers and incense, they remained there singing.
AI translation rendered from the Sanskrit, not a published edition
PdP 3 22.75
एतस्मिन्नंतरे विप्रः स्नातुं सोऽपि समागतः । पितुराश्रमतस्तस्मादच्छोदेऽत्र सरोवरे
etasminnaṃtare vipraḥ snātuṃ so'pi samāgataḥ | piturāśramatastasmādacchode'tra sarovare
Meanwhile that brahmin too came from his father's hermitage to bathe there in this Acchoda lake.
AI translation rendered from the Sanskrit, not a published edition
PdP 3 22.76
मित्रं दृष्ट्वैव रात्र्यंते पद्मिन्य इव कन्यकाः । तत्फुल्लनयना जातास्तं दृष्ट्वा ब्रह्मचारिणम्
mitraṃ dṛṣṭvaiva rātryaṃte padminya iva kanyakāḥ | tatphullanayanā jātāstaṃ dṛṣṭvā brahmacāriṇam
Just as lotus-plants (open) at night's end on seeing the sun, so the maidens, on seeing that celibate student, became wide-eyed (their eyes blossomed).
AI translation rendered from the Sanskrit, not a published edition
PdP 3 22.77
गत्वा तत्रैव ताः कन्या समीपं ब्रह्मचारिणः । सव्यापसव्यबंधेन भुजपाशं च चक्रिरे
gatvā tatraiva tāḥ kanyā samīpaṃ brahmacāriṇaḥ | savyāpasavyabaṃdhena bhujapāśaṃ ca cakrire
Going right there, near to the celibate student, those maidens made a fetter of arms (around him) with a binding to the right and to the left.
AI translation rendered from the Sanskrit, not a published edition
PdP 3 22.78
गतोऽसि प्रिय पूर्वेद्युर्गंतुमद्य न लभ्यते । वृतस्त्वं नूनमस्माभिर्नात्र तेऽस्ति विचारणा
gato'si priya pūrvedyurgaṃtumadya na labhyate | vṛtastvaṃ nūnamasmābhirnātra te'sti vicāraṇā
"You went away yesterday, beloved; today going is not to be had. Surely you have been chosen by us — there is no deliberating about it for you."
AI translation rendered from the Sanskrit, not a published edition
PdP 3 22.79
इत्युक्तो ब्राह्मणः प्राह प्रहसन्बाहुपाशगः । युष्माभिरुच्यते भद्रमनुकूलं प्रियं वचः
ityukto brāhmaṇaḥ prāha prahasanbāhupāśagaḥ | yuṣmābhirucyate bhadramanukūlaṃ priyaṃ vacaḥ
Thus addressed, the brahmin, caught in the noose of arms, said, laughing: "What is spoken by you is good, agreeable, and pleasant speech;
AI translation rendered from the Sanskrit, not a published edition
PdP 3 22.80
प्रथमाश्रमनिष्ठस्य किंतु नश्येत मे व्रतम् । विद्याभ्यसनशीलस्य नाभूत्पारं गुरोः कुले
prathamāśramaniṣṭhasya kiṃtu naśyeta me vratam | vidyābhyasanaśīlasya nābhūtpāraṃ guroḥ kule
but for me, established in the first stage of life, my vow would be destroyed; for one devoted to the study of learning there was no reaching the end (of it) in the teacher's house.
AI translation rendered from the Sanskrit, not a published edition
PdP 3 22.81
आश्रमे यत्र यो धर्मो रक्षणीयः सुपंडितैः । विवाहोऽयमतो मन्ये न धर्म इति कन्यकाः
āśrame yatra yo dharmo rakṣaṇīyaḥ supaṃḍitaiḥ | vivāho'yamato manye na dharma iti kanyakāḥ
Whatever duty belongs to a given stage of life must be guarded by the truly learned; therefore I hold this marriage is not dharma," — (so he spoke to) the maidens.
AI translation rendered from the Sanskrit, not a published edition — the model flagged this verse as uncertain
PdP 3 22.82
आकर्ण्य विप्रवाक्यानि विप्रमूचुर्वरस्त्रियः । सकलध्वनिसोत्कंठ्यो कोकिलाइव माधवे
ākarṇya vipravākyāni vipramūcurvarastriyaḥ | sakaladhvanisotkaṃṭhyo kokilāiva mādhave
Hearing the brahmin's words, the excellent women spoke to the brahmin, full of longing with all their voices, like cuckoos in spring.
AI translation rendered from the Sanskrit, not a published edition — the model flagged this verse as uncertain
PdP 3 22.83
धर्मादर्थोऽर्थतः कामः कामात्सुखफलोदयः । इत्येवं निश्चयज्ञास्ते वर्णयंति विपश्चितः
dharmādartho'rthataḥ kāmaḥ kāmātsukhaphalodayaḥ | ityevaṃ niścayajñāste varṇayaṃti vipaścitaḥ
"From dharma comes wealth, from wealth desire, from desire arises the fruit of happiness — thus the wise, who know what is settled, describe it.
AI translation rendered from the Sanskrit, not a published edition
PdP 3 22.84
सकामो धर्मबाहुल्यात्पुरतस्ते समुत्थितः । सेव्यतां विविधैर्भोगैः स्वच्छाभूमिरियं यतः
sakāmo dharmabāhulyātpurataste samutthitaḥ | sevyatāṃ vividhairbhogaiḥ svacchābhūmiriyaṃ yataḥ
By the abundance of your dharma, desire (in the form of us) has arisen before you; let it be enjoyed with various pleasures, since this ground here is clean.
AI translation rendered from the Sanskrit, not a published edition — the model flagged this verse as uncertain
PdP 3 22.85
श्रुत्वा तद्वचनं तासां प्राह गंभीरया गिरा । तथ्यं वो वचनं किंतु ममाप्यावश्यकं व्रतम्
śrutvā tadvacanaṃ tāsāṃ prāha gaṃbhīrayā girā | tathyaṃ vo vacanaṃ kiṃtu mamāpyāvaśyakaṃ vratam
Hearing that speech of theirs he said in a deep voice: "Your words are true, but my vow too is obligatory for me.
AI translation rendered from the Sanskrit, not a published edition
PdP 3 22.86
प्राप्यानुज्ञां गुरोः कुर्वे विवाहकर्म नान्यथा । इत्युक्ताः पुनरूचुस्ताः स्फुटं मूढोऽसि सुंदर
prāpyānujñāṃ guroḥ kurve vivāhakarma nānyathā | ityuktāḥ punarūcustāḥ sphuṭaṃ mūḍho'si suṃdara
Having obtained my teacher's permission I shall perform the act of marriage, not otherwise." Addressed thus, they said again: "Clearly you are a fool, handsome one!
AI translation rendered from the Sanskrit, not a published edition
PdP 3 22.87
सिद्धौषधं ब्रह्मधिया रसायनं सिद्धिर्निधिः साधुकुला वरांगनाः । मंत्रस्तथा सिद्धरसश्च धर्मतो मुने निषेव्याः सुधिया समागताः
siddhauṣadhaṃ brahmadhiyā rasāyanaṃ siddhirnidhiḥ sādhukulā varāṃganāḥ | maṃtrastathā siddharasaśca dharmato mune niṣevyāḥ sudhiyā samāgatāḥ
An efficacious drug, an elixir (taken) with the thought that it is brahman, a magical attainment, a treasure, excellent women of good family, and likewise a mantra and perfected mercury — O sage, when these come to hand they are to be made use of by a wise man, in accordance with dharma.
AI translation rendered from the Sanskrit, not a published edition — the model flagged this verse as uncertain
PdP 3 22.88
कार्यं नु दैवाद्यदि सिद्धिमागतं तस्मिन्नुपेक्षां न च यांति नीतिगाः । यस्मादुपेक्षा न पुनः फलप्रदा तस्मान्न दीर्घीकरणं प्रशस्यते
kāryaṃ nu daivādyadi siddhimāgataṃ tasminnupekṣāṃ na ca yāṃti nītigāḥ | yasmādupekṣā na punaḥ phalapradā tasmānna dīrghīkaraṇaṃ praśasyate
If indeed a task has by fate come to fulfilment, those versed in policy do not show indifference toward it; since indifference does not again yield fruit, therefore delaying is not commended.
AI translation rendered from the Sanskrit, not a published edition
PdP 3 22.89
विषादप्यमृतं ग्राह्यममेध्यादपि कांचनम् । नीचादप्युत्तमां विद्यां स्त्रीरत्नं दुष्कुलादपि
viṣādapyamṛtaṃ grāhyamamedhyādapi kāṃcanam | nīcādapyuttamāṃ vidyāṃ strīratnaṃ duṣkulādapi
Nectar is to be taken even from poison, gold even from something impure, the highest knowledge even from a low person, a jewel of a woman even from a bad family.
AI translation rendered from the Sanskrit, not a published edition
PdP 3 22.90
सांद्रानुरागाः कुलजन्मनिर्मलाः स्नेहार्द्रचित्ता सुगिरः स्वयंवराः । कन्या सुरूपाः खलु चारुयौवना धन्या लभंतेऽत्र नरास्तु नेतरे
sāṃdrānurāgāḥ kulajanmanirmalāḥ snehārdracittā sugiraḥ svayaṃvarāḥ | kanyā surūpāḥ khalu cāruyauvanā dhanyā labhaṃte'tra narāstu netare
Maidens deeply in love, spotless by birth in (good) family, their hearts moist with affection, sweet-voiced, choosing for themselves, beautiful in form and with lovely youth — only fortunate men obtain them here, not others.
AI translation rendered from the Sanskrit, not a published edition
PdP 3 22.91
क्व वयं सुरसुंदर्य्यः क्व भवांस्तापसो बटुः । दुर्घटस्य विधानेन मन्ये धातैव पंडितः
kva vayaṃ surasuṃdaryyaḥ kva bhavāṃstāpaso baṭuḥ | durghaṭasya vidhānena manye dhātaiva paṃḍitaḥ
Where are we, celestial beauties, and where are you, an ascetic student? By the arranging of what is hard to bring about, I think the Creator alone is clever.
AI translation rendered from the Sanskrit, not a published edition
PdP 3 22.92
तस्मादस्मानिदानीं तु स्वीकुर्य्यात्मंगलं भवान् । गांधर्वेण विवाहेन अन्यथा नोपजीवनम्
tasmādasmānidānīṃ tu svīkuryyātmaṃgalaṃ bhavān | gāṃdharveṇa vivāhena anyathā nopajīvanam
Therefore let your honour now accept us, for your own welfare, by the gandharva marriage; otherwise there is no living (for us)."
AI translation rendered from the Sanskrit, not a published edition
PdP 3 22.93
श्रुत्वा वाक्यं ततः प्राह ब्राह्मणो धर्मवित्तमः । भो मृगाक्ष्यः कथं त्याज्यो धर्मो धर्मधनैर्नरैः
śrutvā vākyaṃ tataḥ prāha brāhmaṇo dharmavittamaḥ | bho mṛgākṣyaḥ kathaṃ tyājyo dharmo dharmadhanairnaraiḥ
Hearing that speech, the brahmin, best of the knowers of dharma, then said: "Ah, doe-eyed ones, how is dharma to be abandoned by men whose wealth is dharma?
AI translation rendered from the Sanskrit, not a published edition
PdP 3 22.94
धर्मश्चार्थश्चकामश्च मोक्षश्चैतच्चतुष्टयम् । यथोक्तं फलदं ज्ञेयं विपरीतं तु निष्फलम्
dharmaścārthaścakāmaśca mokṣaścaitaccatuṣṭayam | yathoktaṃ phaladaṃ jñeyaṃ viparītaṃ tu niṣphalam
Dharma, wealth, desire, and liberation — this set of four is to be known as fruit-giving when (pursued) as prescribed, but fruitless when done contrariwise.
AI translation rendered from the Sanskrit, not a published edition
PdP 3 22.95
नाकालेऽहं व्रती कुर्यामतो दारपरिग्रहम् । न क्रिया फलमाप्नोति क्रियाकालं न वेत्ति यः
nākāle'haṃ vratī kuryāmato dāraparigraham | na kriyā phalamāpnoti kriyākālaṃ na vetti yaḥ
Being under a vow, I would not at the wrong time take a wife; the act does not attain its fruit for one who does not know the (right) time for the act.
AI translation rendered from the Sanskrit, not a published edition
PdP 3 22.96
यतो धर्मविचारेऽस्मिन्प्रसक्तं मम मानसम् । तस्माच्छृणुत हे कन्या न समीहे स्वयंवरम्
yato dharmavicāre'sminprasaktaṃ mama mānasam | tasmācchṛṇuta he kanyā na samīhe svayaṃvaram
"Since my mind is engaged in this inquiry into dharma, therefore listen, O maidens: I do not desire a self-choice marriage."
AI translation rendered from the Sanskrit, not a published edition
PdP 3 22.97
एवं ज्ञात्वाशयं तस्य समीक्ष्यैव परस्परम् । करात्करं विमुच्याथ जग्राहांघ्रिं प्रमोहिनी
evaṃ jñātvāśayaṃ tasya samīkṣyaiva parasparam | karātkaraṃ vimucyātha jagrāhāṃghriṃ pramohinī
Knowing his intention thus, and after looking at one another, Pramohinī then released hand from hand and seized his foot.
AI translation rendered from the Sanskrit, not a published edition
PdP 3 22.98
भुजौ जगृहतुस्तस्य सुशीला सुस्वरा तथा । आलिलिंग सुतारा च वक्त्रं चुंबति चंद्रिका
bhujau jagṛhatustasya suśīlā susvarā tathā | āliliṃga sutārā ca vaktraṃ cuṃbati caṃdrikā
Suśīlā and likewise Susvarā seized his two arms; and Sutārā embraced (him), while Candrikā kisses his face.
AI translation rendered from the Sanskrit, not a published edition
PdP 3 22.99
तथापि निर्विकारोऽसौ प्रलयानलसन्निभः । शशाप ब्रह्मचारी ताः क्रोधेनात्यंतमूर्छितः
tathāpi nirvikāro'sau pralayānalasannibhaḥ | śaśāpa brahmacārī tāḥ krodhenātyaṃtamūrchitaḥ
Even so he remained unmoved, resembling the fire of the world's dissolution; the celibate, utterly beside himself with anger, cursed them.
AI translation rendered from the Sanskrit, not a published edition
PdP 3 22.100
पिशाच्य इव मां लग्ना तत्पिशाच्यो भविष्यथ । एवं तेनाशु शप्तास्तास्तं त्यक्त्वा पुरतः स्थिताः
piśācya iva māṃ lagnā tatpiśācyo bhaviṣyatha | evaṃ tenāśu śaptāstāstaṃ tyaktvā purataḥ sthitāḥ
"Since you have clung to me like she-demons, therefore you shall become she-demons." Thus swiftly cursed by him, they let go of him and stood before (him).
AI translation rendered from the Sanskrit, not a published edition
PdP 3 22.101
किमेतच्चेष्टितं पापं ह्यनागसि विचेष्टया । प्रियंकृतोऽप्रियंकृत्वा धिक्त्वां धर्मकृतांतकम्
kimetacceṣṭitaṃ pāpaṃ hyanāgasi viceṣṭayā | priyaṃkṛto'priyaṃkṛtvā dhiktvāṃ dharmakṛtāṃtakam
"What is this evil that has been done, by a wrongful act against one who is guiltless? Having done what is unpleasant to one who did what was pleasant—shame on you, destroyer of dharma!"
AI translation rendered from the Sanskrit, not a published edition — the model flagged this verse as uncertain
PdP 3 22.102
अनुरक्तेषु भक्तेषु मित्रेषु द्रोहकारिणः । पुंसो लोकोभयोः सौख्यं नाशमेतीति नः श्रुतम्
anurakteṣu bhakteṣu mitreṣu drohakāriṇaḥ | puṃso lokobhayoḥ saukhyaṃ nāśametīti naḥ śrutam
"For a man who works treachery against those who are affectionate, devoted, and friends, happiness in both worlds goes to ruin—so we have heard."
AI translation rendered from the Sanskrit, not a published edition
PdP 3 22.103
तस्मात्त्वमपि नः शापात्पिशाचो भव सत्वरम् । इत्युक्त्वापि च ता बाला निःश्वसंत्यः क्रुधाकुलाः
tasmāttvamapi naḥ śāpātpiśāco bhava satvaram | ityuktvāpi ca tā bālā niḥśvasaṃtyaḥ krudhākulāḥ
"Therefore you too, by our curse, become a demon at once!" And having said even this, those girls, sighing, overwhelmed with anger—
AI translation rendered from the Sanskrit, not a published edition
PdP 3 22.104
तदेवान्योन्यसंरंभात्तस्मिन्सरसि पार्थिव । ताः कन्या ब्रह्मचारी च सर्वे पैशाच्यमागताः
tadevānyonyasaṃraṃbhāttasminsarasi pārthiva | tāḥ kanyā brahmacārī ca sarve paiśācyamāgatāḥ
—at that very moment, through their mutual fury, in that lake, O king, those maidens and the celibate all came to the state of demons.
AI translation rendered from the Sanskrit, not a published edition
PdP 3 22.105
स पिशाचः पिशाच्यस्ताः क्रंदमानाः सुदारुणम् । क्षपयंति विपाकांस्तान्पूर्वोपात्तस्य कर्म्मणः
sa piśācaḥ piśācyastāḥ kraṃdamānāḥ sudāruṇam | kṣapayaṃti vipākāṃstānpūrvopāttasya karmmaṇaḥ
That demon and those she-demons, shrieking most dreadfully, wear away those ripened fruits of the deeds formerly acquired.
AI translation rendered from the Sanskrit, not a published edition
PdP 3 22.106
स्वकाले प्रभवत्येव पूर्वोपात्तं शुभाशुभम् । स्वच्छायामिव दुर्वारं देवानामपि पार्थिव
svakāle prabhavatyeva pūrvopāttaṃ śubhāśubham | svacchāyāmiva durvāraṃ devānāmapi pārthiva
At its own time the good and evil formerly acquired surely takes effect, as hard to ward off as one's own shadow, even for the gods, O king.
AI translation rendered from the Sanskrit, not a published edition
PdP 3 22.107
क्रंदंति पितरस्तासां मातरस्तत्र तत्र च । भ्रातरश्चैव बालानां दैवं हि दुरतिक्रमम्
kraṃdaṃti pitarastāsāṃ mātarastatra tatra ca | bhrātaraścaiva bālānāṃ daivaṃ hi duratikramam
Their fathers wail, and their mothers here and there, and also the brothers of the girls—for fate is hard to get past.
AI translation rendered from the Sanskrit, not a published edition
PdP 3 22.108
अतऊर्ध्वं पिशाचास्ते आहारार्थं सुदुःखिताः । इतस्ततश्च धावंतो वसंति सरसस्तटे
ataūrdhvaṃ piśācāste āhārārthaṃ suduḥkhitāḥ | itastataśca dhāvaṃto vasaṃti sarasastaṭe
From then on those demons, sorely afflicted, running here and there for the sake of food, dwell on the shore of the lake.
AI translation rendered from the Sanskrit, not a published edition