Padma Purana — Svarga Khanda — Chapter 20
PdP 3 20.1
नारद उवाच- ततस्तु नरकं गच्छेत्स्नानं तत्र समाचरेत् । स्नातमात्रो नरस्तत्र नरकं तत्र पश्यति
nārada uvāca- tatastu narakaṃ gacchetsnānaṃ tatra samācaret | snātamātro narastatra narakaṃ tatra paśyati
Nārada said: Then he should go to Naraka(-tīrtha) and perform bathing there; merely by bathing there a man sees hell there.
AI translation rendered from the Sanskrit, not a published edition
PdP 3 20.2
अस्यतीर्थस्य माहात्म्यं शृणु त्वं पांडुनंदन । तस्मिंस्तीर्थे तु राजेंद्र यान्यस्थीनि विनिक्षिपेत्
asyatīrthasya māhātmyaṃ śṛṇu tvaṃ pāṃḍunaṃdana | tasmiṃstīrthe tu rājeṃdra yānyasthīni vinikṣipet
Hear the greatness of this tīrtha, O son of Pāṇḍu: whatever bones one may cast into that tīrtha, O lord of kings —
AI translation rendered from the Sanskrit, not a published edition
PdP 3 20.3
विलयं यांति सर्वाणि रूपवान्जायते नरः । गोतीर्थं तु ततो गच्छेद्दृष्ट्वा पापात्प्रमुच्यते
vilayaṃ yāṃti sarvāṇi rūpavānjāyate naraḥ | gotīrthaṃ tu tato gaccheddṛṣṭvā pāpātpramucyate
they all go to dissolution, and the man is born handsome. Then one should go to Gotīrtha; by seeing it one is released from sin.
AI translation rendered from the Sanskrit, not a published edition
PdP 3 20.4
ततो गच्छेत राजेंद्र कपिलातीर्थमुत्तमम् । तत्र स्नात्वा नरो राजन्गोसहस्रफलं लभेत्
tato gaccheta rājeṃdra kapilātīrthamuttamam | tatra snātvā naro rājangosahasraphalaṃ labhet
Then, O lord of kings, one should go to the excellent Kapilātīrtha; bathing there, O king, a man obtains the fruit of a thousand cows.
AI translation rendered from the Sanskrit, not a published edition
PdP 3 20.5
ज्येष्ठमासे तु संप्राप्ते चतुर्दश्यां विशेषतः । तत्रोपोष्य नरो भक्त्या कपिलां यः प्रयच्छति
jyeṣṭhamāse tu saṃprāpte caturdaśyāṃ viśeṣataḥ | tatropoṣya naro bhaktyā kapilāṃ yaḥ prayacchati
And when the month of Jyeṣṭha has come, especially on the fourteenth day, the man who fasts there and with devotion presents a tawny cow,
AI translation rendered from the Sanskrit, not a published edition
PdP 3 20.6
घृतेन दीपं प्रज्वाल्य घृतेन स्नापयेच्छिवम् । सघृतं श्रीफलं दत्वा कृत्वा चांते प्रदक्षिणम्
ghṛtena dīpaṃ prajvālya ghṛtena snāpayecchivam | saghṛtaṃ śrīphalaṃ datvā kṛtvā cāṃte pradakṣiṇam
having kindled a lamp with ghee, bathed Śiva with ghee, given a bilva fruit together with ghee, and at the end made a circumambulation —
AI translation rendered from the Sanskrit, not a published edition
PdP 3 20.7
घंटाभरणसंयुक्तां कपिलां यः प्रयच्छति । शिवतुल्यो नरो भूत्वा न चेह जायते पुनः
ghaṃṭābharaṇasaṃyuktāṃ kapilāṃ yaḥ prayacchati | śivatulyo naro bhūtvā na ceha jāyate punaḥ
he who presents a tawny cow furnished with a bell and ornaments, that man, becoming equal to Śiva, is not born here again.
AI translation rendered from the Sanskrit, not a published edition
PdP 3 20.8
अंगारकदिने प्राप्ते चतुर्थ्यां तु विशेषतः । स्नापयित्वा शिवं भक्त्या ब्राह्मणेभ्यस्तु भोजनम्
aṃgārakadine prāpte caturthyāṃ tu viśeṣataḥ | snāpayitvā śivaṃ bhaktyā brāhmaṇebhyastu bhojanam
When a Tuesday has come, and especially on the fourth day, having bathed Śiva with devotion, (there should be) a feeding for the brahmins.
AI translation rendered from the Sanskrit, not a published edition
PdP 3 20.9
अंगारकनवम्यां तु अमावस्यां तथैव च । स्नापयेत्तत्र यत्नेन रूपवान्सुभगो भवेत्
aṃgārakanavamyāṃ tu amāvasyāṃ tathaiva ca | snāpayettatra yatnena rūpavānsubhago bhavet
And on a Tuesday-ninth, and likewise on the new-moon day, one should bathe (the god) there diligently; he becomes handsome and fortunate.
AI translation rendered from the Sanskrit, not a published edition
PdP 3 20.10
घृतेन स्नापयेल्लिंगं पूजयेद्भक्तितो द्विजान् । पुष्पकेण विमानेन सहस्रैः परिवारितः
ghṛtena snāpayelliṃgaṃ pūjayedbhaktito dvijān | puṣpakeṇa vimānena sahasraiḥ parivāritaḥ
One should bathe the liṅga with ghee and worship brahmins with devotion; (such a man travels) in the Puṣpaka aerial chariot, attended by thousands.
AI translation rendered from the Sanskrit, not a published edition
PdP 3 20.11
शैवं पदमवाप्नोति नात्र चाभिगतं भवेत् । अक्षयं मोदते कालं यथा रुद्रस्तथैव च
śaivaṃ padamavāpnoti nātra cābhigataṃ bhavet | akṣayaṃ modate kālaṃ yathā rudrastathaiva ca
He attains the station of Śiva, and there would be no falling back from it; he rejoices for imperishable time, just as Rudra does.
AI translation rendered from the Sanskrit, not a published edition — the model flagged this verse as uncertain
PdP 3 20.12
यदा तु कर्मसंयोगान्मर्त्यलोकमुपागतः । राजा भवति धर्मिष्ठो रूपवान्जायते बली
yadā tu karmasaṃyogānmartyalokamupāgataḥ | rājā bhavati dharmiṣṭho rūpavānjāyate balī
But when, through the conjunction of his deeds, he comes (again) to the world of mortals, he becomes a most righteous king, and is born handsome and strong.
AI translation rendered from the Sanskrit, not a published edition
PdP 3 20.13
ततो गच्छेत राजेंद्र ऋषितीर्थमनुत्तमम् । तृणबिंदुऋषिर्नाम शापदग्धो व्यवस्थितः
tato gaccheta rājeṃdra ṛṣitīrthamanuttamam | tṛṇabiṃduṛṣirnāma śāpadagdho vyavasthitaḥ
Then, best of kings, one should go to the unsurpassed Ṛṣitīrtha, where the sage named Tṛṇabindu, burnt by a curse, took up his abode.
AI translation rendered from the Sanskrit, not a published edition
PdP 3 20.14
तस्यतीर्थप्रभावेण पापमुक्तोऽभवद्द्विजः । ततो गच्छेत राजेंद्र गणेश्वरमनुत्तमम्
tasyatīrthaprabhāveṇa pāpamukto'bhavaddvijaḥ | tato gaccheta rājeṃdra gaṇeśvaramanuttamam
By the power of that tīrtha the brahmin became free of sin. Then, best of kings, one should go to the unsurpassed Gaṇeśvara.
AI translation rendered from the Sanskrit, not a published edition
PdP 3 20.15
श्रावणेमासि संप्राप्ते कृष्णपक्षे चतुर्दशीम् । स्नातमात्रो नरस्तत्र रुद्रलोके महीयते
śrāvaṇemāsi saṃprāpte kṛṣṇapakṣe caturdaśīm | snātamātro narastatra rudraloke mahīyate
When the month of Śrāvaṇa has come, on the fourteenth of the dark fortnight, a man there has but to bathe and he is honoured in the world of Rudra.
AI translation rendered from the Sanskrit, not a published edition
PdP 3 20.16
पितॄणां तर्पणं कृत्वा मुच्यते च ऋणत्रयात् । गणेश्वरसमीपे तु गंगावदनमुत्तमम्
pitṝṇāṃ tarpaṇaṃ kṛtvā mucyate ca ṛṇatrayāt | gaṇeśvarasamīpe tu gaṃgāvadanamuttamam
Having made the libation for the ancestors, he is freed from the three debts. Near Gaṇeśvara is the excellent Gaṅgāvadana.
AI translation rendered from the Sanskrit, not a published edition
PdP 3 20.17
अकामो वा सकामो वा तत्र स्नात्वा तु मानवः । आजन्मजनितैः पापैर्मुच्यते नात्र संशयः
akāmo vā sakāmo vā tatra snātvā tu mānavaḥ | ājanmajanitaiḥ pāpairmucyate nātra saṃśayaḥ
Whether without desire (for reward) or with desire, a man who bathes there is freed from the sins committed since his birth — of this there is no doubt.
AI translation rendered from the Sanskrit, not a published edition
PdP 3 20.18
सर्वदा पर्वदिवसे स्नानं तत्र समाचरेत् । पितॄणां तर्पणं कृत्वा मुच्यते च ऋणत्रयात्
sarvadā parvadivase snānaṃ tatra samācaret | pitṝṇāṃ tarpaṇaṃ kṛtvā mucyate ca ṛṇatrayāt
One should always perform the bath there on a parvan day; having made the libation for the ancestors, one is freed from the three debts.
AI translation rendered from the Sanskrit, not a published edition
PdP 3 20.19
प्रयागे यत्फलं दृष्टं शंकरेण महात्मना । तदेव निखिलं पुण्यं गंगाराह्वर्कसंगमे
prayāge yatphalaṃ dṛṣṭaṃ śaṃkareṇa mahātmanā | tadeva nikhilaṃ puṇyaṃ gaṃgārāhvarkasaṃgame
Whatever fruit the great-souled Śaṃkara beheld at Prayāga, that whole merit is (obtained) at the confluence of the Gaṅgā and the (river) called Arka.
AI translation rendered from the Sanskrit, not a published edition — the model flagged this verse as uncertain
PdP 3 20.20
तस्यैवं पश्चिमे स्थाने समीपेनातिदूरतः । दशाश्वमेधिकं नाम त्रिषु लोकेषु विश्रुतम्
tasyaivaṃ paścime sthāne samīpenātidūrataḥ | daśāśvamedhikaṃ nāma triṣu lokeṣu viśrutam
In a place thus to the west of it, close by, not far off, there is (the tīrtha) named Daśāśvamedhika, famed in the three worlds.
AI translation rendered from the Sanskrit, not a published edition
PdP 3 20.21
उपोष्य रजनीमेकां मासि भाद्रपदे तथा । अमावस्यां नरः स्नात्वा व्रजेद्वै यत्र शंकरः
upoṣya rajanīmekāṃ māsi bhādrapade tathā | amāvasyāṃ naraḥ snātvā vrajedvai yatra śaṃkaraḥ
Having fasted for one night in the month of Bhādrapada, and having bathed on the new-moon day, a man should go where Śaṃkara is.
AI translation rendered from the Sanskrit, not a published edition
PdP 3 20.22
सर्वदा पर्वदिवसे स्नानं तत्र समाचरेत् । पितॄणां तर्पणं कृत्वा अश्वमेधफलं लभेत्
sarvadā parvadivase snānaṃ tatra samācaret | pitṝṇāṃ tarpaṇaṃ kṛtvā aśvamedhaphalaṃ labhet
One should always perform the bath there on a parvan day; having made the libation for the ancestors, one obtains the fruit of a horse sacrifice.
AI translation rendered from the Sanskrit, not a published edition
PdP 3 20.23
दशाश्वमेधात्पश्चिमतो भृगुर्ब्राह्मणसत्तमः । दिव्यं वर्षसहस्रं तु ईश्वरं पर्युपासत
daśāśvamedhātpaścimato bhṛgurbrāhmaṇasattamaḥ | divyaṃ varṣasahasraṃ tu īśvaraṃ paryupāsata
To the west of Daśāśvamedha, Bhṛgu, the best of brahmins, attended upon the Lord for a thousand divine years.
AI translation rendered from the Sanskrit, not a published edition
PdP 3 20.24
वल्मीकावस्थितश्चासौ दक्षिणं च निकेतनम् । आश्चर्यं च महज्जातमुमायाः शंकरस्य च
valmīkāvasthitaścāsau dakṣiṇaṃ ca niketanam | āścaryaṃ ca mahajjātamumāyāḥ śaṃkarasya ca
He remained seated within an anthill, and (there was) a dwelling to the south; and a great marvel occurred (in the matter) of Umā and Śaṃkara.
AI translation rendered from the Sanskrit, not a published edition — the model flagged this verse as uncertain
PdP 3 20.25
गौरी तु पृच्छते देवं कोयमत्र तु संस्थितः । देवो वा दानवो वाथ कथयस्व महेश्वर
gaurī tu pṛcchate devaṃ koyamatra tu saṃsthitaḥ | devo vā dānavo vātha kathayasva maheśvara
But Gaurī asked the god: "Who is this seated here? A god, or else a dānava? Tell (me), Maheśvara."
AI translation rendered from the Sanskrit, not a published edition
PdP 3 20.26
ईश्वर उवाच-। भृगुर्नाम द्विजश्रेष्ठ ऋषीणां प्रवरो मुनिः । ध्यायते मां समाधिस्थो वरं प्रार्थयते प्रिये
īśvara uvāca-| bhṛgurnāma dvijaśreṣṭha ṛṣīṇāṃ pravaro muniḥ | dhyāyate māṃ samādhistho varaṃ prārthayate priye
The Lord said: He is called Bhṛgu, best of brahmins, a sage foremost among the ṛṣis; established in meditative absorption he meditates on me and asks for a boon, my dear.
AI translation rendered from the Sanskrit, not a published edition
PdP 3 20.27
तत्र प्रहसिता देवी ईश्वरं प्रत्यभाषत । धूमावर्तशिखा जाता ततोऽद्यापि न तुष्यसि । दुराराध्योऽसि तेन त्वं नात्र कार्या विचारणा
tatra prahasitā devī īśvaraṃ pratyabhāṣata | dhūmāvartaśikhā jātā tato'dyāpi na tuṣyasi | durārādhyo'si tena tvaṃ nātra kāryā vicāraṇā
Thereupon the goddess laughed and replied to the Lord: "A crest of whirling smoke has arisen (from him), and even so you are not pleased to this day; therefore you are hard to propitiate — there is no need to deliberate on this."
AI translation rendered from the Sanskrit, not a published edition — the model flagged this verse as uncertain
PdP 3 20.28
देव उवाच-। न ज्ञायसे महादेवि अयं क्रोधेन चेष्टितः । दर्शयामि यथातथ्यं प्रियं ते च करोम्यहम्
deva uvāca-| na jñāyase mahādevi ayaṃ krodhena ceṣṭitaḥ | darśayāmi yathātathyaṃ priyaṃ te ca karomyaham
The god said: You do not know, great goddess — this man is driven by anger. I shall show (you) how it truly is, and I shall do what pleases you.
AI translation rendered from the Sanskrit, not a published edition
PdP 3 20.29
स्मारितो देवदेवेन धर्मरूपो वृषस्तदा । स्मरणादेव देवस्य वृषः शीघ्रमुपस्थितः
smārito devadevena dharmarūpo vṛṣastadā | smaraṇādeva devasya vṛṣaḥ śīghramupasthitaḥ
Then the bull, whose form is dharma, was called to mind by the god of gods; and by the god's mere remembering, the bull at once presented himself.
AI translation rendered from the Sanskrit, not a published edition
PdP 3 20.30
प्राहासौ मानुषीं वाचमादेशो दीयतां प्रभो । वल्मीकैश्छादितो विप्र एनं भूमौ निपातय
prāhāsau mānuṣīṃ vācamādeśo dīyatāṃ prabho | valmīkaiśchādito vipra enaṃ bhūmau nipātaya
He (the bull) spoke in human speech: "Let the command be given, O lord." (Śiva said:) "The brahmin is covered over by anthills — knock him down onto the ground."
AI translation rendered from the Sanskrit, not a published edition
PdP 3 20.31
योगस्थस्तु ततो ध्यायंस्ततस्तेन निपातितः । तत्क्षणात्क्रोधसंतप्तो हस्तमुत्क्षिप्तवान्वृषम्
yogasthastu tato dhyāyaṃstatastena nipātitaḥ | tatkṣaṇātkrodhasaṃtapto hastamutkṣiptavānvṛṣam
But he, established in yoga and meditating, was then knocked down by it; that very instant, inflamed with anger, he raised his hand against the bull.
AI translation rendered from the Sanskrit, not a published edition
PdP 3 20.32
एवं संभाषमाणस्तु कुत्र गच्छसि भो वृष । अद्य त्वामथ पाप्मानं प्रत्यक्षं हन्म्यहं वृष
evaṃ saṃbhāṣamāṇastu kutra gacchasi bho vṛṣa | adya tvāmatha pāpmānaṃ pratyakṣaṃ hanmyahaṃ vṛṣa
And speaking thus: "Where are you going, ho bull? Today, bull, I shall kill you, the wicked one, right before my eyes!"
AI translation rendered from the Sanskrit, not a published edition
PdP 3 20.33
धर्षितस्तु तदा विप्रो ह्यंतरिक्षं गतं वृषम् । आकाशे प्रेक्षते भूय एतदद्भुतमुत्तमम्
dharṣitastu tadā vipro hyaṃtarikṣaṃ gataṃ vṛṣam | ākāśe prekṣate bhūya etadadbhutamuttamam
But the brahmin, having been knocked over, looks again into the sky at the bull that had gone up into the air — this supreme marvel.
AI translation rendered from the Sanskrit, not a published edition
PdP 3 20.34
ततः प्रहसिते रुद्रे ऋषिरग्रे व्यवस्थितः । तृतीयं लोचनं दृष्ट्वा वैलक्ष्यात्पतितो भुवि
tataḥ prahasite rudre ṛṣiragre vyavasthitaḥ | tṛtīyaṃ locanaṃ dṛṣṭvā vailakṣyātpatito bhuvi
Then, when Rudra laughed, the sage was standing in front (of him); seeing the third eye, out of confusion he fell to the ground.
AI translation rendered from the Sanskrit, not a published edition
PdP 3 20.35
प्रणम्य दंडवद्भूमौ स्तुवते परमेश्वरम् । प्रणिपत्य भूतनाथं भवोद्भवं त्वामहं दिव्यरूपम् । भवभीतो भुवनपते भूतं विज्ञापये किंचित्
praṇamya daṃḍavadbhūmau stuvate parameśvaram | praṇipatya bhūtanāthaṃ bhavodbhavaṃ tvāmahaṃ divyarūpam | bhavabhīto bhuvanapate bhūtaṃ vijñāpaye kiṃcit
Bowing to the ground like a staff, he praises the Supreme Lord: "Having prostrated to you, lord of beings, source of becoming, of divine form — afraid of existence, O lord of the world, I make known something that has happened."
AI translation rendered from the Sanskrit, not a published edition — the model flagged this verse as uncertain
PdP 3 20.36
त्वद्गुणनिकरान्वक्तुं कः शक्तो भवति मानुषो नाथ । वासुकिरयं हि कदाचिद्वदनसहस्रं भवेद्यस्य
tvadguṇanikarānvaktuṃ kaḥ śakto bhavati mānuṣo nātha | vāsukirayaṃ hi kadācidvadanasahasraṃ bhavedyasya
Who that is a man is able to utter the mass of your qualities, O lord? — even this Vāsuki, who might at some time have a thousand mouths.
AI translation rendered from the Sanskrit, not a published edition
PdP 3 20.37
भक्त्या तवापि शंकरभुवनपते त्वत्स्तुतौ तु मुखरस्य । वंद्य क्षमस्व भवन्प्रसीद मे तव चरणपतितस्य
bhaktyā tavāpi śaṃkarabhuvanapate tvatstutau tu mukharasya | vaṃdya kṣamasva bhavanprasīda me tava caraṇapatitasya
Though (I speak) out of devotion to you, O Śaṅkara, lord of the world, being talkative in praising you — O venerable one, forgive; be gracious, sir, to me who have fallen at your feet.
AI translation rendered from the Sanskrit, not a published edition — the model flagged this verse as uncertain
PdP 3 20.38
सत्वं रजस्तमस्त्वं स्थित्युत्पत्तौ विनाशने देव । त्वां मुक्त्वा भुवनपते भुवनेश्वर नैव दैवतं किंचित्
satvaṃ rajastamastvaṃ sthityutpattau vināśane deva | tvāṃ muktvā bhuvanapate bhuvaneśvara naiva daivataṃ kiṃcit
You are sattva, you are rajas and tamas, in maintaining, in bringing forth, in destroying, O god; apart from you, lord of the world, ruler of the world, there is no deity at all.
AI translation rendered from the Sanskrit, not a published edition
PdP 3 20.39
यमनियमयज्ञदानैर्वेदाभ्यासावधारणोद्योगात् । त्वद्भक्तेः सर्वमिदं नार्हति कलासहस्रांशेन
yamaniyamayajñadānairvedābhyāsāvadhāraṇodyogāt | tvadbhakteḥ sarvamidaṃ nārhati kalāsahasrāṃśena
By restraints, observances, sacrifices, gifts, by exertion in Vedic study and in concentration — all this does not amount to a thousandth part of devotion to you.
AI translation rendered from the Sanskrit, not a published edition
PdP 3 20.40
उत्कृष्टरसरसायनखड्गांजनपादुकादि सिद्धिर्वा । चिह्नानि भवत्प्रणतानां दृश्यंत इह जन्मनि प्रकटम्
utkṛṣṭarasarasāyanakhaḍgāṃjanapādukādi siddhirvā | cihnāni bhavatpraṇatānāṃ dṛśyaṃta iha janmani prakaṭam
Or the attainment of superior elixirs and alchemy, of the sword, the eye-salve, the sandals and so on: these are the marks of those bowed down to you, seen manifestly in this very birth.
AI translation rendered from the Sanskrit, not a published edition
PdP 3 20.41
शाठ्येन नमति यद्यपि ददासि त्वं धर्ममिच्छतां देव । भक्तिर्भवच्छेदकरी मोक्षाय विनिर्मिता नाथ
śāṭhyena namati yadyapi dadāsi tvaṃ dharmamicchatāṃ deva | bhaktirbhavacchedakarī mokṣāya vinirmitā nātha
Even if one bows with duplicity, you give dharma to those who wish for it, O god; devotion, which cuts off existence, was fashioned for liberation, O lord.
AI translation rendered from the Sanskrit, not a published edition
PdP 3 20.42
परदारपरस्वरतं परिभवपरिदुःखशोकसंतप्तम् । परवदनवीक्षणपरं परमेश्वर मां परित्राहि
paradāraparasvarataṃ paribhavapariduḥkhaśokasaṃtaptam | paravadanavīkṣaṇaparaṃ parameśvara māṃ paritrāhi
Me who am given to others' wives and others' property, scorched by humiliation, extreme pain and grief, intent on watching others' faces — O supreme lord, rescue me.
AI translation rendered from the Sanskrit, not a published edition
PdP 3 20.43
अलीकाभिमानदग्धं क्षणभंगुरविभवविलसितं देव । क्रूरं कुपथाभिमुखं पतितं मां त्राहि देवेश
alīkābhimānadagdhaṃ kṣaṇabhaṃguravibhavavilasitaṃ deva | krūraṃ kupathābhimukhaṃ patitaṃ māṃ trāhi deveśa
Me who am burnt up with false pride, who have sported in wealth that breaks in an instant, cruel, turned toward the wrong path, fallen — save me, O ruler of the gods.
AI translation rendered from the Sanskrit, not a published edition
PdP 3 20.44
दीनेंद्रियगणसार्थैर्बंधुजनैरेव पूरिता आशा । तुच्छा तथापि शंकर किं मूढं मां विडंबयसि
dīneṃdriyagaṇasārthairbaṃdhujanaireva pūritā āśā | tucchā tathāpi śaṃkara kiṃ mūḍhaṃ māṃ viḍaṃbayasi
Hope is filled up with the caravans of the wretched host of the senses and with kinsmen; yet it is empty — why then, O Śaṅkara, do you mock me, a fool?
AI translation rendered from the Sanskrit, not a published edition — the model flagged this verse as uncertain
PdP 3 20.45
तृष्णां हरस्व शीघ्रं लक्ष्मीं मां देहि हृदयवासिनीं नित्याम् । छिंधि मदमोहपाशानुत्तारय मां महादेव
tṛṣṇāṃ harasva śīghraṃ lakṣmīṃ māṃ dehi hṛdayavāsinīṃ nityām | chiṃdhi madamohapāśānuttāraya māṃ mahādeva
Take away my craving quickly; give me Lakṣmī, dwelling forever in my heart; cut the bonds of intoxication and delusion; lift me out, O Mahādeva.
AI translation rendered from the Sanskrit, not a published edition
PdP 3 20.46
करुणाभ्युदयं नाम स्तोत्रमिदं सिद्धिदं दिव्यम् । यः पठति भक्तियुक्तस्तस्य तु तुष्येद्भृगोर्यथाहि शिवः
karuṇābhyudayaṃ nāma stotramidaṃ siddhidaṃ divyam | yaḥ paṭhati bhaktiyuktastasya tu tuṣyedbhṛgoryathāhi śivaḥ
This divine hymn named "The Rising of Compassion," which grants attainments — whoever recites it endowed with devotion, with him Śiva would be pleased, just as with Bhṛgu.
AI translation rendered from the Sanskrit, not a published edition
PdP 3 20.47
ईश्वर उवाच-। अहं तुष्टोस्मि ते विप्र वरं प्रार्थय स्वेप्सितम् । उमया सहितो देवो वरं तस्य हि दापयेत्
īśvara uvāca-| ahaṃ tuṣṭosmi te vipra varaṃ prārthaya svepsitam | umayā sahito devo varaṃ tasya hi dāpayet
The Lord said: I am pleased with you, brahmin; ask for the boon you yourself desire. The god, together with Umā, would indeed have a boon granted to him.
AI translation rendered from the Sanskrit, not a published edition
PdP 3 20.48
भृगुरुवाच-। यदि तुष्टोसि देवेश यदि देयो वरो मम । रुद्रवेदी भवेदेवमेतत्संपादयस्व मे
bhṛguruvāca-| yadi tuṣṭosi deveśa yadi deyo varo mama | rudravedī bhavedevametatsaṃpādayasva me
Bhṛgu said: If you are pleased, ruler of the gods, if a boon is to be given to me — may there be a Rudra-altar here; accomplish this for me.
AI translation rendered from the Sanskrit, not a published edition — the model flagged this verse as uncertain
PdP 3 20.49
ईश्वर उवाच-। एवं भवतु विप्रेंद्र क्रोधस्थानं भविष्यति । न पिता पुत्रयोश्चैव एकवाक्यं भविष्यति
īśvara uvāca-| evaṃ bhavatu vipreṃdra krodhasthānaṃ bhaviṣyati | na pitā putrayoścaiva ekavākyaṃ bhaviṣyati
The Lord said: So be it, best of brahmins; it will become a place of anger; father and sons will not be of one word.
AI translation rendered from the Sanskrit, not a published edition — the model flagged this verse as uncertain
PdP 3 20.50
तदाप्रभृति ब्रह्माद्याः सर्वे देवाः सकिन्नराः । उपासंतो भृगोस्तीर्थं तुष्टो यत्र महेश्वरः
tadāprabhṛti brahmādyāḥ sarve devāḥ sakinnarāḥ | upāsaṃto bhṛgostīrthaṃ tuṣṭo yatra maheśvaraḥ
From that time on Brahmā and all the gods, together with the kinnaras, have worshipped the sacred ford of Bhṛgu, where Maheśvara was pleased.
AI translation rendered from the Sanskrit, not a published edition
PdP 3 20.51
दर्शनात्तस्य तीर्थस्य सद्यः पापात्प्रमुच्यते । अवशाः स्ववशाश्चापि म्रियंते तत्र जंतवः
darśanāttasya tīrthasya sadyaḥ pāpātpramucyate | avaśāḥ svavaśāścāpi mriyaṃte tatra jaṃtavaḥ
By the sight of that sacred ford one is at once released from sin; whether unwillingly or of their own will, creatures die there.
AI translation rendered from the Sanskrit, not a published edition
PdP 3 20.52
गुह्यातिगुह्यस्य गतिस्तेषां निःसंशया भवेत् । एतत्क्षेत्रं सुविपुलं सर्वपापप्रणाशनम्
guhyātiguhyasya gatisteṣāṃ niḥsaṃśayā bhavet | etatkṣetraṃ suvipulaṃ sarvapāpapraṇāśanam
Their going to (him who is) the most secret of secrets would be beyond doubt; this holy field is very vast, destroying all sins.
AI translation rendered from the Sanskrit, not a published edition — the model flagged this verse as uncertain
PdP 3 20.53
तत्र स्नात्वा दिवं यांति ये मृतास्तेऽपुनर्भवाः । औपानहं तदा छत्रं देयमन्नं च कांचनम्
tatra snātvā divaṃ yāṃti ye mṛtāste'punarbhavāḥ | aupānahaṃ tadā chatraṃ deyamannaṃ ca kāṃcanam
Having bathed there they go to heaven, and those who die (there) are not born again. Then sandals, an umbrella, food and gold should be given,
AI translation rendered from the Sanskrit, not a published edition
PdP 3 20.54
भोजनं च यथाशक्त्या अक्षयं तस्य तद्भवेत् । सूर्योपरागे यो दद्याद्दानं चैव यथेच्छया
bhojanaṃ ca yathāśaktyā akṣayaṃ tasya tadbhavet | sūryoparāge yo dadyāddānaṃ caiva yathecchayā
and a meal according to one's ability — that becomes imperishable for him. Whoever, at an eclipse of the sun, gives a gift as he pleases,
AI translation rendered from the Sanskrit, not a published edition
PdP 3 20.55
तीर्थस्नानं तु यद्दानमक्षयं तस्य तद्भवेत् । चंद्रसूर्योपरागेषु वृषोत्सर्गमनुत्तमम्
tīrthasnānaṃ tu yaddānamakṣayaṃ tasya tadbhavet | caṃdrasūryoparāgeṣu vṛṣotsargamanuttamam
and bathing at the ford — whatever gift (he makes) becomes imperishable for him. At eclipses of the moon and the sun the release of a bull is the highest (rite).
AI translation rendered from the Sanskrit, not a published edition
PdP 3 20.56
न जानंति नरा मूढा विष्णुमायाविमोहिताः । नर्मदायां स्थितं दिव्यं वृषतीर्थं नराधिप
na jānaṃti narā mūḍhā viṣṇumāyāvimohitāḥ | narmadāyāṃ sthitaṃ divyaṃ vṛṣatīrthaṃ narādhipa
Deluded men, bewildered by Viṣṇu's māyā, do not know the divine Vṛṣatīrtha situated on the Narmadā, O lord of men.
AI translation rendered from the Sanskrit, not a published edition
PdP 3 20.57
भृगुतीर्थस्य माहात्म्यं यः शृणोति नरः सकृत् । विमुक्तः सर्वपापेभ्यो रुद्रलोकं स गच्छति
bhṛgutīrthasya māhātmyaṃ yaḥ śṛṇoti naraḥ sakṛt | vimuktaḥ sarvapāpebhyo rudralokaṃ sa gacchati
The man who hears even once the greatness of Bhṛgu's ford is freed from all sins and goes to the world of Rudra.
AI translation rendered from the Sanskrit, not a published edition
PdP 3 20.58
ततो गच्छेत राजेंद्र गौतमेश्वरमुत्तमम् । तत्र स्नात्वा नरो राजन्नुपवासपरायणः
tato gaccheta rājeṃdra gautameśvaramuttamam | tatra snātvā naro rājannupavāsaparāyaṇaḥ
Then, O best of kings, one should go to the excellent Gautameśvara; a man who bathes there, O king, devoted to fasting,
AI translation rendered from the Sanskrit, not a published edition
PdP 3 20.59
कांचनेन विमानेन ब्रह्मलोके महीयते । धौतपापं ततो गच्छेद्धौतं यत्र वृषेण तु
kāṃcanena vimānena brahmaloke mahīyate | dhautapāpaṃ tato gaccheddhautaṃ yatra vṛṣeṇa tu
is honoured in Brahmā's world with a golden aerial chariot. Then one should go to Dhautapāpa, where (it was) washed by the bull.
AI translation rendered from the Sanskrit, not a published edition
PdP 3 20.60
नर्मदायां स्थितं राजन्सर्वपातकनाशनम् । तत्र तीर्थे नरः स्नात्वा ब्रह्महत्यां व्यपोहति
narmadāyāṃ sthitaṃ rājansarvapātakanāśanam | tatra tīrthe naraḥ snātvā brahmahatyāṃ vyapohati
It is situated on the Narmadā, O king, and destroys all sins; a man who bathes at that ford removes (the guilt of) killing a brahmin.
AI translation rendered from the Sanskrit, not a published edition
PdP 3 20.61
तस्मिन्तीर्थे महाराज प्राणत्यागं करोति यः । चतुर्भुजस्त्रिनेत्रस्तु रुद्रतुल्यबलो भवेत्
tasmintīrthe mahārāja prāṇatyāgaṃ karoti yaḥ | caturbhujastrinetrastu rudratulyabalo bhavet
Whoever gives up his life at that ford, O great king, becomes four-armed, three-eyed, equal in strength to Rudra.
AI translation rendered from the Sanskrit, not a published edition
PdP 3 20.62
वसेत्कल्पायुतं साग्रं रुद्रतुल्यपराक्रमः । कालेन महता प्राप्तः पृथिव्यामेकराड्भवेत्
vasetkalpāyutaṃ sāgraṃ rudratulyaparākramaḥ | kālena mahatā prāptaḥ pṛthivyāmekarāḍbhavet
He would dwell (there) a full ten thousand kalpas, with valour equal to Rudra's; and when a great time has passed he becomes sole king on earth.
AI translation rendered from the Sanskrit, not a published edition
PdP 3 20.63
ततो गच्छेत राजेंद्र एरंडीतीर्थमुत्तमम् । प्रयागे यत्फलं दृष्टं मार्कंडेयेन भाषितम्
tato gaccheta rājeṃdra eraṃḍītīrthamuttamam | prayāge yatphalaṃ dṛṣṭaṃ mārkaṃḍeyena bhāṣitam
Then, O best of kings, one should go to the excellent Eraṇḍī ford. The fruit that is seen at Prayāga, as declared by Mārkaṇḍeya —
AI translation rendered from the Sanskrit, not a published edition
PdP 3 20.64
तत्फलं लभते राजन्स्नातमात्रस्तु मानवः । मासि भाद्रपदे चैव शुक्लपक्षस्य चाष्टमीम्
tatphalaṃ labhate rājansnātamātrastu mānavaḥ | māsi bhādrapade caiva śuklapakṣasya cāṣṭamīm
that fruit a man obtains, O king, merely by bathing (there). And in the month of Bhādrapada, on the eighth of the bright fortnight,
AI translation rendered from the Sanskrit, not a published edition
PdP 3 20.65
उपोष्य रजनीमेकां तत्र स्नानं समाचरेत् । यमदूतैर्न बाध्येत इंद्रलोकं स गच्छति
upoṣya rajanīmekāṃ tatra snānaṃ samācaret | yamadūtairna bādhyeta iṃdralokaṃ sa gacchati
having fasted for one night, one should perform the bath there; he is not troubled by Yama's messengers and goes to Indra's world.
AI translation rendered from the Sanskrit, not a published edition
PdP 3 20.66
ततो गच्छेत राजेंद्र सिद्धो यत्र जनार्दनः । हिरण्यद्वीपविख्यातं सर्वपापप्रणाशनम्
tato gaccheta rājeṃdra siddho yatra janārdanaḥ | hiraṇyadvīpavikhyātaṃ sarvapāpapraṇāśanam
Then, O best of kings, one should go where Janārdana attained perfection, (the place) famed as Hiraṇyadvīpa, destroyer of all sins.
AI translation rendered from the Sanskrit, not a published edition
PdP 3 20.67
तत्र स्नात्वा नरो राजन्धनवान्रूपवान्भवेत् । ततो गच्छेत राजेंद्र तीर्थं कनखलं महत्
tatra snātvā naro rājandhanavānrūpavānbhavet | tato gaccheta rājeṃdra tīrthaṃ kanakhalaṃ mahat
Bathing there, O king, a man becomes wealthy and handsome. Then, O best of kings, one should go to the great ford Kanakhala.
AI translation rendered from the Sanskrit, not a published edition
PdP 3 20.68
गरुडेन तपस्तप्तं तस्मिंस्तीर्थे नराधिप । विख्यातं सर्वलोकेषु योगिनी तत्र तिष्ठति
garuḍena tapastaptaṃ tasmiṃstīrthe narādhipa | vikhyātaṃ sarvalokeṣu yoginī tatra tiṣṭhati
At that ford, O lord of men, austerity was practised by Garuḍa; it is renowned in all the worlds, and a yoginī dwells there.
AI translation rendered from the Sanskrit, not a published edition
PdP 3 20.69
क्रीडते योगिभिः सार्धं शिवेन सह नृत्यति । तत्र स्नात्वा नरो राजन्रुद्रलोके महीयते
krīḍate yogibhiḥ sārdhaṃ śivena saha nṛtyati | tatra snātvā naro rājanrudraloke mahīyate
She plays together with the yogins and dances with Śiva. Bathing there, O king, a man is honoured in Rudra's world.
AI translation rendered from the Sanskrit, not a published edition
PdP 3 20.70
ततो गच्छेत राजेंद्र ईशतीर्थमनुत्तमम् । ईशस्तत्र विनिर्मुक्तो गत ऊर्ध्वं न संशयः
tato gaccheta rājeṃdra īśatīrthamanuttamam | īśastatra vinirmukto gata ūrdhvaṃ na saṃśayaḥ
Then, O lord of kings, one should go to Īśatīrtha, unsurpassed; there Īśa (Śiva), wholly released, went upward — there is no doubt.
AI translation rendered from the Sanskrit, not a published edition
PdP 3 20.71
ततो गच्छेत राजेंद्र सिद्धो यत्र जनार्दनः । वाराहं रूपमास्थाय अचिंत्यः परमेश्वरः
tato gaccheta rājeṃdra siddho yatra janārdanaḥ | vārāhaṃ rūpamāsthāya aciṃtyaḥ parameśvaraḥ
Then, O lord of kings, one should go where Janārdana became accomplished, the inconceivable Supreme Lord, having assumed the form of a boar.
AI translation rendered from the Sanskrit, not a published edition
PdP 3 20.72
वराहतीर्थे नरः स्नात्वा द्वादश्यां तु विशेषतः । विष्णुलोकमवाप्नोति नरकं तु न गच्छति
varāhatīrthe naraḥ snātvā dvādaśyāṃ tu viśeṣataḥ | viṣṇulokamavāpnoti narakaṃ tu na gacchati
A man who bathes at Varāhatīrtha, and especially on the twelfth day, attains the world of Viṣṇu and does not go to hell.
AI translation rendered from the Sanskrit, not a published edition
PdP 3 20.73
ततो गच्छेत राजेंद्र सोमतीर्थमनुत्तमम् । पौर्णिमास्यां विशेषेण तत्र स्नानं समाचरेत्
tato gaccheta rājeṃdra somatīrthamanuttamam | paurṇimāsyāṃ viśeṣeṇa tatra snānaṃ samācaret
Then, O lord of kings, one should go to Somatīrtha, unsurpassed; on the full-moon day especially one should perform bathing there.
AI translation rendered from the Sanskrit, not a published edition
PdP 3 20.74
प्रणिपत्य च ईशानं बलिस्तस्य प्रसीदति । हरिश्चन्द्रपुरं दिव्यमंतरिक्षे तु दृश्यते
praṇipatya ca īśānaṃ balistasya prasīdati | hariścandrapuraṃ divyamaṃtarikṣe tu dṛśyate
And having bowed down to Īśāna, his offering is favourably received; and the divine city of Hariścandra is seen in the sky.
AI translation rendered from the Sanskrit, not a published edition — the model flagged this verse as uncertain
PdP 3 20.75
चक्रध्वजे समावृत्ते सुप्ते नागारिकेतने । नर्मदातोयवेगेन रुरुकच्छोपसेवितम्
cakradhvaje samāvṛtte supte nāgāriketane | narmadātoyavegena rurukacchopasevitam
When the disc-bannered one (Viṣṇu) has turned about, asleep in the abode of the serpent — (that place) frequented by Rurukaccha, by the rush of the Narmadā's waters.
AI translation rendered from the Sanskrit, not a published edition — the model flagged this verse as uncertain
PdP 3 20.76
तस्मिन्स्थाने निवासं च विष्णुः शंकरमब्रवीत् । द्वीपेश्वरे नरः स्नात्वा लभेद्बहुसुवर्णकम्
tasminsthāne nivāsaṃ ca viṣṇuḥ śaṃkaramabravīt | dvīpeśvare naraḥ snātvā labhedbahusuvarṇakam
And Viṣṇu declared to Śaṃkara (his) dwelling in that place. A man who bathes at Dvīpeśvara would obtain much gold.
AI translation rendered from the Sanskrit, not a published edition
PdP 3 20.77
ततो गच्छेत राजेंद्र रुद्रकन्यां तु संगमे । स्नातमात्रो नरस्तत्र देव्याः स्थानमवाप्नुयात्
tato gaccheta rājeṃdra rudrakanyāṃ tu saṃgame | snātamātro narastatra devyāḥ sthānamavāpnuyāt
Then, O lord of kings, one should go to the Rudrakanyā at (her) confluence; a man there, merely by bathing, would attain the abode of the Goddess.
AI translation rendered from the Sanskrit, not a published edition
PdP 3 20.78
देवतीर्थं ततो गच्छेत्सर्वदेवनमस्कृतम् । तत्र स्नात्वा तु राजेंद्र दैवतैः सह मोदते
devatīrthaṃ tato gacchetsarvadevanamaskṛtam | tatra snātvā tu rājeṃdra daivataiḥ saha modate
Then one should go to Devatīrtha, saluted by all the gods; having bathed there, O lord of kings, one rejoices together with the gods.
AI translation rendered from the Sanskrit, not a published edition
PdP 3 20.79
ततो गच्छेत राजेंद्र शिखितीर्थमनुत्तमम् । तत्र वै दीयते दानं सर्वं कोटिगुणं भवेत्
tato gaccheta rājeṃdra śikhitīrthamanuttamam | tatra vai dīyate dānaṃ sarvaṃ koṭiguṇaṃ bhavet
Then, O lord of kings, one should go to Śikhitīrtha, unsurpassed; whatever gift is given there becomes ten-million-fold.
AI translation rendered from the Sanskrit, not a published edition
PdP 3 20.80
अपरपक्षे अमावास्यां स्नानं तत्र समाचरेत् । ब्राह्मणं भोजयेदेकं कोटिर्भवति भोजिता
aparapakṣe amāvāsyāṃ snānaṃ tatra samācaret | brāhmaṇaṃ bhojayedekaṃ koṭirbhavati bhojitā
In the dark fortnight, on the new-moon day, one should perform bathing there; should one feed a single brahmin, ten million have been fed.
AI translation rendered from the Sanskrit, not a published edition
PdP 3 20.81
भृगुतीर्थे तु राजेंद्र तीर्थकोटिर्व्यवस्थिता । अकामो वा सकामो वा तत्र स्नायीत मानवः
bhṛgutīrthe tu rājeṃdra tīrthakoṭirvyavasthitā | akāmo vā sakāmo vā tatra snāyīta mānavaḥ
But at Bhṛgutīrtha, O lord of kings, ten million sacred fords are established; whether without desire or with desire, let a man bathe there.
AI translation rendered from the Sanskrit, not a published edition
PdP 3 20.82
अश्वमेधमवाप्नोति दैवतैः सह मोदते । तत्र सिद्धमवाप्नोति भृगुस्तु मुनिपुंगवः । अवतारः कृतस्तेन शंकरेण महात्मना
aśvamedhamavāpnoti daivataiḥ saha modate | tatra siddhamavāpnoti bhṛgustu munipuṃgavaḥ | avatāraḥ kṛtastena śaṃkareṇa mahātmanā
He obtains (the merit of) a horse sacrifice and rejoices together with the gods. There Bhṛgu, the bull among sages, attained perfection; and by that great-souled Śaṃkara a descent (incarnation) was made.
AI translation rendered from the Sanskrit, not a published edition