Padma Purana — Bhumi Khanda — Chapter 111
PdP 2 111.1
कुंजल उवाच- निर्गच्छमाने समराय वीरे नहुषे हि तस्मिन्सुरराज तुल्ये । सकौतुका मंगलगीतयुक्ताः स्त्रियस्तु सर्वाः परिजग्मुरत्र
kuṃjala uvāca- nirgacchamāne samarāya vīre nahuṣe hi tasminsurarāja tulye | sakautukā maṃgalagītayuktāḥ striyastu sarvāḥ parijagmuratra
Kuṃjala said: When that hero Nahuṣa, equal to the king of the gods, was going forth to battle, all the women, filled with curiosity and joined in auspicious songs, went about there.
AI translation rendered from the Sanskrit, not a published edition
PdP 2 111.2
देवतानां वरा नार्यो रंभाद्यप्सरसस्तथा । किन्नर्यः कौतुकोत्सुक्यो जगुः स्वरेण सत्तम
devatānāṃ varā nāryo raṃbhādyapsarasastathā | kinnaryaḥ kautukotsukyo jaguḥ svareṇa sattama
The foremost women of the gods, the apsarases beginning with Raṃbhā, and the kinnara women, eager with curiosity, sang aloud, O best one.
AI translation rendered from the Sanskrit, not a published edition
PdP 2 111.3
गंधर्वाणां तथा नार्यो रूपालंकारसंयुताः । कौतुकाय गतास्तत्र यत्र राजा स तिष्ठति
gaṃdharvāṇāṃ tathā nāryo rūpālaṃkārasaṃyutāḥ | kautukāya gatāstatra yatra rājā sa tiṣṭhati
So too the women of the gandharvas, adorned with beauty and ornaments, went there out of curiosity, to where that king stood.
AI translation rendered from the Sanskrit, not a published edition
PdP 2 111.4
पुरं महोदयं नाम हुंडस्यापि दुरात्मनः । नंदनोपवनैर्दिव्यैः सर्वत्र समलंकृतम्
puraṃ mahodayaṃ nāma huṃḍasyāpi durātmanaḥ | naṃdanopavanairdivyaiḥ sarvatra samalaṃkṛtam
The city named Mahodaya belonged to the evil-souled Huṃḍa too, adorned everywhere with divine Nandana-like pleasure groves,
AI translation rendered from the Sanskrit, not a published edition
PdP 2 111.5
सप्तकक्षान्वितैर्गेहैः कलशैरुपशोभितः । सपताकैर्महादंडैः शोभमानं पुरोत्तमम्
saptakakṣānvitairgehaiḥ kalaśairupaśobhitaḥ | sapatākairmahādaṃḍaiḥ śobhamānaṃ purottamam
adorned with houses having seven courtyards and with (roof-)pinnacles; that best of cities shone with great flag-poles bearing banners,
AI translation rendered from the Sanskrit, not a published edition
PdP 2 111.6
कैलासशिखराकारैः सोन्नतैर्दिवमास्थितैः । सर्वश्रियान्वितैर्दिव्यैर्भ्राजमानं पुरोत्तमम्
kailāsaśikharākāraiḥ sonnatairdivamāsthitaiḥ | sarvaśriyānvitairdivyairbhrājamānaṃ purottamam
that best of cities gleamed with divine (mansions) shaped like the peaks of Kailāsa, lofty, reaching the sky, endowed with every splendour,
AI translation rendered from the Sanskrit, not a published edition
PdP 2 111.7
वनैश्चोपवनैर्दिव्यैस्तडागैः सागरोपमैः । जलपूर्णैः सुशोभैस्तु पद्मै रक्तोत्पलान्वितैः
vanaiścopavanairdivyaistaḍāgaiḥ sāgaropamaiḥ | jalapūrṇaiḥ suśobhaistu padmai raktotpalānvitaiḥ
with woods and divine pleasure-groves, with ponds like oceans, full of water, very lovely, with lotuses and red water-lilies,
AI translation rendered from the Sanskrit, not a published edition
PdP 2 111.8
प्राकारैश्च महारत्नैरट्टालकशतैरपि । परिखाभिः सुपूर्णाभिर्जलैः स्वच्छैः प्रशोभितम्
prākāraiśca mahāratnairaṭṭālakaśatairapi | parikhābhiḥ supūrṇābhirjalaiḥ svacchaiḥ praśobhitam
and it was made splendid with ramparts of great jewels and with hundreds of watchtowers, and with moats well filled with clear water.
AI translation rendered from the Sanskrit, not a published edition
PdP 2 111.9
अन्यैश्चैव महारत्नैर्गजाश्वैश्च विराजितम् । सुनारीभिः समाकीर्णं पुरुषैश्च महाप्रभैः
anyaiścaiva mahāratnairgajāśvaiśca virājitam | sunārībhiḥ samākīrṇaṃ puruṣaiśca mahāprabhaiḥ
And (it was) resplendent with other great jewels and with elephants and horses, crowded with lovely women and with men of great splendour.
AI translation rendered from the Sanskrit, not a published edition
PdP 2 111.10
नानाप्रभावैर्दिव्यैश्च शोभमानं महोदयम् । राजश्रेष्ठो महावीरो नहुषो ददृशे पुरम्
nānāprabhāvairdivyaiśca śobhamānaṃ mahodayam | rājaśreṣṭho mahāvīro nahuṣo dadṛśe puram
Shining with various divine glories, of great prosperity — such was the city that Nahuṣa, best of kings, the great hero, beheld.
AI translation rendered from the Sanskrit, not a published edition
PdP 2 111.11
पुरप्रांते वनं दिव्यं दिव्यवृक्षैरलंकृतम् । तद्विवेश महावीरो नंदनं हि यथाऽमरः
puraprāṃte vanaṃ divyaṃ divyavṛkṣairalaṃkṛtam | tadviveśa mahāvīro naṃdanaṃ hi yathā'maraḥ
On the outskirts of the city (there was) a divine grove adorned with divine trees; that the great hero entered, as an immortal enters Nandana.
AI translation rendered from the Sanskrit, not a published edition
PdP 2 111.12
रथेन सह धर्मात्मा तेन मातलिना सह । प्रविष्टः स तु राजेंद्रो वनमध्ये सरित्तटे
rathena saha dharmātmā tena mātalinā saha | praviṣṭaḥ sa tu rājeṃdro vanamadhye sarittaṭe
Together with the chariot and with that Mātali, the righteous one, that lord of kings, entered (there), in the midst of the grove on the bank of a river.
AI translation rendered from the Sanskrit, not a published edition
PdP 2 111.13
तत्र ता रूपसंयुक्ता दिव्या नार्यः समागताः । गंधर्वा गीततत्त्वज्ञा जगुर्गीतैर्नृपोत्तमम्
tatra tā rūpasaṃyuktā divyā nāryaḥ samāgatāḥ | gaṃdharvā gītatattvajñā jagurgītairnṛpottamam
There those divine women, endowed with beauty, came together; and the Gandharvas, who know the essence of song, sang to the best of kings with songs.
AI translation rendered from the Sanskrit, not a published edition
PdP 2 111.14
सूताश्च मागधाः सर्वे तं स्तुवंति नृपोत्तमम् । राजानमायुपुत्रं तं भ्राजमानं यथा रविम्
sūtāśca māgadhāḥ sarve taṃ stuvaṃti nṛpottamam | rājānamāyuputraṃ taṃ bhrājamānaṃ yathā ravim
And the bards and panegyrists all praised him, the best of kings, that king, the son of Āyu, blazing like the sun.
AI translation rendered from the Sanskrit, not a published edition
PdP 2 111.15
शुश्राव गीतं मधुरं नहुषः किन्नरेरितम्
śuśrāva gītaṃ madhuraṃ nahuṣaḥ kinnareritam
Nahuṣa heard a sweet song uttered by a Kinnara.
AI translation rendered from the Sanskrit, not a published edition