Padma Purana — Bhumi Khanda — Chapter 96
PdP 2 96.1
सुबाहुरुवाच- कीदृशैः कर्मभिः प्रेत्य गच्छंति नरकं नराः । स्वर्गं तु कीदृशैः प्रेत्य तन्मे त्वं वक्तुमर्हसि
subāhuruvāca- kīdṛśaiḥ karmabhiḥ pretya gacchaṃti narakaṃ narāḥ | svargaṃ tu kīdṛśaiḥ pretya tanme tvaṃ vaktumarhasi
Subāhu said: "By what sort of deeds do men go to hell after death, and by what sort to heaven after death? That you ought to tell me."
AI translation rendered from the Sanskrit, not a published edition
PdP 2 96.2
जैमिनिरुवाच- ब्राह्मण्यं पुण्यमुत्सृज्य ये द्विजा लोभमोहिताः । कुकर्माण्युपजीवंति ते वै निरयगामिनः
jaiminiruvāca- brāhmaṇyaṃ puṇyamutsṛjya ye dvijā lobhamohitāḥ | kukarmāṇyupajīvaṃti te vai nirayagāminaḥ
Jaimini said: Those twice-born who, abandoning the meritorious state of brahminhood, are deluded by greed and live by evil deeds — they indeed go to hell.
AI translation rendered from the Sanskrit, not a published edition
PdP 2 96.3
नास्तिका भिन्नमर्यादाः कंदर्पविषयोन्मुखाः । दांभिकाश्च कृतघ्नाश्च ते वै निरयगामिनः
nāstikā bhinnamaryādāḥ kaṃdarpaviṣayonmukhāḥ | dāṃbhikāśca kṛtaghnāśca te vai nirayagāminaḥ
Deniers (of the scriptures), those who break the bounds of proper conduct, those bent on lust and sense-objects, hypocrites and the ungrateful — they indeed go to hell.
AI translation rendered from the Sanskrit, not a published edition
PdP 2 96.4
ब्राह्मणेभ्यः प्रतिश्रुत्य न प्रयच्छंति ये धनम् । ब्रह्मस्वानां च हर्तारो नरा निरयगामिनः
brāhmaṇebhyaḥ pratiśrutya na prayacchaṃti ye dhanam | brahmasvānāṃ ca hartāro narā nirayagāminaḥ
Those who, having promised wealth to brahmins, do not give it, and those who steal what belongs to brahmins — those men go to hell.
AI translation rendered from the Sanskrit, not a published edition
PdP 2 96.5
पुरुषाः पिशुनाश्चैव मानिनोऽनृतवादिनः । असंबद्धप्रलापाश्च ते वै निरयगामिनः
puruṣāḥ piśunāścaiva mānino'nṛtavādinaḥ | asaṃbaddhapralāpāśca te vai nirayagāminaḥ
Men who are slanderers, arrogant, speakers of untruth, and those who prattle incoherently — they indeed go to hell.
AI translation rendered from the Sanskrit, not a published edition
PdP 2 96.6
ये परस्वापहर्तारः परदूषणसूचकाः । परस्त्रीगामिनो ये च ते वै निरयगामिनः
ye parasvāpahartāraḥ paradūṣaṇasūcakāḥ | parastrīgāmino ye ca te vai nirayagāminaḥ
Those who steal others' property, who point out others' faults, and those who go to others' wives — they indeed go to hell.
AI translation rendered from the Sanskrit, not a published edition
PdP 2 96.7
प्राणिनां प्राणहिंसायां ये नरा निरताः सदा । परनिंदारता ये वै ते वै निरयगामिनः
prāṇināṃ prāṇahiṃsāyāṃ ye narā niratāḥ sadā | paraniṃdāratā ye vai te vai nirayagāminaḥ
Those men who are always intent on injuring the life of living beings, and those who delight in reviling others — they indeed go to hell.
AI translation rendered from the Sanskrit, not a published edition
PdP 2 96.8
सुकूपानां तडागानां प्रपानां च परंतप । सरसां चैव भेत्तारो नरा निरयगामिनः
sukūpānāṃ taḍāgānāṃ prapānāṃ ca paraṃtapa | sarasāṃ caiva bhettāro narā nirayagāminaḥ
Those men who wreck good wells, tanks, and watering-sheds, and also lakes, O scorcher of foes — those men go to hell.
AI translation rendered from the Sanskrit, not a published edition
PdP 2 96.9
विपर्यस्यंति ये दाराञ्छिशून्भृत्यातिथींस्तथा । उत्सन्नपितृदेवेज्या नरा निरयगामिनः
viparyasyaṃti ye dārāñchiśūnbhṛtyātithīṃstathā | utsannapitṛdevejyā narā nirayagāminaḥ
Those who ill-treat their wives, children, servants and guests, and those who have let the offerings to the ancestors and gods lapse — those men go to hell.
AI translation rendered from the Sanskrit, not a published edition
PdP 2 96.10
प्रव्रज्यादूषका राजन्ये चैवाश्रमदूषकाः । सखीनां दूषकाश्चैव ते वै निरयगामिनः
pravrajyādūṣakā rājanye caivāśramadūṣakāḥ | sakhīnāṃ dūṣakāścaiva te vai nirayagāminaḥ
Those who defile the state of renunciation, O king, and those who defile the (four) stages of life, and those who defile friends — they indeed go to hell.
AI translation rendered from the Sanskrit, not a published edition
PdP 2 96.11
आद्यं पुरुषमीशानं सर्वलोकमहेश्वरम् । न चिंतयंति ये विष्णुं ते वै निरयगामिनः
ādyaṃ puruṣamīśānaṃ sarvalokamaheśvaram | na ciṃtayaṃti ye viṣṇuṃ te vai nirayagāminaḥ
Those who do not meditate on Viṣṇu, the primal Person, the Lord, the great sovereign of all the worlds — they indeed go to hell.
AI translation rendered from the Sanskrit, not a published edition
PdP 2 96.12
प्रयाजानां मखानां च कन्यानां सुहृदां तथा । साधूनां च गुरूणां च दूषका निरयगामिनः
prayājānāṃ makhānāṃ ca kanyānāṃ suhṛdāṃ tathā | sādhūnāṃ ca gurūṇāṃ ca dūṣakā nirayagāminaḥ
Those who defile preliminary offerings and sacrifices, maidens, friends, good men and teachers — they go to hell.
AI translation rendered from the Sanskrit, not a published edition
PdP 2 96.13
काष्ठैर्वा शंकुभिर्वापि शून्यैरश्मभिरेव वा । ये मार्गानुपरुंधंति ते वै निरयगामिनः
kāṣṭhairvā śaṃkubhirvāpi śūnyairaśmabhireva vā | ye mārgānuparuṃdhaṃti te vai nirayagāminaḥ
Those who block the roads with logs, or with stakes, or with empty (things?), or indeed with stones — they indeed go to hell.
AI translation rendered from the Sanskrit, not a published edition — the model flagged this verse as uncertain
PdP 2 96.14
सर्वभूतेष्वविश्वस्ताः कामेनार्तास्तथैव च । सर्वभूतेषु जिह्माश्च ते वै निरयगामिनः
sarvabhūteṣvaviśvastāḥ kāmenārtāstathaiva ca | sarvabhūteṣu jihmāśca te vai nirayagāminaḥ
Those who are untrustworthy toward all beings, and likewise afflicted by desire, and crooked toward all beings — they indeed go to hell.
AI translation rendered from the Sanskrit, not a published edition
PdP 2 96.15
आगतान्भोजनार्थं तु ब्राह्मणान्वृत्तिकर्शितान् । प्रतिषेधं च कुर्वंति ते वै निरयगामिनः
āgatānbhojanārthaṃ tu brāhmaṇānvṛttikarśitān | pratiṣedhaṃ ca kurvaṃti te vai nirayagāminaḥ
Those who refuse brahmins who have come for food, wasted for want of a livelihood — they indeed go to hell.
AI translation rendered from the Sanskrit, not a published edition
PdP 2 96.16
क्षेत्रवृत्तिगृहच्छेदं प्रीतिच्छेदं च ये नराः । आशाच्छेदं प्रकुर्वंति ते वै निरयगामिनः
kṣetravṛttigṛhacchedaṃ prīticchedaṃ ca ye narāḥ | āśācchedaṃ prakurvaṃti te vai nirayagāminaḥ
Those men who cut off (another's) field, livelihood and house, who cut off affection, and who cut off hope — they indeed go to hell.
AI translation rendered from the Sanskrit, not a published edition
PdP 2 96.17
शस्त्राणां चैव कर्त्तारः शल्यानां धनुषां तथा । विक्रेतारश्च राजेंद्र नरा निरयगामिनः
śastrāṇāṃ caiva karttāraḥ śalyānāṃ dhanuṣāṃ tathā | vikretāraśca rājeṃdra narā nirayagāminaḥ
The makers of weapons, of arrow-points and of bows, and their sellers, O lord of kings — those men go to hell.
AI translation rendered from the Sanskrit, not a published edition
PdP 2 96.18
अनाथं विक्लवं दीनं रोगार्त्तं वृद्धमेव च । नानुकंपंति ये मूढास्ते वै निरयगामिनः
anāthaṃ viklavaṃ dīnaṃ rogārttaṃ vṛddhameva ca | nānukaṃpaṃti ye mūḍhāste vai nirayagāminaḥ
Those fools who feel no compassion for the helpless, the distraught, the wretched, the sick, and the aged — they indeed go to hell.
AI translation rendered from the Sanskrit, not a published edition
PdP 2 96.19
नियमान्पूर्वमादाय ये पश्चादजितेंद्रियाः । अतिक्रामंति चांचल्यात्ते वै निरयगामिनः
niyamānpūrvamādāya ye paścādajiteṃdriyāḥ | atikrāmaṃti cāṃcalyātte vai nirayagāminaḥ
Those who first undertake vows and afterwards, their senses unsubdued, transgress them out of fickleness — they indeed go to hell.
AI translation rendered from the Sanskrit, not a published edition
PdP 2 96.20
इत्येते कथिता राजन्नरा निरयगामिनः । स्वर्गलोकस्य गंतारो ये जनास्तान्निबोध मे
ityete kathitā rājannarā nirayagāminaḥ | svargalokasya gaṃtāro ye janāstānnibodha me
Thus, O king, have these men been described who go to hell. Now learn from me of those people who go to the world of heaven.
AI translation rendered from the Sanskrit, not a published edition
PdP 2 96.21
सत्येन तपसा क्षांत्या दानेनाध्ययनेन च । ये धर्ममनुवर्तंते ते नराः स्वर्गगामिनः
satyena tapasā kṣāṃtyā dānenādhyayanena ca | ye dharmamanuvartaṃte te narāḥ svargagāminaḥ
Those who follow dharma with truth, austerity, patience, giving and study — those men go to heaven.
AI translation rendered from the Sanskrit, not a published edition
PdP 2 96.22
ये च होमपरा ध्यानदेवतार्चनतत्पराः । आददाना महात्मानस्ते नराः स्वर्गगामिनः
ye ca homaparā dhyānadevatārcanatatparāḥ | ādadānā mahātmānaste narāḥ svargagāminaḥ
And those who are devoted to the fire-offering, intent upon meditation and the worship of the gods, great souls who take up (such practices) — those men go to heaven.
AI translation rendered from the Sanskrit, not a published edition
PdP 2 96.23
शुचयश्च शुचौ देशे वासुदेवपरायणाः । पठंति विष्णुं गायंति ते नराः स्वर्गगामिनः
śucayaśca śucau deśe vāsudevaparāyaṇāḥ | paṭhaṃti viṣṇuṃ gāyaṃti te narāḥ svargagāminaḥ
And those who, pure themselves, in a pure place, wholly devoted to Vāsudeva, recite (of) Viṣṇu and sing (of) him — those men go to heaven.
AI translation rendered from the Sanskrit, not a published edition
PdP 2 96.24
मातापित्रोश्च शुश्रूषां ये कुर्वंति सदादृताः । वर्जयंति दिवास्वप्नं ते नराः स्वर्गगामिनः
mātāpitrośca śuśrūṣāṃ ye kurvaṃti sadādṛtāḥ | varjayaṃti divāsvapnaṃ te narāḥ svargagāminaḥ
Those who, always respectful, render service to mother and father, and who avoid sleeping by day — those men go to heaven.
AI translation rendered from the Sanskrit, not a published edition
PdP 2 96.25
सर्वहिंसानिवृत्ताश्च साधुसंगाश्च ये नराः । सर्वस्यापि हिते युक्तास्ते नराः स्वर्गगामिनः
sarvahiṃsānivṛttāśca sādhusaṃgāśca ye narāḥ | sarvasyāpi hite yuktāste narāḥ svargagāminaḥ
And those men who have turned away from all injury, who keep company with the good, and who are engaged in the welfare of all — those men go to heaven.
AI translation rendered from the Sanskrit, not a published edition
PdP 2 96.26
सर्वलोभनिवृत्ताश्च सर्वसाहाश्च ये नराः । सर्वस्याश्रयभूताश्च ते नराः स्वर्गगामिनः
sarvalobhanivṛttāśca sarvasāhāśca ye narāḥ | sarvasyāśrayabhūtāśca te narāḥ svargagāminaḥ
And those men who have turned away from all greed, who endure everything, and who have become a refuge for all — those men go to heaven.
AI translation rendered from the Sanskrit, not a published edition — the model flagged this verse as uncertain
PdP 2 96.27
शुश्रूषाभिस्तपोभिश्च गुरूणां मानदा नराः । प्रतिग्रहनिवृत्ता ये ते नराः स्वर्गगामिनः
śuśrūṣābhistapobhiśca gurūṇāṃ mānadā narāḥ | pratigrahanivṛttā ye te narāḥ svargagāminaḥ
Men who give honour to their teachers with acts of service and with austerities, and who refrain from accepting gifts — those men go to heaven.
AI translation rendered from the Sanskrit, not a published edition
PdP 2 96.28
सहस्रपरिवेष्टारस्तथैव च सहस्रदाः । त्रातारश्च सहस्राणां ते नराः स्वर्गगामिनः
sahasrapariveṣṭārastathaiva ca sahasradāḥ | trātāraśca sahasrāṇāṃ te narāḥ svargagāminaḥ
Those who serve food to thousands, and likewise those who give to thousands, and who are protectors of thousands — those men go to heaven.
AI translation rendered from the Sanskrit, not a published edition
PdP 2 96.29
भयात्पापात्तपाच्छोकाद्दारिद्र्यव्याधिकर्शितान् । विमुंचंति च ये जंतूंस्ते नराः स्वर्गगामिनः
bhayātpāpāttapācchokāddāridryavyādhikarśitān | vimuṃcaṃti ca ye jaṃtūṃste narāḥ svargagāminaḥ
And those who release creatures worn down by poverty and disease from fear, from evil, from suffering, from grief — those men go to heaven.
AI translation rendered from the Sanskrit, not a published edition
PdP 2 96.30
आत्मस्वरूपवंतश्च यौवनस्थाश्च भारत । ये वै जितेंद्रिया धीरास्ते नराः स्वर्गगामिनः
ātmasvarūpavaṃtaśca yauvanasthāśca bhārata | ye vai jiteṃdriyā dhīrāste narāḥ svargagāminaḥ
And those, O Bhārata, who possess the true nature of the self, and who, though in their youth, are steadfast and have conquered their senses — those men go to heaven.
AI translation rendered from the Sanskrit, not a published edition
PdP 2 96.31
सुवर्णस्य च दातारो गवां भूमेश्च भारत । अन्नानां वाससां चैव ते नराः स्वर्गगामिनः
suvarṇasya ca dātāro gavāṃ bhūmeśca bhārata | annānāṃ vāsasāṃ caiva te narāḥ svargagāminaḥ
And, O Bhārata, the givers of gold, of cows and of land, and of food and of clothing — those men go to heaven.
AI translation rendered from the Sanskrit, not a published edition
PdP 2 96.32
ये याचिताः प्रहृष्यंति प्रियं दत्वा वदंति च । त्यक्तदानफलेच्छाश्च ते नराः स्वर्गगामिनः
ye yācitāḥ prahṛṣyaṃti priyaṃ datvā vadaṃti ca | tyaktadānaphalecchāśca te narāḥ svargagāminaḥ
Those who, when asked, rejoice, and who speak kindly after giving, and who have abandoned any desire for the fruit of the gift — those men go to heaven.
AI translation rendered from the Sanskrit, not a published edition
PdP 2 96.33
निवेशनानां धान्यानां नराणां च परंतप । स्वयमुत्पाद्य दातारः पुरुषाः स्वर्गगामिनः
niveśanānāṃ dhānyānāṃ narāṇāṃ ca paraṃtapa | svayamutpādya dātāraḥ puruṣāḥ svargagāminaḥ
Those men who, O scorcher of foes, produce dwellings, grain, and (support for) people by their own effort and then give them away — those men go to heaven.
AI translation rendered from the Sanskrit, not a published edition — the model flagged this verse as uncertain
PdP 2 96.34
द्विषतामपि ये दोषान्न वदंति कदाचन । कीर्तयंति गुणान्ये च ते नराः स्वर्गगामिनः
dviṣatāmapi ye doṣānna vadaṃti kadācana | kīrtayaṃti guṇānye ca te narāḥ svargagāminaḥ
Those who never speak of the faults even of those who hate them, and who proclaim their virtues — those men go to heaven.
AI translation rendered from the Sanskrit, not a published edition
PdP 2 96.35
ये परेषां श्रियं दृष्ट्वा न वितप्यंति मत्सरात् । प्रहृष्टाश्चाभिनंदंति ते नराः स्वर्गगामिनः
ye pareṣāṃ śriyaṃ dṛṣṭvā na vitapyaṃti matsarāt | prahṛṣṭāścābhinaṃdaṃti te narāḥ svargagāminaḥ
Those who, on seeing the prosperity of others, are not scorched by envy, but rejoice and applaud it — those men go to heaven.
AI translation rendered from the Sanskrit, not a published edition
PdP 2 96.36
प्रवृत्तौ च निवृत्तौ च श्रुतिशास्त्रोक्तमेव च । आचरंति महात्मानस्ते नराः स्वर्गगामिनः
pravṛttau ca nivṛttau ca śrutiśāstroktameva ca | ācaraṃti mahātmānaste narāḥ svargagāminaḥ
And those great souls who, in acting and in refraining, do just what is declared in the Veda and the treatises — those men go to heaven.
AI translation rendered from the Sanskrit, not a published edition
PdP 2 96.37
ये नराणां वचो वक्तुं न जानंति च विप्रियम् । प्रियवाक्यैकविज्ञातास्ते नराः स्वर्गगामिनः
ye narāṇāṃ vaco vaktuṃ na jānaṃti ca vipriyam | priyavākyaikavijñātāste narāḥ svargagāminaḥ
Those who do not know how to speak an unkind word to men, who know only kindly speech — those men go to heaven.
AI translation rendered from the Sanskrit, not a published edition
PdP 2 96.38
ये नामभागान्कुर्वंति क्षुत्तृष्णा श्रमपीडिताः । हंतकारस्य कर्तारस्ते नराः स्वर्गगामिनः
ye nāmabhāgānkurvaṃti kṣuttṛṣṇā śramapīḍitāḥ | haṃtakārasya kartāraste narāḥ svargagāminaḥ
Those who, though afflicted by hunger, thirst and fatigue, assign shares (of food to others), and who utter the invitation 'Eat!' — those men go to heaven.
AI translation rendered from the Sanskrit, not a published edition — the model flagged this verse as uncertain
PdP 2 96.39
वापीकूपतडागानां प्रपानां चैव वेश्मनाम् । आरामाणां च कर्तारस्ते नराः स्वर्गगामिनः
vāpīkūpataḍāgānāṃ prapānāṃ caiva veśmanām | ārāmāṇāṃ ca kartāraste narāḥ svargagāminaḥ
And those who make step-wells, wells and tanks, watering-sheds, houses and gardens — those men go to heaven.
AI translation rendered from the Sanskrit, not a published edition
PdP 2 96.40
असत्येष्वपि ये सत्या ऋजवो नार्जवेष्वपि । रिपुष्वपिहिता ये च ते नराः स्वर्गगामिनः
asatyeṣvapi ye satyā ṛjavo nārjaveṣvapi | ripuṣvapihitā ye ca te narāḥ svargagāminaḥ
Those who are truthful even among the untruthful, upright even among the crooked, and well-disposed even toward enemies — those men go to heaven.
AI translation rendered from the Sanskrit, not a published edition
PdP 2 96.41
यस्मिन्कस्मिन्कुले जाता बहुपुत्राः शतायुषः । सानुक्रोशाः सदाचारास्ते नराः स्वर्गगामिनः
yasminkasminkule jātā bahuputrāḥ śatāyuṣaḥ | sānukrośāḥ sadācārāste narāḥ svargagāminaḥ
Born in whatever family, having many sons and a life of a hundred years, compassionate and of good conduct — those men go to heaven.
AI translation rendered from the Sanskrit, not a published edition
PdP 2 96.42
कुर्वंत्यवंध्यं दिवसं धर्मेणैकेन सर्वदा । व्रतं गृह्णंति ये नित्यं ते नराः स्वर्गगामिनः
kurvaṃtyavaṃdhyaṃ divasaṃ dharmeṇaikena sarvadā | vrataṃ gṛhṇaṃti ye nityaṃ te narāḥ svargagāminaḥ
Those who always make the day not barren by at least one act of dharma, and who ever undertake vows — those men go to heaven.
AI translation rendered from the Sanskrit, not a published edition
PdP 2 96.43
आक्रोशंतं स्तुवंतं च तुल्यं पश्यंति ये नराः । शांतात्मानो जितात्मानस्ते नराः स्वर्गगामिनः
ākrośaṃtaṃ stuvaṃtaṃ ca tulyaṃ paśyaṃti ye narāḥ | śāṃtātmāno jitātmānaste narāḥ svargagāminaḥ
Those men who look equally on one who reviles and one who praises, of calmed selves and conquered selves — those men go to heaven.
AI translation rendered from the Sanskrit, not a published edition
PdP 2 96.44
ये चापि भयसंत्रस्तान्ब्राह्मणांश्च तथा स्त्रियः । सार्थान्वा परिरक्षंति ते नराः स्वर्गगामिनः
ye cāpi bhayasaṃtrastānbrāhmaṇāṃśca tathā striyaḥ | sārthānvā parirakṣaṃti te narāḥ svargagāminaḥ
And those who protect brahmins terrified by fear, and likewise women, or caravans — those men go to heaven.
AI translation rendered from the Sanskrit, not a published edition
PdP 2 96.45
गंगायां पुष्करे तीर्थे गयायां च विशेषतः । पितृपिंडप्रदातारस्ते नराः स्वर्गगामिनः
gaṃgāyāṃ puṣkare tīrthe gayāyāṃ ca viśeṣataḥ | pitṛpiṃḍapradātāraste narāḥ svargagāminaḥ
Those who offer the funeral rice-balls to the fathers at the Ganges, at the Pushkara sacred ford, and especially at Gaya — those men go to heaven.
AI translation rendered from the Sanskrit, not a published edition
PdP 2 96.46
न वशे चेंद्रियाणां च ये नराः संयमस्थिताः । त्यक्तलोभभयक्रोधास्ते नराः स्वर्गगामिनः
na vaśe ceṃdriyāṇāṃ ca ye narāḥ saṃyamasthitāḥ | tyaktalobhabhayakrodhāste narāḥ svargagāminaḥ
Those men who are not in the power of the senses but stand firm in restraint, who have abandoned greed, fear and anger — those men go to heaven.
AI translation rendered from the Sanskrit, not a published edition
PdP 2 96.47
यूका मत्कुणदंशादीन्ये जंतूंस्तुदतस्तनुम् । पुत्रवत्परिरक्षंति ते नराः स्वर्गगामिनः
yūkā matkuṇadaṃśādīnye jaṃtūṃstudatastanum | putravatparirakṣaṃti te narāḥ svargagāminaḥ
Those who protect like a son the creatures that sting the body — lice, bedbugs, gadflies and the rest — those men go to heaven.
AI translation rendered from the Sanskrit, not a published edition
PdP 2 96.48
अज्ञानाच्च यथोक्तेन विधिना संचयंति च । सर्वद्वंद्वसहा लोके ते नराः स्वर्गगामिनः
ajñānācca yathoktena vidhinā saṃcayaṃti ca | sarvadvaṃdvasahā loke te narāḥ svargagāminaḥ
And those who, even out of ignorance, accumulate (merit) by the rule as prescribed, enduring all pairs of opposites in the world — those men go to heaven.
AI translation rendered from the Sanskrit, not a published edition — the model flagged this verse as uncertain
PdP 2 96.49
ये पूताः परदारांश्च कर्मणा मनसा गिरा । रमयंति न सत्वस्थास्ते नराः स्वर्गगामिनः
ye pūtāḥ paradārāṃśca karmaṇā manasā girā | ramayaṃti na satvasthāste narāḥ svargagāminaḥ
Those who are pure, who do not take pleasure in others' wives by deed, mind or speech, being established in goodness — those men go to heaven.
AI translation rendered from the Sanskrit, not a published edition
PdP 2 96.50
निंदितानि न कुर्वंति कुर्वंति विहितानि च । आत्मशक्तिं विजानंति ते नराः स्वर्गगामिनः
niṃditāni na kurvaṃti kurvaṃti vihitāni ca | ātmaśaktiṃ vijānaṃti te narāḥ svargagāminaḥ
Those who do not do what is censured and do what is enjoined, and who know their own capacity — those men go to heaven.
AI translation rendered from the Sanskrit, not a published edition
PdP 2 96.51
एवं ते कथितं सर्वं मया तत्त्वेन पार्थिव । दुर्गतिः सद्गतिश्चैव प्राप्यते कर्मभिर्यथा
evaṃ te kathitaṃ sarvaṃ mayā tattvena pārthiva | durgatiḥ sadgatiścaiva prāpyate karmabhiryathā
Thus all has been told to you by me as it truly is, O king: the bad course and the good course, and how they are reached through deeds.
AI translation rendered from the Sanskrit, not a published edition
PdP 2 96.52
नरः परेषां प्रतिकूलमाचरन्प्रयाति घोरं नरकं सुदारुणम् । सदानुकूलस्य नरस्य जीविनः सुखावहा मुक्तिरदूरसंस्थिता
naraḥ pareṣāṃ pratikūlamācaranprayāti ghoraṃ narakaṃ sudāruṇam | sadānukūlasya narasya jīvinaḥ sukhāvahā muktiradūrasaṃsthitā
A man who acts contrary (to the wishes) of others goes to a dreadful, most terrible hell; but for a man who lives always agreeably, joy-bringing release stands not far off.
AI translation rendered from the Sanskrit, not a published edition