Padma Purana — Bhumi Khanda — Chapter 45
PdP 2 45.1
सुकलोवाच- अथ ते लुब्धकाः सर्वे शूकरीं प्रति जग्मिरे । शूराश्च दारुणाः प्राप्ताः पाशहस्ताश्च भीषणाः
sukalovāca- atha te lubdhakāḥ sarve śūkarīṃ prati jagmire | śūrāśca dāruṇāḥ prāptāḥ pāśahastāśca bhīṣaṇāḥ
Sukala said: Then all those hunters went toward the sow—fierce and brave men, come with nooses in hand, terrifying.
AI translation rendered from the Sanskrit, not a published edition
PdP 2 45.2
चतुरश्च ततो डिंभान्कृत्वा स्थित्वा च शूकरी । कुटुंबेन समं कांतं हतं दृष्ट्वा महाहवे
caturaśca tato ḍiṃbhānkṛtvā sthitvā ca śūkarī | kuṭuṃbena samaṃ kāṃtaṃ hataṃ dṛṣṭvā mahāhave
And then the sow, having gathered her four young and taken her stand, seeing her mate slain in the great battle along with the household—
AI translation rendered from the Sanskrit, not a published edition — the model flagged this verse as uncertain
PdP 2 45.3
भर्तुर्मे चिंतितं प्राप्तमृषिदेवैश्च पूजितः । गतः स्वर्गं महात्मासौ वीर्येणानेन कर्मणा
bharturme ciṃtitaṃ prāptamṛṣidevaiśca pūjitaḥ | gataḥ svargaṃ mahātmāsau vīryeṇānena karmaṇā
"What my husband wished for has been attained, and he is honoured by sages and gods; by this deed of valour that great-souled one has gone to heaven.
AI translation rendered from the Sanskrit, not a published edition
PdP 2 45.4
अनेनापि पथा यास्ये स्वर्गं भर्त्ता स तिष्ठति । तया सुनिश्चितं कृत्वा पुत्रान्प्रतिविचिंतितम्
anenāpi pathā yāsye svargaṃ bharttā sa tiṣṭhati | tayā suniścitaṃ kṛtvā putrānprativiciṃtitam
By this very path I too shall go to heaven, where that husband abides." Having thus resolved firmly, she thought about her sons.
AI translation rendered from the Sanskrit, not a published edition
PdP 2 45.5
यदा जीवंति मे बालाश्चत्वारो वंशधारकाः । भवत्यस्य सुवीरस्य कोलस्यापि महात्मनः
yadā jīvaṃti me bālāścatvāro vaṃśadhārakāḥ | bhavatyasya suvīrasya kolasyāpi mahātmanaḥ
"So long as my four children live, bearers of the line, there is (continuance) for this valiant, great-souled boar as well.
AI translation rendered from the Sanskrit, not a published edition — the model flagged this verse as uncertain
PdP 2 45.6
केनोपायेन पुत्रान्वै रक्षायुक्तान्करोम्यहम् । इति चिंतापरा भूत्वा दृष्ट्वा पर्वतसंकटम्
kenopāyena putrānvai rakṣāyuktānkaromyaham | iti ciṃtāparā bhūtvā dṛṣṭvā parvatasaṃkaṭam
By what means shall I make my sons safe?" Thus, absorbed in worry, she saw a cleft in the mountain.
AI translation rendered from the Sanskrit, not a published edition
PdP 2 45.7
तत्र मार्गं सुविस्तीर्णं निष्कासाय प्रयास्यते । तया सुनिश्चितं कृत्वा पुत्रान्प्रति विचिंतितम्
tatra mārgaṃ suvistīrṇaṃ niṣkāsāya prayāsyate | tayā suniścitaṃ kṛtvā putrānprati viciṃtitam
There she would go to open out a very wide passage for escape. Having resolved firmly on this, she thought about her sons.
AI translation rendered from the Sanskrit, not a published edition — the model flagged this verse as uncertain
PdP 2 45.8
तानुवाच महाराज पुत्रान्प्रति सुमोहितान् । यावत्तिष्ठाम्यहं पुत्रास्तावद्गच्छत शीघ्रगाः
tānuvāca mahārāja putrānprati sumohitān | yāvattiṣṭhāmyahaṃ putrāstāvadgacchata śīghragāḥ
She spoke, O great king, to those sons who were much bewildered: "My sons, as long as I stand here, go quickly away."
AI translation rendered from the Sanskrit, not a published edition
PdP 2 45.9
तेषां मध्ये सुतो ज्येष्ठः कथं यास्यामि मातरम् । संत्यज्य जीवलोभाच्च धिङ्मे मातः सुजीवितम्
teṣāṃ madhye suto jyeṣṭhaḥ kathaṃ yāsyāmi mātaram | saṃtyajya jīvalobhācca dhiṅme mātaḥ sujīvitam
Among them the eldest son (said): "How shall I go, abandoning my mother out of greed for life? Shame on my fine living, mother!"
AI translation rendered from the Sanskrit, not a published edition
PdP 2 45.10
पितृवैरं करिष्यामि साधयिष्ये रणे रिपून् । गृहीत्वा त्वं कनीयसोभ्रातॄन्स्त्रीन्दुर्गकंदरम्
pitṛvairaṃ kariṣyāmi sādhayiṣye raṇe ripūn | gṛhītvā tvaṃ kanīyasobhrātṝnstrīndurgakaṃdaram
"I shall carry on my father's feud; I shall subdue the enemies in battle. Taking the younger brothers, you (go), lady, to the cave of the fastness."
AI translation rendered from the Sanskrit, not a published edition — the model flagged this verse as uncertain
PdP 2 45.11
पितरं मातरं त्यक्त्वा यो याति हि स पापधीः । नरकं च प्रयात्येव कृमिकोटिसमाकुलम्
pitaraṃ mātaraṃ tyaktvā yo yāti hi sa pāpadhīḥ | narakaṃ ca prayātyeva kṛmikoṭisamākulam
He who goes off abandoning father and mother is of sinful mind, and he surely goes to hell, which swarms with millions of worms.
AI translation rendered from the Sanskrit, not a published edition
PdP 2 45.12
तमुवाच सुदुःखार्ता त्वां त्यक्त्वाहं कथं सुत । संयास्यामि महापापा त्रयो गच्छंतु मे सुताः
tamuvāca suduḥkhārtā tvāṃ tyaktvāhaṃ kathaṃ suta | saṃyāsyāmi mahāpāpā trayo gacchaṃtu me sutāḥ
Deeply pained, she said to him: "How, son, shall I go away abandoning you—I, greatly sinful? Let my three sons go."
AI translation rendered from the Sanskrit, not a published edition
PdP 2 45.13
कनीयसस्त्रयस्त्वेव गता गिरिवनांतरम् । तौ जग्मतू रणभुवं तेषामेव सुपश्यताम्
kanīyasastrayastveva gatā girivanāṃtaram | tau jagmatū raṇabhuvaṃ teṣāmeva supaśyatām
So the three younger ones went off into the mountain forest; those two went to the field of battle, while the (others) looked on.
AI translation rendered from the Sanskrit, not a published edition
PdP 2 45.14
तेजसा सुबलेनापि गर्जंतौ च पुनःपुनः । अथ ते लुब्धकाः शूराः संप्राप्ता वातरंहसः
tejasā subalenāpi garjaṃtau ca punaḥpunaḥ | atha te lubdhakāḥ śūrāḥ saṃprāptā vātaraṃhasaḥ
(The two,) with fiery force and great strength, roaring again and again. Then those brave hunters arrived, swift as the wind.
AI translation rendered from the Sanskrit, not a published edition
PdP 2 45.15
पथा तेनापि दुर्गेण त्रयस्ते प्रेषिता नृप । तिष्ठतः स्म पथं रुद्ध्वा द्वावेतौ जननीसुतौ
pathā tenāpi durgeṇa trayaste preṣitā nṛpa | tiṣṭhataḥ sma pathaṃ ruddhvā dvāvetau jananīsutau
And by that difficult path, O king, those three were sent (away); blocking the road, these two—mother and son—stood firm.
AI translation rendered from the Sanskrit, not a published edition — the model flagged this verse as uncertain
PdP 2 45.16
लुब्धकाश्च ततः प्राप्ताः खड्गबाणधनुर्धराः । प्रजघ्नुस्तोमरैस्तीक्ष्णैश्चक्रैश्च मुशलैस्ततः
lubdhakāśca tataḥ prāptāḥ khaḍgabāṇadhanurdharāḥ | prajaghnustomaraistīkṣṇaiścakraiśca muśalaistataḥ
And the hunters, bearing swords, arrows and bows, arrived then and struck (them) with sharp lances, with discs and with clubs.
AI translation rendered from the Sanskrit, not a published edition
PdP 2 45.17
मातरं पृष्ठतः कृत्वा तनयो युध्यते स तैः । दंष्ट्रया निहताः केचित्केचित्तुंडेन घातिताः
mātaraṃ pṛṣṭhataḥ kṛtvā tanayo yudhyate sa taiḥ | daṃṣṭrayā nihatāḥ kecitkecittuṃḍena ghātitāḥ
Placing his mother behind him, that son fought with them: some were slain with his tusk, some killed with his snout.
AI translation rendered from the Sanskrit, not a published edition
PdP 2 45.18
संजघान खुराग्रैश्च शूराश्च पतिता रणे । युयुधे शूकरः संख्ये दृष्टो राज्ञा महात्मना
saṃjaghāna khurāgraiśca śūrāśca patitā raṇe | yuyudhe śūkaraḥ saṃkhye dṛṣṭo rājñā mahātmanā
He struck (others) with the tips of his hooves, and the warriors fell in the fight; the boar fought in the battle, watched by the great-souled king.
AI translation rendered from the Sanskrit, not a published edition
PdP 2 45.19
पितुः सकाशाच्छूरोयमिति ज्ञात्वा ससम्मुखः । बाणपाणिर्महातेजा मनुसूनुः प्रतापवान्
pituḥ sakāśācchūroyamiti jñātvā sasammukhaḥ | bāṇapāṇirmahātejā manusūnuḥ pratāpavān
Knowing from his father that "this one is a hero," the son of Manu, of great splendor and might, faced him with an arrow in his hand.
AI translation rendered from the Sanskrit, not a published edition — the model flagged this verse as uncertain
PdP 2 45.20
निशितेनापि बाणेन अर्द्धचंद्रानुकारिणा । राज्ञा हतः पपातोर्व्यां विद्धोरस्को महात्मना
niśitenāpi bāṇena arddhacaṃdrānukāriṇā | rājñā hataḥ papātorvyāṃ viddhorasko mahātmanā
Struck by the great-souled king with a sharp arrow shaped like a half-moon, his chest pierced, he fell to the ground.
AI translation rendered from the Sanskrit, not a published edition
PdP 2 45.21
ममार सहसा भूमौ पपात स हि शूकरः । पुत्रमोहं परं प्राप्ता तस्योपरि गता स्वयम्
mamāra sahasā bhūmau papāta sa hi śūkaraḥ | putramohaṃ paraṃ prāptā tasyopari gatā svayam
That boar died at once and fell on the earth. She (the sow), overcome with utter attachment to her son, went herself upon him.
AI translation rendered from the Sanskrit, not a published edition
PdP 2 45.22
तया च निहताः शूरास्तुंडघातैर्महीतले । निपेतुर्लुब्धकाः शूराः कतिनष्टा मृता नृप
tayā ca nihatāḥ śūrāstuṃḍaghātairmahītale | nipeturlubdhakāḥ śūrāḥ katinaṣṭā mṛtā nṛpa
And by her the warriors were struck down on the ground with blows of her snout; the brave hunters fell—how many perished and died, O king!
AI translation rendered from the Sanskrit, not a published edition
PdP 2 45.23
द्रावयंती महत्सैन्यं दंष्ट्रया सूकरी ततः । यथा कृत्या समुद्भूता महाभयविधायिका
drāvayaṃtī mahatsainyaṃ daṃṣṭrayā sūkarī tataḥ | yathā kṛtyā samudbhūtā mahābhayavidhāyikā
Then the sow routed the great army with her tusk, like a Kṛtyā risen up, causing great terror.
AI translation rendered from the Sanskrit, not a published edition
PdP 2 45.24
तमुवाच ततो राज्ञी देवराजसुतोपमम् । अनया निहतं राजन्महत्सैन्यं तवैव हि
tamuvāca tato rājñī devarājasutopamam | anayā nihataṃ rājanmahatsainyaṃ tavaiva hi
Then the queen said to him, who was like the son of the king of the gods: "O king, by this (sow) your own great army has been slain."
AI translation rendered from the Sanskrit, not a published edition
PdP 2 45.25
कस्मादुपेक्षसे कांत तन्मे त्वं कारणं वद । तामुवाच महाराजो नाहं हन्मि इमां स्त्रियम्
kasmādupekṣase kāṃta tanme tvaṃ kāraṇaṃ vada | tāmuvāca mahārājo nāhaṃ hanmi imāṃ striyam
"Why do you ignore it, beloved? Tell me the reason for that." The great king said to her: "I do not kill this female."
AI translation rendered from the Sanskrit, not a published edition
PdP 2 45.26
महादोषं प्रिये दृष्टं स्त्रीवधे दैवतैः किल । तस्मान्न घातयेन्नारीं प्रेषयेहं न कंचन
mahādoṣaṃ priye dṛṣṭaṃ strīvadhe daivataiḥ kila | tasmānna ghātayennārīṃ preṣayehaṃ na kaṃcana
"Great fault, dear one, is seen by the gods in the killing of a female; therefore one should not kill a woman, nor shall I send anyone (against her)."
AI translation rendered from the Sanskrit, not a published edition
PdP 2 45.27
अस्या वधनिमित्तार्थे पापाद्बिभेमि सुंदरि । एवमुक्त्वा तदा राजा विरराम महीपतिः
asyā vadhanimittārthe pāpādbibhemi suṃdari | evamuktvā tadā rājā virarāma mahīpatiḥ
"For the sake of killing her I fear sin, O fair one." Having spoken thus, the king, the lord of the earth, fell silent.
AI translation rendered from the Sanskrit, not a published edition
PdP 2 45.28
लुब्धको झार्झरो नाम ददृशे स तु सूकरीम् । कुर्वंतीं कदनं तेषां दुःसहां सुभटैरपि
lubdhako jhārjharo nāma dadṛśe sa tu sūkarīm | kurvaṃtīṃ kadanaṃ teṣāṃ duḥsahāṃ subhaṭairapi
But a hunter named Jhārjhara saw that sow making slaughter of them, unbearable even by good warriors.
AI translation rendered from the Sanskrit, not a published edition
PdP 2 45.29
आविव्याध सुवेगेन बाणेन निशितेन हि । संलग्नेन तु बाणेन शोणितेन परिप्लुता
āvivyādha suvegena bāṇena niśitena hi | saṃlagnena tu bāṇena śoṇitena pariplutā
(The hunter) pierced (her) with a sharp arrow of great speed; and with the arrow stuck (in her), she was drenched with blood.
AI translation rendered from the Sanskrit, not a published edition
PdP 2 45.30
शोभमाना त्वरां प्राप्ता वीरश्रिया समाकुला । तुंडेनापि हतः संख्ये झार्झरः स तया पुनः
śobhamānā tvarāṃ prāptā vīraśriyā samākulā | tuṃḍenāpi hataḥ saṃkhye jhārjharaḥ sa tayā punaḥ
Shining, she rushed forward, filled with a hero's splendour; and by her, in the battle, that Jhārjhara was struck with her snout as well.
AI translation rendered from the Sanskrit, not a published edition
PdP 2 45.31
पतमानेन तेनापि झार्झरेण तदा हता । खड्गेन निशितेनापि पपात विदलीकृता
patamānena tenāpi jhārjhareṇa tadā hatā | khaḍgena niśitenāpi papāta vidalīkṛtā
Then, struck by that Jhārjhara even as he was falling, with a sharp sword too, she fell, cut open.
AI translation rendered from the Sanskrit, not a published edition
PdP 2 45.32
श्वसमाना रणेनापि मूर्च्छनाभि परिप्लुता । दुःखेन महताविष्टा जीवमाना महीतले
śvasamānā raṇenāpi mūrcchanābhi pariplutā | duḥkhena mahatāviṣṭā jīvamānā mahītale
Panting from the fight, overwhelmed by faintings, seized with great pain, (yet) still alive upon the ground.
AI translation rendered from the Sanskrit, not a published edition