Padma Purana — Bhumi Khanda — Chapter 43
PdP 2 43.1
त्रयश्चत्वारिंशत्तमोऽध्यायः 2.43 सुकलोवाच- एवं ते शूकराः सर्वे युद्धाय समुपस्थिताः । पुरः स्थितस्य ते राज्ञो ह्यवतस्थुश्च लुब्धकाः
trayaścatvāriṃśattamo'dhyāyaḥ 2.43 sukalovāca- evaṃ te śūkarāḥ sarve yuddhāya samupasthitāḥ | puraḥ sthitasya te rājño hyavatasthuśca lubdhakāḥ
Chapter forty-three (2.43). Sukala said: Thus all those boars were present for battle, and the hunters halted before the king who stood (there).
AI translation rendered from the Sanskrit, not a published edition
PdP 2 43.2
महावराहो राजेंद्र गिरिसानुं समाश्रितः । महता यूथभावेन व्यूहं कृत्वा प्रतिष्ठति
mahāvarāho rājeṃdra girisānuṃ samāśritaḥ | mahatā yūthabhāvena vyūhaṃ kṛtvā pratiṣṭhati
The great boar, O lord of kings, having taken his stand on the mountain's ridge, stands firm, having formed a battle-array with his great herd.
AI translation rendered from the Sanskrit, not a published edition
PdP 2 43.3
कपिलः स्थूलपीनांगो महादंष्ट्रो महामुखः । दुःसहः शूकरो राजन्गर्जते चातिभैरवम्
kapilaḥ sthūlapīnāṃgo mahādaṃṣṭro mahāmukhaḥ | duḥsahaḥ śūkaro rājangarjate cātibhairavam
Tawny, with thick and stout limbs, with great tusks and a great snout, the boar (was) unbearable, O king, and he roars most terrifyingly.
AI translation rendered from the Sanskrit, not a published edition
PdP 2 43.4
तानपश्यन्महाराजः शालतालवनाश्रयान् । तेषां तद्वचनं श्रुत्वा मनुपुत्रः प्रतापवान्
tānapaśyanmahārājaḥ śālatālavanāśrayān | teṣāṃ tadvacanaṃ śrutvā manuputraḥ pratāpavān
The great king saw them, taking shelter in the grove of sāla and tāla trees; and the mighty son of Manu, having heard that speech of theirs (spoke):
AI translation rendered from the Sanskrit, not a published edition
PdP 2 43.5
गृह्यतां शूर वाराहो विध्यतां बलदर्पितः । एवमाभाष्य तान्वीरो मनुपुत्रः प्रतापवान्
gṛhyatāṃ śūra vārāho vidhyatāṃ baladarpitaḥ | evamābhāṣya tānvīro manuputraḥ pratāpavān
"Let the boar be seized, hero; let the one puffed up with strength be pierced!" Having thus addressed them, the mighty hero, the son of Manu (proceeded).
AI translation rendered from the Sanskrit, not a published edition
PdP 2 43.6
अथ ते लुब्धकाः सर्वे मृगया मदमोहिताः । संनद्धा दंशिताः सर्वे श्वभिः सार्द्धं प्रजग्मिरे
atha te lubdhakāḥ sarve mṛgayā madamohitāḥ | saṃnaddhā daṃśitāḥ sarve śvabhiḥ sārddhaṃ prajagmire
Then all those hunters, deluded by the intoxication of the hunt, all armed and mailed, went forth together with the dogs.
AI translation rendered from the Sanskrit, not a published edition
PdP 2 43.7
हर्षेण महताविष्टो राजराजो महाबलः । अश्वारूढः सुसैन्येन चतुरंगेण संयतः
harṣeṇa mahatāviṣṭo rājarājo mahābalaḥ | aśvārūḍhaḥ susainyena caturaṃgeṇa saṃyataḥ
Possessed by great joy, the king of kings, of great strength, mounted on a horse, ready with his good army of four divisions,
AI translation rendered from the Sanskrit, not a published edition
PdP 2 43.8
गंगातीरं समायातो मेरौ गिरिवरोत्तमे । रत्नधातुसमाकीर्णे नानावृक्षैरलंकृते
gaṃgātīraṃ samāyāto merau girivarottame | ratnadhātusamākīrṇe nānāvṛkṣairalaṃkṛte
came to the bank of the Ganges, on Meru, best of excellent mountains, strewn with jewels and ores, adorned with various trees.
AI translation rendered from the Sanskrit, not a published edition
PdP 2 43.9
सुकलोवाच- यो बलधाम मरीचिचयकरनिकरमयप्रोत्तुंगोऽत्युच्चम् । गगनमेव संप्राप्तो नाना नगाचरितशोभो गिरिराजो भाति
sukalovāca- yo baladhāma marīcicayakaranikaramayaprottuṃgo'tyuccam | gaganameva saṃprāpto nānā nagācaritaśobho girirājo bhāti
Sukala said: The king of mountains shines, an abode of power, towering exceedingly high with its mass of ray-like beams, having reached the very sky, its beauty ranged over with many trees.
AI translation rendered from the Sanskrit, not a published edition — the model flagged this verse as uncertain
PdP 2 43.10
योजनबहलविमल गंगाप्रवाह समुच्चरत्तीरवीचीतरंगभंगैर्मुक्ताफलसदृशैर्निर्मलांबुकणैः । सर्वत्र प्रक्षालित धवलतलशिलातलोगिरींद्र सुःश्रियायुक्तः
yojanabahalavimala gaṃgāpravāha samuccarattīravīcītaraṃgabhaṃgairmuktāphalasadṛśairnirmalāṃbukaṇaiḥ | sarvatra prakṣālita dhavalatalaśilātalogirīṃdra suḥśriyāyuktaḥ
With the drops of clear water, like pearls, from the breaking of the wave-crests rising on the bank of the Ganges' pure stream, a league in breadth — its white slabs of rock washed everywhere — that lord of mountains is endowed with great beauty.
AI translation rendered from the Sanskrit, not a published edition — the model flagged this verse as uncertain
PdP 2 43.11
देवैश्चारणकिन्नरैः परिवृतो गंधर्वविद्याधरैः सिद्धैरप्सरसांगणैर्मुनिजनैर्नागेंद्र विद्याधरैः । श्रीखंडैर्बहुचंदनैस्ससरलैः शालैस्तमालैर्गिरी रुद्रा क्षैर्वरसिद्धिदायकघनैः कल्पद्रुमैः शोभते
devaiścāraṇakinnaraiḥ parivṛto gaṃdharvavidyādharaiḥ siddhairapsarasāṃgaṇairmunijanairnāgeṃdra vidyādharaiḥ | śrīkhaṃḍairbahucaṃdanaissasaralaiḥ śālaistamālairgirī rudrā kṣairvarasiddhidāyakaghanaiḥ kalpadrumaiḥ śobhate
Surrounded by gods, cāraṇas and kinnaras, by gandharvas and vidyādharas, by siddhas, by throngs of apsarases, by companies of sages, by lords of nāgas and vidyādharas, the mountain shines with sandalwood, with much candana, with saralas, with sālas and tamālas, with rudrākṣas, and with dense wish-granting trees that bestow choice attainments.
AI translation rendered from the Sanskrit, not a published edition — the model flagged this verse as uncertain
PdP 2 43.12
नानाधातुविचित्रो वै नानारत्नविचित्रितैः । विमानैः कांचनैर्दंडैः कलत्रैरुपशोभते
nānādhātuvicitro vai nānāratnavicitritaiḥ | vimānaiḥ kāṃcanairdaṃḍaiḥ kalatrairupaśobhate
Variegated indeed with many ores, it shines with aerial cars variegated with many jewels, with golden staffs and with (their) wives.
AI translation rendered from the Sanskrit, not a published edition — the model flagged this verse as uncertain
PdP 2 43.13
नालिकेरवनैर्दिव्यैः पूगवृक्षैर्विराजते । दिव्यपुन्नागबकुलैः कदलीखंडमंडितैः
nālikeravanairdivyaiḥ pūgavṛkṣairvirājate | divyapunnāgabakulaiḥ kadalīkhaṃḍamaṃḍitaiḥ
It gleams with divine coconut groves and with areca trees, with divine punnāga and bakula trees, adorned with clumps of plantain,
AI translation rendered from the Sanskrit, not a published edition
PdP 2 43.14
पुष्पकैश्चंपकैरद्रि पाःटलैः केतकैस्तथा । नानावल्लीवितानैश्च पुष्पितैः पद्मकैस्तथा
puṣpakaiścaṃpakairadri pāḥṭalaiḥ ketakaistathā | nānāvallīvitānaiśca puṣpitaiḥ padmakaistathā
with puṣpaka and campaka trees, with pāṭalas and with ketakas, and with canopies of various creepers, and with flowering padmaka trees,
AI translation rendered from the Sanskrit, not a published edition
PdP 2 43.15
नानावर्णैः सुपुष्पैश्च नानावृक्षैरलंकृतः । दिव्यवृक्षैः समाकीर्णः स्फाटिकस्य शिलातलैः
nānāvarṇaiḥ supuṣpaiśca nānāvṛkṣairalaṃkṛtaḥ | divyavṛkṣaiḥ samākīrṇaḥ sphāṭikasya śilātalaiḥ
adorned with many-coloured fine blossoms and with various trees, strewn with divine trees, with slabs of crystal rock,
AI translation rendered from the Sanskrit, not a published edition
PdP 2 43.16
योगियोगीन्द्र संसिद्धैः कंदरांतर्निवासिभिः । निर्झरैश्चैव रम्यैश्च बहुप्रस्रवणैर्गिरिः
yogiyogīndra saṃsiddhaiḥ kaṃdarāṃtarnivāsibhiḥ | nirjharaiścaiva ramyaiśca bahuprasravaṇairgiriḥ
The mountain (shines) with the yogins and lords of yogins who have attained perfection, dwelling within its caverns, and with waterfalls and delightful spots and with many springs,
AI translation rendered from the Sanskrit, not a published edition
PdP 2 43.17
नदीप्रवाहसंह्रष्टैः संगमैरुपशोभते । ह्रदैश्च पल्वलैः कुंडैर्निर्मलोदकधारिभिः
nadīpravāhasaṃhraṣṭaiḥ saṃgamairupaśobhate | hradaiśca palvalaiḥ kuṃḍairnirmalodakadhāribhiḥ
It is made beautiful by confluences made joyous by the flow of rivers, and by deep pools, ponds and basins holding clear water.
AI translation rendered from the Sanskrit, not a published edition
PdP 2 43.18
गिरिराजो विभात्येकः सानुभिः सह संस्थितैः । शरभैश्चैव शार्दूलैर्मृगयूथैरलंकृतः
girirājo vibhātyekaḥ sānubhiḥ saha saṃsthitaiḥ | śarabhaiścaiva śārdūlairmṛgayūthairalaṃkṛtaḥ
The king of mountains shines alone with its ridges standing about it, adorned with śarabhas and with tigers and with herds of deer,
AI translation rendered from the Sanskrit, not a published edition
PdP 2 43.19
महामत्तैश्च मातंगैर्महिषैरुरुभिः सदा । अनेकैर्दिव्यभावैश्च गिरिराजो विभाति सः
mahāmattaiśca mātaṃgairmahiṣairurubhiḥ sadā | anekairdivyabhāvaiśca girirājo vibhāti saḥ
and with greatly rutting elephants and with huge buffaloes always; that king of mountains shines with its many divine features.
AI translation rendered from the Sanskrit, not a published edition
PdP 2 43.20
अयोध्याधिपतिर्वीर इक्ष्वाकुर्मनुनंदनः । तया सुभार्यया युक्तश्चतुरंगबलेन च
ayodhyādhipatirvīra ikṣvākurmanunaṃdanaḥ | tayā subhāryayā yuktaścaturaṃgabalena ca
The heroic lord of Ayodhyā, Ikṣvāku, the delight of Manu, together with that good wife of his and with his army of four divisions —
AI translation rendered from the Sanskrit, not a published edition
PdP 2 43.21
पुरतो लुब्धका यांति शूराः श्वानश्च शीघ्रगाः । यत्रास्ते शूकरः शूरो भार्यया सहितो बली
purato lubdhakā yāṃti śūrāḥ śvānaśca śīghragāḥ | yatrāste śūkaraḥ śūro bhāryayā sahito balī
in front go the hunters, valiant, and the swift-running dogs, to where the valiant, strong boar is, together with his mate,
AI translation rendered from the Sanskrit, not a published edition
PdP 2 43.22
बहुभिः शूकरैर्गुप्तो गुरुभिः शिशुभिस्ततः । मेरुभूमिं समाश्रित्य गंगातीरं समंततः
bahubhiḥ śūkarairgupto gurubhiḥ śiśubhistataḥ | merubhūmiṃ samāśritya gaṃgātīraṃ samaṃtataḥ
Guarded by many boars, both grown and young, having taken his stand on the Meru ground, on the bank of the Gaṅgā all around —
AI translation rendered from the Sanskrit, not a published edition — the model flagged this verse as uncertain
PdP 2 43.23
सुकलोवाच-। तामुवाच वराहस्तु सुप्रियां हर्षसंयुतः । प्रिये पश्य समायातः कोशलाधिपतिर्बली
sukalovāca-| tāmuvāca varāhastu supriyāṃ harṣasaṃyutaḥ | priye paśya samāyātaḥ kośalādhipatirbalī
Sukala said: But the boar, filled with joy, said to her, to Supriyā: "Beloved, look, the mighty lord of Kośala has come.
AI translation rendered from the Sanskrit, not a published edition
PdP 2 43.24
मामुद्दिश्य महाप्राज्ञो मृगयां क्रीडते नृपः । युद्धमेव करिष्यामि सुरासुरप्रहर्षकम्
māmuddiśya mahāprājño mṛgayāṃ krīḍate nṛpaḥ | yuddhameva kariṣyāmi surāsurapraharṣakam
"It is against me that the greatly wise king plays at the hunt. I shall surely make war, such as delights gods and demons alike."
AI translation rendered from the Sanskrit, not a published edition
PdP 2 43.25
अथ भूपो महातेजा बाणपाणिर्धनुर्धरः । सुदेवां सत्यधर्मांगीं तामुवाच प्रहर्षितः
atha bhūpo mahātejā bāṇapāṇirdhanurdharaḥ | sudevāṃ satyadharmāṃgīṃ tāmuvāca praharṣitaḥ
Then the king of great splendour, arrow in hand, bearing his bow, greatly delighted, said to her, to Sudevā, whose body was (formed of) true dharma:
AI translation rendered from the Sanskrit, not a published edition
PdP 2 43.26
पश्य प्रिये महाकोलं गर्जमानं महाबलम् । परिवारसमायुक्तं दुःसहं मृगघातिभिः
paśya priye mahākolaṃ garjamānaṃ mahābalam | parivārasamāyuktaṃ duḥsahaṃ mṛgaghātibhiḥ
"Look, beloved, at the great boar, roaring, of great strength, surrounded by his troop, hard for the hunters to withstand.
AI translation rendered from the Sanskrit, not a published edition
PdP 2 43.27
अद्यैवाहं हनिष्यामि सुबाणैर्निशितैः प्रिये । मामेव हि महाशूरो युद्धाय समुपाश्रयेत्
adyaivāhaṃ haniṣyāmi subāṇairniśitaiḥ priye | māmeva hi mahāśūro yuddhāya samupāśrayet
"This very day I shall kill (him) with good sharpened arrows, beloved; for the great hero would take on me alone for the fight."
AI translation rendered from the Sanskrit, not a published edition
PdP 2 43.28
एवमुक्त्वा प्रियो भार्यां लुब्धकान्वाक्यमब्रवीत् । यथा शूरो महाशूराः प्रेषयध्वं हि शूकरम्
evamuktvā priyo bhāryāṃ lubdhakānvākyamabravīt | yathā śūro mahāśūrāḥ preṣayadhvaṃ hi śūkaram
Having spoken thus to his dear wife, he addressed these words to the hunters: "O great heroes, drive out the boar as befits a hero."
AI translation rendered from the Sanskrit, not a published edition — the model flagged this verse as uncertain
PdP 2 43.29
अथ ते प्रेषिताः शूरा बलतेजः पराक्रमाः । गर्जमानाः प्रधावंति बलतेजः पराक्रमाः
atha te preṣitāḥ śūrā balatejaḥ parākramāḥ | garjamānāḥ pradhāvaṃti balatejaḥ parākramāḥ
Then those heroes, sent forth, of strength, splendour and valour, roaring, rush on, of strength, splendour and valour.
AI translation rendered from the Sanskrit, not a published edition
PdP 2 43.30
कोलं प्रतिगताः सर्वे वायुवेगेन सांप्रतम् । विध्यंति बाणजालैस्ते निशितैर्वनचारकाः
kolaṃ pratigatāḥ sarve vāyuvegena sāṃpratam | vidhyaṃti bāṇajālaiste niśitairvanacārakāḥ
All those forest-rangers, having advanced against the boar with the speed of wind, at once pierce (him) with nets of sharpened arrows,
AI translation rendered from the Sanskrit, not a published edition
PdP 2 43.31
नाना शस्त्रैरथास्त्रैश्च वाराहं वीररूपिणम्
nānā śastrairathāstraiśca vārāhaṃ vīrarūpiṇam
and with various weapons and missiles (they pierce) the boar, who had the form of a hero.
AI translation rendered from the Sanskrit, not a published edition
PdP 2 43.32
सुकलोवाच- पतंति बाणतोमरा विमुक्ता लुब्धकैः शरा घनागिरिंप्रवर्षिणो यथातथा धरांतरे । हतो दृढप्रहारिभिः स निर्जितस्ततस्तथा शतैस्तु यूथपालकः स कोलः संगरंगतः
sukalovāca- pataṃti bāṇatomarā vimuktā lubdhakaiḥ śarā ghanāgiriṃpravarṣiṇo yathātathā dharāṃtare | hato dṛḍhaprahāribhiḥ sa nirjitastatastathā śataistu yūthapālakaḥ sa kolaḥ saṃgaraṃgataḥ
Sukala said: Arrows, spears and shafts released by the hunters fall, raining as thick clouds rain upon a mountain, so (they fell) upon the ground; struck by the firm-striking (hunters), that leader of the herd, that boar who had come to battle, was thus overcome by hundreds (of them).
AI translation rendered from the Sanskrit, not a published edition — the model flagged this verse as uncertain
PdP 2 43.33
स्वपुत्रपौत्रबांधवैः परांश्च संहरेत्स वै पतंति ते स्वदंष्ट्रया हताहवेऽवलुब्धकाः । पतंति पादहस्तकाः स्थितस्य वेगभ्रामणैः सलुब्धगर्जमेवतं वराहोऽपश्यदागतम्
svaputrapautrabāṃdhavaiḥ parāṃśca saṃharetsa vai pataṃti te svadaṃṣṭrayā hatāhave'valubdhakāḥ | pataṃti pādahastakāḥ sthitasya vegabhrāmaṇaiḥ salubdhagarjamevataṃ varāho'paśyadāgatam
With his own sons, grandsons and kinsmen he would indeed destroy the enemies; those hunters fall, slain in battle by his tusk; the feet and hands of those standing (there) fall off through his violent whirlings — and the boar saw him coming on with the hunters' roaring.
AI translation rendered from the Sanskrit, not a published edition — the model flagged this verse as uncertain
PdP 2 43.34
स्वतेजसा विनाशितं मुखाग्रदंष्ट्रया हतं । गतः स यत्र भूपतिः स वांछतेनसंगरम्
svatejasā vināśitaṃ mukhāgradaṃṣṭrayā hataṃ | gataḥ sa yatra bhūpatiḥ sa vāṃchatenasaṃgaram
(He saw what was) destroyed by his own might, slain by the tusk at the tip of his snout; he went to where the king was, desiring battle with him.
AI translation rendered from the Sanskrit, not a published edition — the model flagged this verse as uncertain
PdP 2 43.35
इक्ष्वाकुनाथं सुमहत्प्रसह्य संत्रास्य क्रुद्धः स हि शूकरेशः । युद्धं वने वांछति तेन सार्द्धमिक्ष्वाकुणा संगरहर्षयुक्तः
ikṣvākunāthaṃ sumahatprasahya saṃtrāsya kruddhaḥ sa hi śūkareśaḥ | yuddhaṃ vane vāṃchati tena sārddhamikṣvākuṇā saṃgaraharṣayuktaḥ
Having overpowered and terrified the great lord of the Ikṣvākus, that lord of boars, enraged, desires battle in the forest together with that Ikṣvāku, filled with joy at the fight.
AI translation rendered from the Sanskrit, not a published edition
PdP 2 43.36
वाराहः पुनरेव युद्धकुशलः संवांछते संगरं तुंडाग्रेण सुतीक्ष्णदंतनखरैः क्रुद्धो धरां क्षोभयन् । हुंकारोच्चारगर्वात्प्रहरति विमलं भूपतिं तं च राजञ्ज्ञात्वा विष्णुपराक्रमं मनुसुतस्त्वानन्दरोमांचितः
vārāhaḥ punareva yuddhakuśalaḥ saṃvāṃchate saṃgaraṃ tuṃḍāgreṇa sutīkṣṇadaṃtanakharaiḥ kruddho dharāṃ kṣobhayan | huṃkāroccāragarvātpraharati vimalaṃ bhūpatiṃ taṃ ca rājañjñātvā viṣṇuparākramaṃ manusutastvānandaromāṃcitaḥ
The boar, skilled in fighting, again desires the combat, enraged, shaking the earth with the tip of his snout, with his very sharp tusks and claws; out of the pride of uttering his roar he strikes at that stainless king — and knowing (him), O king, to be the valour of Viṣṇu, the son of Manu was thrilled with joy, his hair standing on end.
AI translation rendered from the Sanskrit, not a published edition — the model flagged this verse as uncertain
PdP 2 43.37
दृष्ट्वा शूकरपौरुषं यमतुलं मेने पतिर्वावराड्देवारिं मनसा विचिन्त्य सहसा वाराहरूपेण वै । संप्रेक्ष्यैव महाबलं बहुतरं युक्तं त्वरेर्वारणं सैन्यं कोलविनाशनाय सहसा संगृह्य संगृह्यताम्
dṛṣṭvā śūkarapauruṣaṃ yamatulaṃ mene patirvāvarāḍdevāriṃ manasā vicintya sahasā vārāharūpeṇa vai | saṃprekṣyaiva mahābalaṃ bahutaraṃ yuktaṃ tvarervāraṇaṃ sainyaṃ kolavināśanāya sahasā saṃgṛhya saṃgṛhyatām
Seeing the boar's manliness, matchless as Yama's, the lord and king, having pondered in his mind, at once thought (him) to be the enemy of the gods in boar-form; and indeed, on beholding the very great force arrayed, (he said:) "Quickly gather, gather up the elephant army for the destruction of the boar!"
AI translation rendered from the Sanskrit, not a published edition — the model flagged this verse as uncertain
PdP 2 43.38
प्रेषिताश्च वारणा रथाश्च वेगवत्तराः सुबाणखड्गधारिणो भुशुंडिभिश्च मुद्गरैः । सपाशपाणिलुब्धका नदंति तत्र तत्परा निवारितो न तिष्ठतो हयागजाश्च यद्गताः
preṣitāśca vāraṇā rathāśca vegavattarāḥ subāṇakhaḍgadhāriṇo bhuśuṃḍibhiśca mudgaraiḥ | sapāśapāṇilubdhakā nadaṃti tatra tatparā nivārito na tiṣṭhato hayāgajāśca yadgatāḥ
And elephants were sent forth, and chariots of great speed, and men bearing fine arrows and swords, with slings and clubs; hunters with nooses in hand roar there, intent upon it; though held back, they do not stand still — and the horses and elephants went wherever (they would).
AI translation rendered from the Sanskrit, not a published edition — the model flagged this verse as uncertain
PdP 2 43.39
क्वचित्क्वचिन्न दृश्यते क्वचित्क्वचित्प्रदृश्यते क्वचिद्भयं प्रदर्शयेत्क्वचिद्धयान्प्रमर्दयेत्
kvacitkvacinna dṛśyate kvacitkvacitpradṛśyate kvacidbhayaṃ pradarśayetkvaciddhayānpramardayet
Here and there he is not seen; here and there he appears; in one place he would display terror, in another he would crush the horses.
AI translation rendered from the Sanskrit, not a published edition
PdP 2 43.40
मर्दयित्वा भटान्वीरान्वाराहो रणदुर्जयः । शब्दं चकारदुर्धषं क्रोधारुणविलोचनः
mardayitvā bhaṭānvīrānvārāho raṇadurjayaḥ | śabdaṃ cakāradurdhaṣaṃ krodhāruṇavilocanaḥ
Having crushed the soldiers and heroes, the boar, unconquerable in battle, his eyes red with rage, made an unbearable sound.
AI translation rendered from the Sanskrit, not a published edition
PdP 2 43.41
कोशलाधिपतिर्वीरस्तं दृष्ट्वा रणदुर्जयम् । युध्यमानं महाकायं मुचंतं मेघवत्स्वनम्
kośalādhipatirvīrastaṃ dṛṣṭvā raṇadurjayam | yudhyamānaṃ mahākāyaṃ mucaṃtaṃ meghavatsvanam
The heroic lord of Kośala, seeing him unconquerable in battle, fighting, huge of body, emitting a sound like a cloud —
AI translation rendered from the Sanskrit, not a published edition
PdP 2 43.42
गर्जतिसमरं विचरति विलसति वीरान्स्वतेजसा धीरः । तडिदिव मुखेषु दंष्ट्रा तस्य विभात्युल्लसत्येव
garjatisamaraṃ vicarati vilasati vīrānsvatejasā dhīraḥ | taḍidiva mukheṣu daṃṣṭrā tasya vibhātyullasatyeva
He roars, he ranges through the battle, the steadfast one shines out over the heroes by his own fiery power; like lightning in (his) jaws his tusks gleam and blaze forth.
AI translation rendered from the Sanskrit, not a published edition — the model flagged this verse as uncertain
PdP 2 43.43
मनुपुत्रस्तथा दृष्ट्वा कोलं च निशितैः शरैः । प्रतिभिन्नमेकैकं शस्त्राहतं च बंधुभिः
manuputrastathā dṛṣṭvā kolaṃ ca niśitaiḥ śaraiḥ | pratibhinnamekaikaṃ śastrāhataṃ ca baṃdhubhiḥ
Manu's son, seeing the boar thus pierced through with sharp arrows, each one (of them), and struck by the weapons of (his) kinsmen —
AI translation rendered from the Sanskrit, not a published edition — the model flagged this verse as uncertain
PdP 2 43.44
नरपतिरुवाच सैन्याः किमिह न गृह्णंतु ओजसा शूराः । युध्यध्वं तत्र निशितैर्बाणैस्तीक्ष्णैरनेनापि
narapatiruvāca sainyāḥ kimiha na gṛhṇaṃtu ojasā śūrāḥ | yudhyadhvaṃ tatra niśitairbāṇaistīkṣṇairanenāpi
The king said: Soldiers, why do the heroes here not seize (him) with their might? Fight there with sharp, keen arrows, and against this one too.
AI translation rendered from the Sanskrit, not a published edition — the model flagged this verse as uncertain
PdP 2 43.45
समाकर्ण्य ततो वाक्यं क्रुद्धस्यापि महात्मनः । ततस्ते सैनिकाः सर्वे युद्धाय समुपस्थिताः
samākarṇya tato vākyaṃ kruddhasyāpi mahātmanaḥ | tataste sainikāḥ sarve yuddhāya samupasthitāḥ
Then, having heard the words of the great-souled one, angry as he was, all those soldiers stood ready for battle.
AI translation rendered from the Sanskrit, not a published edition
PdP 2 43.46
अनेकैर्भटसाहस्रैर्वने तं समरे स्थितम् । दिक्षु सर्वासु संहत्य बिभिदुः शूकरं रणे
anekairbhaṭasāhasrairvane taṃ samare sthitam | dikṣu sarvāsu saṃhatya bibhiduḥ śūkaraṃ raṇe
With many thousands of foot-soldiers, closing in from all directions upon him who stood (there) in battle in the forest, they pierced the boar in the fight.
AI translation rendered from the Sanskrit, not a published edition
PdP 2 43.47
विद्धश्च कैश्चित्तदा बाणजालैः सुयोधैश्च संग्रामभूमौ विशालैः । क्वचिच्चक्रघातैः क्वचिद्वज्रपातैर्हतं दुर्जयं संगरे तं महांतैः
viddhaśca kaiścittadā bāṇajālaiḥ suyodhaiśca saṃgrāmabhūmau viśālaiḥ | kvaciccakraghātaiḥ kvacidvajrapātairhataṃ durjayaṃ saṃgare taṃ mahāṃtaiḥ
And he was pierced by some with nets of arrows, and by good fighters with broad (weapons) on the field of battle; here by blows of the discus, there by falls of the thunderbolt — that unconquerable one was struck in the encounter by great (warriors).
AI translation rendered from the Sanskrit, not a published edition — the model flagged this verse as uncertain
PdP 2 43.48
ततः पौरुषैः क्रोधयुक्तः स कोलः सुविच्छिद्य पाशान्रणे प्रस्थितः सः । महाशूकरैः सार्धमेव प्रयातस्ततः शोणितस्यापि धाराभिषिक्तः
tataḥ pauruṣaiḥ krodhayuktaḥ sa kolaḥ suvicchidya pāśānraṇe prasthitaḥ saḥ | mahāśūkaraiḥ sārdhameva prayātastataḥ śoṇitasyāpi dhārābhiṣiktaḥ
Then that boar, filled with rage, with (feats of) manliness cut through the snares and set out into the battle; he advanced together with the great boars, drenched then with streams of blood.
AI translation rendered from the Sanskrit, not a published edition
PdP 2 43.49
करोति प्रहारं च तुंडेन वीरहयानां द्विपानां च चिच्छेद वीरः । स्वदंष्ट्राग्रभागेन तीक्ष्णेन वीरान्पदातीन्हि संपातयेद्रोषभावैः
karoti prahāraṃ ca tuṃḍena vīrahayānāṃ dvipānāṃ ca ciccheda vīraḥ | svadaṃṣṭrāgrabhāgena tīkṣṇena vīrānpadātīnhi saṃpātayedroṣabhāvaiḥ
And he strikes with his snout, and the hero cut down the heroes' horses and the elephants; with the sharp tip of his tusk he would fell heroes and foot-soldiers in his fury.
AI translation rendered from the Sanskrit, not a published edition
PdP 2 43.50
जघानास्य शुंडं गजस्यापि रुष्टो भटान्हतान्पादनखैस्तु हृष्टः
jaghānāsya śuṃḍaṃ gajasyāpi ruṣṭo bhaṭānhatānpādanakhaistu hṛṣṭaḥ
Enraged, he struck off the trunk of the elephant too; delighted, (he left) the soldiers slain by the claws of his feet.
AI translation rendered from the Sanskrit, not a published edition — the model flagged this verse as uncertain
PdP 2 43.51
ततस्ते शूकराः सर्वे लुब्धकाश्च परस्परम् । युयुधुः संगरं कृत्वा क्रोधारुणविलोचनाः
tataste śūkarāḥ sarve lubdhakāśca parasparam | yuyudhuḥ saṃgaraṃ kṛtvā krodhāruṇavilocanāḥ
Then all those boars and the hunters fought with one another, joining battle, their eyes red with rage.
AI translation rendered from the Sanskrit, not a published edition
PdP 2 43.52
लुब्धकैश्च हताः कोलाः कोलैश्चापि सुलुब्धकाः । निहताः पतिता भूमौ क्षतजेनापि सारुणाः
lubdhakaiśca hatāḥ kolāḥ kolaiścāpi sulubdhakāḥ | nihatāḥ patitā bhūmau kṣatajenāpi sāruṇāḥ
Boars were slain by hunters, and good hunters too by boars; struck down they fell upon the ground, reddened with blood.
AI translation rendered from the Sanskrit, not a published edition
PdP 2 43.53
जीवं त्यक्त्वा हताः कोलैर्लुब्धकाः पतिता रणे । मृताश्च शूकरास्तत्र श्वानः प्राणांश्च तत्यजुः
jīvaṃ tyaktvā hatāḥ kolairlubdhakāḥ patitā raṇe | mṛtāśca śūkarāstatra śvānaḥ prāṇāṃśca tatyajuḥ
Hunters, giving up their lives, slain by the boars, fell in the fight; and there the boars died, and the dogs too gave up their breath.
AI translation rendered from the Sanskrit, not a published edition
PdP 2 43.54
यत्रयत्र मृता भूमौ पतिता मृगघातकाः । बहवः शूकरा राज्ञा खड्गपातैर्निपातिताः
yatrayatra mṛtā bhūmau patitā mṛgaghātakāḥ | bahavaḥ śūkarā rājñā khaḍgapātairnipātitāḥ
Wherever the killers of game lay dead, fallen on the ground, (there too) many boars had been felled by the king with blows of his sword.
AI translation rendered from the Sanskrit, not a published edition
PdP 2 43.55
कति नष्टा हताः कोला भीता दुर्गेषु संस्थिताः । कुंजेषु कंदरांतेषु गुहांतेषु नृपोत्तम
kati naṣṭā hatāḥ kolā bhītā durgeṣu saṃsthitāḥ | kuṃjeṣu kaṃdarāṃteṣu guhāṃteṣu nṛpottama
Some boars perished, some were slain, and (some) in fear took their stand in inaccessible places — in thickets, in the recesses of ravines, in the depths of caves, O best of kings.
AI translation rendered from the Sanskrit, not a published edition
PdP 2 43.56
लुब्धकाश्च मृताः केचिच्छिन्ना दंष्ट्राग्रसूकरैः । प्राणांस्त्यक्त्वा गताः स्वर्गं खंडशो विदलीकृताः
lubdhakāśca mṛtāḥ kecicchinnā daṃṣṭrāgrasūkaraiḥ | prāṇāṃstyaktvā gatāḥ svargaṃ khaṃḍaśo vidalīkṛtāḥ
And some hunters died, cut open by the tusk-tips of the boars; giving up their breath they went to heaven, torn to pieces bit by bit.
AI translation rendered from the Sanskrit, not a published edition
PdP 2 43.57
वागुराः पाशजालाश्च कुटकाः पंजरास्तथा । नाड्यश्च पतिता भूमौ यत्रतत्र समंततः
vāgurāḥ pāśajālāśca kuṭakāḥ paṃjarāstathā | nāḍyaśca patitā bhūmau yatratatra samaṃtataḥ
Nets, snare-meshes, traps, and likewise cages, and cords lay fallen on the ground here and there on every side.
AI translation rendered from the Sanskrit, not a published edition
PdP 2 43.58
एको दयितया सार्धं वाराहः परितिष्ठति । पौत्रकैः पंचसप्तभिर्युद्धार्थं बलदर्पितः
eko dayitayā sārdhaṃ vārāhaḥ paritiṣṭhati | pautrakaiḥ paṃcasaptabhiryuddhārthaṃ baladarpitaḥ
One boar stands there together with his beloved, with five or seven young ones, proud of his strength, ready for battle.
AI translation rendered from the Sanskrit, not a published edition
PdP 2 43.59
तमुवाच तदा कांतं शूकरं शूकरी पुनः । गच्छ कांत मयासार्द्धमेभिस्तु बालकैः सह
tamuvāca tadā kāṃtaṃ śūkaraṃ śūkarī punaḥ | gaccha kāṃta mayāsārddhamebhistu bālakaiḥ saha
Then the sow spoke again to him, her beloved boar: Go, beloved, along with me and with these young ones.
AI translation rendered from the Sanskrit, not a published edition
PdP 2 43.60
प्राह प्रीतो वराहस्तां विवस्तां सुप्रियामिति । क्व गच्छामि प्रभग्नोहं स्थानं नास्ति महीतले
prāha prīto varāhastāṃ vivastāṃ supriyāmiti | kva gacchāmi prabhagnohaṃ sthānaṃ nāsti mahītale
Pleased, the boar said this to her, his dear one, (who was) helpless: Where shall I go? I am broken; there is no place (for me) on the earth.
AI translation rendered from the Sanskrit, not a published edition — the model flagged this verse as uncertain
PdP 2 43.61
मयि नष्टे महाभागे कोलयूथं विनंक्ष्यति । द्वयोश्च सिंहयोर्मध्ये जलं पिबति शूकरः
mayi naṣṭe mahābhāge kolayūthaṃ vinaṃkṣyati | dvayośca siṃhayormadhye jalaṃ pibati śūkaraḥ
If I perish, O greatly fortunate one, the herd of boars will be destroyed. Between two lions a boar (still) drinks water;
AI translation rendered from the Sanskrit, not a published edition
PdP 2 43.62
द्वयोः शूकरयोर्मध्ये सिंहो नैव पिबत्यपः । एवं शूकरजातीषु दृश्यते बलमुत्तमम्
dvayoḥ śūkarayormadhye siṃho naiva pibatyapaḥ | evaṃ śūkarajātīṣu dṛśyate balamuttamam
Between two boars a lion does not drink water at all; thus supreme strength is seen in the boar species.
AI translation rendered from the Sanskrit, not a published edition
PdP 2 43.63
तदहं नाशयाम्येव यदा भग्नो व्रजाम्यहम् । जाने धर्मं महाभागे बहुश्रेयोविधायकम्
tadahaṃ nāśayāmyeva yadā bhagno vrajāmyaham | jāne dharmaṃ mahābhāge bahuśreyovidhāyakam
Therefore I shall be destroyed indeed, if I go away routed. I know the dharma, O greatly fortunate one, that brings about much welfare.
AI translation rendered from the Sanskrit, not a published edition — the model flagged this verse as uncertain
PdP 2 43.64
कस्माल्लोभाद्भयाद्वापि युध्यमानः प्रणश्यति । रणतीर्थं परित्यज्य सस्यात्पापी न संशयः
kasmāllobhādbhayādvāpi yudhyamānaḥ praṇaśyati | raṇatīrthaṃ parityajya sasyātpāpī na saṃśayaḥ
For what reason does one who is fighting perish—whether from greed or from fear? Abandoning the sacred ford of battle he becomes a sinner, no doubt.
AI translation rendered from the Sanskrit, not a published edition — the model flagged this verse as uncertain
PdP 2 43.65
निशितं शस्त्रसंव्यूहं दृष्ट्वा हर्षं प्रगच्छति । अवगाह्यामरीं सिंधुं तीर्थपारं प्रगच्छति
niśitaṃ śastrasaṃvyūhaṃ dṛṣṭvā harṣaṃ pragacchati | avagāhyāmarīṃ siṃdhuṃ tīrthapāraṃ pragacchati
Seeing the massed array of sharpened weapons, he goes to joy; having plunged into the immortal river, he reaches the far shore of the sacred ford.
AI translation rendered from the Sanskrit, not a published edition
PdP 2 43.66
स याति वैष्णवं लोकं पुरुषांश्च समुद्धरेत् । समायांतं च तदहं कथं भग्नो व्रजामि वै
sa yāti vaiṣṇavaṃ lokaṃ puruṣāṃśca samuddharet | samāyāṃtaṃ ca tadahaṃ kathaṃ bhagno vrajāmi vai
He goes to Viṣṇu's world, and he would rescue (other) men too. And when (the enemy) is approaching, how indeed should I go away routed?
AI translation rendered from the Sanskrit, not a published edition
PdP 2 43.67
योधनं शस्त्रसंकीर्णं प्रवीरानन्ददायकम् । दृष्ट्वा प्रयाति संहृष्टस्तस्य पुण्यफलं शृणु
yodhanaṃ śastrasaṃkīrṇaṃ pravīrānandadāyakam | dṛṣṭvā prayāti saṃhṛṣṭastasya puṇyaphalaṃ śṛṇu
Seeing the battle thick with weapons, giving delight to great heroes, he goes forth thrilled; hear the fruit of his merit.
AI translation rendered from the Sanskrit, not a published edition
PdP 2 43.68
पदेपदे महत्स्नानं भागीरथ्याः प्रजायते । रणाद्भग्नो गृहं याति यो लोभाच्च प्रिये शृणु
padepade mahatsnānaṃ bhāgīrathyāḥ prajāyate | raṇādbhagno gṛhaṃ yāti yo lobhācca priye śṛṇu
At every step a great bathing in the Bhāgīrathī comes about for him. Hear, dear one, of him who, broken in battle, goes home out of greed.
AI translation rendered from the Sanskrit, not a published edition
PdP 2 43.69
मातृदोषं प्रकाशेत स्त्रीजातः परिकथ्यते । अत्र यज्ञाश्च तीर्थाश्च अत्र देवा महौजसः
mātṛdoṣaṃ prakāśeta strījātaḥ parikathyate | atra yajñāśca tīrthāśca atra devā mahaujasaḥ
He would make his mother's fault manifest; he is spoken of as merely born of a woman. Here (in battle) are the sacrifices and the sacred fords, here the gods of great might.
AI translation rendered from the Sanskrit, not a published edition — the model flagged this verse as uncertain
PdP 2 43.70
पश्यंति कौतुकं कांते मुनयः सिद्धचारणाः । त्रैलोक्यं वर्तते तत्र यत्र वीरप्रकाशनम्
paśyaṃti kautukaṃ kāṃte munayaḥ siddhacāraṇāḥ | trailokyaṃ vartate tatra yatra vīraprakāśanam
The sages, the siddhas and the cāraṇas watch the spectacle, my dear; the three worlds are present there where heroism is displayed.
AI translation rendered from the Sanskrit, not a published edition
PdP 2 43.71
समराद्भग्नं प्रपश्यंति सर्वे त्रैलोक्यवासिनः । शपंति निर्घृणं पापं प्रहसन्ति पुनःपुनः
samarādbhagnaṃ prapaśyaṃti sarve trailokyavāsinaḥ | śapaṃti nirghṛṇaṃ pāpaṃ prahasanti punaḥpunaḥ
All the dwellers of the three worlds behold the man broken in battle; they curse the pitiless sinner and laugh again and again.
AI translation rendered from the Sanskrit, not a published edition
PdP 2 43.72
दुर्गतिं दर्शयेत्तस्य धर्मराजो न संशयः । सम्मुखः समरे युद्धे स्वशिरः शोणितं पिबेत्
durgatiṃ darśayettasya dharmarājo na saṃśayaḥ | sammukhaḥ samare yuddhe svaśiraḥ śoṇitaṃ pibet
The King of Dharma would show him an evil destiny, no doubt. Facing the foe in the combat of battle, his own head would drink blood.
AI translation rendered from the Sanskrit, not a published edition — the model flagged this verse as uncertain
PdP 2 43.73
अश्वमेधफलं भुंक्ते इंद्रलोकं प्रगच्छति । यदा जयति संग्रामे शत्रूञ्छूरो वरानने
aśvamedhaphalaṃ bhuṃkte iṃdralokaṃ pragacchati | yadā jayati saṃgrāme śatrūñchūro varānane
He enjoys the fruit of a horse-sacrifice and goes to Indra's world. When a brave man conquers his enemies in battle, O fair-faced one,
AI translation rendered from the Sanskrit, not a published edition
PdP 2 43.74
तदा प्रभुंजते लक्ष्मीं नानाभोगान्न संशयः । यदा तत्र त्यजेत्प्राणान्सम्मुखः सन्निराश्रयः
tadā prabhuṃjate lakṣmīṃ nānābhogānna saṃśayaḥ | yadā tatra tyajetprāṇānsammukhaḥ sannirāśrayaḥ
then he enjoys prosperity and manifold pleasures, no doubt. And when, facing the foe, having no refuge, he gives up his life there,
AI translation rendered from the Sanskrit, not a published edition
PdP 2 43.75
स गच्छेत्परमं स्थानं देवकन्यां प्रभुंजते । एवं धर्मं विजानामि कथं भग्नो व्रजाम्यहम्
sa gacchetparamaṃ sthānaṃ devakanyāṃ prabhuṃjate | evaṃ dharmaṃ vijānāmi kathaṃ bhagno vrajāmyaham
he would go to the highest abode and enjoy a divine maiden. Thus do I know the dharma; how should I go away routed?
AI translation rendered from the Sanskrit, not a published edition
PdP 2 43.76
अनेन समरे युद्धं करिष्ये नात्र संशयः । मनोः पुत्रेण धीरेण राज्ञा इक्ष्वाकुणा सह
anena samare yuddhaṃ kariṣye nātra saṃśayaḥ | manoḥ putreṇa dhīreṇa rājñā ikṣvākuṇā saha
With him I shall do battle in combat, there is no doubt of it—with the steadfast king Ikṣvāku, the son of Manu.
AI translation rendered from the Sanskrit, not a published edition
PdP 2 43.77
डिंभान्गृहीत्वा याहि त्वं सुखं जीव वरानने । तस्य श्रुत्वा वचः प्राह बद्धाहं तव बंधनैः
ḍiṃbhāngṛhītvā yāhi tvaṃ sukhaṃ jīva varānane | tasya śrutvā vacaḥ prāha baddhāhaṃ tava baṃdhanaiḥ
"Take the young ones and go; live happily, O fair-faced one." Hearing his words she said: "I am bound by your bonds—
AI translation rendered from the Sanskrit, not a published edition
PdP 2 43.78
स्नेहमानरसाख्यैश्च रतिक्रीडनकैः प्रिय । पुरतस्ते सुतैः सार्द्धं प्राणांस्त्यक्ष्यामि मानद
snehamānarasākhyaiśca ratikrīḍanakaiḥ priya | purataste sutaiḥ sārddhaṃ prāṇāṃstyakṣyāmi mānada
by those called affection, regard and delight, and by love-play, dear one. Before you, together with the sons, I shall give up my life, O giver of honour."
AI translation rendered from the Sanskrit, not a published edition
PdP 2 43.79
एवमेतौ सुसंभाष्य परस्परहितैषिणौ । युद्धाय निश्चितौ भूत्वा समालोकयतो रिपून्
evametau susaṃbhāṣya parasparahitaiṣiṇau | yuddhāya niścitau bhūtvā samālokayato ripūn
Thus these two, having spoken well together, each seeking the other's good, having become resolved on battle, looked upon the foes—
AI translation rendered from the Sanskrit, not a published edition
PdP 2 43.80
कोशलाधिपतिं वीरं तमिक्ष्वाकुं महामतिम्
kośalādhipatiṃ vīraṃ tamikṣvākuṃ mahāmatim
upon that hero, the lord of Kośala, Ikṣvāku of great mind.
AI translation rendered from the Sanskrit, not a published edition
PdP 2 43.81
यथैव मेघः परिगर्जते दिवि प्रावृट्सुकालेषु तडित्प्रकाशैः । तथैव संगर्जति कांतया समं समाह्वयेद्राजवरं खुराग्रैः
yathaiva meghaḥ parigarjate divi prāvṛṭsukāleṣu taḍitprakāśaiḥ | tathaiva saṃgarjati kāṃtayā samaṃ samāhvayedrājavaraṃ khurāgraiḥ
Just as a cloud thunders all around in the sky in the fine seasons of the rains, with flashes of lightning, so did he roar together with his beloved, and would challenge the best of kings with the tips of his hooves.
AI translation rendered from the Sanskrit, not a published edition
PdP 2 43.82
तं गर्जमानं ददृशे महात्मा वाराहमेकं पुरुषार्थयुक्तम् । ससार अश्वस्य जवेनयुक्तः ससम्मुखं तस्य नृवीरधीरः
taṃ garjamānaṃ dadṛśe mahātmā vārāhamekaṃ puruṣārthayuktam | sasāra aśvasya javenayuktaḥ sasammukhaṃ tasya nṛvīradhīraḥ
The great-souled (king) saw that single boar roaring, possessed of manly resolve; joined to the speed of his horse, that steadfast hero among men charged straight against him.
AI translation rendered from the Sanskrit, not a published edition