Padma Purana — Bhumi Khanda — Chapter 67

PdP 2 67.1

ययातिरुवाच- अस्मद्भाग्यप्रसंगेन भवतो दर्शनं मम । संजातं शक्रसंवाह एतच्छ्रेयो ममातुलम्

yayātiruvāca- asmadbhāgyaprasaṃgena bhavato darśanaṃ mama | saṃjātaṃ śakrasaṃvāha etacchreyo mamātulam

Yayāti said: Through the working of my good fortune this sight of you has come about for me, O charioteer of Śakra; this is an incomparable blessing for me.

AI translation rendered from the Sanskrit, not a published edition

PdP 2 67.2

मानवा मर्त्यलोके च पापं कुर्वंति दारुणम् । तेषां कर्मविपाकं च मातले वद सांप्रतम्

mānavā martyaloke ca pāpaṃ kurvaṃti dāruṇam | teṣāṃ karmavipākaṃ ca mātale vada sāṃpratam

Men in the world of mortals commit terrible sin; tell me now, Mātali, the ripening of their deeds.

AI translation rendered from the Sanskrit, not a published edition

PdP 2 67.3

मातलिरुवाच- श्रूयतामभिधास्यामि पापाचारस्य लक्षणम् । श्रुते सति महज्ज्ञानमत्रलोके प्रजायते

mātaliruvāca- śrūyatāmabhidhāsyāmi pāpācārasya lakṣaṇam | śrute sati mahajjñānamatraloke prajāyate

Mātali said: Let it be heard; I shall declare the marks of sinful conduct. When it has been heard, great knowledge arises here in this world.

AI translation rendered from the Sanskrit, not a published edition

PdP 2 67.4

वेदनिंदां प्रकुर्वंति ब्रह्माचारस्य कुत्सनम् । महापातकमेवापि ज्ञातव्यं ज्ञानपंडितैः

vedaniṃdāṃ prakurvaṃti brahmācārasya kutsanam | mahāpātakamevāpi jñātavyaṃ jñānapaṃḍitaiḥ

(Some) revile the Veda and disparage brahminical conduct; that too is to be known as a great sin by those learned in knowledge.

AI translation rendered from the Sanskrit, not a published edition

PdP 2 67.5

साधूनामपि सर्वेषां यः पीडां हि समाचरेत् । महापातकमेवापि प्रायश्चित्ते न हि व्रजेत्

sādhūnāmapi sarveṣāṃ yaḥ pīḍāṃ hi samācaret | mahāpātakamevāpi prāyaścitte na hi vrajet

And whoever inflicts injury on all good men — that too is a great sin; he does not (even) come to expiation.

AI translation rendered from the Sanskrit, not a published edition

PdP 2 67.6

कुलाचारं परित्यज्य अन्याचारं व्रजंति च । एतच्च पातकं घोरं कथितं कृत्यवेदिभिः

kulācāraṃ parityajya anyācāraṃ vrajaṃti ca | etacca pātakaṃ ghoraṃ kathitaṃ kṛtyavedibhiḥ

And (some) abandon the practice of their family and go over to another practice; this too has been declared a dreadful sin by those who know what is to be done.

AI translation rendered from the Sanskrit, not a published edition

PdP 2 67.7

मातापित्रोश्च यो निंदां ताडनं भगिनीषु च । पितृस्वसृनिंदनं च तदेव पातकं ध्रुवम्

mātāpitrośca yo niṃdāṃ tāḍanaṃ bhaginīṣu ca | pitṛsvasṛniṃdanaṃ ca tadeva pātakaṃ dhruvam

Whoever (commits) reviling of mother and father, and striking of sisters, and reviling of a father's sister — that too is certainly a sin.

AI translation rendered from the Sanskrit, not a published edition

PdP 2 67.8

संप्राप्ते श्राद्धकालेपि पंचक्रोशांतरेस्थितम् । जामातरं परित्यज्य तथा च दुहितुः सुतम्

saṃprāpte śrāddhakālepi paṃcakrośāṃtaresthitam | jāmātaraṃ parityajya tathā ca duhituḥ sutam

When the time of the śrāddha has arrived, (if one) passes over a son-in-law who lives within five krośas, and likewise a daughter's son,

AI translation rendered from the Sanskrit, not a published edition

PdP 2 67.9

स्वसारं चैव स्वस्रीयं परित्यज्य प्रवर्तते । कामात्क्रोधाद्भयाद्वापि अन्यं भोजयते यदा

svasāraṃ caiva svasrīyaṃ parityajya pravartate | kāmātkrodhādbhayādvāpi anyaṃ bhojayate yadā

and (passing over) his sister and sister's son proceeds (with it), and out of desire, anger, or fear feeds another instead —

AI translation rendered from the Sanskrit, not a published edition

PdP 2 67.10

पितरो नैव भुंजंति देवाश्चैव न भुंजते । एतच्च पातकं तस्य पितृघातसमं कृतम्

pitaro naiva bhuṃjaṃti devāścaiva na bhuṃjate | etacca pātakaṃ tasya pitṛghātasamaṃ kṛtam

the fathers do not eat at all, and the gods too do not eat; and this sin committed by him is equal to killing one's father.

AI translation rendered from the Sanskrit, not a published edition

PdP 2 67.11

दानकालेपि संप्राप्ते आगते ब्राह्मणे किल । भूरिदानं परित्यज्य कतिभ्यो हि प्रदीयते

dānakālepi saṃprāpte āgate brāhmaṇe kila | bhūridānaṃ parityajya katibhyo hi pradīyate

And when the time for giving has arrived, when a brahmin has indeed come, (if one) forgoes abundant giving and gives to (only) a few,

AI translation rendered from the Sanskrit, not a published edition

PdP 2 67.12

एकस्मै दीयते दानमन्येभ्योपि न दीयते । एतच्च पातकं घोरं दानभ्रंशकरं स्मृतम्

ekasmai dīyate dānamanyebhyopi na dīyate | etacca pātakaṃ ghoraṃ dānabhraṃśakaraṃ smṛtam

the gift is given to one and is not given to the others — this too is a dreadful sin, held to cause the ruin of the gift.

AI translation rendered from the Sanskrit, not a published edition

PdP 2 67.13

यजमानगृहे सेवा संस्थितान्ब्राह्मणान्निजान् । परित्यज्य हि यद्दानं न दानस्य च लक्षणम्

yajamānagṛhe sevā saṃsthitānbrāhmaṇānnijān | parityajya hi yaddānaṃ na dānasya ca lakṣaṇam

A gift that is made passing over one's own brahmins who are established in service in the patron's house — that is no mark of true giving.

AI translation rendered from the Sanskrit, not a published edition

PdP 2 67.14

समाश्रितं हि यं विप्रं धर्माचारसमन्वितम् । सर्वोपायैः सुपुष्येत्तं सुदानैर्बहुभिर्नृप

samāśritaṃ hi yaṃ vipraṃ dharmācārasamanvitam | sarvopāyaiḥ supuṣyettaṃ sudānairbahubhirnṛpa

Whatever brahmin, endowed with righteous conduct, has taken refuge (with one), him he should well maintain by every means, with many good gifts, O king.

AI translation rendered from the Sanskrit, not a published edition

PdP 2 67.15

न गणयेन्मूर्खं विद्वांसं पोष्यो विप्रः सदा भवेत् । सर्वैः पुण्यैः समायुक्तं सुदानैर्बहुभिर्नृप

na gaṇayenmūrkhaṃ vidvāṃsaṃ poṣyo vipraḥ sadā bhavet | sarvaiḥ puṇyaiḥ samāyuktaṃ sudānairbahubhirnṛpa

One should not reckon (whether he is) a fool or learned: a brahmin (who is dependent) should always be maintained — (him who is) joined with all merits, with many good gifts, O king.

AI translation rendered from the Sanskrit, not a published edition — the model flagged this verse as uncertain

PdP 2 67.16

तं समभ्यर्च्य विद्वांसं प्राप्तं विप्रं सदार्हयेत् । तं हि त्यक्त्वा ददेद्दानमन्यस्मै ब्राह्मणाय वै

taṃ samabhyarcya vidvāṃsaṃ prāptaṃ vipraṃ sadārhayet | taṃ hi tyaktvā dadeddānamanyasmai brāhmaṇāya vai

Having duly honoured that learned brahmin who has come, one should always show him respect; but if, passing him over, one gives the gift to some other brahmin —

AI translation rendered from the Sanskrit, not a published edition

PdP 2 67.17

दत्तं हुतं भवेत्तस्य निष्फलं नात्र संशयः । ब्राह्मणः क्षत्रियो वैश्यः शूद्रश्चापि चतुर्थकः

dattaṃ hutaṃ bhavettasya niṣphalaṃ nātra saṃśayaḥ | brāhmaṇaḥ kṣatriyo vaiśyaḥ śūdraścāpi caturthakaḥ

what he has given and offered becomes fruitless — of this there is no doubt. A brahmin, a kṣatriya, a vaiśya, and the śūdra as the fourth —

AI translation rendered from the Sanskrit, not a published edition

PdP 2 67.18

पुण्यकालेषु सर्वेषु संश्रितं पूजयेद्द्विजम् । मूर्खं वापि हि विद्वांसं तस्य पुण्यफलं शृणु

puṇyakāleṣu sarveṣu saṃśritaṃ pūjayeddvijam | mūrkhaṃ vāpi hi vidvāṃsaṃ tasya puṇyaphalaṃ śṛṇu

At all auspicious times one should honour the twice-born who has come (to one's house), whether ignorant or learned; hear the fruit of merit that comes of it.

AI translation rendered from the Sanskrit, not a published edition

PdP 2 67.19

अश्वमेधस्य यज्ञस्य फलं तस्य प्रजायते । कस्माद्धिकारणाद्राजञ्छक्यं प्राप्य न कारयेत्

aśvamedhasya yajñasya phalaṃ tasya prajāyate | kasmāddhikāraṇādrājañchakyaṃ prāpya na kārayet

For him arises the fruit of the horse-sacrifice. For what reason, O king, having obtained what is possible, would one not do it?

AI translation rendered from the Sanskrit, not a published edition — the model flagged this verse as uncertain

PdP 2 67.20

अन्यो विप्रः समायातस्तत्कालं श्राद्धकर्मणि । उभौ तौ पूजयेत्तत्र भोजनाच्छादनैस्ततः

anyo vipraḥ samāyātastatkālaṃ śrāddhakarmaṇi | ubhau tau pūjayettatra bhojanācchādanaistataḥ

(If) another brahmin arrives at that very time during the śrāddha rite, one should honour both of them there with food and clothing,

AI translation rendered from the Sanskrit, not a published edition

PdP 2 67.21

तांबूलदक्षिणाभिश्च पितरस्तस्य हर्षिताः । श्राद्धभुक्ताय दातव्यं सदा दानं च दक्षिणा

tāṃbūladakṣiṇābhiśca pitarastasya harṣitāḥ | śrāddhabhuktāya dātavyaṃ sadā dānaṃ ca dakṣiṇā

and with betel and gifts; (thereby) his ancestors are pleased. To one who has eaten at a śrāddha, a gift and a fee should always be given.

AI translation rendered from the Sanskrit, not a published edition

PdP 2 67.22

न ददेच्छ्राद्धकर्ता यो गोहत्यादि समं भवेत् । द्वावेतौ पूजयेत्तस्माच्छ्रद्धया नृपसत्तम

na dadecchrāddhakartā yo gohatyādi samaṃ bhavet | dvāvetau pūjayettasmācchraddhayā nṛpasattama

If the performer of the śrāddha does not give (it), it becomes equal to cow-slaughter and the like; therefore one should honour these two with faith, O best of kings.

AI translation rendered from the Sanskrit, not a published edition

PdP 2 67.23

निर्द्धनत्व प्रभावाद्वै तमेकं हि प्रपूजयेत् । व्यतीपातेपि संप्राप्ते वैधृतौ च नृपोत्तम

nirddhanatva prabhāvādvai tamekaṃ hi prapūjayet | vyatīpātepi saṃprāpte vaidhṛtau ca nṛpottama

But by force of poverty one may honour just that one (brahmin). Also when a vyatīpāta (conjunction) has arrived, and at a vaidhṛti, O best of kings,

AI translation rendered from the Sanskrit, not a published edition

PdP 2 67.24

अमावास्यां तथा राजन्क्षयाहे परपक्षके । श्राद्धमेवं प्रकर्तव्यं ब्राह्मणादि त्रिवर्णकैः

amāvāsyāṃ tathā rājankṣayāhe parapakṣake | śrāddhamevaṃ prakartavyaṃ brāhmaṇādi trivarṇakaiḥ

and on the new-moon day, O king, on the death anniversary, and in the fortnight of the ancestors, the śrāddha is thus to be performed by the three classes beginning with the brahmins.

AI translation rendered from the Sanskrit, not a published edition

PdP 2 67.25

यज्ञे तथा महाराज ऋत्विजश्च प्रकारयेत् । तथा विप्राः प्रकर्तव्याः श्राद्धदानाय सर्वदा

yajñe tathā mahārāja ṛtvijaśca prakārayet | tathā viprāḥ prakartavyāḥ śrāddhadānāya sarvadā

So too at a sacrifice, great king, one should appoint officiating priests; likewise brahmins are always to be engaged for the giving of the śrāddha.

AI translation rendered from the Sanskrit, not a published edition — the model flagged this verse as uncertain

PdP 2 67.26

अविज्ञातः प्रकर्तव्यो ब्राह्मणो नैव जानता । यस्यापि ज्ञायते वंशः कुलं त्रिपुरुषं तथा

avijñātaḥ prakartavyo brāhmaṇo naiva jānatā | yasyāpi jñāyate vaṃśaḥ kulaṃ tripuruṣaṃ tathā

A brahmin who is unknown should not be engaged by one who knows (the rule). But he whose lineage is known, and his family through three generations,

AI translation rendered from the Sanskrit, not a published edition

PdP 2 67.27

आचारश्च तथा राजंस्तं विप्रं सन्निमंत्रयेत् । कुलं न ज्ञायते यस्य आचारेण विचारयेत्

ācāraśca tathā rājaṃstaṃ vipraṃ sannimaṃtrayet | kulaṃ na jñāyate yasya ācāreṇa vicārayet

and likewise his conduct — that brahmin, O king, one should invite. Of him whose family is not known, one should judge by his conduct.

AI translation rendered from the Sanskrit, not a published edition

PdP 2 67.28

श्राद्धदाने प्रकर्तव्ये विशुद्धो मूर्ख एव हि । अविज्ञातो भवेद्विप्रो वेदवेदांगपारगः

śrāddhadāne prakartavye viśuddho mūrkha eva hi | avijñāto bhavedvipro vedavedāṃgapāragaḥ

When a śrāddha-gift is to be made, even an ignorant man, (if) pure, (is fit); but a brahmin who is unknown, (though) versed to the end of the Vedas and the Vedāṅgas, (is not).

AI translation rendered from the Sanskrit, not a published edition — the model flagged this verse as uncertain

PdP 2 67.29

श्राद्धदानं प्रकर्तव्यं तस्माद्विप्रं निमंत्रयेत् । आतिथ्यं तु प्रकर्तव्यमपूर्वं नृपसत्तम

śrāddhadānaṃ prakartavyaṃ tasmādvipraṃ nimaṃtrayet | ātithyaṃ tu prakartavyamapūrvaṃ nṛpasattama

The śrāddha-gift must be performed; therefore one should invite a brahmin. But hospitality is to be shown even to one not previously (known), O best of kings.

AI translation rendered from the Sanskrit, not a published edition — the model flagged this verse as uncertain

PdP 2 67.30

अन्यथा कुरुते पापी स याति नरकं ध्रुवम् । तस्माद्विप्रः प्रकर्तव्यो दाने श्राद्धे च पर्वसु

anyathā kurute pāpī sa yāti narakaṃ dhruvam | tasmādvipraḥ prakartavyo dāne śrāddhe ca parvasu

The sinner who acts otherwise surely goes to hell; therefore a brahmin should be engaged in gift-giving, in the śrāddha, and at the festival days.

AI translation rendered from the Sanskrit, not a published edition

PdP 2 67.31

आदौ परीक्षयेद्विप्रं श्राद्धे दाने प्रकारयेत् । नाश्नंति तस्य वै गेहे पितरो विप्रवर्जिताः

ādau parīkṣayedvipraṃ śrāddhe dāne prakārayet | nāśnaṃti tasya vai gehe pitaro vipravarjitāḥ

First one should examine the brahmin, (then) engage him in the śrāddha and the gift. In his house the ancestors, deprived of a brahmin, do not eat.

AI translation rendered from the Sanskrit, not a published edition

PdP 2 67.32

शापं दत्त्वा ततो यांति श्राद्धाद्विप्रविवर्जितात् । महापापी भवेत्सोपि ब्रह्मणः सदृशो यदि

śāpaṃ dattvā tato yāṃti śrāddhādvipravivarjitāt | mahāpāpī bhavetsopi brahmaṇaḥ sadṛśo yadi

Having given a curse, they then depart from a śrāddha that lacks a brahmin; and he too becomes a great sinner, even if he is like Brahmā.

AI translation rendered from the Sanskrit, not a published edition

PdP 2 67.33

पैत्राचारं परित्यज्य यो वर्तेत नरोत्तम । महापापी स विज्ञेयः सर्वधर्मबहिष्कृतः

paitrācāraṃ parityajya yo varteta narottama | mahāpāpī sa vijñeyaḥ sarvadharmabahiṣkṛtaḥ

He who, abandoning the ancestral practice, should live (thus), O best of men, is to be known as a great sinner, cast out from all dharma.

AI translation rendered from the Sanskrit, not a published edition

PdP 2 67.34

ये त्यजंति शिवाचारं वैष्णवं भोगदायकम् । निंदंति ब्राह्मणं धर्मं विज्ञेयाः पापवर्द्धनाः

ye tyajaṃti śivācāraṃ vaiṣṇavaṃ bhogadāyakam | niṃdaṃti brāhmaṇaṃ dharmaṃ vijñeyāḥ pāpavarddhanāḥ

Those who abandon the practice of Śiva, and the Vaiṣṇava (practice) that bestows enjoyment, and who revile the brahminical dharma, are to be known as increasers of sin.

AI translation rendered from the Sanskrit, not a published edition

PdP 2 67.35

ये त्यजंति शिवाचारं शिवभक्तान्द्विषंति च । हरिं निंदंति ये पापा ब्रह्मद्वेषकराः सदा

ye tyajaṃti śivācāraṃ śivabhaktāndviṣaṃti ca | hariṃ niṃdaṃti ye pāpā brahmadveṣakarāḥ sadā

Those sinners who abandon the practice of Śiva and hate the devotees of Śiva, and who revile Hari, ever acting in hatred of brahman —

AI translation rendered from the Sanskrit, not a published edition

PdP 2 67.36

आचारनिंदका ये ते महापातककृत्तमाः । आद्यं पूज्यं परं ज्ञानं पुण्यं भागवतं तथा

ācāraniṃdakā ye te mahāpātakakṛttamāḥ | ādyaṃ pūjyaṃ paraṃ jñānaṃ puṇyaṃ bhāgavataṃ tathā

those who revile (right) practice are the foremost doers of great sins. The primal, venerable, supreme knowledge, and the meritorious Bhāgavata (Purāṇa),

AI translation rendered from the Sanskrit, not a published edition

PdP 2 67.37

वैष्णवं हरिवंशं वा मत्स्यं वा कूर्ममेव च । पाद्मं वा ये पूजयंति तेषां श्रेयो वदाम्यहम्

vaiṣṇavaṃ harivaṃśaṃ vā matsyaṃ vā kūrmameva ca | pādmaṃ vā ye pūjayaṃti teṣāṃ śreyo vadāmyaham

the Vaiṣṇava (Purāṇa), or the Harivaṃśa, or the Matsya, or the Kūrma, or the Pādma — those who honour (these), I declare their good fortune.

AI translation rendered from the Sanskrit, not a published edition

PdP 2 67.38

प्रत्यक्षं तेन वै देवः पूजितो मधुसूदनः । तस्मात्प्रपूजयेज्ज्ञानं वैष्णवं विष्णुवल्लभम्

pratyakṣaṃ tena vai devaḥ pūjito madhusūdanaḥ | tasmātprapūjayejjñānaṃ vaiṣṇavaṃ viṣṇuvallabham

By that, indeed, the god Madhusūdana is directly worshipped; therefore one should worship Vaiṣṇava knowledge, which is dear to Viṣṇu.

AI translation rendered from the Sanskrit, not a published edition

PdP 2 67.39

देवस्थाने च नित्यं वै वैष्णवं पुस्तकं नृप । तस्मिन्प्रपूजिते विप्र पूजितः कमलापतिः

devasthāne ca nityaṃ vai vaiṣṇavaṃ pustakaṃ nṛpa | tasminprapūjite vipra pūjitaḥ kamalāpatiḥ

And in the god's abode there should always be a Vaiṣṇava book, O king; when that is worshipped, O brāhmaṇa, the Lord of Kamalā is worshipped.

AI translation rendered from the Sanskrit, not a published edition

PdP 2 67.40

असंपूज्य हरेर्ज्ञानं ये गायंति लिखंति च । अज्ञाय तत्प्रयच्छंति शृण्वंत्युच्चारयंति च

asaṃpūjya harerjñānaṃ ye gāyaṃti likhaṃti ca | ajñāya tatprayacchaṃti śṛṇvaṃtyuccārayaṃti ca

Those who, without having worshipped it, sing or write down Hari's knowledge, and who give it away to one who does not know, and who listen to it or recite it (thus),

AI translation rendered from the Sanskrit, not a published edition

PdP 2 67.41

विक्रीडंति च लोभेन कुज्ञान नियमेन च । असंस्कृतप्रदेशेषु यथेष्टं स्थापयंति च

vikrīḍaṃti ca lobhena kujñāna niyamena ca | asaṃskṛtapradeśeṣu yatheṣṭaṃ sthāpayaṃti ca

and who trade in it out of greed, and by the rule of bad knowledge, and who set it down as they please in unconsecrated places —

AI translation rendered from the Sanskrit, not a published edition — the model flagged this verse as uncertain

PdP 2 67.42

हरिज्ञानं यथाक्षेमं प्रत्यक्षाच्च प्रकाशयेत् । अधीते च समर्थश्च यः प्रमादं करोति च

harijñānaṃ yathākṣemaṃ pratyakṣācca prakāśayet | adhīte ca samarthaśca yaḥ pramādaṃ karoti ca

One should make Hari's knowledge known just as is proper, and (only) to one present; and he who, though studying and capable, is negligent,

AI translation rendered from the Sanskrit, not a published edition — the model flagged this verse as uncertain

PdP 2 67.43

अशुचिश्चाशुचौ स्थाने यः प्रवक्ति शृणोति च । इति सर्वं समासेन ज्ञाननिंदा समं स्मृतम्

aśuciścāśucau sthāne yaḥ pravakti śṛṇoti ca | iti sarvaṃ samāsena jñānaniṃdā samaṃ smṛtam

and he who, being impure, expounds or hears (it) in an impure place — all this, in brief, is reckoned equal to reviling knowledge.

AI translation rendered from the Sanskrit, not a published edition

PdP 2 67.44

गुरुपूजामकृत्वैव यः शास्त्रं श्रोतुमिच्छति । न करोति च शुश्रूषामाज्ञाभंगं च भावतः

gurupūjāmakṛtvaiva yaḥ śāstraṃ śrotumicchati | na karoti ca śuśrūṣāmājñābhaṃgaṃ ca bhāvataḥ

He who, without having performed worship of the teacher, wishes to hear the scripture, and does not render service, and breaks (his) command out of disposition,

AI translation rendered from the Sanskrit, not a published edition

PdP 2 67.45

नाभिनंदति तद्वाक्यमुत्तरं संप्रयच्छति । गुरुकर्मणि साध्ये च तदुपेक्षां करोति च

nābhinaṃdati tadvākyamuttaraṃ saṃprayacchati | gurukarmaṇi sādhye ca tadupekṣāṃ karoti ca

who does not assent to his word (but) gives back an answer, and who, when the teacher's task is to be accomplished, neglects it,

AI translation rendered from the Sanskrit, not a published edition

PdP 2 67.46

गुरुमार्तमशक्तं च विदेशं प्रस्थितं तथा । अरिभिः परिभूतं वा यः संत्यजति पापकृत्

gurumārtamaśaktaṃ ca videśaṃ prasthitaṃ tathā | aribhiḥ paribhūtaṃ vā yaḥ saṃtyajati pāpakṛt

and the evildoer who abandons his teacher when (the latter is) afflicted, or helpless, or set out for a foreign land, or overcome by enemies —

AI translation rendered from the Sanskrit, not a published edition

PdP 2 67.47

पठमानं पुराणं तु तस्य पापं वदाम्यहम् । कुंभीपाके वसेत्तावद्यावदिंद्राश्चतुर्दश

paṭhamānaṃ purāṇaṃ tu tasya pāpaṃ vadāmyaham | kuṃbhīpāke vasettāvadyāvadiṃdrāścaturdaśa

I shall now declare the sin of him (who does this) while the Purāṇa is being recited: he dwells in Kumbhīpāka as long as fourteen Indras (endure).

AI translation rendered from the Sanskrit, not a published edition

PdP 2 67.48

पठमानं गुरुं यो हि उपेक्षयति पापधीः । तस्यापि पातकं घोरं चिरं नरकदायकम्

paṭhamānaṃ guruṃ yo hi upekṣayati pāpadhīḥ | tasyāpi pātakaṃ ghoraṃ ciraṃ narakadāyakam

And he of sinful mind who neglects his teacher while (the teacher) is reciting — his too is a dreadful transgression, granting hell for a long time.

AI translation rendered from the Sanskrit, not a published edition

PdP 2 67.49

भार्यापुत्रेषु मित्रेषु यश्चावज्ञां करोति च । इत्येतत्पातकं ज्ञेयं गुरुनिन्दासमं महत्

bhāryāputreṣu mitreṣu yaścāvajñāṃ karoti ca | ityetatpātakaṃ jñeyaṃ gurunindāsamaṃ mahat

And he who shows contempt toward wife, sons and friends — this too is to be known as a great transgression, equal to reviling the teacher.

AI translation rendered from the Sanskrit, not a published edition

PdP 2 67.50

ब्रह्महा स्वर्णस्तेयी च सुरापी गुरुतल्पगः । महापातकिनश्चैते तत्संयोगी च पंचमः

brahmahā svarṇasteyī ca surāpī gurutalpagaḥ | mahāpātakinaścaite tatsaṃyogī ca paṃcamaḥ

The slayer of a brāhmaṇa, the stealer of gold, the drinker of liquor, he who violates the teacher's bed — these are the great sinners, and he who associates with them is the fifth.

AI translation rendered from the Sanskrit, not a published edition

PdP 2 67.51

क्रोधाद्द्वेषाद्भयाल्लोभाद्ब्राह्मणस्य विशेषतः । मर्मातिकृन्तको यश्च ब्रह्मघ्नः स प्रकीर्तितः

krodhāddveṣādbhayāllobhādbrāhmaṇasya viśeṣataḥ | marmātikṛntako yaśca brahmaghnaḥ sa prakīrtitaḥ

And he who, out of anger, hatred, fear or greed, cuts to the vital parts, especially of a brāhmaṇa, is proclaimed a slayer of a brāhmaṇa.

AI translation rendered from the Sanskrit, not a published edition

PdP 2 67.52

ब्राह्मणं यः समाहूय याचमानमकिंचनम् । पश्चान्नास्तीति यो ब्रूयात्स च वै ब्रह्महा नृप

brāhmaṇaṃ yaḥ samāhūya yācamānamakiṃcanam | paścānnāstīti yo brūyātsa ca vai brahmahā nṛpa

He who, having summoned a brāhmaṇa who is destitute and begging, afterwards says 'there is nothing' — he too is indeed a slayer of a brāhmaṇa, O king.

AI translation rendered from the Sanskrit, not a published edition

PdP 2 67.53

यस्तु विद्याभिमानेन निस्तेजयति वै द्विजम् । उदासीनं सभामध्ये ब्रह्महा स प्रकीर्तितः

yastu vidyābhimānena nistejayati vai dvijam | udāsīnaṃ sabhāmadhye brahmahā sa prakīrtitaḥ

But he who, out of pride in his learning, drains the lustre of a twice-born who stays neutral in the midst of an assembly, is proclaimed a slayer of a brāhmaṇa.

AI translation rendered from the Sanskrit, not a published edition

PdP 2 67.54

मिथ्यागुणैरथात्मानं नयत्युत्कर्षतां पुनः । गुरुं विरोधयेद्यस्तु स च वै ब्रह्महा स्मृतः

mithyāguṇairathātmānaṃ nayatyutkarṣatāṃ punaḥ | guruṃ virodhayedyastu sa ca vai brahmahā smṛtaḥ

And he who exalts himself by false merits, and again sets himself in opposition to his teacher, is reckoned a slayer of a brāhmaṇa.

AI translation rendered from the Sanskrit, not a published edition

PdP 2 67.55

क्षुत्तृषातप्तदेहानामन्नभोजनमिच्छताम् । यः समाचरते विघ्नं तमाहुर्ब्रह्मघातकम्

kṣuttṛṣātaptadehānāmannabhojanamicchatām | yaḥ samācarate vighnaṃ tamāhurbrahmaghātakam

He who creates an obstacle for those whose bodies are scorched by hunger and thirst and who desire to eat food — him they call a killer of a brāhmaṇa.

AI translation rendered from the Sanskrit, not a published edition

PdP 2 67.56

पिशुनः सर्वलोकानां रंध्रान्वेषणतत्परः । उद्वेजनकरः क्रूरः स च वै ब्रह्महा स्मृतः

piśunaḥ sarvalokānāṃ raṃdhrānveṣaṇatatparaḥ | udvejanakaraḥ krūraḥ sa ca vai brahmahā smṛtaḥ

The slanderer of all people, intent on searching out (their) faults, causing distress, cruel — he too is reckoned a slayer of a brāhmaṇa.

AI translation rendered from the Sanskrit, not a published edition

PdP 2 67.57

देवद्विज गवां भूमिं पूर्वदत्तां हरेत्तु यः । प्रनष्टामपि कालेन तमाहुर्ब्रह्मघातकम्

devadvija gavāṃ bhūmiṃ pūrvadattāṃ harettu yaḥ | pranaṣṭāmapi kālena tamāhurbrahmaghātakam

He who seizes land previously given to gods, twice-born ones, or cows — even land lost through the passage of time — him they call a killer of a brāhmaṇa.

AI translation rendered from the Sanskrit, not a published edition

PdP 2 67.58

द्विजवित्तापहरणं न्यासेन समुपार्जितम् । ब्रह्महत्यासमं ज्ञेयं तस्य पातकमुत्तमम्

dvijavittāpaharaṇaṃ nyāsena samupārjitam | brahmahatyāsamaṃ jñeyaṃ tasya pātakamuttamam

The taking away of a brahmin's property that was entrusted (to one) as a deposit — that is to be known as equal to the killing of a brahmin; his is a sin of the highest (order).

AI translation rendered from the Sanskrit, not a published edition

PdP 2 67.59

अग्निहोत्रं परित्यज्य पंचयज्ञीयकर्मणि । मातापित्रोर्गुरूणां च कूटसाक्ष्यं च यश्चरेत्

agnihotraṃ parityajya paṃcayajñīyakarmaṇi | mātāpitrorgurūṇāṃ ca kūṭasākṣyaṃ ca yaścaret

(He) who abandons the fire-offering and the rite of the five sacrifices, and who bears false witness (in a matter) concerning mother, father and teachers—

AI translation rendered from the Sanskrit, not a published edition

PdP 2 67.60

अप्रियं शिवभक्तानामभक्ष्याणां च भक्षणम् । वने निरपराधानां प्राणिनां च प्रमारणम्

apriyaṃ śivabhaktānāmabhakṣyāṇāṃ ca bhakṣaṇam | vane niraparādhānāṃ prāṇināṃ ca pramāraṇam

(doing) what is displeasing to the devotees of Śiva, and the eating of things not to be eaten, and the killing of guiltless living creatures in the forest,

AI translation rendered from the Sanskrit, not a published edition

PdP 2 67.61

गवां गोष्ठे वने चाग्नेः पुरे ग्रामे च दीपनम् । इति पापानि घोराणि सुरापानसमानि तु

gavāṃ goṣṭhe vane cāgneḥ pure grāme ca dīpanam | iti pāpāni ghorāṇi surāpānasamāni tu

and the setting of fire in a cow-pen, in a forest, in a city, or in a village — these are dreadful sins, equal to the drinking of liquor.

AI translation rendered from the Sanskrit, not a published edition

PdP 2 67.62

दीनसर्वस्वहरणं परस्त्रीगजवाजिनाम् । गोभूरजतवस्त्राणामोषधीनां रसस्य च

dīnasarvasvaharaṇaṃ parastrīgajavājinām | gobhūrajatavastrāṇāmoṣadhīnāṃ rasasya ca

The seizing of all the property of a wretched man; (the theft) of another's wife, elephants, horses, cows, land, silver, garments, medicinal herbs, and juice (or: mercury),

AI translation rendered from the Sanskrit, not a published edition

PdP 2 67.63

चंदनागुरुकर्पूर कस्तूरी पट्ट वाससाम् । परन्यासापहरणं रुक्मस्तेयसमं स्मृतम्

caṃdanāgurukarpūra kastūrī paṭṭa vāsasām | paranyāsāpaharaṇaṃ rukmasteyasamaṃ smṛtam

and of sandal, aloe-wood, camphor, musk and silk garments; the taking away of another's deposit is reckoned equal to the theft of gold.

AI translation rendered from the Sanskrit, not a published edition

PdP 2 67.64

कन्याया वरयोग्याया अदानं सदृशे वरे । पुत्रमित्रकलत्रेषु गमनं भगिनीषु च

kanyāyā varayogyāyā adānaṃ sadṛśe vare | putramitrakalatreṣu gamanaṃ bhaginīṣu ca

The not giving of a daughter who is fit for a husband to a suitable husband; going in to (the wives of) sons, friends and (one's own) wives (of others?), and to sisters —

AI translation rendered from the Sanskrit, not a published edition — the model flagged this verse as uncertain

PdP 2 67.65

कुमारीसाहसं घोरमंत्यजस्त्रीनिषेवणम् । सवर्णायाश्च गमनं गुरुतल्पसमं स्मृतम्

kumārīsāhasaṃ ghoramaṃtyajastrīniṣevaṇam | savarṇāyāśca gamanaṃ gurutalpasamaṃ smṛtam

violent assault upon a maiden, a dreadful (deed), and resorting to a woman of the lowest caste, and going in to a woman of one's own caste — (this) is reckoned equal to (defiling) the teacher's bed.

AI translation rendered from the Sanskrit, not a published edition — the model flagged this verse as uncertain

PdP 2 67.66

महापातकतुल्यानि पापान्युक्तानि यानि तु । तानि पातकसंज्ञानि तन्न्यूनमुपपातकम्

mahāpātakatulyāni pāpānyuktāni yāni tu | tāni pātakasaṃjñāni tannyūnamupapātakam

Whatever sins have been declared to be equal to the great sins — those bear the name 'pātaka'; what is less than that is a secondary sin (upapātaka).

AI translation rendered from the Sanskrit, not a published edition

PdP 2 67.67

द्विजायार्थं प्रतिज्ञाय न प्रयच्छति यः पुनः । तत्र विस्मरते विप्रस्तुल्यं तदुपपातकम्

dvijāyārthaṃ pratijñāya na prayacchati yaḥ punaḥ | tatra vismarate viprastulyaṃ tadupapātakam

He who, having promised wealth to a brahmin, does not then give it — and where a brahmin forgets it, that is an equal secondary sin.

AI translation rendered from the Sanskrit, not a published edition — the model flagged this verse as uncertain

PdP 2 67.68

द्विजद्रव्यापहरणं मर्यादाया व्यतिक्रमम् । अतिमानातिकोपश्च दांभिकत्वं कृतघ्नता

dvijadravyāpaharaṇaṃ maryādāyā vyatikramam | atimānātikopaśca dāṃbhikatvaṃ kṛtaghnatā

The carrying off of a brahmin's goods, the transgression of (proper) bounds, excessive pride and excessive anger, hypocrisy, ingratitude,

AI translation rendered from the Sanskrit, not a published edition

PdP 2 67.69

अन्यत्र विषयासक्तिः कार्पर्ण्यं शाठ्यमत्सरम् । परदाराभिगमनं साध्वीकन्याभिदूषणम्

anyatra viṣayāsaktiḥ kārparṇyaṃ śāṭhyamatsaram | paradārābhigamanaṃ sādhvīkanyābhidūṣaṇam

attachment to sense-objects elsewhere, meanness, deceit, envy, going in to another's wife, the defiling of a virtuous woman or a maiden,

AI translation rendered from the Sanskrit, not a published edition

PdP 2 67.70

परिवित्तिः परिवेत्ता यया च परिविद्यते । तयोर्दानं च कन्यायास्तयोरेव च याजनम्

parivittiḥ parivettā yayā ca parividyate | tayordānaṃ ca kanyāyāstayoreva ca yājanam

the elder brother passed over (in marriage), the younger who marries before him, and she through whom (this) passing-over takes place; and the giving of a girl to those two, and the performing of sacrifice for those two,

AI translation rendered from the Sanskrit, not a published edition

PdP 2 67.71

पुत्रमित्रकलत्राणामभावे स्वामिनस्तथा । भार्याणां च परित्यागः साधूनां च तपस्विनाम्

putramitrakalatrāṇāmabhāve svāminastathā | bhāryāṇāṃ ca parityāgaḥ sādhūnāṃ ca tapasvinām

the abandoning of sons, friends and wives, and likewise of a master, in (their) time of need, and of the good and of ascetics,

AI translation rendered from the Sanskrit, not a published edition — the model flagged this verse as uncertain

PdP 2 67.72

गवां क्षत्रियवैश्यानां स्त्रीशूद्राणां च घातनम् । शिवायतनवृक्षाणां पुण्याराम विनाशनम्

gavāṃ kṣatriyavaiśyānāṃ strīśūdrāṇāṃ ca ghātanam | śivāyatanavṛkṣāṇāṃ puṇyārāma vināśanam

the slaying of cows, of kṣatriyas and vaiśyas, of women and śūdras; the destroying of the trees of a Śiva-temple and of a sacred grove;

AI translation rendered from the Sanskrit, not a published edition

PdP 2 67.73

यः पीडामाश्रमस्थानामाचरेदल्पिकामपि । तद्भृत्यपरिवर्गस्य पशुधान्यवनस्य च

yaḥ pīḍāmāśramasthānāmācaredalpikāmapi | tadbhṛtyaparivargasya paśudhānyavanasya ca

he who inflicts injury, even a slight one, upon those dwelling in a hermitage, and upon its servants and attendant company, and upon its cattle, grain and woodland;

AI translation rendered from the Sanskrit, not a published edition

PdP 2 67.74

कर्ष धान्य पशुस्तेयमयाज्यानां च याजनम् । यज्ञारामतडागानां दारापत्यस्य विक्रयः

karṣa dhānya paśusteyamayājyānāṃ ca yājanam | yajñārāmataḍāgānāṃ dārāpatyasya vikrayaḥ

the theft of ploughed (land?), grain and cattle, and the performing of sacrifice for those unfit to sacrifice; the sale of sacrifices, groves and tanks, and of wife and offspring;

AI translation rendered from the Sanskrit, not a published edition — the model flagged this verse as uncertain

PdP 2 67.75

तीर्थयात्रोपवासानां व्रतानां च सुकर्मणाम् । स्त्रीधनान्युपजीवंति स्त्रीभगात्यंतजीविता

tīrthayātropavāsānāṃ vratānāṃ ca sukarmaṇām | strīdhanānyupajīvaṃti strībhagātyaṃtajīvitā

(those who) live off (others') pilgrimages, fasts, vows and good works; (those who) live off women's property, one whose living depends entirely on a woman's private parts;

AI translation rendered from the Sanskrit, not a published edition — the model flagged this verse as uncertain

PdP 2 67.76

स्वधर्मं विक्रयेद्यस्तु अधर्मं वर्णते नरः । परदोषप्रवादी च परच्छिद्रावलोककः

svadharmaṃ vikrayedyastu adharmaṃ varṇate naraḥ | paradoṣapravādī ca paracchidrāvalokakaḥ

the man who would sell his own religious duty, and who describes (as duty) what is unrighteous, and who proclaims others' faults and who looks out for others' weak points,

AI translation rendered from the Sanskrit, not a published edition

PdP 2 67.77

परद्रव्याभिलाषी च परदारावलोककः । एते गोघ्नसमानाश्च ज्ञातव्या नृपनंदन

paradravyābhilāṣī ca paradārāvalokakaḥ | ete goghnasamānāśca jñātavyā nṛpanaṃdana

and who covets another's property and who eyes another's wife — these are to be known as equal to a cow-killer, O son of the king.

AI translation rendered from the Sanskrit, not a published edition

PdP 2 67.78

यः कर्ता सर्वशास्त्राणां गोहर्ता गोश्च विक्रयी । निर्दयोऽतीव भृत्येषु पशूनां दमकश्च यः

yaḥ kartā sarvaśāstrāṇāṃ gohartā gośca vikrayī | nirdayo'tīva bhṛtyeṣu paśūnāṃ damakaśca yaḥ

He who is a performer of all the (ritual) treatises (yet) is a stealer of cows and a seller of cows, who is utterly without pity toward his servants, and who is a tormentor of animals —

AI translation rendered from the Sanskrit, not a published edition — the model flagged this verse as uncertain

PdP 2 67.79

मिथ्या प्रवदते वाचमाकर्णयति यः परैः । स्वामिद्रोही गुरुद्रोही मायावी चपलः शठः

mithyā pravadate vācamākarṇayati yaḥ paraiḥ | svāmidrohī gurudrohī māyāvī capalaḥ śaṭhaḥ

He who speaks false speech, and who listens to it from others; one who betrays his master, who betrays his teacher, who is deceitful, fickle, a cheat —

AI translation rendered from the Sanskrit, not a published edition

PdP 2 67.80

यो भार्यापुत्रमित्राणि बालवृद्धकृशातुरान् । भृत्यानतिथिबंधूंश्च त्यक्त्वाश्नाति बुभुक्षितान्

yo bhāryāputramitrāṇi bālavṛddhakṛśāturān | bhṛtyānatithibaṃdhūṃśca tyaktvāśnāti bubhukṣitān

He who eats after abandoning wife, sons and friends, children, the aged, the emaciated and the sick, servants, guests and kinsmen, when they are hungry —

AI translation rendered from the Sanskrit, not a published edition

PdP 2 67.81

ये तु मृष्टं समश्नंति नो वांच्छंतं ददंति च । पृथक्पाकी स विज्ञेयो ब्रह्मवादिषु गर्हितः

ye tu mṛṣṭaṃ samaśnaṃti no vāṃcchaṃtaṃ dadaṃti ca | pṛthakpākī sa vijñeyo brahmavādiṣu garhitaḥ

But those who eat dainty food and do not give to one who desires it — he is to be known as a 'cooker apart', censured among the expounders of the Veda.

AI translation rendered from the Sanskrit, not a published edition

PdP 2 67.82

नियमान्स्वयमादाय ये त्यजंत्यजितेंद्रियाः । प्रव्रज्यागमिता यैश्च संयुक्ता ये च मद्यपैः

niyamānsvayamādāya ye tyajaṃtyajiteṃdriyāḥ | pravrajyāgamitā yaiśca saṃyuktā ye ca madyapaiḥ

Those who, having themselves undertaken the observances, abandon them, being unrestrained in their senses; those by whom (others) have been made to take up the ascetic's wandering life, and those who associate with drinkers of liquor;

AI translation rendered from the Sanskrit, not a published edition — the model flagged this verse as uncertain

PdP 2 67.83

ये चापि क्षयरोगार्तां गां पिपासा क्षुधातुराम् । न पालयंति यत्नेन ते गोघ्ना नारकाः स्मृताः

ye cāpi kṣayarogārtāṃ gāṃ pipāsā kṣudhāturām | na pālayaṃti yatnena te goghnā nārakāḥ smṛtāḥ

And those who do not diligently look after a cow afflicted with wasting disease, tormented by thirst and hunger — they are declared cow-killers, destined for hell.

AI translation rendered from the Sanskrit, not a published edition

PdP 2 67.84

सर्वपापरता ये च चतुष्पात्क्षेत्रभेदकाः । साधून्विप्रान्गुरूंश्चैव यश्च गां हि प्रताडयेत्

sarvapāparatā ye ca catuṣpātkṣetrabhedakāḥ | sādhūnviprāngurūṃścaiva yaśca gāṃ hi pratāḍayet

And those who are devoted to every sin, who break up the fourfold(?) fields, and whoever strikes good men, brahmins, and teachers, and a cow —

AI translation rendered from the Sanskrit, not a published edition — the model flagged this verse as uncertain

PdP 2 67.85

ये ताडयंत्यदोषां च नारीं साधुपदेस्थिताम् । आलस्यबद्धसर्वांगो यः स्वपिति मुहुर्मुहुः

ye tāḍayaṃtyadoṣāṃ ca nārīṃ sādhupadesthitām | ālasyabaddhasarvāṃgo yaḥ svapiti muhurmuhuḥ

And those who beat a blameless woman who stands in the path of virtue; he who, all his limbs bound by sloth, sleeps again and again;

AI translation rendered from the Sanskrit, not a published edition

PdP 2 67.86

दुर्बलांश्च न पुष्णंति नष्टान्नान्वेषयंति च । पीडयंत्यतिभारेण सक्षतान्वाहयंति च

durbalāṃśca na puṣṇaṃti naṣṭānnānveṣayaṃti ca | pīḍayaṃtyatibhāreṇa sakṣatānvāhayaṃti ca

And (those who) do not nourish the weak, and do not search for the ones that are lost, and oppress (them) with too heavy a load, and make the wounded carry (loads);

AI translation rendered from the Sanskrit, not a published edition

PdP 2 67.87

सर्वपापरता ये च संयुक्ता ये च भुंजते । भग्नांगीं क्षतरोगार्तां गोरूपां च क्षुधातुराम्

sarvapāparatā ye ca saṃyuktā ye ca bhuṃjate | bhagnāṃgīṃ kṣatarogārtāṃ gorūpāṃ ca kṣudhāturām

And those who are devoted to every sin, and those who, being joined (with such men), eat (with them); (and those who do not tend) a cow with a broken limb, afflicted by wounds and disease, and tormented by hunger —

AI translation rendered from the Sanskrit, not a published edition — the model flagged this verse as uncertain

PdP 2 67.88

न पालयंति यत्नेन ते जना नारकाः स्मृताः । वृषाणां वृषणौ ये च पापिष्ठा घातयंति च

na pālayaṃti yatnena te janā nārakāḥ smṛtāḥ | vṛṣāṇāṃ vṛṣaṇau ye ca pāpiṣṭhā ghātayaṃti ca

— do not diligently protect (her): those men are declared destined for hell. And those most wicked men who have the testicles of bulls destroyed,

AI translation rendered from the Sanskrit, not a published edition

PdP 2 67.89

बाधयंति च गोवत्सान्महानारकिणो नराः । आशया समनुप्राप्तं क्षुत्तृषाश्रमपीडितम्

bādhayaṃti ca govatsānmahānārakiṇo narāḥ | āśayā samanuprāptaṃ kṣuttṛṣāśramapīḍitam

And who harass calves — (these) men are great hell-dwellers. (One who has) come in hope, tormented by hunger, thirst and fatigue —

AI translation rendered from the Sanskrit, not a published edition

PdP 2 67.90

ये चातिथिं न मन्यंते ते वै निरयगामिनः । अनाथं विकलं दीनं बालं वृद्धं भृशातुरम्

ye cātithiṃ na manyaṃte te vai nirayagāminaḥ | anāthaṃ vikalaṃ dīnaṃ bālaṃ vṛddhaṃ bhṛśāturam

And those who pay no regard to such a guest, they indeed go to hell. The helpless, the crippled, the wretched, a child, an old man, one gravely ill —

AI translation rendered from the Sanskrit, not a published edition

PdP 2 67.91

नानुकंपंति ये मूढास्ते यांति नरकार्णवम् । अजाविको माहिषिको यः शूद्रा वृषलीपतिः

nānukaṃpaṃti ye mūḍhāste yāṃti narakārṇavam | ajāviko māhiṣiko yaḥ śūdrā vṛṣalīpatiḥ

Those fools who feel no compassion (for them) go to the ocean of hell. He who keeps goats and sheep, who keeps buffaloes, śūdras, the husband of a low-caste woman,

AI translation rendered from the Sanskrit, not a published edition

PdP 2 67.92

शूद्रो विप्रस्य क्षत्रस्य य आचारेण वर्तते । शिल्पिनः कारवो वैद्यास्तथा देवलका नराः

śūdro viprasya kṣatrasya ya ācāreṇa vartate | śilpinaḥ kāravo vaidyāstathā devalakā narāḥ

A śūdra who conducts himself by the practice of a brahmin or of a kṣatriya; craftsmen, artisans, physicians, and likewise men who are temple-attendants (living off images),

AI translation rendered from the Sanskrit, not a published edition

PdP 2 67.93

भृतकामात्यकर्माणः सर्वे निरयगामिनः । यश्चोदितमतिक्रम्य स्वेच्छया आहरेत्करम्

bhṛtakāmātyakarmāṇaḥ sarve nirayagāminaḥ | yaścoditamatikramya svecchayā āharetkaram

Hired men and those whose work is that of ministers — all these go to hell. And he who, overstepping what has been prescribed, exacts a tax at his own pleasure,

AI translation rendered from the Sanskrit, not a published edition

PdP 2 67.94

नरकेषु स पच्येत यश्च दंडं वृथा नयेत् । उत्कोचकैरधिकृतैस्तस्करैश्च प्रपीड्यते

narakeṣu sa pacyeta yaśca daṃḍaṃ vṛthā nayet | utkocakairadhikṛtaistaskaraiśca prapīḍyate

He would be cooked in the hells; and he who imposes punishment without cause. (When the people) are oppressed by bribe-taking officials and by thieves,

AI translation rendered from the Sanskrit, not a published edition

PdP 2 67.95

यस्य राज्ञः प्रजा राज्ये पच्यते नरकेषु सः । ये द्विजाः प्रतिगृह्णंति नृपस्य पापवर्तिनः

yasya rājñaḥ prajā rājye pacyate narakeṣu saḥ | ye dvijāḥ pratigṛhṇaṃti nṛpasya pāpavartinaḥ

That king in whose realm the subjects (are so oppressed) is cooked in the hells. Those brahmins who accept gifts from a king who follows evil ways

AI translation rendered from the Sanskrit, not a published edition

PdP 2 67.96

प्रयांति तेपि घोरेषु नरकेषु न संशयः । पारदारिकचौराणां यत्पापं पार्थिवस्य च

prayāṃti tepi ghoreṣu narakeṣu na saṃśayaḥ | pāradārikacaurāṇāṃ yatpāpaṃ pārthivasya ca

— they too go to the terrible hells, there is no doubt. Whatever sin belongs to adulterers and thieves, and to the ruler,

AI translation rendered from the Sanskrit, not a published edition

PdP 2 67.97

भवत्यरक्षतो घोरो राज्ञस्तस्य परिग्रहः । अचौरं चौरवद्यश्च चौरं चाचौरवत्पुनः

bhavatyarakṣato ghoro rājñastasya parigrahaḥ | acauraṃ cauravadyaśca cauraṃ cācauravatpunaḥ

That dreadful acquisition falls to that king who does not protect (his people). And whoever (treats) a non-thief as a thief, and again a thief as a non-thief —

AI translation rendered from the Sanskrit, not a published edition

PdP 2 67.98

अविचार्य नृपः कुर्यात्सोऽपि वै नरकं व्रजेत् । घृततैलान्नपानादि मधुमांस सुरासवम्

avicārya nṛpaḥ kuryātso'pi vai narakaṃ vrajet | ghṛtatailānnapānādi madhumāṃsa surāsavam

(If) a king acts without investigating, he too indeed goes to hell. Ghee, oil, food and drink and the like, honey, meat, liquor and spirits,

AI translation rendered from the Sanskrit, not a published edition

PdP 2 67.99

गुडेक्षुक्षीरशाकादि दधिमूलफलानि च । तृणकाष्ठं पुष्पपत्रं कांस्यभाजनमेव च

guḍekṣukṣīraśākādi dadhimūlaphalāni ca | tṛṇakāṣṭhaṃ puṣpapatraṃ kāṃsyabhājanameva ca

molasses, sugarcane, milk, vegetables and the like, curds, roots and fruits, grass and wood, flowers and leaves, and vessels of bell-metal,

AI translation rendered from the Sanskrit, not a published edition

PdP 2 67.100

उपानच्छत्रकटक शिबिकामासनं मृदु । ताम्रं सीसं त्रपुकांस्यं शंखाद्यं च जलोद्भवम्

upānacchatrakaṭaka śibikāmāsanaṃ mṛdu | tāmraṃ sīsaṃ trapukāṃsyaṃ śaṃkhādyaṃ ca jalodbhavam

sandal, parasol, bracelet, palanquin, a soft seat, copper, lead, tin, bell-metal, and conch and other things produced in water,

AI translation rendered from the Sanskrit, not a published edition

PdP 2 67.101

वादित्रं वेणुवंशाद्यं गृहोपस्करणानि च । ऊर्णाकार्पासकौशेय रंगपद्मोद्भवानि च

vāditraṃ veṇuvaṃśādyaṃ gṛhopaskaraṇāni ca | ūrṇākārpāsakauśeya raṃgapadmodbhavāni ca

a musical instrument, a flute of bamboo and the like, and household utensils, wool, cotton, silk, and things produced from lac and lotus (fibre),

AI translation rendered from the Sanskrit, not a published edition

PdP 2 67.102

तूलं सूक्ष्माणिवस्त्राणि ये लोभेन हरंति च । एवमादीनि चान्यानि द्रव्याणि विविधानि च

tūlaṃ sūkṣmāṇivastrāṇi ye lobhena haraṃti ca | evamādīni cānyāni dravyāṇi vividhāni ca

cotton-down, fine garments — those who steal (these) out of greed, and other various goods beginning with these,

AI translation rendered from the Sanskrit, not a published edition

PdP 2 67.103

नरकेषु द्रुतं गच्छेदपहृत्याल्पकान्यपि । यद्वा तद्वा परद्रव्यमपि सर्षपमात्रकम्

narakeṣu drutaṃ gacchedapahṛtyālpakānyapi | yadvā tadvā paradravyamapi sarṣapamātrakam

having stolen even small things, he goes swiftly to the hells. Whatever it may be, another's property even to the measure of a mustard seed —

AI translation rendered from the Sanskrit, not a published edition

PdP 2 67.104

अपहृत्य नरो याति नरके नात्र संशयः । बह्वल्पकाद्यपि तथा परस्य ममताकृतम्

apahṛtya naro yāti narake nātra saṃśayaḥ | bahvalpakādyapi tathā parasya mamatākṛtam

having stolen (it), a man goes to hell; there is no doubt of this. Likewise (in the case of) much or little and so on belonging to another, over which he has made a claim of ownership —

AI translation rendered from the Sanskrit, not a published edition

PdP 2 67.105

अपहृत्य नरो याति नरके नात्र संशयः । एवमाद्यैर्नरः पापैरुत्क्रांतिसमनंतरम्

apahṛtya naro yāti narake nātra saṃśayaḥ | evamādyairnaraḥ pāpairutkrāṃtisamanaṃtaram

having stolen (it), a man goes to hell; there is no doubt of this. By such sins as these a man, immediately after his departure (from the body),

AI translation rendered from the Sanskrit, not a published edition

PdP 2 67.106

शरीरघातनार्थाय पूर्वाकारमवाप्नुयात् । यमलोकं व्रजंत्येते शरीरस्था यमाज्ञया

śarīraghātanārthāya pūrvākāramavāpnuyāt | yamalokaṃ vrajaṃtyete śarīrasthā yamājñayā

obtains his former form for the sake of the punishment of the body; these, established in a body, go to Yama's world by Yama's command,

AI translation rendered from the Sanskrit, not a published edition

PdP 2 67.107

यमदूतैर्महाघोरैर्नीयमानाः सुदुःखिताः । देवतिर्यङ्मनुष्याणामधर्मनियतात्मनाम्

yamadūtairmahāghorairnīyamānāḥ suduḥkhitāḥ | devatiryaṅmanuṣyāṇāmadharmaniyatātmanām

being led by the very terrible messengers of Yama, greatly suffering. Of gods, animals and men whose selves are fixed in unrighteousness,

AI translation rendered from the Sanskrit, not a published edition

PdP 2 67.108

धर्मराजः स्मृतः शास्ता सुघोरैर्विविधैर्वधैः । विनयाचारयुक्तानां प्रमादान्मलिनात्मनाम्

dharmarājaḥ smṛtaḥ śāstā sughorairvividhairvadhaiḥ | vinayācārayuktānāṃ pramādānmalinātmanām

Dharmarāja is declared the chastiser, with various most terrible killings. Of those endowed with discipline and good conduct, whose selves are stained through carelessness,

AI translation rendered from the Sanskrit, not a published edition

PdP 2 67.109

प्रायश्चित्तैर्गुरुः शास्ता न च तैरीक्ष्यते यमः । पारदारिकचौराणामन्यायव्यवहारिणाम्

prāyaścittairguruḥ śāstā na ca tairīkṣyate yamaḥ | pāradārikacaurāṇāmanyāyavyavahāriṇām

the guru is the chastiser, by means of penances, and Yama is not seen by them. Of adulterers and thieves and those who conduct themselves unjustly,

AI translation rendered from the Sanskrit, not a published edition

PdP 2 67.110

नृपतिः शासकः प्रोक्तः प्रच्छन्नानां च धर्मराट् । तस्मात्कृतस्य पापस्य प्रायश्चित्तं समाचरेत्

nṛpatiḥ śāsakaḥ proktaḥ pracchannānāṃ ca dharmarāṭ | tasmātkṛtasya pāpasya prāyaścittaṃ samācaret

the king is said to be the chastiser, and of those (whose deeds are) concealed, Dharmarāja. Therefore one should duly perform penance for the sin one has committed.

AI translation rendered from the Sanskrit, not a published edition

PdP 2 67.111

नाभुक्तस्यान्यथा नाशः कल्पकोटिशतैरपि । यः करोति स्वयं कर्म कारयेद्वानुमोदयेत्

nābhuktasyānyathā nāśaḥ kalpakoṭiśatairapi | yaḥ karoti svayaṃ karma kārayedvānumodayet

For (sin) not consumed there is no destruction otherwise, even in hundreds of crores of kalpas. He who himself does a deed, or has it done, or consents to it,

AI translation rendered from the Sanskrit, not a published edition

PdP 2 67.112

कायेन मनसा वाचा तस्य चाधोगतिः फलम् । इति संक्षेपतः प्रोक्ताः पापभेदास्त्रिधाधुना

kāyena manasā vācā tasya cādhogatiḥ phalam | iti saṃkṣepataḥ proktāḥ pāpabhedāstridhādhunā

by body, by mind, by speech — for him the fruit is the downward course. Thus the kinds of sin have been declared in brief, in three ways; now

AI translation rendered from the Sanskrit, not a published edition

PdP 2 67.113

कथ्यंते गतयश्चित्रा नराणां पापकर्मणाम् । एतत्ते नृपते धर्म फलं प्रोक्तं सुविस्तरात्

kathyaṃte gatayaścitrā narāṇāṃ pāpakarmaṇām | etatte nṛpate dharma phalaṃ proktaṃ suvistarāt

the varied destinies of men of sinful deeds are being told. This, O righteous king, has been declared to you as the fruit (of unrighteousness), at great length.

AI translation rendered from the Sanskrit, not a published edition — the model flagged this verse as uncertain

PdP 2 67.114

अन्यत्किंते प्रवक्ष्यामि तन्मे ब्रूहि नरोत्तम । अधर्मस्य फलं प्रोक्तं धर्मस्यापि वदाम्यहम्

anyatkiṃte pravakṣyāmi tanme brūhi narottama | adharmasya phalaṃ proktaṃ dharmasyāpi vadāmyaham

What else shall I declare to you? Tell me that, O best of men. The fruit of unrighteousness has been declared; I shall tell of that of righteousness too.

AI translation rendered from the Sanskrit, not a published edition

PdP 2 67.115

इत्युक्त्वा मातलिस्तत्र राजानं सर्ववत्सलम् । तस्मिन्धर्मप्रसंगेन इत्याख्यातं महात्मना

ityuktvā mātalistatra rājānaṃ sarvavatsalam | tasmindharmaprasaṃgena ityākhyātaṃ mahātmanā

Having so spoken to the king, who was kindly toward all, Mātali there — thus was it narrated by that great one in connection with the subject of dharma.

AI translation rendered from the Sanskrit, not a published edition — the model flagged this verse as uncertain