Padma Purana — Bhumi Khanda — Chapter 94
PdP 2 94.1
कुंजल उवाच- श्रूयतामभिधास्यामि तत्सर्वं कारणं सुत । यस्मात्तौ तादृशौ जातौ स्वमांसपरिभक्षकौ
kuṃjala uvāca- śrūyatāmabhidhāsyāmi tatsarvaṃ kāraṇaṃ suta | yasmāttau tādṛśau jātau svamāṃsaparibhakṣakau
Kuñjala said: Let it be heard—I shall tell that whole cause, son, for which those two were born of such a kind, eaters of their own flesh.
AI translation rendered from the Sanskrit, not a published edition
PdP 2 94.2
सर्वत्र कारणं कर्म शुभाशुभं न संशयः । पुण्येन कर्मणा पुत्र नरः सौख्यं प्रभुंजति
sarvatra kāraṇaṃ karma śubhāśubhaṃ na saṃśayaḥ | puṇyena karmaṇā putra naraḥ saukhyaṃ prabhuṃjati
Everywhere the cause is action, good or bad—there is no doubt. By meritorious action, son, a man enjoys happiness.
AI translation rendered from the Sanskrit, not a published edition
PdP 2 94.3
दुष्कृतं भुंजते चात्र पापयुक्तेन कर्मणा । सूक्ष्मवर्त्मविचार्यैवं शास्त्रज्ञानेन चक्षुषा
duṣkṛtaṃ bhuṃjate cātra pāpayuktena karmaṇā | sūkṣmavartmavicāryaivaṃ śāstrajñānena cakṣuṣā
And here (beings) experience ill-doing through action joined with sin. Having thus considered the subtle path with the eye of knowledge of the scriptures,
AI translation rendered from the Sanskrit, not a published edition
PdP 2 94.4
स्थूलधर्मं प्रदृष्ट्वैव सुविचार्य पुनः पुनः । समारभेन्नरः कर्म मनसा निपुणेन च
sthūladharmaṃ pradṛṣṭvaiva suvicārya punaḥ punaḥ | samārabhennaraḥ karma manasā nipuṇena ca
and having observed the gross duty, deliberating again and again, a man should undertake action with a mind that is skilled.
AI translation rendered from the Sanskrit, not a published edition
PdP 2 94.5
समूर्तिकारकः शिल्पी रसमावर्त्तयेद्यथा । अग्नेश्च तेजसा पुत्र ज्वालाभिश्च समंततः
samūrtikārakaḥ śilpī rasamāvarttayedyathā | agneśca tejasā putra jvālābhiśca samaṃtataḥ
As an image-making craftsman would melt down the molten metal—by the heat of fire, son, and by flames on every side,
AI translation rendered from the Sanskrit, not a published edition — the model flagged this verse as uncertain
PdP 2 94.6
द्रवीभूतो भवेद्धातुर्वह्निना तापितः शनैः । यादृशं वत्स भक्ष्यंतु रसपक्वं निषेच्यते
dravībhūto bhaveddhāturvahninā tāpitaḥ śanaiḥ | yādṛśaṃ vatsa bhakṣyaṃtu rasapakvaṃ niṣecyate
the metal, slowly heated by the fire, becomes liquid; whatever the mould, child, into which the fluid, once cooked, is poured,
AI translation rendered from the Sanskrit, not a published edition — the model flagged this verse as uncertain
PdP 2 94.7
तादृशं जायते वत्स रूपं चैव न संशयः । यादृशं क्रियते कर्म तादृशं परिभुज्यते
tādṛśaṃ jāyate vatsa rūpaṃ caiva na saṃśayaḥ | yādṛśaṃ kriyate karma tādṛśaṃ paribhujyate
of just that kind, child, does the form come to be—no doubt of it. As the deed is done, so is it experienced.
AI translation rendered from the Sanskrit, not a published edition
PdP 2 94.8
कर्म एव प्रधानं यद्वर्षारूपेण वर्त्तते । क्षेत्रेषु यादृशं बीजं वपते कृषिकारकः
karma eva pradhānaṃ yadvarṣārūpeṇa varttate | kṣetreṣu yādṛśaṃ bījaṃ vapate kṛṣikārakaḥ
Action alone is primary, which operates in the form of rain. Whatever kind of seed the farmer sows in the fields,
AI translation rendered from the Sanskrit, not a published edition
PdP 2 94.9
तादृशं भुंजते तात फलमेव न संशयः । यादृशं क्रियते कर्म तादृशं परिभुज्यते
tādṛśaṃ bhuṃjate tāta phalameva na saṃśayaḥ | yādṛśaṃ kriyate karma tādṛśaṃ paribhujyate
just such a fruit does he enjoy, dear one—no doubt of it. As the deed is done, so is it experienced.
AI translation rendered from the Sanskrit, not a published edition
PdP 2 94.10
विनाशहेतुः कर्मास्य सर्वे कर्मवशा वयम् । कर्म दायादका लोके कर्म संबंधिबांधवाः
vināśahetuḥ karmāsya sarve karmavaśā vayam | karma dāyādakā loke karma saṃbaṃdhibāṃdhavāḥ
Action is the cause of his destruction; we are all subject to action. In this world action is our heir, action our kin and relations.
AI translation rendered from the Sanskrit, not a published edition
PdP 2 94.11
कर्माणि चोदयंतीह पुरुषं सुखदुःखयोः । सुवर्णं रजतं वापि यथारूपं निषिच्यते
karmāṇi codayaṃtīha puruṣaṃ sukhaduḥkhayoḥ | suvarṇaṃ rajataṃ vāpi yathārūpaṃ niṣicyate
Here actions drive a man on to pleasure and pain. Just as gold or silver is poured according to the mould,
AI translation rendered from the Sanskrit, not a published edition
PdP 2 94.12
तथा निषिच्यते जंतुः पूर्वकर्मवशानुगः । पंचैतानीह दृश्यंते गर्भस्थस्यैव देहिनः
tathā niṣicyate jaṃtuḥ pūrvakarmavaśānugaḥ | paṃcaitānīha dṛśyaṃte garbhasthasyaiva dehinaḥ
so is the creature cast, following the power of former deeds. These five are seen here belonging to an embodied being even while in the womb:
AI translation rendered from the Sanskrit, not a published edition
PdP 2 94.13
आयुः कर्म च वित्तं च विद्यानि धनमेव च । यथा मृत्पिंडकं कर्त्ता कुरुते यद्यदिच्छति
āyuḥ karma ca vittaṃ ca vidyāni dhanameva ca | yathā mṛtpiṃḍakaṃ karttā kurute yadyadicchati
lifespan, action, wealth, learnings, and possessions. Just as a maker fashions a lump of clay into whatever he wishes,
AI translation rendered from the Sanskrit, not a published edition
PdP 2 94.14
तथा कर्मकृतं चैव कर्त्तारं प्रतिपद्यते । देवत्वमथ मानुष्यं पशुत्वं पक्षितां तथा
tathā karmakṛtaṃ caiva karttāraṃ pratipadyate | devatvamatha mānuṣyaṃ paśutvaṃ pakṣitāṃ tathā
so what is done by action reaches the doer: godhood, or human state, animal state, and likewise birdhood,
AI translation rendered from the Sanskrit, not a published edition
PdP 2 94.15
तिर्यक्त्वं स्थावरत्वं वा याति जंतुः स्वकर्मभिः । स एव तु तथा भुंक्ते नित्यं विहितमात्मनः
tiryaktvaṃ sthāvaratvaṃ vā yāti jaṃtuḥ svakarmabhiḥ | sa eva tu tathā bhuṃkte nityaṃ vihitamātmanaḥ
Or a creature goes to the state of an animal or of an immovable thing by its own deeds; and it is that same (creature) who forever enjoys what has been ordained by itself.
AI translation rendered from the Sanskrit, not a published edition
PdP 2 94.16
आत्मना विहितं दुःखमात्मना विहितं सुखम् । गर्भशय्यामुपादाय भुंजते पूर्वदेहिकम्
ātmanā vihitaṃ duḥkhamātmanā vihitaṃ sukham | garbhaśayyāmupādāya bhuṃjate pūrvadehikam
Sorrow is ordained by oneself, happiness is ordained by oneself; having taken up the bed of the womb, (creatures) enjoy what belongs to the former body.
AI translation rendered from the Sanskrit, not a published edition
PdP 2 94.17
पूर्वदेहकृतं कर्म न कश्चित्पुरुषोत्तमः । बलेन प्रज्ञया वापि समर्थः कर्तुमन्यथा
pūrvadehakṛtaṃ karma na kaścitpuruṣottamaḥ | balena prajñayā vāpi samarthaḥ kartumanyathā
No man, however excellent, is able by strength or even by wisdom to make the deed done in a former body otherwise.
AI translation rendered from the Sanskrit, not a published edition
PdP 2 94.18
स्वकृतान्येव भुंजंति दुःखानि च सुखानि च । हेतुतः कारणैर्वापि सोहं कारेण बाध्यते
svakṛtānyeva bhuṃjaṃti duḥkhāni ca sukhāni ca | hetutaḥ kāraṇairvāpi sohaṃ kāreṇa bādhyate
(Beings) enjoy only the sorrows and joys they have made themselves; whether from a motive or from (other) causes, that (person) is bound by his own doing.
AI translation rendered from the Sanskrit, not a published edition — the model flagged this verse as uncertain
PdP 2 94.19
यथा धेनुसहस्रेषु वत्सो विंदति मातरम् । तद्वच्छुभाशुभं कर्म कर्तारमनुगच्छति
yathā dhenusahasreṣu vatso viṃdati mātaram | tadvacchubhāśubhaṃ karma kartāramanugacchati
Just as among thousands of cows the calf finds its mother, so a deed, good or bad, follows after its doer.
AI translation rendered from the Sanskrit, not a published edition
PdP 2 94.20
उपभोगादृते यस्य नाश एव न विद्यते । प्राक्तनं बंधनं कर्म कोन्यथाकर्तुमर्हति
upabhogādṛte yasya nāśa eva na vidyate | prāktanaṃ baṃdhanaṃ karma konyathākartumarhati
For that which has no destruction at all apart from its being experienced — the binding deed of the past — who is able to make it otherwise?
AI translation rendered from the Sanskrit, not a published edition
PdP 2 94.21
सुशीघ्रमनुधावंतं विधानमनुधावति । शोभते संनिपातेन यथाकर्म पुराकृतम्
suśīghramanudhāvaṃtaṃ vidhānamanudhāvati | śobhate saṃnipātena yathākarma purākṛtam
Ordinance runs after (a man) who runs very fast; the deed done before shines forth, as it were, by the encounter (with its fruit).
AI translation rendered from the Sanskrit, not a published edition — the model flagged this verse as uncertain
PdP 2 94.22
उपतिष्ठति तिष्ठंतं गच्छं तमनुगच्छति । करोति कुर्वतः कर्मच्छायेवानु विधीयते
upatiṣṭhati tiṣṭhaṃtaṃ gacchaṃ tamanugacchati | karoti kurvataḥ karmacchāyevānu vidhīyate
It stands by (the man) who stands, it goes after him who goes, it acts upon him who acts: the deed is disposed to follow (him) like a shadow.
AI translation rendered from the Sanskrit, not a published edition
PdP 2 94.23
यथा छायातपौ नित्यं सुसंबद्धौ परस्परम् । उपसर्गा हि विषया उपसर्गा जरादयः
yathā chāyātapau nityaṃ susaṃbaddhau parasparam | upasargā hi viṣayā upasargā jarādayaḥ
As shade and sunlight are always well joined to each other — for objects of sense are afflictions, and old age and the rest are afflictions —
AI translation rendered from the Sanskrit, not a published edition — the model flagged this verse as uncertain
PdP 2 94.24
पीडयंति नरं पश्चात्पीडितं पूर्वकर्मणा । येन यत्रोपभोक्तव्यं दुःखं वा सुखमेव च
pīḍayaṃti naraṃ paścātpīḍitaṃ pūrvakarmaṇā | yena yatropabhoktavyaṃ duḥkhaṃ vā sukhameva ca
they afterwards torment the man (already) tormented by his former deed; by whatever (deed) and wherever pain or indeed pleasure is to be experienced,
AI translation rendered from the Sanskrit, not a published edition
PdP 2 94.25
स तत्र बद्ध्वा रज्ज्वेव बलाद्दैवेन नीयते । दैवं प्राहुश्च भूतानां सुखदुःखोपपादनम्
sa tatra baddhvā rajjveva balāddaivena nīyate | daivaṃ prāhuśca bhūtānāṃ sukhaduḥkhopapādanam
there he is bound as if with a rope and led by force by fate; and fate they call the bringing about of pleasure and pain for beings.
AI translation rendered from the Sanskrit, not a published edition
PdP 2 94.26
अन्यथा कर्मतच्चिंत्यं जाग्रतः स्वपतोपि वा । अन्यथा ह्युद्यते दैवं बध्यते च जिघांसति
anyathā karmatacciṃtyaṃ jāgrataḥ svapatopi vā | anyathā hyudyate daivaṃ badhyate ca jighāṃsati
That deed must be pondered otherwise, whether one is waking or sleeping; for fate arises otherwise, and it binds and seeks to slay.
AI translation rendered from the Sanskrit, not a published edition — the model flagged this verse as uncertain
PdP 2 94.27
शस्त्राग्निविषदुर्गेभ्यो रक्षितव्यं सुरक्षति । यथा पृथिव्यां बीजानि वृक्षगुल्मतृणान्यपि
śastrāgniviṣadurgebhyo rakṣitavyaṃ surakṣati | yathā pṛthivyāṃ bījāni vṛkṣagulmatṛṇānyapi
It well guards what is to be guarded from weapons, fire, poison and difficult places. As seeds, and trees, shrubs and grasses too, (rest) in the earth,
AI translation rendered from the Sanskrit, not a published edition
PdP 2 94.28
तथैवात्मनि कर्माणि तिष्ठंति प्रभवंति च । तैलक्षयाद्यथा दीपो निर्वाणमधिगच्छति
tathaivātmani karmāṇi tiṣṭhaṃti prabhavaṃti ca | tailakṣayādyathā dīpo nirvāṇamadhigacchati
just so do deeds abide in the self and come forth (from it). As a lamp, from the exhaustion of its oil, reaches extinction,
AI translation rendered from the Sanskrit, not a published edition
PdP 2 94.29
कर्मक्षयात्तथा जंतोः शरीरं नाशमृच्छति । कर्मक्षयात्तथा मृत्युस्तत्त्वविद्भिरुदाहृतम्
karmakṣayāttathā jaṃtoḥ śarīraṃ nāśamṛcchati | karmakṣayāttathā mṛtyustattvavidbhirudāhṛtam
so, from the exhaustion of (its) karma, a creature's body comes to destruction; thus death is declared by the knowers of truth to be from the exhaustion of karma.
AI translation rendered from the Sanskrit, not a published edition
PdP 2 94.30
विविधाः प्राणिनां रोगाः स्मृतास्तेषां च हेतवः । तस्मात्तत्त्वप्रधानस्तु कर्म एव हि प्राणिनाम्
vividhāḥ prāṇināṃ rogāḥ smṛtāsteṣāṃ ca hetavaḥ | tasmāttattvapradhānastu karma eva hi prāṇinām
The various diseases of living beings, and their causes, are recorded (in the texts); therefore, as the chief truth, it is karma alone that (rules) living beings.
AI translation rendered from the Sanskrit, not a published edition
PdP 2 94.31
यत्पुरा क्रियते कर्म तदिहैव प्रभुज्यते । यत्त्वया दृष्टमेवापि पृच्छितं तात सांप्रतम्
yatpurā kriyate karma tadihaiva prabhujyate | yattvayā dṛṣṭamevāpi pṛcchitaṃ tāta sāṃpratam
Whatever deed is done before is here enjoyed; and what you have seen and also asked about now, dear child —
AI translation rendered from the Sanskrit, not a published edition
PdP 2 94.32
तस्यार्थं तु मया प्रोक्तं भुंजाते तौ हि सांप्रतम् । आनंदे कानने दृष्टं तयोः कर्मसुदारुणम्
tasyārthaṃ tu mayā proktaṃ bhuṃjāte tau hi sāṃpratam | ānaṃde kānane dṛṣṭaṃ tayoḥ karmasudāruṇam
its meaning has been told by me: for those two are now experiencing (it). The very cruel deed of those two was seen in the Ānanda forest.
AI translation rendered from the Sanskrit, not a published edition
PdP 2 94.33
तयोश्चेष्टां प्रवक्ष्यामि शृणु वत्स प्रभाषतः । कर्मभूमिरियं तात अन्या भोगार्थभूमयः
tayośceṣṭāṃ pravakṣyāmi śṛṇu vatsa prabhāṣataḥ | karmabhūmiriyaṃ tāta anyā bhogārthabhūmayaḥ
I shall declare the doings of those two; listen, child, as I speak. This, dear one, is the land of action; the others are lands for the sake of enjoyment.
AI translation rendered from the Sanskrit, not a published edition
PdP 2 94.34
सर्गादीनां महाप्राज्ञ तासु गत्वा सुभुंजति । सूत उवाच- चौलदेशे महाप्राज्ञः सुबाहुर्नाम भूमिपः
sargādīnāṃ mahāprājña tāsu gatvā subhuṃjati | sūta uvāca- cauladeśe mahāprājñaḥ subāhurnāma bhūmipaḥ
O greatly wise one, having gone to those (lands), (beings) of the creation and so forth enjoy well. Sūta said: In the Caula country there was a very wise king named Subāhu,
AI translation rendered from the Sanskrit, not a published edition — the model flagged this verse as uncertain
PdP 2 94.35
रूपवान्गुणवान्धीरः पृथिव्यां नास्ति तादृशः । विष्णुभक्तो महाप्राज्ञो वैष्णवानां च सुप्रियः
rūpavānguṇavāndhīraḥ pṛthivyāṃ nāsti tādṛśaḥ | viṣṇubhakto mahāprājño vaiṣṇavānāṃ ca supriyaḥ
Handsome, virtuous, steadfast — there was none like him on earth; a devotee of Viṣṇu, of great wisdom, and much beloved of the Vaiṣṇavas.
AI translation rendered from the Sanskrit, not a published edition
PdP 2 94.36
कर्मणा त्रिविधेनापि प्रध्यायन्मधुसूदनम् । अश्वमेधादिकान्यज्ञान्यजेत सकलान्नृप
karmaṇā trividhenāpi pradhyāyanmadhusūdanam | aśvamedhādikānyajñānyajeta sakalānnṛpa
Meditating on Madhusūdana with action of all three kinds (of body, speech and mind), that king performed all the sacrifices, the horse-sacrifice and the rest.
AI translation rendered from the Sanskrit, not a published edition
PdP 2 94.37
पुरोधास्तस्य चैवास्ति जैमिनिर्नाम ब्राह्मणः । स चाहूय सुबाहुं तमिदं वचनमब्रवीत्
purodhāstasya caivāsti jaiminirnāma brāhmaṇaḥ | sa cāhūya subāhuṃ tamidaṃ vacanamabravīt
And he had a chaplain, a brahmin named Jaimini; and he, having summoned that Subāhu, spoke this word:
AI translation rendered from the Sanskrit, not a published edition
PdP 2 94.38
राजन्देहि सुदानानि यैः सुखं तु प्रभुंज्यत । दानैस्तु तरते लोकान्दुर्गान्प्रेत्य गतो नरः
rājandehi sudānāni yaiḥ sukhaṃ tu prabhuṃjyata | dānaistu tarate lokāndurgānpretya gato naraḥ
"O king, give good gifts, by which happiness is enjoyed; for by gifts a man, having gone (hence) after death, crosses over the difficult worlds.
AI translation rendered from the Sanskrit, not a published edition
PdP 2 94.39
दानेन सुखमाप्नोति यशः प्राप्नोति शाश्वतम् । दानेन चातुला कीर्तिर्जायते मृत्युमंडले
dānena sukhamāpnoti yaśaḥ prāpnoti śāśvatam | dānena cātulā kīrtirjāyate mṛtyumaṃḍale
By giving one obtains happiness, one obtains everlasting fame; and by giving an incomparable renown arises in the realm of mortals.
AI translation rendered from the Sanskrit, not a published edition
PdP 2 94.40
यावत्कीर्तिः स्थिता चात्र तावत्कर्ता दिवं वसेत् । तद्दानं दुष्करं प्राहुर्दातुं नैव प्रशक्यते
yāvatkīrtiḥ sthitā cātra tāvatkartā divaṃ vaset | taddānaṃ duṣkaraṃ prāhurdātuṃ naiva praśakyate
As long as (his) fame stands here, so long shall the doer dwell in heaven. That gift (of which) they say it is hard to do, it simply cannot be given.
AI translation rendered from the Sanskrit, not a published edition — the model flagged this verse as uncertain
PdP 2 94.41
तस्मात्सर्वप्रयत्नेन दातव्यं मानवैः सदा । सुबाहुरुवाच- दानाच्च तपसो वापि द्वयोर्मध्ये सुदुष्करम्
tasmātsarvaprayatnena dātavyaṃ mānavaiḥ sadā | subāhuruvāca- dānācca tapaso vāpi dvayormadhye suduṣkaram
Therefore with every effort men should always give." Subāhu said: "Of the two, giving and asceticism, which is the harder,
AI translation rendered from the Sanskrit, not a published edition
PdP 2 94.42
किं वा महत्फलं प्रेत्य तन्मे ब्रूहि द्विजोत्तम । जैमिनिरुवाच- दानान्न दुष्करतरं पृथिव्यामस्ति किंचन
kiṃ vā mahatphalaṃ pretya tanme brūhi dvijottama | jaiminiruvāca- dānānna duṣkarataraṃ pṛthivyāmasti kiṃcana
or which bears the greater fruit after death? Tell me that, best of the twice-born." Jaimini said: "There is nothing on earth harder to do than giving.
AI translation rendered from the Sanskrit, not a published edition
PdP 2 94.43
राजन्प्रत्यक्षमेवैकं दृश्यते लोकसाक्षिकम् । परित्यज्य प्रियान्प्राणान्धनार्थं लोभमोहिताः
rājanpratyakṣamevaikaṃ dṛśyate lokasākṣikam | parityajya priyānprāṇāndhanārthaṃ lobhamohitāḥ
O king, one thing is seen plainly, witnessed by (all) the world: deluded by greed, men abandon their dear lives for the sake of wealth
AI translation rendered from the Sanskrit, not a published edition
PdP 2 94.44
प्रविशंति नरा लोके समुद्रमटवीं तथा । सेवामन्ये प्रपद्यंतेऽश्ववृत्तिरिति या स्थिता
praviśaṃti narā loke samudramaṭavīṃ tathā | sevāmanye prapadyaṃte'śvavṛttiriti yā sthitā
and enter the sea and the forest in this world; others take to service, which is called a horse's life (drudgery),
AI translation rendered from the Sanskrit, not a published edition — the model flagged this verse as uncertain
PdP 2 94.45
हिंसाप्रायां बहुक्लेशां कृषिं चैव तथा पुरा । तस्य दुःखार्जितस्यापि प्राणेभ्योपि गरीयसः
hiṃsāprāyāṃ bahukleśāṃ kṛṣiṃ caiva tathā purā | tasya duḥkhārjitasyāpi prāṇebhyopi garīyasaḥ
and formerly (they took to) agriculture, which is full of injury and much trouble. Even of that (wealth), won with hardship and dearer than life,
AI translation rendered from the Sanskrit, not a published edition — the model flagged this verse as uncertain
PdP 2 94.46
अर्थस्य पुरुषव्याघ्र परित्यागः सुदुष्करः । विशेषतो महाराज तस्य न्यायार्जितस्य च
arthasya puruṣavyāghra parityāgaḥ suduṣkaraḥ | viśeṣato mahārāja tasya nyāyārjitasya ca
the relinquishing of wealth, O tiger among men, is very hard to do — especially, great king, of that which has been justly earned.
AI translation rendered from the Sanskrit, not a published edition
PdP 2 94.47
श्रद्धया विधिवत्पात्रे दत्तस्यांतो न विद्यते । श्रद्धा धर्मसुता देवी पावनी विश्वतारिणी
śraddhayā vidhivatpātre dattasyāṃto na vidyate | śraddhā dharmasutā devī pāvanī viśvatāriṇī
Of what is given with faith, according to rule, to a worthy recipient, there is no end. Faith is a goddess, the daughter of Dharma, purifying, saving the world,
AI translation rendered from the Sanskrit, not a published edition
PdP 2 94.48
सावित्री प्रसवित्री च संसारार्णवतारिणी । श्रद्धया साध्यते धर्मो महद्भिर्न्नार्थराशिभिः
sāvitrī prasavitrī ca saṃsārārṇavatāriṇī | śraddhayā sādhyate dharmo mahadbhirnnārtharāśibhiḥ
generative and productive, carrying (one) across the ocean of transmigration. Dharma is accomplished by faith, not by great heaps of wealth.
AI translation rendered from the Sanskrit, not a published edition
PdP 2 94.49
निष्किंचनास्तु मुनयः श्रद्धाधर्मा दिवं गताः । संति दानान्यनेकानि नानाभेदैर्नृपोत्तम
niṣkiṃcanāstu munayaḥ śraddhādharmā divaṃ gatāḥ | saṃti dānānyanekāni nānābhedairnṛpottama
Indeed sages who possessed nothing, whose merit was faith, went to heaven. There are many gifts, of various kinds, O best of kings;
AI translation rendered from the Sanskrit, not a published edition
PdP 2 94.50
अन्नदानात्परं नास्ति प्राणिनां गतिदायकम् । तस्मादन्नं प्रदातव्यं पयसा च समन्वितम्
annadānātparaṃ nāsti prāṇināṃ gatidāyakam | tasmādannaṃ pradātavyaṃ payasā ca samanvitam
there is nothing higher than the gift of food, which grants (a good) course to living beings. Therefore food should be given, together with milk,
AI translation rendered from the Sanskrit, not a published edition
PdP 2 94.51
मधुरेणापि पुण्येन वचसा च समन्वितम् । नास्त्यन्नात्तु परं दानमिहलोके परत्र च
madhureṇāpi puṇyena vacasā ca samanvitam | nāstyannāttu paraṃ dānamihaloke paratra ca
and accompanied too by sweet and meritorious speech. There is no gift higher than food, in this world or the next,
AI translation rendered from the Sanskrit, not a published edition
PdP 2 94.52
तारणाय हितायैव सुखसंपत्तिहेतवे । श्रद्धया विधिवत्पात्रे निर्मलेनापि चेतसा
tāraṇāya hitāyaiva sukhasaṃpattihetave | śraddhayā vidhivatpātre nirmalenāpi cetasā
for the sake of deliverance, for benefit, as the cause of happiness and prosperity — (given) with faith, according to rule, to a worthy recipient, and with a pure mind.
AI translation rendered from the Sanskrit, not a published edition
PdP 2 94.53
अन्नैकस्य प्रदानस्य फलं भुंक्ते भवेन्नरः । ग्रासाद्ग्रासं प्रदातव्यं मुष्टिप्रस्थं न संशयः
annaikasya pradānasya phalaṃ bhuṃkte bhavennaraḥ | grāsādgrāsaṃ pradātavyaṃ muṣṭiprasthaṃ na saṃśayaḥ
A man comes to enjoy the fruit of a single gift of food. Mouthful by mouthful it should be given, a handful, a measure — there is no doubt.
AI translation rendered from the Sanskrit, not a published edition
PdP 2 94.54
अक्षयं जायते तस्य दानस्यापि महाफलम् । न च प्रस्थं न वा मुष्टिं नरस्य हि न संभवेत्
akṣayaṃ jāyate tasya dānasyāpi mahāphalam | na ca prasthaṃ na vā muṣṭiṃ narasya hi na saṃbhavet
Imperishable becomes the great fruit of that gift of his. And surely for a man neither a measure nor a handful is impossible (to give).
AI translation rendered from the Sanskrit, not a published edition — the model flagged this verse as uncertain
PdP 2 94.55
अनास्तिक्यप्रभावेण पर्वणि प्राप्य मानवः । श्रद्धया ब्राह्मणं चैकं भक्त्या चैव प्रभोजयेत्
anāstikyaprabhāveṇa parvaṇi prāpya mānavaḥ | śraddhayā brāhmaṇaṃ caikaṃ bhaktyā caiva prabhojayet
Through the power of (his) unbelief, a man, having reached a festival day (parvan), should with faith and with devotion feed even a single brahmin.
AI translation rendered from the Sanskrit, not a published edition — the model flagged this verse as uncertain
PdP 2 94.56
एकस्यापि प्रधानस्य अन्नस्यापि प्रजेश्वर । जन्मांतरं सुसंप्राप्य नित्यं चान्नं प्रभुंजति
ekasyāpi pradhānasya annasyāpi prajeśvara | janmāṃtaraṃ susaṃprāpya nityaṃ cānnaṃ prabhuṃjati
O lord of creatures, (by the gift) of even a single principal (portion) of food, he, having attained another birth well, eats food constantly (there).
AI translation rendered from the Sanskrit, not a published edition — the model flagged this verse as uncertain
PdP 2 94.57
पूर्वजन्मनि यद्दत्तं भक्त्या पात्रे सकृन्नरैः । जन्मांतरं सुसंप्राप्य नित्यमेव भुनक्ति च
pūrvajanmani yaddattaṃ bhaktyā pātre sakṛnnaraiḥ | janmāṃtaraṃ susaṃprāpya nityameva bhunakti ca
What was given in a former birth by men with devotion, even once, to a worthy recipient — having well attained another birth, one enjoys it constantly.
AI translation rendered from the Sanskrit, not a published edition
PdP 2 94.58
अन्नदानं प्रयच्छंति ब्राह्मणेभ्यो हि नित्यशः । मिष्टान्नपानं भुंजंति ते नरा अन्नदायिनः
annadānaṃ prayacchaṃti brāhmaṇebhyo hi nityaśaḥ | miṣṭānnapānaṃ bhuṃjaṃti te narā annadāyinaḥ
Those men who constantly give the gift of food to brahmins — those givers of food eat sweet food and drink.
AI translation rendered from the Sanskrit, not a published edition
PdP 2 94.59
अन्नमेव वदंत्येत ऋषयो वेदपारगाः । प्राणभूतं न संदेहममृताद्धि समुद्भवम्
annameva vadaṃtyeta ṛṣayo vedapāragāḥ | prāṇabhūtaṃ na saṃdehamamṛtāddhi samudbhavam
These seers who have gone to the far shore of the Vedas say that food itself is the very life-breath — there is no doubt — and that it arises from the nectar of immortality.
AI translation rendered from the Sanskrit, not a published edition
PdP 2 94.60
प्राणास्तेन प्रदत्ता हि येन चान्नं समर्पितम् । अन्नदानं महाराज देहि त्वं तु प्रयत्नतः
prāṇāstena pradattā hi yena cānnaṃ samarpitam | annadānaṃ mahārāja dehi tvaṃ tu prayatnataḥ
For by whom food has been bestowed, by him the life-breaths have been given. O great king, do you give the gift of food with effort.
AI translation rendered from the Sanskrit, not a published edition
PdP 2 94.61
एवमाकर्ण्य वै राजा जैमिनेस्तु महात्मनः । पुनः पप्रच्छ तं विप्रं जैमिनिं ज्ञानपंडितम्
evamākarṇya vai rājā jaiminestu mahātmanaḥ | punaḥ papraccha taṃ vipraṃ jaiminiṃ jñānapaṃḍitam
Having heard this from the great-souled Jaimini, the king again questioned that brahmin, Jaimini, learned in knowledge.
AI translation rendered from the Sanskrit, not a published edition