Padma Purana — Bhumi Khanda — Chapter 34
PdP 2 34.1
सूत उवाच- यथा शप्ता वने पूर्वं सुशंखेन महात्मना । तासु सर्वं समाख्यातं सखीष्वेव विचेष्टितम्
sūta uvāca- yathā śaptā vane pūrvaṃ suśaṃkhena mahātmanā | tāsu sarvaṃ samākhyātaṃ sakhīṣveva viceṣṭitam
Sūta said: How she had formerly been cursed in the forest by the great-souled Suśaṅkha — all that doing was fully recounted by her to her friends.
AI translation rendered from the Sanskrit, not a published edition
PdP 2 34.2
आत्मनश्च महाभागा दुःखेनातिप्रपीडिता । सुनीथोवाच- अन्यच्चैव प्रवक्ष्यामि सख्यः शृण्वंतु सांप्रतम्
ātmanaśca mahābhāgā duḥkhenātiprapīḍitā | sunīthovāca- anyaccaiva pravakṣyāmi sakhyaḥ śṛṇvaṃtu sāṃpratam
And (she told) of herself, that greatly fortunate one, exceedingly afflicted with sorrow. Sunīthā said: I shall tell yet another thing; let my friends listen now.
AI translation rendered from the Sanskrit, not a published edition
PdP 2 34.3
मदीयरूपसंपत्ति वयः सगुणसंपदः । विलोक्य तातश्चिंतात्मा संजातो मम कारणात्
madīyarūpasaṃpatti vayaḥ saguṇasaṃpadaḥ | vilokya tātaściṃtātmā saṃjāto mama kāraṇāt
Seeing my wealth of beauty, my age, and my endowment of good qualities, my father became anxious in mind on my account.
AI translation rendered from the Sanskrit, not a published edition
PdP 2 34.4
देवेभ्यो दातुकामोऽसौ मुनिभ्यस्तु महायशाः । मां च हस्ते विगृह्यैव सर्वान्वाक्यमुदाहरत्
devebhyo dātukāmo'sau munibhyastu mahāyaśāḥ | māṃ ca haste vigṛhyaiva sarvānvākyamudāharat
That greatly renowned one wished to give (me) to the gods and to the sages; and taking me by the hand he addressed these words to them all:
AI translation rendered from the Sanskrit, not a published edition
PdP 2 34.5
गुणयुक्ता सुता बाला ममेयं चारुलोचना । दातुकामोस्मि भद्रं वो गुणिने सुमहात्मने
guṇayuktā sutā bālā mameyaṃ cārulocanā | dātukāmosmi bhadraṃ vo guṇine sumahātmane
"This young daughter of mine, endowed with good qualities, of lovely eyes — I wish to give her; blessings on you — to one who is virtuous and of great soul."
AI translation rendered from the Sanskrit, not a published edition
PdP 2 34.6
मृत्योर्वाक्यं ततो देवा ऋषयः शुश्रुवुस्तदा । तमूचुर्भाषमाणं ते देवा इंद्र पुरोगमाः
mṛtyorvākyaṃ tato devā ṛṣayaḥ śuśruvustadā | tamūcurbhāṣamāṇaṃ te devā iṃdra purogamāḥ
Then the gods and the seers heard Mṛtyu's words, and as he was speaking, those gods led by Indra said to him:
AI translation rendered from the Sanskrit, not a published edition
PdP 2 34.7
तव कन्या गुणाढ्येयं शीलानां परमो निधिः । दोषेणैकेन संदुष्टा ऋषिशापेन तेन वै
tava kanyā guṇāḍhyeyaṃ śīlānāṃ paramo nidhiḥ | doṣeṇaikena saṃduṣṭā ṛṣiśāpena tena vai
"This daughter of yours is rich in virtues, a supreme treasure of good character; (yet) by one fault she is tainted — by that curse of the sage.
AI translation rendered from the Sanskrit, not a published edition
PdP 2 34.8
अस्यामुत्पत्स्यते पुत्रो यस्य वीर्यात्पुमान्किल । भविता स महापापी पुण्यवंशविनाशकः
asyāmutpatsyate putro yasya vīryātpumānkila | bhavitā sa mahāpāpī puṇyavaṃśavināśakaḥ
In her a son will be born, from whose seed a man (will come); he will be a great sinner, a destroyer of a meritorious lineage.
AI translation rendered from the Sanskrit, not a published edition — the model flagged this verse as uncertain
PdP 2 34.9
गंगातोयेन संपूर्णः कुंभ एव प्रदृश्यते । सुरायाबिन्दुनालिप्तो मद्यकुम्भः प्रजायते
gaṃgātoyena saṃpūrṇaḥ kuṃbha eva pradṛśyate | surāyābindunālipto madyakumbhaḥ prajāyate
A pot full of Ganges water is seen to be just that (a pure pot); (but) smeared with a drop of liquor it becomes a pot of wine.
AI translation rendered from the Sanskrit, not a published edition
PdP 2 34.10
पापस्य पापसंसर्गात्कुलं पापि प्रजायते । आरनालस्य वै बिंदुः क्षीरमध्ये प्रयाति चेत्
pāpasya pāpasaṃsargātkulaṃ pāpi prajāyate | āranālasya vai biṃduḥ kṣīramadhye prayāti cet
By contact with a sinner's sin the family becomes sinful. If a drop of sour gruel goes into the midst of milk,
AI translation rendered from the Sanskrit, not a published edition
PdP 2 34.11
पश्चान्नाशयते क्षीरमात्मरूपं प्रकाशयेत् । तद्वद्विनाशयेद्वंशं पापः पुत्रो न संशयः
paścānnāśayate kṣīramātmarūpaṃ prakāśayet | tadvadvināśayedvaṃśaṃ pāpaḥ putro na saṃśayaḥ
afterwards it spoils the milk and makes its own nature manifest; just so a sinful son would destroy the lineage — there is no doubt.
AI translation rendered from the Sanskrit, not a published edition
PdP 2 34.12
अनेनापि हि दोषेण तवेयं पापभागिनी । अन्यस्मै दीयतां गच्छ देवैरुक्तः पिता मम
anenāpi hi doṣeṇa taveyaṃ pāpabhāginī | anyasmai dīyatāṃ gaccha devairuktaḥ pitā mama
For this very fault, this (daughter) of yours is a partaker of sin; let her be given to someone else — go!" Thus was my father addressed by the gods.
AI translation rendered from the Sanskrit, not a published edition
PdP 2 34.13
देवैश्चापि सगंधर्वैर्ऋषिभिश्च महात्मभिः । तैश्चापि संपरित्यक्तः पिता मे दुःखपीडितः
devaiścāpi sagaṃdharvairṛṣibhiśca mahātmabhiḥ | taiścāpi saṃparityaktaḥ pitā me duḥkhapīḍitaḥ
And by the gods together with the gandharvas and by the great-souled seers — by them too my father was utterly forsaken, afflicted with sorrow.
AI translation rendered from the Sanskrit, not a published edition
PdP 2 34.14
ममान्ये चापि स्वीकारं न कुर्वंति हि सज्जनाः । एवं पापमयं कर्म मया चैव पुरा कृतम्
mamānye cāpi svīkāraṃ na kurvaṃti hi sajjanāḥ | evaṃ pāpamayaṃ karma mayā caiva purā kṛtam
Nor do other good people accept me. Such was the sin-filled deed done by me formerly.
AI translation rendered from the Sanskrit, not a published edition
PdP 2 34.15
संतप्ता दुःखशोकेन वनमेव समाश्रिता । तप एव चरिष्यामि करिष्ये कायशोषणम्
saṃtaptā duḥkhaśokena vanameva samāśritā | tapa eva cariṣyāmi kariṣye kāyaśoṣaṇam
Scorched by grief and sorrow, having taken refuge in the forest alone, I shall practise austerity and make my body waste away.
AI translation rendered from the Sanskrit, not a published edition
PdP 2 34.16
भवतीभिः सुपृष्टाहं कार्यकारणमेव हि । मम चिंतानुगं कर्म मया तद्वः प्रकाशितम्
bhavatībhiḥ supṛṣṭāhaṃ kāryakāraṇameva hi | mama ciṃtānugaṃ karma mayā tadvaḥ prakāśitam
I have been well questioned by you as to the cause of (my) action; that deed which follows upon my brooding I have revealed to you.
AI translation rendered from the Sanskrit, not a published edition
PdP 2 34.17
एवमुक्त्वा सुनीथा सा मृत्योः कन्या यशस्विनी । विरराम च दुःखार्ता किंचिन्नोवाच वै पुनः
evamuktvā sunīthā sā mṛtyoḥ kanyā yaśasvinī | virarāma ca duḥkhārtā kiṃcinnovāca vai punaḥ
Having spoken thus, that illustrious Sunīthā, the daughter of Death, fell silent, afflicted with grief, and said nothing further at all.
AI translation rendered from the Sanskrit, not a published edition
PdP 2 34.18
सख्य ऊचुः- दुःखमेव महाभागे त्यज कायविनाशनम् । नास्ति कस्य कुले दोषो देवैः पापं समाश्रितम्
sakhya ūcuḥ- duḥkhameva mahābhāge tyaja kāyavināśanam | nāsti kasya kule doṣo devaiḥ pāpaṃ samāśritam
The friends said: O greatly fortunate one, abandon this grief that destroys the body. In whose family is there no fault? Even the gods have resorted to sin.
AI translation rendered from the Sanskrit, not a published edition
PdP 2 34.19
जिह्ममुक्तं पुरा तेन ब्रह्मणा हरसंनिधौ । देवैश्चापि स हि त्यक्तो ब्रह्माऽपूज्यतमोऽभवत्
jihmamuktaṃ purā tena brahmaṇā harasaṃnidhau | devaiścāpi sa hi tyakto brahmā'pūjyatamo'bhavat
Formerly a falsehood was uttered by that Brahmā in the presence of Hara, and he was indeed abandoned by the gods; Brahmā became the most unworshipped one.
AI translation rendered from the Sanskrit, not a published edition
PdP 2 34.20
ब्रह्महत्या प्रयुक्तोऽसौ देवराजोपि पश्य भोः । देवैः सार्धं महाभागस्त्रैलोक्यं परिभुंजति
brahmahatyā prayukto'sau devarājopi paśya bhoḥ | devaiḥ sārdhaṃ mahābhāgastrailokyaṃ paribhuṃjati
Look, sir—that king of the gods too was implicated in the slaying of a brahmin; yet that greatly fortunate one enjoys the three worlds together with the gods.
AI translation rendered from the Sanskrit, not a published edition
PdP 2 34.21
गौतमस्य प्रियां भार्यामहल्यां गतवान्पुरा । परदाराभिगामी स देवत्वे परिवर्त्तते
gautamasya priyāṃ bhāryāmahalyāṃ gatavānpurā | paradārābhigāmī sa devatve parivarttate
Formerly he went to Ahalyā, the beloved wife of Gautama; though a violator of another's wife, he continues in godhood.
AI translation rendered from the Sanskrit, not a published edition
PdP 2 34.22
ब्रह्महत्योपमं कर्म दारुणं कृतवान्हरः । ब्रह्मणस्तु कपालेन चाद्यापि परिवर्तते
brahmahatyopamaṃ karma dāruṇaṃ kṛtavānharaḥ | brahmaṇastu kapālena cādyāpi parivartate
Hara did a cruel deed equal to the killing of a brahmin, and to this day he goes about with Brahmā's skull.
AI translation rendered from the Sanskrit, not a published edition
PdP 2 34.23
देवानमंतितं देवमृषयो वेदपारगाः । आदित्यः कुष्ठसंयुक्तस्त्रैलोक्यं च प्रकाशयेत्
devānamaṃtitaṃ devamṛṣayo vedapāragāḥ | ādityaḥ kuṣṭhasaṃyuktastrailokyaṃ ca prakāśayet
The seers who have mastered the Vedas... the god invited by the gods; the Sun, though afflicted with leprosy, still illuminates the three worlds.
AI translation rendered from the Sanskrit, not a published edition — the model flagged this verse as uncertain
PdP 2 34.24
लोकानमंतितं देवं देवाद्याः सचराचराः । कृष्णो भुंक्ते महाशापं भार्गवेण कृतं पुरा
lokānamaṃtitaṃ devaṃ devādyāḥ sacarācarāḥ | kṛṣṇo bhuṃkte mahāśāpaṃ bhārgaveṇa kṛtaṃ purā
The god invited by the worlds—the gods and the rest, with all that moves and does not move—: Kṛṣṇa suffers the great curse laid on him formerly by Bhārgava.
AI translation rendered from the Sanskrit, not a published edition — the model flagged this verse as uncertain
PdP 2 34.25
गुरुभार्यांगतश्चंद्रः क्षयी तेन प्रजायते । भविष्यति महातेजा राजराजः प्रतापवान्
gurubhāryāṃgataścaṃdraḥ kṣayī tena prajāyate | bhaviṣyati mahātejā rājarājaḥ pratāpavān
The moon went to his teacher's wife, and by that becomes subject to waning; (yet) he will be a king of kings, of great splendour and majesty.
AI translation rendered from the Sanskrit, not a published edition
PdP 2 34.26
पांडुपुत्रो महाप्राज्ञो धर्मात्मा स युधिष्ठिरः । गुरोश्चैव वधार्थाय अनृतं स वदिष्यति
pāṃḍuputro mahāprājño dharmātmā sa yudhiṣṭhiraḥ | guroścaiva vadhārthāya anṛtaṃ sa vadiṣyati
The son of Pāṇḍu, that greatly wise Yudhiṣṭhira whose very self is dharma, will speak an untruth for the sake of killing his teacher.
AI translation rendered from the Sanskrit, not a published edition
PdP 2 34.27
एतेष्वेव महत्पापं वर्तते च महत्सु च । वैगुण्यं कस्य वै नास्ति कस्य नास्ति च लांछनम्
eteṣveva mahatpāpaṃ vartate ca mahatsu ca | vaiguṇyaṃ kasya vai nāsti kasya nāsti ca lāṃchanam
In these very ones, and in the great, great sin exists. Who indeed has no defect, and who has no blemish?
AI translation rendered from the Sanskrit, not a published edition
PdP 2 34.28
भवती स्वल्पदोषेण विलिप्तासि वरानने । उपकारं करिष्यामस्तवैव वरवर्णिनि
bhavatī svalpadoṣeṇa viliptāsi varānane | upakāraṃ kariṣyāmastavaiva varavarṇini
You, O fair-faced one, are smeared with (but) a slight fault; we shall do you a good turn, O you of lovely complexion.
AI translation rendered from the Sanskrit, not a published edition
PdP 2 34.29
तवांगे ये गुणाः संति सत्यस्त्रीणां यथा शुभे । अन्यत्रापि न पश्यामस्तान्गुणांश्चारुलोचने
tavāṃge ye guṇāḥ saṃti satyastrīṇāṃ yathā śubhe | anyatrāpi na paśyāmastānguṇāṃścārulocane
The virtues that are in your person, O auspicious one, as belong to truthful women—those virtues we do not see anywhere else, O lovely-eyed one.
AI translation rendered from the Sanskrit, not a published edition
PdP 2 34.30
रूपमेव गुणः स्त्रीणां प्रथमं भूषणं शुभे । शीलमेव द्वितीयं च तृतीयं सत्यमेव च
rūpameva guṇaḥ strīṇāṃ prathamaṃ bhūṣaṇaṃ śubhe | śīlameva dvitīyaṃ ca tṛtīyaṃ satyameva ca
Beauty is the first virtue and ornament of women, O auspicious one; good conduct is the second, and truthfulness the third.
AI translation rendered from the Sanskrit, not a published edition
PdP 2 34.31
आर्जवत्वं चतुर्थं च पंचमं धर्ममेव हि । मधुरत्वं ततः प्रोक्तं षष्ठमेव वरानने
ārjavatvaṃ caturthaṃ ca paṃcamaṃ dharmameva hi | madhuratvaṃ tataḥ proktaṃ ṣaṣṭhameva varānane
Straightforwardness is the fourth, and the fifth is dharma; then sweetness is declared the sixth, O fair-faced one.
AI translation rendered from the Sanskrit, not a published edition
PdP 2 34.32
शुद्धत्वं सप्तमं बाले अंतर्बाह्येषु योषितम् । अष्टमं हि पितुर्भावः शुश्रूषा नवमं किल
śuddhatvaṃ saptamaṃ bāle aṃtarbāhyeṣu yoṣitam | aṣṭamaṃ hi piturbhāvaḥ śuśrūṣā navamaṃ kila
Purity, inward and outward, is the seventh for women, O girl; the eighth is the feeling (due) toward a father, and the ninth is dutiful service.
AI translation rendered from the Sanskrit, not a published edition — the model flagged this verse as uncertain
PdP 2 34.33
सहिष्णुर्दशमं प्रोक्तं रतिश्चैकादशं तथा । पातिव्रत्यं ततः प्रोक्तं द्वादशं वरवर्णिनि
sahiṣṇurdaśamaṃ proktaṃ ratiścaikādaśaṃ tathā | pātivratyaṃ tataḥ proktaṃ dvādaśaṃ varavarṇini
Forbearance is called the tenth, and love the eleventh; then devotion to the husband is called the twelfth, O you of lovely complexion.
AI translation rendered from the Sanskrit, not a published edition
PdP 2 34.34
तैस्त्वं संभूषिता बाले मा बिभेषि वरानने । येनोपायेन ते भर्ता भविष्यति सुधर्मधृक्
taistvaṃ saṃbhūṣitā bāle mā bibheṣi varānane | yenopāyena te bhartā bhaviṣyati sudharmadhṛk
With these you are adorned, O girl; do not fear, O fair-faced one. By whatever means your husband shall be one who upholds good dharma—
AI translation rendered from the Sanskrit, not a published edition
PdP 2 34.35
तमुपायं प्रपश्यामस्तवार्थं वयमेव हि । तामूचुस्ता वराः सख्यो मा त्वं वै साहसं कुरु
tamupāyaṃ prapaśyāmastavārthaṃ vayameva hi | tāmūcustā varāḥ sakhyo mā tvaṃ vai sāhasaṃ kuru
"We ourselves indeed see that means for your purpose." Those excellent friends said to her: "Do not act rashly."
AI translation rendered from the Sanskrit, not a published edition
PdP 2 34.36
सूत उवाच- एवमुक्ता सुनीथा सा पुनरूचे सखीस्तु ताः । कथयध्वं ममोपायं येन भर्ता भविष्यति
sūta uvāca- evamuktā sunīthā sā punarūce sakhīstu tāḥ | kathayadhvaṃ mamopāyaṃ yena bhartā bhaviṣyati
Sūta said: Thus addressed, that Sunīthā spoke again to those friends: "Tell me the means by which (I) shall have a husband."
AI translation rendered from the Sanskrit, not a published edition
PdP 2 34.37
तामूचुस्ता वरा नार्यो रंभाद्याश्चारुलोचनाः । रूपमाधुर्यसंयुक्ता भवती भूतिवर्द्धनी
tāmūcustā varā nāryo raṃbhādyāścārulocanāḥ | rūpamādhuryasaṃyuktā bhavatī bhūtivarddhanī
Those excellent women, Rambhā and the rest, with lovely eyes, endowed with beauty and sweetness, said to her: "You are one who increases well-being."
AI translation rendered from the Sanskrit, not a published edition — the model flagged this verse as uncertain
PdP 2 34.38
ब्रह्मशापेन संभीता वयमत्र समागताः । तां प्रोचुश्च विशालाक्षीं मृत्योः कन्यां सुलोचनाम्
brahmaśāpena saṃbhītā vayamatra samāgatāḥ | tāṃ procuśca viśālākṣīṃ mṛtyoḥ kanyāṃ sulocanām
"Terrified by Brahmā's curse, we have come together here." And they said to that large-eyed, fair-eyed daughter of Death:
AI translation rendered from the Sanskrit, not a published edition
PdP 2 34.39
विद्यामेकां प्रदास्यामः पुरुषाणां प्रमोहिनीम् । सर्वमायाविदां भद्रे सर्वभद्रप्रदायिनीम्
vidyāmekāṃ pradāsyāmaḥ puruṣāṇāṃ pramohinīm | sarvamāyāvidāṃ bhadre sarvabhadrapradāyinīm
"We shall give (you) a single spell that bewilders men, (a spell) of all the knowers of magic, O good lady, one that bestows every blessing."
AI translation rendered from the Sanskrit, not a published edition — the model flagged this verse as uncertain
PdP 2 34.40
विद्याबलं ततो दद्युस्तस्यैताः सुखदायकम् । यं यं मोहयितुं भद्रे इच्छस्येवं सुरादिकम्
vidyābalaṃ tato dadyustasyaitāḥ sukhadāyakam | yaṃ yaṃ mohayituṃ bhadre icchasyevaṃ surādikam
Then these (women) gave her the power of that spell, which bestows pleasure: "Whomever you wish to bewilder, O good lady, be it a god or any other,
AI translation rendered from the Sanskrit, not a published edition
PdP 2 34.41
तं तं सद्यो मोहय वा इत्युक्ता सा तथाऽकरोत् । विद्यायां हि सुसिद्धायां सा सुनीथा सुनंदिता
taṃ taṃ sadyo mohaya vā ityuktā sā tathā'karot | vidyāyāṃ hi susiddhāyāṃ sā sunīthā sunaṃditā
him you may bewilder at once." So addressed, she did accordingly. When the spell was fully mastered, that Sunīthā was greatly delighted.
AI translation rendered from the Sanskrit, not a published edition
PdP 2 34.42
भ्रमत्येवं सखीभिस्तु पुरुषान्सा विपश्यति । अटमानागता पुण्यं नंदनं वनमुत्तमम्
bhramatyevaṃ sakhībhistu puruṣānsā vipaśyati | aṭamānāgatā puṇyaṃ naṃdanaṃ vanamuttamam
Roaming about thus with her friends, she looks over the men; wandering, she came to the holy Nandana, the finest of forests.
AI translation rendered from the Sanskrit, not a published edition
PdP 2 34.43
गंगातीरे ततो दृष्ट्वा ब्राह्मणं रूपसंयुतम् । सर्वलक्षणसंपन्नं सूर्यतेजः समप्रभम्
gaṃgātīre tato dṛṣṭvā brāhmaṇaṃ rūpasaṃyutam | sarvalakṣaṇasaṃpannaṃ sūryatejaḥ samaprabham
Then, on the bank of the Gaṅgā, having seen a brahmin endowed with beauty, possessed of all (auspicious) marks, of splendour equal to the sun's radiance,
AI translation rendered from the Sanskrit, not a published edition
PdP 2 34.44
रूपेणाप्रतिमं लोके द्वितीयमिव मन्मथम् । देवरूपं महाभागं भाग्यवंतं सुभाग्यदम्
rūpeṇāpratimaṃ loke dvitīyamiva manmatham | devarūpaṃ mahābhāgaṃ bhāgyavaṃtaṃ subhāgyadam
unmatched in beauty in the world, like a second Manmatha, godlike in form, greatly blessed, fortunate, a giver of good fortune,
AI translation rendered from the Sanskrit, not a published edition
PdP 2 34.45
अनौपम्यं महात्मानं विष्णुतेजः समप्रभम् । वैष्णवं सर्वपापघ्नं विष्णुतुल्यपराक्रमम्
anaupamyaṃ mahātmānaṃ viṣṇutejaḥ samaprabham | vaiṣṇavaṃ sarvapāpaghnaṃ viṣṇutulyaparākramam
incomparable, great-souled, of splendour equal to Viṣṇu's radiance, a devotee of Viṣṇu, destroyer of all sins, of valour equal to Viṣṇu's,
AI translation rendered from the Sanskrit, not a published edition
PdP 2 34.46
कामक्रोधविहीनं तमत्रिवंशविभूषणम्
kāmakrodhavihīnaṃ tamatrivaṃśavibhūṣaṇam
free of desire and anger, him, the ornament of Atri's line—
AI translation rendered from the Sanskrit, not a published edition
PdP 2 34.47
दृष्ट्वा सुरूपं तपसां स्वरूपं दिव्यप्रभावं परितप्यमानम् । पप्रच्छ रंभां सुसखीं सरागा कोयं दिविष्ठः प्रवरो महात्मा
dṛṣṭvā surūpaṃ tapasāṃ svarūpaṃ divyaprabhāvaṃ paritapyamānam | papraccha raṃbhāṃ susakhīṃ sarāgā koyaṃ diviṣṭhaḥ pravaro mahātmā
having seen (him) fair of form, the very form of austerities, of divine power, glowing (with tapas), she, filled with passion, asked her dear friend Rambhā: "Who is this excellent great soul dwelling in heaven?"
AI translation rendered from the Sanskrit, not a published edition