Padma Purana — Bhumi Khanda — Chapter 23
PdP 2 23.1
ऋषय ऊचुः- विचित्रेयं कथा पुण्या धन्या यशोविधायिनी । सर्वपापहरा प्रोक्ता भवता वदतां वर
ṛṣaya ūcuḥ- vicitreyaṃ kathā puṇyā dhanyā yaśovidhāyinī | sarvapāpaharā proktā bhavatā vadatāṃ vara
The sages said: Wondrous is this story, meritorious, blessed, fame-producing, remover of all sins, spoken by you, O best of speakers.
AI translation rendered from the Sanskrit, not a published edition
PdP 2 23.2
सृष्टिसंबंधमेतन्नस्तद्भवान्वक्तुमर्हति । पूर्वमेव यथासृष्टिर्विस्तरात्सूतनंदन
sṛṣṭisaṃbaṃdhametannastadbhavānvaktumarhati | pūrvameva yathāsṛṣṭirvistarātsūtanaṃdana
You ought to tell us this matter connected with creation — how creation came about at the very first, in detail, O son of the Sūta.
AI translation rendered from the Sanskrit, not a published edition
PdP 2 23.3
सूत उवाच- विस्तरेण प्रवक्ष्यामि सृष्टिसंहारकारणम् । श्रुतमात्रेण यस्यापि नरः सर्वज्ञतां व्रजेत्
sūta uvāca- vistareṇa pravakṣyāmi sṛṣṭisaṃhārakāraṇam | śrutamātreṇa yasyāpi naraḥ sarvajñatāṃ vrajet
Sūta said: I shall declare in detail the cause of creation and destruction, by the mere hearing of which a man attains omniscience.
AI translation rendered from the Sanskrit, not a published edition
PdP 2 23.4
हिरण्यकश्यपेनापि व्यापितं भुवनत्रयम् । तपसाराध्य प्रबह्माणं वरं प्राप्तं सुदुर्लभम्
hiraṇyakaśyapenāpi vyāpitaṃ bhuvanatrayam | tapasārādhya prabahmāṇaṃ varaṃ prāptaṃ sudurlabham
By Hiraṇyakaśipu too the three worlds were pervaded; having propitiated Brahmā by austerity, he obtained a very hard-to-get boon.
AI translation rendered from the Sanskrit, not a published edition
PdP 2 23.5
तस्माद्देवान्महाभागादमरत्वं तथैव च । देवाँल्लोकान्स संव्याप्य प्रभुत्वं स्वयमर्जितम्
tasmāddevānmahābhāgādamaratvaṃ tathaiva ca | devā~llokānsa saṃvyāpya prabhutvaṃ svayamarjitam
From that greatly fortunate god (he obtained lordship over) the gods and likewise immortality; having pervaded the gods and the worlds, he won sovereignty for himself.
AI translation rendered from the Sanskrit, not a published edition — the model flagged this verse as uncertain
PdP 2 23.6
ततो देवाः सगंधर्वा मुनयो वेदपारगाः । नागाश्च किन्नराः सिद्धा यक्षाश्चैव तथापरे
tato devāḥ sagaṃdharvā munayo vedapāragāḥ | nāgāśca kinnarāḥ siddhā yakṣāścaiva tathāpare
Then the gods together with the gandharvas, the sages versed to the end in the Vedas, the nāgas, kinnaras, siddhas, and yakṣas, and others as well,
AI translation rendered from the Sanskrit, not a published edition
PdP 2 23.7
ब्रह्माणं तु पुरस्कृत्य जग्मुर्नारायणं प्रभुम् । क्षीरसागरसंसुप्तं योगनिद्रां गतं प्रभुम्
brahmāṇaṃ tu puraskṛtya jagmurnārāyaṇaṃ prabhum | kṣīrasāgarasaṃsuptaṃ yoganidrāṃ gataṃ prabhum
Putting Brahmā at their head, they went to Nārāyaṇa the Lord, the Lord who was asleep in the ocean of milk, gone into yogic slumber.
AI translation rendered from the Sanskrit, not a published edition
PdP 2 23.8
तं संबोध्य महास्तोत्रैर्देवाः प्रांजलयस्तथा । संबुद्धे सति देवेशे वृत्तं तस्य दुरात्मनः
taṃ saṃbodhya mahāstotrairdevāḥ prāṃjalayastathā | saṃbuddhe sati deveśe vṛttaṃ tasya durātmanaḥ
Having awakened him with great hymns of praise, the gods, with palms joined, when the lord of the gods was awake, (told him) what that evil-souled one had done—
AI translation rendered from the Sanskrit, not a published edition
PdP 2 23.9
आचचक्षुर्महाप्राज्ञ समाकर्ण्य जगत्पतिः । नृसिंहरूपमास्थाय हिरण्यकशिपुं व्यहन्
ācacakṣurmahāprājña samākarṇya jagatpatiḥ | nṛsiṃharūpamāsthāya hiraṇyakaśipuṃ vyahan
—they reported (it), O greatly wise one. Having heard it, the Lord of the world, taking on the form of a man-lion, slew Hiraṇyakaśipu.
AI translation rendered from the Sanskrit, not a published edition
PdP 2 23.10
पुनर्वाराहरूपेण हिरण्याक्षो महाबलः । उद्धृता वसुधा पुण्या असुरो घातितस्तदा
punarvārāharūpeṇa hiraṇyākṣo mahābalaḥ | uddhṛtā vasudhā puṇyā asuro ghātitastadā
Again, in the boar-form, (he slew) Hiraṇyākṣa of great strength; the holy earth was lifted up, and the demon was then killed.
AI translation rendered from the Sanskrit, not a published edition
PdP 2 23.11
अन्यांश्चघातयामास दानवान्घोरदर्शनान् । एवं चैतेषु नष्टेषु दानवेषु महत्सु च
anyāṃścaghātayāmāsa dānavānghoradarśanān | evaṃ caiteṣu naṣṭeṣu dānaveṣu mahatsu ca
And he had other dānavas of dreadful appearance killed. And thus, when these dānavas, and the great ones, had perished,
AI translation rendered from the Sanskrit, not a published edition
PdP 2 23.12
अन्येषु तेषु नष्टेषु दितिपुत्रेषु वै तदा । पुनः स्थानेषु प्राप्तेषु देवेषु च महत्सु च
anyeṣu teṣu naṣṭeṣu ditiputreṣu vai tadā | punaḥ sthāneṣu prāpteṣu deveṣu ca mahatsu ca
when those other sons of Diti too had then perished, and when the gods and the great ones had regained their stations,
AI translation rendered from the Sanskrit, not a published edition
PdP 2 23.13
यज्ञेष्वेव प्रवृत्तेषु सर्वेषु धर्मकर्मसु । सुस्थेषु सर्वलोकेषु सा दितिर्दुःखपीडिता
yajñeṣveva pravṛtteṣu sarveṣu dharmakarmasu | sustheṣu sarvalokeṣu sā ditirduḥkhapīḍitā
when the sacrifices and all the works of dharma were in progress, and all the worlds were well settled, that Diti, afflicted with sorrow,
AI translation rendered from the Sanskrit, not a published edition
PdP 2 23.14
पुत्रशोकेन संतप्ता हाहाभूता विचेतना । भर्तारं सूर्यसंकाशं तपस्तेजः समन्वितम्
putraśokena saṃtaptā hāhābhūtā vicetanā | bhartāraṃ sūryasaṃkāśaṃ tapastejaḥ samanvitam
burning with grief for her sons, crying "alas, alas," out of her senses, (approached) her husband, resembling the sun, endowed with the fiery power of austerity,
AI translation rendered from the Sanskrit, not a published edition
PdP 2 23.15
दातारं च महात्मानं भर्तारं कश्यपं तदा । भक्त्या प्रणम्य विप्रेन्द्र तमुवाच महामतिम्
dātāraṃ ca mahātmānaṃ bhartāraṃ kaśyapaṃ tadā | bhaktyā praṇamya viprendra tamuvāca mahāmatim
the generous one, the great-souled one, her husband Kaśyapa—then, having bowed to him with devotion, O best of brahmins, she spoke to that greatly wise one:
AI translation rendered from the Sanskrit, not a published edition
PdP 2 23.16
भगवन्नष्टपुत्राहं कृता देवेन चक्रिणा । दैतेया दानवाः सर्वे देवैश्चैव निपातिताः
bhagavannaṣṭaputrāhaṃ kṛtā devena cakriṇā | daiteyā dānavāḥ sarve devaiścaiva nipātitāḥ
"Lord, I have been made sonless by the god who bears the discus; all the sons of Diti and the dānavas have been struck down by the gods.
AI translation rendered from the Sanskrit, not a published edition
PdP 2 23.17
पुत्रशोकानलेनाहं संतप्ता मुनिसत्तम । ममानंदकरं पुत्रं सर्वतेजोहरं विभो
putraśokānalenāhaṃ saṃtaptā munisattama | mamānaṃdakaraṃ putraṃ sarvatejoharaṃ vibho
I am burnt by the fire of grief for my sons, O best of sages. (Give me) a son who will bring me joy, who will take away the fiery power of all, O mighty one—
AI translation rendered from the Sanskrit, not a published edition
PdP 2 23.18
सुबलं चारुसर्वांगं देवराजसमप्रभम् । बुद्धिमंतं सुसर्वज्ञं ज्ञातारं सर्वपंडितम्
subalaṃ cārusarvāṃgaṃ devarājasamaprabham | buddhimaṃtaṃ susarvajñaṃ jñātāraṃ sarvapaṃḍitam
of good strength, lovely in every limb, of splendour equal to the king of the gods, intelligent, thoroughly all-knowing, a knower, learned in everything,
AI translation rendered from the Sanskrit, not a published edition
PdP 2 23.19
तपस्तेजः समायुक्तं सबलं चारुलक्षणम् । ब्रह्मण्यं ज्ञानवेत्तारं देवब्राह्मणपूजकम्
tapastejaḥ samāyuktaṃ sabalaṃ cārulakṣaṇam | brahmaṇyaṃ jñānavettāraṃ devabrāhmaṇapūjakam
endowed with the fiery power of austerity, strong, of lovely marks, devoted to brahman, a knower of knowledge, a worshipper of gods and brahmins,
AI translation rendered from the Sanskrit, not a published edition
PdP 2 23.20
जेतारं सर्वलोकानां ममानंदकरं द्विज । सर्वलक्षणसंपन्नं पुत्रं मे देहि त्वं विभो
jetāraṃ sarvalokānāṃ mamānaṃdakaraṃ dvija | sarvalakṣaṇasaṃpannaṃ putraṃ me dehi tvaṃ vibho
a conqueror of all the worlds, one who brings me joy, O twice-born; give me such a son, endowed with all auspicious marks, O mighty one."
AI translation rendered from the Sanskrit, not a published edition
PdP 2 23.21
एवमाकर्ण्य वै तस्याः कश्यपो वाक्यमुत्तमम् । कृपाविष्टमनास्तुष्टो दुःखिताया द्विजोत्तम
evamākarṇya vai tasyāḥ kaśyapo vākyamuttamam | kṛpāviṣṭamanāstuṣṭo duḥkhitāyā dvijottama
Having heard this excellent speech of hers, Kaśyapa, his mind filled with compassion, was pleased with her who was sorrowing, O best of brahmins.
AI translation rendered from the Sanskrit, not a published edition
PdP 2 23.22
तामुवाच महाभाग कृपणां दीनमानसाम् । तस्याः शिरसि संन्यस्य स्वहस्तं भावतत्परः
tāmuvāca mahābhāga kṛpaṇāṃ dīnamānasām | tasyāḥ śirasi saṃnyasya svahastaṃ bhāvatatparaḥ
He spoke to her, O greatly fortunate one—to that pitiable woman of dejected mind—placing his own hand upon her head, intent in his feeling:
AI translation rendered from the Sanskrit, not a published edition
PdP 2 23.23
भविष्यति महाभागे यादृशो वांछितः सुतः । एवमुक्त्वा जगामासौ मेरुं गिरिवरोत्तमम्
bhaviṣyati mahābhāge yādṛśo vāṃchitaḥ sutaḥ | evamuktvā jagāmāsau meruṃ girivarottamam
"O greatly fortunate one, there will be a son just such as you have wished for." Having said this, he went to Meru, the finest of the best of mountains.
AI translation rendered from the Sanskrit, not a published edition
PdP 2 23.24
तपस्तेपे निरालंबः साधयन्परमव्रतः । एतस्मिन्नंतरे सा तु दधार गर्भमुत्तमम्
tapastepe nirālaṃbaḥ sādhayanparamavrataḥ | etasminnaṃtare sā tu dadhāra garbhamuttamam
He practised austerity without support, accomplishing (it), of the highest vow. Meanwhile she conceived an excellent embryo.
AI translation rendered from the Sanskrit, not a published edition
PdP 2 23.25
सा दितिः सर्वधर्मज्ञा चारुकर्मा मनस्विनी । शतवर्षप्रमाणं सा शुचि स्वांता बभूव ह
sā ditiḥ sarvadharmajñā cārukarmā manasvinī | śatavarṣapramāṇaṃ sā śuci svāṃtā babhūva ha
That Diti, knowing all dharma, of lovely deeds, high-minded, remained pure of heart for the measure of a hundred years.
AI translation rendered from the Sanskrit, not a published edition
PdP 2 23.26
तया वै जनितः पुत्रो ब्रह्मतेजः समन्वितः । अथ कश्यप आयातो हर्षेण महतान्वितः
tayā vai janitaḥ putro brahmatejaḥ samanvitaḥ | atha kaśyapa āyāto harṣeṇa mahatānvitaḥ
By her a son was born, endowed with the fiery power of brahman. Then Kaśyapa arrived, filled with great joy.
AI translation rendered from the Sanskrit, not a published edition
PdP 2 23.27
चकार नाम मेधावी तस्य पुत्रस्य सत्तमः । बलमित्यब्रवीत्पुत्रं नामतः सदृशो महान्
cakāra nāma medhāvī tasya putrasya sattamaḥ | balamityabravītputraṃ nāmataḥ sadṛśo mahān
The wise, most excellent (sage) made a name for that son of his: "Bala," he called the boy — great, and matching (him) in name.
AI translation rendered from the Sanskrit, not a published edition
PdP 2 23.28
एवं नाम चकाराथ व्रतबंधं चकार सः । प्राह पुत्र महाभाग ब्रह्मचर्यं प्रसाधय
evaṃ nāma cakārātha vratabaṃdhaṃ cakāra saḥ | prāha putra mahābhāga brahmacaryaṃ prasādhaya
Thus he made the name, and then he performed the binding of the vow (initiation). He said: "Son, greatly fortunate one, accomplish the life of chastity (Vedic studentship)."
AI translation rendered from the Sanskrit, not a published edition
PdP 2 23.29
एवमेवं करिष्यामि तव वाक्यं द्विजोत्तम । वेदस्याध्ययनं कुर्यां ब्रह्मचर्येण सत्तम
evamevaṃ kariṣyāmi tava vākyaṃ dvijottama | vedasyādhyayanaṃ kuryāṃ brahmacaryeṇa sattama
"Just so I shall do, (following) your word, O best of the twice-born; I shall carry out the study of the Veda with chastity, O most excellent one."
AI translation rendered from the Sanskrit, not a published edition
PdP 2 23.30
एवं वर्षशतं साग्रं गतं तस्य तपस्यतः । मातुः समक्षमायातस्तपस्तेजः समन्वितः
evaṃ varṣaśataṃ sāgraṃ gataṃ tasya tapasyataḥ | mātuḥ samakṣamāyātastapastejaḥ samanvitaḥ
Thus a full hundred years passed for him as he practised austerity; and he came into his mother's presence, endowed with the fiery power of austerity.
AI translation rendered from the Sanskrit, not a published edition
PdP 2 23.31
तपोवीर्यमयं दिव्यं ब्रह्मचर्यं महात्मनः । दितिः पश्यति पुत्रस्य हर्षेण महतान्विता
tapovīryamayaṃ divyaṃ brahmacaryaṃ mahātmanaḥ | ditiḥ paśyati putrasya harṣeṇa mahatānvitā
Diti, filled with great joy, looks upon her son's divine chastity, made of the strength of austerity, (the chastity) of that great-souled one.
AI translation rendered from the Sanskrit, not a published edition
PdP 2 23.32
तमुवाच महात्मानं बलं पुत्रं तपस्विनम् । मेधाविनं महात्मानं प्रज्ञाज्ञानविशारदम्
tamuvāca mahātmānaṃ balaṃ putraṃ tapasvinam | medhāvinaṃ mahātmānaṃ prajñājñānaviśāradam
She spoke to that great-souled Bala, her ascetic son, wise, great-souled, skilled in insight and knowledge:
AI translation rendered from the Sanskrit, not a published edition
PdP 2 23.33
त्वयि जीवति मेधाविन्प्रजीवंति सुता मम । हिरण्यकशिपाद्यास्ते ये हताश्चक्रपाणिना
tvayi jīvati medhāvinprajīvaṃti sutā mama | hiraṇyakaśipādyāste ye hatāścakrapāṇinā
"While you live, O wise one, my sons live on — Hiraṇyakaśipu and the rest of them, those who were slain by the Wielder of the Discus.
AI translation rendered from the Sanskrit, not a published edition
PdP 2 23.34
वैरं साधय मे वत्स जहि देवान्रिपून्रणे । सा दनुस्तमुवाचेदं बलं पुत्रं महाबलम्
vairaṃ sādhaya me vatsa jahi devānripūnraṇe | sā danustamuvācedaṃ balaṃ putraṃ mahābalam
"Accomplish (the avenging of) my enmity, child; slay the gods, (my) foes, in battle." That Danu said this to her son Bala of great strength:
AI translation rendered from the Sanskrit, not a published edition
PdP 2 23.35
आदाविंद्रं हि देवेंद्रं द्रुतं सूदय पुत्रक । पश्चाद्देवा निपात्यंतां ततो गरुडवाहनः
ādāviṃdraṃ hi deveṃdraṃ drutaṃ sūdaya putraka | paścāddevā nipātyaṃtāṃ tato garuḍavāhanaḥ
"First indeed kill Indra, the lord of the gods, quickly, dear son; afterwards let the gods be struck down, and then he who rides on Garuḍa."
AI translation rendered from the Sanskrit, not a published edition
PdP 2 23.36
तयोराकर्ण्य सा देवी अदितिः पतिदेवता । दुःखेन महताविष्टा पुत्रमिंद्रमभाषत
tayorākarṇya sā devī aditiḥ patidevatā | duḥkhena mahatāviṣṭā putramiṃdramabhāṣata
Having overheard those two, that goddess Aditi, devoted to her husband, overcome with great grief, spoke to her son Indra:
AI translation rendered from the Sanskrit, not a published edition
PdP 2 23.37
दितिपुत्रो महाकायो वर्द्धते ब्रह्मतेजसा । देवानां हि वधार्थाय तपस्तेपे निरंजने
ditiputro mahākāyo varddhate brahmatejasā | devānāṃ hi vadhārthāya tapastepe niraṃjane
"Diti's son, of huge body, grows by the power of sacred (brahminical) fire; for the sake of killing the gods he has practised austerity in a spotless (place).
AI translation rendered from the Sanskrit, not a published edition
PdP 2 23.38
एवं जानीहि देवेश यदि क्षेममिहेच्छसि । एवमाकर्ण्य तद्वाक्यं स मातुः पाकशासनः
evaṃ jānīhi deveśa yadi kṣemamihecchasi | evamākarṇya tadvākyaṃ sa mātuḥ pākaśāsanaḥ
"Know it thus, O lord of the gods, if you wish for safety here." Hearing that word of his mother's, he, the chastiser of Pāka,
AI translation rendered from the Sanskrit, not a published edition
PdP 2 23.39
चिंतामवाप दुःखेन महतीं देवराट्तदा । महाभयेन संत्रस्तश्चिंतयामास वै ततः
ciṃtāmavāpa duḥkhena mahatīṃ devarāṭtadā | mahābhayena saṃtrastaściṃtayāmāsa vai tataḥ
then the king of the gods fell into great anxiety with grief; terrified with great fear, he pondered thus:
AI translation rendered from the Sanskrit, not a published edition
PdP 2 23.40
कथमेनं हनिष्यामि देवधर्मविदूषकम् । इति निश्चित्य देवेशो बलस्य निधनं प्रति
kathamenaṃ haniṣyāmi devadharmavidūṣakam | iti niścitya deveśo balasya nidhanaṃ prati
"How shall I kill this defiler of the law of the gods?" — thus the lord of the gods resolved upon the destruction of Bala.
AI translation rendered from the Sanskrit, not a published edition
PdP 2 23.41
एकदा हि बलः सोपि संध्यार्थं सिंधुमाश्रितः । कृष्णाजिनेन दिव्येन दंडकाष्ठेन राजितः
ekadā hi balaḥ sopi saṃdhyārthaṃ siṃdhumāśritaḥ | kṛṣṇājinena divyena daṃḍakāṣṭhena rājitaḥ
Now one day that Bala too resorted to the sea for the twilight (rite), adorned with a divine black antelope skin and a wooden staff,
AI translation rendered from the Sanskrit, not a published edition
PdP 2 23.42
अमलेनापि पुण्येन ब्रह्मचर्येण तेन सः । सागरस्योपकंठे तं संध्यासनमुपागतम्
amalenāpi puṇyena brahmacaryeṇa tena saḥ | sāgarasyopakaṃṭhe taṃ saṃdhyāsanamupāgatam
and also with that stainless, meritorious chastity of his — him, seated for the twilight rite on the shore of the ocean,
AI translation rendered from the Sanskrit, not a published edition
PdP 2 23.43
जपमानं सुशांतं तं ददृशे पाकशासनः । वज्रेण तेन दिव्येन ताडितो दितिनंदनः
japamānaṃ suśāṃtaṃ taṃ dadṛśe pākaśāsanaḥ | vajreṇa tena divyena tāḍito ditinaṃdanaḥ
him, murmuring (his prayers), wholly serene, the chastiser of Pāka saw; and by that divine thunderbolt Diti's son was struck.
AI translation rendered from the Sanskrit, not a published edition
PdP 2 23.44
बलं निपतितं दृष्ट्वा गतसत्वं गतं भुवि । हर्षेण महताविष्टो देवराण्मुमुदे तदा
balaṃ nipatitaṃ dṛṣṭvā gatasatvaṃ gataṃ bhuvi | harṣeṇa mahatāviṣṭo devarāṇmumude tadā
Seeing Bala fallen, lifeless, gone (down) upon the earth, the king of the gods, filled with great joy, then rejoiced.
AI translation rendered from the Sanskrit, not a published edition
PdP 2 23.45
एवं निपात्य तं दैत्यं दितिनंदनमेव च । राज्यं चकार धर्मात्मा सुखेन पाकशासनः
evaṃ nipātya taṃ daityaṃ ditinaṃdanameva ca | rājyaṃ cakāra dharmātmā sukhena pākaśāsanaḥ
Thus having struck down that Daitya, Diti's son indeed, the righteous chastiser of Pāka ruled his kingdom in comfort.
AI translation rendered from the Sanskrit, not a published edition