Padma Purana — Bhumi Khanda — Chapter 60
PdP 2 60.1
कृकल उवाच- कथं मे जायते सिद्धिः कथं पितृविमोचनम् । एतन्मे विस्तरेणापि धर्मराज वदाधुना
kṛkala uvāca- kathaṃ me jāyate siddhiḥ kathaṃ pitṛvimocanam | etanme vistareṇāpi dharmarāja vadādhunā
Kṛkala said: How does accomplishment come to me? How is the release of the fathers (achieved)? Tell me this now in detail, O King of Dharma.
AI translation rendered from the Sanskrit, not a published edition
PdP 2 60.2
धर्म उवाच- गच्छ गेहं महाभाग त्वां विना दुःखमाचरत् । संबोधय त्वं सुकलां स्वपत्नीं धर्मचारिणीम्
dharma uvāca- gaccha gehaṃ mahābhāga tvāṃ vinā duḥkhamācarat | saṃbodhaya tvaṃ sukalāṃ svapatnīṃ dharmacāriṇīm
Dharma said: Go home, greatly fortunate one — without you she has suffered misery. Instruct your own wife Sukalā, who walks in dharma.
AI translation rendered from the Sanskrit, not a published edition
PdP 2 60.3
श्राद्धदानं गृहं गत्वा तस्या हस्तेन वै कुरु । स्मृत्वा पुण्यानि तीर्थानि यजस्व त्वं सुरोत्तमान्
śrāddhadānaṃ gṛhaṃ gatvā tasyā hastena vai kuru | smṛtvā puṇyāni tīrthāni yajasva tvaṃ surottamān
Having gone home, perform the śrāddha offering by her hand; and calling to mind the holy fords, worship the highest of the gods.
AI translation rendered from the Sanskrit, not a published edition
PdP 2 60.4
तीर्थयात्राकृता सिद्धिस्तव चैव भविष्यति । भार्यां विना तु यो लोके धर्मं साधितुमिच्छति
tīrthayātrākṛtā siddhistava caiva bhaviṣyati | bhāryāṃ vinā tu yo loke dharmaṃ sādhitumicchati
And the accomplishment made by the pilgrimage will indeed be yours. But he who in this world wishes to accomplish dharma without a wife—
AI translation rendered from the Sanskrit, not a published edition
PdP 2 60.5
स गार्हस्थ्यं विलोप्यैव एकाकी विचरेद्वनम् । विफलो जायते लोके तं न मन्यंति देवताः
sa gārhasthyaṃ vilopyaiva ekākī vicaredvanam | viphalo jāyate loke taṃ na manyaṃti devatāḥ
—destroying the householder's state, he would roam the forest alone; he becomes fruitless in the world, and the gods do not regard him.
AI translation rendered from the Sanskrit, not a published edition
PdP 2 60.6
यज्ञाः सिद्धिं तदायांति यदा स्याद्गृहिणी गृहे । एकाकी स समर्थो न धर्मार्थसाधनाय च
yajñāḥ siddhiṃ tadāyāṃti yadā syādgṛhiṇī gṛhe | ekākī sa samartho na dharmārthasādhanāya ca
Sacrifices attain their accomplishment when there is a mistress in the house; alone, he is not capable of accomplishing dharma and (its) purpose.
AI translation rendered from the Sanskrit, not a published edition
PdP 2 60.7
विष्णुरुवाच- एवमुक्त्वा च तं वैश्यं गतो धर्मो यथागतम् । कृकलोपि स धर्मात्मा स्वगृहं प्रतिप्रस्थितः
viṣṇuruvāca- evamuktvā ca taṃ vaiśyaṃ gato dharmo yathāgatam | kṛkalopi sa dharmātmā svagṛhaṃ pratiprasthitaḥ
Viṣṇu said: Having spoken thus to that merchant, Dharma went as he had come; and Kṛkala too, that righteous one, set out for his own home.
AI translation rendered from the Sanskrit, not a published edition
PdP 2 60.8
स्वगृहं प्राप्य मेधावी दृष्ट्वा तां च पतिव्रताम् । सार्थवाहेन तेनापि स्वस्थानं प्राप्य बुद्धिमान्
svagṛhaṃ prāpya medhāvī dṛṣṭvā tāṃ ca pativratām | sārthavāhena tenāpi svasthānaṃ prāpya buddhimān
Reaching his own house, the wise man saw her, devoted to her husband; and with that caravan-leader too the intelligent one reached his own place.
AI translation rendered from the Sanskrit, not a published edition — the model flagged this verse as uncertain
PdP 2 60.9
तया समागतं दृष्ट्वा भर्तारं धर्मकोविदम् । कृतं सुमंगलं पुण्यं भर्तुरागमने तदा
tayā samāgataṃ dṛṣṭvā bhartāraṃ dharmakovidam | kṛtaṃ sumaṃgalaṃ puṇyaṃ bharturāgamane tadā
Seeing her husband, skilled in dharma, arrived (and) united with her, an auspicious and holy rite was performed by her on the husband's return.
AI translation rendered from the Sanskrit, not a published edition
PdP 2 60.10
समाचष्ट स धर्मात्मा धर्मस्यापि विचेष्टितम् । समाकर्ण्य महाभागा भर्तुर्वाक्यं मुदावहम्
samācaṣṭa sa dharmātmā dharmasyāpi viceṣṭitam | samākarṇya mahābhāgā bharturvākyaṃ mudāvaham
That righteous one related also the doings of Dharma; and hearing her husband's words, which brought joy, the greatly fortunate woman—
AI translation rendered from the Sanskrit, not a published edition
PdP 2 60.11
धर्मवाक्यं प्रशस्याथ अनुमेने च तं तथा । विष्णुरुवाच- अथो स कृकलो वैश्यस्तया सार्धं सुपुण्यकम्
dharmavākyaṃ praśasyātha anumene ca taṃ tathā | viṣṇuruvāca- atho sa kṛkalo vaiśyastayā sārdhaṃ supuṇyakam
Then, having praised (his) righteous words, (she) likewise consented to him. Viṣṇu said: Then that Kṛkala, the Vaiśya, together with her, (performed) a highly meritorious
AI translation rendered from the Sanskrit, not a published edition — the model flagged this verse as uncertain
PdP 2 60.12
चकार श्रद्धया श्राद्धं देवतागृहसंस्थितः । पितरो देव गंधर्वा विमानैश्च समागताः
cakāra śraddhayā śrāddhaṃ devatāgṛhasaṃsthitaḥ | pitaro deva gaṃdharvā vimānaiśca samāgatāḥ
śrāddha rite with faith, stationed in the house of the gods. The Fathers, gods and Gandharvas came together with (their) celestial cars,
AI translation rendered from the Sanskrit, not a published edition
PdP 2 60.13
तुष्टुवुस्तौ महात्मानौ दंपती मुनयस्तथा । अहं चापि तथा ब्रह्मा देव्यायुक्तो महेश्वरः
tuṣṭuvustau mahātmānau daṃpatī munayastathā | ahaṃ cāpi tathā brahmā devyāyukto maheśvaraḥ
and the sages praised those two great souls, the husband and wife; and so did I, and Brahmā, and Maheśvara joined with the Goddess.
AI translation rendered from the Sanskrit, not a published edition
PdP 2 60.14
सर्वे देवाः सगंधर्वा विमानैश्च समागताः । अहमेव ततो ब्रह्मा देव्यायुक्तो महेश्वरः
sarve devāḥ sagaṃdharvā vimānaiśca samāgatāḥ | ahameva tato brahmā devyāyukto maheśvaraḥ
All the gods with the Gandharvas came together with (their) celestial cars; then I myself, and Brahmā, and Maheśvara joined with the Goddess—
AI translation rendered from the Sanskrit, not a published edition
PdP 2 60.15
सर्वे देवाः सगंधर्वास्तस्याः सत्येन तोषिताः । ऊचुश्च तौ महात्मानौ धर्मज्ञौ सत्यपंडितौ
sarve devāḥ sagaṃdharvāstasyāḥ satyena toṣitāḥ | ūcuśca tau mahātmānau dharmajñau satyapaṃḍitau
all the gods with the Gandharvas were gratified by her truthfulness; and they spoke to those two great souls, knowers of dharma, learned in truth:
AI translation rendered from the Sanskrit, not a published edition
PdP 2 60.16
भार्यया सह भद्रं ते वरं वरय सुव्रत । कृकल उवाच- कस्य पुण्यप्रसंगेन तपसश्च सुरोत्तमाः
bhāryayā saha bhadraṃ te varaṃ varaya suvrata | kṛkala uvāca- kasya puṇyaprasaṃgena tapasaśca surottamāḥ
"Blessings on you! Choose a boon, O man of good vows, together with (your) wife." Kṛkala said: "By the occasion of whose merit and austerity, O best of gods,
AI translation rendered from the Sanskrit, not a published edition
PdP 2 60.17
सभार्याय वरं दातुं भवंतो हि समागताः । इंद्र उवाच- एषा सती महाभागा सुकला चारुमंगला
sabhāryāya varaṃ dātuṃ bhavaṃto hi samāgatāḥ | iṃdra uvāca- eṣā satī mahābhāgā sukalā cārumaṃgalā
have you assembled to give a boon to me together with my wife?" Indra said: "This chaste woman, greatly blessed, Sukalā, of lovely auspiciousness—
AI translation rendered from the Sanskrit, not a published edition
PdP 2 60.18
अस्याः सत्येन तुष्टाः स्म दातुकामा वरं तव । समासेन तु तत्प्रोक्तं पूर्ववृत्तांतमेव च
asyāḥ satyena tuṣṭāḥ sma dātukāmā varaṃ tava | samāsena tu tatproktaṃ pūrvavṛttāṃtameva ca
by her truthfulness we are pleased, and desirous of giving you a boon." And that former history was told (by them) in brief.
AI translation rendered from the Sanskrit, not a published edition
PdP 2 60.19
तस्याश्चरितमाहात्म्यं श्रुत्वा भर्ता स हर्षितः । तया सह स धर्मात्मा हर्षव्याकुललोचनः
tasyāścaritamāhātmyaṃ śrutvā bhartā sa harṣitaḥ | tayā saha sa dharmātmā harṣavyākulalocanaḥ
Hearing the greatness of her conduct, that husband was delighted; that righteous man, together with her, his eyes agitated with joy,
AI translation rendered from the Sanskrit, not a published edition
PdP 2 60.20
ननाम देवताः सर्वा उवाच च पुनः पुनः । यदि तुष्टा महाभागा त्रयो देवाः सनातनाः
nanāma devatāḥ sarvā uvāca ca punaḥ punaḥ | yadi tuṣṭā mahābhāgā trayo devāḥ sanātanāḥ
bowed to all the deities and said again and again: "If you are pleased, O greatly blessed ones—the three eternal gods,
AI translation rendered from the Sanskrit, not a published edition
PdP 2 60.21
अन्ये च ऋषयः पुण्याः कृपां कृत्वा ममोपरि । जन्मजन्मनि देवानां भक्तिमेवं करोम्यहम्
anye ca ṛṣayaḥ puṇyāḥ kṛpāṃ kṛtvā mamopari | janmajanmani devānāṃ bhaktimevaṃ karomyaham
and the other holy sages—having shown grace upon me, (then) may I thus practise devotion to the gods birth after birth;
AI translation rendered from the Sanskrit, not a published edition
PdP 2 60.22
धर्मसत्यरतिः स्यान्मे भवतां हि प्रसादतः । पश्चाद्धि वैष्णवं लोकं सभार्यश्च पितामहैः
dharmasatyaratiḥ syānme bhavatāṃ hi prasādataḥ | paścāddhi vaiṣṇavaṃ lokaṃ sabhāryaśca pitāmahaiḥ
may delight in dharma and truth be mine, by your favour; and afterwards, together with my wife and with my forefathers, (to) Viṣṇu's world
AI translation rendered from the Sanskrit, not a published edition
PdP 2 60.23
गंतुमिच्छाम्यहं देवा यदि तुष्टा महौजसः । देवा ऊचुः- एवमस्तु महाभाग सर्वमेव भविष्यति
gaṃtumicchāmyahaṃ devā yadi tuṣṭā mahaujasaḥ | devā ūcuḥ- evamastu mahābhāga sarvameva bhaviṣyati
I wish to go, O gods, if you are pleased, O greatly vigorous ones." The gods said: "So be it, greatly blessed one; all this shall come to pass."
AI translation rendered from the Sanskrit, not a published edition
PdP 2 60.24
पुष्पवृष्टिं ततश्चक्रुस्तयोरुपरि भूपते । जगुर्गीतं महापुण्यं ललितं सुस्वरं ततः
puṣpavṛṣṭiṃ tataścakrustayorupari bhūpate | jagurgītaṃ mahāpuṇyaṃ lalitaṃ susvaraṃ tataḥ
Then, O lord of the earth, they made a rain of flowers upon those two; then (the Gandharvas) sang a most meritorious song, charming and sweet-toned—
AI translation rendered from the Sanskrit, not a published edition
PdP 2 60.25
गंधर्वा गीततत्त्वज्ञा ननृतुश्चाप्सरोगणाः । ततो देवाः सगंधर्वाः स्वंस्वं स्थानं नृपोत्तम
gaṃdharvā gītatattvajñā nanṛtuścāpsarogaṇāḥ | tato devāḥ sagaṃdharvāḥ svaṃsvaṃ sthānaṃ nṛpottama
the Gandharvas, knowers of the essence of song—and the hosts of Apsarases danced. Then the gods with the Gandharvas, O best of kings, (went) each to his own place;
AI translation rendered from the Sanskrit, not a published edition
PdP 2 60.26
वरं दत्वा प्रजग्मुस्ते स्तूयमानाः पतिव्रताम् । नारीतीर्थं समाख्यातमन्यत्किंचिद्वदामि ते
varaṃ datvā prajagmuste stūyamānāḥ pativratām | nārītīrthaṃ samākhyātamanyatkiṃcidvadāmi te
having granted the boon they departed, praising the devoted wife. The Nārī-tīrtha has been fully told; I shall tell you something else.
AI translation rendered from the Sanskrit, not a published edition
PdP 2 60.27
एतत्ते सर्वमाख्यातं पुण्याख्यानमनुत्तमम् । यः शृणोति नरो राजन्सर्वपापैः प्रमुच्यते
etatte sarvamākhyātaṃ puṇyākhyānamanuttamam | yaḥ śṛṇoti naro rājansarvapāpaiḥ pramucyate
All this has been related to you, an unsurpassed meritorious tale; the man who hears it, O king, is released from all sins.
AI translation rendered from the Sanskrit, not a published edition
PdP 2 60.28
श्रद्धया शृणुते नारी सुकलाख्यानमुत्तमम् । सौभाग्येन तु सत्येन पुत्रपौत्रैर्न मुच्यते
śraddhayā śṛṇute nārī sukalākhyānamuttamam | saubhāgyena tu satyena putrapautrairna mucyate
A woman who hears with faith this excellent tale of Sukalā—by (her) good fortune and by truth she is not deprived of sons and grandsons;
AI translation rendered from the Sanskrit, not a published edition — the model flagged this verse as uncertain
PdP 2 60.29
मोदते धनधान्येन सहभर्त्रा सुखी भवेत् । पतिव्रता भवेत्सा च जन्मजन्मनि नान्यथा
modate dhanadhānyena sahabhartrā sukhī bhavet | pativratā bhavetsā ca janmajanmani nānyathā
she rejoices in wealth and grain, she becomes happy along with (her) husband, and she becomes a devoted wife birth after birth—not otherwise.
AI translation rendered from the Sanskrit, not a published edition
PdP 2 60.30
ब्राह्मणो वेदविद्वांश्च क्षत्रियो विजयी भवेत् । धनधान्यं भवेच्चैव वैश्यगेहे न संशयः
brāhmaṇo vedavidvāṃśca kṣatriyo vijayī bhavet | dhanadhānyaṃ bhaveccaiva vaiśyagehe na saṃśayaḥ
A Brahmin becomes a knower of the Vedas, and a Kṣatriya becomes victorious; and in the house of a Vaiśya there comes wealth and grain—there is no doubt.
AI translation rendered from the Sanskrit, not a published edition
PdP 2 60.31
धर्मज्ञो जायते राजन्सदाचारः सुखी भवेत् । शूद्र सुःखमवाप्नोति पुत्रपौत्रैः प्रवर्धते
dharmajño jāyate rājansadācāraḥ sukhī bhavet | śūdra suḥkhamavāpnoti putrapautraiḥ pravardhate
(Such a one) is born a knower of dharma, O king; of good conduct, he becomes happy; a śūdra obtains happiness and increases with sons and grandsons.
AI translation rendered from the Sanskrit, not a published edition
PdP 2 60.32
विपुला जायते लक्ष्मीर्धनधान्यैरलंकृता
vipulā jāyate lakṣmīrdhanadhānyairalaṃkṛtā
Abundant prosperity arises, adorned with wealth and grain.
AI translation rendered from the Sanskrit, not a published edition