Padma Purana — Bhumi Khanda — Chapter 8
PdP 2 8.1
कश्यप उवाच- स गर्भे व्याकुलो जातः खिद्यमानो दिने दिने । दुःखाक्रांतो हि धर्मात्मा सर्वपीडाभिपीडितः
kaśyapa uvāca- sa garbhe vyākulo jātaḥ khidyamāno dine dine | duḥkhākrāṃto hi dharmātmā sarvapīḍābhipīḍitaḥ
Kaśyapa said: In the womb he became distressed, growing weary day by day; that righteous one was overwhelmed by suffering, afflicted with every kind of pain.
AI translation rendered from the Sanskrit, not a published edition
PdP 2 8.2
अधोमुखस्तु गर्भस्थो मोहजालेन बंधितः । आधिव्याधिसमाक्रांतो हाहाभूतो विचेतनः
adhomukhastu garbhastho mohajālena baṃdhitaḥ | ādhivyādhisamākrāṃto hāhābhūto vicetanaḥ
Head downward, lodged in the womb, bound by the net of delusion, beset by mental and bodily ailments, crying "alas, alas," senseless—
AI translation rendered from the Sanskrit, not a published edition
PdP 2 8.3
दुःखेन महताविष्टो ज्ञानमाह प्रपीडितः । आत्मोवाच- तव वाक्यं महाप्राज्ञ न कृतं तु मया तदा
duḥkhena mahatāviṣṭo jñānamāha prapīḍitaḥ | ātmovāca- tava vākyaṃ mahāprājña na kṛtaṃ tu mayā tadā
Possessed by great suffering, sorely afflicted, he spoke to Knowledge. The Self said: "O greatly wise one, your word was not carried out by me then."
AI translation rendered from the Sanskrit, not a published edition
PdP 2 8.4
ध्यानेन वार्यमाणोपि पतितो मोहसंकटे । तस्माद्रक्ष महाप्राज्ञ गर्भवासात्सुदारुणात्
dhyānena vāryamāṇopi patito mohasaṃkaṭe | tasmādrakṣa mahāprājña garbhavāsātsudāruṇāt
"Though restrained by Meditation, I have fallen into the strait of delusion. Therefore protect (me), O greatly wise one, from this most terrible dwelling in the womb."
AI translation rendered from the Sanskrit, not a published edition
PdP 2 8.5
ज्ञानमुवाच- मया त्वं वारितो ह्यात्मन्कृतं वाक्यं न चैव मे । पंचात्मकैर्महाक्रूरैः पातितो गर्भसंकटे
jñānamuvāca- mayā tvaṃ vārito hyātmankṛtaṃ vākyaṃ na caiva me | paṃcātmakairmahākrūraiḥ pātito garbhasaṃkaṭe
Knowledge said: "I did restrain you, O Self, yet my word was not obeyed; by the five (elements), exceedingly cruel, you have been cast into the narrow pass of the womb."
AI translation rendered from the Sanskrit, not a published edition
PdP 2 8.6
इदानीं गच्छ त्वं ध्यानं तस्मात्संप्राप्स्यसे सुखम् । गर्भवासाद्भविष्यस्ते मोक्ष एव न संशयः
idānīṃ gaccha tvaṃ dhyānaṃ tasmātsaṃprāpsyase sukham | garbhavāsādbhaviṣyaste mokṣa eva na saṃśayaḥ
"Now go to Meditation; from that you will obtain happiness. There will surely be release for you from dwelling in the womb—no doubt of it."
AI translation rendered from the Sanskrit, not a published edition
PdP 2 8.7
तस्य तद्वचनं श्रुत्वा ज्ञात्वा ज्ञानस्य तत्त्वताम् । ध्यानमाहूय प्रोवाच श्रूयतां वचनं मम
tasya tadvacanaṃ śrutvā jñātvā jñānasya tattvatām | dhyānamāhūya provāca śrūyatāṃ vacanaṃ mama
Having heard that speech of his, and having recognised the truth of Knowledge, he called Meditation and said: "Let my word be heard."
AI translation rendered from the Sanskrit, not a published edition
PdP 2 8.8
त्वामहं शरणं प्राप्तो ध्यान मां रक्ष नित्यशः । एवमस्तु महाप्राज्ञ ध्यानमाह महामतिम्
tvāmahaṃ śaraṇaṃ prāpto dhyāna māṃ rakṣa nityaśaḥ | evamastu mahāprājña dhyānamāha mahāmatim
"I have come to you for refuge, O Meditation; protect me always." "So be it, O greatly wise one," said Meditation to the great-minded one.
AI translation rendered from the Sanskrit, not a published edition
PdP 2 8.9
एतद्वाक्यं ततः श्रुत्वा आत्मा वै ध्यानमागतः । ध्यानेन हि समं गर्भे संस्थितो मोहवर्जितः
etadvākyaṃ tataḥ śrutvā ātmā vai dhyānamāgataḥ | dhyānena hi samaṃ garbhe saṃsthito mohavarjitaḥ
Then, having heard this speech, the Self indeed went to Meditation; together with Meditation he remained in the womb, free of delusion.
AI translation rendered from the Sanskrit, not a published edition
PdP 2 8.10
यदा ध्यानं गतो ह्यात्मा विस्मृतं गर्भजं भयम् । स द्वाभ्यां सहितस्तत्र आत्मा मोह विना कृतः
yadā dhyānaṃ gato hyātmā vismṛtaṃ garbhajaṃ bhayam | sa dvābhyāṃ sahitastatra ātmā moha vinā kṛtaḥ
When the Self had gone to Meditation, the fear born of the womb was forgotten; there, joined with the two, the Self was made free of delusion.
AI translation rendered from the Sanskrit, not a published edition
PdP 2 8.11
चिंतयन्नेव वै नित्यमात्मकं सुखमेव हि । इतो निष्क्रांतमात्रस्तु त्यजे पंचात्मकं वपुः
ciṃtayanneva vai nityamātmakaṃ sukhameva hi | ito niṣkrāṃtamātrastu tyaje paṃcātmakaṃ vapuḥ
Constantly reflecting only on the happiness that belongs to the Self: "As soon as I have gone out from here, let me abandon this body made of the five (elements)."
AI translation rendered from the Sanskrit, not a published edition
PdP 2 8.12
एवं चिंतयते नित्यं गर्भवासगतः प्रभुः । सूतिकाले तु संप्राप्ते प्राजापत्ये वरानने
evaṃ ciṃtayate nityaṃ garbhavāsagataḥ prabhuḥ | sūtikāle tu saṃprāpte prājāpatye varānane
Thus the lord, dwelling in the womb, reflects continually. But when the time of delivery arrives, at the Prājāpatya (hour), O fair-faced one—
AI translation rendered from the Sanskrit, not a published edition
PdP 2 8.13
वायुना चलितो गर्भः प्राणेनापि बलीयसा । योनिर्विकासमायाति चतुर्विंशांगुलं तदा
vāyunā calito garbhaḥ prāṇenāpi balīyasā | yonirvikāsamāyāti caturviṃśāṃgulaṃ tadā
The foetus is moved by the wind, and by the powerful breath; then the birth passage opens to twenty-four aṅgulas.
AI translation rendered from the Sanskrit, not a published edition
PdP 2 8.14
पंचविंशांगुलो गर्भस्तेन पीडा विजायते । एवं संपीड्यमानस्तु मूर्च्छया मूर्च्छितः प्रिये
paṃcaviṃśāṃgulo garbhastena pīḍā vijāyate | evaṃ saṃpīḍyamānastu mūrcchayā mūrcchitaḥ priye
The foetus is twenty-five aṅgulas; thereby pain arises. Thus crushed, he is stupefied with a swoon, my dear.
AI translation rendered from the Sanskrit, not a published edition
PdP 2 8.15
पतितो भूमिभागे तु ज्ञानध्यानसमन्वितः । प्राजापत्येन दिव्येन वायुना स पृथक्कृतः
patito bhūmibhāge tu jñānadhyānasamanvitaḥ | prājāpatyena divyena vāyunā sa pṛthakkṛtaḥ
Fallen upon the ground, still possessed of Knowledge and Meditation, he is separated (from them) by the divine wind of Prajāpati.
AI translation rendered from the Sanskrit, not a published edition
PdP 2 8.16
भूमिसंस्पर्शमात्रेण ज्ञानध्याने तु विस्मृते । संसारबंधसंदिग्ध आत्मा प्रियतया स्थितः
bhūmisaṃsparśamātreṇa jñānadhyāne tu vismṛte | saṃsārabaṃdhasaṃdigdha ātmā priyatayā sthitaḥ
By the mere touch of the earth, Knowledge and Meditation are forgotten; the Self, entangled in the bondage of saṃsāra, remains in fondness.
AI translation rendered from the Sanskrit, not a published edition — the model flagged this verse as uncertain
PdP 2 8.17
गुणदोषसमाक्रांतो महामोहसमन्वितः । खाद्यं पानादिकं सर्वमिच्छत्येव दिनेदिने
guṇadoṣasamākrāṃto mahāmohasamanvitaḥ | khādyaṃ pānādikaṃ sarvamicchatyeva dinedine
Overcome by merit and fault, filled with great delusion, day by day he desires everything—food, drink and the rest.
AI translation rendered from the Sanskrit, not a published edition
PdP 2 8.18
एवं संपुष्यमाणस्तु आत्मा पंचात्मकैः सह । व्यापितो हींद्रियैः सर्वैर्विषयैः पापकारिभिः
evaṃ saṃpuṣyamāṇastu ātmā paṃcātmakaiḥ saha | vyāpito hīṃdriyaiḥ sarvairviṣayaiḥ pāpakāribhiḥ
Thus nourished, the Self, together with the five (elements), is pervaded by all the senses and by the sin-producing objects.
AI translation rendered from the Sanskrit, not a published edition
PdP 2 8.19
बांधवानां समोहेन भार्यादीनां तथैव च । आकुलव्याकुलो देवि जायते च दिनेदिने
bāṃdhavānāṃ samohena bhāryādīnāṃ tathaiva ca | ākulavyākulo devi jāyate ca dinedine
Through infatuation with kinsmen and likewise with wife and the rest, day by day he becomes utterly confused, O goddess.
AI translation rendered from the Sanskrit, not a published edition
PdP 2 8.20
महामोहेन संदिग्धो मोहजालगतः प्रभुः । कैवर्तेन यथा बद्धः शकुलो जालबंधनैः
mahāmohena saṃdigdho mohajālagataḥ prabhuḥ | kaivartena yathā baddhaḥ śakulo jālabaṃdhanaiḥ
Smeared with great delusion, the lord, caught in the net of delusion—as a fish is bound by a fisherman with the fastenings of a net—
AI translation rendered from the Sanskrit, not a published edition
PdP 2 8.21
चलितुं नैव शक्तोस्ति तथात्मासीत्प्रबंधितः । मोहजालैस्तु तैः सर्वैर्दृढबंधैस्तु बंधितः
calituṃ naiva śaktosti tathātmāsītprabaṃdhitaḥ | mohajālaistu taiḥ sarvairdṛḍhabaṃdhaistu baṃdhitaḥ
(It) is not able to stir at all — thus was the self held fast, bound by all those nets of delusion, bound with firm bonds.
AI translation rendered from the Sanskrit, not a published edition
PdP 2 8.22
एवमादिप्रपंचेन व्यापितो व्यापकेन हि । ज्ञानविज्ञानविभ्रष्टो रागद्वेषादिभिर्हतः
evamādiprapaṃcena vyāpito vyāpakena hi | jñānavijñānavibhraṣṭo rāgadveṣādibhirhataḥ
Pervaded by such manifold display (of the world), (produced) by the pervading (power), fallen away from knowledge and discernment, struck down by passion, hatred and the rest,
AI translation rendered from the Sanskrit, not a published edition — the model flagged this verse as uncertain
PdP 2 8.23
कामेन पीड्यमानस्तु क्रोधेनैव तथैव वा । प्रकृत्या कर्मणाबद्धो महामूढो व्यजायत
kāmena pīḍyamānastu krodhenaiva tathaiva vā | prakṛtyā karmaṇābaddho mahāmūḍho vyajāyata
tormented by desire, and likewise by anger, bound by material nature and by action, (the self) became greatly deluded.
AI translation rendered from the Sanskrit, not a published edition
PdP 2 8.24
सूत उवाच- एवं मूढो यदात्मासौ कामक्रोधवशंगतः । लोभरागादिभिः सर्वैर्व्यापृतस्तैर्दुरात्मभिः
sūta uvāca- evaṃ mūḍho yadātmāsau kāmakrodhavaśaṃgataḥ | lobharāgādibhiḥ sarvairvyāpṛtastairdurātmabhiḥ
Sūta said: Thus, when this self is deluded, gone under the sway of desire and anger, occupied by all those evil-natured ones — greed, passion and the rest —
AI translation rendered from the Sanskrit, not a published edition
PdP 2 8.25
इयं भार्या ह्ययं पुत्र इदं मित्रमिदं गृहम् । एवं संसारजालेन महामोहेन बंधितः
iyaṃ bhāryā hyayaṃ putra idaṃ mitramidaṃ gṛham | evaṃ saṃsārajālena mahāmohena baṃdhitaḥ
(it thinks:) "This is (my) wife, this is (my) son, this is (my) friend, this is (my) house." Thus it is bound by the net of worldly existence, by great delusion.
AI translation rendered from the Sanskrit, not a published edition
PdP 2 8.26
पुत्रशोकादिभिर्दुःखैर्विविधैराकुलस्तदा । जरयाव्याधिभिश्चैव संग्रस्तश्चाधिभिस्तथा
putraśokādibhirduḥkhairvividhairākulastadā | jarayāvyādhibhiścaiva saṃgrastaścādhibhistathā
Then, distraught with manifold sufferings such as grief for a son, and seized by old age and by diseases, and likewise by mental afflictions,
AI translation rendered from the Sanskrit, not a published edition
PdP 2 8.27
एवमात्मा संप्रतप्तो दुःखमोहैः सुदारुणैः । अभिमानैर्मानभंगैर्नानादुःखैश्च खंडितः
evamātmā saṃpratapto duḥkhamohaiḥ sudāruṇaiḥ | abhimānairmānabhaṃgairnānāduḥkhaiśca khaṃḍitaḥ
thus the self is scorched by very cruel sorrows and delusions, and broken by conceits, by humiliations, and by sundry sufferings.
AI translation rendered from the Sanskrit, not a published edition
PdP 2 8.28
वृद्धत्वेन तथा देवि शबलत्वेन पीडितः । दुःखं चिंतयते नित्यं हाहाभूतो विचेतनः
vṛddhatvena tathā devi śabalatvena pīḍitaḥ | duḥkhaṃ ciṃtayate nityaṃ hāhābhūto vicetanaḥ
Afflicted by old age and likewise, O goddess, by grey-mottled (hair and skin), it constantly broods on its sorrow, crying "alas, alas," bereft of its wits.
AI translation rendered from the Sanskrit, not a published edition — the model flagged this verse as uncertain
PdP 2 8.29
रात्रौ स्वप्नान्प्रपश्येत दिवा चैतन्यवर्जितः । वैकल्येन तथांगानां व्याप्तो देवि दिनेदिने
rātrau svapnānprapaśyeta divā caitanyavarjitaḥ | vaikalyena tathāṃgānāṃ vyāpto devi dinedine
By night he sees dreams, by day he is void of awareness, and he is overtaken, O goddess, day by day, by the failing of his limbs.
AI translation rendered from the Sanskrit, not a published edition
PdP 2 8.30
संसारे भ्रममाणेन वैराग्यं तत्र दर्शितम् । निःशंकं बंधुहीनं च प्रशांतं तुष्टमेव च
saṃsāre bhramamāṇena vairāgyaṃ tatra darśitam | niḥśaṃkaṃ baṃdhuhīnaṃ ca praśāṃtaṃ tuṣṭameva ca
To (the self) wandering in worldly existence, dispassion was shown there — free of fear, without kinsmen, tranquil and content.
AI translation rendered from the Sanskrit, not a published edition — the model flagged this verse as uncertain
PdP 2 8.31
तमुवाच तदात्मा वै कामक्रोधविवर्जितम् । को भवान्नग्नरूपेण कथं मित्रैर्न लज्जसे
tamuvāca tadātmā vai kāmakrodhavivarjitam | ko bhavānnagnarūpeṇa kathaṃ mitrairna lajjase
Then the self spoke to him, who was free of desire and anger: "Who are you, in a naked form? How is it you feel no shame before (your) companions?
AI translation rendered from the Sanskrit, not a published edition
PdP 2 8.32
यत्र लोकाः स्त्रियो वृद्धा युवत्यो मातरस्तथा । एतासां हि गतो मध्ये न बिभेषि अनावृतः
yatra lokāḥ striyo vṛddhā yuvatyo mātarastathā | etāsāṃ hi gato madhye na bibheṣi anāvṛtaḥ
"(Here) where there are people — women, old women, young women, and mothers — indeed, having gone into their midst, you are not afraid, uncovered (as you are)!"
AI translation rendered from the Sanskrit, not a published edition
PdP 2 8.33
वीतराग उवाच- को ह्यत्र नग्नो दृश्येत न नग्नोस्मीति वै कदा । सुसंबद्धस्त्वमेवापि परिधान समन्वितः
vītarāga uvāca- ko hyatra nagno dṛśyeta na nagnosmīti vai kadā | susaṃbaddhastvamevāpi paridhāna samanvitaḥ
Vītarāga said: "Who here is to be seen naked? Truly (I say), 'I am never naked.' It is you yourself who are well trussed up, furnished with clothing.
AI translation rendered from the Sanskrit, not a published edition
PdP 2 8.34
न नग्नोस्मि कदा दिव्यभवान्नग्नः प्रदृश्यते । इंद्रियार्थवशेवर्ती मर्यादापरिवर्जितः
na nagnosmi kadā divyabhavānnagnaḥ pradṛśyate | iṃdriyārthavaśevartī maryādāparivarjitaḥ
"I am never naked; it is you, sir, who appear naked — living under the sway of the objects of the senses, devoid of the (proper) bounds."
AI translation rendered from the Sanskrit, not a published edition — the model flagged this verse as uncertain
PdP 2 8.35
आत्मोवाच- पुरुषस्य का हि मर्यादा तामाचक्ष्व च सुव्रत । विस्तरेण महाप्राज्ञ यदि जानासि निश्चितम्
ātmovāca- puruṣasya kā hi maryādā tāmācakṣva ca suvrata | vistareṇa mahāprājña yadi jānāsi niścitam
The self said: "What then are the bounds (of conduct) for a man? Declare them, O you of good vows — at length, O greatly wise one, if you know them for certain."
AI translation rendered from the Sanskrit, not a published edition
PdP 2 8.36
वीतरागो महाप्राज्ञस्तमुवाच महामतिः । सुस्थैर्यं भजते चित्तं सुखदुःखेषु नित्यदा
vītarāgo mahāprājñastamuvāca mahāmatiḥ | susthairyaṃ bhajate cittaṃ sukhaduḥkheṣu nityadā
Vītarāga, the greatly wise, of great understanding, said to him: "The mind attains firm steadiness always, amid pleasures and pains.
AI translation rendered from the Sanskrit, not a published edition
PdP 2 8.37
क्लेशितं सर्वभावैश्च तेषुतेषु परित्यजेत् । अथ लज्जां प्रवक्ष्यामि मनो या निर्विशत्यलम्
kleśitaṃ sarvabhāvaiśca teṣuteṣu parityajet | atha lajjāṃ pravakṣyāmi mano yā nirviśatyalam
"Whatever is afflicted by all the states (of being), that one should abandon in each of them. Now I shall declare shame, which the mind fully enters into.
AI translation rendered from the Sanskrit, not a published edition — the model flagged this verse as uncertain
PdP 2 8.38
मयाद्यैवं न कर्तव्यं नग्नः स्थानविवर्जितः । पश्चात्तापे सुसंलीनः सा लज्जा परिकथ्यते
mayādyaivaṃ na kartavyaṃ nagnaḥ sthānavivarjitaḥ | paścāttāpe susaṃlīnaḥ sā lajjā parikathyate
"(The thought) 'I should not have acted thus today' — naked, bereft of a place (to stand) — well sunk in remorse: that is called shame.
AI translation rendered from the Sanskrit, not a published edition — the model flagged this verse as uncertain
PdP 2 8.39
कस्य लज्जा प्रकर्तव्या द्वितीयो नास्ति सर्वदा । एकश्च पुरुषो दिव्यः कस्य किंचिन्न नाशयेत्
kasya lajjā prakartavyā dvitīyo nāsti sarvadā | ekaśca puruṣo divyaḥ kasya kiṃcinna nāśayet
"Before whom is shame to be felt? There is never a second. And the divine Person is one: whose what would he destroy?
AI translation rendered from the Sanskrit, not a published edition — the model flagged this verse as uncertain
PdP 2 8.40
अथ लोकान्प्रवक्ष्यामि ये त्वया परिकीर्तिताः । यथा कुलालकश्चक्रे मृत्पिंडं च निधापयेत्
atha lokānpravakṣyāmi ye tvayā parikīrtitāḥ | yathā kulālakaścakre mṛtpiṃḍaṃ ca nidhāpayet
"Now I shall declare the people whom you have named. Just as a potter sets a lump of clay upon the wheel,
AI translation rendered from the Sanskrit, not a published edition
PdP 2 8.41
भ्रामयित्वा तु सूत्रेण नानाभेदान्प्रकाशयेत् । भांडानां तु सहस्राणि स्वेच्छया मतिसंस्थितः
bhrāmayitvā tu sūtreṇa nānābhedānprakāśayet | bhāṃḍānāṃ tu sahasrāṇi svecchayā matisaṃsthitaḥ
Having whirled (it) round with the cord, he brings forth its various distinctions — thousands of pots, at his pleasure, as fixed in his mind.
AI translation rendered from the Sanskrit, not a published edition
PdP 2 8.42
तथायं सृजते धाता नानारूपाणि नान्यथा । पश्चाद्विनाशमायांति येनकेनापि हेतुना
tathāyaṃ sṛjate dhātā nānārūpāṇi nānyathā | paścādvināśamāyāṃti yenakenāpi hetunā
Just so this Ordainer creates the manifold forms, not otherwise; and afterwards they come to destruction by one cause or another.
AI translation rendered from the Sanskrit, not a published edition
PdP 2 8.43
सर्वदैव स्थिता ये च ये लोकाश्च सनातनाः । तेषां लज्जा प्रकर्तव्या नावर्तंते हि ते भुवि
sarvadaiva sthitā ye ca ye lokāśca sanātanāḥ | teṣāṃ lajjā prakartavyā nāvartaṃte hi te bhuvi
And those (beings) who abide forever, and those worlds which are eternal — before them shame should be felt, for they do not return to earth.
AI translation rendered from the Sanskrit, not a published edition — the model flagged this verse as uncertain
PdP 2 8.44
आकाशवायुतेजांसि पृथ्वी चापश्च पंचमः । अमी लोकाः प्रकाशंते ये च सर्वत्र संस्थिताः
ākāśavāyutejāṃsi pṛthvī cāpaśca paṃcamaḥ | amī lokāḥ prakāśaṃte ye ca sarvatra saṃsthitāḥ
Space, wind, and fire, earth, and water as the fifth — these are the worlds that shine forth, which abide everywhere.
AI translation rendered from the Sanskrit, not a published edition
PdP 2 8.45
सत्त्वानामंगदेशेषु पंचैतेषु सुसंस्थिताः । सर्वत्रैव च वर्तंते कस्य लज्जा विधीयते
sattvānāmaṃgadeśeṣu paṃcaiteṣu susaṃsthitāḥ | sarvatraiva ca vartaṃte kasya lajjā vidhīyate
In the bodily parts of creatures these five are well established, and they exist everywhere: for whom, then, is shame prescribed?
AI translation rendered from the Sanskrit, not a published edition
PdP 2 8.46
स्त्रीणां रूपं प्रवक्ष्यामि श्रूयतां तात सांप्रतम् । यथाघटसहस्रेषुसोदकेषुविराजते
strīṇāṃ rūpaṃ pravakṣyāmi śrūyatāṃ tāta sāṃpratam | yathāghaṭasahasreṣusodakeṣuvirājate
I shall declare the nature of women; let it now be heard, dear one. As (the moon) shines in a thousand pots filled with water —
AI translation rendered from the Sanskrit, not a published edition
PdP 2 8.47
एकश्चंद्रो हि सर्वत्र भवांस्तद्वद्विराजते । गतो जंतुसहस्रेषु मोहचक्रे महात्मवान्
ekaścaṃdro hi sarvatra bhavāṃstadvadvirājate | gato jaṃtusahasreṣu mohacakre mahātmavān
— indeed one moon (shines) everywhere, so do you shine; the great-souled one has entered into thousands of creatures, into the wheel of delusion.
AI translation rendered from the Sanskrit, not a published edition
PdP 2 8.48
स्थावरेषु च सर्वेषु जंगमेषु तथा भवान् । योनिद्वारेण पापेन मायामोहमयेन वै
sthāvareṣu ca sarveṣu jaṃgameṣu tathā bhavān | yonidvāreṇa pāpena māyāmohamayena vai
And in all things immobile and likewise in the mobile, you (are present), through the sinful gate of the womb, which consists of illusion and delusion.
AI translation rendered from the Sanskrit, not a published edition
PdP 2 8.49
कुचाभ्यां च नितंबाभ्यां वयसा च विराजते । हृन्मांसस्याधिका वृद्धिर्दृष्टा चात्र न संशयः
kucābhyāṃ ca nitaṃbābhyāṃ vayasā ca virājate | hṛnmāṃsasyādhikā vṛddhirdṛṣṭā cātra na saṃśayaḥ
By her two breasts and her two buttocks and by her youth she shines forth; here an excessive growth of the flesh of the heart is seen — there is no doubt of it.
AI translation rendered from the Sanskrit, not a published edition — the model flagged this verse as uncertain
PdP 2 8.50
पतनाय च लोकानां मोहरूपं विदर्शितम् । नभवत्येव सा नारी या त्वया परिकीर्तिता
patanāya ca lokānāṃ moharūpaṃ vidarśitam | nabhavatyeva sā nārī yā tvayā parikīrtitā
And for the falling of the worlds a form of delusion has been displayed; she is not really that woman whom you have described.
AI translation rendered from the Sanskrit, not a published edition
PdP 2 8.51
लीलया कुरुते धाता विनोदाय सदात्मनः । यथा नार्यास्तथा पुंसो जीवः सर्वत्र संस्थितः
līlayā kurute dhātā vinodāya sadātmanaḥ | yathā nāryāstathā puṃso jīvaḥ sarvatra saṃsthitaḥ
The Ordainer does it in play, always for his own amusement; as with a woman, so with a man — the living self abides in all alike.
AI translation rendered from the Sanskrit, not a published edition
PdP 2 8.52
कुचयोनिविहीना ये जीवन्मुक्ताः सदैव हि । नरस्तु पुरुषः प्रोक्तो नारी प्रकृतिरुच्यते
kucayonivihīnā ye jīvanmuktāḥ sadaiva hi | narastu puruṣaḥ prokto nārī prakṛtirucyate
Those who are free of breasts and womb are ever liberated while living; the male is called puruṣa, the woman is called prakṛti.
AI translation rendered from the Sanskrit, not a published edition
PdP 2 8.53
रमते तेन वै सार्द्धं न मुक्ता हि कदाचन । भवान्प्रकृतिसंयुक्तः पुरुषेषु प्रदृश्यते
ramate tena vai sārddhaṃ na muktā hi kadācana | bhavānprakṛtisaṃyuktaḥ puruṣeṣu pradṛśyate
He takes pleasure together with her, and is never liberated; you, joined with prakṛti, are seen among men.
AI translation rendered from the Sanskrit, not a published edition
PdP 2 8.54
कः कस्य कुरुते लज्जामेवं ज्ञात्वा सुखं व्रज । वृद्धां स्त्रियं प्रवक्ष्यामि सदावृद्धां वरानने
kaḥ kasya kurute lajjāmevaṃ jñātvā sukhaṃ vraja | vṛddhāṃ striyaṃ pravakṣyāmi sadāvṛddhāṃ varānane
Who feels shame before whom? Knowing thus, go in happiness. I shall declare the old woman, ever-old, O fair-faced one.
AI translation rendered from the Sanskrit, not a published edition
PdP 2 8.55
त्वचा जर्जरतां याता यस्याप्यंगे वरानने । श्वेतैश्चैव तथाकेशैः पलितैश्च समाकुला
tvacā jarjaratāṃ yātā yasyāpyaṃge varānane | śvetaiścaiva tathākeśaiḥ palitaiśca samākulā
She on whose body the skin has come to decay, O fair-faced one, and who is beset with hairs white and grey,
AI translation rendered from the Sanskrit, not a published edition
PdP 2 8.56
बलहीनाथ दीनापि व्यापिता वलिना तदा । नेयं वृद्धा भवेन्नारी परं वृद्धा च कथ्यते
balahīnātha dīnāpi vyāpitā valinā tadā | neyaṃ vṛddhā bhavennārī paraṃ vṛddhā ca kathyate
and then feeble in strength, wretched too, and then covered over with wrinkles — this woman is not the aged one; another is called "aged."
AI translation rendered from the Sanskrit, not a published edition
PdP 2 8.57
एतस्या लक्षणं प्रोक्तं युवतीं प्रवदाम्यहम् । ज्ञानेन वर्द्धते नित्यं जीवपार्श्वे समाश्रिता
etasyā lakṣaṇaṃ proktaṃ yuvatīṃ pravadāmyaham | jñānena varddhate nityaṃ jīvapārśve samāśritā
Her mark has been stated; (now) I shall speak of the young woman: she grows constantly through knowledge, resting at the side of the living self.
AI translation rendered from the Sanskrit, not a published edition
PdP 2 8.58
सुमतिर्नाम संप्रोक्ता सा वृद्धा युवतीति च । नारी पुरुषलोकेषु सर्वदैव प्रतिष्ठिता
sumatirnāma saṃproktā sā vṛddhā yuvatīti ca | nārī puruṣalokeṣu sarvadaiva pratiṣṭhitā
She is declared to be named Sumati (Good Understanding), and she is both the old woman and the young one; as a woman she is ever established in the worlds of men.
AI translation rendered from the Sanskrit, not a published edition
PdP 2 8.59
लज्जा तस्याः प्रकर्तव्या अन्यच्चैव वदाम्यहम् । मातरं वै प्रवक्ष्यामि या त्वया परिकीर्तिता
lajjā tasyāḥ prakartavyā anyaccaiva vadāmyaham | mātaraṃ vai pravakṣyāmi yā tvayā parikīrtitā
Shame is to be felt before her — and I shall tell yet another thing. I shall now speak of the mother, of whom you have spoken.
AI translation rendered from the Sanskrit, not a published edition
PdP 2 8.60
प्राणिनामंगदेशेषु सदैव चेतना स्थिता । परज्ञानप्रदा या च सा प्रज्ञा परिकथ्यते
prāṇināmaṃgadeśeṣu sadaiva cetanā sthitā | parajñānapradā yā ca sā prajñā parikathyate
In the bodily parts of living beings consciousness ever abides; and she who bestows the highest knowledge is called Prajñā (wisdom).
AI translation rendered from the Sanskrit, not a published edition
PdP 2 8.61
प्रज्ञा माता समाख्याता प्राणिनां पालनाय सा । संस्थिता सर्वलोकेषु पोषणाय हिताय वा
prajñā mātā samākhyātā prāṇināṃ pālanāya sā | saṃsthitā sarvalokeṣu poṣaṇāya hitāya vā
Prajñā (wisdom) is called the mother, she who is for the protection of living beings; she is established in all worlds for (their) nourishment and welfare.
AI translation rendered from the Sanskrit, not a published edition
PdP 2 8.62
सुमतिर्नाम या प्रोक्ता सा माता परिकथ्यते । संसारद्वारमार्गाणि यानि रूपाणि नित्यशः
sumatirnāma yā proktā sā mātā parikathyate | saṃsāradvāramārgāṇi yāni rūpāṇi nityaśaḥ
She who is called Sumati (good understanding) is spoken of as a mother; and those forms which are ever the doorways and paths of transmigratory existence—
AI translation rendered from the Sanskrit, not a published edition
PdP 2 8.63
भवंति मातरो ह्येता बहुदुःखप्रदर्शिकाः । मातृरूपं समाख्यातमन्यत्किं ते वदाम्यहम्
bhavaṃti mātaro hyetā bahuduḥkhapradarśikāḥ | mātṛrūpaṃ samākhyātamanyatkiṃ te vadāmyaham
—these too become mothers, showing forth much suffering. Thus the form of 'mother' has been declared; what else shall I tell you?
AI translation rendered from the Sanskrit, not a published edition
PdP 2 8.64
आत्मोवाच- भवान्को हि समायातो मम संतापनाशकः । विस्तरेण समाख्याहि स्वरूपमात्मनः स्वयम्
ātmovāca- bhavānko hi samāyāto mama saṃtāpanāśakaḥ | vistareṇa samākhyāhi svarūpamātmanaḥ svayam
The Self said: Who indeed are you who have come here, the destroyer of my torment? Tell me yourself, at length, your own nature.
AI translation rendered from the Sanskrit, not a published edition
PdP 2 8.65
वीतराग उवाच- यस्मात्कामानि वर्तंते निराशाः सर्व एव ते । यं दुष्टत्वान्न पश्यंति कर्माण्येतानि नान्यथा
vītarāga uvāca- yasmātkāmāni vartaṃte nirāśāḥ sarva eva te | yaṃ duṣṭatvānna paśyaṃti karmāṇyetāni nānyathā
Vītarāga said: Because of whom desires turn away and all of them become void of hope, whom, on account of (their) wickedness, these deeds do not behold—and not otherwise—
AI translation rendered from the Sanskrit, not a published edition — the model flagged this verse as uncertain
PdP 2 8.66
यत्समीपं हि नायाति आशा चैव कदाचन । क्रोधो लोभस्तथा मोहो यद्भयात्प्रलयं गताः
yatsamīpaṃ hi nāyāti āśā caiva kadācana | krodho lobhastathā moho yadbhayātpralayaṃ gatāḥ
—near to whom hope never at any time comes, and through fear of whom anger, greed and delusion have gone to destruction:
AI translation rendered from the Sanskrit, not a published edition
PdP 2 8.67
वीतरागोस्मि भद्रं ते विवेको मम बांधवः । आत्मोवाच- कीदृशोऽसौ तव भ्राता विवेको नाम नामतः
vītarāgosmi bhadraṃ te viveko mama bāṃdhavaḥ | ātmovāca- kīdṛśo'sau tava bhrātā viveko nāma nāmataḥ
I am Vītarāga (the Passionless)—blessings on you; Viveka (Discernment) is my kinsman. The Self said: What sort is that brother of yours, Viveka by name?
AI translation rendered from the Sanskrit, not a published edition
PdP 2 8.68
तस्य त्वं लक्षणं ब्रूहि भ्रातुरात्मन एव च । वीतराग उवाच- तस्यैव लक्षणं रूपं न वदामि तवाग्रतः
tasya tvaṃ lakṣaṇaṃ brūhi bhrāturātmana eva ca | vītarāga uvāca- tasyaiva lakṣaṇaṃ rūpaṃ na vadāmi tavāgrataḥ
Tell me the characteristics of him, of (your) brother, and of yourself as well. Vītarāga said: His characteristics and form I shall not describe before you;
AI translation rendered from the Sanskrit, not a published edition
PdP 2 8.69
भ्रातुस्तस्य महाभाग आह्वानं च करोम्यहम् । भोभो विवेक मे भ्रातरावयोस्त्वं वचः शृणु
bhrātustasya mahābhāga āhvānaṃ ca karomyaham | bhobho viveka me bhrātarāvayostvaṃ vacaḥ śṛṇu
rather, O greatly fortunate one, I shall summon that brother (of mine): "Ho, Viveka, my brother, hear the word of us two!
AI translation rendered from the Sanskrit, not a published edition
PdP 2 8.70
एह्येहि सुमहाभाग मम स्नेहान्महामते । कश्यप उवाच- शांतिक्षमाभ्यां संयुक्तो भार्याभ्यां च समागतः
ehyehi sumahābhāga mama snehānmahāmate | kaśyapa uvāca- śāṃtikṣamābhyāṃ saṃyukto bhāryābhyāṃ ca samāgataḥ
Come, come, O most fortunate, O great-minded one, out of love for me!" Kaśyapa said: Joined with Śānti (peace) and Kṣamā (patience), he came together with (those) two wives—
AI translation rendered from the Sanskrit, not a published edition
PdP 2 8.71
सर्वदृक्सर्वगो व्यापी सर्वतत्त्वपरायणः । संदेहानां च सर्वेषां यो रिपुर्ज्ञानवत्सलः
sarvadṛksarvago vyāpī sarvatattvaparāyaṇaḥ | saṃdehānāṃ ca sarveṣāṃ yo ripurjñānavatsalaḥ
all-seeing, all-going, pervading, devoted to all the truths, he who is the enemy of all doubts and the friend of knowledge;
AI translation rendered from the Sanskrit, not a published edition
PdP 2 8.72
धारणा धीश्च द्वे पुत्र्यौ तस्यैव हि महात्मनः । तस्य योगः सुतो ज्येष्ठो मोक्षो यस्य महागुरुः
dhāraṇā dhīśca dve putryau tasyaiva hi mahātmanaḥ | tasya yogaḥ suto jyeṣṭho mokṣo yasya mahāguruḥ
Dhāraṇā (concentration) and Dhī (intellect) are the two daughters of that great-souled one; Yoga is his eldest son, whose great teacher is Mokṣa (liberation);
AI translation rendered from the Sanskrit, not a published edition
PdP 2 8.73
निर्मलो निरहंकारो निराशो निष्परिग्रहः । सर्ववेलाप्रसन्नात्मा गतद्वंद्वो महामतिः
nirmalo nirahaṃkāro nirāśo niṣparigrahaḥ | sarvavelāprasannātmā gatadvaṃdvo mahāmatiḥ
stainless, without egoism, without craving, without possessions, serene of mind at all times, past the pairs of opposites, of great understanding—
AI translation rendered from the Sanskrit, not a published edition
PdP 2 8.74
स विवेकः समायातो गुणरत्नैर्विभूषितः । यस्यामात्यौ महात्मानौ धर्मसत्यौ महामती
sa vivekaḥ samāyāto guṇaratnairvibhūṣitaḥ | yasyāmātyau mahātmānau dharmasatyau mahāmatī
that Viveka came, adorned with the jewels of the virtues, whose two ministers are the great-souled, great-minded Dharma and Satya (righteousness and truth).
AI translation rendered from the Sanskrit, not a published edition
PdP 2 8.75
क्षमाशांतिसमायुक्तः स विवेकः समागतः । वीतरागमुवाचेदमाहूतोहं समागतः
kṣamāśāṃtisamāyuktaḥ sa vivekaḥ samāgataḥ | vītarāgamuvācedamāhūtohaṃ samāgataḥ
Accompanied by Kṣamā and Śānti, that Viveka arrived, and said this to Vītarāga: "Being summoned, I have come.
AI translation rendered from the Sanskrit, not a published edition
PdP 2 8.76
तद्भ्रातः कारणं सर्वं कथ्यतां हि ममाग्रतः । यमाश्रित्य त्वयाद्यैव कृतमाह्वानमेव मे
tadbhrātaḥ kāraṇaṃ sarvaṃ kathyatāṃ hi mamāgrataḥ | yamāśritya tvayādyaiva kṛtamāhvānameva me
So, brother, let the whole reason be told before me—on what account you have this very day made a summons to me."
AI translation rendered from the Sanskrit, not a published edition
PdP 2 8.77
वीतराग उवाच- पुमान्स्थितो यः पुरतो महापाशैर्नियंत्रितः । मोहस्य बाणैः संभ्रांतः संसारस्य च बंधनैः
vītarāga uvāca- pumānsthito yaḥ purato mahāpāśairniyaṃtritaḥ | mohasya bāṇaiḥ saṃbhrāṃtaḥ saṃsārasya ca baṃdhanaiḥ
Vītarāga said: The man who stands before (us), bound by great fetters, bewildered by the arrows of delusion and by the bonds of transmigratory existence—
AI translation rendered from the Sanskrit, not a published edition
PdP 2 8.78
सर्वस्य व्यापकः स्वामी अयमात्मा ममैव च । पंचतत्त्वैः समाविष्टो ज्ञानध्यानविवर्जितः
sarvasya vyāpakaḥ svāmī ayamātmā mamaiva ca | paṃcatattvaiḥ samāviṣṭo jñānadhyānavivarjitaḥ
he is the pervader and lord of all, this is my very own Self; he has been entered into by the five elements and is bereft of knowledge and meditation.
AI translation rendered from the Sanskrit, not a published edition
PdP 2 8.79
पृच्छतामेनमात्मानं भवांस्तत्त्वेषु पंडितः । वीतरागवचः श्रुत्वा विवेको वाक्यमब्रवीत्
pṛcchatāmenamātmānaṃ bhavāṃstattveṣu paṃḍitaḥ | vītarāgavacaḥ śrutvā viveko vākyamabravīt
Let (your honour) question this Self—you are learned in the truths. Hearing Vītarāga's words, Viveka spoke (these) words.
AI translation rendered from the Sanskrit, not a published edition
PdP 2 8.80
विवेक उवाच- सुखेन स्थीयते देव भवता विश्वनायक । आगते त्वयि संसारे किं किं भुक्तं सुखं स्वयम्
viveka uvāca- sukhena sthīyate deva bhavatā viśvanāyaka | āgate tvayi saṃsāre kiṃ kiṃ bhuktaṃ sukhaṃ svayam
Viveka said: Do you dwell in comfort, O god, O lord of the universe? Since you came into this world of transmigration, what happiness, exactly, have you yourself enjoyed?
AI translation rendered from the Sanskrit, not a published edition
PdP 2 8.81
आत्मोवाच- गर्भवासो महद्दुःखमसह्यं दारुणं मया । भुक्तमेव महाप्राज्ञ ज्ञानहीनेन वै सदा
ātmovāca- garbhavāso mahadduḥkhamasahyaṃ dāruṇaṃ mayā | bhuktameva mahāprājña jñānahīnena vai sadā
The Self said: Dwelling in the womb, a great, unbearable, cruel suffering, has indeed been undergone by me, O greatly wise one, always, being devoid of knowledge.
AI translation rendered from the Sanskrit, not a published edition
PdP 2 8.82
देहेपि ज्ञानविभ्रष्टः सोहं जातो ह्यनेकधा । बाल्यावस्थां गतेनाथ कृत्याकृत्यं कृतं मया
dehepi jñānavibhraṣṭaḥ sohaṃ jāto hyanekadhā | bālyāvasthāṃ gatenātha kṛtyākṛtyaṃ kṛtaṃ mayā
Even in the body, fallen away from knowledge, I was born in many ways; and then, having reached the state of childhood, what should be done and what should not be done was done by me.
AI translation rendered from the Sanskrit, not a published edition
PdP 2 8.83
तारुण्येन कृता क्रीडा भुक्ता भार्या ह्यनेकशः । वार्धकं प्राप्य संतप्तः पुत्रशोकादिभिस्तथा
tāruṇyena kṛtā krīḍā bhuktā bhāryā hyanekaśaḥ | vārdhakaṃ prāpya saṃtaptaḥ putraśokādibhistathā
In youth play was engaged in, and wives were enjoyed many times over; reaching old age, (I was) tormented by grief for sons and the rest.
AI translation rendered from the Sanskrit, not a published edition
PdP 2 8.84
भार्यादीनां वियोगैस्तु दग्धोस्म्यहमहर्निशम् । दुःखैरनेकसंवर्णैः संतप्तोस्मि दिनेदिने
bhāryādīnāṃ viyogaistu dagdhosmyahamaharniśam | duḥkhairanekasaṃvarṇaiḥ saṃtaptosmi dinedine
By separations from wife and the others I am burnt day and night; by sorrows of many kinds I am tormented day after day.
AI translation rendered from the Sanskrit, not a published edition
PdP 2 8.85
दिवारात्रौ महाप्राज्ञ न विंदामि सुखं क्वचित् । एवं दुःखै सुसंतप्तः किं करोमि महामते
divārātrau mahāprājña na viṃdāmi sukhaṃ kvacit | evaṃ duḥkhai susaṃtaptaḥ kiṃ karomi mahāmate
By day and by night, O greatly wise one, I find no happiness anywhere; thus sorely tormented by sorrows, what shall I do, O you of great mind?
AI translation rendered from the Sanskrit, not a published edition
PdP 2 8.86
तमुपायं वदस्वैव सुखं विंदामि येन वै । अस्मात्संसारजालौघान्मोचयाद्य सुबंधनात्
tamupāyaṃ vadasvaiva sukhaṃ viṃdāmi yena vai | asmātsaṃsārajālaughānmocayādya subaṃdhanāt
Tell me that very means by which I may find happiness; free (me) today from this flood of the net of worldly existence, from (its) tight bondage.
AI translation rendered from the Sanskrit, not a published edition
PdP 2 8.87
विवेक उवाच- भवाञ्छुद्धोसि निर्द्वन्द्वो ह्यपापोसि जगत्पते । एनं गच्छ महात्मानं वीतरागं सुखप्रदम्
viveka uvāca- bhavāñchuddhosi nirdvandvo hyapāposi jagatpate | enaṃ gaccha mahātmānaṃ vītarāgaṃ sukhapradam
Discrimination said: You are pure, free from the pairs of opposites, and sinless, O lord of the world. Go to this great-souled one, Freedom-from-Passion, the giver of happiness.
AI translation rendered from the Sanskrit, not a published edition
PdP 2 8.88
निःसंशयं त्वया दृष्टं नग्नमाचारवर्जितम् । सुखप्रदर्शको ह्येष सर्वसंतापनाशकः
niḥsaṃśayaṃ tvayā dṛṣṭaṃ nagnamācāravarjitam | sukhapradarśako hyeṣa sarvasaṃtāpanāśakaḥ
Without doubt he has been seen by you—naked, devoid of (prescribed) conduct; for he is the one who shows happiness, the destroyer of all torment.
AI translation rendered from the Sanskrit, not a published edition
PdP 2 8.89
एवमाकर्ण्य शुद्धात्मा वीतरागं गतः पुनः । तमुवाच श्वसन्दीनः श्रूयतां वचनं मम
evamākarṇya śuddhātmā vītarāgaṃ gataḥ punaḥ | tamuvāca śvasandīnaḥ śrūyatāṃ vacanaṃ mama
Having heard this, the pure-souled one went again to Freedom-from-Passion; sighing and wretched, he said to him: Let my words be heard.
AI translation rendered from the Sanskrit, not a published edition
PdP 2 8.90
सुखं विंदामि येनाहं तं मार्गं मम दर्शय । एवमस्तु महाप्राज्ञ करिष्ये वचनं तव
sukhaṃ viṃdāmi yenāhaṃ taṃ mārgaṃ mama darśaya | evamastu mahāprājña kariṣye vacanaṃ tava
Show me that path by which I may find happiness. "So be it, O greatly wise one; I shall do as you say."
AI translation rendered from the Sanskrit, not a published edition
PdP 2 8.91
पुनर्गच्छ विवेकं हि सुखवार्ता कृता त्वया । सुखमार्गस्य वै वक्ता तव एष भविष्यति
punargaccha vivekaṃ hi sukhavārtā kṛtā tvayā | sukhamārgasya vai vaktā tava eṣa bhaviṣyati
Go again to Discrimination; the talk of happiness has indeed been made by you. He will be the one to declare to you the path of happiness.
AI translation rendered from the Sanskrit, not a published edition
PdP 2 8.92
वीतरागेण पुण्येन प्रेषितो गतवान्प्रभुः । तमुवाच महात्मानं विवेकं शुद्धसत्तमम्
vītarāgeṇa puṇyena preṣito gatavānprabhuḥ | tamuvāca mahātmānaṃ vivekaṃ śuddhasattamam
Sent by the meritorious Freedom-from-Passion, the lord went, and said to that great-souled Discrimination, the purest and best of beings:
AI translation rendered from the Sanskrit, not a published edition
PdP 2 8.93
सुखं मे दर्शय त्वं हि वीतरागेण प्रेषितः । भवच्छरणमापन्नो रक्ष संसारदारुणात्
sukhaṃ me darśaya tvaṃ hi vītarāgeṇa preṣitaḥ | bhavaccharaṇamāpanno rakṣa saṃsāradāruṇāt
Do you show me happiness; I have been sent by Freedom-from-Passion. Having come to your refuge, protect (me) from the cruelty of worldly existence.
AI translation rendered from the Sanskrit, not a published edition
PdP 2 8.94
विवेक उवाच- ज्ञानं गच्छमहाप्राज्ञ स ते सर्वं वदिष्यति । आत्मा तथोक्तः संप्राप्तो यत्र ज्ञानं प्रतिष्ठितम्
viveka uvāca- jñānaṃ gacchamahāprājña sa te sarvaṃ vadiṣyati | ātmā tathoktaḥ saṃprāpto yatra jñānaṃ pratiṣṭhitam
Discrimination said: Go to Knowledge, O greatly wise one; he will tell you everything. The Self, thus addressed, arrived where Knowledge was established.
AI translation rendered from the Sanskrit, not a published edition
PdP 2 8.95
भोभो ज्ञान महातेजः सर्वभावप्रदर्शक । शरणं त्वामहं प्राप्तः सुखमार्गं प्रदर्शय
bhobho jñāna mahātejaḥ sarvabhāvapradarśaka | śaraṇaṃ tvāmahaṃ prāptaḥ sukhamārgaṃ pradarśaya
Ho, Knowledge, of great splendour, revealer of all states of being! I have come to you for refuge; show me the path of happiness.
AI translation rendered from the Sanskrit, not a published edition
PdP 2 8.96
ज्ञानमुवाच- भृत्योहं तव लोकेश त्वं मां वेत्सि न सुव्रत । मया ध्यानेन वै पूर्वं वारितस्त्वं पुनःपुनः
jñānamuvāca- bhṛtyohaṃ tava lokeśa tvaṃ māṃ vetsi na suvrata | mayā dhyānena vai pūrvaṃ vāritastvaṃ punaḥpunaḥ
Knowledge said: I am your servant, O lord of the world; you do not know me, O you of good vows. Formerly you were restrained again and again by me through meditation.
AI translation rendered from the Sanskrit, not a published edition
PdP 2 8.97
पंचात्मकानां संगेन आपदं प्राप्तवान्भवान् । ध्यानं गच्छ महाप्राज्ञ स ते दाता सुखस्य च
paṃcātmakānāṃ saṃgena āpadaṃ prāptavānbhavān | dhyānaṃ gaccha mahāprājña sa te dātā sukhasya ca
Through association with the five-fold ones you have come to calamity. Go to Meditation, O greatly wise one; he is the giver of happiness to you.
AI translation rendered from the Sanskrit, not a published edition
PdP 2 8.98
ज्ञानेन प्रेषितो ह्यात्मा ध्यानमाश्रित्य संस्थितः । सुखमत्यंतसिद्धं च ध्यानं मे दर्शयस्व ह
jñānena preṣito hyātmā dhyānamāśritya saṃsthitaḥ | sukhamatyaṃtasiddhaṃ ca dhyānaṃ me darśayasva ha
Sent by Knowledge, the Self took recourse to Meditation and stood (there): "Show me, O Meditation, the happiness that is utterly accomplished."
AI translation rendered from the Sanskrit, not a published edition
PdP 2 8.99
भवच्छरणमायातं मामेवं परिरक्षय । एवं संभाषितं तस्य ध्यानमाकर्ण्य तद्वचः
bhavaccharaṇamāyātaṃ māmevaṃ parirakṣaya | evaṃ saṃbhāṣitaṃ tasya dhyānamākarṇya tadvacaḥ
Protect me thus, who have come to your refuge. Meditation, hearing that speech of his so spoken,
AI translation rendered from the Sanskrit, not a published edition
PdP 2 8.100
समुवाच पुनश्चापि तमात्मानं प्रहृष्टवान् । नैव त्याज्योस्म्यहं तात सर्वकर्मसुनिश्चितः
samuvāca punaścāpi tamātmānaṃ prahṛṣṭavān | naiva tyājyosmyahaṃ tāta sarvakarmasuniścitaḥ
delighted, spoke once again to that Self: I am not to be abandoned at all, my dear; I am firmly settled in all actions.
AI translation rendered from the Sanskrit, not a published edition
PdP 2 8.101
त्वयैव वीतरागेण विवेकेन सदैव हि । ध्यानयुक्तो भवस्व त्वमात्मानमवलोकय
tvayaiva vītarāgeṇa vivekena sadaiva hi | dhyānayukto bhavasva tvamātmānamavalokaya
By your own discernment, free of passion, always indeed—be joined to meditation and behold the Self.
AI translation rendered from the Sanskrit, not a published edition
PdP 2 8.102
आत्मवांस्त्वं स्थिरो भूत्वा निरातंको विकल्पितः । यथा दीपो निवातस्थः कज्जलं वमते स्थिरः
ātmavāṃstvaṃ sthiro bhūtvā nirātaṃko vikalpitaḥ | yathā dīpo nivātasthaḥ kajjalaṃ vamate sthiraḥ
Possessed of self-command, having become steady, free of fear and of (mental) constructions—just as a lamp standing where there is no wind gives off soot, being steady,
AI translation rendered from the Sanskrit, not a published edition
PdP 2 8.103
तथा दोषान्प्रज्वलित्वा निर्वाणं हि प्रयास्यति । एकांतस्थो निराहारो मिताशी भव सर्वदा
tathā doṣānprajvalitvā nirvāṇaṃ hi prayāsyati | ekāṃtastho nirāhāro mitāśī bhava sarvadā
so, having burnt up the faults, he will indeed go to extinction. Dwelling in solitude, without food, be always a moderate eater.
AI translation rendered from the Sanskrit, not a published edition
PdP 2 8.104
निर्द्वंद्वः शब्दसंहीनो निश्चलो ह्यासने स्थितः । आत्मानमात्मना ध्यायन्ममैव स्थिरबुद्धिना
nirdvaṃdvaḥ śabdasaṃhīno niścalo hyāsane sthitaḥ | ātmānamātmanā dhyāyanmamaiva sthirabuddhinā
Free of the pairs of opposites, devoid of sound, unmoving, seated in (your) posture, meditating on the Self by the self with a mind made steady on me alone,
AI translation rendered from the Sanskrit, not a published edition
PdP 2 8.105
प्राप्स्यसे परमं स्थानं तद्विष्णोः परमं पदम्
prāpsyase paramaṃ sthānaṃ tadviṣṇoḥ paramaṃ padam
you will attain the supreme station, that highest abode of Viṣṇu.
AI translation rendered from the Sanskrit, not a published edition