Padma Purana — Bhumi Khanda — Chapter 42
PdP 2 42.1
सख्य ऊचुः- सुदेवा का त्वया प्रोक्ता किमाचारा वदस्व नः । त्वया प्रोक्तं महाभागे वद नः सत्यमेव च
sakhya ūcuḥ- sudevā kā tvayā proktā kimācārā vadasva naḥ | tvayā proktaṃ mahābhāge vada naḥ satyameva ca
The friends said: Who is this Sudevā you have spoken of? What was her conduct? Tell us. What you have said, O greatly fortunate one—tell us, and truly.
AI translation rendered from the Sanskrit, not a published edition
PdP 2 42.2
सुकलोवाच- अयोध्यायां महाराजः स आसीद्धर्मकोविदः । मनुपुत्रो महाभागः सर्वधर्मार्थतत्परः
sukalovāca- ayodhyāyāṃ mahārājaḥ sa āsīddharmakovidaḥ | manuputro mahābhāgaḥ sarvadharmārthatatparaḥ
Sukalā said: In Ayodhyā there was a great king, skilled in dharma, a son of Manu, greatly fortunate, devoted to all matters of dharma,
AI translation rendered from the Sanskrit, not a published edition
PdP 2 42.3
इक्ष्वाकुर्नाम सर्वज्ञो देवब्राह्मणपूजकः । तस्य भार्या सदा पुण्या पतिव्रतपरायणा
ikṣvākurnāma sarvajño devabrāhmaṇapūjakaḥ | tasya bhāryā sadā puṇyā pativrataparāyaṇā
named Ikṣvāku, all-knowing, a worshipper of gods and brahmins. His wife was ever meritorious, devoted to fidelity to her husband.
AI translation rendered from the Sanskrit, not a published edition
PdP 2 42.4
तया सार्द्धं यजेद्यज्ञं तीर्थानि विविधानि च । वेदराजस्य वीरस्य काशीशस्य महात्मनः
tayā sārddhaṃ yajedyajñaṃ tīrthāni vividhāni ca | vedarājasya vīrasya kāśīśasya mahātmanaḥ
Together with her he would perform sacrifices and (visit) various sacred fords. Of Vedarāja, the hero, the great-souled lord of Kāśī—
AI translation rendered from the Sanskrit, not a published edition
PdP 2 42.5
सुदेवा नाम वै कन्या सत्याचारपरायणा । उपयेमे महाराज इक्ष्वाकुस्तां महीपतिः
sudevā nāma vai kanyā satyācāraparāyaṇā | upayeme mahārāja ikṣvākustāṃ mahīpatiḥ
—there was a daughter named Sudevā, devoted to truth and (right) conduct; the great king Ikṣvāku, lord of the earth, married her.
AI translation rendered from the Sanskrit, not a published edition
PdP 2 42.6
सुदेवा चारुसर्वांगी सत्यव्रतपरायणा । तया सार्द्धं स वै राजा जनानां पुण्यनायकः
sudevā cārusarvāṃgī satyavrataparāyaṇā | tayā sārddhaṃ sa vai rājā janānāṃ puṇyanāyakaḥ
Sudevā, lovely in every limb, devoted to the vow of truth—together with her that king, the meritorious leader of the people,
AI translation rendered from the Sanskrit, not a published edition
PdP 2 42.7
स रेमे नृपशार्दूलो नित्यं च प्रियया तया । एकदा तु महाराजस्तया सार्द्धं वनं ययौ
sa reme nṛpaśārdūlo nityaṃ ca priyayā tayā | ekadā tu mahārājastayā sārddhaṃ vanaṃ yayau
that tiger among kings took his pleasure constantly with his beloved. Once the great king went to the forest together with her.
AI translation rendered from the Sanskrit, not a published edition
PdP 2 42.8
गंगारण्यं समासाद्य मृगयां क्रीडते सदा । सिंहान्हत्वा वराहांश्च गजांश्च महिषांस्तथा
gaṃgāraṇyaṃ samāsādya mṛgayāṃ krīḍate sadā | siṃhānhatvā varāhāṃśca gajāṃśca mahiṣāṃstathā
Reaching the Ganges forest, he sported at the hunt continually, killing lions and boars, and elephants and buffaloes too.
AI translation rendered from the Sanskrit, not a published edition
PdP 2 42.9
क्रीडमानस्य तस्याग्रे वराहश्च समागतः । बहुशूकरयूथेन पुत्रपौत्रैरलंकृतः
krīḍamānasya tasyāgre varāhaśca samāgataḥ | bahuśūkarayūthena putrapautrairalaṃkṛtaḥ
As he was thus sporting, a boar came before him, with a large herd of hogs, attended by his sons and grandsons.
AI translation rendered from the Sanskrit, not a published edition
PdP 2 42.10
एका च शूकरी तस्य प्रियापार्श्वे प्रतिष्ठिता । वराहैः शूकरैस्तस्य तमेव परिवारिता
ekā ca śūkarī tasya priyāpārśve pratiṣṭhitā | varāhaiḥ śūkaraistasya tameva parivāritā
And one sow was stationed at his side as his mate, surrounded by the boars and hogs belonging to him.
AI translation rendered from the Sanskrit, not a published edition — the model flagged this verse as uncertain
PdP 2 42.11
दृष्ट्वा च राजराजेंद्रं दुर्जयं मृगयारतम् । पर्वताधारमाश्रित्य भार्यया सह शूकरः
dṛṣṭvā ca rājarājeṃdraṃ durjayaṃ mṛgayāratam | parvatādhāramāśritya bhāryayā saha śūkaraḥ
And seeing that lord of kings, hard to conquer, intent on the hunt, the boar, taking his stand on a mountain slope together with his wife,
AI translation rendered from the Sanskrit, not a published edition
PdP 2 42.12
तिष्ठत्येकः सुवीर्येण पुत्रान्पौत्रान्गुरूञ्छिशून् । ज्ञात्वा तेषां महाराज मृगाणां कदनं महत्
tiṣṭhatyekaḥ suvīryeṇa putrānpautrāngurūñchiśūn | jñātvā teṣāṃ mahārāja mṛgāṇāṃ kadanaṃ mahat
stood alone with great valour (guarding) his sons, grandsons, elders and young ones. Knowing, O great king, that a great slaughter of those beasts (was at hand),
AI translation rendered from the Sanskrit, not a published edition — the model flagged this verse as uncertain
PdP 2 42.13
तानुवाच सुतान्पौत्रान्भार्यां तां च स शूकरः । कोशलाधिपतिर्वीरो मनुपुत्रो महाबलः
tānuvāca sutānpautrānbhāryāṃ tāṃ ca sa śūkaraḥ | kośalādhipatirvīro manuputro mahābalaḥ
that boar spoke to those sons, grandsons and that wife of his: "The lord of Kośala, the hero, son of Manu, of great strength,
AI translation rendered from the Sanskrit, not a published edition
PdP 2 42.14
क्रीडते मृगयां कांते मृगान्संहरते बहून् । स मां दृष्ट्वा महाराज एष्यते नात्र संशयः
krīḍate mṛgayāṃ kāṃte mṛgānsaṃharate bahūn | sa māṃ dṛṣṭvā mahārāja eṣyate nātra saṃśayaḥ
is sporting at the hunt, my dear, and is slaying many beasts. That great king, on seeing me, will come (at me)—there is no doubt of it.
AI translation rendered from the Sanskrit, not a published edition
PdP 2 42.15
अन्येषां लुब्धकानां मे नास्ति प्राणभयं ध्रुवम् । ममरूपं नृपो दृष्ट्वा क्षमां नैव करिष्यति
anyeṣāṃ lubdhakānāṃ me nāsti prāṇabhayaṃ dhruvam | mamarūpaṃ nṛpo dṛṣṭvā kṣamāṃ naiva kariṣyati
From other hunters I surely have no fear for my life; but the king, seeing my form, will show no mercy at all.
AI translation rendered from the Sanskrit, not a published edition
PdP 2 42.16
हर्षेण महताविष्टो बाणपाणिर्धनुर्द्धरः । श्वभिर्युक्तो महातेजा लुब्धकैः परिवारितः
harṣeṇa mahatāviṣṭo bāṇapāṇirdhanurddharaḥ | śvabhiryukto mahātejā lubdhakaiḥ parivāritaḥ
Possessed by great excitement, arrow in hand, bearing a bow, accompanied by dogs, of great fiery energy, surrounded by hunters,
AI translation rendered from the Sanskrit, not a published edition
PdP 2 42.17
प्रिये करिष्यते घातं ममाप्येवं न संशयः
priye kariṣyate ghātaṃ mamāpyevaṃ na saṃśayaḥ
"Beloved, he will surely make a slaughter of me too — there is no doubt of it."
AI translation rendered from the Sanskrit, not a published edition
PdP 2 42.18
शूकर्युवाच- यदायदा पश्यसि लुब्धकान्बहून्महावने कांत समायुधान्बहून् । एतैस्तु पुत्रैर्ममपौत्रकैः समं दूरं नु भो यासि पलायमानः
śūkaryuvāca- yadāyadā paśyasi lubdhakānbahūnmahāvane kāṃta samāyudhānbahūn | etaistu putrairmamapautrakaiḥ samaṃ dūraṃ nu bho yāsi palāyamānaḥ
The sow said: "Whenever you see many hunters in the great forest, beloved, many of them well armed, then together with these sons and grandsons of mine you go far off, oh, fleeing away."
AI translation rendered from the Sanskrit, not a published edition
PdP 2 42.19
त्यक्त्वा सुधैर्यं बलपौरुषं महन्महाभयेनापि विषण्णचेतनः । दृष्ट्वा नृपेंद्रं पुरुषोत्तमोत्तमं करोषि किं कांत वदस्वकारणम्
tyaktvā sudhairyaṃ balapauruṣaṃ mahanmahābhayenāpi viṣaṇṇacetanaḥ | dṛṣṭvā nṛpeṃdraṃ puruṣottamottamaṃ karoṣi kiṃ kāṃta vadasvakāraṇam
"Having abandoned your good steadiness and your great strength and manhood, your mind cast down as if by some great terror, on seeing the lord of men, the highest of the highest of men — what are you doing, beloved? Tell (me) the reason."
AI translation rendered from the Sanskrit, not a published edition
PdP 2 42.20
तस्यास्तु वाक्यं सनिशम्य कोल उवाच तां शूकरराजउत्तरम् । यदर्थभीतोस्मि सुलुब्धकात्प्रिये दृष्ट्वा गतो दूर निशम्यशूकरान्
tasyāstu vākyaṃ saniśamya kola uvāca tāṃ śūkararājauttaram | yadarthabhītosmi sulubdhakātpriye dṛṣṭvā gato dūra niśamyaśūkarān
Hearing her words, the boar, the excellent king of boars, said to her: "It is for this reason that I am afraid of the fierce hunter, beloved: on seeing (him) I went far away, having heard (of the slain) boars."
AI translation rendered from the Sanskrit, not a published edition — the model flagged this verse as uncertain
PdP 2 42.21
सुलुब्धकाः पापकराः शठाः प्रिये कुर्वंति पापं गिरिदुर्गकंदरे । सदैव दुष्टा बहुपापचिंतका जाताश्च सर्वे परिपापिनां कुले
sulubdhakāḥ pāpakarāḥ śaṭhāḥ priye kurvaṃti pāpaṃ giridurgakaṃdare | sadaiva duṣṭā bahupāpaciṃtakā jātāśca sarve paripāpināṃ kule
"Cruel hunters, doers of evil, deceitful, my dear, commit their evil in the mountain fastnesses and caverns; they are always wicked, plotting much evil, and all are born in the family of utter sinners."
AI translation rendered from the Sanskrit, not a published edition
PdP 2 42.22
तेषां हि हस्तान्मरणाद्बिभेमि मृतोपि यास्यामि पुनश्च पापम् । दूरं गिरिं पर्वतकंदरं च व्रजामि कांते अपमृत्युभीतः
teṣāṃ hi hastānmaraṇādbibhemi mṛtopi yāsyāmi punaśca pāpam | dūraṃ giriṃ parvatakaṃdaraṃ ca vrajāmi kāṃte apamṛtyubhītaḥ
"For I fear death at their hands; even when dead I would go again to sin. So, beloved, in fear of an untimely death I go far off, to the mountain and the mountain cavern."
AI translation rendered from the Sanskrit, not a published edition — the model flagged this verse as uncertain
PdP 2 42.23
अयं हि पुण्यो नरनाथ आगतो विश्वाधिकः केशवरूप भूपः । युद्धं करिष्ये समरे महात्मना सार्द्धं प्रिये पौरुषविक्रमेण
ayaṃ hi puṇyo naranātha āgato viśvādhikaḥ keśavarūpa bhūpaḥ | yuddhaṃ kariṣye samare mahātmanā sārddhaṃ priye pauruṣavikrameṇa
"But this one who has come is a meritorious lord of men, a king surpassing the world, of Keśava's own form; I shall fight in battle with that great one, beloved, with manly valour."
AI translation rendered from the Sanskrit, not a published edition
PdP 2 42.24
जेष्यामि भूपं यदि स्वेन तेजसा भोक्ष्यामि कीर्तिं त्वतुलां पृथिव्याम् । तेनाहतो वीरवरेण संगरे यास्यामि लोकं मधुसूदनस्य
jeṣyāmi bhūpaṃ yadi svena tejasā bhokṣyāmi kīrtiṃ tvatulāṃ pṛthivyām | tenāhato vīravareṇa saṃgare yāsyāmi lokaṃ madhusūdanasya
"If I conquer the king by my own might, I shall enjoy incomparable fame on earth; and if I am struck down in the fight by that best of heroes, I shall go to the world of the slayer of Madhu."
AI translation rendered from the Sanskrit, not a published edition
PdP 2 42.25
ममांगभूतेन पलेनमेदसा तृप्तिं परां यास्यति भूमिनाथः । तृप्ता भविष्यंति सुलोकदेवता अस्मादयंचागतो वज्रपाणिः
mamāṃgabhūtena palenamedasā tṛptiṃ parāṃ yāsyati bhūmināthaḥ | tṛptā bhaviṣyaṃti sulokadevatā asmādayaṃcāgato vajrapāṇiḥ
"With the flesh and fat that are parts of my body the lord of the earth will attain the highest satisfaction; the gods of the good worlds will be satisfied; it is for this that this wielder of the thunderbolt has come."
AI translation rendered from the Sanskrit, not a published edition
PdP 2 42.26
अस्यैव हस्तान्मरणं यदाभवेल्लाभश्च मे सुंदरि कीर्तिरुत्तमा । तस्माद्यशो भूमितले जगत्त्रये व्रजामि लोकं मधुसूदनस्य
asyaiva hastānmaraṇaṃ yadābhavellābhaśca me suṃdari kīrtiruttamā | tasmādyaśo bhūmitale jagattraye vrajāmi lokaṃ madhusūdanasya
"If death comes at the hands of this very one, then, fair lady, my gain is the highest renown; therefore (I win) glory on the face of the earth in the three worlds, and I go to the world of the slayer of Madhu."
AI translation rendered from the Sanskrit, not a published edition
PdP 2 42.27
नैवं भीतोस्मि क्षुब्धोस्मि गतोऽहं गिरिसानुषु । पापाद्भीतो गतः कांतेधर्मं दृष्ट्वा स्थितोह्यहम्
naivaṃ bhītosmi kṣubdhosmi gato'haṃ girisānuṣu | pāpādbhīto gataḥ kāṃtedharmaṃ dṛṣṭvā sthitohyaham
"It is not that I am afraid in that way; I am agitated, (and so) I went into the mountain ridges. I went in fear of sin, beloved; but seeing that this is dharma, I have stood my ground."
AI translation rendered from the Sanskrit, not a published edition — the model flagged this verse as uncertain
PdP 2 42.28
न जाने पातकं पूर्वमन्यजन्मनि चार्जितम् । येनाहं शौकरीं योनिं गतोऽहं पापसंचयात्
na jāne pātakaṃ pūrvamanyajanmani cārjitam | yenāhaṃ śaukarīṃ yoniṃ gato'haṃ pāpasaṃcayāt
"I do not know what sin was earned before, in another birth, by which I have come to a boar's womb through an accumulation of evil."
AI translation rendered from the Sanskrit, not a published edition
PdP 2 42.29
क्षालयिष्याम्यहं घोरं पूर्वपातकसंचयम् । बाणोदकैर्महाघोरैः सुतीक्ष्णैर्निशितैः शतैः
kṣālayiṣyāmyahaṃ ghoraṃ pūrvapātakasaṃcayam | bāṇodakairmahāghoraiḥ sutīkṣṇairniśitaiḥ śataiḥ
"I shall wash away the dreadful mass of my former sins with the water of arrows, with hundreds of terrible, very keen, sharpened (shafts)."
AI translation rendered from the Sanskrit, not a published edition
PdP 2 42.30
पुत्रान्पौत्रांस्तु वाराहि कन्यां कुटुंबबालकम् । गिरिं गच्छ गृहीत्वा तु मम मोहमिमं त्यज
putrānpautrāṃstu vārāhi kanyāṃ kuṭuṃbabālakam | giriṃ gaccha gṛhītvā tu mama mohamimaṃ tyaja
"O sow, take the sons and grandsons, the daughter, the household and the young, and go to the mountain; and give up this attachment to me."
AI translation rendered from the Sanskrit, not a published edition
PdP 2 42.31
ममस्नेहं परित्यज्य हरिरेष समागतः । अस्य हस्तात्प्रयास्यामि तद्विष्णोः परमं पदम्
mamasnehaṃ parityajya harireṣa samāgataḥ | asya hastātprayāsyāmi tadviṣṇoḥ paramaṃ padam
"Abandon your love for me: Hari himself has come here. At his hands I shall go to that supreme abode of Viṣṇu."
AI translation rendered from the Sanskrit, not a published edition
PdP 2 42.32
दैवेनापि ममाद्यैव स्वर्गद्वारमनुत्तमम् । उद्घाटितकपाटं तु यास्यामि सुमहादिवम्
daivenāpi mamādyaiva svargadvāramanuttamam | udghāṭitakapāṭaṃ tu yāsyāmi sumahādivam
"By fate itself, this very day, the unsurpassed door of heaven (stands open) for me, its panels thrown wide, and I shall go to that great heaven."
AI translation rendered from the Sanskrit, not a published edition
PdP 2 42.33
सुकलोवाच- तच्छ्रुत्वा वचनं तस्य शूकरस्य महात्मनः । उवाच तत्प्रिया सख्यः सीदमानांतरा तदा
sukalovāca- tacchrutvā vacanaṃ tasya śūkarasya mahātmanaḥ | uvāca tatpriyā sakhyaḥ sīdamānāṃtarā tadā
Sukala said: Hearing that speech of the great-souled boar, his beloved, O friends, then spoke, sinking within.
AI translation rendered from the Sanskrit, not a published edition — the model flagged this verse as uncertain
PdP 2 42.34
शूकर्युवाच- यस्मिन्यूथे भवान्स्वामी पुत्रपौत्रैरलंकृतः । मित्रैश्च भ्रातृभिश्चैव अन्यैः स्वजनबांधवैः
śūkaryuvāca- yasminyūthe bhavānsvāmī putrapautrairalaṃkṛtaḥ | mitraiśca bhrātṛbhiścaiva anyaiḥ svajanabāṃdhavaiḥ
The sow said: "In the herd in which you are master, adorned with sons and grandsons, and with friends and brothers and other kinsmen and relations —
AI translation rendered from the Sanskrit, not a published edition
PdP 2 42.35
त्वयैवालंकृतो यूथो भवता परिशोभते । त्वां विनायं महाभाग कीदृग्यूथो भविष्यति
tvayaivālaṃkṛto yūtho bhavatā pariśobhate | tvāṃ vināyaṃ mahābhāga kīdṛgyūtho bhaviṣyati
— the herd is adorned by you alone, it shines because of you. Without you, O greatly fortunate one, what sort of herd will this be?"
AI translation rendered from the Sanskrit, not a published edition
PdP 2 42.36
तवैव स्वबलेनापि गर्जमानाश्च शूकराः । विचरंति गिरौ कांत तनया मम बालकाः
tavaiva svabalenāpi garjamānāśca śūkarāḥ | vicaraṃti girau kāṃta tanayā mama bālakāḥ
"It is by your own strength that the boars roar and roam about on the mountain, beloved — my sons, my young ones."
AI translation rendered from the Sanskrit, not a published edition
PdP 2 42.37
कंदान्मूलान्सुभक्षंति निर्भयास्तव तेजसा । दुर्गेषु वनकुंजेषु ग्रामेषु नगरेषु च
kaṃdānmūlānsubhakṣaṃti nirbhayāstava tejasā | durgeṣu vanakuṃjeṣu grāmeṣu nagareṣu ca
Fearless through your might, they eat well of tubers and roots — in mountain fastnesses, in forest thickets, in villages and in cities.
AI translation rendered from the Sanskrit, not a published edition
PdP 2 42.38
न कुर्वंति भयं तीव्रं सिंहानामिह पर्वते । मनुष्याणां महाबाहो पालितास्तव तेजसा
na kurvaṃti bhayaṃ tīvraṃ siṃhānāmiha parvate | manuṣyāṇāṃ mahābāho pālitāstava tejasā
They feel no sharp fear here on the mountain, neither of lions nor of men, O mighty-armed one, protected as they are by your might.
AI translation rendered from the Sanskrit, not a published edition
PdP 2 42.39
त्वया त्यक्ता अमी सर्वे बालका मम दारकाः । दीनाश्चैवाकुलाश्चैव भविष्यंति विचेतनाः
tvayā tyaktā amī sarve bālakā mama dārakāḥ | dīnāścaivākulāścaiva bhaviṣyaṃti vicetanāḥ
Abandoned by you, all these young ones, my children, will be wretched and distressed and out of their senses.
AI translation rendered from the Sanskrit, not a published edition
PdP 2 42.40
नित्यमेव सुखं वर्त्म गत्वा पश्यंति बालकाः । पतिहीना यथा नारी शोभते नैव शोभना
nityameva sukhaṃ vartma gatvā paśyaṃti bālakāḥ | patihīnā yathā nārī śobhate naiva śobhanā
The young ones always look upon the going as a pleasant road; as a woman without a husband, however beautiful, does not shine.
AI translation rendered from the Sanskrit, not a published edition — the model flagged this verse as uncertain
PdP 2 42.41
अलंकृता यथा दिव्यैरलंकारैः सकांचनैः । परिच्छदै रत्नवस्त्रैः पितृमातृसहोदरैः
alaṃkṛtā yathā divyairalaṃkāraiḥ sakāṃcanaiḥ | paricchadai ratnavastraiḥ pitṛmātṛsahodaraiḥ
Even though she be adorned with divine ornaments set with gold, with garments, jewelled robes, and with father, mother and brothers —
AI translation rendered from the Sanskrit, not a published edition
PdP 2 42.42
श्वश्रूश्वशुरकैश्चान्यैः पतिहीना न भाति सा । चंद्रहीना यथा रात्री पुत्रहीनं यथा कुलम्
śvaśrūśvaśurakaiścānyaiḥ patihīnā na bhāti sā | caṃdrahīnā yathā rātrī putrahīnaṃ yathā kulam
and with mother-in-law, father-in-law and the rest, that woman without a husband does not shine; as a night without the moon, as a family without a son,
AI translation rendered from the Sanskrit, not a published edition
PdP 2 42.43
दीपहीनं यथा गेहं नैव भाति कदाचन । त्वां विनायं तथा यूथो नैव शोभेत मानद
dīpahīnaṃ yathā gehaṃ naiva bhāti kadācana | tvāṃ vināyaṃ tathā yūtho naiva śobheta mānada
as a house without a lamp never shines — so this herd, without you, would not shine, O giver of honour.
AI translation rendered from the Sanskrit, not a published edition
PdP 2 42.44
आचारेण विना मर्त्यो ज्ञानहीनो यतिर्यथा । मंत्रहीनो यथा राजा तथायं नैव शोभते
ācāreṇa vinā martyo jñānahīno yatiryathā | maṃtrahīno yathā rājā tathāyaṃ naiva śobhate
As a mortal without good conduct, as an ascetic devoid of knowledge, as a king without counsel — so this (herd) does not shine.
AI translation rendered from the Sanskrit, not a published edition
PdP 2 42.45
कैवर्तेन विना नौर्वा संपूर्णा परिसागरे । न भात्येवं यथा सार्थः सार्थवाहेन वै विना
kaivartena vinā naurvā saṃpūrṇā parisāgare | na bhātyevaṃ yathā sārthaḥ sārthavāhena vai vinā
Or as a boat, though fully laden, out on the ocean without a helmsman; just so a caravan does not shine without its caravan-leader.
AI translation rendered from the Sanskrit, not a published edition
PdP 2 42.46
सेनाध्यक्षेण च विना यथा सैन्यं न भाति च । त्वां विना वै तथा सैन्यं शूकराणां महामते
senādhyakṣeṇa ca vinā yathā sainyaṃ na bhāti ca | tvāṃ vinā vai tathā sainyaṃ śūkarāṇāṃ mahāmate
And as an army does not shine without a commander, so too, without you, is the army of boars, O greatly wise one.
AI translation rendered from the Sanskrit, not a published edition
PdP 2 42.47
दीनो भविष्यति तथा वेदहीनो यथा द्विजः । मयि भारं कुटुंबस्य विनिवेश्य प्रगच्छसि
dīno bhaviṣyati tathā vedahīno yathā dvijaḥ | mayi bhāraṃ kuṭuṃbasya viniveśya pragacchasi
It will be as wretched as a twice-born man bereft of the Veda. Laying the burden of the family upon me, you are going away.
AI translation rendered from the Sanskrit, not a published edition
PdP 2 42.48
मरणं सुलभं ज्ञात्वा का प्रतिज्ञा तवेदृशी । त्वां विनाहं न शक्नोमि धर्तुं प्राणान्प्रियेश्वर
maraṇaṃ sulabhaṃ jñātvā kā pratijñā tavedṛśī | tvāṃ vināhaṃ na śaknomi dhartuṃ prāṇānpriyeśvara
Knowing that death comes easily, what sort of vow is this of yours? Without you I cannot hold on to my life-breaths, O beloved lord.
AI translation rendered from the Sanskrit, not a published edition
PdP 2 42.49
त्वयैव सहिता स्वर्गं भूमिं वाथ महामते । नरकं वापि भोक्ष्यामि सत्यंसत्यं वदाम्यहम्
tvayaiva sahitā svargaṃ bhūmiṃ vātha mahāmate | narakaṃ vāpi bhokṣyāmi satyaṃsatyaṃ vadāmyaham
Together with you alone I will enjoy heaven, or earth, O greatly wise one, or even hell — truly, truly I speak.
AI translation rendered from the Sanskrit, not a published edition
PdP 2 42.50
त्वं वा पुत्रांस्तुपौत्रांस्तु गृहीत्वा यूथमुत्तमम् । आवां व्रजाव यूथेश दुर्गमेवं सुकंदरम्
tvaṃ vā putrāṃstupautrāṃstu gṛhītvā yūthamuttamam | āvāṃ vrajāva yūtheśa durgamevaṃ sukaṃdaram
Or else you, taking the sons and grandsons and the excellent herd — let the two of us go, O lord of the herd, to just such a stronghold with its fine caves.
AI translation rendered from the Sanskrit, not a published edition
PdP 2 42.51
जीवितव्यं परित्यज्य रणाय परिगम्यते । तत्र को दृश्यते लाभो मरणे वद सांप्रतम्
jīvitavyaṃ parityajya raṇāya parigamyate | tatra ko dṛśyate lābho maraṇe vada sāṃpratam
Giving up life, one goes forth to battle. What gain is seen there in dying? Tell (me) now.
AI translation rendered from the Sanskrit, not a published edition
PdP 2 42.52
वाराह उवाच- वीराणां त्वं न जानासि सुधर्मं शृणु सांप्रतम् । युद्धार्थिना हि वीरेण वीरं गत्वा प्रयाचितम्
vārāha uvāca- vīrāṇāṃ tvaṃ na jānāsi sudharmaṃ śṛṇu sāṃpratam | yuddhārthinā hi vīreṇa vīraṃ gatvā prayācitam
The boar said: You do not know the good law of heroes; hear it now. By a hero seeking battle, having approached a hero, this is asked:
AI translation rendered from the Sanskrit, not a published edition
PdP 2 42.53
देहि मे योधनं संख्ये युद्धार्थ्यहं समागतः । परेण याचितं युद्धं न ददाति यदा नरः
dehi me yodhanaṃ saṃkhye yuddhārthyahaṃ samāgataḥ | pareṇa yācitaṃ yuddhaṃ na dadāti yadā naraḥ
"Grant me combat in battle; I have come seeking a fight." When a man does not grant the battle asked for by another —
AI translation rendered from the Sanskrit, not a published edition
PdP 2 42.54
कामाल्लोभाद्भयाद्वापि मोहाद्वा शृणु वल्लभे । कुंभीपाके तु नरके वसेद्युगसहस्रकम्
kāmāllobhādbhayādvāpi mohādvā śṛṇu vallabhe | kuṃbhīpāke tu narake vasedyugasahasrakam
whether out of desire, greed, fear, or delusion — hear, my dear: he shall dwell in the Kumbhīpāka hell for a thousand ages.
AI translation rendered from the Sanskrit, not a published edition
PdP 2 42.55
क्षत्रियाणां परो धर्मो युद्धं देयं न संशयः । तद्युद्धं दीयमानेन रणभूमिगतेन वै
kṣatriyāṇāṃ paro dharmo yuddhaṃ deyaṃ na saṃśayaḥ | tadyuddhaṃ dīyamānena raṇabhūmigatena vai
The highest duty of kṣatriyas is that battle must be granted, no doubt of it. By one who grants that battle and goes onto the field of war,
AI translation rendered from the Sanskrit, not a published edition
PdP 2 42.56
निर्जितं तु परं तत्र यशःकीर्त्तिं प्रभुंजते । स वा हतो युध्यमानः पौरुषेणातिनिर्भयः
nirjitaṃ tu paraṃ tatra yaśaḥkīrttiṃ prabhuṃjate | sa vā hato yudhyamānaḥ pauruṣeṇātinirbhayaḥ
the foe is conquered there, and (such men) enjoy fame and renown; or else, slain while fighting, utterly fearless in his manhood,
AI translation rendered from the Sanskrit, not a published edition
PdP 2 42.57
वीरलोकमवाप्नोति दिव्यान्भोगान्प्रभुंजते । यावद्वर्षसहस्राणां विंशत्येकां प्रिये शृणु
vīralokamavāpnoti divyānbhogānprabhuṃjate | yāvadvarṣasahasrāṇāṃ viṃśatyekāṃ priye śṛṇu
(He) attains the world of heroes and enjoys divine pleasures; for as many as twenty-one thousand years — hear this, my dear.
AI translation rendered from the Sanskrit, not a published edition
PdP 2 42.58
वीरलोके वसेत्तावद्देवाचारैर्महीयते । मनुपुत्रः समायात अयं वीरो न संशयः
vīraloke vasettāvaddevācārairmahīyate | manuputraḥ samāyāta ayaṃ vīro na saṃśayaḥ
He would dwell that long in the world of heroes, honoured with the observances due to gods. This one who has come is a son of Manu, a hero, no doubt of it.
AI translation rendered from the Sanskrit, not a published edition
PdP 2 42.59
संग्रामं याचमानस्तु युद्धं देयं मया ध्रुवम् । युद्धातिथिः समायातो विष्णुरूपः सनातनः
saṃgrāmaṃ yācamānastu yuddhaṃ deyaṃ mayā dhruvam | yuddhātithiḥ samāyāto viṣṇurūpaḥ sanātanaḥ
When one asks for battle, combat must certainly be given by me; a guest for battle has come, of the form of Viṣṇu, the eternal one.
AI translation rendered from the Sanskrit, not a published edition
PdP 2 42.60
सत्कारो युद्धरूपेण कर्तव्यश्च मया शुभे । शूकर्युवाच- यदा युद्धं त्वया देयं राज्ञे चैव महात्मने
satkāro yuddharūpeṇa kartavyaśca mayā śubhe | śūkaryuvāca- yadā yuddhaṃ tvayā deyaṃ rājñe caiva mahātmane
And the honouring (of him) must be done by me in the form of battle, O fair one. The sow said: When battle is to be given by you to the king, the great-souled one —
AI translation rendered from the Sanskrit, not a published edition
PdP 2 42.61
ततोऽहं पौरुषं कांत पश्यामि तव कीदृशम् । एवमुक्त्वा प्रियान्पुत्रान्समाहूय त्वरान्विता
tato'haṃ pauruṣaṃ kāṃta paśyāmi tava kīdṛśam | evamuktvā priyānputrānsamāhūya tvarānvitā
then, beloved, I shall see what your manliness is like. Having spoken thus, she hastily called together her dear sons
AI translation rendered from the Sanskrit, not a published edition
PdP 2 42.62
उवाच पुत्रका यूयं शृणुध्वं वचनं मम । युद्धातिथिः समायातो विष्णुरूपः सनातनः
uvāca putrakā yūyaṃ śṛṇudhvaṃ vacanaṃ mama | yuddhātithiḥ samāyāto viṣṇurūpaḥ sanātanaḥ
and said: Sons, listen to my words. A guest for battle has come, of the form of Viṣṇu, the eternal one.
AI translation rendered from the Sanskrit, not a published edition
PdP 2 42.63
मया तत्र प्रगंतव्यं यत्रायं हि गमिष्यति । यावत्तिष्ठति वै नाथो भवतां प्रतिपालकः
mayā tatra pragaṃtavyaṃ yatrāyaṃ hi gamiṣyati | yāvattiṣṭhati vai nātho bhavatāṃ pratipālakaḥ
I must go there where he will go, so long as your lord and protector stands (firm).
AI translation rendered from the Sanskrit, not a published edition
PdP 2 42.64
यूयं गच्छत वै दूरं दुर्गं गिरिगुहामुखम् । सुखं जीवत मे वत्सा वर्जयित्वा सुलुब्धकान्
yūyaṃ gacchata vai dūraṃ durgaṃ giriguhāmukham | sukhaṃ jīvata me vatsā varjayitvā sulubdhakān
Go far away, to the inaccessible mouth of a mountain cave; live happily, my children, avoiding the hunters.
AI translation rendered from the Sanskrit, not a published edition
PdP 2 42.65
मया तत्रैव गंतव्यं यत्रैष हि गमिष्यति । भवतां श्रेष्ठोऽयं भ्राता यूथरक्षां करिष्यति
mayā tatraiva gaṃtavyaṃ yatraiṣa hi gamiṣyati | bhavatāṃ śreṣṭho'yaṃ bhrātā yūtharakṣāṃ kariṣyati
I must go to that very place where he will go; this eldest brother of yours will guard the herd.
AI translation rendered from the Sanskrit, not a published edition
PdP 2 42.66
एते पितृव्यकाः सर्वे भवतां त्राणकारकाः । दूरं प्रयात वै सर्वे मां विहाय सुपुत्रकाः
ete pitṛvyakāḥ sarve bhavatāṃ trāṇakārakāḥ | dūraṃ prayāta vai sarve māṃ vihāya suputrakāḥ
All these paternal uncles of yours will afford you protection. Go far off, all of you, leaving me, my good sons.
AI translation rendered from the Sanskrit, not a published edition
PdP 2 42.67
पुत्रा ऊचुः- अयं हि पर्वतश्रेष्ठो बहुमूलफलोदकः । भयं तु कस्य वै नास्ति सुखं जीवनमस्ति वै
putrā ūcuḥ- ayaṃ hi parvataśreṣṭho bahumūlaphalodakaḥ | bhayaṃ tu kasya vai nāsti sukhaṃ jīvanamasti vai
The sons said: This is the best of mountains, with abundant roots, fruits and water; there is fear of no one here, and living is easy.
AI translation rendered from the Sanskrit, not a published edition
PdP 2 42.68
युवाभ्यां हि अकस्माद्वै इदमुक्तं भयंकरम् । तन्नो हि कारणं मातर्वद सत्यमिहैव हि
yuvābhyāṃ hi akasmādvai idamuktaṃ bhayaṃkaram | tanno hi kāraṇaṃ mātarvada satyamihaiva hi
Yet suddenly this frightful thing has been said by you two. So tell us the reason for it, mother — the truth, right here.
AI translation rendered from the Sanskrit, not a published edition
PdP 2 42.69
शूकर्युवाच-। अयं राजा महारौद्रः कालरूपः समागतः । क्रीडते मृगया लुब्धो मृगान्हत्वा बहून्वने
śūkaryuvāca-| ayaṃ rājā mahāraudraḥ kālarūpaḥ samāgataḥ | krīḍate mṛgayā lubdho mṛgānhatvā bahūnvane
The sow said: This king, exceedingly terrible, has come in the form of Death; greedy, he sports at the hunt, having killed many deer in the forest.
AI translation rendered from the Sanskrit, not a published edition
PdP 2 42.70
इक्ष्वाकुर्नाम दुर्धर्षो मनुपुत्रो महाबलः । संहरिष्यति कालोऽयं दूरं यात सुपुत्रकाः
ikṣvākurnāma durdharṣo manuputro mahābalaḥ | saṃhariṣyati kālo'yaṃ dūraṃ yāta suputrakāḥ
Ikṣvāku by name, hard to assail, a son of Manu, of great strength; this Death will destroy (us) — go far away, my good sons.
AI translation rendered from the Sanskrit, not a published edition
PdP 2 42.71
पुत्रा ऊचुः-। मातरं पितरं त्यक्त्वा यः प्रयाति स पापधीः । महारौद्रं सुघोरं तु नरकं प्रतिपद्यते
putrā ūcuḥ-| mātaraṃ pitaraṃ tyaktvā yaḥ prayāti sa pāpadhīḥ | mahāraudraṃ sughoraṃ tu narakaṃ pratipadyate
The sons said: He who goes away abandoning mother and father is of sinful mind; he falls into the most terrible, dreadful hell.
AI translation rendered from the Sanskrit, not a published edition
PdP 2 42.72
मातुः पुण्यं पयः पीत्वा पुष्टो भवति निर्घृणः । मातरं पितरं त्यक्त्वा यः प्रयाति सुदुर्बलः
mātuḥ puṇyaṃ payaḥ pītvā puṣṭo bhavati nirghṛṇaḥ | mātaraṃ pitaraṃ tyaktvā yaḥ prayāti sudurbalaḥ
Having drunk the mother's holy milk and grown strong, he becomes pitiless; he who, most feeble, goes away abandoning mother and father
AI translation rendered from the Sanskrit, not a published edition
PdP 2 42.73
पूयं नरकमेतीह कृमिदुर्गंधसंकुलम् । मातुस्तस्मान्न यास्यामो गुरुं त्यक्त्वा इहैव च
pūyaṃ narakametīha kṛmidurgaṃdhasaṃkulam | mātustasmānna yāsyāmo guruṃ tyaktvā ihaiva ca
comes here to the hell of pus, teeming with worms and foul stench. Therefore we will not go from our mother, abandoning our elder, right here.
AI translation rendered from the Sanskrit, not a published edition
PdP 2 42.74
एवं विषादः संजातस्तेषां धर्मार्थसंयुतः । व्यूहं कृत्वा स्थिताः सर्वे बलतेजः समाकुलाः
evaṃ viṣādaḥ saṃjātasteṣāṃ dharmārthasaṃyutaḥ | vyūhaṃ kṛtvā sthitāḥ sarve balatejaḥ samākulāḥ
Thus grief arose in them, bound up with duty and purpose; and all of them, filled with strength and fiery energy, stood, having formed a battle-array.
AI translation rendered from the Sanskrit, not a published edition
PdP 2 42.75
साहसोत्साहसंपन्नाः पश्यंति नृपनंदनम् । नदंतः पौरुषैर्युक्ताः क्रीडमाना वने तदा
sāhasotsāhasaṃpannāḥ paśyaṃti nṛpanaṃdanam | nadaṃtaḥ pauruṣairyuktāḥ krīḍamānā vane tadā
Endowed with daring and zeal, they watch the king's son; roaring, filled with manly spirit, sporting then in the forest.
AI translation rendered from the Sanskrit, not a published edition