Padma Purana — Bhumi Khanda — Chapter 121

PdP 2 121.1

कामोदोवाच- न विदुर्देवताः सर्वा यस्यांतं रूपमेव च । यस्मिल्लीँनस्तु सर्वोयं स चैकात्मा प्रकथ्यते

kāmodovāca- na vidurdevatāḥ sarvā yasyāṃtaṃ rūpameva ca | yasmillī~nastu sarvoyaṃ sa caikātmā prakathyate

Kāmodā said: All the gods do not know his limit, nor his form; he in whom all this is merged is declared to be the one Self;

AI translation rendered from the Sanskrit, not a published edition

PdP 2 121.2

यस्या मायाप्रपंचस्तु संसारः शृणु नारद । कस्मात्प्रयाति संसारं मम स्वामी जगत्पतिः

yasyā māyāprapaṃcastu saṃsāraḥ śṛṇu nārada | kasmātprayāti saṃsāraṃ mama svāmī jagatpatiḥ

whose māyā-expansion is this round of rebirth—listen, Nārada: why does my lord, the lord of the world, enter the round of rebirth?

AI translation rendered from the Sanskrit, not a published edition

PdP 2 121.3

पापैश्चापि सुपुण्यैश्च नरोबद्धस्तु कर्मभिः । संसारं सरते विप्र हरिः कस्माद्व्रजेद्वद

pāpaiścāpi supuṇyaiśca narobaddhastu karmabhiḥ | saṃsāraṃ sarate vipra hariḥ kasmādvrajedvada

A man, bound by deeds both sinful and richly meritorious, moves through the round of rebirth; but why should Hari go there, O brahmin? Tell (me).

AI translation rendered from the Sanskrit, not a published edition

PdP 2 121.4

नारद उवाच- शृणु देवि प्रवक्ष्यामि यत्कृतं तेन चक्रिणा । भृगोरग्रे प्रतिज्ञातं यज्ञरक्षां करोम्यहम्

nārada uvāca- śṛṇu devi pravakṣyāmi yatkṛtaṃ tena cakriṇā | bhṛgoragre pratijñātaṃ yajñarakṣāṃ karomyaham

Nārada said: Listen, goddess, I shall declare what was done by that bearer of the discus. Before Bhṛgu he had promised: "I shall undertake the protection of the sacrifice."

AI translation rendered from the Sanskrit, not a published edition

PdP 2 121.5

इंद्रस्य वचनात्सद्यो गतोऽसौ दानवैः सह । योद्धुं विहाय गोविंदो भृगोश्चैव मखोत्तमम्

iṃdrasya vacanātsadyo gato'sau dānavaiḥ saha | yoddhuṃ vihāya goviṃdo bhṛgoścaiva makhottamam

At Indra's word he went off at once to fight with the dānavas — Govinda, abandoning Bhṛgu's excellent sacrifice.

AI translation rendered from the Sanskrit, not a published edition

PdP 2 121.6

मखं त्यक्त्वा गते देवे पश्चात्तैर्दानवोत्तमैः । आगत्य ध्वंसितः सर्वः स यज्ञः पापचेतनैः

makhaṃ tyaktvā gate deve paścāttairdānavottamaiḥ | āgatya dhvaṃsitaḥ sarvaḥ sa yajñaḥ pāpacetanaiḥ

When the god had abandoned the sacrifice and gone, afterwards those foremost dānavas, of sinful mind, came and destroyed that whole sacrifice.

AI translation rendered from the Sanskrit, not a published edition

PdP 2 121.7

हरिं क्रुद्धः स योगींद्रः शशाप भृगुरेव तम् । दशजन्मानि भुंक्ष्व त्वं मच्छापकलुषीकृतः

hariṃ kruddhaḥ sa yogīṃdraḥ śaśāpa bhṛgureva tam | daśajanmāni bhuṃkṣva tvaṃ macchāpakaluṣīkṛtaḥ

Angered, that lord of yogins, Bhṛgu himself, cursed Hari: "Undergo ten births, defiled by my curse!"

AI translation rendered from the Sanskrit, not a published edition

PdP 2 121.8

कर्मणः स्वस्य संभोगं संभोक्ष्यति जनार्दनः । तन्निमित्तं त्वया देवि दुःस्वप्नः परिवीक्षितः

karmaṇaḥ svasya saṃbhogaṃ saṃbhokṣyati janārdanaḥ | tannimittaṃ tvayā devi duḥsvapnaḥ parivīkṣitaḥ

Janārdana will undergo the full experience of his own deed; on that account, O goddess, this bad dream has been seen by you.

AI translation rendered from the Sanskrit, not a published edition

PdP 2 121.9

इत्युक्त्वा तां गतो विप्रो ब्रह्मलोकं स नारदः । कृष्णस्यापि सुदुःखेन दुःखिता साभवत्तदा

ityuktvā tāṃ gato vipro brahmalokaṃ sa nāradaḥ | kṛṣṇasyāpi suduḥkhena duḥkhitā sābhavattadā

Having said this to her, the brahmin Nārada went to Brahmā's world; and she then became grieved at Kṛṣṇa's great suffering too.

AI translation rendered from the Sanskrit, not a published edition

PdP 2 121.10

रुरोद करुणं बाला हाहेति वदती मुहुः । गङ्गातीरोपविष्टा सा जलांते शृणु नन्दन

ruroda karuṇaṃ bālā hāheti vadatī muhuḥ | gaṅgātīropaviṣṭā sā jalāṃte śṛṇu nandana

The girl wept pitiably, crying "Alas! Alas!" again and again; seated on the bank of the Gaṅgā, at the water's edge — hear, O son.

AI translation rendered from the Sanskrit, not a published edition

PdP 2 121.11

सुनेत्राभ्यां तथाश्रूणि दुःखेनापि प्रमुंचति । तान्यश्रूणि प्रमुक्तानि गंगातोये पतंत्यपि

sunetrābhyāṃ tathāśrūṇi duḥkhenāpi pramuṃcati | tānyaśrūṇi pramuktāni gaṃgātoye pataṃtyapi

And from her lovely eyes she let fall tears out of grief; and those tears, released, fell into the Gaṅgā's water.

AI translation rendered from the Sanskrit, not a published edition

PdP 2 121.12

जले चैव निमज्जंति तस्याश्चाप्यश्रुबिंदवः । संभवंति पुनस्तात पद्मरूपाणि तानि च

jale caiva nimajjaṃti tasyāścāpyaśrubiṃdavaḥ | saṃbhavaṃti punastāta padmarūpāṇi tāni ca

And her teardrops sank into the water, and then, my son, they came into being again in the form of lotuses.

AI translation rendered from the Sanskrit, not a published edition

PdP 2 121.13

गंगातोये प्रफुल्लानि वाहितानि प्रयांति वै । ददृशे दानवश्रेष्ठो विष्णुमायाप्रमोहितः

gaṃgātoye praphullāni vāhitāni prayāṃti vai | dadṛśe dānavaśreṣṭho viṣṇumāyāpramohitaḥ

Blossoming in the Gaṅgā's water, they were carried along by the current; the foremost of the dānavas, deluded by Viṣṇu's magic, saw them.

AI translation rendered from the Sanskrit, not a published edition

PdP 2 121.14

दुःखजानि न जानाति मुनिना कथितान्यपि । हर्षेण महताविष्टः परिजग्राह सोऽसुरः

duḥkhajāni na jānāti muninā kathitānyapi | harṣeṇa mahatāviṣṭaḥ parijagrāha so'suraḥ

He did not know that they were born of grief, though it had been told by the sage; filled with great delight, that asura gathered them up.

AI translation rendered from the Sanskrit, not a published edition

PdP 2 121.15

पद्मैस्तु पुष्पितैः सोपि पूजयेद्गिरिजाप्रियम् । सप्तकोटिभिर्दैत्येंद्रो विष्णुमायाप्रमोहितः

padmaistu puṣpitaiḥ sopi pūjayedgirijāpriyam | saptakoṭibhirdaityeṃdro viṣṇumāyāpramohitaḥ

And with those blossomed lotuses he would worship the beloved of the mountain-born (Pārvatī) — the lord of the Daityas, with seven crores (of them), deluded by Viṣṇu's magic.

AI translation rendered from the Sanskrit, not a published edition

PdP 2 121.16

अथ क्रुद्धा जगद्धात्री शंकरं वाक्यमब्रवीत् । पश्यैतस्य विकर्म त्वं दानवस्य महामते

atha kruddhā jagaddhātrī śaṃkaraṃ vākyamabravīt | paśyaitasya vikarma tvaṃ dānavasya mahāmate

Then the mother of the world, angered, spoke these words to Śaṃkara: "Look, O great-minded one, at this dānava's wrongful act!"

AI translation rendered from the Sanskrit, not a published edition

PdP 2 121.17

शोकोत्पन्नानि पद्मानि गंगातोयगतानि वै । अयमेष प्रगृह्णाति कामाकुलितचेतनः

śokotpannāni padmāni gaṃgātoyagatāni vai | ayameṣa pragṛhṇāti kāmākulitacetanaḥ

"The lotuses that arose from sorrow and went into the Gaṅgā's water — this very one, his mind agitated by desire, takes them up,"

AI translation rendered from the Sanskrit, not a published edition

PdP 2 121.18

पूजयेच्चापि दुष्टात्मा शोकसंतापकारकैः । दुःखजैः शोकजैः पुष्पैस्तैः सुश्रेयः कथं भवेत्

pūjayeccāpi duṣṭātmā śokasaṃtāpakārakaiḥ | duḥkhajaiḥ śokajaiḥ puṣpaistaiḥ suśreyaḥ kathaṃ bhavet

"and the evil-souled one would worship (you) with (flowers) that cause sorrow and torment; with those flowers born of pain and born of grief, how can there be any true good?"

AI translation rendered from the Sanskrit, not a published edition

PdP 2 121.19

यादृशेनापि भावेन मामेव परिपूजयेत् । तादृशेनापि भावेन अस्य सिद्धिर्भविष्यति

yādṛśenāpi bhāvena māmeva paripūjayet | tādṛśenāpi bhāvena asya siddhirbhaviṣyati

"With whatever disposition one worships me, with just that disposition will his attainment come about."

AI translation rendered from the Sanskrit, not a published edition

PdP 2 121.20

सत्यध्यानविहीनोयं कामोदा न्यस्तमानसः । संजातः पापचारित्रो जहि देवि स्वतेजसा

satyadhyānavihīnoyaṃ kāmodā nyastamānasaḥ | saṃjātaḥ pāpacāritro jahi devi svatejasā

"This one is devoid of meditation on truth, his mind set on the giving of desire; he has turned out to be of sinful conduct. Slay him, O goddess, by your own fiery power."

AI translation rendered from the Sanskrit, not a published edition — the model flagged this verse as uncertain

PdP 2 121.21

एवमाकर्ण्य तद्वाक्यं शंभोश्चैव महात्मनः । अस्यैव संक्षयं शंभो करिष्ये तव शासनात्

evamākarṇya tadvākyaṃ śaṃbhoścaiva mahātmanaḥ | asyaiva saṃkṣayaṃ śaṃbho kariṣye tava śāsanāt

Having heard those words of the great-souled Śambhu thus: "I shall bring about the destruction of this very one, O Śambhu, at your command."

AI translation rendered from the Sanskrit, not a published edition

PdP 2 121.22

एवमुक्त्वा ततो देवी तस्यापि वधकांक्षया । वर्त्तते हि विहुंडस्य वधोपायं व्यचिंतयत्

evamuktvā tato devī tasyāpi vadhakāṃkṣayā | varttate hi vihuṃḍasya vadhopāyaṃ vyaciṃtayat

Having spoken thus, the goddess then, out of a desire to kill him too, pondered a means of killing Vihuṇḍa, who was (thus) acting.

AI translation rendered from the Sanskrit, not a published edition — the model flagged this verse as uncertain

PdP 2 121.23

कृत्वा मायामयं रूपं ब्राह्मणस्य महात्मनः । पूजयेच्छंकरं नाथं सुपुष्पैः पारिजातजैः

kṛtvā māyāmayaṃ rūpaṃ brāhmaṇasya mahātmanaḥ | pūjayecchaṃkaraṃ nāthaṃ supuṣpaiḥ pārijātajaiḥ

Assuming an illusory form of a great-souled brahmin, she would worship lord Śaṃkara with fine flowers from the pārijāta tree,

AI translation rendered from the Sanskrit, not a published edition

PdP 2 121.24

समेत्य दानवः पापो दिव्यां पूजां विनाशयेत् । कामाकुलः सुदुःखार्तस्तद्गतो भावतत्परः

sametya dānavaḥ pāpo divyāṃ pūjāṃ vināśayet | kāmākulaḥ suduḥkhārtastadgato bhāvatatparaḥ

(so that) the sinful dānava, coming up, would destroy the divine worship — agitated by desire, sorely afflicted, gone to her, intent on (his) passion.

AI translation rendered from the Sanskrit, not a published edition

PdP 2 121.25

विष्णोश्चैव महामायां पूर्वदृष्टां स दानवः । सस्मार दानवः पापः कामबाणैः प्रपीडितः

viṣṇoścaiva mahāmāyāṃ pūrvadṛṣṭāṃ sa dānavaḥ | sasmāra dānavaḥ pāpaḥ kāmabāṇaiḥ prapīḍitaḥ

And that Dānava remembered the great illusory (woman) of Viṣṇu whom he had seen before — that wicked Dānava, tormented by the arrows of desire.

AI translation rendered from the Sanskrit, not a published edition

PdP 2 121.26

तस्याः स्मरणमात्रेण कंदर्पेण बलीयसा । विरहाकुलदुःखार्तो रोदते हि मुहुर्मुहुः

tasyāḥ smaraṇamātreṇa kaṃdarpeṇa balīyasā | virahākuladuḥkhārto rodate hi muhurmuhuḥ

By the mere remembrance of her, through mighty Kandarpa (Love), stricken with the pain of separation, he weeps again and again.

AI translation rendered from the Sanskrit, not a published edition

PdP 2 121.27

कालाकृष्टः स दुष्टात्मा शोकजातानि तानि सः । परिगृह्य समायातः पूजनार्थी महेश्वरम्

kālākṛṣṭaḥ sa duṣṭātmā śokajātāni tāni saḥ | parigṛhya samāyātaḥ pūjanārthī maheśvaram

Dragged along by fate, that evil-souled one, taking up those (flowers) born of his grief, came, wishing to worship Maheśvara.

AI translation rendered from the Sanskrit, not a published edition

PdP 2 121.28

देव्या कृतां हि पूजां च सुपुष्पैः पारिजातजैः । तां निर्णाश्य सुलोभेन शोकजैः परिपूजयेत्

devyā kṛtāṃ hi pūjāṃ ca supuṣpaiḥ pārijātajaiḥ | tāṃ nirṇāśya sulobhena śokajaiḥ paripūjayet

And the worship performed by the Goddess with fine flowers from the pārijāta tree — destroying that out of great greed, he would worship with (flowers) born of grief.

AI translation rendered from the Sanskrit, not a published edition

PdP 2 121.29

नेत्राभ्यां तस्य दुष्टस्य बिंदवस्तेऽश्रुसंभवाः । अविरलास्ततो वत्स पतंति लिंगमस्तके

netrābhyāṃ tasya duṣṭasya biṃdavaste'śrusaṃbhavāḥ | aviralāstato vatsa pataṃti liṃgamastake

From the two eyes of that wicked one those drops arising from tears fall unceasingly, my child, upon the head of the liṅga.

AI translation rendered from the Sanskrit, not a published edition

PdP 2 121.30

देवी ब्राह्मणरूपेण तमुवाच महामते । को भवान्पूजयेद्देवं शोकाकुलमनाः सदा

devī brāhmaṇarūpeṇa tamuvāca mahāmate | ko bhavānpūjayeddevaṃ śokākulamanāḥ sadā

The Goddess, in the form of a brahmin, said to him, O greatly wise one: "Who are you, that you would worship the god with a mind always distraught with grief?

AI translation rendered from the Sanskrit, not a published edition

PdP 2 121.31

पतंत्यश्रूणि देवस्य मस्तके शोकजानि ते । अपवित्राणि मे ब्रूहि एतमर्थं ममाग्रतः

pataṃtyaśrūṇi devasya mastake śokajāni te | apavitrāṇi me brūhi etamarthaṃ mamāgrataḥ

Those tears of yours born of grief, impure, are falling on the head of the god. Tell me — explain this matter before me."

AI translation rendered from the Sanskrit, not a published edition

PdP 2 121.32

विहुंड उवाच- पूर्वं दृष्टा मया नारी सर्वसौभाग्यसंपदा । सर्वलक्षणसंपन्ना कामस्यायतनं महत्

vihuṃḍa uvāca- pūrvaṃ dṛṣṭā mayā nārī sarvasaubhāgyasaṃpadā | sarvalakṣaṇasaṃpannā kāmasyāyatanaṃ mahat

Vihuṇḍa said: "Formerly a woman was seen by me, (endowed) with the wealth of all good fortune, possessed of every auspicious mark, a great abode of desire.

AI translation rendered from the Sanskrit, not a published edition

PdP 2 121.33

तस्या मोहेन संदग्धः कामेनाकुलतां गतः । तया प्रोक्तं हि संभोगे देहि मे दायमुत्तमम्

tasyā mohena saṃdagdhaḥ kāmenākulatāṃ gataḥ | tayā proktaṃ hi saṃbhoge dehi me dāyamuttamam

Burned up by infatuation for her, I came to distraction through desire. And she said: 'Give me an excellent gift for (our) union:

AI translation rendered from the Sanskrit, not a published edition

PdP 2 121.34

कामोदसंभवैः पुष्पैः पूजयस्व महेश्वरम् । तेषां पुष्पकृतां मालां मम कंठे परिक्षिप

kāmodasaṃbhavaiḥ puṣpaiḥ pūjayasva maheśvaram | teṣāṃ puṣpakṛtāṃ mālāṃ mama kaṃṭhe parikṣipa

worship Maheśvara with flowers arisen from Kāmodā, and cast round my neck the garland made of those flowers.'

AI translation rendered from the Sanskrit, not a published edition

PdP 2 121.35

कोटिभिः सप्तसंख्यातैः पूजयस्व महेश्वरम् । तदर्थं पूजयाम्येव ईश्वरं फलदायकम्

koṭibhiḥ saptasaṃkhyātaiḥ pūjayasva maheśvaram | tadarthaṃ pūjayāmyeva īśvaraṃ phaladāyakam

'Worship Maheśvara with seven crores (of them).' For that reason I do worship the Lord, the giver of fruits,

AI translation rendered from the Sanskrit, not a published edition

PdP 2 121.36

कामोदसंभवैः पुष्पैर्दुर्लभैर्देवदानवैः । श्रीदेव्युवाच- क्व ते भावः क्व ते ध्यानं क्व ते ज्ञानं दुरात्मनः

kāmodasaṃbhavaiḥ puṣpairdurlabhairdevadānavaiḥ | śrīdevyuvāca- kva te bhāvaḥ kva te dhyānaṃ kva te jñānaṃ durātmanaḥ

with flowers arisen from Kāmodā, hard for gods and dānavas to obtain." The blessed Goddess said: "Where is your devotion, where your meditation, where your knowledge, evil-souled one?

AI translation rendered from the Sanskrit, not a published edition

PdP 2 121.37

ईश्वरस्यापि संबंधो नास्ति किंचित्त्वयैव हि । कामोदाया वरं रूपं कीदृशं वद सांप्रतम्

īśvarasyāpi saṃbaṃdho nāsti kiṃcittvayaiva hi | kāmodāyā varaṃ rūpaṃ kīdṛśaṃ vada sāṃpratam

You have no connection whatever even with the Lord. Tell me now what sort is that excellent beauty of Kāmodā,

AI translation rendered from the Sanskrit, not a published edition

PdP 2 121.38

क्व लब्धानि सुपुष्पाणि तस्या हास्योद्भवानि च । विहुंड उवाच- भावं ध्यानं न जानामि न दृष्टा सा मया कदा

kva labdhāni supuṣpāṇi tasyā hāsyodbhavāni ca | vihuṃḍa uvāca- bhāvaṃ dhyānaṃ na jānāmi na dṛṣṭā sā mayā kadā

and where were obtained these fine flowers arising from her laughter?" Vihuṇḍa said: "I know neither devotion nor meditation, nor was she ever seen by me.

AI translation rendered from the Sanskrit, not a published edition

PdP 2 121.39

गंगातोयगतान्येव परिगृह्णामि नित्यशः । तैरहं पूजयाम्येकं शंकरं प्रवदाम्यहम्

gaṃgātoyagatānyeva parigṛhṇāmi nityaśaḥ | tairahaṃ pūjayāmyekaṃ śaṃkaraṃ pravadāmyaham

I daily gather only those (flowers) that have come into the water of the Gaṅgā; with them I worship the one Śaṅkara — so I declare.

AI translation rendered from the Sanskrit, not a published edition

PdP 2 121.40

ममाग्रे कथितं विप्र शुक्रेणापि महात्मना । वचनात्तस्य देवेशमर्चयामि दिनदिने

mamāgre kathitaṃ vipra śukreṇāpi mahātmanā | vacanāttasya deveśamarcayāmi dinadine

It was told before me, O brahmin, by the great-souled Śukra as well; by his word I worship the Lord of gods day after day.

AI translation rendered from the Sanskrit, not a published edition

PdP 2 121.41

एतत्ते सर्वमाख्यातं यच्च पृष्टोस्मि सांप्रतम् । श्रीदेव्युवाच- कामोदारोदनाज्जातैः पुष्पैस्तैर्दुःखसंभवैः

etatte sarvamākhyātaṃ yacca pṛṣṭosmi sāṃpratam | śrīdevyuvāca- kāmodārodanājjātaiḥ puṣpaistairduḥkhasaṃbhavaiḥ

All this has been told to you, what I have now been asked." The blessed Goddess said: "With those flowers born of Kāmodā's weeping, arisen from sorrow,

AI translation rendered from the Sanskrit, not a published edition

PdP 2 121.42

लिंगमर्चयसे दुष्ट प्रभाते नित्यमेव च । यादृशेनापि भावेन पुष्पैश्च यादृशैस्त्वया

liṃgamarcayase duṣṭa prabhāte nityameva ca | yādṛśenāpi bhāvena puṣpaiśca yādṛśaistvayā

you worship the liṅga, wicked one, at dawn and constantly. With whatever sort of devotion, and with whatever sort of flowers, by you

AI translation rendered from the Sanskrit, not a published edition

PdP 2 121.43

अर्चितो देवदेवेशस्तादृशं फलमाप्नुहि । दिव्यपूजां विनाश्यैवं शोकपुष्पैः प्रपूजसि

arcito devadeveśastādṛśaṃ phalamāpnuhi | divyapūjāṃ vināśyaivaṃ śokapuṣpaiḥ prapūjasi

the God of gods has been worshipped — obtain a fruit of that same sort! Destroying the divine worship thus, you worship with flowers of grief.

AI translation rendered from the Sanskrit, not a published edition

PdP 2 121.44

असौ दोषस्तवैवाद्य समुत्पन्नः सुदारुणः । तस्माद्दण्डं प्रदास्यामि भुंक्ष्व स्वकर्मजं फलम्

asau doṣastavaivādya samutpannaḥ sudāruṇaḥ | tasmāddaṇḍaṃ pradāsyāmi bhuṃkṣva svakarmajaṃ phalam

This most terrible fault has today arisen from you alone. Therefore I shall inflict punishment: enjoy the fruit born of your own deed!

AI translation rendered from the Sanskrit, not a published edition

PdP 2 121.45

तस्या वाक्यं समाकर्ण्य कालकृष्टो बभाष ताम् । रे रे दुष्ट दुराचार मम कर्मप्रदूषक

tasyā vākyaṃ samākarṇya kālakṛṣṭo babhāṣa tām | re re duṣṭa durācāra mama karmapradūṣaka

Hearing her words, (the demon,) dragged on by fate, said to her: "Hey, hey, you wicked one, of evil conduct, defiler of my work!"

AI translation rendered from the Sanskrit, not a published edition

PdP 2 121.46

हन्मि त्वामिह खड्गेन अनेनापि न संशयः । इत्युक्त्वा ब्राह्मणं तं स निशितं खड्गमाददे

hanmi tvāmiha khaḍgena anenāpi na saṃśayaḥ | ityuktvā brāhmaṇaṃ taṃ sa niśitaṃ khaḍgamādade

"I shall slay you here and now with this sword — of that there is no doubt." Having said this, he took up a whetted sword against that brahmin.

AI translation rendered from the Sanskrit, not a published edition

PdP 2 121.47

हंतुकामः स दुष्टात्मा अभ्यधावत दानवः । सा देवी विप्ररूपेण संक्रुद्धा परमेश्वरी

haṃtukāmaḥ sa duṣṭātmā abhyadhāvata dānavaḥ | sā devī viprarūpeṇa saṃkruddhā parameśvarī

That evil-souled demon, wishing to kill (him), rushed forward; (but) she, the goddess, the supreme mistress, in the form of a brahmin, was enraged.

AI translation rendered from the Sanskrit, not a published edition

PdP 2 121.48

हन्मि त्वामिह खड्गेन अनेनापि न संशयः । स्वस्थानमागतं दृष्ट्वा हुंकारं विससर्ज ह । तेन हुंकारनादेन पतितो दानवाधमः

hanmi tvāmiha khaḍgena anenāpi na saṃśayaḥ | svasthānamāgataṃ dṛṣṭvā huṃkāraṃ visasarja ha | tena huṃkāranādena patito dānavādhamaḥ

"I shall slay you here with this sword — no doubt of it!" Seeing (him) come to her own place, she uttered a "hum!"; by that sound of "hum" the vilest of demons fell.

AI translation rendered from the Sanskrit, not a published edition — the model flagged this verse as uncertain

PdP 2 121.49

निश्चेष्टः कामरूपेण वज्राहत इवाचलः । पतिते दानवे तस्मिन्सर्वलोकविनाशके

niśceṣṭaḥ kāmarūpeṇa vajrāhata ivācalaḥ | patite dānave tasminsarvalokavināśake

Motionless, (though) able to take any form at will, like a mountain struck by the thunderbolt — when that demon, destroyer of all the worlds, had fallen,

AI translation rendered from the Sanskrit, not a published edition

PdP 2 121.50

लोकाः स्वास्थ्यं गताः सर्वे दुःखतापविवर्जिताः । एतस्मात्कारणाद्वत्स सा स्त्री वै परिदेवति

lokāḥ svāsthyaṃ gatāḥ sarve duḥkhatāpavivarjitāḥ | etasmātkāraṇādvatsa sā strī vai paridevati

all the worlds came to well-being, freed from sorrow and torment. For this reason, my son, that woman indeed laments

AI translation rendered from the Sanskrit, not a published edition

PdP 2 121.51

गंगातीरे वरारोहा दुःखव्याकुलमानसा । एतत्ते सर्वमाख्यातं यत्त्वया परिपृच्छितम्

gaṃgātīre varārohā duḥkhavyākulamānasā | etatte sarvamākhyātaṃ yattvayā paripṛcchitam

on the bank of the Ganges, the fair-hipped one, her mind distraught with grief. All this that you asked about has been told to you.

AI translation rendered from the Sanskrit, not a published edition

PdP 2 121.52

विष्णुरुवाच- एवमुक्त्वा सुपुत्रं तं कुंजलो अंडजेश्वरः । विरराम महाप्राज्ञः किञ्चिन्नोवाच भूपते

viṣṇuruvāca- evamuktvā suputraṃ taṃ kuṃjalo aṃḍajeśvaraḥ | virarāma mahāprājñaḥ kiñcinnovāca bhūpate

Viṣṇu said: Having spoken thus to that good son, Kuñjala, the lord of birds, that greatly wise one, fell silent and said nothing (further), O king.

AI translation rendered from the Sanskrit, not a published edition