Padma Purana — Bhumi Khanda — Chapter 77
PdP 2 77.1
सुकर्मोवाच- कामस्य गीतलास्येन हास्येन ललितेन च । मोहितो राजराजेंद्रो नटरूपेण पिप्पल
sukarmovāca- kāmasya gītalāsyena hāsyena lalitena ca | mohito rājarājeṃdro naṭarūpeṇa pippala
Sukarman said: By Kāma's song and dance, by his laughter and his grace, in the guise of an actor, the king of kings was bewildered, O Pippala.
AI translation rendered from the Sanskrit, not a published edition
PdP 2 77.2
कृत्वा मूत्रं पुरीषं च स राजा नहुषात्मजः । अकृत्वा पादयोः शौचमासने उपविष्टवान्
kṛtvā mūtraṃ purīṣaṃ ca sa rājā nahuṣātmajaḥ | akṛtvā pādayoḥ śaucamāsane upaviṣṭavān
Having passed urine and excrement, that king, the son of Nahuṣa, without performing the cleansing of his feet, sat down on his seat.
AI translation rendered from the Sanskrit, not a published edition
PdP 2 77.3
तदंतरं तु संप्राप्य संचचार जरा नृपम् । कामेनापि नृपश्रेष्ठ इंद्रकार्यं कृतं हितम्
tadaṃtaraṃ tu saṃprāpya saṃcacāra jarā nṛpam | kāmenāpi nṛpaśreṣṭha iṃdrakāryaṃ kṛtaṃ hitam
In that interval, finding (its opening), old age crept over the king; by Kāma too, O best of kings, was Indra's business, (his) benefit, accomplished.
AI translation rendered from the Sanskrit, not a published edition
PdP 2 77.4
निवृत्ते नाटके तस्मिन्गतेषु तेषु भूपतिः । जराभिभूतो धर्मात्मा कामसंसक्तमानसः
nivṛtte nāṭake tasmingateṣu teṣu bhūpatiḥ | jarābhibhūto dharmātmā kāmasaṃsaktamānasaḥ
When that play had ended and those (people) had gone, the king, righteous in soul, was overcome by old age, his mind attached to desire.
AI translation rendered from the Sanskrit, not a published edition
PdP 2 77.5
मोहितः काममोहेन विह्वलो विकलेंद्रियः । अतीव मुग्धो धर्मात्मा विषयैश्चापवाहितः
mohitaḥ kāmamohena vihvalo vikaleṃdriyaḥ | atīva mugdho dharmātmā viṣayaiścāpavāhitaḥ
Bewildered by the delusion of desire, agitated, his senses disordered, that righteous soul was utterly deluded and carried away by the objects of sense.
AI translation rendered from the Sanskrit, not a published edition
PdP 2 77.6
एकदा तु गतो राजा मृगया व्यसनातुरः । वने च क्रीडते सोपि मोहरागवशं गतः
ekadā tu gato rājā mṛgayā vyasanāturaḥ | vane ca krīḍate sopi moharāgavaśaṃ gataḥ
Once the king, afflicted by (this) addiction, went hunting; and in the forest he too sported, having fallen under the sway of delusion and passion.
AI translation rendered from the Sanskrit, not a published edition
PdP 2 77.7
सरसं क्रीडमानस्य नृपतेश्च महात्मनः । मृगश्चैकः समायातश्चतुःशृंगो ह्यनौपमः
sarasaṃ krīḍamānasya nṛpateśca mahātmanaḥ | mṛgaścaikaḥ samāyātaścatuḥśṛṃgo hyanaupamaḥ
While that great-souled king was sporting delightedly, a single deer came near, four-horned and incomparable,
AI translation rendered from the Sanskrit, not a published edition
PdP 2 77.8
सर्वांगसुंदरो राजन्हेमरूपतनूरुहः । रत्नज्योतिः सुचित्रांगो दर्शनीयो मनोहरः
sarvāṃgasuṃdaro rājanhemarūpatanūruhaḥ | ratnajyotiḥ sucitrāṃgo darśanīyo manoharaḥ
beautiful in every limb, O king, its body-hair of the form of gold, with the sheen of jewels, its limbs finely dappled, worth seeing, captivating the mind.
AI translation rendered from the Sanskrit, not a published edition
PdP 2 77.9
अभ्यधावत्स वेगेन बाणपाणिर्धनुर्द्धरः । इत्यमन्यत मेधावी कोपि दैत्यः समागतः
abhyadhāvatsa vegena bāṇapāṇirdhanurddharaḥ | ityamanyata medhāvī kopi daityaḥ samāgataḥ
He ran at it swiftly, arrow in hand, bearing his bow; but the wise (king) thought thus: 'Some demon has come.'
AI translation rendered from the Sanskrit, not a published edition
PdP 2 77.10
मृगेण च स तेनापि दूरमाकर्षितो नृपः । गतः सरथवेगेन श्रमेण परिखेदितः
mṛgeṇa ca sa tenāpi dūramākarṣito nṛpaḥ | gataḥ sarathavegena śrameṇa parikheditaḥ
And by that deer the king was drawn far away; he went with the speed of his chariot, and was much wearied by the exertion.
AI translation rendered from the Sanskrit, not a published edition
PdP 2 77.11
वीक्षमाणस्य तस्यापि मृगश्चांतरधीयत । स पश्यति वनं तत्र नंदंनोपममद्भुतम्
vīkṣamāṇasya tasyāpi mṛgaścāṃtaradhīyata | sa paśyati vanaṃ tatra naṃdaṃnopamamadbhutam
And while he was still looking, the deer vanished. There he sees a forest, wondrous, like Nandana,
AI translation rendered from the Sanskrit, not a published edition
PdP 2 77.12
चारुवृक्षसमाकीर्णं भूतपंचकशोभितम् । गुरुभिश्चंदनैः पुण्यैः कदलीखंडमंडितैः
cāruvṛkṣasamākīrṇaṃ bhūtapaṃcakaśobhitam | gurubhiścaṃdanaiḥ puṇyaiḥ kadalīkhaṃḍamaṃḍitaiḥ
thick with lovely trees, adorned by the five elements, with great holy sandal trees, decorated with clumps of plantain,
AI translation rendered from the Sanskrit, not a published edition — the model flagged this verse as uncertain
PdP 2 77.13
बकुलाशोकपुंनागैर्नालिकेरैश्च तिंदुकैः । पूगीफलैश्च खर्जूरैः कुमुदैः सप्तपर्णकैः
bakulāśokapuṃnāgairnālikeraiśca tiṃdukaiḥ | pūgīphalaiśca kharjūraiḥ kumudaiḥ saptaparṇakaiḥ
with bakula, aśoka and punnāga trees, with coconut and tinduka trees, with areca nuts and date palms, with lotuses and saptaparṇa trees,
AI translation rendered from the Sanskrit, not a published edition
PdP 2 77.14
पुष्पितैः कर्णिकारैश्च नानावृक्षैः सदाफलैः । पुष्पितामोदसंयुक्तैः केतकैः पाटलैस्ततः
puṣpitaiḥ karṇikāraiśca nānāvṛkṣaiḥ sadāphalaiḥ | puṣpitāmodasaṃyuktaiḥ ketakaiḥ pāṭalaistataḥ
with karṇikāra trees in flower, with various trees ever in fruit, and then with ketaka and pāṭalā trees endowed with the fragrance of their blossoms.
AI translation rendered from the Sanskrit, not a published edition
PdP 2 77.15
वीक्षमाणो महाराज ददर्श सर उत्तमम् । पुण्योदकेन संपूर्णं विस्तीर्णं पंचयोजनम्
vīkṣamāṇo mahārāja dadarśa sara uttamam | puṇyodakena saṃpūrṇaṃ vistīrṇaṃ paṃcayojanam
As he looked about, O great king, he saw an excellent lake, filled with holy water, five yojanas in extent,
AI translation rendered from the Sanskrit, not a published edition
PdP 2 77.16
हंसकारंडवाकीर्णं जलपक्षिविनादितम् । कमलैश्चापि मुदितं श्वेतोत्पलविराजितम्
haṃsakāraṃḍavākīrṇaṃ jalapakṣivināditam | kamalaiścāpi muditaṃ śvetotpalavirājitam
crowded with geese and kāraṇḍava ducks, resounding with water birds, gladdened too by lotuses, radiant with white water lilies,
AI translation rendered from the Sanskrit, not a published edition
PdP 2 77.17
रक्तोत्पलैः शोभमानं हाटकोत्पलमंडितम् । नीलोत्पलैः प्रकाशितं कल्हारैरतिशोभितम्
raktotpalaiḥ śobhamānaṃ hāṭakotpalamaṃḍitam | nīlotpalaiḥ prakāśitaṃ kalhārairatiśobhitam
beautiful with red lotuses, adorned with golden lotuses, illumined by blue lotuses, exceedingly lovely with kalhāra lilies,
AI translation rendered from the Sanskrit, not a published edition
PdP 2 77.18
मत्तैर्मधुकरैश्चपि सर्वत्र परिनादितम् । एवं सर्वगुणोपेतं ददर्श सर उत्तमम्
mattairmadhukaraiścapi sarvatra parināditam | evaṃ sarvaguṇopetaṃ dadarśa sara uttamam
and everywhere humming with intoxicated bees — thus endowed with every excellence he saw that finest of lakes,
AI translation rendered from the Sanskrit, not a published edition
PdP 2 77.19
पंचयोजनविस्तीर्णं दशयोजनदीर्घकम् । तडागं सर्वतोभद्रं दिव्यभावैरलंकृतम्
paṃcayojanavistīrṇaṃ daśayojanadīrghakam | taḍāgaṃ sarvatobhadraṃ divyabhāvairalaṃkṛtam
five yojanas broad and ten yojanas long, a pool auspicious on every side, adorned with divine features.
AI translation rendered from the Sanskrit, not a published edition
PdP 2 77.20
रथवेगेन संखिन्नः किंचिच्छ्रमनिपीडितः । निषसाद तटे तस्य चूतच्छायां सुशीतलाम्
rathavegena saṃkhinnaḥ kiṃcicchramanipīḍitaḥ | niṣasāda taṭe tasya cūtacchāyāṃ suśītalām
Exhausted by the speed of the chariot, somewhat oppressed by fatigue, he sat down on its bank in the very cool shade of a mango tree,
AI translation rendered from the Sanskrit, not a published edition
PdP 2 77.21
स्नात्वा पीत्वा जलं शीतं पद्मसौगंध्यवासितम् । सर्वश्रमोपशमनममृतोपममेव तत्
snātvā pītvā jalaṃ śītaṃ padmasaugaṃdhyavāsitam | sarvaśramopaśamanamamṛtopamameva tat
having bathed and drunk the cool water, perfumed with the fragrance of lotuses; that (water) removed all weariness and was just like nectar.
AI translation rendered from the Sanskrit, not a published edition
PdP 2 77.22
वृक्षच्छाये ततस्तस्मिन्नुपविष्टेन भूभृता । गीतध्वनिः समाकर्णि गीयमानो यथा तथा
vṛkṣacchāye tatastasminnupaviṣṭena bhūbhṛtā | gītadhvaniḥ samākarṇi gīyamāno yathā tathā
Then, as the king sat there in the shade of the tree, the sound of singing was heard, as though someone were singing.
AI translation rendered from the Sanskrit, not a published edition
PdP 2 77.23
यथा स्त्री गायते दिव्या तथायं श्रूयते ध्वनिः । गीतप्रियो महाराज एव चिंतां परां गतः
yathā strī gāyate divyā tathāyaṃ śrūyate dhvaniḥ | gītapriyo mahārāja eva ciṃtāṃ parāṃ gataḥ
"This sound is heard just as a divine woman sings" — the great king, who loved song, fell into deep thought.
AI translation rendered from the Sanskrit, not a published edition
PdP 2 77.24
चिंताकुलस्तु धर्मात्मा यावच्चिंतयते क्षणम् । तावन्नारी वरा काचित्पीनश्रोणी पयोधरा
ciṃtākulastu dharmātmā yāvacciṃtayate kṣaṇam | tāvannārī varā kācitpīnaśroṇī payodharā
But while the righteous-souled (king), troubled by thought, was pondering for a moment, meanwhile some excellent woman, full-hipped and full-breasted (appeared).
AI translation rendered from the Sanskrit, not a published edition
PdP 2 77.25
नृपतेः पश्यतस्तस्य वने तस्मिन्समागता । सर्वाभरणशोभांगी शीललक्षणसंपदा
nṛpateḥ paśyatastasya vane tasminsamāgatā | sarvābharaṇaśobhāṃgī śīlalakṣaṇasaṃpadā
She came into that forest while the king was looking on, her limbs shining with every ornament, endowed with the marks of good character.
AI translation rendered from the Sanskrit, not a published edition
PdP 2 77.26
तस्मिन्वने समायाता नृपतेः पुरतः स्थिता । तामुवाच महाराजः का हि कस्य भविष्यसि
tasminvane samāyātā nṛpateḥ purataḥ sthitā | tāmuvāca mahārājaḥ kā hi kasya bhaviṣyasi
Having come into that forest, she stood before the king. The great king said to her: "Who are you, and whose will you be?"
AI translation rendered from the Sanskrit, not a published edition
PdP 2 77.27
किमर्थं हि समायाता तन्मे त्वं कारणं वद । पृष्टा सती तदा तेन न किंचिदपि पिप्पल
kimarthaṃ hi samāyātā tanme tvaṃ kāraṇaṃ vada | pṛṣṭā satī tadā tena na kiṃcidapi pippala
"For what purpose have you come? Tell me the reason for that." Though asked by him then, she (said) nothing at all, O Pippala.
AI translation rendered from the Sanskrit, not a published edition
PdP 2 77.28
शुभाशुभं च भूपालं प्रत्यवोचद्वरानना । प्रहस्यैव गता शीघ्रं वीणादंडकराऽबला
śubhāśubhaṃ ca bhūpālaṃ pratyavocadvarānanā | prahasyaiva gatā śīghraṃ vīṇādaṃḍakarā'balā
And the fair-faced one answered the king (something) good and bad; and laughing, the woman with the lute-staff in her hand went off quickly.
AI translation rendered from the Sanskrit, not a published edition — the model flagged this verse as uncertain
PdP 2 77.29
विस्मयेनापि राजेंद्रो महता व्यापितस्तदा । मया संभाषिता चेयं मां न ब्रूते स्म सोत्तरम्
vismayenāpi rājeṃdro mahatā vyāpitastadā | mayā saṃbhāṣitā ceyaṃ māṃ na brūte sma sottaram
Then the lord of kings too was filled with great astonishment: "I addressed her, and she does not speak to me in reply."
AI translation rendered from the Sanskrit, not a published edition
PdP 2 77.30
पुनश्चिंतां समापेदे ययातिः पृथिवीपतिः । यो वै मृगो मया दृष्टश्चतुःशृंगः सुवर्णकः
punaściṃtāṃ samāpede yayātiḥ pṛthivīpatiḥ | yo vai mṛgo mayā dṛṣṭaścatuḥśṛṃgaḥ suvarṇakaḥ
Yayāti, the lord of the earth, again fell to thinking: "That deer with four horns, golden, which was seen by me—
AI translation rendered from the Sanskrit, not a published edition
PdP 2 77.31
तस्मान्नारी समुद्भूता तत्सत्यं प्रतिभाति मे । मायारूपमिदं सत्यं दानवानां भविष्यति
tasmānnārī samudbhūtā tatsatyaṃ pratibhāti me | māyārūpamidaṃ satyaṃ dānavānāṃ bhaviṣyati
from it this woman arose — that seems to me to be the truth; truly this will be a form of illusion of the Dānavas.
AI translation rendered from the Sanskrit, not a published edition
PdP 2 77.32
चिंतयित्वा क्षणं राजा ययातिर्नहुषात्मजः । यावच्चिंतयते राजा तावन्नारी महावने
ciṃtayitvā kṣaṇaṃ rājā yayātirnahuṣātmajaḥ | yāvacciṃtayate rājā tāvannārī mahāvane
When king Yayāti, son of Nahuṣa, had pondered a moment — while the king was pondering, meanwhile the woman in the great forest
AI translation rendered from the Sanskrit, not a published edition
PdP 2 77.33
अंतर्धानं गता विप्र प्रहस्य नृपनंदनम् । एतस्मिन्नंतरे गीतं सुस्वरं पुनरेव तत्
aṃtardhānaṃ gatā vipra prahasya nṛpanaṃdanam | etasminnaṃtare gītaṃ susvaraṃ punareva tat
vanished, O brahmin, having laughed at the king's son. In this interval that same song, sweet-voiced, again
AI translation rendered from the Sanskrit, not a published edition
PdP 2 77.34
शुश्रुवे परमं दिव्यं मूर्छनातानसंयुतम् । जगाम सत्वरं राजा यत्र गीतध्वनिर्महान्
śuśruve paramaṃ divyaṃ mūrchanātānasaṃyutam | jagāma satvaraṃ rājā yatra gītadhvanirmahān
was heard, supreme and divine, joined with modulations and sustained notes; the king went swiftly to where the great sound of the song was.
AI translation rendered from the Sanskrit, not a published edition
PdP 2 77.35
जलांते पुष्करं चैव सहस्रदलमुत्तमम् । तस्योपरि वरा नारी शीलरूपगुणान्विता
jalāṃte puṣkaraṃ caiva sahasradalamuttamam | tasyopari varā nārī śīlarūpaguṇānvitā
At the water's edge (there was) a lotus, excellent, with a thousand petals; upon it an excellent woman, endowed with character, beauty, and virtues,
AI translation rendered from the Sanskrit, not a published edition
PdP 2 77.36
दिव्यलक्षणसंपन्ना दिव्याभरणभूषिता । दिव्यैर्भावैः प्रभात्येका वीणादंडकराविला
divyalakṣaṇasaṃpannā divyābharaṇabhūṣitā | divyairbhāvaiḥ prabhātyekā vīṇādaṃḍakarāvilā
possessed of divine marks, adorned with divine ornaments, shines alone with divine emotions, the lute-staff in her hand.
AI translation rendered from the Sanskrit, not a published edition
PdP 2 77.37
गायंती सुस्वरं गीतं तालमानलयान्वितम् । तेन गीतप्रभावेण मोहयंती चराचरान्
gāyaṃtī susvaraṃ gītaṃ tālamānalayānvitam | tena gītaprabhāveṇa mohayaṃtī carācarān
singing a sweet-voiced song joined with beat, measure, and tempo, and by the power of that song bewildering (all) moving and unmoving things,
AI translation rendered from the Sanskrit, not a published edition
PdP 2 77.38
देवान्मुनिगणान्सर्वान्दैत्यान्गंधर्वकिन्नरान् । तां दृष्ट्वा स विशालाक्षीं रूपतेजोपशालिनीम्
devānmunigaṇānsarvāndaityāngaṃdharvakinnarān | tāṃ dṛṣṭvā sa viśālākṣīṃ rūpatejopaśālinīm
the gods, all the hosts of sages, the Daityas, Gandharvas, and Kinnaras. Seeing her, the wide-eyed one, resplendent with beauty and radiance,
AI translation rendered from the Sanskrit, not a published edition
PdP 2 77.39
संसारे नास्ति चैवान्या नारीदृशी चराचरे । पुरा नटो जरायुक्तो नृपतेः कायमेव हि
saṃsāre nāsti caivānyā nārīdṛśī carācare | purā naṭo jarāyukto nṛpateḥ kāyameva hi
(he thought:) "There is no other woman like her in the world of moving and unmoving beings." Formerly the actor, joined with old age, (had entered) the king's very body;
AI translation rendered from the Sanskrit, not a published edition — the model flagged this verse as uncertain
PdP 2 77.40
संचारितो महाकामस्तदासौ प्रकटोभवत् । घृतं स्पृष्ट्वा यथा वह्नी रश्मिवान्संप्रजायते
saṃcārito mahākāmastadāsau prakaṭobhavat | ghṛtaṃ spṛṣṭvā yathā vahnī raśmivānsaṃprajāyate
the great (god of) desire was made to move (in him), and then he became manifest — as fire, on touching ghee, becomes radiant,
AI translation rendered from the Sanskrit, not a published edition — the model flagged this verse as uncertain
PdP 2 77.41
तां च दृष्ट्वा तथा कामस्तत्कायात्प्रकटोऽभवत् । मन्मथाविष्टचित्तोसौ तां दृष्ट्वा चारुलोचनाम्
tāṃ ca dṛṣṭvā tathā kāmastatkāyātprakaṭo'bhavat | manmathāviṣṭacittosau tāṃ dṛṣṭvā cārulocanām
so, on seeing her, desire became manifest from his body; his mind possessed by Manmatha, seeing her of lovely eyes,
AI translation rendered from the Sanskrit, not a published edition
PdP 2 77.42
ईदृग्रूपा न दृष्टा मे युवती विश्वमोहिनी । चिंतयित्वा क्षणं राजा कामसंसक्तमानसः
īdṛgrūpā na dṛṣṭā me yuvatī viśvamohinī | ciṃtayitvā kṣaṇaṃ rājā kāmasaṃsaktamānasaḥ
(he thought:) "No young woman of such beauty, bewitching the world, has been seen by me." Having pondered a moment, the king, his mind clinging to desire,
AI translation rendered from the Sanskrit, not a published edition
PdP 2 77.43
तस्याः सविरहेणापि लुब्धोभून्नृपतिस्तदा । कामाग्निना दह्यमानः कामज्वरेणपीडितः
tasyāḥ saviraheṇāpi lubdhobhūnnṛpatistadā | kāmāgninā dahyamānaḥ kāmajvareṇapīḍitaḥ
Then the king became covetous of her even through (mere) separation (from her), burning with the fire of desire, tormented by the fever of desire.
AI translation rendered from the Sanskrit, not a published edition
PdP 2 77.44
कथं स्यान्मम चैवेयं कथं भावो भविष्यति । यदा मां गूहते बाला पद्मास्या पद्मलोचना
kathaṃ syānmama caiveyaṃ kathaṃ bhāvo bhaviṣyati | yadā māṃ gūhate bālā padmāsyā padmalocanā
"How might she become mine? How will (her) affection come about, so that the girl with a lotus face and lotus eyes will embrace me?"
AI translation rendered from the Sanskrit, not a published edition — the model flagged this verse as uncertain
PdP 2 77.45
यदीयं प्राप्यते तर्हि सफलं जीवितं भवेत् । एवं विचिंत्य धर्मात्मा ययातिः पृथिवीपतिः
yadīyaṃ prāpyate tarhi saphalaṃ jīvitaṃ bhavet | evaṃ viciṃtya dharmātmā yayātiḥ pṛthivīpatiḥ
"If she is obtained, then (my) life would be fruitful." Having thought thus, the righteous Yayāti, lord of the earth,
AI translation rendered from the Sanskrit, not a published edition
PdP 2 77.46
तामुवाच वरारोहां का त्वं कस्यापि वा शुभे । पूर्वं दृष्टा तु या नारी सा दृष्टा पुनरेव च
tāmuvāca varārohāṃ kā tvaṃ kasyāpi vā śubhe | pūrvaṃ dṛṣṭā tu yā nārī sā dṛṣṭā punareva ca
said to her of the beautiful hips: "Who are you, and whose (are you), O lovely one? The woman who was seen before—she has been seen again!"
AI translation rendered from the Sanskrit, not a published edition
PdP 2 77.47
तां पप्रच्छ स धर्मात्मा का चेयं तव पार्श्वगा । सर्वं कथय कल्याणि अहं हि नहुषात्मजः
tāṃ papraccha sa dharmātmā kā ceyaṃ tava pārśvagā | sarvaṃ kathaya kalyāṇi ahaṃ hi nahuṣātmajaḥ
That righteous one asked her: "And who is this companion at your side? Tell everything, O auspicious one; I indeed am the son of Nahuṣa.
AI translation rendered from the Sanskrit, not a published edition
PdP 2 77.48
सोमवंशप्रसूतोहं सप्तद्वीपाधिपः शुभे । ययातिर्नाम मे देवि ख्यातोहं भुवनत्रये
somavaṃśaprasūtohaṃ saptadvīpādhipaḥ śubhe | yayātirnāma me devi khyātohaṃ bhuvanatraye
"I am born in the lunar lineage, lord of the seven continents, O fair one; Yayāti is my name, O goddess, and I am renowned in the three worlds.
AI translation rendered from the Sanskrit, not a published edition
PdP 2 77.49
तव संगमने चेतो भावमेवं प्रवांछते । देहि मे संगमं भद्रे कुरु सुप्रियमेव हि
tava saṃgamane ceto bhāvamevaṃ pravāṃchate | dehi me saṃgamaṃ bhadre kuru supriyameva hi
"My mind longs for union with you—such is (my) feeling. Grant me union, O gracious lady; do (this) which is most dear (to me).
AI translation rendered from the Sanskrit, not a published edition
PdP 2 77.50
यं यं हि वांछसे भद्रे तद्ददामि न संशयः । दुर्जयेनापि कामेन हतोहं वरवर्णिनि
yaṃ yaṃ hi vāṃchase bhadre taddadāmi na saṃśayaḥ | durjayenāpi kāmena hatohaṃ varavarṇini
"Whatever you wish, O gracious lady, that I give—there is no doubt. I am struck down by desire, hard to conquer, O lady of excellent complexion.
AI translation rendered from the Sanskrit, not a published edition
PdP 2 77.51
तस्मात्त्राहि सुदीनं मां प्रपन्नं शरणं तव । राज्यं च सकलामुर्वीं शरीरमपि चात्मनः
tasmāttrāhi sudīnaṃ māṃ prapannaṃ śaraṇaṃ tava | rājyaṃ ca sakalāmurvīṃ śarīramapi cātmanaḥ
"Therefore save me, most wretched, who have come to you for refuge; and the kingdom, and the whole earth, and even my own body—
AI translation rendered from the Sanskrit, not a published edition
PdP 2 77.52
संगमे तव दास्यामि त्रैलोक्यमिदमेव ते । तस्य राज्ञो वचः श्रुत्वा सा स्त्री पद्मनिभानना
saṃgame tava dāsyāmi trailokyamidameva te | tasya rājño vacaḥ śrutvā sā strī padmanibhānanā
"I shall give you this very three-world (realm) upon union with you." Hearing the words of that king, that woman whose face was like a lotus
AI translation rendered from the Sanskrit, not a published edition
PdP 2 77.53
विशालां स्वसखीं प्राह ब्रूहि राजानमागतम् । नाम चोत्पत्तिस्थानं च पितरं मातरं शुभे
viśālāṃ svasakhīṃ prāha brūhi rājānamāgatam | nāma cotpattisthānaṃ ca pitaraṃ mātaraṃ śubhe
said to her friend Viśālā: "Tell the king who has come my name, my birthplace, my father and mother, O auspicious one,
AI translation rendered from the Sanskrit, not a published edition
PdP 2 77.54
ममापि भावमेकाग्रमस्याग्रे च निवेदय । तस्याश्च वांछितं ज्ञात्वा विशाला भूपतिं तदा
mamāpi bhāvamekāgramasyāgre ca nivedaya | tasyāśca vāṃchitaṃ jñātvā viśālā bhūpatiṃ tadā
"and announce before him that my feeling too is single-minded (on him)." And Viśālā, knowing her wish, then (addressed) the king
AI translation rendered from the Sanskrit, not a published edition
PdP 2 77.55
उवाच मधुरालापैः श्रूयतां नृपनंदन । विशालोवाच- काम एष पुरा दग्धो देवदेवेन शंभुना
uvāca madhurālāpaiḥ śrūyatāṃ nṛpanaṃdana | viśālovāca- kāma eṣa purā dagdho devadevena śaṃbhunā
and spoke with sweet words: "Let it be heard, O delight of kings. Viśālā said: This Kāma was formerly burnt up by Śambhu, the god of gods.
AI translation rendered from the Sanskrit, not a published edition
PdP 2 77.56
रुरोद सा रतिर्दुःखाद्भर्त्राहीनापि सुस्वरम् । अस्मिन्सरसि राजेंद्र सा रतिर्न्यवसत्तदा
ruroda sā ratirduḥkhādbhartrāhīnāpi susvaram | asminsarasi rājeṃdra sā ratirnyavasattadā
That Rati, bereft of her husband, wept aloud out of grief; in this lake, O lord of kings, that Rati then dwelt.
AI translation rendered from the Sanskrit, not a published edition
PdP 2 77.57
तस्य प्रलापमेवं सा सुस्वरं करुणान्वितम् । समाकर्ण्य ततो देवाः कृपया परयान्विताः
tasya pralāpamevaṃ sā susvaraṃ karuṇānvitam | samākarṇya tato devāḥ kṛpayā parayānvitāḥ
Having heard his lament thus, loud and full of pathos, the gods then, filled with the highest compassion,
AI translation rendered from the Sanskrit, not a published edition
PdP 2 77.58
संजाता राजराजेंद्र शंकरं वाक्यमब्रुवन् । जीवयस्व महादेव पुनरेव मनोभवम्
saṃjātā rājarājeṃdra śaṃkaraṃ vākyamabruvan | jīvayasva mahādeva punareva manobhavam
came to be (moved), O king of kings, and spoke words to Śaṅkara: "Bring Manobhava (the mind-born, Kāma) to life again, O Mahādeva.
AI translation rendered from the Sanskrit, not a published edition
PdP 2 77.59
वराकीयं महाभाग भर्तृहीना हि कीदृशी । कामेनापि समायुक्तामस्मत्स्नेहात्कुरुष्व हि
varākīyaṃ mahābhāga bhartṛhīnā hi kīdṛśī | kāmenāpi samāyuktāmasmatsnehātkuruṣva hi
"This poor woman, O greatly fortunate one—what indeed is she, being without a husband? Out of affection for us, make her united with Kāma."
AI translation rendered from the Sanskrit, not a published edition
PdP 2 77.60
तच्छ्रुत्वा च वचः प्राह जीवयामि मनोभवम् । कायेनापि विहीनोयं पंचबाणो मनोभवः
tacchrutvā ca vacaḥ prāha jīvayāmi manobhavam | kāyenāpi vihīnoyaṃ paṃcabāṇo manobhavaḥ
And hearing that speech he said: "I shall bring Manobhava to life. This Manobhava, the five-arrowed one, though deprived of a body,
AI translation rendered from the Sanskrit, not a published edition
PdP 2 77.61
भविष्यति न संदेहो माधवस्य सखा पुनः । दिव्येनापि शरीरेण वर्तयिष्यति नान्यथा
bhaviṣyati na saṃdeho mādhavasya sakhā punaḥ | divyenāpi śarīreṇa vartayiṣyati nānyathā
"will come to be—there is no doubt—the friend of Mādhava once more; he will exist with a divine body, not otherwise."
AI translation rendered from the Sanskrit, not a published edition
PdP 2 77.62
महादेवप्रसादाच्च मीनकेतुः स जीवितः । आशीर्भिरभिनंद्यैवं देव्याः कामं नरोत्तम
mahādevaprasādācca mīnaketuḥ sa jīvitaḥ | āśīrbhirabhinaṃdyaivaṃ devyāḥ kāmaṃ narottama
And by the grace of Mahādeva that fish-bannered one was brought to life. Having thus congratulated the goddess's Kāma with blessings, O best of men,
AI translation rendered from the Sanskrit, not a published edition
PdP 2 77.63
गच्छ काम प्रवर्तस्व प्रियया सह नित्यशः । एवमाह महातेजाः स्थितिसंहारकारकः
gaccha kāma pravartasva priyayā saha nityaśaḥ | evamāha mahātejāḥ sthitisaṃhārakārakaḥ
"Go, Kāma, carry on always with your beloved." Thus spoke the greatly splendid one, who effects both preservation and destruction.
AI translation rendered from the Sanskrit, not a published edition
PdP 2 77.64
पुनः कामः सरःप्राप्तो यत्रास्ते दुःखिता रतिः । इदं कामसरो राजन्रतिरत्र सुसंस्थिता
punaḥ kāmaḥ saraḥprāpto yatrāste duḥkhitā ratiḥ | idaṃ kāmasaro rājanratiratra susaṃsthitā
Again Kāma reached the lake where Rati was staying in grief. This is the Kāma lake, O king, and Rati was well settled there.
AI translation rendered from the Sanskrit, not a published edition
PdP 2 77.65
दग्धे सति महाभागे मन्मथे दुःखधर्षिता । रत्याः कोपात्समुत्पन्नः पावको दारुणाकृतिः
dagdhe sati mahābhāge manmathe duḥkhadharṣitā | ratyāḥ kopātsamutpannaḥ pāvako dāruṇākṛtiḥ
When Manmatha had been burned, O greatly fortunate one, (Rati was) overwhelmed with grief; and from Rati's anger arose a fire of dreadful form.
AI translation rendered from the Sanskrit, not a published edition
PdP 2 77.66
अतीवदग्धा तेनापि सा रतिर्मोहमूर्छिता । अश्रुपातं मुमोचाथ भर्तृहीना नरोत्तम
atīvadagdhā tenāpi sā ratirmohamūrchitā | aśrupātaṃ mumocātha bhartṛhīnā narottama
By that too she, Rati, was utterly burned and fainted in a swoon; then, bereft of her husband, she let fall her tears, O best of men.
AI translation rendered from the Sanskrit, not a published edition
PdP 2 77.67
नेत्राभ्यां हि जले तस्याः पतिता अश्रुबिंदवः । तेभ्यो जातो महाशोकः सर्वसौख्यप्रणाशकः
netrābhyāṃ hi jale tasyāḥ patitā aśrubiṃdavaḥ | tebhyo jāto mahāśokaḥ sarvasaukhyapraṇāśakaḥ
From her two eyes the drops of tears fell into the water; from them was born Great Sorrow, the destroyer of all happiness.
AI translation rendered from the Sanskrit, not a published edition
PdP 2 77.68
जरा पश्चात्समुत्पन्ना अश्रुभ्यो नृपसत्तम । वियोगो नाम दुर्मेधास्तेभ्यो जज्ञे प्रणाशकः
jarā paścātsamutpannā aśrubhyo nṛpasattama | viyogo nāma durmedhāstebhyo jajñe praṇāśakaḥ
Afterwards Old Age arose from the tears, O most excellent of kings; and from them was born the evil-minded destroyer named Separation.
AI translation rendered from the Sanskrit, not a published edition
PdP 2 77.69
दुःखसंतापकौ चोभौ जज्ञाते दारुणौ तदा । मूर्छा नाम ततो जज्ञे दारुणा सुखनाशिनी
duḥkhasaṃtāpakau cobhau jajñāte dāruṇau tadā | mūrchā nāma tato jajñe dāruṇā sukhanāśinī
And both Pain and Torment, dreadful ones, were then born; thereafter was born the dreadful Swoon, destroyer of happiness.
AI translation rendered from the Sanskrit, not a published edition
PdP 2 77.70
शोकाज्जज्ञे महाराज कामज्वरोथ विभ्रमः । प्रलापो विह्वलश्चैव उन्मादो मृत्युरेव च
śokājjajñe mahārāja kāmajvarotha vibhramaḥ | pralāpo vihvalaścaiva unmādo mṛtyureva ca
From Sorrow, great king, were born the fever of love, then Confusion, Raving, Agitation, Madness, and Death itself.
AI translation rendered from the Sanskrit, not a published edition
PdP 2 77.71
तस्याश्च अश्रुबिंदुभ्यो जज्ञिरे विश्वनाशकाः । रत्याः पार्श्वे समुत्पन्नाः सर्वे तापांगधारिणः
tasyāśca aśrubiṃdubhyo jajñire viśvanāśakāḥ | ratyāḥ pārśve samutpannāḥ sarve tāpāṃgadhāriṇaḥ
And from her teardrops were born the destroyers of the world; all of them arose at Rati's side, bearing the marks of torment.
AI translation rendered from the Sanskrit, not a published edition
PdP 2 77.72
मूर्तिमंतो महाराज सद्भावगुणसंयुताः । काम एष समायातः केनाप्युक्तं तदा नृप
mūrtimaṃto mahārāja sadbhāvaguṇasaṃyutāḥ | kāma eṣa samāyātaḥ kenāpyuktaṃ tadā nṛpa
Embodied, great king, endowed with the qualities of their true nature. "This Kāma has come!"—so it was said by someone then, O king.
AI translation rendered from the Sanskrit, not a published edition
PdP 2 77.73
महानंदेन संयुक्ता दृष्ट्वा कामं समागतम् । नेत्राभ्यामश्रुपूर्णाभ्यां पतिता अश्रुबिन्दवः
mahānaṃdena saṃyuktā dṛṣṭvā kāmaṃ samāgatam | netrābhyāmaśrupūrṇābhyāṃ patitā aśrubindavaḥ
Filled with great joy at seeing Kāma arrived, teardrops fell from her two tear-filled eyes.
AI translation rendered from the Sanskrit, not a published edition
PdP 2 77.74
अप्सु मध्ये महाराज चापल्याज्जज्ञिरे प्रजाः । प्रीतिर्नाम तदा जज्ञे ख्यातिर्लज्जा नरोत्तम
apsu madhye mahārāja cāpalyājjajñire prajāḥ | prītirnāma tadā jajñe khyātirlajjā narottama
In the midst of the waters, great king, offspring were born from (her) agitation: then were born Prīti (Affection) by name, Khyāti (Fame), and Lajjā (Modesty), O best of men.
AI translation rendered from the Sanskrit, not a published edition
PdP 2 77.75
तेभ्यो जज्ञे महानंद शांतिश्चान्या नृपोत्तम । जज्ञाते द्वे शुभे कन्ये सुखसंभोगदायिके
tebhyo jajñe mahānaṃda śāṃtiścānyā nṛpottama | jajñāte dve śubhe kanye sukhasaṃbhogadāyike
From them were born Great Joy and another, Peace, O best of kings; two auspicious maidens were born, bestowers of happiness and enjoyment.
AI translation rendered from the Sanskrit, not a published edition
PdP 2 77.76
लीलाक्रीडा मनोभाव संयोगस्तु महान्नृप । रत्यास्तु वामनेत्राद्वै आनंदादश्रुबिंदवः
līlākrīḍā manobhāva saṃyogastu mahānnṛpa | ratyāstu vāmanetrādvai ānaṃdādaśrubiṃdavaḥ
Sport, Play, Affection of the mind, and Union—(this last) great, O king; and from Rati's left eye, out of joy, (came) teardrops.
AI translation rendered from the Sanskrit, not a published edition
PdP 2 77.77
जलांते पतिता राजंस्तस्माज्जज्ञे सुपंकजम् । तस्मात्सुपंकजाज्जाता इयं नारी वरानना
jalāṃte patitā rājaṃstasmājjajñe supaṃkajam | tasmātsupaṃkajājjātā iyaṃ nārī varānanā
They fell into the water, O king, and from that a fine lotus was born; from that fine lotus was born this woman of lovely face.
AI translation rendered from the Sanskrit, not a published edition
PdP 2 77.78
अश्रुबिंदुमती नाम रतिपुत्री नरोत्तम । तस्याः प्रीत्या सुखं कृत्वा नित्यं वर्त्ते समीपगा
aśrubiṃdumatī nāma ratiputrī narottama | tasyāḥ prītyā sukhaṃ kṛtvā nityaṃ vartte samīpagā
Her name is Aśrubindumatī, Rati's daughter, O best of men. Taking pleasure with her in affection, I dwell always close by her.
AI translation rendered from the Sanskrit, not a published edition
PdP 2 77.79
सखीभावस्वभावेन संहृष्टा सर्वदा शुभा । विशाला नाम मे ख्यातं वरुणस्य सुता नृप
sakhībhāvasvabhāvena saṃhṛṣṭā sarvadā śubhā | viśālā nāma me khyātaṃ varuṇasya sutā nṛpa
By the nature of our friendship (I am) always delighted and fortunate. My name is known as Viśālā, and I am the daughter of Varuṇa, O king.
AI translation rendered from the Sanskrit, not a published edition
PdP 2 77.80
अस्याश्चांते प्रवर्तामि स्नेहात्स्निग्धास्मि सर्वदा । एतत्ते सर्वमाख्यातमस्याश्चात्मन एव ते
asyāścāṃte pravartāmi snehātsnigdhāsmi sarvadā | etatte sarvamākhyātamasyāścātmana eva te
I keep company at her side; out of affection I am always tender (toward her). All this has been told to you, both about her and about myself.
AI translation rendered from the Sanskrit, not a published edition
PdP 2 77.81
तपश्चचार राजेंद्र पतिकामा वरानना । राजोवाच- सर्वमेव त्वयाख्यातं मया ज्ञातं शुभे शृणु
tapaścacāra rājeṃdra patikāmā varānanā | rājovāca- sarvameva tvayākhyātaṃ mayā jñātaṃ śubhe śṛṇu
She, the lovely-faced one, practiced austerity, O lord of kings, desiring a husband. The king said: All has been told by you and understood by me; listen, fair one.
AI translation rendered from the Sanskrit, not a published edition
PdP 2 77.82
मामेवं हि भजत्वेषा रतिपुत्री वरानना । यमेषा वांछते बाला तत्सर्वं तु ददाम्यहम्
māmevaṃ hi bhajatveṣā ratiputrī varānanā | yameṣā vāṃchate bālā tatsarvaṃ tu dadāmyaham
Let this lovely-faced daughter of Rati thus love me; whatever this girl desires, all that I shall give.
AI translation rendered from the Sanskrit, not a published edition
PdP 2 77.83
तथा कुरुष्व कल्याणि यथा मे वश्यतां व्रजेत् । विशालोवाच- अस्या व्रतं प्रवक्ष्यामि तदाकर्णय भूपते
tathā kuruṣva kalyāṇi yathā me vaśyatāṃ vrajet | viśālovāca- asyā vrataṃ pravakṣyāmi tadākarṇaya bhūpate
"Act, good lady, in such a way that she may come under my power." Viśālā said: "I shall tell you her vow; listen to it, O lord of the earth."
AI translation rendered from the Sanskrit, not a published edition
PdP 2 77.84
पुरुषं यौवनोपेतं सर्वज्ञं वीरलक्षणम् । देवराजसमं राजन्धर्माचारसमन्वितम्
puruṣaṃ yauvanopetaṃ sarvajñaṃ vīralakṣaṇam | devarājasamaṃ rājandharmācārasamanvitam
(She desires) a man endowed with youth, all-knowing, marked with heroism, equal to the king of the gods, O king, possessed of righteous conduct,
AI translation rendered from the Sanskrit, not a published edition
PdP 2 77.85
तेजस्विनं महाप्राज्ञं दातारं यज्विनां वरम् । गुणानां धर्मभावस्य ज्ञातारं पुण्यभाजनम्
tejasvinaṃ mahāprājñaṃ dātāraṃ yajvināṃ varam | guṇānāṃ dharmabhāvasya jñātāraṃ puṇyabhājanam
full of splendour, of great wisdom, a giver, the best of sacrificers, a knower of the good qualities and of the nature of dharma, a vessel of merit,
AI translation rendered from the Sanskrit, not a published edition
PdP 2 77.86
लोक इंद्रसमं राजन्सुयज्ञैर्धर्मतत्परम् । सर्वैश्वर्यसमोपेतं नारायणमिवापरम्
loka iṃdrasamaṃ rājansuyajñairdharmatatparam | sarvaiśvaryasamopetaṃ nārāyaṇamivāparam
in the world equal to Indra, O king, devoted to dharma by good sacrifices, endowed with all lordship, like a second Nārāyaṇa,
AI translation rendered from the Sanskrit, not a published edition
PdP 2 77.87
देवानां सुप्रियं नित्यं ब्राह्मणानामतिप्रियम् । ब्रह्मण्यं वेदतत्त्वज्ञं त्रैलोक्ये ख्यातविक्रमम्
devānāṃ supriyaṃ nityaṃ brāhmaṇānāmatipriyam | brahmaṇyaṃ vedatattvajñaṃ trailokye khyātavikramam
ever much beloved of the gods, exceedingly dear to brahmins, friendly to brahmins, knowing the truth of the Vedas, of famed valour in the three worlds,
AI translation rendered from the Sanskrit, not a published edition
PdP 2 77.88
एवंगुणैः समुपेतं त्रैलोक्येन प्रपूजितम् । सुमतिं सुप्रियं कांतं मनसा वरमीप्सति
evaṃguṇaiḥ samupetaṃ trailokyena prapūjitam | sumatiṃ supriyaṃ kāṃtaṃ manasā varamīpsati
endowed with such qualities, honoured by the three worlds, of good mind, very dear, lovely — such an excellent (husband) does she desire in her heart.
AI translation rendered from the Sanskrit, not a published edition
PdP 2 77.89
ययातिरुवाच- एवं गुणैः समुपेतं विद्धि मामिह चागतम् । अस्यानुरूपो भर्त्ताहं सृष्टो धात्रा न संशयः
yayātiruvāca- evaṃ guṇaiḥ samupetaṃ viddhi māmiha cāgatam | asyānurūpo bharttāhaṃ sṛṣṭo dhātrā na saṃśayaḥ
Yayāti said: "Know that I, who have come here, am endowed with just such qualities; without doubt I have been created by the Creator as a husband suited to her."
AI translation rendered from the Sanskrit, not a published edition
PdP 2 77.90
विशालोवाच- भवंतं पुण्यसंवृद्धं जाने राजञ्जगत्त्रये । पूर्वोक्ता ये गुणाः सर्वे मयोक्ताः संति ते त्वयि
viśālovāca- bhavaṃtaṃ puṇyasaṃvṛddhaṃ jāne rājañjagattraye | pūrvoktā ye guṇāḥ sarve mayoktāḥ saṃti te tvayi
Viśālā said: "I know you, O king, to be grown great in merit in the three worlds; all those qualities stated before, which were spoken of by me, are in you.
AI translation rendered from the Sanskrit, not a published edition
PdP 2 77.91
एकेनापि च दोषेण त्वामेषा हि न मन्यते । एष मे संशयो जातो भवान्विष्णुमयो नृप
ekenāpi ca doṣeṇa tvāmeṣā hi na manyate | eṣa me saṃśayo jāto bhavānviṣṇumayo nṛpa
Yet because of a single fault she does not accept you. This doubt has arisen in me — that you, O king, are made of Viṣṇu."
AI translation rendered from the Sanskrit, not a published edition — the model flagged this verse as uncertain
PdP 2 77.92
ययातिरुवाच- समाचक्ष्व महादोषं यमेषा नानुमन्यते । तत्त्वेन चारुसर्वांगी प्रसादसुमुखी भव
yayātiruvāca- samācakṣva mahādoṣaṃ yameṣā nānumanyate | tattvena cārusarvāṃgī prasādasumukhī bhava
Yayāti said: "Tell me plainly the great fault on account of which she does not accept me, O you of lovely limbs; be gracious and kind of face."
AI translation rendered from the Sanskrit, not a published edition
PdP 2 77.93
विशालोवाच- आत्मदोषं न जानासि कस्मात्त्वं जगतीपते । जरया व्याप्तकायस्त्वमनेनेयं न मन्यते
viśālovāca- ātmadoṣaṃ na jānāsi kasmāttvaṃ jagatīpate | jarayā vyāptakāyastvamaneneyaṃ na manyate
Viśālā said: "Why do you not know your own fault, O lord of the earth? Your body is pervaded by old age; because of this she does not accept you."
AI translation rendered from the Sanskrit, not a published edition
PdP 2 77.94
एवं श्रुत्वा महद्वाक्यमप्रियं जगतीपतिः । दुःखेन महताविष्टस्तामुवाच पुनर्नृपः
evaṃ śrutvā mahadvākyamapriyaṃ jagatīpatiḥ | duḥkhena mahatāviṣṭastāmuvāca punarnṛpaḥ
Having heard this great and unwelcome speech, the lord of the earth, filled with great grief, spoke to her again, the king (said):
AI translation rendered from the Sanskrit, not a published edition
PdP 2 77.95
जरादोषो न मे भद्रे संसर्गात्कस्यचित्कदा । समुद्भूतं ममांगे वै तं न जाने जरागमम्
jarādoṣo na me bhadre saṃsargātkasyacitkadā | samudbhūtaṃ mamāṃge vai taṃ na jāne jarāgamam
"The fault of old age is not mine, good lady, ever from association with anyone; it arose in my own body, and I do not know the coming of that old age.
AI translation rendered from the Sanskrit, not a published edition
PdP 2 77.96
यं यं हि वांछते चैषा त्रैलोक्ये दुर्लभं शुभे । तमस्यै दातुकामोहं व्रियतां वर उत्तमः
yaṃ yaṃ hi vāṃchate caiṣā trailokye durlabhaṃ śubhe | tamasyai dātukāmohaṃ vriyatāṃ vara uttamaḥ
Whatever hard-to-obtain thing in the three worlds she may desire, O auspicious one, I wish to give her that; let the best boon be chosen."
AI translation rendered from the Sanskrit, not a published edition
PdP 2 77.97
विशालोवाच- जराहीनो यदा स्यास्त्वं तदा ते सुप्रिया भवेत् । एतद्विनिश्चितं राजन्सत्यं सत्यं वदाम्यहम्
viśālovāca- jarāhīno yadā syāstvaṃ tadā te supriyā bhavet | etadviniścitaṃ rājansatyaṃ satyaṃ vadāmyaham
Viśālā said: "When you become free of old age, then she will be very fond of you; this is settled, O king; truly, truly I speak.
AI translation rendered from the Sanskrit, not a published edition
PdP 2 77.98
श्रुतिरेवं वदेद्राजन्पुत्रे भ्रातरि भृत्यके । जरा संक्राम्यते यस्य तस्यांगे परिसंचरेत्
śrutirevaṃ vadedrājanputre bhrātari bhṛtyake | jarā saṃkrāmyate yasya tasyāṃge parisaṃcaret
Scripture would say thus, O king: onto a son, a brother, or a servant old age is transferred; upon whosever body (it is transferred), it passes over onto his body.
AI translation rendered from the Sanskrit, not a published edition
PdP 2 77.99
तारुण्यं तस्य वै गृह्य तस्मै दत्वा जरां पुनः । उभयोः प्रीतिसंवादः सुरुच्या जायते शुभः
tāruṇyaṃ tasya vai gṛhya tasmai datvā jarāṃ punaḥ | ubhayoḥ prītisaṃvādaḥ surucyā jāyate śubhaḥ
Taking his youth and giving him old age in exchange, an auspicious exchange of affection arises between the two, with (mutual) good pleasure.
AI translation rendered from the Sanskrit, not a published edition — the model flagged this verse as uncertain
PdP 2 77.100
यथात्मदानपुण्यस्य कृपया यो ददाति च । फलं राजन्हि तत्तस्य जायते नात्र संशयः
yathātmadānapuṇyasya kṛpayā yo dadāti ca | phalaṃ rājanhi tattasya jāyate nātra saṃśayaḥ
Just as (in the case) of the merit of giving oneself, whoever gives out of compassion — the fruit of that, O king, comes to be his; there is no doubt here.
AI translation rendered from the Sanskrit, not a published edition — the model flagged this verse as uncertain
PdP 2 77.101
दुःखेनोपार्जितं पुण्यमन्यस्मै हि प्रदीयते । सुपुण्यं तद्भवेत्तस्य पुण्यस्य फलमश्नुते
duḥkhenopārjitaṃ puṇyamanyasmai hi pradīyate | supuṇyaṃ tadbhavettasya puṇyasya phalamaśnute
Merit earned with hardship is given away to another; that becomes great merit for him, (and) he enjoys the fruit of the merit.
AI translation rendered from the Sanskrit, not a published edition
PdP 2 77.102
पुत्राय दीयतां राजंस्तस्मात्तारुण्यमेव च । प्रगृह्यैव समागच्छ सुंदरत्वेन भूपते
putrāya dīyatāṃ rājaṃstasmāttāruṇyameva ca | pragṛhyaiva samāgaccha suṃdaratvena bhūpate
Therefore, O king, let (old age) be given to a son, and youth indeed — having taken it, come back, O lord of the earth, in beauty.
AI translation rendered from the Sanskrit, not a published edition — the model flagged this verse as uncertain
PdP 2 77.103
यदा त्वमिच्छसे भोक्तुं तदा त्वं कुरुभूपते । एवमाभाष्य सा भूपं विशाला विरराम ह
yadā tvamicchase bhoktuṃ tadā tvaṃ kurubhūpate | evamābhāṣya sā bhūpaṃ viśālā virarāma ha
"When you wish to enjoy (her), then (you may), O lord of the Kurus." Having spoken thus to the king, Viśālā fell silent.
AI translation rendered from the Sanskrit, not a published edition
PdP 2 77.104
सुकर्मोवाच- एवमाकर्ण्य राजेंद्रो विशालामवदत्तदा । राजोवाच- एवमस्तु महाभागे करिष्ये वचनं तव
sukarmovāca- evamākarṇya rājeṃdro viśālāmavadattadā | rājovāca- evamastu mahābhāge kariṣye vacanaṃ tava
Sukarman said: Hearing this, the lord of kings then said to Viśālā— The king said: Let it be so, greatly fortunate one; I will do as you say.
AI translation rendered from the Sanskrit, not a published edition
PdP 2 77.105
कामासक्तः समूढस्तु ययातिः पृथिवीपतिः । गृहं गत्वा समाहूय सुतान्वाक्यमुवाच ह
kāmāsaktaḥ samūḍhastu yayātiḥ pṛthivīpatiḥ | gṛhaṃ gatvā samāhūya sutānvākyamuvāca ha
But Yayāti, lord of the earth, attached to desire and utterly deluded, went home, summoned his sons, and spoke (these) words.
AI translation rendered from the Sanskrit, not a published edition
PdP 2 77.106
तुरुं पूरुं कुरुं राजा यदुं च पितृवत्सलम् । कुरुध्वं पुत्रकाः सौख्यं यूयं हि मम शासनात्
turuṃ pūruṃ kuruṃ rājā yaduṃ ca pitṛvatsalam | kurudhvaṃ putrakāḥ saukhyaṃ yūyaṃ hi mama śāsanāt
The king (addressed) Turu, Pūru, Kuru, and Yadu, who was devoted to his father: "My sons, bring about my happiness, for you (must act) by my command."
AI translation rendered from the Sanskrit, not a published edition
PdP 2 77.107
पुत्रा ऊचुः- पितृवाक्यं प्रकर्तव्यं पुत्रैश्चापि शुभाशुभम् । उच्यतां तात तच्छीघ्रं कृतं विद्धि न संशयः
putrā ūcuḥ- pitṛvākyaṃ prakartavyaṃ putraiścāpi śubhāśubham | ucyatāṃ tāta tacchīghraṃ kṛtaṃ viddhi na saṃśayaḥ
The sons said: A father's word must be carried out by sons, whether good or bad. Let it be spoken, father—say it quickly; know it as done, there is no doubt.
AI translation rendered from the Sanskrit, not a published edition
PdP 2 77.108
एवमाकर्ण्यतद्वाक्यं पुत्राणां पृथिवीपतिः । आचचक्षे पुनस्तेषु हर्षेणाकुलमानसः
evamākarṇyatadvākyaṃ putrāṇāṃ pṛthivīpatiḥ | ācacakṣe punasteṣu harṣeṇākulamānasaḥ
Hearing these words of his sons, the lord of the earth, his mind agitated with joy, spoke to them again.
AI translation rendered from the Sanskrit, not a published edition