Padma Purana — Bhumi Khanda — Chapter 125
PdP 2 125.1
सूत उवाच- वेनस्याज्ञां सुसंप्राप्य पृथुः परमधार्मिकः । संबभ्रे सर्वसंभारान्नानापुण्यान्नृपात्मजः
sūta uvāca- venasyājñāṃ susaṃprāpya pṛthuḥ paramadhārmikaḥ | saṃbabhre sarvasaṃbhārānnānāpuṇyānnṛpātmajaḥ
Sūta said: Having duly received Vena's command, the exceedingly righteous Pṛthu, the king's son, gathered all the materials and the many holy things.
AI translation rendered from the Sanskrit, not a published edition
PdP 2 125.2
निमंत्र्य ब्राह्मणान्सर्वान्नानादेशोद्भवानपि । अथ वेन इयाजासावश्वमेधेन भूपतिः
nimaṃtrya brāhmaṇānsarvānnānādeśodbhavānapi | atha vena iyājāsāvaśvamedhena bhūpatiḥ
Having invited all the brahmins, even those come from various lands, then that king Vena sacrificed with a horse-sacrifice.
AI translation rendered from the Sanskrit, not a published edition
PdP 2 125.3
दानान्यदाद्ब्राह्मणेभ्यो नानारूपाण्यनेकशः । जगाम वैष्णवं लोकं सकायो जगतीपतिः
dānānyadādbrāhmaṇebhyo nānārūpāṇyanekaśaḥ | jagāma vaiṣṇavaṃ lokaṃ sakāyo jagatīpatiḥ
He gave gifts to the brahmins, of many kinds and many times over; and the lord of the earth went with his body to the world of Viṣṇu.
AI translation rendered from the Sanskrit, not a published edition
PdP 2 125.4
विष्णुना सह धर्मात्मा नित्यमेव प्रवर्तते । एतद्वः सर्वमाख्यातं चरित्रं तस्य भूपतेः
viṣṇunā saha dharmātmā nityameva pravartate | etadvaḥ sarvamākhyātaṃ caritraṃ tasya bhūpateḥ
That righteous-souled one abides forever together with Viṣṇu. All this has been recounted to you—the story of that king,
AI translation rendered from the Sanskrit, not a published edition
PdP 2 125.5
सर्वपापप्रशमनं सर्वदुःखविनाशनम् । पृथुरेव स धर्मात्मा राजा पृथ्वीं प्रशासति
sarvapāpapraśamanaṃ sarvaduḥkhavināśanam | pṛthureva sa dharmātmā rājā pṛthvīṃ praśāsati
—which quells all sin and destroys all sorrow. That righteous-souled Pṛthu himself rules as king over the earth.
AI translation rendered from the Sanskrit, not a published edition
PdP 2 125.6
त्रैलोक्येन समं पृथ्वीं दुदोह नृपसत्तमः । प्रजास्तु रंजितास्तेन पुण्यधर्मानुकर्मभिः
trailokyena samaṃ pṛthvīṃ dudoha nṛpasattamaḥ | prajāstu raṃjitāstena puṇyadharmānukarmabhiḥ
That best of kings milked the earth equally with (or: on a par with) the three worlds, and the subjects were delighted by him through his acts conforming to merit and dharma.
AI translation rendered from the Sanskrit, not a published edition — the model flagged this verse as uncertain
PdP 2 125.7
एतत्ते सर्वमाख्यातं भूमिखण्डमनुत्तमम् । प्रथमं सृष्टिखंडं तु द्वितीयं भूमिखंडकम्
etatte sarvamākhyātaṃ bhūmikhaṇḍamanuttamam | prathamaṃ sṛṣṭikhaṃḍaṃ tu dvitīyaṃ bhūmikhaṃḍakam
All this unsurpassed Bhūmi-khaṇḍa has been told to you: the first is the Sṛṣṭi-khaṇḍa, and the second the Bhūmi-khaṇḍa.
AI translation rendered from the Sanskrit, not a published edition
PdP 2 125.8
भूमिखंडस्यमाहात्म्यं कथयिष्याम्यहं पुनः । अस्य खंडस्य वै श्लोकं यः शृणोति नरोत्तमः
bhūmikhaṃḍasyamāhātmyaṃ kathayiṣyāmyahaṃ punaḥ | asya khaṃḍasya vai ślokaṃ yaḥ śṛṇoti narottamaḥ
I shall again relate the greatness of the Bhūmi-khaṇḍa. Whatever best of men hears even a single verse of this khaṇḍa —
AI translation rendered from the Sanskrit, not a published edition
PdP 2 125.9
दिनस्यैकस्य वै पापं तस्य चैव प्रणश्यति । यो नरो भावसंयुक्तोऽध्यायं संशृणुते सुधीः
dinasyaikasya vai pāpaṃ tasya caiva praṇaśyati | yo naro bhāvasaṃyukto'dhyāyaṃ saṃśṛṇute sudhīḥ
— his sin of one day indeed perishes. And the wise man who, filled with devotion, listens to a whole chapter —
AI translation rendered from the Sanskrit, not a published edition
PdP 2 125.10
तस्य पुण्यं प्रवक्ष्यामि श्रूयतां द्विजसत्तमाः । दत्तस्य गोसहस्रस्य ब्राह्मणेभ्यः सुपर्वणि
tasya puṇyaṃ pravakṣyāmi śrūyatāṃ dvijasattamāḥ | dattasya gosahasrasya brāhmaṇebhyaḥ suparvaṇi
— his merit I shall declare; let it be heard, O best of twice-born. Of a thousand cows given to brahmins on an auspicious occasion,
AI translation rendered from the Sanskrit, not a published edition
PdP 2 125.11
यत्फलं तत्प्रजायेत विष्णुस्तस्य प्रसीदति । अस्य पद्मपुराणस्य पठमानस्य नित्यशः
yatphalaṃ tatprajāyeta viṣṇustasya prasīdati | asya padmapurāṇasya paṭhamānasya nityaśaḥ
whatever fruit there is, that arises (for him), and Viṣṇu is pleased with him. For one who recites this Padma Purāṇa constantly,
AI translation rendered from the Sanskrit, not a published edition
PdP 2 125.12
कलौयुगे तु विघ्नाश्च न जायंते नरस्य वै । व्यास उवाच- कस्मात्कलौ न जायंते शृण्वानस्य च पद्मज
kalauyuge tu vighnāśca na jāyaṃte narasya vai | vyāsa uvāca- kasmātkalau na jāyaṃte śṛṇvānasya ca padmaja
no obstacles arise for that man in the Kali age. Vyāsa said: Why, O lotus-born, do they not arise in Kali for one who listens,
AI translation rendered from the Sanskrit, not a published edition
PdP 2 125.13
नरस्य पुण्ययुक्तस्य नाना विघ्नाः सुदारुणाः । ब्रह्मोवाच- मखस्याप्यश्वमेधस्य यत्फलं परिकथ्यते
narasya puṇyayuktasya nānā vighnāḥ sudāruṇāḥ | brahmovāca- makhasyāpyaśvamedhasya yatphalaṃ parikathyate
(when) for a man endowed with merit there are various most terrible obstacles? Brahmā said: Whatever fruit is declared even of the horse-sacrifice rite,
AI translation rendered from the Sanskrit, not a published edition
PdP 2 125.14
तत्फलं दृश्यते तात पुराणे पद्मसंज्ञके । अश्वमेधमखः पुण्यः कलौ नैव प्रवर्तते
tatphalaṃ dṛśyate tāta purāṇe padmasaṃjñake | aśvamedhamakhaḥ puṇyaḥ kalau naiva pravartate
that fruit is seen, dear one, in the Purāṇa named Padma. The meritorious horse-sacrifice rite is not performed at all in Kali,
AI translation rendered from the Sanskrit, not a published edition
PdP 2 125.15
पुराणं चापि यत्तद्वदश्वमेधसमं किल । अश्वमेधस्य यत्पुण्यं स्वर्गमोक्षफलप्रदम्
purāṇaṃ cāpi yattadvadaśvamedhasamaṃ kila | aśvamedhasya yatpuṇyaṃ svargamokṣaphalapradam
and the Purāṇa too, which is likewise, is surely equal to the horse-sacrifice. The merit of the horse-sacrifice, which grants the fruit of heaven and liberation —
AI translation rendered from the Sanskrit, not a published edition
PdP 2 125.16
न भुंजंति नराः पापाः पापमार्गेषु संस्थिताः । पुराणस्यास्य पुण्यस्य पद्मसंज्ञस्य सत्तम
na bhuṃjaṃti narāḥ pāpāḥ pāpamārgeṣu saṃsthitāḥ | purāṇasyāsya puṇyasya padmasaṃjñasya sattama
sinful men, established on the paths of sin, do not enjoy (it). O best one, of this meritorious Purāṇa named Padma,
AI translation rendered from the Sanskrit, not a published edition
PdP 2 125.17
अश्वमेधसमं पुण्यं न भुंजंति कलौ नराः । कलौ युगे नरैः पापैर्गंतव्यं नरकार्णवम्
aśvamedhasamaṃ puṇyaṃ na bhuṃjaṃti kalau narāḥ | kalau yuge naraiḥ pāpairgaṃtavyaṃ narakārṇavam
men in Kali do not enjoy the merit equal to a horse-sacrifice. In the Kali age the ocean of hell must be gone to by sinful men.
AI translation rendered from the Sanskrit, not a published edition
PdP 2 125.18
कस्माच्छ्रोष्यंति तत्पुण्यं चतुर्वर्गप्रसाधनम् । येन श्रुतमिदं पुण्यं पुराणं पद्मसंज्ञकम्
kasmācchroṣyaṃti tatpuṇyaṃ caturvargaprasādhanam | yena śrutamidaṃ puṇyaṃ purāṇaṃ padmasaṃjñakam
Why would they listen to that merit which accomplishes the four aims? By whom this meritorious Purāṇa named Padma has been heard,
AI translation rendered from the Sanskrit, not a published edition
PdP 2 125.19
सर्वं हि साधितं तेन चतुर्वर्गस्य साधनम् । अश्वमेधादयो यज्ञास्तस्मान्नष्टा महामते
sarvaṃ hi sādhitaṃ tena caturvargasya sādhanam | aśvamedhādayo yajñāstasmānnaṣṭā mahāmate
by him everything has been accomplished, the accomplishing of the four aims. Therefore, O great-minded one, the sacrifices beginning with the horse-sacrifice have perished —
AI translation rendered from the Sanskrit, not a published edition
PdP 2 125.20
कलौ युगे गताः स्वर्गे सवेदाः सांगसस्वराः । यः कोपि सत्वसंपन्नः श्रद्धावान्भगवत्परः
kalau yuge gatāḥ svarge savedāḥ sāṃgasasvarāḥ | yaḥ kopi satvasaṃpannaḥ śraddhāvānbhagavatparaḥ
in the Kali age they have gone to heaven together with the Vedas, with their limbs and accents. Whoever is endowed with goodness, faithful, devoted to the Lord,
AI translation rendered from the Sanskrit, not a published edition
PdP 2 125.21
श्रोतुमिच्छति धर्मात्मा सपुत्रो भार्यया सह । श्रवणार्थं महाश्रद्धा पूर्वं तस्य प्रजायते
śrotumicchati dharmātmā saputro bhāryayā saha | śravaṇārthaṃ mahāśraddhā pūrvaṃ tasya prajāyate
a righteous man who wishes to hear (it) along with his son and his wife — great faith arises in him beforehand for the sake of hearing,
AI translation rendered from the Sanskrit, not a published edition
PdP 2 125.22
शृण्वानस्य नरस्यापि महाविघ्नो न संचरेत् । अश्रद्धा जायते पूर्वं पाठकस्य नरस्य च
śṛṇvānasya narasyāpi mahāvighno na saṃcaret | aśraddhā jāyate pūrvaṃ pāṭhakasya narasya ca
and no great obstacle would befall that man while he listens. (But) for the man who recites, lack of faith arises first,
AI translation rendered from the Sanskrit, not a published edition
PdP 2 125.23
लोभश्च जायते तस्य शृण्वानस्य द्विजोत्तम । प्रेषितो विष्णुदेवेन महामोहः स दारुणः
lobhaśca jāyate tasya śṛṇvānasya dvijottama | preṣito viṣṇudevena mahāmohaḥ sa dāruṇaḥ
and greed arises in him who listens, O best of the twice-born; that terrible great delusion was sent by the god Viṣṇu.
AI translation rendered from the Sanskrit, not a published edition
PdP 2 125.24
अकरोत्स विनाशं तु शृण्वतश्चास्य नित्यशः । दूषकाः कुत्सकाः पापाः संभवंति दिने दिने
akarotsa vināśaṃ tu śṛṇvataścāsya nityaśaḥ | dūṣakāḥ kutsakāḥ pāpāḥ saṃbhavaṃti dine dine
It brought about ruin for him who listens continually. Revilers, detractors, sinful men appear day by day.
AI translation rendered from the Sanskrit, not a published edition
PdP 2 125.25
ज्ञातव्यं तु सुबुद्धेन विघ्नरूपं ममाधुना । संजातं दृश्यते व्यास तथा होमं समाचरेत्
jñātavyaṃ tu subuddhena vighnarūpaṃ mamādhunā | saṃjātaṃ dṛśyate vyāsa tathā homaṃ samācaret
But it should be recognised by one of good understanding: "An obstacle-form has now arisen for me" — when it is seen, O Vyāsa, he should accordingly perform an oblation,
AI translation rendered from the Sanskrit, not a published edition — the model flagged this verse as uncertain
PdP 2 125.26
वैष्णवैश्च महामंत्रैर्विष्णुसूक्तैः सुपुण्यदैः । विष्णोरराटमंत्रेण सहस्रशीर्षकेण च
vaiṣṇavaiśca mahāmaṃtrairviṣṇusūktaiḥ supuṇyadaiḥ | viṣṇorarāṭamaṃtreṇa sahasraśīrṣakeṇa ca
And with the great Vaiṣṇava mantras, with the Viṣṇu hymns that bestow great merit, with Viṣṇu's arāṭa mantra, and with the (hymn) of a thousand heads (Puruṣasūkta),
AI translation rendered from the Sanskrit, not a published edition — the model flagged this verse as uncertain
PdP 2 125.27
इदं विष्णु सुमंत्रेण आब्रह्मेण पुनः पुनः । त्र्यंबकेन च मंत्रेण होममेवं समाचरेत्
idaṃ viṣṇu sumaṃtreṇa ābrahmeṇa punaḥ punaḥ | tryaṃbakena ca maṃtreṇa homamevaṃ samācaret
with the good mantra 'idaṃ viṣṇuḥ', with the 'ābrahman' (mantra) again and again, and with the Tryambaka mantra — thus should one perform the fire offering.
AI translation rendered from the Sanskrit, not a published edition
PdP 2 125.28
बृहत्साम्ना सुमंत्रेण द्वादशाक्षरकेण च । यस्य देवस्य यो होमस्तस्य मंत्रेण होमयेत्
bṛhatsāmnā sumaṃtreṇa dvādaśākṣarakeṇa ca | yasya devasya yo homastasya maṃtreṇa homayet
With the Bṛhat Sāman, with the good (twelve-syllable) mantra of twelve syllables — for whatever deity the oblation is, with that (deity's) mantra should one make the offering.
AI translation rendered from the Sanskrit, not a published edition
PdP 2 125.29
अष्टोत्तरतिलाज्यैश्च पालाशैः समिधैरपि । ग्रहाणामपि कर्त्तव्यं स्थापनं पूजनं द्विज
aṣṭottaratilājyaiśca pālāśaiḥ samidhairapi | grahāṇāmapi karttavyaṃ sthāpanaṃ pūjanaṃ dvija
With a hundred and eight (offerings) of sesame and ghee, and also with palāśa firewood; and the installation and worship of the planets too must be performed, O twice-born.
AI translation rendered from the Sanskrit, not a published edition
PdP 2 125.30
विघ्नेशं पूजयेत्तत्र शारदां च सुरेश्वरीम् । जातवेदां महामायां चंडिकां क्षेत्रनायकम्
vighneśaṃ pūjayettatra śāradāṃ ca sureśvarīm | jātavedāṃ mahāmāyāṃ caṃḍikāṃ kṣetranāyakam
There one should worship Vighneśa (the lord of obstacles), and Śāradā the mistress of the gods, Jātavedas, Mahāmāyā, Caṇḍikā, and the lord of the field (kṣetra).
AI translation rendered from the Sanskrit, not a published edition
PdP 2 125.31
तिलैश्च तंदुलैराज्यैस्तेषां मंत्रसमुद्यतैः । एवं होमः प्रकर्त्तव्यो ब्राह्मणेभ्यो ददेद्धनम्
tilaiśca taṃdulairājyaisteṣāṃ maṃtrasamudyataiḥ | evaṃ homaḥ prakarttavyo brāhmaṇebhyo dadeddhanam
With sesame, rice grains and ghee, accompanied by their (proper) mantras — thus the offering should be made, and one should give wealth to the brāhmaṇas,
AI translation rendered from the Sanskrit, not a published edition
PdP 2 125.32
यथासंभाविकां तात दक्षिणां धेनुसंयुताम् । ततो विघ्नाः प्रणश्यंति पुराणं सिद्धिमाप्नुयात्
yathāsaṃbhāvikāṃ tāta dakṣiṇāṃ dhenusaṃyutām | tato vighnāḥ praṇaśyaṃti purāṇaṃ siddhimāpnuyāt
a fee according to one's means, dear one, together with a cow. Then the obstacles perish and the Purāṇa (recitation) attains success.
AI translation rendered from the Sanskrit, not a published edition
PdP 2 125.33
एवं न कुरुते यो हि तस्य विघ्नं वदाम्यहम् । तस्यांगे जायते रोगो बहुपीडाप्रदायकः
evaṃ na kurute yo hi tasya vighnaṃ vadāmyaham | tasyāṃge jāyate rogo bahupīḍāpradāyakaḥ
Whoever does not act thus — I tell of his obstacle: in his body arises a disease that causes much pain.
AI translation rendered from the Sanskrit, not a published edition
PdP 2 125.34
भार्या शोकः पुत्रशोको धनहानिः प्रजायते । नानाविधान्महारोगान्भुंजते नात्र संशयः
bhāryā śokaḥ putraśoko dhanahāniḥ prajāyate | nānāvidhānmahārogānbhuṃjate nātra saṃśayaḥ
Grief for wife, grief for son, and loss of wealth come about; he suffers manifold great diseases — there is no doubt of this.
AI translation rendered from the Sanskrit, not a published edition
PdP 2 125.35
यस्य गेहे नास्ति वित्तमुपवासं समाचरेत् । एकादशीं सुसंप्राप्य पूजयेन्मधुसूदनम्
yasya gehe nāsti vittamupavāsaṃ samācaret | ekādaśīṃ susaṃprāpya pūjayenmadhusūdanam
He in whose house there is no wealth should observe a fast: having duly reached the eleventh day, he should worship Madhusūdana
AI translation rendered from the Sanskrit, not a published edition
PdP 2 125.36
षोडशैश्चोपचारैश्च भावयुक्तेन चेतसा । ब्राह्मणान्भोजयेत्पश्चाद्यथावित्तानुसारतः
ṣoḍaśaiścopacāraiśca bhāvayuktena cetasā | brāhmaṇānbhojayetpaścādyathāvittānusārataḥ
with the sixteen services, with a mind full of devout feeling; afterwards he should feed brāhmaṇas according to his means.
AI translation rendered from the Sanskrit, not a published edition
PdP 2 125.37
केशवाय ततो दत्वा संकल्पं हविषान्वितम् । स्वयं कुर्यात्ततः प्राज्ञो भोजनं सह बांधवैः
keśavāya tato datvā saṃkalpaṃ haviṣānvitam | svayaṃ kuryāttataḥ prājño bhojanaṃ saha bāṃdhavaiḥ
Then, having given to Keśava the (formal) resolve together with the oblation, the wise man should himself take his meal along with his kinsmen.
AI translation rendered from the Sanskrit, not a published edition
PdP 2 125.38
पुत्रैस्तु भार्यया युक्तस्ततः सिद्धिमवाप्नुयात् । पुराणसंहितापूर्णा श्रोतव्या धर्मतत्परैः
putraistu bhāryayā yuktastataḥ siddhimavāpnuyāt | purāṇasaṃhitāpūrṇā śrotavyā dharmatatparaiḥ
United with sons and wife, he then attains success. The Purāṇa collection in full should be heard by those devoted to dharma.
AI translation rendered from the Sanskrit, not a published edition
PdP 2 125.39
चतुर्वर्गस्य वै सिद्धिर्जायते तस्य नान्यथा । सपादं लक्षमेकं तु ब्रह्माख्यं पुष्करं शृणु
caturvargasya vai siddhirjāyate tasya nānyathā | sapādaṃ lakṣamekaṃ tu brahmākhyaṃ puṣkaraṃ śṛṇu
For him arises the attainment of the fourfold goal, and not otherwise. Now hear of the one hundred and twenty-five thousand (verses) called Brahma, the Puṣkara (portion).
AI translation rendered from the Sanskrit, not a published edition — the model flagged this verse as uncertain
PdP 2 125.40
कृते युगे तु निष्पापाः शृण्वंति मनुजा द्विज । लक्षस्यार्द्धं ततः कृत्स्नं पुराणं पद्मसंज्ञकम्
kṛte yuge tu niṣpāpāḥ śṛṇvaṃti manujā dvija | lakṣasyārddhaṃ tataḥ kṛtsnaṃ purāṇaṃ padmasaṃjñakam
In the Kṛta age, O twice-born, sinless men hear it; then the whole Purāṇa named Padma (was) half a lakh (of verses),
AI translation rendered from the Sanskrit, not a published edition — the model flagged this verse as uncertain
PdP 2 125.41
श्लोकानां तु सहस्राभ्यां द्वाभ्यामेव तथाधिकम् । त्रेतायुगे तथा प्राप्ते यदा श्रोष्यंति मानवाः
ślokānāṃ tu sahasrābhyāṃ dvābhyāmeva tathādhikam | tretāyuge tathā prāpte yadā śroṣyaṃti mānavāḥ
exceeding that by two thousand verses. So too, when the Tretā age has come, when men will hear it,
AI translation rendered from the Sanskrit, not a published edition
PdP 2 125.42
चतुर्वर्गफलं भुक्त्वा ते यास्यंति हरिं पुनः । द्वाविंशतिसहस्राणि संहितापद्मसंज्ञिता
caturvargaphalaṃ bhuktvā te yāsyaṃti hariṃ punaḥ | dvāviṃśatisahasrāṇi saṃhitāpadmasaṃjñitā
having enjoyed the fruit of the fourfold goal they will go again to Hari. (Then) the collection named Padma (was) twenty-two thousand (verses),
AI translation rendered from the Sanskrit, not a published edition
PdP 2 125.43
द्वापरे कथिता विप्र ब्रह्मणा परमात्मना । द्वादशैव सहस्राणां पद्माख्या सा तु संहिता
dvāpare kathitā vipra brahmaṇā paramātmanā | dvādaśaiva sahasrāṇāṃ padmākhyā sā tu saṃhitā
which was told in the Dvāpara age, O brāhmaṇa, by Brahmā the supreme self. Of twelve thousand only is that collection named Padma
AI translation rendered from the Sanskrit, not a published edition
PdP 2 125.44
कलौ युगे पठिष्यंति मानवा विष्णुतत्पराः । एकोर्थश्चैकभावश्च चतुर्ष्वपि प्रवर्तितः
kalau yuge paṭhiṣyaṃti mānavā viṣṇutatparāḥ | ekorthaścaikabhāvaśca caturṣvapi pravartitaḥ
which men devoted to Viṣṇu will recite in the Kali age. One and the same meaning and one and the same purport is set forth in all four (versions).
AI translation rendered from the Sanskrit, not a published edition
PdP 2 125.45
संहितास्वेव विप्रेंद्र शेषाख्यानप्रविस्तरः । द्वादशैव सहस्राणि नाशं यास्यंति सत्तम
saṃhitāsveva vipreṃdra śeṣākhyānapravistaraḥ | dvādaśaiva sahasrāṇi nāśaṃ yāsyaṃti sattama
In the collections themselves, O best of brāhmaṇas, there is the extended telling of the remaining narratives; (but) twelve thousand (verses) will go to destruction, O most excellent one.
AI translation rendered from the Sanskrit, not a published edition — the model flagged this verse as uncertain
PdP 2 125.46
कलौ युगे तु संप्राप्ते प्रथमं हि भविष्यति । भूमिखंडं नरः श्रुत्वासर्वपापैः प्रमुच्यते
kalau yuge tu saṃprāpte prathamaṃ hi bhaviṣyati | bhūmikhaṃḍaṃ naraḥ śrutvāsarvapāpaiḥ pramucyate
But when the Kali age has come, the Bhūmi-khaṇḍa will be the first (to be lost); a man, having heard it, is released from all sins.
AI translation rendered from the Sanskrit, not a published edition — the model flagged this verse as uncertain
PdP 2 125.47
मुच्यते सर्वदुःखेभ्यः सर्वरोगैः प्रमुच्यते । अन्यत्सर्वं परित्यज्य जपं दानं तथा श्रुतम्
mucyate sarvaduḥkhebhyaḥ sarvarogaiḥ pramucyate | anyatsarvaṃ parityajya japaṃ dānaṃ tathā śrutam
He is freed from all sorrows, he is released from all diseases. Abandoning everything else — muttered recitation, giving, and likewise learning —
AI translation rendered from the Sanskrit, not a published edition
PdP 2 125.48
श्रोतव्यं हि प्रयत्नेन पद्माख्यं पापनाशनम् । प्रथमं सृष्टिखंडं तु द्वितीयं भूमिखंडकम्
śrotavyaṃ hi prayatnena padmākhyaṃ pāpanāśanam | prathamaṃ sṛṣṭikhaṃḍaṃ tu dvitīyaṃ bhūmikhaṃḍakam
one should indeed listen with effort to (the Purāṇa) named Padma, the destroyer of sin. The first is the Sṛṣṭi-khaṇḍa, the second the Bhūmi-khaṇḍa,
AI translation rendered from the Sanskrit, not a published edition
PdP 2 125.49
तृतीयं स्वर्गखंडं च पातालं तु चतुर्थकम् । पंचमं चोत्तरं खंडं सर्वपापप्रणाशनम्
tṛtīyaṃ svargakhaṃḍaṃ ca pātālaṃ tu caturthakam | paṃcamaṃ cottaraṃ khaṃḍaṃ sarvapāpapraṇāśanam
the third the Svarga-khaṇḍa, and the fourth the Pātāla, and the fifth the Uttara-khaṇḍa, which destroys all sins.
AI translation rendered from the Sanskrit, not a published edition
PdP 2 125.50
यः शृणोति नरो भक्त्या पंचखंडान्यनुक्रमात् । गोप्रदानसहस्रस्य मानवो लभते फलम्
yaḥ śṛṇoti naro bhaktyā paṃcakhaṃḍānyanukramāt | gopradānasahasrasya mānavo labhate phalam
The man who listens with devotion to the five khaṇḍas in order obtains the fruit of a thousand gifts of cows.
AI translation rendered from the Sanskrit, not a published edition
PdP 2 125.51
महाभाग्येन लभ्यंते पंचखंडानि भूसुराः । श्रुतानि मोक्षदानि स्युः सत्यं सत्यं न संशयः
mahābhāgyena labhyaṃte paṃcakhaṃḍāni bhūsurāḥ | śrutāni mokṣadāni syuḥ satyaṃ satyaṃ na saṃśayaḥ
By great good fortune are the five khaṇḍas obtained, O brahmins; heard, they are givers of liberation — truly, truly, there is no doubt.
AI translation rendered from the Sanskrit, not a published edition