Padma Purana — Bhumi Khanda — Chapter 90
PdP 2 90.1
सूतउवाच- एवमाकर्ण्य तत्सर्वं समुज्ज्वलस्य भाषितम् । कुंजलः स हि धर्मात्मा प्रत्युवाच सुतं प्रति
sūtauvāca- evamākarṇya tatsarvaṃ samujjvalasya bhāṣitam | kuṃjalaḥ sa hi dharmātmā pratyuvāca sutaṃ prati
Sūta said: Having heard all that speech of Samujjvala, that righteous Kuñjala replied to his son.
AI translation rendered from the Sanskrit, not a published edition
PdP 2 90.2
कुंजल उवाच- संप्रवक्ष्याम्यहं तात श्रूयतां स्थिरमानसः । सर्वसंदेहविध्वंसं चरित्रं पापनाशनम्
kuṃjala uvāca- saṃpravakṣyāmyahaṃ tāta śrūyatāṃ sthiramānasaḥ | sarvasaṃdehavidhvaṃsaṃ caritraṃ pāpanāśanam
Kuñjala said: I shall relate it, dear one; let it be heard with a steady mind—a tale that destroys all doubt and annihilates sin.
AI translation rendered from the Sanskrit, not a published edition
PdP 2 90.3
इंद्रलोके प्रववृते संवादो देव कौतुकः । सभायां तस्य देवस्य इंद्रस्यापि महात्मनः
iṃdraloke pravavṛte saṃvādo deva kautukaḥ | sabhāyāṃ tasya devasya iṃdrasyāpi mahātmanaḥ
In the world of Indra there took place a conversation that delighted the gods, in the assembly hall of that god, the great-souled Indra himself.
AI translation rendered from the Sanskrit, not a published edition
PdP 2 90.4
देवं द्रष्टुं सहस्राक्षं नारदस्त्वरितं ययौ । समागतं सहस्राक्षः सूर्यतेजःसमप्रभम्
devaṃ draṣṭuṃ sahasrākṣaṃ nāradastvaritaṃ yayau | samāgataṃ sahasrākṣaḥ sūryatejaḥsamaprabham
Nārada went swiftly to see the thousand-eyed god; and the thousand-eyed one (saw) him arrived, radiant as the sun's splendour.
AI translation rendered from the Sanskrit, not a published edition
PdP 2 90.5
तं दृष्ट्वा हर्षमायातः समुत्थाय महामतिः । ददावर्घं च पाद्यं च भक्त्या प्रणतमानसः
taṃ dṛṣṭvā harṣamāyātaḥ samutthāya mahāmatiḥ | dadāvarghaṃ ca pādyaṃ ca bhaktyā praṇatamānasaḥ
Seeing him, the great-minded one was filled with joy, and rising up he gave water for guest-offering and for the feet, with devotion, his mind bowed low.
AI translation rendered from the Sanskrit, not a published edition
PdP 2 90.6
बद्धांजलिपुटोभूत्वा प्रणाममकरोत्तदा । आसने कोमले पुण्ये विनिवेश्य द्विजोत्तमम्
baddhāṃjalipuṭobhūtvā praṇāmamakarottadā | āsane komale puṇye viniveśya dvijottamam
With hands folded in salutation he then made obeisance, and having seated that best of twice-born ones on a soft, holy seat,
AI translation rendered from the Sanskrit, not a published edition
PdP 2 90.7
पप्रच्छ प्रणतो भूत्वा श्रद्धया परया युतः । कस्माच्चागमनं तेऽद्य कारणं वद सांप्रतम्
papraccha praṇato bhūtvā śraddhayā parayā yutaḥ | kasmāccāgamanaṃ te'dya kāraṇaṃ vada sāṃpratam
bowing and filled with the highest faith, he asked: "Why have you come today? Tell me the reason now."
AI translation rendered from the Sanskrit, not a published edition
PdP 2 90.8
इत्युक्तो देवराजेन प्रत्युवाच महामुनिः । भवंतं द्रष्टुमायातः पृथिव्यास्तु पुरंदरः
ityukto devarājena pratyuvāca mahāmuniḥ | bhavaṃtaṃ draṣṭumāyātaḥ pṛthivyāstu puraṃdaraḥ
Addressed thus by the king of the gods, the great sage replied: "Puraṃdara, I have come from the earth to see you,
AI translation rendered from the Sanskrit, not a published edition
PdP 2 90.9
स्नात्वा पुण्यप्रदेशेषु तीर्थेषु च सुश्रद्धया । देवान्पितॄन्समभ्यर्च्य दृष्ट्वा तीर्थान्यनेकशः
snātvā puṇyapradeśeṣu tīrtheṣu ca suśraddhayā | devānpitṝnsamabhyarcya dṛṣṭvā tīrthānyanekaśaḥ
having bathed with great faith in holy regions and at sacred fords, having worshipped the gods and the ancestors and seen many holy places.
AI translation rendered from the Sanskrit, not a published edition
PdP 2 90.10
एतत्ते सर्वमाख्यातं यत्त्वया पृच्छितं पुरा । देवेंद्र उवाच- दृष्टानि पुण्यतीर्थानि सुक्षेत्राणि त्वया मुने
etatte sarvamākhyātaṃ yattvayā pṛcchitaṃ purā | deveṃdra uvāca- dṛṣṭāni puṇyatīrthāni sukṣetrāṇi tvayā mune
All this has been told to you, which you asked about earlier. Indra said: You have seen the holy fords and the good sacred fields, O sage.
AI translation rendered from the Sanskrit, not a published edition
PdP 2 90.11
किं तीर्थं प्राप्य मुच्येत ब्रह्मघ्नो ब्रह्महत्यया । सुरापोमुच्यतेपापाद्गोघ्नोहेमापहारकः
kiṃ tīrthaṃ prāpya mucyeta brahmaghno brahmahatyayā | surāpomucyatepāpādgoghnohemāpahārakaḥ
On reaching what ford would a slayer of a brahmin be freed from the killing of a brahmin? (Where) is a drinker of liquor freed from (his) sin, (and) a cow-killer, (and) a stealer of gold?
AI translation rendered from the Sanskrit, not a published edition
PdP 2 90.12
स्वामिद्रोहान्महाभाग नारीहंता कथं सुखी । नारद उवाच- यानि कानि च तीर्थानि गयादीनि सुरेश्वर
svāmidrohānmahābhāga nārīhaṃtā kathaṃ sukhī | nārada uvāca- yāni kāni ca tīrthāni gayādīni sureśvara
(And how is one freed) from treachery to (his) master, O greatly fortunate one, (and) how is a killer of a woman happy? Nārada said: Whatever fords there are, Gayā and the rest, O lord of the gods,
AI translation rendered from the Sanskrit, not a published edition
PdP 2 90.13
तेषां नैव प्रजानामि विशेषं पापनाशनम् । सुपुण्यानि सुदिव्यानि पापघ्नानि समानि च
teṣāṃ naiva prajānāmi viśeṣaṃ pāpanāśanam | supuṇyāni sudivyāni pāpaghnāni samāni ca
of these I do not at all know the distinction (as to) the destroying of sin; they are all very holy, very divine, sin-destroying, and equal.
AI translation rendered from the Sanskrit, not a published edition
PdP 2 90.14
सर्वाण्येव सुतीर्थानि जानाम्यहं पुरंदर । अविशेषं विशेषं वै नैव जानामि सांप्रतम्
sarvāṇyeva sutīrthāni jānāmyahaṃ puraṃdara | aviśeṣaṃ viśeṣaṃ vai naiva jānāmi sāṃpratam
I know that all of them are good fords, O Puraṃdara; but I do not now know the distinction and the non-distinction (between them).
AI translation rendered from the Sanskrit, not a published edition
PdP 2 90.15
प्रत्ययं क्रियतां देव तीर्थानां गतिदायकम् । एवमाकर्ण्य तद्वाक्यं नारदस्य महात्मनः
pratyayaṃ kriyatāṃ deva tīrthānāṃ gatidāyakam | evamākarṇya tadvākyaṃ nāradasya mahātmanaḥ
Let a test be made, O god, of the fords, which grant (good) destiny. Hearing that speech of the great-souled Nārada thus,
AI translation rendered from the Sanskrit, not a published edition
PdP 2 90.16
समाहूतानि चेंद्रेण तीर्थानि भूगतानि च । मूर्तिवर्तीनि दिव्यानि समायातानि शासनात्
samāhūtāni ceṃdreṇa tīrthāni bhūgatāni ca | mūrtivartīni divyāni samāyātāni śāsanāt
the fords that are on the earth were summoned by Indra, and the divine (fords), bearing bodily forms, came at (his) command.
AI translation rendered from the Sanskrit, not a published edition
PdP 2 90.17
बद्धांजलीनि दिव्यानि भूषितानि सुभूषणैः । दिव्यांबराणि स्निग्धानि तेजोवंति च सुव्रत
baddhāṃjalīni divyāni bhūṣitāni subhūṣaṇaiḥ | divyāṃbarāṇi snigdhāni tejovaṃti ca suvrata
(They were) divine, with palms joined, adorned with fine ornaments, (clad) in divine garments, glossy and full of splendour, O you of good vows.
AI translation rendered from the Sanskrit, not a published edition
PdP 2 90.18
स्त्रीपुंसोश्च स्वरूपाणि कृतानि च विशेषतः । हेमचंदनकाशानि दिव्यरूपधराणि च
strīpuṃsośca svarūpāṇi kṛtāni ca viśeṣataḥ | hemacaṃdanakāśāni divyarūpadharāṇi ca
And they had assumed the forms of women and men, made especially (so), shining like gold and sandal, and bearing divine shapes.
AI translation rendered from the Sanskrit, not a published edition
PdP 2 90.19
मुक्ताफलस्यवर्णेन प्रभासंति नरेश्वर । तप्तकांचनवर्णानि सारुण्यानि च तत्र वै
muktāphalasyavarṇena prabhāsaṃti nareśvara | taptakāṃcanavarṇāni sāruṇyāni ca tatra vai
They shine with the colour of a pearl, O lord of men; and some there have the colour of heated gold and are reddish.
AI translation rendered from the Sanskrit, not a published edition
PdP 2 90.20
कति शुक्ल सुपीतानि प्रभावंति सभांतरे । कानि पद्मनिभान्येव मूर्तिवर्तीनि तानि तु
kati śukla supītāni prabhāvaṃti sabhāṃtare | kāni padmanibhānyeva mūrtivartīni tāni tu
Some (are) white, some deep yellow, shining within the assembly; some are just like lotuses—those (fords) bearing bodily form.
AI translation rendered from the Sanskrit, not a published edition
PdP 2 90.21
सूर्यतेजः प्रकाशानि तडित्तेजः समानि च । पावकाभानि चान्यानि प्रभासंति सभांतरे
sūryatejaḥ prakāśāni taḍittejaḥ samāni ca | pāvakābhāni cānyāni prabhāsaṃti sabhāṃtare
Some shine with the radiance of the sun, some are equal to the radiance of lightning, and others, resembling fire, shine within the assembly.
AI translation rendered from the Sanskrit, not a published edition
PdP 2 90.22
सर्वाभरणशोभाढ्यैः प्रशोभंते नरेश्वर । हारकंकणकेयूरमालाभिस्तु सुचंदनैः
sarvābharaṇaśobhāḍhyaiḥ praśobhaṃte nareśvara | hārakaṃkaṇakeyūramālābhistu sucaṃdanaiḥ
They shine with the splendour of all (their) ornaments, O lord of men—with necklaces, bracelets, armlets and garlands, and with fine sandal paste.
AI translation rendered from the Sanskrit, not a published edition
PdP 2 90.23
दिव्यचंदनदिग्धानि सुरभीणि गुरूणि च । कमंडलुकराण्येव आयातानि सभांतरे
divyacaṃdanadigdhāni surabhīṇi gurūṇi ca | kamaṃḍalukarāṇyeva āyātāni sabhāṃtare
Smeared with divine sandal paste, fragrant and weighty, with water-pots in their hands, they came into the assembly.
AI translation rendered from the Sanskrit, not a published edition
PdP 2 90.24
गंगा च नर्मदा पुण्या चंद्रभागा सरस्वती । देविका बिंबिका कुब्जा कुंजला मंजुला श्रुता
gaṃgā ca narmadā puṇyā caṃdrabhāgā sarasvatī | devikā biṃbikā kubjā kuṃjalā maṃjulā śrutā
Gaṅgā, and holy Narmadā, Candrabhāgā, Sarasvatī, Devikā, Bimbikā, Kubjā, Kuñjalā, Mañjulā, Śrutā,
AI translation rendered from the Sanskrit, not a published edition
PdP 2 90.25
रंभा भानुमती पुण्या पारा चैव सुघर्घरा । शोणा च सिंधुसौवीरा कावेरी कपिला तथा
raṃbhā bhānumatī puṇyā pārā caiva sughargharā | śoṇā ca siṃdhusauvīrā kāverī kapilā tathā
Rambhā, holy Bhānumatī, and Pārā, and Sugharghharā, Śoṇā, Sindhu-Sauvīrā, Kāverī, and likewise Kapilā,
AI translation rendered from the Sanskrit, not a published edition
PdP 2 90.26
कुमुदा वेदनदी पुण्या सुपुण्या च महेश्वरी । चर्मण्वती तथा ख्याता लोपा चान्या सुकौशिकी
kumudā vedanadī puṇyā supuṇyā ca maheśvarī | carmaṇvatī tathā khyātā lopā cānyā sukauśikī
Kumudā, the holy Veda river, and the very holy Maheśvarī, Carmaṇvatī, so renowned, and another, Lopā, and Sukauśikī,
AI translation rendered from the Sanskrit, not a published edition
PdP 2 90.27
सुहंसी हंसपादा च हंसवेगा मनोरथा । सुरुथास्वारुणा वेणा भद्र वेणा सुपद्मिनी
suhaṃsī haṃsapādā ca haṃsavegā manorathā | suruthāsvāruṇā veṇā bhadra veṇā supadminī
Suhaṃsī and Haṃsapādā, Haṃsavegā, Manorathā, Surutha, Svāruṇā, Veṇā, Bhadraveṇā, Supadminī,
AI translation rendered from the Sanskrit, not a published edition
PdP 2 90.28
नाहलीसुमरी चान्या पुण्या चान्या पुलिंदिका । हेमा मनोरथा दिव्या चंद्रिका वेदसंक्रमा
nāhalīsumarī cānyā puṇyā cānyā puliṃdikā | hemā manorathā divyā caṃdrikā vedasaṃkramā
and another, Nāhalīsumarī, and another holy one, Pulindikā, Hemā, Manorathā, the divine Candrikā, Vedasaṃkramā,
AI translation rendered from the Sanskrit, not a published edition
PdP 2 90.29
ज्वालाहुताशनी स्वाहा काला चैव कपिंजला । स्वधा च सुकला लिंगा गंभीरा भीमवाहिनी
jvālāhutāśanī svāhā kālā caiva kapiṃjalā | svadhā ca sukalā liṃgā gaṃbhīrā bhīmavāhinī
Jvālā, Hutāśanī, Svāhā, and Kālā, Kapiñjalā, and Svadhā, Sukalā, Liṅgā, Gambhīrā, Bhīmavāhinī,
AI translation rendered from the Sanskrit, not a published edition
PdP 2 90.30
देवद्रीची वीरवाहा लक्षहोमा अघापहा । पाराशरी हेमगर्भा सुभद्रा वसुपुत्रिका
devadrīcī vīravāhā lakṣahomā aghāpahā | pārāśarī hemagarbhā subhadrā vasuputrikā
Devadrīcī, Vīravāhā, Lakṣahomā, Aghāpahā ("remover of sin"), Pārāśarī, Hemagarbhā, Subhadrā, Vasuputrikā —
AI translation rendered from the Sanskrit, not a published edition
PdP 2 90.31
एता नद्यो महापुण्या मूर्तिमत्यो नरेश्वर । सर्वाभरणशोभाढ्याः कुंभहस्ताः सुपूजिताः
etā nadyo mahāpuṇyā mūrtimatyo nareśvara | sarvābharaṇaśobhāḍhyāḥ kuṃbhahastāḥ supūjitāḥ
These rivers, O lord of men, are of great merit, embodied in bodily form, richly adorned with the beauty of all ornaments, with pitchers in their hands, well worshipped.
AI translation rendered from the Sanskrit, not a published edition
PdP 2 90.32
प्रयागः पुष्करश्चैव अर्घदीर्घो मनोरथा । वाराणसी महापुण्या ब्रह्महत्या व्यपोहिनी
prayāgaḥ puṣkaraścaiva arghadīrgho manorathā | vārāṇasī mahāpuṇyā brahmahatyā vyapohinī
Prayāga, and Puṣkara, Arghadīrgha, Manorathā, and Vārāṇasī, greatly meritorious, which dispels (even) the sin of killing a brahmin —
AI translation rendered from the Sanskrit, not a published edition — the model flagged this verse as uncertain
PdP 2 90.33
द्वारावती प्रभासश्च अवंती नैमिषस्तथा । चंडकश्च महारत्नो महेश्वरकलेश्वरौ
dvārāvatī prabhāsaśca avaṃtī naimiṣastathā | caṃḍakaśca mahāratno maheśvarakaleśvarau
Dvāravatī and Prabhāsa, Avantī, and likewise Naimiṣa; Caṇḍaka and Mahāratna, Maheśvara and Kaleśvara —
AI translation rendered from the Sanskrit, not a published edition — the model flagged this verse as uncertain
PdP 2 90.34
कलिंजरो ब्रह्मक्षेत्रं माथुरो मानवाहकः । मायाकांती तथान्यानि दिव्यानि विविधानि च
kaliṃjaro brahmakṣetraṃ māthuro mānavāhakaḥ | māyākāṃtī tathānyāni divyāni vividhāni ca
Kalinjara, Brahmakshetra, the Mathura (region), Manavahaka, Mayakanti, and likewise various other divine (places) —
AI translation rendered from the Sanskrit, not a published edition — the model flagged this verse as uncertain
PdP 2 90.35
अष्टषष्टिः सुतीर्थानि नदीनां शतकोटयः । गोदावरीमुखाः सर्वा समायातास्तदाज्ञया
aṣṭaṣaṣṭiḥ sutīrthāni nadīnāṃ śatakoṭayaḥ | godāvarīmukhāḥ sarvā samāyātāstadājñayā
The sixty-eight excellent holy places, and the hundred crores of rivers headed by the Godāvarī — all of them came together at his command.
AI translation rendered from the Sanskrit, not a published edition
PdP 2 90.36
द्वीपानां तु समस्तानि सुतीर्थानि महांति च । मूर्तिलिंगधराण्येव सहस्राक्षं सुरेश्वरम्
dvīpānāṃ tu samastāni sutīrthāni mahāṃti ca | mūrtiliṃgadharāṇyeva sahasrākṣaṃ sureśvaram
But all the good tīrthas of the islands, and the great ones, bearing bodily and liṅga forms, (came) to the thousand-eyed lord of the gods,
AI translation rendered from the Sanskrit, not a published edition — the model flagged this verse as uncertain
PdP 2 90.37
समाजग्मुः समस्तानि तदादेशकराणि च । प्रणेमुर्देवदेवेशं नतशीर्षाणि सर्वशः
samājagmuḥ samastāni tadādeśakarāṇi ca | praṇemurdevadeveśaṃ nataśīrṣāṇi sarvaśaḥ
— tr. refused: cyber
PdP 2 90.38
सूत उवाच- तैः प्रोक्तं तु महातीर्थैर्देवराजं यशस्विनम् । कस्मात्त्वया समाहूता देवदेव वदस्व नः
sūta uvāca- taiḥ proktaṃ tu mahātīrthairdevarājaṃ yaśasvinam | kasmāttvayā samāhūtā devadeva vadasva naḥ
Sūta said: Then it was spoken by those great sacred fords to the glorious king of the gods: "For what reason have we been summoned by you, O god of gods? Tell us."
AI translation rendered from the Sanskrit, not a published edition
PdP 2 90.39
ब्रूहि नः कारणं सर्वं नमस्तुभ्यं सुराधिप । एवमाकर्ण्य तद्वाक्यं देवराजोभ्यभाषत
brūhi naḥ kāraṇaṃ sarvaṃ namastubhyaṃ surādhipa | evamākarṇya tadvākyaṃ devarājobhyabhāṣata
"Tell us the whole reason; homage to you, lord of the gods!" Hearing that speech, the king of the gods spoke:
AI translation rendered from the Sanskrit, not a published edition
PdP 2 90.40
कः समर्थो महातीर्थो ब्रह्महत्यां व्यपोहितुम् । गोवधाख्यं महापापं स्त्रीवधाख्यमनुत्तमम्
kaḥ samartho mahātīrtho brahmahatyāṃ vyapohitum | govadhākhyaṃ mahāpāpaṃ strīvadhākhyamanuttamam
"What great sacred ford is able to remove the killing of a brahmin, the great sin called cow-slaughter, and the unsurpassed (sin) called the killing of a woman,
AI translation rendered from the Sanskrit, not a published edition
PdP 2 90.41
स्वामिद्रोहाच्च संभूतं सुरापानाच्च दारुणम् । हेमस्तेयात्तथा जातं गुरुनिंदा समुद्भवम्
svāmidrohācca saṃbhūtaṃ surāpānācca dāruṇam | hemasteyāttathā jātaṃ guruniṃdā samudbhavam
(the sin) arisen from betrayal of one's master, and the terrible one from drinking liquor, and that produced from the theft of gold, and that which springs from reviling one's guru —
AI translation rendered from the Sanskrit, not a published edition
PdP 2 90.42
भ्रूणहत्यां महाघोरां नाशयेत्कः समर्थवान् । राजद्रोहान्महापापं बहुपीडाप्रदायकम्
bhrūṇahatyāṃ mahāghorāṃ nāśayetkaḥ samarthavān | rājadrohānmahāpāpaṃ bahupīḍāpradāyakam
Who would be capable of destroying the exceedingly dreadful killing of an embryo? (And there is) the great sin arising from treason against the king, which brings much affliction.
AI translation rendered from the Sanskrit, not a published edition — the model flagged this verse as uncertain
PdP 2 90.43
मित्रद्रोहात्तथा चान्यदन्यद्विश्वासघातकम् । देवभेदं तथा चान्यं लिंगभेदमतः परम्
mitradrohāttathā cānyadanyadviśvāsaghātakam | devabhedaṃ tathā cānyaṃ liṃgabhedamataḥ param
(And there is another sin) from betrayal of a friend, and yet another, the breaking of trust; likewise another, the causing of division among the gods, and beyond that the breaking of a liṅga —
AI translation rendered from the Sanskrit, not a published edition — the model flagged this verse as uncertain
PdP 2 90.44
वृत्तिच्छेदं च विप्राणां गोप्रचारप्रणाशनम् । आगारदहनं चान्यद्गृहदीपनकं तथा
vṛtticchedaṃ ca viprāṇāṃ gopracārapraṇāśanam | āgāradahanaṃ cānyadgṛhadīpanakaṃ tathā
And the cutting off of the livelihood of brahmins, and the destruction of the cattle-pasture; and the burning of a dwelling, and likewise the setting fire to a house.
AI translation rendered from the Sanskrit, not a published edition
PdP 2 90.45
षोडशैते महापापा अगम्यागमनं तथा । स्वामित्यागात्समुद्भूतं रणस्थानात्पलायनात्
ṣoḍaśaite mahāpāpā agamyāgamanaṃ tathā | svāmityāgātsamudbhūtaṃ raṇasthānātpalāyanāt
These sixteen are the great sins — and likewise intercourse with a woman one may not approach, (the sin) that arises from abandoning one's master, (and that) from fleeing from the field of battle.
AI translation rendered from the Sanskrit, not a published edition — the model flagged this verse as uncertain
PdP 2 90.46
एतानि नाशयेत्को वै समर्थस्तीर्थउत्तमः । समर्थो भवतां मध्ये प्रायश्चित्तं विना ध्रुवम्
etāni nāśayetko vai samarthastīrthauttamaḥ | samartho bhavatāṃ madhye prāyaścittaṃ vinā dhruvam
Who indeed, which foremost among the sacred fords, is capable of destroying these? Who among you is capable (of it), certainly without any penance?
AI translation rendered from the Sanskrit, not a published edition — the model flagged this verse as uncertain
PdP 2 90.47
पश्यतां देवतानां च नारदस्य च पश्यतः । ब्रुवंतु सर्वे संचिंत्य विचार्यैवं सुनिश्चितम्
paśyatāṃ devatānāṃ ca nāradasya ca paśyataḥ | bruvaṃtu sarve saṃciṃtya vicāryaivaṃ suniścitam
With the gods looking on and with Nārada looking on, let all speak, having pondered and deliberated, (their answer) thus well settled.
AI translation rendered from the Sanskrit, not a published edition
PdP 2 90.48
एवमुक्ते शुभे वाक्ये देवराज्ञामहात्मना । संमंत्र्य तीर्थराजेन प्रोचुः शक्रं सभागतम्
evamukte śubhe vākye devarājñāmahātmanā | saṃmaṃtrya tīrtharājena procuḥ śakraṃ sabhāgatam
When this auspicious speech had thus been spoken by the great-souled king of the gods, (the tīrthas), having taken counsel with the king of tīrthas, addressed Śakra, who was present in the assembly:
AI translation rendered from the Sanskrit, not a published edition
PdP 2 90.49
तीर्थान्यूचुः - श्रूयतामभिधास्यामो देवराज नमोस्तु ते । संति वै सर्वतीर्थानि सर्वपापहराणि च
tīrthānyūcuḥ - śrūyatāmabhidhāsyāmo devarāja namostu te | saṃti vai sarvatīrthāni sarvapāpaharāṇi ca
The sacred fords said: "Let it be heard, we shall speak — king of the gods, homage to you! There are indeed all the sacred fords, and they remove all sins.
AI translation rendered from the Sanskrit, not a published edition
PdP 2 90.50
ब्रह्महत्यादिकान्यांश्च त्वया प्रोक्तान्सुरेश्वर । महाघोरान्सुदीप्तांश्च नाशितुं नैव शक्नुमः
brahmahatyādikānyāṃśca tvayā proktānsureśvara | mahāghorānsudīptāṃśca nāśituṃ naiva śaknumaḥ
But those (sins) beginning with the killing of a brahmin, which you have named, O lord of the gods — exceedingly terrible and blazing — we are simply not able to destroy.
AI translation rendered from the Sanskrit, not a published edition
PdP 2 90.51
प्रयागः पुष्करश्चैव अर्घतीर्थमनुत्तमम् । वाराणसी महाभाग समर्था पापनाशिनी
prayāgaḥ puṣkaraścaiva arghatīrthamanuttamam | vārāṇasī mahābhāga samarthā pāpanāśinī
Prayāga, and Puṣkara, and the unsurpassed Arghatīrtha, and Vārāṇasī, O greatly fortunate one, (these) are capable of destroying sin.
AI translation rendered from the Sanskrit, not a published edition
PdP 2 90.52
महापातकनाशार्थे चत्वारोमितविक्रमाः । उपपातकनाशार्थं चत्वारोमितविक्रमाः
mahāpātakanāśārthe catvāromitavikramāḥ | upapātakanāśārthaṃ catvāromitavikramāḥ
For the destruction of the great sins there are four of immeasurable power; for the destruction of the lesser sins there are four of immeasurable power.
AI translation rendered from the Sanskrit, not a published edition
PdP 2 90.53
सृष्टा धात्रा च देवेंद्र पुष्कराद्या महाबलाः । एवमाकर्ण्य तद्वाक्यं तीर्थानां सुरराट् ततः
sṛṣṭā dhātrā ca deveṃdra puṣkarādyā mahābalāḥ | evamākarṇya tadvākyaṃ tīrthānāṃ surarāṭ tataḥ
(They were) created by the Creator, O Indra of the gods — Puṣkara and the rest, of great strength. Having heard that speech of the sacred fords, the king of the gods then,
AI translation rendered from the Sanskrit, not a published edition
PdP 2 90.54
हर्षेण महताविष्टस्तेषां स्तोत्रं चकार सः
harṣeṇa mahatāviṣṭasteṣāṃ stotraṃ cakāra saḥ
filled with great joy, made a hymn of praise to them.
AI translation rendered from the Sanskrit, not a published edition
PdP 2 90.90
च्यवनचरित्रे नवतितमोऽध्यायः
cyavanacaritre navatitamo'dhyāyaḥ
The ninetieth chapter in the story of Cyavana.
AI translation rendered from the Sanskrit, not a published edition