Padma Purana — Bhumi Khanda — Chapter 55
PdP 2 55.1
विष्णुरुवाच- भावं विदित्वा सुरराट्च तस्याः प्रोवाच कामं पुरतः स्थितं सः । न चास्ति शक्या स्मर ते जयाय सत्यात्मकध्यान सुदंशिता सती
viṣṇuruvāca- bhāvaṃ viditvā surarāṭca tasyāḥ provāca kāmaṃ purataḥ sthitaṃ saḥ | na cāsti śakyā smara te jayāya satyātmakadhyāna sudaṃśitā satī
Viṣṇu said: And the king of the gods, knowing her disposition, spoke to Kāma who stood before him: "She cannot be conquered by you, O Smara; the chaste woman is well armoured in meditation whose very self is truth."
AI translation rendered from the Sanskrit, not a published edition
PdP 2 55.2
धर्माख्य चापं स्वकरे गृहीत्वा ज्ञानाभिधानं वरमेव बाणम् । योद्धुं रणे संप्रति संस्थिता सती वीरो यथा दर्पितवीर्यभावः
dharmākhya cāpaṃ svakare gṛhītvā jñānābhidhānaṃ varameva bāṇam | yoddhuṃ raṇe saṃprati saṃsthitā satī vīro yathā darpitavīryabhāvaḥ
Taking in her own hand the bow named Dharma and, as the choicest arrow, that named Knowledge, the chaste woman now stands ready to fight in battle, like a hero whose valour has made him proud.
AI translation rendered from the Sanskrit, not a published edition
PdP 2 55.3
जिगीषयेयं पुरुषार्थमेव त्वमात्मनः कुरुषे पौरुषं तु । त्वामद्य जेतुं समरे समर्था यद्भाव्यमेवं तदिहैव चिंत्यम्
jigīṣayeyaṃ puruṣārthameva tvamātmanaḥ kuruṣe pauruṣaṃ tu | tvāmadya jetuṃ samare samarthā yadbhāvyamevaṃ tadihaiva ciṃtyam
"Out of desire for victory she (strives for) the very goal of man, while you exert your manly effort for your own sake. She is able today to defeat you in the contest; what is bound to happen is to be pondered right here."
AI translation rendered from the Sanskrit, not a published edition — the model flagged this verse as uncertain
PdP 2 55.4
दग्धोसि पूर्वं त्वमिहैव शंभुना महात्मना तेन समं विरोधम् । कृत्वा फलं तस्य विकर्मणश्च जातोस्यनंगः स्मर सत्यमेव
dagdhosi pūrvaṃ tvamihaiva śaṃbhunā mahātmanā tena samaṃ virodham | kṛtvā phalaṃ tasya vikarmaṇaśca jātosyanaṃgaḥ smara satyameva
"You were burnt before, in this very place, by great-souled Śambhu; having made enmity with him, the fruit of that wrong deed is that you have become bodiless — recall the truth, Smara."
AI translation rendered from the Sanskrit, not a published edition
PdP 2 55.5
यथा त्वया कर्म कृतं पुरा स्मर फलं तु प्राप्तं तु तथैव तीव्रम् । सुकुत्सितां योनिमवाप्स्यसि ध्रुवं साध्व्यानया सार्धमिहैव कथ्यसे
yathā tvayā karma kṛtaṃ purā smara phalaṃ tu prāptaṃ tu tathaiva tīvram | sukutsitāṃ yonimavāpsyasi dhruvaṃ sādhvyānayā sārdhamihaiva kathyase
"As the deed was done by you formerly, Smara, so exactly was the fruit obtained, and fierce. You will surely attain a most despicable birth; here and now you are being talked of in connection with this virtuous woman."
AI translation rendered from the Sanskrit, not a published edition — the model flagged this verse as uncertain
PdP 2 55.6
ये ज्ञानवंतः पुरुषा जगत्त्रये वैरं प्रकुर्वन्ति महात्मभिः समम् । भुंजन्ति ते दुष्कृतमेवतत्फलं दुःखान्वितं रूपविनाशनं च
ye jñānavaṃtaḥ puruṣā jagattraye vairaṃ prakurvanti mahātmabhiḥ samam | bhuṃjanti te duṣkṛtamevatatphalaṃ duḥkhānvitaṃ rūpavināśanaṃ ca
"Those men in the three worlds who, though possessed of knowledge, make enmity with the great-souled, they consume just that fruit of their evil deed, attended with suffering and with the destruction of their beauty."
AI translation rendered from the Sanskrit, not a published edition
PdP 2 55.7
व्याघुष्य आवां तु व्रजाव काम एनां परित्यज्य सतीं प्रयुज्य । सत्याः प्रसंगेन पुरा मया तु लब्धं फलं पापमयं त्वसह्यम्
vyāghuṣya āvāṃ tu vrajāva kāma enāṃ parityajya satīṃ prayujya | satyāḥ prasaṃgena purā mayā tu labdhaṃ phalaṃ pāpamayaṃ tvasahyam
"Let us two cry out and go away, Kāma, abandoning this chaste woman after our attempt upon her. By dealings with a chaste woman I myself formerly obtained a fruit full of sin and unendurable."
AI translation rendered from the Sanskrit, not a published edition — the model flagged this verse as uncertain
PdP 2 55.8
त्वमेव जानासि चरित्रमेतच्छप्तोस्मि तेनापि च गौतमेन । जातश्च मेषवृषणः सदा ह्यहं भवान्गतो मां तु विहाय तत्र
tvameva jānāsi caritrametacchaptosmi tenāpi ca gautamena | jātaśca meṣavṛṣaṇaḥ sadā hyahaṃ bhavāngato māṃ tu vihāya tatra
You yourself know this history: I was cursed by that Gautama too, and I became forever ram-testicled — while you went off, abandoning me there.
AI translation rendered from the Sanskrit, not a published edition
PdP 2 55.9
तेजः प्रभावो ह्यतुलः सतीनां धाता समर्थः सहितुं न सूर्यः । सुकुत्सितं रूपमिदं तु रक्षेत्पुरानुसूया मुनिना हि शप्तम्
tejaḥ prabhāvo hyatulaḥ satīnāṃ dhātā samarthaḥ sahituṃ na sūryaḥ | sukutsitaṃ rūpamidaṃ tu rakṣetpurānusūyā muninā hi śaptam
The energy and power of chaste wives is unequalled; neither the Creator nor the Sun is able to withstand it. But let this much-reviled form guard (me) — for formerly Anasūyā was cursed by a sage.
AI translation rendered from the Sanskrit, not a published edition — the model flagged this verse as uncertain
PdP 2 55.10
निरुध्य सूर्यं परिवेगवंतमुद्यंतमेवं प्रभया सुदीप्तम् । भर्तुश्च मृत्युं परिबाधमानं मांडव्यशापस्य च कौंडिनस्य
nirudhya sūryaṃ parivegavaṃtamudyaṃtamevaṃ prabhayā sudīptam | bhartuśca mṛtyuṃ paribādhamānaṃ māṃḍavyaśāpasya ca kauṃḍinasya
(She) held back the sun as it rose, swift-moving and blazing with radiance, and warded off her husband's death — (this too) from the curse of Māṇḍavya and of Kauṇḍinya.
AI translation rendered from the Sanskrit, not a published edition — the model flagged this verse as uncertain
PdP 2 55.11
अत्रेः प्रिया सत्यपतिव्रता तया स्वपुत्रतां देवत्रयं हि नीतम् । न किं पुरा मन्मथ ते श्रुतं सदा संस्कारयुक्ताः प्रभवंति सत्यः
atreḥ priyā satyapativratā tayā svaputratāṃ devatrayaṃ hi nītam | na kiṃ purā manmatha te śrutaṃ sadā saṃskārayuktāḥ prabhavaṃti satyaḥ
Atri's beloved, truthful and devoted to her husband — by her the three gods were reduced to being her own sons. Have you not heard this before, O Manmatha? Chaste wives, endowed always with (the power of) their consecrations, are mighty.
AI translation rendered from the Sanskrit, not a published edition
PdP 2 55.12
सावित्रीनाम्नी द्युमत्सेनपुत्री नीतं प्रियं सा पुनरानिनाय । यमादिहैवाश्वपतेः सुपुत्रं सती त्वमेवं परिसंश्रुतं च
sāvitrīnāmnī dyumatsenaputrī nītaṃ priyaṃ sā punarānināya | yamādihaivāśvapateḥ suputraṃ satī tvamevaṃ parisaṃśrutaṃ ca
She named Sāvitrī, (connected with) Dyumatsena's son, brought back again her beloved who had been carried off — from Yama himself, (she,) the good daughter of Aśvapati, a chaste wife; thus it has been fully heard by you.
AI translation rendered from the Sanskrit, not a published edition — the model flagged this verse as uncertain
PdP 2 55.13
अग्नेः शिखां कः परिसंस्पृशेद्वै तरेद्धिकः सागरमेव मूढः । गले तु बद्धासु शिलां भुजाभ्यां को वा सतीं वश्यति वीतरागाम्
agneḥ śikhāṃ kaḥ parisaṃspṛśedvai tareddhikaḥ sāgarameva mūḍhaḥ | gale tu baddhāsu śilāṃ bhujābhyāṃ ko vā satīṃ vaśyati vītarāgām
Who indeed could touch the flame of fire? What fool could swim across the ocean, or (do so) with his arms when a stone is bound to his neck? And who shall bring under his power a chaste woman free of passion?
AI translation rendered from the Sanskrit, not a published edition
PdP 2 55.14
उक्ते तु वाक्ये बहुनीतियुक्ते इंद्रेण कामस्य सुशिक्षणार्थम् । आकर्ण्य वाक्यं मकरध्वजस्तु उवाच देवेंद्रमथैनमेव
ukte tu vākye bahunītiyukte iṃdreṇa kāmasya suśikṣaṇārtham | ākarṇya vākyaṃ makaradhvajastu uvāca deveṃdramathainameva
When this speech, full of much prudent counsel, had been spoken by Indra in order to instruct Kāma well, Makaradhvaja, having heard it, then said to the lord of the gods just this:
AI translation rendered from the Sanskrit, not a published edition
PdP 2 55.15
काम उवाच- तवातिदेशादहमागतो वै धैर्यं सुहृत्त्वं पुरुषार्थमेव । त्यक्त्वा तदर्थं परिभाषसे मां निःसत्वरूपं बहुभीतियुक्तम्
kāma uvāca- tavātideśādahamāgato vai dhairyaṃ suhṛttvaṃ puruṣārthameva | tyaktvā tadarthaṃ paribhāṣase māṃ niḥsatvarūpaṃ bahubhītiyuktam
Kāma said: It was by your bidding that I came, abandoning for that purpose my composure, my friendliness, and my very manly aim — and (now) you reproach me as one whose form is without strength and full of much fear.
AI translation rendered from the Sanskrit, not a published edition
PdP 2 55.16
व्याबुद्धि यास्यामि यदा सुरेशस्याल्लोकमध्ये मम कीर्तिनाशः । ऊढिंकरोमानविहीन एव सर्वे वदिष्यंत्यनया जितं माम्
vyābuddhi yāsyāmi yadā sureśasyāllokamadhye mama kīrtināśaḥ | ūḍhiṃkaromānavihīna eva sarve vadiṣyaṃtyanayā jitaṃ mām
If I go back with my purpose undone, my fame is destroyed in the midst of the world of the lord of the gods. (They will say,) "He is beating a retreat, stripped of all pride"; all will say that I was defeated by this woman.
AI translation rendered from the Sanskrit, not a published edition — the model flagged this verse as uncertain
PdP 2 55.17
ये वै जिता देवगणाश्च दानवाः पूर्वं मुनींद्रास्तपसः प्रयुक्ताः । हास्यं करिष्यंति ममापि सद्यो नार्या जितो मन्मथ एष भीमः
ye vai jitā devagaṇāśca dānavāḥ pūrvaṃ munīṃdrāstapasaḥ prayuktāḥ | hāsyaṃ kariṣyaṃti mamāpi sadyo nāryā jito manmatha eṣa bhīmaḥ
Those hosts of gods and the dānavas who were conquered, and the great sages of old who were engaged in austerity — they will at once make mock of me: "This fearsome Manmatha was conquered by a woman!"
AI translation rendered from the Sanskrit, not a published edition
PdP 2 55.18
तस्मात्प्रयास्यामि त्वयैव सार्धमस्या बलं मानमतः सुरेश । तेजश्च धैर्यं परिणाशयिष्ये कस्माद्भवानत्र बिभेति शक्र
tasmātprayāsyāmi tvayaiva sārdhamasyā balaṃ mānamataḥ sureśa | tejaśca dhairyaṃ pariṇāśayiṣye kasmādbhavānatra bibheti śakra
Therefore I shall go, together with you yourself, O lord of the gods; I shall destroy this woman's strength and pride, and her energy and her firmness. Why do you fear in this matter, Śakra?
AI translation rendered from the Sanskrit, not a published edition
PdP 2 55.19
संबोध्य चैवं स सुराधिनाथं चापं गृहीतं सशरं सुपुष्पम् । उवाच क्रीडां पुरतः स्थितां तां विधाय मायां भवती प्रयातु
saṃbodhya caivaṃ sa surādhināthaṃ cāpaṃ gṛhītaṃ saśaraṃ supuṣpam | uvāca krīḍāṃ purataḥ sthitāṃ tāṃ vidhāya māyāṃ bhavatī prayātu
And having thus addressed the sovereign of the gods, taking up his bow with its arrow of fine flowers, he said to Krīḍā, who stood before him: "Conjure up an illusion, madam, and go forth."
AI translation rendered from the Sanskrit, not a published edition
PdP 2 55.20
वैश्यस्य भार्यां सुकलां सुपुण्यां सत्येस्थितां धर्मविदां गुणज्ञाम् । इतो हि गत्वा कुरु कार्यमुक्तं साहाय्यरूपं च प्रिये सखे शृणु
vaiśyasya bhāryāṃ sukalāṃ supuṇyāṃ satyesthitāṃ dharmavidāṃ guṇajñām | ito hi gatvā kuru kāryamuktaṃ sāhāyyarūpaṃ ca priye sakhe śṛṇu
"(Go to) the vaiśya's wife Sukalā, very meritorious, established in truth, a knower of dharma and discerner of virtues; going from here, do the task as told — and hear, dear friend, the manner of your assistance."
AI translation rendered from the Sanskrit, not a published edition
PdP 2 55.21
क्रीडां समाभाष्य ततो मनोभवस्त्वंते स्थितां प्रीतिमथाह्वयत्पुनः । कार्यं भवत्या ममकार्यमुत्तममे तां सुस्नेहैः परिभावयत्वम्
krīḍāṃ samābhāṣya tato manobhavastvaṃte sthitāṃ prītimathāhvayatpunaḥ | kāryaṃ bhavatyā mamakāryamuttamame tāṃ susnehaiḥ paribhāvayatvam
Then Manobhava, having spoken with Krīḍā, next called again upon Prīti, who stood at his side: "You have a task, my task, the highest one: work upon her with tender affections."
AI translation rendered from the Sanskrit, not a published edition — the model flagged this verse as uncertain
PdP 2 55.22
इंद्रं हि दृष्ट्वा सुकला यथा भवेत्स्नेहानुगा चारुविलोचनेयम् । तैस्तैः प्रभावैर्गुणवाक्ययुक्तैर्नयस्व वश्यं च प्रिये सखे शृणु
iṃdraṃ hi dṛṣṭvā sukalā yathā bhavetsnehānugā cāruvilocaneyam | taistaiḥ prabhāvairguṇavākyayuktairnayasva vaśyaṃ ca priye sakhe śṛṇu
"So that Sukalā, on seeing Indra, may become this fair-eyed one who follows after affection — by those various influences joined with words about (his) virtues, bring her under control; and hear, dear friend."
AI translation rendered from the Sanskrit, not a published edition — the model flagged this verse as uncertain
PdP 2 55.23
भो भोः सखे साधय गच्छ शीघ्रं मायामयं नंदनरूपयुक्तम् । पुष्पोपयुक्तं च फलप्रधानं घुष्टं रुतैः कोकिलषट्पदानाम्
bho bhoḥ sakhe sādhaya gaccha śīghraṃ māyāmayaṃ naṃdanarūpayuktam | puṣpopayuktaṃ ca phalapradhānaṃ ghuṣṭaṃ rutaiḥ kokilaṣaṭpadānām
"Ho, ho, friend! Go quickly and make ready an illusory (grove) having the appearance of Nandana, set with flowers and abounding in fruit, made loud with the cries of cuckoos and bees."
AI translation rendered from the Sanskrit, not a published edition
PdP 2 55.24
आहूय वीरं मकरंदमेव रसायनं स्वादुगुणैरुपेतम् । सहानिलाद्यैर्निजकर्मयुक्तैः संप्रेषयित्वा पुनरेव कामम्
āhūya vīraṃ makaraṃdameva rasāyanaṃ svāduguṇairupetam | sahānilādyairnijakarmayuktaiḥ saṃpreṣayitvā punareva kāmam
Having summoned the hero Makaranda himself, an elixir endowed with sweet qualities, along with Anila and the rest, each engaged in his own work, and having sent them forth, Kāma once again (spoke)...
AI translation rendered from the Sanskrit, not a published edition — the model flagged this verse as uncertain
PdP 2 55.25
एवं समादिश्य महत्ससैन्यं त्रैलोक्यसंमोहकरं तु कामः । चक्रे प्रयाणं सुरराजसार्धं संमोहनायैव महासतीं ताम्
evaṃ samādiśya mahatsasainyaṃ trailokyasaṃmohakaraṃ tu kāmaḥ | cakre prayāṇaṃ surarājasārdhaṃ saṃmohanāyaiva mahāsatīṃ tām
Having thus given his orders, Kāma, with his great army that bewilders the three worlds, set out together with the king of the gods, precisely in order to bewilder that great chaste wife.
AI translation rendered from the Sanskrit, not a published edition