Padma Purana — Bhumi Khanda — Chapter 15
PdP 2 15.1
सोमशर्मोवाच- पापिनां मरणं भद्रे कीदृशैर्लक्षणैर्युतम् । तन्मे त्वं विस्तराद्ब्रूहि यदि जानासि भामिनि
somaśarmovāca- pāpināṃ maraṇaṃ bhadre kīdṛśairlakṣaṇairyutam | tanme tvaṃ vistarādbrūhi yadi jānāsi bhāmini
Somaśarman said: Good lady, with what sort of signs is the death of sinners attended? Tell me that in detail, fair woman, if you know.
AI translation rendered from the Sanskrit, not a published edition
PdP 2 15.2
सुमनोवाच- श्रूयतामभिधास्यामि तस्मात्सिद्धाच्छ्रुतं मया । पापिनां मरणे कांत यादृशं लिंगमेव च
sumanovāca- śrūyatāmabhidhāsyāmi tasmātsiddhācchrutaṃ mayā | pāpināṃ maraṇe kāṃta yādṛśaṃ liṃgameva ca
Sumanā said: Let it be heard; I shall relate what was heard by me from that adept — what mark there is at the death of sinners, my beloved,
AI translation rendered from the Sanskrit, not a published edition
PdP 2 15.3
महापातकिनां चैव स्थानं चेष्टां वदाम्यहम् । विण्मूत्रामेध्यसंयुक्तां भूमिं पापसमन्विताम्
mahāpātakināṃ caiva sthānaṃ ceṣṭāṃ vadāmyaham | viṇmūtrāmedhyasaṃyuktāṃ bhūmiṃ pāpasamanvitām
and I shall tell the place and the behaviour of the great sinners: a ground filled with excrement, urine and filth, attended with sin.
AI translation rendered from the Sanskrit, not a published edition
PdP 2 15.4
सतां प्राप्य सुदुष्टात्मा प्राणान्दुःखेन मुंचति । चांडालभूमिं संप्राप्य मरणं याति दुःस्थितः
satāṃ prāpya suduṣṭātmā prāṇānduḥkhena muṃcati | cāṃḍālabhūmiṃ saṃprāpya maraṇaṃ yāti duḥsthitaḥ
Reaching (such a place, though) among good people, the very wicked one gives up his breaths in pain; coming to the ground of the caṇḍālas he meets his death, ill-situated.
AI translation rendered from the Sanskrit, not a published edition — the model flagged this verse as uncertain
PdP 2 15.5
गर्दभाचरितां भूमिं वेश्यागेहं समाश्रितः । कल्पपालगृहं गत्वा निधनायोपगच्छति
gardabhācaritāṃ bhūmiṃ veśyāgehaṃ samāśritaḥ | kalpapālagṛhaṃ gatvā nidhanāyopagacchati
Resorting to ground trodden by donkeys, or to a harlot's house, or having gone to a liquor-seller's house, he comes to his end.
AI translation rendered from the Sanskrit, not a published edition
PdP 2 15.6
अस्थिचर्मनखैः पूर्णमाश्रितं पापकिल्बिषैः । तां प्राप्य च स दुष्टात्मा मृत्युं याति सुनिश्चितम्
asthicarmanakhaiḥ pūrṇamāśritaṃ pāpakilbiṣaiḥ | tāṃ prāpya ca sa duṣṭātmā mṛtyuṃ yāti suniścitam
(A place) full of bones, hides and nails, resorted to by sinful wretches — reaching that, the wicked soul most certainly goes to death.
AI translation rendered from the Sanskrit, not a published edition
PdP 2 15.7
अन्यां पापसमाचारां प्राप्य मृत्युं स गच्छति । अथ चेष्टां प्रवक्ष्यामि दूतानां तु तमिच्छताम्
anyāṃ pāpasamācārāṃ prāpya mṛtyuṃ sa gacchati | atha ceṣṭāṃ pravakṣyāmi dūtānāṃ tu tamicchatām
Or reaching some other (ground) of sinful practice, he goes to death. Now I shall declare the behaviour of the messengers who want him.
AI translation rendered from the Sanskrit, not a published edition
PdP 2 15.8
भैरवान्दारुणान्घोरानतिकृष्णान्महोदरान् । पिंगाक्षान्पीतनीलांश्च अतिश्वेतान्महोदरान्
bhairavāndāruṇānghorānatikṛṣṇānmahodarān | piṃgākṣānpītanīlāṃśca atiśvetānmahodarān
(He sees them) terrifying, harsh, dreadful, exceedingly black, big-bellied, tawny-eyed, yellow and blue, or utterly white and big-bellied,
AI translation rendered from the Sanskrit, not a published edition
PdP 2 15.9
अत्युच्चान्विकरालांश्च शुष्कमांसवसोपमान् । रौद्रदंष्ट्रान्करालांश्च सिंहास्यान्सर्पहस्तकान्
atyuccānvikarālāṃśca śuṣkamāṃsavasopamān | raudradaṃṣṭrānkarālāṃśca siṃhāsyānsarpahastakān
very tall and gaping-jawed, resembling dried flesh and fat, with fearsome tusks, wide-mouthed, lion-faced, with snakes in their hands.
AI translation rendered from the Sanskrit, not a published edition
PdP 2 15.10
सतान्दृष्ट्वा प्रकंपेत खिद्यते च मुहुर्मुहुः । शिवासंनादवद्घोरान्महारावान्महामते
satāndṛṣṭvā prakaṃpeta khidyate ca muhurmuhuḥ | śivāsaṃnādavadghorānmahārāvānmahāmate
Seeing them he would tremble and grieve again and again — (those) dreadful ones with great roars like the howling of jackals, O greatly wise one.
AI translation rendered from the Sanskrit, not a published edition
PdP 2 15.11
मुंचंति दूतकाः सर्वे कर्णमूले तु तस्य हि । गले पाशैः प्रबद्ध्वा ते कटिं बद्ध्वा तथोदरे
muṃcaṃti dūtakāḥ sarve karṇamūle tu tasya hi | gale pāśaiḥ prabaddhvā te kaṭiṃ baddhvā tathodare
All the messengers loose (their cries) right at the base of his ear; having bound him fast at the neck with nooses, and having bound him at the waist and likewise at the belly,
AI translation rendered from the Sanskrit, not a published edition — the model flagged this verse as uncertain
PdP 2 15.12
समाधृष्य निपात्यंते हाहेति वदते मुहुः । म्रियमाणस्य या चेष्टा तामेवं प्रवदाम्यहम्
samādhṛṣya nipātyaṃte hāheti vadate muhuḥ | mriyamāṇasya yā ceṣṭā tāmevaṃ pravadāmyaham
seizing him, they throw (him) down; he cries out 'alas! alas!' again and again. Such is the struggling of one who is dying — this I now declare.
AI translation rendered from the Sanskrit, not a published edition
PdP 2 15.13
परद्रव्यापहरणं परभार्याविडंबनम् । ऋणं परस्य सर्वस्वं गृहीतं यत्तु पापिभिः
paradravyāpaharaṇaṃ parabhāryāviḍaṃbanam | ṛṇaṃ parasya sarvasvaṃ gṛhītaṃ yattu pāpibhiḥ
The seizing of another's property, the abusing of another's wife, a debt, another's entire possessions that have been taken by sinners
AI translation rendered from the Sanskrit, not a published edition
PdP 2 15.14
पुनर्नैव प्रदत्तं हि लोभास्वादविमोहतः । अन्यदेवं महापापं कुप्रतिग्रहमेव च
punarnaiva pradattaṃ hi lobhāsvādavimohataḥ | anyadevaṃ mahāpāpaṃ kupratigrahameva ca
and never given back again, out of the bewilderment of the taste of greed; and other great sin too, and the receiving of improper gifts —
AI translation rendered from the Sanskrit, not a published edition
PdP 2 15.15
कंठमायांति ते सर्वे म्रियमाणस्य तस्य च । यानिकानि च पापानि पूर्वमेव कृतानि च
kaṃṭhamāyāṃti te sarve mriyamāṇasya tasya ca | yānikāni ca pāpāni pūrvameva kṛtāni ca
all these come to the throat of that dying man; and whatever sins were committed by him earlier,
AI translation rendered from the Sanskrit, not a published edition
PdP 2 15.16
आयांति कंठमूलं ते महापापस्य नान्यथा । दुःखमुत्पादयंत्येते कफबंधेन दारुणम्
āyāṃti kaṃṭhamūlaṃ te mahāpāpasya nānyathā | duḥkhamutpādayaṃtyete kaphabaṃdhena dāruṇam
they come to the base of the throat of that great sinner — it is not otherwise; these produce terrible suffering by a blockage of phlegm.
AI translation rendered from the Sanskrit, not a published edition
PdP 2 15.17
पीडाभिर्दारुणाभिस्तु कंठो घुरघुरायते । रोदते कंपतेऽत्यर्थं मातरं पितरं पुनः
pīḍābhirdāruṇābhistu kaṃṭho ghuraghurāyate | rodate kaṃpate'tyarthaṃ mātaraṃ pitaraṃ punaḥ
With terrible pains the throat rattles; he weeps and trembles exceedingly, and (calls) again on his mother and father;
AI translation rendered from the Sanskrit, not a published edition
PdP 2 15.18
स्मरते भ्रातरं तत्र भार्यां पुत्रान्पुनःपुनः । पुनर्विस्मरणं याति महापापेन मोहितः
smarate bhrātaraṃ tatra bhāryāṃ putrānpunaḥpunaḥ | punarvismaraṇaṃ yāti mahāpāpena mohitaḥ
there he remembers his brother, his wife, his sons, again and again; then again he falls into forgetfulness, deluded by his great sin.
AI translation rendered from the Sanskrit, not a published edition
PdP 2 15.19
तस्य प्राणान गच्छंति बहुपीडासमाकुलाः । पतते कंपते चैव मूर्च्छते च पुनःपुनः
tasya prāṇāna gacchaṃti bahupīḍāsamākulāḥ | patate kaṃpate caiva mūrcchate ca punaḥpunaḥ
His life-breaths do not depart, crowded together with many pains; he falls and trembles and swoons again and again.
AI translation rendered from the Sanskrit, not a published edition
PdP 2 15.20
एवं पीडासमायुक्तो दुःखं भुंक्तेति मोहितः । तस्य प्राणाः सुदुःखेन महाकष्टैः प्रचालिताः
evaṃ pīḍāsamāyukto duḥkhaṃ bhuṃkteti mohitaḥ | tasya prāṇāḥ suduḥkhena mahākaṣṭaiḥ pracālitāḥ
Thus joined with pain he experiences suffering, deluded; his life-breaths, driven out with great misery by great torments,
AI translation rendered from the Sanskrit, not a published edition
PdP 2 15.21
अपानमार्गमाश्रित्य शृणु कांत प्रयांति ते । एवं प्राणी महामुग्धो लोभमोहसमन्वितः
apānamārgamāśritya śṛṇu kāṃta prayāṃti te | evaṃ prāṇī mahāmugdho lobhamohasamanvitaḥ
take the path of the anus — hear, beloved — and go out that way. Thus the utterly foolish creature, filled with greed and delusion,
AI translation rendered from the Sanskrit, not a published edition
PdP 2 15.22
नीयते यमदूतैस्तु तस्य दुःखं वदाम्यहम्
nīyate yamadūtaistu tasya duḥkhaṃ vadāmyaham
is led away by Yama's messengers; his suffering I (now) tell.
AI translation rendered from the Sanskrit, not a published edition