Padma Purana — Bhumi Khanda — Chapter 64
PdP 2 64.1
पिप्पलउवाच- पितुःप्रसादभावाद्वै यदुना सुखमुत्तमम् । कथं प्राप्तं सुभुक्तं च तन्मे विस्तरतो वद
pippalauvāca- pituḥprasādabhāvādvai yadunā sukhamuttamam | kathaṃ prāptaṃ subhuktaṃ ca tanme vistarato vada
Pippala said: How was the highest happiness obtained and well enjoyed by Yadu through the state of his father's favour? Tell me that in detail.
AI translation rendered from the Sanskrit, not a published edition
PdP 2 64.2
कस्मात्पापप्रभावं च रुरुर्भुंक्ते द्विजोत्तम । सकलं विस्तरेणापि वद मे कुंडलात्मज
kasmātpāpaprabhāvaṃ ca rururbhuṃkte dvijottama | sakalaṃ vistareṇāpi vada me kuṃḍalātmaja
And why does Ruru undergo the effect of sin, O best of brahmins? Tell me the whole of it in detail as well, O son of Kuṇḍala.
AI translation rendered from the Sanskrit, not a published edition
PdP 2 64.3
सुकर्मोवाच- श्रूयतामभिधास्यामि चरित्रं पापनाशनम् । नहुषस्य सुपुण्यस्य ययातेश्च महात्मनः
sukarmovāca- śrūyatāmabhidhāsyāmi caritraṃ pāpanāśanam | nahuṣasya supuṇyasya yayāteśca mahātmanaḥ
Sukarman said: Let it be heard — I shall relate the sin-destroying life-story of the highly meritorious Nahuṣa and of the great-souled Yayāti.
AI translation rendered from the Sanskrit, not a published edition
PdP 2 64.4
सोमवंशात्प्रभूतो हि नहुषो मेदिनीपतिः । दानधर्माननेकांश्च चका रह्यतुलानपि
somavaṃśātprabhūto hi nahuṣo medinīpatiḥ | dānadharmānanekāṃśca cakā rahyatulānapi
Nahuṣa, lord of the earth, was born from the lunar lineage; and he performed many acts of charity and dharma, indeed incomparable ones.
AI translation rendered from the Sanskrit, not a published edition
PdP 2 64.5
मखानामश्वमेधानामियाज शतमुत्तमम् । वाजपेयशतं चापि अन्यान्यज्ञाननेकधा
makhānāmaśvamedhānāmiyāja śatamuttamam | vājapeyaśataṃ cāpi anyānyajñānanekadhā
Of sacrifices he offered a hundred excellent horse-sacrifices, and a hundred vājapeya rites too, and other sacrifices of many kinds.
AI translation rendered from the Sanskrit, not a published edition
PdP 2 64.6
आत्मनः पुण्यभावेन इंद्रलोकमवाप सः । पुत्रं धर्मगुणोपेतं प्रजापालं चकार सः
ātmanaḥ puṇyabhāvena iṃdralokamavāpa saḥ | putraṃ dharmaguṇopetaṃ prajāpālaṃ cakāra saḥ
By his own state of merit he attained the world of Indra; and he made his son, endowed with the qualities of dharma, the protector of the people —
AI translation rendered from the Sanskrit, not a published edition
PdP 2 64.7
ययातिं सत्यसंपन्नं धर्मवीर्यं महामतिम् । एंद्रं पदं गतो राजा तस्य पुत्रः पदे स्वके
yayātiṃ satyasaṃpannaṃ dharmavīryaṃ mahāmatim | eṃdraṃ padaṃ gato rājā tasya putraḥ pade svake
Yayāti, endowed with truth, whose strength was dharma, of great intelligence. The king went to the station of Indra, (and) his son (was set) in his own place.
AI translation rendered from the Sanskrit, not a published edition
PdP 2 64.8
ययातिः सत्यसंपन्नः प्रजा धर्मेण पालयेत् । स्वयमेव प्रपश्येत्स प्रजाकर्माणि तान्यपि
yayātiḥ satyasaṃpannaḥ prajā dharmeṇa pālayet | svayameva prapaśyetsa prajākarmāṇi tānyapi
Yayāti, endowed with truth, would protect his subjects according to dharma; he himself would look into those affairs of the people as well.
AI translation rendered from the Sanskrit, not a published edition
PdP 2 64.9
याजयामास धर्मज्ञः श्रुत्वा धर्ममनुत्तमम् । यज्ञतीर्थादिकं सर्वं दानपुण्यं चकार सः
yājayāmāsa dharmajñaḥ śrutvā dharmamanuttamam | yajñatīrthādikaṃ sarvaṃ dānapuṇyaṃ cakāra saḥ
Knowing dharma, having heard the supreme dharma, he had sacrifices performed; he did all the meritorious acts of giving, sacrifice, pilgrimage and the rest.
AI translation rendered from the Sanskrit, not a published edition
PdP 2 64.10
राज्यं चकार मेधावी सत्यधर्मेण वै तदा । यावदशीतिसहस्राणि वर्षाणां नृपनंदनः
rājyaṃ cakāra medhāvī satyadharmeṇa vai tadā | yāvadaśītisahasrāṇi varṣāṇāṃ nṛpanaṃdanaḥ
The wise one then ruled the kingdom by true dharma, that son of a king, for as long as eighty thousand years.
AI translation rendered from the Sanskrit, not a published edition
PdP 2 64.11
तावत्कालं गतं तस्य ययातेस्तु महात्मनः । तस्य पुत्राश्च चत्वारस्तद्वीर्यबलविक्रमाः
tāvatkālaṃ gataṃ tasya yayātestu mahātmanaḥ | tasya putrāśca catvārastadvīryabalavikramāḥ
That much time passed for him, for the great-souled Yayāti; and he had four sons, of valour, strength and prowess like his own.
AI translation rendered from the Sanskrit, not a published edition
PdP 2 64.12
तेषां नामानि वक्ष्यामि शृणुष्वैकाग्रमानसः । तस्यासीज्ज्येष्ठपुत्रस्तु रुरुर्नाम महाबलः
teṣāṃ nāmāni vakṣyāmi śṛṇuṣvaikāgramānasaḥ | tasyāsījjyeṣṭhaputrastu rururnāma mahābalaḥ
I shall tell their names; listen with a one-pointed mind. His eldest son was named Ruru, of great strength.
AI translation rendered from the Sanskrit, not a published edition
PdP 2 64.13
पुरुर्नाम द्वितीयोऽभूत्कुरुश्चान्यस्तृतीयकः । यदुर्नाम स धर्मात्मा चतुर्थो नृपतेः सुतः
pururnāma dvitīyo'bhūtkuruścānyastṛtīyakaḥ | yadurnāma sa dharmātmā caturtho nṛpateḥ sutaḥ
The second was named Puru, and another, the third, was Kuru; the fourth son of the king was the righteous one named Yadu.
AI translation rendered from the Sanskrit, not a published edition
PdP 2 64.14
एवं चत्वारः पुत्राश्च ययातेस्तु महात्मनः । तेजसा पौरुषेणापि पितृतुल्यपराक्रमाः
evaṃ catvāraḥ putrāśca yayātestu mahātmanaḥ | tejasā pauruṣeṇāpi pitṛtulyaparākramāḥ
Thus (there were) four sons of the great-souled Yayāti, in splendour and in manliness equal in prowess to their father.
AI translation rendered from the Sanskrit, not a published edition
PdP 2 64.15
एवं राज्यं कृतं तेन धर्मेणापि ययातिना । तस्य कीर्तिर्यशो भावस्त्रैलोक्ये प्रचुरोभवत्
evaṃ rājyaṃ kṛtaṃ tena dharmeṇāpi yayātinā | tasya kīrtiryaśo bhāvastrailokye pracurobhavat
Thus the kingdom was ruled by that Yayāti, and with dharma; his fame, glory and standing became abundant in the three worlds.
AI translation rendered from the Sanskrit, not a published edition
PdP 2 64.16
विष्णुरुवाच- एकदा तु द्विजश्रेष्ठो नारदो ब्रह्मनंदनः । एंद्रं लोकं गतो राजन्द्रष्टुं चैव पुरंदरम्
viṣṇuruvāca- ekadā tu dvijaśreṣṭho nārado brahmanaṃdanaḥ | eṃdraṃ lokaṃ gato rājandraṣṭuṃ caiva puraṃdaram
Viṣṇu said: Once, O king, the best of twice-born, Nārada, son of Brahmā, went to Indra's world to see Purandara.
AI translation rendered from the Sanskrit, not a published edition
PdP 2 64.17
सहस्राक्षस्ततोपश्यद्धुताशनसमप्रभम् । देवो विप्रं समायांतं सर्वज्ञं ज्ञानपंडितम्
sahasrākṣastatopaśyaddhutāśanasamaprabham | devo vipraṃ samāyāṃtaṃ sarvajñaṃ jñānapaṃḍitam
Then the thousand-eyed god saw the brahmin coming, radiant as fire, all-knowing, learned in knowledge.
AI translation rendered from the Sanskrit, not a published edition
PdP 2 64.18
पूजितं मधुपर्काद्यैर्भक्त्या नमितकंधरः । निवेश्य चासने पुण्ये पप्रच्छ मुनिपुंगवम्
pūjitaṃ madhuparkādyairbhaktyā namitakaṃdharaḥ | niveśya cāsane puṇye papraccha munipuṃgavam
With his neck bowed in devotion, having honoured him with the madhuparka and the rest and seated him on an auspicious seat, he questioned the bull among sages.
AI translation rendered from the Sanskrit, not a published edition
PdP 2 64.19
इंद्र उवाच- कस्मादागमनं तेद्य किमर्थमिह चागतः । किं ते हि सुप्रियं विप्र करोम्यद्य महामुने
iṃdra uvāca- kasmādāgamanaṃ tedya kimarthamiha cāgataḥ | kiṃ te hi supriyaṃ vipra karomyadya mahāmune
Indra said: From where is your coming today, and for what purpose have you come here? What is most pleasing to you, O brahmin — what shall I do today, great sage?
AI translation rendered from the Sanskrit, not a published edition
PdP 2 64.20
नारद उवाच- देवराज कृतं सर्वं भक्त्या यच्च प्रभाषितम् । संतुष्टोस्मि महाप्राज्ञ प्रश्नोत्तरं वदाम्यहम्
nārada uvāca- devarāja kṛtaṃ sarvaṃ bhaktyā yacca prabhāṣitam | saṃtuṣṭosmi mahāprājña praśnottaraṃ vadāmyaham
Nārada said: O king of gods, all has been done, and what was spoken with devotion; I am satisfied, O greatly wise one; I will speak the answer to your question.
AI translation rendered from the Sanskrit, not a published edition
PdP 2 64.21
महीलोकात्सुसंप्राप्तः सांप्रतं तव मंदिरम् । त्वामन्वेष्टुं समायातो दृष्ट्वा नाहुषमेव च
mahīlokātsusaṃprāptaḥ sāṃprataṃ tava maṃdiram | tvāmanveṣṭuṃ samāyāto dṛṣṭvā nāhuṣameva ca
I have just now arrived at your palace from the world of earth; I have come to seek you out, having seen the son of Nahuṣa.
AI translation rendered from the Sanskrit, not a published edition
PdP 2 64.22
इंद्र उवाच- सत्यधर्मेण को राजा प्रजाः पालयते सदा । सर्वधर्मसमायुक्तः श्रुतवाञ्ज्ञानवान्गुणी
iṃdra uvāca- satyadharmeṇa ko rājā prajāḥ pālayate sadā | sarvadharmasamāyuktaḥ śrutavāñjñānavānguṇī
Indra said: What king always protects his subjects with true dharma, endowed with all dharma, learned, wise, virtuous?
AI translation rendered from the Sanskrit, not a published edition
PdP 2 64.23
पृथिव्यामस्ति को राजा वेदज्ञो ब्राह्मणप्रियः । ब्रह्मण्यो वेदविच्छूरो यज्वा दाता सुभक्तिमान्
pṛthivyāmasti ko rājā vedajño brāhmaṇapriyaḥ | brahmaṇyo vedavicchūro yajvā dātā subhaktimān
What king is there on earth who knows the Vedas, is dear to brahmins, devoted to the brahmins, a knower of the Veda, a hero, a sacrificer, a giver, full of devotion?
AI translation rendered from the Sanskrit, not a published edition
PdP 2 64.24
नारद उवाच- एभिर्गुणैस्तु संयुक्तो नहुषस्यात्मजो बली । यस्य सत्येन वीर्येण सर्वे लोकाः प्रतिष्ठिताः
nārada uvāca- ebhirguṇaistu saṃyukto nahuṣasyātmajo balī | yasya satyena vīryeṇa sarve lokāḥ pratiṣṭhitāḥ
Nārada said: Endowed with these qualities is the mighty son of Nahuṣa, by whose truth and valour all the worlds are established.
AI translation rendered from the Sanskrit, not a published edition
PdP 2 64.25
भवादृशो हि भूर्लोके ययातिर्नहुषात्मजः । भवान्स्वर्गे स चैवास्ति भूतले भूतिवर्धनः
bhavādṛśo hi bhūrloke yayātirnahuṣātmajaḥ | bhavānsvarge sa caivāsti bhūtale bhūtivardhanaḥ
One like you indeed on the earth-world is Yayāti, the son of Nahuṣa; you are in heaven, and he is on the earth's surface, an increaser of prosperity.
AI translation rendered from the Sanskrit, not a published edition
PdP 2 64.26
पितुः श्रेष्ठो महाराज ह्यश्वमेधशतं तथा । वाजपेयशतं चक्रे ययातिः पृथिवीपतिः
pituḥ śreṣṭho mahārāja hyaśvamedhaśataṃ tathā | vājapeyaśataṃ cakre yayātiḥ pṛthivīpatiḥ
Better than his father, O great king — Yayāti, the lord of the earth, performed a hundred horse-sacrifices and likewise a hundred vājapeya sacrifices.
AI translation rendered from the Sanskrit, not a published edition
PdP 2 64.27
दत्तान्यनेकरूपाणि दानानि तेन भक्तितः । गवां लक्षसहस्राणि गवां कोटिशतानि च
dattānyanekarūpāṇi dānāni tena bhaktitaḥ | gavāṃ lakṣasahasrāṇi gavāṃ koṭiśatāni ca
Gifts of many kinds were given by him out of devotion: hundreds of thousands of cows, and hundreds of crores of cows.
AI translation rendered from the Sanskrit, not a published edition
PdP 2 64.28
कोटिहोमांश्चकाराथ लक्षहोमांस्तथैव च । भूमिदानादि दानानि ब्राह्मणेभ्योददाच्च यः
koṭihomāṃścakārātha lakṣahomāṃstathaiva ca | bhūmidānādi dānāni brāhmaṇebhyodadācca yaḥ
Then he performed oblations by the crore and likewise oblations by the lakh; and he it was who gave to the brahmins gifts (of many kinds), beginning with the gift of land.
AI translation rendered from the Sanskrit, not a published edition
PdP 2 64.29
सर्वं येन स्वरूपं हि धर्मस्य परिपालितम् । एवं गुणैः समायुक्तो ययातिर्नहुषात्मजः
sarvaṃ yena svarūpaṃ hi dharmasya paripālitam | evaṃ guṇaiḥ samāyukto yayātirnahuṣātmajaḥ
By him the whole proper form of dharma was indeed preserved. Endowed thus with (these) virtues (was) Yayāti, the son of Nahuṣa.
AI translation rendered from the Sanskrit, not a published edition
PdP 2 64.30
वर्षाणां तु सहस्राणि अशीतिर्नृपसत्तमः । राज्यं चकार सत्येन यथा दिवि भवानिह
varṣāṇāṃ tu sahasrāṇi aśītirnṛpasattamaḥ | rājyaṃ cakāra satyena yathā divi bhavāniha
For eighty thousand years that best of kings exercised his rule with truth, as you (do) here in heaven.
AI translation rendered from the Sanskrit, not a published edition
PdP 2 64.31
सुकर्मोवाच- एवमाकर्ण्य देवेंद्रो नारदात्स मुनीश्वरात् । समालोच्य स मेधावी संभीतो धर्मपालनात्
sukarmovāca- evamākarṇya deveṃdro nāradātsa munīśvarāt | samālocya sa medhāvī saṃbhīto dharmapālanāt
Sukarman said: Having heard this from Nārada, that lord of sages, Indra, the lord of the gods, wise as he was, reflected and became afraid because of (Yayāti's) upholding of dharma.
AI translation rendered from the Sanskrit, not a published edition
PdP 2 64.32
शतयज्ञप्रभावेण नहुषो हि पुरा मम । एंद्रं पदं गतो वीरो देवराजोभवत्पुरा
śatayajñaprabhāveṇa nahuṣo hi purā mama | eṃdraṃ padaṃ gato vīro devarājobhavatpurā
"For formerly, by the power of a hundred sacrifices, Nahuṣa, the hero, attained my station of Indra and became king of the gods in time past.
AI translation rendered from the Sanskrit, not a published edition
PdP 2 64.33
शची बुद्धिप्रभावेण पदभ्रष्टो व्यजायत । तादृशोयं महाराजः पितुस्तुल्यपराक्रमः
śacī buddhiprabhāveṇa padabhraṣṭo vyajāyata | tādṛśoyaṃ mahārājaḥ pitustulyaparākramaḥ
By the power of Śacī's wit he came to be cast down from that station. Such a one is this great king too, equal to his father in valour.
AI translation rendered from the Sanskrit, not a published edition
PdP 2 64.34
प्राप्स्यते नात्र संदेहः पदमैंद्रं न संशयः । येन केनाप्युपायेन तं भूपं दिवमानये
prāpsyate nātra saṃdehaḥ padamaiṃdraṃ na saṃśayaḥ | yena kenāpyupāyena taṃ bhūpaṃ divamānaye
He will attain—there is no doubt in this, no uncertainty—the station of Indra. By whatever means, let me bring that king to heaven."
AI translation rendered from the Sanskrit, not a published edition
PdP 2 64.35
इत्येवं चिंतयामास तस्माद्भीतः सुरेश्वरः । भूपालस्य नृपश्रेष्ठ ययातेः सुमहद्भयात्
ityevaṃ ciṃtayāmāsa tasmādbhītaḥ sureśvaraḥ | bhūpālasya nṛpaśreṣṭha yayāteḥ sumahadbhayāt
Thus, O best of kings, the lord of the gods, afraid of him, pondered, out of very great fear of the king, the earth's protector Yayāti.
AI translation rendered from the Sanskrit, not a published edition
PdP 2 64.36
तमानेतुं ततो दूतं प्रेषयामास देवराट् । नहुषस्य विमानं तु सर्वकामसमन्वितम्
tamānetuṃ tato dūtaṃ preṣayāmāsa devarāṭ | nahuṣasya vimānaṃ tu sarvakāmasamanvitam
Then the king of the gods sent a messenger to fetch him, together with Nahuṣa's chariot furnished with all that one could desire,
AI translation rendered from the Sanskrit, not a published edition
PdP 2 64.37
सारथिं मातलिं नाम विमानेन समन्वितम् । गतो हि मातलिस्तत्र यत्रास्ते नहुषात्मजः
sārathiṃ mātaliṃ nāma vimānena samanvitam | gato hi mātalistatra yatrāste nahuṣātmajaḥ
(namely) his charioteer named Mātali, provided with the chariot. And Mātali went there where the son of Nahuṣa was,
AI translation rendered from the Sanskrit, not a published edition
PdP 2 64.38
प्रहितः सुरराजेन समानेतुं महामतिम् । सभायां वर्त्तमानस्तु यथा इंद्र प्रःशोभते
prahitaḥ surarājena samānetuṃ mahāmatim | sabhāyāṃ varttamānastu yathā iṃdra praḥśobhate
sent by the king of the gods to fetch that great-minded one. And as Indra shines when present in his assembly,
AI translation rendered from the Sanskrit, not a published edition
PdP 2 64.39
तथा ययातिर्धर्मात्मा स्वसभायां विराजते । तमुवाच महात्मानं राजानं सत्यभूषणम्
tathā yayātirdharmātmā svasabhāyāṃ virājate | tamuvāca mahātmānaṃ rājānaṃ satyabhūṣaṇam
so does Yayāti, whose nature is dharma, shine in his own assembly. To him, the great-souled king adorned with truth, he said:
AI translation rendered from the Sanskrit, not a published edition
PdP 2 64.40
सारथिर्देवराजस्य शृणु राजन्वचो मम । प्रहितो देवराजेन सकाशं तव सांप्रतम्
sārathirdevarājasya śṛṇu rājanvaco mama | prahito devarājena sakāśaṃ tava sāṃpratam
"(I am) the charioteer of the king of the gods; hear my words, O king. I have now been sent by the king of the gods into your presence.
AI translation rendered from the Sanskrit, not a published edition
PdP 2 64.41
यद्ब्रूते देवराजस्तु तत्सर्वं सुमनाः कुरु । आगंतव्यं त्वया देव एंद्रं लोकं हि नान्यथा
yadbrūte devarājastu tatsarvaṃ sumanāḥ kuru | āgaṃtavyaṃ tvayā deva eṃdraṃ lokaṃ hi nānyathā
Whatever the king of the gods says, do all of that gladly. You must come, O lord, to Indra's world—it cannot be otherwise.
AI translation rendered from the Sanskrit, not a published edition
PdP 2 64.42
पुत्रे राज्यं विसृज्यैव कृत्वा चांतेष्टिमुत्तमाम् । इलो राजा महातेजा वसते नहुषात्मज
putre rājyaṃ visṛjyaiva kṛtvā cāṃteṣṭimuttamām | ilo rājā mahātejā vasate nahuṣātmaja
Having relinquished the kingdom to his son and performed the excellent final rite, King Ila of great splendour dwells (there), O son of Nahuṣa;
AI translation rendered from the Sanskrit, not a published edition
PdP 2 64.43
पुरूरवा महावीर्यो विप्रचित्तिर्महामनाः । शिबिर्वसति तत्रैव मनुरिक्ष्वाकु भूपतिः
purūravā mahāvīryo vipracittirmahāmanāḥ | śibirvasati tatraiva manurikṣvāku bhūpatiḥ
Purūravas of great might, high-minded Vipracitti, Śibi dwells in that very place, Manu, and King Ikṣvāku;
AI translation rendered from the Sanskrit, not a published edition
PdP 2 64.44
सगरो नाम मेधावी नहुषश्च पिता तव । ऋतवीर्यः कृतज्ञश्च शंतनुश्च महामनाः
sagaro nāma medhāvī nahuṣaśca pitā tava | ṛtavīryaḥ kṛtajñaśca śaṃtanuśca mahāmanāḥ
the wise one named Sagara, and Nahuṣa your father, and Ṛtavīrya and Kṛtajña, and high-minded Śaṃtanu;
AI translation rendered from the Sanskrit, not a published edition
PdP 2 64.45
भरतो युवनाश्वश्च कार्तवीर्यो नरेश्वरः । यज्ञानाहृत्य बहुधा मोदंते दिवि भूभृतः
bharato yuvanāśvaśca kārtavīryo nareśvaraḥ | yajñānāhṛtya bahudhā modaṃte divi bhūbhṛtaḥ
Bharata and Yuvanāśva, and Kārtavīrya lord of men—having offered up sacrifices in many ways, these upholders of the earth rejoice in heaven;
AI translation rendered from the Sanskrit, not a published edition
PdP 2 64.46
अन्ये चैव तु राजानो यज्ञकर्मसु तत्पराः । सर्वे ते दिवि चेंद्रेण मोदंते स्वेन कर्मणा
anye caiva tu rājāno yajñakarmasu tatparāḥ | sarve te divi ceṃdreṇa modaṃte svena karmaṇā
and other kings too, devoted to the works of sacrifice—all of them rejoice in heaven with Indra by their own deeds.
AI translation rendered from the Sanskrit, not a published edition
PdP 2 64.47
त्वं पुनः सर्वधर्मज्ञः सर्वधर्मेषु संस्थितः । शक्रेण सह मोदस्व स्वर्गलोके महीपते
tvaṃ punaḥ sarvadharmajñaḥ sarvadharmeṣu saṃsthitaḥ | śakreṇa saha modasva svargaloke mahīpate
You, moreover, know every dharma and are established in all the dharmas: rejoice together with Śakra in the world of heaven, O lord of the earth.
AI translation rendered from the Sanskrit, not a published edition
PdP 2 64.48
ययातिरुवाच- किं मया तत्कृतं कर्म येन मय्यर्थिता तव । इंद्रस्य देवराजस्य तत्सर्वं मे वदस्व च
yayātiruvāca- kiṃ mayā tatkṛtaṃ karma yena mayyarthitā tava | iṃdrasya devarājasya tatsarvaṃ me vadasva ca
Yayāti said: What deed have I done, by which this request of yours (comes) to me — of Indra, the king of the gods? Tell me all that.
AI translation rendered from the Sanskrit, not a published edition
PdP 2 64.49
मातलिरुवाच- [http://www.angelfire.com/in4/vedastudy/pur_index23/matali.htm मातलि उपरि टिप्पणी] यदशीतिसहस्राणि वर्षाणां हि त्वया नृप । दानपुण्यादिकं कर्म यज्ञैस्तु परिसाधितम्
mātaliruvāca- [http://www.angelfire.com/in4/vedastudy/pur_index23/matali.htm mātali upari ṭippaṇī] yadaśītisahasrāṇi varṣāṇāṃ hi tvayā nṛpa | dānapuṇyādikaṃ karma yajñaistu parisādhitam
Mātali said: Because for eighty thousand years, O king, deeds such as gifts and merit were accomplished by you, together with sacrifices —
AI translation rendered from the Sanskrit, not a published edition
PdP 2 64.50
दिवं गच्छ महाराज कर्मणा स्वेन भूपते । सखित्वं देवराजेन कुरु गच्छ सुरालयम्
divaṃ gaccha mahārāja karmaṇā svena bhūpate | sakhitvaṃ devarājena kuru gaccha surālayam
Go to heaven, O great king, by your own deeds, O lord of the earth; make friendship with the king of the gods — go to the abode of the gods.
AI translation rendered from the Sanskrit, not a published edition
PdP 2 64.51
पंचात्मकं शरीरं च भूमौ त्यज महामते । दिव्यरूपं समास्थाय भुंक्ष्व भोगान्मनोनुगान्
paṃcātmakaṃ śarīraṃ ca bhūmau tyaja mahāmate | divyarūpaṃ samāsthāya bhuṃkṣva bhogānmanonugān
And abandon on earth this body made of the five (elements), O great-minded one; taking on a divine form, enjoy pleasures that follow your wish.
AI translation rendered from the Sanskrit, not a published edition
PdP 2 64.52
यथायथा कृता भूमौ यज्ञा दानं तपश्च ते । तथातथा स्वर्गभोगाः प्रार्थयंते नरेश्वर
yathāyathā kṛtā bhūmau yajñā dānaṃ tapaśca te | tathātathā svargabhogāḥ prārthayaṃte nareśvara
Just as sacrifices, giving, and austerity were performed by you on earth, so do the enjoyments of heaven solicit (you), O lord of men.
AI translation rendered from the Sanskrit, not a published edition
PdP 2 64.53
ययातिरुवाच- येन कायेन सिध्येत सुकृतं दुष्कृतं भुवि । मातले तत्कथं त्यक्त्वा गच्छेल्लोकमुपार्जितम्
yayātiruvāca- yena kāyena sidhyeta sukṛtaṃ duṣkṛtaṃ bhuvi | mātale tatkathaṃ tyaktvā gacchellokamupārjitam
Yayāti said: The body by which good and evil deeds are accomplished on earth — how, Mātali, having abandoned it, should one go to the world (one has) earned?
AI translation rendered from the Sanskrit, not a published edition
PdP 2 64.54
मातलिरुवाच- यत्रैवोपार्जितं कायं पंचात्मकमिदं नृप । तत्तत्रैव परित्यज्य दिव्येनैव व्रजंति तम्
mātaliruvāca- yatraivopārjitaṃ kāyaṃ paṃcātmakamidaṃ nṛpa | tattatraiva parityajya divyenaiva vrajaṃti tam
Mātali said: Just where this body made of the five (elements) was earned, O king, right there they leave it behind and go to that (world) with a divine (body) alone.
AI translation rendered from the Sanskrit, not a published edition
PdP 2 64.55
इतरे मानवाः सर्वे पापपुण्यप्रसाधकाः । तेऽपि कायं परित्यज्य अधऊर्ध्वं व्रजंति वै
itare mānavāḥ sarve pāpapuṇyaprasādhakāḥ | te'pi kāyaṃ parityajya adhaūrdhvaṃ vrajaṃti vai
All other men too, the doers of sin and merit, they also, leaving the body behind, go downward or upward.
AI translation rendered from the Sanskrit, not a published edition
PdP 2 64.56
ययातिरुवाच- पंचात्मकेन कायेन सुकृतं दुष्कृतं नराः । उत्पाद्यैव प्रयांत्येव अधऊर्ध्वं तु मातले
yayātiruvāca- paṃcātmakena kāyena sukṛtaṃ duṣkṛtaṃ narāḥ | utpādyaiva prayāṃtyeva adhaūrdhvaṃ tu mātale
Yayāti said: With the body made of five (elements) men produce good and evil deeds and then depart, downward or upward, O Mātali.
AI translation rendered from the Sanskrit, not a published edition
PdP 2 64.57
को विशेषो हि धर्मज्ञ भूमौ कायं परित्यजेत् । पापपुण्यप्रभावाद्वै कायस्य पतनं भवेत्
ko viśeṣo hi dharmajña bhūmau kāyaṃ parityajet | pāpapuṇyaprabhāvādvai kāyasya patanaṃ bhavet
What difference is there, O knower of dharma, (whether) one abandons the body on earth? By the force of sin and merit the falling away of the body would occur (anyway).
AI translation rendered from the Sanskrit, not a published edition — the model flagged this verse as uncertain
PdP 2 64.58
दृष्टांतो दृश्यते सूत प्रत्यक्षं मर्त्यमंडले । विशेषं नैव पश्यामि पापपुण्यस्य चाधिकम्
dṛṣṭāṃto dṛśyate sūta pratyakṣaṃ martyamaṃḍale | viśeṣaṃ naiva paśyāmi pāpapuṇyasya cādhikam
The example is seen plainly, O Sūta, in the realm of mortals; I see no further distinction of sin and merit.
AI translation rendered from the Sanskrit, not a published edition — the model flagged this verse as uncertain
PdP 2 64.59
सत्यधर्मादिकं कर्म येन कायेन मानवः । समर्जयति वै मर्त्यस्तं कस्माद्विप्रसर्जयेत्
satyadharmādikaṃ karma yena kāyena mānavaḥ | samarjayati vai martyastaṃ kasmādviprasarjayet
The body by which a man, a mortal, earns deeds such as truth and dharma — why should he cast that away?
AI translation rendered from the Sanskrit, not a published edition
PdP 2 64.60
आत्मा कायश्च द्वावेतौ मित्ररूपावुभावपि । कायं मित्रं परित्यज्य आत्मा याति सुनिश्चितः
ātmā kāyaśca dvāvetau mitrarūpāvubhāvapi | kāyaṃ mitraṃ parityajya ātmā yāti suniścitaḥ
The self and the body, these two, are both in the form of friends; abandoning the body, its friend, the self goes off, quite resolved.
AI translation rendered from the Sanskrit, not a published edition
PdP 2 64.61
मातलिरुवाच- सत्यमुक्तं त्वया राजन्कायं त्यक्त्वा प्रयाति सः । संबंधो नास्ति तेनापि समं कायेन चात्मनः
mātaliruvāca- satyamuktaṃ tvayā rājankāyaṃ tyaktvā prayāti saḥ | saṃbaṃdho nāsti tenāpi samaṃ kāyena cātmanaḥ
Mātali said: You have spoken truly, O king: leaving the body, he departs; nor is there any bond of the self with that body at all.
AI translation rendered from the Sanskrit, not a published edition
PdP 2 64.62
यस्मात्पंचत्वरूपोऽयं संधिजर्जरितः सदा । जरया पीड्यमानस्तु व्याधिभिर्दूषितः सदा
yasmātpaṃcatvarūpo'yaṃ saṃdhijarjaritaḥ sadā | jarayā pīḍyamānastu vyādhibhirdūṣitaḥ sadā
Because this (body), of the nature of the five, is always decrepit at its joints, oppressed by old age and always spoiled by diseases —
AI translation rendered from the Sanskrit, not a published edition
PdP 2 64.63
जरादोषैः प्रभग्नोऽसौ अत्र स्थातुं स नेच्छति । आकुलव्याकुलो भूत्वा जीवस्त्यक्त्वा प्रयाति सः
jarādoṣaiḥ prabhagno'sau atra sthātuṃ sa necchati | ākulavyākulo bhūtvā jīvastyaktvā prayāti saḥ
Broken down by the defects of old age, it does not wish to remain here; becoming utterly agitated, that living being abandons (it) and departs.
AI translation rendered from the Sanskrit, not a published edition
PdP 2 64.64
सत्येन धर्मपुण्यैश्च दानैर्नियमसंयमैः । अश्वमेधादिभिर्यज्ञैस्तीर्थैः संयमनैस्तथा
satyena dharmapuṇyaiśca dānairniyamasaṃyamaiḥ | aśvamedhādibhiryajñaistīrthaiḥ saṃyamanaistathā
By truth, by dharma and merits, by gifts, by observances and restraints, by sacrifices such as the horse-sacrifice, by pilgrimages and by self-controls —
AI translation rendered from the Sanskrit, not a published edition
PdP 2 64.65
सुपुण्यैः सुकृतैश्चान्यैर्जरा नैव प्रधार्यते । पातकैश्च महाराज द्रवते कायमेव सा
supuṇyaiḥ sukṛtaiścānyairjarā naiva pradhāryate | pātakaiśca mahārāja dravate kāyameva sā
by great merits and by other good deeds, old age is not held off; and by grievous sins, O great king, it (old age) makes the body run down.
AI translation rendered from the Sanskrit, not a published edition — the model flagged this verse as uncertain
PdP 2 64.66
ययातिरुवाच- कस्माज्जरा समुत्पन्ना कस्मात्कायं प्रपीडयेत् । मम विस्तरतस्त्वं च वक्तुमर्हसि सत्तम
yayātiruvāca- kasmājjarā samutpannā kasmātkāyaṃ prapīḍayet | mama vistaratastvaṃ ca vaktumarhasi sattama
Yayāti said: From what has old age arisen, and why does it afflict the body? You ought to tell me this in detail, O best of the good.
AI translation rendered from the Sanskrit, not a published edition
PdP 2 64.67
मातलिरुवाच- हंत ते वर्णयिष्यामि जरायाः परिकारणम् । यस्माच्चेयं समुद्भूता कायमध्ये नृपोत्तम
mātaliruvāca- haṃta te varṇayiṣyāmi jarāyāḥ parikāraṇam | yasmācceyaṃ samudbhūtā kāyamadhye nṛpottama
Mātali said: Well then, I shall describe to you the whole cause of old age, and from what it has arisen within the body, O best of kings.
AI translation rendered from the Sanskrit, not a published edition
PdP 2 64.68
पंचभूतात्मकः कायो विषयैः पंचभिः श्रितः । यदात्मा त्यजते राजन्स कायः परिधक्ष्यते
paṃcabhūtātmakaḥ kāyo viṣayaiḥ paṃcabhiḥ śritaḥ | yadātmā tyajate rājansa kāyaḥ paridhakṣyate
The body consists of the five elements and is attended by the five sense-objects; when the self abandons it, O king, that body will be burnt up.
AI translation rendered from the Sanskrit, not a published edition
PdP 2 64.69
वह्निना दीप्यमानस्तु सरसो ज्वलते नृप । तस्माद्विजायते धूमो धूमान्मेघाश्च जज्ञिरे
vahninā dīpyamānastu saraso jvalate nṛpa | tasmādvijāyate dhūmo dhūmānmeghāśca jajñire
Blazing with fire, O king, the lake boils; from that smoke is born, and from smoke the clouds arose.
AI translation rendered from the Sanskrit, not a published edition
PdP 2 64.70
मेघादापः प्रवर्तंते अद्भ्यः पृथ्वी प्रकल्पते । जलमायाति साध्वी सा यथा नारी रजस्वला
meghādāpaḥ pravartaṃte adbhyaḥ pṛthvī prakalpate | jalamāyāti sādhvī sā yathā nārī rajasvalā
From the cloud waters proceed; from the waters earth is formed. Water comes as that virtuous woman does, like a woman in her courses.
AI translation rendered from the Sanskrit, not a published edition — the model flagged this verse as uncertain
PdP 2 64.71
तस्मात्प्रजायते गंधो गंधाद्रसो नृपोत्तम । रसात्प्रभवते चान्नमन्नाच्छुक्रं न संशयः
tasmātprajāyate gaṃdho gaṃdhādraso nṛpottama | rasātprabhavate cānnamannācchukraṃ na saṃśayaḥ
From that smell is produced, from smell taste, O best of kings; from taste food arises, and from food semen — there is no doubt.
AI translation rendered from the Sanskrit, not a published edition
PdP 2 64.72
शुक्राद्धि जायते कायः कुरूपः काय एव च । यथा पृथ्वी सृजेद्गंधान्रसैश्चरति भूतले
śukrāddhi jāyate kāyaḥ kurūpaḥ kāya eva ca | yathā pṛthvī sṛjedgaṃdhānrasaiścarati bhūtale
From semen indeed the body is born, and the body is ill-formed. As the earth generates smells and moves upon the ground with its sap-juices,
AI translation rendered from the Sanskrit, not a published edition — the model flagged this verse as uncertain
PdP 2 64.73
तथा कायश्चरेन्नित्यं रसाधारो हि सर्वशः । गंधश्च जायते तस्माद्गंधाद्रसो भवेत्पुनः
tathā kāyaścarennityaṃ rasādhāro hi sarvaśaḥ | gaṃdhaśca jāyate tasmādgaṃdhādraso bhavetpunaḥ
so the body moves always, for it rests wholly on sap; and smell is born from that, and from smell sap comes to be again.
AI translation rendered from the Sanskrit, not a published edition
PdP 2 64.74
तस्माज्जज्ञे महावह्निर्दृष्टांतं पश्य भूपते । यथा काष्ठाद्भवेद्वह्निः पुनः काष्ठं प्रकाशयेत्
tasmājjajñe mahāvahnirdṛṣṭāṃtaṃ paśya bhūpate | yathā kāṣṭhādbhavedvahniḥ punaḥ kāṣṭhaṃ prakāśayet
From that the great fire was born — see the illustration, O lord of the earth: as fire arises from wood and in turn illumines the wood,
AI translation rendered from the Sanskrit, not a published edition
PdP 2 64.75
कायमध्ये रसादग्निस्तद्वदेव प्रजायते । तत्र संचरते नित्यं कायं पुष्णाति भूपते
kāyamadhye rasādagnistadvadeva prajāyate | tatra saṃcarate nityaṃ kāyaṃ puṣṇāti bhūpate
just so, within the body, fire is produced from the sap; there it moves constantly and nourishes the body, O lord of the earth.
AI translation rendered from the Sanskrit, not a published edition
PdP 2 64.76
यावद्रसस्य चाधिक्यं तावज्जीवः प्रशांतिमान् । चरित्वा तादृशं वह्निः क्षुधारूपेण वर्तते
yāvadrasasya cādhikyaṃ tāvajjīvaḥ praśāṃtimān | caritvā tādṛśaṃ vahniḥ kṣudhārūpeṇa vartate
As long as there is an abundance of sap, so long is the living being at ease; having moved about in such a state, the fire becomes present in the form of hunger.
AI translation rendered from the Sanskrit, not a published edition
PdP 2 64.77
अन्नमिच्छत्यसौ तीव्रः पयसा च समन्वितम् । प्रदानं लभते चान्नमुदकं चापि भूपते
annamicchatyasau tīvraḥ payasā ca samanvitam | pradānaṃ labhate cānnamudakaṃ cāpi bhūpate
That fierce (fire) desires food together with milk; and it obtains the offering of food and also water, O lord of the earth.
AI translation rendered from the Sanskrit, not a published edition
PdP 2 64.78
शोणितं चरते वह्निस्तद्वद्वीर्यं न संशयः । यक्ष्मरोगो भवेत्तस्मात्सर्वकायप्रणाशकः
śoṇitaṃ carate vahnistadvadvīryaṃ na saṃśayaḥ | yakṣmarogo bhavettasmātsarvakāyapraṇāśakaḥ
The fire consumes the blood, and likewise the seminal vigour — no doubt of it; from that arises consumption, the disease that destroys the whole body.
AI translation rendered from the Sanskrit, not a published edition
PdP 2 64.79
रसाधिक्यं भवेद्राजन्नथ वह्निः प्रशाम्यति । रसेन पीड्यमानस्तु ज्वररूपोभिजायते
rasādhikyaṃ bhavedrājannatha vahniḥ praśāmyati | rasena pīḍyamānastu jvararūpobhijāyate
When there is an excess of sap, O king, then the fire is quenched; but being oppressed by the sap, it arises in the form of fever.
AI translation rendered from the Sanskrit, not a published edition
PdP 2 64.80
ग्रीवा पृष्ठं कटिं पायुं सर्वास्वेव तु संधिषु । आरुध्य तिष्ठते वह्निः काये वह्निः प्रवर्तते
grīvā pṛṣṭhaṃ kaṭiṃ pāyuṃ sarvāsveva tu saṃdhiṣu | ārudhya tiṣṭhate vahniḥ kāye vahniḥ pravartate
Having seized the neck, the back, the waist, the anus, and indeed all the joints, the fire remains there; the fire spreads through the body.
AI translation rendered from the Sanskrit, not a published edition
PdP 2 64.81
तस्याऽधिक्यं चरेन्नित्यं कायं पुष्णाति सर्वतः । रसस्तु बंधमायाति बलरूपो भवेत्तदा
tasyā'dhikyaṃ carennityaṃ kāyaṃ puṣṇāti sarvataḥ | rasastu baṃdhamāyāti balarūpo bhavettadā
Its excess moves constantly and nourishes the body on every side; but the sap comes to be bound, and then takes the form of strength.
AI translation rendered from the Sanskrit, not a published edition
PdP 2 64.82
अतिरिक्तो बलेनैव वीर्यान्मर्माणि चालयेत् । तेनैव जायते कामः शल्यरूपो भवेन्नृप
atirikto balenaiva vīryānmarmāṇi cālayet | tenaiva jāyate kāmaḥ śalyarūpo bhavennṛpa
Being in excess through that very strength, it stirs the vital points by its virile force; by that very thing desire is born, and it becomes like a barb, O king.
AI translation rendered from the Sanskrit, not a published edition
PdP 2 64.83
सकामाग्निः समाख्यातो बलनाशकरो नृप । मैथुनस्य प्रसंगेन विनाशत्वं कलेवरे
sakāmāgniḥ samākhyāto balanāśakaro nṛpa | maithunasya prasaṃgena vināśatvaṃ kalevare
This is declared to be the fire of desire, which destroys strength, O king; through indulgence in sexual union there comes destruction in the body.
AI translation rendered from the Sanskrit, not a published edition
PdP 2 64.84
नारीं च संश्रयेत्प्राणी पीडितः कामवह्निना । मैथुनस्य प्रसंगेन मूर्छितः कामकर्शितः
nārīṃ ca saṃśrayetprāṇī pīḍitaḥ kāmavahninā | maithunasya prasaṃgena mūrchitaḥ kāmakarśitaḥ
And the living being, tormented by the fire of desire, resorts to a woman; through indulgence in sexual union he becomes swooning, wasted by desire.
AI translation rendered from the Sanskrit, not a published edition
PdP 2 64.85
तेजोहीनो भवेत्कायो बलहानिश्च जायते । बलहीनो यदा स्याद्वै दुर्बलो वह्निनेरितः
tejohīno bhavetkāyo balahāniśca jāyate | balahīno yadā syādvai durbalo vahnineritaḥ
The body becomes bereft of vitality, and loss of strength occurs; when he becomes strengthless, weak, driven on by the fire,
AI translation rendered from the Sanskrit, not a published edition
PdP 2 64.86
स वह्निः प्रचरेत्काये शोणितं शुक्रमेव च । शुक्रशोणितयोर्नाशाच्छून्यदेहोभिजायते
sa vahniḥ pracaretkāye śoṇitaṃ śukrameva ca | śukraśoṇitayornāśācchūnyadehobhijāyate
that fire courses through the body, and (consumes) blood and semen too; from the destruction of semen and blood the body becomes empty.
AI translation rendered from the Sanskrit, not a published edition
PdP 2 64.87
अतीव जायते वायुः प्रचंडो दारुणाकृतिः । विवर्णो दुःखसंतप्तः शून्यबुद्धिस्ततो भवेत्
atīva jāyate vāyuḥ pracaṃḍo dāruṇākṛtiḥ | vivarṇo duḥkhasaṃtaptaḥ śūnyabuddhistato bhavet
Wind arises exceedingly, violent, of dreadful form; then he becomes discoloured, scorched with pain, and empty of understanding.
AI translation rendered from the Sanskrit, not a published edition
PdP 2 64.88
दृष्टा श्रुता तु या नारी तच्चित्तो भ्रमते सदा । तृप्तिर्न जायते काये लोलुपे चित्तवर्त्मनि
dṛṣṭā śrutā tu yā nārī taccitto bhramate sadā | tṛptirna jāyate kāye lolupe cittavartmani
Whatever woman he has seen or heard of, his mind fixed on her wanders about constantly; no satisfaction arises in the body when the course of the mind is greedy.
AI translation rendered from the Sanskrit, not a published edition
PdP 2 64.89
विरूपश्च सुरूपश्च ध्यानान्मध्ये प्रजायते । बलहीनो यदा कामी मांसशोणितसंक्षयात्
virūpaśca surūpaśca dhyānānmadhye prajāyate | balahīno yadā kāmī māṃsaśoṇitasaṃkṣayāt
In the midst of his brooding (a woman) is born now ugly, now beautiful; when the lustful man becomes weak from the wasting away of his flesh and blood—
AI translation rendered from the Sanskrit, not a published edition — the model flagged this verse as uncertain
PdP 2 64.90
पलितं जायते काये नाशिते कामवह्निना । तस्मात्संजायते कामी वृद्धो भूत्वा दिनेदिने
palitaṃ jāyate kāye nāśite kāmavahninā | tasmātsaṃjāyate kāmī vṛddho bhūtvā dinedine
grey hair appears on the body when it is consumed by the fire of desire; thus the lustful man, becoming old day by day, comes to be (what he is).
AI translation rendered from the Sanskrit, not a published edition
PdP 2 64.91
सुरते चिंतते नारीं यथा वार्द्धुषिको नरः । तथातथा भवेद्धानिस्तेजसोऽस्य नरेश्वर
surate ciṃtate nārīṃ yathā vārddhuṣiko naraḥ | tathātathā bhaveddhānistejaso'sya nareśvara
In lovemaking he broods upon the woman as a usurer (broods on his money); just so, O lord of men, there comes about a loss of his vital energy.
AI translation rendered from the Sanskrit, not a published edition
PdP 2 64.92
तस्मात्प्रजायते कायो नाशरूपं समृच्छति । अग्निः प्रजायते भूयो जरारूपो न संशयः
tasmātprajāyate kāyo nāśarūpaṃ samṛcchati | agniḥ prajāyate bhūyo jarārūpo na saṃśayaḥ
Therefore the body comes into being (only to) meet with the form of destruction; and again fire arises in the form of old age—there is no doubt.
AI translation rendered from the Sanskrit, not a published edition — the model flagged this verse as uncertain
PdP 2 64.93
प्राणिनां क्षयरूपेण ज्वरो भवति दारुणः । स्थावरा जंगमाः सर्वे ज्वरेण परिपीडिताः
prāṇināṃ kṣayarūpeṇa jvaro bhavati dāruṇaḥ | sthāvarā jaṃgamāḥ sarve jvareṇa paripīḍitāḥ
By way of the wasting of living beings a terrible fever arises; all beings, unmoving and moving, are tormented by fever.
AI translation rendered from the Sanskrit, not a published edition
PdP 2 64.94
नाशमायांति ते सर्वे बहुपीडा प्रपीडिताः । एतत्ते सर्वमाख्यातमन्यत्किं ते वदाम्यहम्
nāśamāyāṃti te sarve bahupīḍā prapīḍitāḥ | etatte sarvamākhyātamanyatkiṃ te vadāmyaham
They all go to destruction, afflicted with many afflictions. All this has been declared to you; what else shall I tell you?
AI translation rendered from the Sanskrit, not a published edition
PdP 2 64.95
एवमुक्तो महाराजो मातलिं वाक्यमब्रवीत्
evamukto mahārājo mātaliṃ vākyamabravīt
Addressed thus, the great king spoke these words to Mātali.
AI translation rendered from the Sanskrit, not a published edition