Padma Purana — Svarga Khanda — Chapter 18
PdP 3 18.1
नारद उवाच-। तदाप्रभृति ब्रह्माद्या ऋषयश्च तपोधनाः । सेवंते नर्मदां राजन्कामक्रोधविवर्जिताः
nārada uvāca-| tadāprabhṛti brahmādyā ṛṣayaśca tapodhanāḥ | sevaṃte narmadāṃ rājankāmakrodhavivarjitāḥ
Nārada said: From that time on, Brahmā and the others, and the seers rich in austerity, frequent the Narmadā, O king, free from desire and anger.
AI translation rendered from the Sanskrit, not a published edition
PdP 3 18.2
तस्मिन्निपति तं दृष्ट्वा शूलं देवस्य भूतले । तस्य पुण्यं समाख्यातं शंकरेण महात्मना
tasminnipati taṃ dṛṣṭvā śūlaṃ devasya bhūtale | tasya puṇyaṃ samākhyātaṃ śaṃkareṇa mahātmanā
Seeing the god's trident fallen there on the ground, its merit was fully declared by the great-souled Śaṃkara.
AI translation rendered from the Sanskrit, not a published edition — the model flagged this verse as uncertain
PdP 3 18.3
शूलभेदेति विख्यातं तीर्थं पुण्यतमं महत् । तत्र स्नात्वार्च्चयेद्देवं गोसहस्रफलं लभेत्
śūlabhedeti vikhyātaṃ tīrthaṃ puṇyatamaṃ mahat | tatra snātvārccayeddevaṃ gosahasraphalaṃ labhet
It is the great, most holy shrine renowned as Śūlabheda; having bathed there one should worship the god, and one obtains the fruit of a thousand cows.
AI translation rendered from the Sanskrit, not a published edition
PdP 3 18.4
त्रिरात्रं कारयेद्यस्तु तस्मिन्तीर्थे नराधिप । अर्चयित्वा महादेवं पुनर्जन्म न विद्यते
trirātraṃ kārayedyastu tasmintīrthe narādhipa | arcayitvā mahādevaṃ punarjanma na vidyate
And whoever spends three nights at that shrine, O ruler of men, having worshipped Mahādeva, for him there is no rebirth.
AI translation rendered from the Sanskrit, not a published edition
PdP 3 18.5
भीमेश्वरं ततो गच्छेन्नर्मदेश्वरमुत्तमम् । आदित्येश्वरं महापुण्यं तथाऽज्यमधुना सह
bhīmeśvaraṃ tato gacchennarmadeśvaramuttamam | ādityeśvaraṃ mahāpuṇyaṃ tathā'jyamadhunā saha
Then one should go to Bhīmeśvara, and to the excellent Narmadeśvara, (and) to the greatly holy Ādityeśvara, along with ghee and honey.
AI translation rendered from the Sanskrit, not a published edition — the model flagged this verse as uncertain
PdP 3 18.6
मल्लिकेश्वरमभ्यर्च्य पर्याप्तं जन्मनः फलम् । वरुणेश्वरं ततः पश्येन्नीराजेश्वरमुत्तमम्
mallikeśvaramabhyarcya paryāptaṃ janmanaḥ phalam | varuṇeśvaraṃ tataḥ paśyennīrājeśvaramuttamam
Having worshipped Mallikeśvara, the fruit of (one's) birth is complete. Then one should behold Varuṇeśvara and the excellent Nīrājeśvara.
AI translation rendered from the Sanskrit, not a published edition
PdP 3 18.7
सर्वतीर्थफलं तस्य पंचायतनदर्शनात् । ततोगच्छेत राजेंद्र युद्धं वै यत्र साधितम्
sarvatīrthaphalaṃ tasya paṃcāyatanadarśanāt | tatogaccheta rājeṃdra yuddhaṃ vai yatra sādhitam
For him there is the fruit of all pilgrimage places from the sight of the five shrines. Then, O lord of kings, one should go where the battle was won.
AI translation rendered from the Sanskrit, not a published edition
PdP 3 18.8
कोटितीर्थं तु विख्यातमसुरा यत्र योधिताः । यत्र ते निहता राजन्दानवा बलदर्पिताः
koṭitīrthaṃ tu vikhyātamasurā yatra yodhitāḥ | yatra te nihatā rājandānavā baladarpitāḥ
But (there is) the famed Koṭitīrtha, where the asuras were fought, where, O king, those dānavas proud of their strength were slain.
AI translation rendered from the Sanskrit, not a published edition
PdP 3 18.9
तेषां शिरांसि गृह्यंते निहतास्ते समागताः । तैस्तु संस्थापितो देवः शूलपाणिर्महेश्वरः
teṣāṃ śirāṃsi gṛhyaṃte nihatāste samāgatāḥ | taistu saṃsthāpito devaḥ śūlapāṇirmaheśvaraḥ
Their heads are taken; slain, they came together (there). And by them the god Maheśvara, trident in hand, was installed.
AI translation rendered from the Sanskrit, not a published edition — the model flagged this verse as uncertain
PdP 3 18.10
कोटिर्विनिहता तत्र तेन कोटीश्वरः स्मृतः । दर्शनात्तस्य तीर्थस्य सदेहः स्वर्गमावहेत्
koṭirvinihatā tatra tena koṭīśvaraḥ smṛtaḥ | darśanāttasya tīrthasya sadehaḥ svargamāvahet
A crore (of them) were slain there; hence he is known as Koṭīśvara. By the sight of that tīrtha one would go to heaven with one's body.
AI translation rendered from the Sanskrit, not a published edition
PdP 3 18.11
तदा इंद्रेण क्षुद्रत्वाद्वज्रकीलेन यंत्रितः । तदाप्रभृति लोकानां स्वर्गमत्वं निवारितम्
tadā iṃdreṇa kṣudratvādvajrakīlena yaṃtritaḥ | tadāprabhṛti lokānāṃ svargamatvaṃ nivāritam
Then by Indra, because of (its) meanness, (it) was fastened with the thunderbolt-pin; from that time on the going of people to heaven (in the body) was prevented.
AI translation rendered from the Sanskrit, not a published edition — the model flagged this verse as uncertain
PdP 3 18.12
सघृतं श्रीफलं दत्वा दत्वा चांते प्रदक्षिणम् । सर्वतः सह देवेन शिरसादाय धारयेत् । सर्वकामेन संपूर्णो राजा भवति पांडव
saghṛtaṃ śrīphalaṃ datvā datvā cāṃte pradakṣiṇam | sarvataḥ saha devena śirasādāya dhārayet | sarvakāmena saṃpūrṇo rājā bhavati pāṃḍava
Having offered a bilva fruit with ghee, and having at the end made the circumambulation, one should take (it) up from all sides together with the god and hold it on the head; (such a one), fulfilled in every desire, becomes a king, O Pāṇḍava.
AI translation rendered from the Sanskrit, not a published edition — the model flagged this verse as uncertain
PdP 3 18.13
मृतो रुद्रत्वमाप्नोति न चेह जायते पुनः । स्वर्गं गत्वा ततो राज्यं कृत्वागत्य ततो दिवम्
mṛto rudratvamāpnoti na ceha jāyate punaḥ | svargaṃ gatvā tato rājyaṃ kṛtvāgatya tato divam
When dead he attains the state of Rudra and is not born here again; having gone to heaven, then (having enjoyed) kingship, and having come (back), then (he goes) to heaven.
AI translation rendered from the Sanskrit, not a published edition — the model flagged this verse as uncertain
PdP 3 18.14
महादेवं तथोपास्य त्रयोदश्यां हि मानवः । स्नातमात्रो नरस्तत्र सर्वयज्ञफलं लभेत्
mahādevaṃ tathopāsya trayodaśyāṃ hi mānavaḥ | snātamātro narastatra sarvayajñaphalaṃ labhet
And so a man, having worshipped Mahādeva on the thirteenth (lunar day) — a man there who has merely bathed obtains the fruit of all sacrifices.
AI translation rendered from the Sanskrit, not a published edition
PdP 3 18.15
ततो गच्छेत राजेंद्र तीर्थं परमशोभनम् । नराणां पापनाशाय अगस्त्येश्वरमुत्तमम्
tato gaccheta rājeṃdra tīrthaṃ paramaśobhanam | narāṇāṃ pāpanāśāya agastyeśvaramuttamam
Then, O best of kings, one should go to the supremely beautiful tīrtha, the excellent Agastyeśvara, for the destruction of men's sins.
AI translation rendered from the Sanskrit, not a published edition
PdP 3 18.16
तत्र स्नात्वा नरो राजन्मुच्यते ब्रह्महत्यया । कार्तिकस्य तु मासस्य कृष्णपक्षचतुर्दशी
tatra snātvā naro rājanmucyate brahmahatyayā | kārtikasya tu māsasya kṛṣṇapakṣacaturdaśī
Having bathed there, O king, a man is freed from the (guilt of) killing a brahmin. And (on) the fourteenth of the dark fortnight of the month of Kārttika,
AI translation rendered from the Sanskrit, not a published edition
PdP 3 18.17
घृतेन स्नापयेद्देवं समाधिस्थो जितेंद्रियः । एकविंशकुलोपेतो न मुच्येदैश्वरात्पदात्
ghṛtena snāpayeddevaṃ samādhistho jiteṃdriyaḥ | ekaviṃśakulopeto na mucyedaiśvarātpadāt
one should bathe the god with ghee, absorbed in concentration, with senses conquered; together with twenty-one generations (of his family) he would not fall away from the state of Īśvara.
AI translation rendered from the Sanskrit, not a published edition
PdP 3 18.18
धेनवोपानहंच्छत्रं तथा दद्याच्च कंबलम् । भोजनं चैव विप्राणां सर्वं कोटिगुणं भवेत्
dhenavopānahaṃcchatraṃ tathā dadyācca kaṃbalam | bhojanaṃ caiva viprāṇāṃ sarvaṃ koṭiguṇaṃ bhavet
One should give a milch cow, sandals, an umbrella, and likewise a blanket, and food for the brahmins: it all becomes a crore-fold (in fruit).
AI translation rendered from the Sanskrit, not a published edition
PdP 3 18.19
ततो गच्छेत राजेंद्र रविस्तवमनुत्तमम् । तत्र स्नात्वा नरो राजन्सिंहासनगतिर्भवेत्
tato gaccheta rājeṃdra ravistavamanuttamam | tatra snātvā naro rājansiṃhāsanagatirbhavet
Then, O best of kings, one should go to the unsurpassed Ravistava; having bathed there, O king, a man attains a place on a lion-throne.
AI translation rendered from the Sanskrit, not a published edition
PdP 3 18.20
नर्मदा दक्षिणे कूले तीर्थं शक्रस्य विश्रुतम् । उपोष्य रजनीमेकां स्नानं तत्र समाचरेत्
narmadā dakṣiṇe kūle tīrthaṃ śakrasya viśrutam | upoṣya rajanīmekāṃ snānaṃ tatra samācaret
On the southern bank of the Narmadā is the renowned tīrtha of Śakra; having fasted for one night, one should perform the bath there.
AI translation rendered from the Sanskrit, not a published edition
PdP 3 18.21
स्नानं कृत्वा यथान्यायमर्च्चयेत्तु जनार्दनम् । गोसहस्रफलं तस्य विष्णुलोकं स गच्छति
snānaṃ kṛtvā yathānyāyamarccayettu janārdanam | gosahasraphalaṃ tasya viṣṇulokaṃ sa gacchati
Having bathed, one should worship Janārdana according to rule; his is the fruit of a thousand cows, and he goes to the world of Viṣṇu.
AI translation rendered from the Sanskrit, not a published edition
PdP 3 18.22
ऋषितीर्थं ततो गच्छेत्सर्वपापहरं नृणाम् । स्नातमात्रो नरस्तत्र शिवलोके महीयते
ṛṣitīrthaṃ tato gacchetsarvapāpaharaṃ nṛṇām | snātamātro narastatra śivaloke mahīyate
Then one should go to Ṛṣitīrtha, which removes all sins of men; a man there who has merely bathed is honoured in the world of Śiva.
AI translation rendered from the Sanskrit, not a published edition
PdP 3 18.23
नारदस्य च तत्रैव तीर्थं परमशोभनम् । स्नातमात्रो नरस्तत्र गोसहस्रफलं लभेत्
nāradasya ca tatraiva tīrthaṃ paramaśobhanam | snātamātro narastatra gosahasraphalaṃ labhet
And in that very place is Nārada's supremely beautiful tīrtha; a man there who has merely bathed obtains the fruit of a thousand cows.
AI translation rendered from the Sanskrit, not a published edition
PdP 3 18.24
देवतीर्थं ततो गच्छेद्ब्रह्मणा निर्मितं पुरा । तत्र स्नात्वा नरो राजन्ब्रह्मलोके महीयते
devatīrthaṃ tato gacchedbrahmaṇā nirmitaṃ purā | tatra snātvā naro rājanbrahmaloke mahīyate
Then one should go to Devatīrtha, fashioned of old by Brahmā; having bathed there, O king, a man is honoured in the world of Brahmā.
AI translation rendered from the Sanskrit, not a published edition
PdP 3 18.25
अमरकंटकं ततो गच्छेदमरस्थापितं पुरा । स्नातमात्रो नरस्तत्र गोसहस्रफलं लभेत्
amarakaṃṭakaṃ tato gacchedamarasthāpitaṃ purā | snātamātro narastatra gosahasraphalaṃ labhet
Then one should go to Amarakaṇṭaka, established of old by the immortals; a man there who has merely bathed obtains the fruit of a thousand cows.
AI translation rendered from the Sanskrit, not a published edition
PdP 3 18.26
ततो गच्छेत राजेंद्र वामनेश्वरमुत्तमम् । तत्र वामनकं दृष्ट्वा मुच्यते ब्रह्महत्यया
tato gaccheta rājeṃdra vāmaneśvaramuttamam | tatra vāmanakaṃ dṛṣṭvā mucyate brahmahatyayā
Then, O best of kings, one should go to the excellent Vāmaneśvara; there, having seen Vāmanaka, one is freed from the (guilt of) killing a brahmin.
AI translation rendered from the Sanskrit, not a published edition
PdP 3 18.27
ऋषितीर्थं ततो गच्छेदीशानेशं पुमान्ध्रुवम् । वटेश्वरं ततो दृष्ट्वा पर्य्याप्तं जन्मनः फलम्
ṛṣitīrthaṃ tato gacchedīśāneśaṃ pumāndhruvam | vaṭeśvaraṃ tato dṛṣṭvā paryyāptaṃ janmanaḥ phalam
Then a man should go to Ṛṣitīrtha, (and) surely to Īśāneśa; then, having seen Vaṭeśvara, the fruit of (his) birth is complete.
AI translation rendered from the Sanskrit, not a published edition — the model flagged this verse as uncertain
PdP 3 18.28
भीमेश्वरं ततो गच्छेत्सर्वव्याधिविनाशनम् । स्नातमात्रो नरो राजन्सर्वदुःखात्प्रमुच्यते
bhīmeśvaraṃ tato gacchetsarvavyādhivināśanam | snātamātro naro rājansarvaduḥkhātpramucyate
Then he should go to Bhīmeśvara, destroyer of all diseases; merely by bathing (there), O king, a man is released from all sorrow.
AI translation rendered from the Sanskrit, not a published edition
PdP 3 18.29
ततो गच्छेत राजेंद्र वारणेश्वरमुत्तमम् । तत्र स्नात्वा नरो राजन्सर्वदुःखात्प्रमुच्यते
tato gaccheta rājeṃdra vāraṇeśvaramuttamam | tatra snātvā naro rājansarvaduḥkhātpramucyate
Then, O lord of kings, he should go to the excellent Vāraṇeśvara; having bathed there, O king, a man is released from all sorrow.
AI translation rendered from the Sanskrit, not a published edition
PdP 3 18.30
सोमतीर्थं ततो गच्छेत्पश्येच्चंद्रमनुत्तमम् । तत्र स्नात्वा नरो राजन्भक्त्या परमया युतः
somatīrthaṃ tato gacchetpaśyeccaṃdramanuttamam | tatra snātvā naro rājanbhaktyā paramayā yutaḥ
Then he should go to Somatīrtha and should behold the incomparable Moon; having bathed there, O king, a man endowed with supreme devotion —
AI translation rendered from the Sanskrit, not a published edition
PdP 3 18.31
तत्क्षणाद्दिव्यदेहस्थः शिववन्मोदते चिरम् । षष्टिवर्षसहस्राणि शिवलोके महीयते
tatkṣaṇāddivyadehasthaḥ śivavanmodate ciram | ṣaṣṭivarṣasahasrāṇi śivaloke mahīyate
— that very instant, established in a divine body, he rejoices long like Śiva; for sixty thousand years he is honoured in Śiva's world.
AI translation rendered from the Sanskrit, not a published edition
PdP 3 18.32
ततो गच्छेत राजेंद्र पिंगलेश्वरमुत्तमम् । अहोरात्रोपवासेन त्रिरात्रफलमाप्नुयात्
tato gaccheta rājeṃdra piṃgaleśvaramuttamam | ahorātropavāsena trirātraphalamāpnuyāt
Then, O lord of kings, he should go to the excellent Piṅgaleśvara; by fasting a day and a night he would gain the fruit of three nights.
AI translation rendered from the Sanskrit, not a published edition
PdP 3 18.33
तस्मिंस्तीर्थे तु राजेंद्र कपिलां यः प्रयच्छति । यावंति तस्या रोमाणि तत्प्रसूतकुलस्य च
tasmiṃstīrthe tu rājeṃdra kapilāṃ yaḥ prayacchati | yāvaṃti tasyā romāṇi tatprasūtakulasya ca
But at that tīrtha, O lord of kings, whoever gives away a tawny cow — as many as are her hairs, and (those) of the family born from her,
AI translation rendered from the Sanskrit, not a published edition
PdP 3 18.34
तावद्वर्षसहस्राणि रुद्रलोके महीयते । यस्तुप्राणपरित्यागं तत्र कुर्य्यान्नराधिप
tāvadvarṣasahasrāṇi rudraloke mahīyate | yastuprāṇaparityāgaṃ tatra kuryyānnarādhipa
for that many thousands of years he is honoured in Rudra's world. And he who gives up his life-breaths there, O ruler of men,
AI translation rendered from the Sanskrit, not a published edition
PdP 3 18.35
अक्षयं मोदते कालं यावच्चंद्रदिवाकरौ । नर्मदातटमाश्रित्य तिष्ठंति ये तु मानवाः
akṣayaṃ modate kālaṃ yāvaccaṃdradivākarau | narmadātaṭamāśritya tiṣṭhaṃti ye tu mānavāḥ
he rejoices for undecaying time, as long as the moon and sun (endure). And those men who dwell resorting to the bank of the Narmadā,
AI translation rendered from the Sanskrit, not a published edition
PdP 3 18.36
ते मृताः स्वर्गमायांति तथा सुकृतिनो यथा । सुरभिकेश्वरं गच्छेन्नारकं कोटिकेश्वरम्
te mṛtāḥ svargamāyāṃti tathā sukṛtino yathā | surabhikeśvaraṃ gacchennārakaṃ koṭikeśvaram
they, when dead, go to heaven just as do doers of good deeds. He should go to Surabhikeśvara, to Nāraka, to Koṭikeśvara.
AI translation rendered from the Sanskrit, not a published edition
PdP 3 18.37
गंगावतरणे तत्र दिने पुण्यो न संशयः । नंदितीर्थं ततो गच्छेत्स्नानं तत्र समाचरेत्
gaṃgāvataraṇe tatra dine puṇyo na saṃśayaḥ | naṃditīrthaṃ tato gacchetsnānaṃ tatra samācaret
There, on the day of the Ganges' descent, (it is) meritorious, without doubt. Then he should go to Nanditīrtha and should perform bathing there.
AI translation rendered from the Sanskrit, not a published edition
PdP 3 18.38
तुष्यते तं तु नंदीशः सोमलोके महीयते । ततो द्वीपेश्वरं गच्छेद्व्यासतीर्थं तपोवनम्
tuṣyate taṃ tu naṃdīśaḥ somaloke mahīyate | tato dvīpeśvaraṃ gacchedvyāsatīrthaṃ tapovanam
Nandīśa is pleased with him, (and) he is honoured in the world of Soma. Then he should go to Dvīpeśvara, to Vyāsatīrtha, the penance-grove.
AI translation rendered from the Sanskrit, not a published edition
PdP 3 18.39
निवर्तिता पुरा तत्र व्यासभीता महानदी । हुंकारिता तु व्यासेन दक्षिणेन ततो गता
nivartitā purā tatra vyāsabhītā mahānadī | huṃkāritā tu vyāsena dakṣiṇena tato gatā
There of old the great river was turned back, being afraid of Vyāsa; made to roar 'hum' by Vyāsa, she then went southward.
AI translation rendered from the Sanskrit, not a published edition
PdP 3 18.40
प्रदक्षिणं तु यः कुर्यात्तस्मिंस्तीर्थे नराधिप । व्यासस्तस्य भवेत्प्रीतो वांछितं लभते फलम्
pradakṣiṇaṃ tu yaḥ kuryāttasmiṃstīrthe narādhipa | vyāsastasya bhavetprīto vāṃchitaṃ labhate phalam
And whoever performs circumambulation at that tīrtha, O ruler of men, Vyāsa becomes pleased with him and he obtains the fruit he wishes.
AI translation rendered from the Sanskrit, not a published edition
PdP 3 18.41
सूत्रेण वेष्टयेद्यस्तु दीप्तं देवं सवेदिकम् । क्रीडते ह्यक्षयं कालं यथा रुद्रस्तथैव सः
sūtreṇa veṣṭayedyastu dīptaṃ devaṃ savedikam | krīḍate hyakṣayaṃ kālaṃ yathā rudrastathaiva saḥ
And whoever wraps the shining god together with his altar with a thread, he sports for undecaying time, just as Rudra does.
AI translation rendered from the Sanskrit, not a published edition
PdP 3 18.42
ततो गच्छेत राजेंद्र एरंडीतीर्थमुत्तमम् । संगमे तु नरः स्नात्वा मुच्यते सर्वपातकैः
tato gaccheta rājeṃdra eraṃḍītīrthamuttamam | saṃgame tu naraḥ snātvā mucyate sarvapātakaiḥ
Then, O lord of kings, he should go to the excellent Eraṇḍītīrtha; a man who bathes at the confluence is freed from all sins.
AI translation rendered from the Sanskrit, not a published edition
PdP 3 18.43
एरंडी त्रिषु लोकेषु विख्याता पापनाशिनी । अथवाश्वयुजे मासे शुक्लपक्षस्य चाष्टमी
eraṃḍī triṣu lokeṣu vikhyātā pāpanāśinī | athavāśvayuje māse śuklapakṣasya cāṣṭamī
Eraṇḍī is renowned in the three worlds as destroyer of sin. Or else, in the month of Āśvayuja, on the eighth of the bright fortnight,
AI translation rendered from the Sanskrit, not a published edition
PdP 3 18.44
शुचिर्भूत्वा नरः स्नात्वा सोपवासपरायणः
śucirbhūtvā naraḥ snātvā sopavāsaparāyaṇaḥ
a man, having become pure and having bathed, devoted to fasting,
AI translation rendered from the Sanskrit, not a published edition
PdP 3 18.45
ब्राह्मणं भोजयेदेकं कोटिर्भवति भोजिता । एरंडीसंगमे स्नात्वा भक्तिभावानुरंजितः
brāhmaṇaṃ bhojayedekaṃ koṭirbhavati bhojitā | eraṃḍīsaṃgame snātvā bhaktibhāvānuraṃjitaḥ
should feed a single brahmin — a crore have been fed (thereby). Having bathed at the confluence of the Eraṇḍī, coloured with the mood of devotion,
AI translation rendered from the Sanskrit, not a published edition
PdP 3 18.46
शुक्तिकां शिरसि स्थाप्य अवगाह्य च वै जलम् । नर्मदोदकसंमिश्रं मुच्यते सर्वकिल्बषैः
śuktikāṃ śirasi sthāpya avagāhya ca vai jalam | narmadodakasaṃmiśraṃ mucyate sarvakilbaṣaiḥ
having placed an oyster-shell on his head and plunged into the water mingled with the Narmadā's water, he is freed from all defilements.
AI translation rendered from the Sanskrit, not a published edition
PdP 3 18.47
प्रदक्षिणं तु यः कुर्यात्तस्मिंस्तीर्थे नराधिप । प्रदक्षिणीकृता तेन सप्तद्वीपा वसुंधरा
pradakṣiṇaṃ tu yaḥ kuryāttasmiṃstīrthe narādhipa | pradakṣiṇīkṛtā tena saptadvīpā vasuṃdharā
And whoever performs circumambulation at that tīrtha, O ruler of men, by him the earth with its seven continents has been circumambulated.
AI translation rendered from the Sanskrit, not a published edition
PdP 3 18.48
ततः सुवर्णतिलके स्नात्वा दत्वा च कांचनम् । कांचनेन विमानेन रुद्रलोके महीयते
tataḥ suvarṇatilake snātvā datvā ca kāṃcanam | kāṃcanena vimānena rudraloke mahīyate
Then, having bathed at Suvarṇatilaka and given gold, (a man) is honoured in Rudra's world, (going there) in a golden aerial chariot.
AI translation rendered from the Sanskrit, not a published edition
PdP 3 18.49
ततः स्वर्गच्युतः कालाद्राजा भवति वीर्यवान् । ततो गच्छेत राजेंद्र इक्षुनद्यास्तु संगमम्
tataḥ svargacyutaḥ kālādrājā bhavati vīryavān | tato gaccheta rājeṃdra ikṣunadyāstu saṃgamam
Then, fallen from heaven in the course of time, he becomes a valiant king. Then, O chief of kings, one should go to the confluence of the Ikṣu river,
AI translation rendered from the Sanskrit, not a published edition
PdP 3 18.50
त्रैलोक्ये विश्रुतं दिव्यं तत्र संनिहितः शिवः । तत्र स्नात्वा नरो राजन्गाणपत्यमवाऽप्नुयात्
trailokye viśrutaṃ divyaṃ tatra saṃnihitaḥ śivaḥ | tatra snātvā naro rājangāṇapatyamavā'pnuyāt
famed in the three worlds and divine; there Śiva is present. Bathing there, O king, a man would obtain the rank of a gaṇa-lord.
AI translation rendered from the Sanskrit, not a published edition
PdP 3 18.51
स्कंदतीर्थं ततो गच्छेत्सर्वपापप्रणाशनम् । आजन्मनः कृतं पापं स्नानमात्राद्व्यपोहति
skaṃdatīrthaṃ tato gacchetsarvapāpapraṇāśanam | ājanmanaḥ kṛtaṃ pāpaṃ snānamātrādvyapohati
Then one should go to Skanda's sacred ford, which destroys all sins; the sin committed since birth it removes by bathing alone.
AI translation rendered from the Sanskrit, not a published edition
PdP 3 18.52
आंगिरसं ततो गच्छेत्स्नानं तत्र समाचरेत् । गोसहस्रफलं तस्य रुद्रलोके महीयते
āṃgirasaṃ tato gacchetsnānaṃ tatra samācaret | gosahasraphalaṃ tasya rudraloke mahīyate
Then one should go to Āṅgirasa and there perform a bath; his is the reward of a thousand cows, and he is honoured in Rudra's world.
AI translation rendered from the Sanskrit, not a published edition
PdP 3 18.53
लांगलतीर्थं ततो गच्छेत्सर्वपापप्रणाशनम् । तत्र गत्वा तु राजेंद्र स्नानं तत्र समाचरेत्
lāṃgalatīrthaṃ tato gacchetsarvapāpapraṇāśanam | tatra gatvā tu rājeṃdra snānaṃ tatra samācaret
Then one should go to the Lāṅgala ford, which destroys all sins; having gone there, O chief of kings, one should perform a bath there.
AI translation rendered from the Sanskrit, not a published edition
PdP 3 18.54
सप्तजन्मकृतैः पापैर्मुच्यते नात्र संशयः । वटेश्वरं ततो गच्छेत्सर्वतीर्थमनुत्तमम्
saptajanmakṛtaiḥ pāpairmucyate nātra saṃśayaḥ | vaṭeśvaraṃ tato gacchetsarvatīrthamanuttamam
He is freed from the sins committed in seven births — there is no doubt of it. Then one should go to Vaṭeśvara, the most excellent of all fords.
AI translation rendered from the Sanskrit, not a published edition
PdP 3 18.55
तत्र स्नात्वा नरो राजन्गोसहस्रफलं लभेत् । संगमेश्वरं ततो गच्छेत्सर्वपापहरं परम्
tatra snātvā naro rājangosahasraphalaṃ labhet | saṃgameśvaraṃ tato gacchetsarvapāpaharaṃ param
Bathing there, O king, a man would gain the reward of a thousand cows. Then one should go to Saṃgameśvara, supreme, remover of all sin.
AI translation rendered from the Sanskrit, not a published edition
PdP 3 18.56
तत्र स्नात्वा नरो राज्यं लभते नात्र संशयः । भद्रतीर्थं समासाद्य दानं दद्यात्तु यो नरः
tatra snātvā naro rājyaṃ labhate nātra saṃśayaḥ | bhadratīrthaṃ samāsādya dānaṃ dadyāttu yo naraḥ
Bathing there a man obtains a kingdom — there is no doubt of it. And the man who, reaching the Bhadra ford, gives a gift —
AI translation rendered from the Sanskrit, not a published edition
PdP 3 18.57
तस्य तीर्थप्रभावेण सर्वं कोटिगुणं भवेत् । अथ नारी भवेत्कापि तत्र स्नानं समाचरेत्
tasya tīrthaprabhāveṇa sarvaṃ koṭiguṇaṃ bhavet | atha nārī bhavetkāpi tatra snānaṃ samācaret
by the power of that ford everything of his becomes ten million times (as great). And if there be any woman, let her perform a bath there:
AI translation rendered from the Sanskrit, not a published edition
PdP 3 18.58
गौरीतुल्या भवेत्सा तु इंद्रं याति न संशयः । अंगारेश्वरं ततो गच्छेत्स्नानं तत्र समाचरेत्
gaurītulyā bhavetsā tu iṃdraṃ yāti na saṃśayaḥ | aṃgāreśvaraṃ tato gacchetsnānaṃ tatra samācaret
she becomes equal to Gaurī and goes to Indra — no doubt of it. Then one should go to Aṅgāreśvara and perform a bath there.
AI translation rendered from the Sanskrit, not a published edition
PdP 3 18.59
स्नातमात्रो नरस्तत्र रुद्रलोके महीयते । अंगारक्यां चतुर्थ्यां तु स्नानं तत्र समाचरेत्
snātamātro narastatra rudraloke mahīyate | aṃgārakyāṃ caturthyāṃ tu snānaṃ tatra samācaret
A man there, merely by bathing, is honoured in Rudra's world. And on the fourth day (of the fortnight) falling on a Tuesday one should perform a bath there:
AI translation rendered from the Sanskrit, not a published edition
PdP 3 18.60
अक्षयं मोदते कालं मुरारिकृतशासनः । अयोनिसंगमे स्नात्वा न पश्येद्योनिमंदिरम्
akṣayaṃ modate kālaṃ murārikṛtaśāsanaḥ | ayonisaṃgame snātvā na paśyedyonimaṃdiram
he rejoices for undecaying time, holding authority granted by Murāri. Having bathed at Ayonisaṃgama, one would not see the house of the womb (again).
AI translation rendered from the Sanskrit, not a published edition
PdP 3 18.61
पांडवेश्वरकं गत्वा स्नानं तत्र समाचरेत् । अक्षयं मोदते कालमवध्यस्तु सुरासुरैः
pāṃḍaveśvarakaṃ gatvā snānaṃ tatra samācaret | akṣayaṃ modate kālamavadhyastu surāsuraiḥ
Having gone to Pāṇḍaveśvaraka one should perform a bath there; he rejoices for undecaying time, and cannot be slain by gods or demons.
AI translation rendered from the Sanskrit, not a published edition
PdP 3 18.62
विष्णुलोकं ततो गत्वा क्रीडाभोगसमन्वितः । तत्र भुक्त्वा महाभोगान्मर्त्ये राजाभिजायते
viṣṇulokaṃ tato gatvā krīḍābhogasamanvitaḥ | tatra bhuktvā mahābhogānmartye rājābhijāyate
Then, having gone to Viṣṇu's world, furnished with play and enjoyments, and having enjoyed great pleasures there, he is born in the mortal world as a king.
AI translation rendered from the Sanskrit, not a published edition
PdP 3 18.63
कंबोतिकेश्वरं गच्छेत्स्नानं तत्र समाचरेत् । उत्तरायणे तु संप्राप्ते यदिच्छेत्तस्य तद्भवेत्
kaṃbotikeśvaraṃ gacchetsnānaṃ tatra samācaret | uttarāyaṇe tu saṃprāpte yadicchettasya tadbhavet
One should go to Kambotikeśvara and perform a bath there; and when the sun's northward course has arrived, whatever he wishes becomes his.
AI translation rendered from the Sanskrit, not a published edition
PdP 3 18.64
चंद्रभागां ततो गच्छेत्स्नानं तत्र समाचरेत् । स्नातमात्रो नरस्तत्र सोमलोके महीयते
caṃdrabhāgāṃ tato gacchetsnānaṃ tatra samācaret | snātamātro narastatra somaloke mahīyate
Then one should go to the Candrabhāgā and perform a bath there; a man there, merely by bathing, is honoured in the world of the moon.
AI translation rendered from the Sanskrit, not a published edition
PdP 3 18.65
ततो गच्छेत राजेंद्र तीर्थं शक्रस्य विश्रुतम् । पूजितं देवराजेन देवैरपि नमस्कृतम्
tato gaccheta rājeṃdra tīrthaṃ śakrasya viśrutam | pūjitaṃ devarājena devairapi namaskṛtam
Then, O chief of kings, one should go to the renowned ford of Śakra, worshipped by the king of the gods and saluted even by the gods.
AI translation rendered from the Sanskrit, not a published edition
PdP 3 18.66
तत्र स्नात्वा नरो राजन्दानं दत्वा च कांचनम् । अथवा नीलवर्णाभं वृषभं यः समुत्सृजेत्
tatra snātvā naro rājandānaṃ datvā ca kāṃcanam | athavā nīlavarṇābhaṃ vṛṣabhaṃ yaḥ samutsṛjet
Bathing there, O king, a man who gives a gift, and gold, or else who releases a bull of dark-blue colour —
AI translation rendered from the Sanskrit, not a published edition
PdP 3 18.67
वृषभस्य तु रोमाणि तत्प्रसूतिकुलेषु च । तावद्वर्षसहस्राणि नरो हरपुरे वसेत्
vṛṣabhasya tu romāṇi tatprasūtikuleṣu ca | tāvadvarṣasahasrāṇi naro harapure vaset
as many as are the hairs of the bull and (the hairs) in the lines of its offspring, for that many thousands of years the man dwells in Hara's city.
AI translation rendered from the Sanskrit, not a published edition
PdP 3 18.68
ततः स्वर्गात्परिभ्रष्टो राजा भवति वीर्यवान् । अश्वानां श्वेतवर्णानां सहस्रेषु नराधिप
tataḥ svargātparibhraṣṭo rājā bhavati vīryavān | aśvānāṃ śvetavarṇānāṃ sahasreṣu narādhipa
Then, when he falls from heaven, he becomes a valorous king, O lord of men, and among thousands of white-coloured horses
AI translation rendered from the Sanskrit, not a published edition
PdP 3 18.69
स्वामी भवति मर्त्येषु तस्य तीर्थ प्रभावतः । ततो गच्छेत राजेंद्र ब्रह्मावर्त्तमनुत्तमम्
svāmī bhavati martyeṣu tasya tīrtha prabhāvataḥ | tato gaccheta rājeṃdra brahmāvarttamanuttamam
he becomes master among mortals, by the power of that sacred place. Then, O lord of kings, one should go to Brahmāvarta, unsurpassed.
AI translation rendered from the Sanskrit, not a published edition
PdP 3 18.70
तत्र स्नात्वा नरो राजंस्तर्पयेत्पितृदेवताः । उपोष्य रजनीमेकां पिंडं दत्वा यथाविधि
tatra snātvā naro rājaṃstarpayetpitṛdevatāḥ | upoṣya rajanīmekāṃ piṃḍaṃ datvā yathāvidhi
Having bathed there, O king, a man should satisfy the ancestors and the gods; fasting for one night and offering a rice-ball according to the rule,
AI translation rendered from the Sanskrit, not a published edition
PdP 3 18.71
कन्यागते यथाऽदित्ये अक्षयं संचितं भवेत् । ततो गच्छेत राजेंद्र कपिलातीर्थमुत्तमम्
kanyāgate yathā'ditye akṣayaṃ saṃcitaṃ bhavet | tato gaccheta rājeṃdra kapilātīrthamuttamam
when the sun stands in Virgo, what has been accumulated becomes imperishable. Then, O lord of kings, one should go to the excellent Kapilā-tīrtha.
AI translation rendered from the Sanskrit, not a published edition
PdP 3 18.72
तत्र स्नात्वा नरो राजन्कपिलां यः प्रयच्छति । संपूर्णां पृथिवीं दत्वा यत्फलं तदवाप्नुयात्
tatra snātvā naro rājankapilāṃ yaḥ prayacchati | saṃpūrṇāṃ pṛthivīṃ datvā yatphalaṃ tadavāpnuyāt
He who bathes there, O king, and bestows a tawny cow, obtains that fruit which (comes) from giving away the whole earth.
AI translation rendered from the Sanskrit, not a published edition
PdP 3 18.73
नर्मदेश्वरं परं तीर्थं न भूतं न भविष्यति । तत्र स्नात्वा नरो राजन्नश्वमेधफलं लभेत्
narmadeśvaraṃ paraṃ tīrthaṃ na bhūtaṃ na bhaviṣyati | tatra snātvā naro rājannaśvamedhaphalaṃ labhet
There is not, and will not be, a sacred place higher than Narmadeśvara; having bathed there, O king, a man gains the fruit of a horse-sacrifice.
AI translation rendered from the Sanskrit, not a published edition
PdP 3 18.74
तत्र सर्वगतो राजा पृथिव्यामभिजायते । सर्वलक्षणसंपूर्णः सर्वव्याधिविवर्जितः
tatra sarvagato rājā pṛthivyāmabhijāyate | sarvalakṣaṇasaṃpūrṇaḥ sarvavyādhivivarjitaḥ
There (by that) he is born on earth as a king who goes everywhere, complete in all auspicious marks, free of all disease.
AI translation rendered from the Sanskrit, not a published edition
PdP 3 18.75
नार्मदीयोत्तरेकूले तीर्थं परमशोभनम् । आदित्यायतनं रम्यमीश्वरेण तु भावितम्
nārmadīyottarekūle tīrthaṃ paramaśobhanam | ādityāyatanaṃ ramyamīśvareṇa tu bhāvitam
On the northern bank of the Narmadā there is a most beautiful sacred place, a lovely shrine of the Sun, brought into being by Īśvara.
AI translation rendered from the Sanskrit, not a published edition
PdP 3 18.76
तत्र स्नात्वा तु राजेंद्र दानं दत्वा च शक्तितः । तस्य तीर्थप्रभावेण दत्तं भवति चाक्षयम्
tatra snātvā tu rājeṃdra dānaṃ datvā ca śaktitaḥ | tasya tīrthaprabhāveṇa dattaṃ bhavati cākṣayam
Having bathed there, O lord of kings, and given a gift according to his means, by the power of that sacred place what he has given becomes imperishable.
AI translation rendered from the Sanskrit, not a published edition
PdP 3 18.77
दरिद्रा व्याधिता ये तु ये च दुष्कृतकर्मणः । मुच्यंते सर्वपापेभ्यः सूर्यलोकं प्रयांति च
daridrā vyādhitā ye tu ye ca duṣkṛtakarmaṇaḥ | mucyaṃte sarvapāpebhyaḥ sūryalokaṃ prayāṃti ca
Those who are poor, those who are diseased, and those whose deeds are evil are freed from all sins and go to the world of the Sun.
AI translation rendered from the Sanskrit, not a published edition
PdP 3 18.78
माघमासे तु संप्राप्ते शुक्लपक्षस्य सप्तमीम् । वसेदायतने यस्तु निरात्मा यो जितेंद्रियः
māghamāse tu saṃprāpte śuklapakṣasya saptamīm | vasedāyatane yastu nirātmā yo jiteṃdriyaḥ
And when the month of Māgha has come, on the seventh of the bright fortnight, whoever, selfless and with senses subdued, dwells at the shrine —
AI translation rendered from the Sanskrit, not a published edition
PdP 3 18.79
न जायते व्याधितश्च कालेंधो बधिरस्तथा । सुभगो रूपसंपन्नः स्त्रीणां भवति वल्लभः
na jāyate vyādhitaśca kāleṃdho badhirastathā | subhago rūpasaṃpannaḥ strīṇāṃ bhavati vallabhaḥ
he is not born diseased, nor blind, nor deaf; he is fortunate, endowed with beauty, and becomes dear to women.
AI translation rendered from the Sanskrit, not a published edition
PdP 3 18.80
इदं तीर्थं महापुण्यं मार्कंडेयेन भाषितम् । ये प्रयांति न राजेंद्र वंचितास्ते न संशयः
idaṃ tīrthaṃ mahāpuṇyaṃ mārkaṃḍeyena bhāṣitam | ye prayāṃti na rājeṃdra vaṃcitāste na saṃśayaḥ
This greatly meritorious sacred place has been proclaimed by Mārkaṇḍeya; those who do not go (there), O lord of kings, are cheated — there is no doubt.
AI translation rendered from the Sanskrit, not a published edition
PdP 3 18.81
मासेश्वरं ततो गच्छेत्स्नानं तत्र समाचरेत् । स्नातमात्रो नरस्तत्र स्वर्गलोकमवाप्नुयात्
māseśvaraṃ tato gacchetsnānaṃ tatra samācaret | snātamātro narastatra svargalokamavāpnuyāt
Then one should go to Māseśvara and perform bathing there; merely by bathing there a man would attain the world of heaven.
AI translation rendered from the Sanskrit, not a published edition
PdP 3 18.82
मोदते सर्वलोकस्थो यावदिंद्राश्चतुर्दश । ततः समीपतः स्थित्वा नागेश्वरं तपोवनम्
modate sarvalokastho yāvadiṃdrāścaturdaśa | tataḥ samīpataḥ sthitvā nāgeśvaraṃ tapovanam
Dwelling in the world of all (the gods) he rejoices for as long as fourteen Indras. Then, staying nearby, (there is) the ascetics' grove Nāgeśvara.
AI translation rendered from the Sanskrit, not a published edition — the model flagged this verse as uncertain
PdP 3 18.83
तत्र स्नात्वा तु राजेंद्र शुचिर्भूत्वा समाहितः । बहुभिर्नागकन्याभिः क्रीडते कालमक्षयम्
tatra snātvā tu rājeṃdra śucirbhūtvā samāhitaḥ | bahubhirnāgakanyābhiḥ krīḍate kālamakṣayam
Having bathed there, O lord of kings, becoming pure and composed, one plays with many serpent-maidens for an endless time.
AI translation rendered from the Sanskrit, not a published edition
PdP 3 18.84
कुबेरभवनं गच्छेत्कुबेरो यत्र संस्थितः । कालेश्वरं परं तीर्थं कुबेरो यत्र तोषितः
kuberabhavanaṃ gacchetkubero yatra saṃsthitaḥ | kāleśvaraṃ paraṃ tīrthaṃ kubero yatra toṣitaḥ
One should go to Kubera's dwelling, where Kubera abides — Kāleśvara, the supreme sacred place, where Kubera was gratified,
AI translation rendered from the Sanskrit, not a published edition
PdP 3 18.85
यत्र स्नात्वा तु राजेंद्र सर्वसंपदमाप्नुयात् । ततः पश्चिमतो गच्छेन्मरुतालयमुत्तमम्
yatra snātvā tu rājeṃdra sarvasaṃpadamāpnuyāt | tataḥ paścimato gacchenmarutālayamuttamam
where, having bathed, O lord of kings, one would obtain every prosperity. Then one should go westward to the excellent abode of the Maruts (or: of the Wind).
AI translation rendered from the Sanskrit, not a published edition
PdP 3 18.86
तत्र स्नात्वा तु राजेंद्र शुचिर्भूत्वा समाहितः । कांचनं तु ततो दद्यादन्नशक्त्या तु बुद्धिमान्
tatra snātvā tu rājeṃdra śucirbhūtvā samāhitaḥ | kāṃcanaṃ tu tato dadyādannaśaktyā tu buddhimān
Having bathed there, O lord of kings, becoming pure and composed, the wise man should then give gold, and food according to his ability.
AI translation rendered from the Sanskrit, not a published edition — the model flagged this verse as uncertain
PdP 3 18.87
पुष्पकेण विमानेन वायुलोकं स गच्छति । मम तीर्थं ततो गच्छेन्माघमासे युधिष्ठिर
puṣpakeṇa vimānena vāyulokaṃ sa gacchati | mama tīrthaṃ tato gacchenmāghamāse yudhiṣṭhira
He goes to the world of the Wind in the Puṣpaka chariot. Then, O Yudhiṣṭhira, in the month of Māgha, one should go to my sacred place.
AI translation rendered from the Sanskrit, not a published edition
PdP 3 18.88
कृष्णपक्षे चतुर्दश्यां स्नानं तत्र समाचरेत् । नक्तं भोज्यं ततः कुर्यान्न गच्छेद्योनिसंकटम्
kṛṣṇapakṣe caturdaśyāṃ snānaṃ tatra samācaret | naktaṃ bhojyaṃ tataḥ kuryānna gacchedyonisaṃkaṭam
On the fourteenth of the dark fortnight one should perform the bath there; then one should eat the night-meal (only), and should not go to the Yonisaṃkaṭa.
AI translation rendered from the Sanskrit, not a published edition
PdP 3 18.89
अहल्यातीर्थं ततो गच्छेत्स्नानं तत्र समाचरेत् । स्नातमात्रो नरस्तत्र अप्सरोभिः प्रमोदते
ahalyātīrthaṃ tato gacchetsnānaṃ tatra samācaret | snātamātro narastatra apsarobhiḥ pramodate
Then one should go to Ahalyā's sacred ford and perform the bath there; a man there, merely by bathing, takes his delight with the apsarases.
AI translation rendered from the Sanskrit, not a published edition
PdP 3 18.90
पारमेश्वरे तपस्तप्त्वा अहल्या मुक्तिमागमत् । चैत्रमासे तु संप्राप्ते शुक्लपक्षे त्रयोदशी
pārameśvare tapastaptvā ahalyā muktimāgamat | caitramāse tu saṃprāpte śuklapakṣe trayodaśī
Having performed austerity at Pārameśvara, Ahalyā attained release. And when the month of Caitra has come, the thirteenth of the bright fortnight—
AI translation rendered from the Sanskrit, not a published edition
PdP 3 18.91
कामदेवदिने तस्मिन्नहल्यां तु प्रपूजयेत् । यत्र तत्र समुत्पन्नो नरस्तत्र प्रियो भवेत्
kāmadevadine tasminnahalyāṃ tu prapūjayet | yatra tatra samutpanno narastatra priyo bhavet
on that day of Kāmadeva one should duly worship Ahalyā; wherever a man is born, there he becomes beloved.
AI translation rendered from the Sanskrit, not a published edition
PdP 3 18.92
स्त्रीवल्लभो भवेच्छ्रीमान्कामदेव इवापरः । अयोध्यां तु समासाद्य तीर्थं शक्रस्य विश्रुतम्
strīvallabho bhavecchrīmānkāmadeva ivāparaḥ | ayodhyāṃ tu samāsādya tīrthaṃ śakrasya viśrutam
He becomes dear to women and prosperous, like a second Kāmadeva. And having reached Ayodhyā, (there is) the famed sacred ford of Śakra.
AI translation rendered from the Sanskrit, not a published edition
PdP 3 18.93
स्नातमात्रो नरस्तत्र गोसहस्र फलं लभेत् । सोमतीर्थं ततो गच्छेत्स्नानमात्रं समाचरेत्
snātamātro narastatra gosahasra phalaṃ labhet | somatīrthaṃ tato gacchetsnānamātraṃ samācaret
A man there, merely by bathing, obtains the fruit of a thousand cows. Then one should go to Somatīrtha and simply perform the bath.
AI translation rendered from the Sanskrit, not a published edition
PdP 3 18.94
स्नातमात्रो नरस्तत्र सर्वपापैः प्रमुच्यते । सोमग्रहे तु राजेंद्र पापक्षयकरं भवेत्
snātamātro narastatra sarvapāpaiḥ pramucyate | somagrahe tu rājeṃdra pāpakṣayakaraṃ bhavet
A man there, merely by bathing, is freed from all sins; and at an eclipse of the moon, O lord of kings, it destroys sin.
AI translation rendered from the Sanskrit, not a published edition
PdP 3 18.95
त्रैलोक्यविश्रुतं राजन्सोमतीर्थं महाफलम् । यस्तु चांद्रायणं कुर्यात्तस्मिंस्तीर्थे नराधिप
trailokyaviśrutaṃ rājansomatīrthaṃ mahāphalam | yastu cāṃdrāyaṇaṃ kuryāttasmiṃstīrthe narādhipa
Famed in the three worlds, O king, is Somatīrtha, of great fruit. And whoever performs the cāndrāyaṇa (observance) at that ford, O ruler of men—
AI translation rendered from the Sanskrit, not a published edition
PdP 3 18.96
सर्वपापविशुद्धात्मा सोमलोकं स गच्छति । अग्निप्रवेशे तु जलेप्यथवापि ह्यनाशने
sarvapāpaviśuddhātmā somalokaṃ sa gacchati | agnipraveśe tu jalepyathavāpi hyanāśane
his self purified of all sin, he goes to the world of the moon. And by entering fire, or into water, or indeed by fasting (to death)—
AI translation rendered from the Sanskrit, not a published edition
PdP 3 18.97
सोमतीर्थे मृतो यस्तु नासौ मर्त्येभिजायते । स्तंभतीर्थं ततो गच्छेत्स्नानं तत्र समाचरेत्
somatīrthe mṛto yastu nāsau martyebhijāyate | staṃbhatīrthaṃ tato gacchetsnānaṃ tatra samācaret
whoever dies at Somatīrtha, he is not born among mortals. Then one should go to Stambhatīrtha and perform the bath there.
AI translation rendered from the Sanskrit, not a published edition
PdP 3 18.98
स्नातमात्रो नरस्तत्र सोमलोके महीयते । ततो गच्छेत राजेंद्र विष्णुतीर्थमनुत्तमम्
snātamātro narastatra somaloke mahīyate | tato gaccheta rājeṃdra viṣṇutīrthamanuttamam
A man there, merely by bathing, is honoured in the world of the moon. Then, O lord of kings, one should go to the unsurpassed Viṣṇutīrtha.
AI translation rendered from the Sanskrit, not a published edition
PdP 3 18.99
योधनीपुरविख्यातं विष्णुतीर्थमनुत्तमम् । असुरा योधितास्तत्र वासुदेवेन कोटिशः
yodhanīpuravikhyātaṃ viṣṇutīrthamanuttamam | asurā yodhitāstatra vāsudevena koṭiśaḥ
The unsurpassed Viṣṇutīrtha, known as Yodhanīpura: there the asuras were fought by Vāsudeva by the tens of millions.
AI translation rendered from the Sanskrit, not a published edition
PdP 3 18.100
तत्र तीर्थं समुत्पन्नं विष्णुः प्रीतो भवेदिह । अहोरात्रोपवासेन ब्रह्महत्यां व्यपोहति
tatra tīrthaṃ samutpannaṃ viṣṇuḥ prīto bhavediha | ahorātropavāsena brahmahatyāṃ vyapohati
There the sacred ford arose; Viṣṇu becomes pleased here. By fasting a day and a night one wipes away the killing of a brahmin.
AI translation rendered from the Sanskrit, not a published edition
PdP 3 18.101
ततो गच्छेत्तु राजेंद्र तापसेश्वरमुत्तमम् । अमोहकमिति ख्यातं पितॄन्यस्तत्र तर्पयेत्
tato gacchettu rājeṃdra tāpaseśvaramuttamam | amohakamiti khyātaṃ pitṝnyastatra tarpayet
Then, O lord of kings, one should go to the excellent Tāpaseśvara, known as Amohaka; there one should offer water to the ancestors.
AI translation rendered from the Sanskrit, not a published edition
PdP 3 18.102
पौर्णमास्याममावास्यां श्राद्धं कुर्याद्यथाविधि । तत्र स्नात्वा नरो राजन्पितृपिंडं तु दापयेत्
paurṇamāsyāmamāvāsyāṃ śrāddhaṃ kuryādyathāvidhi | tatra snātvā naro rājanpitṛpiṃḍaṃ tu dāpayet
On the full-moon day or the new-moon day one should perform the śrāddha according to rule; having bathed there, O king, a man should have the ancestral rice-balls offered.
AI translation rendered from the Sanskrit, not a published edition
PdP 3 18.103
गजरूपाः शिलास्तत्र तोयमध्ये प्रतिष्ठिताः । तस्मिंस्तु दापयेत्पिंडं वैशाखे तु विशेषतः
gajarūpāḥ śilāstatra toyamadhye pratiṣṭhitāḥ | tasmiṃstu dāpayetpiṃḍaṃ vaiśākhe tu viśeṣataḥ
There stones in the form of elephants are set in the midst of the water; on that (spot) one should have the rice-ball offered, and especially in (the month of) Vaiśākha.
AI translation rendered from the Sanskrit, not a published edition
PdP 3 18.104
तृप्यंति पितरस्तावद्यावत्तिष्ठति मेदिनी । ततो गच्छेत राजेंद्र सिद्धेश्वरमनुत्तमम्
tṛpyaṃti pitarastāvadyāvattiṣṭhati medinī | tato gaccheta rājeṃdra siddheśvaramanuttamam
The ancestors are satisfied for as long as the earth endures. Then, O lord of kings, one should go to the unsurpassed Siddheśvara.
AI translation rendered from the Sanskrit, not a published edition
PdP 3 18.105
तत्र गत्वा तु राजेंद्र गणपत्यंतिकं व्रजेत् । ततो गच्छेत राजेंद्र लिंगो यत्र जनार्दनः
tatra gatvā tu rājeṃdra gaṇapatyaṃtikaṃ vrajet | tato gaccheta rājeṃdra liṃgo yatra janārdanaḥ
And having gone there, O lord of kings, one should go into the presence of Gaṇapati. Then, O lord of kings, one should go where Janārdana is a liṅga.
AI translation rendered from the Sanskrit, not a published edition
PdP 3 18.106
तत्र स्नात्वा तु राजेंद्र विष्णुलोके महीयते । नर्मदादक्षिणेकूले तीर्थं परमशोभनम्
tatra snātvā tu rājeṃdra viṣṇuloke mahīyate | narmadādakṣiṇekūle tīrthaṃ paramaśobhanam
And having bathed there, O lord of kings, one is honoured in the world of Viṣṇu. On the southern bank of the Narmadā is a most beautiful sacred ford.
AI translation rendered from the Sanskrit, not a published edition
PdP 3 18.107
कामदेवः स्वयं तत्र तपस्तप्यत्यसौ महान् । दिव्यं वर्षसहस्रं तु शंकरं पर्युपासते
kāmadevaḥ svayaṃ tatra tapastapyatyasau mahān | divyaṃ varṣasahasraṃ tu śaṃkaraṃ paryupāsate
There Kāmadeva himself, that great one, practises austerity; for a thousand divine years he waits upon Śaṃkara.
AI translation rendered from the Sanskrit, not a published edition
PdP 3 18.108
समाधिपर्वदग्धस्तु शंकरेण महात्मना । श्वेतपर्वोपमश्चैव हुताशः शुक्लपर्वणि
samādhiparvadagdhastu śaṃkareṇa mahātmanā | śvetaparvopamaścaiva hutāśaḥ śuklaparvaṇi
(He was) burned by the great-souled Śaṅkara at the samādhi juncture; and like the white juncture, (he was) an oblation-eater at the bright juncture.
AI translation rendered from the Sanskrit, not a published edition — the model flagged this verse as uncertain
PdP 3 18.109
एते दग्धास्तु ते सर्वे कुसुमेश्वरसंस्थिताः । दिव्यवर्षसहस्रेण तुष्टस्तेषां महेश्वरः
ete dagdhāstu te sarve kusumeśvarasaṃsthitāḥ | divyavarṣasahasreṇa tuṣṭasteṣāṃ maheśvaraḥ
All these, burned, abide with Kusumeśvara; after a thousand divine years Maheśvara was pleased with them.
AI translation rendered from the Sanskrit, not a published edition
PdP 3 18.110
उमया सहितो रुद्रस्तेषां तुष्टो वरप्रदः । विमोक्षयित्वा तान्सर्वान्नर्म्मदातटमास्थितान्
umayā sahito rudrasteṣāṃ tuṣṭo varapradaḥ | vimokṣayitvā tānsarvānnarmmadātaṭamāsthitān
Rudra, together with Umā, being pleased, was the granter of boons to them; having released them all, who stood on the bank of the Narmadā—
AI translation rendered from the Sanskrit, not a published edition
PdP 3 18.111
तस्य तीर्थप्रभावेण पुनर्देवत्वमागतः । त्वत्प्रसादान्महादेव तीर्थं च भवतूत्तमम्
tasya tīrthaprabhāveṇa punardevatvamāgataḥ | tvatprasādānmahādeva tīrthaṃ ca bhavatūttamam
—by the power of that holy ford he attained godhood again. "By your grace, O Mahādeva, let this ford also be the highest."
AI translation rendered from the Sanskrit, not a published edition
PdP 3 18.112
अर्धयोजनविस्तीर्णं तीर्थं दिक्षु समंततः । तस्मिंस्तीर्थे नरः स्नात्वा उपवासपरायणः
ardhayojanavistīrṇaṃ tīrthaṃ dikṣu samaṃtataḥ | tasmiṃstīrthe naraḥ snātvā upavāsaparāyaṇaḥ
The ford extends half a yojana in all directions around; a man who bathes in that ford, devoted to fasting,
AI translation rendered from the Sanskrit, not a published edition
PdP 3 18.113
कुसुमायुधरूपेण रुद्रलोके महीयते । वैश्वानरे यमेनैव कामदेवेन वायवे
kusumāyudharūpeṇa rudraloke mahīyate | vaiśvānare yamenaiva kāmadevena vāyave
is honoured in Rudra's world in the form of the Flower-Weaponed (Kāma). By Vaiśvānara, by Yama, by Kāmadeva, by Vāyu,
AI translation rendered from the Sanskrit, not a published edition — the model flagged this verse as uncertain
PdP 3 18.114
तपस्तप्त्वा तु राजेंद्र तत्रैव च पुरागतैः । अंधोनस्य समीपे तु नातिदूरे तु तस्य वै
tapastaptvā tu rājeṃdra tatraiva ca purāgataiḥ | aṃdhonasya samīpe tu nātidūre tu tasya vai
having performed austerity, O best of kings, and having come there of old to that very place—near Andhona, and indeed not far from it—
AI translation rendered from the Sanskrit, not a published edition — the model flagged this verse as uncertain
PdP 3 18.115
स्नानं दानं च तत्रैव भोजनं पिंडपातनम् । अग्निवेशे जले वापि अथवापि अनाशने
snānaṃ dānaṃ ca tatraiva bhojanaṃ piṃḍapātanam | agniveśe jale vāpi athavāpi anāśane
bathing and giving there, and eating, and the offering of piṇḍas; whether by entering fire or in water, or else by fasting (unto death),
AI translation rendered from the Sanskrit, not a published edition — the model flagged this verse as uncertain
PdP 3 18.116
अनिवर्तिका गतिस्तस्य मृतस्याप्यर्द्धयोजने । त्रैयंबकेण तोयेन स्नापयेन्नरपुंगवः
anivartikā gatistasya mṛtasyāpyarddhayojane | traiyaṃbakeṇa toyena snāpayennarapuṃgavaḥ
his going is one of no return, even for one who dies within half a yojana. Let the best of men bathe (the dead) with the water of Tryambaka.
AI translation rendered from the Sanskrit, not a published edition — the model flagged this verse as uncertain
PdP 3 18.117
अंधोनमूले दत्वा तु पिंडं चैव यथाविधि । पितरस्तस्य तृप्यंति यावच्चंद्र दिवाकरौ
aṃdhonamūle datvā tu piṃḍaṃ caiva yathāvidhi | pitarastasya tṛpyaṃti yāvaccaṃdra divākarau
Having given the piṇḍa at the foot of Andhona according to rule, his forefathers are satisfied as long as the moon and the sun (endure).
AI translation rendered from the Sanskrit, not a published edition
PdP 3 18.118
उत्तरायणे तु संप्राप्ते तत्र स्नानं करोति यः । पुरुषो वापि स्त्री वापि वसेदायतने शुचिः
uttarāyaṇe tu saṃprāpte tatra snānaṃ karoti yaḥ | puruṣo vāpi strī vāpi vasedāyatane śuciḥ
Whoever bathes there when the northward course of the sun has arrived—whether man or woman—should dwell pure in the sanctuary;
AI translation rendered from the Sanskrit, not a published edition
PdP 3 18.119
सिद्धेश्वरस्य देवस्य प्रभाते पूजनान्नरः । स तां गतिमवाप्नोति न तां सर्वैर्महामखैः
siddheśvarasya devasya prabhāte pūjanānnaraḥ | sa tāṃ gatimavāpnoti na tāṃ sarvairmahāmakhaiḥ
by worshipping the god Siddheśvara at dawn, a man obtains that goal which (is not obtained) by all the great sacrifices.
AI translation rendered from the Sanskrit, not a published edition
PdP 3 18.120
यदा च तीर्थकालेन रूपवान्सुभगो भवेत् । मर्त्ये भवति राजासावासमुद्रांतगोचरे
yadā ca tīrthakālena rūpavānsubhago bhavet | martye bhavati rājāsāvāsamudrāṃtagocare
And when, by the ford's due season, one becomes handsome and fortunate, that man becomes a king in the mortal world, with the realm extending to the ocean's ends.
AI translation rendered from the Sanskrit, not a published edition — the model flagged this verse as uncertain
PdP 3 18.121
क्षेत्रपालं न पश्येच्च दंडपालं महाबलम् । वृथा तस्य भवेद्यात्रा अदृष्ट्वा कर्णकुंडलम्
kṣetrapālaṃ na paśyecca daṃḍapālaṃ mahābalam | vṛthā tasya bhavedyātrā adṛṣṭvā karṇakuṃḍalam
If one does not see Kṣetrapāla and the mighty Daṇḍapāla, his pilgrimage becomes fruitless, not having seen Karṇakuṇḍala.
AI translation rendered from the Sanskrit, not a published edition
PdP 3 18.122
एतत्तीर्थफलं ज्ञात्वा सर्वेदेवाः समागताः । मुंचंति पुष्पवृष्टिं तु स्तुवंति कुसुमेश्वरम्
etattīrthaphalaṃ jñātvā sarvedevāḥ samāgatāḥ | muṃcaṃti puṣpavṛṣṭiṃ tu stuvaṃti kusumeśvaram
Knowing this fruit of the ford, all the gods assembled release a rain of flowers and praise Kusumeśvara.
AI translation rendered from the Sanskrit, not a published edition