Padma Purana — Bhumi Khanda — Chapter 37
PdP 2 37.1
सप्तत्रिंशोऽध्यायः 2.37 ऋषय ऊचुः- एवं वेनस्य चैवासीत्सृष्टिरेव महात्मनः । धर्माचारं परित्यज्य कथं पापमतिर्भवेत्
saptatriṃśo'dhyāyaḥ 2.37 ṛṣaya ūcuḥ- evaṃ venasya caivāsītsṛṣṭireva mahātmanaḥ | dharmācāraṃ parityajya kathaṃ pāpamatirbhavet
Chapter thirty-seven. The seers said: Such indeed was the very origin of great-souled Vena. How then could he abandon the practice of dharma and become sinful in mind?
AI translation rendered from the Sanskrit, not a published edition
PdP 2 37.2
सूत उवाच- ज्ञानविज्ञानसंपन्ना मुनयस्तत्त्ववेदिनः । शुभाशुभं वदंत्येवं तन्न स्यादिह चान्यथा
sūta uvāca- jñānavijñānasaṃpannā munayastattvavedinaḥ | śubhāśubhaṃ vadaṃtyevaṃ tanna syādiha cānyathā
Sūta said: Sages endowed with knowledge and discernment, who know the truth, declare good and evil to be thus, and it cannot be otherwise here.
AI translation rendered from the Sanskrit, not a published edition
PdP 2 37.3
तप्यमानेन तेनापि सुशंखेन महात्मना । दत्तः शापः कथं विप्रा न यथावच्च जायते
tapyamānena tenāpi suśaṃkhena mahātmanā | dattaḥ śāpaḥ kathaṃ viprā na yathāvacca jāyate
And how, O brahmins, does the curse given by that great-souled Suśaṅkha too, while he was tormented, not come about as it was spoken?
AI translation rendered from the Sanskrit, not a published edition — the model flagged this verse as uncertain
PdP 2 37.4
वेनस्य पातकाचारं सर्वमेव वदाम्यहम् । तस्मिञ्छासति धर्मज्ञे प्रजापाले महात्मनि
venasya pātakācāraṃ sarvameva vadāmyaham | tasmiñchāsati dharmajñe prajāpāle mahātmani
I shall tell all of Vena's sinful conduct. While that great-souled knower of dharma, the protector of the subjects, was ruling,
AI translation rendered from the Sanskrit, not a published edition
PdP 2 37.5
पुरुषः कश्चिदायातश्छद्म लिंगधरस्तदा । नग्नरूपो महाकायः शिरोमुंडो महाप्रभः
puruṣaḥ kaścidāyātaśchadma liṃgadharastadā | nagnarūpo mahākāyaḥ śiromuṃḍo mahāprabhaḥ
a certain man came then, wearing a deceitful mark: naked in form, huge of body, shaven-headed, of great splendour,
AI translation rendered from the Sanskrit, not a published edition
PdP 2 37.6
मार्जनीं शिखिपत्राणां कक्षायां स हि धारयन् । गृहीतं पानपात्रं तु नालिकेरमयं करे
mārjanīṃ śikhipatrāṇāṃ kakṣāyāṃ sa hi dhārayan | gṛhītaṃ pānapātraṃ tu nālikeramayaṃ kare
carrying under his arm a broom of peacock feathers, and having taken in his hand a drinking vessel made of coconut,
AI translation rendered from the Sanskrit, not a published edition
PdP 2 37.7
पठमानो ह्यसच्छास्त्रं वेदधर्मविदूषकम् । यत्र वेनो महाराजस्तत्रायातस्त्वरान्वितः
paṭhamāno hyasacchāstraṃ vedadharmavidūṣakam | yatra veno mahārājastatrāyātastvarānvitaḥ
reciting a false teaching that reviles the Veda and dharma — he came in haste to where Vena the great king was.
AI translation rendered from the Sanskrit, not a published edition
PdP 2 37.8
सभायां तस्य वेनस्य प्रविवेश स पापवान् । तं दृष्ट्वा समनुप्राप्तं वेनः प्रश्नं तदाकरोत्
sabhāyāṃ tasya venasya praviveśa sa pāpavān | taṃ dṛṣṭvā samanuprāptaṃ venaḥ praśnaṃ tadākarot
That sinful one entered into the assembly of that Vena. Seeing him arrived, Vena then put a question:
AI translation rendered from the Sanskrit, not a published edition
PdP 2 37.9
भवान्को हि समायात ईदृग्रूपधरो मम । सभायां वर्तमानस्य पुरः कस्मात्समागतः
bhavānko hi samāyāta īdṛgrūpadharo mama | sabhāyāṃ vartamānasya puraḥ kasmātsamāgataḥ
"Who are you who have come, bearing such a form, before me? Why have you come into the presence of me who am seated in my assembly?
AI translation rendered from the Sanskrit, not a published edition
PdP 2 37.10
को वेषः किं नु ते नाम को धर्मः कर्म ते वद । को वेदस्ते क आचारः किं तपः का प्रभावना
ko veṣaḥ kiṃ nu te nāma ko dharmaḥ karma te vada | ko vedaste ka ācāraḥ kiṃ tapaḥ kā prabhāvanā
What is this garb? What is your name? What is your dharma, what your practice? Tell me. What is your Veda, what your conduct, what your austerity, what your influence?
AI translation rendered from the Sanskrit, not a published edition
PdP 2 37.11
किं ज्ञानं कः प्रभावस्ते किं सत्यं धर्मलक्षणम् । तत्त्वं सर्वं समाचक्ष्व ममाग्रे सत्यमेव च
kiṃ jñānaṃ kaḥ prabhāvaste kiṃ satyaṃ dharmalakṣaṇam | tattvaṃ sarvaṃ samācakṣva mamāgre satyameva ca
What is your knowledge, what your power, what your truth, the mark of dharma? Declare to me the whole truth, and truthfully."
AI translation rendered from the Sanskrit, not a published edition
PdP 2 37.12
श्रुत्वा वेनस्य तद्वाक्यं पापो वाक्यमुदाहरत् । पातक उवाच- करोष्येवं वृथा राज्यं महामूढो न संशयः
śrutvā venasya tadvākyaṃ pāpo vākyamudāharat | pātaka uvāca- karoṣyevaṃ vṛthā rājyaṃ mahāmūḍho na saṃśayaḥ
Hearing that speech of Vena, the sinner uttered these words. The Sin said: "Thus you rule your kingdom in vain; you are a great fool, no doubt.
AI translation rendered from the Sanskrit, not a published edition
PdP 2 37.13
अहं धर्मस्य सर्वस्वमहं पूज्यतमोसुरैः । अहं ज्ञानमहं सत्यमहं धाता सनातनः
ahaṃ dharmasya sarvasvamahaṃ pūjyatamosuraiḥ | ahaṃ jñānamahaṃ satyamahaṃ dhātā sanātanaḥ
I am the whole essence of dharma; I am the one most worshipped by the asuras. I am knowledge, I am truth, I am the eternal ordainer.
AI translation rendered from the Sanskrit, not a published edition
PdP 2 37.14
अहं धर्मं अहं मोक्षः सर्वदेवमयो ह्यहम् । ब्रह्मदेहात्समुद्भूतः सत्यसंधोऽस्मि नान्यथा
ahaṃ dharmaṃ ahaṃ mokṣaḥ sarvadevamayo hyaham | brahmadehātsamudbhūtaḥ satyasaṃdho'smi nānyathā
I am dharma, I am liberation, I indeed consist of all the gods. Arisen from the body of Brahmā, I am true to my word, not otherwise.
AI translation rendered from the Sanskrit, not a published edition
PdP 2 37.15
जिनरूपं विजानीहि सत्यधर्मकलेवरम् । मामेव हि प्रधावंति योगिनो ज्ञानतत्पराः
jinarūpaṃ vijānīhi satyadharmakalevaram | māmeva hi pradhāvaṃti yogino jñānatatparāḥ
Know (me as) the form of the Jina, the very body of true dharma. It is to me that yogins intent on knowledge run.
AI translation rendered from the Sanskrit, not a published edition
PdP 2 37.16
वेन उवाच- तवैव कीदृशं कर्म किं ते दर्शनमेव च । किमाचारो वदस्वैहि इत्युक्तं तेन भूभुजा
vena uvāca- tavaiva kīdṛśaṃ karma kiṃ te darśanameva ca | kimācāro vadasvaihi ityuktaṃ tena bhūbhujā
Vena said: What sort of practice is yours, and what is your doctrine? What is your conduct? Speak, come!" — thus was it said by that king.
AI translation rendered from the Sanskrit, not a published edition
PdP 2 37.17
पातक उवाच- अर्हंतो देवता यत्र निर्ग्रंथो दृश्यते गुरुः । दया चैव परो धर्मस्तत्र मोक्षः प्रदृश्यते
pātaka uvāca- arhaṃto devatā yatra nirgraṃtho dṛśyate guruḥ | dayā caiva paro dharmastatra mokṣaḥ pradṛśyate
Pātaka said: Where the Arhats are the deities, where the naked (nirgrantha) one is seen as the teacher, and where compassion is the highest law — there liberation is seen.
AI translation rendered from the Sanskrit, not a published edition
PdP 2 37.18
दर्शनेस्मिन्न संदेह आचारान्प्रवदाम्यहम् । यजनं याजनं नास्ति वेदाध्ययनमेव च
darśanesminna saṃdeha ācārānpravadāmyaham | yajanaṃ yājanaṃ nāsti vedādhyayanameva ca
In this doctrine there is no doubt; I shall declare the observances: there is no sacrificing (for oneself), no officiating at sacrifice for others, and no study of the Vedas.
AI translation rendered from the Sanskrit, not a published edition
PdP 2 37.19
नास्ति संध्या तपो दानं स्वधास्वाहाविवर्जितम् । हव्यकव्यादिकं नास्ति नैव यज्ञादिका क्रिया
nāsti saṃdhyā tapo dānaṃ svadhāsvāhāvivarjitam | havyakavyādikaṃ nāsti naiva yajñādikā kriyā
There is no twilight worship, no austerity, no giving; it is free of the calls "svadhā" and "svāhā"; there are no oblations to gods or to the dead, nor any rite such as sacrifice.
AI translation rendered from the Sanskrit, not a published edition
PdP 2 37.20
पितॄणां तर्पणं नास्ति नातिथिर्वैश्वदेविकम् । क्षपणस्य वरा पूजा अर्हतो ध्यानमुत्तमम्
pitṝṇāṃ tarpaṇaṃ nāsti nātithirvaiśvadevikam | kṣapaṇasya varā pūjā arhato dhyānamuttamam
There is no libation to the ancestors, no (rite of) the guest, no offering to the All-gods; the worship of the ascetic (kṣapaṇa) is excellent, and meditation on the Arhat is the highest.
AI translation rendered from the Sanskrit, not a published edition
PdP 2 37.21
अयं धर्मसमाचारो जैनमार्गे प्रदृश्यते । एतत्ते सर्वमाख्यातं निजधर्मस्यलक्षणम्
ayaṃ dharmasamācāro jainamārge pradṛśyate | etatte sarvamākhyātaṃ nijadharmasyalakṣaṇam
This is the practice of dharma as it appears in the Jaina path. All this has been declared to you — the mark of my own dharma.
AI translation rendered from the Sanskrit, not a published edition
PdP 2 37.22
वेन उवाच- वेदप्रोक्तो यथा धर्मो यत्र यज्ञादिकाः क्रियाः । पितॄणां तर्पणं श्राद्धं वैश्वदेवं न दृश्यते
vena uvāca- vedaprokto yathā dharmo yatra yajñādikāḥ kriyāḥ | pitṝṇāṃ tarpaṇaṃ śrāddhaṃ vaiśvadevaṃ na dṛśyate
Vena said: Whereas the dharma declared in the Vedas is that in which there are rites such as sacrifice — (here) libation to the ancestors, the śrāddha, and the offering to the All-gods are not seen;
AI translation rendered from the Sanskrit, not a published edition
PdP 2 37.23
न दानं तप एवास्ति क्वास्ते धर्मस्य लक्षणम् । वद सत्यं ममाग्रे तु दयाधर्मं च कीदृशम्
na dānaṃ tapa evāsti kvāste dharmasya lakṣaṇam | vada satyaṃ mamāgre tu dayādharmaṃ ca kīdṛśam
there is no giving, no austerity — where then does the mark of dharma stand? Speak the truth before me: and what sort of thing is this dharma of compassion?
AI translation rendered from the Sanskrit, not a published edition
PdP 2 37.24
पातक उवाच- पंचतत्त्वप्रवृद्धोयं प्राणिनां काय एव च । आत्मा वायुस्वरूपोयं तेषां नास्ति प्रसंगता
pātaka uvāca- paṃcatattvapravṛddhoyaṃ prāṇināṃ kāya eva ca | ātmā vāyusvarūpoyaṃ teṣāṃ nāsti prasaṃgatā
Pātaka said: This body of living beings is grown from the five elements, and this self has the nature of wind; there is no (essential) connection between them.
AI translation rendered from the Sanskrit, not a published edition
PdP 2 37.25
यथा जलेषु भूतानामपिसंगमवेहि तत् । जायते बुद्बुदाकारं तद्वद्भूतसमागमः
yathā jaleṣu bhūtānāmapisaṃgamavehi tat | jāyate budbudākāraṃ tadvadbhūtasamāgamaḥ
Know that (it is) like the coming together of the elements in waters: a bubble-shape arises — such is the conjunction of the elements.
AI translation rendered from the Sanskrit, not a published edition
PdP 2 37.26
पृथ्वीभावो रजःस्थस्तु चापस्तत्रैव संस्थिताः । ज्योतिस्तत्र प्रदृश्येत सुवायुर्वर्तते त्रिषु
pṛthvībhāvo rajaḥsthastu cāpastatraiva saṃsthitāḥ | jyotistatra pradṛśyeta suvāyurvartate triṣu
The earth-nature abides in the dust-particle, and the waters are established there too; fire is seen there, and good wind moves within the three.
AI translation rendered from the Sanskrit, not a published edition
PdP 2 37.27
आकाशमावृणोत्पश्चाद्बुद्बुदत्वं प्रजायते । अप्सुमध्ये प्रभात्येव सुतेजो वर्तुलं वरम्
ākāśamāvṛṇotpaścādbudbudatvaṃ prajāyate | apsumadhye prabhātyeva sutejo vartulaṃ varam
Then space envelops (them), and bubble-hood comes into being; in the midst of the waters there shines a fine, round, excellent brightness.
AI translation rendered from the Sanskrit, not a published edition
PdP 2 37.28
क्षणमात्रं प्रदृश्येत क्षणान्नैव च दृश्यते । तद्वद्भूतसमायोगः सर्वत्र परिदृश्यते
kṣaṇamātraṃ pradṛśyeta kṣaṇānnaiva ca dṛśyate | tadvadbhūtasamāyogaḥ sarvatra paridṛśyate
For a mere instant it is seen, and in an instant it is seen no more; just so is the conjunction of the elements seen everywhere.
AI translation rendered from the Sanskrit, not a published edition
PdP 2 37.29
अंतकाले प्रयात्यात्मा पंच पंचसु यांति ते । मोहमुग्धास्ततो मर्त्या वर्तंते च परस्परम्
aṃtakāle prayātyātmā paṃca paṃcasu yāṃti te | mohamugdhāstato martyā vartaṃte ca parasparam
At the time of the end the self departs; the five go into the five. Deluded by confusion, mortals thereafter carry on with one another.
AI translation rendered from the Sanskrit, not a published edition
PdP 2 37.30
श्राद्धं कुर्वंति मोहेन क्षयाहे पितृतर्पणम् । क्वास्ते मृतः समश्नाति कीदृशोऽसौ नृपोत्तम
śrāddhaṃ kurvaṃti mohena kṣayāhe pitṛtarpaṇam | kvāste mṛtaḥ samaśnāti kīdṛśo'sau nṛpottama
Out of delusion they perform the śrāddha, the libation to the ancestors on the death-anniversary. Where does the dead man abide, (how) does he eat, and of what sort is he, O best of kings?
AI translation rendered from the Sanskrit, not a published edition
PdP 2 37.31
किं ज्ञानं कीदृशं कायं केन दृष्टं वदस्व नः । मिष्टान्नं भोजयित्वा च तृप्ता यांति च ब्राह्मणाः
kiṃ jñānaṃ kīdṛśaṃ kāyaṃ kena dṛṣṭaṃ vadasva naḥ | miṣṭānnaṃ bhojayitvā ca tṛptā yāṃti ca brāhmaṇāḥ
What is (his) knowledge, what sort is (his) body, by whom has it been seen? Tell us! Having been fed sweet food, the brahmins go away satisfied.
AI translation rendered from the Sanskrit, not a published edition
PdP 2 37.32
कस्य श्राद्धं प्रदीयेत सा तु श्रद्धा निरर्थिका । अन्यदेवं प्रवक्ष्यामि वेदानां कर्म दारुणम्
kasya śrāddhaṃ pradīyeta sā tu śraddhā nirarthikā | anyadevaṃ pravakṣyāmi vedānāṃ karma dāruṇam
To whom would the śrāddha be given? That faith is purposeless. I shall declare yet another thing: the cruel rite of the Vedas.
AI translation rendered from the Sanskrit, not a published edition
PdP 2 37.33
यदातिथिर्गृहे याति महोक्षं पचते द्विजः । अजं वा राजराजेंद्र अतिथिं परिभोजयेत्
yadātithirgṛhe yāti mahokṣaṃ pacate dvijaḥ | ajaṃ vā rājarājeṃdra atithiṃ paribhojayet
When a guest comes to the house, the twice-born cooks a great ox, or a goat, O king of kings, and feeds the guest with it.
AI translation rendered from the Sanskrit, not a published edition
PdP 2 37.34
अश्वमेधमखे अश्वं गोमेधे वृषमेव च । नरमेधे नरं राजन्वाजपेये तथा ह्यजान्
aśvamedhamakhe aśvaṃ gomedhe vṛṣameva ca | naramedhe naraṃ rājanvājapeye tathā hyajān
In the horse-sacrifice a horse, in the cow-sacrifice a bull, in the man-sacrifice a man, O king, and in the vājapeya, goats;
AI translation rendered from the Sanskrit, not a published edition
PdP 2 37.35
राजसूये महाराज प्राणिनां घातनं बहु । पुंडरीके गजं हन्याद्गजमेधेऽथ कुंजरम्
rājasūye mahārāja prāṇināṃ ghātanaṃ bahu | puṃḍarīke gajaṃ hanyādgajamedhe'tha kuṃjaram
in the rājasūya, great king, much slaying of living beings; in the puṇḍarīka he would kill an elephant, and in the gajamedha a tusker.
AI translation rendered from the Sanskrit, not a published edition
PdP 2 37.36
सौत्रामण्यां पशुं मेध्यं मेषमेव प्रदृश्यते । नानारूपेषु सर्वेषु श्रूयतां नृपनंदन
sautrāmaṇyāṃ paśuṃ medhyaṃ meṣameva pradṛśyate | nānārūpeṣu sarveṣu śrūyatāṃ nṛpanaṃdana
In the Sautrāmaṇī (rite) the sacrificial animal fit for offering is seen to be just a ram. Among all these various forms (of sacrifice), let (this) be heard, O delight of kings.
AI translation rendered from the Sanskrit, not a published edition
PdP 2 37.37
नानाजातिविशेषाणां पशूनां घातनं स्मृतम् । यच्चापि दीयते दानं किं तद्दानस्य लक्षणम्
nānājātiviśeṣāṇāṃ paśūnāṃ ghātanaṃ smṛtam | yaccāpi dīyate dānaṃ kiṃ taddānasya lakṣaṇam
The killing of animals of many different species is prescribed (in the texts). And as for the gift that is given — what is the defining mark of that gift?
AI translation rendered from the Sanskrit, not a published edition
PdP 2 37.38
ज्ञेयं तदन्नमुच्छिष्टं क्रियते भूरिभोजनम् । अत्यंतदोषहीनांस्तान्हिंसंति यन्महामखे
jñeyaṃ tadannamucchiṣṭaṃ kriyate bhūribhojanam | atyaṃtadoṣahīnāṃstānhiṃsaṃti yanmahāmakhe
That food is to be known as leavings; a great feeding is made (of it). In the great sacrifice they kill those (creatures) who are utterly free of fault.
AI translation rendered from the Sanskrit, not a published edition
PdP 2 37.39
तत्र किं दृश्यते धर्मः किं फलं तत्र भूपते । पशूनां मारणं यत्र निर्दिष्टं वेदपंडितैः
tatra kiṃ dṛśyate dharmaḥ kiṃ phalaṃ tatra bhūpate | paśūnāṃ māraṇaṃ yatra nirdiṣṭaṃ vedapaṃḍitaiḥ
What dharma is seen there, and what fruit is there, O lord of the earth, where the slaying of animals has been enjoined by those learned in the Veda?
AI translation rendered from the Sanskrit, not a published edition
PdP 2 37.40
तस्माद्विनष्टधर्मं च न पुण्यं मोक्षदायकम् । दयां विना हि यो धर्मः स धर्मो विफलायते
tasmādvinaṣṭadharmaṃ ca na puṇyaṃ mokṣadāyakam | dayāṃ vinā hi yo dharmaḥ sa dharmo viphalāyate
Therefore, where dharma is destroyed, there is no merit that grants liberation; for the dharma that is without compassion, that dharma becomes fruitless.
AI translation rendered from the Sanskrit, not a published edition
PdP 2 37.41
जीवानां पालनं यत्र तत्र धर्मो न संशयः । स्वाहाकारः स्वधाकारस्तपः सत्यं नृपोत्तम
jīvānāṃ pālanaṃ yatra tatra dharmo na saṃśayaḥ | svāhākāraḥ svadhākārastapaḥ satyaṃ nṛpottama
Where there is protection of living beings, there is dharma, without doubt — (there are) the svāhā-call, the svadhā-call, austerity and truth, O best of kings.
AI translation rendered from the Sanskrit, not a published edition
PdP 2 37.42
दयाहीनं चापलं स्यान्नास्ति धर्मस्तु तत्र हि । एते वेदा न वेदाः स्युर्दया यत्र न विद्यते
dayāhīnaṃ cāpalaṃ syānnāsti dharmastu tatra hi | ete vedā na vedāḥ syurdayā yatra na vidyate
What lacks compassion would be mere fickleness, and there is indeed no dharma in it; these Vedas would be no Vedas, where compassion is not found.
AI translation rendered from the Sanskrit, not a published edition — the model flagged this verse as uncertain
PdP 2 37.43
दयादानपरो नित्यं जीवमेव प्ररक्षयेत् । चांडालोऽप्यथ शूद्रो वा स वै ब्राह्मण उच्यते
dayādānaparo nityaṃ jīvameva prarakṣayet | cāṃḍālo'pyatha śūdro vā sa vai brāhmaṇa ucyate
He who is always devoted to compassion and giving, and protects living beings — even if he is a Cāṇḍāla or a Śūdra, he is indeed called a brahmin.
AI translation rendered from the Sanskrit, not a published edition
PdP 2 37.44
ब्राह्मणो निर्दयो यो वै पशुघातपरायणः । स वै सुनिर्दयः पापी कठिनः क्रूरचेतनः
brāhmaṇo nirdayo yo vai paśughātaparāyaṇaḥ | sa vai sunirdayaḥ pāpī kaṭhinaḥ krūracetanaḥ
The brahmin who is without compassion and intent on the slaughter of animals — he is truly utterly pitiless, a sinner, hard, of cruel mind.
AI translation rendered from the Sanskrit, not a published edition
PdP 2 37.45
वंचकैः कथितो वेदो यो वेदो ज्ञानवर्जितः । यत्र ज्ञानं भवेन्नित्यं तत्र वेदः प्रतिष्ठति
vaṃcakaiḥ kathito vedo yo vedo jñānavarjitaḥ | yatra jñānaṃ bhavennityaṃ tatra vedaḥ pratiṣṭhati
A Veda declared by deceivers is a Veda devoid of knowledge; where knowledge is constantly present, there the Veda stands firm.
AI translation rendered from the Sanskrit, not a published edition
PdP 2 37.46
दयाहीनेषु वेदेषु विप्रेषु च महामते । नास्ति सत्यं क्रिया तत्र वेदविप्रेषु वै तदा
dayāhīneṣu vedeṣu vipreṣu ca mahāmate | nāsti satyaṃ kriyā tatra vedavipreṣu vai tadā
When the Vedas and the brahmins are devoid of compassion, O great-minded one, then there is no truth nor (right) rite there among those Vedas and brahmins.
AI translation rendered from the Sanskrit, not a published edition
PdP 2 37.47
वेदा न वेदा राजेंद्र ब्राह्मणाः सत्यवर्जिताः । दानस्यापि फलं नास्ति तस्माद्दानं न दीयते
vedā na vedā rājeṃdra brāhmaṇāḥ satyavarjitāḥ | dānasyāpi phalaṃ nāsti tasmāddānaṃ na dīyate
The Vedas are no Vedas, O lord of kings, (and) the brahmins are bereft of truth; nor is there any fruit of a gift — therefore a gift should not be given.
AI translation rendered from the Sanskrit, not a published edition
PdP 2 37.48
यथा श्राद्धस्य वै चिह्नं तथा दानस्य लक्षणम् । जिनस्यापि च यद्धर्मं भुक्तिमुक्तिप्रदायकम्
yathā śrāddhasya vai cihnaṃ tathā dānasya lakṣaṇam | jinasyāpi ca yaddharmaṃ bhuktimuktipradāyakam
As is the mark of a śrāddha, so is the characteristic of a gift; and the dharma of the Jina too, which bestows enjoyment and liberation —
AI translation rendered from the Sanskrit, not a published edition
PdP 2 37.49
तवाग्रेऽहं प्रवक्ष्यामि बहुपुण्यप्रदायकम् । आदौ दया प्रकर्तव्या शांतभूतेन चेतसा
tavāgre'haṃ pravakṣyāmi bahupuṇyapradāyakam | ādau dayā prakartavyā śāṃtabhūtena cetasā
— that I shall declare before you, which bestows abundant merit. First compassion is to be practised, with a mind become tranquil.
AI translation rendered from the Sanskrit, not a published edition
PdP 2 37.50
आराधयेद्धृदा देवं जिनं येन चराचरम् । मनसा शुद्धभावेन जिनमेकं प्रपूजयेत्
ārādhayeddhṛdā devaṃ jinaṃ yena carācaram | manasā śuddhabhāvena jinamekaṃ prapūjayet
With the heart one should worship the god, the Jina, by whom (exists) all that moves and does not move; with a mind of pure disposition one should worship the one Jina.
AI translation rendered from the Sanskrit, not a published edition
PdP 2 37.51
नमस्कारः प्रकर्तव्यस्तस्य देवस्य नान्यथा । मातापित्रोस्तु वै पादौ कदा नैव प्रवंदयेत्
namaskāraḥ prakartavyastasya devasya nānyathā | mātāpitrostu vai pādau kadā naiva pravaṃdayet
Homage should be paid to that god and to no other; one should never bow to the feet even of mother and father.
AI translation rendered from the Sanskrit, not a published edition
PdP 2 37.52
अन्येषामपि का वार्ता श्रूयतां राजसत्तम । वेन उवाच- एते विप्राश्च आचार्या गंगाद्याः सरितस्तथा
anyeṣāmapi kā vārtā śrūyatāṃ rājasattama | vena uvāca- ete viprāśca ācāryā gaṃgādyāḥ saritastathā
What then to say of others? Let it be heard, O best of kings. Vena said: These brahmins and teachers (say that) the rivers beginning with the Gaṅgā —
AI translation rendered from the Sanskrit, not a published edition
PdP 2 37.53
वदंति पुण्यतीर्थानि बहुपुण्यप्रदानि च । तत्किं वदस्व सत्यं मे यदि धर्ममिहेच्छसि
vadaṃti puṇyatīrthāni bahupuṇyapradāni ca | tatkiṃ vadasva satyaṃ me yadi dharmamihecchasi
— they call them holy fords, and bestowers of abundant merit. So tell me the truth about that, if you desire dharma here.
AI translation rendered from the Sanskrit, not a published edition
PdP 2 37.54
पातक उवाच- आकाशाद्वै महाराज मेघा वर्षंति वै जलम् । भूमौ हि पर्वतेष्वेवं सर्वत्र पतिते जलम्
pātaka uvāca- ākāśādvai mahārāja meghā varṣaṃti vai jalam | bhūmau hi parvateṣvevaṃ sarvatra patite jalam
Pātaka said: From the sky, O great king, the clouds rain down water; when the water has fallen on the earth, on the mountains, and thus everywhere —
AI translation rendered from the Sanskrit, not a published edition
PdP 2 37.55
स आप्लाव्य ततस्तिष्ठेद्दयां सर्वत्र भावयेत् । नद्यः पापप्रवाहास्तु तासु तीर्थं श्रुतं कथम्
sa āplāvya tatastiṣṭheddayāṃ sarvatra bhāvayet | nadyaḥ pāpapravāhāstu tāsu tīrthaṃ śrutaṃ katham
— having flooded (the land), it then remains (there). One should cultivate compassion everywhere. But rivers are streams of sin; how are they reputed to be fords?
AI translation rendered from the Sanskrit, not a published edition — the model flagged this verse as uncertain
PdP 2 37.56
जलाशया महाराज तडागाः सागरास्तथा । पृथिव्याधारकाश्चैव गिरयो अश्मराशयः
jalāśayā mahārāja taḍāgāḥ sāgarāstathā | pṛthivyādhārakāścaiva girayo aśmarāśayaḥ
Bodies of water, great king, and ponds, and oceans as well, and the supports of the earth, the mountains, which are (mere) heaps of stone —
AI translation rendered from the Sanskrit, not a published edition
PdP 2 37.57
नास्त्येतेषु च वै तीर्थं जलैर्जलदमुत्तमम् । स्नाने यदा महत्पुण्यं कस्मान्मत्स्येषु वै नहि
nāstyeteṣu ca vai tīrthaṃ jalairjaladamuttamam | snāne yadā mahatpuṇyaṃ kasmānmatsyeṣu vai nahi
in these there is no sacred ford at all; by waters (there is) nothing better than what a cloud gives. If there were great merit in bathing, why then is there none for fishes?
AI translation rendered from the Sanskrit, not a published edition — the model flagged this verse as uncertain
PdP 2 37.58
दृष्टा स्नानेन वै सिद्धिर्मीनाः शुद्ध्यंति नान्यथा । यत्र जिनस्तत्र तीर्थं तत्र धर्मः सनातनः
dṛṣṭā snānena vai siddhirmīnāḥ śuddhyaṃti nānyathā | yatra jinastatra tīrthaṃ tatra dharmaḥ sanātanaḥ
If perfection were (really) seen to come from bathing, fishes would be purified, and not otherwise. Where the Jina is, there is the sacred ford, there is the eternal dharma;
AI translation rendered from the Sanskrit, not a published edition
PdP 2 37.59
तपोदानादिकं सर्वं पुण्यं तत्र प्रतिष्ठितम्
tapodānādikaṃ sarvaṃ puṇyaṃ tatra pratiṣṭhitam
all merit — austerity, giving and the rest — is established there.
AI translation rendered from the Sanskrit, not a published edition
PdP 2 37.60
एको जिनः सर्वमयो नृपेंद्र नास्त्येव धर्मं परमं हि तीर्थम् । अयं तु लाभः परमस्तु तस्माद्ध्य्यास्व नित्यं सुसुखो भविष्यसि
eko jinaḥ sarvamayo nṛpeṃdra nāstyeva dharmaṃ paramaṃ hi tīrtham | ayaṃ tu lābhaḥ paramastu tasmāddhyyāsva nityaṃ susukho bhaviṣyasi
The one Jina comprises all, O chief of kings; there is indeed no dharma, no supreme sacred ford (besides him). This is the highest gain; therefore meditate constantly, and you will be very happy.
AI translation rendered from the Sanskrit, not a published edition — the model flagged this verse as uncertain
PdP 2 37.61
विनिंद्य धर्मं सकलं सवेदं दानं सपुण्यं परयज्ञरूपम् । पापस्वभावैर्बहुबोधितो नृपस्त्वंगस्य पुत्रो भुवि तेन पापिना
viniṃdya dharmaṃ sakalaṃ savedaṃ dānaṃ sapuṇyaṃ parayajñarūpam | pāpasvabhāvairbahubodhito nṛpastvaṃgasya putro bhuvi tena pāpinā
Having condemned the whole of dharma together with the Veda, and giving together with its merit, which is the form of the supreme sacrifice — thus was the king, the son of Aṅga, much instructed on earth by that sinner, by those of sinful nature.
AI translation rendered from the Sanskrit, not a published edition — the model flagged this verse as uncertain