Padma Purana — Bhumi Khanda — Chapter 79
PdP 2 79.1
विशालोवाच- शर्मिष्ठा यस्य वै भार्या देवयानी वरानना । सौभाग्यं तत्र वै दृष्टमन्यथा नास्ति भूपते
viśālovāca- śarmiṣṭhā yasya vai bhāryā devayānī varānanā | saubhāgyaṃ tatra vai dṛṣṭamanyathā nāsti bhūpate
Viśālā said: "He whose wife is Śarmiṣṭhā, and Devayānī of the lovely face — there indeed good fortune is seen; otherwise it is not, O lord of the earth.
AI translation rendered from the Sanskrit, not a published edition
PdP 2 79.2
तत्कथं त्वं महाभाग अस्याः कार्यवशो भवेः । सपत्नजेन भावेन भवान्भर्ता प्रतिष्ठितः
tatkathaṃ tvaṃ mahābhāga asyāḥ kāryavaśo bhaveḥ | sapatnajena bhāvena bhavānbhartā pratiṣṭhitaḥ
So how, O greatly fortunate one, could you be subject to her purposes? By the state of being (linked) with a co-wife you are established as a husband.
AI translation rendered from the Sanskrit, not a published edition — the model flagged this verse as uncertain
PdP 2 79.3
ससर्पोसि महाराज भूतले चंदनं यथा । सर्पैश्च वेष्टितो राजन्महाचंदन एव हि
sasarposi mahārāja bhūtale caṃdanaṃ yathā | sarpaiśca veṣṭito rājanmahācaṃdana eva hi
You are with serpents, great king, like sandalwood on the earth; for the great sandal tree too, O king, is encircled by serpents.
AI translation rendered from the Sanskrit, not a published edition
PdP 2 79.4
तथा त्वं वेष्टितः सर्पैः सपत्नीनामसंज्ञकैः । वरमग्निप्रवेशश्च शिखाग्रात्पतनं वरम्
tathā tvaṃ veṣṭitaḥ sarpaiḥ sapatnīnāmasaṃjñakaiḥ | varamagnipraveśaśca śikhāgrātpatanaṃ varam
Just so are you encircled by serpents that go by the name of co-wives. Better to enter fire, better to fall from a mountain peak.
AI translation rendered from the Sanskrit, not a published edition
PdP 2 79.5
रूपतेजः समायुक्तं सपत्नीसहितं प्रियम् । न वरं तादृशं कांतं सपत्नीविषसंयुतम्
rūpatejaḥ samāyuktaṃ sapatnīsahitaṃ priyam | na varaṃ tādṛśaṃ kāṃtaṃ sapatnīviṣasaṃyutam
A beloved endowed with beauty and splendour, (but) accompanied by co-wives — such a lover, joined with the poison of co-wives, is not good.
AI translation rendered from the Sanskrit, not a published edition
PdP 2 79.6
तस्मान्न मन्यते कांतं भवंतं गुणसागरम् । राजोवाच- देवयान्या न मे कार्यं शर्मिष्ठया वरानने
tasmānna manyate kāṃtaṃ bhavaṃtaṃ guṇasāgaram | rājovāca- devayānyā na me kāryaṃ śarmiṣṭhayā varānane
Therefore she does not accept you, ocean of virtues, as her lover." The king said: "I have no business with Devayānī nor with Śarmiṣṭhā, O lovely-faced one;
AI translation rendered from the Sanskrit, not a published edition
PdP 2 79.7
इत्यर्थं पश्य मे कोशं सत्वधर्मसमन्वितम् । अश्रुबिंदुमत्युवाच- अहं राज्यस्य भोक्त्री च तव कायस्य भूपते
ityarthaṃ paśya me kośaṃ satvadharmasamanvitam | aśrubiṃdumatyuvāca- ahaṃ rājyasya bhoktrī ca tava kāyasya bhūpate
for this reason look at my treasury, endowed with goodness and dharma." Aśrubindumatī said: "I shall be the enjoyer of the kingdom and of your body, O lord of the earth;
AI translation rendered from the Sanskrit, not a published edition
PdP 2 79.8
यद्यद्वदाम्यहं भूप तत्तत्कार्यं त्वया ध्रुवम् । इत्यर्थे मम देहि स्वं करं त्वं धर्मवत्सल
yadyadvadāmyahaṃ bhūpa tattatkāryaṃ tvayā dhruvam | ityarthe mama dehi svaṃ karaṃ tvaṃ dharmavatsala
whatever I say, O king, that must certainly be done by you. For that purpose give me your hand, you who are devoted to dharma —
AI translation rendered from the Sanskrit, not a published edition
PdP 2 79.9
बहुधर्मसमोपेतं चारुलक्षणसंयुतम् । राजोवाच- अन्य भार्यां न विंदामि त्वां विना वरवर्णिनि
bahudharmasamopetaṃ cārulakṣaṇasaṃyutam | rājovāca- anya bhāryāṃ na viṃdāmi tvāṃ vinā varavarṇini
(a hand) endowed with much dharma and marked with lovely signs." The king said: "I shall take no other wife but you, O fair-complexioned one.
AI translation rendered from the Sanskrit, not a published edition
PdP 2 79.10
राज्यं च सकलामुर्वीं मम कायं वरानने । सकोशं भुंक्ष्व चार्वंगि एष दत्तः करस्तव
rājyaṃ ca sakalāmurvīṃ mama kāyaṃ varānane | sakośaṃ bhuṃkṣva cārvaṃgi eṣa dattaḥ karastava
Enjoy the kingdom and the whole earth and my body, O lovely-faced one, together with the treasury, O fair-limbed one; here my hand is given to you.
AI translation rendered from the Sanskrit, not a published edition
PdP 2 79.11
यदेव भाषसे भद्रे तदेवं तु करोम्यहम् । अश्रुबिंदुमत्युवाच- अनेनापि महाभाग तव भार्या भवाम्यहम्
yadeva bhāṣase bhadre tadevaṃ tu karomyaham | aśrubiṃdumatyuvāca- anenāpi mahābhāga tava bhāryā bhavāmyaham
"Whatever you say, good lady, that indeed I will do." Aśrubindumatī said: "By this too, O greatly fortunate one, I become your wife."
AI translation rendered from the Sanskrit, not a published edition
PdP 2 79.12
एवमाकर्ण्य राजेंद्रो हर्षव्याकुललोचनः । गांधर्वेण विवाहेन ययातिः पृथिवीपतिः
evamākarṇya rājeṃdro harṣavyākulalocanaḥ | gāṃdharveṇa vivāhena yayātiḥ pṛthivīpatiḥ
Hearing this, that lord of kings, his eyes agitated with joy—Yayāti, the lord of the earth—by the gāndharva form of marriage,
AI translation rendered from the Sanskrit, not a published edition
PdP 2 79.13
उपयेमे सुतां पुण्यां मन्मथस्य नरोत्तम । तया सार्द्धं महात्मा वै रमते नृपनंदनः
upayeme sutāṃ puṇyāṃ manmathasya narottama | tayā sārddhaṃ mahātmā vai ramate nṛpanaṃdanaḥ
married the meritorious daughter of Manmatha (the god of love), O best of men; and with her that great-souled delight of kings took his pleasure.
AI translation rendered from the Sanskrit, not a published edition
PdP 2 79.14
सागरस्य च तीरेषु वनेषूपवनेषु च । पर्वतेषु च रम्येषु सरित्सु च तया सह
sāgarasya ca tīreṣu vaneṣūpavaneṣu ca | parvateṣu ca ramyeṣu saritsu ca tayā saha
And on the shores of the ocean, in forests and in pleasure-groves, and on delightful mountains and by rivers, together with her—
AI translation rendered from the Sanskrit, not a published edition
PdP 2 79.15
रमते राजराजेंद्रस्तारुण्येन महीपतिः । एवं विंशत्सहस्राणि गतानि निरतस्य च
ramate rājarājeṃdrastāruṇyena mahīpatiḥ | evaṃ viṃśatsahasrāṇi gatāni niratasya ca
the king of kings, the lord of the earth, took his pleasure in his youth; and thus twenty thousand (years) passed for him, absorbed (in delight),
AI translation rendered from the Sanskrit, not a published edition
PdP 2 79.16
भूपस्य तस्य राजेंद्र ययातेस्तु महात्मनः । विष्णुरुवाच- एवं तया महाराजो ययातिर्मोहितस्तदा
bhūpasya tasya rājeṃdra yayātestu mahātmanaḥ | viṣṇuruvāca- evaṃ tayā mahārājo yayātirmohitastadā
for that ruler of the earth, O lord of kings, for the great-souled Yayāti. Viṣṇu said: Thus was the great king Yayāti then deluded by her,
AI translation rendered from the Sanskrit, not a published edition
PdP 2 79.17
कंदर्पस्य प्रपंचेन इंद्रस्यार्थे महामते । सुकर्मोवाच- एवं पिप्पल राजासौ ययातिः पृथिवीपतिः
kaṃdarpasya prapaṃcena iṃdrasyārthe mahāmate | sukarmovāca- evaṃ pippala rājāsau yayātiḥ pṛthivīpatiḥ
by the contrivance of Kandarpa (the god of love), for Indra's sake, O greatly wise one. Sukarman said: Thus, Pippala, that king Yayāti, the lord of the earth,
AI translation rendered from the Sanskrit, not a published edition
PdP 2 79.18
तस्या मोहनकामेन रतेन ललितेन च । न जानाति दिनं रात्रिं मुग्धः कामस्य कन्यया
tasyā mohanakāmena ratena lalitena ca | na jānāti dinaṃ rātriṃ mugdhaḥ kāmasya kanyayā
with her bewitching desire, and with lovemaking and dalliance, does not know day from night, infatuated with the daughter of Kāma.
AI translation rendered from the Sanskrit, not a published edition
PdP 2 79.19
एकदा मोहितं भूपं ययातिं कामनंदिनी । उवाच प्रणतं नम्रं वशगं चारुलोचना
ekadā mohitaṃ bhūpaṃ yayātiṃ kāmanaṃdinī | uvāca praṇataṃ namraṃ vaśagaṃ cārulocanā
Once the daughter of Kāma, the fair-eyed one, spoke to the deluded king Yayāti, who was bowed down, humble, and subject to her will:
AI translation rendered from the Sanskrit, not a published edition
PdP 2 79.20
अश्रुबिंदुमत्युवाच- संजातं दोहदं कांत तन्मे कुरु मनोरथम् । अश्वमेधमखश्रेष्ठं यजस्व पृथिवीपते
aśrubiṃdumatyuvāca- saṃjātaṃ dohadaṃ kāṃta tanme kuru manoratham | aśvamedhamakhaśreṣṭhaṃ yajasva pṛthivīpate
Aśrubindumatī said: A longing has arisen (in me), beloved; fulfil that wish of mine: perform the horse sacrifice, the best of rites, O lord of the earth.
AI translation rendered from the Sanskrit, not a published edition
PdP 2 79.21
राजोवाच- एवमस्तु महाभागे करोमि तव सुप्रियम् । समाहूय सुतश्रेष्ठं राज्यभोगे विनिःस्पृहम्
rājovāca- evamastu mahābhāge karomi tava supriyam | samāhūya sutaśreṣṭhaṃ rājyabhoge viniḥspṛham
The king said: So be it, greatly fortunate one; I will do what is most pleasing to you. Having summoned (his) best of sons, who was without craving for the enjoyment of kingship—
AI translation rendered from the Sanskrit, not a published edition
PdP 2 79.22
समाहूतः समायातो भक्त्यानमितकंधरः । बद्धांजलिपुटो भूत्वा प्रणाममकरोत्तदा
samāhūtaḥ samāyāto bhaktyānamitakaṃdharaḥ | baddhāṃjalipuṭo bhūtvā praṇāmamakarottadā
summoned, he came, his neck bent in devotion; and folding his hands in a cup, he then made his obeisance.
AI translation rendered from the Sanskrit, not a published edition
PdP 2 79.23
तस्याः पादौ ननामाथ भक्त्या नमितकंधरः । आदेशो दीयतां राजन्येनाहूतः समागतः
tasyāḥ pādau nanāmātha bhaktyā namitakaṃdharaḥ | ādeśo dīyatāṃ rājanyenāhūtaḥ samāgataḥ
Then he bowed to her feet, his neck bent in devotion: "Let the command be given, O king, by whom I have been summoned and to whom I have come.
AI translation rendered from the Sanskrit, not a published edition
PdP 2 79.24
किं करोमि महाभाग दासस्ते प्रणतोस्मि च । राजोवाच- अश्वमेधस्य यज्ञस्य संभारं कुरु पुत्रक
kiṃ karomi mahābhāga dāsaste praṇatosmi ca | rājovāca- aśvamedhasya yajñasya saṃbhāraṃ kuru putraka
What shall I do, greatly fortunate one? I am your servant and I am bowed before you." The king said: Make ready the materials for the horse sacrifice, dear son,
AI translation rendered from the Sanskrit, not a published edition
PdP 2 79.25
समाहूय द्विजान्पुण्यानृत्विजो भूमिपालकान् । एवमुक्तो महातेजाः पूरुः परमधार्मिकः
samāhūya dvijānpuṇyānṛtvijo bhūmipālakān | evamukto mahātejāḥ pūruḥ paramadhārmikaḥ
having summoned holy brahmins, the officiating priests, and the rulers of the land. Thus addressed, the greatly splendid Pūru, supremely righteous,
AI translation rendered from the Sanskrit, not a published edition
PdP 2 79.26
सर्वं चकार संपूर्णं यथोक्तं तु महात्मना । तया सार्धं स जग्राह सुदीक्षां कामकन्यया
sarvaṃ cakāra saṃpūrṇaṃ yathoktaṃ tu mahātmanā | tayā sārdhaṃ sa jagrāha sudīkṣāṃ kāmakanyayā
did all of it in full, just as it had been said by the great-souled one; and together with her, the daughter of Kāma, he took the proper consecration.
AI translation rendered from the Sanskrit, not a published edition
PdP 2 79.27
अश्वमेधयज्ञवाटे दत्वा दानान्यनेकधा । ब्राह्मणेभ्यो महाराज भूरिदानमनंतकम्
aśvamedhayajñavāṭe datvā dānānyanekadhā | brāhmaṇebhyo mahārāja bhūridānamanaṃtakam
In the sacrificial enclosure of the horse sacrifice, having given gifts in many ways to the brahmins, O great king—abundant, endless giving—
AI translation rendered from the Sanskrit, not a published edition
PdP 2 79.28
दीनेषु च विशेषेण ययातिः पृथिवीपतिः । यज्ञांते च महाराजस्तामुवाच वराननाम्
dīneṣu ca viśeṣeṇa yayātiḥ pṛthivīpatiḥ | yajñāṃte ca mahārājastāmuvāca varānanām
and especially to the poor, (did) Yayāti, the lord of the earth; and at the end of the sacrifice the great king said to that fair-faced one:
AI translation rendered from the Sanskrit, not a published edition
PdP 2 79.29
अन्यत्ते सुप्रियं बाले किं करोमि वदस्व मे । तत्सर्वं देवि कर्तास्मि साध्यासाध्यं वरानने
anyatte supriyaṃ bāle kiṃ karomi vadasva me | tatsarvaṃ devi kartāsmi sādhyāsādhyaṃ varānane
What else that is dear to you shall I do, young lady? Tell me. All that, goddess, I shall do, whether achievable or unachievable, O fair-faced one.
AI translation rendered from the Sanskrit, not a published edition
PdP 2 79.30
सुकर्मोवाच- इत्युक्ता तेन सा राज्ञा भूपालं प्रत्युवाच ह । जातो मे दोहदो राजंस्तत्कुरुष्व ममानघ
sukarmovāca- ityuktā tena sā rājñā bhūpālaṃ pratyuvāca ha | jāto me dohado rājaṃstatkuruṣva mamānagha
Sukarman said: Thus addressed by that king, she replied to the ruler of the earth: A longing has arisen in me, O king; fulfil that for me, sinless one.
AI translation rendered from the Sanskrit, not a published edition
PdP 2 79.31
इंद्रलोकं ब्रह्मलोकं शिवलोकं तथैव च । विष्णुलोकं महाराज द्रष्टुमिच्छामि सुप्रियम्
iṃdralokaṃ brahmalokaṃ śivalokaṃ tathaiva ca | viṣṇulokaṃ mahārāja draṣṭumicchāmi supriyam
"Indra's world, Brahmā's world, and Śiva's world likewise, and Viṣṇu's world, great king — that most delightful (sight) I wish to see."
AI translation rendered from the Sanskrit, not a published edition
PdP 2 79.32
दर्शयस्व महाभाग यदहं सुप्रिया तव । एवमुक्तस्तयाराजातामुवाचससुप्रियाम्
darśayasva mahābhāga yadahaṃ supriyā tava | evamuktastayārājātāmuvācasasupriyām
"Show (them to me), greatly fortunate one, if I am dear to you." Addressed thus by her, the king said to that beloved woman:
AI translation rendered from the Sanskrit, not a published edition
PdP 2 79.33
साधुसाधुवरारोहेपुण्यमेवप्रभाषसे । स्त्रीस्वभावाच्चचापल्यात्कौतुकाच्चवरानने
sādhusādhuvarārohepuṇyamevaprabhāṣase | strīsvabhāvāccacāpalyātkautukāccavarānane
"Well said, well said, fair-hipped one; it is indeed something meritorious that you speak of — out of a woman's nature, out of fickleness, and out of curiosity, O fair-faced one.
AI translation rendered from the Sanskrit, not a published edition
PdP 2 79.34
यत्तवोक्तं महाभागे तदसाध्यं विभाति मे । तत्साध्यं पुण्यदानेन यज्ञेन तपसापि च
yattavoktaṃ mahābhāge tadasādhyaṃ vibhāti me | tatsādhyaṃ puṇyadānena yajñena tapasāpi ca
What you have said, greatly fortunate one, appears to me unachievable. It is achievable (only) by the giving of merit, by sacrifice, and by austerity as well.
AI translation rendered from the Sanskrit, not a published edition
PdP 2 79.35
अन्यथा न भवेत्साध्यं यत्त्वयोक्तं वरानने । असाध्यं तु भवत्या वै भाषितं पुण्यमिश्रितम्
anyathā na bhavetsādhyaṃ yattvayoktaṃ varānane | asādhyaṃ tu bhavatyā vai bhāṣitaṃ puṇyamiśritam
Otherwise what you have said, fair-faced one, would not be achievable; yet what has been spoken by you, being mixed with merit, is indeed unachievable.
AI translation rendered from the Sanskrit, not a published edition — the model flagged this verse as uncertain
PdP 2 79.36
मर्त्यलोकाच्छरीरेण अनेनापि च मानवः । श्रुतो दृष्टो न मेद्यापि गतः स्वर्गं सुपुण्यकृत्
martyalokāccharīreṇa anenāpi ca mānavaḥ | śruto dṛṣṭo na medyāpi gataḥ svargaṃ supuṇyakṛt
A man (going) from the world of mortals with this very body — not even today have I heard of or seen one, a doer of great merit, who has gone to heaven.
AI translation rendered from the Sanskrit, not a published edition
PdP 2 79.37
ततोऽसाध्यं वरारोहे यत्त्वया भाषितं मम । अन्यदेव करिष्यामि प्रियं ते तद्वद प्रिये
tato'sādhyaṃ varārohe yattvayā bhāṣitaṃ mama | anyadeva kariṣyāmi priyaṃ te tadvada priye
Therefore what has been spoken by you to me, fair-hipped one, is unachievable. I shall do something else that is pleasing to you: tell me that, beloved."
AI translation rendered from the Sanskrit, not a published edition
PdP 2 79.38
देव्युवाच- अन्यैश्च मानुषै राजन्न साध्यं स्यान्न संशयः । त्वयि साध्यं महाराज सत्यंसत्यं वदाम्यहम्
devyuvāca- anyaiśca mānuṣai rājanna sādhyaṃ syānna saṃśayaḥ | tvayi sādhyaṃ mahārāja satyaṃsatyaṃ vadāmyaham
The lady said: "By other men, O king, it would not be achievable — there is no doubt of that; but in your case it is achievable, great king; truly, truly I speak.
AI translation rendered from the Sanskrit, not a published edition
PdP 2 79.39
तपसा यशसा क्षात्रै र्दानैर्यज्ञैश्च भूपते । नास्ति भवादृशश्चान्यो मर्त्यलोके च मानवः
tapasā yaśasā kṣātrai rdānairyajñaiśca bhūpate | nāsti bhavādṛśaścānyo martyaloke ca mānavaḥ
In austerity, in fame, in warrior powers, in gifts and in sacrifices, O lord of the earth, there is no other man like you in the world of mortals.
AI translation rendered from the Sanskrit, not a published edition
PdP 2 79.40
क्षात्रं बलं सुतेजश्च त्वयि सर्वं प्रतिष्ठितम् । तस्मादेवं प्रकर्तव्यं मत्प्रियं नहुषात्मज
kṣātraṃ balaṃ sutejaśca tvayi sarvaṃ pratiṣṭhitam | tasmādevaṃ prakartavyaṃ matpriyaṃ nahuṣātmaja
Warrior strength and great splendour — all is established in you. Therefore what pleases me should be done in just this way, son of Nahuṣa."
AI translation rendered from the Sanskrit, not a published edition