Padma Purana — Bhumi Khanda — Chapter 17
PdP 2 17.1
सोमशर्मोवाच- सर्वं देवि समाख्यातं धर्मसंस्थानमुत्तमम् । कथं पुत्रमहं विंद्यां सर्वज्ञं गुणसंयुतम्
somaśarmovāca- sarvaṃ devi samākhyātaṃ dharmasaṃsthānamuttamam | kathaṃ putramahaṃ viṃdyāṃ sarvajñaṃ guṇasaṃyutam
Somaśarman said: All has been told, O goddess, the excellent establishment of dharma. How may I obtain a son, all-knowing and endowed with virtues?
AI translation rendered from the Sanskrit, not a published edition
PdP 2 17.2
वद त्वं मे महाभागे यदि जानासि सुव्रते । दानधर्मादिकं भद्रे परत्रेह न संशयः
vada tvaṃ me mahābhāge yadi jānāsi suvrate | dānadharmādikaṃ bhadre paratreha na saṃśayaḥ
Tell me, O greatly fortunate one, if you know, O you of good vows—of gift, dharma and the rest, O blessed one, (which avail) here and hereafter, without doubt.
AI translation rendered from the Sanskrit, not a published edition
PdP 2 17.3
सुमनोवाच- वसिष्ठं गच्छ धर्मज्ञं तं प्रार्थय महामुनिम् । तस्मात्प्राप्स्यसि वै पुत्रं धर्मज्ञं धर्मवत्सलम्
sumanovāca- vasiṣṭhaṃ gaccha dharmajñaṃ taṃ prārthaya mahāmunim | tasmātprāpsyasi vai putraṃ dharmajñaṃ dharmavatsalam
Sumanā said: Go to Vasiṣṭha, the knower of dharma; entreat that great sage. From him you will obtain a son who knows dharma and is devoted to dharma.
AI translation rendered from the Sanskrit, not a published edition
PdP 2 17.4
सूत उवाच- एवमुक्ते तया वाक्ये सोमशर्मा द्विजोत्तमः । एवं करिष्ये कल्याणि तव वाक्यं न संशयः
sūta uvāca- evamukte tayā vākye somaśarmā dvijottamaḥ | evaṃ kariṣye kalyāṇi tava vākyaṃ na saṃśayaḥ
Sūta said: When these words had been spoken by her, Somaśarman, best of the twice-born, (said): 'So I shall do, O auspicious one; your word (holds), no doubt.'
AI translation rendered from the Sanskrit, not a published edition
PdP 2 17.5
एवमुक्त्वा जगामाशु सोमशर्मा द्विजोत्तमः । वसिष्ठं सर्ववेत्तारं दिव्यं तं तपतां वरम्
evamuktvā jagāmāśu somaśarmā dvijottamaḥ | vasiṣṭhaṃ sarvavettāraṃ divyaṃ taṃ tapatāṃ varam
Having said this, Somaśarman, best of the twice-born, went at once to Vasiṣṭha, the knower of all, divine, foremost among ascetics—
AI translation rendered from the Sanskrit, not a published edition
PdP 2 17.6
गंगातीरे स्थितं पुण्यमाश्रमस्थं द्विजोत्तमम् । तेजोज्वालासमाकीर्णं द्वितीयमिव भास्करम्
gaṃgātīre sthitaṃ puṇyamāśramasthaṃ dvijottamam | tejojvālāsamākīrṇaṃ dvitīyamiva bhāskaram
—that holy best of the twice-born, seated on the bank of the Gaṅgā in his hermitage, encompassed with blazing splendour, like a second sun,
AI translation rendered from the Sanskrit, not a published edition
PdP 2 17.7
राजमानं महात्मानं ब्रह्मण्यं च द्विजोत्तमम् । भक्त्या प्रणम्य विप्रेशं दंडवच्च पुनः पुनः
rājamānaṃ mahātmānaṃ brahmaṇyaṃ ca dvijottamam | bhaktyā praṇamya vipreśaṃ daṃḍavacca punaḥ punaḥ
—shining, great-souled, devoted to brahman, best of the twice-born; and having bowed with devotion to that lord of brahmins like a stick, again and again,
AI translation rendered from the Sanskrit, not a published edition
PdP 2 17.8
तमुवाच महातेजा ब्रह्मसूनुरकल्मषः । उपाविशासने पुण्ये सुखेन सुमहामते
tamuvāca mahātejā brahmasūnurakalmaṣaḥ | upāviśāsane puṇye sukhena sumahāmate
The greatly radiant, stainless son of Brahmā said to him: "Sit down on this holy seat at your ease, O you of great mind."
AI translation rendered from the Sanskrit, not a published edition
PdP 2 17.9
एवमुक्त्वा स योगींद्रः पुनः प्राह तपोधनम् । गृहे पुत्रेषु ते वत्स दारभृत्येषु सर्वदा
evamuktvā sa yogīṃdraḥ punaḥ prāha tapodhanam | gṛhe putreṣu te vatsa dārabhṛtyeṣu sarvadā
Having spoken thus, that lord of yogins spoke again to the one rich in austerity: "At home, among your sons, child, and among your wives and servants always—"
AI translation rendered from the Sanskrit, not a published edition
PdP 2 17.10
क्षेममस्ति महाभाग पुण्यकर्मसु चाग्निषु । निरामयोसि चांगेषु धर्मं पालयसे सदा
kṣemamasti mahābhāga puṇyakarmasu cāgniṣu | nirāmayosi cāṃgeṣu dharmaṃ pālayase sadā
"—is there well-being, O greatly fortunate one, and in your meritorious rites and in your fires? Are you free of illness in your limbs? Do you always uphold dharma?"
AI translation rendered from the Sanskrit, not a published edition
PdP 2 17.11
एवमुक्त्वा महाप्राज्ञः पुनः प्राह सुशर्मणम् । किं करोमि प्रियं कार्यं सुप्रियं ते द्विजोत्तम
evamuktvā mahāprājñaḥ punaḥ prāha suśarmaṇam | kiṃ karomi priyaṃ kāryaṃ supriyaṃ te dvijottama
Having spoken thus, the greatly wise one spoke again to Suśarman: "What agreeable service may I do that is most pleasing to you, O best of the twice-born?"
AI translation rendered from the Sanskrit, not a published edition
PdP 2 17.12
एवं संभाषितं विप्रं विरराम स कुंभजः । तस्मिन्नुक्ते महाभागे वसिष्ठे मुनिपुंगवे
evaṃ saṃbhāṣitaṃ vipraṃ virarāma sa kuṃbhajaḥ | tasminnukte mahābhāge vasiṣṭhe munipuṃgave
Having thus addressed the brahmin, that pot-born one fell silent. When that greatly fortunate Vasiṣṭha, the bull among sages, had spoken,
AI translation rendered from the Sanskrit, not a published edition
PdP 2 17.13
स होवाच महात्मानं वसिष्ठं तपतां वरम् । भगवञ्छ्रूयतां वाक्यं सुप्रसन्नेन चेतसा
sa hovāca mahātmānaṃ vasiṣṭhaṃ tapatāṃ varam | bhagavañchrūyatāṃ vākyaṃ suprasannena cetasā
he said to the great-souled Vasiṣṭha, best of the ascetics: "Lord, let my words be heard with a well-pleased mind."
AI translation rendered from the Sanskrit, not a published edition
PdP 2 17.14
यदि मे सुप्रियं कार्यं त्वयैव मुनिपुंगव । मम प्रश्नार्थसंदेहं विच्छेदय द्विजोत्तम
yadi me supriyaṃ kāryaṃ tvayaiva munipuṃgava | mama praśnārthasaṃdehaṃ vicchedaya dvijottama
"If a most agreeable service is to be done for me by you, O bull among sages, then cut away the doubt about the matter of my question, O best of the twice-born."
AI translation rendered from the Sanskrit, not a published edition
PdP 2 17.15
दारिद्र्यं केन पापेन पुत्रसौख्यं कथं नहि । एतन्मे संशयं तात कस्मात्पापाद्वदस्व मे
dāridryaṃ kena pāpena putrasaukhyaṃ kathaṃ nahi | etanme saṃśayaṃ tāta kasmātpāpādvadasva me
"By what sin does poverty come, and why is there no happiness in sons? Tell me, sir, this doubt of mine—from what sin (does it arise)?"
AI translation rendered from the Sanskrit, not a published edition
PdP 2 17.16
महामोहेन संमुग्धः प्रियया बोधितो द्विज । तयाहं प्रेषितस्तात तव पार्श्वं समातुरः
mahāmohena saṃmugdhaḥ priyayā bodhito dvija | tayāhaṃ preṣitastāta tava pārśvaṃ samāturaḥ
"Bewildered by great delusion, I was awakened by my beloved (wife), O twice-born one; sent by her, sir, I have come to your side, greatly distressed."
AI translation rendered from the Sanskrit, not a published edition
PdP 2 17.17
तत्सर्वं हि समाचक्ष्व सर्वसंदेहनाशकम् । मुक्तिदाता भवस्व त्वं ममसंसारबंधनात्
tatsarvaṃ hi samācakṣva sarvasaṃdehanāśakam | muktidātā bhavasva tvaṃ mamasaṃsārabaṃdhanāt
"So tell me all of that, which destroys every doubt; be you the giver of release to me from the bondage of worldly existence."
AI translation rendered from the Sanskrit, not a published edition
PdP 2 17.18
वसिष्ठ उवाच- पुत्रा मित्राण्यथ भ्राता अन्ये स्वजनबांधवाः । पंचभेदास्तु संभेदात्पुरुषस्य भवंति ते
vasiṣṭha uvāca- putrā mitrāṇyatha bhrātā anye svajanabāṃdhavāḥ | paṃcabhedāstu saṃbhedātpuruṣasya bhavaṃti te
Vasiṣṭha said: Sons, friends, then a brother, and others—one's own people and kinsmen: these become the five kinds (of relation) for a man, by division.
AI translation rendered from the Sanskrit, not a published edition — the model flagged this verse as uncertain
PdP 2 17.19
ते ते सुमनया प्रोक्ताः पूर्वमेव तवाग्रतः । ऋणसंबंधिनः सर्वे ते कुपुत्रा द्विजोत्तम
te te sumanayā proktāḥ pūrvameva tavāgrataḥ | ṛṇasaṃbaṃdhinaḥ sarve te kuputrā dvijottama
Those (five) were already declared to you before by Sumanā, in your presence; all of them are bound to you by debt—those bad sons, O best of the twice-born.
AI translation rendered from the Sanskrit, not a published edition — the model flagged this verse as uncertain
PdP 2 17.20
पुत्रस्य लक्षणं पुण्यं तवाग्रे प्रवदाम्यहम् । पुण्यप्रसक्तो यस्यात्मा सत्यधर्मरतः सदा
putrasya lakṣaṇaṃ puṇyaṃ tavāgre pravadāmyaham | puṇyaprasakto yasyātmā satyadharmarataḥ sadā
I shall declare before you the auspicious marks of a (true) son: he whose self is devoted to merit, always delighting in truth and dharma,
AI translation rendered from the Sanskrit, not a published edition
PdP 2 17.21
शुद्धिविज्ञानसंपन्नस्तपस्वी वाग्विदां वरः । सर्वकर्मसुसंधीरो वेदाध्ययनतत्परः
śuddhivijñānasaṃpannastapasvī vāgvidāṃ varaḥ | sarvakarmasusaṃdhīro vedādhyayanatatparaḥ
endowed with purity and discernment, an ascetic, foremost among those skilled in speech, very steadfast in all rites, intent on the study of the Vedas,
AI translation rendered from the Sanskrit, not a published edition
PdP 2 17.22
स सर्वशास्त्रवेत्ता च देवब्राह्मणपूजकः । याजकः सर्वयज्ञानां दाता त्यागी प्रियंवदः
sa sarvaśāstravettā ca devabrāhmaṇapūjakaḥ | yājakaḥ sarvayajñānāṃ dātā tyāgī priyaṃvadaḥ
he who knows all the scriptures, a worshipper of gods and brahmins, a performer of all sacrifices, a giver, renouncing, speaking kindly,
AI translation rendered from the Sanskrit, not a published edition
PdP 2 17.23
विष्णुध्यानपरो नित्यं शांतो दांतः सुहृत्सदा । पितृमातृपरोनित्यं सर्वस्वजनवत्सलः
viṣṇudhyānaparo nityaṃ śāṃto dāṃtaḥ suhṛtsadā | pitṛmātṛparonityaṃ sarvasvajanavatsalaḥ
always intent on meditation on Viṣṇu, calm, self-controlled, always good-hearted, always devoted to father and mother, affectionate to all his own people,
AI translation rendered from the Sanskrit, not a published edition
PdP 2 17.24
कुलस्य तारको विद्वान्कुलस्य परिपोषकः । एवं गुणैश्च संयुक्तः सपुत्रः सुखदायकः
kulasya tārako vidvānkulasya paripoṣakaḥ | evaṃ guṇaiśca saṃyuktaḥ saputraḥ sukhadāyakaḥ
a learned man who carries his family across and who sustains his family—a son joined with such qualities is a giver of happiness.
AI translation rendered from the Sanskrit, not a published edition
PdP 2 17.25
अन्ये संबंधसंयुक्ताः शोकसंतापदायकाः । एतादृशेन किं कार्यं फलहीनेन तेन च
anye saṃbaṃdhasaṃyuktāḥ śokasaṃtāpadāyakāḥ | etādṛśena kiṃ kāryaṃ phalahīnena tena ca
Others, though joined (to one) by relationship, are givers of grief and torment. What is to be done with such a one, fruitless as he is?
AI translation rendered from the Sanskrit, not a published edition
PdP 2 17.26
आयांति यांति ते सर्वे तापं दत्वा सुदारुणम् । पुत्ररूपेण ते सर्वे संसारे द्विजसत्तम
āyāṃti yāṃti te sarve tāpaṃ datvā sudāruṇam | putrarūpeṇa te sarve saṃsāre dvijasattama
They all come and go, having given very cruel pain; all of them (come) in the form of sons in this worldly existence, O most excellent of the twice-born.
AI translation rendered from the Sanskrit, not a published edition
PdP 2 17.27
पूर्वजन्मकृतं पुण्यं यत्त्वया परिपालितम् । तत्सर्वं हि प्रवक्ष्यामि श्रूयतामद्भुतं पुनः
pūrvajanmakṛtaṃ puṇyaṃ yattvayā paripālitam | tatsarvaṃ hi pravakṣyāmi śrūyatāmadbhutaṃ punaḥ
The merit made in a former birth, which was maintained by you—all that indeed I shall declare; let the marvel be heard again.
AI translation rendered from the Sanskrit, not a published edition
PdP 2 17.28
वसिष्ठ उवाच- भवाञ्छूद्रो महाप्राज्ञ पूर्वजन्मनि नान्यथा । कृषिकर्त्ता ज्ञानहीनो महालोभेन संयुतः
vasiṣṭha uvāca- bhavāñchūdro mahāprājña pūrvajanmani nānyathā | kṛṣikarttā jñānahīno mahālobhena saṃyutaḥ
Vasiṣṭha said: You, most wise one, were a śūdra in your former birth, not otherwise—a tiller of the soil, devoid of knowledge, filled with great greed.
AI translation rendered from the Sanskrit, not a published edition
PdP 2 17.29
एकभार्या सदा द्वेषी बहुपुत्रो ह्यदत्तवान् । धर्मं नैव विजानासि सत्यं नैव परिश्रुतम्
ekabhāryā sadā dveṣī bahuputro hyadattavān | dharmaṃ naiva vijānāsi satyaṃ naiva pariśrutam
You had one wife, were always hostile, had many sons, and gave nothing; you knew nothing of dharma, and never listened to the truth.
AI translation rendered from the Sanskrit, not a published edition
PdP 2 17.30
दानं नैव त्वया दत्तं शास्त्रं नैव प्रतिश्रुतम् । कृता नैव त्वया तीर्थे यात्रा चैव महामते
dānaṃ naiva tvayā dattaṃ śāstraṃ naiva pratiśrutam | kṛtā naiva tvayā tīrthe yātrā caiva mahāmate
No gift was given by you, no scripture was ever listened to by you; nor did you, O great-minded one, ever make a pilgrimage to a holy place.
AI translation rendered from the Sanskrit, not a published edition
PdP 2 17.31
एवं कृतं त्वया विप्र कृषिमार्गं पुनः पुनः । पशूनां पालनं सर्व गवां चैव द्विजोत्तम
evaṃ kṛtaṃ tvayā vipra kṛṣimārgaṃ punaḥ punaḥ | paśūnāṃ pālanaṃ sarva gavāṃ caiva dvijottama
Thus, O brahmin, the way of farming was practised by you again and again, and the tending of animals—of all cattle—O best of the twice-born.
AI translation rendered from the Sanskrit, not a published edition
PdP 2 17.32
महिषीणां तथाऽश्वानां पालनं च पुनः पुनः । एवं पू र्वंकृतं कर्म त्वयैव द्विजसत्तम
mahiṣīṇāṃ tathā'śvānāṃ pālanaṃ ca punaḥ punaḥ | evaṃ pū rvaṃkṛtaṃ karma tvayaiva dvijasattama
And the tending of buffaloes and of horses, again and again: such was the deed done formerly by you yourself, O best of the twice-born.
AI translation rendered from the Sanskrit, not a published edition
PdP 2 17.33
विपुलं च धनं तद्वल्लोभेन परिसंचितम् । तस्य व्ययं सुपुण्येन न कृतं तु त्वया कदा
vipulaṃ ca dhanaṃ tadvallobhena parisaṃcitam | tasya vyayaṃ supuṇyena na kṛtaṃ tu tvayā kadā
And abundant wealth was likewise amassed by you out of greed, but you never spent it on anything of great merit.
AI translation rendered from the Sanskrit, not a published edition
PdP 2 17.34
पात्रे दानं न दत्तं तु दृष्ट्वा दुर्बलमेव च । कृपां कृत्वा न दत्तं तु भवता धनमेव च
pātre dānaṃ na dattaṃ tu dṛṣṭvā durbalameva ca | kṛpāṃ kṛtvā na dattaṃ tu bhavatā dhanameva ca
No gift was given to a worthy recipient, and even seeing one who was weak, you showed no compassion and gave no wealth at all.
AI translation rendered from the Sanskrit, not a published edition
PdP 2 17.35
गोमहिष्यादिकं सर्वं पशूनां संचितं त्वया । विक्रीय च धनं विप्र संचितं विपुलं त्वया
gomahiṣyādikaṃ sarvaṃ paśūnāṃ saṃcitaṃ tvayā | vikrīya ca dhanaṃ vipra saṃcitaṃ vipulaṃ tvayā
All the animals—cattle, buffaloes, and the rest—were accumulated by you, and by selling (them), O brahmin, abundant wealth was amassed by you.
AI translation rendered from the Sanskrit, not a published edition
PdP 2 17.36
तक्रं घृतं तथा क्षीरं विक्रयित्वा ततो दधि । दुष्कालं चिंतितं विप्र मोहितो विष्णुमायया
takraṃ ghṛtaṃ tathā kṣīraṃ vikrayitvā tato dadhi | duṣkālaṃ ciṃtitaṃ vipra mohito viṣṇumāyayā
Having sold buttermilk, ghee, and milk, and then curds, you brooded on hard times, O brahmin, deluded by Viṣṇu's māyā.
AI translation rendered from the Sanskrit, not a published edition
PdP 2 17.37
कृतं महार्घमेवात्र अन्नं ब्राह्मणसत्तम । निर्दयेन त्वया दानं न दत्तं तु कदाचन
kṛtaṃ mahārghamevātra annaṃ brāhmaṇasattama | nirdayena tvayā dānaṃ na dattaṃ tu kadācana
Here food was made very costly (by you), O best of brahmins; being pitiless, you never gave a gift.
AI translation rendered from the Sanskrit, not a published edition
PdP 2 17.38
देवानां पूजनं विप्र भवता न कृतं कदा । प्राप्य पर्वाणि विप्रेभ्यो द्रव्यं न च समर्पितम्
devānāṃ pūjanaṃ vipra bhavatā na kṛtaṃ kadā | prāpya parvāṇi viprebhyo dravyaṃ na ca samarpitam
The worship of the gods, O brahmin, was never performed by you; and when festival days came, no goods were presented to brahmins.
AI translation rendered from the Sanskrit, not a published edition
PdP 2 17.39
श्राद्धंकालंतुसंप्राप्यश्रद्धयानकृतंत्वया । भार्या वदति ते साध्वी दिनमेनं समागतम्
śrāddhaṃkālaṃtusaṃprāpyaśraddhayānakṛtaṃtvayā | bhāryā vadati te sādhvī dinamenaṃ samāgatam
And when the time for the śrāddha arrived, it was not performed by you with faith. Your virtuous wife says: "This day has come round;
AI translation rendered from the Sanskrit, not a published edition
PdP 2 17.40
श्वशुरस्य श्राद्धकालः श्वश्र्वाश्चैव महामते । त्वं श्रुत्वा तद्वचस्तस्या गृहं त्यक्त्वा पलायसे
śvaśurasya śrāddhakālaḥ śvaśrvāścaiva mahāmate | tvaṃ śrutvā tadvacastasyā gṛhaṃ tyaktvā palāyase
it is the time for the śrāddha of (my) father-in-law and of (my) mother-in-law, O great-minded one"—and you, hearing that speech of hers, abandon the house and run away.
AI translation rendered from the Sanskrit, not a published edition
PdP 2 17.41
धर्ममार्गं न दृष्टं ते श्रुतं नैव कदा त्वया । लोभो मातापिता भ्राता लोभः स्वजनबांधवाः
dharmamārgaṃ na dṛṣṭaṃ te śrutaṃ naiva kadā tvayā | lobho mātāpitā bhrātā lobhaḥ svajanabāṃdhavāḥ
The path of dharma was not seen by you, nor was it ever heard by you: greed was your mother, father, brother; greed was your kin and relations.
AI translation rendered from the Sanskrit, not a published edition
PdP 2 17.42
पालितं लोभमेवैकं त्यक्त्वा धर्मं सदैव हि । तस्माद्दुःखी भवाञ्जातो दरिद्रेणातिपीडितः
pālitaṃ lobhamevaikaṃ tyaktvā dharmaṃ sadaiva hi | tasmādduḥkhī bhavāñjāto daridreṇātipīḍitaḥ
Greed alone was cherished (by you), dharma always being abandoned; therefore you have been born miserable, sorely afflicted by poverty.
AI translation rendered from the Sanskrit, not a published edition
PdP 2 17.43
दिनेदिने महातृष्णा हृदये ते प्रवर्द्धते । यदायदा गृहे द्रव्यं वृद्धिमायाति ते तदा
dinedine mahātṛṣṇā hṛdaye te pravarddhate | yadāyadā gṛhe dravyaṃ vṛddhimāyāti te tadā
Day by day a great thirst grows in your heart; and whenever wealth in your house increases, then—
AI translation rendered from the Sanskrit, not a published edition
PdP 2 17.44
तृष्णया दह्यमानस्तु तया त्वं वह्निरूपया । रात्रौ वा सुप्रसुप्तस्तु निश्चितो हि प्रचिंतसि
tṛṣṇayā dahyamānastu tayā tvaṃ vahnirūpayā | rātrau vā suprasuptastu niścito hi praciṃtasi
burnt by that thirst which has the form of fire, even when fast asleep at night you brood, resolved (upon gain).
AI translation rendered from the Sanskrit, not a published edition
PdP 2 17.45
दिनं प्राप्य महामोहैर्व्यापितोसि सदैव हि । सहस्रं लक्षं मे कोटिः कदा अर्बुदमेव च
dinaṃ prāpya mahāmohairvyāpitosi sadaiva hi | sahasraṃ lakṣaṃ me koṭiḥ kadā arbudameva ca
And when day comes you are always pervaded by great delusions: "A thousand, a hundred thousand are mine—when will it be a crore, and even a hundred million?"
AI translation rendered from the Sanskrit, not a published edition
PdP 2 17.46
भविष्यति कदा खर्वो निखर्वश्चाथ मे गृहे । एवं सहस्रं लक्षं च कोटिरर्बुदमेव च
bhaviṣyati kadā kharvo nikharvaścātha me gṛhe | evaṃ sahasraṃ lakṣaṃ ca koṭirarbudameva ca
"When will there be a kharva and a nikharva in my house?" Thus a thousand, a hundred thousand, a crore, a hundred million,
AI translation rendered from the Sanskrit, not a published edition
PdP 2 17.47
खर्वो निखर्वः संजातस्तृष्णा नैव प्रगच्छति । तव कायं परित्यज्य वृद्धिमायाति सर्वदा
kharvo nikharvaḥ saṃjātastṛṣṇā naiva pragacchati | tava kāyaṃ parityajya vṛddhimāyāti sarvadā
a kharva, a nikharva have come to be, yet the thirst does not depart; abandoning your body, it goes on growing forever.
AI translation rendered from the Sanskrit, not a published edition
PdP 2 17.48
नैव दत्तं हुतं विप्र भुक्तं नैव कदा त्वया । खनितं भूमिमध्ये तु क्षिप्तं पुत्रानजानते
naiva dattaṃ hutaṃ vipra bhuktaṃ naiva kadā tvayā | khanitaṃ bhūmimadhye tu kṣiptaṃ putrānajānate
(It was) never given away, never offered in oblation, O brahmin, nor ever enjoyed by you; it was dug into the ground and cast (there), your sons not knowing of it.
AI translation rendered from the Sanskrit, not a published edition
PdP 2 17.49
अन्यमेवमुपायं तु द्रव्यागमनकारणात् । कुरुषे सर्वदा विप्र लोकान्पृच्छसि बुद्धिमान्
anyamevamupāyaṃ tu dravyāgamanakāraṇāt | kuruṣe sarvadā vipra lokānpṛcchasi buddhimān
And in just this way you keep resorting to one device after another for the sake of getting wealth, O brahmin, and, (thinking yourself) intelligent, you go on questioning people.
AI translation rendered from the Sanskrit, not a published edition
PdP 2 17.50
खनित्रमंजनं वादं धातुवादमतः परम् । पृच्छमानो भ्रमस्येकस्तृष्णया परिमोहितः
khanitramaṃjanaṃ vādaṃ dhātuvādamataḥ param | pṛcchamāno bhramasyekastṛṣṇayā parimohitaḥ
Asking about the digging-spade, the magic salve, disputation, and beyond that metal-alchemy, you wander about alone, wholly bewildered by greed.
AI translation rendered from the Sanskrit, not a published edition — the model flagged this verse as uncertain
PdP 2 17.51
स्पर्शंचिंतयसेनित्यंकल्पान्सिद्धिप्रदायकान् । प्रवेशं विवराणां तु चिंतमानः सु पृच्छसि
sparśaṃciṃtayasenityaṃkalpānsiddhipradāyakān | praveśaṃ vivarāṇāṃ tu ciṃtamānaḥ su pṛcchasi
You constantly ponder the touchstone (transmutation) and the recipes that bestow magical powers; and, brooding on entry into (subterranean) caverns, you keep asking (about them).
AI translation rendered from the Sanskrit, not a published edition — the model flagged this verse as uncertain
PdP 2 17.52
तृष्णानलेन दग्धेन सुखं नैव प्रगच्छसि । तृष्णानलेन संदीप्तो हाहाभूतो विचेतनः
tṛṣṇānalena dagdhena sukhaṃ naiva pragacchasi | tṛṣṇānalena saṃdīpto hāhābhūto vicetanaḥ
Burnt by the fire of greed you attain no happiness at all; set ablaze by the fire of greed, crying 'alas, alas', out of your senses.
AI translation rendered from the Sanskrit, not a published edition
PdP 2 17.53
एवं मुग्धोसि विप्रेंद्र गतस्त्वं कालवश्यताम् । दारापुत्रेषु तद्द्रव्यं पृच्छमानेषु वै त्वया
evaṃ mugdhosi vipreṃdra gatastvaṃ kālavaśyatām | dārāputreṣu taddravyaṃ pṛcchamāneṣu vai tvayā
Thus were you deluded, chief of brahmins, and you passed under the power of Death; and when wife and sons asked you about that wealth,
AI translation rendered from the Sanskrit, not a published edition
PdP 2 17.54
कथितं नैव वृत्तांतं प्राणांस्त्यक्त्वा गतो यमम् । एवं सर्वं मया ख्यातं वृत्तांतं तव पूर्वकम्
kathitaṃ naiva vṛttāṃtaṃ prāṇāṃstyaktvā gato yamam | evaṃ sarvaṃ mayā khyātaṃ vṛttāṃtaṃ tava pūrvakam
you did not tell them the matter, but gave up your life-breaths and went to Yama. Thus I have declared to you your whole earlier history.
AI translation rendered from the Sanskrit, not a published edition
PdP 2 17.55
अनेन कर्मणा विप्र निर्धनोसि दरिद्रवान् । संसारे यस्य सत्पुत्रा भक्तिमंतः सदैव हि
anena karmaṇā vipra nirdhanosi daridravān | saṃsāre yasya satputrā bhaktimaṃtaḥ sadaiva hi
By this deed, O brahmin, you are without wealth and destitute. In this world, he whose sons are good and always full of devotion,
AI translation rendered from the Sanskrit, not a published edition
PdP 2 17.56
सुशीला ज्ञानसंपन्नाः सत्यधर्मरताः सदा । संभवंति गृहे तस्य यस्य विष्णुः प्रसीदति
suśīlā jñānasaṃpannāḥ satyadharmaratāḥ sadā | saṃbhavaṃti gṛhe tasya yasya viṣṇuḥ prasīdati
of good conduct, endowed with knowledge, ever delighting in truth and dharma — such (sons) come to be in the house of him with whom Viṣṇu is pleased.
AI translation rendered from the Sanskrit, not a published edition
PdP 2 17.57
धनं धान्यं कलत्रं तु पुत्रपौत्रमनंतकम् । स भुंक्ते मर्त्यलोके वै यस्य विष्णुः प्रसन्नवान्
dhanaṃ dhānyaṃ kalatraṃ tu putrapautramanaṃtakam | sa bhuṃkte martyaloke vai yasya viṣṇuḥ prasannavān
Wealth, grain, a wife, and endless sons and grandsons — he enjoys these in the world of mortals, he to whom Viṣṇu is favourable.
AI translation rendered from the Sanskrit, not a published edition
PdP 2 17.58
विना विष्णोः प्रसादेन दारापुत्रान्न चाप्नुयात् । सुजन्म च कुलं विप्र तद्विष्णोः परमं पदम्
vinā viṣṇoḥ prasādena dārāputrānna cāpnuyāt | sujanma ca kulaṃ vipra tadviṣṇoḥ paramaṃ padam
Without Viṣṇu's grace one would obtain neither wife and sons nor a good birth and lineage, O brahmin; that is Viṣṇu's supreme station.
AI translation rendered from the Sanskrit, not a published edition