Padma Purana — Bhumi Khanda — Chapter 59
PdP 2 59.1
विष्णुरुवाच- कृकलः सर्वतीर्थानि साधयित्वा गृहं प्रति । प्रस्थितः सार्थवाहेन महानंदसमन्वितः
viṣṇuruvāca- kṛkalaḥ sarvatīrthāni sādhayitvā gṛhaṃ prati | prasthitaḥ sārthavāhena mahānaṃdasamanvitaḥ
Viṣṇu said: Kṛkala, having accomplished (the visiting of) all the sacred fords, set out for home with the caravan leader, filled with great joy.
AI translation rendered from the Sanskrit, not a published edition
PdP 2 59.2
एवं चिंतयते नित्यं संसारः सफलो मम । तृप्ताः स्वर्गं प्रयास्यंति पितरो मम नान्यथा
evaṃ ciṃtayate nityaṃ saṃsāraḥ saphalo mama | tṛptāḥ svargaṃ prayāsyaṃti pitaro mama nānyathā
Thus he thinks constantly: "My worldly life has borne fruit; satisfied, my ancestors will go to heaven, and not otherwise."
AI translation rendered from the Sanskrit, not a published edition
PdP 2 59.3
तावत्प्रत्यक्षरूपेण बद्ध्वा तस्य पितामहान् । पुरतस्तस्य संब्रूते नहि ते पुण्यमुत्तमम्
tāvatpratyakṣarūpeṇa baddhvā tasya pitāmahān | puratastasya saṃbrūte nahi te puṇyamuttamam
Just then (someone), in visible form, having bound his forefathers, says before him: "Your merit is not the highest."
AI translation rendered from the Sanskrit, not a published edition
PdP 2 59.4
दिव्यरूपो महाकायः कृकलं वाक्यमब्रवीत् । तव तीर्थफलं नास्ति श्रममेव वृथा कृथाः
divyarūpo mahākāyaḥ kṛkalaṃ vākyamabravīt | tava tīrthaphalaṃ nāsti śramameva vṛthā kṛthāḥ
One of divine form and huge body spoke a word to Kṛkala: "You have no fruit of the sacred fords; you have made your effort in vain."
AI translation rendered from the Sanskrit, not a published edition
PdP 2 59.5
स्वयं संतोषमाप्नोषि नहि ते पुण्यमुत्तमम् । एवं श्रुत्वा ततो वैश्यः कृकलो दुःखपीडितः
svayaṃ saṃtoṣamāpnoṣi nahi te puṇyamuttamam | evaṃ śrutvā tato vaiśyaḥ kṛkalo duḥkhapīḍitaḥ
"You get satisfaction for yourself, but no highest merit is yours." Hearing this, the merchant Kṛkala, stricken with grief, (said):
AI translation rendered from the Sanskrit, not a published edition
PdP 2 59.6
भवान्कः संवदस्येवं कस्माद्बद्धाः पितामहाः । केन दोषप्रभावेण तन्मेत्वं कारणं वद
bhavānkaḥ saṃvadasyevaṃ kasmādbaddhāḥ pitāmahāḥ | kena doṣaprabhāveṇa tanmetvaṃ kāraṇaṃ vada
"Who are you who speak thus? Why are (my) forefathers bound? By the power of what fault? Tell me that reason.
AI translation rendered from the Sanskrit, not a published edition
PdP 2 59.7
कस्मात्तीर्थफलं नास्ति मम यात्रा कथं नहि । सर्वमेव समाचक्ष्व यदि जानासि संस्फुटम्
kasmāttīrthaphalaṃ nāsti mama yātrā kathaṃ nahi | sarvameva samācakṣva yadi jānāsi saṃsphuṭam
Why is there no fruit of the sacred fords (for me)? How is my pilgrimage of no avail? Tell me all of it plainly, if you know it."
AI translation rendered from the Sanskrit, not a published edition
PdP 2 59.8
धर्म उवाच- पूतां पुण्यतमां स्वीयां भार्यां त्यक्त्वा प्रयाति यः । तस्य पुण्यफलं सर्वं वृथा भवति नान्यथा
dharma uvāca- pūtāṃ puṇyatamāṃ svīyāṃ bhāryāṃ tyaktvā prayāti yaḥ | tasya puṇyaphalaṃ sarvaṃ vṛthā bhavati nānyathā
Dharma said: He who goes forth abandoning his own pure, most meritorious wife — all his fruit of merit becomes vain, and not otherwise.
AI translation rendered from the Sanskrit, not a published edition
PdP 2 59.9
धर्माचारपरां पुण्यां साधुव्रतपरायणाम् । पतिव्रतरतां भार्यां सुगुणां पुण्यवत्सलाम्
dharmācāraparāṃ puṇyāṃ sādhuvrataparāyaṇām | pativrataratāṃ bhāryāṃ suguṇāṃ puṇyavatsalām
(A wife) devoted to righteous conduct, meritorious, given over to the vows of the good, faithful to her husband, of fine qualities, fond of merit —
AI translation rendered from the Sanskrit, not a published edition
PdP 2 59.10
तामेवापि परित्यज्य धर्मकार्यं प्रयाति यः । वृथा तस्य कृतः सर्वो धर्मो भवति नान्यथा
tāmevāpi parityajya dharmakāryaṃ prayāti yaḥ | vṛthā tasya kṛtaḥ sarvo dharmo bhavati nānyathā
he who, forsaking even such a one, goes off to a work of dharma — all the dharma he has done becomes vain, and not otherwise.
AI translation rendered from the Sanskrit, not a published edition
PdP 2 59.11
सर्वाचारपरा भव्या धर्मसाधनतत्परा । पतिव्रतरता नित्यं सर्वदा ज्ञानवत्सला
sarvācāraparā bhavyā dharmasādhanatatparā | pativrataratā nityaṃ sarvadā jñānavatsalā
Devoted to all (right) observances, auspicious, intent on the practice of dharma, ever faithful to her husband, always fond of knowledge —
AI translation rendered from the Sanskrit, not a published edition
PdP 2 59.12
एवं गुणा भवेद्भार्या यस्य पुण्या महासती । तस्य गेहे सदा देवास्तिष्ठंति च महौजसः
evaṃ guṇā bhavedbhāryā yasya puṇyā mahāsatī | tasya gehe sadā devāstiṣṭhaṃti ca mahaujasaḥ
He whose wife is of such qualities, meritorious, a great and virtuous woman — in his house the gods of great might always dwell.
AI translation rendered from the Sanskrit, not a published edition
PdP 2 59.13
पितरो गेहमध्यस्थाः श्रेयो वांछंति तस्य च । गंगाद्याः पुण्यनद्यश्च सागरास्तत्र नान्यथा
pitaro gehamadhyasthāḥ śreyo vāṃchaṃti tasya ca | gaṃgādyāḥ puṇyanadyaśca sāgarāstatra nānyathā
The ancestors, present within the house, also wish him well; the Gaṅgā and the other holy rivers and the oceans are there, and not otherwise.
AI translation rendered from the Sanskrit, not a published edition
PdP 2 59.14
पुण्या सती यस्य गेहे वर्तते सत्यतत्परा । तत्र यज्ञाश्च गावश्च ऋषयस्तत्र नान्यथा
puṇyā satī yasya gehe vartate satyatatparā | tatra yajñāśca gāvaśca ṛṣayastatra nānyathā
In whose house a meritorious virtuous woman, devoted to truth, abides — there are the sacrifices and the cows, and there are the seers, and not otherwise.
AI translation rendered from the Sanskrit, not a published edition
PdP 2 59.15
तत्र सर्वाणि तीर्थानि पुण्यानि विविधानि च । भार्यायोगेन तिष्ठंति सर्वाण्येतानि नान्यथा
tatra sarvāṇi tīrthāni puṇyāni vividhāni ca | bhāryāyogena tiṣṭhaṃti sarvāṇyetāni nānyathā
There all the sacred fords, holy and of many kinds — all these stand present through the conjunction with a wife, and not otherwise.
AI translation rendered from the Sanskrit, not a published edition
PdP 2 59.16
पुण्यभार्याप्रयोगेण गार्हस्थ्यं संप्रजायते । गार्हस्थ्यात्परमो धर्मो द्वितीयो नास्ति भूतले
puṇyabhāryāprayogeṇa gārhasthyaṃ saṃprajāyate | gārhasthyātparamo dharmo dvitīyo nāsti bhūtale
Through the union with a meritorious wife the householder's state comes into being; higher than the householder's state there is no dharma, no second one on earth.
AI translation rendered from the Sanskrit, not a published edition
PdP 2 59.17
गृहस्थस्य गृहः पुण्यः सत्यपुण्यसमन्वितः । सर्वतीर्थमयो वैश्य सर्वदेवसमन्वितः
gṛhasthasya gṛhaḥ puṇyaḥ satyapuṇyasamanvitaḥ | sarvatīrthamayo vaiśya sarvadevasamanvitaḥ
The householder's house is holy, joined with truth and merit, made up of all the sacred fords, O merchant, and attended by all the gods.
AI translation rendered from the Sanskrit, not a published edition
PdP 2 59.18
गार्हस्थ्यं च समाश्रित्य सर्वे जीवंति जंतवः । तादृशं नैव पश्यामि अन्यमाश्रममुत्तमम्
gārhasthyaṃ ca samāśritya sarve jīvaṃti jaṃtavaḥ | tādṛśaṃ naiva paśyāmi anyamāśramamuttamam
And resting upon the householder's state all creatures live; I see no other stage of life so excellent as that.
AI translation rendered from the Sanskrit, not a published edition
PdP 2 59.19
मंत्राग्निहोत्रं देवाश्च सर्वे धर्माः सनातनाः । दानाचाराः प्रवर्तंते यस्य पुंसश्च वै गृहे
maṃtrāgnihotraṃ devāśca sarve dharmāḥ sanātanāḥ | dānācārāḥ pravartaṃte yasya puṃsaśca vai gṛhe
The mantra-fire offering, the gods, all the eternal duties, gifts and (right) practices go forward in the house of that man (who has a wife).
AI translation rendered from the Sanskrit, not a published edition
PdP 2 59.20
एवं यो भार्यया हीनस्तस्यगेहं वनायते । यज्ञाश्च वै न सिध्यंति दानानि विविधानि च
evaṃ yo bhāryayā hīnastasyagehaṃ vanāyate | yajñāśca vai na sidhyaṃti dānāni vividhāni ca
So he who is without a wife — his house becomes like a forest; sacrifices do not succeed, nor gifts of many kinds.
AI translation rendered from the Sanskrit, not a published edition
PdP 2 59.21
भार्याहीनस्य पुंसोपि न सिध्यति महाव्रतम् । धर्मकर्माणि सर्वाणि पुण्यानि विविधानि च
bhāryāhīnasya puṃsopi na sidhyati mahāvratam | dharmakarmāṇi sarvāṇi puṇyāni vividhāni ca
For a man without a wife the great vow does not succeed, nor any of the acts of dharma, nor the various meritorious deeds.
AI translation rendered from the Sanskrit, not a published edition
PdP 2 59.22
नास्ति भार्यासमं तीर्थं धर्मसाधनहेतवे । शृणुष्व त्वं गृहस्थस्य नान्यो धर्मो जगत्त्रये
nāsti bhāryāsamaṃ tīrthaṃ dharmasādhanahetave | śṛṇuṣva tvaṃ gṛhasthasya nānyo dharmo jagattraye
There is no sacred ford equal to a wife for the sake of accomplishing dharma. Listen: for the householder there is no other dharma in the three worlds.
AI translation rendered from the Sanskrit, not a published edition
PdP 2 59.23
यत्र भार्या गृहं तत्र पुरुषस्यापि नान्यथा । ग्रामे वाप्यथवारण्ये सर्वधर्मस्य साधनम्
yatra bhāryā gṛhaṃ tatra puruṣasyāpi nānyathā | grāme vāpyathavāraṇye sarvadharmasya sādhanam
Where the wife is, there is a man's home, and not otherwise — whether in a village or in the forest, (there is) the accomplishing of all dharma.
AI translation rendered from the Sanskrit, not a published edition
PdP 2 59.24
नास्ति भार्यासमं तीर्थं नास्ति भार्यासमं सुखम् । नास्ति भार्यासमं पुण्यं तारणाय हिताय च
nāsti bhāryāsamaṃ tīrthaṃ nāsti bhāryāsamaṃ sukham | nāsti bhāryāsamaṃ puṇyaṃ tāraṇāya hitāya ca
There is no sacred ford equal to a wife, no happiness equal to a wife, no merit equal to a wife, for crossing over and for one's good.
AI translation rendered from the Sanskrit, not a published edition
PdP 2 59.25
धर्मयुक्तां सतीं भार्यां त्यक्त्वा यासि नराधम । गृहं धर्मं परित्यज्य क्वास्ते धर्मस्य ते फलम्
dharmayuktāṃ satīṃ bhāryāṃ tyaktvā yāsi narādhama | gṛhaṃ dharmaṃ parityajya kvāste dharmasya te phalam
Abandoning a virtuous wife joined to dharma, you go off, O basest of men! Having forsaken home and (household) duty, where is the fruit of your dharma?
AI translation rendered from the Sanskrit, not a published edition
PdP 2 59.26
तया विना यदा तीर्थे श्राद्धदानं कृतं त्वया । तेन दोषेण वै बद्धास्तव पूर्वपितामहाः
tayā vinā yadā tīrthe śrāddhadānaṃ kṛtaṃ tvayā | tena doṣeṇa vai baddhāstava pūrvapitāmahāḥ
When, without her, the offering of the śrāddha was made by you at the sacred ford, by that fault indeed your forefathers were bound.
AI translation rendered from the Sanskrit, not a published edition
PdP 2 59.27
भवांश्चौरो ह्यमी चौरा यैस्तु भुक्तं सुलोलुपैः । त्वया दत्तस्य श्राद्धस्य अन्नमेवं तया विना
bhavāṃścauro hyamī caurā yaistu bhuktaṃ sulolupaiḥ | tvayā dattasya śrāddhasya annamevaṃ tayā vinā
You are a thief, and these greedy ones by whom (it) was eaten are thieves — such is the food of the śrāddha given by you without her.
AI translation rendered from the Sanskrit, not a published edition
PdP 2 59.28
सुपुत्रः श्रद्धया युक्तः श्राद्धदानं ददाति यः । भार्या दत्तेन पिंडेन तस्य पुण्यं वदाम्यहम्
suputraḥ śraddhayā yuktaḥ śrāddhadānaṃ dadāti yaḥ | bhāryā dattena piṃḍena tasya puṇyaṃ vadāmyaham
When a good son, endowed with faith, gives the śrāddha offering, I shall declare the merit of that man from the rice-ball given by his wife.
AI translation rendered from the Sanskrit, not a published edition
PdP 2 59.29
यथाऽमृतस्य पानेन नृणां तृप्तिर्हि जायते । तथा पितॄणां श्राद्धेन सत्यंसत्यं वदाम्यहम्
yathā'mṛtasya pānena nṛṇāṃ tṛptirhi jāyate | tathā pitṝṇāṃ śrāddhena satyaṃsatyaṃ vadāmyaham
As by drinking nectar satisfaction arises for men, so (does it arise) for the fathers by the śrāddha — truly, truly I say it.
AI translation rendered from the Sanskrit, not a published edition
PdP 2 59.30
गार्हस्थ्यस्य च धर्मस्य भार्या भवति स्वामिनी । त्वयैषा वंचिता मूढ चौरकर्मकृतं वृथा
gārhasthyasya ca dharmasya bhāryā bhavati svāminī | tvayaiṣā vaṃcitā mūḍha caurakarmakṛtaṃ vṛthā
And the wife is the mistress of the household dharma. She has been cheated by you, fool; the thief's deed has been done in vain.
AI translation rendered from the Sanskrit, not a published edition
PdP 2 59.31
अमी पितामहाश्चौरा यैर्भुक्तं तु तया विना । भार्या पचति चेदन्नं स्वहस्तेनामृतोपमम्
amī pitāmahāścaurā yairbhuktaṃ tu tayā vinā | bhāryā pacati cedannaṃ svahastenāmṛtopamam
These forefathers are thieves, by whom (the food) was eaten without her. But if the wife cooks the food with her own hand, like nectar—
AI translation rendered from the Sanskrit, not a published edition
PdP 2 59.32
तदन्नमेवभुंजंति पितरो हृष्टमानसाः । तेनैव तृप्तिमायांति संतुष्टाश्च भवंति ते
tadannamevabhuṃjaṃti pitaro hṛṣṭamānasāḥ | tenaiva tṛptimāyāṃti saṃtuṣṭāśca bhavaṃti te
—that very food the fathers eat with delighted minds; by that alone they come to satisfaction, and they become content.
AI translation rendered from the Sanskrit, not a published edition
PdP 2 59.33
तस्माद्भार्यां विना धर्मः पुरुषस्य न सिध्यति । नास्ति भार्यासमं तीर्थं पुंसां सुगतिदायकम्
tasmādbhāryāṃ vinā dharmaḥ puruṣasya na sidhyati | nāsti bhāryāsamaṃ tīrthaṃ puṃsāṃ sugatidāyakam
Therefore without a wife a man's dharma is not accomplished. There is no sacred ford equal to a wife, granting men a good destiny.
AI translation rendered from the Sanskrit, not a published edition
PdP 2 59.34
भार्यां विना च यो धर्मः स एव विफलो भवेत्
bhāryāṃ vinā ca yo dharmaḥ sa eva viphalo bhavet
And whatever dharma (is done) without a wife, that very (dharma) becomes fruitless.
AI translation rendered from the Sanskrit, not a published edition