Padma Purana — Bhumi Khanda — Chapter 89
PdP 2 89.1
विष्णुरुवाच- कुंजलस्तु सुतं वाक्यं समुज्ज्वलमथाब्रवीत् । भवान्कथय भोः पुत्र किमपूर्वं तु दृष्टवान्
viṣṇuruvāca- kuṃjalastu sutaṃ vākyaṃ samujjvalamathābravīt | bhavānkathaya bhoḥ putra kimapūrvaṃ tu dṛṣṭavān
Viṣṇu said: Then Kuñjala spoke these words to his son Samujjvala: "Tell (me), O son, what unprecedented thing you have seen."
AI translation rendered from the Sanskrit, not a published edition
PdP 2 89.2
तन्मे कथय सुप्रीतः श्रोतुकामोऽस्मि सांप्रतम् । एवमादिश्य तं पुत्रं विरराम स कुंजलः
tanme kathaya suprītaḥ śrotukāmo'smi sāṃpratam | evamādiśya taṃ putraṃ virarāma sa kuṃjalaḥ
"Tell me that; I am well pleased and now wish to hear it." Having thus instructed his son, that Kuñjala fell silent.
AI translation rendered from the Sanskrit, not a published edition
PdP 2 89.3
पितरं प्रत्युवाचाथ विनयावनतस्सुतः । समुज्ज्वल उवाच- हिमवंतं नगश्रेष्ठं देववृंदसमन्वितम्
pitaraṃ pratyuvācātha vinayāvanatassutaḥ | samujjvala uvāca- himavaṃtaṃ nagaśreṣṭhaṃ devavṛṃdasamanvitam
Then the son, bowed down in modesty, replied to his father. Samujjvala said: "(To) the Himavat, best of mountains, thronged with hosts of gods,
AI translation rendered from the Sanskrit, not a published edition
PdP 2 89.4
आहारार्थं प्रगच्छामि भवतश्चात्मनः पितः । पश्यामि कौतुकं तत्र न दृष्टं न श्रुतं पुरा
āhārārthaṃ pragacchāmi bhavataścātmanaḥ pitaḥ | paśyāmi kautukaṃ tatra na dṛṣṭaṃ na śrutaṃ purā
I go for the sake of food, both yours and my own, father; there I see a marvel never before seen nor heard of:
AI translation rendered from the Sanskrit, not a published edition
PdP 2 89.5
प्रदेशमृषिगणाकीर्णमप्सरोभिः प्रशोभितम् । बहुकौतुकशोभाढ्यं मंगल्यं मंगलैर्युतम्
pradeśamṛṣigaṇākīrṇamapsarobhiḥ praśobhitam | bahukautukaśobhāḍhyaṃ maṃgalyaṃ maṃgalairyutam
a region crowded with troops of sages, made beautiful by apsarases, rich with the splendour of many wonders, auspicious and joined with auspicious things,
AI translation rendered from the Sanskrit, not a published edition
PdP 2 89.6
बहुपुण्यफलोपेतैर्वनैर्नानाविधैस्ततः । अनेककौतुकभरैर्मनसः परिमोहनम्
bahupuṇyaphalopetairvanairnānāvidhaistataḥ | anekakautukabharairmanasaḥ parimohanam
(a region made) bewildering to the mind by woods of many kinds furnished with the fruits of much merit, and by loads of manifold wonders.
AI translation rendered from the Sanskrit, not a published edition
PdP 2 89.7
तत्र दृष्टं मया तात अपूर्वं मानसांतिके । बहुहंसैः समाकीर्णो हंस एकः समागतः
tatra dṛṣṭaṃ mayā tāta apūrvaṃ mānasāṃtike | bahuhaṃsaiḥ samākīrṇo haṃsa ekaḥ samāgataḥ
There, father, I saw something unprecedented near (Lake) Mānasa: a single goose came, surrounded by many geese.
AI translation rendered from the Sanskrit, not a published edition
PdP 2 89.8
एवं कृष्णा महाभाग अन्ये तत्र समागताः । सितेतरैश्चंचुपादैरन्यतः शुक्लविग्रहाः
evaṃ kṛṣṇā mahābhāga anye tatra samāgatāḥ | sitetaraiścaṃcupādairanyataḥ śuklavigrahāḥ
Likewise, O greatly fortunate one, others, black ones, gathered there; some with beaks and feet of a colour other than white, and elsewhere ones with white bodies.
AI translation rendered from the Sanskrit, not a published edition
PdP 2 89.9
तादृशास्ते च नीला वै अन्ये शुभ्रा महामते । चतस्रस्तत्र वै नार्यो रौद्राकारा विभीषणाः
tādṛśāste ca nīlā vai anye śubhrā mahāmate | catasrastatra vai nāryo raudrākārā vibhīṣaṇāḥ
Such were they: some dark blue, others bright white, O wise one. And there were four women, of terrible form, frightful,
AI translation rendered from the Sanskrit, not a published edition
PdP 2 89.10
दंष्ट्राकरालसंक्रूरा ऊर्ध्वकेश्यो भयानकाः । पश्चात्तास्तु समायातास्तस्मिन्सरसि मानसे
daṃṣṭrākarālasaṃkrūrā ūrdhvakeśyo bhayānakāḥ | paścāttāstu samāyātāstasminsarasi mānase
grim with jutting fangs, with hair standing upright, terrifying; afterwards they came to that lake Mānasa.
AI translation rendered from the Sanskrit, not a published edition
PdP 2 89.11
कृष्णा हंसास्तु संस्नाता मानसे तात मत्पुरः । विभ्रांताः परितश्चान्ये न स्नातास्तत्र मानसे
kṛṣṇā haṃsāstu saṃsnātā mānase tāta matpuraḥ | vibhrāṃtāḥ paritaścānye na snātāstatra mānase
The black geese bathed in the Mānasa before my eyes, father; but the others wandered about in confusion and did not bathe there in the Mānasa.
AI translation rendered from the Sanskrit, not a published edition
PdP 2 89.12
जहसुस्ताः स्त्रियस्तात हास्यैरट्टाट्टदारुणैः । तस्मात्सराद्विनिष्क्रांतो हंस एको महातनुः
jahasustāḥ striyastāta hāsyairaṭṭāṭṭadāruṇaiḥ | tasmātsarādviniṣkrāṃto haṃsa eko mahātanuḥ
Those women laughed, father, with harsh loud guffaws. From that lake one goose of great body came out,
AI translation rendered from the Sanskrit, not a published edition
PdP 2 89.13
पश्चात्त्रयो विनिष्क्रांतास्तैश्चाहं समुपेक्षितः । याता आकाशमार्गेण विवदंतः परस्परम्
paścāttrayo viniṣkrāṃtāstaiścāhaṃ samupekṣitaḥ | yātā ākāśamārgeṇa vivadaṃtaḥ parasparam
and afterwards three came out; and I was disregarded by them. They went by the path of the sky, disputing with one another.
AI translation rendered from the Sanskrit, not a published edition
PdP 2 89.14
तास्तु स्त्रियो महाभीमाः समंतात्परिबभ्रमुः । विंध्यस्य शिखरे पुण्ये वृक्षच्छायासुपक्षिणः
tāstu striyo mahābhīmāḥ samaṃtātparibabhramuḥ | viṃdhyasya śikhare puṇye vṛkṣacchāyāsupakṣiṇaḥ
But those exceedingly fearsome women roamed about on all sides. On the holy peak of the Vindhya, the birds (settled) in the shade of the trees.
AI translation rendered from the Sanskrit, not a published edition
PdP 2 89.15
निषण्णास्तत्र ते सर्वे दग्धा दुःखैः सुदारुणैः । तेषां सुवीक्षमाणानां भिल्ल एकः समागतः
niṣaṇṇāstatra te sarve dagdhā duḥkhaiḥ sudāruṇaiḥ | teṣāṃ suvīkṣamāṇānāṃ bhilla ekaḥ samāgataḥ
Seated there, all of them were scorched by most dreadful sufferings. While they were looking on, a single Bhilla came there,
AI translation rendered from the Sanskrit, not a published edition
PdP 2 89.16
मृगान्स पीडयित्वा तु बाणपाणिर्धनुर्द्धरः । शिलातलं समाश्रित्य निषसाद सुखेन वै
mṛgānsa pīḍayitvā tu bāṇapāṇirdhanurddharaḥ | śilātalaṃ samāśritya niṣasāda sukhena vai
and he, having tormented the deer, arrow in hand and bearing a bow, took to a slab of rock and sat down at ease.
AI translation rendered from the Sanskrit, not a published edition
PdP 2 89.17
पश्चाद्भिल्ली समायाता अन्नमादाय सोदकम् । स्वं प्रियं वीक्षते राज्ञा मुदितैर्लक्षणैर्युतम्
paścādbhillī samāyātā annamādāya sodakam | svaṃ priyaṃ vīkṣate rājñā muditairlakṣaṇairyutam
Afterwards the Bhilla woman came, bringing food and water; she looks at her own beloved, endowed with royal, joyful marks.
AI translation rendered from the Sanskrit, not a published edition — the model flagged this verse as uncertain
PdP 2 89.18
अन्यादृशं समावीक्ष्य स्वकांतं तेजसावृतम् । दिव्यतेजः समाक्रांतं यथा सूर्यं दिविस्थितम्
anyādṛśaṃ samāvīkṣya svakāṃtaṃ tejasāvṛtam | divyatejaḥ samākrāṃtaṃ yathā sūryaṃ divisthitam
Seeing her own husband altered, enveloped in radiance, overspread with divine splendour like the sun standing in the sky,
AI translation rendered from the Sanskrit, not a published edition
PdP 2 89.19
नरमन्यं परिज्ञाय तं परित्यज्य सा ययौ । व्याध उवाच- एह्येहि त्वं प्रिये चात्र कस्मान्मां त्वं न पश्यसि
naramanyaṃ parijñāya taṃ parityajya sā yayau | vyādha uvāca- ehyehi tvaṃ priye cātra kasmānmāṃ tvaṃ na paśyasi
taking him for another man, she left him and went away. The hunter said: "Come, come here, my dear; why do you not look at me?
AI translation rendered from the Sanskrit, not a published edition
PdP 2 89.20
क्षुधया पीड्यमानोहं त्वामहं चावलोकये । तस्य वाक्यं समाकर्ण्य शीघ्रं व्याधी समागता
kṣudhayā pīḍyamānohaṃ tvāmahaṃ cāvalokaye | tasya vākyaṃ samākarṇya śīghraṃ vyādhī samāgatā
I am afflicted with hunger, and I am looking at you." Hearing his words, the hunter's wife came quickly,
AI translation rendered from the Sanskrit, not a published edition
PdP 2 89.21
भर्तुः पार्श्वं समासाद्य विस्मिता साभवत्तदा । कोयं तेजः समाचारो देवोयं मां समाह्वयेत्
bhartuḥ pārśvaṃ samāsādya vismitā sābhavattadā | koyaṃ tejaḥ samācāro devoyaṃ māṃ samāhvayet
Coming to her husband's side, she was then amazed: "What is this radiance, this bearing? This must be a god who is calling me!"
AI translation rendered from the Sanskrit, not a published edition
PdP 2 89.22
तमुवाच ततो व्याधी भर्तारं दीप्ततेजसम् । अत्र किं ते कृतं वीर भवान्को दिव्यलक्षणः
tamuvāca tato vyādhī bhartāraṃ dīptatejasam | atra kiṃ te kṛtaṃ vīra bhavānko divyalakṣaṇaḥ
Then the hunter's wife said to her husband, who blazed with radiance: "What have you done here, hero? Who are you, marked with divine signs?"
AI translation rendered from the Sanskrit, not a published edition
PdP 2 89.23
सूत उवाच- एवमाभाषितो व्याध्या व्याधः प्रियामभाषत । अहं ते वल्लभः कांते भवती च मम प्रिया
sūta uvāca- evamābhāṣito vyādhyā vyādhaḥ priyāmabhāṣata | ahaṃ te vallabhaḥ kāṃte bhavatī ca mama priyā
Sūta said: Thus addressed by the huntress, the hunter said to his beloved: "I am your husband, dear one, and you are my beloved.
AI translation rendered from the Sanskrit, not a published edition
PdP 2 89.24
कस्मात्त्वं मां न जानासि कथं शंका प्रवर्तते । क्षुधया पीड्यमानेन पयश्चान्नं प्रतीक्ष्यते
kasmāttvaṃ māṃ na jānāsi kathaṃ śaṃkā pravartate | kṣudhayā pīḍyamānena payaścānnaṃ pratīkṣyate
Why do you not recognize me? How does this doubt arise? One tormented by hunger waits for milk and food."
AI translation rendered from the Sanskrit, not a published edition
PdP 2 89.25
व्याध्युवाच- बर्बरः कृष्णवर्णश्च रक्ताक्षः कृष्णकंचुकः । ईदृशश्चास्ति मे भर्ता सर्वसत्वभयंकरः
vyādhyuvāca- barbaraḥ kṛṣṇavarṇaśca raktākṣaḥ kṛṣṇakaṃcukaḥ | īdṛśaścāsti me bhartā sarvasatvabhayaṃkaraḥ
The huntress said: Barbarous, black in color, red-eyed, wearing a black jacket — such is my husband, a terror to all creatures.
AI translation rendered from the Sanskrit, not a published edition
PdP 2 89.26
भवान्को दिव्यदेहस्तु प्रियेत्युक्त्वा समाह्वयेत् । एष मे संशयो जातो वद सत्यं ममाग्रतः
bhavānko divyadehastu priyetyuktvā samāhvayet | eṣa me saṃśayo jāto vada satyaṃ mamāgrataḥ
But who are you, with a divine body, who calls (me) saying "beloved"? This doubt has arisen in me; speak the truth before me.
AI translation rendered from the Sanskrit, not a published edition
PdP 2 89.27
कुलं नाम स्वकं ग्रामं क्रीडां लिगं सुतं सुताम् । समाचष्ट प्रियाग्रे तु तस्याः प्रत्यय हेतवे
kulaṃ nāma svakaṃ grāmaṃ krīḍāṃ ligaṃ sutaṃ sutām | samācaṣṭa priyāgre tu tasyāḥ pratyaya hetave
His family, his name, his own village, their play, the mark (on his body), his son and daughter — (all this) he recounted before his beloved, to produce her conviction.
AI translation rendered from the Sanskrit, not a published edition
PdP 2 89.28
प्रत्युवाच स्वभर्तारं सा व्याधी हृष्टमानसा । कस्मात्ते ईदृशः कायः श्वेतकंचुकधारकः
pratyuvāca svabhartāraṃ sā vyādhī hṛṣṭamānasā | kasmātte īdṛśaḥ kāyaḥ śvetakaṃcukadhārakaḥ
That huntress, with delighted mind, replied to her own husband: "How is it that your body is like this, wearing a white jacket?
AI translation rendered from the Sanskrit, not a published edition
PdP 2 89.29
कथं जातः समाचक्ष्व ममाश्चर्यं प्रवर्तते । एवं संपृच्छमानस्तु भार्यया मृगघातकः
kathaṃ jātaḥ samācakṣva mamāścaryaṃ pravartate | evaṃ saṃpṛcchamānastu bhāryayā mṛgaghātakaḥ
Tell how it came about; amazement arises in me." Thus questioned by his wife, the deer-killer —
AI translation rendered from the Sanskrit, not a published edition
PdP 2 89.30
सूत उवाच- प्रत्युवाच ततः श्रुत्वा तां प्रियां प्रश्रयान्विताम् । नर्मदा उत्तरे कूले संगमश्चास्ति सुव्रते
sūta uvāca- pratyuvāca tataḥ śrutvā tāṃ priyāṃ praśrayānvitām | narmadā uttare kūle saṃgamaścāsti suvrate
Sūta said: Then, having heard her, his beloved who was full of deference, he replied: "On the northern bank of the Narmadā there is a confluence, O you of good vows.
AI translation rendered from the Sanskrit, not a published edition
PdP 2 89.31
आतपेनाकुलो जीवो मम जातोति सुप्रिये । अस्मिन्वै संगमे कांते श्रमश्रांतो हि सत्वरः
ātapenākulo jīvo mama jātoti supriye | asminvai saṃgame kāṃte śramaśrāṃto hi satvaraḥ
My life was overcome by the (sun's) heat, dear one; exhausted with weariness, in haste, at that very confluence, beloved,
AI translation rendered from the Sanskrit, not a published edition
PdP 2 89.32
गतः स्नात्वा जलं पीत्वा पश्चाच्चाहं समागतः । तदाप्रभृति मे काय ईदृशस्तेजसावृतः
gataḥ snātvā jalaṃ pītvā paścāccāhaṃ samāgataḥ | tadāprabhṛti me kāya īdṛśastejasāvṛtaḥ
I went, bathed and drank the water, and afterwards I came back. From that time on my body has been like this, wrapped in radiance,
AI translation rendered from the Sanskrit, not a published edition
PdP 2 89.33
संजातो वस्त्रसंयुक्तः कंचुकः शुभ्रतां गतः । पूर्वोक्तलिंगसंस्थानैः कुलैः स्थानेन वै तथा
saṃjāto vastrasaṃyuktaḥ kaṃcukaḥ śubhratāṃ gataḥ | pūrvoktaliṃgasaṃsthānaiḥ kulaiḥ sthānena vai tathā
and it came about, together with the clothing — the jacket turned white." By the previously stated marks and features, by the family and the place,
AI translation rendered from the Sanskrit, not a published edition
PdP 2 89.34
स्वप्रियं लक्षयित्वा तु ज्ञात्वा पुण्यस्य संभवम् । प्रत्युवाचाथ भर्तारं संगमं मम दर्शय
svapriyaṃ lakṣayitvā tu jñātvā puṇyasya saṃbhavam | pratyuvācātha bhartāraṃ saṃgamaṃ mama darśaya
having recognized her own beloved and understood the arising of merit, she then replied to her husband: "Show me the confluence.
AI translation rendered from the Sanskrit, not a published edition
PdP 2 89.35
तव पश्चात्प्रदास्यामि भोजनं पानसंयुतम् । इत्युक्तः प्रियया व्याधः सत्वरेण जगाम ह
tava paścātpradāsyāmi bhojanaṃ pānasaṃyutam | ityuktaḥ priyayā vyādhaḥ satvareṇa jagāma ha
Afterwards I shall give you food along with drink." So addressed by his beloved, the hunter went at once.
AI translation rendered from the Sanskrit, not a published edition
PdP 2 89.36
संगमो दर्शितस्तेन ततोग्रे पापनाशनः । समुड्डीना महाभाग पक्षिणो लघुविक्रमाः
saṃgamo darśitastena tatogre pāpanāśanaḥ | samuḍḍīnā mahābhāga pakṣiṇo laghuvikramāḥ
The confluence, destroyer of sin, was then shown by him ahead. (Then) the birds flew up, O greatly fortunate one, swift of motion.
AI translation rendered from the Sanskrit, not a published edition
PdP 2 89.37
तया सार्द्धं ययुः सर्वे रेवासंगममुत्तमम् । तेषां तु वीक्षमाणानां पक्षिणां मम पश्यतः
tayā sārddhaṃ yayuḥ sarve revāsaṃgamamuttamam | teṣāṃ tu vīkṣamāṇānāṃ pakṣiṇāṃ mama paśyataḥ
All of them went along with her to the excellent confluence of the Revā; and while those birds looked on, and as I watched,
AI translation rendered from the Sanskrit, not a published edition
PdP 2 89.38
तया हि स्नापितो भर्ता पुनः स्नाता हि सा स्वयम् । दिव्यदेहधरौ चोभौ दिव्यकांतिसमन्वितौ
tayā hi snāpito bhartā punaḥ snātā hi sā svayam | divyadehadharau cobhau divyakāṃtisamanvitau
the husband was bathed by her, and then she herself bathed again. And both of them, bearing divine bodies, endowed with divine loveliness,
AI translation rendered from the Sanskrit, not a published edition
PdP 2 89.39
संजातौ पक्षिणां श्रेष्ठ दिव्यवस्त्रानुलेपनौ । दिव्यमालांबरधरौ दिव्यगंधानुलेपनौ
saṃjātau pakṣiṇāṃ śreṣṭha divyavastrānulepanau | divyamālāṃbaradharau divyagaṃdhānulepanau
came to be, O best of birds, with divine garments and unguents, wearing divine garlands and robes, anointed with divine perfumes.
AI translation rendered from the Sanskrit, not a published edition
PdP 2 89.40
वैष्णवं यानमासाद्य मुनिगंधर्वपूजितौ । गतौ तौ वैष्णवं लोकं वैष्णवैः परिपूजितौ
vaiṣṇavaṃ yānamāsādya munigaṃdharvapūjitau | gatau tau vaiṣṇavaṃ lokaṃ vaiṣṇavaiḥ paripūjitau
Mounting a Vaiṣṇava vehicle, honored by sages and gandharvas, the two went to the Vaiṣṇava world, fully worshipped by the Vaiṣṇavas.
AI translation rendered from the Sanskrit, not a published edition
PdP 2 89.41
स्तूयमानौ महात्मानौ दंपती दृष्टवानहम् । व्रजंतौ स्वर्गमार्गेण कूजंते पक्षिणस्तथा
stūyamānau mahātmānau daṃpatī dṛṣṭavānaham | vrajaṃtau svargamārgeṇa kūjaṃte pakṣiṇastathā
I saw the two great-souled ones, husband and wife, being praised, going along the path to heaven, while the birds sang.
AI translation rendered from the Sanskrit, not a published edition
PdP 2 89.42
तीर्थराजं परं दृष्ट्वा हर्षव्यक्ताक्षरैस्तदा । चत्वारः कृष्णहंसास्ते संगमे पापनाशने
tīrtharājaṃ paraṃ dṛṣṭvā harṣavyaktākṣaraistadā | catvāraḥ kṛṣṇahaṃsāste saṃgame pāpanāśane
Then, having seen the supreme king of holy places, those four black geese, with syllables (of song) that made their joy plain, at the confluence that destroys sin—
AI translation rendered from the Sanskrit, not a published edition
PdP 2 89.43
स्नात्वा वै भावशुद्धास्ते प्राप्ता उज्ज्वलतां पुनः । स्नात्वा पीत्वा जलं ते तु पुनर्बहिर्विनिर्गताः
snātvā vai bhāvaśuddhāste prāptā ujjvalatāṃ punaḥ | snātvā pītvā jalaṃ te tu punarbahirvinirgatāḥ
having bathed, purified in their being, they again attained brightness; and having bathed and drunk the water they came out again.
AI translation rendered from the Sanskrit, not a published edition
PdP 2 89.44
तावत्यस्ताः स्त्रियः कृष्णा मृतास्तत्स्नानमात्रतः । क्रंदमाना विचेष्टंत्यो हाहाकार विकंपिताः
tāvatyastāḥ striyaḥ kṛṣṇā mṛtāstatsnānamātrataḥ | kraṃdamānā viceṣṭaṃtyo hāhākāra vikaṃpitāḥ
But just so many of those black females died from that mere bathing, shrieking, writhing, shaken with cries of "alas, alas!"
AI translation rendered from the Sanskrit, not a published edition
PdP 2 89.45
यमलोकं गतास्तास्तु तात दृष्टा मया तदा । उड्डीनास्तु ततो हंसाः स्वस्थानं प्रतिजग्मिरे
yamalokaṃ gatāstāstu tāta dṛṣṭā mayā tadā | uḍḍīnāstu tato haṃsāḥ svasthānaṃ pratijagmire
They went to the world of Yama, dear one, and were seen by me at that time; but the geese, having flown up, then went off to their own place.
AI translation rendered from the Sanskrit, not a published edition
PdP 2 89.46
एवं तात मया दृष्टं प्रत्यक्षं कथितं तव । कृष्णपक्षा महाकाया धार्तराष्ट्रास्तु ताः स्त्रियः
evaṃ tāta mayā dṛṣṭaṃ pratyakṣaṃ kathitaṃ tava | kṛṣṇapakṣā mahākāyā dhārtarāṣṭrāstu tāḥ striyaḥ
Thus, dear one, what was seen by me directly has been told to you. Those females, black-winged and huge-bodied, were the Dhārtarāṣṭras.
AI translation rendered from the Sanskrit, not a published edition
PdP 2 89.47
कथयस्व प्रसादेन के भविष्यंति वै पितः । निर्गतान्मानसान्मध्याद्धार्तराष्ट्रान्वदस्व मे
kathayasva prasādena ke bhaviṣyaṃti vai pitaḥ | nirgatānmānasānmadhyāddhārtarāṣṭrānvadasva me
Tell me by your favour, father, who they will become; tell me of the Dhārtarāṣṭras that came out from the midst of the Mānasa (lake).
AI translation rendered from the Sanskrit, not a published edition
PdP 2 89.48
के भविष्यंति ते तात कथय त्वं तु सांप्रतम् । कस्मात्सुकृष्णतां प्राप्ता हंसाः शुद्धाश्च ते पुनः
ke bhaviṣyaṃti te tāta kathaya tvaṃ tu sāṃpratam | kasmātsukṛṣṇatāṃ prāptā haṃsāḥ śuddhāśca te punaḥ
Who will they become, dear one? Tell me that now; and why did the geese attain such blackness, and (why) were they pure again?
AI translation rendered from the Sanskrit, not a published edition
PdP 2 89.49
संजातास्तत्क्षणात्तात कस्मान्मृतास्तु ताः स्त्रियः । एवं मे संशयस्तात संजातो दारुणो हृदि
saṃjātāstatkṣaṇāttāta kasmānmṛtāstu tāḥ striyaḥ | evaṃ me saṃśayastāta saṃjāto dāruṇo hṛdi
They became so in that very instant, dear one—and why did those females die? Thus, dear one, a terrible doubt has arisen in my heart.
AI translation rendered from the Sanskrit, not a published edition
PdP 2 89.50
छेत्तुमर्हसि अद्यैव भवाञ्ज्ञानविचक्षणः । प्रसादसुमुखो भूत्वा प्रणतस्य सदैव मे
chettumarhasi adyaiva bhavāñjñānavicakṣaṇaḥ | prasādasumukho bhūtvā praṇatasya sadaiva me
You ought to cut it away this very day, being skilled in knowledge; become gracious of countenance toward me, who am ever bowed down.
AI translation rendered from the Sanskrit, not a published edition
PdP 2 89.51
एवं संभाष्य पितरं विरराम समुज्ज्वलः । ततः प्रवक्तुमारेभे स शुकः कुंजलाभिधः
evaṃ saṃbhāṣya pitaraṃ virarāma samujjvalaḥ | tataḥ pravaktumārebhe sa śukaḥ kuṃjalābhidhaḥ
Having spoken thus to his father, Samujjvala fell silent. Then that parrot named Kuñjala began to speak.
AI translation rendered from the Sanskrit, not a published edition