Padma Purana — Bhumi Khanda — Chapter 28
PdP 2 28.1
ऋषय ऊचुः- विस्तरेण समाख्याहि जन्म तस्य महात्मनः । पृथोश्चैव महाभाग श्रोतुकामा वयं पुनः
ṛṣaya ūcuḥ- vistareṇa samākhyāhi janma tasya mahātmanaḥ | pṛthoścaiva mahābhāga śrotukāmā vayaṃ punaḥ
The sages said: Tell us in full detail the birth of that great-souled one, of Pṛthu, O greatly fortunate one; we wish to hear it again.
AI translation rendered from the Sanskrit, not a published edition
PdP 2 28.2
राज्ञा तेन यथा दुग्धा इयं धात्री महात्मना । पुनर्देवैश्च पितृभिर्मुनिभस्तत्त्ववेदिभिः
rājñā tena yathā dugdhā iyaṃ dhātrī mahātmanā | punardevaiśca pitṛbhirmunibhastattvavedibhiḥ
(Tell us) how this earth was milked by that great-souled king, and again by the gods, by the fathers, and by the sages who know the truth;
AI translation rendered from the Sanskrit, not a published edition
PdP 2 28.3
यथा दैत्यैश्च नागैश्च यथा यक्षैर्यथा द्रुमैः । शैलैश्चैव पिशाचैश्च गंधर्वैः पुण्यकर्मभिः
yathā daityaiśca nāgaiśca yathā yakṣairyathā drumaiḥ | śailaiścaiva piśācaiśca gaṃdharvaiḥ puṇyakarmabhiḥ
and how by the Daityas and by the Nāgas, how by the Yakṣas, how by the trees, and by the mountains and the Piśācas and the Gandharvas of meritorious deeds,
AI translation rendered from the Sanskrit, not a published edition
PdP 2 28.4
ब्राह्मणैश्च तथा सिद्धै राक्षसैर्भीमविक्रमैः । पूर्वमेव यथा दुग्धा अन्यैश्च सुमहात्मभिः
brāhmaṇaiśca tathā siddhai rākṣasairbhīmavikramaiḥ | pūrvameva yathā dugdhā anyaiśca sumahātmabhiḥ
and by the brahmins and likewise by the Siddhas, by the Rākṣasas of fearsome valour — how earlier it was milked by others too, of very great soul.
AI translation rendered from the Sanskrit, not a published edition
PdP 2 28.5
तेषामेव हि सर्वेषां विशेषं पात्रधारणम् । क्षीरस्यापि विधिं ब्रूहि विशेषं च महामते
teṣāmeva hi sarveṣāṃ viśeṣaṃ pātradhāraṇam | kṣīrasyāpi vidhiṃ brūhi viśeṣaṃ ca mahāmate
Of all these, indeed, (tell) the particular vessel employed; and tell also the manner of the milk and its distinction, O great-minded one.
AI translation rendered from the Sanskrit, not a published edition — the model flagged this verse as uncertain
PdP 2 28.6
वेनस्यापि नृपस्यैव पाणिरेव महात्मनः । ऋषिभिर्मथितः पूर्वं स कस्मादिह कारणात्
venasyāpi nṛpasyaiva pāṇireva mahātmanaḥ | ṛṣibhirmathitaḥ pūrvaṃ sa kasmādiha kāraṇāt
And the hand of the great-souled Vena, the king — it was churned formerly by the sages: for what reason was that (done) here?
AI translation rendered from the Sanskrit, not a published edition
PdP 2 28.7
क्रुद्धश्चैव महापुण्यैः सूतपुत्र वदस्व नः । विचित्रेयं कथा पुण्या सर्वपापप्रणाशिनी
kruddhaścaiva mahāpuṇyaiḥ sūtaputra vadasva naḥ | vicitreyaṃ kathā puṇyā sarvapāpapraṇāśinī
And why were those of great merit angered? O son of the Sūta, tell us. This story is marvellous, holy, destroying all sin.
AI translation rendered from the Sanskrit, not a published edition
PdP 2 28.8
श्रोतुकामा महाभाग तृप्तिर्नैव प्रजायते । सूत उवाच- वैन्यस्य हि पृथोश्चैव तस्य विस्तरमेव च
śrotukāmā mahābhāga tṛptirnaiva prajāyate | sūta uvāca- vainyasya hi pṛthoścaiva tasya vistarameva ca
We wish to hear, O greatly blessed one; no satisfaction arises (in us). The Sūta said: Of Pṛthu, son of Vena, and of him at length,
AI translation rendered from the Sanskrit, not a published edition
PdP 2 28.9
जन्मवीर्यं तथा क्षेत्रं पौरुषं द्विजसत्तमाः । प्रवक्ष्यामि यथा सर्वं चरित्रं तस्य धीमतः
janmavīryaṃ tathā kṣetraṃ pauruṣaṃ dvijasattamāḥ | pravakṣyāmi yathā sarvaṃ caritraṃ tasya dhīmataḥ
his birth and valour, and his field (of origin) and his manhood, O best of the twice-born — all this I shall relate, just as it was, the deeds of that wise one.
AI translation rendered from the Sanskrit, not a published edition
PdP 2 28.10
शुश्रूषध्वं महाभागा मामेवं द्विजसत्तमाः । अभक्ताय न वक्तव्यमश्रद्धाय शठाय च
śuśrūṣadhvaṃ mahābhāgā māmevaṃ dvijasattamāḥ | abhaktāya na vaktavyamaśraddhāya śaṭhāya ca
Listen thus to me, O greatly blessed, best of the twice-born. It is not to be told to one without devotion, nor to one without faith, nor to a deceitful man,
AI translation rendered from the Sanskrit, not a published edition
PdP 2 28.11
सुमूर्खाय सुमोहाय कुशिष्याय तथैव च । श्रद्धाहीनाय कूटाय सर्वनाशाय मा द्विजाः
sumūrkhāya sumohāya kuśiṣyāya tathaiva ca | śraddhāhīnāya kūṭāya sarvanāśāya mā dvijāḥ
nor to a great fool, nor to one much deluded, nor likewise to a bad pupil, nor to one lacking faith, nor to a cheat, nor to one who ruins everything — (tell it) not (to such), O twice-born.
AI translation rendered from the Sanskrit, not a published edition
PdP 2 28.12
अन्यथा पठते यो हि निरयं च प्रयाति हि । भवंतो भावसंयुक्ताः सत्यधर्मपरायणाः
anyathā paṭhate yo hi nirayaṃ ca prayāti hi | bhavaṃto bhāvasaṃyuktāḥ satyadharmaparāyaṇāḥ
For whoever recites it otherwise goes indeed to hell. You are (men) endowed with (right) feeling, devoted to truth and dharma;
AI translation rendered from the Sanskrit, not a published edition
PdP 2 28.13
भवतामग्रतः सर्वं चरित्रं पापनाशनम् । संप्रवक्ष्याम्यशेषेण शृणुध्वं द्विजसत्तमाः
bhavatāmagrataḥ sarvaṃ caritraṃ pāpanāśanam | saṃpravakṣyāmyaśeṣeṇa śṛṇudhvaṃ dvijasattamāḥ
before you I shall fully declare the whole account, which destroys sin — listen, O best of the twice-born.
AI translation rendered from the Sanskrit, not a published edition
PdP 2 28.14
स्वर्ग्यं यशस्यमायुष्यं धन्यं वेदैश्च संमितम् । रहस्यमृषिभिः प्रोक्तं प्रवक्ष्यामि द्विजोत्तमाः
svargyaṃ yaśasyamāyuṣyaṃ dhanyaṃ vedaiśca saṃmitam | rahasyamṛṣibhiḥ proktaṃ pravakṣyāmi dvijottamāḥ
(It is) heaven-granting, fame-giving, life-prolonging, bringing fortune, and of equal measure with the Vedas; a secret spoken by the sages — I shall declare it, O best of the twice-born.
AI translation rendered from the Sanskrit, not a published edition
PdP 2 28.15
यश्चैनं कीर्तयेन्नित्यं पृथोर्वैन्यस्य विस्तरम् । ब्राह्मणेभ्यो नमस्कृत्वा न स शोचेत्कृताकृतम्
yaścainaṃ kīrtayennityaṃ pṛthorvainyasya vistaram | brāhmaṇebhyo namaskṛtvā na sa śocetkṛtākṛtam
And whoever constantly recites this full account of Pṛthu, son of Vena, having made obeisance to the brahmins, he does not grieve over what is done or left undone.
AI translation rendered from the Sanskrit, not a published edition
PdP 2 28.16
सप्तजन्मार्जितं पापं श्रुतमात्रेण नश्यति । ब्राह्मणो वेदविद्वांश्च क्षत्रियो विजयी भवेत्
saptajanmārjitaṃ pāpaṃ śrutamātreṇa naśyati | brāhmaṇo vedavidvāṃśca kṣatriyo vijayī bhavet
Sin accumulated over seven births perishes by the mere hearing of it; a brahmin becomes a knower of the Vedas, and a kṣatriya becomes victorious;
AI translation rendered from the Sanskrit, not a published edition
PdP 2 28.17
वैश्यो धनसमृद्धः स्याच्छूद्रः सुखमवाप्नुयात् । एवं फलं समाप्नोति पठनाच्छ्रवणादपि
vaiśyo dhanasamṛddhaḥ syācchūdraḥ sukhamavāpnuyāt | evaṃ phalaṃ samāpnoti paṭhanācchravaṇādapi
a vaiśya would become rich in wealth, and a śūdra would attain happiness. Such is the fruit one obtains, from reciting it or even from hearing it —
AI translation rendered from the Sanskrit, not a published edition
PdP 2 28.18
पृथोर्जन्मचरित्रं च पवित्रं पापनाशनम् । धर्मगोप्ता महाप्राज्ञो वेदशास्त्रार्थकोविदः
pṛthorjanmacaritraṃ ca pavitraṃ pāpanāśanam | dharmagoptā mahāprājño vedaśāstrārthakovidaḥ
the birth and deeds of Pṛthu, purifying, destroying sin. (There was) a protector of dharma, of great wisdom, well versed in the meaning of the Vedas and the treatises,
AI translation rendered from the Sanskrit, not a published edition
PdP 2 28.19
अत्रिवंशसमुत्पन्नः पूर्वमत्रिसमः प्रभुः । स्रष्टा सर्वस्य धर्मस्य अंगो नाम प्रजापतिः
atrivaṃśasamutpannaḥ pūrvamatrisamaḥ prabhuḥ | sraṣṭā sarvasya dharmasya aṃgo nāma prajāpatiḥ
born in the lineage of Atri, formerly equal to Atri, a lord, a creator of all dharma: the Prajāpati named Aṅga.
AI translation rendered from the Sanskrit, not a published edition
PdP 2 28.20
य आसीत्तस्य पुत्रो वै वेनो नाम प्रजापतिः । धर्ममेवं परित्यज्य सर्वदैव प्रवर्तते
ya āsīttasya putro vai veno nāma prajāpatiḥ | dharmamevaṃ parityajya sarvadaiva pravartate
His son was the Prajāpati named Vena, who, having wholly abandoned dharma, behaved so at all times.
AI translation rendered from the Sanskrit, not a published edition
PdP 2 28.21
मृत्योः कन्या महाभागा सुनीथा नाम नामतः । तां तु अंगो महाभागः सुनीथामुपयेमिवान्
mṛtyoḥ kanyā mahābhāgā sunīthā nāma nāmataḥ | tāṃ tu aṃgo mahābhāgaḥ sunīthāmupayemivān
Death had a daughter, greatly blessed, Sunīthā by name; and the greatly blessed Aṅga took that Sunīthā to wife.
AI translation rendered from the Sanskrit, not a published edition
PdP 2 28.22
तस्यामुत्पादयामास वेनं धर्मप्रणाशनम् । मातामहस्य दोषेण वेनः कालात्मजात्मजः
tasyāmutpādayāmāsa venaṃ dharmapraṇāśanam | mātāmahasya doṣeṇa venaḥ kālātmajātmajaḥ
Upon her he begot Vena, the destroyer of dharma; through the fault of his maternal grandfather, Vena was the son of the daughter of Kāla (Death).
AI translation rendered from the Sanskrit, not a published edition
PdP 2 28.23
निजधर्मं परित्यज्य अधर्मनिरतोभवत् । कामाल्लोभान्महामोहात्पापमेव समाचरत्
nijadharmaṃ parityajya adharmaniratobhavat | kāmāllobhānmahāmohātpāpameva samācarat
Abandoning his own dharma, he became devoted to unrighteousness; out of desire, greed and great delusion he committed nothing but sin.
AI translation rendered from the Sanskrit, not a published edition
PdP 2 28.24
वेदाचारमयं धर्मं परित्यज्य नराधिपः । अन्ववर्तत पापेन मदमत्सरमोहितः
vedācāramayaṃ dharmaṃ parityajya narādhipaḥ | anvavartata pāpena madamatsaramohitaḥ
Abandoning the dharma that consists of Vedic observance, that lord of men followed after sin, deluded by arrogance and envy.
AI translation rendered from the Sanskrit, not a published edition
PdP 2 28.25
वेदाध्यायं विना लोके प्रावर्तंत तदा जनाः । निःस्वाध्यायवषट्काराः प्रजास्तस्मिन्प्रजापतौ
vedādhyāyaṃ vinā loke prāvartaṃta tadā janāḥ | niḥsvādhyāyavaṣaṭkārāḥ prajāstasminprajāpatau
Then people in the world went about without Vedic recitation; under that lord of creatures the subjects were without private recitation and without the cry vaṣaṭ.
AI translation rendered from the Sanskrit, not a published edition
PdP 2 28.26
प्रवृत्तं न पपुः सोमं हुतं यज्ञेषु देवताः । इत्युवाच स दुष्टात्मा ब्राह्मणान्प्रति नित्यशः
pravṛttaṃ na papuḥ somaṃ hutaṃ yajñeṣu devatāḥ | ityuvāca sa duṣṭātmā brāhmaṇānprati nityaśaḥ
"The gods did not drink the soma that was set flowing and offered in the sacrifices" — so that evil-natured one said again and again to the brahmins.
AI translation rendered from the Sanskrit, not a published edition — the model flagged this verse as uncertain
PdP 2 28.27
नाध्येतव्यं न होतव्यं न देयं दानमेव च । न यष्टव्यं न होतव्यमिति तस्य प्रजापतेः
nādhyetavyaṃ na hotavyaṃ na deyaṃ dānameva ca | na yaṣṭavyaṃ na hotavyamiti tasya prajāpateḥ
"There is to be no (Vedic) study, no oblation, and no gift to be given; no sacrifice is to be performed, no offering poured" — such was that lord of creatures'
AI translation rendered from the Sanskrit, not a published edition
PdP 2 28.28
आसीत्प्रतिज्ञा क्रूरेयं विनाशे प्रत्युपस्थिते । अहमिज्यश्च यष्टा च यज्ञश्चेति पुनः पुनः
āsītpratijñā krūreyaṃ vināśe pratyupasthite | ahamijyaśca yaṣṭā ca yajñaśceti punaḥ punaḥ
cruel resolve, when his destruction stood at hand: "I am the one to be worshipped, I am the sacrificer, and I am the sacrifice" — again and again (he said this).
AI translation rendered from the Sanskrit, not a published edition
PdP 2 28.29
मयि यज्ञा विधातव्या मयि होतव्यमित्यपि । इत्यब्रवीत्सदा वेनो ह्यहं विष्णुः सनातनः
mayi yajñā vidhātavyā mayi hotavyamityapi | ityabravītsadā veno hyahaṃ viṣṇuḥ sanātanaḥ
"Sacrifices are to be arranged toward me, and the oblation is to be poured into me" — thus Vena always said, "for I am Viṣṇu the eternal.
AI translation rendered from the Sanskrit, not a published edition
PdP 2 28.30
अहं ब्रह्मा अहं रुद्रो मित्र इंद्रः सदागतिः । अहमेव प्रभोक्ता च हव्यं कव्यं न संशयः
ahaṃ brahmā ahaṃ rudro mitra iṃdraḥ sadāgatiḥ | ahameva prabhoktā ca havyaṃ kavyaṃ na saṃśayaḥ
I am Brahmā, I am Rudra, I am Mitra, I am Indra of everlasting course; I alone am the chief enjoyer of the offering to the gods and the offering to the ancestors — there is no doubt."
AI translation rendered from the Sanskrit, not a published edition
PdP 2 28.31
अथ ते मुनयः क्रुद्धा वेनं प्रति महाबलाः । ऊचुस्ते संगताः सर्वे राजानं पापचेतनम्
atha te munayaḥ kruddhā venaṃ prati mahābalāḥ | ūcuste saṃgatāḥ sarve rājānaṃ pāpacetanam
Then those sages of great power, angered at Vena, all assembled together and spoke to that king of sinful mind.
AI translation rendered from the Sanskrit, not a published edition
PdP 2 28.32
ऋषय ऊचुः- राजा हि पृथिवीनाथः प्रजां पालयते सदा । धर्ममूर्तिः स राजेंद्र तस्माद्धर्मं हि रक्षयेत्
ṛṣaya ūcuḥ- rājā hi pṛthivīnāthaḥ prajāṃ pālayate sadā | dharmamūrtiḥ sa rājeṃdra tasmāddharmaṃ hi rakṣayet
The seers said: A king, lord of the earth, always protects his subjects; he is the embodiment of dharma, O lord of kings, and therefore he should indeed guard dharma.
AI translation rendered from the Sanskrit, not a published edition
PdP 2 28.33
वयं दीक्षां प्रवेक्ष्यामो यज्ञे द्वादशवार्षिकीम् । अधर्मं कुरु मा यागे नैष धर्मः सतां गतिः
vayaṃ dīkṣāṃ pravekṣyāmo yajñe dvādaśavārṣikīm | adharmaṃ kuru mā yāge naiṣa dharmaḥ satāṃ gatiḥ
We shall enter upon the consecration for a twelve-year sacrifice; do not commit unrighteousness against the rite — this is not the dharma that is the resort of the good.
AI translation rendered from the Sanskrit, not a published edition
PdP 2 28.34
कुरु धर्मं महाराज सत्यं पुण्यं समाचर । प्रजाहं पालयिष्यामि इति ते समयः कृतः
kuru dharmaṃ mahārāja satyaṃ puṇyaṃ samācara | prajāhaṃ pālayiṣyāmi iti te samayaḥ kṛtaḥ
Practise dharma, great king; act upon truth and merit. "I shall protect the subjects" — such was the agreement made by you.
AI translation rendered from the Sanskrit, not a published edition
PdP 2 28.35
तांस्तथाब्रुवतः सर्वान्महर्षीनब्रवीत्तदा । वेनः प्रहस्य दुर्बुद्धिरिममर्थमनर्थकम्
tāṃstathābruvataḥ sarvānmaharṣīnabravīttadā | venaḥ prahasya durbuddhirimamarthamanarthakam
To all those great seers who spoke thus, Vena, evil-minded, then laughed and said this pointless thing:
AI translation rendered from the Sanskrit, not a published edition
PdP 2 28.36
वेन उवाच- स्रष्टा धर्मस्य कश्चान्यः श्रोतव्यं कस्य वा मया । श्रुतवीर्यतपः सत्ये मया वा कः समो भुवि
vena uvāca- sraṣṭā dharmasya kaścānyaḥ śrotavyaṃ kasya vā mayā | śrutavīryatapaḥ satye mayā vā kaḥ samo bhuvi
Vena said: Who else is the creator of dharma? Or to whom should I listen? Or who on earth is my equal in learning, valour, austerity and truth?
AI translation rendered from the Sanskrit, not a published edition
PdP 2 28.37
प्रभवं सर्वभूतानां धर्माणां च विशेषतः । संमूढा न विदुर्नूनं भवंतो मां विचेतसः
prabhavaṃ sarvabhūtānāṃ dharmāṇāṃ ca viśeṣataḥ | saṃmūḍhā na vidurnūnaṃ bhavaṃto māṃ vicetasaḥ
You, bewildered and out of your senses, surely do not know me to be the origin of all beings and especially of the dharmas.
AI translation rendered from the Sanskrit, not a published edition
PdP 2 28.38
इच्छन्दहेयं पृथिवीं प्लावयेयं जलैस्तथा । द्यां भुवं चैव रुंधेयं नात्र कार्या विचारणा
icchandaheyaṃ pṛthivīṃ plāvayeyaṃ jalaistathā | dyāṃ bhuvaṃ caiva ruṃdheyaṃ nātra kāryā vicāraṇā
If I wish, I could burn the earth, or flood it with waters; I could block up sky and earth alike — there is no need to deliberate here.
AI translation rendered from the Sanskrit, not a published edition
PdP 2 28.39
यदा न शक्यते मोहादवलेपाच्च पार्थिव । अपनेतुं तदा वेनं ततः क्रुद्धा महर्षयः
yadā na śakyate mohādavalepācca pārthiva | apanetuṃ tadā venaṃ tataḥ kruddhā maharṣayaḥ
When Vena could not be turned aside from his delusion and arrogance, O prince, then the great seers grew angry;
AI translation rendered from the Sanskrit, not a published edition
PdP 2 28.40
विस्फुरंतं तदा वेनं बलाद्गृह्य ततो रुषा । वेनस्य तस्य सव्योरुं ममंथुर्जातमन्यवः
visphuraṃtaṃ tadā venaṃ balādgṛhya tato ruṣā | venasya tasya savyoruṃ mamaṃthurjātamanyavaḥ
then, seizing the struggling Vena by force in their fury, their wrath aroused, they churned that Vena's left thigh.
AI translation rendered from the Sanskrit, not a published edition
PdP 2 28.41
कृष्णांजनचयोपेतमतिह्रस्वं विलक्षणम् । दीर्घास्यं च विरूपाक्षं नीलकंचुकवर्चसम्
kṛṣṇāṃjanacayopetamatihrasvaṃ vilakṣaṇam | dīrghāsyaṃ ca virūpākṣaṃ nīlakaṃcukavarcasam
(A being) endowed with (the hue of) a mass of black collyrium, extremely short, ill-marked, with a long face, misshapen eyes, and the colour of a dark tunic,
AI translation rendered from the Sanskrit, not a published edition
PdP 2 28.42
लंबोदरं व्यूढकर्णमतिभीतं दुरोदरम् । ददृशुस्ते महात्मानो निषीदेत्यब्रुवंस्ततः
laṃbodaraṃ vyūḍhakarṇamatibhītaṃ durodaram | dadṛśuste mahātmāno niṣīdetyabruvaṃstataḥ
— tr. refused: cyber
PdP 2 28.43
तेषां तद्वचनं श्रुत्वा निषसाद भयातुरः । पर्वतेषु वनेष्वेव तस्य वंशः प्रतिष्ठितः
teṣāṃ tadvacanaṃ śrutvā niṣasāda bhayāturaḥ | parvateṣu vaneṣveva tasya vaṃśaḥ pratiṣṭhitaḥ
Hearing that word of theirs, he sat down, overcome with fear; his lineage became established in the mountains and forests alone.
AI translation rendered from the Sanskrit, not a published edition
PdP 2 28.44
निषादाश्च किराताश्च भिल्लानाहलकास्तथा । भ्रमराश्च पुलिंदाश्च ये चान्ये म्लेच्छजातयः
niṣādāśca kirātāśca bhillānāhalakāstathā | bhramarāśca puliṃdāśca ye cānye mlecchajātayaḥ
— tr. refused: cyber
PdP 2 28.45
पापाचारास्तु ते सर्वे तस्मादंगात्प्रजज्ञिरे । अथ ते ऋषयः सर्वे प्रसन्नमनसस्ततः
pāpācārāstu te sarve tasmādaṃgātprajajñire | atha te ṛṣayaḥ sarve prasannamanasastataḥ
All those of sinful conduct were born from that limb (of his); then all those sages, their minds thereupon pleased,
AI translation rendered from the Sanskrit, not a published edition
PdP 2 28.46
गतकल्मषमेवं तं जातं वेनं नृपोत्तमम् । ममंथुर्दक्षिणं पाणिं तस्यैव च महात्मनः
gatakalmaṣamevaṃ taṃ jātaṃ venaṃ nṛpottamam | mamaṃthurdakṣiṇaṃ pāṇiṃ tasyaiva ca mahātmanaḥ
Vena, that best of kings, having thus become free of taint, (the sages) then churned the right hand of that very great-souled one.
AI translation rendered from the Sanskrit, not a published edition — the model flagged this verse as uncertain
PdP 2 28.47
मथिते तस्य पाणौ तु संजातं स्वेदमेव हि । पुनर्ममंथुस्ते विप्रा दक्षिणं पाणिमेव च
mathite tasya pāṇau tu saṃjātaṃ svedameva hi | punarmamaṃthuste viprā dakṣiṇaṃ pāṇimeva ca
But when that hand of his had been churned, only sweat came forth; then those brahmins churned again, indeed the right hand.
AI translation rendered from the Sanskrit, not a published edition
PdP 2 28.48
सुकरात्पुरुषो जज्ञे द्वादशादित्यसन्निभः । तप्तकांचनवर्णांगो दिव्यमाल्यांबरावृतः
sukarātpuruṣo jajñe dvādaśādityasannibhaḥ | taptakāṃcanavarṇāṃgo divyamālyāṃbarāvṛtaḥ
From the right hand a man was born, resembling twelve suns, his limbs the color of molten gold, wrapped in divine garlands and garments.
AI translation rendered from the Sanskrit, not a published edition
PdP 2 28.49
दिव्याभरणशोभांगो दिव्यगंधानुलेपनः । मुकुटेनार्कवर्णेन कुंडलाभ्यां विराजते
divyābharaṇaśobhāṃgo divyagaṃdhānulepanaḥ | mukuṭenārkavarṇena kuṃḍalābhyāṃ virājate
His limbs shining with divine ornaments, anointed with divine perfumes, he shines with a crown of the sun's color and with a pair of earrings.
AI translation rendered from the Sanskrit, not a published edition
PdP 2 28.50
महाकायो महाबाहू रूपेणाप्रतिमो भुवि । खड्गबाणधरो धन्वी कवची च महाप्रभुः
mahākāyo mahābāhū rūpeṇāpratimo bhuvi | khaḍgabāṇadharo dhanvī kavacī ca mahāprabhuḥ
Of great body and great arms, unequalled on earth in beauty; bearing sword and arrows, a bowman and armored — the great lord.
AI translation rendered from the Sanskrit, not a published edition
PdP 2 28.51
सर्वलक्षणसंपन्नः सर्वालंकारभूषणः । तेजसा रूपभावेन सुवर्णैश्च महामतिः
sarvalakṣaṇasaṃpannaḥ sarvālaṃkārabhūṣaṇaḥ | tejasā rūpabhāvena suvarṇaiśca mahāmatiḥ
Endowed with all auspicious marks, adorned with all ornaments, that great-minded one (shone) with his splendor, with his beauty of form, and with his gold.
AI translation rendered from the Sanskrit, not a published edition — the model flagged this verse as uncertain
PdP 2 28.52
दिवि इंद्रो यथा भाति भुवि वेनात्मजस्तथा । तस्मिञ्जाते महाभागे देवाश्च ऋषयोमलाः
divi iṃdro yathā bhāti bhuvi venātmajastathā | tasmiñjāte mahābhāge devāśca ṛṣayomalāḥ
As Indra shines in heaven, so did the son of Vena (shine) on earth. When he of great fortune was born, the gods and the stainless seers
AI translation rendered from the Sanskrit, not a published edition
PdP 2 28.53
उत्सवं चक्रिरे सर्वे वेनस्य तनयं प्रति । दीप्यमानः स्ववपुषा साक्षादग्निरिवोज्ज्वलः
utsavaṃ cakrire sarve venasya tanayaṃ prati | dīpyamānaḥ svavapuṣā sākṣādagnirivojjvalaḥ
All of them made a festival for the son of Vena — (he) blazing with his own body, radiant like Agni himself.
AI translation rendered from the Sanskrit, not a published edition
PdP 2 28.54
आद्यमाजगवं नाम धनुर्गृह्य महावरम् । शरान्दिव्यांश्च रक्षार्थे कवचं च महाप्रभम्
ādyamājagavaṃ nāma dhanurgṛhya mahāvaram | śarāndivyāṃśca rakṣārthe kavacaṃ ca mahāprabham
He took up the primordial bow named Ājagava, most excellent, and divine arrows, and, for protection, a greatly shining armor.
AI translation rendered from the Sanskrit, not a published edition
PdP 2 28.55
जाते सति महाभागे पृथौ वीरे महात्मनि । संप्रह्रष्टानि भूतानि समस्तानि द्विजोत्तम
jāte sati mahābhāge pṛthau vīre mahātmani | saṃprahraṣṭāni bhūtāni samastāni dvijottama
When the greatly fortunate Pṛthu, the hero, the great-souled one, had been born, all beings were thoroughly delighted, O best of the twice-born.
AI translation rendered from the Sanskrit, not a published edition
PdP 2 28.56
सर्वतीर्थानि तोयानि पुण्यानि विविधानि च । तस्याभिषेके विप्रेंद्राः सर्व एव प्रतस्थिरे
sarvatīrthāni toyāni puṇyāni vividhāni ca | tasyābhiṣeke vipreṃdrāḥ sarva eva pratasthire
All the sacred fords and the various holy waters, O chiefs among brahmins, all of them set out for his consecration.
AI translation rendered from the Sanskrit, not a published edition
PdP 2 28.57
पितामहाद्या देवास्तु भूतानि विविधानि च । स्थावराणि चराण्येव अभ्यषिंचन्नराधिपम्
pitāmahādyā devāstu bhūtāni vividhāni ca | sthāvarāṇi carāṇyeva abhyaṣiṃcannarādhipam
And the gods beginning with the Grandfather (Brahmā), and the various beings, both immobile and moving, consecrated the king.
AI translation rendered from the Sanskrit, not a published edition
PdP 2 28.58
महावीरं प्रजापालं पृथुमेव द्विजोत्तम । पृथुर्वैन्यो राजराज्ये अभिगम्य चराचरैः
mahāvīraṃ prajāpālaṃ pṛthumeva dvijottama | pṛthurvainyo rājarājye abhigamya carācaraiḥ
(they consecrated) Pṛthu himself, the great hero, the protector of the people, O best of the twice-born; Pṛthu, the son of Vena, was approached by (all) moving and unmoving (beings) for the kingship over kings.
AI translation rendered from the Sanskrit, not a published edition — the model flagged this verse as uncertain
PdP 2 28.59
देवैर्विप्रैस्तथा सर्वैरभिषिक्तो महामनाः । राज्ञां समधिराज्ये वै पृथुर्वैन्यः प्रतापवान्
devairvipraistathā sarvairabhiṣikto mahāmanāḥ | rājñāṃ samadhirājye vai pṛthurvainyaḥ pratāpavān
Consecrated by the gods, by the brahmins, and by all (beings), the great-minded, majestic Pṛthu, son of Vena, (was installed) in the sovereign overlordship of kings.
AI translation rendered from the Sanskrit, not a published edition
PdP 2 28.60
तस्य पित्रा प्रजाः सर्वाः कदा नैवानुरंजिताः । तेनानुरंजिताः सर्वा मुमुदिरे सुखेन वै
tasya pitrā prajāḥ sarvāḥ kadā naivānuraṃjitāḥ | tenānuraṃjitāḥ sarvā mumudire sukhena vai
By his father none of the subjects had ever at any time been gratified; but gratified by him, they all rejoiced in happiness.
AI translation rendered from the Sanskrit, not a published edition
PdP 2 28.61
अनुरागात्तस्य वीरस्य नाम राजेत्यजायत । प्रयातस्य सुवीरस्य समुद्रस्य द्विजोत्तम
anurāgāttasya vīrasya nāma rājetyajāyata | prayātasya suvīrasya samudrasya dvijottama
Out of (the people's) affection for that hero, the name "rāja" (king) came into being; and when that valiant one had set forth, O best of the twice-born, (the waters) of the ocean —
AI translation rendered from the Sanskrit, not a published edition — the model flagged this verse as uncertain
PdP 2 28.62
आपस्तस्तंभिरे सर्वा भयात्तस्य महात्मनः । दुर्गं मार्गं विलोप्यैव सुमार्गं पर्वता ददुः
āpastastaṃbhire sarvā bhayāttasya mahātmanaḥ | durgaṃ mārgaṃ vilopyaiva sumārgaṃ parvatā daduḥ
All the waters became still out of fear of that great-souled one; and the mountains, doing away with the difficult road, gave (him) a good road.
AI translation rendered from the Sanskrit, not a published edition
PdP 2 28.63
ध्वजभंगं न चक्रुस्ते गिरयः सर्व एव ते । अकृष्टपच्या पृथिवी सर्वत्र कामधेनवः
dhvajabhaṃgaṃ na cakruste girayaḥ sarva eva te | akṛṣṭapacyā pṛthivī sarvatra kāmadhenavaḥ
All those mountains did not break his banner; the earth (yielded crops) ripening without ploughing, and everywhere (the cows were) wish-yielding cows.
AI translation rendered from the Sanskrit, not a published edition
PdP 2 28.64
पर्जन्यः कामवर्षी च वेदयज्ञान्महोत्सवान् । कुर्वंति ब्राह्मणाः सर्वे क्षत्रियाश्च तथा परे
parjanyaḥ kāmavarṣī ca vedayajñānmahotsavān | kurvaṃti brāhmaṇāḥ sarve kṣatriyāśca tathā pare
And the rain-god rained at will; all the brahmins perform the great festivals of the Vedic sacrifices, and likewise the kshatriyas and the others.
AI translation rendered from the Sanskrit, not a published edition
PdP 2 28.65
सर्वकामफला वृक्षास्तस्मिञ्छासति पार्थिवे । न दुर्भिक्षं न च व्याधिर्नाकालमरणं नृणाम्
sarvakāmaphalā vṛkṣāstasmiñchāsati pārthive | na durbhikṣaṃ na ca vyādhirnākālamaraṇaṃ nṛṇām
While that lord of earth ruled, the trees bore fruits of every desire; there was no famine, no disease, and no untimely death for men.
AI translation rendered from the Sanskrit, not a published edition
PdP 2 28.66
सर्वे सुखेन जीवंति लोका धर्मपरायणाः । तस्मिञ्छासति दुर्धर्षे राजराजे महात्मनि
sarve sukhena jīvaṃti lokā dharmaparāyaṇāḥ | tasmiñchāsati durdharṣe rājarāje mahātmani
All the people live happily, devoted to dharma, while that unassailable, great-souled king of kings rules.
AI translation rendered from the Sanskrit, not a published edition
PdP 2 28.67
एतस्मिन्नेव काले तु यज्ञे पैतामहे शुभे । सूत सूत्यां समुत्पन्नः सौम्येहनि महात्मनि
etasminneva kāle tu yajñe paitāmahe śubhe | sūta sūtyāṃ samutpannaḥ saumyehani mahātmani
Now at just this time, at the auspicious sacrifice of the Grandfather, the Sūta was born from the pressing (of soma), on a gentle day, when the great-souled (Pṛthu was being consecrated).
AI translation rendered from the Sanskrit, not a published edition — the model flagged this verse as uncertain
PdP 2 28.68
तस्मिन्नेव महायज्ञे जज्ञे प्राज्ञोऽथ मागधः । पृथोःस्तवार्थं तौ तत्र समाहूतौ महर्षिभिः
tasminneva mahāyajñe jajñe prājño'tha māgadhaḥ | pṛthoḥstavārthaṃ tau tatra samāhūtau maharṣibhiḥ
And at that very great sacrifice the wise Māgadha was born; the two of them were summoned there by the great sages for the praising of Pṛthu.
AI translation rendered from the Sanskrit, not a published edition
PdP 2 28.69
सूतस्य लक्षणं वक्ष्ये महापुण्यं द्विजोत्तमाः । शिखासूत्रेण संयुक्तो वेदाध्ययनतत्परः
sūtasya lakṣaṇaṃ vakṣye mahāpuṇyaṃ dvijottamāḥ | śikhāsūtreṇa saṃyukto vedādhyayanatatparaḥ
I shall declare the highly meritorious mark of the Sūta, O best of the twice-born: he is furnished with the topknot and the (sacred) thread, and intent on the study of the Vedas.
AI translation rendered from the Sanskrit, not a published edition
PdP 2 28.70
सर्वशास्त्रार्थवेत्तासावग्निहोत्रमुपासते । दानाध्ययनसंपन्नो ब्रह्माचारपरायणः
sarvaśāstrārthavettāsāvagnihotramupāsate | dānādhyayanasaṃpanno brahmācāraparāyaṇaḥ
He is a knower of the meaning of all the scriptures, he tends the agnihotra fire, he is accomplished in giving and in study, and devoted to holy conduct.
AI translation rendered from the Sanskrit, not a published edition
PdP 2 28.71
देवानां ब्राह्मणानां च पूजनाभिरतः सदा । याचकस्तावकैः पुण्यैर्वेदमंत्रैर्यजेत्किल
devānāṃ brāhmaṇānāṃ ca pūjanābhirataḥ sadā | yācakastāvakaiḥ puṇyairvedamaṃtrairyajetkila
He is always devoted to the worship of the gods and the brahmins; a petitioner, he would indeed sacrifice with the holy Vedic mantras of the praisers.
AI translation rendered from the Sanskrit, not a published edition — the model flagged this verse as uncertain
PdP 2 28.72
ब्रह्माचारपरो नित्यं संबंधं ब्राह्मणैः सह । एवं स मागधो जज्ञे वेदाध्ययनवर्जितः
brahmācāraparo nityaṃ saṃbaṃdhaṃ brāhmaṇaiḥ saha | evaṃ sa māgadho jajñe vedādhyayanavarjitaḥ
He is constantly devoted to holy conduct and has connection with the brahmins. In this way that Māgadha was born, (but) devoid of Vedic study.
AI translation rendered from the Sanskrit, not a published edition
PdP 2 28.73
बंदिनश्चारणाः सर्वे ब्रह्माचारविवर्जिताः । ज्ञेयास्ते च महाभागाः स्तावकाः प्रभवंति ते
baṃdinaścāraṇāḥ sarve brahmācāravivarjitāḥ | jñeyāste ca mahābhāgāḥ stāvakāḥ prabhavaṃti te
The bards and the panegyrists are all devoid of holy conduct; and those greatly fortunate ones are to be known as praisers—they excel (at it).
AI translation rendered from the Sanskrit, not a published edition — the model flagged this verse as uncertain
PdP 2 28.74
स्तवनार्थमुभौ सृष्टौ निपुणौ सूतमागधौ । तावूचुर्ऋषयः सर्वे स्तूयतामेष पार्थिवः
stavanārthamubhau sṛṣṭau nipuṇau sūtamāgadhau | tāvūcurṛṣayaḥ sarve stūyatāmeṣa pārthivaḥ
The two skilled ones, the Sūta and the Māgadha, were created for the purpose of praising; all the sages said to those two: "Let this lord of earth be praised.
AI translation rendered from the Sanskrit, not a published edition
PdP 2 28.75
कर्मैतदनुरूपं च यादृशोयं नराधिपः । तावूचतुस्तदा सर्वांस्तानृषीन्बंदिमागधौ
karmaitadanurūpaṃ ca yādṛśoyaṃ narādhipaḥ | tāvūcatustadā sarvāṃstānṛṣīnbaṃdimāgadhau
And this act is fitting, in accordance with what sort of man this ruler of men is." Then the bard and the Māgadha said to all those sages:
AI translation rendered from the Sanskrit, not a published edition
PdP 2 28.76
आवां देवानृषींश्चैव प्रीणयावः स्वकर्मभिः । न चास्य विद्वो वै कर्म न तथा लक्षणं यशः
āvāṃ devānṛṣīṃścaiva prīṇayāvaḥ svakarmabhiḥ | na cāsya vidvo vai karma na tathā lakṣaṇaṃ yaśaḥ
"We two gratify the gods and the sages by our own works; but we do not know this one's deeds, nor likewise his marks and his fame.
AI translation rendered from the Sanskrit, not a published edition
PdP 2 28.77
कर्मणा येन कुर्यावः स्तोत्रमस्य महात्मनः । जानीवस्तन्न विप्रेंद्रा अविज्ञातगुणस्य हि
karmaṇā yena kuryāvaḥ stotramasya mahātmanaḥ | jānīvastanna vipreṃdrā avijñātaguṇasya hi
By what deed we might make a hymn of praise for this great-souled one—that we do not know, O foremost of brahmins, since his qualities are not (yet) known."
AI translation rendered from the Sanskrit, not a published edition
PdP 2 28.78
भविष्यैस्तैर्गुणैः पुण्यैः स्तोतव्योयं नरोत्तमः । कृतवान्यानि कर्माणि पृथुरेव महायशाः
bhaviṣyaistairguṇaiḥ puṇyaiḥ stotavyoyaṃ narottamaḥ | kṛtavānyāni karmāṇi pṛthureva mahāyaśāḥ
"This best of men is to be praised by those meritorious qualities that will be his—the deeds which Pṛthu of great fame will indeed have done."
AI translation rendered from the Sanskrit, not a published edition
PdP 2 28.79
ऊचुस्ते मुनयः सर्वे गुणान्दिव्यान्महात्मनः । सत्यवाञ्ज्ञानसंपन्नो बुद्धिमान्ख्यातविक्रमः
ūcuste munayaḥ sarve guṇāndivyānmahātmanaḥ | satyavāñjñānasaṃpanno buddhimānkhyātavikramaḥ
All those sages declared the divine qualities of the great-souled one: he is truthful, endowed with knowledge, intelligent, of renowned valour,
AI translation rendered from the Sanskrit, not a published edition
PdP 2 28.80
सदा शूरो गुणग्राही पुण्यवांस्त्यागवान्गुणी । धार्मिकः सत्यवादी च यज्ञानां याजकोत्तमः
sadā śūro guṇagrāhī puṇyavāṃstyāgavānguṇī | dhārmikaḥ satyavādī ca yajñānāṃ yājakottamaḥ
always brave, appreciative of merits, meritorious, liberal, virtuous, righteous and speaking the truth, the best of the performers of sacrifices,
AI translation rendered from the Sanskrit, not a published edition
PdP 2 28.81
प्रियवाक्सत्यवादी च धान्यवान्धनवान्गुणी । गुणज्ञः सगुणग्राही धर्मज्ञः सत्यवत्सलः
priyavāksatyavādī ca dhānyavāndhanavānguṇī | guṇajñaḥ saguṇagrāhī dharmajñaḥ satyavatsalaḥ
kindly of speech and truthful, rich in grain, rich in wealth, virtuous, a knower of merits, one who grasps what has merit, a knower of dharma, fond of truth,
AI translation rendered from the Sanskrit, not a published edition
PdP 2 28.82
सर्वगः सर्ववेत्ता च ब्रह्मण्यो वेदवित्सुधीः । प्रज्ञावान्सुस्वरश्चैव वेदवेदांगपारगः
sarvagaḥ sarvavettā ca brahmaṇyo vedavitsudhīḥ | prajñāvānsusvaraścaiva vedavedāṃgapāragaḥ
(He will be) all-pervading and all-knowing, devoted to the brahmins, versed in the Veda, of keen mind, wise, of sweet voice, and one who has gone to the far shore of the Vedas and their auxiliary sciences.
AI translation rendered from the Sanskrit, not a published edition
PdP 2 28.83
धाता गोप्ता प्रजानां स विजयी समरांगणे । राजसूयादिकानां तु यज्ञानां राजसत्तमः
dhātā goptā prajānāṃ sa vijayī samarāṃgaṇe | rājasūyādikānāṃ tu yajñānāṃ rājasattamaḥ
He (will be) the sustainer and the protector of his subjects, victorious on the field of battle, and the best of kings in (performing) sacrifices such as the Rājasūya.
AI translation rendered from the Sanskrit, not a published edition
PdP 2 28.84
आहर्ता भूतले चैकः सर्वधर्मसमन्वितः । एते गुणा अस्य चांगे भविष्यंति महात्मनः
āhartā bhūtale caikaḥ sarvadharmasamanvitaḥ | ete guṇā asya cāṃge bhaviṣyaṃti mahātmanaḥ
He alone on the face of the earth (will be) an offerer (of sacrifice), endowed with every duty; these qualities will belong to the person of that great-souled one.
AI translation rendered from the Sanskrit, not a published edition
PdP 2 28.85
ऋषिभिस्तौ नियुक्तौ तु कुर्वाणौ सूतमागधौ । गुणैश्चैव भविष्यैश्च स्तोत्रं तस्य महात्मनः
ṛṣibhistau niyuktau tu kurvāṇau sūtamāgadhau | guṇaiścaiva bhaviṣyaiśca stotraṃ tasya mahātmanaḥ
Those two, the bard and the panegyrist, being appointed by the sages, made a praise-song of that great-souled one with the qualities that were to be his.
AI translation rendered from the Sanskrit, not a published edition
PdP 2 28.86
तदा प्रभृति वै लोकास्तवैस्तुष्टा महामते । पुरतश्च भविष्यंति दातारः स्तावनैर्गुणैः
tadā prabhṛti vai lokāstavaistuṣṭā mahāmate | purataśca bhaviṣyaṃti dātāraḥ stāvanairguṇaiḥ
From that time on, O greatly wise one, people, pleased by praises, will hereafter become givers (of gifts) in response to praising qualities.
AI translation rendered from the Sanskrit, not a published edition — the model flagged this verse as uncertain
PdP 2 28.87
ततः प्रभृति लोकेस्मिन्स्तवेषु द्विजसत्तमाः । आशीर्वादाः प्रयुज्यंते तेषां द्रविणमुत्तमम्
tataḥ prabhṛti lokesminstaveṣu dvijasattamāḥ | āśīrvādāḥ prayujyaṃte teṣāṃ draviṇamuttamam
From that time on in this world, O best of the twice-born, blessings are employed in songs of praise, (and) excellent wealth (is given) to them.
AI translation rendered from the Sanskrit, not a published edition — the model flagged this verse as uncertain
PdP 2 28.88
सूताय मागधायैव बंदिने च महोदयम् । चारणाय ततः प्रादात्तैलंगं देशमुत्तमम्
sūtāya māgadhāyaiva baṃdine ca mahodayam | cāraṇāya tataḥ prādāttailaṃgaṃ deśamuttamam
Then he gave to the bard, to the panegyrist, and to the eulogist Mahodaya, and to the wandering minstrel the excellent country of Tailaṅga (Telinga).
AI translation rendered from the Sanskrit, not a published edition
PdP 2 28.89
पृथुः प्रसादाद्धर्मात्मा हैहयं देशमेव च । रेवातीरे पुरं कृत्वा स्वनाम्ना नृपनंदनः
pṛthuḥ prasādāddharmātmā haihayaṃ deśameva ca | revātīre puraṃ kṛtvā svanāmnā nṛpanaṃdanaḥ
And out of favour Pṛthu, whose nature was righteousness, (gave) the Haihaya country as well; that son of a king, having made a city on the bank of the Revā (Narmadā) under his own name—
AI translation rendered from the Sanskrit, not a published edition — the model flagged this verse as uncertain
PdP 2 28.90
ब्राह्मणेभ्यो द्विजश्रेष्ठ यजन्दाता पृथुः पुरा । सर्वज्ञं सर्वदातारं धर्मवीर्यं नरोत्तमम्
brāhmaṇebhyo dvijaśreṣṭha yajandātā pṛthuḥ purā | sarvajñaṃ sarvadātāraṃ dharmavīryaṃ narottamam
—formerly Pṛthu was a giver to the brahmins, O best of the twice-born, while sacrificing: (they saw) him, the all-knowing, the giver of everything, whose valour was righteousness, the best of men.
AI translation rendered from the Sanskrit, not a published edition — the model flagged this verse as uncertain
PdP 2 28.91
तं ददृशुः प्रजाः सर्वा मुनयश्च तपोमलाः । ऊचुः परस्परं पुण्या एष राजा महामतिः
taṃ dadṛśuḥ prajāḥ sarvā munayaśca tapomalāḥ | ūcuḥ parasparaṃ puṇyā eṣa rājā mahāmatiḥ
All the subjects and the sages, soiled (with dust) from their austerities, beheld him; the meritorious ones said to one another, "This king is of great wisdom.
AI translation rendered from the Sanskrit, not a published edition
PdP 2 28.92
देवादीनां वृत्तिदाता अस्माकं च विशेषतः । प्रजानां पालकश्चैव वृत्तिदो हि भविष्यति
devādīnāṃ vṛttidātā asmākaṃ ca viśeṣataḥ | prajānāṃ pālakaścaiva vṛttido hi bhaviṣyati
He is the giver of livelihood to the gods and the rest, and especially to us; he will be the protector of the subjects and indeed the giver of their sustenance.
AI translation rendered from the Sanskrit, not a published edition
PdP 2 28.93
इयं धात्री महाप्राज्ञा उप्तं बीजं पुरा किल । जीवनार्थं प्रजाभिस्तु ग्रासयित्वा स्थिराभवत्
iyaṃ dhātrī mahāprājñā uptaṃ bījaṃ purā kila | jīvanārthaṃ prajābhistu grāsayitvā sthirābhavat
This earth-nurse, very wise, having caused the seed sown formerly by the subjects for the sake of livelihood to be swallowed (or: having swallowed it), became immovable."
AI translation rendered from the Sanskrit, not a published edition — the model flagged this verse as uncertain
PdP 2 28.94
ततः पृथुं द्विजश्रेष्ठ प्रजाः समभिदुद्रुवुः । विधत्स्वेति सुवृत्तिं नो मुनीनां वचनं तदा
tataḥ pṛthuṃ dvijaśreṣṭha prajāḥ samabhidudruvuḥ | vidhatsveti suvṛttiṃ no munīnāṃ vacanaṃ tadā
Then, O best of the twice-born, the subjects ran to Pṛthu (saying), "Provide us a good livelihood!"—that was then the speech of the sages.
AI translation rendered from the Sanskrit, not a published edition
PdP 2 28.95
ग्रासयित्वा तदान्नानि पृथ्वी जाता सुनिश्चला । भयं प्रजानां सुमहत्स दृष्ट्वा राजसत्तमः
grāsayitvā tadānnāni pṛthvī jātā suniścalā | bhayaṃ prajānāṃ sumahatsa dṛṣṭvā rājasattamaḥ
The earth, having swallowed those foods, had become quite motionless; that best of kings, seeing the very great fear of the subjects—
AI translation rendered from the Sanskrit, not a published edition
PdP 2 28.96
महर्षिवचनात्सोपि प्रगृह्य सशरं धनुः । अभ्यधावत वेगेन पृथ्वीं क्रुद्धो नराधिपः
maharṣivacanātsopi pragṛhya saśaraṃ dhanuḥ | abhyadhāvata vegena pṛthvīṃ kruddho narādhipaḥ
—he too, at the word of the great sages, taking up his bow with an arrow, angered, that lord of men rushed swiftly upon the earth.
AI translation rendered from the Sanskrit, not a published edition
PdP 2 28.97
कौंजरं रूपमास्थाय भयात्तस्य तु मेदिनी । वनेषु दुर्गदेशेषु गुप्ता भूत्वा चचार सा
kauṃjaraṃ rūpamāsthāya bhayāttasya tu medinī | vaneṣu durgadeśeṣu guptā bhūtvā cacāra sā
And out of fear of him the earth, taking on the form of an elephant, went about hidden in the forests and in inaccessible regions.
AI translation rendered from the Sanskrit, not a published edition
PdP 2 28.98
न पश्यति महाप्राज्ञः कुरूपं द्विजसत्तमाः । आचचक्षुर्महाप्राज्ञं कुंजरं रूपमास्थिता
na paśyati mahāprājñaḥ kurūpaṃ dvijasattamāḥ | ācacakṣurmahāprājñaṃ kuṃjaraṃ rūpamāsthitā
The greatly wise one did not see her form, O best of the twice-born; (people) reported to the greatly wise one that she had taken on the form of an elephant.
AI translation rendered from the Sanskrit, not a published edition — the model flagged this verse as uncertain
PdP 2 28.99
ततः कुंजररूपांतामभिदुद्राव पार्थिवः । ताड्यमाना च सा तेन निशितैर्मार्गणैस्ततः
tataḥ kuṃjararūpāṃtāmabhidudrāva pārthivaḥ | tāḍyamānā ca sā tena niśitairmārgaṇaistataḥ
Then the king rushed at her who was in the form of an elephant; and she, being struck by him with sharp arrows,
AI translation rendered from the Sanskrit, not a published edition
PdP 2 28.100
हरिरूपं समास्थाय पलायनपराभवत् । हरेरूपं समास्थाय अभिदुद्राव पार्थिवः
harirūpaṃ samāsthāya palāyanaparābhavat | harerūpaṃ samāsthāya abhidudrāva pārthivaḥ
taking on the form of a lioness, gave herself to flight; and the king, taking on the form of a lion, rushed after (her).
AI translation rendered from the Sanskrit, not a published edition — the model flagged this verse as uncertain
PdP 2 28.101
सोतिक्रुद्धो महाप्राज्ञो रोषारुणसुलोचनः । सुबाणैर्निशितैस्तीक्ष्णैराजघान स मेदिनीम्
sotikruddho mahāprājño roṣāruṇasulocanaḥ | subāṇairniśitaistīkṣṇairājaghāna sa medinīm
He, greatly wise, exceedingly enraged, his fine eyes red with fury, struck the earth with keen, sharp, excellent arrows.
AI translation rendered from the Sanskrit, not a published edition
PdP 2 28.102
आकुलव्याकुला जाता बाणाघातहता तदा । माहिषं रूपमास्थाय पलायनपराभवत्
ākulavyākulā jātā bāṇāghātahatā tadā | māhiṣaṃ rūpamāsthāya palāyanaparābhavat
Then, struck by the impact of the arrows, she became utterly distraught, and taking on the form of a she-buffalo she turned to flight.
AI translation rendered from the Sanskrit, not a published edition
PdP 2 28.103
अभ्यधावत वेगेन बाणपाणिर्धनुर्धरः । सा गौर्भूत्वा द्विजश्रेष्ठा स्वर्गमेव गता ध्रुवम्
abhyadhāvata vegena bāṇapāṇirdhanurdharaḥ | sā gaurbhūtvā dvijaśreṣṭhā svargameva gatā dhruvam
Bow in hand, arrow in hand, he rushed after (her) at speed; she, O best of the twice-born, became a cow and went straight to heaven itself.
AI translation rendered from the Sanskrit, not a published edition
PdP 2 28.104
ब्रह्मणः शरणं प्राप्ता विष्णोश्चैव महात्मनः । रुद्रादीनां च देवानां त्राणस्थानं न विंदति
brahmaṇaḥ śaraṇaṃ prāptā viṣṇoścaiva mahātmanaḥ | rudrādīnāṃ ca devānāṃ trāṇasthānaṃ na viṃdati
She went for refuge to Brahmā and to the great-souled Viṣṇu, and to Rudra and the other gods, (but) she found no place of protection.
AI translation rendered from the Sanskrit, not a published edition
PdP 2 28.105
अलभंती भृशं त्राणं वैन्यमेवान्वविंदत । तस्य पार्श्वं पुनः प्राप्ता बाणघातसमाकुला
alabhaṃtī bhṛśaṃ trāṇaṃ vainyamevānvaviṃdata | tasya pārśvaṃ punaḥ prāptā bāṇaghātasamākulā
Not obtaining protection at all, she sought out Vainya himself; overwhelmed by the blows of his arrows, she came again to his side.
AI translation rendered from the Sanskrit, not a published edition
PdP 2 28.106
बद्धांजलिपुटाभूत्वा तं पृथुं वाक्यमब्रवीत् । त्राहित्राहीति राजेंद्र सा राजानमभाषत
baddhāṃjalipuṭābhūtvā taṃ pṛthuṃ vākyamabravīt | trāhitrāhīti rājeṃdra sā rājānamabhāṣata
With her palms joined in supplication she spoke these words to that Pṛthu: "Save me, save me!" — thus, O lord of kings, did she address the king.
AI translation rendered from the Sanskrit, not a published edition
PdP 2 28.107
अहं धात्री महाभाग सर्वाधारा वसुंधरा । निहतायां मयि नृप निहतं लोकसप्तकम्
ahaṃ dhātrī mahābhāga sarvādhārā vasuṃdharā | nihatāyāṃ mayi nṛpa nihataṃ lokasaptakam
"I am the nurse, O greatly fortunate one, the support of all, the earth; when I am slain, O king, the seven worlds are slain."
AI translation rendered from the Sanskrit, not a published edition
PdP 2 28.108
कृतांजलिपुटा भूत्वा पूज्या लोकैस्त्रिभिः सदा । उवाच चैनं राजानमवध्या स्त्री सदा नृप
kṛtāṃjalipuṭā bhūtvā pūjyā lokaistribhiḥ sadā | uvāca cainaṃ rājānamavadhyā strī sadā nṛpa
With her palms joined, she who is ever to be honoured by the three worlds spoke to that king: "A woman is never to be killed, O king."
AI translation rendered from the Sanskrit, not a published edition
PdP 2 28.109
स्त्रीणां वधे महत्पापं दृष्टमस्ति द्विजोत्तमैः । गवां वधे महत्पापं दृष्टमस्ति द्विजोत्तमैः
strīṇāṃ vadhe mahatpāpaṃ dṛṣṭamasti dvijottamaiḥ | gavāṃ vadhe mahatpāpaṃ dṛṣṭamasti dvijottamaiḥ
"In the killing of women great sin has been declared by the best of the twice-born; in the killing of cows great sin has been declared by the best of the twice-born."
AI translation rendered from the Sanskrit, not a published edition
PdP 2 28.110
मया विना महाराज कथं धारयसे प्रजाः । अहं यदास्थिरा राजंस्तदा लोकाश्चराचराः
mayā vinā mahārāja kathaṃ dhārayase prajāḥ | ahaṃ yadāsthirā rājaṃstadā lokāścarācarāḥ
"Without me, O great king, how will you support your subjects? When I am not steady, O king, then the worlds, moving and unmoving —"
AI translation rendered from the Sanskrit, not a published edition
PdP 2 28.111
स्थिरत्वं यांति ते सर्वे स्थिरीभूता यदा ह्यहम् । मां विना तु इमे लोका विनश्येयुश्चराचराः
sthiratvaṃ yāṃti te sarve sthirībhūtā yadā hyaham | māṃ vinā tu ime lokā vinaśyeyuścarācarāḥ
"— all of them attain steadiness (only) when I have become steady; but without me these worlds, moving and unmoving, would perish."
AI translation rendered from the Sanskrit, not a published edition
PdP 2 28.112
ततः प्रजा विनश्येयुर्मम नाशे समागते । कथं धारयिता चासि प्रजा राजन्मया विना
tataḥ prajā vinaśyeyurmama nāśe samāgate | kathaṃ dhārayitā cāsi prajā rājanmayā vinā
"Then, when my destruction has come about, the subjects would perish; and how will you support the subjects, O king, without me?"
AI translation rendered from the Sanskrit, not a published edition
PdP 2 28.113
मयि लोकाः स्थिरा राजन्मयेदं धार्यते जगत् । मद्विनाशे विनश्येयुः प्रजाः सर्वा न संशयः
mayi lokāḥ sthirā rājanmayedaṃ dhāryate jagat | madvināśe vinaśyeyuḥ prajāḥ sarvā na saṃśayaḥ
"On me the worlds rest firm, O king; by me this world is upheld; at my destruction all creatures would perish — there is no doubt."
AI translation rendered from the Sanskrit, not a published edition
PdP 2 28.114
न मामर्हसि वै हंतुं श्रेयश्चेत्त्वं चिकीर्षसि । प्रजानां पृथिवीपाल शृणु देव वचो मम
na māmarhasi vai haṃtuṃ śreyaścettvaṃ cikīrṣasi | prajānāṃ pṛthivīpāla śṛṇu deva vaco mama
"You ought not to kill me, if you wish to do what is best for your subjects, O protector of the earth; hear my words, O lord."
AI translation rendered from the Sanskrit, not a published edition
PdP 2 28.115
उपायैश्च महाभाग सुसिद्धिं यांत्युपक्रमाः । समालोक्य ह्युपायं त्वं प्रजा येन धरिष्यति
upāyaiśca mahābhāga susiddhiṃ yāṃtyupakramāḥ | samālokya hyupāyaṃ tvaṃ prajā yena dhariṣyati
"And by (proper) means, O greatly fortunate one, undertakings come to good success; so look for a means by which you will support the subjects."
AI translation rendered from the Sanskrit, not a published edition
PdP 2 28.116
मां हत्वा त्वं महाराज धारणे पालने सदा । पोषणे च महाप्राज्ञ मद्विना हि कथं नृप
māṃ hatvā tvaṃ mahārāja dhāraṇe pālane sadā | poṣaṇe ca mahāprājña madvinā hi kathaṃ nṛpa
"Having killed me, O great king, how then, without me, O king of great wisdom, in the constant upholding, protecting and nourishing (of the subjects) —"
AI translation rendered from the Sanskrit, not a published edition
PdP 2 28.117
धरिष्यसि प्रजां चेमां कोपं यच्छ त्वमात्मनः । अन्नमयी भविष्यामि धरिष्यामि प्रजामिमाम्
dhariṣyasi prajāṃ cemāṃ kopaṃ yaccha tvamātmanaḥ | annamayī bhaviṣyāmi dhariṣyāmi prajāmimām
"— will you support this people? Restrain your anger. I will become full of food; I will support this people."
AI translation rendered from the Sanskrit, not a published edition
PdP 2 28.118
अहं नारी अवध्या च प्रायश्चित्ती भविष्यसि । अवध्यां तु स्त्रियं प्राहुस्तिर्यग्योनिगतामपि
ahaṃ nārī avadhyā ca prāyaścittī bhaviṣyasi | avadhyāṃ tu striyaṃ prāhustiryagyonigatāmapi
"I am a woman and not to be slain, and you would become one requiring expiation; they call a woman not to be slain, even when she has entered an animal womb."
AI translation rendered from the Sanskrit, not a published edition
PdP 2 28.119
विचार्यैवं महाराज न धर्मं त्यक्तुमर्हसि । एवं नानाविधैर्वाक्यैरुक्तो धात्र्या नराधिपः
vicāryaivaṃ mahārāja na dharmaṃ tyaktumarhasi | evaṃ nānāvidhairvākyairukto dhātryā narādhipaḥ
"Reflecting thus, O great king, you ought not to abandon dharma." Thus addressed with words of many kinds by the nurse (earth), the lord of men —
AI translation rendered from the Sanskrit, not a published edition
PdP 2 28.120
कोपमेनं महाराज त्यज दारुणमेव हि । प्रसन्ने त्वयि राजेंद्र तदा स्वस्था भवाम्यहम्
kopamenaṃ mahārāja tyaja dāruṇameva hi | prasanne tvayi rājeṃdra tadā svasthā bhavāmyaham
"Abandon this anger, O great king, cruel as it is; when you are gracious, O lord of kings, then I shall be well."
AI translation rendered from the Sanskrit, not a published edition
PdP 2 28.121
एवमुक्तस्तया राजा पृथुर्वैन्यः प्रजापतिः । तामुवाच महाभागां धरित्रीं द्विजसत्तमाः
evamuktastayā rājā pṛthurvainyaḥ prajāpatiḥ | tāmuvāca mahābhāgāṃ dharitrīṃ dvijasattamāḥ
Thus addressed by her, the king Pṛthu, son of Vena, lord of creatures, spoke to that greatly blessed one, the earth, O best of the twice-born.
AI translation rendered from the Sanskrit, not a published edition